အခန်း (၁၃၆၂)

ဟန်မူယဲ့က ဟယ်ရန်စွန်းကို ပြန်မြင်ရသောအခါ သူ၏ အရှိန်အဝါက အလွန်လေးနက်နေသည်။

သူက မြို့ကြီးတစ်မြို့ကို ထိန်းချုပ်ပြီး ကုန်သွယ်ရေးမြို့အဖြစ် ပြောင်းလဲခဲ့သည်။

ဟယ်ရန်စွန်းမှာ သတ္တိရှိသည်။ သူက တာဝန်ယူနိုင်ပြီး ရဲတင်းသည်။

ယခုအချိန်တွင် ဟယ်ရန်စွန်းသည် ယခင်နှင့် မတူတော့ပေ။

သူက လေဟာနယ်မြို့တွင် အလွန်နာမည်ကြီးသည်။ မရေမတွက်နိုင်သော ကျွမ်းကျင်သူများက ထျန်ရှန်းမြို့၏ မြို့သခင်ကို တွေ့ချင်သော်လည်း မတွေ့နိုင်ကြပေ။

“ဆရာဟန်၊ ထျန်ရှန်းဒင်္ဂါးက မြို့ရဲ့ ငွေကြေးတစ်ခု ဖြစ်လာနိုင်ပေမဲ့ အားနည်းချက်တွေ ရှိနေတယ်”

ဟန်မူယဲ့၏ရှေ့တွင် ထိုင်နေသော ဟယ်ရန်စွန်းက လေးနက်စွာ ပြောလိုက်သည်။

သူက မြို့၏ အကြောင်းအရာများကို တင်ပြခဲ့သည်။

စံအိမ်ငယ်များ၏ ၇၀%ကို ငှားရမ်းထားခဲ့သည်။

နှစ်စဉ်ငှားရမ်းခသည် စိတ်ကူးမယဉ်နိုင်သော ပမာဏတစ်ခု ဖြစ်သည်။

ထို့အပြင် ထျန်ရှန်းမြို့၏ တစ်ဖက်တွင် အလုပ်ရုံများ ရှိနေသေးသည်။

ထိုအလုပ်ရုံသည် ကျူကျင်းကုန်သွယ်ရေးအဖွဲ့၏ အခြေခံအုတ်မြစ် ဖြစ်သည်။

သူ့စကားကို ကြားရသောအခါ ဟန်မူယဲ့က ခပ်ဟဟရယ်လိုက်ပြီး ပြောသည်။

“အဲဒီထျန်ရှန်းဒင်္ဂါးကို လူတချို့က ထိန်းချုပ်သွားမှာ စိုးရိမ်နေတာမဟုတ်လား”

သူ့စကားကြောင့် ဟယ်ရန်စွန်း၏ မျက်လုံးများက တောက်ပသွားသည်။ သူက ခေါင်းညိတ်လိုက်ပြီး ပြောသည်။

“ဆရာဟန်က အရာအားလုံးကို ထွင်းဖောက်မြင်နိုင်တာပဲ”

ထျန်ရှန်းမြို့တွင် ကူးသန်းရောင်းဝယ်ရန်အတွက် ထျန်ရှန်းဒင်္ဂါးများကို အသုံးပြုကြသည်။

ထိုဒင်္ဂါးများသည် အလွန်တန်ဖိုးကြီးသော်လည်း အကန့်အသတ် ရှိသည်။

အကယ်၍ လူတစ်ယောက်က ထျန်ရှန်းဒင်္ဂါးများ၏ တန်ဖိုးကို တမင်သက်သက် မြှင့်တင်ပြီး ထိန်းချုပ်ထားလျှင် ထျန်ရှန်းမြို့၏ ကုန်သွယ်ရေးလောကကို လွှမ်းမိုးနိုင်လိမ့်မည်။

ထို့ကြောင့် ထျန်ရှန်းမြို့၏ အကျိုးအမြတ်များကို လူနည်းစုက ပိုင်ဆိုင်သွားလိမ့်မည်။ ထျန်ရှန်းဒင်္ဂါးများသည် သူတို့အတွက် ကြွယ်ဝမှုကို စုဆောင်းပေးမည့် လက်နက်တစ်ခု ဖြစ်လာသည်။

ဟယ်ရန်စွန်းက မြို့ထဲတွင်ရှိသော အရောင်းအဝယ်ကို ထိန်းသိမ်းရန် ထျန်ရှန်းဒင်္ဂါးကို အသုံးပြုချင်သည်။ သူ၏ ရည်ရွယ်ချက်က ကောင်းမွန်သည်။

သို့သော် ကြွယ်ဝမှုသည် လူတစ်ယောက်၏ နှလုံးသားကို လှုပ်ရှားစေသည်။

ထျန်ရှန်းမြို့၏ ဈေးကွက်ကို ထိန်းချုပ်ရန် ကြိုးစားနေသောလူများ ရှိလာခဲ့သည်။

ထို့ကြောင့် ဟယ်ရန်စွန်းက စိတ်ဓာတ်ကျနေခဲ့သည်။

“ထျန်ရှန်းဒင်္ဂါးက ဆေးကွက်ထဲကို ရောက်နေပြီ။ ပြန်ဆွဲထုတ်ဖို့ ခက်တယ်”

“လူတချို့က ထျန်ရှန်းဒင်္ဂါးတွေကို တိတ်တဆိတ် စုဆောင်းနေကြပြီ”

ဟယ်ရန်စွန်းက ဟန်မူယဲ့ကို ကြည့်လိုက်ပြီး တီးတိုးပြောသည်။

သူက မြို့ထဲတွင်ရှိသော ကျွမ်းကျင်သူများနှင့် ဆက်သွယ်ထားသည်။

ထျန်ရှန်းမြို့တွင် ကြိုတင်တွက်ချက်နိုင်သော စီးပွားရေးပညာရှင်များ ရှိကြသည်။

ထိုတွက်ချက်မှု၏ ရလဒ်သည် ထိတ်လန့်စရာကောင်းသည်။

အကယ်၍ ထျန်ရှန်းဒင်္ဂါးများကို ရည်ရွယ်ချက်ဖြင့် တစ်ယောက်ယောက်က ထိန်းချုပ်ထားလျှင် ထျန်ရှန်းမြို့သည် ဈေးကွက်ကို လွှမ်းမိုးနိုင်တော့မည်မဟုတ်ပေ။

နှစ်စဉ်နှစ်တိုင်း ရန်ပုံငွေပြန်ထည့်ပေးရလိမ့်မည်။

ထို့အပြင် ထျန်ရှန်းဒင်္ဂါးကို ထိန်းချုပ်ထားသော အင်အားစုက ဈေးနှုန်းကို ဆုံးဖြတ်နိုင်လိမ့်မည်။

ထိုအရာသည် အစစ်အမှန်ကြွယ်ဝမှု ဖြစ်သည်။

မရေမတွက်နိုင်‌သော အင်အားစုများကို တစ်ခါတည်း ရိတ်သိမ်းနိုင်လိမ့်မည်။

သို့သော် အများအပြား လှုပ်ရှားနေရန် မလိုအပ်ပေ။ ထျန်ရှန်းဒင်္ဂါးမှတစ်ဆင့် ပိုလျှံလာသော အကျိုးအမြတ်တချို့ကို ဖြတ်ယူလိုက်ရုံဖြင့် စိတ်ကူးမယဉ်နိုင်သော အကျိုးအမြတ်ကို ရလိမ့်မည်။

ထိုဖြစ်ရပ်ကို အပြင်လူများက သတိထားမိရန် ခက်ခဲလိမ့်မည်။

“မင်းစိုးရိမ်နေတာ ဖြစ်သင့်ပါတယ်”

ဟန်မူယဲ့က ခေါင်းညိတ်သည်။

သူက စံအိမ်၏အပြင်ဘက်သို့ ကြည့်လိုက်သည်။ သန်းချီသော ကျင့်ကြံသူများနှင့် အဆုံးမရှိသော စံအိမ်ငယ်များကို မြင်နိုင်သည်။

“အဲဒီလိုမျိုး ဖြစ်လာရင် မင်းရဲ့အထောက်အထားက ပေါ်ထွက်သွားလိမ့်မယ်။ ပြီးတော့ သူတို့က မင်းကို ထိန်းချုပ်နိုင်သွားလိမ့်မယ်”

“ဒါမှမဟုတ် သူတို့က မင်းနဲ့ ဒီမြို့ကို တစ်ပိုင်းတစ်စစီဖြစ်သွားအောင် ဆွဲဖြဲလိမ့်မယ်”

ဟန်မူယဲ့က တီးတိုးပြောလိုက်ပြီး ဟယ်ရန်စွန်းကို ကြည့်သည်။

“အဲဒါကို ဖြေရှင်းဖို့ မခက်ပါဘူး”

“မင်းက ကုန်သိုလှောင်မှုအနာဂတ်အကြောင်း ကြားဖူးလား”

ဟယ်ရန်စွန်းက ကြောင်အစွာ ခေါင်းခါသည်။

ဟန်မူယဲ့က ခေါင်းညိတ်သည်။

“သူတို့က လွတ်လပ်တဲ့ ဈေးကွက်တစ်ခုကို လိုချင်တယ်။ အခုဈေးကွက်က လုံလောက်အောင် မလွတ်လပ်သေးဘူး”

“လူတွေက သတင်းအချက်အလက်ကွာဟမှုကို အခွင့်ကောင်းယူပြီး ချမ်းသာလာကြတယ်။ အဲဒါကြောင့် တခြားလူတွေက အားကျနေကြတယ်”

ဟန်မူယဲ့က ရှင်းပြသည်။

လက်ရှိအချိန်တွင် ထျန်ရှန်းမြို့၏ အရောင်းအဝယ်သည် အလွန်မြင်သာသည်။

အဘယ်ကြောင့်ဆိုသော် မြို့ကြီးများတွင် တိကျသောဈေးနှုန်းတစ်ခုနှင့် ဖောက်သည်များ ရှိကြသည်။ အပြောင်းအလဲ သိပ်မရှိပေ။

ထိုဖြစ်ရပ်သည် နှစ်ဖက်လုံးအတွက် အကျိုးရှိသည်။

မြို့ကြီးများသည် ငွေကြေးကို လျင်မြန်စွာ မရချင်ပေ။ သူတို့က ရေရှည်ရှင်သန်ရန်အတွက် တည်ငြိမ်သော ငွေလမ်းကြောင်းတစ်ခုကိုသာ လိုအပ်သည်။

ထို့ကြောင့် လူအများစုအတွက် အကျိုးအမြတ်ရရန် ခက်ခဲနေသည်။

သို့သော် အခွင့်ကောင်းသမားများသည် သတင်းကွာဟချက်နှင့် အရင်းအမြစ်လိုအပ်ချက်ကို အခွင့်ကောင်းယူပြီး မတူညီသော ဈေးနှုန်းများကို ရရှိကြသည်။

ထျန်ရှန်းဒင်္ဂါးကို ထိန်းချုပ်ချင်သော လူများက ဖြည်းဖြည်းချင်း စုဆောင်းထားလိမ့်မည်။

ထျန်ရှန်းမြို့သည် အလွန်များပြားသော ထျန်ရှန်းဒင်္ဂါးများကို ထုတ်မပေးနိုင်ပေ။

အဘယ်ကြောင့်ဆိုသော် တစ်ဖက်လူများက ဈေးကွက်ကို ထိန်းချုပ်ထားသည်။ အကယ်၍ သူတို့က စုဆောင်ထား‌သော ထျန်ရှန်းဒင်္ဂါးများကို ထုတ်ရောင်းလိုက်လျှင် ဈေးကွက်တစ်ခုလုံး ပြိုကျသွားလိမ့်မည်။

နတ်ဘုရားအဆင့်ကျွမ်းကျင်သူ တစ်သောင်းကျော်ရှိနေသော ကုန်သွယ်ရေးမြို့ကို ပြင်ပအင်အားစုများက မလွှမ်းမိုးနိုင်ကြပေ။ သို့သော် အတွင်းပိုင်းမှ လှိုက်စားလိုက်လျှင် စိတ်ကူးထားသည်ထက် ပိုမိုလွယ်ကူသည်။

“အဲဒါကြောင့် ငါတို့က အနာဂတ်ကုန်ပစ္စည်းနဲ့ ပုံရိပ်ယောင်ဈေးကွက်တစ်ခုကို ဖန်တီးရမယ်”

“အဲဒီလိုဆိုရင် အားမထုတ်ဘဲ အကျိုးအမြတ်လိုချင်တဲ့လူနဲ့ ပြဿနာရှာချင်တဲ့လူတွေက ကြွယ်ဝမှုတွေအားလုံးကို ထျန်ရှန်းမြို့မှာ ထည့်ပြီးသားဖြစ်သွားလိမ့်မယ်”

ဟန်မူယဲ့က ညင်သာစွာ ပြောသည်။

အနာဂတ်ကုန်ပစ္စည်း ....

ဟယ်ရန်စွန်းက နားမလည်ပေ။

သို့သော် ကိစ္စမရှိပေ။

အလွန်ရိုးရှင်းသည်။

အလွန်ရိုးရှင်းသောကြောင့် လမ်းတစ်လျှောက်တွင် အလင်းလွှာတချို့ကို ထည့်သွင်းလိုက်ရုံသာ ဖြစ်သည်။

အလင်းလွှာတွင် စာပိုဒ်များကို ဖော်ပြထားသည်။

“သားရဲတွေရဲ့ တိုက်ခိုက်မှုကြောင့် စန်းလျန်မြို့ရဲ့ ရွှေခရမ်းသစ်သီးတွေ လျော့နည်းသွားတယ်။ ဈေးနှုန်းက ၃၀% တက်လာတယ်။ သုံးနှစ်အတွင်းမှာ ပုံမှန်အတိုင်း ပြန်ဖြစ်သွားမယ်လို့ ခန့်မှန်းရတယ်။ ကြိုတင်မှာယူဖို့ လုပ်နိုင်ပါပြီ”

“ဝူခယ့်မြို့က ရင်းမြစ်သံမဏိမိုင်းတွင်းကို ရှာတွေ့ခဲ့တယ်။ မိုင်းတွင်းက ပေါင်သန်းသုံးရာ ထုတ်ပေးနိုင်မယ်လို့ ခန့်မှန်းထားတယ်။ အဲဒါကြောင့် ရင်းမြစ်သံမဏိတွေက ၂၀% ဈေးကျသွားတယ်။ ရင်းမြစ်သံမဏိတွေကို ထောက်ပံ့ပေးနေတဲ့ မြို့သုံးမြို့က ပမာဏကို လျော့ချမယ်လို့ ခန့်မှန်းရတယ်”

ထိုသတင်းများ ပေါ်ထွက်လာသော အကြောင်းအရင်းကို မည်သူမှ နားမလည်ကြပေ။

နောက်ပိုင်းတွင် တစ်ယောက်ယောက်က ဈေးတက်လာမည့် ကုန်ပစ္စည်းများကို ကြိုတင်ဝယ်ယူခဲ့သည်။

တချို့က စုဆောင်ထားသော ပစ္စည်းများကို ထုတ်ရောင်းသည်။

ချက်ချင်းဆိုသလိုပင် ဈေးကွက်က တိတ်ဆိတ်စွာ ပြောင်းလဲသွားသည်။

ဈေးတက်လာမည့်သတင်းကြောင့် ကုန်ပစ္စည်းများအား စုဆောင်ထားသော လူများသည် ထုတ်ရောင်းရန် သို့မဟုတ် သိမ်းဆည်းထားရန် မဆုံးဖြတ်နိုင်ကြပေ။

ဈေးကျသွားမည့်သတင်း ပေါ်ထွက်လာလျှင် သူတို့က ပိုမိုစိုးရိမ်နေကြသည်။

ထိုသို့ဖြင့် အင်အားစုများ၊ ကျင့်ကြံသူများက ဖြည်းဖြည်းချင်း အရင်းအမြစ်များ၏ အရောင်းအဝယ်ကို အာရုံစိုက်လာကြသည်။

ပုံမှန်အရောင်းအဝယ်ကိုသာ ပြုလုပ်သော အင်အားစုတချို့ကလည်း တခြားအရောင်းအဝယ်များတွင် ပါဝင်လာကြသည်။

မည်သို့ပင်ဖြစ်စေ အကျိုးအမြတ်ရနိုင်သည်။

နှစ်လအတွင်း ထျန်ရှန်းမြို့၏ လူတစ်ယောက်က ကြွယ်ဝသွားသည်။

သူစုဆောင်းထားသော ကုန်ပစ္စည်းများသည် ဖြစ်ရပ်တစ်ခုကြောင့် ဈေးတက်သွားခဲ့သည်။

တချို့က နှစ်ဆယ်ချီ၊ ရာချီအကြာတွင် ပေါ်ထွက်လာမည့် အရင်းအမြစ်များကို ကြိုတင်ဝယ်ယူထားကြသည်။ ထိုမှသာ ပြန်လည်ရောင်းချပြီး အမြတ်ရနိုင်မည်။

သူတို့ ဝယ်ယူထားသော အရင်းအမြစ်များသည် အစစ်အမှန်ဖြစ်သော်လည်း လက်ရှိအချိန်တွင် မရနိုင်သေးပေ။

ထျန်ရှန်းဒင်္ဂါးများသည် အစစ်အမှန်ဖြစ်သော်လည်း တိုက်ရိုက် မသုံးနိုင်ပေ။

လူအများအပြားက ထိုအကြောင်းအရာကို နားမလည်ခင် လူတချို့က ချမ်းသာသွားကြသည်။

ထိုနည်းတူစွာပင် အဓိကအင်အားစုကြီးများက ပူးပေါင်းပြီး အရင်းအမြစ်တချို့၏ ဈေးနှုန်းကို ထိန်းချုပ်ထားလိုက်သည်။

မည်သို့ပင်ဖြစ်စေ ထျန်ရှန်းမြို့သည် ကူးသန်းရောင်းဝယ်ရေးမြို့မှ ကုန်ပစ္စည်းများ၏ဈေးနှုန်းကို ထိန်းချုပ်ထားသောမြို့အဖြစ် ပြောင်းလဲသွားသည်။ ဈေးနှုန်းအတက်အကျများ သိပ်မရှိနိုင်တော့ပေ။

မြို့အများအပြားသည် လက်ရှိအရင်းအမြစ်နှင့် အနာဂတ်တွင် ရရှိလာမည့် အရင်းအမြစ်ကို လဲလှယ်ကြသည်။

သို့သော် အာမခံချက်ကို လိုအပ်သည်။

ထို့အတွက် ထျန်ရှန်းဒင်္ဂါးကို အသုံးပြုသည်။

ထျန်ရှန်းဒင်္ဂါး၏ ပမာဏသည် အရင်းအမြစ်များအပေါ်တွင် မူတည်၍ ပြောင်းလဲသွားသည်။ ထျန်ရှန်းဒင်္ဂါးကို စုဆောင်းပြီး ထိန်းချုပ်ရန် ကြိုးစားနေသော အင်အားစုများက ထိုအကြောင်းကို သိလိုက်ရသောအခါတွင် ကြောင်အသွားသည်။

သူတို့က ပူးပေါင်း၍ ထျန်ရှန်းဒင်္ဂါး၏တန်ဖိုးကို ထိန်းချုပ်ရန် ကြိုးစားခဲ့သည်။

သို့သော် ယခုအချိန်တွင် ဆယ်နှစ်၊ နှစ်တစ်ရာ၊ နှစ်တစ်ထောင်၏ အရင်းအမြစ်များကို ထျန်ရှန်းဒင်္ဂါးဖြင့် တွက်ချက်နေသည်။

သူတို့က ထျန်ရှန်းဒင်္ဂါး၏တန်ဖိုးကို မထိန်းချုပ်နိုင်တော့ပေ။

အကယ်၍ သူတို့၏မြို့များကို အသုံးပြုပြီး ထျန်ရှန်းဒင်္ဂါးကို ရယူခဲ့လျှင်ပင် ရေထဲသို့ပစ်ချလိုက်သော ကျောက်တုံးသဖွယ် နစ်မြုပ်သွားရုံသာ ဖြစ်သည်။

ထျန်ရှန်းမြို၏ ဈေးကွက်သည် သမုဒ္ဒရာတစ်ခု ဖြစ်လာသည်။

ထျန်ရှန်းဒင်္ဂါး၏ ဝယ်ယူနိုင်စွမ်းကို မည်သူမှ မသိနိုင်တော့ပေ။

ထျန်ရှန်းဒင်္ဂါးကို ထိန်းချုပ်မည့်အစား သတင်းအချက်အလက်များကို အာရုံစိုက်ပြီး အရင်းအမြစ်များကို ရောင်းဝယ်လျှင် ပိုကောင်းလိမ့်မည်။

ထျန်ရှန်းဒင်္ဂါးကို ထိန်းချုပ်ရန် ကြိုးစားနေသည့် အဖွဲ့အစည်းက အလိုလျောက် ပြိုကွဲသွားသည်။

အရင်းအမြစ်ကို ထိန်းချုပ်ထားသော အဖွဲ့အစည်းများ ပေါ်ထွက်လာကြသည်။

သူတို့က ဈေးနှုန်းကို တည်ငြိမ်စေချင်သည်။

ထိုအကြောင်းအရာများသည် ဟယ်ရန်စွန်း၏ စားပွဲခုံပေါ်သို့ ရောက်လာကြသည်။

သူက ဟန်မူယဲ့ကိုတွေ့ရန် ထွက်လာသောအခါ တံခါးဝတွင် လွင့်မျောနေသော ခေးအော့က သူ့ကို တားဆီးလိုက်သည်။ ဟန်မူယဲ့က တံခါးပိတ်ကျင့်ကြံနေသည်။

“ကောင်လေးဟန်၊ မင်းက ထျန်ရှန်းဒင်္ဂါးရဲ့ ပြဿနာကို ဖြေရှင်းလိုက်တယ်။ ဒါပေမဲ့ အနာဂတ်မှာ ထျန်ရှန်းမြို့ရဲ့ ဈေးကွက်က ပြိုကျသွားနိုင်တယ်”

ခေးအော့က ညင်သာစွာ ပြောလိုက်သည်။

အနာဂတ်တွင် ဈေးကွက်ပြိုကွဲမှုသည် မကြာခဏ ဖြစ်လာလိမ့်မည်။

ဆုံးရှုံးသွားသောလူများက လောဘကြီးနေသည့်အတွက် ကိုယ့်ကိုယ်ကိုယ်သာ အပြစ်တင်နိုင်မည်။

ထျန်ရှန်းမြို့ကို မည်သူမှ လက်ညှိုးထိုးမည်မဟုတ်ပေ။

ထျန်ရှန်းမြို့သည် သတင်းအချက်အလက်များ အားလုံးကို ထုတ်ပြထားသည်။ ထိုအရာကို မဆုပ်ကိုင်နိုင်လျှင် ကိုယ့်အပြစ်သာဖြစ်သည်။

အကယ်၍ တစ်ယောက်ယောက်က မွဲတေသွားလျှင် တခြားတစ်ယောက်က ချမ်းသာလာလိမ့်မည်။

ထိုအရာသည် ကုန်သွယ်ရေးမြို့၏ ဆွဲဆောင်နိုင်စွမ်း ဖြစ်သည်။

အရင်းအမြစ်များကို ‌ရောင်းဝယ်ရာမှ ကြွယ်ဝမှုကို ရောင်းဝယ်ခြင်းအဖြစ်သို့ ပြောင်းလဲသွားသည်။

အခန်းထဲတွင် ရွှေရောင်ငှက်က ပြတင်းပေါက်မှတစ်ဆင့် အဆုံးမရှိသော စံအိမ်များကို ကြည့်လိုက်ပြီး ပြောသည်။

“ကောင်လေးဟန်၊ ငါတို့ ဒီလမ်းအတိုင်း ဆက်သွားနေရင် လေဟာနယ်မြို့ကြီးတွေက ပိုပြီး ဖရိုဖရဲဖြစ်လာလိမ့်မယ်”

အမှန်ပင်ဖြစ်သည်။ လေဟာနယ်မြို့ကြီးများသည် အရင်းအမြစ်အတွက် တိုက်ခိုက်လာလိမ့်မည်။

အကယ်၍ ရောင်းဝယ်ပြီး မရနိုင်လျှင် လုယက်ရမည်။

“အဲဒါက မကောင်းဘူးလား”

ဝိညာဉ်သတ္တုများ၊ အစိတ်အပိုင်းများနှင့် ဝိုင်းရံနေသော ဟန်မူယဲ့က ပြောသည်။

အနက်ရောင်ချပ်ဝတ်နှင့် နတ်ဘုရားသတ်ဖြတ်ခြင်းရုပ်သေးရုပ်သည် စားပွဲပေါ်တွင် လှဲနေသည်။ ခြင်္သေ့ရိုင်းနှလုံးသားသည် သူ့ဘေးတွင် ရှိနေသည်။

“စကြဝဠာနယ်မြေက အဲဒါကို မြင်ချင်တာပဲလေ”

“ဖရိုဖရဲဖြစ်နေတဲ့ နေရာက ကျွမ်းကျင်သူတွေကို မွေးထုတ်ပေးနိုင်လိမ့်မယ်”

“အဲဒါမှ ပေါင်းစပ်ရုပ်သေးရုပ်၊ ဇီဝရုပ်သေးရုပ်နဲ့ အသစ်ဖန်တီးထားတဲ့ စကြဝဠာတစ်ဝက်အဆင့် ရုပ်သေးရုပ်တွေက အသုံးဝင်လာမယ်”

ဟန်မူယဲ့၏အသံက အလွန်တည်ငြိမ်နေသောကြောင့် ရွှေရောင်ငှက်က အနည်းငယ် မူးဝေသွားသည်။

ဟန်မူယဲ့က ကိုယ်ပိုင်ခွန်အားကို အသုံးပြုပြီး ကျင့်ကြံခြင်းစကြဝဠာတစ်ခု၏ အမွေအနှစ်ကို ပြောင်းလဲနိုင်သည်။