မှိန်ခြင်းနတ်ဘုရားအရှင်

နက်ပြာပလိန်းမှာ လူတွေက ကမ္ဘာသစ်သီးနားလည်မှုမှာ ပိုပိုပြီးပါဝင်လာနေတယ်။

ဥပမာအားဖြင့် သံတိမ်သူတော်စင်အရှင်၊ နက်ပြာဓားသူတော်စင်အရှင်၊ လေတိမ်ဓားသူတော်စင်အရှင်၊ သစ်ရွက်နီဓားသူတော်စင်အရှင်မနဲ့ လီဖူချန်းရဲ့အနီးကပ်မိတ်ဆွေအချို့ပေါ့။

သက်တံဖြူကောင်းကင်ဘုံအရှင်၊ လေဓားကောင်းကင်ဘုံအရှင်နဲ့အခြားသူတွေ၊ သူတို့ကတခြားပလိန်းမှ ကောင်းကင်ဘုံအရှင်တွေဖြစ်ပြီး နက်ပြာပလိန်းကို မဝင်နိုင်ပါဘူး။ ဒါကြောင့် နောက်မှ သူတို့ကို ကမ္ဘာသစ်သီးကို နားလည်ခွင့်ပေးဖို့ လီဖူချန်းက စီစဉ်ထားတယ်။

ဒါပေမယ့် ကမ္ဘာသစ်သီးက ကုန်ခန်းသွားလိမ့်မှာကို လီဖူချန်းက သိတယ်။

ကမ္ဘာသစ်သီးထဲမှာ ကမ္ဘာရင်းမြစ်ရှိပြီး ဉာဏ်အလင်းပွင့်ဖို့ ကြိုးစားတဲ့အချိန်တိုင်း ကမ္ဘာသစ်သီးရဲ့ရင်းမြစ်အချို့ကို သုံးစွဲရလိမ့်မယ်။

အလေးအနက်ထားပြောရရင် ကောင်းကင်ဘုံအရှင်အောက်ရှိလူတိုင်းပေါင်းစပ်ထားရင်တောင် သာမန်ကောင်းကင်ဘုံအရှင်တစ်ယောက်လောက် မသုံးစွဲနိုင်ဘူး၊ သာမန်ကောင်းကင်ဘုံအရှင်တစ်ယောက်က မြို့အရှင်အဆင့်ကောင်းကင်ဘုံအရှင်တစ်ယောက်ထက် အများကြီးနိမ့်ကျပြီး က မြို့အရှင်အဆင့်ကောင်းကင်ဘုံအရှင်တစ်ယောက်က အရှင်တစ်ယောက်ထက် ပိုနိမ့်ကျတယ်။

မသေမျိုးအရှင်အတွက်ကတော့ သူက နှစ်သန်းတစ်ရာနားလည်ရင်တောင် ကမ္ဘာသစ်သီးရဲ့ကမ္ဘာရင်းမြစ်အားလုံးကို ကုန်ခန်းစေဖို့ မဖြစ်နိုင်ဘူး။

ဒါကြောင့် ကမ္ဘာသစ်သီးနားလည်မှုမှာ လူအရေအတွက်က အရေးမကြီးဘူး၊ အရေးကြီးတာက နားလည်တဲ့သူတွေက ဘယ်လောက်သန်မာသလဲဆိုတာပဲ။ အရှင်အမြောက်အများက နားလည်ဖို့ကြိုးစားရင်  အလုပ်လုပ်လိမ့်မှာမဟုတ်ဘူး၊ မကြာမီမှာ ကမ္ဘာသစ်သီးရဲ့ကမ္ဘာရင်းမြစ်က ခမ်းခြောက်သွားလိမ့်မယ်။

ကမ္ဘာသစ်သီးနားလည်မှုမှာ မပါဝင်ဘဲနဲ့ လီဖူချန်းက လျှို့ဝှက်နည်းစနစ်တွေကို ကျင့်ကြံရာမှာ အားထုတ်နေတယ်။

သူ အရင်ဆုံးကျင့်ကြံတဲ့လျှို့ဝှက်နည်းစနစ်က အနန္တဓားခန္ဓာကိုယ်ပဲ။

ဒီလျှို့ဝှက်နည်းစနစ်က လူသားခန္ဓာကိုယ်ရဲ့ခွန်အားထုတ်လုပ်မှုအကန့်အသတ်ကို ချိုးဖြတ်နိုင်ပြီး ခွန်အားနှစ်ဆယ်ဆနဲ့ ပေါက်ကွဲထွက်စေတယ်။

ဒါပေမယ့် တန်ဖိုးက အလွန်ကြီးမားတယ်။ ခွန်အားနှစ်ဆယ်ဆပေါက်ကွဲထွက်စေတာက မြန်နှုန်းစွမ်းအင်သုံးစွဲမှုကို အဆနှစ်ဆယ်တိုးစေတာလောက် မရိုးရှင်းပါဘူး။

ဒါက လူသားခန္ဓာကိုယ်ရဲ့ခွန်အားထုတ်လုပ်မှုအကန့်အသတ်ကို ချိုးဖြတ်ခြင်းက ခန္ဓာကိုယ်ရဲ့ရင်းမြစ်ကို ထိခိုက်စေလို့ပဲ။ ပေါက်ကွဲချိန်ပိုကြာလေ၊ ထိခိုက်မှုက ပိုကြီးမားလေပဲ။ ဒီနည်းလမ်းအရ ပြန်သက်သာဖို့ ကြီးမားတဲ့စွမ်းအင်ပမာဏတစ်ခုကို လိုအပ်တယ်။

အချိန်က စီးဆင်းနေတယ်။

နေရာလပ်-အချိန်အရှိန်မြှင့်တင်ခြင်းသုံးဆနဲ့အတူ အနန္တဓားခန္ဓာကိုယ်ရဲ့အလုံးစုံတတ်သိနားလည်ခြင်းအဆင့်ကို ရောက်ရှိဖို့ လီဖူချန်းက အနှစ်နှစ်ရာသုံးစွဲခဲ့တယ်။

အခြားစကားဖြင့် နေရာလပ်-အချိန်မမြှင့်တင်ရင် သူက နှစ်ခြောက်ရာလိုအပ်တယ်။

လီဖူချန်းက နတ်ဓားတည်နေရာရွှေ့ပြာင်းရေးကို ဆက်လက်ကျင့်ကြံခဲ့တယ်၊ ဓားပိတ်လှောင်ခြင်းစကြာဝဠာက လေ့ကျင့်ရတာ အခက်ခဲဆုံးဖြစ်တာကြောင့် နောက်ဆုံးမှာ ထားခဲ့တယ်။

……

မသိလိုက်မသိဘာသာနဲ့ နောက်ထပ်နှစ်ရှစ်ရာက ကုန်ဆုံးသွားတယ်။

လီဖူချန်းက နတ်ဓားတည်နေရာရွှေ့ပြောင်းရေးကို အလုံးစုံတတ်သိနားလည်ခြင်းအဆင့်အထိ ကျင့်ကြံထားပြီးပြီ။ ဓားပိတ်လှောင်ခြင်းစကြာဝဠာကတော့ အနည်းငယ်လိုနေသေးတယ်။ လက်ရှိမှာ သူက ပြီးပြည့်စုံခြင်းအဆင့်မှာပဲ ရှိနေသေးကာ သာမန်ပြိုင်ဘက်ကင်းအရှင်တစ်ယောက်ကို ပိတ်ထားနိုင်နေပါပြီ။

"မူလအဆုံးစွန်းအရှင်၊ ငါ့ကို မှိန်ခြင်းနတ်ဘုရားအရှင်က လိုက်ဖမ်းနေတယ်၊ ကျေးဇူးပြုပြီး ငါ့ကို ကယ်ပေးပါအုံး"

ဒီနေ့မှာ ကန့်လန့်ဖြတ်မြစ်ဘိုးဘေးက လီဖူချန်းဆီ အကြောင်းကြားလာတယ်။

"မှိန်ခြင်းနတ်ဘုရားအရှင်"

လီဖူချန်းရဲ့အမူအရာက လေးနက်သွားတယ်။

မှိန်ခြင်းနတ်ဘုရားအရှင်က နတ်ဘုရားမျိုးနွယ်ရဲ့အထွတ်အထိပ်ပြိုင်ဘက်ကင်းအရှင်တစ်ယောက်ဖြစ်ပြီး အရှင်သတ်မှတ်ချက်ရဲ့အဆင့်၈ဖြစ်တယ်။  သူ့ခွန်အားက လူတွေကို ကြောက်ရွံ့စေဖို့ လုံလောက်တယ်။

မှိန်ခြင်းနတ်ဘုရားအရှင်အပြင် နတ်ဘုရားမျိုးနွယ်မှာ အရှင်သတ်မှတ်ချက်ရဲ့ထိပ်ဆုံးဆယ်ယောက်ထဲဝင်တဲ့အခြားနှစ်ယောက်ရှိသေးတယ်၊ မှိန်ခြင်းနတ်ဘုရားအရှင်က နောက်ဆုံးတစ်ယောက်ဖြစ်တယ်။

အခြားတစ်ယောက်ယောက်သာဆိုရင် သူတို့နဲ့နက်ရှိုင်းတဲ့ဆက်ဆံရေးတစ်ခုမရှိတဲ့လူတစ်ယောက်ကို ကယ်ဆယ်ဖို့အတွက် ကြောက်စရာကောင်းတဲ့နတ်ဘုရားမျိုးနွယ်ကို ဆန့်ကျင်လိမ့်မှာမဟုတ်ဘူး။

"ကန့်လန့်ဖြတ်မြစ်ဘိုးဘေးရဲ့အချိန်မီအကြောင်းကြားမှုကြောင့် ငါ မသေမျိုးအရှင်ကို ကယ်ဆယ်နိုင်ပြီး ကမ္ဘာသစ်သီးကို နားလည်ဖို့ အခွင့်အရေးရှိလာကာ  ငါ့ခွန်အားက အကြီးအကျယ်တိုးမြင့်လာတယ်။ ငါ  ဒီကျေးဇူးကို မေ့လို့မရဘူး၊ ငါ သူ့ကို ကယ်ရမယ်"

လီဖူချန်းက တုံ့ဆိုင်းမနေဘဲ ကန့်လန့်ဖြတ်မြစ်ဘိုးဘေးပေးပို့ထားတဲ့ဦးတည်ဘက်ဆီ ချက်ချင်း ပျံသန်းသွားတယ်။

သဲရှင်ကြယ်ပိုင်နက်မှာ ကန့်လန့်ဖြတ်မြစ်ဘိုးဘေးက အတော်လေးဆိုးရွားတဲ့အခြေအနေကို ရောက်ရှိနေတယ်။

ရေနတ်ဘုရားအုတ်ဂူထဲမှာ ပြိုင်ဘက်ကင်းအရှင်တွေ သေဆုံးသွားတာကြောင့် သူက အရှင်သတ်မှတ်ချက်ထဲသို့ ဝင်ရောက်လာခဲ့တယ်။ အခု သူက အထွတ်အထိပ်အရှင်မှ ပြိုင်ဘက်ကင်းအရှင်ဖြစ်လာပေမယ့် သာမန်ပြိုင်ဘက်ကင်းအရှင်သာဖြစ်တယ်။ အဆင့်၈မှိန်ခြင်းနတ်ဘုရားအရှင်နဲ့ အတွေ့မှာတော့ သူက ခုခံဖို့ ခွန်အားလုံးဝမရှိဘူး။

"မူလအဆုံးစွန်းအရှင်၊ ငါ့ကို လာကယ်ရမယ်....."

လီဖူချန်းက သူ့ကို လာကယ်မလားဆိုတာ ကနါ့လန့်ဖြတ်မြစ်ဘိုးဘေးက မသေချာဘူး။ အချက်အလက်အရ သူသာဆိုရင် လာမှာမဟုတ်ဘူး

ဒါပေမယ့်  အခု သူက သွေးရူးသွေးတန်းဖြစ်နေတယ်။ လီဖူချန်းက သူ့ကို လာမကယ်ရင် မကြာခင်မှာပဲ သူ အသတ်ခံရမှာ သေချာတယ်။

"ကန့်လန့်ဖြတ်မြစ်ဘိုးဘေး၊ တစ်ယောက်မှ အင်းကို လာကယ်မှာမဟုတ်ဘူး"

မှိန်ခြင်းနတ်ဘုရားအရှင်က အပြာရင့်ရောင်အသားအရေရှိကာ သန်မာတဲ့လူရွယ်တစ်ယောက်ပဲ။ သူက ကန့်လန့်ဖြတ်မြစ်ဘိုးဘေးအပေါ်မှာ နတ်ဘုရားအမှတ်အသားကို ရိုက်နက်ထားပြီးပြီ၊ တစ်ဘက်လူ ဘယ်လိုပဲ ထွက်ပြေးပြေး၊ သူက အလွယ်တကူ ဖမ်းနိုင်တယ်။

သဲရှင်ကြယ်ပိုင်နက်က ကန့်လန့်ဖြတ်မြစ်ကြယ်ပိုင်နက်နဲ့ အရမ်းဝေးတယ်၊ လီဖူချန်းအနေနဲ့ ရောက်ရှိဖို့ ရက်အနည်းငယ်ယူခဲ့ရတယ်။

လီဖူချန်းရဲအမြင်အရ ကန့်လန့်ဖြတ်မြစ်ဘိုးဘေးက သာမန်ပြိုင်ဘက်ကင်းအရှင်တစ်ယောက်ဖြစ်တယ်။။ ရက်အနည်းငယ်တောင် မတောင့်ခံနိုင်ရင် သူက အားနည်းလွန်းတာကို အပြစ်တင်ရမှာပဲ။

လီဖူချန်း ကန့်လန့်ဖြတ်မြစ်ဘိုးဘေးနဲ့မှိန်ခြင်းနတ်ဘုရားအရှင်ကို အာရုံခံမိတဲ့အချိန်မှာ မှိန်ခြင်းနတ်ဘုရားအရှင်ကလည်း လီဖူချန်းကို အာရုံခံမိတယ်။

"ကန့်လန့်ဖြတ်မြစ်ဘိုးဘေးကို ကယ်ဖို့ လာတာပေါ့လေ"

မှိန်ခြင်းနတ်ဘုရားအရှင်က မျက်မှောင်ကြုတ်လိုက်တယ်။

ကန့်လန့်ဖြတ်မြစ်ဘိုးဘေး၊ ငါ ရောက်လာပြီ"

လျှပ်တစ်ပြက်အတွင်း လီဖူချန်းက တိုက်ပွဲပြင်အနီးနားမှာ ထွက်ပေါ်လာတယ်။

"မူလအဆုံးစွန်းအရှင်"

ကန့်လန့်ဖြတ်မြစ်ဘိုးဘေးက စိတ်သက်သာရာရသွားတော့တယ်။

လီဖူချန်းက ချက်ချင်း အပြေးလာမယ်လို့ သူ တကယ်မထင်ထားခဲ့ဘူး။

"မှိန်ခြင်းနတ်ဘုရားအရှင်၊ ငါ မူလအဆုံးစွန်းအရှင်ကို မျက်နှာသာပေးတဲ့အနေနဲ့ ကန့်လန့်ဖြတ်မြစ်ဘိုးဘေးကို လွှတ်ပေးပါ" လီဖူချန်းက မှိန်ခြင်းနတ်ဘုရားအရှင်ကို ကြည့်လိုက်တယ်။

မှိန်ခြင်းနတ်ဘုရားအရှင်က နှာခေါင်းရှုံ့လိုက်တယ်" မင်းကပဲ ငါ့ကို မျက်နှာပေးရမှာ၊ အမြန်ထွက်သွားစမ်း၊ ငါ့လမ်းမှာ ပိတ်မနေနဲ့"

"ဒါဆို ဘာမှပြောစရာမရှိဘူးလား......."

လီဖူချန်းက မူလအဆုံးစွန်းဓားကို ဆွဲထုတ်လိုက်တယ်။

"သေချင်နေတာလား"

လီဖူချန်းက မောက်မာလွန်းတာကို မြင်ပြီး မှိန်ခြင်းနတ်ဘုရားအရှင်က ဒေါသထွက်သွားတယ်။ တစ်ဖက်လူက သူ့ကို မျက်လုံးထဲ လုံးဝမထည့်ဘူးလို့ သူက ခံစားရတယ်။

အဆင့်သတ်မှတ်ချက်ရဲ့အဆင့်၁၂တစ်ယောက်အနေနဲ့ သူက ကောင်းကင်ဘုံကို မှောက်နိုင်မယ်လို့ ထင်နေတာလား။

လက်ကို လှန်လိုက်ရာ အနက်ရောင်တုတ်တစ်ခုက သူ့လက်ထဲမှာ ထွက်ပေါ်လာတယ်။

သူ ကန့်လန့်ဖြတ်မြစ်ဘိုးဘေးကို ရင်ဆိုင်တုန်းက ခွန်အားပြည့်မသုံးခဲ့ဘူး။

အရေးကြီးဆုံးကတော့ တစ်ယောက်ယောက်က သူ့အစီအစဉ်က လာနှောင့်ယှက်မယ်လို့ သူ မထင်ခဲ့ဘူး။

ဝုန်း ဝုန်း ဝုန်း ဝုန်း.......

နှစ်ယောက်သား အဓိပ္ပါယ်မရှိတာ မပြောတော့ဘဲ  တိုက်ရိုက်တိုက်ခိုက်လာကြတယ်။ ကြောက်စရာကောင်းတဲ့တုန်ခါမှုလှိုင်းတွေက ဦးတည်ဘက်တိုင်းမှာ ဖြာထွက်လာပြီး စကြာဝဠာဥပဒေသတွေကတောင် ပျံ့နှံ့သွားခဲ့တယ်။

"အဆင့်၇ထူးကဲအဆင့်ဓားလား"

သူ့လက်က ထုံကျင်သွားကာ သူက ‌နောက်သို့ ခြေလှမ်းအနည်းငယ်ဆုတ်လိုက်ရတယ်။ သူက လီဖူချန်းလက်ထဲရှိ မူလအဆုံးစွန်းဓားကို ကြည့်လိုက်တယ်။

အဆင့်၇ထူးကဲအဆင့်ဓားက ကမ္ဘာမှာ ရှားပါးတယ်၊ သူ့လက်ထဲရှိသေမင်းတုတ်က အဆင့်၆ထူးကဲအဆင့်လက်နက်တစ်ခုသာဖြစ်တယ်။

"ရောင်ခြည်တော်စက်ဝန်းစွမ်းအား"

ခရမ်းရောင်အလင်းကွင်းတစ်ခုက မှိန်ခြင်းနတ်ဘုရားအရှင်ရဲ့ပတ်ပတ်လည်မှာ ထွက်ပေါ်လာတယ်။ သူ့ရဲ့အရှိန်အဝါက ပိုပြင်းထန်လာတယ်။

နောက်ဆုတ်စမ်း......."

သေမင်းတုတ်ကို ကိုင်ဆွဲလျက် မှိန်ခြင်းနတ်ဘုရားအရှင်က နတ်ဘုရားတစ်ယောက်ပမာ လီဖူချန်းကို ထပ်ခါတလဲလဲ ရိုက်နှက်ခဲ့တယ်။

"အချိန်ကျပြီ"

လီဖူချန်းက မူလအဆုံးစွန်းဓားကို ဝှေ့ယမ်းကာ မှိန်ခြင်းနတ်ဘုရားအရှင်ရဲ့တုတ်ကို အလွယ်တကူတားဆီးလိုက်တယ်။

"ဘာ၊ ငါ မဖိနှိပ်နိုင်ဘူးလား"

မှိန်ခြင်းနတ်ဘုရားအရှင်က ထိတ်လန့်တုန်လှုပ်သွားတယ်။

သူက အကောင်းဆုံးကြိုးစားခဲ့ပေမယ့် လီဖူချန်းကို မဖိနှိပ်နိုင်ခဲ့ဘူး၊ အနည်းငယ်တောင် အသာစီးမရခဲ့ဘူး။

"မူလအဆုံးစွန်းအရှင်ရဲ့ခွန်အားက မှိန်ခြင်းနတ်ဘုရားအရှင်ထက် ပိုမြင့်တာပဲ"

ကန့်လန့်ဖြတ်မြစ်ဘိုးဘေးက အားကျသွားတယ်။

ချီတည်ရှိမှုအရ လီဖူချန်းက မှိန်ခြင်းနတ်ဘုရားအရှင်ထက် အနည်းငယ်နိမ့်ကျပေမယ့် ခွန်အားအရ သူက မှိန်ခြင်းနတ်ဘုရားအရှင်ထက် ပိုမြင့်တယ်။