ထူးခြားတဲ့ကွိုင်ငါး! ဆိုင်ပိုင်ရှင်အဆက်အသွယ်ကနည်းနည်းအံ့ဩစရာ!

ကွိုင်ငါးမှာ အလွန်ကြီးထွားနိုင်သည်။ ပုံမှန်အားဖြင့် ၅၀ စင်တီမီတာရှိပြီး ကမ္ဘာ့အကြီးဆုံးကွိုင်ငါးမှာနှစ်မီတာရှိသည်။

ချင်လင်ရှေ့ကကွိုင်ငါးမှာ နှစ်မီတာခန့်ရှိမည်။ ဖွံ့ဖွံ့ထွားထွားနှင့် အရောင်လှပြီး ပုံစံအကွက်မျိုးစုံပါသည်။

ဒီလောက်ကြီးတဲ့ငါးမျိုး အရင်ကမမြင်ဖူး။

ဒီလိုကွိုင်ငါးအကြီးကြီးက သူ့အလုံးအပေါက်နဲ့တင် အရမ်းစိတ်ဝင်စားစရာကောင်းနေပြီမလား?

ကွိုင်ငါးမှတ်ချက်ကိုမြင်ပြီး ချင်လင်ပိုတောင်အံ့ဩမိသည်:

(စွမ်းရည်: ကွိုင်ငါး: အထူး)

(အလွန်ထူးခြားသောကွိုင်ငါးဖြစ်သည်။ နှစ်မီတာရှည်ပြီး အလွန်လှသည်။

အသွင်အပြင် +၂၊ အကြည့်ခံခြင်း +၂ နှင့် ကလေးများစိတ်ဝင်စားခြင်း +၂!)

(လောဘကြီးသောကွိုင်ငါးဖြစ်သည်။ အထူးစွမ်းရည်လည်းရှိသည်:

ကလေးက ဒင်္ဂါးတစ်ပြားပစ်ပေးလျှင် ကလေးနှင့်ကစားမည်။ အသဲပုံပူစီဖောင်းမှုတ်ပြမည်။ ထို့နောက် ဒင်္ဂါးပြားကိုသိမ်းပြီး တစ်နေရာရာမှာထားလိမ့်မည်။)

မှတ်ချက်ကိုမြင်ပြီး ချင်လင်နည်းနည်းကြောင်သွားသည်။

လောဘကြီးတဲ့ကွိုင်ငါး?

ထောပေ့မြေပုံတွင် အသိုက်အအုံဖွဲ့ရန် ငါးများဒင်္ဂါးသယ်သောမြေပုံရှိသည်ဟူ၍ ဒဏ္ဍာရီရှိသည်။ ငါးကြင်းများမှာ ရတနာသိုက်တည်ရန် ဒင်္ဂါးသယ်နိုင်စွမ်းရှိသည်ဟုဆိုကြသည်။

သောက်*ရမ်းဒဏ္ဍာရီဆန်တာမလား?

နောက်ပြီး ဒင်္ဂါးပစ်ပေးရင် ပူဖောင်းမှုတ်ပြတဲ့စွမ်းရည်က အတော်အံ့ဩဖို့ကောင်းသည်။

ငါးပူဖောင်းမှုတ်တာ ပုံမှန်ဆိုသော်လည်း ကလေးနှင့်ကစားပြီး ပူဖောင်းမှုတ်ပြသောငါးက ရှာမှရှားပင်။

ကလေးဆီကပိုက်ဆံယူပြီး ပူဖောင်းမှုတ်ပြတဲ့သူ မရှိသလောက်ပဲမလား?

ပိုထူးတာက မှုတ်ပြတဲ့ပူဖောင်းက အသဲပုံဆိုပဲ။ ပိုပြီး မယုံချင်စရာကောင်းနေသေးတော့။

အဓိကအကျဆုံးက ငါးပြတိုက်၏ဖောက်သည်အများစုမှာ ကလေးများဖြစ်သည်။

တကယ်တော့ ရှန်ဟိုင်းငါးပြတိုက်များတွင် ကလေးလက်မှတ်က လူကြီးထက်ပိုစျေးကြီးသည်။

မိဘအတော်များများ ငါးပြတိုက်သွားခြင်းမှာ သူတို့ကလေးကြောင့်သာ။

ငါးတွင် ကလေးများစိတ်ဝင်စားခြင်း +၂ အရည်အသွေးရှိသောကြောင့် ငါးပြတိုက်မှာ ကလေးများကြား အလွန်ရေပန်းစားလိမ့်မည်။

ထို့အပြင် အသွင်အပြင် +၂၊ အကြည့်ခံခြင်း +၂ အရည်အသွေးများမှာလည်း လူကြီးများအပေါ်သက်ရောက်မှုရှိသည်။ အလှသက်သက်ဖြစ်သောနဂါးနီနှင့်ကျားဖြူထက် အရည်အသွေးတစ်ခုတောင်ပိုသည်။

အရည်အသွေး ၂ နဂါးနီအလှမွေးငါးက ချင်းလင်ငါးပြတိုက်မှာထင်းနေလိမ့်မည်ဟု ချင်လင်တွေးမိသည်။

စနစ်က သူ့ကိုဒီလိုအံ့ဩစရာအကြီးကြီးပေးလိမ့်မယ်လို့ ဘယ်ထင်မလဲ။

သူ့ရှေ့ကကောင်ကြီးက တကယ့်ရတနာ။

ဒီစွမ်းရည်ရှိကွိုင်ငါးက ပြင်ပလောကတွင်တန်ဖိုးမရှိသော်လည်း ကမ္ဘာ့တန်ဖိုးအကြီးဆုံးအလှမွေးငါးလော်လန်မှာ ကွိုင်ငါးဖြစ်သည်။ ယွမ်သန်း ၂၀ ကျော်တန်ပြီး နဂါးနီထက်တန်ဖိုးများသည်။

လော်လန်ငါးတန်ဖိုးကြီးရခြင်း၏အကြောင်းရင်းတစ်ခုမှာ သူတို့အလှပင်။ လော်လန်ငါးအရောင်မှာ လော်လန်မိန်းမပျိုကဲ့သို့လှသောကြောင့် လော်လန်ဟူ၍အမည်တွင်သည်ဟုဆိုကြသည်။

တကယ်တော့ အခုအချိန်ထိ ဒီလိုအရောင်မျိုးရအောင် ဘယ်သူမှမပျိုးထောင်နိုင်သေး။

လော်လန်ငါးစျေးကြီးရခြင်းရဲ့အဓိကအကျဆုံးအချက်က ကွိုင်ငါးကောင်းကောင်းမွန်မွန်ဖြစ်သောနိုင်ငံစမ်းသပ်ညီလာခံတွင် ၂၃ ကြိမ်ဆက်တိုက်အနိုင်ရရှိခြင်းကြောင့်ပင်။ ကွိုင်ငါးအကြောင်းစာအုပ်တိုင်း ထပ်ခါထပ်ခါပုံနှိပ်ရသည်။

ထို့ကြောင့် ဒီငါးကလူမှုဘဝကောင်းသောနိုင်ငံမှပျိုးထောင်ထားသောနာမည်ကြီးငါးမျိုးဖြစ်သည်။ သူ့နာမည်ဂုဏ်ကြောင့် တန်ဖိုးအကြီးဆုံးဖြစ်ရသည်။

ဥပမာဆိုရသော် ရပ်ကွက်ထဲမှမိန်းကလေးတစ်ဦး ရှိုးပွဲဝင်ပြိုင်ပြီး နာမည်ကြီးအဖွဲ့ သို့မဟုတ် ကြယ်ပွင့်ဖြစ်လာရင် တန်ဖိုးကတက်သွားမည်။ ယွမ် ၃၀၀၊ ၅၀၀ မဟုတ်တော့။

အခု သူ့အရည်အသွေးတွေနဲ့ ကွာခြားချက်ကဘယ်လိုလဲ?

အသွင်အပြင် +၂၊ အကြည့်ခံခြင်း +၂ နှင့် နှစ်မီတာရှည်လျားခြင်းက ကွိုင်ငါးနေတဲ့နိုင်ငံထက်ဘယ်ညံ့မလဲ?

ကလေးများစိတ်ဝင်စားခြင်း +၂။ ကလေးတွေသဘောကျရင် သူ့ဂုဏ်သတင်းက သူ့နိုင်ငံထက်ညံ့ပါ့မလား?

နောက်ပြီး သူ့ကွိုင်ငါးက စွမ်းရည်ရှိတဲ့ငါး။

မှုတ်ထုတ်တဲ့ပူဖောင်းက အသဲပုံ။

ကွိုင်ငါးရဲ့အသဲပုံပူဖောင်းကဘယ်လိုလဲ ချင်လင်သိချင်မိသည်။

ဒါပေမဲ့ သူကကလေးမဟုတ်။ သူဒင်္ဂါးပစ်ပေးရင်တောင် ကွိုင်ငါးကမှုတ်ပြမှာမဟုတ်ချေ။

ထို့ကြောင့် စွမ်းရည်ရှိကွိုင်ငါးကို ငါးပြတိုက်မှာထားပြီး ကလေးတွေလာလည်မှဘယ်လိုနေလဲကြည့်ရမည်။

သူကစိတ်ကူးအတိုင်း ထလုပ်သည်။

ချင်လင်ကဂိမ်းထဲမှထွက်ပြီး ရုံးခန်းအပြင်တန်းသွားလိုက်သည်။ ထို့နောက် ငါးပြတိုက်စတိုထဲသွား၍ အရင်မင်မြို့တော်မှပြန်ယူလာသောငါးကန်တချို့သယ်လိုက်သည်။ သူကစံအိမ်မှထွက်၍ ငါးသယ်ရန်ဂိုဒေါင်ဆီသွားလိုက်သည်။

ဒီနေ့ဖမ်းမိသောငါး ၃၅ ကောင်အနက် စွမ်းရည်ရှိအထူးကွိုင်ငါးအပြင် အလှမွေးငါး ၁၀ ကောင်ရှိသေးသည်။ နှစ်ကောင်မှာ အရည်အသွေး ၂ နဂါးနီဖြစ်ပြီး ကျန် ၈ ကောင်လုံးမှာ အရည်အသွေး ၁ အလှမွေးငါးများဖြစ်သည်။

တစ်နည်းပြောရရင် နေ့စဉ်အသစ်ပေါ်သောငါး ၃၅ ကောင်တွင် အလှမွေးငါး ၁၀ ကောင်မိနိုင်သည်။ အရည်အသွေး ၂ အလှမွေးငါး တစ်နေ့နှစ်ကောင်ပုံမှန်ရမရတော့ သူမသိ။

ဆက်စောင့်ကြည့်ရမည်။

ဂိုဒေါင်ဆီရောက်လာသည်။

ချင်လင်က ငါးကန်ကိုဂိမ်းထဲချက်ချင်းသယ်လိုက်သည်။ သူက နှစ်ရက်အတွင်းဖမ်းမိသော အရည်အသွေး ၁ အလှမွေးငါး ၁၆ ကောင်၊ အရည်အသွေး ၂ ကျားဖြူနှစ်ကောင်နှင့် အရည်အသွေး ၂ နဂါးနီနှစ်ကောင်ကို ငါးကန်ထဲထည့်ပြီး ဂိမ်းအပြင်ထုတ်လိုက်သည်။

စွမ်းရည်ရှိကွိုင်ငါးမှာကြီးလွန်းသောကြောင့် အားစိုက်ထုတ်ပြီးသယ်လိုက်ရ၏။

သူသာစွမ်းအားပင်အသီးနှစ်လုံးမစားထားရင် သူတစ်ယောက်တည်း ငါးကန်ထဲကိုကွိုင်ငါးကြီးထည့်နိုင်မည်မဟုတ်။

ငါးများကိုဂိမ်းထဲမှထုတ်ပြီးနောက် ချင်လင်ကစံအိမ်တန်းမပြန်ဘဲ အချိန်ခဏစောင့်ပြီးမှပြန်သယ်သွားလိုက်သည်။

ဒီအချိန်လောက်ဆိုရပြီ။ တစ်ယောက်ယောက်ကမေးလာရင် ရုံချန်းအပြင်ကငါးသွားသယ်တာဟုပြောလိုက်ရုံသာ။

…

ချင်းလင်တောင်တန်းစံအိမ်_

ငါးပြတိုက်_

ငါးပြတိုက်ညွှန်မှူးလင်းရွှမ်လည်း ငါးပြတိုက်လာကြည့်သောသက်လတ်ပိုင်းအမျိုးသားတစ်ဦးကိုအဖော်ပြုပေးနေသည်။

''ဦးလေး... ကျွန်မတို့ငါးပြတိုက်က ငါးတွေကြည့်ရတာဘယ်လိုလဲ?''

လင်းရွှမ်က သက်လတ်ပိုင်းအမျိုးသားကိုမေးလိုက်သည်။

တစ်ဖက်လူမှာ သူမဦးလေးလင်းချုံဖြစ်သည်။ သူမအမေ၏မျိုးရိုးနာမည်ကို သူမကဆက်ခံထားခြင်းပင်။

သူမဦးလေးလင်းချုံမှာ အလှမွေးငါးသားဖောက်ရာတွင်အလွန်တော်သည်။

သူဌေးရဲ့အရည်အသွေးမြင့်အလှမွေးငါးက မျိုးပွားနိုင်စွမ်းရှိသေးသည်။ ဒီအလှမွေးငါးတွေကိုသားဖောက်ပြီးမွေးမြူဖို့ သူမကသူဌေးကိုအကြံပေးခဲ့သည်။ နောက်ပြီး သားဖောက်သူက အဓိကကျသည်။