စတုရန်းမီတာ ၇၀၀၀၀၀ မြက်ခင်းပြင်အစီအစဉ်!

Vol. 33 Ch. 483

(ခွေးသွားစိတ်မြက်: အရည်အသွေး ၂)

(သေချာသုတေသနလုပ်ပြီးမျိုးစိတ်ပြောင်းထားသော စားကျက်မြက်မျိုးဖြစ်သည်။ စိုက်ပျိုးပြီးလျှင် မွေးမြူရေးခြံတွင်မထင်မှတ်ထားသောအာနိသင်များရှိလာမည်:

မြက်စိမ်းမွှေးရနံ့ +၂၊ စိတ်လွတ်လပ်ခြင်း +၂၊ အပူအပင်ကင်း၍စိတ်သက်သာခြင်း +၂၊ အဆင်းလှခြင်း +၂၊ ဝင်ရောက်ခြင်း +၂၊ တိရစ္ဆာန်များကြိုက်ခြင်း +၂၊ အာဟာရ +၂၊ ရှင်သန်နိုင်စွမ်း +၂!)

(ကန့်သတ်ချက်များ: ဂိမ်းထဲတွင်ရောင်းချသောမျိုးစေ့များကအာနိသင်ရှိသည်။ ပျိုးထောင်၍စိုက်ပျိုးသောမျိုးစေ့မှာ အာနိသင်ပျောက်သွားမည်!)

ချင်လင်ကခွေးသွားစိတ်မြက်၏အရည်အသွေးများကိုကြည့်ရင်း လုံးဝအံ့ဩသွားသည်။

အရည်အသွေးတွေ၊အာနိသင်တွေအများကြီး။

မြက်စိမ်းကမွှေး၊ စိတ်ခံစားချက်လွတ်လပ်သွားပြီး စိတ်ဝိဉာဉ်ပြေလျော့သွားသည်။ ဒါမြက်ခင်းပြင်ရဲ့သဘာဝခရီးသွားအရည်အသွေးပင်။

လူတွေမြက်ခင်းပြင်ကိုလာကြတာ ခမ်းနားတဲ့မြင်ကွင်းကိုကြည့်ဖို့နဲ့သူတို့စိတ်သက်သာဖို့ပဲမလား?

စာသင်သားအတော်များများက မြက်ခင်းပြင်ကို 'လေနဲ့အတူပါလာတဲ့မြက်ခင်းပြင်ရဲ့ရနံ့က စိတ်ထဲရောက်လာရင် စိတ်ဝိဉာဉ်ကိုတစ်ခဏချင်း နူးညံ့သိမ်မွေ့စေတယ်' သို့မဟုတ် 'လှပကျယ်ပြောပုံက စွဲမက်စရာကောင်းတယ်' ဟူသောအရေးအသားမျိုးနှင့် မြက်ခင်းပြင်ကိုဖော်ပြလေ့ရှိကြသည်။

အဆင်းလှတာ၊လူဝင်တာ မပြောနှင့်၊ မြက်ခင်းပြင်ကကြည့်လျှင်အလွန်လှပြီး ဓာတ်ပုံတွေကပိုခမ်းနားသေးသည်။

အတော်များများကမြက်ခင်းပြင်ကိုမရောက်ဖူးသော်လည်း ဗီဒီယိုများထဲတွင်မြက်ခင်းပြင်၏ခမ်းနားကြီးကျယ်ပုံကိုမြင်ဖူးကြသည်။

စနစ်ကထုတ်တဲ့ခွေးသွားစိတ်မြက်က စိုက်ပျိုးပြီးရင်အရည်အသွေး ၂ ရမည်။ ကြည့်ကောင်းခြင်းနှင့်လူဝင်ရောက်မှုအဆင့်ပိုကောင်းခြင်းသာ။

ထို့အပြင် တိရစ္ဆာန်များကြိုက်ပြီး မွေးမြူရေးခြံမှအာဟာရ +၂ ရမည်။ ဒါမွေးမြူရေးခြံပိုင်ရှင်များအတွက်လုံးဝသတင်းကောင်းပင်။

ထိုအရည်အသွေးနှစ်ချက်ကြောင့်လည်း ခွေးသွားစိတ်မြက်က +၂ ရှင်သန်နိုင်စွမ်း၊ မျိုးစေ့ဖော်ပြချက်နှင့်စိုက်ပျိုးချိန်တိုတောင်းခြင်းတို့ကိုလိုအပ်ခြင်းဖြစ်မည်။

အပင်ဖြစ်ချိန်ကြာလျှင် ရှင်သန်နိုင်စွမ်းနည်းသည်။ နွားကျောင်းသားများလည်းသဘောကျ၍ မကြာခင်ပြောင်သွားနိုင်သည်။ ရှင်သန်နိုင်စွမ်းကောင်းပြီး အပင်ဖြစ်ချိန်တိုတောင်းလျှင်ပြဿနာမရှိပေ။

ဒိအရည်အသွေးအားလုံးက မွေးမြူရေးခြံအတွက်အထူးလုပ်ယူထားသော သုတေသနလုပ်ဆောင်ချက်၊မျှော်မှန်းချက်အတိုင်း မွေးမြူရေးခြံလိုအပ်ချက်များနှင့်ကိုက်ညီသည်ဟုဆိုရပေမည်။

ဒီအရည်အသွေးတွေနဲ့ စံအိမ်စားကျက်မြေမှာဧကရာချီစိုက်လိုက်ရင် ဘယ်လောက်ခမ်းနားလိုက်မလဲ?

ဧကရာချီမလောက်သဖြင့် ယွီရွှေ့ကိုလူအင်အားနှင့်မြေကွက်အသစ်ရှင်းပြီးဖွံ့ဖြိုးအောင်လုပ်ခိုင်းမည်။ လိုအပ်ချက်သိပ်မြင့်မြင့်မားမားမရှိ။ မြေအသစ်မှာခွေးသွားစိတ်မြက်စိုက်ပြီး မူလစားကျက်မြေနှင့်ဆက်လိုက်ရုံဖြင့် စုစုပေါင်းဧက ၁၀၀၀ ဖြစ်သွားလိမ့်မည်။

ဒါဆိုရင် စတုရန်းမီတာ ၇၀၀၀၀၀ နှင့်ညီမျှသည်။ ဒါကပိုတောင်ခမ်းနားလိမ့်မည်။ အဲဒီအချိန်ကျရင် သုံးပွင့်ဆိုင်ဇီးပန်းပင်လယ်နှင့်ရေပေါ်တံတားရှုခင်းစသည်အားလုံးက သူ့ညီလေးတွေဖြစ်သွားလိမ့်မည်။

တကယ့်မြောက်အမေရိကမြက်ခင်းပြင်တောင် သူ့လောက်ဆွဲဆောင်မှုမရှိနိုင်။

အဓိကအချက်မှာ ခွေးသွားစိတ်မြက်ခင်းတွင်ကန့်သတ်ချက်ရှိနေသည်။ ဂိမ်းထဲမှာရောင်းသောအပင်များသာ ထိုအာနိသင်ရှိသည်။ မျိုးစေ့ပျိုးထောင်လျှင် ရွှေ့ပြောင်းစိုက်နိုင်မည်မဟုတ်ပေ။

တစ်နည်းပြောရရင် သူ့စံအိမ်မှာပြိုင်စံရှားဖြစ်သည်။ တခြားနေရာကလူတွေလာပြီး မျိုးစေ့ကိုစစ်ဆေးရင် ဒါမှမဟုတ် ခိုးရင်တောင် ဘာအရည်အသွေးမှရှိမည်မဟုတ်ချေ။

ဒါကအံ့ဩစရာအကောင်းဆုံး။ အဲဒီကျရင် နိုင်ငံထဲမှာတစ်ခုတည်းသော ဒါမှမဟုတ် ကမ္ဘာပေါ်မှာတောင်တစ်ခုတည်းသောဖြစ်ရင်ဖြစ်မည်။

ချင်လင်ကစမ်းသပ်ကြည့်ဖို့ နည်းနည်းစိတ်အားထက်သန်သွား၏။

သို့သော် ပြဿနာရှိနေသည်။

ဒီစိမ်းစိမ်းနေရာကို သူဘယ်လိုရှင်းပြမလဲ?

ဒါကမယုံနိုင်စရာကောင်းလွန်းနေသည်။ ဒီတော့ အပြစ်လွှဲပြီးခေါင်းခံပေးမည့်အရာရှိရဦးမည်။

ခဏတွေးတောပြီးနောက် ချင်လင်အကြံရလာသည်။ စိုက်ပျိုးချိန်ကျရင် ဂိမ်းထဲမှာချန်ထားတဲ့အထူးမြေကြီးထုတ်ပြီးရေနဲ့ရောဖျော်ကာ စားကျက်မြေကိုရေသွင်းမည်။

အဲဒီအချိန်ကျရင် အထူးမြေကြီးကြောင့်ဖြစ်တာဟုပြောနိုင်ပြီ။ လီခိုင်ကိုဆွဲထည့်တာအကောင်းဆုံး။ လိုအပ်ရင် သူကခေါင်းခံပေးလိမ့်မည်။

အထူးမြေကြီးအကြောင်းဘယ်လိုရှင်းပြမလဲဆိုတော့ ဉာဏ်များတဲ့ယုန်လေးနဲ့တွင်းသုံးတွင်းပေါ့။ အစ်ကိုလီကလှည့်စားရလွယ်သောကြောင့် အလွယ်တကူယုံလိမ့်မည်။

အဲဒီအချိန်ကျရင် ဂုဏ်သတင်းကအစ်ကိုလီအတွက်၊ အကျိုးအမြတ်ကသူ့အတွက်။ လုံးဝပြီးပြည့်စုံပြီ။

လုပ်ဆောင်တဲ့အခါ ပိုပြီးသတိထားရမည်။

ပြဿနာတစ်ခုရှိသေး၏။ မျိုးစေ့ပင်။

ဂိမ်းထဲတွင် ဂိမ်း၏အထူးနည်းစနစ်ကြောင့် စားကျက်မြေလုပ်ဖို့မျိုးစေ့အများကြီးသုံးစရာမလို။ သို့သော် လက်တွေ့မှာ ဂိမ်းထဲကလိုနည်းစနစ်မျိုးမရှိချေ။ ဧက ၁၀၀၀ စားကျက်မြေကိုပြန်စိုက်ဖို့ ခွေးသွားစိတ်မြက်မျိုးစေ့တွေအများကြီးလိုမည်။

ချင်လင်ကထိုအကြောင်းတွေးပြီး ဂိမ်းထဲမှမနက်ပိုင်းသီးနှံများစထုတ်၍ စံအိမ်ပို့လိုက်သည်။ ထို့နောက် ရုံးခန်းထဲအမြန်ဆုံးပြန်လာပြီး အင်တာနက်ပေါ်တွင်အချက်အလက်ရှာကြည့်လိုက်သည်။ ခွေးသွားစိတ်မြက်မျိုးစေ့ဘယ်လောက်များများလိုလဲသူသိချင်သည်။

မကြာမီ မွေးမြူရေးခြံတွင် ခွေးသွားစိတ်မြက်အပြည့်စိုက်ရန်အကြမ်းဖျင်းစိတ်ကူးရလာသည်။ ဖြစ်ထွန်းမှုမြင့်ပြီးရှင်သန်နိုင်စွမ်းကောင်းလျှင် စတုရန်းမီတာတစ်ကွက်ကို ခွေးသွားစိတ်မြက်မျိုးစေ့ ၂.၅ ဂရမ်ဆိုလုံလောက်ပြီ။

တစ်နည်းဆိုသော် ဧက ၁၀၀၀ မှာ မျိုးစေ့ကတ်တီ ၃၀၀၀ ကျော်လိုသည်။

ချင်လင်လန့်သွား၏။ အရေအတွက်ကများလွန်းသည်။ ကံကောင်းချင်တော့ ဂိမ်းထဲကခွေးသွားစိတ်မြက်ရဲ့အရည်အသွေးက ၂ ။ ဒီတော့ အိတ်ကြီးတစ်အိတ်ပင်။

သူကချက်ချင်း သူ့ဂိမ်းဇာတ်ကောင်ကိုမွေးမြူရေးခြံဆိုင်သွားပြီး နောက်ထပ်အရည်အသွေး ၂ ခွေးသွားစိတ်မြက်မျိုးစေ့ဝယ်စေလိုက်သည်။ ထို့နောက် ရုံးခန်းတံခါးလော့ချ၍ ဂိမ်းထဲဝင်ကာ ခွေးသွားစိတ်မြက်မျိုးစေ့အိတ်ကိုဂိမ်းထဲမှထုတ်လာခဲ့သည်။

ထို့နောက် ဒစ်ဂျစ်တယ်ချိန်စက်ရှာပြီး မျိုးစေ့အိတ်ကိုချိန်လိုက်သည်။

တစ်အိတ်ကို ၁၀ ပေါင်လေးသာလေးသည်။

ဒီအလေးချိန်က စျေးထဲမှခွေးသွားစိတ်မြက်မျိုးစေ့အိတ်ကြီးတစ်ဝက်အလေးချိန်ဖြစ်သည်။

စျေးထဲမှခွေးသွားစိတ်မြက်မျိုးစေ့ကို မွေးမြူရေးခြံထဲတွင်ကျယ်ကျယ်ပြန့်ပြန့်စိုက်ပျိုးကြသည်။ စျေးပေါရုံသာမက ပမာဏကိုလည်း တခြားသီးနှံများနှင့်မတူသောအိတ်နှင့်ချိန်သည်။

သို့သော် ဂိမ်းမျိုးစေ့အိတ်က ၁၀ ကတ်တီသာအချိန်စီး၍ ကတ်တီ ၃၀၀၀ ကျော်ရရန် နောက်ထပ်မျိုးစေ့အိတ် ၃၀၀ ကျော်ဝယ်ရဦးမည်။

ချင်လင်ကဂိမ်းဖန်သားပြင်ကိုပြန်ကြည့်ပြီး ဂိမ်းဇာတ်ကောင်အား NPC မွေးမြူရေးဆိုင်သွားစေလိုက်သည်။ သူကဝယ်ဖို့ဆုံးဖြတ်လိုက်၏။

သို့သော် မွေးမြူရေးခြံအဆင့်မြှင့်ပြီးနောက် အရည်အသွေး ၂ ခွေးသွားစိတ်မြက်မျိုးစေ့ဝယ်ရန်လက်ကျန်ရွှေပြားအားလုံးသုံးလိုက်ရာ အိတ် ၂၅၀ သာဝယ်နိုင်သည်။

ဂိမ်းရွှေပြားအကုန်ပြောင်သွားရင်တောင် မလောက်။

ဒီရွှေပြားအားလုံးကို ဂိမ်းထဲမှသီးနှံများ၊သစ်များ၊သတ္တုစများရောင်းပြီးစုထားခြင်းဖြစ်၍ သူဘယ်လောက်သုံးလိုက်လဲမြင်သာပေသည်။