ခြောက်​ယောက်အုပ်စု

ထိုနေရာသို့ တိုက်ရိုက်ဖြတ်သွားလျှင် ပြဿနာတစ်ခုသာ ရှိသေးသည်။ ဆိုလိုသည်မှာ ပို၍အရေးကြီးပြီး အန္တရာယ်ကြီးသော မိစ္ဆာသားရဲများပင်လျှင် ဤအကျိုးကို စွန့်လွှတ်နိုင်တဲ့အထိ အရေးကြီးလှတဲ့ တစ်ခုခု ပေါ်လာခဲ့တာ ဖြစ်ပေလိမ့်မည်။

နောက်ရက် အနည်းငယ်ကြာတော့ သူမဟာ ကြောက်လန့်တကြားနဲ့ သစ်ပင်ကြီးရဲ့ မျိုချလုနီးပါးကို ခံခဲ့ရတာကြောင့် သစ်ပင်နားကို မချဉ်းကပ်ရဲတော့ပေ။

ဒီအခိုက်အတန့်မှာ လုရွှမ်ကို ပြန်တွေ့တော့ အရမ်းစိတ်လှုပ်ရှားသွားပြီး လုရွှမ်ရဲ့ ရင်ခွင်ထဲအထိပါ ပြေးဝင်သွားခဲ့သည်။

"မင်းအရမ်း ကြောက်နေတာလား"

လုရွှမ် တိုးတိုးလေး မေးလိုက်သည်။

မကောင်းသော အကြံအစည်များ မ​​ပေါ်လာအောင် မိစ္ဆာသားရဲများကို တားဆီးရဲသော မိန်းကလေးသည် အမှန်တကယ်ပင် သူမ၏ မျက်နှာကို ကုတ်ခြစ်ခဲ့၏။ ဆိတ်ဆိတ်နေကာ ဘီလူးကို တိုက်ခိုက်ရန်အတွက် ဖောက်ခွဲရေးပစ္စည်းများကို ဂရုတစိုက် တီထွင်ခဲ့သည်။

သူမသည် လေးစားဖွယ် ကောင်းသော်လည်း ထိုခိုင်မာသော အသွင်အပြင် အောက်တွင် အဆုံးမရှိသော နာကျည်းမှုနှင့် ကြောက်ရွံ့မှုများ ရှိနေမယ်ဆိုတာ လုရွှမ် ကောင်းကောင်း သိသည်။

"လာ... ငါ မင်းကို မိတ်ဆက်ပေးပါရစေ ဒါက ဟောက်ထျန်းတဲ့... ငါ့ရဲ့ သေအတူရှင်အတူ သူငယ်ချင်း... ငါ့နောက်ကြောင်းကို အပ်ထားနိုင်တဲ့သူ"

ကျီရွှေ: "မင်္ဂလာပါ အကြီးတန်းအစ်ကို ဟောက်ထျန်း"

ဟောက်ထျန်းကလည်း လက်ဆောင်များကို အမြန် ထုတ်ပေးလိုက်သည်။

လုရွှမ်သည် ကျီရွှေ၌ ဖြစ်ပျက်ခဲ့သော အဖြစ်အပျက်များကို ပြောပြလိုက်သောအခါ ဟောက်ထျန်း ချက်ချင်းပင် သဘောကျသွားပြီး သူမကို လေးစားမှု အပြည့်ဖြင့် ကြည့်နေလေသည်။

"ကျီရွှေ.... မင်းက အဂ္ဂိရတ်ပညာလည်း ကျွမ်းကျင်ရမယ်... မင်းမှာ အဂ္ဂိရတ်ဆေး တစ်ခုခုရှိလား...ဟောက်ထျန်းက ဒဏ်ရာအပြင်းအထန် ရနေတယ်"

ကျီရွှေက မြန်မြန်လေး ခေါင်းညိတ်ရင်း။

"ကျွန်မရဲ့ ကျင့်ကြံမှုက မမြင့်ပေမယ့် ဆေးဖက်ဝင် ပစ္စည်းတွေ အကြောင်းတော့ နည်းနည်းသိပါသေးတယ်... အကြီးတန်းအစ်ကို ဟောက်ထျန်းရဲ့ အသက်စွမ်းအင်က ဒဏ်ရာအပြင်းအထန် ရထားတာပဲ ... ကျွန်မမှာ ကုသဖို့ အဂ္ဂိရတ်ဆေး ပါတယ်"

အဆင်သင့် လုပ်ထားတဲ့ အဂ္ဂိရတ်ဆေးက သူမ ၀ယ်ထားတာ ဖြစ်လိမ့်မည်။

ထိုစဥ် ရုတ်​တရက်​ လုရွှမ်ကို ခံစားချက်တစ်ခုက သတိပေးလာ၏။ လုရွှမ်အမူအရာ​ ပြောင်းသွားပြီး ခဏအကြာတွင်​ သူတို့နှစ်​​ယောက်​နှင့်​အတူ သစ်​ပင်​​နောက်​က အမြန်​ ထွက်လာခဲ့သော် တွေ့လိုက်ရတာက ချောင်ယန်၊ ရှင်ထျန်းနဲ့ ယောင်းရောင်တို့ ဖြစ်​နေခဲ့သည်။

"ရှင်ထျန်း မင်း သေချာရဲ့လား"

"ဆရာတူအစ်ကို!"

ဟောက်ထျန်း အမြန်ထွက်လာသည်။ လုရွှမ်နဲ့ ကျီရွှေတို့လည်း သူတို့ကို တွေ့လိုက်ရသောအခါ နှစ်ယောက်လုံး စိတ်လှုပ်ရှားသွားကြသည်။

ယောင်းရောင်က အားနည်းနေပြီး သူမသည် မြေပြင်ပေါ်တွင် လဲလျောင်းရလုမတတ် ဖြစ်နေ၏။ သူမ ပြင်းထန်စွာ ဒဏ်ရာရသွားသည်မှာ သိသာထင်ရှားလှပြီး လုရွှမ် ငုံ့ကြည့်လိုက်တော့ သူမမျက်လုံးများက ချက်ချင်းပင် နီရဲလာသည်။

လုရွှမ် အံ့သြသွား​စေလောက်တဲ့ အလောင်းတစ်လောင်းကို ယောင်းရောင်က ထုတ်ယူလာတာ မြင်လိုက်ရသည်။ ဒဏ်ရာက ဘယ်လောက်ထိ ဒဏ်ရာတွေ ရသွားလဲ မသိပေမယ့် ချန်ရှီးရဲ့ ပါးပြင်တွေကတော့ ပြင်းပြင်းထန်ထန် ပျက်စီးသွားပြီ။

"သူက ငါ့ကို ကယ်ခဲ့တယ်... ဒါပေမဲ့ သူကိုယ်တိုင်ကတော့...."

ယောင်းရောင် ဝမ်းနည်းစွာ ဆိုလိုက်သည်။

လုရွှမ်သည် ချန်ရှီး၏ပါးကို စိုက်ကြည့်ရင်း တိတ်ဆိတ်နေခဲ့သည်။ ချန်ရှီးနှင့် ပထမဆုံး တွေ့ဖူးသည့် အချိန်ကို သူ မမှတ်မိတော့ပေ။ ၎င်းက စိတ်အားထက်သန်သူဖြစ်ပြီး ရက်ရောလွန်းကာ အခြားသူများကို အန္တရာယ်ပြုရန် သေးငယ်သော နည်းလမ်းများကို အသုံးပြုရဖို့လည်း မရှက်မကြောက် နေတတ်သူဖြစ်သည်။

နောက်ပိုင်းမှာ တစ်ယောက်နဲ့တစ်ယောက် ပိုသိလာတဲ့အခါ ထိုသူဟာ စိတ်ဓာတ်ကြံ့ခိုင်တဲ့ လူတစ်ယောက် ဖြစ်ပြီး ထိုသူကိုယ်တိုင်က ငါးဒြပ်မဂိုဏ်းရဲ့ အငယ်တန်းမျိုးဆက် တစ်ခုလုံးကို သူ့ဘာသာသူ ဦးဆောင်ထားနိုင်တယ် ဆိုတာ သိလာရသည်။

သူ့ရဲ့ ဝန်ထုပ်ဝန်ပိုးတွေကိုတော့ ဘယ်သူ့ကိုမှ မပြောပြခဲ့ဘူးချေ။ ယခုမူ သူ၏အပေါင်းအဖော်များကို ကာကွယ်ရန်အတွက် သူသည် နတ်ဆိုးတစ်ကောင်၏ လက်ထဲ၌ သေဆုံးသွားခဲ့ရသည်။

"အစ်မ... စိတ်မကောင်းမဖြစ်ပါနဲ့... ချန်ရှီးက အစ်မကို ကယ်တင်ဖို့ သူ့ရဲ့ကိုယ်ပိုင် အသက်ကို သုံးခဲ့တယ်... သူကိုယ်တိုင် လုပ်တယ်ဆိုကတည်းက ကျေနပ်မယ်လို့ ထင်ပါတယ်"

ချောင်ယန်နဲ့ ရှင်ထျန်းတို့သည် လမ်းတွင်သေဆုံးလုနီးပါး ဖြစ်နေသော ယောင်းရောင်ကို တွေ့ရပြီး ချန်ရှီးကတော့ သေနေပြီဖြစ်သည်။ ဒါကိုကြည့်ရုံမျှဖြင့် ချန်ရှီး သူမကို အမြန်ကယ်တင်ခဲ့ကြောင်း သိသာ၏။

ချောင်ယန်: "အခု ငါတို့ငါးယောက်ပဲကျန်တော့တယ်... ကျန်တဲ့လူတိုင်းက...."

သူက ပြောရင်း ငိုချလိုက်သည်။

ရှင်ထျန်း: "ဒါဆို ငါတို့က သူတို့အတွက် အသက်ဆက်ရှင်ရမယ်"

ရှင်ထျန်း လူသတ်ချင်စိတ် အပြည့်နဲ့ သူ့လက်ဖဝါးကို ဆန့်ထုတ်လိုက်သော် လူတိုင်းကလည်စ တစ်ယောက်ပြီး တစ်ယောက် တင်းတင်းကြပ်ကြပ် ဆုပ်ကိုင်လိုက်ကြ၏။

လုရွှမ်လည်း ကျီရွှေရဲ့ အတွေ့အကြုံကို သူတို့သုံးယောက်နဲ့ အမြန်မိတ်ဆက်ပေးပြီး သူတို့သုံးယောက်ကလည်း ကျီရွှေကို အလွန်အမင်း သဘောကျသွားကြသည်။

"အစ်မယောင်းရောင်... ဒါက ညီမသန့်စင်ထားတဲ့ အဂ္ဂိရတ်ဆေးပါ... အစ်မရဲ့ဒဏ်ရာကို အတိုင်းအတာ တစ်ခုအထိတော့ ကူညီပေးလိမ့်မယ်"

ကျီရွှေရဲ့ အတွေ့အကြုံကို သိလိုက်ရတော့ သူတို့ သုံးယောက်ကလည်း ကျီရွှေဟာ အဂ္ဂိရတ်ဆေး သန့်စင်ရာမှာ ထူးချွန်သူ ဖြစ်ရမယ်ဆိုတာကို သဘာဝကျကျ နားလည်လာကြပါ၏။ သူမနှင့် ဟောက်ထျန်းတို့သည် ဆေးလုံးကို မျိုချလိုက်ပြီး လုရွှမ်က ၎င်းတို့ကို အမြန်ပြန်ကောင်းအောင် ကူညီပေးခဲ့သည်။

မကြာခင်မှာပဲ သူတို့နှစ်ယောက် ဒဏ်ရာတွေဟာ ထုံးစံအတိုင်း ပြန်သက်သာလာခဲ့သည်။

လုရွှမ်က ကောင်းကင်လက်နက်ကို လူငါးဦးအား ပြသခဲ့ရာ နတ်ဓားကို ကောင်းကင်လက်နက်အဖြစ် ပြုပြင်ထားခြင်းက အမှန်တကယ်ပင် တိုက်ဆိုင်မှု တစ်ခုဖြစ်ကြောင်း ကြားရလျက် အားလုံး အံ့သြသွားခဲ့ကြသည်။

"ဒါ့အပြင် ဒီကောင်းကင်လက်နက်နဲ့ ဓားသိုင်းအစုံကို ကျွန်တော် သင်ယူခဲ့တယ်... စွမ်းရည်သုံးမျိုးနဲ့ အသက်သုံးချောင်းဓားကို အားလုံးလည်း အရင်က မြင်ဖူးခဲ့မှာပါ... အထူးသဖြင့် အစ်မယောင်းရောင်၊ အစ်ကိုချောင်ယန်နဲ့ အစ်ကိုရှင်ထျန်းတို့ သုံးယောက်စလုံးက မျှော်စင်နယ်ပယ်ရဲ့ အထွတ်အထိပ်ကို ရောက်နေပြီဆိုတော့ ဒီဓားသိုင်းရဲ့ အစွမ်းအစကို မြှင့်တင်နိုင်သင့်တယ်"

လုရွှမ်လက်ထဲတွင် စွမ်းရည်သုံးမျိုးနှင့် အသက်သုံးချောင်းဓားကို သူတို့တွေ့မြင်ခဲ့ရသည်မှာ အမှန်ပင်။ သို့သော် ဤဓားသိုင်းအစုံသည် ပြီးမြောက်ပါက ၎င်း၏စွမ်းအားသည် အနည်းဆုံး အဆင့်များစွာ တိုးလာမည်ဟုလည်း ဆွေးနွေးခဲ့ကြဖူးပါသည်။

မမျှော်လင့်ဘဲ လုရွှမ်သည် ဤဓားသိုင်းအစုံကို ကောင်းကင်လက်နက်ဖြင့် ပြီးမြောက်စေခဲ့သည်။

"လုရွှမ် မင်း ဒီဓားသိုင်းကို ဖြန့်ချင်တာ သေချာလား"

"ငါတို့ ညီအစ်ကို မောင်နှမတွေရဲ့ အသက်နဲ့ ယှဉ်လိုက်ရင် ဒီဓားသိုင်းက ဘာမှ မဟုတ်​တော့ပါဘူး"

လုရွှမ် စကားဆုံးသောအခါတွင် နောက်ဆုံး ဓားကိုးချောင်းကို အမြန်ပြသလိုက်ရာ ၎င်းတို့သုံးဦးစလုံးသည် မျှော်စင်နယ်ပယ်၏ နဝမအဆင့်များ ဖြစ်တာမို့ ဓားသိုင်းက လျှို့ဝှက်ဆန်းကြယ်ပြီး မှော်ဆန်တာကို မြင်လိုက်ရသည်။

နောက်ဆုံး ဓားကိုးချောင်းသည် ဤဓားသိုင်းကို အဆင့်များစွာဖြင့် လုံးဝနီးပါး တိုးတက်လာစေသည်။ သူတို့ သုံးယောက် တစ်ယောက်ကို တစ်ယောက် ကြည့်လိုက်မိ၏။ ဓားသိုင်းက သူတို့ဂိုဏ်းရဲ့ ဓားသိုင်းထက်တောင် သာလွန်သွားခဲ့ပြီလေ။

ဓားသိုင်းကြီး ရှစ်ခုကိုတောင် ဒီစွမ်းရည်သုံးမျိုး အသက်သုံးချောင်းဓားနဲ့ ယှဉ်လို့မရမှာကို ကြောက်မိသည်။

အထူးသဖြင့် နောက်ဆုံး ဓားသုံးချောင်းပါပဲ။ သူတို့ သုံးယောက်ဟာ သူတို့ရဲ့ လက်ရှိ ကျွမ်းကျင်မှုတွေကြောင့် မသုံးနိုင်ဘူးဆိုတာ ကောင်းကောင်းသိပါ၏။ ဒါပေမဲ့ တိုက်ပွဲမှာ သူတို့ရဲ့ အင်အားကို အနည်းဆုံး 30% တိုးဖို့ လုံလောက်ပါသေးသည်။

ဟောက်ထျန်းနဲ့ ကျီရွှေတို့ တစ်ယောက်ကို တစ်ယောက်ကြည့်ကာ ခေါင်းယမ်းလိုက်ကြသည်။ နောက်ဆုံးတော့ လုရွှမ် အဘယ်ကြောင့် ယခင်က ပထမဆုံး လှုပ်ရှားမှုကိုသာ အသုံးပြုခဲ့သလဲ နားလည်ခဲ့ပါပြီ။ နောက်ဆုံး ဓားကိုးချောင်းသည် လက်ရှိအဆင့်က သူ ထိန်းချုပ်နိုင်သည့်အရာ မဟုတ်​နေပေ။

လုရွှမ် လုံးဝ အသုံးမပြုနိုင်ရခြင်း အကြောင်းရင်းမှာ သူ့လက်ထဲတွင် ရှိသော ကောင်းကင်လက်နက်နှင့် သူ့ခန္ဓာကိုယ်ပေါ်ရှိ ကောင်းကင်နှင့်မြေကြီး၏ အလင်းရောင်ကြောင့်ပဲ ဖြစ်သည်။

ဒါတောင်မှ လုရွှမ်ဟာ တစ်ကြိမ်လောက် လှုပ်ရှားပြီးတာနဲ့ သူ့စွမ်းအင်ကို ပြန်လည်ဖြည့်တင်းဖို့ ဆေးတစ်လုံးကို အမြန် သောက်နေရ၏။

ဓားသိုင်းကို သစ်သားခုတ်နေရသလို ကောင်းမွန်သော ဓားသိုင်းဖြစ်ဖို့ ရက်အတော်ကြာ လေ့ကျင့်ပြီးနောက် ကျွမ်းကျင်မှုနှင့် ဓားပညာကို အပြည့်အဝ စွမ်းဆောင်နိုင်ခဲ့သော်လည်း ပြီးပြည့်စုံဖို့ကတော့ ဆယ်စုနှစ်များစွာ ကြာအောင် မပြီနိုင်ပေ။

ဒါပေမဲ့ ဒီဓားသိုင်းက နားလည်ထားရင် အနည်းဆုံးတော့ အနာဂတ်မှာ အသက်ကို ကယ်တင်ဖို့ အပိုအမှတ်တစ်ခု ပေးပါလိမ့်မည်။ နတ်​ခြေလှမ်းနယ်ပယ် ရောက်သွားတာနဲ့ ဒီဓားသိုင်းကို အပြီးအပိုင် အသုံးချနိုင်ပြီ။ အဲဒီအချိန်မှာ ခွန်အားတွေ အရမ်းတိုးတက်လာလိမ့်မယ်။

လူများစွာသည် ဓားသိုင်း လေ့ကျင့်နေစဉ် လုရွှမ်ဟာ မြောက်ပိုင်းဒေသရှိ ဆေးလုံးအချို့အကြောင်း ကျီရွှေထံမှ မေးမြန်းခဲ့သည်။ လုရွှမ် နဲ့ တခြားသူတွေက ဘာမှ မပြောပေမယ့် ကျီရွှေကတော့ သူနဲ့ တခြားသူတွေဟာ ဒီနေရာက မဟုတ်ဘူးဆိုတာကို သေချာသိထားပြီးသားပါ။

သူမက ဉာဏ်ကောင်းစွာနဲ့ သူတို့နောက်ကို လိုက်သွားနိုင်တာကြောင့် အကုန် ပြောပြသည်။ ဒီသေနေတဲ့ နေရာကနေ ရုန်းထွက်ပြီး ဘဝသစ်ကို ပို့ဆောင်နိုင်မလား မသိ။