ဒါက ကောင်းတယ် (၂)

လင်းရှန်၏အမူအရာမှာ မပြောင်းလဲပေ။ သူ့လက်ကို ဝှေ့ယမ်းလိုက်တော့  ကျောက်ပြားနှင့် မှင်ကျောက်တို့သည် လေထဲသို့ ပျံတက်သွားသည်။ မျက်စိတစ်မှိတ်အတွင်းမှာပင် ၎င်းတို့သည် ကြီးမားသော အရှိန်အဟုန်ဖြင့် သားရဲများကို ခြိမ်းခြောက်နေသော ဧရာမသတ္တဝါများအဖြစ်သို့ ပြောင်းလဲသွားသည်။

ပေါများသော ဝိညာဉ်အနှစ်သာရကို မြှင့်တင်ခြင်းဖြင့် ဓမ္မရတနာနှစ်ခု၏ ဝိညာဉ်အလင်းသည် ထူထပ်လာသည်။ သူတို့ဖြတ်သွားတိုင်း ဝိညာဉ်သားရဲသည် အပိုင်းပိုင်းကွဲသွားခဲ့သည်။ ကြိမ်ဖန်များစွာ အော်ဟစ်ကြပြီး လေထဲတွင် လွင့်စင်နေသော အစိမ်းရောင် မီးခိုးများအဖြစ်သို့ ပြောင်းလဲသွားကြသည်။

ကျောက်ပြားနှင့် မှင်ကျောက်သည် လင်းရှန်နှင့် အနီးကပ်ဆုံးသော တိရစ္ဆာန်များအားလုံးကို မသတ်မီ တစ်ကြိမ်သာ လှည့်ပတ်နေသည်။

တစ်ချိန်တည်းမှာပင် စူးရှသော ဓားအလင်းသည် မြေပြင်ကို ရုတ်တရက် အက်ကွဲသွားစေပြီး တိုက်ခိုက်နေသည်။ လျှပ်စီးကဲ့သို့ ဝိညာဉ်ရေးရာသားရဲများစွာ၏ အရေးကြီးသောနေရာများမှတစ်ဆင့် ထိုးဖောက်ဝင်ရောက်ခဲ့သည်။ ထိုဝိညာဉ်သားရဲများသည် ပြာမဖြစ်မီ ဟစ်အော်ရန် အချိန်ပင်မရှိပေ။

လုဝမ်စုန့်ထံမှ ရရှိခဲ့သည့် အရိပ်သတ်ခြင်ဓားသည် သတ္တုဒြပ်စင်၏ ဝိညာဥ်

အနှစ်သာရ မြှင့်တင်မှုနှင့်အတူ ထိတ်လန့်တုန်လှုပ်ဖွယ်စွမ်းအားဖြင့် ပေါက်ကွဲထွက်ခဲ့သည်။

ရှန်ကျင်းချန်က အံသြသွားသည်။ သူ့မျက်လုံးတွေ ပြူးကျယ်သွားသည်။

 အထူးလက်နက်တွေ

လင်းရှန်အနေနဲ့ ဒီလောက် လက်နက်ရတနာ ရတနာတွေကို ဘယ်ကရခဲ့တာလဲ။

ရှန်ကျင်းချန်က အံ့သြပြီး မနာလိုဖြစ်နေ၏

ကံကောင်းထောက်မစွာ လင်းရှန်၏ သိုလှောင်လက်စွပ်ထဲတွင် အထူးလက်နက်များ မည်မျှရှိသည်ကို သူ မသိခဲ့ပေ။ မဟုတ်ရင် သူ့မျက်လုံးတွေ ပေါက်ထွက်လာမည်ပင်။

အထူးလက်နက်သုံးခု၏ဆက်တိုက်တိုက်ခိုက်မှုအောက်တွင် ဝိညာဉ်ရေးရာသားရဲ တစ်ရာ၏ထက်ဝက်ကျော်သည် မျက်စိတစ်မှိတ်အတွင်းသေဆုံးသွားခဲ့သည်။

တစ်ဖက်တွင် လင်းရှန်သည် အနက်ရောင်လိပ်အနှစ်သာရ၏ကာကွယ်မှုအောက်တွင် ထိခိုက်မှုမရှိခဲ့ပေ။

ဒါကိုမြင်တော့ ရှန်ကျင်းချန်ဟာ တစ်ခုခုမှားနေပြီဆိုတာ သိလိုက်ရပြီး ထိတ်လန့်တကြားဖြစ်သွားသည်။

သူသည် သူ့နည်းလမ်းအားလုံးကို အသုံးပြုခဲ့သော်လည်း အနည်းငယ်မျှသော အကျိုးကျေးဇူးကို မရရှိနိုင်သေးပေ။

ဆန့်ကျင်ဘက်တွင် လင်းရှန်သည် အစမှအဆုံးအထိ တည်ငြိမ်သောအမူအရာရှိသည်။ သူ့ခွန်အားကို အပြည့်အ၀ အသုံးမချခဲ့တာ ထင်ရှားသည်။

"ချီးပဲ ဒီကလေး ဘာဖြစ်နေတာလဲ မကြာသေးမီကပဲ့ ကျင့်ကြံသူသခင်တစ်ဦးအဖြစ် တိုးတက်လာခဲ့ပေမဲ့ သူ့အစွမ်းသတ္တိက အံ့အားသင့်စရာပဲ”

ပထမတန်း ဝိညာဉ်မဏ္ဍိုင်သွေးကြောက အဲ့လို အစွမ်းထက်တာလား

ရှန်ကျင်းချန်သည် သူ့သွားများကို အံကြိတ်ရင်း ရွှေသံလိုက်အိမ်မြောင်ကို ထပ်မံထုတ်ယူကာ လင်းရှန်ကို တိုက်ခိုက်ရန်အတွက် ရွှေဓားစွမ်းအင် ထောင်ပေါင်းများစွာကို ထုတ်လွှတ်လိုက်သည်။

အနက်ရောင်လိပ်အနှစ်သာရ၏ ကာကွယ်ရေးသည် မည်မျှပင် အစွမ်းထက်စေကာမူ၊ ဝိညာဉ်သားရဲနှင့် သတ်ဖြတ်ခြင်းရွှေဓားတို့၏ ထပ်ခါတလဲလဲ တိုက်ခိုက်ခြင်းကို မခံနိုင်ပေ။ လိပ်ခွံအရိပ်က ပြိုကျလုနီးပါး ဖြစ်နေပုံရသည်။

လင်းရှန်သည် သူ၏ ဓမ္မရတနာကို မပျက်စီးစေလိုသောကြောင့်  အနက်ရောင်လိပ် အနှစ်သာရကို စွန့်ပစ်ခဲ့သည်။

ဒါကိုမြင်လိုက်ရတော့  ရှန်ကျင်းချန်က ဝမ်းသာသွားသည် ။ လင်းရှန်သည် သူ၏လှည့်ကွက်အားလုံး ကုန်ဆုံးသွားပြီဟုထင်သောကြောင့် ရွှေဓားကို တစ်ချက်တည်း အသက်သွင်းလိုက်သည်။

ကလန် ကလန်

တုနှိုင်းမရသော ထက်မြက်သည့် ရွှေဓားစွမ်းအင်က လင်းရှန်ခန္ဓာကိုယ်ပေါ် ရောက်သွားပေမယ့် ဝိညာဉ်အလင်းအလွှာက ပိတ်ဆို့ပြီး တစ်လက်မလောက်ထက် မတိုးနိုင်ခဲ့ပေ။

"ကောင်းကင်ကြယ်ပွင့်ဝတ်ရုံ”

ရှန်ကျင်းချန်၏ မျက်နှာပေါ်မှ ပျော်ရွှင်မှုက အေးခဲသွားသည်။

နေကိုးစင်းဂိုဏ်း၏ အဂ္ဂရိတ်နဲ့လက်နက်ဌာနသည်  ကောင်းကင်ကြယ်ပွင့်ဝတ်ရုံ အပါအဝင် အထူး လက်နက်များစွာကို သန့်စင်ပေးခဲ့သည်။

ထိုကဲ့သို့သော  အထူးလက်နက်များကို  ကိစ္စရပ်များတွင် ပါဝင်ကူညီပေးသည့် တပည့်များအား ဂိုဏ်းက ပေးအပ်လေ့ရှိသည်။

၎င်းသည် အောက်ခြေအဆင့်  အထူးလက်နက်တစ်ခုမျှသာဖြစ်သော်လည်း ၎င်း၏ ခုခံမှုမှာ ထူးထူးခြားခြားဖြစ်သည်။ တပည့်များစွာ အိပ်မက်မက်ခဲ့သော ဓမ္မရတနာတစ်ခုဖြစ်သည်။

ရှန်ကျင်းချန်သည် လင်းရှန်တွင် ဒုတိယမြောက် အထူး ခံစစ်လက်နက် ပိုင်ဆိုင်ထားဖို့ မမျှော်လင့်ထားပေ။

သို့သော်လည်း သူသည် သူ၏ ဝှက်ဖဲများအားလုံးကို အသုံးပြုပြီးဖြစ်သည်။ ယခုတော့ သူသည် ကျောက်တုံးနှင့် ခဲယဉ်းသော နေရာကြားတွင် ပိတ်မိသလို ဖြစ်သွားသဖြင့် သူ့ကိုယ်သူ ထိန်းထားကာ ဓားစွမ်းအင်နဲ့ ဆက်လက် တိုက်ခိုက်ရန် အစွမ်းကုန် လုပ်ဆောင်ခဲ့သည်။

ဆယ်စက္ကန့်ကျော်အတွင်းမှာပင် လင်းရှန်သည် ပတ်ဝန်းကျင်ရှိ ဝိညာဉ်သားရဲအားလုံးကို သတ်ပစ်လိုက်ပြီးဖြစ်သည်။ သူ့လက်ညှိုးတစ်ချက်နဲ့  မှင်ကျောက်၊ ကျောက်ပြားနှင့် အရိပ်သတ်ဖြတ်သူသည် လမ်းကြောင်းပြောင်းကာ ရှန်ကျင်းချန်ဆီသို့ ဦးတည်သွားခဲ့သည်။

ရှန်ကျင်းချန်က ဒါကိုမြင်တော့ ချက်ချင်း ထိတ်လန့်သွားသည်။  ရပ်တန့်ရန် သူ၏ ရွှေဓားကို အလျင်အမြန် လွှတ်လိုက်သည်။ သို့သော် အထူးလက်နက်သုံးမျိုး၏ ထပ်ခါတလဲလဲထိုးနှက်မှုအောက်တွင် သူသည် လျင်မြန်စွာ ဆုံးရှုံးခဲ့ရသည်။ သိပ်မကြာခင်မှာပဲ ဓားစွမ်းအင်က ကျောက်ပြားကို ထိမှန်သွားကာ   ရှန်ကျင်းချန်ပါးစပ်က  သွေးတွေ ထွက်လာသည်။

ယခုအချိန်တွင် လင်းရှန်သည် ရှန်ကျင်းချန်၏ စွမ်းရည်ကို အကြမ်းဖျင်း သိမြင်လာခဲ့သည်။

သူ၏ ကျင့်ကြံမှုသည် ရှန်ဝမ်ချီထက် များစွာ မြင့်မားသည်။ အနည်းဆုံးတော့  သူသည် ဝိညာဉ်ပျိုးထောင်ခြင်း ဆဋ္ဌမအဆင့်တွင်ရှိနေပြီး ထိုအဆင့်၏နှောင်းပိုင်းအဆင့်သို့ တက်

လှမ်းရန် ခြေတစ်လှမ်းသာလိုသည်။

ပိုအရေးကြီးတာက ရှန်ကျင်းချန်မှာ တန်ခိုးကြီးတဲ့ ဓမ္မရတနာတွေ အများကြီးရှိသည်။

ရွှေရောင်သံလိုက်အိမ်မြှောင်၊ စုတ်တံ၊ နတ်ဆိုးတစ်ရာပုံကားချပ်… ၎င်းတို့အားလုံးသည် သာမန်ကျင့်ကြံသူသခင်များမရရှိနိုင်သော အထူးလက်နက် တစ်ခုဖြစ်သည်။ သူတို့အားလုံး သာလွန်အဆင့်ဖြစ်ကောင်းဖြစ်နိုင်သည်။

ဤဓမ္မရတနာများကို ရှန်မိသားစုမှ နောက်ဆုံးမိနစ်တွင် ရှန်ကျင်းချန်အား ပေးခဲ့တာမှန်း လင်းရှန်သည်။ သူတို့၏ ရည်ရွယ်ချက်မှာ  ရှန်ကျင်းချန်က သူ့ကို အနိုင်ယူနိုင်စေရန် ဖြစ်သည်။

ရှန်ကျင်းချန်၏ပြိုင်ဘက်သည် ဝိညာဉ်ပျိုးထောင်ခြင်း သတ္တမ သို့မဟုတ် အဋ္ဌမအဆင့် ကျင့်ကြံသူဖြစ်ပါက  ဓမ္မရတနာသုံးပါးဖြင့် အမှန်တကယ် လွှမ်းခြုံသွားမည်ဖြစ်သည်။

သို့သော်လည်း  လင်းရှန်သည် မကြောက်ခဲ့ပေ။

ဝှက်ဖဲတွေနဲ့တောင်  သူ ဘယ်တုန်းကမှ ပြိုင်ဆိုင်မှုကို မရှုံးပေ။

သူသည် ရှန်မိသားစုထံမှ နောက်ထပ်အရာများကို ရနိုင်သောကြောင့် သူ၏ကိုယ်ပွားကို မြန်မြန်န်ဆန်ဆန် ထုတ်မပြချင်ပေ။အဲဒီလိုမှ မဟုတ်ရင်  ရှန်ကျင်းချန်ကို ဆယ်ကြိမ်လောက်တောင်ရိုက်စရာမလိုပေ။

သို့သော် ကိုယ်ပါးများမရှိလည်း ရှန်ကျင်းချန်၏ရှုံးနိမ့်မှုသည် နိဂုံးချုပ်နေပြီဖြစ်သည်။

လင်းရှန်၏ထိန်းချုပ်မှုအောက်တွင် အထူးလက်နက်သုံးစင်းက ရှန်ကျင်းချန်ကို အကြိမ်ကြိမ်တိုက်ခိုက်ခဲ့သည်။

ဝိညာဥ်အနှစ်သာရ ၁၀၈ခုနဲ့ တစ်ချိန်တည်းတွင် အထူးလက်နက်များစွာကို ထိန်းချုပ်ခြင်းသည် လင်းရှန်အတွက် ကိတ်မုန့်အပိုင်းအစတစ်ခုလိုသာဖြစ်သည်။

သို့သော်  ရှန်ကျင်းချန်က  ကြည့်ကောင်းနေသည်။

ပြင်းထန်သောတိုက်ခိုက်မှုများအောက်တွင် သူ၏ဝိညာဉ်ရေးရာအနှစ်သာရသည် လျင်မြန်စွာကုန်ဆုံးသွားသည်။

နောက်တစ်ကြိမ်  လွင့်ထွက်သွားပြီးနောက် ရှန်ကျင်းချန်သည် နောက်ဆုံးတွင် မထိန်းနိုင်တော့ပေ။ ​အော်​လိုက်​​ကာ သူ့မျက်​နှာက ဖြူ​ဖျော့​နေသည်​၊

“ရှုံးနိမ့်တာကို ဝန်ခံပါတယ်။ အစ်ကိုလင်း ကျေးဇူးပြုပြီး ရပ်လိုက်ပါ”

လင်းရှန်လက်ကိုဝှေ့ယမ်းလိုက်တော့ အထူးလက်နက်သုံးစင်းသည် အလင်းတန်းများအဖြစ်သို့ ပြောင်းလဲသွားပြီး သူ့အင်္ကျီလက်များထဲသို့ ဝင်ရောက်သွားခဲ့သည်။ ထိုအချိန်တွင် သူသည် ရှန်ကျင်းချန်ကို လှောင်ပြောင်သော အမူအရာဖြင့် ကြည့်လိုက်သည်။

ရှန်ကျင်းချန်၏ မျက်နှာသည် ခရမ်းရောင်ဖြစ်နေသည်။ စိတ်ပျက်ခြင်း မုန်းတီးခြင်းများဖြင့် ပြည့်နှက်နေခဲ့သည်။ သူ့နှုတ်ခမ်းတွေ လှုပ်သွားပေမယ့် ဘာမှပြန်မပြောနိုင်ပေ။

လွန်ခဲ့သည့်အခိုက်အတန့်က လင်းရှန်ကို အနိုင်ယူမည်ဟု ပြောခဲ့သော်လည်း မျက်စိတစ်မှိတ်အတွင်းမှာပင် ရှုံးနိမ့်သွားခဲ့သည်။ဒါက  ရှက်စရာကြီးပင်။

ပိုအရေးကြီးတာက ဒီတိုက်ပွဲက သူ့အတွက် လုံးဝ ကျရှုံးမှုပင်။

မုန်တိုင်းကျွန်းကို ပြန်ယူဖို့ ပျက်ကွက်ခဲ့ရုံသာမက အိုးကိုးလုံးဆေးပြား ငါးပုလင်းကိုလည်း ဖြုန်းတီးခဲ့သည်။  သူပြန်သောအခါတွင် သူ့မိသားစု၏ အကြီးအကဲများက မည်ကဲ့သို့ ပြစ်တင်ဝေဖန် အပြစ်ပေးမည်ကို သူမသိပေ။

ဒါကိုတွေးရင်း ရှန်ကျင်းချန်သည် ဝမ်းနည်းခြင်းနဲ့ စိတ်ဓာတ်ကျခြင်းကို ရုတ်တရက် ခံစားလိုက်ရတယ်။

"အိုးကိုးလုံးဆေးပြားကို မကြာမီ ပို့ဆောင်ပေးပါ့မယ်”

ထိုစကားကို ပြောပြီးနောက်  ရှန်ကျင်းချန်က လှည့်၍ စိတ်ပျက်စွာ ထွက်သွားလေသည်။ သူ ဒီမှာ ဆက်နေဖို့ မဖြစ်တော့ပေ။

လင်းရှန်က ရုတ်တရက် "ရှန်မိသားစုထဲက တစ်ယောက်ယောက်က ငါ့ကို လောင်းကြေးထပ်ချင်သေးရင် ငါအရမ်းပျော်မိမှာပဲ။ လောင်းကြေးက ဒီနေ့လိုပဲ။  အိုးကိုးလုံးဆေးပုလင်း ငါးလုံး။"

ဒါကိုပြောပြီးတာနဲ့  ရှန်ကျင်းချန် လဲကျလုနီးပါးဖြစ်သွားသည်။  သူ့ကိုယ်သူ တည်

ငြိမ်အောင်လုပ်ပြီးမှ အရှိန်ပြင်းပြင်းနဲ့ ထွက်ခွါသွားခဲ့သည်။

လင်းရှန်ကပြုံးပြီး ရွှေစမ်းချောင်းကျွန်းသို့ ပြန်လာခဲ့သည်။

သူ့လက်ထဲတွင် အိုးကိုးလုံး ဆေးပုလင်းငါးလုံးရှိတော့မှာကြောင့် သူသည် အလွန်စိတ်ကောင်းဝင်နေသည်။

ယုစစ်ယွဲ့၏တပည့်ဖြစ်တုန်းက သူမသည် အိုးကိုးလုံးဆေးပြား တစ်ပုလင်းသာပေးခဲ့သည်။

ယုစစ်ယွဲ့သည် တွန့်တိုနေသောကြောင့် မဟုတ်ဘဲ အိုးကိုးလုံးဆေးသည် အလွန်အဖိုးတန်သောကြောင့် ဖြစ်သည်။

ရှန်မိသားစုမှာတောင် အထက်တန်းစား တပည့်တွေအတွက် အိုးကိုးလုံး ဆေးပြားတစ်ပုလင်းရဖို့ မလွယ်ပေ။

ရှန်မိသားစုသည် မုန်တိုင်းကျွန်းကို ပြန်လည်သိမ်းယူရန် အလွန်စိတ်အားထက်သန်ခြင်းမရှိပါက  လင်းရှန်သည် အိုးကိုးလုံးဆေးပြား ငါးပုလင်းကို တစ်ပြိုင်နက် ရရှိနိုင်မည်မဟုတ်ပေ။

ဤဆေးပြားများသည် ဝိညာဉ်ပျိုးထောင်ခြင်း တတိယအဆင့်သို့ ဖြတ်ကျော်ရန် လုံလောက်သည်။

ထို့အပြင် ရှန်မိသားစုသည်  မုန်တိုင်းကျွန်းအတွက် ကြယ်ဓားဆေးကိုလဲလှယ်ရန် မရည်ရွယ်သေးသရွေ့  မကြာမီတွင် အိုးကိုးလုံးဆေးပြား ပိုတောင် ရှိနိုင်သေးသည်။

ပစ္စည်းတွေ သူ့အိမ်တံခါးကို ရောက်လာတာ အရမ်းပျော်သည်။

ရှန်မိသားစုက သူတို့စကားကို လိုက်နာသည်။

ဒါမှမဟုတ် ကျမ်းကျိန်တာကို မလွန်ဆန်ရဲတာလည်း ဖြစ်နိုင်သည်။

နောက်တစ်နေ့တွင် အိုးကိုးလုံးဆေးပြားကို ပေးပို့ရန် လူတစ်ဦးကို စေလွှတ်ခဲ့သည်။

တစ်ချိန်တည်းမှာပင် ဒုတိယအကျော့ အလောင်းစားပြိုင်ဆိုင်မှု ဖြစ်ပွားခဲ့သည်။

"ကျွန်တော်ကရှန်လျန့်ရှန်ပါ။ ညီလေးလင်းနဲ့ တိုက်ခိုက်ချင်တယ်။ လောင်းကြေးက မုန်တိုင်း ကျွန်းနဲ့  အိုးကိုးလုံးဆေးပြားငါးပုလင်းတို့ပါ။ အစ်ကိုလင်း ဘယ်လိုထင်လဲ"

ရှန်လျန့်ရှန်သည်  လင်းရှန်ကို ပြောလိုက်သည်။

သူသည် သူ၏ ဝိညာဉ်စွမ်းအင်ကို ဖိနှိပ်ထားသော်လည်း  ထူထဲပြီး ထူးကဲသော ရောင်ဝါကထွက်ပေါ်လာဆဲဖြစ်သည်။

တကယ်တော့ ဒါက အံ့သြစရာတော့ မဟုတ်ပေ။  ရှန်မိသားစုက မမိုက်သရွေ့ လင်းရှန်ကို ရှုံးနိမ့်ပြီးနောက် ၎င်းတို့ ထပ်မံစေလွှတ်လိုက်သော လူများ၏ ခွန်အားနှင့် ကျင့်ကြံမှုသည် ရှန်ကျင်းချန်ထက် များစွာသာလွန်နေမည်မှာ သေချာသည်။

 နောက်နေ့တွင် အိုးကိုးလုံးဆေးပြား ပေးပို့ရင်း အခြားလောင်းကြေးကို ကမ်းလှမ်းလေ၏  ရှင်းနေသည်မှာ သူတို့သည် လင်းရှန်အား ခွန်အားတိုးစေရန် အိုးကိုးလုံးဆေးပြားကို အသုံးပြုမည့် အခွင့်အရေးမပေးချင်လို့ပင်။

ဒါက ရှန်မိသားစုက လင်းရှန်ကို ဘယ်လောက်ကြောက်တယ်ဆိုတာ ပြသခဲ့တာပင်။

သူ့စိတ်တွေ လှုပ်ရှားလာသည်နှင့်အမျှ လင်းရှန်က ဘာတွေဖြစ်နေပြီလဲ ဆိုတာ သိလေပြီ။

သို့သော် သူက လုံးဝစိတ်မ၀င်စားဘဲ တုံ့ဆိုင်းခြင်းမရှိဘဲ သဘောတူလိုက်သည်။

"ပြဿနာမရှိပါဘူး။"

ထိုစကားကိုကြားတော့  ရှန်ကျင်းချန်က တိတ်တဆိတ် သက်ပြင်းချလိုက်သည်။

သူအစိုးရိမ်ဆုံးမှာ လင်းရှန်သည် အချိန်အတော်ကြာ ရပ်တန့်နေပြီး လောင်းကြေးကို နှောင့်နှေးစေမှာကိုပင် ။ ဒါက အဆင့်တွေကို မလွဲမသွေ တိုးလာစေမှာပင်။ 

ထိုသို့ပြောသော်လည်း လင်းရှန်၏မျက်နှာတွင် အပြုံးမပျက်ဖြစ်နေသည်ကို မြင်သောအခါ ရှန်လျန့်ရှန်သည် နားမလည်နိုင်သော ခံစားချက်တစ်ခုကို ခံစားလိုက်ရသည်။

သို့သော် ဤမသက်မသာမှုများကို သူ့စိတ်နောက်သို့ အမြန်ပစ်ချလိုက်သည်။

ရှန်ကျင်းချန်၏ ကျရှုံးမှုကြောင့် ရှန်မိသားစုသည် ဤတစ်ကြိမ်တွင် အပြည့်အဝ ပြင်ဆင်ခဲ့သည်။

ဝိညာဉ်ပျိုးထောင်ခြင်း အဌမအဆင့် ကျင့်ကြံသူ သခင်ကို စေလွှတ်ရုံသာမကဘဲ သာလွန်အဆင့်  အထူး လက်နက်ငါးလက်ကိုလည်း ပေးအပ်ခဲ့သည်။

မှော်အလင်း မျိုးစေ့ကို ပေါင်းစည်းထားသော ကျင့်ကြံသူမဟုတ်ပါက ရှန်လျန့်ရှန်သည် တူညီသောအဆင့်မှ မည်သူမှ သူ့ပြိုင်ဘက်မဖြစ်နိုင်ဘူးဟု ခံစားမိသည်။

လင်းရှန်တောင်မှ ခြွင်းချက်မရှိပေ။

ရှန်လျန့်ရှန်က စိတ်ဆုံးဖြတ်ပြီး လက်ခုပ်တီးလိုက်သည်။

"စကြရအောင်”

လင်းရှန်က ပြုံးလိုက်သည်။

နောက်အခိုက်အတန့်မှာ သူ့ရုပ်က ရုတ်တရက် မှုန်ဝါးသွားပြီး ချက်ချင်းဆိုသလို ခုနစ်ပိုင်းကွဲသွားသည်။

ရှန်လျန့်ရှန်သည် ကြောက်ရွံ့မှုနှင့်အတူ ဖျော့တော့သွားသည်။

ကိုယ်ပွါးတွေ

လင်းရှန်မှာ ဒီနတ်တန်ခိုးတွေရှိတာလား

သို့သော် မကြာမီမှာပင် သူ အံ့အားသင့်ရန် အချိန်မရှိတော့ပေ။

မျက်စိတစ်မှိတ်အတွင်းမှာပဲ လင်းရှန်နဲ့ သူ့ရဲ့ကိုယ်ပွါးခြောက်ယောက်က ဖြန့်ကျက်ပြီး သူ့ကို ပုံစံတစ်မျိုးနဲ့ ဝိုင်းရံလိုက်သည်။

မရွေ့လျား တောင်တန်း၏ ခုနစ်ပိုင်း အခင်းအကျင်း

နောက်အခိုက်အတန့်တွင် ရှန်လျန့်ရှန်သည် မုန်တိုင်းတစ်ခုနှင့် တွေ့ကြုံခဲ့ရသည်။