တာအိုကျင့်ကြံခြင်းလမ်းစဉ်​၏အခြေခံအုပ်မြစ် 

အဖိုးကြီးလောင်​၏စိတ်ထဲတွင် ချိုးဝူယဲ့ဟူသောကောင်လေးအား အမှန်ပင်အံ့အားသင့်မိပါသည်။

ထိုကောင်လေးမှာ အမှန်ပင် ကံကောင်းလွန်းသူလားမပြောပြတတ်တော့ချေ။ ကံကောင်းလွန်းသူဟူပြောရအောင်လည်း ထိုသကောင့်သား ​၏တာအိုလမ်းကြောင်းမှာ မဟာတာအိုလမ်းကြောင်းကြီးဖြစ်နေပြန်​၏။ ဤအရာမှာအမှန်တကယ်ပင်နောက်စရာမဟုတ်ပေ။

"အဟမ်းကောင်းပြီ စကားများတာတွေဒီမှာရပ်ကြရအောင် အခုလောလောဆယ် မင်းရဲ့တာအိုကျင့်ကြံမှုကို ဘယ်လိုအစပျိုးရမလဲဘဲပြောရမယ်"

ချိုးဝူယဲ့မှာ အဖိုးကြီးလောင်ပြောသည့်တာအိုကျင့်ကြံမှုအကြောင်း အနည်းငယ်မျှပင်မသိသေးချေ။ ထိုအကြောင်းမေးရန်အလွန်ပင်စိတ်အားထက်သန်နေလေပြီ.....

"တာအိုကျင့်ကြံခြင်းကဘယ်လိုစသလဲ ဘယ်လိုကျင့်ကြံရမလဲ"

အဖိုးကြီးလောင်မှာ သူ​၏ရှည်ကျနေသော မုတ်ဆိတ်ဖြူများကို လက်ဖြင့်ပွတ်သပ်လိုက်ပြီး မာနကြီးသည့်ဆရာသခင်တစ်ပါး​၏လေသံဖြင့်.....

"တာအိုကျင့်ကြံခြင်းလမ်းစဉ်ကိုမစတင်ခင်မှာအုပ်မြစ် ၂ ခုကိုအရင်ချရတယ် အဲ့ဒီနှစ်ဆင့်ကို အပြင်အား နဲ့ အတွင်းအားလို့ခေါ်တယ်"

ချိုးဝူယဲ့မျက်နှာမှာထူးထူးဆန်းဆန်းပြန်ဖြစ်သွားပြန်သည် ယခု သူတတ်မြောက်ထားသည်မှာ အပြင်အားနှင့်အတွင်းအားမဟုတ်လော ကျွမ်းကျင်၍လည်း လူငယ်ပေါင်း သန်းချီရှိသည့် သောကန်ပြည်နယ်ကြီးတစ်ခုလုံးမှာပါ အဆင့်၃ ပါရမီရှင်ပင်ဖြစ်နေချေသည်။

အဖိုးကြီးလောင်မှာ ချိုးဝူယဲ့​၏အတွေးအားရိပ်မိပုံရသည်။

"အဟမ်း အတွေးမများပါနဲ့အုံး ဒီအဖိုးကြီးပြောတာအရင် နားထောင်ပါအုံး"

ချိုးဝူယဲ့ကခေါင်းတစ်ချင်ငြိမ့်လိုက်သည်။

"ကောင်းပီ ဆက်ရှင်းပြပါအုံး"

အဖိုးကြီးလောင်သည်ချောင်းတစ်ချက်ဟန့်လိုက်ပြီး စကားဆက်လိုက်​၏။

"အဟမ်း... အပြင်အားနဲ့အတွင်းအားမှာ သေမျိုးသိုင်းသမားတွေက နှစ်ခုလုံးကိုကျွမ်းကျွမ်းကျင်ကျင်ဖြစ်မြောက်တဲ့ လူတွေမရှိသလောက်ဘဲ တကယ်တော့ အတွင်းအားထက်အပြင်အားကိုအရင်လေ့ကျင့်ရတယ် အပြင်အားကိုလေ့ကျင့်ရာမှာ အဆင့်တစ်ခုထိရောက်သွားတာနဲ့ အတွင်းအားကိုပါတစ်ပြိုင်ထဲတွဲကျင့်ရတယ် အပြင်အားကိုအရင်ကျင့်ရတဲ့အကြောင်းအရင်းကလဲ ခန္ဓာကိုယ်လေ့ကျင့်မှုများမှ ခန္ဓာကိုယ်တွင်းကအညစ်အကြေးတွေကလည်းလျှော့နည်းလာမှာလေ"

အဖိုးကြီးလောင်ကစကားတစ်ထောက်ရပ်လိုက်ပြီးရေနွေးကြမ်းတစ်ကြိုက်သောက်ကာ စကားထပ်ဆက်လိုက်​၏။

"အညစ်အကြေးတွေ အနည်းငယ်ဖြစ်ဖြစ်လျှော့နည်းသွားတဲ့အခါ မရီးဒန်သွေးကြောတွေက ခန္ဓာကိုယ်လေ့ကျင့်မှုကြောင့် ပိုကျယ်လာတယ်ဆိုတာ မင်းသိထားရမယ် ပိုကျယ်လာတဲ့မရီးဒန်သွေးကြောတွေဟာ အတွင်းစွမ်းအင်တွေကိုချောချောမွေ့မွေ့လှည့်ပတ်စေဖို့များစွာအထောက်အကူပြုတဲ့အပြင် အခြားလူတွေထက်အတွင်းစွမ်းအင်တွေကို လျှင်မြန်စွာလှည့်ပတ်စေနိုင်တယ် အဲ့တာက မင်းရဲ့ အတွင်းအားလေ့ကျင့်မှု က အခြားလူတွေထက်အဆများစွာသာတယ်ဆိုတာ သိသာစေတယ်"

ချိုးဝူယဲ့​၏မျက်လုံးများဟာတောက်ပနေပြီး အဖိုးကြီး​၏ ရှင်းပြမှုများထဲတွင် နှစ်မြုတ်နေသည့်ပုံပင်။

"အတွင်းအားနဲ့အပြင်အားကို အစွန်းဆုံးအထိ နှစ်ပေါင်းများစွာလေ့ကျင့်ပြီးရင် တာအိုကျင့်ကြံမှုလမ်းစဉ်ထဲဝင်ရောက်နိုင်ဖို့ အရည်အချင်းပြည့်မှီပြီလို့ပြောလို့ရတယ်"

ချိုးဝူယဲ့သည်မရှင်းမလင်းဖြစ်နေသောအရာအား မေးလိုက်ပြန်​၏။

"ဒါဆို တာအိုကျင့်ကြံမှုလမ်းစဉ်ထဲဝင်ရောက်နိုင်ဖို့ ဘယ်လောက်ထိလေ့ကျင့်ဖို့လိုတာလဲ"

အဖိုးကြီးလောင်သည်ရယ်ရယ်ပြုံးပြုံးဖြင့် လက်တစ်ချောင်းထောင်ပြလိုက်​၏။

ချက်ချင်းပင် ချိုးဝူယဲ့ပြောလိုက်သည်။

"ဆယ်နှစ်လား"

အဖိုးကြီးလောင်က ခေါင်းခါရမ်းလိုက်ပြီး အက်သဲ့သဲ့အသံဖြင့်....

"အတွင်းအား နှစ်၁၀၀ နဲ့ ခန္ဓာကိုယ်သန်မာမှုက လူသားအကန့်အသက်ထိရောက်နေရမယ်"

မူလက ပျော်ရွင်နေသော ချိုးဝူယဲ့​၏ မျက်နှာသည် ရှုံ့တွသွားခဲ့သည်။

အဖိုးကြီးလောင်ကရယ်ရင်းဆက်ရှင်းပြသည်။

"အတွင်းအားနှစ်၁၀၀ နဲ့လူသားအကန့်အသက်သန်မာမှုဆိုတာမရှိမဖြစ် တာအိုကျင့်ကြံခြင်းလမ်းစဉ်ရဲ့အခြေခံဘဲ အတွင်းအားရော ခန္ဓာကိုယ်ရောအကန့်အသက်ထိရောက်သွားပီဆိုရင် သေမျိုးခန္ဓာကိုယ်ကို ကျင့်ကြံခြင်းခန္ဓာအဖြစ်ပြန်လည်တည်ဆောက်ရတယ် အဲ့ဒီအဆင့်ကို ပြန်လည်မွေးဖွားခြင်းအဆင့်လို့ခေါ်တယ် အဲ့ဒီအဆင့်မှာ သေမျိုးခန္ဓာရဲ့အင်္ဂါအစိတ်အပိုင်းကြီးငါးခုဖြစ်တဲ့ အရိုး အကြော အရွတ် ကြွက်သား အရေပြား တွေကို ကိုးကြိမ်တိတိနှစ်၁၀၀ အတွင်းအားနဲ့ဖိအားပေးပြီးအညစ်အကြေးတွေစွန့်ထုပ်သန့်စင်ရတယ် အဲ့ဒီအဆင့်ကို ပြန်လည်မွေးဖွားခြင်းကိုးလွာ လို့ခေါ်တယ် အဲ့ဒီကိုယ်တွင်းအင်္ဂါငါးခုလုံးကို ကိုးကြိမ်တိတိသန့်စင်ပြီးမှ အညစ်အကြေးကင်းစင်တဲ့ တာအိုခန္ဓာရရှိလာမယ်"

ချိုးဝူယဲ့က မယုံကြည်နိုင်မှုများဖြင့်အံ့အားသင့်စွာကြက်သေသေနေမိသည်။ သောကန်ပြည်နယ်ရှိ အသန်မာဆုံးသိုင်းသမားပင် နှစ်ပေါင်း၈၀ အတွင်းအားအပြင် ပြင်ပအားခန္ဓာကိုယ်လေ့ကျင့်ခြင်းတွင် တစ်ပြိုင်ထဲလေ့ကျင့်ပြီးကျွမ်းကျင်ခဲ့သော ပါရမီရှင် သိုင်းသမား ချင်းဖုန်းတောင် တာအိုကျင့်ကြံမှုစတင်ရန် အရည်အချင်းမပြည့်မီသေးဟု ထင်မိပါသည်။ ထိုကျင့်ကြံခြင်းဆိုသည်မှာ အမှန်တကယ်ပင် ခတ်ခဲလွန်းသော အရာဖြစ်သည်။

ထိုအချိန်အဖိုးကြီးလောင်​၏အသံသည်ပြန်ဆက်လာခဲ့သည်။

"အဟမ်း... အဲ့တာကြောင့်နှစ်၁၀၀ အတွင်းအားရဲ့ဖိအားဒဏ်ကို ခံနိုင်ရည်ရှိဖို့အတွက်ခန္ဓာကိုယ်ကို လူသားအကန့်အသက်ထိလေ့ကျင့်ဖို့လိုတာ အဲ့တာမှမဟုတ်ဘဲ ခန္ဓာကိုယ်ကိုအကန့်အသက်အထိမလေ့ကျင့်ဘဲ နှစ် ၁၀၀ အတွင်းအားနဲ့ ကိုယ်တွင်းအင်္ဂါတွေကိုဖိအားသွားပေးလိုက်ရင် အဲ့ဒီကိုယ်တွင်းအင်္ဂါတွေက တစ်စစီကွဲကြေပြီး သေဆုံးရလိမ့်မယ် "

အဖိုးကြီးလောင်ကကြောက်စရာကောင်းသောအသံဖြင့် အသံကိုတမင်ပိုအက်စေလိုက်သည်။

ဒါကြောင့် သေမျိုးခန္ဓာကနေတာအိုအုပ်မြစ်ခန္ဓာ ကိုရရှိဖို့ ကို့ခန္ဓာနဲ့ကိုဖျက်စီးလုနီးပါးအထိ အတိဒုက္ခကိုခံစားကြရတယ် ကိုယ်တွင်းအင်္ဂါငါမျိုးကိုဖိအားပေးဖို့ အတွင်းအားတွေကို မတူညီတဲ့သွေးကြော ဆုံမှတ်တွေမှာဖိအားပေးရတယ် အဲ့ဒီ သွေးကြောဆုံမှတ်တွေက စုစုပေါင်း ၂၄၆ ခုရှိတယ် အဲ့ဒီသွေးကြောတစ်ခုချင်းစီရဲ့ ဆုံမှတ်တွေကို အစဉ်လိုက် ဖိအားပေး ရတယ် သွေးကြောတစ်ခုမှားပြီးဖိအားပေးမိရင် သွေးကြောကနေအတွင်းအားဖောက်လွဲဖောက်ပြန်ဖြစ်သွားလိမ့်မယ် ဒါကြောင့် အတိဒုက္ခငါးပါးဆိုတဲ့ အခြေခံအကျဆုံး ဖိအားလမ်းညွှန်ကိုတီထွင်ခဲ့ကြတယ်"

ချိုးဝူယဲ့သည်သူမသိသောအကြောင်းအရာများကိုနားထောင်ရသည်ဖြစ်သောကြောင့် အလွန်ပင်မှင်သက်နေမိသည် အချိန်တချို့ကြာပြီးနောက်မှာတော့ချိုးဝူယဲ့​၏မျက်လုံးများသည်အဖိုးကြီးလောင်​၏ရှင်းပြချက်များကြောင့်မျက်လုံး လင်းလတ်သွားပြီး.....

 "အဲ့ဒီလမ်းညွန်ကိုကျွန်တော်ကြည့်လို့ရမလား"

အဖိုးကြီးလောင်က ခေတ္တတုံ့ဆိုင်းသွားပြီးနောက်...

"ကောင်းပီလေ ဒါပေမဲ့ဘာမှလျှောက်မလုပ်ဖို့တော့ ငါအကြံပေးလိုက်မယ် အမ်း ခနလေး မင်းအတွက်ဒီကျင့်စဉ်ကိုပါပေးလိုက်မယ် ဒီကျင့်စဉ်နဲ့ဆို မင်းအလျှင်အမြန်ဘဲ နှစ်၁၀၀ အတွင်းအားနဲ့လူသားအကန့်အသက်သန်မာမှုကိုရရှိနိုင်လိမ့်မယ်"

ချိုးဝူယဲ့မှာမူ ယခုသေလောက်အောင်ပျော်ရွှင်နေချေပြီ အစွမ်းထက်ကျင့်စဉ်နဲ့ တာအိုကျင့်ကြံမှုဂိတ်တံခါး​၏ လက်မှတ်ဟုပင်တင်စားနိုင်သည့် အတိဒုက္ခငါးပါးလမ်းညွှန်ကိုပင်ရရှိပေတော့မည်။ထို့အပြင် ပြန်လည်မွေးဖွားဖြင်းအဆင့်အထက်မှ နယ်ပယ်ကိုလဲသိလိုပါသေးသည်။ချိုးဝူယဲ့စိတ်လှုပ်ရှားစွာပင်မေးလိုက်မိသည်။

"ဒါဆိုအဖိုးကြီးလောင် ပြန်လည်မွေးဖွားခြင်းအဆင့်ရဲ့အထက်မှာကော ဘာအဆင့်ရှိလဲ"

"အို...လူငယ်လေးမင်းရဲ့သိခြင်တဲ့စိတ်ကအတော်များသားပဲကွဟေ"

ထို့နောက်အဖိုးကြီးလောင်မှာခနသာတိတ်ဆိတ်သွားပြီး.....

"ပြန်လည်မွေးဖွားခြင်းအဆင့် ရဲ့အထက်မှာ သဘာဝလွန်မြောက်ခြင်းအဆင့်ရှိတယ် ဒြပ်စင်ငါးပါးနဲ့အခြားသောဒြပ်စင်တွေ ကိုသိမြင်ပြီးအသုံးပြု ထိန်းချုပ်နိုင်တယ် ကောင်းကင်နဲ့မြေပြင်မှာအဆုံးမဲ့ပျံသန်းနိုင်ကြတယ် အရှင်းဆုံးနည်းနဲ့ပြောရရင် အဲ့ဒီအဆင့်ကလူတစ်ယောက်က တောတွေ တောင်တွေ မြို့တွေကိုဒြပ်စင်စွမ်းအားတွေနဲ့ဖျက်စီးပစ်နိုင်တယ် သေမျိုးတွေရဲ့အမြင်မှာနတ်ဘုရားသဖွယ်ကြီးမြတ်ကြတယ် ဒါ့အပြင် အဲ့ဒီအဆင့်ကိုရောက်သွားရင် စစ်မှန်တဲ့ တာအိုကျင့်ကြံသူဖြစ်ပြီလို့သတ်မှတ်လို့ရတယ်......ကဲထားပါလေ မင်းရဲ့အဆင့်နဲ့ဆို အရမ်းကိုအလှန်းဝေးလွန်းတယ် အခုလောလောဆယ်မင်း တာအိုကျင့်ကြံခြင်းလမ်းစဉ်ကိုစဝင်နိုင်ဖို့ဘဲတွေးသင့်တယ်"

မည်သို့ပင်ဖြစ်စေ ချိုးဝူယဲ့မှာ တောတောင်မြစ်ချောင်းများကိုဖျက်စီးကာ သဘာဝကိုကွဲလွဲစေနိုင်သော တန်ခိုးရှင်များအကြောင်းကြားလိုက်ရရုံဖြင့် သွေးများပင် ပွက်ပွက်ဆူလာခဲ့သည်။

"အဟမ်း အဟမ်း"

ထိုအချိန်တွင်အတွေးကောင်းများကို အဖိုးကြီးလောင်မှာနှောင့်ယှက် ဖျက်စီးလိုက်လေသည်။ ချိုးဝူယဲ့မှာ အတွေးလွန်နေခြင်းမှ မျက်နှာသည်ချက်ချင်းပင်တည်တည်တံ့တံ့ပြန်ဖြစ်သွားခဲ့သည်။

"ကောင်းပြီ ဒီမှာ"

"ဝှစ်"

အဖိုးကြီးလောင်ပစ်လွှတ်လိုက်သော အလင်းတန်းတစ်ခုဟာ ချိုးဝူယဲ့​၏ ခေါင်းထဲသို့ရောက်ရှိသွားခဲ့သည်။

အချိန်ခနကြာပြီးနောက် ချိုးဝူယဲ့မျက်လုံးပြန်ပွင့်လာခဲ့သည် သူ​၏မျက်လုံးများသည် တောက်ပလျှက်ရှိပြီး အဖိုးကြီးလောင်ပေးလိုက်သောကျင့်စဉ်များကိုအလွန်သဘောကျသည့်ပုံပင် သူသည်အလျင်အမြန်ဘဲပြန်၍လေ့ကျင့်ချင်နေလေပြီ......

ထိုအချိန်အဖိုးကြီး​လောင်​၏ အသံထပ်မံထွက်ပေါ်လာပြန်သည်။

"ဟင်းလင်းပြင်ဓားတန်ခိုးရှင်ချိုးထျန်းကျီရဲ့ အိမ်ကိုရောက်လာပြီး သူရဲ့အခြေခံအမွေလေးတောင်မရဘူးဆို ယုတ္တိမကျပေဘူး ရော့ ဒီမှာ"

အဖိုးကြီးလောင်ဆီမှ အလင်းနဲ့ပြန်ပစ်ခံလိုက်ရပြီးနောက် အဖိုးကြီးလောင်က လက်တစ်ချက်ပြန်၍ဝေ့ရမ်းလိုက်သည်။

"ပြန်လည်မွေးဖွားခြင်းအဆင့်ကိုရောက်မှပြန်လာခဲ့အဲ့ဒီအချိန်မှမင်းရဲ့တကယ့်အမွေဆက်ခံခြင်းကစတင်မှာ"

"ဝုန်း" 

ချိုးဝူယဲ့​၏အသိစိတ်သည်လွင့်ထွက်သွားပြီး မှောင်မိုက်သွားခဲ့သည်။

..........................

ပြီး...