မင်းက အဆုံးအဖြတ်ပေးနေတဲ့ သစ္စာဖောက်ပဲ​ဖြစ်ရမယ်။

ဖုန်းယွီသည် အရာရှိချုပ်လီကို အချက်ပြကာ တိုးတိုးလေး ပြောလိုက်သည်။​ အရာရှိချုပ်လီသည် ဖုန်းယွီကို ပဟေဠိဆန်သည့်အကြည့်ဖြင့် ကြည့်လိုက်၏။ ဒီကလေးက ဘာတွေ တွေးနေတာလဲ။ သူက ဒီနေ့ ဆွေးနွေးပွဲကို အဆုံးသတ်စေချင်တာလား။

ယခုအချိန်မှလွဲပြီး ဆွေးနွေးပွဲ​တလျောက် ချောချောမွေ့မွေ့ ဖြစ်ခဲ့သည်။​ အကယ်၍ သူတို့သာ ယခုရပ်လိုက်ပါက မနက်ဖြန်တွင် ရုရှားများက ပိုပြီး ရဲတင်းလာကြမည် ဖြစ်သည်။​

“အရာရှိချုပ်လီ ကျွန်တော်ကိုယုံ။ မနက်ဖြန်ကျ ကျွန်တော် ခင်ဗျားကို စိတ်ချရတဲ့ အဖြေပေးမယ်။ မင်းအနေနဲ့ မြို့တော်ဝန်ကျန်းရဲ့ ဆုံးဖြတ်ချက်ကို ယုံကြည်သင့်တယ်။”

အရာရှိချုပ်ကျန်းသည် စာကြောင်း၏ ပထမဆုံးအပိုင်းကို ချေဖြတ်ရန် ကြိုးစားသည်။​သို့သော် သူ့အနေဖြင့် နောက်ပိုင်းကိုတော့ လျစ်လျူမရှုနိုင်ပေ။ ဖုန်းယွီအနေဖြင့် သူတို့ မမြင်သည့် အရာတခုခု မြင်ထားခဲ့သည်လော။​

အကယ်၍ ဤကိစ္စသည် အရေးကြီးပါက သူ့အနေဖြင့် ယနေ့အတွက် ဆွေးနွေးပွဲကို ရပ်တန့်သင့်ပေ၏။ ပြီးနောက် သူတို့သည် တိုးတက်မှုအချို့ကို ဆောင်ရွက်နိုင်ခဲ့သည်။ သူက ပြန်သွားပြီး မြို့တော်ဝန်ကျန်းကို ပြန်ပြီး အစီခံနိုင်မည် ဖြစ်သည်။​

“မစ္စတာ အိုဘာနော့ ဒီနေ့အတွက် ကျွန်တော်တို့ ဆွေးနွေးမှု ဒီလောက်နဲ့ ရပ်တန့်သင့်ပြီလို့ ထင်တယ်။ ဒီနေ့ညမှာ ကျွန်တော်တို့တွေ ခင်ဗျားနဲ့ အသင်းအတွက်ကို ယဉ်ကျေးမှုနန်းတော်မှာ ညစာစားပွဲနဲ့ ဖျော်ဖြေမှုအချို့ကို စီစဉ်ထားတယ်။ ခင်ဗျားစောစော ညစာစားသင့်တယ်။”

“မစ္စတာအီဘာနော့က သူ့လက်ထောက်များကို ကြည့်လိုက်ကာ ခေါင်းညိတ်လိုက်သည်။​သူတို့အနေဖြင့် ဘင်းမြို့တော် အစိုးရကို ခပ်ကြမ်းကြမ်း မဖိနှိပ်နိုင်ပေ။ အကယ်၍ သတင်းသာ အမှန်တကယ် ဖြစ်ပါက သူတို့အနေဖြင့် ဘင်းမြို့တော် အစိုးရ အလိုရှိသည်ကို ပေးမည် ဖြစ်ကာ။ သူတို့ ယနေ့အတွက် စကားပြောဆိုမှုအတွက်လည်း ကောင်းမည် ဖြစ်သည်။​ယင်းနည်းလမ်းဖြင့် သူတို့သည် ထိုသတင်းကို အတည်ပြုရန်သာ အချိန်ယူရမည် ဖြစ်သည်။​

….

ဆွေးနွေးမှု အဆုံးသတ်ပြီးနောက် ဖုန်းယွီနှင့် အရာရှိချုပ်လီသည် ကျန်းရွေ့ချင်ရုံးကို ပြန်သွားခဲ့သည်။​

အရာရှိချုပ်လီးက ကျန်းရွေ့ချင်ကို ဂုဏ်ယူစွာဖြင့် ကျန်းရွေ့ချင်ကို ဆွေးနွေးပွဲအတွင်း သူ့အနေဖြင့် တိုးတက်မှုများကို စီရင်ခံ၏။ ထိုအရာများအားလုံးက သူ့အတွက် ရမှတ်များပင် ဖြစ်သည်.​

ကျန်းရွေ့ချင်သည် သူ့အစီအရင်ခံမှုကို နားထောင်ရင်း ဖုန်းယွီ မျက်မှောင်ကျုံ့နေသည်ကို တွေ့လိုက်ရသည်။​ ဒီဆွေးနွေးပွဲကို အတည်ဖြစ်ဖို့က ဖုန်းယွီအနေနဲ့ ခက်ခဲတယ်လို့ တွေးနေတာလား။”

“ဖုန်းယွီ မင်းဘာလို့ သူတို့ကို ဩစတြေးလျစိုက်ပျိုးရေးဌာနနဲ့ စကားပြောခဲ့ပြီးပြီးကို သူတို့ကို ဘာကြောင့် မပြောရတာလဲ။”

ဖုန်းယွီက သူ့၏ လက်ကို ဖြန့်လိုက်ပြီးနောက်

“မြို့တော်ဝန်ကျန်း ကျွန်တော်အနေနဲ့ ဩစတြေးလျကို ဆက်သွယ်နိုင်စွမ်းရှိမယ်လို့ တကယ်ပဲ ထင်နေတာလား။”

ကျန်းရွေ့ချင်၏ မျက်လုံးပြောင်းသွားကာ

“ဘာ…. မင်းက ဩစတြေးလျကို မဆက်သွယ်ခဲ့ဘူးလား။​ဒါဆို ဘာကြောင့် ငါတို့ကို ဒီလို ပြောရတာလဲ။”

“ဒါတွေ အကုန်လုံးက ဆွေးနွေးပွဲလှည့်ရဲ့ နည်းပရိယာယ်တွေပဲ။ ဒါက ကျွန်တော်တို့ရဲ့ပြိုင်ဖက်ကို သတင်းအတု ပေးတာပဲ။ ပထမက ကျွန်တော်အနေနဲ့ ပြင်ဆင်ဖို့ အချိန်အများကြီး​ရမယ်လို့ တွေးခဲ့တယ်။ ဒါပေမဲ့ အခုတော့ မလိုတော့ဘူး။ ရုရှားအစိုးရတွေက ဒီကိစ္စကို သတိပြုမိတဲ့ပုံပဲ။”

“မဖြစ်နိုင်တာ။ ငါ ဒီအကြောင်းကို ဆွေးနွေးပွဲတုန်းက ထုတ်မပြောလိုက်ပါဘူး။​တခြားတဖက်ကလည်း ဒီအကြောင်းကို မပြောဘူး။​သူတို့တွေ ဘယ်လိုလုပ် သိမှာလဲ။”

အရာရှိချုပ်လီက ပြောလိုက်သည်။​

ထိုဖုန်းယွီက မြို့တော်ဝန်ကျန်းနှင့် သူတို့ ရှေ့တွင်တောင် လိမ်ညာရဲသည်ပင်။ မြို့တော်ဝန်ကျန်းသည် ယခုအခါ ဖုန်းယွီကို အလွန်ဆိုးဝါးသည့် အမြင်ရှိနေပြန်သည်။​

“အဲတာဆိုရင် အရာရှိချုပ်လီ။ ရုရှားအစိုးရတွေ ဒီနေ့ နေ့လည်ခင်းမှာ ဘာကြောင့် စိတ်ပြောင်းသွားလဲဆိုတာကို ရှင်းပြနိုင်မလား။ ဒီနေ့ နေ့လည်ခင်းက မနက်ပိုင်းထက် ပိုပြီးတော့ ဆွေးနွေးလို့ ကောင်းတယ်။​ဟုတ်တယ်မလား။ ဘာလို့ သူတို့တွေက ကျွန်တော်တို့ တောင်းဆိုတာတွေကို ပေးရတာလဲ။”

ဖုန်းယွီက မေးလိုက်သည်။​

အရာရှိချုပ်လီသည် ပြောစရာ စကားမဲ့သွားခဲ့သည်။​သူအတွေး ပြန်ဝင်လာပြီးနောက် ယင်းက ဖုန်းယွီ ပြောသည်မှာ မှန်ပုံပေါ်၏။ သို့သော် အဘယ်တွက် ရုရှားများက ထိုအကြောင်းကို ဘာမှ မပြောဘဲ သိနေရသနည်း။ ပြောစရာမလိုဘဲ သူတို့ ဆွေးနွေးသည့်အသင်းတွင် သစ္စာဖောက် တစ်ယောက်ရှိနေသည်ပင်။​

အရာရှိချုပ်လီက မြို့တော်ဝန်ကျန်းကို ကြည့်လိုက်သည်။​သူတို့ မျက်နှာပြောင်းလဲသွားသည်။​

“သူဘယ်သူလဲဆိုတာ သိလား။”

ကျန်းရွေ့ချင်က လေးနက်သည့် လေသံဖြင့် ပြောလိုက်သည်။​

ဖုန်းယွီက ခေါင်းညိတ်လိုက်သည်။​

“နိုင်ငံခြားရေးက ဘာသာပြန်။”

“မင်းဘယ်လို သက်သေပြမလဲ။”

အရာရှိချုပ်လီက ဖုန်းယွီ ပြောသည်ကို မယုံကြည်ပေ။ သူသည် ထိုသူကို ဘာသာပြန်သူအား ငှါးခဲ့သည့်သူ ဖြစ်၏။ ထိုဘာသာပြန်သည် ယခင်က ဆိုဗီယက် ပြည်ထောင်စုတွင် ပညာသင်ဖူးသည်။​အကယ်၍ ထိုဘာသာပြန်သူသည် သစ္စာဖောက် ဖြစ်ပါက ယင်းကား သူ့အနေဖြင့် လူအမှားကို ခေါ်ခဲ့မိသည်ပင် ဖြစ်သည်။​သူသည်လည်း သစ္စာဖောက်နှင့် တကြိတ်တည်း တဉာဏ်တည်း ဖြစ်သည်ဟု ထင်မည်ပင်။ သူသည် ဖြူစင်ပြီး သူ့က နိုင်ငံကို သစ္စာဖောက်သည့် အလုပ်မျိုးကို လုပ်မည် မဟုတ်ပေ။ သူသည် ငယ်သေးဆဲ ဖြစ်ကာ သူ့တွင် တောက်ပသည့် အနာဂတ်ရှိပေသည်။​ဤကိစ္စက သူ့အလုပ်ကို ထိခိုက်စေသည်။

ဖုန်းယွီက ပြုံးကား မေးလိုက်သည်။​

“အရာရှိချုပ်လီ ခင်ဗျား လိုလားချက်တွေကို တောင်းဆိုတုန်းက အဲဒီဘာသာပြန်တဲ့သူက သူ့ခွက်ကို ကိုင်ထားတာကို တွေ့လိုက်တဲ့အခါ ရုရှားက ငြင်းလိုက်တယ်မလား။ အဲ့ဘာသာပြန်က သူ့လက်ဖက်ရည်ခွက်ကို ကိုင်လိုက်တဲ့အခါမှာ ရုရှားက တောင်းဆိုချက်ကို ပေးတယ်မလား။​

ထိုဘာသာပြန်သူသည် စကားပြောစဉ်အတွင်း လက်ဖက်ရည်ခွက်နှင့် လုပ်ရှားနေသည်ကို အရာရှိချုပ်လီ ပြန်လည် အမှတ်ရမိလိုက်သည်။​သို့သော် ဖုန်းယွီပြောသည်မှာ အမှန်ဟုတ်မဟုတ် မသေချာပေ။

သို့သော် ယင်းက အလွန်ပင် ရိုးရှင်းသည်။​သူတို့အနေဖြင့် မေးခွန်းများ မေးမြန်းရန်အတွက် သူတို့ ဘာသာပြန်ကို ခေါ်နိုင်၏။

“သူ့ကိုခေါ်လိုက် ငါ ကိုယ်တိုင်ကိုယ်ကျမေးမယ်”

ဖုန်းယွီက အံ့အားသင့်သွားသည်။​အာ… မင်းက သူ့ကို တခါတည်း ခေါ်လိုက်တာလား။ ဘယ်သူက ရူးလို့ ဝန်ခံမလဲ။

အရာရှိချုပ်လီက ဖုန်းယွီကို ကြည့်လိုက်ကာ

“မင်းအနေနဲ့ ဘာမှ စိုးရိမ်စရာ ဖြစ်ဖို့ မလိုဘူး။​သူက သစ္စာဖောက် ဟုတ်မဟုတ်ဆိုတာက ငါးမိနစ်အတွင်း အဖြေသိလာလိမ့်မယ်။”

ဖုန်းယွီက ကျန်းရွေ့ချင်ဖက်ကို လှည့်လိုက်သည်။​ ဒါကိုကော သဘောတူတာပဲလား။​

ထိုဘာသာပြန်သူက ရောက်ချလာသည် ပြီးနောက် သူက ရုံးထဲရှိ ခေါင်းဆောင်နှစ်ဦးကို တွေ့လိုက်သည်။​သူ့ကို နွေးထွေးစွာဖြင့် ကြိုဆိုကြသည်။​သူ့ပုံက သူတို့အား သစ္စာဖောက်သည့် ပုံမပေါ်ချေ။

အရာရှိချုပ်လီက ပြုံးကား မေးလိုက်သည်။​

“ဘာသာပြန်ရွှယ်။ မင်းအနေနဲ့ နိုင်ငံခြားရေးမှာ အလုပ်လုပ်တာ နှစ်ပေါင်းများစွာ ကြပြီ။ ကျန်းမာရေးကော ဘယ်လိုလဲ။ မင်းအနာဂတ်မှာ ဘာတွေ မျှော်လင့်ထားတာတွေ ရှိသလဲ။”

“ကျွန်တော် ကျန်းမာပါတယ်။​ကျွန်တော်က ခေါင်းဆောင်တွေ စီစဉ်ထားတဲ့အတိုင်း ပေးအပ်တဲ့ တာဝန်တွေကို ကျွေပွန်စွာ ထမ်းဆောင်ပါတယ်။”

ဘာသာပြန်ရွှယ်က မတ်မတ်ထိုင်လိုက်သည်။​ခေါင်းဆောင်တွေက ငါ့ကို ရာထူးတိုးပေးမလို့လား။

“အိမ်မှာကော ပြဿနာ ရှိလား။ မင်းငါ့အကူအညီ လိုလား။”

“မရှိပါဘူး။​ကျွန်တော် မိသားစုလည်း နေကောင်းပါတယ်။​ ကျွန်တော် ဒီနှစ်ကုန်မှာ လက်ထပ်မှာပါ။​ခေါင်းဆောင်က ကျွန်တော်အတွက် အိပ်ခန်း ၂ခန်းပါ တိုက်ခန်းကို ပေးထားတယ်။”

အရာရှိချုပ်လီက ခေါင်းညိတ်လိုက်သည်။​သူက ဘာသာပြန်သူကို ပုံမှန်အတိုင်း စကားဆက်ပြောသည်။​

“မင်းရဲ့ ခေါင်းဆောင်တွေက မင်းကို ဒီလောက်တောင် ကောင်းကောင်း ဆက်ဆံတာ ဘာလို့ မင်းက ငါတို့ကို သစ္စာဖောက်ရတာလဲ။”

ဘာသာပြန်သူ ရွှယ်က ကြောင်အသွားကာ

“အ…မြို့တော်ဝန်ကျန်း။ အရာရှိချုပ်လီ ကျွန်တော် သစ္စာမဖောက်ပါဘူး။”

“မဖောက်ဘူးလား။​အဲတာဆိုရင် မင်းဘာလို့ ဆွေးနွေးပွဲမှာ လက်ဖက်ရည်ခွက်ကို ကိုင်နေရတာလဲ။​ မင်းအရမ်းကို ရေဆာနေတာလား။ ငါမင်းကို ဒီမှာ မေးနေတာက အခွင့်အရေး ပေးတာနော်။ ငါ စည်းကမ်းကြပ်မက်ရေးအဖွဲ့ကိုတောင် သတင်းမပေးရသေးဘူး။ တကယ်လို့ မင်းဝန်ခံမယ်ဆိုရင် ငါတို့တွေ ဆက်ပြောလို့ ရတယ်။​တကယ်လို့ မင်းသာ ဆက်ပြီး တောင့်ခံနေမယ်ဆိုရင်တော့ မင်းဖြစ်လာတဲ့ အကျိုးဆက်ကို သိမှာပါ။”

အရာရှိချုပ်လီသည် ဖြည်းဖြည်းချင်း လေသံမှာလာသည်။​ပြီးနောက် သူ့လက်က စားပွဲကို တတက်တက် ပုတ်နေ၏။

ဘာသာပြန်ရွှယ်သည် ချက်ခြင်းပင် ထရပ်လိုက်ကာ

“မြို့တော်ဝန်းကျန်း။ အရာရှိချုပ်လီ​ ကျွန််တော်ဝန်ခံပါတယ်။ ကျွန်တော် သစ္စာဖောက်ခဲ့မိပါတယ်။”

ဖုန်းယွီသည် ပါးစပ် အဟောင်းသား ဖြစ်သွားသည်။​ ဒါက တကယ်ကြီးလား။

ချီးပဲ ဒီခေတ်က လူတွေက အရမ်းကို ကြောက်ရွံ့တက်ကြတာလား။

ဖုန်းယွီသည် ယခုလက်ရှိ အစိုးရများ၏ နိုင်ငံရေးအာဏာသည် အနာဂတ်ကာလထက် ပိုအားကောင်းမှန်းကို ဖုန်းယွီ မေ့သွားခဲ့သည်။

ဆွေးနွေးပွဲမှ ရုရှားအစိုးရ အရာရှီ တစ်ဦးသည် ဘာသာပြန်ရွှယ်၏ အတန်းဖော်ဟောင်း ဖြစ်သည်သည်။​သူတို့ ဘင်းမြို့တော်အရောက် ဆွေးနွေးအဖွဲ့တွင် ပြန်တွေ့ခဲ့ကြသည်။ ထိုရုရှားအစိုးရအဖွဲ့ဝင်သည်လည်း ဘာသာပြန်သူရွှယ်သည် လက်ထပ်တော့မည် ဖြစ်ကြောင်းကို သိသည်။​အစိုးရက သူ့အတွက် နေအိမ်ပေးသော်ငြား သူ့တွင် ပိုက်ဆံ ပြတ်လတ်ဆဲ ဖြစ်သည်။ သူသည် ဆင်းရဲသည့် မိသားစုမှလာကာ သူ့မိသားစုလည်း အကြွေးများနှင့် ရင်ဆိုင်နေရသည်။ သူ့မိဘများသည် သူ့တက္ကသိုလ်ပညာရေးအတွက်တောင် ငွေများကို ချေးယူခဲ့သည်။​သူ့လစာသည်လည်း အများကြီး မဟုတ်ပေ။ ပြီးနောက် အကုန်လုံးနီးပါးကို အကြွေးဆပ်ရန်သာ အသုံးပြုခဲ့သည်။​

လက်ထပ်ခြင်းက မလွယ်ကူပေ။ သူ့အနေဖြင့် တိုက်ခန်းကို ပြန်လည်ပြင်ဆင်ရန် လိုအပ်သေးကာ မင်္ဂလာဧည့်ခန်ပွဲနှင့် အိမ်သုံးပစ္စည်းများအတွက်လည်း လိုအပ်ပေသေး၏။ သူ့တွင် ပိုက်ဆံ လုံလုံလောက်လောက်မရှိချေ။

သူ့အတန်းဖော်ဟောင်းက သူ့ကို ဘင်းမြို့တော် အဖွဲ့၏ အတွင်းသတင်းများကို ပြောပြပါက သူ့အား ငွေပေးမည်ဟု ပြောခဲ့သည်။ သူသည် ကြီးကျယ်ခန်းနားသည့် မင်္ဂလာပွဲ လုပ်ချင်သည်။​

ပထမက ဘာသာပြန်ရွှယ် သဘောမတူခဲ့ပေ။ သို့သော် ယမန်နေ့ညက သူ့အမျိုးသမီးလောင်းနှင့် အချင်းများခဲ့ကြသည်။​ သူ့ဇနီးလောင်းက တီဗွီ၊ ရေခဲသေတ္တာနှင့် အဝတ်လျှော်စက် လိုချင်၏။ သူမက ကြီးကျယ်ခန်းနားသည့် မင်္ဂလာပွဲကို ကျင်းပချင်၏။ အကယ်၍ ဘာသာပြန်သူရွှယ်သာ သူမ တောင်းဆိုမှုအား မလုပ်ပေးပါက သူတို့ လမ်းခွဲမည် ဖြစ်သည်။​

ထို့အတွက်ကြောင့် ဘာသာပြန်သူရွှယ်သည် ထိုကိစ္စကို အန္တရာယ်ယူပြီး လုပ်ခဲ့သည်။​သူက ရုရှားအစိုးရကို ဘင်းမြို့တော်က ယခုအပေးအယူကို ရယူလိုကြောင်း ပြောခဲ့သည်။​

ရုရှားက ထိုအကြောင်းကို ကြားသည့်အခါ ဘင်းမြို့တော်အနေဖြင့် ထိုအပေးအယူကို ရယူကတည်းက ယင်းက ဗဟိုအစိုးရအတွက် စမ်းသပ်သည့်အရာ ဖြစ်မည် ဖြစ်သည်။​ပြီးနောက် ရုရှားများက ဘင်းမြို့တော်ကို မဖြစ်နိုင်သည့် တောင်းဆိုမှုမျိုးကို တောင်းတော့၏။ ဤနည်းဖြင့် ရုရှားအစိုးရများသည် ထိုနည်းအတိုင်း ဖြစ်ခဲ့ပါက သူတို့ သည်လည်း ရမှတ်ကောင်းများ ရမည်ပင်။​

ဖုန်းယွီပြောသည်မှာ မှန်ပေ၏။ ဘာသာပြန်သူရွှယ်သည် သူ့လက်ဖက်ရည်ခွက်ကို အသုံးပြုကာ တဖက်လူကို အရိတ်အမြွက် ပြောခဲ့သည်။ သူတစ်ယောက်တည်းက အခြားသူကို သူသည် ဩစတြေးလျနှင့် ဆက်သွယ်ထားသည့်သူ ဖြစ်ကြောင်း ပြောခဲ့သည်။​ဘာသာပြန်ရွှယ်သည် ထိုသတင်းအတွက် ကောင်းကောင်း ရခဲ့သည်။​

“ဟမ့်… သစ္စာဖောက် မင်းကို ပြင်းပြင်းထန်ထန် အပြစ်ပေးရမယ်။​မင်းအနေနဲ့ စည်းကမ်းကြပ်မက်ရေးမှာ နောက်ကျ သွားဝန်ခံရမယ်။​မင်းရဲ့ အပြစ်က နည်းတော့ နည်းမှာပါ။”

အရာရှိချုပ်လီက ဒေါသထွက်သွားသည်။​သူက သစ္စာဖောက်များကို အမုန်းဆုံးပင်။ သူ့အဘိုးသည် သစ္စာဖောက်သူတွေကြောင့် သေဆုံးခဲ့ရသည်။​

ဖုန်းယွီက ချက်ခြင်းပင် ဖြတ်ပြောလိုက်၏။​

“ဟူး…. အရာရှိချုပ်လီ သူ့ကို အပြစ်ပြန်ဆယ်နိုင်ဖို့ အခွင့်အရေး ကျွန်တော်တို့ ပေးသင့်တယ်။”

ဘာသာပြန်ရွှယ်က ချက်ခြင်းပင် ခေါင်းညိတ်လိုက်ကာ

“ဟုတ်ပါတယ်။​မြို့တော်ဝန်ကျန်း၊ အရာရှိချုပ်ရွှယ်။​ကျွန်တော်ကို အခွင့်အရေးပေးပါ။ ကျွန်တော် နိုင်ငံတော်အပေါ် ထပ်ပြီး သစ္စာမဖောက်ပါဘူး။​ကျွန်တော် သစ္စာဖောက်သူ ထပ်မလုပ်တော့ပါဘူး”

ဖုန်းယွီက ခေါင်းခါလိုက်ကာ

“မဟုတ်ဘူး။ မင်းဆက်ပြီးတော့ သစ္စာဖောက်လုပ်ရမယ်။”

လူတိုင်းက ဖုန်းယွီကို အံ့အားသင့်စွာဖြင့် ကြည့်လိုက်ကြသည်။​ဆက်ပြီး သစ္စာဖောက်ရမှာလား။ မင်းဘာကို ပြောချင်တာလဲ။