ဘယ်သူကတောင်းပန်ရမှာ! ၁၀ ဘီလီယံလုပ်ငန်း! ၃

"ကောင်းတယ်''

အီဗန်ကကျေကျေနပ်နပ်ခေါင်းညိမ့်ပြီး ပြုံးလိုက်သည်။ ဆွေးနွေးပွဲပြီးရင် အဲဒီအရှေ့တိုင်းနိုင်ငံကလူတွေ သေချာပေါက်လာမေးကြလိမ့်မည်။ သူတို့မြို့ရဲ့လေထုအခြေအနေက ကမ္ဘာ့နာမည်ကျော်လေ။

"ဟား ဟား ဟား! မပူပါနဲ့ မစ္စတာအီဗန်''

ပါမောက္ခ Abo က ခေါင်းညိမ့်ပြီးပြုံးကာ_

"သူတို့လာမေးတယ်ဆိုတဲ့သဘောက သူတို့နည်းပညာမပြည့်စုံလို့... မတိုးတက်လောက်ပါဘူး''

အီဗန်ကပိုပြုံးလာသည်။

အမှန်ပင်။ သူတို့တစ်ဖက်ကို နည်းပညာချပေးမည်မဟုတ်။

သူတို့ခေတ်ရေစီးကြောင်းအရအမြင်လည်းရှိသည်။

တစ်ဖက်ကလိုင်စင်လိုချင်ရင် နည်းပညာအစ်ဖွံ့ဖြိုးတဲ့အချိန်အထိစောင့်ရမည်။

အဲဒီအချိန်ကျရင် တစ်ဖက်ကခေတ်နောက်ကျနေတဲ့နည်းပညာကိုယူသုံးလည်းကိစ္စမရှိ။ တန်ဖိုးက နည်းပညာအသစ်တန်ဖိုးအတိုင်းဖြစ်မည်။

သူတို့သုတေသနကုမ္ပဏီက ဒီအပိုင်းမှာသိပ်အခြေအနေမကောင်းသောကြောင့် ဒီဆုံးရှုံးမှုကိုသာခံရမည်။

ကမ္ဘာတစ်ဝှမ်းကသုတေသနသမားများပြင်ဆင်နေကြစဉ် ကမ္ဘာ့ပတ်ဝန်းကျင်အဖွဲ့အစည်းက ကမ္ဘာ့အရပ်ရပ်ကလူများကို နည်းပညာသရုပ်ပြခြင်းအဆင်သင့်ဖြစ်မဖြစ်စတင်ဆက်သွယ်သည်။

အစည်းအဝေး၏အဓိကရည်ရွယ်ချက်မှာ အလုံပိတ်နေရာတွင် သူတို့နည်းပညာကိုပြသရန်ပင်။

အီဗန်နှင့်ဒေါက်တာ Abo က အသိပေးခံရပြီး အလယ်နေရာသို့ကိရိယာတချို့ယူလာသည်။

ကိရိယာတစ်ခုစီက သန့်ရှင်းရေးစက်ရုပ်အရွယ်စားသာရှိပြီး သယ်ဆောင်ရလွယ်ကူသည်။

"ရှင်းထောင်''ဟုရေးထားသောအလုံပိတ်အခန်းထဲရောက်သောအခါ သူတို့ရှေ့တွင် AQI စမ်းသပ်စက်ကိုတွေ့ရပြီး လတ်တလောတန်ဖိုးမရှိသေးချေ။

လေဆိုးလေညစ်ထည့်ပြီးမှသာ AQI စမ်းသပ်စက်ကိုစတင်မည်။

အီဗန်ရောက်သောအခါ တခြားနိုင်ငံမှလူများလည်း အလုံပိတ်နေရာရှေ့အသီးသီးရောက်နေကြသည်။

သူကအမှတ်တမဲ့ဝန်ကြီးကျင်းကိုကြည့်လိုက်သော်လည်း ဝန်ကြီးကျင်းနှင့်သူ့လူများသယ်လာသောပစ္စည်းကိုကြည့်ပြီး ​ကြောင်သွားသည်။

တကယ် အိုးစိုက်မြက်တွေပဲ။

"အိုးစိုက်ပင်? ဘာလဲဟ?''

အီဗန်နည်းနည်းကြောင်သွားသည်။

ဒီမြက်ပင်တွေက သူတို့နည်းပညာမြင့်ထုတ်ကုန်လောက်အစွမ်းထက်ပါ့မလား?

တခြားနိုင်ငံကလူတွေလည်း 'Twilight'ကိုစိတ်ဝင်စားကြတာပဲ။ ဒီလိုမြင်ကွင်းမျိုးမြင်ဖူးတာ ဒါပထမဆုံး။

ကမ္ဘာ့ပတ်ဝန်းကျင်အဖွဲ့အစည်းတောင် စိတ်ထွေသွားသည်။

တစ်ယောက်ကအမှတ်တမဲ့ ဝန်ကြီးကျင်းကိုမေးလိုက်သည်_

"ဝန်ကြီးကျင်း... ဒီအပင်တွေကိုပြမှာဟုတ်လား?''

"အင်း... စရအောင်!''

ဝန်ကြီးကျင်းခေါင်းညိမ့်လိုက်သည်။

"ဟုတ်ပြီ''

တစ်ဖက်က ဘာမှမပြောတော့။ ထို့နောက် အလုံပိတ်မှန်ခန်းကို တစ်နေရာချင်းဖွင့်လိုက်သည်။

မီတာ ၅၀ ပတ်လည်နေရာတွင် နိုင်ငံအသီးသီးက သူတို့နည်းပညာပစ္စည်းများထားလိုက်သည်။

ဝန်ကြီးကျင်းလည်း သန့်စင်မြက် ၅ ပင်ကိုထည့်ခိုင်းလိုက်သည်။ တစ်ချိန်တည်းတွင် သန့်စင်မြက်အလင်းအစာချက်ရန် အထူးမီးချောင်းတစ်ချောင်းထည့်လိုက်သည်!

ထိုမြင်ကွင်းကို အီဗန်နှင့်တခြားလူများစိတ်ဝင်စားသွားကြသည်။

သူတို့ရဲ့နည်းပညာမြင့်ကိရိယာကို အိုးစိုက်ပင်နဲ့ တကယ်ယှဉ်ကြည့်ချင်တယ်ပေါ့။

နောက်နေတာလား?

ထို့နောက် အလုံပိတ်နေရာပြန်ပိတ်ပြီး လေဆိုးလေညစ်များထည့်လိုက်သည်။

အထဲမှ AQI လေအရည်အသွေးစမ်းသပ်စက်လည်း စတင်အလုပ်လုပ်သည်။

အလုံပိတ်နေရာအသီးသီးမှ AQI စမ်းသပ်စက်ကို ကြောက်စရာကောင်းသောလေထုအခြေအနေမှ ၁၅၀ စတင်ကြောင်းတွေ့နိုင်သည်။

နောက်တစ်ဆင့်က ဘယ်နိုင်ငံရဲ့နည်းပညာနဲ့ကိရိယာမှာ အကောင်းဆုံးသန့်စင်နိုင်စွမ်းရှိလဲကြည့်ရမည်။

ကိရိယာစတင်အလုပ်လုပ်ပြီး လေသန့်စင်သောအခါ အများစုကရှင်းကျန့်တယ်ကိုအာရုံစိုက်ကြသည်။ ဘာပဲဖြစ်​ဖြစ် သူတို့နည်းပညာကအောင်မြင်ထား၍ အစိုးရကိုဘယ်လိုအကျိုးပြုမလဲကြည့်ရမည်။

ရှင်းကျန့်တယ်မှဒေါက်တာ Abo တီထွင်ထားသောသန့်စင်စက်ကြောင့် AQI စမ်းသပ်စက်တန်ဖိုး ၁၅၀ မှာ မကြာခင်ကျသွားလေသည်။

ကိရိယာ၏သက်ရောက်မှုပင်။

၁၀ မိနစ်မပြည့်ခင် ၁၅၀ က ၁၂၀ ဖြစ်သွားသည်။

ထို့ကြောင့် အားလုံးအံ့ဩပြီးရေရွတ်လိုက်ကြသည်။

"ဒီအရှိန်က တကယ်မြန်တာပဲ!''

"အင်း... အရင်ထက်ပိုမြန်တယ်... ငါတို့မယှဉ်နိုင်ဘူး''

"ဒေါက်တာ Abo က အံ့ဩစရာ... ဒီသုတေသနပိုင်းမှာ ဆရာတစ်ဆူပဲ''

“……”

ဒေါက်တာ Abo နှင့်အီဗန်က ကျဆင်းလာသောတန်ဖိုးကို ပြုံးပြုံးကြီးကြည့်နေကြသည်။

ထိုအချိန်တွင် ရုတ်တရက်အော်သံထွက်လာသည်_

"အိုးမိုင်ဂေါ့!''

ထိုအသံကြောင့် အားလုံးစိတ်ဝင်စားသွားသည်။ အီဗန်နှင့်ဒေါက်တာ Abo ကလှမ်းကြည့်လိုက်ရာ ကမ္ဘာ့ပတ်ဝန်းကျင်အဖွဲ့အစည်းမှလူက မြက်ပင်ကိုတအံ့တဩကြည့်နေသည်ကိုတွေ့လိုက်ရလေသည်။