အံ့ဩစရာ ချင်းလင်အမဲသားနဲ့ချင်းလင်ဆန်! ၃
Vol. 49 Ch. 723
ထို့ကြောင့် ချင်းလင်ဆန်နှင့်ချင်းလင်အမဲသားမှာ မင်မြို့တော်လူချမ်းသာအသိုင်းအဝိုင်း၏မီးဖိုချောင်ထဲ မြန်မြန်ဆန်ဆန်ရောက်သွားလေသည်။
မင်မြို့တော်လူချမ်းသာအသိုင်းအဝိုင်းတွင် စားကြပြီးနောက် ချင်းလင်ဆန်နှင့်ချင်းလင်အမဲသားဒဏ္ဍာရီကစပြန့်သွားလေသည်။ ထိုအစားအစာများက ဆီးနှင်းအမဲသားနှင့်ရှန်းရွှေလက်ဆောင်ဆန်ထက်ပိုကောင်းသည်။
မျက်စိတစ်မှိတ်အတွင်း တစ်ပတ်ကုန်သွားပြန်သည်။
ချင်လင်အပန်းဖြေစံအိမ်ရောက်ရောက်ချင်း လီခိုင်ကလာရှာပြီး_
"ညီလေးချင်... သတင်းကောင်းနဲ့သတင်းဆိုးရှိတယ်... ဘယ်ဟာအရင်နားထောင်ချင်လဲ?''
"အစ်ကိုလီ... ဒီကစားနည်းတတ်ထားပြီပေါ့... သတင်းကောင်းကဘာလဲ?''
ချင်လင်ကပြုံးပြီးမေးလိုက်သည်။
လီခိုင်ကရှင်းပြသည်_
"သတင်းကောင်းက ငါတို့အရင်ကစိုက်ထားတဲ့သန့်စင်မြက်က ကောင်းကောင်းဖြစ်နေပြီ... အခြေအနေကြည့်ရတာ မကြာခင်မျိုးစေ့ရတော့မယ်... ဒီသန့်စင်မြက်တစ်သုတ်က မျိုးစေ့အလုံအလောက်ရရင် ကျယ်ကျယ်ပြန့်ပြန့်စိုက်နိုင်ပြီ''
"ကြီးနေပြီလား?''
ချင်လင်က ထိုသတင်းကြားပြီး နည်းနည်းအံ့ဩသွားသည်။ သန့်စင်မြက်ကအကြီးမြန်မှန်းသိသော်လည်း အရမ်းမြန်နေသည်။
"အစ်ကိုလီ... သတင်းဆိုးကရော?''
သူကမေးလိုက်သည်။
လီခိုင်က စိတ်ရှုပ်သွားပြီး_
"ညီလေးချင်... အဲဒါမင်းကြောင့်ပဲ... သန့်စင်မြက်မျိုးစိတ်ပြောင်းတာ မင်းမှသတိမထားမိဘဲ... မင်းအကုန်ရှင်းပစ်လို့ ဒီတစ်ခါသန့်စင်မြက်အသစ်ရဲ့အာနိသင်က အရင်လောက်မထက်တော့ဘူး''
ပျိုးထောင်ပြီးရင် အရည်အသွေးကျဆင်းသွားမည်မှန်း ချင်လင်သိသည်။
သို့ရာတွင် သူစောစောတွေ့ခဲ့သောဆင်ခြေကိုသာ အပြစ်ပုံချရတော့မည်ထင်သည်။
"အစ်ကိုလီ... တစ်ချက်သွားကြည့်ရအောင်!''
ချင်လင်ကပြောပြီး ရုံးခန်းထဲမှထွက်ကာ သန့်စင်မြက်သီးသန့်စိုက်ခင်းထဲသို့ လီခိုင်နှင့်အတူသွားလိုက်သည်။
နီးလေလေ ပတ်ဝန်းကျင်လေကအရမ်းကောင်းလာမှန်း သူခံစားမိသည်။

ကားမောင်းဝင်လာသောအခါ ပန်းရောင်နှင့်အစိမ်းရောင်လောကကြီးက မြင်ကွင်းထဲရောက်လာသည်။ သန့်စင်မြက်ခင်းကျယ်ကြီးပင်။
သန့်စင်မြက်မျိုးစေ့အမြောက်အများထွက်ပြီး အကြီးအကျယ်စိုက်နိုင်လိမ့်မည်။
သန့်စင်မြက်ခင်းပြင်ထဲဝင်ပြီးနောက် လီခိုင်က_
"ဒါနဲ့... ဝန်ကြီးလုနဲ့ပါမောက္ခရန်လည်း သန့်စင်မြက်အကြောင်း အရမ်းသိချင်နေတယ်... မနေ့ကဖုန်းဆက်မေးတယ်''
ချင်လင်ခေါင်းညိမ့်လိုက်သည်။ သူကသူ့ရှေ့မှသန့်စင်မြက်ကိုစူးစမ်းပြီး တစ်အုံနှုတ်ကာ ချင်းလင်အပန်းဖြေစံအိမ်ပြန်ယူလာသည်။
ရုံးခန်းထဲပြန်ရောက်သောအခါ တစ်ခုခုတွေးမိပြီး သန့်စင်မြက်နှင့်ဂိမ်းထဲဝင်လိုက်သည်။
"သန့်စင်မြက်: အရည်အသွေး ၁''
(အထူးရွှေ့ပြောင်းမြက်တစ်မျိုးဖြစ်သည်။ အလင်းအစာချက်ပြီး အထူးအာနိသင်ရှိသည့်အထူးဓာတ်ငွေ့တစ်မျိုးထုတ်နိုင်သည်။ သန့်စင်မြက်မှာ ပတ်ဝန်းကျင်လေကိုသန့်စင်ပေးနိုင်ခြင်း +၁ အပြင် ကြည့်ပျော်ရှုပျော်လည်းရှိသည်:
အဆင်း +၁၊ ကြည့်ကောင်းခြင်း +၁၊ ဆွဲဆောင်မှု +၁၊ ဓာတ်ပုံစားခြင်း +၁!)
ထင်တဲ့အတိုင်း အာနိသင်ကပိုလျော့ပြီး အရည်အသွေးကျသွားသည်။
သို့ရာတွင် ကျယ်ကျယ်ပြန့်ပြန့်စိုက်နိုင်သရွေ့ လေသန့်စင်ပေးနိုင်သောအရည်အသွေး +၁ ရှိရင် အချိန်နှင့်အမျှ အာနိသင်ကလုံးဝကောင်းလာလိမ့်မည်။
အရည်အသွေး ၁ သန့်စင်မြက်တစ်ပင်က အရည်အသွေး ၂ သန့်စင်မြက်တစ်ပင်ထက်ပိုမကောင်းနိုင်ပေမဲ့ ၁၀ ပင်ထက်ပိုကောင်းဖို့တော့ မဖြစ်နိုင်ဘူးမလား?
ချင်လင်လည်း ဂိမ်းထဲမှထွက်လိုက်သည်။
တစ်ချိန်တည်းတွင်_
ရုံချန်းကလည်း ထူးခြားသောလူတစ်ဦးကိုကြိုဆိုနေသည်။
ကားထဲမှသက်လတ်ပိုင်းလူတစ်ဦးက ရုံချန်းထဲဝင်သောအချိန်တွင် ကိရိယာတစ်ခုကိုဖွင့်လိုက်သည်။

နောက်ဆုံးပေါ် AQI စမ်းသပ်ကိရိယာဖြစ်ပြီး ပတ်ဝန်းကျင်လေအရည်အသွေးကို တိတိကျကျစမ်းသပ်နိုင်သည်။
သက်လတ်ပိုင်းအမျိုးသားက လမ်းဘေးမှလူတစ်ယောက်ကြောင့် ကားရပ်လိုက်သည်။ ထို့နောက် ပြတင်းပေါက်အပြင် ကိရိယာလှမ်းပေးပြီး စတင်စမ်းသပ်လိုက်သည်။
ခဏအကြာ ကိရိယာပေါ်မှနံပါတ်ကခုန်တက်ပြီး နောက်ဆုံး ၅၈ တွင်ရပ်သွားသည်။
"လေကကောင်းလိုက်တာ''
သက်လတ်ပိုင်းအမျိုးသားက နံပါတ်ကြည့်ပြီး မျက်မှောင်နည်းနည်းကြုတ်ကာ ဝန်ကြီးလုကိုပြောလိုက်သည်_
"ဝန်ကြီးလု... ရုံချန်းမှာ ကျုပ်တို့လိုအပ်တာရှိပါ့မလား? ကမ္ဘာလုံးဆိုင်ရာလေဂေဟစနစ်နည်းပညာအစည်းအဝေးက စတော့မှာ''
ဘေးမှဝန်ကြီးလုကပြုံးပြီး_
"ဝန်ကြီးကျင်း... မပူပါနဲ့... ချင်းလင်အပန်းဖြေစံအိမ်ကိုသွားရအောင်... ခင်ဗျားအဲဒီရောက်ရင်သိမှာပေါ့''
"ခင်ဗျားကတော့ သိချင်စိတ်ဖြစ်အောင်လုပ်ဖို့တတ်တယ်နော်''
ဝန်ကြီးကျင်းက သူ့လူများကိုကားဆက်မောင်းခိုင်းလိုက်သည်။
သူက ပေကျင်းလေထုထိန်းသိမ်းရေးတာဝန်ခံဖြစ်ပြီး လေသန့်စင်ရေးကတစ်ခုအပါအဝင်ဖြစ်သည်။ ယခုနှစ်ပေကျင်းလေသန့်စင်ရေးကုန်ကျစရိတ်က ဘီလီယံ ၁၀ သန်းအထိရှိပြီး ယခင်နှစ်ထက်စာလျှင် ၃ သန်းတိုးလာသည်။
သို့ရာတွင် ယခင်နှစ်အောင်မြင်မှုကအနည်းဆုံးဖြစ်ကြောင်းရှင်းနေပြီ။
ကုမ္ပဏီအသီးသီးကပေးသောအရည်အသွေးမြင့်လေသန့်စင်စက်များမှာ သိပ်ထိရောက်ပုံမပေါ်။ ငွေအကုန်အကျခံသော်လည်း လေထုအခြေအနေကိုတည်ငြိမ်ရုံသာထားနိုင်ပြီး တိုးတက်မလာချေ။
လုပ်ငန်းလေလံဆွဲမည့်ရက်ရောက်တော့မည်ဖြစ်သော်လည်း ဒီကုမ္ပဏီတွေလေလံပြန်ဆွဲရင် အရင်နှစ်များလို ရလဒ်ကအလွန်ဆုံးတူရုံသာရှိမည်။
အထူးသဖြင့် ယခုနှစ်ကမ္ဘာလုံးဆိုင်ရာလေဂေဟစနစ်နည်းပညာအစည်းအဝေးကို ပေကျင်းတွင်ကျင်းပတော့မည်။
ထိုအစည်းအဝေးကို ကမ္ဘာ့ပတ်ဝန်းကျင်ထိန်းသိမ်းရေးအဖွဲ့အစည်းက လေအရည်အသွေးဆိုင်ရာပြဿနာများဆွေးနွေးရန်၊ဖြေရှင်းရန်အဆိုပြုခဲ့ခြင်းဖြစ်သည်။
မည်သို့ဆိုစေ ကမ္ဘာတစ်ဝှမ်းလေအရည်အသွေးက ဆိုးသည်ထက်ဆိုးလာပြီး မြို့ကြီးအတော်များများတွင် မှုန်မှိုင်းမှိုင်းဖြစ်နေသည်။
မူလရည်ရွယ်ချက်ကကောင်းသော်လည်း ဟိုရှီနိုကောင်များကဦးနှောက်ကြောင်နေ၍ တမင်သက်သက်ပြဿနာဖန်တီးကြရာ တဖြည်းဖြည်းအရည်အချင်းပြိုင်ပွဲတစ်ခုဖြစ်လာသည်။
အတူတူဆွေးနွေး၊ အချက်အလက်ပြောင်းလဲပြီး လေကိုထိန်းသိမ်းကြရင် ပိုမကောင်းဘူးလား?
ယခုအခါ သုတေသနရလဒ်တစ်ခုထွက်တိုင်း ဘယ်သူမဆိုဖုံးကွယ်ထားကြလိမ့်မည်။ အစည်းအဝေးလုပ်မှထုတ်ကြွားပြီး ဒီအပိုင်းမှာသူတို့နိုင်ငံကပိုတော်ကြောင်းသက်သေပြကြမည်။
ဒီတစ်ကြိမ် ရှင်းကျန့်တယ်က နည်းပညာပိုင်းအောင်မြင်မှုရထားပြီး သူတို့ကိုအရှက်ခွဲချင်ကြောင်း ကိုယ်စားလှယ်အဖွဲ့ထံမှကြားထားသည်။
ဆွေးနွေးပွဲကဒီလိုဖြစ်နေရင် ဒီတည်ရှိမှုကအဓိပ္ပါယ်မရှိတော့သလိုခံစားလာရမည်။
တချို့ရည်ရွယ်ချက်ကောင်းကောင်းတွေကိုအရှုပ်ထုပ်တွေနှင့်ရောမမွှေသင့်။
ဝန်ကြီးကျင်းကတွေးရင်း သက်ပြင်းချလိုက်သည်။
ဝန်ကြီးလုပြောသလို ဒီခရီးကနေတချို့တလေရပါစေဟုသာမျှော်လင့်မိသည်။
ကားကလျင်လျင်မြန်မြန်ပင် ချင်းလင်းစံအိမ်ကားပါကင်ရောက်လာသည်။
ကားထဲမှထွက်ပြီးနောက် ဝန်ကြီးလုကဝန်ကြီးကျင်းကိုစံအိမ်ထဲလမ်းပြသည်။ သို့ရာတွင် စံအိမ်ထဲဝင်ဝင်ချင်း ဝန်ကြီးကျင်းကအမှတ်တမဲ့ရပ်လိုက်ပြီး_
"လေကဒီမှာပဲ''
"ခံစားမိလား?''
ဝန်ကြီးလုကပြုံးပြီးမေးသည်။
ဝန်ကြီးကျင်းခေါင်းညိမ့်လိုက်သည်။ လေပိုကောင်းလာတာ သူသိသိသာသာခံစားမိသည်။
ချင်လင်က ဂိမ်းထဲမှသန့်စင်မြက်ယူလာပြီး ချင်းလင်စံအိမ်တွင်ယွီရွှေ့တို့ကိုစိုက်ခိုင်းထားသောကြောင့်ပင်။
သန့်စင်မြက်က စံအိမ်မှလေကိုတချိန်လုံးသန့်စင်ပေးနေသည်။
ဝန်ကြီးလုကချက်ချင်း AQI စမ်းသပ်စက်ထုတ်လိုက်ပြန်သည်။ ဒီတစ်ကြိမ်တက်လာသောနံပါတ်က သူ့ကိုအံ့ဩစေသည်။
၂၈!
တကယ့်လေအရည်အသွေးပဲ။
ဝန်ကြီးကျင်းက ဝန်ကြီးလုဘက်လှည့်ကာတအံ့တဩမေးလိုက်သည်_
"ချင်းလင်စံအိမ်ဝင်ကတည်းက ပြောင်းလဲသွားတာ... ဒါခင်ဗျားပြောတဲ့ဟာလား?''
…