ဓားနတ်ဘုရားမျက်လုံး

အမှောင်အရှင်ဘုရင်နဲ့အဆိပ်တစ်သောင်းအရှင်တို့ ထွက်ခွာသွားတာနဲ့ ကန့်လန့်ဖြတ်မြစ်ဘိုးဘေးနဲ့သွေးပုဆိန်အရှင်တို့က လီဖူချန်းကို ကြည့်လိုက်တယ်။

လီဖူချန်းက ခေါင်းညိတ်ကာ ပြောလိုက်တယ်"ကမ္ဘာသစ်ပင်က ငါ့မှာ တကယ်ရှိတယ်၊ ဒါပေမယ့် မင်းတို့ ဘာအတွေးမှမရှိတာ ပိုကောင်းတယ်။ အနာဂတ်မှာ မင်းတို့လေ့လာနိုင်ဖို့ ငါ မသေမျိုးအရှင်နဲ့ ဆွေးနွေးနိုင်တယ်"

လီဖူချန်းက ကန့်လန့်ဖြတ်မြစ်ဘိုးဘေးနဲ့သွေးပုဆိန်အရှင်တို့ကို လက်ရှိအချိန်မှာ လေ့လာခ္ငင့်မပြုပါဘူး။

"မူလအဆုံးစွန်းအရှင်၊ မင်း ဘာမှမစိုးရိမ်နဲ့။ ငါ မိုက်မဲတာ ဘာတစ်ခုမှ မလုပ်ပါဘူး" ကန့်လန့်ဖြတ်မြစ်ဘိုးဘေးက ပြောလိုက်တယ်။

သွေးပုဆိန်အရှင်လည်း ပြောလိုက်တယ်"မူလအဆုံးစွန်းအရှင်၊ ကမ္ဘာသစ်သီးနဲ့ကမ္ဘာသစ်ရွက်က တူညီတဲ့အစိတ်အပိုင်းတွေပဲ။ နောက်ပိုင်းမှာ  ငါတို့ လေ့လာဖို့ သူတို့ကို ဖလှယ်နိုင်ပါတယ်"

ကမ္ဘာသစ်ရွက်က ကမ္ဘာသစ်သီးလောက် နက်နဲသိမ်မွေ့တဲ့ကမ္ဘာဥပဒေသမရှိပေမယ့် ၎င်းကလည်း ကမ္ဘာသစ်ပင်ရဲ့အစိတ်အပိုင်းဖြစ်တယ်။ အဲဒါက ကျင့်ကြံခြင်းအတွက် ဘယ်အရှင်အတွက်မဆို အကြီးအကျယ်အကျိုးရှိတယ်။

လီဖူချန်းက ခေါင်းညိတ်ကာ ဘာမှထပ်မပြောတော့ဘူး။

စကားခဏတာပြောကြပြီးနောက် နှစ်ဖက်လုံးက ခွဲထွက်လာကြတော့တယ်။

"မူလအဆုံးစွန်းအရှင်၊ ငါ ကမ္ဘာသစ်သီးကို မင်းနဲ့ပဲ ထားထားမယ်။ ငါ့မှာဆိုရင် ငါ ကာကွယ်နိုင်မှာမဟုတ်ဘူး" မသေမျိုးအရှင်က အကြံပြုလိုက်တယ်။

လီဖူချန်းက တစ်ခဏခေါင်းညိတ်ကာ ပြောလိုက်တယ်" ကောင်းပြီလေ၊ ငါ ဒါကို ယာယီကာကွယ်ထားပေးမယ်။ ဒီမတိုင်းခင် ကမ္ဘာသစ်သီးကို သုံးပြီး ငါတို့ရဲ့ကျင့်ကြံမှုကို တိုးမြှင့်ကြရအောင်"

"ဒါ ဟုတ်တယ်။ ငါတို့ ဘာလို့ နက်ပြာပလိန်းကို မသွားတာလဲ။ အဲဒါက အန္တရာယ်အကင်းဆုံးနေရာပဲ" မသေမျိုးအရှင်က ပြောလိုက်တယ်။

…

နက်ပြာပလိန်း.....

ရာစုနှစ်များစွာ ကုန်ဆုံးသွားတယ်၊ ဓားဂိုဏ်းက ကြီးကြီးမားမားပြောင်းလဲလာတယ်။ ဥပဒေသပြောင်းလဲခြင်းနယ်ပယ်ဧကရာဇ်တွေရဲ့အရေအတွက်က သိသိသာသာတိုးလာပြီး သူတော်စင်အနည်းငယ်လည်း ပိုလာတယ်။

လီဖူချန်းရဲ့တပည့်ဖြစ်တဲ့ဝူကျောက သူတော်စင်နယ်ပယ်ကို အရင်ဝင်ရောက်သူဖြစ်တယ်။ ဒုတိယမြောက်သူတော်စင်ဖြစ်လာသူက ရှန့်ကွမ်းယွီဖြစ်တယ်။ တတိ‌ယမြောက်က ဆူးပန်းဧကရီဖြစ်ပြီး စတုတ္ထမြောက်က အဆွေးဧကရာဇ်ဖြစ်တယ်။

အ‌ဆွေးဧကရာဇ်ရဲ့အသက်က နှစ်နှစ်ထောင်ကျော်ပြီ။ ကံကောင်းတာကတော့ သက်တမ်းကို ဆွဲဆန့်နိုင်တဲ့အရင်းအမြစ်များစွာရှိပြီး သူ့ခန္ဓာကိုယ်ကို အထွတ်အထိပ်အခြေအနေမှာ ထိန်းသိမ်းထားနိုင်တာကြောင့် သူ့အနေနဲ့ ဝိညာဉ်ပေါင်းစပ်ခြင်းနယ်ပယ်သို့ တိုးမြင့်လာနိုင်ခဲ့တယ်။

သူတော်စင်ဖြစ်လာတဲ့ငါးယောက်မြောက်က လီဖူချန်ရဲ့အဖေလီရှန်းဟန်ပါပဲ။

လီရှန်းဟန်ရဲ့ပါရမီနဲ့ထိုးထွင်းသိမြင်မှုအရ သူ့ရဲ့အကန့်အသတ်က မြေကမ္ဘာနယ်ပယ်ပါပဲ။ ဒါပေမယ့် လီဖူချန်းက သူတို့ရဲ့ကံကြမ္မာတွေကို ပြောင်းပြန်လှန်ဖို့ အကြိမ်ပေါင်းများစွာ ကူညီပေးခဲ့ပြီး သူတို့ရဲ့အရိုးတည်ဆောက်ပုံကို ကြယ်ကိုးပွင့်ထိ တိုးမြှင့်စေခဲ့တယ်။ လီဖူချန်းက သူတို့ကို ထိုးထွင်းသိမြင်မှုဆိုင်ရာ၊ ကျင့်ကြံခြင်းဆိုင်ရာ အရင်းအမြစ်တွေကို ထောက်ပံ့ပေးခဲ့တယ်။ အံ့ဖွယ်သစ်ရွက်ရည်ကို ဆယ်နှစ်ကြာသုံးစွဲမှုနဲ့အတူ လီရှန်းဟန်ရဲ့စိတ်ဝိညာဉ်က သူတော်စင်နယ်ပယ်ကို ခြေချလာနိုင်ခဲ့တယ်။

လီဖူချန်းရဲ့အမေရှန်ယုယန်နဲ့ညီမလေးလီဖူရှင်းတို့က‌တော့ ဥပဒေသပြောင်းလဲခြင်းနယ်ပယ်ရဲ့အထွတ်အထိပ်မှာ ရှိနေသေးတယ်။ ဒါပေမယ့် သူတို့က ဝိညာဉ်ပေါင်းစပ်ခြင်းနယ်ပယ်ကို ရောက်ဖို့ သိပ်မဝေးတော့ဘူး။

မသေမျိုးအရှင်ရဲ့ခွင့်ပြုချက်နဲ့အတူ ကမ္ဘာသစ်သီးကို လေ့လာဖို့ လီဖူချန်းကို သေးငယ်တဲ့အုပ်စုတစ်စုကို စုစည်းခဲ့တယ်။ သဘာဝဖြစ်စဉ်သူတော်စင်၊ ဆန်းကြယ်နက်နဲဓားသူတ်ောစင်၊ ဓားဂိုဏ်းမှ သူ‌တော်စင်အချို့နဲ့ ရန်ချင်းဟူ။

သူတော်စင်အောက်ကလူတွေကိုတော့ လီဖူချန်းက ကမ္ဘာသစ်သီးကို လေ့လာဖို့ ထည့်သွင်းမစဉ်းစားပါဘူး။

ကမ္ဘာသစ်သီးရဲ့ဥပဒေသက နက်နဲသိမ်မွေ့လွန်းပြီး ကျင့်ကြံခြင်းနယ်ပယ်နိမ့်ကျသူတွေက ဘာတစ်ခုမှ နားလည်နိုင်မှာမဟုတ်ဘူးလေ။

"ငါ ပြန်မလာတာ အတော်ကြာပြီ။ နက်ပြာပလိန်းက ရင်းနှီးကျွမ်းဝင်နေ‌တုန်းပဲ" ဓားဂိုဏ်းကို မလာခင် မသေမျိုးအရှင်က နက်ပြာပလိန်းအနှံ့ လှည့်လည်သွားလာခဲ့တယ်။

"မသေမျိုးအရှင်၊ ကမ္ဘာသစ်သီးကို လေ့လာကြစို့" လီဖူချန်းက ပြောလိုက်တယ်။

"သေချာတာပေါ့" မသေမျိုးအရှင်က ခေါင်းညိတ်လိုက်တယ်။

လူတိုင်းကို စုစည်းပြီးနောက် လီဖူချန်းက ဓားပိတ်လှောင်ခြင်းကမ္ဘာကို ထုတ်ဖော်ကာ နေရာလပ်-အချိန်ကို ချိတ်ပိတ်လိုက်တယ်။ ပြီးနောက် သူက ကမ္ဘာသစ်သီးကို ယူထုတ်လိုက်တယ်။

ကမ္ဘာသစ်သီးရဲ့အရွယ်အစားကို လိုသလိုပြောင်းလဲနိုင်တယ်။ လူတိုင်း ကမ္ဘာသစ်သီးကို ထင်ထင်ရှားရှားအာရုံခံစားမိဖို့ လီဖူချန်းက ၎င်းကို ကြယ်တစ်လုံးလောက် ကြီးအောင် ပြောင်းလဲခဲ့ပြီး ကောင်းကင်မှာ ရစ်ဝဲနေစေတယ်။

မသေမျိုးအရှင်နဲ့လီဖူချန်းက နားလည်ဖို့ ကမ္ဘာသစ်သီးပေါ်မှာ ထိုင်လိုက်တယ်၊ အခြားသူတွေက အောက်မှာ နေနေတယ်။

ကမ္ဘာသစ်သီးက တကယ်ကိုအံ့မခန်းပဲ။ လီဖူချန်းရဲ့မူလအဆုံးစွန်းဓားနည်းလမ်းက ကြယ်ပိုင်နက်အဆင့်ကို ရောက်ရှိနေပေမယ့် ကမ္ဘာဥပဒေသကို နားလည်ပြီး‌နောက် ၎င်းက တိုးတက်နေပါသေးတယ်။

ဟင်းလင်းပြင်တာအိုကို သူတော်စင်အဆင့်သို့ အရင် တိုးမြှင့်ရအောင်" လီဖူချန်းက ဓားတာအိုနားလည်မှုကို လက်လျော့ကာ ဟင်းလင်းပြင်တာအိုနားလည်မှုသို့ ပြောင်းလဲလိုက်တယ်။

ဟင်းလင်းပြင်တာအိုမှာ လုံလုံလောက်လောက်စုဆောင်းမှုကြောင့် ထင်တယ်၊ ၎င်းက ကံကြမ္မာအခွင့်အလမ်းတစ်ခုမျှသာ ကင်းမဲ့နေတော့တယ်။ တစ်လအတွင်း လီဖူချန်းက ဟင်းလင်းပြင်တာအိုမှာ သူတော်စင်အဆင့်ကို ရောက်ရှိလာတယ်။

ဟင်းလင်းပြင်တာအိုက သူတော်စင်အဆင့်ကို ရောက်ရှိလာတဲ့အခါ ၎င်းက အချိန်တာအိုနဲ့ ချောမွေ့စွာ ပေါင်းစပ်ပြီး ၎င်းရဲ့စွမ်းအားက နောက်တစ်ကြိမ်တိုးလာတယ်။

ဟင်းလင်းပြင်တာအိုဒါမှမဟုတ်အချိန်တာအိုမျှသာဆိုရင် သူတို့က အဆင့်၁ကောင်းကင်ဘုံအရှင်အဆင့်မှာပဲ ရှိတယ်။ ဒါပေမယ့် ပေါင်းစပ်လိုက်တဲ့အခါ ၎င်းက မြို့အရှင်ကောင်းကင်ဘုံအရှင်အဆင့်ကို ရောက်ရှိလာပြီး ထည်ဝါဓားတာအိုနဲ့ ညီမျှတယ်။

"ဒါက မြို့အရှင်အဆင့်နေရာလပ်-အချိန်တာအိုလား" ကမ္ဘာက ဆန်းပြာလာပြီးအသက်စွမ်းအားတွေ ပြည့်လျှံနေတာကို လီဖူချန်းက ခံစားမိတယ်။

"အချိန်အရှိန်မြှင့်တင်ခြင်း" လီဖူချန်းက လက်ကို ဝှေ့ယမ်းကာ သူ့အောက်ရှိလူတိုင်းကို ဝန်းရံဖို့ နေရာလပ်-အချိန်တာအိုကို အသုံးပြုလိုက်တယ်။

တစ်ယောက်မှမသိဘဲနဲ့ သူတို့ပတ်ဝန်းကျင်ရဲ့အချိန်စီးဆင်းမှုက အဆတစ်ထောင်ပိုမြန်လာတယ်။ အပြင်ကမ္ဘာမှာ ရက်တစ်ထောင်က သူတို့အတွက် တစ်ရက်လို့ ဆိုလိုတယ်။

"သာမန်သူ‌တော်စင်တစ်ယောက်ရဲ့သက်တမ်းက အကန့်အသတ်ရှိတာ စိတ်မကောင်းစရာပဲ၊ ငါ အရှိန်ကို အများကြီးမမြှင့်တင်နိုင်ဘူး" သက်တမ်းအကန့်အသတ်မရှိရင် လီဖူချန်းက အစွန်းအလင်းမိခင်‌ကျောက်တုံးကို သုံးပြီး အချိန်စီးဆင်းမှုကို အဆတစ်သောင်း ဒါမှမဟုတ် သည်ထက်ကျော်အောင် မြှင့်တင်နိုင်တယ်။

ဒါပေမယ့် သာမန်သူတော်စင်တစ်‌‌ယောက်ရဲ့သက်တမ်းက နှစ်တစ်သိန်း၊ အများဆုံး နှစ်,သိန်းအနည်းငယ်သာ ရှိတယ်။ အချိန်စီးဆင်းမှုကို အဆတစ်ထောင်အထိ မြှင့်တင်လိုက်ရင် သူတို့ရဲ့သက်တမ်းကို ဆယ်နှစ်ဒါမှမဟုတ်ရာစုနှစ်အနည်းငယ်အထိ အသုံးပြုရလိမ့်မယ်။ ဒါက မထိုက်တန်ပါဘူး။

နေရာလပ်-အချိန်စွမ်းအားကို ပြန့်ကျဲစေပြီးနောက် လီဖူချန်းက ထရပ်လိုက်တယ်။

သူက ဓားနတ်ဘုရားမျက်လုံးကို သင်ယူဖို့အတွက် ဓားအလင်းဖြာထွက်မြို့ကို ဦးတည်ဖို့ ပြင်ဆင်နေတယ်။

ကမ္ဘာသစ်သီးအတွက်ကတော့ ၎င်းက အရှင်တစ်ယောက်ရဲ့ကျင့်ကြံခြင်းကို အမှန်တကယ်အကျိုးရှိတယ်ဆိုပေမယ့် အကျိုးကျေးဇူးကို ချက်ချင်း မပြနိုင်ပါဘူး။ လီဖူချန်းရဲ့မူလအဆုံးစွန်းဓားပညာက ကြယ်ပိုင်နက်အဆင့်ရဲ့အလယ်အခြေအနေမှာ ရှိရင် အဆင့်မြင့်အခြေအနေကို ရောက်ရှိဖို့ အနည်းဆုံးနှစ်တစ်သောင်းကြာ ကမ္ဘာသစ်သီးကို နားလည်ဖို့ လိုတယ်။ အခြားတစ်ယောက်ယောက်သာဆိုရင် ကြယ်ပိုင်နက်အဆင့်သိုင်းပညာတစ်ခုကို ကြယ်ပိုင်နက်အဆင့်အလယ်အခြေအနေမှအဆင့်မြင့်အခြေအနေအထိ မြှင့်တင်ဖို့ နှစ်တစ်သိန်း၊ နှစ်တစ်သန်း ဒါမှမဟုတ် အဲထက်ပိုကြာတဲ့အထိ ‌လိုအပ်လိမ့်မယ်။

ဒါပေမယ့် ဒါအတွက် အဓိကအကြောင်းရင်းကတော့ လီဖူချန်းက ကျင့်ကြံခြင်းနည်းစနစ်မှာ ကြယ်ပိုင်နက်အဆင့်ကို ရောက်ရှိထားတဲ့ ပြိုင်ဘက်ကင်းအရှင်တစ်ယောက်ဖြစ်လို့ပဲ။ လီဖူချန်းရဲ့ကျင့်ကြံခြင်းနည်းစနစ်က မသေမျိုးအရှင်လို ကြယ်ပိုင်နက်အဆင့်မှာမရှိရင် သူက သူ့ရဲ့ကျင့်ကြံခြင်းနည်းစနစ်ကို အရင်နားလည်နိုင်တယ်။ ဒီလိုပြုလုပ်တာက နားလည်ခြင်းအချိန်ကို လျှော့ချပါလိမ့်မယ်။

ဓားပိတ်လှောင်ခြင်းကမ္ဘာထဲမှာ ရှိရင် လူတိုင်းက ဘေးကင်းတဲ့အတွက် လီဖူချန်းက ချက်ချင်းထွက်ခွာလာတယ်။

…

ဓားအလင်းဖြာထွက်မြို့......

လီဖူချန်းက ကြီးမားတဲ့အဆင့်နိမ့်မီးစွမ်းအင်ပုံဆောင်ခဲအပိုင်းအစတစ်ခုကို အကြီးအကဲအမှတ်နဲ့ လဲလှယ်ခဲ့တယ်။ ပြီးနောက် သူက အကြိီးအကဲအမှတ်ကို အသုံးပြုကာ ဓားနတ်ဘုရားမျက်လုံးနဲ့ လဲလှယ်ခဲ့တယ်။

ဓားနတ်ဘုရားမျက်လုံးက လိပ်ပြာအသိစိတ်အာရုံတိုက်ခိုက်ရေးလျှို့ဝှက်နည်းစနစ်တစ်ခုဖြစ်တယ်။ အဲဒါကို အဆင့်သုံးဆင့်ခွဲခြားထားတယ်။ အဆင့်နိမ့်အဆင့်မှာ ၎င်းက သာမန်အရှင်တွေရဲ့သူတော်စင်လိပ်ပြာကို ထိခိုက်စေနိုင်တယ်။ အလယ်အဆင့်မှာ ၎င်းက သာလွန်အရှင်တွေရဲ့သူတော်စင်လိပ်ပြာကို ထိခိုက်စေနိုင်တယ်။ အဆင့်မြင့်အဆင့်မှာ ၎င်းက လက်ရွေးစင်အရှင်တွေရဲ့သူ‌တော်စင်လိပ်ပြာကို ထိခိုက်စေနိုင်တယ်။

တစ်လကြာပြီးနောက် လီဖူချန်းက ဓားနတ်ဘုရားမျက်လုံးရဲ့အဆင့်နိမ့်အဆင့်ကို ရောက်ရှိလာတယ်။

"ထင်ထားတဲ့အတိုင်းပဲ" လီဖူချန်းက ပြုံးလိုက်တယ်။

လိပ်ပြာအသိစိတ်အာရုံတိုက်ခိုက်ရေးစမ်းသပ်ကွင်းတစ်ခုမှာ လီဖူချန်းရဲ့နတ်ဘုရားမျက်လုံးမှာ လက်ရွေးစင်နတ်ဘုရားတစ်ယောက်ရဲ့သူတော်စင်လိပ်ပြာကို အမှန်တကယ်ထိခိုက်စေနိုင်တဲ့စွမ်းအားရှိတယ်။ ဆိုလိုတာကတော့ သူက ဓားနတ်ဘုရားမျက်လုံးကို အဆင့်နိမ့်အဆင့်ထိ ကျင့်ကြံခဲ့ရင် ပြိုင်ဘက်ကင်းအရှင်တစ်ယောက်ရဲ့သူတော်စင်လိပ်ပြာကို ဒဏ်ရာရစေနိုင်လောက်တယ်။

နှစ်ဝက်ကြာပြီး‌နောက် လီဖူချန်းရဲ့ဓားနတ်ဘုရားမျက်လုံးက အလယ်ဆင့်ကို ရောက်ရှိလာတယ်။

ထိုအချိန်မှာ သူ့ရဲ့လိပ်ပြာအသိစိတ်အာရုံတိုက်ခိုက်မှုက အထွတ်အထိပ်အရှင်တစ်ယောက်ရဲ့သူတော်စင်လိပ်ပြာကို ဒဏ်ရာရစေနိုင်တယ်။

ကိုးနှစ်ကြာပြီးနောက် ဓားနတ်ဘုရားမျက်လုံးက အဆင့်မြင့်အဆင့်ကို ရောက်ရှိလာတယ်။

ဓားပိတ်လှောင်ခြင်းကမ္ဘာနဲ့ နှိုင်းဆရင် ဓားနတ်ဘုရားမျက်လုံးက ကျင့်ကြံရတာ ပိုလွယ်ကူတယ်။

ဓားပိတ်လှောင်ခြင်းကမ္ဘာက ရှုပ်ထွေးလွန်းကာ ဓားအဆောင်၃.၆သန်း လိုအပ်တယ်။ ဓားအဆောင်၃.၆သန်းမဆိုနဲ့၊ ဓားအဆောင်တစ်ခုထုပြုလုပ်ခြင်းကပင် ခက်ခဲတဲ့အလုပ်တစ်ခုပါပဲ။ ဓားနတ်ဘုရားမျက်လုံးက အဓိကအားဖြင့် ထိုးထွင်းသိမြင်မှုပေါ်မှာ မူတည်တယ်။ကျင့်ကြံခြင်းဖြစ်စဉ်က မရှုပ်ထွေးလွန်းပါဘူး။