အခန်း ၈၂၈

"ချင်းလင်ဓာတ်ခွဲခန်းက သုတေသနလုပ်ထားတယ်''

တော်ဝင်ပညာရှင်လီက ရှင်းပြသည်_

"သာမန်အလင်းထွက်တဲ့ကျောက်တုံးပါပဲ... ဘာရောင်ခြည်ထိခိုက်မှုမှမရှိဘူး''

"အင်း!''

တော်ဝင်ပညာရှင်ကျူးကခေါင်းညိမ့်ပြီး သိပ်မစပ်စုတော့။

ထို့နောက် တော်ဝင်ပညာရှင်ကျူးတို့က ပါမောက္ခလီခိုင် ဖော်မြူလာများ၊ အချက်အလက်များချရေးခဲ့သောနေရာကိုလည်းကြည့်လိုက်သည်။

သူတို့အတွက်တော့ ဒီလိုသိပ္ပံသုတေသနအဖြစ်အပျက်မျိုးက စိတ်ဝင်စားစရာပင်။

နတ်ဘုရားမစမ်းရေမရှိသောကြောင့် မျောကျောက်ကအာနိသင်မပြနိုင်၍ သူတို့ဘာမှမတိုးတက်နိုင်။

အပန်းဖြေစံအိမ်အတွင်း ဒုတိယထပ်၊လူသွားလမ်းထောင့်ဘေး၊အခန်းနှစ်ခန်းထဲတွင် ဝန်ကြီးလုမှာ တော်ဝင်ပညာရှင်သုံးဦး၏ကိရိယာများတပ်ဆင်ရင်းအလုပ်ရှုပ်နေသည်။

ကိရိယာများပြင်ဆင်ပြီးသောအခါ ဝန်ကြီးလုကထွက်လာပြီး ချင်လင်အားတည်တည်ငြိမ်ငြိမ်နှင့်_

"သူဌေးချင်... အထက်လူတွေက ကျုပ်ကိုမျက်နှာပြောင်ပြောင်နဲ့တောင်းဆိုခိုင်းတာရှိတယ်''

"ပြောပါ ဝန်ကြီးလု!''

ဝန်ကြီးလု၏မျက်နှာတည်တည်ကိုကြည့်ပြီး ချင်လင်လည်းခေါင်းညိမ့်လိုက်သည်။

"သူဌေးချင်''

ဝန်ကြီးလုကပြောသည်_

"တော်ဝင်ပညာရှင်သုံးယောက် အပန်းဖြေစံအိမ်မှာအားဖြည့်နေတုန်း အပြင်လူတွေကိုနေရာမဖွင့်ပေးပါနဲ့လား? ဒီအတွက် အထက်လူတွေကလျော်ကြေးပေးပါလိမ့်မယ်''

"ပြီးတော့ အထက်လူတွေက မင်းရဲ့စံအိမ်မှာအလုပ်လုပ်ဖို့သီးသန့်လူတချိူ့လွှတ်ချင်တယ်... သူဌေးချင် အထင်မလွဲပါနဲ့... ဒီကလူတွေနဲ့အစားထိုးဖို့မဟုတ်ပါဘူး... တော်ဝင်ပညာရှင်သုံးဦးက အရေးကြီးလို့ပါ''

"သူတို့ဦးဆောင်နေတဲ့သုတေသနကလည်း အရေးကြီးတယ်... တကယ်လို့ ချင်းလင်အပန်းဖြေစံအိမ်မှာဉာဏ်ပွင့်သွားတာကို အပြင်လူတွေတွေ့သွားရင် တချို့ကစိတ်မထိန်းနိုင်ဘဲလျှောက်လုပ်ကြလိမ့်မယ်''

"သူဌေးချင် စိတ်မပူပါနဲ့... ဒီလူတွေက အပန်းဖြေစံအိမ်ရဲ့အလုပ်တွေကိုမထိခိုက်စေရပါဘူး... မင်းနဲ့ပူးပေါင်းလုပ်ဆောင်ပါလိမ့်မယ်... မင်းညွှန်ကြားစရာရှိရင်လည်း စည်းမျဉ်းမဖောက်ဖျက်ဘဲလုပ်ပေးပါလိမ့်မယ်''

ဝန်ကြီးလုစကားနားထောင်ပြီး ဘာကြောင့်အလုပ်လာလုပ်ကြမှာလဲ ချင်လင်ခန့်မှန်းမိသည်။ ဘာပဲဖြစ်ဖြစ် ရုပ်ရှင်တွေကြည့်ထားတာအလကားမဟုတ်။ လီလျန်ကျယ်ရုပ်ရှင်ထဲမှာ ဒီလိုသရုပ်ဆောင်ခဲ့ဖူးသည်။

ပြီးတော့ ဝန်ကြီးပြောချင်တာ ချင်လင်သဘောပေါက်သည်။

သူ့ချင်းလင်အပန်းဖြေစံအိမ်တွင်အားဖြည့်နေသောတော်ဝင်ပညာရှင် ၆ ဦးရှိပြီး အလွန်အရေးကြီးသောသုတေသနတာဝန်ခံများဖြစ်သည်။ တော်ဝင်ပညာရှင်ကြီးသုံးဦးတောင်ပါသည်။

ဒါကိုလူတချို့သိသွားရင် စိတ်ကူးပေါက်ရာလျှောက်လုပ်ပြီး ပိုက်ဆံရှာလိမ့်မည်။

ပြီးတော့ တော်ဝင်ပညာရှင်သုံးဦးရဲ့ဒုံးပျံသုတေသနက နိုင်ငံအသီးသီးမှာအခက်ကြုံနေရသည်။ သူကမျောကျောက်သုံးပြီးကူညီပေးနိုင်ရင် သေချာပေါက်တိုးတက်သွားလိမ့်မည်။

နိုင်ငံခြားသားတွေဒီအကြောင်းစုံစမ်းရင် စီရင်စုငယ်လေးကအပန်းဖြေစံအိမ်တစ်ခုမှာမှန်းသိသွားမည်။ ဘာတွေဖြစ်နေလဲ ခန့်မှန်းရပိုလွယ်သွားပြီ။

ထိုအကြောင်းတွေးရင်း ချင်လင်ကချက်ချင်းခေါင်းညိမ့်ကာ_

"ဝန်ကြီးလုပြောတာ သဘောပေါက်ပါတယ်!''

"နားလည်ပေးတဲ့အတွက်ကျေးဇူးပါပဲ သူဌေးချင်!''

ဝန်ကြီးလုက သက်ပြင်းချလိုက်သည်။ တကယ်တော့ သူမပြောဘဲချန်ထားတာရှိသည်။ ဒါကလည်း သူဌေးချင်ကိုကာကွယ်ပေးဖို့ဖြစ်သည်။

သူဌေးချင်မှာ စီးပွားရေးဦးစီးဦးဆောင်ထက်ပိုသောအလားအလာမျိုးတွေ့ရခြင်းကြောင့်ပင်။

သူတို့ခန့်မှန်းချက်အတိုင်း ချင်းလင်အပန်းဖြေစံအိမ်က တော်ဝင်ပညာရှင်သုံးဦးကိုတိုးတက်အောင်လုပ်ပေးနိုင်ပြီး ချင်းလင်အပန်းဖြေစံအိမ်ဆောက်တဲ့သူကိုအပြင်လောကကသိသွားရင် ဘယ်လိုဖြစ်မလဲ?

သူ့ကိုမိသွားရင် နောက်ထပ်ချင်းလင်စံအိမ်ဆောက်နိုင်ပါ့မလား?

နောက်တစ်နေ့တွင် ဝန်ကြီးလုက လူ ၁၀ ယောက်ကျော်နှင့်သူ့ရုံးခန်းထဲရောက်ချလာသောကြောင့် ချင်လင်အံ့ဩသွားသည်။

ထို ၁၀ ယောက်ကျော်တွင် ယောက်ျားရောမိန်းမပါပါပြီး သူထင်ထားသည်နှင့်နည်းနည်းလွဲနေသည်။ သူတို့အားလုံးကသာမန်လူများနှင့်တူနေ၏။

သာမန်အလုပ်လာလျှောက်သောလူများအတိုင်းပင်။

ဝန်ကြီးလုသာကြိုမပြောထားရင် ဒီလူတွေဘယ်သူမှန်းသိမှာတောင်မဟုတ်။