ငါ့ကို တကယ် သေစေချင်နေတာလား

ကွင်းထဲရှိ တိတ်ဆိတ်မှုကို ကောင်းကင်တွင် ဖီးနစ်ငှက်၏ လှပသော အော်ဟစ်သံတစ်ခုက ချိုးဖျက်ပစ်လိုက်သည်။

ထိုအသံသည် ကွင်းတစ်ခုလုံးကိုပဲ့တင်ထပ်သွားသောအခါ မျက်လုံးအားလုံးသည်အသံ၏ ရင်းမြစ်ဆီသို့ လှည့်ကြည့်လိုက်ကြသည်။

ဖီးနစ်ငှက်သည် အနီရောင်၊ လိမ္မော်ရောင်နှင့် ရွှေရောင်တို့ဖြင့် ဝင့်ကြွားစွာ တောက်ပနေသော အမွေးအတောင်များဖြင့် ခမ်းနားသောအရောင်အဝါများကို ထုတ်လွှင့်ကာ

ကွင်းအတွင်းရှိလူများ၏ ဦးခေါင်းများအထက်တွင် ကျက်သရေရှိစွာ ပျံသန်းနေလေသည်။ ၎င်း၏ တောင်ပံများသည်

ကျယ်ပြန့်စွာ ဖြန့်ကျက်ထားပြီး ရင်ပြင်တစ်ခုလုံးကို ထင်းလက်စေသော တောက်ပသော အလင်းရောင်ကို

ထုတ်လွှတ်နေသည်။

လှပသော အပြာရောင်ဆံပင်ရှိသော

မိန်းကလေးငယ်လေးသည် ထိုမြင်ကွင်းကို မငေးဘဲ မနေနိုင်ပါ။

"ဒါဟာ... ဖီးနစ်ငှက်လား"

သူမသည် မယုံကြည်နိုင်စွာ ရေရွတ်လိုက်သည်။

ယခုအချိန်အထိ သူမသည် ဖီးနစ်အကြောင်းကိုသာ ကြားဖူးသည်။ ဤသည်မှာ သူမ ပထမဆုံးအကြိမ် မြင်တွေ့ရခြင်းဖြစ်သည်။ ဖီးနစ်သည် ဒဏ္ဍာရီလာ သားရဲများထဲမှ တစ်ဦးဖြစ်သည်ဟု ဆိုကြသည်။

ဖီးနစ်သည် မီးလျှံများ၏ ကောင်းချီးကို ခံယူထားသူဖြစ်သည်။ ၎င်းသည် ၎င်း၏ လမ်းကြောင်းရှိ မည်သည့်အရာကိုမဆို လောင်ကျွမ်းစေနိုင်သည်။ ၎င်းသည် ပြာပုံထဲမှ ပြန်လည်ရှင်သန်နိုင်သည်။

ဖီးနစ်ကို သတ်ရန် တစ်ခုတည်းသော

နည်းလမ်းမှာ ဖီးနစ်နှင့် ဝိညာဉ်ခြင်း ချည်နှောင်ထားသော သခင်ကို သတ်ရန်ဖြစ်သည်။

ထို့ကြောင့် ဖီးနစ်ငှက်များသည်

လူသားသခင်များကို ဘယ်သောအခါမှ လက်မခံခဲ့ကြပါ။ လူသားသခင်ကို လက်ခံခြင်းသည် အားနည်းမှုကိုလက်ခံခြင်းနှင့်

မခြားနားသောကြောင့်ဖြစ်သည်။

နဂါး သို့မဟုတ် ကောင်းကင်ကျားဖြူကြီးများ ကဲ့သို့သော အခြား ဒဏ္ဍာရီလာ သားရဲအနည်းငယ်သာ အပြည့်အဝ ကြီးထွားလာပြီးသော ဖီးနစ်နှင့်

နှိုင်းယှဉ်နိုင်သည်။

သူမသည် ပြန်လည်မွေးဖွားခြင်းနှင့်စွမ်းရည်၏ သင်္ကေတဖြစ်သော ဒဏ္ဍာရီလာ ဖီးနစ်ငှက်အကြောင်းကို ကြားဖူးသော်လည်း ၎င်း၏ ခမ်းနားထည်ဝါမှုကိုမူ ယခုမှသာကိုယ်တိုင်ကိုယ်ကျ မြင်တွေ့ရခြင်းသည် သူမ၏ အိပ်မက်များထက်ပင် ကျော်လွန်ခဲ့သည်။

"သူက ဘယ်လိုဝင်လာရမလဲဆိုတာ

တကယ် သိပုံရတယ်" အကြီးအကဲလီက အထက်မှ ဖီးနစ်ကို ကြည့်ရင်း မည်သူရောက်လာသည်ကို သဘောပေါက်လိုက်သည်။

ပုံမှန်အားဖြင့် အကြီးအကဲအများစုသည်

နေရာလွတ် ပေါ်တယ်ကို သာ အသုံးပြု၍ ရောက်ရှိကြသည်။ သို့သော် အကြောင်းတစ်ခုကြောင့် ဤလူသည် ဤနည်းဖြင့် ရောက်ရှိရန် ရွေးချယ်ခဲ့သည်။

သူသည် ယခုသည်အာရန်က တပည့်

လက်ခံမည့် ပထမဆုံးအကြိမ်ဖြစ်သောကြောင့် ကောင်းမွန်သော ဝင်ပေါက်တစ်ခု ပြုလုပ်လိုသည်ဟု ထင်ခဲ့သည်။

အမှန်တကယ်မှာ ထိုသို့ မဟုတ်ကြောင်း အာရန် ကိုယ်တိုင်မှလွဲ၍မည်သူ မှသိနိုင်မည်မဟုတ်ပါ။ အာရန်သည် နေရာလွတ် ပေါ်တယ်ဖြင့် မရောက်ရှိလာခြင်း၏အကြောင်းရင်းမှာ ရိုးရှင်းပါသည်။ သူမဖွင့်တတ်သောကြောင့်ဖြစ်သည်။

သူသည် အခြားသူများကဲ့သို့ပေါ်တယ်တစ်ခုကို မည်သို့ ဖန်တီးရမည်ကို သူမသိပါ။ သူ့တွင် အကြီးအကဲရန်၏ မှတ်ဉာဏ်များပင်

ရှိမနေသောကြောင့်ဖြစ်သည်။

သူသည် အကြီးအကဲရန်၏ ကျွမ်းကျင်မှုများကို မည်သို့ အသုံးပြုရမည်ကို မသိချေ။ ကျွမ်းကျင်မှုအားလုံးသည် နားလည်မှုနှင့် သက်ဆိုင်သောကြောင့် ထိုမှတ်ဉာဏ်များ မရှိဘဲ ၎င်းတို့ကို အသုံးမပြုနိုင်ပါ။

ထို့အပြင် အကြီးအကဲရန်သည်စောစောစီးစီး သေဆုံးသွားသူဖြစ်၍ များများစားစား မတိုက်ခိုက်သွားသောကြောင့် ဤလူသည် ရုပ်ပိုင်းဆိုင်ရာအရ ဘာတွေ စွမ်းဆောင်နိုင်သည်ကိုပင် သူ မသိပါ။

ဖီးနစ်သည် ကောင်းကင်တွင်

ပတ်ဝဲနေစဉ် တပည့်များစွာသည် ထူးဆန်းသောအကြည့်ဖြင့် ကြည့်နေကြသည်။ အချို့သူများသည် ဘုရားသခင်ကဲ့သို့ ၎င်းတို့အား အထက်မှ ကြည့်နေသည့် ဖီးနစ်ပေါ်တွင် ရပ်နေသော လူတစ်ယောက်၏ အရိပ်ကိုမြင်တွေ့ကြရသည်။

လူငယ်အများစုသည် အကြီးအကဲတစ်ဦး

ဖြစ်ရမည်ဟုခန့်မှန်းမိ ကြသည်။ သို့သော် မည်သူဖြစ်ကြောင်းကိုမူ မည်သူမျှ မခန့်မှန်းနိုင်ပါ။

အကြီးအကဲလီနှင့် အကြီးအကဲဝေတို့သည်

ကျော်ကြားသည်။ ၎င်းတို့၏ မျိုးနွယ်စုများသည်ပင် ဤအကြီးအကဲနှစ်ဦးအကြောင်းကို ကြားဖူးသောကြောင့် ၎င်းတို့၏ ပေါ်လာခြင်းနှင့်အတူ ပတ်ဝန်းကျင် ပြောင်းလဲသွားခြင်းကို အခြေခံ၍ ၎င်းတို့အား အသိအမှတ်ပြုနိုင်ခဲ့သည်။

အကြီးအကဲရန် သည် ကွဲပြားသည်။ သူသည် မကျော်ကြားပါ။ မည်သည့်လူငယ်မျှ ဖီးနစ်အစစ်ကို ပိုင်ဆိုင်သော မိစ္ဆာဂိုဏ်း၏ အကြီးအကဲအကြောင်းကိုမကြားဖူးပါ။

"အကြီးအကဲ ရန်ကို ဂါရဝပြုပါတယ်" ဂိုဏ်းတပည့်များက ဖီးနစ်ပေါ်ရှိ လူကို နှုတ်ဆက်လိုက်သည်။

ယခုမှသာ ပါဝင်သူများသည်

အကြီးအကဲ၏ အမည်ကို ကြားလိုက်ရသည်။ သို့သော် အမည်ကြားသည့်တိုင်အောင် မည်သူမှန်းမသိကြပါ။

"အကြီးအကဲ ရန်တဲ့လား မိစ္ဆာဂိုဏ်းမှာ အဲလိုလူ ရှိခဲ့ဖူးလား"

"ငါ့ဦးလေးက မိစ္ဆာဂိုဏ်းမှာ

အကြီးအကဲတစ်ဦးပါ သူက ဂိုဏ်းက အကြီးအကဲတွေအကြောင်း သတင်းအချက်အလက်တွေ အများကြီး ပို့ပေးတယ်

ဒါပေမယ့် အကြီးအကဲ ရန်အကြောင်း ဘာမှ မဖော်ပြထားဘူး သူက အသစ်လား"

"သူက တောထဲမှာနေပြီး နာမည်မကြီးတဲ့ သူတော်စင်တစ်ပါးလား တခြားအကြီးအကဲတွေလို အပြင်မထွက်လို့ နာမည်မကြီးတာလား"

လူငယ်များစွာသည် အကြီးအကဲရန်

ဟု ခေါ်ဝေါ်ခံရသူအကြောင်းကို တွေးတောနေကြသည်။

၎င်းတို့သည် ဤလူအကြောင်းကို

မသိကြပါ။ သို့သော် တစ်ခုကိုတော့သေချာသည်။ ထိုလူသည် ဂုဏ်သိက္ခာကြီးမားသူတစ်ဦးပင်ဖြစ်ရမည်။

အာရန် သည် ကောင်းကင်တွင်

မြင့်မားစွာ ရှိနေသောကြောင့် ၎င်းတို့သည် သူ့ကို ရှင်းလင်းစွာ မမြင်နိုင်ကြပါ။ သို့သော်

ထိုအကြီးအကဲသည် သူတို့ နားလည်နိုင်စွမ်းထက် ပိုမိုချောမောကြောင်း ခံစားနိုင်လေသည်။

နေရောင်က သူ့နောက်တွင်

ရှိနေပြီး မီးလျှံများက သူ့ကို ဝန်းရံထားသောကြောင့် လှပသော အရိပ်တစ်ခု ပေါ်လာပြီး လူတိုင်း၏

အာရုံကို ဖမ်းစားနိုင်ခဲ့သည်။

၎င်းတို့သည် သူ့ကို အံ့အားသင့်စွာ

ဆက်လက်ကြည့်ရှုနေချိန်တွင် ဤလျှို့ဝှက်ဆန်းကြယ်သော ပုဂ္ဂိုလ်သည် မည်သည့် ထူးခြားသော ကျွမ်းကျင်မှုများနှင့် အသိပညာများကို ပိုင်ဆိုင်ထားသည်ကို တွေးတောနေကြသည်။

အမျိုးသမီး ပါဝင်သူ အများအပြားသည်

အထက်မှ လူကို မျက်လုံးမခွာနိုင်ကြပါ။

သူမတို့သည် သူ့ကို မသိသော်လည်း

သူသည် မိစ္ဆာဂိုဏ်း၏ အကြီးအကဲတစ်ဦးဖြစ်သောကြောင့် သူ့၏ အင်အားမှာအလွန်ကြီးမားမည်ဖြစ်ကြောင်းအတတ်ပြောနိုင်လေသည်။

လူတိုင်းက သူ့ကို အံ့အားသင့်စွာ

ကြည့်နေချိန်တွင် အာရန်သည် ဖီးနစ်ပေါ်တွင် ချွေးများ တရွှဲရွှဲဖြင့် ရပ်နေသည်။

"ငါ့ကို တကယ် သေစေချင်တာလား"

အာရန်က သူ့ရှေ့ကို ကြည့်ရင်း အသံတိုးတိုးဖြင့် ပြန်မေးလိုက်သည်။

သူ့ရှေ့တွင် ရွေးချယ်စရာ လေးခု ရှိသည်။

[ရွေးချယ်မှု ၁: လူတော်တစ်ယောက်သည်

အခြားသူများကိုမစောင့်ပါ။ ဖီးနစ်၏ အကူအညီမပါဘဲ ခုန်ချပြီး သင်၏ ကျွမ်းကျင်မှုများကို

လူတိုင်းကို ပြသလိုက်ပါ။

ဆုလာဘ်: ကောင်းကင်တိမ်ခြေလှမ်း

ကျွမ်းကျင်မှု (အဆင့်မြင့်)]

[ရွေးချယ်မှု ၂: ဘုရင်သည်

ဘယ်တော့မှ မကြောက်ရွံ့ပါ။ ဘုရင်သည် ကောင်းကင် ပြိုကွဲသွားလျှင်ပင် မားမားမတ်မတ် ရပ်တည်ရမည်!

သင်ရှိနေသည့်နေရာတွင် ဆက်နေပြီး အခြားသူများအားလုံးကို ဂုဏ်သိက္ခာကြီးမားဟန်ဖြင့် အထက်စီးမှ ကြည့်နေပါ။

ဆုလာဘ်: ဓားဧကရာဇ်၏ အော်ရာ

(ထူးခြားသောအဆင့်)]

[ရွေးချယ်မှု ၃: ပါဝင်သူတိုင်းသည်

ယခုတစ်ကြိမ် အမှိုက်များ နှင့်တူပြီး သင်၏ သင်ကြားမှုကို ခံထိုက်သူ တစ်ဦးမျှ မရှိကြောင်းကျယ်လောင်စွာ အော်ဟစ်ပါ။ လူတိုင်းကို ငြင်းပယ်ပြီးနောက် သင့်အခန်းသို့ ပြန်သွားပါ။

ဆုလာဘ်: ဓားခုတ်သိုင်းခုနှစ်ကွက် ကျွမ်းကျင်မှု (အဆင့်မြင့်)]

[ရွေးချယ်မှု ၄: အချိန်သည်

အဖိုးတန်သည်။ သင်သည် အချိန်ကို မဖြုန်းတီးချင်ပါ။ ဝင်ခွင့်စာမေးပွဲ မစတင်မီ တပည့်တစ်ဦးကိုရွေးချယ်ပါ။ သူ့ကို ဝင်ခွင့်တွင်ပါဝင်ရန် မလိုတော့ကြောင်းပြောပြီး သင်၏ တပည့်အဖြစ်

ခေါ်သွားလိုက်ပါ။

ဆုလာဘ်: ကောင်းကင်ဉာဏ်ပညာ

စာလိပ် (အဆင့်မြင့်)]

အာရန်သည် ရွေးချယ်စရာများကို

ကြည့်လိုက်ပြီး ဤရွေးချယ်စရာများသည် သူ့ကို တကယ် သေခိုင်းနေသလို ခံစားလိုက်ရသည်။ ဤရွေးချယ်စရာအားလုံးသည်

အချိန်ကိုက်ဗုံးများနှင့် မခြားနားပါ။

ယခင်အကြိမ်က မီတာအနည်းငယ်မှပင်

ခုန်ချရုံဖြင့် အရိုးများ ကျိုးကြေသွားခဲ့ရသည်။ ယခုဤမျှမြင့်မားသော အမြင့်မှ ခုန်ချရန် ပထမရွေးချယ်မှုကို မည်သို့ လက်ခံနိုင်မည်နည်း။

သူတစ်ယောက်တည်းဆိုလျှင် ဖီးနစ်မျက်ရည်က သူ့ကို ကုသပေးနိုင်သောကြောင့် လုပ်ကောင်းလုပ်နိုင်သော်လည်း လူတိုင်းရှေ့တွင်လား

လုံးဝ မဖြစ်နိုင်ပါ။

ဒုတိယရွေးချယ်မှုအတွက်ကော ၎င်းသည် အခြားအကြီးအကဲများကို မလေးစားခြင်းနှင့် မည်သို့ ကွာခြားသနည်း ဤအကြီးအကဲတစ်ဦးစီသည်

သူ့ကို အကြိမ်ထောင်ချီမကသတ်ပစ်နိုင်စွမ်းရှိကြသည်။

တတိယနှင့် စတုတ္ထ ရွေးချယ်စရာများသည်လည်း အတူတူပင် ဆိုးရွားလေသည်။

သူသည် ဂိုဏ်းဝင်ခွင့်စာမေးပွဲကို ဂရုမစိုက်ပဲ ကြုံရာတပည့်ကို လက်ခံနိုင်သော ဂိုဏ်းချုပ်မဟုတ်ပါ။ လူတိုင်းကို

အမှိုက်ဟုခေါ်ဆိုခြင်းအတွက်လား သူသည်ထိုအကြောင်းကို စဉ်းပင်မစဥ့်စားချင်ပါ။

#Catfoot