စုလျူရင်၏ လျှို့ဝှက်ချက် (၂)

သြဇာကြီးသော မိသားစုများသည်  စုလျူရင်ကဲ့သို့ ကြီးမြတ်သည့် စွမ်းရည်ရှိသောပါရမီရှင် ရှိကြောင်းကိုလည်း ဝမ်းမြောက်ဝမ်းသာ ဖြစ်ခဲ့ကြသည်။

သို့သော် နောက်ဆက်တွဲ အဖြစ်အပျက်က လူတိုင်းကို ထိတ်လန့်စေသည်။

စုလျူရင်သည် ကျင့်ကြံသူသခင်တစ်ယောက်ဖြစ်လာကာ ကျောင်းမှဘွဲ့ရပြီးနောက် သူမသည် သြဇာကြီးမားသောမိသားစုများမှ ကျွမ်းကျင်သူတစ်ဦး၏ တပည့်မဖြစ်ခဲ့ဘဲ ယုစစ်ယွဲ့နှင့်ပူးပေါင်းကာ သူမ၏အဓိကတပည့်ဖြစ်လာခဲ့သည်။

ပြီးတော့ အကြောင်းပြချက်က လူတော်တော်များများကို ရယ်စရာဖြစ်စေသည်။

စုလျူရင်သည် အစွမ်းထက်သောဓားကို ကျင့်ကြံသူဖြစ်လိုသောကြောင့်ဖြစ်သည်။

နေကိုးစင်းဂိုဏ်းတစ်ခုလုံးတွင် သူမ၏မျက်လုံးကိုဖမ်းစားနိုင်သော တစ်ဦးတည်းသောဓားသမားမှာ ယုစစ်ယွဲ့ဖြစ်သည်။

ဤအဖြစ်အပျက်သည် နေကိုးစင်းဂိုဏ်းတွင် အကြီးအကျယ် ရုတ်ရုတ်သဲသဲ ဖြစ်ခဲ့သည်။

ယုစစ်ယွဲ့၏ ဓားပျံနည်းစနစ်သည် ဂိုဏ်းတွင် အားကောင်းသောကြောင့် ကျော်ကြားသော်လည်း သြဇာရှိသော မိသားစုများတွင် တန်ခိုးကြီးမားသော ဓားပညာရှင် အများအပြားလည်း ရှိသေးသည်။ သူတို့က ယုစစ်ယွဲ့နီးပါးကောင်းသည်။

သြဇာကြီးမားသော မိသားစုများမှ လူအများအပြားသည် စစ်လျူရင်အား ၎င်းတို့၏ ပြိုင်ဘက်များနှင့် ချိတ်ဆက်ခြင်းအပေါ် အလွန်အမင်း မကျေမနပ်ဖြစ်ခဲ့ကြသည်။

စုမိသားစုပင်လျှင် စုလျူရင်နှင့် ပတ်သက်၍ မကျေနပ်ချက်အချို့ရှိခဲ့သည်။

သို့သော် စုလျူရင်သည် ခေါင်းမာပြီး သူမကို မည်သူမျှ မတားနိုင်ပေ။

စုလျူရင်၏ ကျင့်ကြံမှု အဆင့်အတန်း တိုးလာသည်နှင့်အမျှ သြဇာကြီးမားသော မိသားစုများသည် သူမအပေါ် ပို၍ ရန်လိုလာကြသည်။ နောက်ဆုံးတွင် သူတို့သည် သူမအား  ဆရာတပည့်အနွယ်ဝင်တစ်ဦးအဖြစ် လုံးလုံးမြင်ပြီး သူမအား လူသိရှင်ကြား ဖိနှိပ်နေခဲ့သည်။

တစ်ဖက်ပိတ် သြဇာကြီးသော မိသားစုများကို ရင်ဆိုင်တဲ့အခါ စုလျူရင်သည် လုံးဝ လက်တုံ့ပြန်ခြင်း မပြုဘဲ ကျင့်ကြံရန်သာ အာရုံစိုက်ခဲ့သည်။

သြဇာကြီးမားသောမိသားစုများ၏အမြင်တွင် ထိုသို့သောတုံ့ပြန်မှုသည် အလျော့ပေးမှုတစ်ခုအဖြစ် အဓိပ္ပာယ်ဖွင့်ဆိုခဲ့သည်။ ထို့ကြောင့် သူတို့သည် ပို၍ပင် မောက်မာလာကြသည်။

စုလျူရင်သည် မှော်အလင်းအဆင့်သို့ ဖြတ်သွားသည့်နေ့အထိ ဤအခြေအနေသည် ကြာရှည်နေခဲ့သည်။

တစ်နေ့မှာတော့ သူမကို နှိုးဆော်သည့် ကျင့်ကြံသူတွေ၏ ဂူထဲကိုဝင်ပြီး တစ်ယောက်ပြီး တစ်ယောက် သတ်ပစ်ခဲ့သည်။

သြဇာကြီးမားသောမိသားစုများ တုံ့ပြန်သောအခါတွင် သြဇာကြီးသော မိသားစုမှ ကျင့်ကြံသူ ၂၀ သည်စုလျူရင်၏ဓားအောက်တွင် သေဆုံးသွားခဲ့ပြီးဖြစ်သည်။

သူတို့ထဲက တချို့က  မှော်အလင်းအဆင့် သခင်တွေတောင်ပါသည်။

သြဇာကြီးသော မိသားစုများစွာက ကျင့်ကြံပေးခဲ့သော ပါရမီရှင် လူငယ်လေးများပင် ရှိခဲ့သည်။

ဤတိုက်ပွဲအပြီးတွင် သြဇာကြီးမားသော မိသားစုများအနေနဲ့ ဆုံးရှုံးမှုများစွာ ခံစားခဲ့ရသည်။

သြဇာကြီးသော မိသားစုများသည် ဒေါသတကြီးနှင့် အိမ်တော်သန့်ရှင်းရေးလုပ်ရန် ခြိမ်းခြောက်ကြသည်။

တပည့်တစ်ဦးကို သတ်ဖြတ်ခြင်းသည် မည်သည့်ဂိုဏ်းတွင်မဆို ခွင့်မလွှတ်နိုင်သော ရာဇ၀တ်မှုတစ်ခုဖြစ်သည်။ ဆရာ တပည့်မျိုးရိုးသည် စုလျူရင်ကို ကာကွယ်ရန် ဘာမှမတတ်နိုင်ပေ။

ဤကိစ္စသည် နောက်ဆုံးတွင် ဂိုဏ်းအကြီးအကဲထံရောက်သွားပြီး  စုလျူရင်

အတွက် ပြစ်ဒဏ်ကို လျင်မြန်စွာ ဆုံးဖြတ်လိုက်သည်— ကျင့်ကြံမှုမှ ကင်းလွတ်ပြီး တစ်သက်တစ်ကျွန်း ချမှတ်ခံရသည်။

သို့သော် သြဇာကြီးသော မိသားစုများ၏ ကျင့်ကြံသူသခင်များသည် အမိန့်အရ 

စုလျူရင်၏ ဂူထဲသို့ အပြေးအလွှား ရောက်ရှိလာသောအခါတွင် ၎င်းတို့သည် ဘာမှမရှိတော့သည်ကို တွေ့လိုက်းသည် ။

စုနျန်၏ပုံပြင်ကိုကြားပြီးနောက် လင်းရှန်က ပါးစပ်အဟောင်းသားဖြစ်နေ၏

သူ့စီနယာအမအကြီးဆုံးက ကွေးသည်ထက် ချိုးပစ်တာပင်။

ပြိုင်ဘက်၏ ဖိနှိပ်မှုကို ရင်ဆိုင်ရင်း ရုတ်တရက် တိုက်ခိုက်ကာ လည်ချောင်းဖြတ်ထုတ်ကစ်ရန် ရွေးချယ်ခဲ့သည်။

ပိုအရေးကြီးတာက စုလျူရင်က သူတို့ကို မသတ်ခင်မှာ အကျိုးဆက်တွေကို ရှင်းရှင်းလင်းလင်း မျှော်လင့်ထားခဲ့ပြီးသားပင်။ ဂိုဏ်းက သူမအား မည်ကဲ့သို့ အပြစ်ပေးရမည်ကို ဆွေးနွေးနေဆဲဖြစ်သော်လည်း သူမသည် ကန့်သတ်ချက်ကို ချိုးဖျက်ရန် နည်းလမ်းအချို့ကို အသုံးပြုခဲ့ပြီး နဂါးမြို့မှ ထွက်ခွာခဲ့သည်။

အမှန်တော့ ဤအပြုအမူမျိုးသည် ဂိုဏ်းကို သစ္စာဖောက်ခြင်းနှင့် မခြားနားဘဲ တပည့်တစ်ဦးကို သတ်ခြင်းထက်ပင် ပို၍ပြင်းထန်သည်။

နေကိုးစင်းဂိုဏ်းက ဒါကို မတုံ့ပြန်ရင် သူတို့ ရယ်မောစရာ ဖြစ်လာမှာ သေချာသည်။

မျှော်လင့်ထားသည့်အတိုင်း စုနျန်က ဆက်ပြောသည် ။

“အဲဒီနောက်မှာတော့ ဂိုဏ်းက စုလျူရင်နောက်ကို လိုက်ဖို့ လူအနည်းငယ်ကို စေလွှတ်လိုက်တယ်။ သူတို့အားလုံးက သဩဇာကြီးတဲ့ မိသားစုကပဲ..အားအနည်းဆုံးက မှော်အလင်းအစောပိုင်းအဆင့် ၊ အပြင်းထန်ဆုံးက မှော်အလင်း သတ္တမအဆင့်မှာ။ သူက ဂိုဏ်းအကြီးအကဲတစ်ဦးဆိုလည်း ဟုတ်တယ်”

"ဒါပေမယ့် နောက်ဆုံးမှာတော့ ခြွင်းချက်မရှိ အဲဒီ ကျင့်ကြံသူသခင်တွေက စုလျူရင်ရဲ့ဓားအောက်မှာ သေဆုံးသွားတယ်”

“နောက်ဆုံးတော့ သြဇာရှိတဲ့ မိသားစုတွေက အဲဒါကို မခံနိုင်တော့ဘူး။ သူတို့မှာ ဒီဆုံးရှုံးမှုကို ခံယူပြီး စုလျူရင်ကို လိုက်မဖမ်းဖို့ကလွဲလို့ ရွေးချယ်စရာမရှိတော့ဘူး။”

ဤကဲ့သို့ လျှို့ဝှက်ချက်ကို  ယန်ကျုံးရီသည် ပထမဆုံးအကြိမ်ကြားသိရခြင်း ဖြစ်သည်။ သူ မအော်ဘဲ မနေနိုင်ပေ။

"မယုံနိုင်စရာပဲ”

သူဒီလောက်ထိတ်လန့်သွားတာ မဆန်းပေ။

စုနန်၏ဖော်ပြချက်မှ စုလျူရင်သည် အရာအားလုံးမဖြစ်ပွားမီ မှော်အလင်းအဆင့်သို့ တက်လှမ်းခဲ့သော်လည်း သူမကိုယ်တိုင် ကျင့်ကြံသူ အယောက် ၂၀ ကျော်ကို သတ်ပစ်ခဲ့သည်။ သူမကိုလိုက်ဖမ်းနေတဲ့ မှော်အလင်းသတ္တမအဆင့် အကြီးအကဲတစ်ယောက်တောင် သူမရဲ့ဓားအောက်မှာ သေဆုံးသွားခဲ့သည်။ သူမ၏ ခွန်အားသည် အံ့သြစရာပင်။

သူမသည် အမှန်တကယ်ပင် သူမ၏ တိုက်ခိုက်ရေးစွမ်းရည်အတွက် ကျော်ကြားသော ဓားပညာရှင်ဖြစ်သည်။

လင်းရှန်လည်း အလွန်အံ့သြသွားသည် ။ သူသည်လည်း ဓားပညာရှင်ဖြစ်လာရန် မျှော်လင့်နေသည်။

သူ အာရုံပြန်ဝင်လာပြီး "စုလျူရင် အခု ဘယ်မှာလဲ" ဟု စပ်စုမေးသည်။

စုနျန်က အဲဒါကို တွေးပြီး “နောက်ဆုံးအကြိမ် သူမအကြောင်းကြာတာတော့ လွန်ခဲ့တဲ့ တစ်

နှစ်လောက်ကပဲ အရှေ့ပင်လယ်လမ်းက ထွက်ပြီး ကြယ်ဂိုဏ်းဆီသွား တယ်ပြောတယ်”

ကြယ်ဂိုဏ်း?

လင်းရှန် အံ့သြသွားသည်။ ကြယ်ဂိုဏ်းက ဘာကြောင့် ထပ်ပါဝင်လာတာလဲ။

လင်းရှန်၏ မျက်နှာတွင် ရှုပ်ထွေးမှုများကို မြင်လိုက်ရသဖြင့် စုနျန်က ရှင်းပြသည်။

"ကြယ်ဂိုဏ်းက အရှေ့ပင်လယ်လမ်းက ဓားပညာရှင်အားလုံး တောင့်တခဲ့တဲ့ မင်္ဂလာမြေ။စုလျူရင်  အဲဒီမှာ ပေါ်လာတာကို နားလည်ပါတယ်။”

"ငါ အဲဒါကိုသိတယ်”

ယန်ကျုံးရီက ရုတ်တရက် လျှို့ဝှက်ဆန်းကြယ်သော အမူအရာဖြင့် ရပ်တန့်သွားသည်။

“ကြယ်ဂိုဏ်းက တောင်တံခါးအပြင်ဘက်မှာ ဓားစမ်းသပ်မှုတစ်ခုကို ထူထောင်ထားတယ်လို့ ပြောတယ်။ ဓားပညာရှင်က စမ်းသပ်မှုကို ကျော်ဖြတ်နိုင်သရွေ့ ကြယ်ဂိုဏ်းရဲ့ ဓားကျမ်းနှင့် ဓားနည်းပညာကို မြင်တွေ့နိုင်တယ်။  စမ်းသပ်မှုအားလုံးကို ကျော်ဖြတ်နိုင်ရင် ဂိုဏ်းရဲ့ ထင်ရှားတဲ့ နတ်စွမ်းအား၊ ကြယ်ဓားနည်းပညာကိုတောင်  မြင်တွေ့နိုင်တယ်။ စုလျူရင်က  အစမ်းစစ်ဆေးဖို့အတွက် အဲ့နေရာမှာ ပေါ်လာနိုင်ချေရှိတယ်”

"ဒီလိုမျိုးရှိလား?" လင်းရှန်သည် ချက်ချင်းပင် အံ့သြသွားသည်။

မည်သည့် ကျင့်ကြံနည်းစနစ်မဆို အားအနည်းဆုံးပင်လျှင် ဂိုဏ်းတစ်ခု၏ အဓိက လျှို့ဝှက်ချက် ဖြစ်သည်။

ဂိုဏ်း၏ တပည့်များပင် ၎င်းတို့ကို အလိုအလျောက် ကျင့်ကြံခြင်းမပြုနိုင်ပေ။

အပြင်က ကျင့်ကြံသူတွေ မပြောနဲ့။

သို့သော်လည်း ကြယ်ဂိုဏ်းသည် ၎င်းတို့၏ဂိုဏ်းရှိ ဓားနည်းစနစ်များကို ပြသရန် အမှန်တကယ် ဆန္ဒရှိနေသည်။ ဓားသွားစမ်းသပ်မှုကို ကျော်ဖြတ်ရမယ်ဆိုရင်တောင် မယုံနိုင်စရာပင်။

“ကြယ်ဂိုဏ်းက သူတို့ရဲ့ လေ့ကျင့်မှုကို တိုးမြှင့်ဖို့အတွက် လက်တွေ့တိုက်ပွဲမှာ ဓားရေးလေ့ကျင့်မှုကို အမြဲ ထောက်ခံအားပေးခဲ့တယ်။ ဖြစ်နိုင်ချေအများဆုံးကတော့ ကမ္ဘာတစ်ဝှမ်းက ဓားပညာရှင်တွေကို ဆွဲဆောင်ပြီး သူတို့ရဲ့တပည့်တွေကို လေ့ကျင့်ပေးဖို့ ဒီလိုစမ်းသပ်မှုကို တည်ထောင်ခဲ့တာ ဖြစ်နိုင်တယ်။”

စုနျန်က ပခုံးတွန့်လိုက်သည်။

“ဒါ့အပြင် အခုအချိန်အထိ ဓားစမ်းသပ်မှုအားလုံးကို ဘယ်သူမှ မကျော်ဖြတ်နိုင်သေးဘူးလို့ ငါကြားတယ်။ မှောအလင်းအဆင့် ကျင့်ကြံသူသခင်တောင် ပထမဆုံးစမ်းသပ်မှုအချို့ကိုပဲ ကျော်ဖြတ်နိုင်သေးတယ်”

ထိုမှပင် လင်းရှန်နားလည်သွားသည်။

နောက်ဆုံးတွင် ၎င်းသည် ဂိုဏ်း၏ဓားနည်းပညာနှင့် ဆက်စပ်နေသောကြောင့် စမ်းသပ်မှုခက်ခဲသည်မှာ ပုံမှန်ဖြစ်သည်။

သို့သော် ကြယ်ဂိုဏ်းသည် ၎င်းတို့၏တပည့်များအား လေ့ကျင့်သင်ကြားခွင့်များပေးရန်အတွက် ဂိုဏ်း၏ဓားနည်းပညာကို ငါးစာအဖြစ်ပင် အသုံးပြုလိုစိတ်ရှိခဲ့သည်။ ဒီဆုံးဖြတ်ချက်က လေးစားစရာကောင်းသည်။

ကြယ်ဂိုဏ်းသည် အရှေ့နတ်ဘုရားတိုက်ကြီးတွင် အပြင်းထန်ဆုံးဓားဂိုဏ်း ဖြစ်လာနိုင်သည်မှာ အံ့သြစရာမဟုတ်ပေ။

လင်းရှန် ရုတ်တရက် အတွေးတစ်ခုဝင်လာသည်။

မှော်အလင်းအဆင့်ကိုဖြတ်ကျော်ပြီးနောက် သူသည် ဓားစမ်းသပ်မှုကို စိန်ခေါ်ရန်  ကြယ်ဂိုဏ်းသို့သွားနိုင်သည်။

အကယ်၍ သူသည် အားကောင်းသော ဓားနည်းပညာအနည်းငယ်ကို ရယူနိုင်ခဲ့ပါက ၎င်း

သည် သူ၏ အနာဂတ်ခွန်အားအတွက် အလွန်အကျိုးရှိမည်မှာ သေချာသည်။

လင်းရှန် ဆုံးဖြတ်ချက်ကို အမြန်ချလိုက်သည်။

သို့သော် ယင်းသည် အနာဂတ် ကိစ္စဖြစ်သည်။ အခုအချိန်မှာတော့ သူအရင်ဆုံး 

ဓားပညာရှင်တစ်ယောက်ဖြစ်လာရမည်။

စုလျူရင်၏သစ္စာဖောက်မှုဇာစ်မြစ်ကိုသိပြီးနောက် လင်းရှန်သည် နောက်ဆုံးတွင် သူလိုချင်သောအဖြေကိုရရှိခဲ့သည်။

ညဉ့်နက်မှ လင်းရှန်သည် အရှေ့ပိုင်းခရိုင်ရှိ ၎င်း၏နေအိမ်သို့ ပြန်လာခဲ့သည်။

တံခါးကို လှမ်းဝင်လိုက်သည်နှင့် တပြိုင်နက် မိုးခြိမ်းသံကို ကြားလိုက်ရသည်။ ထို့နောက်တွင် လေပြင်းများ တိုက်ခတ်လာသည်။ ရက်စက်ကြမ်းကြုတ်သော ကျားနတ်ဆိုးကြီးသည် ထွက်ပေါ်လာပြီး သူ့အပေါ်ကို ထိုးဖောက် ဝင်ရောက်လာခဲ့သည်။

ရုတ်တရတ်တိုက်ခိုက်မှုကို ရင်ဆိုင်ရင်း လင်းရှန်းသည် တုန်လှုပ်ချောက်ချားသွားခဲ့သည်။ ထိုနောက် သူ့မျက်နှာတွင် တည်ငြိမ်သော အပြုံးတစ်ခု ရှိနေသေးသည်။

“ဝေါင်း”

ကျားဆိုးသည် လင်းရှန်းကို လှမ်းခုန်သော်လည်း ဖြတ်သွားရုံသာပင်

လင်းရှန် ပြုံးလိုက်သည်နှင့် သူ့ပတ်ဝန်းကျင်ရှိ ဝိညာဉ်ရေးရာအနှစ်သာရများ ရုတ်တရက် မြင့်တက်လာသည်။ တခဏအတွင်းမှာပင် ရက်စက်ကြမ်းကြုတ်သော ကျားသည် ပြင်းထန်စွာ တွန့်လိမ်ကာ ပျောက်ကွယ်သွားခဲ့သည်။

"ထွက်​လာခဲ့ အိုက်" လင်းရှန်က ပြုံးလိုက်သည်။

အိုက်သည် စိတ်ပျက်လက်ပျက်ဖြင့် တံခါးနောက်မှ ခုန်ဆင်းလိုက်သည်။

"ဘာလို့အဆင်မပြေတာလဲ"

လင်းရှန်က ရယ်လေ၏။ သူက ရှေ့ကို လျှောက်လာပြီး ကြောင်လေးခေါင်းကို ပုတ်လိုက်သည်။

"မင်း ကြီးကျယ်ခမ်းနားတဲ့ အလုပ်တစ်ခုကို လုပ်ခဲ့တာပါ”

သူအမှန်အတိုင်းပြောနေတာပင်

ယခု သူသည် ဝိညာဉ်ရေးရာ အနှစ်သာရ ၁၀၈ ခုဖြင့် ဝိညာဉ်ပျိုးထောင်ရေး ဒုတိယအဆင့် ပြုစုပျိုးထောင်သူ သခင်ဖြစ်လာခဲ့သည်။ ကျင့်ကြံသူသခင်၏ အဆင့်အောက်ရှိ ထင်ယောင်ထင်မှား မှန်သမျှသည် သူ့ခန္ဓာကိုယ်ပေါ်ရှိ ဝိညာဉ်ရေးရာ အနှစ်သာရ အတက်အကျကြောင့် သူ့ထံ ချဉ်းကပ်လာတာနဲ့ ပျက်စီးသွားမည်ပင်။

ထိုသို့သော ကျားတစ်ကောင်ကို ပုံဖော်နိုင်တာက အိုက်၏ လှည့်စားမှုများသည် အတော်လေး အဆင့်မြှင့်နေတာကြောင့်ပင်

“မင်းက ဉာဏ်အလင်းပြခြင်း နှောင်းပိုင်းကို ရောက်နေပါပြီ။ ကောင်းတယ်။ လူ့ဒုက္ခကို မကြာခင် ဖြတ်ကျော်နိုင်တော့မှာ”

လင်းရှန်သည် အိုက်၏ ကျင့်ကြံမှု အဆင့်ကို လျင်မြန်စွာ သဘောပေါက်လိုက်သည်။

ချီးကျူးသံကို ကြားလိုက်ရသောအခါ အိုက်အနေနဲ့ စိတ်ပျက်လက်ပျက် ဖြစ်တာ ပျောက်သွားသည်။ သူမက ဂုဏ်ယူစွာဖြင့် ခေါင်းကို မော့လိုက်သည်။

“မကြာသေးခင်က ငါကျင့်ကြံပြီးပြီ။ လွန်ခဲ့တဲ့ရက်အနည်းငယ်က ဗိုလ်ချုပ်က  ငါဝိညာဉ်မဏ္ဍိုင်သွေးကြော စဖွဲ့စည်းလို့ရပြီတဲ့”

လင်းရှန်က ပြုံးပြီး ခေါင်းညိတ်သည်။ အတန်ကြာစဉ်းစားပြီးနောက် သူသည် သူ၏သိုလှောင်လက်စွပ်မှ ဝိညာဉ်ဆေးပြားများကိုထုတ်ကာ အိုက်သို့ ပေးလိုက်သည်။

"ဒီဝ်ညာဉ်ပုံဖော်ဆေးကိုယူပြီး နောက်ထပ် ဝိညာဉ်မဏ္ဍိုင်သွေးကြောအနည်းငယ်ကို ဖွဲ့စည်းနိုင်အောင် ကြိုးစားပါ။"

ရွှမ်တုတောင်တွင် သူသတ်ခဲ့သော ရန်သူများမှ ရသည့် ဝိညာဉ်ပုံဖော်ခြင်းဆေးပြားများစွာ ရှိသေးသည်။ အလုံးစုံတို့ကို အိုက်ထံသို့ ပေးလေ၏

"ဒါဆို အများကြီးပဲ”

သူ့ရှေ့က ဆေးပြားငါးပုလင်းကို ကြည့်လိုက်တော့ အိုက်က မျက်လုံးပြူးနေ၏။

ဝိညာဉ်ပုံဖော်ခြင်းဆေးပြားသည် အလွန်ရှားပါးသည်ဟု ဗိုလ်ချုပ်က ပြောသည်မဟုတ်လော။

လင်းရှန်သည် ဤမျှလောက်များစွာကို တပြိုင်နက် မည်သို့ရနိုင်သနည်း။