ဟင်းလင်းပြင်ဓားသိုင်း​၏လျှို့ဝှက်ချက်

ခန်းမထဲမှ ချိုးဝူယဲ့ထွက်လာပြီးနောက်........

"နယ်စားမင်းချိုး ခင်ဗျားတို့ချိုးအိမ်တော်က ပါရမီရှင်က လူတွေနဲ့ဆက်ဆံရတာသိပ်သဘောကျပုံမရဘူးပဲ"

ဤစကားအားပြောလိုက်သောသူမှာအခြားလူမဟုတ်ပေ ယဲ့အိမ်တော်​၏ သခင်ကြီးယဲ့ ပင်ဖြစ်သည်။ သူတို့ချိုးအိမ်တော်လာရသည့်ရည်ရွယ်ချက်မှာအခြားအကြောင်းအရာများကြောင့်မဟုတ်ပေ ချိုးဝူယဲ့ အားစိန်ခေါ်တိုက်ခိုက်ပြီးရလဒ်အားမှတ်တမ်းတင်ရန်ရောက်ရှိလာခဲ့ခြင်းဖြစ်သည်။ သခင်ကြီးယဲ့နှင့်အတူ သောကန်ပါရမီရှင်စာရင်းအားစောင့်ကြည့်သတ်မှတ်သူပါရောက်ရှိလာခဲ့ခြင်းဖြစ်သည်။

ခန်းမကြီး​၏အဓိကခုံတွင်ထိုင်နေသော ချိုးအိမ်တော်သခင်ကြီး က မဲမှောင်နေသောမျက်နှာပျက်ဖြင့်သခင်ကြီးယဲ့အား စိုက်ကြည့်လိုက်ပေမဲ့ မည်သည့်အရာမှပြန်မပြောနိုင်ခဲ့ပေ။

ယဲ့အိမ်တော်သခင်ပြောသည်မှာလည်းမှန်ပေ​၏။ ဤချိုးဝူယဲ့မှာ ငယ်စဉ်ထဲကပင်တသီးတခြားနေတတ်ပြီး အခြားကလေးများနှင့်အတူဆော့ကစားခြင်းထက်သိုင်းကျင့်နေရခြင်းကိုပို၍နှစ်သက်သည်။ ထိုအချက်ကြောင့်ပင် ချိုးဝူယဲ့မှာ ၁၂ နှစ်သားအရွယ်ဖြင့်ချိုးအိမ်တော်​၏ထိပ်တန်းပါရမီရှင်ဖြစ်လာခဲ့သည်။

ဘေးနားခုံရှိ ချိုးဝူယဲ့​၏ဖခင်မဟာအကြီးအကဲမှာတော့သက်ပျင်းသာချ၍နေတော့သည်။ဤကောင်လေးအားအမှန်ပင်မထိန်းနိုင်တော့ချေ တစ်နေ့ထက်တစ်နေ့ပိုပို၍အေးစက်လာသောကြောင့်ပင်။

.......................

ချိုးဝူယဲ့သည် အိမ်တော်​၏ခန်းမှအတွင်းမှထွက်လာပြီး နေ့တိုင်း သိုင်းကျင့်ရသောစိတ်ကြောင့် ယခုအပန်းဖြေချင်လာခဲ့​သည်။ သူ​၏ဝိဉာဉ်မှာ ဤခန္ဓာပိုင်ရှင်ချိုးဝူယဲ့​၏ဝိဉာဉ်ဖြင့်ပေါင်းစည်းသွားခြင်းဖြစ်သောကြောင့်လားမသိပေသူ​၏အကျင့်စရိုက်များသည်များစွာပြောင်းလဲသွား​၏။အရင်ဘဝမှချိုးဝူယဲ့သည် မိဘမဲ့တစ်ကောင်ကြွက်ဖြစ်ပြီး ငယ်စဉ်ကပင် မိဘမဲ့ဂေဟာ ၌ကြီးပျင်းလာကာ အရွယ်ရောက်သည့်အခါတွင် သိပ်မကြီးသော ကုန်စုံဆိုင်တစ်ဆိုင်အားဖွင့်နိုင်ရန်များစွာကြိုးစားပြီးနောက် အတော်အတင့်ချမ်းသာသောသူတစ်ဦးဖြစ်လာခဲ့သည်။ သို့သော် ချမ်းသာသောဘဝမှာ သိပ်ကြာရှည်မခံလိုက်ပေ။ ဤလောကသို့ပို့လိုက်သော ဟင်းလင်းပြင်အက်ကွဲကြောင်း ကြောင့်ပင်ဖြစ်သည်။

ချိုးဝူယဲ့သည် ချိုးအိမ်တော်အတွင်းဦးတည်ရာမဲ့စွာ လျှောက်သွားလျှက်ရှိပြီး သူ​၏စိတ်သည်အတွေးထဲတွင် နှစ်မြုတ်နေပုံပင်။ ချိုးအိမ်တော်ခြံဝင်းမှာ အလွန်ကြီးမားသောကြောင့် လမ်းလျှောက်သွားလျှင် တစ်နေကုန်လျှောက်မှ ခြံဝင်းတစ်ပတ်ပတ်မိရန်ပင်မလွယ်ကူလှပေ။

ခနတာလမ်းလျှောက်ပြီးနောက် ချိုးဝူယဲ့ရပ်လိုက်သည်။ အကြောင်းအရင်းမှာ သူစိတ်ဝင်စားစရာတစ်ခုခုအားတွေ့လိုက်သောကြောင့်ဖြစ်သည်။ ဤသည်မှာ လေ့ကျင့်ရေးကွင်းထဲတွင်အသက် ၁၀နှစ်အရွယ်ကလေးနှစ်ယောက် ဓားသိုင်းပညာဖြင့်တိုက်ခိုက်နေကြခြင်းကြောင့်ဖြစ်သည်။ ချိုးဝူယဲ့မှာ ထိုကလေးနှစ်ယောက်အသုံးပြုနေသောဓားသိုင်းပညာ ​၏ အားနည်းချက်အားသာချက်များကို မျက်လုံးဖြင့်ထင်းနေအောင်မြင် နေရသောကြောင့်ဖြစ်သည်။ ပထမလေးသည် ဓားကွက်ဖော်ရာတွင် နှေးကွေးပြီးအားနည်းချက်အပြည့်ပင် ။ ဒုတိယကလေးမှာ အနည်းငယ်တွက်လတ်သော်လည်း ဓားကွက်ဖော်နည်းမှားယွင်းနေခဲ့သည်။ချိုးဝူယဲ့မျက်ခုံးလှုပ်လှုပ်ရှားရှားဖြစ်သွားပြီး ပွဲပြီးအောင်ပင်မကြည့်ပဲ သူ​၏ခြံဝင်းအတွင်းသို့လျှင်မြန်စွာပြန်သွားတော့သည်။

"ကျစ်"

ပထမကလေးသည် ဒုတိယကလေး​၏ တိုက်ခိုက်မှုကြောင့်ခြေလှမ်းအနည်းငယ်နောက်ဆုတ်လိုက်ရ​၏။ ဒုတိယကလေးသည် ချက်ချင်းပထမကလေး​၏ အနားသို့ကပ်လိုက်လာပြီး သစ်သားဓားဖြင့် ထောင့်ဖြတ်ခုတ်ချလိုက်​၏။ 

ပထမကလေးသည် လျှင်မြန်စွာဖြင့်ရှောင်တိမ်းလိုက်ပြီး ဒုတိယကလေးအား ဖြတ်ကန်လိုက်သည်။

"ဘန်း"

ထို့နောက် ပထမကလေးသည်ဒုတိယကလေးအနားသို့ချက်ချင်းရောက်ရှိလာပြီးနောက်မထရသေးသောဒုတိယကလေးအား သစ်သားဓားဖြင့်ရွယ်ကာ....

"မင်းရှုံးပြီ"

ဒုတိယကလေးသည် ရှုံးသွားသော်လည်း မျကိနှာတွင်စိတ်ပျက်မှုများအားမတွေ့ရဘဲ ပြုံးပြုံးရွင်ရွင်ပင်။

"ချိုးကျင်း မင်းရဲ့ ဓားပညာထပ်တိုးတက်လာပြန်ပြီပဲ "

ပထမကလေးက ရယ်လိုက်ပြီး...

"ဟားဟား ချိုးဝူယဲ့နဲ့ယှဉ်ရင်တော့ငါ့ရဲ့သိုင်းပညာကဘာမှမဟုတ်သေးပါဘူးကွာ"

....................

ခြံဝင်းအတွင်းသို့ပြန်ရောက်လာချိန်တွင် ချိုးဝူယဲ့ပထမဆုံးလုပ်သောအရာမှာ ခန္ဓာကိုယ်လေ့ကျင့်ခြင်းပင်  အလေးတုံးအပြည့်ထည့်ထားသော အိပ်တစ်လုံးအား ကျောတွင်တင်၍ သူ​၏ခြံဝင်းအားစပတ်ပြေးလေတော့သည်။

တစ်ပတ်... နှစ်ပတ်... သုံးပတ်... ငါးပတ်... ဆယ်ပတ်... ဆယ့်ခုနှစ်ပတ်... နှစ်ဆယ့်သုံးပတ်ရောက်မှသာရပ်တန့်လိုက်လေ​၏။ ဤကဲ့သို့လေ့ကျင့်ခြင်းကို လွန်ခဲ့သည့်ရက်အနည်းငယ်ကမှစ၍လေ့ကျင့်ခဲ့ခြင်းဖြစ်သည်။ ချိုးဝူယဲ့သည် ချွေးတန်တရွဲရွဲဖြစ်နေသောကြောင့်ခနနားလိုက်ပြီးနောက် အတွင်းအားလေ့ကျင့်ရန်မက်မွန်ပင်အောက်ခြေတွင်နေရာတစ်ခုရှာ၍ထိုင်လိုက်​၏။

မဟာသိဒ္ဓိကျင့်စဉ်​၏နည်းလမ်းအတိုင်းအတွင်းအားများကို သွေးကြောအတွင်းတွင် တစ်ပတ်ပြည့်အောင်လည်ပတ်လိုက်သည်။ သေကြောလည်ပတ်ပုံနှင့် အတွင်းအားလွတ်နည်းများကွာဟမှုကြောင့်လားမသိပေ မဟာသိဒ္ဓိကျင့်စဉ်မှာ သိုင်းလောကရှိထိပ်တန်းကျင့်စဉ်များထက်ပင် နှစ်ဆ သုံးဆပို၍မြန်ပါသည်။အတွင်းအားလည်ပတ်ခြင်းအား အခေါက်နှစ်ဆယ်ပြည့်သည့်အခါတွင်ရပ်တန့်လိုက်ရ​၏။

သူရပ်တန့်ချင်လွန်း၍တော့မဟုတ်ပေ။ သွေးကြောများဖောင်းလာသောကြောင့်ပင်ဖြစ်သည်။ ၁၄ နှစ်သားအရွယ်ဖြင့် အတွင်းအား အပတ်၂၀ လည်ပတ်နိုင်ခြင်းဆိုသည်မှာမယုံကြည်နိုင်စရာပင် သာမာန်အရွယ်ရောက်ပြီးသား လူတစ်ယောက်သာ အတွင်းအား အခေါက်၂၀ နှင့် ၃၀ ကြားလည်ပတ်နိုင်သည်။ ယခုလိုအသက် ၁၈ ပင်မပြည့်သေးသောသူများသည် အတွင်းအား ၁၀ ပတ်လှည့်နိုင်ရန်ပင်ခတ်ခဲနေချေပြီ။ သို့သော် ချိုးဝူယဲ့မှာ တစ်ထိုင်တည်းနှင့် အတွင်းအား အခါ ၂၀ လှည့်ပတ်နိုင်ခြင်းကြောင့် မျိုးဆက်တူ လူငယ်များထက် အတွင်းအားအရာတွင်အဆပေါင်းများစွာသာ​၏။သူယခုအဓိကလိုအပ်နေသည်မှာ ခန္ဓာကြံ့ခိုင်အောင်လေ့ကျင့်ခြင်းပင်။

ချိုးဝူယဲ့သည် အတွင်းအားလေ့ကျင့်ပြီး နောက်တွင် သစ်သားဓားတစ်ချောင်းအားယူလိုက်ကာ ဓားသိုင်းအားစတင်လေ့ကျင့်တော့သည်။ ဇီးပန်းကြွေဓားကွက် ၄ ကွက်အား တစ်ကွက်ပြီးတစ်ကွက် ချောမွေ့စွာထုပ်ဖော်သွားခဲ့သည်။ ဇီးပန်းကြွေဓားသိုင်းအဆုံးတွင်လေ့ကျင့်မှုများအားမရပ်တန့်သေးဘဲ လှိုင်းကိုးလွာဓားသိုင်းအားစတင်လေ့ကျင့်တော့သည်။ လှိုင်းကိုးလွာဓားသိုင်းသည် သိုင်းကွက် ၉ ကွက်ပါဝင်ပြီးရန်သူအားကြီးမားသော ရေလှိုင်းလုံးကြီးများဖြင့်ရိုက်ခတ်ခံရသဖွယ်ပင်တိုက်ခိုက်နိုင်ပေ​၏။ ရန်သူအား တစ်လှိုင်းပြီးတစ်လှိုင်း ရိုက်ခတ်စေနိုင်ပြီး ရန်သူဘက်ကလူများနေလျှင်ပင် ကူရာမဲ့စွာဖြင့်သာ အစွမ်းကုန်ခုခံကြရပေမည်။ ဤသည်မှာ ချိုးအိမ်တော်​၏ ထိပ်တန်းသိုင်းပညာဖြစ်သည့် လှိုင်းကိုးလွာဓားသိုင်းပင်ဖြစ်သည်။

လှိုင်းကိုးလွာဓားသိုင်းအား ၉ ကွက်လုံးထုပ်ဖော် ရန်ခတ်ခဲလှသည် ချိုးအိမ်တော်​၏ ဒုတိယမြောက်ပါရမီရှင်သည်ပင် ယခုအချိန်ထိ လှိုင်း ၆လွာမြောက်သာထုပ်ဖော်နိုင်သေး​၏။ ချိုးဝူယဲ့ပင်လျှင်ယခင်က လှိုင်း၇ လွာမြောက်သာထုပ်ဖော်နိုင်​၏။ သို့သော်လွန်ခဲ့သည့် အပတ်အနည်းငယ်မှစ၍ ဤဓားသိုင်းအားအပြည့်အဝထုပ်ဖော်နိုင်ခဲ့​၏။ ဝိဉာဉ်ခွဲထွက်ခြင်းကျင့်စဉ်ကြောင့် သူ​၏နားလည်နိုင်စွမ်းသည်များစွာမြင့်တက်သွား​၏။

လှိုင်းကိုးလွာဓားသိုင်းအားထုပ်ဖော်ပြီးသည်နှင့် ချိုးထျန်းကျီ​၏ ဟင်းလင်းပြင်ဓားသိုင်းအားစတင် လေ့ကျင့်တော့သည်။ 

"ရွီး ရွီး"

"ဝှစ်"

ဓားချက်များသည်လေဟာနယ်၌နေရာအပြည့်အဝယူထား​၏ ဤအချက်သည် မည်သည့်ဓားသိုင်းမှ မရှိဘူးသော အချက်ပင်ဖြစ်သည်။ ဟင်းလင်းပြင်ဓားသိုင်းတစ်ခုထဲသာ ဤသို့လုပ်ဆောင်နိုင်ပေ​၏။ဓားသိုင်းလေ့ကျင့်ရာတွင်စီးမျှော နေသောချိုးဝူယဲ့​၏ အတွေးထဲတွင် အတွေးတစ်ခုပေါ်လာ​၏။ ချိုးဝူယဲ့မှာ ဓားသိုင်းတွင်စီးမျှောခြင်းမှတစ်ဆင့် သစ်သားဓားအပေါ်သို့ အတွင်းအားများစီးဝင်စေလိုက်ပြီး အတွင်းအားကြောင့်သစ်သားဓားမပြိုကွဲစေရန် ဟန်ချက်ညီညီဖြင့် လေ့ကျင့်နေခဲ့​၏။ ထို့နောက်အတွင်းအားအလုံအလောက်ထည့်ပြီးသောအခါတွင်ချိုးဝူယဲ့က သစ်သားဓားအား ခြံဝင်းအတွင်းရှိ သစ်ပင်ရှိရာအရပ်သို့အားကုန် လှည့်ကာရမ်းလိုက်သည်။

"ရွမ်"

 လေထုကိုတစ်ခုခုကဖြတ်တောက်သွားသည့်အသံပေါ်လာပြီးနောက် ပြန်လည်တိတ်ဆိတ်သွား​၏။ ချိုးဝူယဲ့သည်ဓားသိုင်းလေ့ကျင့်နေရာမှရပ်တန့်လိုက်ပြီးနောက် သူ​၏ဓားအားလှည့်ကာရမ်းလိုက်သည့်သစ်ပင်ရှိရာသို့ပြေးသွားလိုက်သည်။သစ်ပင်အားမြင်သောအခါ ချိုးဝူယဲ့မှာအလွန်အံ့ဩသွား​၏။ အဘယ်ကြောင့်ဆိုသော်သစ်ပင်​၏ အလယ်တွင် ဖြတ်တောက်ခံထားရသည့်ဓားရာတစ်ခုရှိနေသောကြောင့်ပင်ဖြစ်သည်။  ဓားရာသည် သိပ်မနက်ချေ ၃စင်တီမီတာလောက်သာနက်ပြီး အလျားလိုက်မှာတော့ သစ်ပင်တစ်ခုလုံးပင်ဖြစ်သည်။

ချိုးဝူယဲ့အလွန်ဝမ်းသာသွား​၏။ ထိုအရာမှာသူ​၏ ဓားသိုင်းတွင်စီးမျှောစေသောအကျိုးသက်ရောက်မှုနှင့် ဟင်းလင်းပြင်ဓားသိုင်း​၏လျှို့ဝှက်ချက်ကိုပို၍နားလည်သွားစေခဲ့သည်။ သူ့မှာဝှက်ဖဲတစ်ချက်ရလေပြီ။

.................

 ပြီး...