အားလုံးဆွံ့အ! သူခိုးကလူပြန်ဟစ်!
Vol. 53 Ch. 783
ဂျက်ဟင်နရီမျက်နှာအလွန်ပျက်နေသည်။ ဒီတစ်ကြိမ် သူ့အကျိုးစီးပွားအကြီးအကျယ်ဆုံးရှုံးရင် ဟင်နရီမိသားစုထဲမှာသူဒုက္ခရောက်ပြီ။
မိသားစုဆိုသော်လည်း ရင်းနှီးမြှုပ်နှံသူများ၊ ရှယ်ယာရှင်များရှိသည်။
ထိုရှယ်ယာရှင်များက ဥက္ကဌနေရာအတွက် သူနှင့်မယှဉ်သာသော်လည်း ဟင်နရီမိသားစုထဲမှတခြားသူများအတွက်မူ ဒီလိုမဟုတ်ချေ။
"မြန်မြန်... သူတို့ထုတ်ကုန်အသစ်ကဘာလဲ လူလွှတ်ရှာစမ်း''
ဂျက်ဟင်နရီက အလောတကြီးအော်လိုက်သည်။
Lude ကအချိန်မဆိုင်းရဲ။ ချက်ချင်းလူလွှတ်ဖြေရှင်းခိုင်းသည်။
ချင်းလင်ဆော့က အရသာမြည်းပွဲလုပ်ရင် ရနိုင်မည့်အခွင့်အရေးရှိသည်။
မကြာမီ ချင်းလင်ဆော့အရသာမြည်းပွဲစတော့မည်။
အရသာမြည်းပွဲမှာ အရည်အသွေး ၂ ဆော့ဖြစ်သောကြောင့် ဟန်နှင့်ဟင်နရီက ကိုယ့်နည်းကိုယ့်ဟန်သုံးပြီး အရည်အသွေး ၂ ချင်းလင်ဆော့တစ်ပုလင်းစီရသွားသည်။
Lude က အရည်အသွေး ၂ ခရမ်းချဉ်ဆော့တစ်ပုလင်းရပြီး ချက်ချင်းဖွင့်မြည်းကြည့်သည်။
အရည်အသွေး ၂ ချင်းလင်ဆော့ကိုမြည်းပြီးနောက် သူ့မျက်နှာပိုပြီးရုပ်ပျက်ဆင်းပျက်ဖြစ်သွားသည်။ အရင်ဟာထက်ပိုပြီးအရသာရှိနေသည်။
ဒါသူတို့လုပ်ထားတဲ့ဆော့ ယှဉ်နိုင်မယ့်အရာမဟုတ်။
Lude က တစ်စက္ကန့်မှမဆိုင်းဘဲ ဂျက်ဟင်နရီကိုဗီဒီယိုခေါ်ပြန်သည်။
ဗီဒီယိုထဲတွင် ဂျက်ဟင်နရီမှာအတော်မျက်နှာပျက်နေ၏။
ဒီအကြောင်းကို မိသားစုကသိသွားသောကြောင့်ပင်။ သူဖြေရှင်းသော်လည်း ကောင်းကောင်းမကိုင်တွယ်နိုင်ဘဲ ပြဿနာပိုကြီးတော့မည်။
"ဘယ်လိုလဲ?''
ဗီဒီယိုဖွင့်ပြီး ဂျက်ဟင်နရီကမေးသည်။

Lude ကဘာမှမဖုံးကွယ်ရဲ_
"မစ္စတာဟင်နရီ... ချင်းလင်ဆော့အသစ်ကို ကျွန်တော်မြည်းကြည့်ပြီးပြီ... ကျွန်တော်တို့လုပ်ထားတဲ့နည်းမယှဉ်နိုင်ဘူး... သူတို့ကဒီထုတ်ကုန်အသစ်ရှိရဲ့သားနဲ့ ကျွန်တော်တို့နဲ့လိုက်ပြိုင်သေးတယ်... ဒါသက်သက်ကစားနေတာပဲ''
ထိုအချိန်တွင် ဘယ်သူမှဘာမှမပြောနိုင်တော့။
ဂျက်ဟင်နရီမျက်နှာမိုးမှောင်ကျသွားသည်။ သူတို့မှာ ၈ ယွမ်ကုန်ကျစရိတ်ကို ၆ ယွမ်စျေးနှင့်ချပေးခဲ့ပြီးမှ စျေးကွက်မရသည့်အပြင် အားလုံးပါဆုံးရှုံးရဦးမည်။
Lude ကမျက်မှောင်ကြုတ်ပြီး_
"မစ္စတာဟင်နရီ... ကျွန်တော်တို့စျေးချင်းပြိုင်တဲ့ပြဿနာကိုရင်ဆိုင်ရဦးမယ်... ချင်းလင်ဆော့ကို ၆ ယွမ်နဲ့ပြိုင်နေတာလေ''
"မပြိုင်နဲ့တော့''
ဂျက်ဟင်နရီကချက်ချင်းပြောသည်_
"ပုံမှန်စျေးပြန်ထား''
ဟာသပဲ? ဒီအခြေအနေက စျေးချင်းပြိုင်လို့မှမထူးတော့တာ။ ဟိုဘက်က ကစားနေတာလေ။ ထောင်ချောက်ကနေခုန်မထွက်ရအောင် အရူးလား?
Lude ကစိတ်ပူသံနှင့်_
"မစ္စတာဟင်နရီ... ကျွန်တော်တို့စျေးပြန်တင်ရင်တောင် ချင်းလင်ဆော့ကမတင်မှာစိုးတယ်... ဒီထုတ်ကုန်အသစ်ကြောင့် ဘဏ်တွေကသူ့ကိုငွေချေးချင်နေကြတာ... သူကစျေးချင်းဆက်ပြိုင်ရင် ကျွန်တော်တို့ဘဝပျက်သွားနိုင်တယ်မလား?''
ချင်းလင်ဆော့ကုန်ကျစရိတ်မှာ ၅ ယွမ်တည်းသာရှိ၍ ပြိုင်စျေး ၆ ယွမ်က ချင်းလင်ဆော့အတွက်အမြတ်ထွက်သေးကြောင်း သူမသိချေ။
ထိုစကားကြောင့် ဂျက်ဟင်နရီအသံတိတ်သွားသည်။
ရုတ်တရက် ကိုယ့်သေတွင်းကိုယ်တူးနေသလိုခံစားရသည်။ ဒီလိုဖြစ်မယ်မှန်းသိရင် ဆော့လုပ်နည်းရပြီး ချင်းလင်ဆော့ကိုဒီလောက်အသည်းအသန်ပစ်မှတ်ထားခဲ့မှာမဟုတ်။
အခုတော့ ဒီလိုဖြစ်လာပြီ။
ဂျက်ဟင်နရီက ခဏတွေးကြည့်ပြီးမှ_
"စျေးကိုချက်ချင်းပြန်တင်... ငါတို့ငွေတွေဆက်အဆုံးရှုံးမခံနိုင်ဘူး... ရှင်းကျန့်တယ်အစိုးရကိုဆက်သွယ်ပြီး ချင်းလင်ဆော့က မသမာနည်းနဲ့စျေးပြိုင်တဲ့အကြောင်းတိုင်မယ်''
ဤသည်က စျေးကွက်ထိန်းချုပ်ခြင်း၊စျေးပြိုင်ခြင်းနှင့်ပတ်သက်၍ အပြစ်လုပ်ထားသူက ဦးစွာတိုင်နေခြင်းပင်။
ရှင်းရှင်းပြောရရင် မတရားလုပ်ခြင်းဖြစ်သည်။ သူကိုယ်တိုင်လုပ်ရင် အပြစ်မရှိ။ အရာရှိတွေပါဝင်ပတ်သက်လာရင်တောင် အကြောင်းရှာ၊အချိန်ဆွဲထားမည်။ ဒဏ်ကြေးဆောင်ရလည်း ကိစ္စမရှိပေ။
အခု သူခိုးကလူပြန်ဟစ်ပြီ။
ပြဿနာကိုကြီးအောင်လုပ်ပြီး နိုင်ငံတကာစည်းမျဉ်းများနှင့် တစ်ဖက်အရာရှိများကို ရာထူးချအောင်ဖိအားပေးမည်။

ဒါသူတို့ကိုယ်သူတို့ကာကွယ်နိုင်မည့်နည်းပင်။
နောက်ပြီး နိုင်ငံတကာအခြေအနေကြောင့် တစ်ဖက်အရာရှိတွေ ထိုင်ပြီးလက်ပိုက်ကြည့်နေနိုင်မှာမဟုတ်။
Lude ကရုတ်တရက်မေးသည်_
"မစ္စတာဟင်နရီ... အရင်အော်ဒါတွေကရော?''
သူ့အမေးက ဂျက်ဟင်နရီမျက်နှာကို မစင်နှင့်ပစ်လိုက်သလိုပင်။ သူကဒေါသတကြီးထဆဲတော့သည်_
"သော*က်!''
ရှင်းပါသည်။ တစ်ဖက်အရာရှိတွေကိုအရေးယူစေချင်ရင် သူတို့ဒီအော်ဒါတွေကိုလက်ခံမှရမည်။
စာချုပ်ဖောက်ဖျက်မှုကိုလက်မခံရင် တစ်ဖက်အရာရှိတွေက သူတို့ဘက်ရှုပ်လာလိမ့်မည်။ မည်သို့ဆိုစေ ကိုယ့်နိုင်ငံက နိုင်ငံတကာစည်းမျဉ်းနှင့်ကိုယ့်အပေါ်ဖိအားပေးရင် စိတ်မချမ်းသာစရာ။
ဒါပေမဲ့ ဒီအော်ဒါတွေက တစ်ပုလင်း ၂ ယွမ်ရှုံးမှာ။ ပြီးတော့ ဒီလောက်များတဲ့အော်ဒါတွေနဲ့ ဘယ်လောက်တောင်ရှုံးလိုက်မလဲ?
ထိုခဏတွင် ဂျက်ဟင်နရီစိတ်ညစ်သွားသည်။
"အဲဒီအော်ဒါတွေလက်ခံလိုက်''
နောက်ဆုံး ဂျက်ဟင်နရီကအံကြိတ်ပြီး ငွေဆုံးရှုံးတာက စျေးကွက်ဆုံးရှုံးတာထက်တော်သေးကြောင်း ပြောလိုက်ရသည်။
အော်ဒါလက်ခံမှ Lude လည်းသက်ပြင်းချလိုက်သည်။
ဒီအော်ဒါတွေလက်ခံပြီးမှ စျေးကွက်ရှယ်ယာမရရင် ဒီနိုင်ငံမှာဟင်နရီမိသားစုရဲ့အဓိကကိုယ်စားလှယ်အဖြစ်နေရတဲ့ရက်တွေက အဖြစ်ဆိုးတော့မည်။
ဟန်ဆော့ကလည်း ဟင်နရီအတိုင်းသာ။
ဟင်နရီနှင့်အဖြစ်ချင်းတူပြီး နောက်ဆုံးမှချောက်ချခံရမှန်းသဘောပေါက်သည်။
သို့သော် လောလောဆယ်တခြားနည်းလမ်းမရှိ။
လက်ခံရမလား ဒါမှမဟုတ် ပိုကြီးတဲ့ဒုက္ခကိုရင်ဆိုင်ရမလား?
ထုံးစံအတိုင်း_
ချင်းလင်ဆော့အသစ်အရသာကလည်း ခြွင်းချက်မရှိပေ။ ဆော့အသစ်အရသာမှာ ရေပန်းစားရှာဖွေမှုထဲဝင်ပြီး အင်တာနက်ပေါ်တွင်ပလူပျံနေသည်။
"ချင်းလင်ဆော့အသစ်ကကောင်းလိုက်တာ... အရင်ထက် အများကြီးပိုကောင်းတယ်''
"အရသာထူးပုံကတော့ စားဖူးတဲ့သူတိုင်း သေချာသိလိမ့်မယ်''
"အရသာတကယ်ကောင်းတာ... အရမ်းစားကောင်းတယ်''