အကုန်သတ်ဖြတ်ခံလိုက်ရသည်၊ လုမျိုးနွယ်စုအခြေတည်ဝိညာဉ်၏ အမျက်ထွက်မှု၊ ဓားဖုံးနန်းတော်၏ အခြေတည်ဝိညာဉ်ရောက်ရှိလာခြင်း

ကျွီ--

ကောင်းကင်တွင် မီးခိုးကြိုးကြာ၏ အဆက်မပြတ် အော်မြည်သံထွက်ပေါ်လာသည်။

ချက်ချင်းဆိုသလိုပင် မရေမတွက်နိုင်သော အသားအပိုင်းအစများ၊ အရိုးများ နှင့် သွေးများသည် ကောင်းကင်မှ မိုးစက်များနှင့်အတူ ကျဆင်းလာသည်။

“ဘာရယ်?”

လူတိုင်းသည် သူတို့ရှေ့ရှိ မြင်ကွင်းကြောင့် ကြက်သေသေသွားခဲ့ကြသည်။

သူတို့သည် ဘယ်တုန်းကမှပဉ္စမအဆင့်ပဏာမမိစ္ဆာသားရဲတစ်ကောင်သည် ကျန်းချန်ရွှမ်ဆီမှ တိုက်ခိုက်မှုတစ်ခုကို မဆန့်ကျင်နိုင်လောက်ဘူးဟု မမျှော်လင့်ခဲ့ကြပေ။

၎င်း၏ခန္ဓာကိုယ်သည် ချက်ချင်းပင် အပိုင်းပိုင်း ကွဲထွက်သွားပြီး ၎င်း၏မိစ္ဆာဝိညာဉ်သည်လည်း ချေဖျက်ခံလိုက်ရသည်။

သူ၏ မိစ္ဆာသတ်ဖြတ်ခြင်းစွမ်းရည်ကို အသက်သွင်းလိုက်သည့် ကျန်းချန်ရွှမ်၏ ရှေ့တွင် ပဉ္စမအဆင့်ပဏာမသားရဲတစ်ကောင် မဆိုထားနှင့် ပဉ္စမအဆင့်မိစ္ဆာဧကရာဇ်စစ်စစ်တစ်ယောက်ဆိုလျှင်တောင် ဤကဲ့သို့ ဝမ်းနည်းဆွေးမြေ့ဖွယ် အဆုံးသတ်သွားနိုင်သည့် အခွင့်အလမ်းများမှန်း သူတို့ အနည်းငယ်‌တော့ သိရှိကြသည်။

ဂျိမ်း!

တစ်ချိန်တည်း၌ပင် …

ငါးရောင်စုံလျှပ်စီးဖြင့် ဖုံးလွှမ်းထားသည့် ဓားအလင်းတစ်ခုသည် တာအိုဝါဒီမီးခိုးကြိုးကြာ၏ နောက်လိုက်များအပေါ်တွင် ကြီးစိုးလာသည်။

သူမတုံ့ပြန်နိုင်သေးခင်မှာပင်

သူအစောပိုင်းက ‌ဆင့်‌ခေါ်ထားသည့် မီးခိုးညိုရောင်ဓားပျံတစ်ခုသည် ငါးရောင်စုံလျှပ်စီးဖြင့် ဖုံးလွှမ်းထားသည့် ဓားအလင်းဖြင့် ပျံသန်းပို့လွှတ်ခံလိုက်ရသည်။

ဓားပေါ်ရှိဝိညာဉ်အလင်းသည် ချက်ချင်းပင် မှေးမိန်သွားကာ နောက်ဆုံးတွင် ကျယ်လောင်သော အသံတစ်မျိုးဖြင့် မြေကြီးပေါ်သို့ ပြုတ်ကျလာသည်။

“ဘယ်လိုလုပ်ဖြစ်နိုင်မှာလဲ?”

သူ၏ မူလဓမ္မရတနာ၏ ပြန်မကောင်းနိုင်တော့သော ထိခိုက်မှုသည် တာအိုဝါဒီမီးခိုးကြိုးကြာ၏ အမြင်အာရုံကို မည်းမှောင်သွားစေသကဲ့သို့ ခံစားရစေခဲ့သည်။

ထို့နောက်တွင် သူသည် သူ၏နတ်အာရုံမှာ သူ့ကို ပြင်းထန်စွာသတိပေးနေကြောင်း ခံစားလိုက်မိသည်။

ဖော်ပြ၍မရနိုင်သော သေခြင်းတရား၏ အရိပ်တစ်ခုသည် သူ၏ဆံပင်များကို အဆုံးထိ ထောင်မတ်သွားစေကာ ချက်ချင်းပင် သူ၏တစ်ကိုယ်လုံးကို လွှမ်းခြုံထားလိုက်သည်။

သူသည် ချက်ချင်းပင် သူ၏လျှာဖျားကို ကိုက်လိုက်သည်။

ထို့နောက် သူ၏ သွေးအဆီအနှစ်များသည် ပြင်းပြင်းထန်ထန် လောင်ကျွမ်းနေသည်။

လေထုထဲတွင် မီးခိုးညိုရောင် ဓားမောက်ရှည်တစ်လက်သည် သူ့ကို ဆက်လက်ခုတ်ဖြတ်နေသည့်ဓားအလင်းကို တွေ့ဆုံရန် ရုတ်တရက် ပျံသန်းလာသည်။

ချွမ်--

နားများကို ပေါက်ထွက်သွားစေနိုင်သည့် သတ္ထုပွတ်တိုက်သံတစ်ခု မြည်လာခဲ့သည်။

၎င်းသည် လေထဲတွင် ကျိုးပဲ့သွားသောကြောင့် မီးခိုးညိုရောင်ဓားမောက်ရှည်၏မျက်နှာပြင်ပေါ်တွင် သိပ်သည်းသောအက်ကြောင်းများ ချက်ချင်း ပေါ်ပေါက်လာသည်။

“အား!”

ထိုအချိန်တွင် တာအိုဝါဒီမီးခိုးကြိုးကြာသည် ဆက်လက်သည်းမခံနိုင်တော့ဘဲ စူးစူးဝါးဝါးအော်မြည်သံတစ်ခု ထုတ်လွှတ်လိုက်သည်။

ထိုအချိန်တွင် ရှန်းရူရန်၏ လျှပ်စီးအမတသတ်ဖြတ်သူငါးခုသည် စူးရှတောက်ပသည့် အလင်းတစ်ခုဖြင့် ထပ်မံပေါက်ကွဲသွားသည်။

ဝှေ့ယမ်းချက်တစ်ခု ထွက်ပေါ်လာသည်။

ဓားအလင်းသည် တာအိုဝါဒီမီးခိုးကြိုးကြာ၏ ဖွင့်ထားသော ပါးစပ်ဆီသို့ ပစ်လွှတ်သွားလိုက်ကာ သူ၏ခေါင်းနောက်ဘက်မှ ပျံထွက်လာခဲ့သည်။

သူ၏ခေါင်းတစ်ခုလုံးသည် ဆွေးမြေ့နေသော ဖရဲသီးတစ်လုံးသဖွယ် ပေါက်ကွဲသွားသည်။

ခေါင်းမဲ့နေသော အလောင်းကောင်သည် မြေကြီးပေါ်သို့ ဒိုင်းခနဲမြည်သံတစ်ခုဖြင့် မပြုတ်ကျမီ ချက်ချင်း ယိမ်းထိုးနေသေးသည်။

၎င်းသည် ဆက်လက်အသက်ရှုမနေတော့ပေ။

ရွှေအမြုတေအဆင့်အတွက်နဲ့လား?

လျှပ်စီးအမတသတ်ဖြတ်သူငါးခုသည် သူ၏ခန္ဓာကိုယ်ထဲရှိ သူ၏ရွှေအမြုတေအပါအဝင် တက်ကြွမှုအားလုံးကို ချေဖျက်ပြီး ဖြစ်သည်။

ကျန်းချန်ရွှမ်သည် သူ၏ပုဆိန်ကို လွှဲမြှောက်လိုက်ကာ မိစ္ဆာမီးခိုးကြိုးကြာကို သေသည်အထိ ခုတ်ပိုင်းလိုက်ချိန်မှစ၍ ရှန်းရူရန်သည် လျှပ်စီးအမတသတ်ဖြတ်သူငါးခုကို ထုတ်ယူလိုက်ကာ တာအိုဝါဒီမီးခိုးကြိုးကြာကို အငွေ့ပျံသွားစေသည့်အချိန်အထိသည် ၁၀စက္ကန့်တောင်မရှိဘူးဆိုပါက ချဲ့ကားပြောဆိုနေခြင်းမဟုတ်ပေ။

၁၀စက္ကန့်တောင်မရှိသေးခင်ပင် လင်မယားနှစ်ယောက်သည် ပဏာမအခြေတည်ဝိညာဉ်အဆင့်နှင့် ပဏာမအဆင့် ပဉ္စမမိစ္ဆာသားရဲတို့ကို တစ်ချိန်တည်းတွင် အတူတကွ သတ်ပစ်လိုက်ကြသည်။

သူတို့ပြသလိုက်သည့် ခွန်အားများနှင့် နည်းလမ်းများသည် စင်စစ်အခြေတည်ဝိညာဉ်ကျင့်ကြံသူများကိုပင် နှိုင်းယှဉ်၍ ရနေပေပြီ။

ထို့ပြင် ယခုမူ လူအချို့သည် သူတို့၏ပစ္စည်းများကို တပ်မက်စိတ်ပြင်းပြကာ သူတို့ကို သတ်ချင်နေကြပေပြီ။

ဒါက သေမင်းကို စိန်ခေါ်နေသလို ဖြစ်‌မနေဘူးလား?

ဤသို့တွေးတောကာ ထိုနေရာရှိလူတိုင်း ဖြူဆုပ်သွားကြသည်။

လုရှင်းယွင်နှင့် လုမျိုးနွယ်စုမှ အခြားကျင့်ကြံသူများသည် အနီးနားလှည့်ပတ်သွားလိုက်ကာ တစ်ခွန်းတစ်ဝါဒမှမပြောဘဲ ထွက်ပြေးရန် ကြိုးစားနေကြသည်။

အခြေတည်ဝိညာဉ်မျိုးနွယ်စုမှ ကျင့်ကြံသူများ အနေဖြင့် ကျန်းချန်ရွှမ်နှင့် ရှန်းရူရန်တို့ ပြသလိုက်သည့် စွမ်းအားမှာ မည်မျှကြောက်စရာကောင်းမှန်း သူတို့ထက်ပို၍ မည်သူမှမသိပေ။

မည်သို့ပင်ဖြစ်စေ သူတို့လှုပ်ရှားလိုက်သည်နှင့်ကျန်းချန်ရွှမ်နှင့် ရှန်းရူရန်တို့သည် သူတို့၏ မူလဓမ္မရတနာများကို ထုတ်ယူလိုက်သည်။

ဂျိန်း--

ကောင်းကင်သည် ရုတ်တရက် မဲမှောင်သွားသည်။

ကြောက်မက်ဖွယ်လျှပ်စီးကြောင်းများသည် ထွက်ပြေးနေသည့် လုမျိုးနွယ်စုမှ ကျင့်ကြံသူများကို ငွေရောင်မြွေများသဖွယ် ဦးတည်ပစ်လွှတ်သွားသည်။

လုရှင်းယွင်နှင့် အခြားသူများသည် ချက်ချင်းပင် သူတို့၏အပေါ်တွင်ကျရောက်နေသည့် ကြီးမားသည့်ကြောက်မက်ဖွယ်တစ်ခုကို ခံစားလိုက်ရသည်။

သူတို့သည် ချက်ချင်း အော်ဟစ်လိုက်ရအောင်ပင် အလွန်ကြောက်လန့်သွားခဲ့သည်။

‌”မဟုတ်ဘူး မင်းငါတို့ကို သတ်လို့မရဘူး ငါတို့ကလုမျိုးနွယ်စုကပဲ။ မင်းငါတို့ကို သတ်လိုက်မယ်ဆိုရင် လုမျိုးနွယ်စုရဲ့ အခြေတည်ဝိညာဉ်ဘိုးဘေးက သေချာပေါက် လွှတ်ပေးမှာမဟုတ်ဘူး!”

မည်သို့ပင်ဖြစ်စေ သူတို့ကို အဖြေပေးလိုက်သည်မှာ ပိုမိုသိပ်သည်းကာ ပိုမို ကြောက်ဖို့ကောင်းသည့် လျှပ်စီးလှိုင်းတစ်ခု ဖြစ်ပေသည်။

လျှပ်စီးဆင်းကောင်းကင်ဘုံတံဆိပ်တော်သည် ရတနာစင်စစ်တစ်ခု အဆင့်သို့ ရောက်ရှိနေပြီဖြစ်သည်။

သာမန်ရွှေအမြုတေအဆင့်နှင့်တစ်စုံတစ်ယောက်၊ သူ၏မူလဓမ္မရတနာနှင့်ဆိုလျှင်တောင် သူ၏ခန္ဓာကိုယ်ထဲရှိ ဓမ္မစွမ်းအားသည် ဤမျှကြာကြာ အကျိုးပြုနိုင်မည်မဟုတ်ပေ။

မည်သို့ပင်ဖြစ်စေ ရှန်းရူရန်၏ အမြုတေမှာ အသိအသာပင် သာမန်အဆင့်တစ်ခု မဟုတ်ပေ။

ထိုအစား ၎င်းသည် ထူးခြားသည့် အဆင့်နှင့် အမြုတေတစ်ခု ဖြစ်သည်။

သူမ၏ ဓမ္မစွမ်းအား၏ သိပ်သည်းမှုနှင့် သန့်စင်မှုသည် သာမန်ကျင့်ကြံသူများ စိတ်ကူးကြည့်နိုင်လောက်သည့် တစ်စုံတစ်ခု မဟုတ်ပေ။

ထို့ကြောင့်

လျှပ်စီးဆင်းကောင်းကင်ဘုံတံဆိပ်တော်၏ ပစ်ခတ်မှုအောက်တွင် ၊ ခနအတွင်းပင် ရွှေအမြုတေများ၏ တစ်ဝက်ကျော်ကျော်သည် လျှပ်စီးကြောင့် ပြာများ အဖြစ်သို့ ပြောင်းလဲခဲ့သည်။

ပိုက်ကွန်မှလွတ်မြောက်သွားသည့် ကျန်ရှိနေသော ငါးများမှာလည်း ကျန်းချန်ရွှမ်၏ ရွှေဗလာနယ်ဓားဖြင့် ဆွတ်ခူးသိမ်းပိုက်ခြင်းခံလိုက်ရလေသည်။

ကျန်းချန်ရွှမ်နှင့် ရှန်းရူရန်တို့၏ ရွှေဗလာနယ်‌ဓားနှင့် လျှပ်စီးသတ်ဖြတ်သူငါးခုတို့၏ ပူးပေါင်းမှုဖြင့် ပဏာမအခြေတည်ဝိညာဉ်အဆင့်ကျင့်ကြံသူတစ်ယောက်ဖြစ်သည့် လုရှင်းယွင် သတ်ဖြတ်ခံလိုက်ရသည်နှင့် လင်မယားနှစ်ယောက်၏နောက်ကို လိုက်လာကြသည့် လူအကုန် ရှင်းလင်းသုတ်သင်ခံလိုက်ရသည်။

သူတို့သည် ဤနေရာတွင် သက်ဆိုးမရှည်ခဲ့ကြပေ။

သူတို့သည် သိမ်းဆည်းခြင်းလက်စွပ်များကို ဖယ်ထားလိုက်ပြီး သူတို့ မည်သည့်နေရာတွင်ရှိသည်ကို ဖော်ပြနိုင်သည့် တချို့ပစ္စည်းများကို လွှင့်ပစ်လိုက်သည်။

တိုက်ပွဲနေရာကို ရှင်းလင်းမှုပြုလုပ်ပြီးနောက် သူတို့သည် လျင်မြန်စွာ ထွက်ခွာသွားကြသည်။

လင်မယားနှစ်ယောက်ထွက်ခွာသွားသည်နှင့် တစ်ပြိုင်နက် ယုနိုင်ငံအတွင်းရှိ လုမျိုးနွယ်စုမှ အလွန်အမင်း ကြောက်မက်ဖွယ်အော်ရာတစ်ခု ထုတ်လွှတ်ခဲ့သည်။

***