ခေတ်ကာလများကို ဖြတ်ကျော်၍ ဆက်သွယ်ခြင်း

ဝမ်ဝေ့က စိတ်ငြိမ်ဖို့ရာ အသက်ပြင်းပြင်းရှူလိုက်၏။ သူ့အနာဂတ်က ယခင်ထက် ပိုမိုတောက်ပလာသော်လည်း သူ့လက်ရှိအနေအထားက အလင်းရောင်ရှေ့တွင် အမှောင်ထုကဲ့သို့ ဖြစ်နေဆဲသာ ဖြစ်၏။ သူက သူ့ပတ်ဝန်းကျင်ရှိ အနီရောင်ကြိုးမျှင်များကို လေ့လာပြီးသည့်နောက်တွင် လက်ကိုဝှေ့ယမ်းလိုက်သည်။ သူ့ထိန်းချုပ်မှုအောက်တွင် ကြိုးမျှင်များက တောက်ပသည့် ရတနာသဖွယ် ဖွဲ့စည်းလာ၏။

ဝမ်ဝေ့က သူ့တာအိုသက်သေပြပစ္စည်းကို ထိန်းချုပ်ပြီး ခေါင်းပတ်အဖြစ် ပြောင်းလဲကာ ရတနာကို အလယ်တွင် ထားရှိလိုက်သည်။ ဝမ်ဝေ့က ထိုရတနာကို စုပ်ယူပြီး သူ့ကံမြစ်ကြောင်းကို ဆင့်ကဲပြောင်းလဲလိုသော်လည်း လက်ရှိဝိရောဓိဖြစ်နေဆဲ အနေအထားတွင် ရှိနေသေးသည့်အတွက် သတိကြီးကြီးထားဖို့ လိုအပ်နေသည်။ သူက တိတ်တဆိတ်ကျင့်ကြံဖို့ရာ ဗဟုသုတများကို အသုံးပြုသည့်နည်းလမ်းဖြင့်ပင် သတိကြီးကြီးထားဖို့ လိုအပ်နေသေး၏။ သူက ထိုမှတ်ဉာဏ်များကို သီးခြား စည်းပိတ်ဖို့ ပြင်ဆင်ထားပြီး အသိစိတ်ပင်လယ်အတွင်း သိမ်းထားဖို့ ဆုံးဖြတ်လိုက်သည်။

သူက မြစ်ကြောင်း၏ ရှေ့ပြေးပုံစံကို ဆင့်ခေါ်ပြီးသည့်နောက်တွင် မျက်လုံးကို အသာမှိတ်လိုက်၏။

အဆုံးမဲ့ပုံရိပ်ယောင်ရဲ့ အရှင်သခင်…

သူက စိတ်ထဲ၌ ထိုအရာကို ရေရွတ်ပြီးသည့်နောက်တွင် သူ့စိတ်ဝိညာဉ်က အမည်မသိနေရာတစ်ခုဆီ ရောက်ရှိသွားသည်ကို တွေ့ရှိလိုက်ရသည်။ သူက ဧရာမ အညိုရောင်တံခါးကြီးရှေ့ ရောက်ရှိလာသော်လည်း ကံဆိုးစွာဖြင့် တစ်စုံတစ်ခုက သူ့ကို မဝင်ရောက်နိုင်အောင် တားဆီးထားပုံပေါ်သည်။

ဒါက စည်းတံဆိပ်ပဲ ဖြစ်ရမယ်…

ဝမ်ဝေ့က မျက်မှောင်ကြုတ်ကာ တွေးလိုက်၏။

ကိစ္စတွေက ပိုပြီးတော့ စိန်ခေါ်မှုဖြစ်လာပြီ

ကံကောင်းစွာဖြင့် သူက ကြိုတင်ပြင်ဆင်ထားခဲ့သည်။ သူက ကံရတနာကို အသက်သွင်းပြီးသည့်နောက်တွင် သူ့စွမ်းရည်ကို တိုးမြှင့်လိုက်သည်။ အတွေးတစ်ချက်ဖြင့် ဝမ်ဝေ့၏ စိတ်ဝိညာဉ်က ထိုတံခါးဖြင့် ဆက်နွယ်နေသည့် ကံကြိုးမျှင်အားလုံးကို ဖွဲ့စည်းလိုက်သည်။ ထိုဖြစ်စဉ်က စည်းတံဆိပ်နှင့် အရေအတွက်ပမာဏကြောင့် စိန်ခေါ်မှုတစ်ခုထက် ပိုနေသည်။

ဝမ်ဝေ့က ထိုကြိုးမျှင်များကို ဖွဲ့စည်းဖို့ ငါးနှစ်တာ အချိန်ယူခဲ့ရ၏။ ယခုတွင် သူက ရေတွက်ဖို့ပင် ဂရုမစိုက်ပေ။ လေဟာနယ်ပုံရိပ်ယောင်နယ်မြေက အဆုံးသတ်မဲ့ခေတ်ကာလရှေ့တွင် တည်ရှိခဲ့ဖူး၏။ ထို့ကြောင့် ထိုအရာ၏ ဝန်ဆောင်မှုကို အသုံးပြုဖူးသည့် ကျင့်ကြံသူ မည်မျှရှိမည်နည်း။ ထိုလူအားလုံးက ကံကြိုးမျှင်တစ်ခုကို ကိုယ်စားပြု၏။ အကယ်၍ ဝမ်ဝေ့က အရေအတွက်ကို ရေတွက်ခဲ့မည်ဆိုလျှင် သူ့ဝိညာဉ်က ဖြစ်စဉ်အတွင်း ထိခိုက်သွားနိုင်သည်။

အရေအတွက်ပမာဏက အံ့ဩဖို့ကောင်းလေလေ ပြဿနာ ဖြစ်လာလေလေ ဖြစ်၏။

ထိုကြိုးမျှင်များမှတဆင့် သူ လိုချင်သည့် သတင်းအချက်အလက်များကို ရှာဖွေဖို့အတွက်မူ သူ့တွင် မာ မျိုးနွယ်၏ သွေးမျိုးဆက်တချို့ရှိထားပါက ထိုအရာကို လမ်းညွှန်ချက်အနေဖြင့် အသုံးပြုနိုင်လိမ့်မည်။ သို့သော် သူက သူတို့၏ သွေးမျိုးဆက် ရှိထားလျှင် ကံကို အသုံးပြုဖို့ မလိုအပ်ပေ။

ရိုးရှင်းသည့် သွေးနောက်ယောင်ခံမန္တန်က အလုပ်ဖြစ်လိမ့်မည်။

ငါက ယင်ယန်တွက်ချက်မှုကို သုံးပြီး ဒီကိစ္စတွေကို ဖြေရှင်းမယ်ဆိုရင်တောင် တစ်စုံတစ်ခုကို တွေ့ဖို့ နှစ်သန်းထောင်ချီ ကြာသွားနိုင်တယ်။ အဲ့လိုဆိုတော့ ငါ့အနေနဲ့ တခြားနည်းလမ်းတစ်ခု လိုတယ်။ နမူနာအနေနဲ့ဆိုရင် ဇစ်မြစ်ကနေ စရမယ်…

ဝမ်ဝေ့က ကံနှင့် အချိန်တာအိုကို အသက်သွင်းလိုက်သည်။ သူက ကြိုးမျှင်များကို ခေတ်ကာလအလိုက် စတင်ခွဲခြားလိုက်၏။ သူက သူတို့ကို ခေတ်ကာလအလိုက် ခွဲခြားပြီးသည့်နောက်တွင် လက်ရှိခေတ်ကာလကို အပေါ်ဆုံးတွင် ထားရှိလိုက်သည်။ ထို့နောက် သူ့အကြည့်က အဆုံးမဲ့စမ်းသပ်ချက်ခေတ်ကာလ မတိုင်ခင်ကို အာရုံစိုက်ထားလိုက်၏။

စိတ်ဝင်စားစရာပဲ။ သူတို့ကဘာလို့ အဲ့လောက်တောင် နည်းရတာလဲ…

ဝမ်ဝေ့က တွေးလိုက်သည်။ အဆုံးမဲ့စမ်းသပ်ချက်ခေတ်ကာလမတိုင်ခင် ခေတ်ကာလထဲတွင် ကြိုးမျှင် ဆယ်သန်းအောက်သာ ရှိလေသည်။

ကောင်းကင်တာအိုက အခြေခံအဆင့်ကနေပြီးတော့ လူမှုအဖွဲ့အစည်းကို ပြန်လည်အစပြုခဲ့တာကြောင့်လား …

ယခင်ခေတ်ကာလမှ မှတ်မိဖို့ ထိုက်တန်သည့်သူတချို့မှလွဲ၍ အရာအားလုံးကို ရှင်းထုတ်ပစ်ခဲ့သည်။

လူသန်းတစ်သောင်းထက် နည်းတဲ့သူတွေက လေဟာနယ်ပုံရိပ်ယောင်နယ်မြေကို သုံးဖို့ဆိုတာက မဖြစ်နိုင်ဘူး။

ထိုအရာက ဝမ်ဝေ့ မသိထားသည့် တစ်စုံတစ်ခု မဖြစ်ပျက်သွားသရွေ့ ဖြစ်သည်။ ထို့ကြောင့် သူ့ကောက်ချက်ချမှုက ယခုတွေ့နိုင်သည့် အကောင်းဆုံးအရာ ဖြစ်၏။

ကောင်းပြီလေ။ ဒါက ငါ့အတွက် သတင်းကောင်းဆိုတော့ ကိစ္စမရှိဘူး…

သူ့အနေဖြင့် ထိုကြိုးမျှင်များကို စုစည်းဖို့ ပိုမိုလွယ်ကူသည်။ ကြည့်ရသည်မှာ မာ မျိုးနွယ်၏ ဘိုးဘေး သို့မဟုတ် လေဟာနယ်ပုံရိပ်ယောင်နယ်မြေကို တည်ဆောက်ခဲ့သည့်လူကိုပင် ရှာတွေ့နိုင်လောက်၏။

“ကောင်းပြီလေ”

ဝမ်ဝေ့က ရေရွတ်ပြီးသည့်နောက်တွင် ထိုကြိုးမျှင်များကို လှုံ့ဆော်ပြီး မာ မျိုးနွယ်၏ မျိုးဆက်များကို ရှာဖွေကြည့်လိုက်သည်။

သို့သော်လည်း မထင်မှတ်ထားသည့် မတော်တဆတစ်ခု ဖြစ်ပျက်လာလေ၏။ သူက ထိုကြိုးမျှင်ကို ထိတွေ့လိုက်သည်နှင့် ထိုအရာဖြင့် ဆက်နွယ်နေသည့် အကြည့်တစ်ခုကို ခံစားမိလိုက်သည်။ ဝမ်ဝေ့က ထိုနောက်လိုက်ကြည့်သွားပြီးသည့်နောက်တွင် အပြာဝတ် ဝတ်စုံနှင့် မိန်းမလှတစ်ဦးကို မြင်တွေ့လိုက်ရ၏။ သူမ၏ မျက်ဝန်းက စကားဖြင့်ဖော်ပြ၍ မရနိုင်လောက်အောင် တောက်ပနေပြီး ပြိုင်ဘက်ကင်းစိတ်ဝိညာဉ်အမျိုးအစား အလှတရားတစ်ခုလို ဖြစ်နေသည်။

“တကယ်ကို အလှတရားပဲ” ဝမ်ဝေ့က ချီးကျူးလိုက်၏။ ထိုအမျိုးသမီး၏ ခန္ဓာကိုယ်က ပုံရိပ်ယောင်နှင့် အစစ်အမှန် ရောယှက်နေသည့်အတွက် တခြားကမ္ဘာမှ အလှတရားလိုမျိုး ခံစားမိစေသည်။

“ခင်ဗျားက မာ မျိုးနွယ်ရဲ့ ဘိုးဘေးဖြစ်ရမယ်”

“တာအိုရောင်းရင်း ကျွန်မတို့မျိုးနွယ်ရဲ့ ကံကြိုးမျှင်ကို ဘာအတွက် သုံးဖို့ ကြိုးပမ်းနေတာလဲ” ထိုအမျိုးသမီးက မေးလာခဲ့သည်။ သူမ၏ အသံက နူးညံ့သိမ်မွေ့နေသည်။

“အချိန်မြစ်ကြောင်းအပေါ်မှာ တကယ်ကို နားလည်နိုင်စွမ်းမြင့်မားတာပဲ” ဝမ်ဝေ့က မှတ်ချက်ပေးလိုက်၏။ သူ့အနေဖြင့် ထိုအမျိုးသမီးသည် အတိတ်မှ ကာလံဒေသံကို ဖြတ်ကျော်ကာ ဆက်သွယ်နေကြောင်း ပြောနိုင်လေ၏။ ဝမ်ဝေ့ သိထားသလောက် သူမသည် သေဆုံးသွားနိုင်ခြေရှိသော်လည်း ထိုအရာက ခေတ်ကာလများကို ကျော်လွန်ပြီး ဆက်သွယ်ခြင်းအား မတားဆီးနိုင်ပေ။

“တာအိုရောင်းရင်း မေးခွန်းကို ဖြေပေးပါ”

“ကျုပ်က လေဟာနယ်ပုံရိပ်ယောင်နယ်မြေကို ထိန်းချုပ်ခွင့်ရဖို့ ကြိုးစားနေတာပါ” ဝမ်ဝေ့က အမှန်အတိုင်းပြောလိုက်သည်။ ထိုအမျိုးသမီးက မျက်မှောင်ကြုတ်သွားပြီး သတ်ဖြတ်ငွေ့က ဝမ်ဝေ့ဆီ ချက်ချင်းဆိုသလို ရောက်ရှိလာလေ၏။ သူက မတုံ့ပြန်ခဲ့ပေ။ အနှစ်ချုပ်အားဖြင့် သူ့နှုတ်ခမ်းထောင့် အပြုံးတစ်ပွင့် ပေါ်ထွက်လာသည်။ သူက သတ်ဖြတ်ငွေ့ကို ခံစားကြည့်ပြီးသည့်နောက်တွင် သူမ ဘယ်လိုလုပ်ဆောင်သည်ကို တွေ့ရှိလိုက်၏။

သူ့အနေဖြင့် ခေတ္တမျှ အချိန်ယူခဲ့ရသော်လည်း လျှို့ဝှက်ချက်တစ်ခုကို ရှာဖွေတွေ့ရှိသွားကာ ထိုအရာကို ကူးယူထားလိုက်သည်။ သူက အချိန်၊ စိတ်ဝိညာဉ်ကို အသုံးပြုပြီး သူမ၏ အချိန်စက်ဝန်းဆီ သူ့ဆန္ဒကို ပို့ဆောင်လိုက်သည်။ ကာလံဒေသံကြားတွင် ထိပ်တိုက်တွေ့ဆုံမှုတစ်ခု ဖြစ်ပေါ်လာလေ၏။

“ဟမ်” ထိုအမျိုးသမီးက ဝမ်ဝေ့၏ စိတ်ဆန္ဒ သူမဆီ ရောက်ရှိလာသည်ကို ခံစားမိပြီးသည့်နောက်တွင် ရေရွတ်လိုက်၏။

တကယ်ကို ကြောက်ဖို့ကောင်းတဲ့ ပါရမီပဲ…

သူမက တွေးလိုက်သည်။ သူမက လက်ကိုဝှေ့ပြီးသည့်နောက်တွင် သူ့စိတ်ဆန္ဒကို ပယ်ပျောက်စေလိုက်၏။

တကယ်ကို ကြောက်ဖို့ကောင်းတဲ့ စွမ်းအားတစ်ခုပဲ…

ဝမ်ဝေ့ကလည်း တွေးလိုက်သည်။

သူမက ငါ့ဇနီးထက်တောင် ပိုပြီးတော့ အားကောင်းနေနိုင်တယ်…

သူက မျက်မှောင်ကြုတ်လိုက်သည်။

သူက  အတုအယောင် ထူးကဲသာလွန်မှုအဆင့်လား။

အတုအယောင် ထူးကဲသာလွန်မှုအဆင့်သည် တကယ့်အဆင့်သာ မဟုတ်သော်လည်း ဝမ်ဝေ့ ဖန်တီးထားသည့် အရာတစ်ခု ဖြစ်၏။ ထိုအရာကို ထူးကဲသာလွန်မှုလမ်းစဉ်အပေါ် ခြေချထားသည့် ထိပ်တန်းစံပြသို့မဟုတ် ရှေးဦးစံပြများကို ရည်ညွှန်းခြင်းဖြစ်သည်။ သူက အတွေးအခေါ်ကို ဖန်တီးထားရုံမျှ မဟုတ်ဘဲ အတွေးအခေါ်ကို  ဖန်တီးပြီး ထိုနည်းလမ်းကို အကောင်အထည် ဖော်ထားသည့်သူများကို ဆိုလိုခြင်း ဖြစ်၏။

ထိုအမျိုးသမီးက ဝမ်ဝေ့၏ ရဲတင်းသည့် အပြုအမူကို စိတ်ထဲမထားပေ။ သူမက တစ်စုံတစ်ခုကို ရှာဖွေနေသည့်အလား အကြည့်များ ပြောင်းလဲသွားလေ၏။ သူမက သက်ပြင်းချပြီးသည့်နောက်တွင် ဝမ်ဝေ့က သူမ၏ စိတ်ခံစားချက်များကို ခံစားမိလိုက်သည်။ ထို့နောက် သူက ရုတ်ချည်းဆိုသလို ဝမ်းနည်းလာမိ၏။

သူမက သူမ၏ ခေတ်ကာလကနေပြီးတော့ ငါ့စိတ်ခံစားချက်တွေကို လွှမ်းမိုးနိုင်တာလား…

ကျစ် သူမက ဘယ်လောင်တောင် အားကောင်းနေတာလဲ…

သူက တည်ငြိမ်နေသော်လည်း သူ့စိတ်ထဲ၌ တွက်ချက်နေလေသည်။

“မျိုးနွယ်က ဒီလောက်အနေအထားထိ ကျဆင်းသွားလိမ့်မယ်လို့ မယုံကြည်နိုင်ဘူး။ တာအိုရောင်းရင်း မင်းနဲ့ အပေးအယူ တစ်ခု လုပ်လို့ရမလား” ထိုအမျိုးသမီးက ဝမ်ဝေ့ကို အာရုံစိုက်လိုက်ပြီးသည့်နောက်တွင် ရေရွတ်လာသည်။

“ကျုပ်တို့တွေ ပထမဦးဆုံး မိတ်ဆက်လိုက်ရင် ဘယ်လိုလဲ”

“နာမည်က မာလီချိုးပါ။ လူတွေကတော့ ငါ့ကို အစစ်အမှန်ပုံရိပ်ယောင်စံပြလို့ ခေါ်တယ်”

“ကျုပ်နာမည်က တိထျန်းပါ။ ကျုပ် ဂုဏ်ပုဒ်က သံသရာကိုးပါး” ဝမ်ဝေ့က ပြန်ဖြေလိုက်သည်။

“ခင်ဗျားက အပေးအယူအကြောင်း ပြောတယ်မလား”

“ဟုတ်တယ်” မာလီချိုးက သူ့အား ထူးထူးဆန်းဆန်း ကြည့်လာလေသည်။ သို့သော်လည်း သူမက သူ့နာမည်နှင့် ပတ်သက်ပြီး ဘာမှပြောမလာခဲ့ပေ။

“မာမျိုးနွယ်ကို ကာကွယ်ပေးစေချင်တယ်။ ပြီးတော့ အနည်းဆုံးစံပြတစ်ယောက် မွေးထုတ်ပေးစေချင်တယ်။ အပြန်အလှန်အနေနဲ့ မင်းကို လေဟာနယ်ပုံရိပ်ယောင်နယ်မြေအပေါ်မှာ အမြင့်ဆုံးထိန်းချုပ်ခွင့်ကို ပေးမယ်”

“ဒါတွေက ခင်ဗျားရဲ့ အပေးအယူဆိုတာ သေချာရဲ့လား။ ခင်ဗျားရဲ့ မျိုးနွယ်ကို ပြန်မေးဖို့ မပြောဘူးလား”

“တာအိုရောင်းရင်း ဒီလိုစွမ်းအားမျိုးက ဝန်ထုပ်ဝန်ပိုးဆိုတာကို မြင်မှာပါ။ သူ့တို့အတွက် ချမ်းသာကြွယ်ဝမှုအစား ခြိမ်းခြောက်မှုတစ်ခု ဖြစ်လာနိုင်တယ်”

“အဲ့လိုဆိုရင် ကျုပ်အတွက် အတူတူ မဟုတ်ဘူးလို့ ဘယ်လိုသိရတာလဲ”

“အလိုလိုသိစိတ်ပေါ့”

“အဲ့လိုလား။” ဝမ်ဝေ့က မျက်မှောင်ကြုတ်ကာ ပြန်ဖြေလိုက်သည်။

“ဒီအပေးအယူက ဆွဲဆောင်မှုရှိတယ်။ ဒါပေမဲ့ ကျုပ် သဘောမတူဘူး”

မာလီချိုးက မျက်မှောင်ကြုတ်လိုက်သည်။

“တာအိုရောင်းရင်း လိုချင်တာရှိတယ်ဆိုရင် ကျွန်မတို့တွေ ဆွေးနွေးလို့ရပါတယ်”

“ဒါက တန်ကြေးတစ်ခု ပြောရမဲ့အရာ မဟုတ်ဘူး။ လက်ရှိအဆုံးမဲ့တက်လှမ်းခြင်းကမ္ဘာက ကပ်ဘေးနဲ့ ရင်ဆိုင်နေရတာ။ ကျုပ်က တခြားသူတွေ မပြောနဲ့ ကိုယ့်ကိုယ်ကိုယ်တောင် မကာကွယ်နိုင်လောက်ဘူး”

“အိုး အဲဒီအကြောင်း ထပ်ကြားပါရစေဦး” သူမက မာမျိုးနွယ်၏ အခြေအနေကို သူတို့၏ ချီကံကောင်းမှုနဂါးမှတဆင့် အကြမ်းဖျင်း ခန့်မှန်းခဲ့မိခြင်းဖြစ်သော်လည်း ထိုမျှ မပိုပေ။ ဝမ်ဝေ့က တုံ့ဆိုင်းနေခြင်း မရှိဘဲ ကမ္ဘာ၏ လက်ရှိအခြေအနေအကြောင်းကို အကျဉ်းချုပ် ပြောပြလိုက်၏။

“အဲဒါဆိုတော့ ရှေ့ဆက်ရမဲ့ လမ်းစဉ်တစ်ခု ရှိနေတာကိုး” မာလီချိုးက ရေရွတ်လိုက်သည်။ သူမ၏ အကြည့်များက ယခင်ကထက်ပိုမို တောက်ပလာလေ၏။ သူမက သက်ပြင်းချပြီးသည့်နောက်တွင် ပြောလိုက်၏။

“အပေးအယူကို ဆက်လုပ်လို့ရပါတယ်။ မင်း လုပ်ဖို့လိုတာက မင်းအနေနဲ့ အကောင်းဆုံး ကြိုးစားပေးဖို့ပဲ”

ဝမ်ဝေ့က တုံ့ဆိုင်းနေချင်ယောင်မဆောင်ခင် မျက်မှောင်ကြုတ်လိုက်သည်။

“ကျွန်မ တစ်ခု ထပ်ပြောပြမယ်” မာလီချိုးက သက်ပြင်းချကာ ထပ်ပြောလိုက်သည်။

“ကျွန်မ ဒီနယ်မြေကို ဖန်တီးရတဲ့ ကျွန်မရဲ့ ရည်ရွယ်ချက်က တစ်ယောက်နဲ့တစ်ယောက် ဆက်သွယ်ပြီးတော့ ဝိညာဉ်စွမ်းအားကို တိတ်တဆိတ် စုဝေးဖို့ရာအတွက်ပဲ။ ကျွန်မရဲ့ ခေတ်ကာလက အခုနဲ့ အရမ်းကို ဝေးခဲ့ပြီဆိုပေမဲ့ ဒီလို ပေါကြွယ်ဝမှုမျိုးကို ဆက်လက်ထိန်းသိမ်းထားနိုင်လိမ့်မယ်လို့ ထင်တယ်”

ပေါကြွယ်ဝမှုတဲ့လား။ ဒီစကားတွေက လျှော့တွက်နေရတာပဲ…

ဝမ်ဝေ့က တွေးလိုက်သည်။ ထိုကဲ့သို့ ဝိညာဉ်စွမ်းအားမျိုးက သူ့ဝိညာဉ်ကို အမြင့်ဆုံးအနေအထားထိ ရောက်အောင် ပြုစုပျိုးထောင်ဖို့ရာ လုံလောက်ပေသည်။ ထိုအရာကို သူ့နားလည်နိုင်စွမ်းအား မဟာတာအိုအရင်းအမြစ် တစ်ရာ ရာခိုင်နှုန်းအထိ ရောက်ရှိဖို့ရာပင် သုံးဖို့ အသုံးပြုနိုင်လေ၏။ ထို့အပြင် စံပြတစ်သောင်းကျော်ကို သူတို့၏ ဝိညာဉ်ကို အမြင့်ဆုံးအထိ ရောက်ရှိဖို့ရာ လုံလောက်ပေသည်။

ဝမ်ဝေ့က ထိုသို့သော အရင်းအမြစ်မျိုးအတွက် စိတ်လှုပ်ရှားသည်ဟု ပြောရမည်ဆိုလျှင် ဒါက လျှော့ပြောထားခြင်းသာ ဖြစ်၏။ သို့သော်လည်း ချက်ချင်းသဘောမတူသေးဘဲ စဉ်းစားလိုက်သည်။ အကျိုးအကြောင်းသင့်သင့် စဉ်းစားလိုက်ခြင်း ဖြစ်၏။

“သဘောတူတယ်။ ဒါပေမဲ့ အခြေအနေသုံးခု ရှိတယ်”

“ကောင်းပါပြီ။ ဒါပေမဲ့ အရမ်းကြီးတော့ မလွန်လာပါနဲ့”

“မစိုးရိမ်ပါနဲ့။ ကျုပ်က အများကြီး မတောင်းဆိုပါဘူး” ဝမ်ဝေ့က ပြောလာစဉ် သူမက ခေါင်းညိတ်ပြီးသည့်နောက်တွင် ဆက်ပြောဖို့ ပြောလိုက်သည်။

“အရင်ဆုံး ခင်ဗျားက သေမျိုးတွေဆီကနေ ဝိညာဉ်စွမ်းအားကို တိတ်တဆိတ် စုဆောင်းစေချင်တယ်။ တကယ်လို့ အများကြီးမဟုတ်ဘူးဆိုရင်တောင် ပမာဏနည်းနည်းလောက်ပေါ့။  ပြောရရင် သူတို့အိပ်စက်သွားတဲ့အခါမှာ အိပ်မက်တွေကို ကြားခံနယ်အနေနဲ့ သုံးလို့ရတယ်”

“ဟမ် ဒါက နည်းလမ်းကောင်းတစ်ခုပဲ”မာလီချိုးက မှတ်ချက်ပေးလိုက်သည်။ သူမက ဝမ်ဝေ့၏ သူ့အကျိုးအမြတ်ကို တိုးမြှင့်နေမှုအား နားလည်လေသည်။ ထို့အပြင် ထိုအကြံက သူမအတွက်ပင် အကျိုးကျေးဇူးတချို့ ရရှိလာစေနိုင်၏။

“ပြဿနာမရှိပါဘူး”

“ဒုတိယ တောင်းဆိုချက်ကတော့…”