နတ်ဓားကို ထပ်မံသန့်စင်ခြင်း

ဒီကျောက်ဓားရှည်တွေက ဘာကြောင့် ရှင်သန်နိုင်တာလဲ။

ကျောက်တုံးမပါဘဲ မရှင်သန်နိုင်ဘူးလို့ မဆိုလိုပါဘူး။ ဒါပေမဲ့ ထွင်းထုထားတာ မဟုတ်သလို လုံးဝ သဘာဝကျပါသည်။ ဒီကျောက်ဓား​တွေဟာ အတုအယောင် ထွင်းထုထားပြီး ၎င်းတို့ရဲ့ တက်ကြွမှုဟာ ပြီးပြည့်စုံမှု မရှိတော့ပါဘူး။

ဘာကြောင့်လဲ?

လွန်ခဲ့​သော ရက်အနည်းငယ်တွင် လုရွှမ် ဤကျောက်ဓားရှည်များကို လေ့လာခဲ့ပြီးပြီ။ အနည်းဆုံး သူ့လက်ဖဝါးနှင့် ထိလိုက်နိုင်သရွေ့ ကျောက်ဓားမျိုးစုံနှင့် ဆက်စပ်မှု တစ်စုံတစ်ရာ မရှိကြောင်း သိနိုင်ပါသေးသည်။

နေရောင်ခြည်၊ ​နေ၊ မိုး၊ လေ။

လုရွှမ်သည် သူဖန်တီးထားသော မိုးရေကို သောက်ပြီး မလှုပ်မယှက် ဖြစ်နေသော သူ့ပတ်ဝန်းကျင်ရှိ ကျောက်ဓားရှည်များကို ကြည့်လိုက်သည်။ ကောင်းကင်နဲ့မြေကြီးရဲ့ အငွေ့အသက်ကို လက်ခံထားတာလား။

ဤအရာများဟာ သူမြင်ဖူးသမျှ ဝိညာဉ်သလင်း ကျောက်တုံးတွေထဲက ကျောက်တစ်မျိုးလား။ ဒါမှမဟုတ် ဒီကျောက်တွေက သူမြင်ဖူးသမျှထဲမှာ ရှေးအကျဆုံး ကျောက်တွေလား။

ဒီအခါမှာတော့ ဒီကျောက်တုံးတွေဟာ သူတို့ရဲ့ ခန္ဓာကိုယ်ပေါ်ရှိ အလင်းတန်း အားလုံးကို ကျောက်ဓားရိုးအဖြစ် ပေါင်းစည်းထားတာမို့ ရက်စက် ကြမ်းကြုတ်လွန်းလှသော စွမ်းအင်များ ရှိကြောင်း ခန့်မှန်းကြည့်နိုင်သည်။

ကောင်းကင်နဲ့မြေကြီးရဲ့ ဝိညာဉ်စွမ်းအင်ကို စုပ်ယူပစ်လိုက်လျှင် ၎င်းလိုပဲ ဖြစ်သွားနိုင်လား။ လုရွှမ် ဒီပြဿနာကို ဘယ်တုန်းကမှ မတွေးမိတဲ့အထိ တုံးအလွန်းသောကြောင့် မိမိကိုယ်ကို ကျိန်ဆဲလိုက်သည်။

သူ့စိတ်တွေ လှုပ်ရှားလာတာနဲ့အမျှ နောက်ကွယ်က ချင်ထျန်းဓားဟာ အလိုအလျောက် ပျံတက်သွားပြီး သူ့ခေါင်းထက်မှာ ပျံဝဲသွားခဲ့၏။

ရွှေကျီးကန်း: "​ကောင်​​လေး... မင်းတကယ်​လုပ်​ဖို့ စိတ်​ပိုင်းဖြတ်​​ထားပြီလား"

"ကျွန်တော့်မှာ တခြားရွေးချယ်စရာတွေ ရှိသေးလို့လား"

လုရွှမ်ကလည်း ပြန်အော်လိုက်သည်။

ရွှေကျီးကန်း စကားမပြောတော့ပေ။ သူ့မှာသာ နည်းလမ်းရှိခဲ့ပါက လုရွှမ်ကို ဟိုးရှေးရှေးကတည်းက ကယ်တင်နိုင်ပေလိမ့်မည်။

ဤကျောက်ဓားပုံစံသည် ဓားနှင့် အခင်းအကျငိး ဖွဲ့စည်းမှုနှစ်ခုလုံး ပါဝင်ထားသည်။ အထူးသဖြင့် ၎င်းသည် ကောင်းကင်နဲ့မြေကြီးရဲ့ အရှိန်အဝါကို ပေါင်းစပ်ထားသောကြောင့် ၎င်းကို လူသားစွမ်းအားဖြင့် လုံးဝခွဲပစ်လို့ မရနိုင်ချေ။

နှစ်တွေကြာလာတာနဲ့အမျှ ဒီနေရာကို စုပ်ယူခံလာရတဲ့ မိစ္ဆာသားရဲတွေ၊ လူသားတွေ မရှိတော့ဘူး ဆိုတာ မဖြစ်နိုင်ဘူးလို့ လုရွှမ် ယုံကြည်ပါသည်။ ဒါပေမဲ့ သူတို့ထဲက တစ်ယောက်မှ မရှင်သန်နိုင်တာ သနားစရာပါပဲ။

ရွှေကျီးကန်းရဲ့ မူလရည်ရွယ်ချက်က သူ မလွတ်မြောက်နိုင်ရင် ကျောက်စိမ်းပြား နေရာထဲကို အရောက် ဝင်လာခဲ့ဖို့ပဲ။ လုရွှမ် ဒီလိုရူးသွပ်တဲ့ အကြံအစည်တစ်ခု ပေါ်လာလိမ့်မယ်လို့ သူ မထင်ထားချေ။ လုရွှမ်ဟာ ဤနေရာက ကောင်းကင်နဲ့မြေကြီးရဲ့ အငွေ့အသက်တွေနဲ့ သူ့ဓားကို တကယ်ကြီး ပြုပြင်ချင်နေသည်။

ချင်ထျန်းဓားသည် ကောင်းကင်နဲ့မြေကြီးရဲ့ အငွေ့အသက် ရှိပြီးသား ဖြစ်သောကြောင့် ၎င်းကို ကောင်းကင်လက်နက် အဆင့်သို့ ဝင်ရောက်ကာ ကောင်းကင်လက်နက် တစ်ပိုင်းဟုပင် ခေါ်တွင်နိုင်သည်။ အကယ်၍ ကောင်းကင်လက်နက် အစစ်အဆင့်သို့ တက်လှမ်းလိုပါက ကောင်းကင်နဲ့မြေကြီးရဲ့ ပိုမိုအားကောင်းပြီး သန့်စင်သော ရောင်ဝါကို သဘာဝအတိုင်း လိုအပ်မည် ဖြစ်သည်။

ကောင်းကင်နဲ့မြေကြီးရဲ့ ဝိညာဉ်စွမ်းအင်ကတော့ ဤကျောက်တုံး ဓားရှည်များမှ စုပ်ယူလိုက်ရုံပဲ မဟုတ်ပါလား။

ထို့အပြင် ဤကျောက်ဓားရှည်များက မလှုပ်ရှားနိုင်တော့ဘဲ ဓားသွားများကို အလယ်ဗဟိုရှိ လှောင်အိမ်ကိုသာ ညွှန်ပြထားသည်။ လုရွှမ်လည်း ဤကျောက်လှောင်အိမ်များတွင် ကောင်းကင်နဲ့မြေကြီး၏ အငွေ့အသက်များ လွန်ကဲနေမည်ကို သံသယရှိသည်။

ယခုပင် ကောင်းကင်နဲ့မြေကြီးရဲ့ ဝိညာဉ်စွမ်းအင်အားလုံးကို ချင်ထျန်းဓားထဲသို့ စုစည်းလိုက်ခြင်း ဖြစ်ပေသည်။ သို့သော် အောင်မြင်လိုပါက အရာအားလုံး အဆင်သင့် ဖြစ်ထားရမည်။ လိုအပ်တာ အရှေ့လေပါပဲ။

အရှေ့လေက ဘာလဲ။

လုရွှမ်မှာ သူ့၌ ထိုခွန်အားမျိုး ရှိနှင့်ပြီးလားဆိုတာ သူကိုယ်တိုင်ပင် မသိပေ။

ယနေ့မှာ နတ်မီးနယ်ပယ် ကိုးအဆင့်သို့ တိုးမြှင့်ထားပြီး ခွန်အားလည်း အလွန်တိုးလာသည့်အပြင်၊ ယွမ်ယန်ကျင့်စဥ်ရဲ့ တရားမျှတသော စွမ်းရည်ကိုလည်း မြှင့်တင်ထားကာ အရည်အသွေးတိုင်းနီးပါး ပြောင်းလဲလာခဲ့ပါပြီ။

ယခုအချိန်တွင် ပစ္စည်းများက ပေါပေါများများ ရှိနေပြီ။ အထူးသဖြင့် အရှားပါးဆုံး ကောင်းကင်နဲ့မြေကြီးရဲ့ အငွေ့အသက်များပါ ရှိနေသဖြင့် ၎င်းကို ခံနိုင်ရည်ရှိသရွေ့ သူ၏ အောင်မြင်မှု အခွင့်အလမ်းမှာ မနည်းသေးကြောင်း ယုံကြည်ပါသည်။

လုရွှမ် ချင်ထျန်းဓားအ​ပေါ်က ထိန်းချုပ်မှုကို တိုက်ရိုက် စွန့်လွှတ်လိုက်ပြီး အလိုအလျောက် ပျံသန်းခွင့် ပေးလိုက်သည်။ ထို့နောက် ယွမ်ယန်စွမ်းအင်ကို ထုတ်၍ ဓားကိုယ်ထည်အား ဖုံးအုပ်ထားလိုက်သည်။

ရုတ်တရက် ဟောက်သံနှင့်အတူ နတ်နဂါးတစ်ကောင်သည် ကောင်းကင်မှ ဆင်းသက်လာပြီး ချင်ထျန်းဓားကို တိုက်ခိုက်တော့၏။ အလင်းတန်းတွေ တဖျပ်ဖျပ် ခတ်သွားတဲ့ နတ်မိုးကြိုးက အလွန်တရာ ရက်စက်ကြမ်းကြုတ်လွန်းလှပါသည်။

လုရွှမ်လည်း ဤနေရာ၏ နတ်မိုးခြိမ်းသံကို ပထမဆုံးအကြိမ် ခံစားလိုက်ရပြီး မိမိဘာသာလည်း ထိတ်လန့်သွားသည်။ ဒီနတ်မိုးကြိုးတွေက ပို​အားကောင်းလာမှာ ထင်ရှားသည်။ ယခု ဆင်းလာတာက အနက်ရောင် နတ်မိုးကြိုးလည်း ဖြစ်သလို ဖြိုချပစ်ချင်သော မိုးခြိမ်းသံတွင် စွမ်းအားများစွာလည်း ပါရှိသည်။

တိုက်ခိုက်မှုက နတ်ဓားကို ထိမှန်ခဲ့ပြီး ချင်တန်ဓားသည်ပင် တိုးညှင်းသော ညည်းညူသံကို ထုတ်လွှတ်လိုက်သည်။ လုရွှမ် သက်ပြင်းချမိသည်။ သူနဲ့ နတ်ဓားက ဆက်နွယ်နေတာကြောင့် ချင်ထျန်းဓားရဲ့ စိတ်နှလုံးရွှင်လန်းမှုကို သဘာဝအတိုင်း ခံစားနိုင်သည်။

ဓားက ဒါမျိုးကို လိုချင်ပြီး သူ့ရဲ့ကိုယ်ပိုင် အဆင့်တွေ တိုးတက်လာအောင် ကြိုးစားလုပ်ဆောင်လိုသည်။ အကယ်၍ ဓားက မခံနိုင်ပါက လုရွှမ်လည်း သဘာဝအတိုင်း အတင်းအကျပ် တွန်းအားပေးမည် မဟုတ်ပါ။ သို့မဟုတ်ပါက နတ်ဓား ပျက်စီးသွားမည် သို့မဟုတ် တိုက်ရိုက် ကျိုးသွားလိမ့်မည် ဖြစ်သည်။

စင်စစ် အသက်နှင့်ယှဉ်လျှင် နတ်ဓားကိုပင် လွှင့်ပစ်နိုင်သည်။ ကောင်းကင်နဲ့ မြေကြီးရဲ့ စွမ်းရည်ကို ခံနိုင်ရည်ရှိသော ဓားအတွက် အသက်နှင့်သေခြင်း ကိစ္စမဟုတ်ပါက လုရွှမ် ချင်ထျန်းဓားကို ဘယ်တော့မှ လွှတ်ထားပေးမည် မဟုတ်။

သူအခု လုပ်နိုင်ဆုံးအရာက နည်းနည်းလေး ဒုက္ခရောက်ပြီး တခြားနည်းလမ်းတွေ ရှာဖို့ပါပဲ။ မျှော်လင့်ထားသည့်အတိုင်း ဤနတ်မိုးခြိမ်းသံကို စုပ်ယူလိုက်ရာ ဤကျောက်တုံးဓားရှည်များမှ ကောင်းကင်နဲ့မြေကြီး၏ အလင်းရောင်များသည် အလယ်ဗဟိုမှ လုရွှမ်ဆီသို့ ပြေးဝင်လာ​လေ​တော့သည်။

လုရွှမ် နာကျင်စွာ အော်ဟစ်နေရုံမျှသာ တတ်နိုင်၏။ ကောင်းကင်နှင့် မြေကြီး၏ အငွေ့အသက်များက လွန်ကဲ​နေသည်။ သူ့ခန္ဓာကိုယ်က မသန်မာဘူးဆိုရင် ခံနိုင်ရည်ရှိမှာလည်း မဟုတ်ဘူး။

လုရွှမ်လက်ဖဝါးထဲက စွမ်းအင်က ကောင်းကင်နဲ့မြေကြီးရဲ့ ရောင်ဝါနဲ့ ပေါင်းစပ်၍ ချင်ထျန်းဓားထဲသို့ စီးဝင်သွားကြသည်။ ဓားသည် ရတနာတစ်ခု ရရှိထားသော ကလေးတစ်ယောက်လို ကျယ်လောင်စွာ အော်ဟစ် မြူးတူးနေကာ ဓားတစ်ကိုယ်လုံး တုန်ခါနေရင်း ဓားစွမ်းအင်က ကမ္ဘာတစ်ခုလုံးကို လွှမ်းခြုံသွားသည်။

လုရွှမ်ဟာ ဓားကိုယ်ထည်မှ အနက်ရောင် အညစ်အကြေး သဲလွန်စများကို ဖယ်ရှားပစ်လိုက်တာကို သေသေချာချာ မြင်လိုက်ရ၏။

၎င်းတို့သည် အညစ်အကြေးများ မဟုတ်သော်လည်း ကောင်းကင်နဲ့ မြေကြီး၏ အငွေ့အသက်နှင့် နှိုင်းယှဉ်ပါက အညစ်အကြေးပင်။ ကောင်းကင်နှင့် မြေကြီး၏ စွမ်းအားကို ကောင်းစွာ မကူးစက်နိုင်လျှင် ၎င်းတို့သည် သဘာဝအတိုင်းပင် ​ဖယ်ထုတ်ခံရပေမည်။

လုရွှမ်၏ မျက်လုံးများသည် နတ်အလင်းရောင်များဖြင့် လင်းလက်နေပြီး သူ့ခန္ဓာကိုယ်ပေါ်ရှိ နတ်မီးများပင် ထွန်းတောက်နေလေသည်။ သူသည် နတ်မီးနယ်ပယ် ကိုးအဆင့်တွင်သာ ရှိသော်လည်း နတ်မီး ဆယ့်နှစ်လုံးကို တဖြည်းဖြည်းချင်း ချိတ်ဆက်ထား​ခဲ့သည်။

ကောင်းကင်နှင့်မြေကြီးရဲ့ စွမ်းအား အစုအဝေးများက လုရွှမ်ခန္ဓာကိုယ်ထဲ၌ သန့်စင်သွားသလိုပင်။

လုရွှမ် မထင်မှတ်ထားသည့် အရာမှာ ကောင်းကင်နဲ့မြေကြီးရဲ့ အငွေ့အသက်က သူ့ခန္ဓာကိုယ်ထဲသို့ ဦးစွာ ဝင်ရောက်လာတာပါပဲ။ သူ့ခန္ဓာကိုယ်ကို ဖြတ်သန်းသွားသောအခါတွင် ၎င်းတို့က သူ့ခန္ဓာကိုယ်ကို သန့်စင်​ပေးသွားလိမ့်မည်ဟု ခန့်မှန်းရ ပိုခက်ပါသည်။

ဒါက ယွမ်ယန်ကျင့်စဥ်ရဲ့ အစွမ်းအစတွေ ဖြစ်ကြောင့် တစ်အောင့်ကြာတော့ ခံစားမိလိုက်သည်။ ပြီးတော့ အရှိန်ပိုမြန်သလို လေထုနဲ့ ရောထွေးနေတဲ့ စွမ်းအင်တွေက တကယ်ကို နေရာနည်းနည်း လွဲနေသလို ခံစားရလေ၏။

ယင်းအချက်ကြောင့် လုရွှမ် သွေးအန်လုမတတ် ဖြစ်သွားသော်လည်း သူ၏ ယွမ်ယန်ကျင့်စဥ်က အလွန်လွှမ်းမိုးနိုင်ကြောင်းတော့ သိသွားခဲ့သည်။ အရင်က ဒဏ်ရာတွေက မြန်မြန်ဆန်ဆန်နဲ့ သက်သာလာခဲ့၏။

ကျောက်ဓားတွေဆီက စွမ်းအင်သည် ယွမ်ယန်ကျင့်စဥ် အပေါ် လုံးဝသက်ရောက်မှု မရှိသော်လည်း သူ့ခန္ဓာကိုယ်အတွက် ကြီးမားသော အကူအညီ ဖြစ်​စေခဲ့သည်။ လုရွှမ်မှာ သူ့ခွန်အားတွေ တဖြည်းဖြည်း အားကောင်းလာသည်ဟုပင် ခံစားရလေသည်။

သို့သော် သူ့ခန္ဓာကိုယ် အနှံ့အပြားရှိ အရိုးများသည် ကောင်းကင်နှင့်မြေကြီး၏ ဖိအားကို မခံနိုင်တော့ဘဲ ခရက်ခရက် အသံတစ်ခု ထွက်ပေါ်လာပြီး တချို့အရိုးများ ကျိုးသွားခဲ့​ပေသည်။