ကျုပ်နာမည်က ယီချိုး

ချိုးယီအား လူဆယ့်တစ်ယောက်ကဝိုင်းထားလိုက်ပြီး ဓားများ ဖြင့်ချိန်ရွယ်ထားခဲ့ကြသည်။

ချိုးယီသည် သူ​၏ပတ်ပတ်လည်အား အေးစက်စက်ဖြင့်တစ်ချက်ကြည့်လိုက်သည်။

ရေခဲတမျှအေးစက်သောအရှိန်အဝါများက ချိုးယီ​၏ပတ်ဝန်းကျင်တွင်ပျံ့နှံ့နေပြီးလေထုပင်အေးခဲတော့မလိုပင်။

ချိုးယီ လက်တစ်ဖက်အားနောက်ပစ်၍နောက်တစ်ဖက်အား လက်ဝါးဖြန့်ထုပ်ကာအသင့်ပြင်ထားလိုက်​၏။ ထို့နောက်ဘေးဘီဝဲယာသို့ အာရုံစူးစိုက်လိုက်သည်။

"တိုက်"

ခေါင်းတုံးနှင့်လူက အော်လိုက်ပြီး သူအရင်ခုန်ဝင်သွားလိုက်​၏။ သူ​၏လက်ဝါးထဲတွင်အတွင်းအားအပြည့်ထည့်ပြီး ချိုးယီအား အပေါ်စီးမှတိုက်ခိုက်လိုက်​၏။

"ဝုန်း"

ခေါင်းတုံးနှင့်လူ​၏လက်ဝါးမှ အတွင်းအားအရှိန်အဝါ စွမ်းအင်လှိုင်းများသည် ဘေးပတ်ပတ်လည်သို့ပျံ့နှံ့သွားခဲ့သည်။ 

ချိုးယီသည် ထိုခေါင်းတုံးနှင့်လူအားတစ်ချက်ကြည့်လိုက်ပြီး သူ​၏ လက်မောင်းအားဆန့်ကာ လက်ဝါးဖြန့်ထုတ်လိုက်​၏။ အေးစက်သောအရှိန်အဝါများနှင့်တကွ ကြီးမားသော အေးစက်စက်စွမ်းအင်လှိုင်းများသည်လက်ဝါးတစ်ဝိုက်မှ ထွက်ပေါ်လာခဲ့သည်။

"ဘန်း"

"ဝုန်း..ဝုန်း"

သွေးပုဆိန်အဖွဲ့ခေါင်းဆောင်ခေါင်းတုံးနှင့်လူ​၏ လက်ဝါးနှင့် ချိုးယီ၏ လက်ဝါး အချင်းချင်းရိုက်မိသွားခဲ့သည်။ ကြီးမားစွာတွန်းကန်နေသည့်စွမ်းအင်လှိုင်းများက ၎င်းတို့ နှစ်ယောက်လက်ဝါးများထံမှထွက်ပေါ်လာခဲ့သည်။သို့သော် ခေါင်းတုံးနှင့်လူ​၏လက်ဝါးသည်ဆက်တိုက်နောက်ဆုတ်ပေးနေရပြီး နောက်ဆုံးတွင် ချိုးယီ​၏အေးစက်စက်လက်ဝါးကြောင့် လွင့်ထွက်သွားခဲ့သည်။

"အုန်း"

ခေါင်းတုံးနှင့်လူသည်အစွမ်းထက်သောသိုင်းသမားဖြစ်သော်လည်း ချိုးယီနှင့် အချိန်အနည်းငယ်မျှပင် မတိုက်ခိုက်နိုင်ခဲ့ချေ။

ခေါင်းတုံးနှင့်လူသည် လွင့်ထွက်သွားပြီးနောက် ခြေလှမ်းများစွာနောက်ဆုတ်ပြီးမှသာ ခန္ဓာကိုယ်အားဟန်ချက်ညီအောင်ထိန်းနိုင်ခဲ့သည်။

"ညီအကိုတို့ အတူတူတိုက်ရအောင်"

ခေါင်းတုံးနှင့်လူကအော်လိုက်ပြီး အားလုံးတစ်ပြိုင်ထဲအတူတူတိုက်ရန်လှုံ့ဆော်လိုက်​၏။

ကျန်သည့်လူဆယ်ယောက်ကလဲ လက်နက်များဖြင့် ချိုးယီထံသို့ပြေးသွားကာ တိုက်ခိုက်လိုက်သည်။

ချိုးယီသည်တိုက်ခိုက်မှုများအားလုံးကို ငရှဉ့်တစ်ကောင်ကဲ့သို့ကွေ့ကောက်ရှောင်ရှားကာ တိုက်ခိုက်မှုများလွတ်ကင်းသောအချိန်တွင်လေပေါ်သို့ ခန္ဓာကိုယ်ကိုလှည့်ပတ်၍ခုန်တက်လိုက်​၏။သူ​၏ခြေထောက်တစ်ဖက်သည် လူဆယ်ယောက်​၏တိုက်ခိုက်သောလက်နက်များ​၏ အလယ်ဆုံမှတ်တွင် ခြေဖျားထောက်၍ရပ်လိုက်​သည်။

ဘေးနားမှကြည့်နေသော မိန်းကလေးနှင့်လူငယ်လေးတို့မှာ တအံတဩဖြစ်၍ပါးစပ်များကိုပင်လက်ဖြင့်ပိတ်ထားလိုက်သည်။

ချိုးယီ​အားနောက်ကျောမှ ချောင်းတိုက်ရန်ပြင်နေသော ခေါင်းတုံးနှင့်လူပင်လှုပ်ရှားမှုများရပ်တန့်သွား​၏။

တိုက်ခိုက်နေသော သွေးပုဆိန်အဖွဲ့သားဆယ်ယောက်သည် ကြောင်အသွားကြပြီး သူတို့​၏လက်နက်များအားပြန်ဆွဲယူလိုက်​၏။ သို့သော်လက်နက်ဆယ်ခုလုံးသည် ချိုးယီ​၏ အေးခဲခြင်းအတွင်းအားဖြင့် တောင့်ခဲနေပြီးလက်နက်များအား ကပ်လျှက်ထားလိုက်​၏။

သွေးပုဆိန်အဖွဲ့သားများ သူတို့​၏လက်နက်များကိုမည်မျှပင်ဆွဲယူစေကာမူ လက်နက်များသည်တုတ်တုတ်မျှပင်မလှုပ်ချေ။

ချိုးယီသူ​၏ခြေထောက်အားရုပ်သိမ်းလိုက်ပြီး လေပေါ်တွင်ခန္ဓာကိုယ်အားလှလှပပဖြင့်တစ်ပတ်လည်ကာ လက်နက်များစုနေသော ဆုံမှတ်ဆီသို့ အတွင်းအားလက်ဝါးဖြင့်လေပေါ်မှရိုက်ထုတ်လိုက်​၏။

"ဘန်း...."

အလွန်အစွမ်းထက်သော အေးစက်စက်အတွင်းအားများသည်။ ပတ်ဝန်းကျင်တစ်လျှောက်ပြန့်နှံ့သွားပြီး ဘေးပတ်ဝန်းကျင်ရှိသစ်ကိုင်းသစ်ရွက်များအား လွင့်စင်သွားစေခဲ့သည်။

သွေးပုဆိန်အဖွဲ့သားဆယ်ယောက်သည် ချိုးယီ​၏ပြင်းထန်သောလက်ဝါးကြောင့် လက်နက်များပင်မကိုင်နိုင်တော့ဘဲလွင့်ထွက်သွားခဲ့သည်။  စုစည်းနေသောလက်နက်များသည် ချိုးယီ​၏အတွင်းအားရိုက်ခတ်မှုကြောင့် အရပ်မျက်နှာအသီးသီးသို့လွင့်ထွက်သွား​၏။

"အုန်း...အုန်း"

လူဆယ်ယောက်ထဲမှအချို့သည် သစ်ပင်များနှင့်တိုက်မိသောကြောင့်သတိမေ့သူကမေ့ ဒဏ်ရာအပြင်းအထန်ရသူကရဖြင့် ညည်းသံပေါင်းစုံတောထဲမှထွက်ပေါ်လာတော့သည်။

ခေါင်းတုံးနှင့်လူသည် တောင့်ခဲနေပြီး မယုံကြည်နိုင်သောမျက်လုံးများဖြင့် ချိုးယီအားထိပ်လန့်စွာကြည့်နေခဲ့သည်။

ဤသူဖုန်းစားဝတ်စုံနှင့်ကောင်လေးအားသူမည်သို့မှမနိုင်နိုင်ချေ။ သူ​၏အဖွဲ့တစ်ခုလုံးပင်ယခု ထိုကောင်လေး​၏လက်ချက်ဖြင့် အတုန်းအရုန်းလဲကျကုန်ပြီမဟုတ်လော။

ချိုးယီ သူ​၏နောက်သို့လှည့်ကာ ခေါင်းတုံးနှင့်လူအားကြည့်လိုက်သည်။ ခေါင်းတုံးနှင့်လူချက်ချင်းကြက်သီးထသွားပြီး နောက်ကျောတွင်ချွေးစေးများထွက်လာခဲ့သည်။ ချိုးယီ​၏အကြည့် သည်သူ​၏စိတ်ထဲတွင်လွန်စွာကြောက်စရာကောင်းသော သားရဲကြီးတစ်ကောင်လိုပင်။

"ကျုပ်မလုပ်......"

သွေးပုဆိန်အဖွဲ့ခေါင်းဆောင်ခေါင်းတုံးနှင့်လူကတစ်ခုခုပြောရန်ပြင်လိုက်သော်လည်း ချိုးယီမှာ ရုတ်တရက်သူ့ရှေ့တွင်ရောက်ရှိလာခဲ့သည်။ ခေါင်းတုံးနှင့်လူကထိပ်လန့်တကြားနောက်ဆုတ်ရန်လုပ်လိုက်သော်လည်း ချိုးယီက လက်သီးဖြင့်သူ​၏မျက်နှားအားထိုးချလိုက်​၏။

"ကျောက်စိမ်းလက်တီး"

"ဘုန်း.."

ခေါင်းတုံးနှင့်လူချက်ချင်းလွင့်ထွက်သွားပြီး သစ်ပင်များနှင့်ဝင်ဆောင့်လိုက်​မိ၏။ သူဝင်ဆောင့်မိသောသစ်ပင်တစ်ပင်သည်ချက်ချင်းကျိုးသွားပြီး နောက်သစ်ပင်တစ်ခုအားဝင်ဆောင့်မိလိုက်​ပြန်၏။

"အုန်း."

ခေါင်းတုံးနှင့်လူ​၏မျက်နှာသည် စုတ်ပျက်သတ်သွားပြီး သွားအများစုမှာကျွတ်ထွက်သွားခဲ့သည်။မျက်နှာတစ်ခုလုံးသွေးသံရဲရဲဖြင့်မြင်မကောင်းလှပေ။ထို့နောက်ခေါင်းတုံးနှင့်လူမှာသတိမေ့သွားခဲ့သည်။ ဤတိုက်ခိုက်မှုကြောင့်အရိုးမည်မျှကျိုးကျေ သွားမည်ကိုပင်မသိနိုင်တော့ချေ။

အဝေးမှ မိန်းကလေးနှင့်လူငယ်လေးတို့မှာမှင်သက်နေပြီးယခုချိန်ထိသတိမဝင်သေးချေ။

ချိုးယီကထိုနှစ်ယောက်အားတစ်ချက်ကြည့်၍ သစ်ပင်တစ်ပင်ပေါ်သို့ခုန်တက်ကာထွက်သွားရန်ပြင်လိုက်​၏။

"ခနနေပါအုံး သူရဲကောင်းလေး"

လူငယ်လေးမှာသတိအမြန်ဝင်လာပြီးနောက် ချိုးယီထံသို့အပြေးသွားကာ ခနရပ်တန့်ပေးရန်ပြောလိုက်​၏။ထို့နောက်...

"ဒီက သူရဲကောင်းညီအကို ကျုပ်ကချင်ဖန် ပါ ဒီကသူရဲကောင်းညီအကိုနာမည်လေးသိခွင့်ရှိမလား နောက်ကြုံကြိုက်ရင်ကျေးဇူးပြန်ဆပ်ပါရစေ"

ချိုးယီက နောက်သို့ခေါင်းလှည့်လိုက်ပြီးနောက် လူငယ်လေးချင်ဖန်အားကြည့်ကာ.

"ကျုပ်နာမည်က ယီချိုး"

ချိုးယီသည် သိုင်းလောကတွင်ပြိုင်စံရှားမဖြစ်သေးခင် သူ​၏နာမည်အစစ်အားသုံးခြင်းသည် မကောင်းဟူထင်မြင်မိသည်။ထို့ကြောင့်ချိုးယီသည် နာမည်ပြောင်းကာ ပြောလိုက်​၏။ သူယနေ့မှစ၍သိုင်းလောကတွင်ဤနာမည်ဖြင့်ကျင်လည်တော့မည်ဖြစ်​၏။

ထို့နောက် ချိုးယီ​၏ ပုံရိပ်သည် အရိပ်တစ်ခုပမာ သစ်ပင်တစ်ပင်နှင့်တစ်ပင်အား လျင်မြန်စွာခုန်ကူးလျက် ချင်းဖန်​၏အမြင်အာရုံမှပျောက်ကွယ်သွားတော့သည်။

ချင်းဖန်သက်ပျင်းချ၍ရေရွှတ်လိုက်သည်။

"ဒီလူငယ်သူရဲကောင်းကဘယ်သူလဲ ဒီလောက်ငယ်ငယ်ရွယ်ရွယ်နဲ့ပြိုင်စံရှားသိုင်းသမားတစ်ယောက်လို သိုင်းပညာကထိပ်တန်းရောက်နေပြီ"

"အကိုဖန် ညီမတို့သွားသင့်ပြီး ဟိုလူတွေ သတိမေ့နေကြပေမဲ့အန္တရာယ်များသေးတယ် အိမ်မြန်မြန်ပြန်ပြီးအဖိုးကိုဒီကိစ္စပြောပြရအောင်"

နောက်မှ မိန်းကလေးကပြောလိုက်ပြီးနောက် ချင်ဖန်​၏လက်မောင်းအားဖက်လိုက်​၏။

ချင်ဖန်ခေါင်းငြိမ့်လိုက်ပြီး...

"ကောင်းပြီအကိုတို့မြန်မြန်ပြန်ပြီးအဖိုးကိုဒီကိစ္စပြောပြကြမယ်"

......................

ပြီး...