ထာဝရနတ်ဘုရား

"မူလအဆုံးစွန်းအရှင်၊ မင်းမှာ ကမ္ဘာသစ်သီးတစ်လုံးရှိတယ်ဆို" ဒီနေ့မှာ ကာဒီနယ်တောက်ပဓားဘိုးဘေးက လီဖူချန်းကို မေးလိုက်တယ်။

လီဖူချန်းက ခေါင်းညိတ်လိုက်တယ်"ဒီသတင်း ပျံ့နေပြီးပေါ့လေ"

အမှောင်အရှင်ဘုရင်က သတင်းကို ဖြန့်နေသူမှန်း လီဖူချန်းက ခန့်မှန်းစရာမလိုပါဘူး။

"အရှင်အများစုက သိ‌နေပြီ၊ မင်း သတိထားဖို့ လိုမယ်" ကာဒီနယ်တောက်ပဓားဘိုးဘေးက ကမ္ဘာသစ်သီးနဲ့ပတ်သက်ပြီး အတွေးအချို့ရှိပေမယ့် အဲဒါကို မျှဝေဖို့ သူက လီဖူချန်းကို ဖိအားပေးရလောက်တဲ့အထိတော့ မဟုတ်ပါဘူး‌။

"ငါ သိတယ်"

လီဖူချန်းက အရမ်းမစိုးရိမ်ပါဘူး။ ပထမ၊ ကမ္ဘာသစ်သီးက ၎င်းပေါ်ထွက်လာမှုကြောင့် သွေးမုန်တိုင်းတစ်ခုကို ဖြစ်စေတဲ့ရတနာတစ်ခု မဟုတ်ဘူး။ ဒုတိယ၊ အရှင်အများစုသိလည်း ကိစ္စတစ်ခုမဟုတ်ဘူး။ သူ့ရဲ့ခွန်အားအဆင့်မှာ သူ့ကို ပြိုင်ဘက်ကင်းအရှင်များစွာက မဝန်းရံထားရင် သူ့အနေနဲ့ အခြေခံအားဖြင့် အန္တရာယ်တစ်ခုမှ မရှိဘူး။

လီဖူချန်း ထွက်သွားတာနဲ့ လူနှစ်ယောက်နဲ့အမျိုးသမီးတစ်‌ယောက်က လျှောက်လာတယ်။ သူတို့ရဲ့ချီတည်ရှိမှုအရ သူတို့အားလုံးက ပြိုင်ဘက်ကင်းအရှင်တွေပဲဖြစ်တယ်။

"ကာဒီနယ်တောက်ပဓားဘိုးဘေး၊ ကမ္ဘာသစ်သီးကို မျှဝေပေးဖို့ မင်း သူ့ကို မေးသင့်တယ်" အဝါရောင်ဝတ်ရုံကို ဝတ်ဆင်ထားကာ မျက်ခုံးမရှိတဲ့လူတစ်ယောက်က ကြောက်စရာကောင်းတဲ့ချီတည်ရှိမှုတစ်ခုကို ထုတ်လွှတ်ရင်း ပြောလိုက်တယ်။

"မီးပုံအရှင်၊ မင်းမှာ ကမ္ဘာသစ်သီးရှိတယ်၊ မျှဝေပေးဖို့ ငါ မင်းကို ဖိအားပေးရင် မင်း ဆန္ဒရှိမှာလား" ကာဒီနယ်တောက်ပဓားဘိုးဘေးက ပြန်မေးလိုက်တယ်။

မီးပုံအရှင်က မျက်မှောင်ကြုတ်ကာ ပြောလိုက်တယ်"ငါ ဆန္ဒရှိရှိမရှိရှိ အဲဒါကို မျှဝေရမှာပဲ"

"မင်း ကိုယ်တိုင် မူလအဆုံးစွန်းအရှင်ကို မေးကြည့်ပါလား" ချပ်ဝတ်ပြိုင်ဘက်ကင်းအရှင်မက ‌ငေါ့တောတောပြောလိုက်တယ်။

အခုထိ မပြောရသေးတဲ့ ပြိုင်ဘက်ကင်းအရှင်တစ်ယောက်ရှိတယ်၊ သူက အလွန်အေးစက်တဲ့ချီတည်ရှိမှုတစ်ခုရှိတဲ့သက်လတ်ပိုင်းအရွယ်လူတစ်‌ယောက်ပါပဲ"က ကမ္ဘာသစ်သီးကို မျှဝေချင်သ‌ရွေ့ ငါတို့တွေ သူ့ကို အစည်းအရုံးအမှတ်အချို့ပေးနိုင်တယ်"

အကြံပြုချက်ကို ကြားပြီး ပြိုင်ဘက်ကင်းအရှင်မက တိတ်ဆိတ်သွားတယ်၊ ဒါက အတော်လေးကောင်းတဲ့အကြုပြုချက်လို့ သူမက ခံစားမိတယ်။

ကာဒီနယ်တောက်ပဓားဘိုးဘေးက ပြောလိုက်တယ်"အရင်စောင့်ဆိုင်းကြတာပေါ့။ လက်ရှိ သူက ကမ္ဘာသစ်သီးကို ကိုယ်တိုင် အသုံးပြုလိမ့်မှာပါ၊ သူ ပြီးရင် ငါတို့‌တွေ သူနဲ့ ထပ်ညှိနှိုင်းကြတာပေါ့"

ကာဒီနယ်တောက်ပဓားဘိုးဘေးက ဒီကျင့်ကြံခြင်းအဆင့်မှာ တစ်နေတာ နှစ်ပေါင်းမရေမတွက်များစွာရှိပြီ။ ဆက်လက်တိုးတက်ဖို့အတွက် ကမ္ဘာသစ်သီးက သေချာပေါက် ကံကြမ္မာအခွင့်အလမ်းကောင်းတစ်ခုပဲ။

"ကောင်းပြီလေ" လူတိုင်းက သဘောတူလိုက်ကြတယ်။

သူတို့က စောင့်‌နိုင်ပါတယ်၊ သူတို့ရဲ့သက်တမ်းက အကန့်အသတ်မရှိဘူးလေ။

…

အမှောင်ကောင်စီရဲ့အဆင့်၁ဂိုဏ်းခွဲတစ်ခုမှာ......

အမှောင်ဝိညာဉ်ဘိုးဘေးက ကြောက်စရာကောင်းတဲ့ချီတည်ရှိမှုတစ်ခုနဲ့ အကြီးအကဲတစ်ယောက်ဖြစ်တယ်။ သူက အမှောင်အရှင်ဘုရင်ကို မကျေမနပ်‌ ပြောလိုက်တယ်" မင်းက ကမ္ဘာသစ်သီးရဲ့သတင်းအချက်အလက်ကို မပေါက်ကြားစေသင့်ဘူး။ အမှောင်ကောင်စီ မကိုင်တွယ်နိုင်တော့မှ လုပ်လည်း နောက်မကျပါဘူး" သူက ကမ္ဘာသစ်သီးကို အကြီးအကျယ်လိုချင်တယ်။ သူ့ရဲ့တိုင်ခိုက်ရေးစွမ်းအားက အမှောင်အရှင်ဘုရင်ထက် နောက်ကျပေမယ့် သူ့ရဲ့စစ်မှန်ပြီးကြောက်စရာကောင်းတဲ့ကျွမ်းကျင်မှုက သူ့ရဲ့ဝိညာဉ်တာအိုပါပဲ။

အမှောင်အရှင်ဘုရင်က ပြောလိုက်တယ်"ငါတောင် သူ့ခံစစ်ကို မချိုးဖြတ်နိုင်ဘူး၊ သူက နဂါးနက်ဘိုးဘေးနဲ့ နှိုင်းယှဉ်နိုင်တယ်။ အမှောင်ကောင်စီက ပြိုင်ဘက်ကင်းအရှင်ဒါဇင်ကျော်မလွှတ်ဘဲနဲ့ မဖြစ်နိုင်ဘူး။ ဒါပေမယ့် အဲလိုဖြစ်လာရင် ဓားသမားအစည်းအရုံးက ထိုင်ကြည့်နေမှာမဟုတ်ဘူး"

အမှောင်ဝိညာဉ်ဘိုးဘေးက ပြောလိုက်တယ်" ပြိုင်ဘက်ကင်းအရှင်ဒါဇင်လောက် မလိုဘူး၊ ငါက ငါ့နောက်လိုက်ဖို့ ပြိုင်ဘက်ကင်းအရှင်နှစ်‌ယောက်ပဲ လိုတယ်၊ ပြီးရင် ငါ မူလအဆုံးစွန်းအရှင်ကို အနိုင်ယူနိုင်တယ်"

ကြောက်စရာကောင်းတဲ့ခံစစ်နဲ့ပြိုင်ဘက်ကင်းအရှင်တစ်‌ယောက်ကို သတ်နိုင်တယ်လို့တော့ အမှောင်ဝိညာဉ်ဘိုးဘေးက မပြောရဲပါဘူး။

"မင်း နှစ်ယောက်ပဲလိုတာ သေချာလား"

အမှောင်အရှင်ဘုရင်က သံသယဖြစ်မိတယ်။ သူက အမှောင်ဝိညာဉ်ဘိုးဘေးရဲ့ဝိညာဉ်တာအိုကို မြင်တွေ့ထားပြီး အဲဒါက တကယ်အံ့မခန်းဖြစ်ပေမယ့် အဆင့်မြင့်ပြိုင်ဘက်ကင်းအရှင်တစ်‌ယောက်ကို ရှုံးနိမ့်အောင် လုပ်ဖို့အထိတော့ မလုံလောက်ဘူး။

အမှောင်ဝိညာဉ်ဘိုးဘေးက ပြောလိုက်တယ်" လွန်ခဲ့တဲ့နှစ်သန်းအနည်းငယ်အတွင်း ငါက ဝိညာဉ်တာအိုလျှို့ဝှက်နည်းစနစ်တစ်ခုကို တီထွင်ခဲ့တယ်။ မင်း စိုးရိမ်ရင် မင်းကိုယ်တိုင် စမ်းသပ်ကြည့်နိုင်တယ်"

"ကောင်းပြီ"

အမှောင်အရှင်ဘုရင်က သူ့ကိုယ်သူ အတ်ေလေးယုံကြည်ချက်ရှိတယ်၊ ဒါ့ပြင် သူက အဆင့်နိမ့်အန္တိမအဆင့်ဝိညာဉ်တာအိုခံစစ်လျှို့ဝှက်နည်းစနစ်တစ်ခုနဲ့ ထူးကဲအဆင့်အန္တိမအဆင့်လိပ်ပြာအသိစိတ်အာရုံခံစစ်လျှို့ဝှက်နည်းစနစ်တစ်ခုကို ကျင့်ကြံထားခဲ့တယ်လေ။

"ဂရုစိုက်ပါ" အမှောင်ဝိညာဉ်ဘိုးဘေးရဲ့မျက်လုံးတွေက ဝဲကတော့တွေအဖြစ် ပြောင်းသွားပြီး ထိန်းမနိုင်သိမ်းမနိုင်လည်ပတ်နေတယ်။ ပြီး‌နောက် ကမ္ဘာတစ်ခုလုံးက လည်ပတ်နေသလို အမှောင်အရှင်ဘုရင်က ခံစားရတယ်။

"ဒါက"

မသိလိုက်မသိဘာသာနဲ့ အမှောင်အရှင်ဘုရင်က ‌ကြောက်စရာကောင်းတဲ့ကမ္ဘာတစ်ခုထဲသို့ နစ်မြုပ်သွားတယ်။ ဒီကမ္ဘာမှာ သူက လုံးဝမလှုပ်ရှားနိုင်ဘူး။ သူ့ရဲ့ခန္ဓာကိုယ်မှာ သူအသုံးပြုနိုင်တဲ့စွမ်းအင်အရိပ်အယောင်တစ်ခုမှ မရှိဘူး၊ သူက သာမန်လူတစ်ယောက်ပမာပဲ။

"ဒါက အမှောင်ဝိညာဉ်ဘိုးဘေးတီထွင်ခဲ့တဲ့ဝိညာဉ်တာအိုလျှို့ဝှက်နည်းစနစ်တစ်ခုလား" အမှောင်အရှင်ဘုရင်က ပင့်သက်ရှိုက်မိတယ်။ သူ့ရဲ့လိပ်ပြာအသိစိတ်အာရုံခုခံမှုနဲ့ဝိညာဉ်ခုခံမှုက အများကြီးအသုံးမဝင်ခဲ့ဘူး။ ဒါက တိုက်ပွဲထဲမှာ ဆိုရင် သူ့ရဲ့အနေအထားက သေရေးရှင်ရေးတမျှဖြစ်ပေလိမ့်မယ်။

"ဒါ ဘယ်လိုလဲ"

မကြာမီမှာ အမှောင်အရှင်ဘုရင်က ကြောက်စရာကောင်းတဲ့ကမ္ဘာမှ ထွက်လာတယ်။ သူ့မျက်နှာချင်းဆိုင်မှာတော့ အမှောင်ဝိညာဉ်ဘိုးဘေးက ပြုံးနေတယ်။

"ဘာဖြစ်သွားတာလဲ" အမှောင်အရှင်ဘုရင်က မေးလိုက်တယ်။

အမှောင်ဝိညာဉ်ဘိုးဘေးက ရှင်းပြလိုက်တယ်"တကယ်တော့ မင်းရဲ့ခန္ဓာကိုယ်က ဝိညာဉ်ကမ္ဘာထဲ နစ်မြုပ်သွားတာမဟုတ်ဘူး၊ မင်းစိတ်ဝိညာဉ်ကပဲ ဝိညာဉ်ကမ္ဘာထဲ နစ်မြုပ်သွားတာ"

"မင်း ငါ့ရဲ့စိတ်ဝိညာဉ်ကို ဝိညာဉ်ကမ္ဘာထဲ ဆွဲချခဲ့တာလား" အမှောင်အရှင်ဘုရင်ရဲ့ချွေးတွေနဲ့ အေးစက်နေတယ်။ သူ့စိတ်ဝိညာဉ်က မလွတ်မြောက်နိုင်ရင် သူ သေသွားမှာမဟုတ်ဘူးလား"

အမှောင်ဝိညာဉ်ဘိုးဘေးက ရှင်းပြလိုက်တယ်" ငါက အဲလောက်မစွမ်းပါဘူး။ မင်းရဲ့စိတ်ဝိညာဉ်က မင်းရဲ့ခန္ဓာကိုယ်ထဲမှာပဲ ရှိသေးတယ်၊ ငါက မင်းရဲ့စိတ်ဝိညာဥ်ကို မင်းရဲ့ခန္ဓာကိုယ်နဲ့ တစ်ခဏအဆက်အသွယ်ဖြတ်ရုံမျှပဲ။ ဒါ့အပြင် ဝိညာဉ်ကမ္ဘာက အခုချိန်ထိ ပြီးပြည့်စုံတဲ့အခြေအနေတစ်ခုကို မရောက်သေးဘူး၊ အဲဒါက မင်းရဲ့စိတ်ဝိညာဉ်ကို အချိန်အကြာကြီး မပိတ်လှောင်ထားနိုင်ဘူး"

"အသက်တစ်ခါနှစ်ခါရှုချိန်က လုံလောက်ပါပြီ"

အသိစိတ်ရှိတာ၊ မရှိတာက ပြိုင်ဘက်ကင်းအရှင်တစ်‌ယောက်အတွက် လုံးဝမတူညီတဲ့အခြေအနေတစ်ခုပဲ။ အသိစိတ်မရှိရင် တစ်စုံတစ်ယောက်ရဲ့ခုခံမှုက သိသိသာသာအားနည်းလာပြီး အသက်နှစ်ခါရှုချိန်အတွင်း သူတို့က လီဖူချန်းရဲ့နေရာလပ်လက်စွပ်ကို လုဖို့ လုံလောက်တယ်။

ဒါကို စဉ်းစားမိပြီး အမှောင်အရှင်ဘုရင်က အတော်လေးနောင်တရမိတယ်။ သူက အမှောင်ဝိညာဉ်ဘိုးဘေးမှာ ဒိလိုနည်းလမ်းမျိုးရှိတာကို သိထားရင်  ကမ္ဘာသစ်သီးနဲ့ပတ်သက်တဲ့သတင်းအချက်အလက်ကို မဖြန့်ပါဘူး။

…

ကန့်လန့်ဖြတ်မြစ်ကြယ်ပိုင်နက်။

ပုံရိပ်သုံးခုက အံ့ဖွယ်သစ်ရွက်မြို့ရဲ့အနီးဝန်းကျင်မှာ ထွက်ပေါ်လာတယ်။

"ငါတို့ စောင့်နေမယ်။ သူ အံ့ဖွယ်သစ်ရွက်မြို့ကို သေချာပေါက် လာလိမ့်မယ်"

အမှောင်အရှင်ဘုရင်က လီဖူချန်းနဲ့ပတ်သက်တဲ့သတင်းအချက်အလက်အားလုံးကို ရှာဖွေထားပြီးပြီ။

"ကမ္ဘာသစ်သီးကို ရရှိနိုင်သရွေ့ ငါတို့က နှစ်တစ်သောင်းစောင့်ရလဲ ထိုက်တန်ပါတယ်" ပြော‌နေတဲ့သူက အဖြူရောင်ဆံပင်နဲ့အကြီးအကဲတစ်ယောက်ပါပဲ။ သူ့ကိုသိသူတစ်ယောက်ယောက်က ဒီနေရာမှာရှိရင် သူက ခြောက်‌သွေ့ညှိုးနွမ်းသွေးဘိုးဘေးဆိုတာ သူတို့က ချက်ချင်း ခွဲခြားနိုင်လိမ့်မယ်။

"ဒီအတိုင်းပဲ စောင့်နေကြရအောင်။ အလင်းနှစ်ရာအနည်းငယ်ပတ်လည်အတွင်းမှာ  ဝိညာဉ်အတွေးများစွာကို ငါနေရာချထားပြီးပြီ" အမှောင်ဝိညာဉ်ဘိုးဘေးက တင်ပျဉ်ခွေထိုင်ကာ ပြောလိုက်တယ်။

…

နက်ပြာပလိန်းမှာ ကမ္ဘာသစ်သီးပေါ်မှာ လီဖူချန်းရဲ့နားလည်မှုက ပိုနက်ရှိုင်းလာနေတယ်။ သူ့စိတ်ထဲမှာထွက်ပေါ်လာတဲ့ဈာန်ဝင်စားခြင်းတွေများစွာ ရှိတယ်။ သူ လုပ်ရမှာက ဈာန်ဝင်စားခြင်းအားလုံးကို ချိတ်ဆက်ပြီး သူတို့ကို သူ့ရဲ့ဓားတာအိုထဲ ပေါင်းစပ်ရုံပါပဲ။

အချိန်က လျင်မြန်စွာ ကုန်ဆုံးသွားတယ်၊ ရာစုနှစ်နှစ်ခု ဖြစ်ကျော်သွားတယ်။

ပထမရာစုနှစ်အတွင်း လီဖူချန်းရဲ့အမေရှန့်ယုယန်နဲ့ညီမလေးလီဖူချန်းတို့က သူတော်စင်တွေ ဖြစ်လာကြတယ်။ ဒုတိယရာစုနှစ်အတွင်း သူ့ရဲ့မွေးစားညီမလေးလီရှောင်တျဲကလည်း သူတော်စင်တစ်ယောက်ဖြစ်လာတယ်။

ဒီလိုနဲ့ သူနဲ့အနီးကပ်ဆုံး၊ သူဂရုအစိုက်ဆုံးသူတွေက သူတော်စင်တွေ ဖြစ်လာကြပြီး နှစ်တစ်သိန်းကျော်သက်တမ်းကို ပိုင်ဆိုင်လာကြတယ်။

သူတော်စင်တစ်ယောက်ဖြစ်လာပြီးနောက် တိုးတက်မှုက ပိုလွယ်ကူလာတယ်။

အကြီးမားဆုံးတိုးတက်လာသူက သေချာပေါက် ရန်ချင်းဟူပါပဲ။

ကမ္ဘာဥပဒေသကို ရာစုနှစ်နှစ်ခုကြာ နားလည်ပြီး‌နောက် ရန်ချင်းဟူရဲ့ခွန်အားက သိသိသာသာတိုးတက်လာပြီး သူတော်စင်အရှင်နယ်ပယ်ကို ချက်ချင်း ဝင်ရောက်ခဲ့တယ်။

သာမန်သူတော်စင်တွေနဲ့ နှိုင်းယှဉ်ရင် သူတော်စင်အရှင်တွေမှာ ပိုမိုရှည်လျားတဲ့သက်တမ်းတွေရှိပြီး နှစ်သန်းအနည်းငယ်ကျော် ရှိတယ်။

"အမ်။ သမန်းဝံပုလွေကိုယ်ပွားက ဒုက္ခဖြစ်နေတာပဲ

ဒီနေ့မှာ လီဖူချန်းက မျက်မှောင်ကြုတ်လိုက်တယ်၊ သူက ဓားပိတ်လှောင်ခြင်းကမ္ဘာနဲ့နက်ပြာပလိန်းမှ ထွက်လာတယ်။ ပြီး‌နောက် သူက အံ့ဖွယ်သစ်ရွက်မြို့ဆီ တည့်မတ်စွာ ပျံသန်းသွားတော့တယ်။

"သူ ထွက်လာပြီ" အံ့ဖွယ်သစ်ရွက်မြို့ရဲ့ပတ်ဝန်းကျင်နေရာလပ်-အချိန်ထဲမှာ အမှောင်ဝိညာဉ်ဘိုးဘေးက သူ့မျက်လုံးတွေကို ဖွင့်လိုက်တယ်။

"အမှောင်ကမ္ဘာ"

"သစ်ပင်ကမ္ဘာဆင်းသက်ခြင်း"

ချက်ချင်းပဲ အမှောင်ကမ္ဘာနဲ့သစ်ပင်တွေပြည့်နေတဲ့သစ်ပင်ကမ္ဘာတစ်ခုက အလင်းနှစ်ထောင်အနည်းငယ်ဧရိယာကို ဝိုင်းရံလိုက်တယ်။

"အမှောင်အရှင်ဘုရင်" လီဖူချန်းရဲ့အသံက ကျယ်လောင်စွာ ပဲ့တင်ထပ်လာပြီး ကမ္ဘာစွမ်းအားကတောင် အဲဒါကို မရပ်တန့်နိုင်ဘူး။

"မူလအဆုံးစွန်းအရှင်၊ ငါတို့ ထွက်တွေ့ပြန်ပြီးပဲ" အမှောင်အရှင်ဘုရင်ရဲ့အသံက နေရာတိုင်းမှ ပဲ့တင်ထပ်လာတယ်။

"ကြည့်ရတာ မင်းက ဒီတစ်ကြိမ် အတော်လေးယုံကြည်ချက်ရှိနေတဲ့ပုံပဲ။ ဘယ်သူက မင်းကို ဒီလိုယုံကြည်ချက်ပေးသလဲ ငါ သိချင်မိတယ်" လီဖူချန်းက အမှောင်ဝိညာဉ်ဘိုးဘေးနဲ့ခြောက်‌သွေ့ညှိုးနွမ်းသွေးဘိုးဘေးတို့ကို တစ်ချက်ကြည့်လိုက်တယ်။

"သတ်စမ်း"

အမှောင်အရှင်ဘုရင်က အချိန်ဖြုန်းမနေဘူး။ သူက လီဖူချန်းကို အမှောင်သတ္တဝါနှစ်ကောင်နဲ့အတူ ဝိုင်းထားလိုက်တယ်။

ဒါ မပြီးသေးပါဘူး။ ဦးတည်ဘက်တိုင်းမှ နွယ်ပင်တွေက တွယ်ကပ်တက်လာပြီး သူတို့အားလုံးက ထာဝရချီတည်ရှိမှုကို ထုတ်လွှတ်နေတယ်။

"ချိုးဖြတ်စမ်း"

လီဖူချန်းက သူ့ရဲ့ဓားနဲ့ ခုတ်ပိုင်းကာ နွယ်ပင်ဒါဇင်ကျော်ကို ပိုင်းဖြတ်လိုက်တယ်။

နွယ်ပင်တွေက အလွန်မာကျောမှန်း သိသာတယ်၊ အမှောင်အရှင်ဘုရင်ရဲ့နှောင့်ယှက်မှုနဲ့အတူ လီဖူချန်းက နွယ်ပင်အားလုံးကို မပိုင်းဖြတ်နိုင်တော့ဘူး။

"ရစ်ပတ်စမ်း"

အနေအထားကို မြင်ပြီး ခြောက်‌သွေ့ညှိုးနွမ်းသွေးဘိုးဘေးက လက်နှစ်ဖက်နဲ့ ချိတ်ပိတ်တစ်ခုကို ဖြစ်စေကာ နွယ်ပင်တွေက လီဖူချန်းကို ရစ်ပတ်လာတယ်။

"ဒီလူက အမှောင်ကောင်စီရဲ့ခြောက်‌သွေ့ညှိုးနွမ်းသွေးဘိုးဘေးပဲ" လီဖူချန်းက ခြောက်‌သွေ့ညှိုးနွမ်းသွေးဘိုးဘေးကို ဖော်ထုတ်နိုင်ခဲ့တယ်။

ဒါပေမယ့် လီဖူချန်းက အလန့်တကြားမဖြစ်ပါဘူး။ ကပ်ဘေးစွမ်းအားကို အဆုံးစွန်းအထိ တွန်းပို့လျက် သူက သူ့ရဲ့လက်ဓားသွားကို ဝှေ့ယမ်းကာ ကျန်ရှိနေတဲ့နွယ်ပင်အားလုံးကို ပိုင်းဖြတ်လိုက်တယ်။ အမှောင်သတ္တဝါတစ်ကောင်က လွင့်ထွက်သွားပြီး အမှောင်ကမ္ဘာနဲ့သစ်ပင်ကမ္ဘာကတောင် လက်ခုတ်ပိုင်းချက်ကြောင့် ကြီးမားတဲ့အပေါက်ကြီးတစ်ခုရှိလာတယ်။

အလယ်ဆင့်အခြေအနေရှိကပ်ဘေးစွမ်းအားနဲ့အတူ ၎င်းရဲ့ခွန်အားက လီဖူချန်းရဲ့ဓားတာအိုခွန်အားကို ကျော်လွန်လာတယ်။  ဒီလိုမှမဟုတ်ရင် အတိတ်မှာ နတ်ဘုရားလက်ရဲ့အရင်ပိုင်ရှင်က ဘယ်လိုလုပ်ပြီး စကြာဝဠာကို လွှမ်းမိုးနိုင်မှာလဲ။

"ဒါက ......နတ်ဘုရားလက်....." အမှောင်ဝိညာဉ်ဘိုးဘေးရဲ့အသံက တုန်ယင်နေတယ်။

"နတ်ဘုရားလက်က ဘာလဲ" အမှောင်အရှင်ဘုရင်နဲ့ခြောက်‌သွေ့ညှိုးနွမ်းသွေးဘိုးဘေးက အမှောင်ဝိညာဉ်ဘိုးဘေးကို ကြည့်လိုက်တယ်။

သုံးယောက်ထဲမှာ အမှောင်ဝိညာဉ်ဘိုးဘေးက ဗဟုသုတအများဆုံးဖြစ်တယ်။

"အတိတ်မှာ အကြိုနတ်ဘုရားတွေကြားမှာ ထာဝရနတ်ဘုရားလို့ခေါ်တဲ့ အားကောင်းတဲ့တစ်စုံတစ်ယောက်ရှိခဲ့တယ်။ သူ့ရဲ့ပြိုင်ဘက်ကင်းနည်းစနစ်ကို နတ်ဘုရားလက်လို့ခေါ်တယ်။ အဆင့်မြင့်အဆင့်ရှိနတ်ဘုရားလက်က ကပ်ဘေးမသေမျိုးခန္ဓာကိုယ်ကို ဖြစ်ပေါ်စေနိုင်ပြီး ကပ်ဘေးစွမ်းအားကို အသုံးပြုကာ အရာအားလုံးကို ဖျက်ဆီးနိုင်တယ်။ သူ့ရဲ့အကြိုနတ်ဘုရားလက်နက်ဖြစ်တဲ့ထာဝရလက်အိတ်နဲ့အတူ သူက အကြိုနတ်ဘုရားတွေကြားမှာ ပြိုင်ဘက်ကင်းလုနီးပါးဖြစ်ခဲ့တယ်။ ဒါပေမယ့် ကြီးမားတဲ့ကပ်ဘေးတစ်ခုပြီးနောက် သူ့ကို လက်ရွေးစင်အကြိုနတ်ဘုရားဒါဇင်ကျော်က သတ်ဖြတ်ခဲ့တယ်" အမှောင်ဝိညာဉ်ဘိုးဘေးက ရှင်းပြလိုက်တယ်။

"လက်ရွေးစင်အကြိုနတ်ဘုရားနည်းစနစ်တစ်ခုလား" အမှောင်အရှင်ဘုရင်နဲ့ခြောက်‌သွေ့ညှိုးနွမ်းသွေးဘိုးဘေးတို့ရဲ့မျက်လုံးတွေက လင်းလက်သွားတယ်။

နတ်ဘုရားလက်က သူ့နာမည်အတိုင်း မယုံနိုင်စရာကောင်းပုံပဲ။ သူတို့က ဒါကို သင်ယူနိုင်ရင် စကြာဝဠာကို လွှမ်းမိုးပြီး အကြိုနတ်ဘုရားတွေနဲ့ ယှဉ်ပြိုင်နိုင်လာမယ်မလား။

"ငါတို့ သူ့ကို အမိဖမ်းရမယ်၊ ပြီးရင် သူ့ရဲ့မှတ်ဉာဏ်ကို ထုတ်ယူရမယ်"

အမှောင်ဝိညာဉ်ဘိုးဘေးရဲ့မျက်လုံးတွေက ရူးသွပ်သလိုဖြစ်လာပေမယ့် သူက လီဖူချန်းကို သူကိုယ်တိုင် မဖမ်းနိုင်ဘူး။ ဒါကြောင့် သူက နတ်ဘုရားလက်နဲ့ပတ်သက်တဲ့အချက်အလက်ကို မျှဝေဖို့ ကြောက်ရွံ့နေမှာမဟုတ်ဘူး။

"သူ့ကို ဖမ်း" အမှောင်အရှင်ဘုရင်နဲ့ခြောက်‌သွေ့ညှိုးနွမ်းသွေးဘိုးဘေးရဲ့မျက်လုံးတွေက ရူးသွပ်လာတယ်။

"ဝိညာဉ်ကမ္ဘာ" အမှောင်ဝိညာဉ်ဘိုးဘေးက သူ့ရဲ့အသန်မာဆုံးဝိညာဉ်တာအိုလျှို့ဝှက်နည်းစနစ်ကို လီဖူချန်းထံ ထုတ်ဖော်လိုက်တယ်။

"ဝိညာဉ်တာအိုလျှို့ဝှက်နည်းစနစ်လား" လီဖူချန်းက ဝိညာဉ်စွမ်းအားလှိုင်းတွေနဲ့ ပတ်သက်ပြီး အလွန်ခံစားနိုင်တယ်။

"စိတ်ဝင်စားစရာပဲ"

လီဖူချန်းရဲ့မျက်လုံးတွေက ပြောင်းသွားပြီး အမှောင်ဝိညာဉ်ဘိုးဘေးကို ကြည့်လိုက်တယ်။ အမှောင်ဝိညာဉ်ဘိုးဘေးက ဘယ်လိုလှည့်ကွက်တွေ ထုတ်မလဲကို သူ မြင်ချင်မိတယ်။