ဝါးရန်ခက်ခဲသောအရိုး (၁)

ချီတောင်ပြောပြီးသည်နှင့် တပြိုင်နက် တက်ရောက်လာသူ အကြီးအကဲများအားလုံး ကွဲပြားသော အမူအရာများ ဖြစ်ကုန်ကြသည်။

ဆရာ တပည့်မျိုးရိုးမှ အကြီးအကဲသုံးဦးတို့သည် ပြုံးပြီး ခေါင်းညိတ်ကာ လင်းရှန်ကို ဖြည်းညှင်းစွာ စိုက်ကြည့်နေကြသည်။

သြဇာကြီးမားသော မိသားစုမှ အကြီးအကဲ သုံးဦးတို့သည် လင်းရှန်ကို ဂရုမစိုက်သလို ကြည့်ကာ ထုတ်ဖော်ပြောဆိုခြင်း မရှိခဲ့ပေ။

“သူက ပထမတန်း ဝိဉာဉ်မဏ္ဍိုင်သွေးကြောကို ဖန်တီးခဲ့တဲ့ ငါတို့ဂိုဏ်းသမိုင်းမှာ ပထမဆုံး ပါရမီရှင်ပဲ။ သူ့ရဲ့ အရည်အချင်းက သဘာဝအတိုင်း ထူးချွန်ပါတယ်။”

ပြောခဲ့သူမှာ စည်းကမ်းထိန်းသိမ်းရေးဌာန၏ အကြီးအကဲဖြစ်ပြီး မှော်အလင်းအဋ္ဌမအဆင့် ကျင့်ကြံသူသခင် ဆရာကြီး ဝမ်ကျင်းထျန်ဖြစ်သည်။

စည်းကမ်းဖောက်ဖျက်သော တပည့်များအား အပြစ်ပေးအရေးယူရန် စည်းကမ်းထိန်းသိမ်းရေးဌာနက တာဝန်ယူထားသည်။ မရေမတွက်နိုင်သော တပည့်များအတွက် ဖြူဖပ်ဖြူရော်ဖြစ်စေသော နေရာတစ်ခုဖြစ်သည်။

သို့သော် စည်းကမ်းထိန်းသိမ်းရေးဌာန အကြီးအကဲသည် ကြင်နာသောမျက်နှာနှင့် နွေးထွေးသောအမူအရာရှိသည်။ သူ့ကိုကြည့်ရတာ ကြင်နာတတ်တဲ့ လူကြီးတစ်ယောက်လိုပင်။

လင်းရှန်က တည်ငြိမ်သော အမူအရာဖြင့် အနည်းငယ် ဦးညွှတ်ပြီး "အရှင်ဝမ်က ကျွန်တော်ကို မြှောက်ပင့်ပေးနေတာပဲ”ဟု  ပြောသည်။

“မင်းက မာနမကြီးတာရော၊  စိတ်မရှည်တာရောမရှိဖူး။ ကောင်းပါတယ်” ဝမ်ကျင်းထျန်က လင်းရှန်ကို ထပ်မံ ချီးကျူးလိုက်သည်။

သြဇာကြီးသော မိသားစု အကြီးအကဲတစ်ဦးသည် သူ၏လည်ချောင်းကို ရှင်းလင်းခဲ့သည်။ "အလုပ်စရအောင်။"

ဝမ်ကျင်းထျန်က တခစ်ခစ်ရယ်ပြီး တခြားဘာမှပြန်မပြောပေ။

ချီတောင်က လင်းရှန်ကို တောက်ပသော မျက်လုံးများဖြင့် စိုက်ကြည့်ကာ တင်းမာစွာပြောသည် ။

"မင်းက ဆရာကြီးယုရဲ့ တပည့်ဖြစ်ပေမဲ့ ဝိညာဉ်ဂူကို ရောက်ကတည်းက ငါတို့အားလုံး တန်းတူရည်တူဆက်ဆံမှာ ၊ အခြားတပည့်တွေလိုပဲ မင်းကို ဦးစားပေး ဆက်ဆံမှာ မဟုတ်

ဘူး။ မင်း ဒီသဘောကို နာစလည်ရင် ပိုကောင်းမယ်။"

"ကျွန်တော် နားလည်ပါတယ်" လင်းရှန်က ချက်ချင်းပြောလိုက်သည်။

ချီတောင်၏စကားများသည် သြဇာကြီးမားသောမိသားစုမှ အကြီးအကဲသုံးဦးအတွက် ရည်ရွယ်ကြောင်း သူသိသည်။

ထိုအချက်ကို သုံးသပ်ကြည့်လျှင်  ချီတောင်သည် ဆရာတပည့်မျိုးရိုးဆီသို့ ဦးတည်နေသင့်သည်။

ဒါကိုကြားတော့ ချီတောင်က ပြုံးပြီး ခေါင်းညိတ်လိုက်သည်။ သူ့လက်ကို ဝှေ့ယမ်းပြီး သူ့ရှေ့က စားပွဲရှည်ကြီးပေါ်မှာ မှင်မြေပုံတစ်ခု ချက်ချင်းပေါ်လာသည်။

သူသည် မည်သည့်လှုပ်ရှားမှုမျှ မလုပ်ခဲ့သော်လည်း မြေပုံ၏မျက်နှာပြင်သည် ချက်ချင်းပင် အလင်းရောင်ဖျော့ဖျော့ကို ထုတ်လွှတ်ကာ သက်ရှိသုံးဖက်မြင်မြေပုံကို ပုံဖော်ထားသည်။

ဒါက ဝိညာဉ်လှိုဏ်ဂူ၏ အသေးစိတ် အနေအထားဖြစ်သည်။

ရှီကျင့်ရှန်အနေနဲ့ ကျားမျိုးနွယ်ကို သိမ်းပိုက်တုန်းက အလားတူ ဓမ္မရတနာကို အသုံးပြုခဲ့တာကို လင်းရှန် တွေ့ခဲ့သည်။ ဒါကိုမြင်တော့ သူ မအံ့သြဘဲ နားထောင်နေခဲ့သည်။

"လျောင်စန်က မင်းကိုအသေးစိတ်ပြောပြမှာပါ”

လင်းရှန်က ခေါင်းညိတ်ပြပြီး  ချီတောင်က ဆက်ပြောသည် ။

“မင်းက ဒီမှာ အသစ်ပဲ။ ယုတ္တိဗေဒအရပြောရရင် မင်းအခြေအနေနဲ့ ရင်းနှီးနိုင်တဲ့ ရိုးရှင်းတဲ့ ကင်းထောက်မစ်ရှင်အချို့ကို တာဝန်ပေးမှာ။  ဒါပေမယ့် လက်ရှိအခြေအနေက အရေးတကြီးဖြစ်ပြီး လိုက်လျောညီထွေဖြစ်အောင်လုပ်ဖို့ အချိန်မရှိဘူး”

ထိုအချိန်တွငိ ချီတောင်က ရပ်တန့်သွားသည်။ လင်းရှန်၏အမူအရာသည် ငြိမ်သက်နေသေးသည်ကို မြင်လိုက်ရသဖြင့် ရင်တွင်းမှ ခေါင်းညိတ်နေ၏။

ဆရာကြီးယု၏ တပည့်သည် အမှန်ပင် ထူးချွန်သူဖြစ်သည်။ သူသည် အရည်အချင်းရှိပြီး အစွမ်းထက်ရုံသာမက သူ၏ စိတ်နေစိတ်ထားမှာလည်း ထူးကဲသည်။ မျက်နှာသာပေးခြင်း သို့မဟုတ် အရှက်တရားကြောင့် သူ မတုန်လှုပ်ခဲ့ပေ။

သူ့မျက်လုံးထဲတွင် ကြည်နူးမှုတစ်ခု ပေါ်လာသည်။ ချီတောင်သည် မြေပုံပေါ်ရှိ နေရာသုံးနေရာကို ညွှန်ပြပြီး ဆက်သွားခဲ့သည်။

“သုံးနေရာလုံးမှာ အခင်းအကျင်းအမှတ်တွေရှိတယ်၊ သူတို့အားလုံးကို သွေးပင်လယ်ဂိုဏ်းက 

သိမ်းပိုက်ထားတယ်။ မင်းရဲ့နောက်ထပ်မစ်ရှင်က အခင်းအကျင်းအမှတ်တွေထဲက တစ်ခုကို သိမ်းပြီး အနည်းဆုံး တစ်လလောက် စောင့်ထိန်းဖို့ပါပဲ။"

လင်းရှန်သည် ထိုနေရာသုံးခုကို အာရုံစိုက်ခဲ့သည်။

မြေပုံသည် အလွန်လက်တွေ့ကျပြီး ဝိညာဥ်ဂူ၏ စစ်မှန်သောမြေပြင်ကို လုံးဝ တုပထားသည်။

ချီတောင်ညွှန်ပြသော နေရာသုံးနေရာတွငအခင်းအကျင်း အလံများဖြင့် အမှတ်အသားပြုထားပြီး ဤနေရာတွင်  အခင်းအကျင်းအမှတ်များ ရှိနေကြောင်း ဖော်ပြသည်။

ပုံစံအပြင်  ဂိုဏ်းတပည့်များ ရှာဖွေတွေ့ရှိသည့် အခင်းအကျင်းနေရာ၌ သွေးပင်လယ်ဂိုဏ်း၏ တပ်အင်အားကို ညွှန်ပြသည့် အညွှန်းတစ်ခုပါရှိသည်။

အားအပျော့ဆုံးအခင်းအကျင်းအမှတ်တွင် အနည်းဆုံး အလယ်အလတ်အဆင့် တစ်ယောက်အပါအဝင်  ဝိညာဉ်ပျိုးထောင်ရေးအဆင့်  ကျင့်ကြံသူ သခင်ငါးဦးရှိသည်။

အပြင်းထန်ဆုံးအခင်းအကျင်းတွင် ဝိညာဉ်ပျိုးထောင်ရေးအဆင့် ကျင့်ကြံသူသခင် ဆယ်ဦးအထိ ရှိပြီး နှောင်းပိုင်းအဆင့် ကျင့်ကြံသူသခင်များလည်း ပါနိုင်ချေရှိသည်။

ဤအချက်အလက်သည် လုံး၀ မှန်ကန်မှု မရှိနိုင်ဘဲ အကိုးအကားအဖြစ်သာ အသုံးပြုနိုင်သည်။

လင်းရှန်သည် အခင်းအကျင်းအမှတ် သုံးခုကို လျင်မြန်စွာ ကြည့်ကာ အချက်အလက်အားလုံးကို သူချက်ချင်း နားလည်သွားသည်။

ဒါပေမယ့် နောက်တစက္ကန့်မှာ သူ့အကြည့်တွေက ရုတ်တရက် အေးခဲသွားသည်။

အကြောင်းမှာ သူသည် မြေအောက်မြစ်ဘေးတွင် တည်ရှိနေသည့် အမှတ်သုံးမှတ်အနက်မှ တစ်ခုကို ရုတ်တရက် သတိပြုမိသောကြောင့် ဖြစ်သည်။

ကြောင်ဗိုလ်ချုပ်၏ အဆိုအရ မြေအောက်ဝိညာဉ်ဂူရှိ မြေအောက်မြစ်သည် ရင်စွမ်းအင်၏ သဘာဝအရင်းအမြစ်တစ်ခုဖြစ်သည်။ ပတ်ဝန်းကျင်လေက အေးပြီး ရေကလည်း ပေါများသည်။ ၎င်းသည် ငရဲရင်ရေရန်အတွက် အသင့်တော်ဆုံးဖြစ်သည်။

အကယ်၍ သူသည် ဤအခင်းအကျင်းအမှတ်ကို ရယူနိုင်ခဲ့ပါက မစ်ရှင်ပြီးဆုံးချိန်

တွင် ငရဲရင်ရေကို ပေါင်းစည်းရန် အေးသောလေကို အသုံးပြုနိုင်သည်။ ကျောက်ခဲတစ်လုံးနဲ့ ငှက်နှစ်ကောင်ကိုပစ်နိုင်တာပင်။

လင်းရှန် ဝမ်းသာသွားသည် ။

သူသည် မြေအောက်ဝိညာဉ်ဂူသို့ လာရခြင်း၏ အဓိက အစိတ်အပိုင်း အများစုမှာ ငရဲရင်ရေကို ကျင့်ကြံဖို့ ရင်စွမ်းအင် သွေးကြောကို ရှာဖွေရန် ဖြစ်သည်။ ဝိဥာဉ်ဂူသို့ ရောက်သည့်အခိုက်တွင် သူ၏ပစ်မှတ်ကို တမ်းရှာတွေ့မည်ဟု မမျှော်လင့်ခဲ့ပေ။ သူ အရမ်းကံကောင်းတယ်လို့ ခံစားရသည်။

ချီတောင်သည် လင်းရှန်ဘာတွေးနေမှန်း မသိပေ။ လင်းရှန် နှုတ်ဆိတ်နေသည် ကိုမြင်တော့ လူငယ်လေး တွေးနေသည်ဟု ထင်မိသည် ။ မမေးခင် ခဏလောက် စိတ်ရှည်ရှည်နဲ့ စောင့်၏

"ဘယ်အခင်းအကျင်းအမှတ်ကို ရွေးဖို့ ဆုံးဖြတ်ပြီးပြီလဲ။"

လင်းရှန်က သူ့စိတ်ထဲမှာရှိပြီးသားပင်။ ဒါကိုကြားတော့ သူက "C-3 အခင်းအကျင်းကို ရွေးမယ်" ဟု မတွေးဘဲ ပြောလိုက်သည်။

မြေပုံပေါ်ရှိ ဖွဲ့စည်းမှတ်စုများအားလုံးကို အမှတ်စဉ်နံပါတ်ဖြင့် အမည်ပေးထားပြီး C-3 ဖွဲ့စည်းပုံအမှတ်သည် အပြင်းထန်ဆုံးအမှတ်ဖြစ်သည်။

လင်းရှန် စကားဆုံးသည်နှင့်  ချီတောင်အနည်းငယ် ထိတ်လန့်သွားသည် ။ တခြား အကြီးအကဲခြောက်ယောက်မှာလည်း ထူးဆန်းတဲ့ အမူအရာတွေ ရှိခဲ့သည်။

ခန်းမကြီးသည် ထူးဆန်းစွာ တိတ်ဆိတ်ငြိမ်သက်သွားလေသည်။

ခဏအကြာတွင်  ချီတောင်က နားမလည်နိုင်သောအမူအရာဖြင့် "C-3 ဖွဲ့စည်းပုံအမှတ်ကို ရွေးချင်တာ သေချာလား"

ဤအချက်သုံးချက်ကိုအကြီးအကဲ ခုနစ်ဦးတို့က ပူးတွဲဆွေးနွေးခဲ့ကြသည်။ လင်းရှန်အတွက် သီးသန့်မဟုတ်ဘဲ အနာဂတ်မှာ သူတို့သိမ်းပိုက်ဖို့ပင်။

လင်းရှန် မရောက်လာခဲ့ရင်တောင် နောက်မှ တခြားလူတွေကို တိုက်ခိုက်ဖို့ စီစဉ်ပေးဖို့ပင်။

လင်းရှန်သည် မတော်တဆရွေးချယ်မှုတစ်ခုသာဖြစ်သည်။

ဖွဲ့စည်းပုံအမှတ် (၃)ခုအနက် ချီတောင်သည် လင်းရှန်အား အညံ့ဆုံးတပ်စခန်းဖွဲ့စည်းပုံအမှတ်ဖြစ်သည့် D-5 ဖွဲ့စည်းပုံအမှတ်ကို ရွေးချယ်ရန် အလိုရှိခဲ့သည်။

လင်းရှန်၏ ခွန်အားနှင့် ကျင့်ကြံမှုနဲ့ဆို ထိုဖွဲ့စည်းပုံအမှတ်ကို ဖယ်ရှားနိုင်မည်ဖြစ်သည်။

သို့သော်၊ C-3 ဖွဲ့စည်းပုံအမှတ်… အကြီးအကဲများ၏ မူလမျှော်လင့်ချက်များအရ   ၎င်းကိုဖြုတ်ချရန်အတွက် ဝိညာဉ်ပျိုးထောင်ခြင်းအဆင့် ကျင့်ကြံသူသခင်အမြောက်အမြားကို စည်းရုံးရမည်ဖြစ်ပါသည်။

လင်းရှန်သည် အလွန်စွမ်းဆောင်နိုင်သော်လည်း C-3 တစ်ခုတည်းကို ဖြုတ်ချရန် အခွင့်အလမ်းမှာ အလွန်နည်းပါးလှသည်။