အအေးဓာတ်ကို စုပ်ယူခြင်း

လုရွှမ် ထိုနေရာတွင်သာ စောင့်ဆိုင်းနေခဲ့သည်။ အမှန်မှာ သူ၏ ဝိညာဉ်တစ်စိတ်တစ်ပိုင်းသည် ငှက်အိုကြီးရဲ့ ခန္ဓာကိုယ်ထဲသို့ ရောက်သွားခဲ့ပြီး ငှက်အိုကြီးမျက်လုံးများ နောက်သို့ လိုက်ကာ လူခြောက်ယောက်၏ လှုပ်ရှားမှုများကို စိုက်ကြည့်နေသည်။

လူအုပ်စုသည် တစ်​နေရာသို့ လျင်မြန်စွာ ရောက်ရှိသွား၏။ တစ်ချိန်တည်းမှာပဲ ဝိညာဉ်များစွာကလည်း ထိုနေရာ၌ စုရုံးလာကြသည်။ လုရွှမ် ထိုနေရာတွင် လူသားမဆန်သော ဝိညာဉ်နှစ်ခုပင် ရှိနေကြောင်း ရှင်းရှင်းလင်းလင်း မြင်နိုင်သည်။

ခြားနားချက်ကို ပြောပြဖို့ဆိုတာ မဖြစ်နိုင်သလောက်ပါပဲ။ ဒါပေမဲ့ ၎င်းတို့ရဲ့ မျက်လုံးထဲမှာတော့ နာကြည်းမှု အရိပ်အယောင်တွေ ရံဖန်ရံခါ ထွက်ပေါ်နေတာကြောင့် ဒီလူနှစ်ယောက်မှာ အမြဲတမ်း တစ်ခုခု မှားနေတယ်လို့ ခံစားမိစေသည်။

လုရွှမ် ဤဝိညာဉ်များကို မြင်သောအခါ ထိုဝိညာဉ်များကလည်း ငှက်အိုကြီးတို့ကို မြင်​နေရသည်။

“ပြေး!”

ငှက်အိုကြီးက အော်ဟစ်ပြီး လင်းလုံကို ဖမ်းကာ အမြန်ပြေးသွားခဲ့သည်။

“အား.....”

လုရွှမ် ရုတ်တရက် သူ့ဝိညာဉ်စွမ်းအင်ကို လွှဲလိုက်ပြီး ကျယ်လောင်စွာ အော်လိုက်သည်။ ယခု ထိုနေရာတွင် လူသားပုံစံ ဝိညာဉ်နှစ်ခုရှိနေပြီဆိုလျှင် ဝိညာဉ်နှစ်ခုလုံးကို လှည့်စားနိုင်လျှင် အကောင်းဆုံး ဖြစ်ပေမည်။

ကွမ်းနင်သည် လူသားများကို ပထမဆုံး စွန့်ပစ်ပြီး ပြေးလေ၏။ ငှက်အိုကြီးဆီက ကောင်းကင်မီးမရှိလျှင် သေချာပေါက် သေရမည်ကို သူကောင်းကောင်း သိသည်။

အခြားလူသားများသည် အနည်းငယ် နှေးကွေးကာ လေထုထဲမှ ဆွဲထုတ်ခံရမလို ဖြစ်သွားခဲ့ရသော်လည်း တစ်ဖက်မှာတော့ ငှက်အိုကြီးရဲ့ အရှိန်ကြောင့် မျက်စိတစ်မှိတ်အတွင်း ပျောက်ကွယ်သွားခဲ့သည်။

လူငါးဦးသည် အနည်းငယ် အံ့အားသင့်သွားသော်လည်း ဘယ်နေရာက ဖမ်းမိသွားကြသလဲ မသိခဲ့ကြပေ။ ဒါပေမဲ့ သူတို့နောက်က ဝိညာဉ်တွေက လိုက်ဖမ်းနေပြီမို့ သူတို့မှာ ရွေးချယ်စရာလမ်း မရှိတော့ဘဲ အလောတကြီး ထွက်ပြေးရတော့၏။

လူသားဆန်သော ဝိညာဉ်နှစ်ကောင်သည် တစ်ယောက်ကို တစ်ယောက် ကြည့်ကာ တစ်ဖက်မှ တောင်ကုန်းပေါ်သို့ ပြေးတက်သွားကြသည်။ လုရွှမ်ကလည်း သူ့အာရုံကို လျင်မြန်စွာ စုစည်း၍ ထိုနေရာဆီသို့ ပြေးသွားခဲ့သည်။

အနည်းဆုံးတော့ လူ့ဘက်ခြမ်းက ကျင့်ကြံသူတွေက အချိန်အကြာကြီး မရှင်နိုင်ဘူး ဆိုတာကို သူသိပြီးသားပါ။ လူသားဆန်တဲ့ ဝိညာဉ်က တစ်ဖက်ကို ပြေးသွားနိုင်တယ်၊ ဒါမှမဟုတ် အရင်နေရာကို ပြန်သွားနိုင်တယ် ဆိုတော့ သူ့အတွက် အချိန်သိပ်မကျန်တော့ဘူး။

လုရွှမ်က အလွန်လျင်မြန်ပြီး ကြိုတင် စီစဉ်ထားသည့် နေရာကို အမြန်ရောက်ရှိလာခဲ့သည်။

အဲဒီကိုရောက်တာနဲ့ တခဏချင်းမှာပဲ အနက်ရောင် ရေခဲလိုဏ်ဂူထဲကို ကျသွားသလိုပဲ သူ့ခန္ဓာကိုယ် အပေါ်ပိုင်းက အလွန်ပြင်းထန်တဲ့ တိုက်ခိုက်မှုကို ခံစားလိုက်ရသည်။ အခြားသူသာဆိုလျှင် သူတို့၏ ဝိညာဉ်တစ်ခုလုံး ချက်ချင်း အေးခဲသွားပေလိမ့်မည်။

ဝိညာဥ်နှစ်ယောက် စိတ်ချလက်ချ ထွက်သွားကြတာ အံ့သြစရာ မဟုတ်ပေ။ ဒီနေရာက တိုက်ရိုက်ထား​ပြီး ထွက်သွားနိုင်လောက်အောင် အစွမ်းထက်နေတာပဲ။

ဤနေရာ၏ အေးမြမှုနှင့် ပတ်သက်၍ ရိုးရိုးသားသား ပြောရလျှင် မျှော်စင်နယ်ပယ် မပြောနှင့် နတ်ခြေလှမ်းနယ်ပယ်က ကျင့်ကြံသူများပင် ကြာရှည် ခံနိုင်ရည်ရှိမည်မဟုတ်ပေ။

လုရွှမ်ခန္ဓာကိုယ်ပေါ်ရှိ ယွမ်ယန်စွမ်းအင်သည် သဘာဝအတိုင်း လည်ပတ်နေပြီး အလင်းရောင်များကို သူ့ခန္ဓာကိုယ်ထဲမှ ထွက်လာ​စေသည်။ သူ့ပတ်ဝန်းကျင်က အအေးဓာတ်ကို တွန်းထုတ်လိုက်ရင်း ထျန်းယွမ်နတ်မီးလုံးက သူ့မျက်လုံးထဲမှာ လင်းလက်လာကာ ကျောက်နံရံတွေကို ဖောက်ထွင်း ဝင်ရောက်သွားပြီးနောက် အတွင်းထဲမှာ အေးခဲနေတာကို မြင်လိုက်ရသည်။

သေချာတာပေါ့။ အအေးဓာတ်က ကျောက်နံရံထဲကို နက်ရှိုင်းစွာ ထိုးဖောက် ဝင်ရောက်နေပါပြီ။

ထိုအ​အေးဓာတ်နှင့် ယင်စွမ်းအင်တို့သည် ပေါင်းစပ်သွားပြီး ယခုအခါ ကျောက်နံရံနှစ်ခုကြားတွင် ချိတ်ဆက်နေပုံရသည်။ ဤအအေးဓာတ် စိမ့်ထွက်လာတာနဲ့ ဘယ်လောက် အစွမ်းထက်မလဲ တွေးကြည့်နိုင်သည်။

လုရွှမ်ရဲ့ မျက်လုံးများက ကျောက်နံရံရဲ့ အလယ်အပိုင်းကို စိုက်ကြည့်နေ၏။ ထူးဆန်းတာက တခြားကျောက်နံရံတွေကို ဘာကြောင့် အလွယ်တကူ ဖောက်ထွင်းဝင်နိုင်သလဲ ဆိုတာပင်။ ဒီကျောက်နံရံမှာ ဘာပြဿနာမှ မရှိသလို ဖြစ်နေသည်လေ။

လုရွှမ် ကျောက်နံရံကို လက်ဖဝါးဖြင့် ထိလိုက်သည်။

စိမ်းပြာနဂါးရဲ့ နှလုံးက တစ်ချက်ခုန်သွားကာ ယွမ်ယန်ကျင့်စဥ်ရဲ့ စက်ကွင်းတွေက သူ့လက်ဖဝါးတွင် လှုပ်ရှားသွားသည်။ အလင်းဘောလုံးများသည် လုရွှမ်ရဲ့ လက်ဖဝါးနောက်သို့ လိုက်ကာ ကျောက်နံရံဆီသို့ တိုးသွားလေသည်။ ထို့နောက်တွင် လုရွှမ်သည် ကျောက်နံရံမှ စွမ်းအင်လှိုင်းတစ်ခု ထပ်မံ ပေးပို့လာတာတာကို ခံစားလိုက်ရသည်။

၎င်းစွမ်းအားက အလွန်အားကောင်းသည်။ ၎င်းသည် လုရွှမ်ခန္ဓာကိုယ်မှ အလင်းဘောလုံး အနည်းငယ် လျင်မြန်စွာ ထွက်လာပြီး ထပ်သွင်းကြည့်လိုက်ရာ ခရမ်းရောင် သလင်းကျောက်ရဲ့ အပိုင်းအစတစ်ခုကို ရလိုက်သကဲ့သို့ ခံစားလိုက်ရသည်။

အံ့သြစရာပဲ။

လုရွှမ် နောက်ဆုံးတော့ ဤနေရာတွင် အလွန်ကြီးမားသော စွမ်းအင်သလင်းကျောက် တစ်ခု ရှိနေတာကြောင်း သဘောပေါက်သွားသည်။ ဒါကြောင့် ၎င်းက လေအေးများကို ပိတ်ဆို့ထားနိုင်ခြင်းပင်။

ဤနေရာက အေးလွန်းသောကြောင့် ချက်ချင်းပင် သွေးနံ့ကို ရှူရှိုက်မိလိုက်သည်။ ကျောက်နံရံရဲ့ တစ်ဖက်ကို လှည့်ကြည့်လိုက်တော့ သူ့မျက်လုံးတွေက ရုတ်တရက် တောက်ပလာပြီး မယုံနိုင်အောင် အံ့သြမိသွား၏။

အကြောင်းမှာ ဤနေရာရှိ ကျောက်နံရံများသည် သွေးစွန်းထင်းမှုများဖြင့် ဖုံးလွှမ်းနေပြီး သလင်းကျောက်ကို ညစ်ညူးစေရန် သွေးယဇ် ပူဇော်နေတာပဲ ဖြစ်နေလို့ပင်။ ဒီကျောက်တုံးဟာ ကျောက်နံရံမှာ ရှိနေပေမယ့် အစိတ်အပိုင်းတွေကိုတော့ ဖော်ထုတ်ထားသေးသည်။

၎င်းက စိမ်းပြာရောင်၊ အပြာနှင့် ခရမ်းရောင် မီးရောင်သုံးရောင်ဖြင့် လင်းလက်တောက်ပနေပြီ ဖြစ်သည်။

သွေးဖြင့် ညစ်ညမ်းနေသော်လည်း ဤသလင်းကျောက်၏ ကြီးမားသော စွမ်းအင်ကို ရှင်းရှင်းလင်းလင်း ခံစားနိုင်သေးသည်။ အတိအကျ ပြောရသော် ဤသလင်းကျောက်သည် ဤမျှကြီးမားသော စွမ်းအင်များ ပါ၀င်သောကြောင့် အအေးဓာတ်ကို တွန်းလှန်နိုင်ခဲ့ခြင်းပဲ ဖြစ်ပေမည်။

အကယ်၍ တိုင်းတာမည်ဆိုလျှင် ဤကြီးမားသော သလင်းကျောက်တုံးကြီးသည် အခင်းအကျင်းက ဖွဲ့စည်းမှု တစ်ခုလုံးကို လုံးလုံးလျားလျား ချိတ်ဆက်သွားလိမ့်မည် ဟု စိတ်ကူး​ကြည့်နိုင်သည်။ ဤကျောက်တုံးဟာ အအေးဓာတ်ကို မတားဆီးနိုင်ရုံ သာမက အအေးဓာတ်၏ စွမ်းအင် အရင်းအမြစ်ပါ ဖြစ်လာလိမ့်မည်။

လုရွှမ်သည် ဤသလင်းကျောက်ကိုသာ ရခဲ့ပါက ၎င်းကသူ့ကို မျှော်စင်နယ်ပယ်အထိ တွန်းပို့နိုင်မည်ဟု ခန့်မှန်း​နေခဲ့သည်။

“ဟေး ဒါက မလွယ်ဘူးလား... မင်း ဒီအေးစက်တဲ့ လေကို စုပ်ယူလို့ရရင် အဆင်ပြေပြီလေ!”

ရွှေကျီးကန်းရဲ့ အသံ ထွက်လာသည်။

လုရွှမ်: “စုပ်ယူရမယ်... ဘယ်လို စုပ်ယူရမလဲ?”

“မင်းက ယွမ်ယန်ကျင့်စဥ်ရဲ့ သခင်ပဲ... ယန်စွမ်းအင်က မင်းအတွက် ယင်ကို ထုတ်ပေးတယ်... ယင်ကလည်း ယန်ကို ထုတ်ပေးတယ်။ ဒီအမှန်တရားကို မင်း နားမလည်သလိုမျိုး လုပ်မနေနဲ့...အခု မင်းရဲ့ ယွမ်ယန်ကျင့်စဥ်က အရမ်းမြင့်တဲ့ အဆင့်တစ်ခုကို ရောက်နေပြီ...”

“ဒီမှာ... ယင်နဲ့အအေးဓာတ်ကို သည်းညည်းခံပြီး အဆိုးမြင်စိတ်တွေ ဖယ်ရမယ်... လူ့စိတ်က မုန်းတီးမှုတွေနဲ့ ပြည့်နေပေမယ့် ယွမ်ယန်ကျင့်စဥ်က ကောင်းကင်နဲ့မြေကြီးရဲ့ ထွက်သက်အောက်မှာ ကောင်းကင်မီးအောက်မှာ၊ နတ်မိုးခြိမ်းသံအောက်မှာ၊ ထာဝရ တည်မြဲနေနိုင်တယ်... မင်း အဲဒါတွေကို စုပ်ယူနိုင်ရင် အဆင်ပြေပြီကွ!”

လုရွှမ်ရဲ့ မျက်လုံးများ တဖြည်းဖြည်း တောက်ပလာသည်။ သူ့လုပ်ရပ်က အိုးအောက်ခြေမှ မီးကို ဆွဲထုတ်သကဲ့သို့ ဖြစ်နေမှာ သေချာပေမယ့် လုရွှမ် အသက်ပြင်းပြင်းရှူပြီး သူ့လက်နှစ်ဖက်ကို ကျောက်နံရံ နှစ်ခုကြားတွင် ချထားလိုက်သည်။

သူ ယင်စွမ်းအင်များကို စုပ်ယူလိုက်သောအခါ ယွမ်ယန်စွမ်းအင်က ချက်ချင်း စတင်လည်ပတ်တော့သည်။ လုရွှမ်သည် သူ့ခန္ဓာကိုယ်ဆီသို့ တုနှိုင်းမရတဲ့ အအေးဓာတ်များ ဝင်လာတာကို ခံစား​နေရသည်။

သူ့ခန္ဓာကိုယ်ကို စွမ်းအင်နှစ်ခုကို ပေါင်းစည်းရန် တံတားတစ်ခုအဖြစ် အမှန်တကယ် အသုံးချချင်နေခဲ့သည်။

စိမ်းပြာနဂါး နှလုံးရဲ့ ထောက်ပံ့မှု အပြည့်၊ အရိုးများပေါ်ရှိ အလိုအလျောက် ထွက်လာသော မိုးခြိမ်းသံများကလည်း အလုပ်လုပ်နေ၏။ ယင်စွမ်းအင်များ ခန္ဓာကိုယ်ထဲသို့ ဝင်လာပြီးနောက် ယွမ်ယန်ကျင့်စဥ်သည် အလိုအလျောက် လည်ပတ်ကာ စွမ်းအင်တွေကို ပြောင်းလဲလာ​စေသည်။

နတ်မိုးခြိမ်းသံနှင့် ကောင်းကင်မြေကြီး၏ ထွက်သက်ဝင်သက်တို့ သန့်စင်သွားပြီးနောက် ယင်ချီအတွင်းရှိ နာကြည်း မုန်းတီးမှုများက ချက်ချင်း ပျောက်ကွယ်သွား​​​တော့သည်။