ကျင့်ကြံဖို့အလျင်စလို ပြန်သွားမည် (၁)

"စကားမစပ် အိုက် အဆင်သင့်ပြင်ထား။ ငါတို့ဂိုဏ်းကို အတူတူပြန်ကြမယ်"  လင်းရှန်က ရုတ်တရက် ပြောလိုက်သည်။

ဒါကိုကြားတော့ အိုက်က ခဏရပ်ပြီး ဝမ်းသာအားရ ခုန်ချလိုက်သည်။

"အခုချိန်ကစပြီး နင်နဲ့အတူနေလို့ရမှာလား"

လင်းရှန်က ပြုံးပြီး ခေါင်းညိတ်သည်။ ယခု ရွှေစမ်းချောင်းကျွန်းကို ဗိမာန်အဖြစ်ရှိထားသောကြောင့် နတ်ဆိုးမွေးမြူခြင်းသည် ပြဿနာမဟုတ်ပေ။

သူသည် နတ်ဆိုးတစ်ကောင်တည်းကိုသာ မွေးစားခဲ့ပြီး သူ၏လှိုဏ်ဂူတွင် နတ်ဆိုးကျွန်

တစ်ဦးမျှပင် မရှိခဲ့ပေ။ ၎င်းသည် ကျင့်ကြံသူ သခင်များစွာကြားတွင် ပုံမှန်ဟု ယူဆထားပြီးဖြစ်သည်။

အိုက်က ကျေနပ်စွာ ပြုံးလိုက်သည်။

သို့သော် သူမသည် တစ်ခုခုကို ချက်ချင်းတွေးမိသည်။

"ဒါဆို  ဗိုလ်ချုပ်နဲ့အမထျန်ယွဲ့ကို အရင်နှုတ်ဆက်ရမယ်"

လင်းရှန်က အနည်းငယ် ခေါင်းညိတ်လိုက်သည်။

ပြောရရင်တော့ ကြောင်ဗိုလ်ချုပ်ကို မတွေ့တာကြာချေပြီ။ ယခုအချိန်သည် သူ့သွားရောက်လည်ပတ်ရန် အချိန်ကောင်းဖြစ်သည်။

အမှန်တော့ ကြောင်ဗိုလ်ချုပ်က ကျင့်ကြံသူသခင် ဖြစ်မလာခင်မှာ သူ့ကို အများကြီး ကူညီပေးခဲ့သည်။

တစ်ချိန်တည်းမှာပင် သူသည် နတ်ဘုရားရှာဖွေခြင်းအဆောင်ကို ပြန်ပေးနိုင်သည်။

နတ်ဘုရားရှာဖွေခြင်းအဆောင်သည် ယခု သူ့အတွက် အသုံးမဝင်လုနီးပါး ဖြစ်နေသည်။

ဝိညာဉ်ကြောင်တစ်ကောင်အနေနဲ့  အိုက်မှာ ထုပ်ပိုးဖို့ ခရီးဆောင်ပစ္စည်း အများကြီးမရှိပေ။  သူမ၏ အရာများကို သူမ၏လည်ပင်းနားရှိ ခေါင်းလောင်းထဲတွင် ထည့်ထားသည်။

လူနှင့်ကြောင်သည် အနည်းငယ် ထုပ်ပိုးပြီး နေအိမ်မှ ထွက်ခွာသွားခဲ့သည်။

ထိုရင်းနှီးသောလမ်းပေါ်သို့ တစ်ဖန်ပြန်လှမ်းလာရင်း လင်းရှန်သည် သူ၏ဝိညာဉ်ရေးရာအသိစိတ်များကို ထုတ်လွှတ်ကာ လမ်းပေါ်ရှိ ပုံမှန်မဟုတ်သည့်အရာကို ချက်ချင်းခံစားလိုက်ရသည်။

သို့သော်လည်း နောက်အခိုက်အတန့်တွင် မြူခိုးများ ရုတ်တရက် လေထဲသို့ ပြည့်လျှံသွားသည်။

“သူက နတ်ဘုရားပဲ။ သူက တရားဝင်မဟုတ်တဲ့ နတ်ဘုရားတစ်ပါးပဲ။ သူ့ကျင့်ကြံမှုအဆင့်က  သာမန် ကျင့်ကြံသူသခင်တွေထက် များစွာ အားကောင်းတယ်”

လင်းရှန်၏ဗိုက်သည် အနည်းငယ် ယားယံလာသည်။

အိုက်၏ ထင်ယောင်ထင်မှားနှင့် နှိုင်းယှဉ်ပါက ကြောင်ဗိုလ်ချုပ်မှ ဖန်တီးထားသော စိတ်ကူးယဉ်မှုသည် များစွာ ပိုကြောက်စရာကောင်းသည် ။

လင်းရှန် လက်ရှိ ကျင့်ကြံမှုဖြင့်ပင် ခံနိုင်ရည်မရှိဘဲ  အထဲသို့ ဆွဲသွင်းခံခဲ့ရသည်။

ခွန်အားသည် အနည်းဆုံး မှော်အလင်းအဆင့်သို့မဟုတ် ထို့ထက်ပင် ပိုမြင့်သည်။

လင်းရှန်၏ စိတ်ထဲတွင် ဤအတွေး ဝင်လာသည်နှင့်အမျှ ကြောင်ဗိုလ်ချုပ်၏ အရပ်ရှည်ပြီး ထွားကြိုင်းသော အသွင်အပြင်သည် ဆယ်မီတာကျော် အကွာမှ ပေါ်လာသည်။

"တာအိုသခင်လင်း မတွေ့တာကြာပြီ။"

ကြောင်ဗိုလ်ချုပ်သည် လင်းရှန်ကို အကြိမ်အနည်းငယ် ကြည့်လိုက်ပြီး ၎င်း၏မျက်လုံးများပေါ်တွင် အံ့အားသင့်စရာ အရိပ်အမြွက်ပေါ်နေသည်။

လင်းရှန်သည် ကျင့်ကြံသူသခင်ဖြစ်လာပြီး ဝိညာဉ်ပျိုးထောင်ခြင်း ဒုတိယအဆင့်သို့ပင် ရောက်ရှိနေပြီဟုပြောရန်မှာ သူ့အတွက် မခက်ခဲပေ။

ပို၍အရေးကြီးသည်မှာ  လင်းရှန်ထံမှ တစ်ဟုန်ထိုးထွက်ရှိသော ဝိညာဉ်ရေးရာအားမာန်ကို သူ ရှင်းရှင်းလင်းလင်း ခံစားနိုင်သည် ။

လင်းရှန်သည် ၎င်းကို တမင်တကာ မလွှတ်ထားသော်လည်း မီးတောင်ချော်ရည်

ကဲ့သို့ ဝိညာဉ်ရေးအားမာန်သည် အံ့အားသင့်စရာ ဖြစ်နေဆဲပင်

“ပထမတန်း ဝိညာဉ်မဏ္ဍိုင်သွေးကြော…”

ကြောင်ဗိုလ်ချုပ်သည် အတွေ့အကြုံရှိပြီး ဗဟုသုတရှိသော်လည်း တုန်လှုပ်ချောက်ချားနေ၏

လင်းရှန်ကြီးပြင်းလာသည်ကို သူကြည့်နေခဲ့သည်။

လင်းရှန်သည် နှစ်နှစ်အကြာတွင် ချီအသွင်ပြောင်းခြင်းအဆင့်မှ ဖြတ်ကျော်ပြီး ကျင့်ကြံသူသခင်တစ်ဦးဖြစ်လာကာ ပထမတန်းဝိဉာဉ်မဏ္ဍိုင်သွေးကြောကိုပင် ပုံဖော်ခဲ့သည်။

ထိုသို့သော တိုးတက်မှုနှုန်းကို  သူမကြားဖူးပေ။

နှစ်ထောင်ပေါင်းများစွာ နေထိုင်ခဲ့သော  နတ်ဘုရားပင်လျှင် မမြင်ဖူးပေ။

အချိန်အတော်ကြာပြီးနောက် ကြောင်ဗိုလ်ချုပ်သည် အသိစိတ်ပြန်ဝင်လာပြီး လင်းရှန်ကို အကြာကြီး ကြည့်လိုက်သည်။

"မင်းကိုထင်တာ မမှားခဲ့ဘူး... ကျင့်ကြံမှုလမ်းကြောင်းပေါ်က မင်းရဲ့ ပင်ကိုယ်စွမ်းရည်က ထူးချွန်တယ်”

ကြောင်ဗိုလ်ချုပ်သည်  အိုက်အား လင်းရှန်ဆီ အပ်နှင်းပြီး  အကူအညီတောင်းရန်အတွက် နတ်ဘုရားရှာဖွေခြင်းအဆောင်နှင့် ကျင့်ကြံနည်းစနစ်လက်စွဲကိုပင် ပေးခဲ့သည်။ အဘယ်ကြောင့်ဆိုသော် သူသည် လင်းရှန်၏ အလားအလာကို အလွန်အမင်းစဉ်းစားပြီး သူနှင့် ကောင်းမွန်သော ဆက်ဆံရေးကို တည်ဆောက်လိုသောကြောင့် ဖြစ်သည်။

ယခုမူ လင်းရှန်၏ ပြောင်းလဲမှုသည် သူ၏ အမြော်အမြင်ကို သက်သေပြခဲ့သည်မှာ သေချာသည်။

သူ့ရဲ့ မူလမျှော်လင့်ချက်ထက်တောင် ကျော်လွန်သွားခဲ့ချေပြီ။

“နတ်ဘုရား ကျွန်တော်ကို မြှောက်ပင့်နေတာပဲ”

လင်းရှန်က တည်ငြိမ်စွာပြောသည်။ ထို့နောက် သူသည် အိုက်ကို နေကိုးစင်းဂိုဏ်းထဲသို့ ခေါ်ဆောင်လိုကြောင်း ပြောခဲ့သည်။

ကြောင်ဗိုလ်ချုပ်က မအံ့ဩပေ

ထူးချွန်ထက်မြက်သော ကျင့်ကြံသူအများစုသည် ၎င်းတို့၏ကိုယ်ပိုင်ဂူဗိမာန်ကို ရရှိနိုင်ပြီးလင်းရှန်၏ အလားအလာသည် သိသာထင်ရှားသည်။ သူသည် ဂူဗိမာန်ကို ရရှိနိုင်သည်မှာ အံ့သြစရာမဟုတ်ပေ။

"တာအိုသခင်လင်းနောက်ကို လိုက်ရတာ မင်းရဲ့ကံကြမ္မာပါပဲ။ အလုပ်ကြိုးစားပြီး ကြီးကျယ်တဲ့လမ်းကို အမြန်ဆုံးတက်လှမ်းပါ။”

ကြောင်ဗိုလ်ချုပ်က အိုက်ကိုကြည့်ကာ ညင်သာစွာပြောလိုက်သည်။

"ကျွန်မ နားလည်ပါတယ်”အိုက်က ခေါင်းညိတ်လိုက်သည်။

ထို့နောက် ကြောင်ဗိုလ်ချုပ်က လင်းရှန်ကို ကြည့်ကာ ခေတ္တရပ်ပြီး ရုတ်တရက် ပြောလိုက်သည်။

“မင်းဆီက ငရဲရင်စွမ်းအင်ကို အာရုံခံနိုင်တယ်။ နတ်ဆိုးကျင့်ကြံနည်းအချို့ကို ကျင့်ကြံထားတာပဲ။ ငရဲရင်ရေ ဖြစ်နိုင်လား”

လင်းရှန် အံ့အားသင့်သွားသည်။ နှစ်ထောင်ပေါင်းများစွာ နေထိုင်ခဲ့တဲ့ နတ်ဘုရား ဆိုတဲ့အတိုင်းပင် ။ သူ၏တွေးခေါ်နိုင်မှုသည် တုနှိုင်းမရပေ။

သူ၏သခင် ယုစစ်ယွဲ့ပင်လျှင် မပြောနိုင်ချေ။ သူက ဖော်ပြရန် အစပြုခဲ့သူဖြစ်သည်။

သို့သော် ဖုံးကွယ်ထားစရာ ဘာမှ မရှိခဲ့ပေ။လင်းရှန်က ပွင့်ပွင့်လင်းလင်း ဝန်ခံပြီး ရွှေလျှပ်စီးဘီးနဲ့ ငရဲရင်ရေအကြောင်း အမှန်အတိုင်း ပြောပြသည်။

"ဒါဆို လင်းယုန်အနွယ်က ကျင့်ကြံနည်းပဲ"

ကြောင်ဗိုလ်ချုပ်သည် ဉာဏ်အလင်းရခဲ့သည်။

“ဒါတွေက တကယ်ကို အစွမ်းထက်တဲ့ ကျင့်ကြံနည်းစနစ်နှစ်ခုပါပဲ။ဒါပေမဲ့  လွန်ခဲ့တဲ့ နှစ်ရာပေါင်းများစွာက လင်းယုန်အနွယ်ထဲက  နတ်ဆိုးလက်တစ်ဆုပ်စာလောက်ကပဲ ဒီကျင့်ကြံနည်းကို ကျင့်ကြံနိုင်ခဲ့တယ်။ မင်းအောင်မြင်ဖို့ ငါမမျှော်လင့်ထားဘူး”

“ငရဲရင်ရေမှာ နောက်ဆက်တွဲ ကျင့်ကြံနည်းစနစ်တွေ ရှိပါသေးတယ်။ ဘာမှ မမှားရင် သူတို့က လင်းယုန်မျိုးနွယ် တော်ဝင်မိသားစုရဲ့ လက်ထဲမှာ ရှိနေမှာ။ အခွင့်အရေးရှိလျှင် လင်းယုန်အနွယ်နဲ့ ညှိနှိုင်းလို့ရတယ်။ နတ်ဆိုးတွေက ပိုလက်တွေ့ကျတယ်။ အချို့ကျင့်ကြံနည်းစနစ်တွေကို ကျင့်ကြံဖို့ အရည်အချင်းမပြည့်မီရင် လုံလောက်တဲ့ အကျိုးကျေးဇူးတွေ ရှိနေသရွေ့ လဲလှယ်ပေးဖို့ ဆန္ဒရှိလောက်တယ်။”

"လမ်းညွှန်မှုအတွက် ကျေးဇူးတင်ပါတယ်” လင်းရှန်က ခေါင်းညိတ်ပြီး ပြောသည် ။

တကယ်တော့ မြောင်ယိုလည်း ပြောဖူးသည်။

ငရဲရင်ရေသည် တူညီသော မျိုးရိုးမှ ဆင်းသက်လာသော ကျင့်ကြံနည်းစနစ်များထဲမှ တစ်ခုသာဖြစ်သည်။ မှော်ကန် မူလရေနဲ့  မြောက်ပင်လယ် မူလရေကဲ့သို့ ပိုမိုအားကောင်းသော နည်းစနစ်များ ရှိသေးသည် 

ထိုအချိန်တွင် လင်းရှန်သည် လင်းယုန်အနွယ်တွင် အဆိုပါ ကျင့်ကြံနည်းစနစ်နှစ်ခုရှိနေသည်ဟု မှန်းဆခဲ့သည်။ အခုတော့ ကြောင်ဗိုလ်ချုပ်ရဲ့ စကားက သူ့ထင်ကြေးကို အတည်ပြုလိုက်သည်။

အမှန်တကယ် တိုက်ပွဲတွင် ငရဲရင်ရေ၏ စွမ်းအားကို စေ့စေ့စပ်စပ် ဆန်းစစ်ခဲ့သည်မှာ ကြာချေပြီ။ ၎င်း၏အဆင့်မြင့်ဗားရှင်းအနေဖြင့် မှော်ကန် မူလရေနဲ့  မြောက်ပင်လယ် မူလရေသည် မည်မျှအားကောင်းသည်မှာ သိသာထင်ရှားသည်။

လင်းရှန်သည် ဤကျင့်ကြံနည်းစနစ်နှစ်ခုကို လက်လွတ်မခံနိုင်ပေ။

မှော်အလင်းအဆင့်ကိုဖြတ်ကျော်ပြီးနောက် နဂါးချောက်နက်တောင်တန်း၏ နက်နဲရာဆီကို ဦးတည်ပြီး အဲဒီကျင့်ကြံနည်းနှစ်ခုကို ရယူဖို့ စိတ်ကူးခဲ့သည်။

ရုတ်တရက် လင်းရှန်သည် အခြားအရာတစ်ခုကို တွေးလိုက်သည်..