အသေးစား စက်မှုထုတ်ကုန် အရောင်းပွဲ

သြဂုတ်လလယ်တွင် ဖြစ်သည်။ ရှယ်ယာများကို ကတိုက်ကရိုက် ဝယ်ပြီးနောက် အသေးစား စက်မှုလုပ်ငန်းသုံး စက်ပစ္စည်းများနှင့် နည်းပညာများသည် ဆိုဗီယက်ပြည်ထောင်စုမှ ဘင်းမြို့တော်သို့ ရောက်ရှိလာခဲ့သည်။ စရန်ငွေ ပေးချေထားသည့် စက်ရုံများကလည်း သူတို့၏ လူများကို ကျန်ရှိသည့်ငွေများ ပေးသွင်းရန်အတွက် လွှတ်လိုက်ကြသည်။ သူတို့သည် ရောက်ကတည်းက ထိုက်ဟွကုန်သွယ်ရေး၏ ရုံးခန်းတွင် နေ့တိုင်း စောင့်ဆိုင်းနေကြသည်။ သူတို့အနေဖြင့် စီစဉ်ထားသည့်အတိုင်း လွဲချော်သွားမည်ကို သူတို့ကြောက်ရွံ့နေသည်။

စရန်ငွေ ပေးပြီးသော်ငြား ယခုတစ်ခေါက်သည် ဆိုဗီယက်ပြည်ထောင်စုမှ စက်ပစ္စည်းများကို ထိုက်ဟွကုမ္မဏီအနေဖြင့် သူတို့ကိုရောင်းတာ ပထမဦးဆုံးအကြိမ် မဟုတ်ပေ။ သူတို့လက်ထဲ စက်ပစ္စည်း မရောက်မချင်း သူတို့စိတ် အေးအေးချမ်းချမ်း မနေနိုင်ကြ။ အကယ်၍ တစ်စုံတစ်ယောက်က ထိုပစ္စည်းများအတွက် ပိုကောင်းသည့် ကမ်းလှမ်းမှုကို ပေးလျှင် မည်သို့ဖြစ်မည်နည်း။

အစည်းအဝေးခန်းထဲရှိ လူများအားလုံးက ကဏှာမငြိမ် ဖြစ်နေကြသည်။ ဖုန်းယွီက သူတို့ကို စက်ပစ္စည်းများ ယနေ့တွင်ရောက်မည်ဟု ပြောထားသည်ကြောင့်သာမက ဖုန်းယွီသည် ဤတွင် ဆေးလိပ်သောက်ခြင်းကိုလည်း ကန့်သတ်ထားသည့် အတွက်ပင်။

ထိုသူများအားလုံးက ဆေးလိပ်သမားများ ဖြစ်ကြသည်။ သူတို့သည် ဆေးလိပ်အဆက်မပြတ် သောက်သည့်သူများ မဟုတ်သည့်တိုင် သူတို့အနေဖြင့် ဆေးလိပ်မသောက်ဘဲ နာရီပေါင်းများစွာ မရပ်နိုင်ပေ။

ထိုက်ဟွကုန်သွယ်ရေးတွင်သာမက လေနှင့်မိုး လော်ဂျစ်စတစ် ကုမ္မဏီသည်လည်း ထိုအတိုင်း ဆေးလိပ်သောက်ခြင်းကို ကန့်သတ်ထားပေသည်။ ရုံးထဲတွင် ဆေးလိပ်သောက်ရဲသူ သို့မဟုတ် မီခြစ်တစ်ခြစ် ခြစ်လိုက်သည့်သူသည် ပထမဦးဆုံးအကြိမ်တွင် ဒဏ်ကြေးငွေအဖြစ် ယွမ်တစ်ရာ ပေးဆောင်ရမည် ဖြစ်ပေသည်။ အကယ်၍ ထိုသူကို ဒုတိယအကြိမ် ဖမ်းမိပါက သူ့အနေဖြင့် အလုပ်မှ ထုတ်ပယ်ခံရမည် ဖြစ်ပေသည်။

ဖုန်းယွီက ရွေးချယ်စရာမရှိပေ။ သို့သော် ယင်းကိုတော့ သေချာပေါက် ကန့်သတ်ရမည်ပင်။ သိုလှောင်ခန်းထဲတွင် ယွမ်သန်းတစ်ရာကျော် တန်ဖိုးရှိ ရှယ်ယာများ ရှိပေသည်။ သူက ယွမ်သန်းတစ်ရာ ရှယ်ယာများကို CITI Bankနှင့် HSBC မှ ယွမ်သန်း(၁၂၀)ချေးငွေ ရရှိရန်အတွက် ပေါင်နှံထားခဲ့သည်။ သူသည် ထိုပိုက်ဆံများကို အသုံးပြုပြီး မြောက်ပိုင်းနှင့် တောင်ပိုင်းပြည်နယ်များရှိ ရှယ်ယာများကို ဝယ်ခဲ့သည်။ သူတို့၏ ရှယ်ယာဝယ်ယူမှု လုပ်ငန်းစဉ်သည် ရှန်ကျန်းထိတောင် ရောက်သည်။

ဖုန်းယွီက လီရှစ်ချင်ကို သူ၏ရှယ်ယာများကို ပေါင်နှံကာ ရှယ်ယာများ ထပ်ဝယ်ယူရန်တောင် သိမ်းသွင်း စည်းရုံးနိုင်ခဲ့သည်။ ရှယ်ယာများအားလုံးက အတူတကွ ရုံးခန်းထဲရှိ သိုလှောင်ရုံထဲတွင် သိမ်းဆည်းထားသည်။

ဖုန်းယွီက သူ့လူများကို ရေစိုဒဏ်ခံ ပိုးမွှားကန့်သတ် ထိန်းချုပ်မှု မီးဘေးအန္တရာယ်နှင့် တစ်ခုအန္တရာယ်ကို အမြဲစောင့်ကြည့်ရန်အတွက် သတိပေးထားသည်။ ဝူကျီကန်းနှင့် ကျန်သည့်ဝန်ထမ်းများ၏ ရှယ်ယာများသည်လည်း အတူတကွ သိမ်းဆည်းထားပြီး သူတို့သည်လည်း သဘောတူရန် အဆင်သင့် ဖြစ်ခဲ့ကြသည်။ အကယ်၍ ရုံးတွင် မီးလောင်မှု ဖြစ်ပွားခဲ့ပါက သူတို့အားလုံးသည် ကုန်းကောက်စရာမရှိလောက်အောင် ဆင်းရဲသွားမည် ဖြစ်ပေသည်။

ပထမက စက်ရုံတစ်ရုံမှ ကိုယ်စားလှယ်တစ်ယောက်သည် စည်းမျဉ်းသတ်မှတ်ချက်များကို လိုက်နာခြင်း မရှိပေ။ သူက ယင်းကို ဟာသတစ်ခုဟု တွေးခဲ့ပြီး သူသည် ဝန်ထမ်းတိုင်း ဆေးလိပ်သောက်ကြသည်ကို သိပေသည်။

သို့သော် သူဆေးလိပ်တစ်လိပ်ကို မီးငြိမ်းလိုက်ပြီးနောက် ဝူကျီကန်းက ချက်ချင်းပင် သူ့ဆီလာပြီး ဆေးလိပ်ကို ခြေဖြင့်ချေပြီး မီးငြိမ်းကာ ဒဏ်ကြေးပေးဆောင်ရင်ပေးဆောင် သို့မဟုတ် ရုံးခန်းမှ ထွက်သွားရင်ထွက်သွားဟု စစ်ဆေးပြီး မေးလိုက်တော့သည်။ စရန်ငွေများအတွက်မူ သူ့အနေဖြင့် ယင်းစက်ရုံကို လကုန်တွင် ပြန်ပေးမည် ဖြစ်ပေသည်။

ဝူကျီကန်း၏ ခိုင်မာသော စိတ်ဓာတ်က အခြားစက်ရုံများမှ လူများအားလုံးကို မှင်သက်သွားစေသည်။ သူတို့က ထိုက်ဟွကုန်သွယ်ရေး၏ ဝန်ထမ်းများသည် ကြောက်စရာကောင်းလောက်အောင် ဒေါသထွက်လွယ်ကြသည်ဟု ကြားကြသည်။ သို့သော် သူတို့ကိုယ်တိုင်ကိုယ်ကျ တွေ့ပြီးနောက် သူတို့သည် သဘောကောင်းသည်ဟု ထင်ခဲ့သည်။ ယနေ့တွင် နောက်ဆုံး၌ သူတို့က စိတ်တိုလွယ်သည့် ဝန်ထမ်းတစ်ဦးကို မျက်မြင်ကိုယ်ကျ တွေ့လိုက်ရသည်။

“ပူကျန်း ချည်ထည်စက်ရုံ ပူကျန်း ချည်ထည်စက်ရုံက တစ်စုံတစ်ယောက် ရှိလား။ ”

“ရှိပါတယ် ရှိပါတယ်။ ”

မျက်မှန်နှင့် လူတစ်ယောက်က သူ၏ခုံမှ ထလာသည်။

“မင်းငါနဲ့အတူ သိုလှောင်ရုံထဲ လိုက်ခဲ့ပြီး မင်းရဲ့ပစ္စည်းတွေကို စစ်ဆေးရမယ်။ ပြီးတော့ မင်းကို စာရွက်စာတမ်းတွေ လွှဲပေးမယ်။ ”

ငါးမိနစ်ကြာပြီးနောက် အခြားသော စက်ရုံများမှ ကိုယ်စားလှယ်များကိုလည်း အဝေးကို ခေါ်သွားသည်။ ရုံးခန်းထဲတွင် လူနည်းသထက် နည်းလာသည်။ ကျန်ရှိသည့်သူများက စတင် ကဏှာမငြိမ် ဖြစ်လာကြတော့သည်။

ထိုက်ဟွကုမ္မဏီမှ လူများက ယနေ့တွင် စက်ပစ္စည်းများ ရောက်မည်ဟု ပြောသော်လည်း အဘယ့်ကြောင့် သူတို့က ရုံးခန်းထဲတွင် ရှိနေရသနည်း။ တစ်စုံတစ်ယောက်ကို ခေါ်သွားပြီးဖြစ်ကာ အဘယ့်ကြောင့်သူတို့က အခန်းထဲတွင် ရှိနေရသနည်း။ သူတို့မှာထားသည့် စက်ပစ္စည်းနှင့် ပတ်သတ်၍ ပြဿနာ တစ်စုံတစ်ခုများ ရှိလို့လော။

သူတို့၏ စက်ပစ္စည်းများသည် ဆိုဗီယက်ပြည်ထောင်စုမှ ခေတ်မမှီတော့သည့် စက်ပစ္စည်းများ ဖြစ်သည်။ သို့သော် သူတို့သည် ကောင်းမွန်သည့် အခြေအနေတွင် ရှိသေးသည်။ ထိုက်ဟွကုန်သွယ်ရေးသည် ထိုစက်ပစ္စည်းများကို ဈေးချိုချိုဖြင့် ရောင်းခဲ့သည်။ သဘောတူညီမှုနှင့် ပတ်သတ်ပြီး စက်ပစ္စည်းများ၏ အရည်အသွေးသည် သူတို့၏ စက်ရုံစီမံခန့်ခွဲမှုအတိုင်း လုပ်ဆောင်ခြင်းသာ ဖြစ်သည်။ အထူးသဖြင့် သူတို့မှာယူထားသည့် စက်ပစ္စည်းများနှင့် နည်းပညာများတွင် ဖြစ်သည်။ တစ်ချို့သော စက်ရုံမှ ကိုယ်စားလှယ်များသည် အင်ဂျင်နီယာချုပ် သို့မဟုတ် အလုပ်ရုံ ဒါရိုက်တာများ ဖြစ်ကြသည်။ ယင်းက စက်ရုံအနေဖြင့် ထိုလွှဲပြောင်းမှုတွင် အလွန်အရေးကြီးသည်ဟု သဘောထားသည့် အတွက်ပင်ဖြစ်သည်။

ဖုန်းယွီက ဘဏ္ဍာရေး အခန်းထဲတွင်သာ ထိုင်နေသည်။ တစ်ခဏကြာပြီးနောက် ထိုက်ဟွကုန်သွယ်ရေး၏ ဝန်ထမ်းတစ်ယောက်နှင့်အတူ တစ်စုံတစ်ယောက်က အခန်းထဲသို့ ဝင်လာပြီး စစ်ဆေးကြည့်ရန်နှင့် အချို့သော စာရွက်စာတမ်းများကို လက်လွှဲကာ စစ်ဆေးရန်နှင့် လက်မှတ်ထိုးရန် ဖြစ်သည်။

ဖုန်းယွီက သူ၏ဝန်ထမ်းများနှင့် လိုက်လာသည့် သူများကို သူ၏ဝန်ထမ်းများနှင့်အတူ ဘဏ်ကိုသွားပြီး ချက်လက်မှတ်ဖြင့် ငွေပေးရမည်ဖြစ်ကြောင်း သတိပေးခဲ့သည်။ ယင်းက သူတို့အနေဖြင့် လှည့်စားမှု မပြုလုပ်နိုင်ရန် ဖြစ်သည်။ အကယ်၍ သူတို့ကသူ့အား ငွေမလုံလောက်သည့် ချက်လက်မှတ်ကို ပေးပါက ငွေပေးချေမှု နောက်ကျမည်ဖြစ်ကာ သူ့အနေဖြင့် စာချုပ်ကို ဖျက်သိမ်းရန် တွန့်ဆုတ်နေမှာမဟုတ်ဘဲ လျော်ကြေးငွေကို ပေးဆောင်မည်ပင်။

အသစ်ဝယ်သူများကို ရှာဖွေရန်က ဒုက္ခအနည်းငယ် တွေ့သော်ငြား သူ့အနေဖြင့် ဝယ်သူအသစ်ကို တစ်ပတ်မှ နှစ်ပတ်အတွင်း ရှာနိုင်ပေသည်။ သူ၏ စက်ပစ္စည်းများသည် ဈေးနှုန်းချွေတာကာ အလွန်ကောင်းမွန်သည့် အခြေအနေနှင့် အလွန်ခေတ်မှီသည့် အခြေအနေတွင် ဖြစ်သည်။ အဘယ့်ကြောင့် သူ့အနေဖြင့် ဝယ်သူမရှိရမည်ကို စိတ်ပူရမည်နည်း။

“ချည်ထည်စက်ရုံ စက်ပစ္စည်းများ ရောင်းချသွားပြီးနောက် ပိုက်ဆံကိုလည်း ပေးချေပေးပြီး ”

“ရေခဲသေတ္တာ ထုတ်လုပ်သည့်လမ်းကြောင်း ရောင်းပြီး ငွေပေးချေပြီး ”

“စီးကရက်စက်ရောင်းပြီး ငွေပေးချေပြီး ”

တစ်စုံတစ်ယောက်က ဖုန်းယွီကို နာရီဝက်တိုင် သတင်းလာပို့ပြီး ဖုန်းယွီ၏ စာချုပ်များသည် နည်းနည်းလာသည်။

“မန်နေဂျာဖုန်း နည်းပညာရဲ့ ပထမတစ်သုတ်တွေက စီစစ်ပြီးတော့ ကုန်သွယ်နိုင်ပါပြီ။ ”

ရုရှားနိုင်ငံသားတစ်ယောက်သည် အထဲသို့ဝင်လာကာ ဖုန်းယွီအား ပြောလိုက်သည်။

ဖုန်းယွီက ခေါင်းညိတ်လိုက်ပြီး တစ်စုံတစ်ယောက်က စာချုပ်ကိုယူကာ အခန်းထဲမှ ထွက်သွားသည်။ ကီရီလန်ကိုက တစ်စုံတစ်ယောက်ကို ထိုနည်းပညာ စာရွက်စာတမ်းနှင့်အတူ ပို့ခဲ့ခြင်းဖြစ်သည်။ ဖုန်းယွီဆိုဗီယက် ပြည်ထောင်စုမှ ပြန်စဉ်က သူ့အနေဖြင့် ထိုစာရွက်စာတမ်းများ အားလုံးကို မယူဆောင်ခဲ့ပေ။

အကယ်၍ သူထိုစာရွက်စာတမ်းများနှင့် ဖမ်းမိပါက သူ့အနေဖြင့် ရှင်းပြရန်က ခက်ခဲမည်ပင်ဖြစ်သည်။ ကီရီလန်ကိုအနေနှင့် သူ၏လူများကို စာရွက်စာတမ်းတွေ ပေးပို့ခြင်းက ပိုကောင်းသည့်အရာ ဖြစ်သည်။

ထပ်ပြောရပါက ထိုစာရွက်စာတမ်းများသည် ကျွမ်းကျင်သူများမှ စီစစ်တွက်ချက်ဖို့ လိုအပ်သည်။ ဖုန်းယွီက ထိုစာရွက်စာတမ်းများတွင် ပါဝင်သည့် အကြောင်းအရာများကို နားလည်ခြင်း မရှိပေ။ ထိုအရာ စာရွက်စာတမ်းရှိ အများစုသည် ကိန်းဂဏန်းများ ဖြစ်ပြီး ဖုန်းယွီအတွက်မူ ယင်းကိန်းဂဏန်းများက နံပါတ်မျှသာဖြစ်ကာ ဘာမှထူးခြားနေသည်လည်း မရှိပေ။

ရထားပေါ်မှ မချရသေးသည့် ပစ္စည်းများစွာ ကျန်နေသေးပြီး ကုန်တင်ကားများပေါ်သို့ လွှဲပြောင်းနေပြီဖြစ်သည်။ တစ်ချို့သော တွဲများသည် နောက်တစ်တွဲနှင့်တောင် ဆက်နေပေသည်။

ဘူတာရုံရှိ လူများက ထိုအရာများက ထိုက်ဟွကုန်သွယ်ရေး၏ ပစ္စည်းများဟု သိကြပေသည်။ ထိုက်ဟွကုန်သွယ်ရေးသည် တကယ်ပင် တစ်ခုခုပင် ဖြစ်ပေသည်။ သူတို့အနေဖြင့် ဆိုဗီယက်ပြည်ထောင်စုမှ များပြားသည့် စက်ပစ္စည်းများကို တင်ပို့နိုင်ခြင်းပင် ဖြစ်သည်။

တစ်ချိန်တည်းတွင် စက်ပစ္စည်းစက်ရုံမှ အလုပ်သမား အချို့သည် တောင်ပိုင်းသို့ထွက်မည့် ရထားပေါ်တွင် ပစ္စည်းအချို့ တင်နေကြပြီး သူတို့သည် ဘူတာရုံတွင် ဖြစ်ပျက်နေသည့် အရာများကို တွေ့သွားသည်။ သူတို့က ချက်ချင်းပင် စက်ရုံဒါရိုက်တာထံ အကြောင်းကြားလိုက်သည်။ ထိုက်ဟွကုန်သွယ်ရေး၏ စက်ပစ္စည်းများသည် ဆိုဗီယက်ပြည်ထောင်စုမှ တင်သွင်းသည့် ထိုက်ဟွကုန်သွယ်ရေး၏ စက်ပစ္စည်းများသည် ရောက်နေသည် ဆိုသည့်သတင်းပင် ဖြစ်ပေသည်။ ထိုစက်ပစ္စည်းများသည် သူတို့နှင့် အသုံးမဝင်ဆိုသည်ကိုတော့ သေချာမသိပေ။

လီရှစ်ရုံသည် ထိုက်ဟွကုန်သွယ်ရေးသို့ အပြေးလာပြီး အစည်းအဝေးခန်းထဲတွင် လူများစွာ စောင့်ဆိုင်းနေသည်ကို မြင်တွေ့လိုက်ရသည်။ ထိုအရာများက အဆင့်မြင့် စက်ပစ္စည်းများလော။

“မန်နေဂျာဖုန်း ဆိုဗီယက် ပြည်ထောင်စုကနေပြီးတော့ စက်ပစ္စည်းတွေ ရောက်မယ်ဆိုတာ ကျွန်တော်ကိုဘာလို့ အကြောင်းမကြားရတာလဲ။ ကျွန်တော်မှာထားတဲ့ စက်ပစ္စည်းရော ရောက်ပြီလား။ ကျွန်တော်လည်း ချက်လက်မှတ် ယူခဲ့တယ်။ ”

“ဒါရိုက်တာလီ ထိုင်ပါအုံး။ ဒီစက်ပစ္စည်းတွေက စက်ပစ္စည်းစက်ရုံက ဝယ်ထားတဲ့ စက်တွေမဟုတ်ဘူး။ ဒီတစ်ခေါက် စက်ပစ္စည်းတွေနဲ့ နည်းပညာတွေက အသေးစား စက်မှုလုပ်ငန်းတွေအတွက်ပဲ။ ခင်ဗျားမှာထားတဲ့ စက်ပစ္စည်းတွေနဲ့ နည်းပညာတွေက အကြီးစား စက်မှုလုပ်ငန်း။ ပြီးတော့ အခုလက်ရှိမှာ အဲ့ဒီအရာတွေ ရဖို့အတွက် ခက်ခဲနေသေးတယ်။ ဒါပေမဲ့ ကျွန်တော်ခင်ဗျားကို ကတိပေးပါတယ်။ နောက်နှစ်ကျရင် သေချာပေါက် ရအောင်ယူပေးပါ့မယ်။ ”

“မဖြစ်နိုင်တာ။ ဒီလောက်များတဲ့ စက်ပစ္စည်းတွေ ဘူတာရုံထဲမှာ ရှိတာတောင်မှ ကျွန်တော်စက်ရုံနဲ့ ကိုက်တဲ့စက် တစ်ခုမှကို မရှိတာလား။ ”

လီရှစ်ရုံက အရှုံးမပေးချင်ပေ။

ဖုန်းယွီက သူ့စားပွဲပေါ်ရှိ စာရင်းကို လီရှစ်ရုံဆီသို့ ကမ်းလိုက်ကာ

“ကြည့်လိုက်ပါ။ ဒါက ဒီစက်ပစ္စည်းတွေက ချည်ထည်စက်ရုံ၊ လူအသုံးအဆောင်ပစ္စည်း၊ စီးကရက်၊ ဆီ၊ အစားအစာထုတ်လုပ်ရေး၊ သကြားနဲ့ ဝိုင်စက်တွေ ဘယ်တစ်ခုများ လိုချင်လို့လဲ။ တကယ်လို့ ခင်ဗျားလိုချင်တာ ရှိတယ်ဆိုရင် ကျွန်တော် စာချုပ်ကိုဖျက်ပြီး ခင်ဗျားကို ရောင်းပေးမှာပါ။ ”

ယင်းစက်ပစ္စည်းများသည် စက်ပစ္စည်းစက်ရုံနှင့် ကိုက်ညီမှု မရှိပေ။ ပြီးနောက် ဖုန်းယွီအနေဖြင့် လီရှစ်ရုံသည် ထိုအရာများကို တကယ်လိုချင်သည်ဟု လုံးဝမယုံကြည်ပေ။

လီရှစ်ရုံက မျက်မှောင်ကြုတ်လိုက်ကာ

“ဒီဟာက အသေးစား စက်မှုလုပ်ငန်း အရောင်းပွဲပဲ။ မင်းက အကုန်လုံးနီးပါးကို ဒီကိုရောက်အောင် လုပ်နိုင်ခဲ့ပြီ။ ဒါပေမဲ့ စက်ပစ္စည်းစက်ရုံက ဒီစက်တွေကို ဘယ်နေရာမှ အသုံးချလို့မရဘူး။ ရေခဲသေတ္တာ ထုတ်လုပ်တဲ့ လမ်းကြောင်းလား။ တော်ပြီတော်ပြီ ငါအဲ့ဒါတွေ မလိုဘူး။ ”

အရင်အသုတ် ရေခဲသေတ္တာများသည် ကောင်းကောင်း မရောင်းရပေ။ ပြီးနောက် ကွန်ပရက်ဇာများကိုလည်း ဈေးနှုန်း ချိုသာစွာဖြင့် ဝယ်ယူခဲ့ခြင်း ဖြစ်ပေသည်။ လီရှစ်ရုံအနေဖြင့် ထိုက်ဟွကုန်သွယ်ရေးသည် ဤစီးပွားရေးဖြင့် ငွေများမရှာနိုင်ကြောင်း သိပေသည်။

အကယ်၍ သူတို့သည် ရေခဲသေတ္တာ ထုတ်လုပ်သည့်လမ်းကြောင်းကို အရယူပြီး သူတို့ကိုယ်တိုင် ရေခဲသေတ္တာ ထုတ်လုပ်လျှင်တောင် သူတို့အနေဖြင့် ပိုက်ဆံရမည် မဟုတ်ပေ။ မြောက်ပိုင်းပြည်နယ်၏ ဈေးကွက်သည် အလွန်သေးငယ်ပြီး တောင်ပိုင်းဒေသများသို့ ထိုရေခဲသေတ္တာများ ပို့လျှင်တောင် သယ်ယူပို့ဆောင်ရေးစရိတ်က နည်းမည်မဟုတ်ပေ။

ရေခဲသေတ္တာများသည် လျှပ်စစ်ပန်ကာ သို့မဟုတ် ရေနွေးငွေ့စက်များနှင့် မတူပေ။ သူတို့က ကြီးမားလေးလံပြီး သယ်ယူစရိတ် ပိုများပေသည်။

အသေးစား စက်မှုလုပ်ငန်း ရောင်းတဲ့လူလား။ ဖုန်းယွီက မေးလိုက်သည်။ သူ့အနေဖြင့် ယင်းကို ကြိုက်နှစ်သက်ပေသည်။ သို့သော် သူ့အနေဖြင့် အကြီးစား စက်မှုလုပ်ငန်း ရောင်းချသူ ဟူသည့်အမည်ကို နောက်နှစ်တွင်တော့ သူလိုချင်မိသည်။