မင်းအဖေလည်းမင်းကို သဘောမကျသင့်ဘူး

ကျို့ရှို့ ငေးကြောင်နေသည်ကိုကြည့်ပြီး ကျို့ရှို့၏သရုပ်မှန်ကိုသိသည့် ရွာသားများသည် တစ်ဦးချင်းစီရှေ့ထွက်ပြီး ကျို့ရှို့အား အရိုအသေပြုကြလေ သည် “ဒီမှာဝန်ထုပ်ဝန်ပိုးဖြစ်စေ သက်ကြီးရွယ်အိုတွေအများကြီးရှိပါတယ်၊ ကျုပ်တို့သခင်လေးက တခြားရည်ရွယ်ချက်မရှိပါဘူး၊ ကျုပ်တို့နေဖို့ နေရာကို ရှာချင်ရုံတင်ပါ”

လုံထျန်းသည် ကျို့ရှို့အား အလေးအနက်အရိုသေပြုလေသည် “ကျုပ်က ချင်းရှန့်ရွာရဲ့ ရွာသူကြီးပါ၊ ဒီညီလေးကယ်ပေးခဲ့တဲ့ ကျုပ်ညီ ဒါဇင်လောက် လည်းရှိပါတယ်၊ သူက ကျုပ်တို့ကြောင့် ဝိညာဉ်ဘုံရဲ့လိုက်တာကိုခံနေရတယ်၊ နောက်ဆုံးမှ လွတ်မြောက်လာတာပါ၊ အခု သူက ဒီရောက်လာပြီ၊ သူက ကျုပ်တို့ ချင်းရှန့်ရွာရဲ့ ကျေးဇူးရှင်ပါ၊ ကျေးဇူးပြုပြီး သခင်လေးရဲ့ ဖြောင့်မတ်မှု ကို လေးစားပေးပါ စိတ်မရှိပါနဲ့”

ချင်းရှန့်ရွာမှလူများသည် ပေထင်းဟွမ်၏နာမည်ကိုမသိကြပေ။ သူမသည် အလွန်ငယ်ရွယ်သည်။ သို့သော် သူမ၏စကားနှင့်အပြုအမူသည် မြင့်မြတ်မှုအပြည့်နှင့်ပင်။ သူတို့သည် သူမ၏သရုပ်မှန်ကိုမသိသော်လည်း သူမ သည် ကြွယ်ဝသောမိသားစုမှ သားတစ်ယောက်ဖြစ်မည်ဟုတွေးပြီး သခင်လေး ဟုခေါ်ကြခြင်းပင်။

ပေထင်းဟွမ်သည် နှုတ်ခမ်းများကိုတွန့်လိုက်သည်။ သူမသည် အမှန်တရားကိုပြောပြီး ရှင်းလင်းစွာပင် ကုန်သွယ်ရေးလုပ်နေခြင်းပင်။ သို့သော် ချင်းရှန့်ရွာသားများသည် အမှောင်နတ်မိစ္ဆာဘုံမှ သခင်လေးကို ပြစ်မှားမိမည် ကို ကြောက်နေကြသည်။

သေချာပေါက်ပင် ပေထင်းဟွမ်မသိပေ။ သူမသည် တောင်ထိပ်တွင် နတ်ဆိုးဘုံမှ အစောင့်အကြပ်လေးဦးနှင့်တိုက်ခိုက်နေသည်ကို လှုပ်ရှားသံများ ကြားသည်နှင့် သူမ၏သားရဲသည် ပြေးလွှားကြည့်ခဲ့သည်။ ပေထင်းဟွမ်သည် နတ်ဆိုးဘုံမှ အစောင့်အကြပ်လေးယောက်ကို သတ်လိုက်သည်ဟု သတင်း ကြားသည်နှင့် ချင်းရှန့်ရွာသားများသည် ပေထင်းဟွမ်၏ခွန်အားကို သက်ပြင်းချ ကြသည်။ သူတို့အားလုံးသည် ချွေးအေးများပြန်လာကြသည်။

ပေထင်းဟွမ်သည် အမှောင်နတ်မိစ္ဆာဘုံမှ အဓိကနယ်ပယ်သုံးခုထဲမှ နှစ်ခု ကို ပြစ်မှားခဲ့ပြီးဖြစ်သည်။ အမှောင်နတ်မိစ္ဆာဘုံမှ ကျန်နယ်ပယ်တစ်ခုကို ထပ်ပြစ်မှား၍မဖြစ်ပေ။ မဟုတ်လျှင် အမှန်တကယ်ပင် နေစရာမရှိတော့ပေ။

ပေထင်းဟွမ်သည် လင်းယွိအား အရင်ကပြစ်မှားခဲ့သည်ကို ကျို့ရှို့မသိ ပေ။ ပေထင်းဟွမ်သည် နတ်ဆိုးနယ်ပယ်မှ အစောင့်အကြပ်လေးဦးကို ခေါင်းဖြတ်ခဲ့သည်ကိုသာ သူတွေ့ခဲ့သည်။ ထိုအစောင့်အကြပ်လေးဦးသည် နတ်ဆိုးနယ်ပယ်၏ ထောက်တိုင်များဖြစ်သည်။ သခင်မှလွဲ၍ အားအကောင်း ဆုံးသခင်များဖြစ်ကြသည်။

ချင်းရှန့်ရွာမှရွာသားများသည် ပေထင်းဟွမ်အား အမှန်တကယ် ထောက်ပံ့ပေးသော်လည်း ခေါင်းဆောင်တစ်ယောက်ကဲ့သို့ ရိုသေခြင်းမဟုတ် ဘဲ ကလေးတစ်ယောက်ကဲ့သို့ ထိန်းနေသည်ကို သူ ပြောနိုင်သည်။ ဤကဲ့သို့ သားပေါက်လေးကို ကာကွယ်သည့်အပြုအမူသည် ကျို့ရှို့အား မယုံကြည်နိုင် လောက်အောင် ပိုဖြစ်စေသည်။

ပေထင်းဟွမ်သည် အမှန်တကယ်ပင် အလွန်ရက်စက်သူဖြစ်သည်။ အစောင့်အကြပ်လေးဦးအား သတ်ဖြတ်သည့်နည်းလမ်းကိုကြည့်လျှင် သူမ သည် အေးစက်ပြီးပြတ်သားသည်။ သူမ၏ ပြင်းထန်သောလူသတ်ရောင်ဝါ သည် အသက်အရွယ်နှင့်မလိုက်ပေ။ ဤရွာသားများသည် မည်သို့ ဤကဲ့သို့လူ မျိုးကို မကြောက်ဘဲနေမည်နည်း။

ကျို့ရှို့သည် ပေထင်းဟွမ်နှင့် အချိန်အတော်ကြာနေပါက သူမ၏နည်းလမ်းများ၏ ခြိမ်းခြောက်မှုကြောင့် အလိုလိုကြောက်စိတ်ဝင်နိုင် သည်။

ပေထင်းဟွမ်သည် နှုတ်ခမ်းတွန့်ရုံသာတွန့်ပြီး သူ့ကိုမတားပေ။ သူမ၏ ပေါ့ပျက်သောစကားများကြောင့် လုံထျန်းတို့ ကျို့ရှို့အား တောင်းပန်နေသည် ကိုပင် စိတ်ထဲမထားပေ။

သူတို့ပြင်ဆင်ချက်ထုတ်ချင်လျှင် ပြုပြင်နိုင်သည်။

ကျို့ရှို့ အံ့အားသင့်သွားကာ ပေထင်းဟွမ်အပေါ်အမြင်မှာ ပြောင်းလဲသွား လေသည်။ သူသည် ခနဲ့တဲ့တဲ့ပြုံးလိုက်သည် “ငါ့ကိုကြည့်လေ၊ ငါက အမှောင် နတ်မိစ္ဆာဘုံရဲ့သခင်လေးဆိုတာကလည်း ငါ့မှာငါ့အဖေရှိနေလို့လေ၊ ငါ့အဖေရဲ့ သားဖြစ်နေလို့ ရွေးချယ်စရာမရှိ သခင်လေးဖြစ်ခဲ့တာ၊ အမှောင်နတ်မိစ္ဆာဘုံမှာ ငါ့စကားကအရာဝင်တာမဟုတ်ဘူး”

“အဲတော့ ဒီပြဿနာကိုတော့... ငါနဲ့ အမှောင်နတ်မိစ္ဆာဘုံကို အရင်ပြန် လိုက်ခဲ့၊ ပြီးရင်တော့ အဖေနဲ့ဆွေးနွေးတာပေါ့”

အမှောင်နတ်မိစ္ဆာဘုံကို တိုက်ရိုက်ပင် ရွှေ့ပြောင်းပါက ဒုက္ခတွေ့စရာမလို ပေ။ ဤလူများသည် အမှောင်နတ်မိစ္ဆာဘုံသို့သွားမည်ဖြစ်ကာ အသက်သည် လည်းအရေးကြီးသည့်ကိစ္စဖြစ်သည်။ သူတို့သည် လင်းယွိတွင် နေရသကဲ့သို့ နာကျင်စွာမနေချင်ပေ။ ပေထင်းဟွမ်သည် လုံးဝခွင့်ပြုမည်မဟုတ်ပေ။

ထို့ကြောင့်ပင် ပေထင်းဟွမ်သည် အသက်ကယ်ပေးရသည့် ကျေးဇူးနှင့် ကျို့ရှို့အား ခြိမ်းခြောက်ခြင်းပင်။

“မင်းက မင်းရဲ့ခြေထောက်ပြဿနာကြောင့် အမှောင်နတ်မိစ္ဆာဘုံရဲ့ တန်ဖိုးထားခြင်းမခံရဘူးဆိုရင်လည်း လွယ်ပါတယ်” ပေထင်းဟွမ် မျက်မှောင် ကြုတ်လိုက်သည် “အဲဒီကျားအဆိပ်က ဥကိုမစားဘူးလို့ပြောကြတယ်၊ မင်းရဲ့ ခြေထောက်တွေ အဆင်မပြေဘူးဆိုရင်တောင် မင်းအဖေက အထင်မသေးသင့် ဘူး”