စစ်ပွဲအခြေအနေ (၂)

“အဲဒါကို ဂရုမစိုက်မိလိုက်ဖူး။  ပြောဖို့မေ့သွားတယ်။ ဦးလေး-ဆရာ၊ ကျွန်တော့်နာမည် လျောင်စန်ပါ၊ ကျွန်တော့်ဆရာနာမည်က  ကျီယွင်ကျယ်ပါ။"

ကျီယွင်ကျယ်လား?

လင်းရှန် အနည်းငယ် စိတ်ရှုပ်သွားသည်။

သူသည် ဂိုဏ်းသို့ ရောက်ရှိလာပြီး အချိန်အများစုကို  ရွှေသမ်းချောင်းကျွန်းတွင် ကျင့်ကြံနေခဲ့သည်။ သူသည် ဂိုဏ်းအတွင်းက  ဆက်ဆံရေးများစွာနှင့် မရင်းနှီးပေ။

သို့သော် သူသည် ကျီယွင်ကျယ်ဟူသောအမည်ကို အနည်းငယ်ရင်းနှီးသည်။ ရှားမုန့်ရန်က သူ့ကို အရင်က ပြောဖူးသလိုပင်။

သူသည် စစ်ဘက်ဆိုင်ရာဌာန၏ အကြီးအကဲဖြစ်ပုံရသည်။

ရုတ်တရက် လင်းရှန်၏ စိတ်ထဲတွင် အတွေးတစ်ခု ပေါ်လာသည်။ သူက မေးသည်။ “ဆရာကြီးဟောင်…”

လောင်ရှန်က ပြုံးပြီး "သူက ကျွန်တော်ရဲ့ ဆရာအဘိုးပါ” ဟု ပြောလိုက်သည်။

လင်းရှန်သည် ချက်ချင်းပင် မှတ်မိသွားသည်။

သူသည် စစ်ဌာနအကြီးအကဲ ဟောင်အန်ရုံကို ရည်ညွှန်းတာပင်

လင်းရှန်သည် ဤနာမည်ကို ပထမဆုံးကြားဖူးသည်မှာ ကျားမျိုးနွယ်ကို ဂိုဏ်းက ဆန့်ကျင်တိုက်ခိုက်နေချိန်တွင် ဖြစ်သည်။

ထိုအချိန်တွင် စစ်ပွဲကို တာဝန်ခံသူမှာဟောင်အန်ရုံ ဖြစ်သည်။

စစ်ဌာနအကြီးအကဲသည် ရာထူးနှင့်အာဏာအရ နေကိုးစင်းဂိုဏ်းတစ်ခုလုံး၏ ထိပ်တန်းဆယ်ဦးတွင် အဆင့်သတ်မှတ်ခံရသည်။

ထို့ထက် ပို၍အရေးကြီးသည်မှာ  ဟောင်အန်ရုံသည် ဆရာ တပည့်အဆက်အနွယ်ဖြစ်ပြီး ယုစစ်ယွဲ့၏ စီနီယာအစ်ကိုဖြစ်သည်။

တစ်နည်းဆိုရသော် ရာထူးသက်တမ်းအရ လင်းရှန်နဲ့ လျောင်စန်၏သခင် ကျီယွင်ကျယ်ပါတို့သည် မျိုးဆက်တစ်ခုတည်းမှ ဖြစ်သည်။

ဤရှုထောင့်မှကြည့်လျှင် လျောင်စန်သည် လင်းရှန်ကို သူ၏ဦးလေး-ဆရာအဖြစ် ရည်ညွှန်းပြောဆိုခဲ့သည်မှာ အဓိပ္ပါယ်ရှိသည်။

လင်းရှန်အနေနဲ့ ရယ်ရမလား ငိုရမလား မသိပေ။

လျောင်စန်သည် သူ့ထက် ဆယ်နှစ်ထက်မနည်း အသက်ကြီးသည်။ ဒီလိုလူက ဦးလေး ဆရာလို့ ခေါ်တာ ထူးဆန်းတယ်လို့ ခံစားရသည်။

လင်းရှန်က ရိုးရိုးရှင်းရှင်းပဲ “အစ်ကိုလျောင်၊ ငါတို့ စီနီယာ ကျမကျကို မေ့ထားရအောင် ။ မင်းငါ့ကို ငါ့နာမည်နဲ့ပဲ ခေါ်လို့ရတယ်။"

“ကောင်းပါပြီ…” လျောင်စန်သည် ခဏမျှ တုံ့ဆိုင်းသွားသော်လည်း နောက်ဆုံးတွင် သူသဘောတူသည်။ “ဒါဆို လေးလေးစားစား လက်ခံပါ့မယ်။ အစ်ကိုလင်း “ 

ရိုးရိုးသားသားပြောရရင် လျောင်စန်လည်း စိတ်သက်သာရာရသွားသည်။

နောက်ဆုံးတွင်  ဦးလေး-ဆရာအဖြစ် သူ့ထက်ဆယ်နှစ်ငယ်သော လူငယ်တစ်ဦးကို ပြောဆိုခြင်းသည် မှားသည်ဟု ယူဆမိသည်။

ဒါပေမဲ့ သူက လင်းရှန်ကို အရမ်းသဘောကျနေတုန်းပင်။

လင်းရှန်နဲ့ ရှန်မိသားစုကြားက ကိစ္စဟာ လူတိုင်းသိခဲ့တာကြာချေပြီ။

အသက် (၂၀)တွင် ရှန်ကျင်းချန်နှင့် ရှန်လျန့်ရှန်ကဲ့သို့ လူများကို အနိုင်ယူနိုင်ခဲ့ခြင်းသည် အမှန်တကယ်ပင် လေးစားစရာကောင်းသည်။

ရှန်လျန့်ရှန် မဆိုထားနှင့်  ရှန်ကျင်းချန်ကိုအနိုင်ယူရန်ပင် ယုံကြည်မှုရှိမည်မဟုတ်

ကြောင်း လျောင်စန်ကသိသည်။

ထို့အတွက်ကြောင့် လင်းရှန်ရောက်ရှိလာသည်ကို ကြားသောအခါတွင် လူကိုယ်တိုင် ထွက်နှုတ်ဆက်ခဲ့သည်။

အလာပသလာပအနည်းငယ် ဖလှယ်ပြီးနောက် သူတို့ နှစ်ယောက် ဘေးချင်းကပ်လျက် စခန်းထဲသို့ လျှောက်သွားကြသည်။

“သွေးပင်လယ်ဂိုဏ်းက မကြာသေးမီကအတော်လေး မငြိမ်မသက်ဖြစ်ခဲ့တယ်။ သူတို့က  တိုက်ခိုက်မှုလှိုင်းသစ်တစ်ခုကို စတင်ဖို့ ပြင်ဆင်နေပုံပဲ။  ဆွေးနွေးမှုအချို့ ပြီးတော့ အကြီးအကဲတွေက အခင်းအကျင်း အချက်အနည်းငယ်ကို သိမ်းပိုက်ဖို့ ဆုံးဖြတ်ခဲ့တယ်”

လမ်းခရီးတွင် လျောင်စန်က ဝိညာဉ်လှိုဏ်ဂူအတွင်း အခြေအနေအကြောင်းကို လင်းရှန်ကို ပြောပြသည်။

သူ၏ရှင်းပြချက်အရ လင်းရှန်သည် ဝိညာဉ်လှိုဏ်ဂူအတွင်း လက်ရှိအခြေအနေကို အကြမ်းဖျင်းနားလည်ခဲ့သည်။

ဂိုဏ်းနှစ်ခုကြား စစ်ပွဲကို နှစ်ပိုင်းခွဲနိုင်သည်။

ပထမအချက်မှာ ထိပ်တန်းစစ်သည်များကြား တိုက်ပွဲဖြစ်သည်။

တစ်နည်းဆိုရသော် ၎င်းသည် မှော်အလင်းအဆင့် ကျင့်ကြံသူ သခင်များကြား တိုက်ပွဲတစ်ခုဖြစ်သည်။

မှော်အလင်းအဆင့်ကျင့်ကြံသူများအတွက် ဝိညာဉ်ပျိုးထောင်ခြင်းအဆင့် ကျင့်ကြံသူသခင်များသည် ပေါ့ပေါ့ဆဆသတ်နိုင်သည့် ပုရွက်ဆိတ်မျှသာဖြစ်သည်။ မှော်

အလင်း၏အစေ့ကို ပေါင်းစည်းထားသူများပင်လျှင် အနည်းငယ်ပိုကြီးသော ပုရွက်ဆိတ်များဖြစ်သည်။

မှော်အလင်းအဆင့် ကျင့်ကြံသူ သခင်သည် ဝိညာဉ်ပျိုးထောင်ခြင်း အဆင့်အား တိုက်ခိုက်လိုက်သည်နှင့် နောက်ပိုင်းကျ သေချာပေါက် ဘေးအန္တရာယ်တစ်ခု ဖြစ်လာမည်ဖြစ်သည်။

ထို့ကြောင့် နှစ်ဘက်လုံးရှိ မှော်အလင်းအဆင့် ကျင့်ကြံသူသခင်များသည် ဝိညာဉ်ပျိုးထောင်ခြင်းအဆင့် ကျင့်ကြံသူသခင်များကို မတိုက်ခိုက်ဘဲ အခြားသော မှော်အလင်းအဆင့်များကိုသာ တိုက်ခိုက်မည်ဟု တဖြည်းဖြည်း တိတ်တဆိတ် နားလည်လာကြသည်။

ဒါက ဝိညာဉ်တော်ပျိုးထောင်ရေးအဆင့် ကျင့်ကြံသူသခင်တွေအနေနဲ့ ဒီစစ်ပွဲမှာ အရေးမပါဘူးလို့ မဆိုလိုပေ။

တကယ်တော့ သူတို့မှာလည်း အလွန် အရေးကြီးတဲ့ တာဝန်တွေရှိသည်။

သွေးပင်လယ်ဂိုဏ်းနှင့်နေကိုးစင်းဂိုဏ်းတို့သည်  အခင်းအကျင်း အလံများကို အသုံးပြု၍ ဝိညာဉ်လှိုဏ်ဂူအတွင်း  အခင်းအကျင်း အမှတ်အမြောက်အများကို ချမှတ်ထားသည်။ ၎င်းတို့သည် တစ်ခုနှင့်တစ်ခု ချိတ်ဆက်ထားကာ ဝိညာဉ်စုစည်းမှု

အခင်းကျင်းနှင့် ဆင်တူသည့် ကြီးမားသော ခင်းကျင်းမှုပုံစံကို ဖွဲ့စည်းထားသည်။

ခင်းကျင်းဖွဲ့စည်းပုံ၏အကူအညီဖြင့် ကျင့်ကြံသူသခင်များသည် တိုက်ပွဲတွင် ဝိညာဉ်လှိုဏ်ဂူအတွင်း ဝိညာဉ်ရေးရာအနှစ်သာရကို စုစည်းနိုင်ပြီး ၎င်းတို့၏ခွန်အားကို တိုးလာစေသည်။

အခင်းအကျင်းအမှတ် အမှတ်များ များလေလေ၊ကျင့်ကြံသူ သခင်သည် ဝိညာဉ်ရေးရာအနှစ်သာရကို ပို၍ စည်းရုံးနိုင်လေ ဖြစ်သည်။

မှော်အလင်းအဆင့် ကျင့်ကြံသူသခင်များကြားတွင် အခင်းအကျင်း ဖွဲ့စည်းပုံကြောင့်လည်း သက်ရောက်မှုရှိနိုင်သည်။

သို့သော် ဝိညာဉ်လှိုဏ်ဂူအတွင်း အခင်းအကျင်း အမှတ်များသတ်မှတ်ရန် သင့်လျော်သောနေရာအရေအတွက်က အကန့်အသတ်နဲ့ ရှိခဲ့သည်။ အဆိုပါ အခင်းအကျင်း အမှတ်များကို ယှဉ်ပြိုင်ရန်အတွက် ဂိုဏ်းနှစ်ခုကြား တိုက်ပွဲများစွာရှိခဲ့သည်။

အဆုံးတွင်  ဝိညာဉ်ပျိုးထောင်ရေးအဆင့် ကျင့်ကြံသူသခင်များ၏ မစ်ရှင်သည် အခင်းအကျင်း အမှတ်များကို ပိုမိုသိမ်းပိုက်ကာ ၎င်းတို့၏ဂိုဏ်းခွဲများမှ မှော်အလင်းအဆင့်ကို  အကူအညီပေးရန် ဖြစ်လာခဲ့သည်။

ဤသည်မှာ စစ်ပွဲ၏ ဒုတိယအပိုင်းဖြစ်သည်။

"အခု ငါတို့မှာ အခင်းအကျင်းအမှတ် ဘယ်နှစ်ခု သိမ်းပိုက်ပြီးပြီလဲ" လင်းရှန်က မေးသည်။

လျောင်စန်က သက်ပြင်းချလိုက်ပြီး လေးနက်သောအမူအရာဖြင့်ပြောသည် "အခုဆို ဝိညာဉ်လှိုဏ်ဂူထဲမှာ  အမှတ်ပေါင်း ၁၈၃ခုရှိတယ်။ ကျွန်တော်တို့ဂိုဏ်းက  ၇၉ရှိပြီးထက်ဝက်မကနည်းနေတယ်”

"အဲ့တော့ အကြီးအကဲတွေက  သွေးပင်လယ်ဂိုဏ်းက မှော်အလင်းအဆင့်ကျင့်ကြံသူသခင်တွေနဲ့ယှဉ်ရင် အားနည်းချက်တွေရှိတယ်”

လင်းရှန်က မျက်မှောင်ကြုတ်လိုက်သည်။ ၇၉ နှင့် ၁၀၄ ။ အဲဒါက အများကြီး ကွာခြားနေ၏

“နေကိုးစင်းဂိုဏ်းက  သွေးပင်လယ်ဂိုဏ်းလောက် မပြင်းထန်နေဘူး ။ ဟိုဘက်က အရေအတွက် အားသာချက်ရှိတော့ နေကိုးစင်းဂိုဏ်းက ဘယ်လိုအနိုင်ရနိုင်ခြေရှိပါ့မယ်”

လက်ရှိအခြေအနေအရ ကြည့်လျှင် နေကိုးစင်းဂိုဏ်းသည် အားနည်းချက်ရှိနေသည်မှာ ထင်ရှားသည်။

“ဝိညာဉ်ဂူထဲကို ဝင်ရောက်လာတဲ့ သွေးပင်လယ်ဂိုဏ်းက ကျင့်ကြံသူတွေက ကျွန်တော်တို့ထက်များတယ် ။ အခင်းအကျင်းအမှတ်တွေကို ထိန်းထားတာ ဒါမှမဟုတ် တိုက်ခိုက်တာပဲဖြစ်ဖြစ်၊ ကျွန်တော်တို့ဂိုဏ်းမှာ လူအင်အား မလုံလောက်ဘူး။ လက်ထဲမှာရှိတဲ့  အခင်းအကျင်းအမှတ်တွေကို ထိန်းထားလို့မရတော့ဘူး။”လျောင်စန်က ခေါင်းယမ်းပြီး သက်ပြင်းချလိုက်သည်။

စကားစမြည်ပြောရင်း သူတို့နှစ်ယောက် စခန်းဗဟိုရဲတိုက်ရှေ့သို့ ရောက်လာကြသည်။

လျောင်စန်သည် စကားရပ်လိုက်ပြီး  လင်းရှန်နှင့်အတူ လျှောက်သွားသည်။

မျှော်စင်အတွင်းက နေရာလွတ်က အပြင်ကနေကြည့်ရင် ပိုကျယ်သည်။  ရှင်းနေသည်မှာ အချို့သော အခင်းအကျင်းဖွဲ့စည်းပုံကို အသုံးပြုခဲ့သည်မှာ ထင်ရှားသည်။

ကျင့်ကြံသူ သခင်များစွာတို့သည် လေးနက်သော အမူအရာများဖြင့် လျင်မြန်စွာ သွားလာနေကြသည်။

လျောင်စန်က လင်းရှန်ကို လက်ဟန်ပြပြီး အပေါ်ထပ်သို့ တက်လာခဲ့သည်။

သူက ဒီမှာ တော်တော် နာမည်ကြီးပုံရသည်။လမ်းတစ်လျှောက်တွင် လူများစွာက သူ့ကိုကြည့်ကာ  အနားကလင်းရှန်ကိုပင် သတိထားမိခဲ့သည်။

မကြာခင်မှာ တစ်စုံတစ်ယောက်က လင်းရှန်ကိုသိလိုက်သည်။

"အဲ့တာလင်းရှန်ပဲ”

" ရှန်ကျင်းချန်နဲ့ ရှန်လျန့်ရှန်ကို အနိုင်ယူခဲ့တဲ့လင်းရှန်လား?"

"သူ့အပြင် ဘယ်သူဖြစ်နိုင်မလဲ။ သူက ဝိညာဉ်ဂူကိုလာမယ်လို့  မမျှော်လင့်ထားဖူး။"

“ဒါက ပုံမှန်ပါပဲ။ ဒီစုဆောင်းရေးမစ်ရှင်အတွက် ဆုလာဘ်က ရက်ရောလွန်းတယ်လေ။ လင်းရှန် သွေးဆောင်ခံရတာ အံ့သြစရာတော့ မဟုတ်ပါဘူး။”

လက်ရှိ နေကိုးစင်းဂိုဏ်းတွင် လင်းရှန်သည် မျိုးဆက်သစ်လူငယ်များ၏ ရေပန်းအစားဆုံး ကျင့်ကြံသူဖြစ်မည်မှာ သေချာသည်။

အထူးသဖြင့် သူနှင့် ရှန်မိသားစုကြားက ဖြစ်ပွားခဲ့သော ပဋိပက္ခအပြီးတွင် သူ့အမည်ကို လူအများကြားသိခဲ့ရသည်။

လင်းရှန်ကို လူအများက သိလာသည်နှင့်အမျှ ရုန်းရင်းဆန်ခတ်ဖြစ်ခဲ့သည်။

"တိတ်တိတ်နေကြ.. ဆူညံသံတွေရော ဘာဖြစ်နေတာလဲ”

အပေါ်ထပ်မှ အသံနက်ကြီးတစ်ခု ရုတ်တရက်ထွက်ပေါ်လာပြီး ဆူညံသော ဆွေးနွေးမှုကို ငြိမ်သက်သွားစေသည်။

ကျင့်ကြံသူ သခင်များအားလုံး ပါးစပ်ပိတ်ပြီး အလုပ်ဆက်လုပ်ကြသည်။

လျောင်စန်က လင်းရှန်ကို တစ်ချက်ကြည့်လိုက်ပြီး နှစ်ယောက်သား အရှိန်မြှင့်ကာ အပေါ်ထပ်သို့ တက်လာခဲ့သည်။

ကျယ်ဝန်းပြီး တောက်ပသော အပေါ်ထပ်ရှိ ခန်းမကြီးထဲတွင် လေးနက်သော အမူအရာဖြင့် အကြီးအကဲ ခုနစ်ယောက် ထိုင်နေသည်။

ဤလူခုနစ်ယောက်၏ အငွေ့အသက်များသည် ထင်ထင်ရှားရှား မရှိဘဲ  သာမန်လူများကဲ့သို့ပင်။ သို့သော် ကျင့်ကြံသူသခင်များသာ သူတို့ မည်မျှ အစွမ်းထက်သည်ကို သိသည်။

စားပွဲထိပ်မှာထိုင်နေတာက အသက်နှစ်ဆယ်ကျော်ခန့်ရှိသည့် ချောမောတဲ့ အမျိုးသားတစ်ယောက်ပင်၊ စူးရှသော မျက်ခုံးမွှေးနှင့် တောက်ပသော မျက်လုံးများရှိသည်။

မှော်အလင်းအဆင့်တွင် အသွင်အပြင်သည် အဓိပ္ပါယ်မဲ့လာသည်။

လိုချင်သရွေ့ ဤအဆင့်ရှိ ကျင့်ကြံသူသခင်သည် ၎င်းတို့၏ အသွင်အပြင်ကို အသက်အရွယ်မရွေး ပြန်လည်ပြုပြင်နိုင်ပြီး ကလေးကဲ့သို့ပင် ဖြစ်နေနိုင်သည်။

ထို့အပြင် သူတို့၏ကိုယ်ခန္ဓာအား ဝိညာဉ်ရေးရာအနှစ်သာရအားဖြင့် သန့်စင်ပြီး မွေးမြူထားသောကြောင့်  ရုပ်ဆိုးသော မှော်အလင်းအဆင့် ကျင့်ကြံသူသခင်များ မရှိသလောက်နည်းပါးသည်။ ခြွင်းချက်မရှိဘဲ သူတို့အားလုံးသည် ချောမောသော ယောက်ျားများနှင့် လှပသော မိန်းမများ ဖြစ်ကြသည် ။

သို့သော်လည်းမှော်အလင်းအဆင့် ကျင့်ကြံသူ အနည်းစုသည် သက်ကြီးရွယ်အိုများအဖြစ် ၎င်းတို့၏ အသွင်အပြင်ကို ထိန်းသိမ်းထားဆဲဖြစ်သည်။

ဥပမာအားဖြင့် သူ့ရှေ့မှ မှော်အလင်းအဆင့် ကျင့်ကြံသူ ခုနစ်ဦးအနက် သုံးဦးသည် ဆံပင်ဖြူနှင့် နှင်းဖြူမုတ်ဆိတ်ရှည်များ ရှိသည်။ သူတို့ကြည့်ရတာ ပညာရှိ

ဒီကိုမလာခင် လျောင်စန်က စခန်းကို စောင့်ကြပ်သည့် အကြီးအကဲတွေကို  လင်းရှန်အား မိတ်ဆက်ပေးခဲ့သည်။

ယခင်က သူကြားခဲ့သည့်အတိုင်း  လင်းရှန်သည် ဤနေရာမှ အကြီးအကဲခုနစ်ယောက်ကို လျင်မြန်စွာ မှတ်မိခဲ့သည်။

ထိပ်ဆုံးမှာထိုင်နေတဲ့ လူငယ်ကတော့  အကြီးအကဲချီတောင်ဖြစ်သည်။

သူသည် အကြီးအကဲတစ်ဦးသာဖြစ်ပြီး ဌာနဆိုင်ရာအကြီးအကဲမဟုတ်သော်လည်း ဂိုဏ်းရှိချီတောင်၏အဆင့်အတန်းသည် ဌာနဆိုင်ရာအကြီးအကဲထက်သာလွန်ပြီး ဒုတိယဂိုဏ်းအကြီးအကဲ နီးပါးရှိသည်။

ထို့အပြင် သူသည် လွန်ခဲ့သော ဆယ်နှစ်ခန့်က မှော်အလင်း နဝမအဆင့်သို့ ရောက်ရှိနေပြီဟု ဆိုကြသည်။

အကြီးအကဲ ချီတောင်သည် မကြာမီ ပြဒါးရှင်ပြောင်းပြန်အဆင့်သို့ တက်လှမ်းမည်ဟု တပည့်များစွာ မှန်းဆကြသည်။

ကျန်ခြောက်ဦးတွင် အကြီးအကဲနှစ်ဦးမှလွဲ၍ ကျန်လေးဦးမှာ ဌာနအသီးသီး၏ ဌာနဆိုင်ရာအကြီးအကဲများဖြစ်သည်။

မှတ်သားထိုက်သည်မှာ ချီတောင်မှလွဲ၍ ကျန်ခြောက်ဦး၏တစ်ဝက်သည် ဆရာ တပည့်မျိုးရိုးမှဖြစ်ပြီး ကျန်တစ်ဝက်မှာ သြဇာကြီးသောမိသားစုများမှဖြစ်သည်။

လင်းရှန်ခန်းမထဲသို့ ဝင်လာသည်နှင့် တပြိုင်နက် အကြီးအကဲ ခုနစ်ယောက်က လှမ်းကြည့်လိုက်သည်။

ခဏလောက် ကြည့်ပြီးနောက် ချီတောင်က အနည်းငယ် ခေါင်းညိတ်ပြီး ပြုံးပြလိုက်သည်။

“ကောင်းတယ်။ မင်းက အရမ်းထူးချွန်တယ်။ ဆရာကြီးယုက တပည့်ကောင်းတစ်ယောက်ရထားတာပဲ.."