စားသောက်ဆိုင်မှသီတင်း   

ချီုးဝူယဲ့ လက်တလောမှသိုင်းလောကသီတင်းများစုံစမ်းရန် စားသောက်ဆိုင်တစ်ဆိုင် ရှာ၍ယွင်ရှင်းမေနှင့်အတူထိုင်လိုက်​၏။ စားသောက်ဆိုင်များသည် သီတင်းများစုံစမ်းရန် အလွယ်ဆုံးနည်းလမ်းပင်မဟုတ်လော။

စားပွဲထိုးလေးတစ်ယောက်သည် ချိုးဝူယဲ့တို့​၏ရှေ့သို့ရောက်ရှိလာပြီး ကြိုဆိုလိုက်​၏။

"ဧည့်သည်တော်လူကြီးမင်းများကြိုဆိုပါတယ် ဘာစားမလဲခင်ဗျ"

ချိုးဝူယဲ့ သည်ထုံးစံအတိုင်းထိုစားပွဲထိုးအားမကြည့်ဘဲမှာစရာရှိသည်ကိုသာမှာလိုက်​၏။

"ဝက်သားပေါက်စီတစ်ပွဲနဲ့ဖက်ထုပ်ပေါင်းတစ်ပွဲချပေးပါ"

"ကောင်းပါပြီခင်ဗျ ခေတ္တစောင့်ပေးပါ မကြာခင်လာချပေးပါ့မယ်"

စားပွ့ထိုးလေးမှ ပြောကြားလိုက်ပြီးနောက်ထွက်သွား​၏။ ချိုးဝူယဲ့ဝါးခမောက်ကိုချွတ်ရန် လက်ဖြင့်ကိုင်လိုက်သည်။ သို့သော်အကြောင်းအရာတစ်ခုခုအားပြန်တွေးမိပုံရပြီးလက်အားပြန်ရုပ်သိမ်းလိုက်​၏။

ထို့နောက် ချိုးဝူယဲ့သည် ရေနွေးကြမ်းအိုး အားကိုင်လျက် ခွက်ထဲသို့ထည့်လိုက်ပြီး နောက် သူ​၏စိတ်သည်အခြားနေရာသို့ရောက်သွားသည့်ဟန်ဖြင့်တစ်နေရာတည်းသို့စိုက်ကြည့်နေပြီးအတွေးနက်သွားပုံရသည်။

"ဘာတွေတွေးနေတာလဲ"

ချိုးဝူယဲ့ အကြမ်းရည်ခွက်အားကိုင်၍ရပ်တန့်သွားသောကြောင့်ယွင်ရှင်းမေ မေးလိုက်​၏။

သို့သော် ချိုးဝူယဲ့ကခေါင်းခါရမ်းလိုက်ပြီး..

"ဘာမှမဟုတ်ပါဘူး ဒီအတိုင်း ရှေ့ဆက်ရမဲ့အကြောင်းအရာကိုတွေးနေတာပါ"

ထို့နောက်ချိုးဝူယဲ့ အကြမ်းရည်အားတစ်ကြိုက်သောက်၍အောက်သို့ချလိုက်​၏။ ထိုအချိန်မကြာသေးခင်ကမှပြန်သွားသော စားပွဲထိုးလေးက ဗန်းတစ်ခုနှင့်အတူပြန်ရောက်လာပြီး ချိုးဝူယဲ့မှာထားသော ဟင်းခွက်များအားချပေးလိုက်​၏။

"ဧည့်သည်တော်လူကြီးမင်းတို့ဖြည်းဖြည်းသုံးဆောင်ကြပါဦးခင်ဗျ"

စားပွဲထိုးလေးမှ အပြုံးဖြင့်ပြောလိုက်ပြီးနောက်လှည့်ထွက်သွားခဲ့သည်။ ချိုးဝူယဲ့ ဖက်ထုပ်ပေါင်းတစ်ခုအားစားလိုက်ပြီးအရသာခံကြည့်လိုက်သည်။

"မဆိုးဘူးပဲ ဒါပေမဲ့ အိမ်တော်က စားဖိုမှုးထက်တော့နဲနဲညံ့တယ်"

ချိုးဝူယဲ့ပြောနေတုန်းမှာတင် သူတို့​၏အကြားအာရုံထဲသို့ စိတ်ညစ်စရာ အကြောင်းအရာများဝင်ရောက်လာခဲ့သည်။

"အယ်.. မင်းကြားမိလား လွန်ခဲ့တဲ့ရက်အနည်းငယ်တုန်းကပေါ်လာတဲ့ ဆန်းကြယ်တဲ့စုံတွဲအကြောင်း "

"သိပ်သိတာပေါ့ကွာ အဲ့စုံတွဲက တကယ်လျှို့ဝှက်ပြီး သိုင်းပညာမြင့်မားလွန်းတယ် သူတို့ရဲ့ သိုင်းတစ်ကွက်က မြို့ထဲက အိမ်တွေနဲ့သစ်ပင်တွေအများကြီးပကိုဖျက်စီးမိလိုက်တယ်တဲ့"

"သိပ်ဟုတ်တာပေါ့ အဲ့တာတင်မကသေးဘူး အဲ့ဒီဖျက်စီးခံလိုက် ရဲ့နေရာတစ်ဝိုက်မှာ အေးစိမ့်နေပြီး ဘုရင်ခံအိမ်တော်က စစ်သားလေးယောက်ပါ အေးခဲပြီးသေနေတာတဲ့ ပြီးတော့ လူမြင်ကွင်းရှေ့မှာတင် သရဲသစ္ဆေလိုရုတ်တရက်ပျောက်ကွယ်သွားတာတဲ့ စဉ်းစားကြည့်ရုံနဲ့တင် အဲ့ဒီစုံတွဲက တော်တော်ကြောက်ဖို့ကောင်းနေပြီ"

အလယ်ဝိုင်းတွင် ဆွေးနွေးနေကြသော လူသုံးယောက်မှ ချိုးဝူယဲ့တို့အကြောင်းတစ်ယောက်တစ်ပေါက်ပြောနေပြီး အချို့ဆိုလျှင် ချိုးဝူယဲ့တို့အား လူပင်မဟုတ်ဟု ပုံကြီးချဲ့ပြောနေကြလေသည်။

ချိုးဝူယဲ့ သူ​၏လက်ဖြင့် မျက်နှာအားအုပ်မိလိုက်သည် သူအတော်ပင်စိတ်ညစ်သွားသည်။သကောင့်သားများကသေချာမသိပဲ တီကောင်ကို နဂါးလိုပုံကြီးချဲ့ပြောနေကြသည်မှာ ကာယကံရှင်အဖို့ ကြားရသည်မှာအလွန်ရှက်စရာကောင်းလှသည်။

သတင်းရလိုရငြား စားသောက်ဆိုင်သို့လာခဲ့သော်လည်း ထိုငနဲသားများမှာ ပေါက်တတ်ကရအကြောင်းအရာများကိုသာပြောဆိုနေခဲ့ကြသည်။ ချိုးဝူယဲ့မှာတစ်ဆိုင်လုံးသူနှင့်ယွင်ရှင်းမေအကြောင်းသာပြောနေသဖြင့်ထပြန်ချင်စိတ်ပင်ဖြစ်သွား​၏။ သူဘာသာတစ်ယောက်ထဲသိုင်းလောကထဲထွက်လာသည်မှာ အလုပ်များကိုတိတ်တဆိတ်ကွယ်ဝှက်ပြီးလုပ်ရန်မည်သည့်အခတ်အခဲမှမရှိပါချေ။ သို့သော် သူ့ရှေ့မှ မိန်းမ သည်သိုင်းလောကထဲသို့ရောက်လာသည်နှင့်တစ်ပြိုင်နက် သိုင်းလောကတစ်ခုလုံးအားလှိုင်းဂရက်ထသွားစေခဲ့​၏။

ချိုးဝူယဲ့ ယွင်ရှင်းမေအားကြည့်လိုက်သည် သူမမှာ မည်သည့်အရာမှမကြားသလိုပင်  ဝက်သားပေါက်စီနှင့်ဖက်ထုပ်များအားစားနေခဲ့သည်မှာ ကုန်တောင်ကုန်တော့ပေမည်။ ချိုးဝူယဲ့မှာ နှုတ်ခမ်းမဲ့သွားပြီး ပြောစရာစကားပင်မရှိတော့ချေ။

ချိုးဝူယဲ့စိတ်ညစ်ညစ်ဖြင့်သာခေါင်းခါရမ်းလိုက်ပြီး သူ​၏အိပ်ကပ်ထဲမှငွေတစ်စအား ထုပ်ယူ၍ခုံပေါ်တွင်တင်ရန်လုပ်လိုက်သည်။ ထိုစဉ် တိုးငြင်း သောအသံတစ်ခုသည် ချိုးဝူယဲ့​၏ နားထဲသို့ရောက်ရှိလာခဲ့သည်​၏။

"ရောင်ရင်းစန်း ရဲ့သီတင်းကသေချာလို့လားဗျာ အမှန်ဆိုဒီကိစ္စသီတင်းကြီးနော် ဂိုဏ်းကြီးတွေက သူတို့ဘာသာကွယ်ဝှက်ပြီးလုပ်မဲ့ကိစ္စတွေ"

ချိုးဝူယဲ့ ​၏လှုပ်ရှားမှုများရပ်တန့်သွားပြီး ဆိုင်ထောင့်တွင်တိုးတိုးတိတ်တိတ်ပြောနေသော လူနှစ်ယောက်ထံသို့ ချိုးဝူယဲ့​၏ အာရုံများကိုအပြည့်စိုက်ထားလိုက်​၏။ ချိုးဝူယဲ့ ​၏အာရုံခံအင်္ဂါများသည် ဝိဉာဉ်ခွဲထွက်ခြင်းကျင့်စဉ်ကြောင့် သာမန်လူများထက်အဆပေါင်းများစွာသာနေခဲ့သည်။ ထို့ကြောင့်ချိုးဝူယဲ့သည် တစ်ဆိုင်လုံးရှိအသံများအားလုံးကိုကြားရခြင်းဖြစ်ပြီး ဤအချက်ကပင်သူ့အတွက်သီတင်းစုံစမ်းရန် ပိုမိုလွယ်ကူစေခဲ့သည်။

ဆိုင်ထောင့်တွင်ထိုင်နေသော လူနှစ်ယောက်ထဲမှ ဘယ်ဘက်တစ်ယောက်က သေရည်တစ်ခွက်အားမော့ချလိုက်ပြီး..

"သိပ်သေချာတာပေါ့ဗျာ ဒီလိုကိစ္စကြီးကိုကျုပ်ကလိမ်ပါ့မလားဗျ တကယ့်ကို လွန်ခဲ့တဲ့နှစ်ပေါင်း၁၂၀ ကျော်လောက်က ဓားဝိဇ္ဇာကြီးရဲ့ ဂူဗိမာန်ကို ရှာတွေ့ခဲ့တာ ဒီကိစ္စ ပုံမှန်ဆိုဂိုဏ်းကြီးတွေကဒီကိစ္စကိုဝှက်ထားပြီးသူတို့ဘာသာ ရှာဖွေကြလိမ့်မယ် "

"ဒါပေမဲ့ ဝါးပြာတောင်တန်းဂိုဏ်းကြီးက စီနီယာတပည့်တစ်ယောက်ဖြစ်တဲ့ကျုပ်ရဲ့ဝမ်းကွဲအကိုက ကျုပ်ကိုဒီကိစ္စပြောပြပြီး ကျုပ်ကိုခေါ်သွားပေးမယ်တဲ့ ဒီကိစ္စတကယ်ကိုအမှန်ပဲ"

"ရောင်ရင်းစန်းက အကိုဝမ်းကွဲနဲ့သွားပြီဆိုပါရဲ့ ဒါဆိုရင်ကျုပ်ကတစ်ယောက်ထဲသွားရမှာပေါ့"

ညာဖက်မှလူကပြောလိုက်သည်။

"ဒီကိစ္စစိတ်မပူပါနဲ့ ရောင်ရင်းတန် ကျုပ်က ဒီကိစ္စကိုခင်ဗျားကိုတောင်ပြောပြမှတော့ ခင်ဗျားအတွက်လည်းကျုပ်ကအစီအစဉ်ရှိထားလို့ပေါ့ဗျာ"

ဘယ်ဘက်မှ လူက သေရည်ခွက်အားအသာအယာပင်ချကာပြောလိုက်​၏။

"ဒါဆို ကျုပ်ကဘာလုပ်ရမှာလဲရောင်ရင်းစန်း"

ညာဘက်တွင်ထိုင်နေသောလူမှ စိတ်လှုပ်ရှားနေသောအသံဖြင့်ပြောလိုက်​၏။ညာဘက်ထိုင်ခုံမှလူက ရယ်ရယ်ပြုံးပြုံးဖြင့်သာပြောလိုက်သည်။

"စိတ်မပူနဲ့ရောင်ရင်း မနက်ဖြန်ညနေပိုင်းနေဝင်ချိန်မှာ ယာလော့တောင်ခြေကိုသာရောက်အောင်လာ ကျုပ်ခင်ဗျားကို အယောင်ဆောင်ဖို့အတွက် ရှင်းလင်းရေး အဖွဲ့ထဲကလူတစ်ယောက်အနေနဲ့ထည့်ပေးဖို့ ကျုပ်အကိုဝမ်းကွဲကိုပြောပေးမယ် ၊ ဒါဆို ခင်ဗျားရဲ့ပြဿနာလည်းပြေလည်သွားလိမ့်မယ်"

......................

ပြီး...