တက္ကသိုလ်ဝင်ခွင့် အင်တာဗျူးခြင်း

ဖုန်းယွီသည် ဘင်းမြို့တော်သို့ မပြန်မှီ သူသည် ရှန်ဟိုင်းသို့ ပြန်လိုက်သည်။ သူ့အနေဖြင့် လျိုမီရှဲရဲ့ ဒီဇိုင်းအလုပ်ရုံကို သွားကြည့်မည်ဖြစ်သည်။ လျိုမီရှဲသည် ဖုန်းယွီကို ကြိမ်ဖန်များစွာ ဖိတ်ခေါ်ပြီးဖြစ်သည်။ သို့သော် ဖုန်းယွီသည် အလွန်အလုပ်ရှုပ်သည်။ ထိုကုမ္မဏီတွင် ဖုန်းယွီ၏ ရင်းနှီးမြုပ်နှံမှုသည် မများသော်ငြား ပြီးနောက် အကျိုးအမြတ်သည်လည်း မက်လောက်စရာ မရှိသော်ငြား ကုမ္မဏီသည် အကျိုးအမြတ် ရနေဆဲဖြစ်သည်။ ဖုန်းယွီ၏ အကြံပေးချက်များက ဆုံးရှုံးနေသည့် ကုမ္မဏီကို အမြတ်ရသည့် ကုမ္မဏီအဖြစ် ပြောင်းလဲနိုင်ခဲ့သည်။ ထိုကုမ္မဏီသည် ရှန်ဟိုင်းတွင်လည်း လူသိများလာပြီဖြစ်သည်။

ဖုန်းယွီသည် ထိုအလုပ်ရုံသို့ လာရခြင်းသည် ကုမ္မဏီရှိ အခြားသောလူများနှင့် တွေ့ရန်ဖြစ်သည်။ ကုမ္မဏီ၏ သူဌေးတစ်ယောက်အနေဖြင့် မျက်နှာကို တစ်နှစ်လျှင် အနည်းဆုံးတစ်ကြိမ်တော့ ပြရန်လိုအပ်ပေသည်။ ထပ်ပြောရပါက ဖုန်းယွီသည် ကုမ္မဏီ ဖွံ့ဖြိုးနိုင်မည့် နောက်ထပ် နည်းလမ်းများကိုလည်း မြင်ချင်သေးသည်။ အနာဂတ်တွင် ဒီဇိုင်းကဏ္ဍသည် အလွန်အကျိုးအမြတ်များသည့် စီးပွားရေးကဏ္ဍ ဖြစ်တော့မည်ပင်။

ယခုလက်ရှိတွင် တရုတ်နိုင်ငံ၌ ဒီဇိုင်းစီးပွားရေးကဏ္ဍ မဖွံ့ဖြိုးသေးပေ။ သို့သော် ကံကောင်းချင်သော ကြော်ငြာများ ပိုများလာခြင်းပင်ဖြစ်သည်။ ထိုဒီဇိုင်း အလုပ်ရုံသည် လတိုင်းလတိုင်း ကြော်ငြာရသည့် ဒီဇိုင်းအလုပ်များစွာ လက်ခံရသည်။ ပြီးနောက် ယင်းက ကုမ္မဏီအတွက် အဓိကဝင်ငွေလမ်းကြောင်းပင် ဖြစ်သည်။

ဖုန်းယွီသည် အခြားဒီဇိုင်နာ နှစ်ယောက်နှင့် တွေ့ခဲ့သည်။ သူတို့သည် လျိုမီရှဲ၏ လုပ်ဖော်ကိုင်ဖက်များ ဖြစ်သည်။ သူတို့က အသက်တူတူပင်ဖြစ်သည်။ ပြီးနောက် သူတို့အားလုံးက ဖုန်းယွီထက် အသက်ကြီးကြပေသည်။ သို့သော် ဖုန်းယွီရှေ့တွင် သူတို့စိတ်လှုပ်ရှားနေကြသည်။

ဖုန်းယွီက သူတို့ကို ထုတ်ကုန်များ ထုတ်ပိုးမှုပိုင်းတွင်လည်း အာရုံစိုက်သင့်ကြောင်း ပြောသည်။ ယင်းက ကြော်ငြာဒီဇိုင်းနှင့် အတူတူပင်ဖြစ်သည်။ အနာဂတ်တွင် ထိုထုတ်ပိုးမှု ပုံစံမျိုးသည် ဒီဇိုင်းအလုပ်ရုံများအတွက် အဓိကဝင်ငွေလမ်းကြောင်း ဖြစ်လာမည်ပင်။ မကြာမီတွင် တရုတ်လူမျိုးများသည် သူတို့ထုတ်ကုန်များ၏ ထုတ်ပိုးမှုပုံစံသည် အရေးပါကြောင်း သတိပြုလာမည်ဖြစ်ကာ ဆွဲဆောင်မှုရှိသော ထုတ်ပိုးမှု ပုံစံများဖြင့် ဝယ်ယူသူများကို ဆွဲဆောင်နိုင်မည်ဖြစ်ပြီး ရောင်းအားလည်း တိုးလာမည်ပင်။

ဖုန်းယွီသည် ဒီဇိုင်းအလုပ်ရုံအတွက် မျှော်မှန်းချက်များကိုလည်း ချထားခဲ့သည်။ ပထမက ကုမ္မဏီအနေဖြင့် ချဲ့ထွင်ရန်လိုအပ်ပြီး ဝန်ထမ်းများ ထပ်ငှားရမည်ဖြစ်သည်။ ယခုလက်ရှိတွင် ကုမ္မဏီသည် အလွန်ပင် သေးငယ်လွန်းသည်။ ယင်းက ကုမ္မဏီ လျှင်မြန်စွာ ဖွံ့ဖြိုးမှုအတွက် အခက်အခဲ ဖြစ်ပေမည်။ ကုမ္မဏီသည် ရှန်းဟိုင်းမြို့၏ အထင်ရှားဆုံး ဒီဇိုင်းအလုပ်ရုံ ဖြစ်ရမည်ဖြစ်ကာ ယင်းက လူများစွာကို ကုမ္မဏီအကြောင်း ပိုပြီး အမှတ်ရစေမည်ဖြစ်သည်။ သူတို့၏ ဒီဇိုင်းခများကိုလည်း ဤနည်းဖြင့် တိုးပြီးတောင်းခံနိုင်မည် ဖြစ်ပေသည်။

သူတို့ကိုယ်သူတို့ ရောင်းချခြင်းသည် သူတို့ကိုယ်သူတို့ ဈေးကွက်ထဲတွင် ပိုမိုကောင်းမွန်ရန် ဖြစ်သည်။

ယခုနှစ်တွင် ကြီးမြတ်သည့် ခေါင်းဆောင်ကြီးက ရှန်ဟိုင်း၏ အရှေ့ပိုင်း ဒေသသည် ဖွံ့ဖြိုးတိုးတက်လာမည်ဖြစ်ကြောင်း ပြောခဲ့သည်။ ဖုန်းယွီသည် ရှန်ဟိုင်း၏ အရှေ့ပိုင်းတွင် ရင်းနှီးမြုပ်နှံရန် ဆုံးဖြတ်ထားသည်။ စီးပွားရေး အဆောက်အဦးတစ်ခု ဝယ်ယူခြင်းက ကောင်းမွန်သည့် ရင်းနှီးမြုပ်နှံမှုပင် ဖြစ်သည်။ နှစ်နှစ်ကြာပြီးနောက် စီးပွားရေးများစွာ ရှန်ဟိုင်းတွင် တည်ထောင်လာမည်ဖြစ်ကာ ဖုန်းယွီသည် ငှားယမ်းခများကို ယူနိုင်သည်။

ဖုန်းယွီသည် ရှန်ဟိုင်းတွင် တစ်ရက်နေပြီးနောက် ထိုညနေခင်းတွင် ပေကျင်းသို့ အပြေးသွားသည်။ ဝမ်တုန့်ကျွင်း လီနနှင့် ကျန်းဟန်တို့သည်လည်း ဘင်းမြို့တော်မှ ပေကျင်းသို့ လေယာဉ်စီးလာခဲ့ပြီဖြစ်သည်။

တနင်္လာနေ့တွင် သူတို့လျှောက်ထားသည့် တက္ကသိုလ်များတွင် အင်တာဗျူး သွားဖြေရမည်ဖြစ်သည်။ ထိုအင်တာဗျူးမှ မတူညီသည့်ရလဒ် အင်တာဗျူးရမှတ်များ ထွက်ပေါ်လာမည်ဖြစ်သည်။ ပထမတစ်မျိုးသည် အင်တာဗျူးပြီးနောက် ကျောင်းသားများသည် ဝင်ခွင့်စာမေးပွဲကို ဖြေဆိုရန်မလိုဘဲ တက္ကသိုလ်ကိုတိုက်ရိုက် တက်ရောက်ခွင့် ရနိုင်ခြင်းဖြစ်သည်။ ဒုတိယ အမျိုးအစားသည် သတ်မှတ်အမှတ် တစ်ရာထက် လျော့မှတ်ရရှိခြင်းဖြစ်သည်။ တတိယတစ်ခုက သတ်မှတ်အမှတ်ထက် အမှတ်ငါးဆယ် ရရှိခြင်းပင်ဖြစ်သည်။ နောက်ဆုံးက အင်တာဗျူး ကျရှုံးခြင်းပင် ဖြစ်သည်။ ဝင်ခွင့်လိုအပ်ချက်နှင့် ပတ်သတ်ပြီး အမှတ်လျော့ချခြင်းမျိုး ရှိမည်မဟုတ်ပေ။

တက္ကသိုလ်တွင် တက်ရောက်ရန် အာမခံရရှိသည့် ကျောင်းသားများသည် မတူညီသည့် ဝင်ရောက်ခွင့်ရှိသော ပုံစံမျိုး ရှိကြပေသည်။ ဥပမာအနေဖြင့် ဒေသအလိုက် ပြိုင်ပွဲများတွင် ပထမရခဲ့သူ သို့မဟုတ် နိုင်ငံတစ်ကာ၏ အသိအမှတ်ပြု ရရှိသူများဖြစ်သည်။ သေချာသည်မှာ ဖုန်းယွီနှင့် ကျန်သည့်လူများကဲ့သို့ ပြည်နယ်တွင် အကောင်းဆုံးကျောင်း သို့မဟုတ် ပြည်နယ်တွင် ထိပ်ဆုံးကျောင်းသားများ များစွာရှိသည်ပင်။

အကယ်၍ အရာရာတိုင်းသည် ပုံမှန်အတိုင်း ဖြစ်ပါက ဖုန်းယွီနှင့် ကျန်သည့်သူများသည် ဝင်ခွင့်သတ်မှတ်ချက်၏ အမှတ်ငါးဆယ် လျော့ချနိုင်ပေသည်။ သို့သော် မော်စကိုတက္ကသိုလ် နွေရာသီစခန်းကြောင့် သူတို့သည် သူတို့၏ ဝင်ခွင့်သတ်မှတ်ချက်ကို အမှတ်တစ်ရာအထိ လျော့ချခြင်း ခံရသည်။

ဖုန်းယွီသည် ပေကျင်းတက္ကသိုလ်တွင် အင်တာဗျူးရန်အတွက် ခွင့်ရထားသည်။ ထိုစဉ် လီနသည် ပေကျင်းဆရာအတတ်သင်ကျောင်းတွင် အင်တာဗျူးရှိသည်။ ယင်းက သူမ၏ အိမ်မက်တက္ကသိုလ်ပင် ဖြစ်သည်။ ဝမ်တုန့်ကျွင်းနှင့် ကျန်းဟန်သည် ပေကျင်းနည်းပညာ တက္ကသိုလ်သို့ လျှောက်ထားသည်။ အမှန်တကယ်တွင် သူတို့၏ အထက်တန်းကျောင်းမှ ဟွာချင်းတက္ကသိုလ်တွင် လျိုခွန်အတွက် နေရာတစ်နေရာ ရထားသည်။ သို့သော် လျိုခွန်က ထိုကမ်းလှမ်းချက်ကို ငြင်းပယ်သည်။ အကြောင်းမှာ ထိုနေရာတွင် ကျောင်းသား ကန့်သတ်ချက်များ ရှိသည့်အတွက် သူတက်ချင်သည့် မေဂျာ တက်ခွင့်မရမည် စိုး၍ဖြစ်၏။

လျိုခွန်အကြောင်း ဖုန်းယွီကြားသောအခါ သူမျက်ရည်ဝဲလာသည်။ ထိပ်ဆုံး ကျောင်းသားတစ်ဦးနှင့် သာမာန် ကျောင်းသားတစ်ဦးသည် ကွဲပြားခြားနားပေသည်။ သူ့အနေဖြင့် အာမခံပေးသည့် တက္ကသိုလ်တွင် မတက်ရောက်ချင်ပေ။ သူသည် သူတက်ချင်သည့် မေဂျာတွင်သာ ဝင်ခွင့်စာမေးပွဲဖြေပြီး တက်ရောက်ချင်ပေသည်။

ဖုန်းယွီ၏ ရမှတ်သည် ပေကျင်းတက္ကသိုလ်တွင် အင်တာဗျူး ဝင်ခွင့်ရရန်အတွက် အမှတ်မှီပြီး ကျော်ရုံလေးသာရှိသည်။ အမှန်တကယ်တွင် သူတို့၏ အမှတ်သုံး အထက်တန်းကျောင်းသည် ဖုန်းယွီကို အဆင့်နိမ့်သည့် တစ်ခြားတက္ကသိုလ်တစ်ခုသို့ ပို့ခဲ့သည်။ ပြီးနောက် ဖုန်းယွီသည် ထိုနေရာတွင် အာမခံချက် ရမည်ဖြစ်သည်။ ဖုန်းယွီ၏ နိုင်ငံခြားဘာသာစကား စွမ်းရည်နဲ့သာဆိုပါက သူသည် ထိုတက္ကသိုလ်တွင် ဝင်ခွင့်စာမေးပွဲ မဖြေဘဲနှင့်တောင် တက္ကသိုလ်သို့ တက်ခွင့်ရမည်ဖြစ်သည်။

သို့သော် ဖုန်းယွီက စောဝမ်ဟိုက်ကို ပေကျင်းတက္ကသိုလ်တွင် သူအင်တာဗျူး ဖြေချင်ကြောင်း ပြောခဲ့သည်။ ဖုန်းယွီက အင်တာဗျူး ဖြေခွင့်ရနိုင်သမျှ သူ့အနေဖြင့် ဝင်ခွင့်ရမည်ဟု ယုံကြည်ချက် ရှိပေသည်။ စောဝမ်ဟိုက်သည်လည်း အခြားသော ကိစ္စရပ်များကို ထည့်မစဉ်းစားပေ။

ဖုန်းယွီတွင် လျို့ဝှက်အစီအစဉ်များ ရှိပြီးသားဖြစ်သည်။ ဖုန်းယွီ၏ ရမှတ်များသည် သာမာန်သာရှိပြီး အခြားလူများကဲ့သို့ ထူးချွန်သည့် စွမ်းရည်များ မရှိသော်ငြား သူကချမ်းသာပေသည်။

စာချောသည် ပေကျင်းတက္ကသိုလ်တွင် ကျောင်းအဆောက်အအုံနှစ်ခု တည်ဆောက်ရန်အတွက် ငွေများလှူးဒါန်းခဲ့သည်။ သို့သော် ဆောက်လုပ်ရေးက မစတင်ရသေးပေ။ တက္ကသိုလ်အနေဖြင့် ဒေသအစိုးရ၏ ခွင့်ပြုချက်ကို စောင့်ရအုံးမည်ဖြစ်ကာ ယွမ်ဆယ်သန်းသည် သူတို့အတွက် အဆောက်အအုံများ ဆောက်ပေးနိုင်မည်ဖြစ်သည်။

အကယ်၍ ဖုန်းယွီသာ ယွမ်နှစ်သန်း ကုန်ကျမည့် ကျောင်းသားဆောင် အသစ်တစ်ခု လှူဒါန်းနိုင်ခဲ့လျှင်တောင် သူသည် ထိုအဆောက်အအုံတွင် နာမည်ပေးနိုင်မည်ပင်။ ယင်းက လေနှင့်မိုး အမှတ်တံဆိပ်အတွက် ကောင်းမွန်သည့် လက္ခဏာတစ်ရပ်ဖြစ်ပြီး တစ်ချိန်ထဲတွင် သူသည် တက္ကသိုလ်ကို မည်သည့်ပြဿနာမှ မရှိဘဲ ဝင်ခွင့်ရနိုင်ပေသည်။

ဖုန်းယွီသည် လေနှင့်မိုးနှင့် ထိုက်ဟွ အဆောက်အအုံများကို တရုတ်တစ်နိုင်ငံလုံးတွင် ကျောင်းများလှူဒါန်းရန် စီစဉ်ထားပြီး ယခုလက်ရှိတွင် သူသည် ဘင်းမြို့တော်နှင့် ပတ်ဝန်းကျင် ဒေသများတွင်သာ လှူဒါန်းရသေးသည်။ သူသည် ပိုက်ဆံများ ရှာနိုင်ခဲ့သည်။ ပြီးနောက် သူ့အနေဖြင့် အဆောက်အအုံ တစ်လုံး နှစ်လုံးလှူရန်က အလွန်လွယ်ကူပေသည်။

တနင်္လာနေ့ ရှစ်နာရီတွင် ဖုန်းယွီသည် ပေကျင်းတက္ကသိုလ်သို့ အင်တာဗျူးရန် ရောက်ရှိခဲ့သည်။ ယင်းက သာမာန် စာသင်ခန်းသာဖြစ်သည်။ သို့သော် အတော်လေး ဟောင်းနေပြီဖြစ်သည်။ ထိုစာသင်ခန်းသည် အနာဂတ်ရှိ တက္ကသိုလ်၏ စာသင်ခန်းနှင့် မနှိုင်းယှဉ်နိုင်ပေ။ တရုတ်နိုင်ငံ၏ အကောင်းဆုံး တက္ကသိုလ်၏ အခြေအနေကို ကြည့်ခြင်းဖြင့် အခြားသူသည် အခြားသာမာန် တက္ကသိုလ်များ၏ အခြေအနေကို ရောနိုင်ပေသည်။ ယင်းက ဖုန်းယွီကို ငွေများများသုံးပြီး ခွင့်ပြုချက်ရရန် လုပ်နိုင်သည်ဟု ယုံကြည်ချက် ရရှိခြင်းပင် ဖြစ်ပေသည်။

ထိုအင်တာဗျူးသည် အစိုးရ အရာရှိများ၏ အင်တာဗျူးအတိုင်း ဖြစ်သည်။ ထိုမေးခွန်းများသည် ကမ္ဘာအကြောင်းဖြစ်ပြီး မည်သူမျှ ဘယ်မေးခွန်းမေးမည်ကို မခန့်မှန်းနိုင်ပေ။ ဖုန်းယွီသည် အင်တာဗျူးပြီးသည့် လူများ၏ အမူအရာကို ကြည့်ခြင်းဖြင့် ရလဒ်ကို ပြောနိုင်ပေသည်။

အင်တာဗျူး အခန်းထဲသို့ ရောက်ရှိနေသည့် ကျောင်းသားများ အားလုံးသည် သူတို့၏ အထက်တန်းကျောင်းများသည် ထိပ်တန်းစာရင်းဝင် ကျောင်းသားများ ဖြစ်ကြပေသည်။ ယင်းက ငါးမိနစ် အင်တာဗျူးဖြစ်ပြီး သူတို့ကျရှုံးခဲ့သည်။

သို့သော် ဖုန်းယွီက စိုးရိမ်ခြင်း မရှိပေ။

“ဘင်းမြို့တော် အမှတ်သုံး အထက်တန်းကျောင်း ဖုန်းယွီ အခန်းထဲကိုဝင်ပါ”

ဖုန်းယွီသည် အခန်းထဲကို ဝင်သွားသည်။ ယင်းက ဗလာဖြစ်နေသည့် အခန်းဖြစ်ပြီး အလယ်တွင် ခုံတစ်လုံးရှိသည်။ ထိုခုံက ဖုန်းယွီအတွက်ဖြစ်ပြီး ရှေ့တွင် စားပွဲတန်းတစ်တန်း ရှိသည်။ စားပွဲ၏နောက်တွင် ဆရာငါးယောက်ရှိပြီး သူ့ကိုအင်တာဗျူးမည့် လူများဖြစ်သည်။ သူတို့၏ မျက်နှာအမူအရာကို ကြည့်ခြင်းဖြင့် ဖုန်းယွီသည် သူ့ရှေ့တွင် ဖြေခဲ့သော ကျောင်းသားများ၏ အဖြေကို ကျေနပ်ပုံမပေါ်မှန်း သိပေ၏။

ဖုန်းယွီက သူ့ကိုယ်ရေးအကျဉ်းကို မိတ်ဆက်လိုက်ပြီး အလယ်ခေါင်တွင် ထိုင်နေသည့်ဆရာက မေးလိုက်သည်။

“ဆိုဗီယက် ပြည်ထောင်စုမှာရှိတဲ့ မော်စကိုတက္ကသိုလ် နွေရာသီစခန်းကို မင်းတက်ခဲ့တယ်။ မင်းရဲ့ရုရှားဘာသာစကားက ဘယ်လောက်ကောင်းလဲ။ မင်းရဲ့ရမှတ်ကို ပြောတာမဟုတ်ဘူး။ ငါပြောချင်တာက မင်းရဲ့စကားပြောဆိုနိုင်တဲ့ စွမ်းရည်ကို ပြောချင်တာ”

ထိုမေးခွန်းကို ရုရှားဘာသာစကားဖြင့် မေးလိုက်ခြင်းဖြစ်သည်။ ထိုဆရာသည် ဖုန်းယွီကို စမ်းသပ်လိုခြင်းဖြစ်၏။

ဖုန်းယွီက ရုရှားလို တွန့်ဆုတ်ခြင်းမရှိ ပြန်ပြောလိုက်သည်။

“ကျွန်တော်အနေနဲ့ ရေးတာနဲ့ ပြောတာမှာ ဘာပြဿနာမှ မရှိပါဘူး။ ကျွန်တော် ရုရှားရဲ့ ရုံးစာရွက်စာတမ်းတွေကိုတောင် အရင်က ဘာသာပြန်ဖူးပါတယ်”

“မင်းရဲ့ကိုယ်ရေးအကျဉ်းကို အင်္ဂလိပ်နဲ့ ရေးလာတယ်ဆိုတော့ မင်းအင်္ဂလိပ်စာရော ရတာလား။ မင်းနိုင်ငံခြား ဘာသာစကားနှစ်ခုကို တက်တာပေါ့။ ဟုတ်တယ်မလား”

နောက်ထပ် ဆရာတစ်ယောက်က အင်္ဂလိပ်လို မေးလိုက်သည်။

ယခုအချိန်တွင် ဖုန်းယွီက အင်္ဂလိပ်လို ပြန်ဖြေလေ၏။

“ကျွန်တော် အနာဂတ်ကျရင် နိုင်ငံခြားမှာ ပညာသင်ဖို့ စီစဉ်ထားပါတယ်။ ဒီအတွက်ကြောင့်ပဲ ကျွန်တော် အင်္ဂလိပ်စာကို သင်ယူနေတာပါ။ ကျွန်တော် အရေး၊ အဖတ်၊ အပြောမှာ ပြဿနာ မရှိပါဘူး”

ဆရာများက မှင်သက်သွားကြသည်။ ယင်းကျောင်းသားသည် တကယ်ပင် ထူးခြားပေသည်။ သူ့အနေဖြင့် ဘာသာစကားနှစ်ခုကို ကျွမ်းကျင်စွာ တက်မြောက်ပြီး သူ၏ကိုယ်ရေးအကျဉ်းအရ သူ့မိဘများသည် လယ်သမားများ ဖြစ်ကြသည်။ ထိုကလေးသည် တကယ်ပင် သာမာန်ထက်ကို ထူးချွန်နေပေသည်။ သို့သော် သူ၏ရမှတ်များမှာ မကောင်းပေ။ သာမာန်ထက် ကျော်ကျော်ဟုသာ စဉ်းစား၍ ရနိုင်ပေသည်။

ဆရာများက သူတို့အချင်းချင်း ဆွေးနွေးပြီးနောက် သူတို့ဆုံးဖြတ်ချက် မချခင် ဖုန်းယွီကို နောက်ဆုံးမေးခွန်းမေးရန် ဆုံးဖြတ်လိုက်၏။

“ဖုန်းယွီ ဒါကနောက်ဆုံး မေးခွန်းပဲ။ ဒီနှစ်တွေရဲ့ ဆိုဗီယက် ပြည်ထောင်စုရဲ့ စီးပွားရေးကို မင်းဘယ်လိုထင်လဲ”

ယနေ့အတွက် ထိုမေးခွန်းသည် အခက်ခဲဆုံး မေးခွန်းပင်ဖြစ်သည်။ ဖုန်းယွီရှေ့ရှိ ကျောင်းသားများ ထိုမေးခွန်းကို မဖြေနိုင်ကြပေ။ သူတို့သည် ပြောစရာစကားလုံးများပင် မေ့သွားသည်။ သို့မဟုတ် သူတို့သည် မေးခွန်းမည်သို့ဖြေရမည်ကို မသိသည်လော။ ဆရာများက ဖုန်းယွီသည် ရုရှားကို ကောင်းကောင်း နားလည်ပြီး သူတို့ကို အဖြေပြန်ပေးမည်ကို စောင့်ကြည့်ချင်နေသည်။ အကယ်၍သူသာ ထိုမေးခွန်းကို မှန်မှန်ကန်ကန်ဖြင့် ဖြေနိုင်ပါက တက္ကသိုလ်မှ ဝင်ခွင့်စာမေးပွဲမလိုဘဲ သူ့အား တက္ကသိုလ်ဝင်ခွင့် ပေးမည်ဖြစ်သည်။

ဖုန်းယွီက ထိုမေးခွန်းကို ကြားသည့်အခါ ပြုံးလိုက်သည်။ သူသည် ထိုနယ်ပယ်တွင် ကျွမ်းကျင်သည့်သူ ဖြစ်၏။