မကောင်းမှုပပျောက်အောင် အမွှေးတိုင်ကို ဆွဲထုတ်ပါ

တောင်နီမယ်မယ်မှာ သူမကို ပြုစုပျိုးထောင်ခဲ့တဲ့ အခြေအနေတွေက လွန်လွန်းတယ်လို့ ခံစားမိတဲ့အတွက် ထပ်စဥ်းစားကြည့်သည်။

"နံ့သာခန်းမကို ဖယ်ရှားတဲ့ကိစ္စက အရမ်းပြင်းထန်တယ်.. အမွှေးတိုင်ကို ရှင်းပစ်ရတာက ရှက်စရာကြီးလေ.. အန္တရာယ်ကလည်း အများကြီး ကြုံရမှာ သုံးရက်လောက်နဲ့တော့ မရဘူး!"

"ကောင်းပြီ!"

ချန်ရှီ ပြတ်ပြတ်သားသား ပြောလိုက်သည်။ တောင်နီမယ်မယ်လည်း အလွန်ပျော်ရွှင်သွားတော့သည်။ ထိုအချိန်တွင် မသန်စွမ်းအရုပ်ခန်းမရှိ နည်းပြဟူသည် လှုပ်ရှားမှုကို သတိပြုမိတာကြောင့် အားလုံးကို အသံတိတ်ရန် အချက်ပြဖို့ သူ့လက်ကို မြှောက်ထားလိုက်သည်။

ရုတ်​တရက်​ ဆူညံသံ​တွေ ​ပျောက်​ကွယ်​သွားပြီး တိတ်​ဆိတ်​သွားသည်​။

အလွန်တိတ်ဆိတ်နေသည်။

မသန်စွမ်းအရုပ် ခန်းမရှိ တပည့် သုံးယောက်သည် ခြံရှေ့ခေါင်မိုးပေါ်သို့ ခုန်တက်ကာ ကျောက်တုံးကြီးနောက်တွင် ပုန်းနေသော တပည့်နှစ်ယောက် ရှိသည်။ သုံးယောက်ကလည်း သစ်ပင်များနောက် ဖုံးကွယ်ကာ ငါးကန်ထဲသို့ တိတ်တဆိတ် ခိုးဝင်ကြသူတွေလည်း ရှိသေး၏။

တခြားတပည့် ငါးယောက်လောက်က ထောင့်စွန်း၌ ပုန်းအောင်းနေကြသည်။ လူနှစ်ယောက်က စင်္ကြံတံခါးကို မှီ၍ တစ်ဖက်စီ၌ ရပ်နေကြကာ အချို့က လအရိပ်ကို အခွင့်ကောင်းယူ၍ ကြမ်းပြင်ပေါ်၌ လဲလျောင်းလျက် ရှိသည်။

လူတိုင်းသည် နတ်ကွန်းကို တိတ်တဆိတ် ထုတ်ကာ နတ်သန္ဓေသားများအား အသင့်ထုတ်ထားကြ၏။ ရောက်လာသည့် ဧည့်သည်များကို အနှောက်အယှက် မဖြစ်စေရန်အတွက် နတ်သန္ဓေသားများကို တိတ်တဆိတ် ထုတ်ထားကြလေသည်။

နည်းပြဟူသည် လရောင်၏ ယင်စွမ်းအင်ကို စုပ်ယူနေသော မသန်စွမ်းအရုပ်များကို ထိန်းချုပ်ထားသည်။ အရုပ်များက တိတ်တိတ်လေး လွင့်စင်သွားကာ ၎င်းတို့၏ ဦးခေါင်းများသည် မသေမျိုးစားပွဲ ရှစ်လုံးထက် ပိုကြီးလာသည်။

မျက်လုံးတစ်စုံက စင်္ကြံတံခါးကို စိုက်ကြည့်နေသည်။

သူတို့ရဲ့ မှော်စွမ်းအင်တွေက အဆင်သင့် ဖြစ်နေပါပြီ။

မည်သူမဆို တံခါးမှ ထွက်လာသမျှ ကာလပတ်လုံး သူသည် လူတိုင်းပြင်ဆင်ထားသော စွမ်းအင်တွေထဲ ချက်ချင်း နစ်မွန်းပြီး အပိုင်းပိုင်း ပြတ်တောက်သွားလိမ့်မည်။

စင်္ကြံမှာ တိတ်ဆိတ်နေ၏။ အရုပ်တွေကလည်း နားထောင်ပေမယ့် ဘာသံမှ မကြားရချေ။ ခြေသံမကြားရ။ အသက်ရှူသံ သို့မဟုတ် နှလုံးခုန်သံကို မကြားရပါ။

စင်္ကြံတစ်ဖက်တွင်တော့ ချန်ရှီကလည်း မျက်လုံးမှိတ်ပြီး နားထောင်နေခဲ့သည်။ သူသည် နားထောင်ရုံသာမက အာရုံလည်း ခံနိုင်သည်။

အလင်းသုံးပါး ချီကျင့်စဥ်တွင် မှတ်တမ်းတင်ထားသည့် သူတော်စင် သန္ဓေသားခန္ဓာကို မွေးမြူပြီးကတည်းက သူ့အာရုံများသည် သာမန်မျက်စိဖြင့် မမြင်ရသော သူ့ပတ်ဝန်းကျင်က သိမ်မွေ့သော လှုပ်ရှားမှုများကို သူကြားနိုင်သည်။

နံရံနောက်ကွယ်ရှိ ကောင်းကင်အဘွားအဖွဲ့အစည်းက တပည့်ငါးဦး၏ အနေအထား၊ မတ်တပ်ရပ်နေသော ကိုယ်ဟန်အနေအထား၊ မှော်စွမ်းအင်နဲ့ နှလုံးခုန်သံတို့ကို သူခံစားနိုင်သည်။ သူ့ခံစားချက်က ပိုရှင်းလာပြီး ကောင်းကင်မှာ မြေအိုးတွေ လွင့်နေတာ၊ မြေအိုးတွေပေါ်က ခေါင်းကြီးအရုပ်တွေကိုပါ ခံစားမိလာသည်။

မြေပြင်နဲ့ ခေါင်မိုးပေါ်မှာ လူခြောက်ဦး လဲလျောင်းနေသည့်အပြင် ကျောက်တုံးကြီးနောက်တွင် ပုန်းအောင်းနေသော လူလေးဦးက ရေကန်အတွင်း ကျောခိုင်းနေတာကိုလည်း တွေ့​​နေရသည်။ ၎င်းတို့၏ စွမ်းအင်နှင့် သွေး၊ ကျင့်ကြံမှု၊ အသင့်ပြင်ထားတဲ့ မှော်စွမ်းအင် အစွမ်းသတ္တိကိုလည်း ခံစားနိုင်သည်။

၎င်းတို့တွင် ရွှေအမြုတေ သန့်စင်ထားသူနဲ့ နတ်သန္ဓေသားကို မွေးမြူထားသူများ ရှိသည်။ ထို​လူများ၏နှလုံးများ ခုန်နေချိန်၌ပင် နှလုံးမှထွက်သော သွေးများသည် အရေပြားမျက်နှာပြင်နှင့် ခြေလက်အင်္ဂါများဆီသို့ ချက်ချင်း စီးဆင်းသွားတာကိုပါ ခံစားနိုင်ပါ၏။

ဒါပေမဲ့ အာရုံခံစားဖို့ အခက်ဆုံးကတော့ ဝင်းအလယ်မှာ ရပ်နေသူတစ်ယောက်ပါပဲ။ ထိုလူ သူ့အား ပေးသော ခံစားချက်က အလွန် မှုန်ဝါးနေပြီး သူ့အသက်ရှုသံက အပြောင်းအလဲမြန်သည်။

အဲဒီ့မှာ တစ်စုံတစ်ယောက်ရှိနေတယ် ဒါမှမဟုတ် တစ်စုံတစ်ယောက်ရဲ့ အရိပ်အယောင် ရှိတယ်ဘို့ ခံစားနိုင်ပေမယ့် အဲဒီလူနဲ့ပတ်သက်တဲ့ အရာအားလုံးဟာ မှုန်ဝါးနေပါ၏။

သူက သခင်တစ်ယောက်ပဲဟု ချန်ရှီ တိတ်တိတ်လေး ရေရွတ်လိုက်သည်။

တောင်နီမယ်မယ်ကို သူရဲ့နတ်သန္ဓေသားအဖြစ် ထိန်းချုပ်လိုက်တဲ့အခါ အာရုံများက ယခင်ကထက် ပိုမိုသိမ်မွေ့လာသော်လည်း နည်းပြဟူရဲ့ ပုံစံကို ရှင်းရှင်းလင်းလင်း နားမလည်နိုင်သေးကြောင်း သဘောပေါက်လာသည်။

နည်းပြဟူကလည်း ချန်ရှီကို စူးစမ်းနေသည်။ သို့သော် စင်္ကြံတွင် လူသေအလောင်း ၃ လောင်းနှင့် ကွဲနေသော မြေအိုးအချို့ကိုသာ သူ တွေ့လိုက်ရသည်။

သူသည် အသက်ရှုသံကို မကြားနိုင်၊ နှလုံးခုန်သံကို မကြားနိုင်၊ သွေးစီးဆင်းမှုကို မခံစားနိုင်၊ တစ်ဖက်လူရဲ့ အငွေ့အသက်ကိုလည်း မခံစားနိုင်ဘူး ဖြစ်နေသည်။ ဒီအလောင်းသုံးလောင်းနဲ့ ကွဲနေတဲ့ မြေအိုးတွေကလွဲရင် အဲဒီနေရာမှာ ဘာမှမရှိတော့သလိုပင်။

"သူ ထွက်သွားပြီလား ဒါမှမဟုတ် အရမ်းအန္တရာယ်များတဲ့ လူမလို့လား!"

နည်းပြဟူ ငြိမ်သက်သွားကာ နှုတ်ခမ်းကို တင်းတင်းဆွဲကာ တပည့်တစ်ဦးအား စင်္ကြံကိုသွားကြည့်ရန် လှုံ့ဆော်လိုက်သည်။ ထိုတပည့်လည်း တံတွေး မျိုချကာ အရှိန်လျှော့၍ စင်္ကြံတံခါးဆီသို့ တိတ်တဆိတ် ရွှေ့ကာ စင်္ကြံလမ်းထဲသို့ ခေါင်းကို အမြန်ထိုးလိုက်ပြီး ရုတ်တရက် နောက်ပြန်ဆုတ်သွားသည်။

ခေါင်းကို အမြန်ပြန်ဆွဲထားသရွေ့တော့ ဘာအန္တရာယ်မှ မရှိပါဘူး။

"ချွင်း!"

မမြင်နိုင်သော ဓားစွမ်းအင်တစ်ခုက ဖြတ်ကျော်သွားကာ နံရံပေါ်တွင် သွေးခြေရာတစ်ခု ပေါ်လာခဲ့သည်။ ထိုတပည့်သည် လည်ပင်းကို ဆုတ်လိုက်သော်လည်း ဦးခေါင်းက လည်ပင်းနောက်ကို ပြန်မလိုက်လာဘဲ အတန်းထဲသို့ လှိမ့်ဆင်းသွားသည်။

သူ့ခေါင်းကို အမြန်မငုံ့နိုင်ခဲ့ချေ။

တစ်ချိန်တည်းမှာပဲ နည်းပြဟူက အရုပ်နှစ်ရုပ်ကို လေထဲပျံတက်ဖို့ အမိန့်ပေးလိုက်သည်။ အရုပ်တွေက အတန်းမှာပျံသန်းပြီး အောက်ကိုငုံ့ကြည့်လိုက်ပြီး အတန်းထဲက အရာအားလုံးကို ချက်ချင်း သတင်းပေးဖို့ ပြင်ကြသည်။

စင်္ကြံက အရုပ်မှာ အသက် ဆယ့်တစ်နှစ်ခွဲ သို့မဟုတ် တစ်ဆယ့်သုံးနှစ်သားခန့်သာ ရှိသေးသည်။ နည်းပြဟူသည် ရန်သူရဲ့ အခြေအနေကို သိရှိရန် ကလေးငယ်ရဲ့ မျက်လုံးကို သေးငယ်သော မှော်ပညာလေးကိုသာ သုံးထားသည်။

ရန်သူရဲ့ အာရုံကို ဆွဲဆောင်ဖို့ အခုပဲ ခေါင်းထွက်ပြခဲ့တဲ့ တပည့်က အမြှောက်ဖြစ်ကာ ရန်သူရဲ့ အခြေအနေကို အမှန်တကယ် စုံစမ်းတဲ့သူက မသန်စွမ်းအရုပ် နှစ်ကောင်ပါပဲ။

ရုတ်တရက် လျှပ်တစ်ပြက်ရိုက်ချက် နှစ်ချက် ရိုက်လိုက်သောအခါတွင် ဓားစွမ်းအင်ကြောင့် အရုပ်နှစ်ကောင်အောက်ရှိ အိုးများ ကွဲအက်သွားကာ အရပ်ရပ်မှ ဆိုးဝါးသော စွမ်းအင်များ ချက်ချင်း ထွက်လာပြီး အရုပ်နှစ်ကောင်လည်း အော်ဟစ်ကာ ပြုတ်ကျသွားသည်။

မသန်စွမ်း အရုပ်နှစ်ကောင်ရဲ့ ရင်ဘတ်ထဲက နှလုံး၊ အသည်း၊ သရက်ရွက်၊ အဆုတ်နဲ့ ကျောက်ကပ်တွေဟာ ရှုံ့တွနေပြီ။ ထူးဆန်းတဲ့ သတ္တုနဲ့ ဆေးဖက်ဝင်ပစ္စည်းတွေပဲ ကျန်တော့တဲ့ အိုးတွေဟာ ကွဲသွားတာကြောင့် အရုပ်ရဲ့ အသက်မရှူနိုင်ဘဲ အရှိန်က ပိုပြင်းလာပါ၏။

"မြန်လိုက်တဲ့ ဓားချက်!"

အားလုံး တွေးပြီး အံ့သြသွားတဲ့အခါ ချန်ရှီက စင်္ကြံတံခါးဝမှာ ပေါ်လာချေပြီ။

တံခါးဝရဲ့ ဘယ်ဘက်နှင့်ညာဖက်တွင် ရပ်နေသော တပည့်နှစ်ယောက် လန့်ဖျပ်သွားကြသည်။ ချက်ချင်းပင် သူတို့ထင်ထားသည့်အတိုင်း ချန်ရှီက လက်နှစ်ဖက်ကို ဆန့်ကာ တပည့်နှစ်ယောက်ရဲ့ နတ်ကွန်းတွေကို ထိုးချလိုက်သည်။ ထို့နောက် ဘက်ဘက်လူ​ရဲ့ ဦးခေါင်းကို တစ်ချက်နှိပ်လိုက်ရုံနဲ့ ဦးခေါင်းခွံက ကွဲသွားလေသည်။

တစ်ဖန် ညာဖက်ကို လှည့်လိုက်ပြီး ညာခြေထောက်ဖြင့် နောက်ပြန် ကန်ထည့်လိုက်သေးသည်။ အခြားတစ်ဖက်ရှိ တပည့်မှာလည်း ကန်ကျောက်ခံရကာ ဆီးစပ်အရိုးကျိုးသွားကာ နံရံထဲအထိ တိုးသွားခဲ့ရသည်။

သူ မသေသေးပေမယ့် အပေါ်က ရိုက်ခတ်မှုက အရမ်းကြီးတာကြောင့် ခေါင်းမူးသွားတယ်လို့ ခံစားလိုက်ရပေမယ့် နောက်အခိုက်အတန့်မှာတော့ လေပေါ် ပျံသန်းနေတဲ့ ကြက်တစ်ကောင် ပစ်ချခံလိုက်ရသလို ပြင်းထန်တဲ့ ဝေဒနာတစ်ခု ရောက်လာပြီး အတွင်းအင်္ဂါတွေ ပေါက်ပြဲသွားတဲ့ ပြင်းထန်တဲ့ ဝေဒနာက သူ့ဦးနှောက်ထဲအထိ စိမ့်ဝင်လာတော့သည်။

တစ်ချိန်တည်းမှာပင် ဝင်းအတွင်းရှိ အခြား ကောင်းကင်အဘွားအဖွဲ့အစည်းရဲ့ တပည့်များထံမှ စွမ်းအင်အသံမျိုးစုံက ကျယ်လောင်လာပြီး စင်္ကြံတံခါးဝကို လွှမ်းမိုးသွားခဲ့သည်။ ကောင်းကင်ပေါ်က အရုပ်ကလေးတွေကလည်း သွေးထွက်သံယို ပါးစပ်ကိုဖွင့်ဟလိုက်သည်။

သူတို့ရဲ့ စွမ်းအင်တွေကို တွန်းထုတ်လိုက်ချိန်မှာပဲ ချန်ရှီကလည်း သူ့ပေါင်တွေကို တွန်းထုတ်လိုက်ပြီး အရှိန်ပြင်းစွာ ပြေးထွက်လာခဲ့၏။

ချက်ချင်းပင် ခြံရှေ့တွင် လေပြင်းများတိုက်ခတ်လာသဖြင့် လူတိုင်းရဲ့ အဝတ်အစားများက ပြင်းထန်စွာ လှုပ်ရမ်းသွားကာ ခေါင်မိုးပေါ်မှာ ဝပ်နေကြသည့် တပည့်သုံးယောက်လည်း လေကြောင့် လွင့်ပါမလို ဖြစ်သွားကြသည်။

ထိုမှော်စွမ်းအင်များက တံခါးကို အစိတ်စိတ် အမြွှာမြွှာ ကွဲသွားစေပြီး မီးခိုးငွေ့များဖြင့် ပြည့်လျှံသွားသော်လည်း ညာဘက်ထောင့်မှ ကျယ်လောင်သော ပေါက်ကွဲသံကတော့ မြေပြင် အနေအထားကို အခွင့်ကောင်းယူ၍ ထောင့်စွန်းကို မှီနေသော တပည့်တစ်ဦး၏ ဦးခေါင်းကို ချန်ရှီက နံရံနှင့် ဝင်စောင့်ပေးလိုက်ကာ ဦးနှောက်များကို နံရံပေါ်တွင် လိမ်းကျံပေးခဲ့သော အသံကြီးပင်။

ချန်ရှီ ဦးခေါင်းနောက်ကွယ်ရှိ ဘုံကျောင်းငယ်လေးထဲမှ ဓားရောင်ခြည်နှစ်စင်း လွင့်ထွက်သွားပြီး နံရံတစ်လျှောက် လျင်မြန်စွာ ပြေးထွက်၍ နံရံပေါ်က တပည့်နှစ်ယောက်ကို ဖြတ်သွားခဲ့သည်။ ထိုနှစ်ယောက် ဓားစွမ်းအင်ကို မြင်လိုက်ချိန်မှာတော့ ခါးအောက်မှာ ပြတ်တောက်သွားချေပြီ။

နည်းပြဟူကလည်း ချန်ရှီဆီသို့ ပျံသန်းနေသော အရုပ်များကို ထိန်းချုပ်ကာ သူပြင်ဆင်ထားသော မှော်အစွမ်းများကို တွန်းအားပေးနေသည်။ သူ့လက်များသည် မိုးခြိမ်းသံ၊ လျှပ်စီးကြောင်းများ တုန်ခါသွားကာ ခြံဝန်းတစ်ဝိုက် ဖြာထွက်လျက် ချန်ရှီအား မိုးကြိုးနဲ့ ပစ်သည်။

သူ့တုံ့ပြန်မှုအရှိန်မှာ ကျေနပ်စရာ ​ကောင်းသော်လည်း ရုတ်တရက်ဆိုသလိုပင် ချန်ရှီက ခြံထဲသို့ ဒုတိယခြေလှမ်းနဲ့ လှမ်းလာချေပြီ။ သူက ခြံအတွင်းရှိ သစ်ပင်ဆီသို့ အပြေးအလွှား သွားကာ ခြေထောက်တစ်ဖက်ဖြင့် လွှဲကန်ပစ်လေသည်။ တစ်ချက် ကန်လိုက်ရင်ပဲ သစ်ပင်ကိုယ်ထည်နှင့် ထိပ်ဖူးက ပြတ်တောက်သွားကာ ကျောက်ဆောင်ဆီ ပြေးတိုက်ပစ်လေ၏။

သစ်ပင်ထိပ်တွင် ပုန်းအောင်းနေသော တပည့် သုံးယောက်ရှိသည်။ ချန်ရှီကို အပေါ် တိုက်ခိုက်သော်လည်း ဒုတိယအကြိမ် မပြင်ဆင်မီတွင် ချန်ရှီက သူတို့ ပုန်းခိုနေသော သစ်ပင်ကို ခြေထောက်ဖြင့် ခုတ်လှဲပစ်လိုက်သည်။

ချန်ရှီသည် ကောင်းကင်ပေါ်က ကြယ်အစုအဝေးထဲက လမ်းလျှောက်နေသလို ပြေးလွှားကာ သူတို့သုံးယောက်ထဲက ပထမဆုံးလူကို ဖမ်းဆုပ်ကာ လက်နှစ်ချောင်းဖြင့် ထိုးလိုက်ရုံနဲ့ ထိုလူရဲ့ ရင်ဘတ်က ပေါက်ထွက်သွားကာ နံရိုးများ ကျိုးသွားသွားသည်။ နှလုံးကလည်း အနောက်ဘက်သို့ ထိုးဖောက်သွားသေးသည်။

ချန်ရှီ လေထဲက ထျန်းရွှမ်ကြယ်ပေါ်သို့ ခြေတစ်လှမ်းတိုးကာ နောက်တစ်ယောက်နောက် လိုက်လာပြီး ထိုလူရဲ့ လည်ပင်းကို ချိုးရန် လက်တစ်ဖက်တည်းကိုသာ အသုံးပြုခဲ့သည်။

သူ့ခြေဖဝါးအောက်မှာ အလင်းရောင်များ စီးဆင်းလာစဥ် ထျန်းရွှမ်ကြယ်က ထျန်းချွမ်ကြယ် ပြောင်းလဲသွားပြီး ချန်ရှီ ကောင်းကင်မှ ပြုတ်ကျလာကာ နောက်တစ်ယောက်ရဲ့ မျက်နှာကို နင်းမိသွားသည်။ ထိုအမျိုးသားမှာ ဦးခေါင်းကို နင်းမိတာနဲ့ ကြမ်းပြင်ပါ ပြိုကျကာ အပိုင်းပိုင်း ကွဲကြေသွားခဲ့သည်။

အချိန်နှောင်းသွားပြီ ဖြစ်သော်လည်း မကြာမီတွင် မွှေးပျံ့ပျံ့ သစ်ပင်ကြီးက ကျောက်တုံးကြီးပေါ်မှ ပျံတက်လာကာ သူ့ခန္ဓာကိုယ်ထဲ ထိုးစိုက်သွားခဲ့သည်။

ပေါက်ကွဲသွားသော စင်္ကြံတံခါးဘေးတွင် ချန်ရှီ Cလက်ချက်ဖြင့် သေဆုံးသွားသော ပထမဆုံး တပည့်မှာ သူ့အ​ဖော်တပည့်ရဲ့ အစွမ်းကြောင့် အစိတ်စိတ် အမွှာမွှာ ရိုက်နှက်ခံလိုက်ရသည်။ အဖော်ဖြစ်သူကတော့ ချန်ရှီ ကန်ချက်ကြောင့် ဝမ်းဗိုက်အောက်ပိုင်း ပြုတ်ကျကာ နံရံပေါ်မှာ တွဲလောင်းကျနေသော တပည့်ပင်။

နံရံဘေးမှာ လူသုံးယောက်ရဲ့ အလောင်းလည်း ပြုတ်ကျသွားသည်။

ရေကန်ထဲတွင် ပုန်းနေသော တပည့်လေးယောက်သည် မွှေးကြိုင်သော သစ်ပင်ကြောင့် ထိတ်လန့်သွားကာ သူတို့အားလုံး လေထဲသို့ ခုန်တက်လာကြသည်။ လူလေးယောက် ရေထဲက ခုန်ချလိုက်တာနဲ့ တစ်ယောက်ပြီး တစ်ယောက် ဓားစွမ်းအင်နဲ့ ထိမှန်ပြီး ခေါင်းတွေကို လေထဲမှာပဲ ခွဲပစ်လိုက်လေ၏။

ချန်ရှီ ခြေရာများက ရေပြင်ပေါ်ရှိ ကြာရွက်များပေါ်သို့ ဆင်းသက်လာခဲ့သည်။ သူ၏ ချီစွမ်းအင်များ လွင့်ထွက်သွားသောကြောင့် ခြေဖဝါးမှ စွမ်းအင် ပေါက်ကွဲကာ ကျောက်ဆောင် အနောက်ကို ဖျတ်ခနဲ ရောက်သွားသည်။

ကျောက်တုံးကြီး နောက်ကွယ်မှာ ကင်းပုန်းနေတဲ့ တပည့်နှစ်ယောက်မှာ တစ်ယောက်က သူ့ခေါင်းမှာ သွေးထွက်သံယို အပေါက်တစ်ခု ရုတ်တရက် ပွင့်လာရင်း ပတ်ပတ်လည်ကို ကြည့်နေသည်။ နောက်တစ်ယောက်ကလည်း လန့်သွားပြီး မျောက်ဝံလို လက်သွက်သွက်နဲ့ ကျောက်တုံးကြီးပေါ်ကို ချက်ချင်း တွယ်တက်ဖို့ သူ့လက်တွေ ခြေတွေကို အသုံးပြုလိုက်၏။

သူ့ခန္ဓာကိုယ် ရုတ်ချည်း ပေါ့ပါးသွားသလို ခံစားလိုက်ရလို့ ပြန်ကြည့်လိုက်တော့ သူ့ရင်ဘတ်က တောင်တုပေါ်ကို တစ်ဝက်တစ်ပျက်သာ ရောက်နေကာ လက်တွေကတော့ အပေါ်ကို တက်နေတုန်းပါပဲ။

ထိုအခိုက် မသန်စွမ်း ကလေးလေး၏ ဦးခေါင်းကြီးသည် လေထဲတွင် တဟုန်းဟုန်း လွင့်နေကာ နတ်ဆိုးစွမ်းအင်ကြောင့် သူ့ပတ်ဝန်းကျင်က လရောင်တောင် စိမ်းစိုသွားသည်။

ချန်ရှီသည် ကလေးအရုပ်ရဲ့ တိုက်ခိုက်မှုကို ရှောင်ရှားရန် မြေပြင်အနီးသို့ ​ပြန်ပြေးသွားခဲ့သည်။ တခြားလူ သုံးဦးသည် မြေပြင်အရိပ်တွင် လဲလျောင်းနေတာကြောင့် ၎င်းတို့အရိုးများ ကျိုးသွားသည်အထိ တက်နင်းမိသွားခဲ့သည်။

ချန်ရှီဟာ အဆောက်အဦး အောက်သို့ အမြန်ပြေးသွားသည်။ နောက်အခိုက်အတန့်တွင် ပြေးလွှားနေသော အရုပ်လေးကြောင့် အဆောက်အဦးက အစိတ်စိတ်အမြွှာမြွှာ ကွဲကြေသွားရာ အမိုးပေါ်တွင် ပုန်းအောင်းရင်း တိုက်ခိုက်ရန် ပြင်ဆင်နေသော တပည့်သုံးယောက်မှာလည်း အရုပ်ကြောင့် ထိမှန်ကာ ထွက်ပြေးသွားကြသည်။

အဲဒီအရုပ်တွေက အပြည့်အဝ မသန့်စင်ရသေးဘဲ ရိုင်းပြလွန်းသဖြင့် ထိန်းမနိုင်သိမ်းမရ ဖြစ်နေတာကြောင့် လေထဲမှ လူသုံးယောက်ကို တိုက်ခိုက်ပြီး နေရာအနှံ့ သွေးတွေ ပတ်ဖြန်းပစ်ခဲ့သည်။

နည်းပြဟူသည် ချန်ရှီနောက်သို့ အလျင်အမြန် လိုက်သွားသော်လည်း သူ တစ်ချက်မျှ အမီမလိုက်နိုင်ဘဲ ​ဖြစ်နေသည်။ သူသွားတော့ ခြံရှေ့ရှိ တပည့်များအားလုံး သုတ်သင်ရှင်းလင်း ခံလိုက်ရပြီ။

ချန်ရှီ ရပ်လိုက်တော့ နည်းပြဟူက ဒေါသတကြီး ဟောက်ကာ ရွှေအမြုတေကို အသက်သွင်းလိုက်ရာ ခြံရှေ့က အရာအားလုံး အစိမ်းရောင် ပြောင်းသွားသည်။

အစိမ်းရောင် ရွှေအမြုတေက အဆင့်၇ ဖြစ်ပါ၏။ ရွှေအမြုတေရဲ့ စွမ်းအားနယ်ပယ်သည် ပျံ့နှံ့သွားပြီး မြေပြင်ပေါ်ရှိ ကျောက်ပြားအားလုံး အက်ကွဲသွားသည်။ လေထဲတွင် လွင့်မျောနေသော အရုပ်များက ခေါင်းကြီးကြီးများ၊ မြေအိုးငယ်များဖြင့် ဝန်းရံထားပြီး လရောင်အောက်က ချန်ရှီကို ငုံ့ကြည့်နေကြသည်။

လုံးပတ် ရှစ်ပေရှိတာကြောင့် သူတို့ရှေ့တွင် ချန်ရှီက အလွန်သေးငယ်သည်။ ချန်ရှီဦးခေါင်းထက်က လရောင်ဟာ မှောင်မိုက်နေပြီး ၎င်းတို့ရဲ့ လူငယ်၏ခန္ဓာကိုယ်ပေါ် ထိုးကျမယ့် လရောင်ကို ပိတ်ဆို့ထားသည်။

နည်းပြဟူသည် သူ့မျက်နှာပေါ်တွင် ဆိုးသွမ်းသော အကြည့်ဖြင့် ခုနစ်ကြိမ်မြောက် သန့်စင်ထားသော ရွှေအမြုတေကို အဆုံးထိ အသက်သွင်း၍ သွားများကို အံကြိတ်ပြလိုက်သည်။

"ငါ ဒီနေ့ ကောင်းကင်ဘုံရဲ့ ရှင်ဘုရင် ဖြစ်စေရမယ်..."

သူစကားတစ်ခွန်းမှ ဆက်မပြောမီ ချန်ရှီက အရှေ့ကို ခြေတစ်လှမ်း လှမ်းပြီး သူ့ညာလက်၌ ဓားသိုင်းကွက်ကို ကစားလိုက်သည်။ ခေါင်းနောက်ဘက်ရှိ နတ်ကွန်းထဲက တောင်နီမယ်မယ်ကလည်း အော်ဟစ်ကာ ဓားသိုင်းကို ညာလက်ဖြင့် ကစားရင်း ရှေ့သို့ တွန်းထုတ်လိုက်သည်။

ချွင်း!

ဓားစွမ်းအင်က လေထဲ၌ ကျယ်လောင်လာပြီး နည်းပြဟူအနောက်က နံရံကို ထိုးဖောက်ဝင်ရောက်ကာ လက်ဆေးကန်အရွယ်အစား အပေါက်​​ကြီးတစ်ခု ကျန်ရစ်ခဲ့သည်။ နည်းပြဟူ အောက်ကို ငုံ့ကြည့်လိုက်တော့ သူ့ရင်ဘတ်နဲ့ နှလုံးသားမှာ လက်သီးအရွယ် အပေါက်တစ်ခု နေရာယူထားကာ ရှေ့ရောနောက်ပါ ရှင်းရှင်းလင်းလင်း မြင်နေရပြီ။

နှလုံးက ရှိသင့်ပေမယ့် ပျောက်ဆုံးနေ​ပြီ။

"မြန်လိုက်တဲ့ ဓားသိုင်း!"

နည်းပြဟူ မြေပြင်ပေါ်သို့ ဗုန်းကနဲ လဲကျသွားသည်။

ချန်ရှီ အနီးတစ်ဝိုက်တွင် ​နေရာယူနေသည့် အရုပ်များသည် ချန်ရှီဆီသို့ မဟုတ်ဘဲ နည်းပြဟူနှင့် အခြား တပည့်များ၏ အလောင်းများဆီသို့ တခစ်ခစ်ရယ်ကာ ခုန်ဆင်းသွားကြသည်။

သူတို့သည် ထူးဆန်းသော ရယ်မောသံများဖြင့် တိုက်ခိုက်၊ ကိုက်ဖြတ်ကြသည်။ ထိုလူများကို အပြင်းအထန် မုန်းတီးနေပုံရသော်လည်း ထိုနေရာတွင် ရပ်နေသော ချန်ရှီကို မတိုက်ခိုက်ခဲ့ပေ။ အလောင်းတွေကို အပိုင်းပိုင်း ကိုက်ဖြတ်ပြီး ဒေါသတွေ အနည်းငယ် ပြေပျောက်သွားတာနဲ့ အိမ်တွေကိုပါ တစ်ယောက်ပြီး တစ်ယောက် အပြေးအလွှား ဖျက်ဆီးပစ်ကြသည်။

ချန်ရှီ သူတို့ကို မကြည့်ဘဲ အိမ်နောက်ဖေးကို ကြည့်နေသည်။

အိမ်နောက်ဖေးရှိ တပည့်များစွာကလည်း ထိုအသံကို ကြားပြီးနောက် သူတို့ဆီသို့ အလျင်စလို ပြေးထွက်လာကြသည်။ သို့သော် ရုတ်တရတ် ဓားစွမ်းအင်ကြောင့် သူတို့သည် ခြံရှေ့သို့ ခြေတစ်လှမ်းပင် မလှမ်းရသေး ဖြတ်တောက်ခံလိုက်ရ၏။

အိမ်နောက်ဖေးမှ ပြင်းပြင်းထန်ထန် ထွက်ပေါ်လာသော အရှိန်အဝါကို သူ ခံစားလိုက်ရသည်။ ၎င်းက အခြေတည်ဝိညာဥ်နယ်ပယ်ရှိ အားကြီးသောလူ၏ အငွေ့အသက်ပင်။ တောင်နီခန်းမက နံ့သာသခင် နှစ်ဦးဆီက သူရဖူးသော အငွေ့အသက်မျိုးပဲ ဖြစ်သည်။

တောင်နီမယ်မယ်က နံ့သာသခင်လုနဲ့ နံ့သာသခင်ရှောင်းတို့ဟာ ရွှေအမြုတေနယ်ပယ်တွေ မယှဥ်နိုင်လောက်တဲ့အထိ အလွန်အစွမ်းထက်ကြသည်။ ယခုအချိန်တွင် တံတိုင်း နောက်ကွယ်မှာ သူတို့နဲ့ နယ်ပယ်တူ လူတစ်ယောက် ရှိနေတယ်လို့ သူခံစားမိသည်။

ဒီလူဟာ သူ့ရဲ့ဓားနဲ့ထိုးတဲ့ ပုံစံကြောင့် သေဆုံးသွားတဲ့ နည်းပြဟူထက် အများကြီး ပိုအစွမ်းထက်သူပဲ။ သူ့မှာ ဒီလူကို သတ်ဖို့ လုံလောက်တဲ့ ယုံကြည်မှု မရှိခဲ့ဘူး။

"ဒီလူက မသန်စွမ်းအရုပ် ခန်းမရဲ့ နံ့သာသခင် ဖြစ်မယ်... ဒီလူကို သတ်နိုင်မလား မသေချာဘူး"

ဆန့်ကျင်ဘက်လူက သူ့ဘက်က တိုက်ခိုက်ရန် အစပြုခြင်း မရှိသရွေ့ ပြန်မတိုက်မယ့်ပုံပါပဲ။ မသန်စွမ်းအရုပ် ခန်းမခြံရှေ့ကို အချိန်တိုအတွင်း သုတ်သင်နိုင်သူပေမယ့် အောင်ပွဲခံရန် မသေချာပေ။

ကောင်းကင်အဘွားအဖွဲ့အစည်းရဲ့ တပည့်နှစ်ဆယ်ကျော်သည် အိမ်နောက်ဖေးရှိ မြေပြင်ကို စောင့်ကြပ်ကာ တိုက်ခိုက်ခြင်း မပြုလာခဲ့ပေ။ လူတိုင်းက အသက်ရှုကြပ်စွာဖြင့် အိမ်ရှေ့ခြံဝင်းမှ ချန်ရှီ လှမ်းကြည့်လိုက်သည်။

ချန်ရှီလည်း ဖြည်းညှင်းစွာ နောက်ပြန်ဆုတ်ကာ ထွက်ခွာရန် ပြင်ဆင်နေသည်။

ထိုအချိန်တွင် မသန်စွမ်း အရုပ်များစွာသည် အိမ်များကို ဖြိုချပစ်လိုက်တာကြောင့် နံရံပေါ်တွင် ချိတ်ဆွဲထားသည့် ညှဉ်းပန်းနှိပ်စက်မှုဆိုင်ရာ ကိရိယာများစွာအပြင် သွေးဖောက်ရန် သင့်တော်သည့် ကျောက်တုံးများပါရှိသည့် ကုတင်များက ထွက်ပေါ်လာသည်။

ချန်ရှီ ပတ်ပတ်လည်ကို လှည့်ကြည့်လိုက်သောအခါ ကလေးများက ဒူးထောက်လျက် အခန်းထောင့်တွင် အချင်းချင်း ပွေ့ဖက်ထားကြကာ ကျောက်ကုတင်များကို ထိတ်လန့်စွာ ကြည့်နေကြတာ တွေ့လိုက်ရသည်။

သူတို့က အသက်ရှင်နေသူများ မဟုတ်ပါ။ သေဆုံးသွားသော ကလေးများ၏ ဝိညာဉ်များသာ။ သူတို့သည် ရိတ်သိမ်းခြင်းရဲ့ ပထမခြေလှမ်းတွင် အသက်ရှင်ရန် ပျက်ကွက်ခဲ့ကြပြီး လက်နှင့် ခြေထောက်များကို ဖယ်ရှားခံထားရကာ ကျောက်တုံးကုတင်ပေါ်တွင် သေဆုံးသွားကြသည်။

ချန်ရှီ သူ့လက်သီးတွေကို ဆုပ်ထားပြီး ဒီမြင်ကွင်းကို မကြည့်ရဲချေ။ ရုတ်တရက် အိမ်တစ်အိမ်၏ မြေအောက်ခန်းဝင်ပေါက်မှ တစ်စုံတစ်ခု ထွက်ပေါ်လာသည်။ ချန်ရှီ နောက်ပြန်ဆုတ်သွားကာ အမှတ်မထင် တစ်ချက် ကြည့်လိုက်ပြီးနောက် အံ့အားသင့်သွားအောင် မထိန်းနိုင်ဘဲ လန့်သွားသည်။

၎င်းမှာ သက်ရှိထင်ရှား ရှိသော်လည်း ခြေထောက်နှင့် လက်များ မရှိတော့ပေ။ ၎င်း၏ မေးစေ့ကို အသုံးပြု၍ မြေအောက်ခန်းမှ တွားသွားထွက်လာခဲ့သူ ဖြစ်သည်။ သူ့မေးရိုးက သွေးတွေထွက်လာရာ အရိုးဖြူတွေကိုတောင် မြင်နေရပြီ။

သူသည် တွယ်တက်ရန် မဖြစ်နိုင်တော့သောကြောင့် အပြင်းအထန် ကြိုးစားရင်း မသေနိုင်သော အင်းဆက်တစ်ကောင်ကဲ့သို့ မြေကြီးကို အံသွားဖြင့် ကိုက်နေသည်။ နောက်ဆုံးတွင် သူသည် အေးခဲနေသော အခန်းတွင်းမှ ထွက်လာကာ ခေါင်းကို မော့ကာ ချန်ရှီနှင့် မျက်နှာချင်းဆိုင် တွေ့လိုက်သည်။

ကျောက်ခိုင်းယွင်!

ကျောက်ခိုင်းယွင် သူ့ကိုမြင်သောအခါ သူ့မျက်နှာတွင် အပြုံးတစ်ခု ပေါ်လာသည်။

"ငါ့ကို သတ်လိုက်ပါတော့"

ထိုအတန်းဖော်က ပြုံးပြနေသည်။

"ချန်ရှီ... ငါ့အတန်းဖော်တွေအတွက် ငါ့ကို ကျေးဇူးပြုပြီး..."

ချန်ရှီ မျက်လုံးများ နီရဲလာပြီး ခဏရပ်သွားကာ သူ့ကို မကြည့်တော့ပေ။

"ခဏလောက် ထိန်းထားလိုက်ပါ ငါ မင်းအတွက် လက်စားချေမယ်! မြင့်မြတ်ကောင်းကင်!... ယွမ်ကိုးလွှာနတ်ဆိုးခန္ဓာ! ဖူမော်နတ်ဆိုး!"

သူ၏ ချီစွမ်းအင်နှင့် သွေးများ တဟုန်ထိုး တက်လာသည်။ သူ့ခန္ဓာကိုယ်အတွင်းမှ ပြင်းထန်သော စွမ်းအင်နှင့် သွေးများက ခေါင်းသုံးလုံးနှင့် လက်ခြောက်များကို ထွက်ပေါ်လာစေသည်။ ချီစွမ်းအင်နှင့် သွေးများက သူ့ဆံပင်များထဲသို့ စီးဝင်သွားစဥ် သွေးစွန်းနေသော ဆံပင်များက ရေတံခွန်ကဲ့သို့ ဖြာကျလာသည်။

ချန်ရှီ သူ့ခြေထောက်တွေကို ပြင်းပြင်းထန်ထန် နင်းချလိုက်တာနဲ့ မြေကြီးလည်း တုန်သွားသည်။

"ငါ ဒီလေနဲ့ မိုး​​ကြိုးကို လို​ချင်တယ်!"

ချီစွမ်းအင်နှင့် သွေးများသည် လေထဲတွင် တွဲလောင်းကျနေသော သွေးဆံပင်များဆီကနေ နေကိုးစင်းမိုးကြိုးနဲ့ လေပြင်းများ အသွင်ဆောင်လာခဲ့သည်။