ရှန်းရှန်းရဲ့ အန္တရာယ်

လုရွှမ်သည် အာရုံထွေပြားသွားခြင်း မရှိဘဲ နိယာမစွမ်းအင်၏ ပြေးလမ်းများကို ရှာဖွေရာတွင် စိတ်အာရုံကို နှစ်မြှုပ်ထားခဲ့သည်။ သူ့အနားက ကွဲအက်သွားသော ကျောက်စရစ်ခဲတစ်စက အလိုအလျောက် ကျောက်တုံးတစ်တုံးကို ထိလိုက်တယ် ဆိုရင်ပဲ နိယာမစွမ်းအင်ရဲ့ အငွေ့အသက်တွေကို ခံစားရ​စေသည်။

နောက်ဆုံးတွင် ကျောက်တုံးတစ်တုံးကို လက်ဖဝါးဖြင့် ကိုင်လိုက်သောအခါ သူ့ရင်ထဲတွင် နားမလည်နိုင်သော ခံစားချက်တစ်ခုကို ခံစားလိုက်ရပြီး သူ့လက်ဖဝါးကို ပြင်းပြင်းထန်ထန် ဖိချလိုက်မိတော့ ပြေးလွှားနေသည့် ပြေးလွှားသံတစ်ခု ထွက်ပေါ်လာခဲ့သည်။

လုရွှမ် သူ့မျက်လုံးများကို မျက်တောင်မခတ်စေဘဲ ၎င်းပြေးလိုင်းများ စိုက်ကြည့်ကာ သူ့စိတ်ထဲတွင် အရူးအမူးကို မှတ်သားနေသည်။ ယခင် နိယာမစွမ်းအင် လိုင်းများက အလွန်နက်နဲ၏။ ကောင်းကင်စာအုပ် ကျောက်ပြားကို လေ့လာဖူးလို့သာ ၎င်းကို မှတ်မိရန် သူ့ကိုယ်သူ တွန်းအားပေးနိုင်ခဲ့သည်။

ယခင် ပထမမြို့က နိယာမစွမ်းအင်လိုင်းနဲ့ လက်ရှိ နိယာမစွမ်းအင်လိုင်းတို့က နီးကပ်စွာ မသက်ဆိုင်ကြောင်း ထင်ရှားပါသည်။ နားမလည်​နိုင်​​သေး​တဲ့အပြင် ဒီလိုင်းကို အလွတ်​ကျက်​ဖို့ ခက်​ခဲ​လေသည်​။

နောက်ဆုံးတော့ နိယာမစွမ်းအင် လိုင်းတွေကို အလွတ်ကျက်လိုက်တဲ့အခါ ပထမအကြိမ်တုန်းကလို ထူးထူးခြားခြား ပျောက်ကွယ်သွားပြန်တာ တွေ့လိုက်ရ၏။

လုရွှမ် သတိပြန်ဝင်လာသည်။ ဒီအချိန်မှာ ပတ်ဝန်းကျင်က လုံးဝ ဖြူစင်သွားပြီး ရေခဲတောင်အဖြစ် ပြောင်းလဲသွားတယ်လို့တောင် ခံစားလိုက်ရ၏။ ထိန်းမနိုင်သိမ်းမရ တုန်တုန်ယင်ယင် ဖြစ်နေသော လုရွှမ်သည် လျင်မြန်စွာ ခုန်တက်လာတော့မှ ရှန်းရှန်း တစ်ကိုယ်လုံး အလွန်အေးစက်သော ရေခဲစွမ်းအင်များ ထွက်လာပြီး သူ့ရှေ့တွင် တင်းတင်းကြပ်ကြပ် အကာအကွယ်ပေးနေတာ တွေ့လိုက်ရသည်။

ယခုအချိန်တွင် ရှန်းရှန်းဆီမှာ တစ်ခုခုမှားနေပြီဟု သိလိုက်သည်။ သူမခန္ဓာကိုယ်မှ ထွက်ပေါ်လာသော စွမ်းအားက သူ့ကို အနည်းငယ် ထိတ်လန့်စေတာမို့ ဒါဟာ သူမ ထိန်းချုပ်နိုင်သည့် စွမ်းအားတစ်ခု မဟုတ်တာ ထင်ရှားသည်။

သို့ဆိုလျှင် ဤကဲ့သို့သော စွမ်းအားကို လွှတ်လိုက်လျှင် ပျက်စီးမှုကြီး ဖြစ်စေမှာ သေချာပါသည်။ ရှန်းရှန်း ဒါကို ဘယ်လိုသုံးရမလဲ ဆိုတာ မသိဘဲ အခုလို ထုတ်လွှတ်လာတဲ့ အကြောင်းရင်းက သူ့ကိုကာကွယ်ဖို့ပဲ ဖြစ်နေ၏။

ထိုစဥ် ရေခဲပြင် အပြင်ဘက်က မြင်ကွင်းကို မြင်လိုက်ရသည်။ အပြင်မှာတော့ ကျင့်ကြံသူ လူအုပ်ကြီးက သူတို့ကို အဆက်မပြတ် တိုက်ခိုက်နေတာပဲ။

ရေခဲလွှာက ချက်ချင်းနီးပါး ကျိုးသွားပေမယ့် လျှင်မြန်စွာ ပြန်လည်ပြုပြင်ခဲ့သည်။ သို့သော် ပြုပြင်ပြီးနောက် ရေခဲပြင်သည် အရင်ကလောက် မပြင်းထန်ကြောင်း သိသာပြီး ရှေ့တန်းက အဆက်မပြတ် တွန်းထုတ်နေတာကြောင့် လက်ရှိနှုန်းဖြင့် နံ့သာတိုင်တစ်ဝက်သာ အချိန်ဆွဲထားနိုင်သည်။

ဒီလိုအကျပ်အတည်းနဲ့ ရင်ဆိုင်ရတာတောင် ရှန်းရှန်းက သူ့ကိုနှိုးဖို့ ဘယ်တုန်းကမှ မတွေးခဲ့မိဘူး။

"ရှန်းရှန်း... ငါရှာနေတာ တွေ့ပြီ ကျေးဇူးပြုပြီး မင်းရဲ့စွမ်းအားကို ပြန်သိမ်းလိုက်ပါ... "

သူသည် ရှန်းရှန်းမှ အသွင်ပြောင်းထားတဲ့ နဂါးရှေ့မှာ ရပ်နေ၏။

ရှန်းရှန်းကသူ့ကို တစ်ချက် ကြည့်လိုက်သော်လည်း သူစိမ်းကို ကြည့်နေသလိုမျိုး သူမဘာကိုမှ ပြောဆိုလာခြင်း မရှိပေ။ တုံ့ပြန်မှု မရှိခဲ့ဘဲ အပြင်ဘက်ရှိ ရေခဲပြင်ပေါ်တွင် အစွမ်းကုန် အားထုတ်နေခဲ့သည်။

လုရွှမ်လည်း သူမကို ရပ်တန့်ရန် အလျင်အမြန် မပြောချင်တော့ပေ။ သူ ပြောနေရင် သူမအား တိုက်ခိုက်နေတာကို ထင်ယောင်ထင်မှား ဖြစ်သွားစေနိုင်သည်။

သူသည် ရှန်းရှန်း၏ လက်ရှိအခြေအနေမျိုးကို တစ်ခါမှ မကြုံဖူးတာမျိုးတော့ မဟုတ်ပါ။ အာရုံခြောက်ပါးကို အလုံးစုံ ချိတ်ပိတ်ထားလိုက်ပါက နောက်ဆုံးကျန်ခဲ့မှာက စွဲလမ်းမှု မြဲမြံခြင်းသာ ဖြစ်၏။

ဤအချိန်တွင် သူသည် သူမအား စိတ်ဆန္ဒအရ မနှောင့်ယှက်သင့်ပေ။ မဟုတ်ပါက ရှန်းရှန်းအတွက် ပြန်လည်ပြုပြင်လို့ မရသော ပျက်စီးဆုံးရှုံးမှုကို ဖြစ်စေနိုင်သည်။

သို့သော် ကြာကြာစောင့်နေလို့လည်း မဖြစ်။ ရှန်းရှန်းရဲ့ လက်ရှိအခြေအနေသည် အလွန်အားစိုက်ထုတ်နေပြီ ဖြစ်ပြီး သူမကို ချက်ချင်း ရပ်ခိုင်းရမည်။ လုရွှမ် ယွမ်ယန်စွမ်းအင်ဖြင့် ရှန်းရှန်းရဲ့ လည်ပင်း နောက်ဘက်ကို အသာ ထိလိုက်သည်။

သူဟာ ယွမ်ယန်စွမ်းအင်အပေါ် ယုံကြည်မှုများစွာ ရှိနေဆဲဖြစ်သည်။ အကြိမ်များစွာ ဖြေရှင်း၍မရသော ပြဿနာတစ်ခုနှင့် ကြုံတွေ့ရတိုင်း ယွမ်ယန်စွမ်းအင်က ထိုပြဿနာကို ချက်ချင်း ဖြေရှင်းနိုင်ပြီး ရောဂါကို ဆေးဖြင့် ကုသနိုင်သည်။

ယွမ်ယန်စွမ်းအင် ခန္ဓာကိုယ်ထဲသို့ ဝင်လာသည်နှင့် တပြိုင်နက် လုရွှမ်လည်း သူမခန္ဓာကိုယ်ထဲမှ ပြင်းထန်သော စုပ်ထုတ်မှုအားကို ခံစားလိုက်ရသည်။ ၎င်းက သူ့ယွမ်စွမ်းအား အားလုံးကို လုယူသွားသလိုပင်။

လုရွှမ် စိတ်မပူတဲ့အပြင် ပျော်ရွှင်နေမိသည်။ ရှန်းရှန်းက ယခု သတိလစ်နေသည့် အခြေအနေတွင် ရှိနေ၏။ ဒါက ယွမ်ယန်စွမ်းအင်က အကျိုးသက်ရောက်မှု ရှိကြောင်းကို ပြသနေတာ ဖြစ်သလို သူ့ခန္ဓာကိုယ်မှ ယွမ်ယန်ကျင့်စဥ်၏ စွမ်းအင်ကို အလိုလို စုပ်ယူသွားကြောင်းလည်း ပြသနေသည်။

လုရွှမ် ဘာကိုမှ တင်းမထားတော့ဘဲ ရှန်းရှန်းခန္ဓာကိုယ်ထဲကို သူ့ရဲ့ခွန်အား အားလုံး လောင်းထည့်လိုက်ပါ၏။ ထိုစဥ် သူမခန္ဓာကိုယ်ပေါ်က အေးစက်မှုတွေ တဖြည်းဖြည်း ပျောက်ကွယ်သွားသည်။ ထို့နောက် နဂါးပုံသဏ္ဍာန်မှ လူသားအသွင်အပြင်သို့ တဖြည်းဖြည်း ပြောင်းလဲသွားသည်။

ရှန်းရှန်းက နတ်နဂါးဖြစ်ပြီး သူမသည် သာလွန်နတ်နဂါး ရေခဲနဂါးရဲ့​ရောင်ဝါ အနည်းငယ်ကို သူမဘိုးဘေးများထံမှ ရခဲ့တာ ဖြစ်ပေမည်။ ဒီကောင်းမွန်တဲ့ ခွန်အားနဲ့ ရောင်ဝါက သူမရဲ့ခန္ဓာကိုယ်ကို အထောက်အကူ ဖြစ်စေမှာလား။

သူတွေးရင်း စိမ်းပြာနဂါး နှလုံးရဲ့ စစ်မှန်တဲ့ သွေးကနေ သန့်စင်ထားတဲ့ ရွှေနဂါး စွမ်းအင်ကို ရှန်းရှန်းကိုယ်ဆီ ပို့ပေးဖို့ ဆုံးဖြတ်လိုက်သည်။

ရှန်းရှန်း ခန္ဓာကိုယ်က ရုတ်တရက် အနည်းငယ် တုန်ခါသွားသည်။ လုရွှမ် အနည်းငယ် စိုးရိမ်သွားသော်လည်း နောက်အခိုက်အတန့်တွင် သူမ တည်ငြိမ်သွား၏။

ယွမ်ယန်စွမ်းအင်ကို အပြည့်အဝ ထည့်သွင်းလိုက်တဲ့အခါ ရှန်းရှန်း ခန္ဓာကိုယ်က နောက်ဆုံးတွင် လူသားအသွင် ပြောင်းလဲသွားခဲ့သည်။ သို့သော် သူမကိုယ်ထဲမှ ထွက်လာသော စုပ်ယူမှုက အားကောင်းလာကာ ယွမ်ယန်စွမ်းအင်က အညီအမျှ မလိုက်နိုင်တော့ပေ။

ချက်ချင်း ဆိုသလိုပင် စုပ်ယူအားက ရုတ်ချည်းတိုးလာကာ သူမအသားအရေသည် ဖြူပြာရောင်ပြောင်းသွားကာ ရုတ်တရက် နတ်နဂါးအသွင်အပြင်သို့ ပြောင်းလဲသွားပြန်သည်။

"မဖြစ်ဘူး!"

လုရွှမ်လည်း အခြေအနေ မကောင်းတော့တာ သိတာမို့ မွေးဖွားခြင်းရေစင် နောက်ဆုံး ပုလင်းကို မဆိုင်းမတွ သောက်ပစ်လိုက်သည်။ မကြာခင်မှာပဲ ခန္ဓာကိုယ်ရဲ့ ကြံ့ခိုင်မှု အားလုံးကို ပြန်လည်ရရှိလာခဲ့၏။

ရှန်းရှန်းခန္ဓာကိုယ်မှ ထွက်လာသော စုပ်ယူမှု စွမ်းအားကို ချက်ချင်း မျိုသိပ်လိုက်ပြီး ယွမ်ယန်စွမ်းအင်က ဆက်၍ အလုပ်လုပ်ရာ နောက်ဆုံးတွင် လူသားပုံစံအဖြစ်သို့ လုံးဝပြောင်းလဲသွားကာ သူမ နိုးလာခဲ့သည်။

"အစ်ကိုကြီးလုရွှမ်.... ဟေး ညီမဘယ်လိုလုပ် အစ်ကို့လက်ထဲမှာ ရှိနေတာလဲ"

ရှန်းရှန်း ရှက်ရွံ့စွာ အော်လိုက်သည်။ လုရွှမ်လက်များမှ ခုန်ထွက်ဖို့ ပြင်နေတာကြောင့် သူမကို လှမ်းဆွဲထားလိုက်သည်။

"စိတ်မပူပါနဲ့... မင်းရဲ့ ခန္ဓာကိုယ်ကို အရင်ပြန်ယူ... နောက်တစ်ခါ အရမ်းကြီး အလုပ်မလုပ်နဲ့ မင်း ဒီလောက်အထိလည်း လုပ်နေစရာ မလိုပါဘူး... မင်းအသက်က ဟာသမဟုတ်ဘူး!"

ရှန်းရှန်းက ပြုံးပြီး။

"အစ်ကိုက ဒီလိုမျိုး လုပ်နေတော့ တကယ်ရလိုက်ရင် အရမ်းအရေးကြီးမယ် ဆိုတာ သိနေတယ်လေ...ဒါ့အပြင် အခု ညီမကိုယ်က အရမ်းကောင်းနေပြီမလား... အမ် ညီမ အခုနက မရည်ရွယ်ဘဲ အသွင်ပြောင်းသွားတာလား"

ထိတ်လန့်တကြား အော်လိုက်တော့ လုရွှမ် ခေါင်းညိတ်ပြလိုက်ရသည်။

"အင်း နောက်တစ်ခါ အဲဒီလို မလုပ်တော့နဲ့ ငါတကယ် လန့်သွားတာ!"

"မဟုတ်ဘူး... ညီမရဲ့ အသွင်ပြောင်းမှုက ထိန်းချုပ်လို့ မရဘူး နောက်တစ်ကြိမ် အသွင်ပြောင်းရင် ခန္ဓာကိုယ်ကို ကြီးကြီးမားမား ထိခိုက်မှုတွေ ဖြစ်စေမယ်လို့ အဖေက ပြောဖူးတယ်...ညီမ ဘာလို့ အဆင်ပြေနေတာလဲ"

လုရွှမ်လည်း ပြုံးပြီး "မင်းငါ့ကို ကာကွယ်ဖို့ မင်းအသက်ကို စွန့်စားခဲ့တာ... အစ်ကိုတစ်ယောက်အနေနဲ့ မင်းကိုလည်း သဘာဝအတိုင်း ပြန်ကာကွယ်ရမယ်မလား... မင်းမှာ တစ်ခုခု မှားနေတယ်လို့ ခံစားရလို့လေ...."