ကောင်းကင်နဲ့မြေကြီးရဲ့ နက်နဲမှု

ချန်ရှီတို့သည် မကောင်းဆိုးဝါး ဘုရားလောင်းကို ရှောင်ရှားရန် ချန်ယန်တောင်ထဲက အမည်မသိ ရွာထဲ၌ ကြွေရုပ်ယောင် ဆောင်ထားကြသည်။ ယခုအခိုက်အတန့်၌ ရွာလယ်တွင် နတ်ဆိုး ဘုရားလောင်းက ထိုနေရာ အရပ်ရပ်မှ စွမ်းအင်များကို စုဆောင်း​နေသည်။ မိုင်တစ်ရာပတ်လည် အတွင်း၌ သတ္တဝါအားလုံးကလည်း ကြွေရုပ်များ ဖြစ်နေကြပြီ။

နတ်ဆိုးစွမ်းအင်က ၎င်းကိုယ်ခန္ဓာမှ ထွက်လာပြီး နတ်ဆိုးနယ်ပယ်ရှိ အသက်ရှင် ကျန်ရစ်​နေသော လူအနည်းငယ်နှင့် ရှဲ့၊ ဆွေ့များကို ထိခိုက်စေ​လေသည်။ ရွာအများစုက ဖျက်ဆီးခံခဲ့ရပြီ။ နတ်သားရဲမျိုးစုံနှင့် တောင်နတ်များ ကြွေရုပ် ဖြစ်သွားခဲ့ပြီး ယခုအခါ နတ်ဆိုးနယ်မြေတွင် အသက်ရှင်ကျန်ရစ်သူ များများစားစား မရှိပေ။

နတ်ဆိုး ဘုရားလောင်းဟာ သူ့ရဲ့ အသွင်ပြောင်းမှု ပြီးမြောက်ရန် သူ့ကိုယ်သူ ပိုးအိမ်အဖြစ်အသုံးပြုကာ ဤနယ်မြေကို ဖုံးအုပ်ထားချင်သည်။

၎င်းသည် နတ်ဆိုးတစ်ကောင် ဖြစ်သော်လည်း မွေးဖွားပြီးနောက်တွင် ၎င်းရဲ့ တွေးခေါ်မှုအသိဉာဏ်က အမှန်တကယ် ထင်ထားသလောက် မပြင်းထန်ဘဲ ရုပ်ပိုင်းဆိုင်ရာ ဗီဇကို ပို၍လိုက်နာ​လေသည်။ ၎င်းသည် အသက်စွမ်းအင် အငွေ့အသက် အားလုံးကို အလိုလိုရယူလိုပြီး သူ့ကိုယ်သူ စံပြအသွင်အပြင် အဖြစ်သို့ မပြောင်းလဲမီအထိ ညစ်ညမ်းစေနိုင်သည့် မည်သည့်နယ်မြေကိုမဆို အလိုလို ညစ်ညမ်းသွားစေလိုသည်။

တကယ်တော့ ၎င်းက မွေးဖွားလာတာ ကြာပါပြီ။

၎င်းသည် လွန်ခဲ့သောနှစ်ပေါင်း ခြောက်ထောင်ကျော်က မွေးဖွားလာခဲ့ပြီးပြီ။ ထိုတန်ခိုးကြီးသော လူဆီက အဖမ်းမခံရခင်အထိ သူ့ဗီဇအတိုင်း လုပ်ဆောင်နေခဲ့တာ ဖြစ်သည်။ ထိုလူသည် ၎င်းကို လက်ရှိကြွေကိုယ်ထည်ထဲတွင် တံဆိပ်ခတ်ပြီး ကြွေထည်များကို ၎င်းရဲ့ခန္ဓာကိုယ်အဖြစ် ပြောင်းလဲပစ်လိုက်သည်။

ဒီနည်းလမ်းကြီးက ၎င်းရဲ့ အတွင်းစိတ်ကို ကြောက်ရွံ့သွားစေခဲ့သည်။ အကြောင်းမှာ ကြွေခန္ဓာ ပျက်စီးသွားရင် သူလည်း ပျက်စီးသွားလိမ့်မည်။

ထိုသူသည် ၎င်းကို ရတနာ၊ မျက်လုံးဖွဲ့စည်းမှုအဖြစ် မှတ်ယူကာ မီးဖိုထဲတွင် ထားခဲ့သည်။ ၎င်းကတော့ ကြီးကျယ်ခမ်းနားသော နတ်ဆိုးစွမ်းအင်ကို စုဆောင်းဖို့ မီးဖိုကို ကိရိယာအဖြစ် ပြောင်းလဲခဲ့သည်။ သို့သော် ကံကောင်းထောက်မစွာနဲ့ လူမိုက်အုပ်စုများသည် မီးဖိုထဲသို့ ထိုးဖောက် ဝင်ရောက်လာခဲ့၏။ ၎င်းက ယင်းလူသားများ၏ အသက်စွမ်းအင်ကို စုပ်ယူကာ တဖြည်းဖြည်း အားကောင်းလာခဲ့သည်။

မကြာသေးမီကစ၍ ထိုနေ့အထိ လူများစွာ မီးဖိုစက်သို့ ရောက်လာကြသည်။ သူတို့၏ စိတ်ဝိညာဉ်ကို ပြုစုပျိုးထောင်ထားခဲ့ကြသော လူသားများသည် ၎င်းအတွက် အရသာအရှိဆုံး အာဟာရ ဖြစ်သွားကြသည်။ ဤအခိုက်တွင် သူ့ကိုယ်သူ မြေပြင်မှ ကွဲထွက်ကာ အမြစ်မှ အညှောက်ထွက်တော့မည့် အစေ့တစ်ခုလို ခံစားနေရသည်။

နှစ်ခြောက်ထောင်ကျော် စောင့်ဆိုင်းခဲ့ရတာက ဒီနေ့အတွက်ပဲ ဖြစ်သည်။

၎င်းသည် ၎င်း၏ကိုယ်ပိုင် နတ်ဆိုးနယ်မြေကို ကျယ်ပြန့်စေချင်သည်။ ဒီနေရာသာ သူ့ကို ထောက်ပံ့ပေးရန် မြေသြဇာကောင်းသော မြေအဖြစ်သို့ ပြောင်းလဲသွားပါက ၎င်းသည် ဤနေရာက ရှဲ့၊ ဆွေ့များကို စုပ်ယူပစ်ပြီး လက်ရှိ ကြွေအသွင်ကို သက်ရှိပုံစံအဖြစ်သို့ ပြောင်းလဲသွားလိမ့်မည်။

နောက်ထပ် ပိုအားကောင်းပြီး ပြီးပြည့်စုံတဲ့ ဘဝပုံစံ ရသွားမှာပင်။ အသွင်ကူးပြောင်းတာ နီးကပ်လာတာနဲ့အမျှ ၎င်းရဲ့ အသွင်ကူးပြောင်းမှုကို အပြီးသတ်ရန် ရက်တစ်ရာအထိ အချိန်ယူရဦးမည်။ အခု အဲဒီအပြောင်းအလဲကို စောင့်မျှော်နေပါ၏။

ယခုအခိုက်တွင် နတ်ဆိုး ဘုရားလောင်းရဲ့ မျက်နှာလေးခုပေါ်က မျက်လုံးများ ဖြည်းညှင်းစွာ ပွင့်လာပြီး ကွဲပြားသော လေးမျက်နှာကို ကြည့်လိုက်သည်။ မှူးမတ်တစ်ယောက်လို ပုံစံတူသော ရှောင်ဝမ်စွင်းသည် ခါးတွင်ဆွဲထားသော ဓားရှည်တစ်ချောင်းနှင့် ရပ်နေလျက် ရှိသည်။

တခြားတစ်ဖက်တွင်တော့ သိုးဦးချိုကောင်းကင်ဝိညာဥ် မီးအိမ်ကို ကိုင်ဆောင်ထားသော အဘွားကြီးသည် ကြွေထည်အတွင်း ဝှက်ထားသော နတ်ဆိုးဝိညာဉ်ကို ထွန်းလင်းစေရန် လင်းလက်တောက်ပသော အလင်းရောင်ကို အသုံးပြုထားသည်။

အခြားလမ်းကြောင်း နှစ်ခုမှာတော့ ကျင်းဟုန်ရိက မာနကြီးစွာ ရပ်နေပြီး လီကျင်းသို့ကတော့ ရထားလုံးထဲတွင် ထိုင်လျက် ရှိသည်။ သူ ထိန်းချုပ်ထားသော ကြွေနွားသငယ်နှစ်ကောင်က အနည်းငယ် တုန်ခါနေသည်။

နတ်ဆိုး ဘုရားလောင်းသည် ဖြည်းညှင်းစွာထ၍ ရွှင်လန်းခြင်း၊ ဒေါသ၊ ဝမ်းနည်းခြင်းနှင့် ဝမ်းမြောက်ခြင်းတို့ကို ပြသလာသည်။ ရတနာရှစ်ပါး ဖြစ်သော နေပုတီး၊ လပုတီး၊ ခေါင်းလောင်း၊ နတ်ဆိုး ကျည်ပွေ့၊ တံလျှပ်၊ လေး၊ မြှား၊ ရွှေအုတ်တို့ကို တရွေ့ရွေ့ အသက်သွင်း ထွန်းညှိ၏။ ရတနာများပေါ်တွင် ရွှေရောင်အလင်းတန်းများ ထွန်းကားပြီး နတ်ဆိုးစွမ်းအင် အရိပ်အယောင်များ မတွေ့ရပေ။

ဒါပေမဲ့ ဒီရတနာတွေကို မျက်စိမှိတ် ငုံ့ကြည့်တာ ဒါမှမဟုတ် ရွှေရောင်အလင်းတန်းတွေ လင်းနေသမျှ ကာလပတ်လုံး စိတ်ကမောက်ကမနဲ့ ပုံပျက်နေတဲ့ ခံစားချက်တွေကို ခံစားနေရမှာပင်။ ၎င်းဆီကနေ မကောင်းသော အကြံအစည်မျိုးစုံကို အလိုအလျောက် ခံစားရပြီး သန်မာတဲ့ စိတ်ဓာတ်တွေကို ဆုံးရှုံးသွားရလိမ့်မည်။

ကံကောင်းထောက်မစွာနဲ့ အဘွားရှားသည် ဒီကို မရောက်ရှိမီတွင် နတ်ဆိုး၏ စိတ်နှင့်သဘာဝကိုဖိနှိပ်ရန် သိုးဦးချို ကောင်းကင်ဝိညာဉ် မီးခွက်ကို အသုံးပြုထားခဲ့သည်။ မီးအိမ်က နတ်ဆိုး ဘုရားလောင်းဘက်က သူတို့ အတွင်းစိတ်များကို မထိခိုက်လာစေရန် ကာကွယ်ထားပေးထားသည်။

သိုးဦးချိုကောင်းကင်ဝိညာဥ် မီးအိမ်သာ မရှိရင် သူတို့လေးယောက် တိုက်ဖို့ အခွင့်အရေးတောင် ရှိမှာ မဟုတ်ချေ။ သို့သော် မီးအိမ်က ကြွေလွှာအသွင်ပြောင်းခြင်းကို တားဆီးနိုင်မည်တော့ မဟုတ်။

ရှောင်ဝမ်စွင်း၊ အဘွားရှား၊ ကျင်းဟုန်ရိနဲ့ လီကျင်းသို့တို့သည် ၎င်းတို့၏ ဒဏ်ရာများ ယားယံလာတာ၊ ဒဏ်ရာများ မာကျောလာတာ၊ သွေးများနှင့် အရေပြား တစ်စိတ်တစ်ပိုင်းတို့က ကြွေထည်များ ဖြစ်သွားကြတာကို သတိပြုမိကြသည်။

ဒဏ်ရာများက သူတို့အတွက် အားနည်းချက်ဖြစ်သည်။ ထိုဒဏ်ရာများကြောင့် နတ်ဆိုး ဘုရားလောင်းဆီက မကောင်းမှု အငွေ့အသက်ကို ပထမဆုံး ခံကြရသည်။

အထူးသဖြင့် လီကျင်းသို့က ကြွေရုပ်တစ်ရုပ် ဖြစ်သွားလို့ သူ၏နွားသငယ် နှစ်ကောင်ကလည်း ကြွေရုပ်​ဖြစ်သွားသည့် ဖြစ်စဉ်တွင် ရှိနေဆဲဖြစ်ပြီး လုံးဝ မသန့်စင်ရသေးသောကြောင့် သက်ရောက်မှု အကြီးကြီးကို ခံစားခဲ့ရသည်။ ကြွေက သူ့ခြေသလုံးတွေအထိ ပြန့်ကျဲနေတာကို သူ ခံစားနေရ၏။

သို့သော် သူသည် စကားတစ်ခွန်းမှ မပြောဘဲ လူသတ်ပွဲအတွက် ပြင်ဆင်ရန် အာရုံစိုက်နေဆဲဖြစ်သည်။ ရန်သူတွေကို တွေ့တဲ့အခါ ဘာမှထပ်ပြောစရာ မလိုတော့ပေ။

နတ်ဆိုး ဘုရားလောင်း၏ ခန္ဓာကိုယ်အနှံ့က အဆောင်ဆွဲချက်တွေက တစ်ခုပြီးတစ်ခု ထွန်းတောက်လာသည်။ မျက်လုံး ရှစ်လုံးမှ စတင်ကာ အလင်းတန်းများကဲ့သို့ ဖြန့်ကျက်၍ လက်ရှစ်ချောင်းဆီကို သွေးပြန်ကြောများထဲမှတစ်ဆင့် ရောက်ရှိစေသည်။

၎င်းသည် လက်နက် ရှစ်ခုကို ကိုင်ဆောင်နေချိန်၌ သေးငယ်သော အလင်းတန်းတစ်ခု ပြေးဝင်လာကာ နေပုတီးစေ့ကို ကိုင်ဆောင်ထားသည့် လက်ကောက်ဝတ်ကို ထိုးဖောက်ပစ်လေသည်။ ဤသွေးကြောရှိ မှော်ဆရာအများစု၏ ပို့လွှတ်သော စွမ်းအားကို ချက်ချင်း ဖြတ်တောက်ပစ်လိုက်နိုင်သည်။

လက်ကောက်ဝတ်ကို ထိုးဖောက် ဝင်ရောက်ပြီးနောက် ငှက်တစ်ကောင်လို ပျံသန်းသွားကာ ၎င်း၏ကျန်လက် ခုနစ်ဖက်ကြားတွင် ဘယ်ညာဝေ့ယမ်းသံများ တခဏချင်းပင် အသံထွက်လာသည်။ ဤသွေးကြောရှစ်ခုထဲက တစ်ခုစီ၏ အနေအထားဟာ အလွန်ထက်မြက်ပြီး လက်ထဲတွင် ကိုင်ထားသော ရတနာထဲ စွမ်းအားများကို ထည့်သွင်းပေးနိုင်သည်။

ယခုအခါ နတ်ဆိုး၏ လက်နက် ရှစ်မျိုးစွမ်းအားသည် ရုတ်တရက် သိသိသာသာ လျော့ကျသွားပြီး ပုံမှန် စွမ်းအား၏ ၃၀% ကိုပင် မစွမ်းဆောင်နိုင်ပေ။ ထိုစဥ် နတ်ဝိညာဥ်ကြီးတစ်ခုက လီကျင်းသို့ အနောက်က သန္ဓေသားနှင့် ပေါင်းစည်းကာ ဓားဘီးကြီး ခြောက်လုံးက ဟိန်းဟောက်၊ လှုပ်ရှားသွားကာ နောက်အခိုက်အတန့်တွင် နတ်ဆိုး ဘုရား​လောင်းထံ ရောက်ရှိသွားသည်။

လဘီးခြောက်ဘီးတို့သည် အတက်အဆင်း ပုံစံအမျိုးမျိုးဖြင့် လှည့်ပတ် ပျံတက်သွားကာ လေထဲတွင် ပျံဝဲနေသော နေနှင့်လ ပုတီးစေ့နှစ်လုံးကို တိုက်ခိုက်လိုက်ရာ ရေနှင့်မီးစများ ပေါက်ကွဲထွက်လာပြီး မှော်စွမ်းအားများ လွင့်စင်သွားသည်။

အရပ်မြင့်မြင့် နတ်ဝိညာဥ်တစ်ခုသည်လည်း ကျင်းဟုန်ရိ နောက်ကွယ်တွင် စွမ်းအင်များ စုဆောင်းနေခဲ့၏။ ကျင်းဟုန်ရိက ဓားသိုင်းတစ်ကွက် ခုတ်လိုက်သောအခါ အရပ်ရှည်ရှည်နဲ့ နတ်ဝိညာဥ်ကလည်း နတ်ဆိုး ဘုရားလောင်း၏ ဓားနီစွမ်းအင်ကို တွန်းလှန်လိုက်ပြီး တစ်ချိန်တည်းတွင် လှဲချလိုက်သည်။

သူမသည် မြင့်မြတ်သော မိသားစုမှ မွေးဖွားလာသူ မဟုတ်ပေ။ နတ်ယန္တရားစခန်းဟာ ကျစ်ဝူရှဲ့သတ်ဓားကို ကျင့်သုံးသော်လည်း သာမာန်အဆင့်သာ ရှိသောကြောင့် သူမ အလွန်အဆင့်မြင့်အောင် ပြုပြင်ထားခဲ့သည်။

ဤဓားစွမ်းအင်နှင့်အတူ ၎င်းတို့နောက်တွင် ထောင်ပေါင်းများစွာသော ဓားစွမ်းအင်များ တစ်ခုပြီးတစ်ခု ပေါ်ထွက်လာကာ အရှေ့ရှိ ဓားစွမ်းအင်ကို ပိတ်ဆို့လိုက်သည်။ တစ်ဆက်တည်း နောက်ဘက်ရှိ ဓားစွမ်းအင်သည် ရှေ့ရှိဓားစွမ်းအင်နှင့် ပေါင်းစည်းလိုက်ရာ ဓားသိုင်းကို ပိုမိုအားကောင်းလာစေသည်။

ဒုတိယဓားစွမ်းအင်သည် ပထမဓားစွမ်းအင်နှင့် ထပ်မံ ပေါင်းစည်းသွားပြီး နတ်ဆိုး ဘုရားလောင်း လက်တစ်ဖက်ထဲက နတ်ဆိုးချေမှုန်းသော ကျည်ပွေ့ကို ခုတ်​ဖြတ်ပစ်လိုက်၏။ ဓားစွမ်းအင်က နတ်ဆိုးကျည်ပွေ့ကို ဖြတ်ပစ်တော့မည်။

တစ်ချိန်တည်းမှာပင် အဘွားရှားသည် ခြေတစ်ဖက်ကို ဖိနင်းလိုက်သည်။ မြေကြီးသည် သဲမည်းတွေဖြစ်သွားကာ သဲထဲကနေ နတ်ဆိုးဘုရားလောင်း၏ ခန္ဓာကိုယ်ကို ဖမ်းချုပ်ထားလိုက်သဖြင့် နတ်ဆိုး ဘုရားလောင်းလည်း ၎င်းရဲ့ ခွန်အားကို အားမကိုးနိုင်ဘဲ ဖြစ်နေသည်။

ထိုခဏ၌ ကောင်းကင်၊ မြေ၊ ရေ၊ မီး၊ စိမ့်၊ တောင်၊ လေ၊ မိုးခြိမ်း ရှစ်ပါးတို့ဟာ တောင်ထိပ်ပေါ်မှ ဖိချလာခဲ့သလိုမျိုး ပြိုကျလာသဖြင့် နတ်ဆိုးဘုရားလောင်းလည်း အခက်တွေ့လာသည်။ ၎င်းသည် အဖွားရှား၏ တိုက်ခိုက်မှုကို ခံနိုင်ရည်ရှိစေရန် ဝိညာဉ်ခေါင်းလောင်းကို အသက်သွင်းပြီး တစ်ချိန်တည်းတွင်ပင် ရွှေအုတ်များကို ဖြိုချကာ အဘွားရှားကို ဖိချပစ်ရန် ရွှေတောင်ကြီးအဖြစ် ပြောင်းလဲပစ်ခဲ့သည်။

သူအောင်မြင်ခါနီးတွင် ဓားအလင်း တစ်ခုက ရုတ်တရက် ပျံထွက်လာပြီး ရွှေအုတ်ခဲများကို ဖောက်ထုတ်ပစ်သည်။ ရှောင်ဝမ်စွင်းရဲ့ ဓားရှည်သည် ၎င်း၏အခွံကို ချွတ်ကာ ပြေးထွက်သွားပြီး ရွှေအုတ်ခဲကို ဖောက်ထွက်ပြီးတာနဲ့ ချက်ချင်း ပြန်လှည့်သွားကာ နတ်ဆိုး၏ မျက်လုံးများကို ထိုးဖောက်သွားခဲ့သည်။

နတ်ဆိုး ဘုရားလောင်းသည် ရတနာရှစ်ပါး၏ တန်ခိုးကို အသက်သွင်းရန် ကြံစည်ခဲ့သော်လည်း ရတနာစွမ်းအားများ စတင်အသက်ဝင်လာသည့် အခါတိုင်း ရှောင်ဝမ်စွင်းရဲ့ ပေါ်လောင်သည် ၎င်း၏ဗဟိုဆုံရိုးကို အမြဲတမ်း တိကျစွာ ထိုးနိုင်ခဲ့ရာ ၎င်း၏စွမ်းအားကို ၆၀ မှ ၇၀ ရာခိုင်နှုန်းအထိ ရုတ်တရက် ဆုံးရှုံးသွား​စေခဲ့သည်။

ယင်ကျောက်စိမ်းဘီးခြောက်ဘီးသည် နေနှင့်လ ပုတီးစေ့နှစ်လုံးကို ဖျက်စီးပစ်လိုက်တာကြောင့် နတ်ဆိုး ဘုရားလောင်းရဲ့ ဖြူပြာကြွေစများကို ကြွေလွင့်သွားစေသည်။

တစ်ဖက်မှာတော့ ကျင်းဟုန်ရိရဲ့ အနီရောင်ဓားစွမ်းအင်က နတ်ဆိုးနှိမ်နင်းကျည်ပွေ့ကို ဖြတ်တောက်ပြီး နတ်ဆိုး ဘုရားလောင်းကို ပုခုံးပေါ်ထိကာ လက်တစ်ဖက်ကို ဖြတ်ပစ်လိုက်၏။

အဘွားရှားရဲ့ စွမ်းအင် အမျိုးမျိုးကတော့ ခန့်မှန်း၍ မရနိုင်ပေ။ နတ်ဆိုး ဘုရားလောင်းအား တစ်ချက်ပြီးတစ်ချက် ဗုံးကြဲ တိုက်ခိုက်ခဲ့ကြသည်။ တစ်ချိန်တည်းမှာပင် ခါးပါးပါးနှင့် ဓားရှည်သည် နတ်ဆိုးဘုရားလောင်း၏ မျက်လုံးများကို တစ်လုံးပြီးတစ်လုံး ထိုးဖောက်သွားသည်။

"အောင်မြင်တော့မယ်!"

နတ်ဆိုး ဘုရားလောင်းကြီး၏ ကြီးမားသော ခန္ဓာကိုယ်ကြီး ပျက်စီးလာတာကို မြင်လိုက်ရသောအခါ အားလုံးက ဝမ်းသာသွားကြသည်။ ထို့နောက် ဝုန်းကနဲ ပြိုကျမှုတစ်ခုသာ ဖြစ်တော့ကာ နတ်ဆိုး ဘုရားလောင်းသည် ကြွေထည်များ ကွဲသွားသကဲ့သို့ ကျိုးပဲ့သွားကာ မရေမတွက်နိုင်သော ကြွေအပိုင်းအစများ၏ မြည်သံနှင့်အတူ မြေပြင်ပေါ်သို့ ပြုတ်ကျသွားသည်။

လီကျင်းသို့က ရယ်မောပြီး "ကောင်းပြီ... ငါ့မြေးလေး မျှော်လင့်ထားသလိုပဲ သူ့ရဲ့ အကြံအစည်က ကောင်းချက်ပဲ... သေချာတာပေါ့ ငါ ဒီကောင်ကို သတ်လိုက်ပြီ!"

အဘွားရှားကလည်း သက်ပြင်းချကာ ပြုံးသည်။

"အဲဲဒီအကောင်ကြီးဆီက အဆောင်ဆွဲချက် ချွင်းချက်တွေကို ပုံဖော်ပေးတဲ့ ရှောင်ရှီကို ကျေးဇူးတင်ရမယ်..."

ကျင်းဟုန်ရိလည်း သက်ပြင်းတစ်ချက်ချကာ ဓားဖြင့်ထိုးလိုက်ရာ သူမ၏ခွန်အားများမှာ ကုန်ဆုံးလုနီးပါး ဖြစ်ကာ အနည်းငယ် အားနည်းသွားခဲ့သည်။

ရှောင်ဝမ်စွင်းက အနည်းငယ် မျက်မှောင် ကြုတ်လိုက်သော်လည်း သွယ်လျသောခါးဓားနှင့် ပေါ်လောင်ဓားကို မရုပ်သိမ်းသေးပေ။ ဓားနှစ်ချောင်းက ကြွေအပိုင်းအစများပေါ်တွင် ချိတ်ဆွဲထားဆဲ ဖြစ်သည်။

ချန်ရှီနဲ့ လီထျန်းချင်ရဲ့ အကြံအစည်က ကောင်းမွန်သည်။ မကောင်းဆိုးဝါး ဘုရားလောင်း၏ စွမ်းအားအမျိုးမျိုး စီးဆင်းမှုကို ကောင်းစွာသိရှိခဲ့ကြပြီး ယင်းကို အခြေခံ၍ နတ်ဘုရားလောင်းရဲ့ ခန္ဓာကိုယ်ကို ဖျက်ဆီးခဲ့ကြသော်လည်း တစ်စုံတစ်ရာ မှားယွင်းနေသလို ခံစားနေရဆဲ ဖြစ်သည်။

“ဒါ့ထက် နတ်ဆိုးနယ်မြေက မပြန့်ပွားသေးဘူး..."

၎င်းအလွန် သတိထားနေခဲ့သင့်သည်။

ရုတ်တရက် ကြွေအပိုင်းအစများ ပြန့်ကျဲသွားကာ ငှက်များ၏တေးဆိုသံနှင့် ရောယှက်နေသည့် ကြွေထည် အပိုင်းအစများမှ ကြမ်းတမ်းသော အသံတစ်ခု ထွက်ပေါ်လာသည်။

"အရမ်းနာတာပဲ... မင်းတို့ငါ့ကို ပြင်းပြင်းထန်ထန် ရိုက်ပစ်တာပဲ!"

ရှောင်ဝမ်စွင်းရဲ့ အမူအရာ ရုတ်တရက် ပြောင်းလဲသွားပြီး သူ၏ဓားနှစ်ချောင်း ဖြစ်သော ခါးသွယ်ဓားနဲ့ ပေါ်လောင်ဓားတို့သည် ကြွေအပိုင်းအစများ စုပုံ​​နေရာထဲသို့ ချက်ချင်းဆိုသလိုပင် ထိုးကျသွားသည်။

ရုတ်တရက်ဆိုသလို ဓားနှစ်ချောင်းသည် သွေးစွန်းနေသော လက်ကြောင့် ရပ်တန့်သွား၏။ ပေါ်လောင်ဓားက သွေးစွန်းနေသော လက်နှစ်ချောင်းဖြင့် တားဆီးခံထားရသည်။ ရှောင်ဝမ်စွင်းလည်း ခါးသွယ်ဓားနဲ့ ပေါ်လောင်ဓားတို့ရဲ့ အော်ဟစ်သံကို ချက်ချင်း သတိပြုမိသည်။

နတ်ဆိုး ဘုရားလောင်းရဲ့ စွမ်းအင်က ဓားနှစ်ချောင်းထဲကို ပြင်းထန်စွာ ထိုးဖောက်ဝင်ရောက်ကာ ဝိညာဉ်များကို သုတ်သင်ပစ်လိုက်သည်။

"ဝုန်း!"

ကြွေထည် အစုအပုံများကြားတွင် နတ်ဆိုးဘုရားလောင်းက သွေးစွန်းနေသော အသွင်ဖြင့် တဖြည်းဖြည်း မတ်တတ်ထရပ်လာသည်။ ၎င်းက ပိန်ပိန်ပါးပါးနဲ့ ၁.၅၆ ပေလောက်သာ ရှိသေးသည်။ ဒါပေမဲ့ အသားနဲ့အသွေးသာ ရှိကာ အရေပြားတွေ မရှိတော့ပေ။

နတ်ဆိုး ဘုရားလောင်း၏ ကြွေထည်သည် အပြင်ဘက်အခွံ ၎င်း၏အရေပြားသာ ဖြစ်သည်။ ကြွေတွေ ကျိုးပဲ့သွားခြင်းက အရေခွံ ကွာကျသွားတာနဲ့ တူ၏။

မမြင်နိုင်သော အတွေးတစ်ခုက ရှောင်ဝမ်စွင်း၊ ကျင်းဟုန်ရိနဲ့ တခြားသူများ၏ အတွင်းစိတ်ထဲသို့ စိမ့်ဝင်သွားသည်။ သူတို့၏ စိတ်ဝိညာဉ်များကို ဖျက်စီးတော့မလို သူတို့မျက်လုံးများထဲတွင် ကမ္ဘာကြီးက အရောင်အမျိုးမျိုးဖြင့် လှည့်ပတ်ကာ တောင်တန်းများကလည်း ခေါက်ဆွဲတွေလို လှုပ်ယမ်းနေကြသည်။

"ခေါင်းပေါ်မှာ ကြယ်ခုနစ်လုံးကို ဆောင်းထားချိန်... ဥပဒေတွေက ကောင်းကင်နဲ့ လိုက်လျောညီထွေ ဖြစ်နေပြီ... စစ်မင့်က ငါ့ရဲ့နှစ်တွေကို ထိန်းထားပေးနေချိန် စစ်လုက ငါ့အသက်ကို ကာကွယ်ပေးတယ်...."

အဖွားရှားသည် သူ့လက်ထဲတွင် မီးပုံးကိုကိုင်ကာ ရှေ့ကို လှမ်းနေ၏။ လက်တစ်ဖက်က တုတ်ကောက်ကို လှမ်းကိုင်လိုက်ချိန် သူမရဲ့ ရောင်ဝါများ လွန်ကဲလာကာ ဆံပင်ဖြူများ လွင့်ပျံသွားသည်။

"စာအုပ်ထဲက အဂ္ဂိရတ် ကျမ်းပိုဒ်ကိုးခုက ဘေးဥပဒ်တွေနဲ့ မကောင်းမှုတွေကို ရှောင်ရှားနိုင်တယ်...ပိုင်စုက ဓားစာခံဖြစ်ပြီး မကောင်းဆိုးဝါးတွေကို ဖယ်ရှားပစ်တယ်....ယွီက လမ်းရှင်းဖို့ဖြစ်ပြီး ချစ်ယိုက စစ်သည်တွေကို ရှောင်တယ်"

သူမလက်ထဲတွင် ဓားအစီအရင်ကို ကိုင်ထားကာ နတ်ဆိုး ဘုရားလောင်းဆီသို့ ညွှန်ပြလိုက်သည်။

"စည်းကမ်းအတိုင်း....သွား----"

သွေးစွန်းနေသော နတ်ဆိုး၏ ခန္ဓာကိုယ်သည် လှည့်ထွက်ရန် အခွင့်အရေးကို ယူလိုက်သော်လည်း ရှောင်ဝမ်စွင်း၊ ကျင်းဟုန်ရိနဲ့ လီကျင်းသို့တို့ ပုံရိပ်ယောင်တွေထဲက​နေ ပြန်နိုးလာခဲ့သည်။ ခါးသွယ်ဓားနဲ့ ပေါ်လောင်ဓားတို့ကလည်း ချက်ချင်း ပျံသန်းတော့သည်။ ထိုမှော်လက်နက်နှစ်ခုရဲ့ ယွမ်စွမ်းအင်က အစွမ်းထက်လွန်းလှသည်။

သွေးစွန်းနေသော ဘုရားလောင်းကြီးသည် ရုတ်တရက် မျက်လုံးဖွင့်၍ အဖွားရှားကို ကြည့်လိုက်စဥ် မမြင်ရသော စွမ်းအင်လှိုင်းက အဘွားရှားကို ပြင်းပြင်းထန်ထန် ရိုက်ခတ်သွားသည်။ အဘွားရှား ညည်းလိုက်ကာ ပါးစပ်ထောင့်မှ သွေးများ စီးကျလာသည်။

သူမ နှလုံးသားကလည်း ရုတ်တရက် အေးခဲသွားသည်။ အခွံမပါသော နတ်ဆိုး ဘုရားလောင်းသာ ယခင်ကထက် ပိုမိုအားကောင်းလာ၏။ နတ်ဆိုး ဘုရားလောင်း၏ လက် ရှစ်ချောင်းသည် သူ့​ခန္ဓာကိုယ်သူ အရူးအမူး ကုတ်ခြစ်ကာ အလွန်နာကျင်လှသော အသွေးအသား အပိုင်းအစများကို ဆုတ်ဖြဲပစ်လိုက်သည်။

နတ်ဆိုး ဘုရားလောင်းသည် နာကျင်စွာ ကုတ်ခြစ်နေလျှင်ပင် အပြာနှင့် ဖြူသော ကြွေသားအရေသည် မကြာမီ ထွက်လာသည်။

"ဘာလို့ မင်းကို မဖယ်​နိုင်​တာလဲ.... ငါဘာလို့ မင်းဆီကနေ မလွတ်​​မြောက်​နိုင်​ရတာလဲ"

နတ်ဆိုး ဘုရားလောင်းက စူးစူးဝါးဝါး အော်ဟစ်ရင်း လူလေးယောက်ကို ပြင်းထန်စွာ စိုက်ကြည့်နေသည်။

"မင်းတို့က ငါ့ကို လှောင်အိမ်ထဲမှာ ပိတ်ထားတယ်.. ငါ့အသွင်အပြင်ကို ဖျက်ဆီးပစ်လိုက်တယ်... ဒီနေ့ မင်းတို့အားလုံး ငါ့အစာ ဖြစ်လာစေရမယ်..."

အဝေးက တောင်ထိပ်မှာတော့ ဆန်းကြယ်မြွေတောင်ကြီးက ဒီမြင်ကွင်းကို သတိပြုမိတာကြောင့် သက်ပြင်းအသာချလိုက်ပြီး။

"သူတို့ မအောင်မြင်သေးဘူး"

"အစ်ကို.... ကျွန်တော် သွား​တော့မယ်"

ချန်ယင်တု မြွေကြီးအား ဦးညွှတ်လိုက်သည်။ ဆန်းကြယ်မြွေတောင်ကြီးက သူ နတ်ဆိုး ဘုရားလောင်းဆီသို့ လျှောက်သွားနေတာကို တိတ်တဆိတ် ကြည့်​နေခဲ့​လေသည်။ သို့သော် ကောင်းကင်နှင့် တောင်တန်းများကြားတွင် လူအိုတစ်ယောက်ရဲ့ အသံကို ကြားလိုက်ရသည်။

"ကောင်းကင်နဲ့မြေကြီးရဲ့ နက်နဲမှု.... စွမ်းအင်အားလုံးရဲ့ အမြစ်....မှော်အစွမ်းကို သက်သေပြဖို့ နှစ်ပေါင်းသန်းရာချီ ကျင့်ကြံခဲ့... သုံးလောကရဲ့ အတွင်းအပြင်မှာ တစ်ဦးတည်းသော အရာဖြစ်​ပေ၏!"

ထွက်လာသော ရုပ်သည် ကောင်းကင်နှင့်မြေကြီး၏ စွမ်းအင်ဖြင့် အမှန်တကယ် အကာအကွယ် ခံထားရသကဲ့သို့ ဖြစ်နေသည်။ သန်းရာနှင့်ချီသောဒုက္ခများအပြီးတွင် သဘာဝလွန်စွမ်းအားများကို တွေ့ကြုံခံစားခဲ့ရသည့်ပုံစံသည် အရပ်ပိုရှည်လာသည်။

"ငါ့ခန္ဓာကိုယ်ထဲမှာ ရွှေရောင်အလင်းတန်းရှိပြီး ငါ့ခန္ဓာကိုယ်ကို ရောင်ပြန်ဟပ်နေတယ်... အဲဒီအရာကို မမြင်ရဘူး မကြားရဘူး။ ကောင်းကင်နဲ့ မြေကြီးကို ဝန်းရံပြီး သက်ရှိသတ္တဝါ အားလုံးကို အာဟာရကျွေးတယ်.... ငါ့ခန္ဓာကိုယ်မှာ အလင်းရောင်ရှိတယ်!"

သူ၏ရွှေရောင် အလင်းတန်းသည် သူ့ခန္ဓာကိုယ်ကို ကာကွယ်ပေးထားသည်။ သူ့တစ်ကိုယ်လုံးသည် အလင်းရောင်များဖြင့် ပြည့်နှက်နေပြီး နတ်ဆိုးနယ်မြေကြီးကို တောက်ပသွားစေသည်။

"ဧကရာဇ်ငါးပါးရဲ့ အစောင့်အရှောက်တို့.... နတ်အပေါင်းတို့ ချီးမြှောက်လို့ မိုးကြိုးများ ပစ်ချကြကုန်.... နတ်တစ္ဆေဘုံ ချုပ်ငြိမ်းစေ... နတ်ဘီလူးတို့ ဆိတ်သုဉ်းစေ... အတွင်းမှာ မိုးကြိုးများ ရှိလို့ မိုးကြိုးနတ်ဘုရားရဲ့ အမည်ကို ဝှက်ထားခဲ့တယ်....ဉာဏ်ပညာ ကြည်လင်လို့ ရွှင်လန်းမှုငါးပါးတို့ တိုးပွားစေ...."

"ရွှေရောင်အလင်းတန်း မြန်မြန်ပေါ်လာလို့ ခန္ဓာကိုယ်ကို ကာကွယ်ပေးစေ!"

ရွှေရောင်အလင်းတန်းတွင် ထောင်နှင့်ချီသော အဆောင်ဆွဲသားချက်များ ထွက်ပေါ်လာသည်။ ၎င်းအလင်းရောင်များက ထက်မြက်သော တိမ်တိုက်များကဲ့သို့ လွင့်မျောနေသည်။ ထောင်ပေါင်းများစွာသော နတ်ဘုရား အရိပ်များ ထွက်ပေါ်လာပြီး မကောင်းဆိုးဝါး စွမ်းအင်များ ပြည့်နှက်နေသည့် နေရာဆီသို့ ဦးတည်သွား​နေခဲ့သည်။