ခြိမ်းခြောက်ခြင်း

တိုင်လေးတိုင်၏အလယ်၊ နတ်ကန့်လန့်ကာ၏အောက်တွင် လူနှစ်ယောက်မရှိတော့ပေ။ ထိုအခိုက်အတန့်တွင် ယန်ယဲ့သည် ပေထင်းဟွမ် နှင့်အတူ နတ်ကန့်လန့်ကာအလယ်သို့ အပြေးသွားလေသည်။ ရွှေအလင်း ကန့်လန့်ကာသည် ရေကဲ့သို့ပင် စီးဆင်းသွားကာ သူတို့၏ခန္ဓာကိုယ်ကို ဖုံးအုပ် ရာ မင်ရှို့ပင် သူတို့၏တည်နေရာကို အာရုံမခံနိုင်တော့ပေ။

သို့သော် သူတို့သည် သွေးစာချုပ်ကို ဖောက်ဖျက်နေချင်သည်ကို သံသယ ဝင်ဖွယ်ရာမရှိပေ။

“အတင့်ရဲလိုက်တာ”

မင်ရှို့သည် ပေထင်းဟွမ်၏ အရှက်ခွဲခြင်းကိုခံရပြီးနောက် ဒေါသမထွက် ပေ။ မည်သို့ပင်ဖြစ်စေကာမူ လွန်ခဲ့သည့်နှစ်တစ်သောင်းက ပေထင်းဟွမ်နှင့် သွေးစာချုပ်တည်ထောင်ရန် ရှီဖုန်းနှင့် ဝိညာဉ်နတ်ဘုရားမျိုးနွယ်တို့ ပူးပေါင်း ကြံစဉ်ခဲ့စဉ်က သူသည် ပေထင်းဟွမ်နှင့်အဆက်အဆံရှိခဲ့သည်။ သူ သွေးစာချုပ် တည်ထောင်စဉ်က သူ စိတ်လှုပ်ရှားခဲ့သည်။ ဤကိစ္စသည် သူ၏အမှားပင်ဖြစ်သည်။

ပေထင်းဟွမ် သူ့ကိုမည်မျှပင် အပြစ်တင်စေကာမူ သူ့ကို မည်မျှပင် မကျေမချမ်းနိုင်ဖြစ်ပါစေ၊ သူ့ကိုမည်မျှပင် ကျိန်ဆဲပါစေ အပြစ်ပေးပါစေ မင်ရှို့ လက်ခံနိုင်သည်။ သူ လက်မခံနိုင်သောတစ်ခုတည်းသောအရာမှာ သူ ပေထင်းဟွမ်အား အဆုံးရှုံးမခံနိုင်ပေ။ နတ်ဘုရားသည် ပေထင်းဟွမ်နှင့် သွေး စာချုပ်ကိုပေးအပ်ခဲ့သည်။

“ယန်ယဲ့ မင်း ငါ့နာမည်ကို ဖျက်ရဲရင် အခု သွေးစာချုပ်ကို လှုံ့ဆော်လိုက် တဲ့အတွက် ငါ့ကို အပြစ်မတင်နဲ့၊ ရှောင်ကျို့ ထပ်ပြီးပြာဖြစ်တာကို မြင်ရရင် တောင် သူ့ကို ငါ့ဆီကနေ ထွက်သွားခွင့်မပြုဘူး” မင်ရှို့၏အသံသည် ဒေါသ အပြည့်နှင့်ပင်။ အက်ကွဲသောအသံသည် ကောင်းကင်နှင့်မြေကြီးအကြားတွင် ပဲ့တင်ထပ်လာသည်။ နတ်ဘုရား၏ကန့်လန့်ကာအောက်တွင်ရောက်နေသော ပေထင်းဟွမ်တို့နှစ်ယောက်ပင် ကြားနေရသည်။

ပေထင်းဟွမ်၏လက်ကို တင်းကြပ်စွာ ဆုပ်ကိုင်ထားသော ယန်ယဲ့သည် တုန်ယင်သွား၏။ မင်ရှို့သည် အမှန်တကယ်သာ သွေးစာချုပ်ကို လှုံ့ဆော်လိုက် ပါက ပေထင်းဟွမ်သည် တခဏအတွင်းမှာပင် သူမ၏ ဝိညာဉ်ကို ဆုံးရှုံးလိုက်ရ နိုင်သည်။ ယန်ယဲ့မည်မျှပင် အားကောင်းစေကာမူ တားဆီးရန် အခွင့်အရေးရ လိုက်မည်မဟုတ်ပေ။

ပေထင်းဟွမ်သည် စိတ်အေးအေးထားရန် ယန်ယဲ့၏လက်ကို အသာပုတ် ပေးနေသည်။ ထိုအချိန်တွင် ယန်ယဲ့၏မျက်လုံးများသည် နတ်ကန့်လန့်ကာကို စိုက်ကြည့်နေသည်။ ပေထင်းဟွမ်၏သွေးသည် နတ်ကန့်လန့်ကာပေါ်သို့ တစက်စက်ကျလေသည်။ နတ်ကန့်လန့်ကာသည် မြေပေါ်သို့လျင်မြန်စွာ ပြန်ကျသွားလေသည်။ ပေထင်းဟွမ်နှင့် မင်ရှို့တို့အကြားမှ သွေးစာချုပ်ကို ဖတ် သည့် စည်းမျဉ်းသည် သူတို့အားပို့လေသည်။

ထိုလုပ်ငန်းစဉ်မှာ မည်မျှကြာမည်ကိုမသိပေ။ မင်ရှို့ မည်မျှ စိတ်ရှည်နိုင် မည်ကိုမသိပေ။

ပေထင်းဟွမ်သည် လက်ချောင်းထိပ်ကိုဖောက်ပြီး ယန်ယဲ့အား သွေးပေး လိုက်ကာ သူမ၏ကိုယ်ပိုင်သွေးဖြင့် မင်ရှို့၏နာမည်ကို ရှင်းထုတ်ရန် ပြော လေသည်။ သူမကိုယ်တိုင်လည်း သဲ့သဲ့ပြုံးလေသည် “မင်ရှို့ နှစ်ပေါင်း တစ် သောင်းရှိပြီ ခင်ဗျားက ဘာမှမလုပ်နိုင်သေးဘူးပဲ”

နတ်မိစ္ဆာဝိညာဉ်ဂူသင်္ချိုင်းထဲတွင် ပေထင်းဟွမ် တိုက်ပွဲမြင်ကွင်းကို မြင်ခဲ့ ရစဉ်က မင်ရှို့သည် မင်းသမီးဟွမ်ကျို့အနောက်တွင် ပုန်းအောင်းကာ ယန်ယဲ့ကို ရင်ဆိုင်ရန် ဟွမ်ကျို့အား အမိန့်ပေးခဲ့သည်။ ယန်ယဲ့သည် ဟွမ်ကျို့ အားဖယ်ရှားခဲ့သည်။ မင်ရှို့သည် ယန်ယဲ့အား သတ်ချင်သည်။ သို့သော် မင်ရှို့သည် ယန်ယဲ့ ဟွမ်ကျို့အားခန္ဓာကိုယ်နှင့် ကာပြီး ကယ်တင်ရန် မျှော်လင့် ရင်း ဟွမ်ကျို့အား မြားနှင့်ချိန်ရွယ်ခဲ့၏။

နတ်ဘုရားပေးသနားသည့်သွေးစာချုပ်သည် လျှို့ဝှက်ပူးပေါင်းကြံစည် ခြင်းမဟုတ်ပေ။ အနည်းဆုံးတော့ ပေထင်းဟွမ် သေဆုံးပြီးနောက်တွင် ယန်ယဲ့ အသည်းကွဲခဲ့သည်။ နှစ်ပေါင်းသောင်းချီ ဇနီးဖြစ်သူကို ကယ်တင်ပြီးနောက် ယန်မို့ထျန်းမျိုးနွယ်သည် ပြိုကွဲခဲ့သည်။ ၃၃ ကောင်းကင်ဘုံတွင် ဝိညာဉ်နတ် ဘုရားမျိုးနွယ်ကို ဆန့်ကျင်နိုင်သည့် အင်အားစုမရှိခဲ့ရာ ဝိညာဉ်နတ်ဘုရား မျိုးနွယ်သည် နေရာရခဲ့သည်။

မင်ရှို့၏တစ်ကိုယ်လုံးသည် တုန်ယင်သွားသည်။ ရှောင်ကျို့ သူ့ကို မှတ်မိ သည်။ သူ၏မကောင်းသည့်အရာများကို မှတ်မိလျှင်တောင် သူမသည် သူ့ကို မှတ်မိနေတုန်းပင်။ သူ၏တစ်ကိုယ်လုံးမှာ မိုးကြိုးပစ်ခံလိုက်ရသကဲ့သို့ တုန်ယင်သွားသည်။ သူသည် ပေထင်းဟွမ်၏အသံကိုကြားလိုက်ရသည် “ဝိညာဉ်နတ်ဘုရားမျိုးနွယ်နဲ့ ယန်းမို့ထျန်းမျိုးနွယ်တို့က ယှဉ်လို့မရဘူး၊ သူတို့တွေက နှစ်ပေါင်းထောင်ချီကြာအောင် ရန်သူဖြစ်လာခဲ့ကြတာပဲ၊ သူတို့က အနောက်တောရိုင်းကို လိုချင်နေကြတာ၊ ဒါပေမဲ့ အနောက်တောရိုင်းက သူတို့ ကို မကူညီခဲ့ဘူး၊ မင်းတို့က နတ်မိစ္ဆာဧကရာဇ်ကို သေစေချင်တာကို သူ သဘောကျတဲ့မိန်းကလေးကို မင်းနဲ့ သွေးစာချုပ်တည်ထောင်စေခဲ့တယ်၊ နတ်မိစ္ဆာဧကရာဇ်က မင်းသမီးဟွမ်ကျို့ကို ပြန်ပေးဆွဲတာကို ကြည့်ရတာကို ပျော်နေခဲ့ကြတာထင်တယ်၊ မဟုတ်ရင် ဘယ်လိုလုပ် လုပ်နိုင်မှာလဲ၊ နတ်မိစ္ဆာ ဧကရာဇ်နဲ့ နတ်မိစ္ဆာဧကရီတို့ရဲ့ မင်္ဂလာပွဲကြီးလုပ်တာနဲ့ ဟွမ်ကျို့ရဲ့ ဝိညာဉ်က ဘာလို့ ပျံ့လွင့်သွားတာလဲ၊ နတ်မိစ္ဆာဧကရာဇ်က ဘာလို့ နှစ်ပေါင်းထောင်ချီ လိုက်ရှာနေခဲ့ရတာလဲ”

ပေထင်းဟွမ်၏အသံသည် အနည်းငယ်စိတ်လှုပ်ရှားလျက်ရှိသည်။ မင်ရှို့ ၏ မျက်နှာအမူအရာသည် အိပ်မွေ့ချခံလိုက်ရသလိုပင်။ သူ၏စိတ်ထဲတွင် လွန်ခဲ့သည့် နှစ် ၁၂,၀၀၀ က နတ်မိစ္ဆာဧကရာဇ် ဟွမ်ကျို့ကို ဖမ်းသွားသည့်ကိစ္စ ကို ရှင်းရှင်းလင်းလင်းမှတ်မိသည်။ ထိုအချိန်က သူသည် နတ်မိစ္ဆာဧကရာဇ်ကို သေသည်အထိ ပစ်လိုက်ချင်ခဲ့သည်။ သည်လိုနှင့် သူ၏ ဇနီးလောင်းကိုသာ ဆုံးရှုံးခဲ့ရသည်။