ဝိဉာဉ်သတ်ဖြတ်ခြင်းဓား

"သာမန်လူသောင်းချီ"

"ချိုးဝူယဲ့မျက်လုံးများကျဉ်းမြောင်းသွားပြီးအတွေးများထဲတွင်နစ်မြုတ်သွားခဲ့သည်။

'တာ့ယွမ်အင်ပါယာမှာ လူသောင်းချီစုဆောင်းနိုင်တာသိုင်းဂိုဏ်းကြီးတွေပဲရှိတယ် ဒါပေမဲ့ဓားပြတွေနဲ့ရောပြီးနေဖို့ဆိုတာတော့ဘယ်နည်းနဲ့မှဖြစ်နိုင်မှာမဟုတ်ဘူး တော်ဝင်ရုံးတော်ကလဲလက်ခံမှာမဟုတ်ဘူး ဒါပေမဲ့ တော်ဝင်ရုံးတော်က အာဏာပိုင်တစ်ယောက်ဆိုရင်တော့ဖြစ်ကောင်းဖြစ်နိုင်လိမ့်မယ် နောက်ဆုံးအနေနဲ့တွေးကြည့်ရရင်ဒီကိစ္စကလုံးဝကိုကြိုတင်ကြံစည်မှုကြီးပဲ'

ချိုးဝူယဲ့သက်ပျင်းချလိုက်ပြီးနောက်တည်ငြိမ်စွာပြောလိုက်သည်။

"ဟူး.. လူတွေ လူတွေ လောဘကြောင့်ပျက်သုန်းကြရဦးမယ်"

ထို့နောက်ချိုးဝူယဲ့ယွင်ရှင်းမေဘက်သို့လှည့်ကာပြောလိုက်သည်။

"ကျုပ်ကရှေ့တန်းက ဆက်ပြီးတောင့်မခံနိုင်တော့ရင် ဝင်တိုက်မယ် ခင်ဗျားက မြို့ဘေးပတ်ပတ်လည်ကချောင်းနေတဲ့သူခိုးလေးတွေကိုပဲဂရုစိုက်ပေး"

"ဟမ်ငါက နင်ထက်စွမ်းအားရောသိုင်းပညာရောပိုပြီးမြင့်တယ် မြို့ထဲကကိစ္စတွေနင်ရှင်းလိုက်လေ"

ယွင်ရှင်းမေမျက်မှောင်ကြုတ်၍ပြောလိုက်သည်။အခြေအနေအရဆိုလျှင် သူမတစ်ယောက်တည်းနှင့်တောင်ထိုလူသောင်းချီကိုသတ်ဖြတ်နိုင်လေသည်။ သို့သော်ချိုးဝူယဲ့ခေါင်းခါရမ်း၍ပြောလိုက်သည်။

"အဲ့တာတော့အမှန်ပဲဒါပေမဲ့ ခင်ဗျားကအရေးပေါ်အခြေအနေမဟုတ်ရင် ထွက်တိုက်ဖို့မသင့်တော်ဘူး"

ယွင်ရှင်းမေ ချိုးဝူယဲ့အားမျက်စောင်းတစ်ချက်ထိုးလိုက်ပြီး စိတ်အလိုမကျစွာပြောလိုက်သည်။

"ကောင်းပြီလေ ဒါဆိုနင့်ဓားခနလောက်ငှား"

ချိုးဝူယဲ့မည်သည့်စကားမှမပြောရသေးခင်မှာတင် ချိုးဝူယဲ့​၏သစ်သားဓားနှင့်ဓားအိမ်သည်အလိုအလျောက်ပျံတက်သွားပြီး ယွင်ရှင်းမေ​၏ရှေ့တွင် ပျံသန်းနေခဲ့သည်။ ချိုးဝူယဲ့အံ့အားသင့်သွားပြီးယွင်ရှင်းမေမည်သည့်အရာများဆက်လုပ်မည်ကိုစောင့်ကြည့်လိုက်သည်။

ယွင်ရှင်းမေသူမ​၏လက်နှစ်ချောင်းအားပူးကပ်လိုက်ပြီးလက်ဟန်သင်္ကေတပေါင်းများစွာပြုလုပ်လိုက်သည်။ ထို့နောက် သူမ​၏ လက်နှစ်ချောင်းဖြင့် လေထဲတွင် သင်္ကေတစာလုံးပေါင်းများစွာရေးဆွဲလိုက်သည်။ သင်္ကေတစာလုံးပေါင်းများစွာသည် မွက်မွန်သစ်သားဓားလေးအားလှည့်ပတ်နေကြသည်။

ယွင်ရှင်းမေ လှည့်ပတ်နေသောစက်ကွင်းပုံသဏ္ဍာန်သင်္ကေသကွင်းသုံးခုအားရေးဆွဲလိုက်သည်။

ထို့နောက်ယွင်ရှင်းမေ သူမ​၏လက်နှစ်ချောင်းဖြင့် ချိပ်သင်္ကေတပုံသဏ္ဍာန်​ပြုလုပ်လိုက်သည်။

"သတ်ဖြတ်ခြင်းဓားဝိဉာဉ်အစီအရင်ပေါင်းစည်း"

ယွင်ရှင်းမေဖြည်းညင်းစွာပြောလိုက်ပြီးနောက်သင်္ကေတလက်ဟန်တမျိုးပြောင်းလဲလိုက်သည်။ ထိုအချိန်လေပေါ်တွင် မက်မွန်သစ်ဓားအားလှည့်ပတ်နေကြသော သင်္ကေတစာလုံးကွင်းများသည် သစ်သားဓားအားဗဟိုပြု၍ပေါင်းစည်းလိုက်ကြသည်။

"ဝုန်း....ဝုန်း"

ချိုးဝူယဲ့ပါးစပ်အဟောင်းသားဖြင့်ရပ်ကြည့်နေမိသည်။ထိုနည်းလမ်းမှာမည်သည့်နည်းလမ်းနည်း။တာအိုပညာရပ်တစ်ခုဖြစ်ပေလော။

သင်္ကေတစာလုံးကွင်းသုံးကွင်းပေါင်းစည်းသွားပြီးနောက်အနီရောင်နှင့်ရွှေရောင်အရှိန်အဝါများရောစပ်နေသောသင်္ကေတစာလုံးများသည်အမှောင်ထုထဲတွင်တောက်ပလျက်ရှိနေသကဲ့သို့ပင်။ ထို့နောက်ယွင်ရှင်းမေလက်ဟန်သင်္ကေတတစ်မျိုးပြုလုပ်လိုက်ပြီး ပေါင်းစည်းသည့်ဟန်ပြုလုပ်လိုက်သည်။

"ဝုန်း...ရွီး"

ရွှေနီရောင်သင်္ကေတစာလုံးကွင်းသည်သစ်သားဓားလေးထဲသို့ဖြည်းညင်းစွာကျုံ့ဝင်သွားခဲ့သည်။

"ဘန်း....."

သစ်သားဓားမှစွမ်းအင်လှိုင်းတစ်ခုဖြာထွက်လာပြီး သစ်သားဓားတစ်ချောင်းလုံးအား အလင်းရောင်များဖြင့်တောက်ပစေခဲ့သည်။

ချိုးဝူယဲ့သူ​၏ယင်-ယန်မျက်လုံးအတတ်အသက်သွင်းလိုက်ပြီး သစ်သားဓားအားကြည့်လိုက်သည်။ထူးဆန်းအံ့ဩဖွယ်ရာပင်သစ်သားဓားလေးအတွင်းသင်္ကေတစာလုံးတစ်ခုတည်ရှိနေခဲ့သည်။ ထို သတ် ဟူသောသင်္ကေတစာလုံးလေးတွင်ကြောက်မက်ဖွယ်ရာစွမ်းအင်များကိန်းအောင်းနေပြီး ချိုးဝူယဲ့ပင်ထိုစွမ်းအင်အငွေ့အသက်ကြောင့်ခေတ္တမျှတောင့်ခဲသွားခဲ့သည်။ ချိုးဝူယဲ့ကြောင်အနေသည်ကိုမြင်သောအခါ ယွင်ရှင်းမေမထူးဆန်းသည့်အသံဖြင့်ပြောလိုက်သည်။

"နင့်ရဲ့သွေးစက်ကိုသစ်သားပေါ်မှာချလိုက် နင်ဓားရဲ့တည်ရှိမှုကိုခံစားမိလိမ့်မယ်"

ချိုးဝူယဲ့ခေါင်းငြိမ့်လိုက်ပြီးလေပေါ်တွင်ပျံကြွနေသော သစ်သားဓားဆီသို့သွားလိုက်ပြီး လက်ညိုးအားကိုက်ဖောက်ကာ သစ်သားဓားပေါ်သို့သွေးစက်ချလိုက်သည်။

လေပေါ်ပျံကြွနေသောသစ်သားဓားလေးသည် ချိုးဝူယဲ့အားလှည့်ပတ်နေပြီးနောက် ဓားအိမ်ထဲသို့ပြန်လည်ဝင်ရောက်သွားကာ ချိုးဝူယဲ့​၏လက်ပေါ်သို့ပြုတ်ကျလာလေသည်။ချိုးဝူယဲ့မျက်လုံးများတောက်ပသွားပြီး သစ်သားဓားလေးအားခါးတွင်ပြန်ချိပ်လိုက်သည်။ထို့နောက်ချိုးဝူယဲ့တီးတိုးရေရွတ်လိုက်သည်။

"သတ်ဖြတ်ခြင်းသင်္ကေတနဲ့ဆိုတော့ မင်းကို ဝိဉာဉ်သတ်ဖြတ်ခြင်းဓားလို့ခေါ်မယ်"

"ဒုန်...ဒုန်...ဒုန်"

တစ်မြို့လုံးကြားနိုင်သောဗုံသံကြီးတစ်သံဟိန်းထွက်လာခဲ့လေသည်။

"သတ်"

..........................

ပြီး...