အခန်း (၁၄၄၅)

သူက နတ်ဧကရာဇ် မဟုတ်တော့ပေ။ ဝမ်ပေါင်လဲ့က မျက်မှောင်ကြုတ်လိုက်၏။ သူအသုံးပြုလိုက်သည့် လဆုတ်ပညာရပ်က အလိုဆန္ဒကြောင့် သက်ရောက်ခံလိုက်ရသေးသည်။ ထိုအရာက လဆုတ်ပညာရပ်၏  အချိန်ပြန်နောက်ဆုတ်သွားမှုအပေါ် သက်ရောက်မှုရှိသွားစေပြီး မှားယွင်းသွားစေသည်။

သူ့ရှေ့တွင်ရှိသည့် မြင်ကွင်းက နမူနာတစ် ခုဖြစ်၏။ နတ်ဧကရာဇ်လက်အောက်တွင်ရှိသည့် တော်လှန်ရေးတို့က သမိုင်းကြောင်းတစ်လျှောက်တွင် အချိန်ကြာမြင့်စွာ ဖြစ်ပျက်ခဲ့ပြီးသား ဖြစ်၏။ သို့သော်လည်း ထိုနေရာတွင်ရှိနေသည့် နတ်ဧကရာဇ်က လိုအင်ဆန္ဒကြောင့် အပြည့်အဝ လွှမ်းမိုးမခံရသင့်သေးပေ။ ထို့ကြောင့် သူက အလွှာသုံးလွှာကို ပိုင်းခြားနိုင်ခဲ့ခြင်း ဖြစ်၏။ သို့သော် ယခုတွင် သူ့ရှေ့တွင်ရှိနေသည့် နတ်ဧကရာဇ်ကမူ မျက်ဝန်းထဲ၌ အမှောင်ထုတို့ ကိန်းအောင်းနေလေ၏။ ထိုအရာက ဝမ်ပေါင်လဲ့အား တစ်ဖက်သူသည် လိုအင်ဆန္ဒ၏ ပြယုဂ်ဖြစ်ကြောင်း သဘောပေါက်သွားစေသည်။

ဝမ်ပေါင်လဲ့ကို စဉ်းစားဖို့ အချိန်မပေးဘဲ လိုအင်ဆန္ဒက ပြုံးလိုက်သည်။ သူက ချက်ချင်းဆိုသလို လက်မြှောက်ကာ ဝမ်ပေါင်လဲ့ကို လက်ညှိုးထိုးလိုက်၏။ ထို့နောက် ချက်ချင်းဆိုသလို သူ့ခန္ဓာကိုယ်မှ အနက်ရောင်မြူခိုးတို့ ထွက်ပေါ်လာကာ အသံကျယ်ကြီးနှင့်အတူ ပျံ့နှံ့လာသည်။ ထိုအရာက ဤနေရာတစ်ခုလုံးကို ပြည့်နှက်သွားသကဲ့သို့ ဖြစ်၏။

ထိုအရာကို မြင်ကာ ဝမ်ပေါင်လဲ့၏ မျက်ဝန်းအထက် အေးစက်စက်အကြည့်တစ်ချက် ဖြတ်ပြေးသွားလေသည်။ သူက သူ့လဆုတ်ပညာရပ် သက်ရောက်ခံရကြောင်း သိပြီးသည့်နောက်တွင် သူက အတော်လေး မလှုပ်သာသည့် အနေအထားသို့ ကျရောက်နေကြောင်း ကောင်းကောင်းသိထားသည်။ နတ်ဧကရာဇ်က ယခု အင်မတန် အားကောင်းနေပြီး ယခင် မြင်တွေ့ဖူးသည်ထက်ပင် ပိုမိုအားကောင်းလေ၏။

ထို့ကြောင့် စစ်သူကြီး ၁၀၈ယောက် သက်ရောက်ခံလိုက်ရသည်နှင့် သူ့အတွက် လိုအင်ဆန္ဒကို နှိမ်နှင်းဖို့   မျှော်လင့်ချက် မရှိတော့ပေ။

ထို့ကြောင့် နောက်အခိုက်အတန့်လေး၌ အနက်ရောင်မြူခိုးများ ပျံ့နှံ့လာသည့်အချိန် ဝမ်ပေါင်လဲ့၏ ခန္ဓာကိုယ်က ကိုယ်ပွားတစ်ရာကျော်အဖြစ် ကွဲထွက်သွားပြီး ဝဲကတော့ထဲရှိ စစ်သူကြီးများထံ ဦးတည်လိုက်သည်။ သူတို့များဖြင့် ပေါင်းစည်းပြီးသည့်နောက်တွင် စစ်သူကြီးများ၏ မျက်ဝန်းတစ်ရာကျော်က ချက်ချင်းဆိုသလို တောက်ပလာလေ၏။

သူတို့က ယခင်ထက်ပိုမို အသက်ဝင်လာဟန်ပေါ်သည်။ သူတို့က ယခင်က ပြန့်ကျဲနေကြသော်လည်း တစ်စုတစ်စည်းတည်း ဖြစ်သွားသကဲ့သို့ ဖြစ်၏။

သူတို့က အနက်ရောင်မြူခိုးဆီ ဦးတည်လိုက်သည်။ ထိုအခိုက်တန့်၌ လေထုထဲ အသံကျယ်ကြီး ထွက်ပေါ်လာလေ၏။

ဤသည်က ထူးကဲသည့် တိုက်ပွဲတစ်ခု ဖြစ်၏။ တခြားတစ်ဖက်က လိုအင်ဆန္ဒ တစ်ဖြစ်လည်း  နတ်ဧကရာဇ် ဖြစ်ကာ သူမက ထိုခေတ်ကာလမှ နတ်ဧကရာဇ်၏ စွမ်းအားကို ပိုင်ဆိုင်ထားလေသည်။ တခြားတစ်ဖက်တွင် ဝမ်ပေါင်လဲ့၏ နတ်ဘုရားအသိစိတ်က အစကတည်းက ထူးကဲနေသည့် စစ်သူကြီး ၁၀၈ယောက်နှင့် ပေါင်းစည်းထားလေသည်။

 နှစ်ဦးနှစ်ဖက် ထိပ်တိုက်တွေ့ဆုံသည့်အခါ အတော်လေး ပြင်းထန်လှသည်။

အနက်ရောင်မြူခိုးများက စတင်လှုပ်ခတ်လာရင်း လိုအင်ဆန္ဒက ဖြည်းဖြည်းချင်း ထရပ်လိုက်သည်။ သူ့ခြေတစ်လှမ်းဖြင့် တိုက်ပွဲကွင်းပြင်ထဲ ရောက်ရှိလာလေ၏။ သူက ညာဖက်လက်ကိုမြှောက်ကာ အသံအား ဖိနှိပ်လိုက်သည်။ ချက်ချင်းဆိုသလို မိချောင်းဦးခေါင်းရှိသည့် စစ်သူကြီးက နောက်ဆုတ်သွားပြီး ပြိုလဲသွား၏။ သူ့ခန္ဓာကိုယ်နှင့် ဝိညာဉ်က ပျက်သုဉ်းသွားလေသည်။

သူ မသေဆုံးခင် ဝမ်ပေါင်လဲ့၏ နတ်ဘုရားအသိစိတ်က အလျင်အမြန် ပျောက်ကွယ်သွားပြီး တခြားနောက်စစ်သူကြီး၏ ခန္ဓာကိုယ်ထဲ ပေါ်ထွက်လာသည်။

ဤသည်က အဆုံးသတ် မဟုတ်သေးပေ။

နတ်ဧကရာဇ်ထံမှ တိုက်ကွက်အား ထိုတော်လှန်ရေး စစ်သူကြီးများက တစ်ချက်ပင် ခုခံနိုင်မည် မဟုတ်ပေ။ ထိုသူက ရှေ့တစ်လှမ်းတိုးရင်း ပါးစပ်ဟကာ စုပ်ယူလိုက်သည်။ ချက်ချင်းဆိုသလို သူ့ရှေ့ရှိ စစ်သူကြီးသုံးယောက်က မထိန်းနိုင်မသိမ်းနိုင် ခြောက်ကပ်သွားလေသည်။

သူတို့၏ မျက်နှာများက အကြောက်တရားဖြင့် ပြည့်နှက်သွားလေ၏။ သူတို့၏ အဆီအနှစ်၊ ချီနှင့် စိတ်ဝိညာဉ်တို့က လိုအင်ဆန္ဒမှ ပူးကပ်ထားသည့် နတ်ဧကရာဇ်ကြောင့် စုပ်ယူခံထားလိုက်ရသည်။

“မင်းက အတော်လေး အပြေးမြန်တာပဲ” နတ်ဧကရာဇ်က ဝါးမျိုပြီးသည့်နောက်တွင် ရယ်မောလိုက်သည်။ ဤတစ်ကြိမ် သူ ဝါးမျိုလိုက်သည့် စစ်သူကြီးသုံးယောက်က ဝမ်ပေါင်လဲ့၏ နတ်ဘုရားအသိစိတ် ရှိမနေသေးပေ။ ဤသို့သော အရေးကြီးသည့် အခိုက်အတန့်၌ သူတို့က ဝမ်ပေါင်လဲ့က အလျင်အမြန် နောက်ဆုတ်သွားခဲ့သည်။

ဤသို့ဖြင့် တိုက်ပွဲက ဆက်လက် ဖြစ်ပွားနေ၏။ စစ်သူကြီးများက မြူခိုးကို ထိုးဖောက်ကာ နတ်ဧကရာဇ်ဝန်းကျင်တွင် ထွက်ပေါ်လာသည့် သူတို့၏ နတ်ဘုရားစွမ်းရည်များစွာကို ထုတ်လွှတ်နေကြသည်။ ထိုနတ်ဘုရားစွမ်းရည်များက နတ်ဧကရာဇ်အပေါ် ကျရောက်လာသည့်အခါ ရွှံ့နှင့် ပေါက်နေသကဲ့သို့သာ ဖြစ်နေလေ၏။

ဤမြင်ကွင်းက ဝမ်ပေါင်လဲ့၏ ပြန့်ကျဲနေသော အသိစိတ်တိုင်းကို တုန်ယင်သွားစေသည်။

နတ်ဧကရာဇ်၏ လှောင်ပြောင်ရယ်မောသံက လေထုထဲ ပဲ့တင်ထွက်လာလေ၏။ သူက ညာဖက်လက်ကို မြှောက်ကာ ဆွဲယူသည့်အမူအရာ ပြုလုပ်လိုက်သည်။ ချက်ချင်းဆိုသလို အာကာပြင်ပတ်ဝန်းကျင် တစ်ခုလုံးက ပျက်ယွင်းသွားပြီး မူလစကြဝဠာတာအိုနေရာတစ်ခုလုံးက ဧရာမလက်ကြီး အသွင်ပြောင်းလဲသွားကာ စစ်သူကြီးအားလုံးကို ဖိနှိပ်ထားလိုက်သည်။

ဤသို့သော အရေးကြီးသည့်အခိုက်အတန့်၌ ဝမ်ပေါင်လဲ့၏ အသိစိတ်က အစွန်းရောက်တာအို ၈ပါး၏ ခြောက်ခုမြောက် တာအိုကို ထုတ်လွှတ်လာသည်။

“မရဏတာအို”

ဧရာမလက်ကြီးက နီးကပ်လာသည့်အချိန် မရဏတာအိုက ထွက်ပေါ်လာသည်။ အသံကျယ်ကြီးများကိုပင် ကြားလိုက်ရပြီး စစ်သူကြီးအားလုံးက သွေးအိုင်အဖြစ် ပေါက်ကွဲထွက်သွားလေ၏။ သို့သော်လည်း မျက်စိတစ်မှိတ်အတွင်း သူတို့က ဝိညာဉ်များအသွင် ပြောင်းလဲကာ ပြန်လည်ပေါ်ထွက်လာပြီး စတင်တိုက်ခိုက်ကြသည်။

ထိုသို့ဆိုလျှင်ပင် ဝမ်ပေါင်လဲ့က ဤတစ်ကြိမ် အနိုင်ရရှိဖို့ အင်မတန်ခက်ခဲကြောင်း နားလည်ထားလေ၏။ ထို့ကြောင့် သူ့အကြည့်ထံ အေးစက်စက် အလင်းတစ်ချက် ဖြတ်ပြေးသွားသည်။

နတ်ဧကရာဇ်၏ လှောင်ပြောင်ရယ်မောသံက ပိုမိုကျယ်လောင်လာပြီး ပြန့်ကျဲနေသည့် နတ်ဘုရားအသိစိတ်တို့က ချက်ချင်းဆိုသလို ပေါ်ထွက်လာသည်။

စစ်သူကြီးအားလုံးက သေသည်ဖြစ်စေ၊ ရှင်သည်ဖြစ်စေ လက်နှစ်ဖက်ဖြင့် ဟန်ပန်တချို့ကို ပြုလုပ်နေကြသည်။

“လဆုတ်ပညာရပ်”

သူက ဤတစ်ကြိမ် မတတ်နိုင်သောကြောင့် အချိန်ထပ်မံ ပြောင်းလဲရမည်။ ဝမ်ပေါင်လဲ့၏ အသိစိတ်ထိန်းချုပ်မှုအောက်တွင် စစ်သူကြီးများက စွမ်းအားဖြင့် ပေါက်ထွက်လာသည်။ အချိန်မြစ်ကြောင်းက အသံကျယ်ကြီးနှင့်အတူ ကျဆင်းလာပြီး စကြဝဠာကြီးထဲ အလျင်အမြန် လှည့်ပတ်ကာ အရာအားလုံးကို ဝေဝါးသွားပြီး အမှောင်ထုထဲ ဆွဲသွင်းသွား၏။

ခေတ္တမျှ ကြာမြင့်ပြီးသည့်နောက်တွင် အရာအားလုံးက ပုံမှန် ပြန်ဖြစ်သွားလေသည်။ မူလစကြဝဠာတာအိုနေရာက ရှိနေဆဲဖြစ်ကာ ဝဲကတော့ကလည်း ရှိနေဆဲဖြစ်၏။ နတ်ဧကရာဇ်၏ ပုံရိပ်ကလည်း ရှိနေဆဲ ဖြစ်သော်လည်း စစ်သူကြီး ၁၀၈ယောက်က သူ့ဝန်းကျင်တွင် တင်ပျဉ်ခွေကာ ထိုင်နေကြသည်။ တော်လှန်မည့် အရိပ်အယောင်ဟူ၍ မရှိပေ။

အနက်ရောင်သစ်သားဆူးချွန်ကလည်း ဧကရာဇ်၏ မျက်ခုံးကြားတွင် ရှိမနေပေ။

သို့သော်လည်း သူတို့အထက် ကြယ်တာရာကောင်းကင်အစွန်းတွင် မိုးကြိုးများက တောက်ပနေလျက် ရှိ၏။

တင်ပျဉ်ခွေထိုင်နေသည့် နတ်ဧကရာဇ်က မျက်လုံးဖွင့်လာခဲ့သည်။ သူ့မျက်ဝန်းက မဲမှောင်နေဆဲသာ ဖြစ်၏။  နတ်ဧကရာဇ်က ထိုအခိုက်အတန့်ကတည်းက  လိုအင်ဆန္ဒ သက်ရောက်ခံနေရဟန်ပေါ်သည်။

သို့သော်လည်း ဤတစ်ကြိမ် သူက ရှေ့ကို ကြည့်နေခြင်း မရှိဘဲ ကြယ်တာရာကောင်းကင်ကြီး၏ အစွန်းကို ကြည့်နေခြင်း ဖြစ်၏။ သူ့အမူအရာက ယခင်ကဲ့သို့ လှောင်ပြောင်မှုမျိုး မရှိတော့ပေ။ ထိုအစား အင်မတန် လေးနက်လာလေ၏။

“သူက ဒီလိုအချိန်မျိုးကို ရွေးချယ်လိမ့်မယ်လို့ ထင်မထားဘူး”

ဤတစ်ကြိမ်ကမူ နတ်ဧကရာဇ်က သစ်သားစမ်းသပ်ချက်ကို ဆွဲဆောင်မိတော့မည့်အချိန် ဖြစ်၏။ ကြယ်တာရာကောင်းကင်အဆုံးတွင် ဝမ်ပေါင်လဲ့၏ အရှိန်အဝါက ရူးသွပ်မှုဖြင့် ပြည့်နှက်နေသည်။

ဤတစ်ကြိမ် သူက သူ့တကယ့်အသွင်အဖြစ် ပြောင်းလဲလိုက်သည်။ ပို၍အရေးကြီးသည်က သစ်သားစမ်းသပ်ချက် ဖြစ်၏။

နောက်အခိုက်အတန့်လေး၌ မုန်တိုင်းတစ်ခုက အစပျိုးလာခဲ့သည်။ အသံကျယ်ကြီးနှင့်အတူ ထွက်ပေါ်လာပြီး စကြဝဠာကြီး၏ အလိုဆန္ဒပင် အော်ဟစ်နေဟန်ပေါ်သည်။ အဆုံးမဲ့လျှပ်စီးမိုးကြိုးများက ပျံ့နှံ့လာပြီး ဧရာမအနက်ရောင် သစ်သားဆူးချွန်က ကြယ်တာရာအစွန်းမှ ထွက်ပေါ်လာလေ၏။

ထိုအရာ ပေါ်ထွက်လာသည့်အခါ မဖော်ပြနိုင်ဖွယ်အရာတို့က ကြယ်တာရာကောင်းကင်ကို လွှမ်းခြုံသွားပြီး နတ်ဧကရာဇ်ကို ပစ်မှတ်ထားလိုက်သည်။

နတ်ဧကရာဇ်၏ အမူအရာကလည်း ပျက်ယွင်းသွားလေ၏။ ဝမ်ပေါင်လဲ့၏ နတ်ဘုရားအသိစိတ်က လှုပ်ရှားကာ အနက်ရောင်သစ်သားဆူးချွန်ကို ကျဆင်းစေလိုက်သည်။

ဤသည်က မြန်ဆန်လွန်းလှ၏။ ထိုအရာက ကြယ်တာရာကောင်းကင်ကြီးကို ထိုးဖောက်ကာ အနက်ရောင်သစ်သားဆူးချွန်က အလျင်အမြန် တိုးဝင်သွားလေသည်။

နတ်ဧကရာဇ်က အော်ဟစ်ရင်းဖြင့် အနက်ရောင်မြူခိုးများစွာ ထုတ်လွှတ်လာသည်။ ဝမ်ပေါင်လဲ့၏ နတ်ဘုရားအသိစိတ်ကို သယ်ဆောင်ထားသည့် အနက်ရောင်သစ်သားဆူးချွန်က မြူခိုးများကို ထိုးဖောက်ကာ နတ်ဧကရာဇ်၏ နဖူးထဲ ထိုးစိုက်ကျရောက်လာသည်။

ဤသို့ဖြင့် ဆူးချွန်က ရက်ရက်စက်စက် နဖူးကြား စိုက်ဝင်သွားခဲ့သည်။