၂မျိုးပေါင်း သလင်းကျောက်

လုရွှမ် အံ့အားသင့်သွားပြီး ငှက်အိုကြီးနဲ့ တစ်ယောက်ကို တစ်ယောက် ကြည့်လိုက်​ကြသည်။

"မိန်းကလေး... ငါတို့နောက်နေတာကို မင်း သိလား"

လုရွှမ်က သူမရဲ့ လိင်ကို တိုက်ရိုက် ညွှန်ပြခဲ့တာကြောင့် မိစ္ဆာမလေးရဲ့ မျက်နှာသည် အနည်းငယ်နီသွားကာ ဆိုလာ၏။

"နံပါတ်ရှစ် သလင်းကျောက်တွင်းကို သွားရတာက နောက်စရာလို့ ထင်နေလား"

"သေချာပေါက် မဟုတ်ဘူးပေါ့!"

ထိုအဖြေကို ကြားတော့မှ မိစ္ဆာမလေးက သက်ပြင်းတစ်ချက် ချရင်း ဆက်ပြောလေသည်။

"ကောင်းပြီ... ရှင်က အန္တရာယ်ကို ကံကောင်းခြင်းအဖြစ် ပြောင်းလဲနိုင်မယ်လို့ ကျွန်မထင်တယ်... ရှင့်နောက်ကို လိုက်တာက ကျွန်မအတွက်လည်း အခွင့်အရေးတစ်ခု ဖြစ်လာလိမ့်မယ်"

လုရွှမ်က ခေါင်းခါလိုက်ပြီး "ဒါဆို မင်းကို ငါကဘာလို့ ​ခေါ်သွားရမှာလဲ"

မိစ္ဆာမလေးက နှုတ်ခမ်းကို ကိုက်ပြီး "ကျွန်မရှင့်ကို သလင်းကျောက်တွေ အများကြီး ပေးနိုင်တယ်"

သူမက ပြောပြီး ဘေးပတ်ပတ်လည်ကို ကြည့်ကာ ကျောက်ခဲနှစ်လုံးကို ထုတ်ကာ လုရွှမ်ရဲ့ လက်ဖဝါးထဲသို့ ထည့်​ပေးလိုက်သည်။

"ဒါက စံရန်....အဲ့အချိန်ကျရင် နောက်တစ်လုံးကို ထပ်ပေးမယ် ဘယ်လိုလဲ?"

လုရွှမ်ရဲ့ မျက်လုံးများ ပြူးကျယ်သွားလေ၏။ ၎င်းသည် အရောင်နှစ်ရောင် စုစည်းထားသော သလင်းကျောက်တစ်မျိုး ဖြစ်သည်။ ခရမ်းရောင် သလင်းကျောက်ထက် ရှားပါးသော်လည်း ၎င်းသည် ၎င်း၏ အရည်အသွေးနှင့် ပေါင်းစပ်မှု အတိုင်းအတာပေါ်တွင် မူတည်ကာ အဆင့်ခွဲခံရ၏။

ဥပမာအားဖြင့် အနီရောင်သလင်းကျောက် တစ်ခုနှင့် လိမ္မော်ရောင်တို့ ပေါင်းစပ်ထားသော သလင်းကျောက်သည် ပြီးပြည့်စုံပြီး သလင်းကျောက်နှစ်ခု၏ စွမ်းအင်ကို ဆယ်ဆ၊ အဆတစ်ရာ သို့မဟုတ် အဆပေါင်း သောင်းနှင့်ချီ၍ပင် ထုတ်ပေးနိုင်သည်။

သလင်းကျောက်တစ်ခုဟာ ခရမ်းရောင် နှင့် အပြာရောင်တို့ကို ပေါင်းစပ်ထားခြင်း ဖြစ်နိုင်သော်လည်း ၎င်းတို့ဟာ မညီညာဘဲ ဆန့်ကျင်ဘက် ပြောင်းလဲမှုများက ရှိနေသည်။ အဲဒီလို သလင်းကျောက်ရဲ့ စွမ်းအင်သည် ရိုးရှင်းသော အနီရောင် သလင်းကျောက်ကဲ့သို့ပင် မကောင်းနိုင်ပါ။

ဒါပေမဲ့ ဒီသလင်းကျောက်က အစိမ်းရောင်နဲ့ ခရမ်းရောင် သလင်းကျောက်တွေ ရောစပ်ထားတာ ထင်ရှားပေမယ့် သူ့ရဲ့အသွင်အပြင်က အလွန်လှပပြီး အတွင်းထဲမှာပါရှိတဲ့ သလင်းကျောက်ရဲ့ စွမ်းအင်ကလည်း အလွန်အစွမ်းထက်တာ သိသာသည်။

အမှန်တော့ မတူညီသော သလင်းကျောက်များကို ပေါင်းစပ်ခြင်းဟာ တစ်ခုနှင့်တစ်ခု အတော်လေး နီးကပ်နေသော သလင်းကျောက်ကို ပေါင်းစပ်ရတာထက် သဘာဝအရ အတော်လေး ရိုးရှင်းပါသည်။

ဥပမာ ဒီနေရာက သလင်းကျောက် အများစုသည် အရောင်နှစ်ခုကို ပေါင်းစပ်ထားသည်။ ထို့အပြင် ထပ်လောင်း အရောင် တစ်ခုစီအတွက် ဘက်ပေါင်းစုံမှ သလင်းကျောက်၏ စွမ်းအင်သည် ၎င်းတို့ကိုယ်ပိုင် အစွမ်းထက် အဆပေါင်းရာနှင့်ချီ၍ ကြီးမားလာမည်။

အစိမ်းနှင့် ခရမ်းရောင်ကြားတွင် ခွဲခြားထားသော အရောင်နှစ်မျိုး ရှိကြသည်။ ၎င်းတို့က ယခုအခါ ပြီးပြည့်စုံစွာ ပေါင်းစပ်ထားသည့် ပုံစံဖြင့် ရှိကြရာ လုရွှမ်လက်ထဲက သလင်းကျောက် တစ်လုံးဟာ ခရမ်းရောင်သလင်းကျောက် သုံးရာရဲ့ စွမ်းအင်​လောက် ရှိသည်ဟု ထင်မြင်ယူဆရမည်။

ခရမ်းရောင် သလင်းကျောက် သုံးရာ။ လုရွှမ်သည် ထိုကဲ့သို့ ချမ်းသာကြွယ်ဝသူက သူ့ရှေ့ ရောက်လာတာကြောင့် အလွန်စိတ်လှုပ်ရှားသွားသည်။

"ဘယ်လိုလဲ... ငါတို့ သဘောတူညီမှု ရပြီလား"

အယောင်ဆောင်က မေးလိုက်သည်။

လုရွှမ် ပြုံး၍: "အင်း.. ဒီကျောက်တုံးရဲ့ တန်ဖိုးကြောင့် မင်းရဲ့ဘေးကင်းမှုကို ငါကာကွယ်ပေးမှာပါ"

မိစ္ဆာမလေးက ပြုံးပြီး ခေါင်းညိတ်ပြသည်။

"ကောင်းပြီ"

ထိုအချိန်တွင် သားရဲတစ်ကောင်က ရှုံးနိမ့်သွားခဲ့သည်။ သေခြင်းထက် ပိုဝမ်းနည်းစရာ ကောင်းတာက ဘာမှမရှိပေ။ သူ့မျက်နှာမှာ ညှိုးငယ်နေတဲ့ အကြည့်တွေရှိပေမယ့် ဘေးနားက သားရဲများက ပြေးလာပြီး ငိုနေတဲ့ အပြုံးတွေနဲ့ ပွေ့ဖက်လိုက်ကြလေသည်။

လုရွှမ်လည်း သွား၍ ထိုမိစ္ဆာကောင်ရဲ့ ပုခုံးပေါ်ကို ပုတ်လိုက်သည်။

"ညီအစ်ကို.. မင်းမိသားစုက သလင်းကျောက်တွေ အများကြီး မလိုပါဘူး... အားလုံးအတူတူ ပျော်ပျော်ပါးပါး နေနိုင်ဖို့ပဲ လိုတာ... အိမ်ပြန်ကြ.... ဒါက ငါသတ်ခဲ့တဲ့ လူသားတွေသုံးတဲ့ နတ်လက်နက်ပဲ... အဲဒါကို ယူသွားလိုက်ရင် သလင်းကျောက်တွေ အများကြီးနဲ့ လဲလှယ်လို့ရတယ်"

လုရွှမ် ဆိုပြီးနောက် စင်မြင့်ပေါ်သို့ ပြေးတက်သွားခဲ့သည်။

မိစ္ဆာသားရဲသည် သူ့လက်ထဲက နတ်လက်နက်ကို မယုံကြည်နိုင်စွာ ကြည့်ကာ လုရွှမ်အား လေးလေးနက်နက် ဦးညွှတ်လိုက်သည်။ ထို့နောက် နတ်လက်နက်ကို လဲလှယ်ရန် စိတ်အားထက်သန်စွာဖြင့် သူ့ညီငယ်များနှင့်အတူ ထွက်ခွာသွားခဲ့သည်။

"ဟေး... မင်းက နတ်မီးနယ်ပယ်ပဲ ရှိတယ်?? ဒါကိုတောင် တက်လာရဲသေးတယ်ပေါ့? အောက်ပြန်ဆင်းစမ်း!"

အစောင့်က အော်လေသည်။

လုရွှမ် တခစ်ခစ်ရယ်ကာ သူ့ခန္ဓာကိုယ်ကို တစ်ချက် ရွှေ့လိုက်သည်။ မျက်စိတစ်မှိတ်အတွင်း အစောင့်အကြပ်ရှေ့ ရောက်သွားကာ လက်ဖဝါးတစ်ဖက် ဆန့်ထုတ်လိုက်ရာ အစောင့်၏ခါးမှ အမျိုးသမီးပိုးပဝါကို ချွတ်ယူလိုက်သည်။

"မင်းမျက်နှာမှာ ခါးသီးတဲ့ အကြည့် ရှိနေတာ အံ့သြစရာမရှိပါဘူး... မင်းမှာ ချစ်သူတစ်ယောက် ရှိနေတာပဲ... မင်းရဲ့ မင်းသားလေးကိုပဲ ပြောပြလိုက်ပါ... သူက ယုတ္တိမရှိတဲ့ သားရဲတစ်ကောင်လို့တော့ ငါမထင်ဘူး"

လုရွှမ် ပြုံးပြီး ပြောသည်။ အစောင့်ရဲ့ အမူအရာက သိသိသာသာ ပြောင်းလဲသွား၏။ နတ်မီးနယ်ပယ် အဆင့်၉ ကောင်လေးက ဒီလောက်ထိ အစွမ်းထက်မည်ကို သူ မမျှော်လင့်ခဲ့ပေ။ သူ့ကို ထိတ်လန့်စေခဲ့တာကတော့ လုရွှမ်က သူ့ရဲ့ ပိုးပဝါကို အမှန်တကယ် ဆွဲထုတ်လိုက်တာပါပဲ။

"မင်းသားလေး... မင်းသားလေး.... ကျုပ်"

"ဒီညီလေးပြောတာ မှန်တယ်... ဒီမင်းသားက ယုတ္တိမတန်တဲ့ သားရဲတစ်ကောင်တော့ မဟုတ်ပါဘူး... ဒီလိုအချိန်မျိုးမှာ မင်း မသွားသင့်ဘူး"

အစောင့်လည်း ဝမ်းသာအားရဖြင့် မင်းသားငယ်အား ဂါဝရပြုကာ မျက်လုံးများက လုရွှမ်ကို ကျေးဇူးတင်စွာ ကြည့်လိုက်သည်။ တန်းရွှမ်းယွမ်လည်း လုရွှမ်ကိုကြည့်ကာ ကျယ်လောင်စွာ လှမ်းပြောသည်။

"မင်းရဲ့အဆင့်က အရမ်းနိမ့်ပေမယ့် မင်းရဲ့အစောင့်က အရမ်းသန်မာတယ်... မင်းကလည်း ဒီကအစောင့်တွေ အားလုံးထက် သန်မာတယ်... မင်းကို ထူးထူးခြားခြား မိသားစုက မွေးဖွားလာပေးတာပဲ ဖြစ်မယ်...မင်းတကယ်လိုချင်တာ သေချာလား ဒီခရီးမှာ ပါဝင်ဖို့ ဆန္ဒရှိလား”

လုရွှမ်က ပခုံးတွန့်လိုက်ပြီး။

"ငါ့အတွက်ရ ကျောက်တုံးတွေ ရှားပါးနေတယ်လေ.... ​​အပျော်သဘောနဲ့ အပြင်ထွက်လာတာ ဟုတ်ပေမယ့် မျှော်စင်နယ်ပယ်ကို မတက်နိုင်ရင် ဘယ်လိုလုပ် ပြန်သွားရ​တော့မလဲ"

တန်းရွှမ်းယွမ် "မင်းက စိတ်ဝင်စားစရာ ကောင်းတဲ့ ကောင်ပဲ...ဒါဆို အတူတူ စွန့်စားကြရအောင်"

"ကောင်းပြီ... ငါ့မှာ အဖော်နှစ်ယောက် ရှိတယ်.... အစေခံနဲ့ ကိုယ်ရေးကိုယ်တာ အိမ်အကူတစ်ယောက်... စိတ်မပူပါနဲ့ မင်းရဲ့လုပ်ငန်းကို ငါနှောင့်နှေးစေမှာ မဟုတ်ပါဘူး"

တန်းရွှမ်းယွမ်က ခဏလောက် စဉ်းစားပြီး ခေါင်းညိတ်ပြသည်။

"ကောင်းပြီ ကိစ္စမရှိပါဘူး"

သူသည် လုရွှမ်နှင့် ခေါင်းညိတ် နှုတ်ဆက်ပြီးတဲ့အခါ တခြားသားရဲများကို သွား၍ နှုတ်ဆက်သွား​လေသည်။

မိစ္ဆာမလေးက "မင်းရဲ့ကိုယ်ရေးကိုယ်တာ အိမ်ဖော်က ဘယ်သူလဲ" ဟု အော်ဟစ်လိုက်သော်လည်း သူမက အလွန်ချစ်စရာကောင်းသည်။

လုရွှမ်က ပြုံးပြီးပြော၏။

"အဲ့လိုမပြောရင် မင်းသားလေးက သဘောတူမယ်လို့ ထင်လား မင်းရဲ့အဆင့်က အရမ်းနိမ့်နေသေးတယ် မဟုတ်ဘူးလား!"

"ဟမ့် နင့်ထက်မြင့်တယ်"

လုရွှမ် ပြုံးပြီး "နင်ငါ့ကို ဘယ်လိုခေါ်ရမလဲ ငါ့နာမည်က လုရွှမ်... ဒါက လောင်ယွင်"

လုရွှမ်က သူ့ကို လောင်ယွင်လို့ တကယ် ခေါ်လိုက်တာကို ကြားတော့ ငှက်အိုကြီးလည်း အလွန်ဝမ်းသာသွား၏။ နောက်ဆုံးမှာတော့ နာမည်ပြောင်းသွားပြီ။

သူမက "ငါ့ကို နတ်သမီးလို့ပဲ ခေါ်လို့ရတယ်"

လုရွှမ်က မိစ္ဆာမလေးရဲ့ ခေါင်းကို ပုတ်လိုက်ပြီး။

"ကောင်းပြီ ငါမင်းကို အူတူတူလေးလို့ ခေါ်လိုက်မယ်..."

"နင်ကသာ အူတူတူ!"

လုရွှမ် သူမကို လျစ်လျူရှုပြီး တိုက်ခိုက်ဆဲ ဖြစ်သော မိစ္ဆာသားရဲများကို ကြည့်လိုက်သည်။ ထိုသားရဲတွေ အားလုံးသည် အလွန်အစွမ်းထက်ပြီး ၎င်းတို့အားလုံး ပြောင်းရွှေ့ကြေးအတွက် ဒီနေရာကို ရောက်လာကြတာ ထင်ရှားပါသည်။

တစ်ရက်ပြီးတစ်ရက် ကုန်ဆုံးသွားသည်။ အမှန်တကယ်တော့ လူများစွာ ရောက်ရှိလာခြင်း မရှိခဲ့သလို ခွန်အားများစွာလည်း မရှိလာခဲ့ပေ။

နောက်ဆုံးတွင် လုရွှမ် အပါအဝင် စုစုပေါင်း အရေအတွက်မှာ ဆယ်ယောက် ဖြစ်သွားသည်။ ၎င်းတို့ထဲတွင် မင်းသားငယ်တန်းရွှမ်းယွမ်၏ နောက်လိုက် သုံးဦး ပါဝင်သည်။ မျှော်စင်နယ်ပယ် ကိုးအဆင့်ရှိ သားရဲတစ်ဦးနှင့် ကျန်နှစ်ယောက်က အဆင့်၇ ဖြစ်သည်။

နောက်ထပ် စုစုပေါင်း ခြောက်ဦးပဲ လက်ခံခဲ့သည်။

ဤလူခြောက်ယောက်စလုံးသည် မျှော်စင်နယ်ပယ် ဆဋ္ဌမအဆင့်ထက် လွန်စွာ အားကောင်းကြ၏။ ၎င်းတို့တစ်ဦးစီတွင် ၎င်းတို့၏ အသက်ကို ကယ်တင်နိုင်သည့် စွမ်းရည်များ ရှိနေဆဲဖြစ်ကြောင်း အာမခံနိုင်သည်။

မင်းသားငယ် တန်းရွှမ်းယွမ်က အလွန်ယုံကြည်ထိုက်သူ ဖြစ်ပုံရသည်။ ထိုလူခြောက်ဦးအား ကတိပြုထားသည့် ဓားစာဖိုးအတွက်လည်း အပြည့်အ၀ ပေးဆောင်ထားကြောင်း သူ ချက်ချင်းသိသည်။

သို့သော် လုရွှမ်တို့ သုံးယောက်ကလည်း အူတူတူများ မဟုတ်ကြချေ။ ငှက်အိုကြီးက သူ့လှုပ်ရှားမှုများ အတွက် လုရွှမ်က မျက်နှာသာပေးရန်သာ မျှော်လင့်နေသည်။ တန်းရွှမ်းယွမ်က သူ့ကို သလင်းကျောက်တွေ ပေးပါ၏။

ဒီမင်းသားလေးဟာ ယောက်ျားပီသ​ပြီး အလုပ်ကောင်းကောင်း လုပ်ပုံပါပဲ။

"ကောင်းပြီ ဒီညတော့ အားလုံးက မိသားစုတွေကို နှုတ်ဆက်ကြမယ်ဆိုတာ ငါ သိပါတယ် ဒါကြောင့် ဒီညပြန်သွားသင့်တယ်... မနက်ဖြန် မနက်စောစောမှာ နံပါတ်ရှစ် သလင်းကျောက်တွင်းကို သွားကြမယ်"

ထိုလူငယ်ရဲ့ လှုပ်ရှားမှုတွေက ခမ်းနားလေသည်။ ဒီလူတွေ သလင်းကျောက် ယူသွားပြီးရင် ပြန်မလာတော့မှာကို စိုးရိမ်စရာ မရှိပါဘူး။ မင်းသား တန်းရွှမ်းယွမ်ရဲ့ အရာများကို ထိဝံ့သူတိုင်းသည် သေခြင်းတရားကို ရှာဖွေနေတာပဲ ဖြစ်လေသည်။

လုရွှမ်လည်း ထွက်ခွာသွားရာ လမ်းတစ်လျှောက်တွင် ပူးပေါင်းရန် လူစုဆောင်းနေသည့် သားရဲများစွာလည်း ရှိနေသေးတာကို သူတွေ့လိုက်ရသည်။

"ဟမ့်... အခု ဘယ်သူတွေက အူတူတူတွေပါလိမ့်နော်... သူတို့က အချုပ်အနှောင် မခံချင်ကြဘူးလေ.. နောက်ပြီး အသက်ရှင်နေသရွေ့တော့ အဲဒီထဲက ရလာတဲ့ သလင်းကျောက်တွေက ပေးရတဲ့ အခကြေးငွေထက် အများကြီး ပိုချမ်းသာတယ်"