ပိတ်ဆို့မှု၊ မထိုက်တန်သောကပ်ဘေး(၂)

ဝိညာဉ်ဝါးမျိုခြင်းပိုးကောင်ဘုရင်ကိုပေါင်းထည့်မှုဖြင့် လင်မယားနှစ်‌ယောက်၏ လျှို့ဝှက်နေဝင်ချိန်နယ်မြေသို့ဝင်ရောက်မှုမှ ရရှိမှုများသည် အလွန်အံ့အားသင့်ဖွယ်ကောင်းနေပေပြီ။

သတင်းများသာပျံ့နှံ့သွားပါက ၎င်းသည် သေချာပေါက် လူတိုင်း၏မနာလိုမှုများကို လှုံ့ဆော်ပေးလိမ့်မည်။

ထိုအချိန်တွင် ကျန်းချန်ရွှမ်သည် သားရဲထိန်းချုပ်ခြင်းအိတ်တစ်ခုကို ထုတ်ယူလိုက်ကာ ဝိညာဉ်ဝါးမျိုခြင်းပိုးကောင်ဘုရင်နှင့် သူ၏လက်အောက်ငယ်သားများကို ၎င်းအထဲသို့ တွားဝင်စေခဲ့သည်။

သားရဲထိန်းချုပ်ခြင်းအိတ်၏အဆင့်မှာ အလွန်မမြင့်လှသော်လည်း ပိုးကောင်ဘုရင်သည် ဝင်ရောက်ရန်အတော်လေးတွန့်ဆုတ်နေခဲ့သည်။

သို့သော်လည်း ကျန်းချန်ရွှမ်၏ တိုက်တွန်းမှုအောက်တွင် လိုက်နာရန်မှလွဲ၍ ရွေးချယ်စရာမရှိပေ။

ကျေးဇူးတင်စွာပင် ကျန်းချန်ရွှမ်နှင့် ရှန်းရူယန်သည် သူတို့လျှို့ဝှက်နေဝင်ချိန်နယ်‌မြေမှ ထွက်သွားသည်နှင့် အဆင့်မြင့်သားရဲထိန်းချုပ်ခြင်းအိတ်တစ်ခုကို ရယူပေးရန် ကတိပေးခဲ့သည်။

ခနကြာပြီးနောက်

ကျန်းချန်ရွှမ်နှင့် ရှန်းရူယန်တို့သည် မြေအောက်လှိုဏ်ဂူမှ ထွက်လာခဲ့သည်။

သူတို့သည် ယခုတွင် ဖေ့တောက်ချီဆီမှရခဲ့သည့် သတင်းအရ ကြက်သွေးရောင်သစ်တောစိမ်းဟုခေါ်သည့် နေရာတစ်ခုသို့ ဦးတည်နေကြသည်။

၎င်းသည် အနီရောင်ကောင်းကင်နှင့် ဝိညာဉ်သစ်ပင်စိမ်းများဖြင့် နယ်မြေတစ်ခုဖြစ်သည်။

သူတို့၏အသိပညာများအရ ထိုနေရာသည် လူများကိုပုံရိပ်ယောင်များဖြင့် ထောင်ချောက်ဆင်ထားနိုင်သည့် စားကျက်ကွင်းတစ်ခုကို အမြဲခိုအောင်းခွင့်ပြုနေသည်။

အခြေတည်ဝိညာဉ်ကျင့်ကြံသူတိုင်း တစ်ခါဝင်ရောက်သွားလိုက်သည်နှင့် ဤပုံရိပ်ယောင်များထံမှ အချိန်တစ်ခုအထိ ဆွဲဆောင်ခံလိုက်ရလိမ့်မည်။

အားကောင်းသောစွမ်းအားများ သို့မဟုတ် ထူးခြားသောမူလဝိညာဉ်နှင့်သူများသာလျှင် လွတ်မြောက်နိုင် သို့မဟုတ် ဤပုံရိပ်ယောင်များထံမှ သက်ရောက်မခံဘဲနေနိုင်လိမ့်မည်။

သူတို့၏ ဤနေရာသို့လာရသည့်ရည်ရွယ်ချက်မှာ အရှေ့နဂါးစိမ်းအလံကိုဖန်တီးရန် အဓိကပါဝင်ပစ္စည်းတစ်ခုဖြစ်သည့် ကြက်‌သွေးရောင်သစ်တောစိမ်းတွင်သာ ရှာ‌တွေ့နိုင်သောကမ္ဘာမြေသစ်သားလင်ကျိမှိုကိုရှာဖွေရန်ဖြစ်သည်။

ထိုအချိန်တွင်

လင်မယားနှစ်ယောက်သည် ကြက်သွေးရောင်သစ်‌တောစိမ်းဆီသို့ ပျံသန်းသွားသည်နှင့် ပိတ်ဆို့မှုလမ်းကြောင်းတစ်ခုချနေသည့် ဆွေးနွေးခြင်းမှ လူတိုင်းကိုတားဆီးရန်ရည်ရွယ်‌နေဟန်ရှိသည့် ဒါဇင်နှင့်ချီသောပုံရိပ်များကို ကြုံတွေ့လိုက်ရသည်။

ကျန်းချန်ရွှမ်နှင့် ရှန်းရူယန်တို့သည် ဤပုံရိပ်များအားလုံးမှာ အမျိုးမျိုးသောဝိညာဉ်တည်ဆောက်ခြင်းအင်အားစုကြီးများမှ အခြေတည်ဝိညာဉ်ကျင့်ကြံသူများဖြစ်ကြောင်း သတိပြုမိလိုက်သည်။

၎င်းသည် သူတို့နှစ်ယောက်အား မျက်မှောင်ကြုံ့သွားစေခဲ့သည်။

သူတို့ကဘာကိုဆိုလိုတာလဲ? သူတို့ဘာလုပ်နေကြတာလဲ?

ထိုအချိန်တွင် အဝေးမှ အခြေတည်ဝိညာဉ်ကျင့်ကြံသူသုံးယောက်ရောက်ရှိလာသည်။

သူတို့သည် သူတို့၏ရှေ့ရှိပိတ်ဆို့မှုများကို မြင်သောအခါ တုံ့ဆိုင်းမှုမရှိဘဲ သူတို့၏ကိုယ်မှ သိမ်းဆည်းခြင်းလက်စွပ်ကိုချက်ချင်း ထုတ်ယူလိုက်ကာ နေသုံးစင်းဂိုဏ်း၏ဝတ်ရုံဖြင့် လူတစ်ယောက်ဆီသို့ လွှဲပေးလိုက်သည်။

အခြားတစ်ဖက်မှသိမ်းဆည်းခြင်းလက်စွပ်ကို ယူဆောင်ပြီးနောက် ထိုလူက ၎င်းကိုကြည့်ရှုလိုက်သည်။

လက်စွပ်ကိုစစ်ဆေးပြီးနောက် ထိုလူသည် ခေါင်းညိတ်ကာ သူတို့အား ပိတ်ဆို့ခြင်းလမ်းကြောင်းကို ဖြတ်သန်းခွင့်ပြုလိုက်သည်။

ဤမြင်ကွင်းသည် ကျန်းချန်ရွှမ်နှင့် ရှန်းရူယန်တို့ကို မျက်လုံးပြူးသွားစေခဲ့သည်။

သူတို့သည် ဝိညာဉ်တည်ဆောက်ခြင်းအင်အားစုကြီးများမှ အခြေတည်ဝိညာဉ်ကျင့်ကြံသူများသည် ဖြတ်သန်းသွားလာသူများထံမှ ဖြတ်သန်းခများ ကောက်ခံနေလိမ့်မည်ဟု ဘယ်တုန်းကမှ စိတ်ကူးယဉ်မကြည့်ခဲ့ဘူးပေ။

၎င်းမှာ အမှန်တကယ်ပင် စက်ဆုပ်ဖွယ်ဖြစ်သည်။

သို့သော်လည်း သူတို့သည် ဤဖြတ်သန်းခများ၏ စံနှုန်းများကိုတော့ စဉ်းစားမရ‌ဖြစ်နေသည်။

ဒါက သူတို့ရဲ့ လျှို့ဝှက်နယ်မြေက ရရှိမှုတွေအပေါ် အခြေခံတာလား? ဒါမှမဟုတ် တစ်စုံတစ်ခုအပေါ်အခြေခံတာလား?

သူတို့သာ ၎င်းကိုမရှင်းလင်းနိုင်ပါက ခေါင်းပုံဖြတ်ခံရခြင်းဖြင့် အဆုံးသတ်သွားရပေလိမ့်မည်။

ထို့‌နောက်တွင် ကျင့်ကြံသူများ ထပ်မံရောက်ရှိလာသည်။

အမျိုးသားနှစ်ယောက်နှင့် အမျိုးသမီးတစ်ယောက်။

သူတို့အားလုံးမှာ အခြေတည်ဝိညာဉ်ကျင့်ကြံသူများဖြစ်သည်။

သူတို့အရှေ့ရှိလူသုံးယောက်ကဲ့သို့ပင် နေသုံးစင်းဂိုဏ်းမှကျင့်ကြံသူဆီသို့ သိမ်းဆည်းခြင်းလက်စွပ်ကိုပေးလိုက်ကာ သူ၏တုံ့ပြန်ချက်ကို တိတ်တဆိတ်စောင့်နေခဲ့သည်။

ကျန်းချန်ရွှမ်နှင့် ရှန်းရူယန်တို့သည် ၎င်းမှ အရင်အခေါက်နှင့်အတူတူဖြစ်မည်ဟု တွေးထင်လိုက်ကြသည်။

နေသုံးစင်းဂိုဏ်းမှကျင့်ကြံသူသည် သူတို့၏သိမ်းဆည်းခြင်းလက်စွပ်ကို ယူဆောင်ပြီးသောအခါ သူတို့အား သွားခွင့်ပြုခဲ့သည်။

မမျှော်လင့်စွာပင် အခြားတစ်ဖက်က ရုတ်တရက် တိုက်ခိုက်ခဲ့သည်။

သူ၏ဘေးရှိအခြာသုံးယောက်နှင့်အတူ သူတို့သည် ဖြတ်သန်းသွားလာသည့်အမျိုးသားတစ်ယောက်ကိုလည်း တိုက်ခိုက်ခဲ့သည်။

ချက်ချင်းပင် အမျိုးသားကျင့်ကြံသူ၏ခန္ဓာကိုယ်သည် အစက်အပျောက်များအဖြစ် ပေါက်ကွဲသွားသည်။

ထို့နောက်တွင် သူ၏အခြေတည်ဝိညာဉ်သည် ကြာကြာမခံတော့ဘဲ လျင်မြန်စွာအမြစ်ဖြတ်ခံလိုက်ရသည်။

အခြားနှစ်ယောက်က၎င်းကိုမြင်သောအခါ သူတို့၏မျက်နှာထားများ ချက်ချင်းပြောင်းလဲသွားသည်။

တုံ့ဆိုင်းခြင်းမရှိဘဲ သူတို့သည် ချက်ချင်းလှည့်ကာ အဝေးသို့ပျံသန်းသွားသည်။

ဤမြင်ကွင်းသည် ကျန်းချန်ရွှမ်နှင့် ရှန်းရူယန်တို့ကို လုံးဝအံ့အားသင့်စေခဲ့သည်။

ကျန်းချန်ရွှမ်နှင့် ရှန်းရူယန်တို့သည် နှစ်ဖက်အဖွဲ့၏အလွန်ခြားနားသောရလဒ်များကြောင့် လုံးဝဝေခွဲမရဖြစ်သွားခဲ့သည်။

ပထမသုံးယောက်ကိုသွားခွင့်ပြုနေစဉ်တွင် နောက်သုံးယောက်မှာ ဖြတ်သန်းရန်ကျရှုံးခဲ့သည်သာမကဘဲ ထိုလူများထံမှ ရုတ်တရက် တိုက်ခိုက်မှုများကိုလည်း ရင်ဆိုင်လိုက်ရသည်။

ဝှစ် ဝှစ်-

အရှိန်မြင့်အလင်းတန်းများအဖြစ်ပြောင်းလျက် ဆန့်ကျင်ဘက်အရပ်ဆီသို့ ထွက်ပြေးကာ အခြေတည်ဝိညာဉ်ကျင့်ကြံသူနှစ်ယောက်ပျံသန်းသွားသည်နှင့် သူတို့၏အရှိန်များကို သုံးဆပိုမိုတိုးမြှင့်ရန် တားမြစ်နည်းလမ်းများကို အသုံးပြုခဲ့ကြသေးသည်။

ဤလုပ်ရပ်သည် အနီးကပ်လိုက်ပါနေသည့် နေသုံးစင်းဂိုဏ်းမှ ကျင့်ကြံသူများကို သိသိသာသာ ထင်ရာစိုင်းအမျက်ထွက်စေခဲ့သည်။

နေသုံးစင်းဂိုဏ်းမှကျင့်ကြံသူသည် သူ၏အကြည့်ကို ကျန်းချန်ရွှမ်နှင့် ရှန်းရူယန်တို့ဆီ ပြောင်းလိုက်ကာ အေးစက်စွာအမိန့်ပေးလိုက်သည်။

“မင်းတို့နှစ်ယောက်၊ နေထွက်ရာခန်းမဆောင်က အဲ့ဒီသစ္စာဖောက်တွေနောက်ကို ချက်ချင်းလိုက်သွားကြ။ မဟုတ်ရင်တော့ မင်းတို့ကို ကြံရာပါတွေလို့သတ်မှတ်ပြီး လိုအပ်သလိုစီမံပစ်မယ်!”

ကျန်းချန်ရွှမ်က ဆွံ့အသွားခဲ့သည်။

ရှန်းရူယန်လည်း အတူတူပင်ဖြစ်သည်။

ပြောရရင် နေထွက်ရာခန်းမဆောင်ဆိုတာကဘာလဲ?

ပြီးတော့ ဒီလူတွေက ဘာလို့ ကြမ်းကြမ်းတမ်းတမ်းပြုမူနေရတာလဲ?

ထိုအချိန်တွင် ကျန်းချန်ရွှမ်နှင့် ရှန်းရူယန်တို့သည် နေထွက်ရာခန်းမဆောင်ဆိုသည်မှာ နေသုံးစင်းဂိုဏ်းကိုဆန့်ကျင်နေသည့် ဂိုဏ်းတစ်ခု သို့မဟုတ် အဖွဲ့အစည်းတစ်ခုဖြစ်ရမယ်ဟု သဘောပေါက်သွားကြသည်။

မဟုတ်ပါက ဤကဲ့သို့ တုံ့ပြန်နေစရာမလိုပေ။

အလိုလိုပင် လင်မယားနှစ်ယောက်သည် အကြည့်ချင်းဖလှယ်လိုက်ကာ နေထွက်ဂိုဏ်းကျင့်ကြံသူများနောက်သို့လိုက်ရန် သို့မဟုတ် ထွက်ခွာသွားရန် ရည်ရွယ်ချက်မပြဘဲ ခပ်တည်တည်ပင် အထဲသို့ဝင်သွားကြသည်။

၎င်းသည် သူတို့၏ကိုယ်ပိုင်ဂိုဏ်းအပြင်ဘက်မှ ကျင့်ကြံသူများထံမှ အာဏာဖီဆန်ခံရခြင်းက်ို ကျင့်သားမရှိသည့် နေသုံးစင်းဂိုဏ်းမှကျင့်ကြံသူကို အမျက်ထွက်သွားစေခဲ့သည်။

အရှေ့ဘက်အဆုံး၏ကျင့်စဉ်လောကတွင် ဝိညာဉ်တည်ဆောက်ခြင်းအင်အားစုအချို့မှလွဲ၍ မည်သည့်ကျင့်ကြံသူမှ နေသုံးစင်းဂိုဏ်း၏အမိန့်များကို မလိုက်နာဘဲမနေရဲပေ။

ချက်ချင်းပင် လူအုပ်စုထံမှ ကျင့်ကြံသူလေးယောက် သို့မဟုတ် ငါးယောက်သည် ကျန်းချန်ရွှမ်နှင့် ရှန်းရူယန်ကို ရင်ဆိုင်တွေ့ရန် ပျံထွက်လာသည်။

နေသုံးစင်းဂိုဏ်းမှ ခက်ထန်သည့်ပုံစံနှင့် အမျိုးသားခေါင်းဆောင်က အနီရောက်လက်စွပ်တစ်ခုကို ဝှေ့ယမ်းပြလိုက်သည်။

သူ၎င်းကိုအသက်သွင်းလိုက်သည်နှင့် ၎င်းသည် ကြောက်မက်ဖွယ်မီးတောက်များနှင့်ပေါက်ကွဲသွားကာ ကျန်းချန်ရွှမ်နှင့် ရှန်းရူယန်တို့ဆီသို့ တိုက်ခိုက်မှုတစ်ခုကို တိုက်ရိုက်ပစ်လွှတ်နေသည်။

“ငါတို့အမိန့်ကို ဖီဆန်ပုံထောက်တော့ မင်းတို့ကလည်း နေထွက်ရာခန်းမဆောင်ရဲ့ လက်ကျန်တွေပဲဖြစ်ရမယ်။ သူတို့ကိုသတ်ပစ်!”

သူစကားပြော၍ပြီးသွားသည်နှင့် သူ၏ဘေးရှိ အခြေတည်ဝိညာဉ်ကျင့်ကြံသူသုံးယောက် သို့မဟုတ် လေးယောက်ကလည်း တိုက်ခိုက်လိုက်သည်။

ချက်ချင်းပင် ဓားအလင်းများ၏စုပြုံပစ်ခတ်ခြင်းများ၊ ဓားရှည်အလင်းများနှင့် အရိပ်လှံတံများသည် ကျန်းချန်ရွှမ်နှင့် ရှန်းရူယန်တို့ကို လွှမ်းမိုးသွားသည်။

၎င်းကိုမြင်ကာ အေးစက်စက်တောက်ပမှုတစ်ခု ကျန်းချန်ရွှမ်၏မျက်လုံးထဲတွင် ဖြတ်ပြေးသွားသည်။

သူတို့ မည်သို့မျှမလုပ်ရသေးသည့်တိုင် ထိုကဲ့သို့မထိုက်တန်သောဘေးဒုက္ဒတစ်ခုကို ရင်ဆိုင်လိုက်ရသည်။

ဤလူများကို မကူညီသည့်အတွက် သူတို့အသတ်ခံရမည်ဆိုလျှင်...

ဒီလိုဖြစ်နေမှတော့...

ဂျိုင်း!

ရုတ်တရက် ပဲ့တင်ထပ်နေသောဓားသံတစ်ခု လေထဲတွင် ဖြတ်သန်းကာ ပေါက်ကွဲလာသည်။

ထို့နောက်တွင် အလွန်တောက်ပသောဓားအလင်းတစ်ခု အပြင်ဘက်တွင် ပေါက်ကွဲသွားသည်။

စူးရှသောအသံများ တရစပ်ထွက်လာသည်။

တိုက်ခိုက်ချက်များရောက်မလာမီ သူတို့အားလုံးသည် ကျန်းချန်ရွှမ်၏ဓားအောက်တွင် ချေမှုန်းခံလိုက်ရသည်။

အမျိုးသားကျင့်ကြံသူ၏မျက်နှာမှာ သိသိသာသာပြောင်းလဲသွားသည်။

သို့သော်လည်း သူမတုံ့ပြန်နိုင်သေးခင်တွင် ပိုမိုထိတ်လန့်ဖွယ်ဓားအလင်းတစ်ခုသည် သူတို့၏သူငယ်အိမ်များထဲတွင် ကြီးမားစွာစိုးမိုးနေသည်။

“ဘယ်လိုလုပ်ဖြစ်နိုင်မှာလဲ?”

ကျင့်ကြံသူများသည် သူတို့၏အမြုတေများတွင် အံ့အားသင့်သွားခဲ့ကြသည်။

အလိုအလျောက်ပင် သူတို့သည် သူတို့၏ရတနာစင်စစ်များကို ဆင့်ခေါ်လိုက်သော်လည်း ၎င်းမှာ အချည်းနှီးပင်ဖြစ်သည်။

ကျန်းချန်ရွှမ်၏ ရွှေဗလာနယ်ဓားအောက်တွင် သူတို့၏ရတနာများသည် လမ်းကြောင်းမှ လွဲချော်ရင်လွဲချော် မဟုတ်ပါက လေထဲတွင် မီးဘောလုံးအချို့အဖြစ်သို့ပေါက်ကွဲကာ ချက်ချင်းကြေမွသွားကြသည်။

“အား!”

ရတနာဖျက်ဆီးခံလိုက်ရသည့်ကျင့်ကြံသူမှာ ပထမဆုံးတိုက်ခိုက်ခံလိုက်ရပြီး ကျန်းချန်ရွှမ်၏ ဓားအလင်းထံမှ ဆုတ်ဖြဲခံလိုက်ရကာ သူ၏အခြေတည်ဝိညာဉ်နှင့်အတူ ဗလာနတ္ထိအဖြစ် ပျောက်ကွယ်သွားခဲ့သည်။

၎င်းကိုမျက်မြင်တွေ့လိုက်ရသည့် ကျန်ရှိသောကျင့်ကြံသူများသည် ကြောက်လန့်မှုများဖြင့် ပြည့်နှက်သွားခဲ့သည်။

သူတို့သည် ဤရှိန်လောက်ဖွယ်ပုဂ္ဂိုလ်မှာ မည်သူဖြစ်ကြောင်းနှင့် ဤကဲ့သို့ပုဂ္ဂိုလ်မျိုး အရှေ့ဘက်အဆုံးကျင့်စဉ်လောကတွင် မည်ကဲ့သို့ပေါ်ထွက်လာခဲ့သည်ကို နားလည်သဘောမပေါက်နိုင်ခဲ့ပေ။

ဘွန်း!

မျက်နှာထားတင်းတင်းနှင့်လူအပါအဝင် ကျန်ရှိသောကျင့်ကြံသူများသည် ကျန်းချန်ရွှမ်၏ ရွှေဗလာနယ်ဓားမှာ အလင်းတန်းတစ်ခုအဖြစ်ပြောင်းလဲသွားခဲ့သည်ကို တစိမ့်စိမ့်တွေးဆနေခဲ့ကြသည်။

တရွှမ်းရွှမ်းမြည်သံများ တရစပ်ထွက်လာသည်။

ချက်ချင်းဆိုသလိုပင် ဓားသည် သူတို့၏ခန္ဓာကိုယ်များကို ဖြတ်သန်းထိုးဖောက်သွားသည်...

***