အခန်း (၂၃၇)

နောက်အခိုက်အတန့်မှာတော့ ချောင်ကျန်းကော်က မီးရှူးမီးပန်းလို ပြေးထွက်သွားပြီး မကြာခင်မှာပဲ ပျောက်ကွယ်သွားခဲ့သည်။

ဝမ်ချွမ်ကျီ - "..."

သူမ ယောင်္ကျားက သူ့ဦးနှောက်မှာ ပြဿနာရှိနေတယ်လို့ သူမ ခံစားခဲ့ရသည်။ ဒီလိုအရေးကြီးတာကို သူက လုံးဝ ဂရုမစိုက်ဘူး။ အဲဒီအစား သူက နေ့တိုင်း တိရစ္ဆာန်နှစ်ကောင်ကို ဂရုစိုက်သည်။

ဘယ်လောက်တောင် တုန်လှုပ်စရာကောင်းလဲ?

ချောင်ကျန်းကော်သည် ခြံထဲကို ပြေးသွားပြီး ကုကုကို မြင်မြင်ချင်း ဖိီဖီရဲ့ ခေါင်းပေါ်က စီးကျနေတာကို တွေ့လိုက်ရသာ်။ သူမသည် ကြက်နှုတ်သီးဖြင့် ဖီဖီ၏ခေါင်းကို ဆိတ်လိုက်သည်။

အဆိတ်ခံရတော့ ဖီဖီက ညည်းနေသည်။ သို့တိုင် သူက ကုကုကို လှုပ်ခါပြီး မတွန်းထုတ်ခဲ့ပေ။

ချောင်ကျန်းကော်က ဖြေရှင်းပေးဖို့ အမြန်သွားခဲ့သည်။ " ကုကု ငြိမ်ငြိမ်နေစမ်း။ မင်းပြောစရာရှိရင် ပြော။ မင်း လက်ပါလို့မရဘူး!"

ကုကုသည် ဖြောင့်မှန်သော ဒေါသစိတ်နှင့် ပြည့်နေသကဲ့သို့ သူမ၏ ကြက်ခေါင်းကို မော့ပြီး တွန်လိုက်သည်။

ချောင်ကျန်းကော်က လျှောက်လာပြီး "မင်း စိတ်ဆိုးနေတာ ငါသိပါတယ်။ စိတ်မပူပါနဲ့။ ငါ့တာဝန်ထားလိုက်။ ငါ ဖီဖီကို သင်ပေးမယ်။ နောက်တစ်ခါ မင်းကို သစ္စာမဖောက်ဖို့!"

"ကုကု။"

မကြာသေးမီက ကုကုနှင့် ဖီဖီတို့သည် အမြဲတမ်းရန်ဖြစ်ခဲ့ကြသည်။ အတိအကျပြောရလျှင် ကုကုက ဖီဖီကို အနိုင်ကျင့်ခဲ့သည်။ ဘာတွေ ဖြစ်ပျက်ခဲ့တယ်ဆိုတာကို ဘယ်သူမှ မသိခဲ့ကြဘူး။

အကြောင်းပြချက်ကို ရှာဖွေရန်အတွက် ချောင်ကျန်းကော်သည် စူးစမ်းရှာဖွေရေး ချောင်ကျန်းကော်အဖြစ်သို့ ပြောင်းလဲကာ အမှန်တရားကို ရှာဖွေရန် နေရာတိုင်းကို ရှာဖွေခဲ့သည်။ နောက်ဆုံးတော့ သူသည် မနေ့က အမှန်တရားကို ရှာတွေ့ခဲ့သည်။

ဖီဖီသည် လွန်ခဲ့သည့်အချိန်က မိတ်လိုက်ချင်ခဲ့သည်။ သူသည် အနီးနားရှိ ခွေးမတစ်ကောင်နှင့် အတူနေခဲ့ပြီး တစ်ဖက်ခွေး၏ ဗိုက်ကို ပိုကြီးစေခဲ့သည်။ မကြာသေးမီက ခွေးမသည် ဖီဖီကို ရှာဖွေရန် ခွေးပေါက်လေးတွေကို ယူဆောင်လာခဲ့သည်။ ဒါကို ကုကုသိပြီး သစ္စာဖောက်သလို ခံစားခဲ့ရသည်။ ဒါကြောင့် သူမသည် ဖီဖီကို ခဏခဏ ထိုးဆိတ်ခဲ့သည်။

ချောင်ကျန်းမင်က ဖီဖီကို ကြည့်ဖို့ ခေါင်းကို လှည့်လိုက်ပြီး "ဖီဖီ ဒါ မင်းအပြစ်ပဲ။ မင်းနဲ့ ကုကုက နှစ်ပေါင်းများစွာ လက်တွဲလာခဲ့တာ။ မင်း သူ့ကို ဘယ်လိုလုပ် သစ္စာဖောက်နိုင်ရတာလဲ?"

ဖီဖီက ခေါင်းငုံ့ကာ နှစ်ခါ ဟောင်ခဲ့သည်။

ချောင်ကျန်းကော်က ဆက်ပြီး "မင်း ကုကုက အသက်ကြီးပြီး နားပူနာဆာ လုပ်တာကို မကြိုက်ဘူးဆိုတာ ငါသိပါတယ်။ ဒါပေမယ့် မင်းတို့က ငယ်ငယ်ကတည်းက စုံတွဲတွေပါ။ ငါ့မိန်းမက အသက်ကြီးပြီး နားပူနားဆာ လုပ်တယ် မဟုတ်ဘူးလား။ ငါက သူ့ကို သစ္စာဖောက်တာ မင်းမြင်ဖူးလား? "

ကုကု - ??

အခုမှ ထွက်လာပြီး ကြားလိုက်ရတဲ့ ဝမ်ချွမ်ကျီ - ???

ယနေ့မွန်းလွဲပိုင်းတွင် လူတစ်ယောက်နှင့် ခွေးတစ်ကောင်သည် ချောင်ခြံဝင်းထဲတွင် အနီးနားက ကလေးတွေ မျက်ရည်ကျတဲ့ထိ ကြောက်လန့်အောင် အော်ဟစ်ငိုကြွေးနေကြသည်။

ညနေခင်းတွင် ချောင်ကျန်းကော်၏ မျက်နှာပေါ်တွင် ကြက်ခြေရာများနှင့် လက်သည်းခြစ်ရာများကို တွေ့လိုက်ရသောအခါ အားလုံးက စူးစမ်းချင်ကြသည်။

ချောင်ကျန်းကော်က တကယ်ကို ဒေါသထွက်သွားခဲ့သည်။ သူက ခံစားချက်တွေကို ပြေလည်အောင်ဖြေရှင်းဖို့ အဲ့ဒီမှာ ရှိခဲ့တာဖြစ်သည်။ အဆုံးတွင် ရေနစ်နေသော ခွေးအခြေအနေသို့ ရောက်သွားပြီး သူက ဘယ်လိုလုပ် အရိုက်ခံခဲ့ရတာလဲ?

ဖီဖီထက် ပိုဆိုးရွားခဲ့သည်။

အန်းပင်း၏ ကောလိပ်ဝင်ခွင့်စာမေးပွဲရမှတ်မှာ အမှတ်၂၅၀သာရရှိသည်။ သူသည် နည်းပညာကောလိပ်ကိုတောင် မတက်နိုင်ခဲ့ပေ။ ဟော်ချီက အမှတ်၅၉၀ရရှိခဲ့ပြီး ထိပ်တန်းကျောင်းသား ဖြစ်လာခဲ့သည်။

ဟော်ဟွားချင်းနှင့် သိုက်ရှုဖန်တို့သည် အလွန်ပျော်ရွှင်ခဲ့ကြသည်။ အထူးသဖြင့် ဟော်ဟွားချင်း ဖြစ်သည်။ သူသည် မျက်ရည်ကျလုမတတ်ပင်။

လယ်ကွင်းမှာရှိတုန်းက သူသည် သူ့မြေးက ကျန်ရှိတဲ့ တစ်ဘဝလုံး လယ်ကွင်းထဲမှာ အလုပ်လုပ်ရပြီး ကုန်ဆုံးရမှာကို နေ့ရောညပါ စိတ်ပူခဲ့ရသည်။ နောက်ပိုင်းတွင် သူတို့သည် သူ၏အနာဂတ်အတွက် သေဆုံးခြင်းအတုလုပ်ရန် အတင်းအကြပ် ရွေးချယ်ခိုင်းခဲ့သည်။

သူတို့ကို သက်သေပြနိုင်မယ်လို့ တစ်ခါမှ သူ မတွေးမိခဲ့ပေ။ ဒါမှမဟုတ် သူ့မြေးက ကောလိပ်ဝင်ခွင့်စာမေးပွဲမှာ ထိပ်တန်းကျောင်းသား ဖြစ်လာဖို့ မတွေးမိခဲ့ပေ။

သတင်းထောက်တစ်ဦးသည် ဟော်အိမ်သို့သွားခဲ့ပြီး ကျောင်းက ဟော်ချီကို အင်တာဗျူးရန် ဖိတ်ခေါ်ခဲ့သည်။ သူ့ရဲ့ သင်ယူမှု ပတ်ဝန်းကျင်အကြောင်းနဲ့ သူ့ရဲ့ သင်ယူမှုနည်းလမ်းတွေကို မျှဝေပေးဖို့ တောင်းဆိုခဲ့သည်။ သို့သော်လည်း ဟော်ချီက ငြင်းဆိုခဲ့သည်။

ဟော်မိသားစုက ဆွေမျိုးတွေနဲ့ သူငယ်ချင်းတွေကို ဖိတ်ပြီး ဂုဏ်ပြုဖို့ ပွဲလုပ်ချင်ပေမယ့် သူက ငြင်းခဲ့သည်။

ဟော်မိသားစုက သူ့ကို မဆွဲဆောင်နိုင်တဲ့အတွက် သူတို့သည် လက်လျှော့လိုက်ရသည်။

အစပိုင်း သက်ဝင်လှုပ်ရှားမှုတွေက ငြိမ်သက်သွားပြီးနောက် ဟော်ချီသည် သာ့ချောင်ကို ဖုန်းဆက်ပြီး သတင်းကောင်းကို သူမအား ဝေမျှခဲ့သည်။

သာ့ချောင် အလွန်ပျော်နေသည်။ "အစ်ကိုဟော်ချီ၊ အစ်ကိုက အံ့ဩစရာပဲ။ အစ်ကိုရဲ့ အဆင့်တွေက အရမ်းမြင့်တယ်။ အဲ့တာက အစ်ကိုတက်ချင်တဲ့ ကျောင်းကို တက်နိုင်မယ်လို့ ဆိုလိုတာ မဟုတ်ဘူးလား။"

ဟော်ချီက တစ်ဖက်၌ အနည်းငယ် ရယ်လိုက်ပြီး "မဟုတ်ပါဘူး။ ကောလိပ်ဝင်ခွင့် စာမေးပွဲမဖြေခင်မှာ ဖောင်ဖြည့်တယ်ဆိုတာ မင်းသိထားသလိုမျိုး မဟုတ်ဘူး။ ငါ့ဖိုင်ကို ကျင့်ဟွာတက္ကသိုလ်ကို လွှဲပြောင်းပြီးလောက်ပြီ။"

အဲ့လိုပြောပေမယ့် သူက တခြားတက္ကသိုလ်တွေကို သွားချင်ရင် တခြားတက္ကသိုလ်တွေရဲ့ ဒါရိုက်တာတွေက သူ့ကို ကြိုဆိုဖို့ တံခါးဖွင့်ပေးမှာ သေချာသည်။

သာ့ချောင်က ခေါင်းလေးညိတ်ကာ "အစ်ကိုပြောတာ မှန်တယ်။ ညီမက အပျော်လွန်သွားတာ။ အစ်ကို‌ဟော်ချီ၊ အစ်ကို သတင်းအချက်အလက်နဲ့ ဆက်သွယ်ရေးမေဂျာကို လျှောက်ခဲ့တာလို့ အရင်အကြိမ်တုန်းက ပြောခဲ့တာမဟုတ်လား?"

ဟော်ချီ - "ဟုတ်တယ်၊ အဲ့မေဂျာ။ ငါတို့နိုင်ငံက ဒီနယ်ပယ်မှာ နောက်ကျနေပြီလို့ ငါထင်တယ်။ ဒါကြောင့် ဒီနယ်ပယ်ကို ငါလေ့လာချင်တာ။ အနာဂတ်မှာ ဒါက ငါတို့နိုင်ငံအတွက် အထောက်အကူဖြစ်ဖို့ မျှော်လင့်ပါတယ်။"

သာ့ချောင် - "အစ်ကိုဟော်ချီ အစ်ကို့ရဲ့အကြံက အရမ်းကောင်းတာပဲ။ ညီမ အစ်ကို့ကို ထောက်ခံတယ်။"

အသံထွက်လာသည်နှင့်တပြိုင်နက် ဟော်ချီသည် ဖုန်း၏အခြားတစ်ဖက်တွင် သူမ၏နာမည်ကို ရုတ်တရက် လှမ်းခေါ်လိုက်ပြီး "ချောင်နျန်နျန်။"

သာ့ချောင်က သူမနာမည်ကို ရုတ်တရက် သူဘာလို့ခေါ်တာလဲဆိုပြီး နည်းနည်းတော့ အံ့သြသွားသည်။ သို့တိုင် သူမသည် ဖြေလိုက်သည်။ "ညီမ ရှိပါတယ်။ အစ်ကိုဟော်ချီ။"

ဟော်ချီ - "ချောင်နျန်နျန် ငါ မင်းကို ကျင့်ဟွာတက္ကသိုလ်မှာ စောင့်နေမယ်။ မင်း အကောင်းဆုံးလုပ်။"

ဒီနှစ်ဆို သူသည် အသက်ဆယ့်ရှစ်နှစ်ရှိပြီ ဖြစ်သည်။ ဆက်ဆံရေးမှာ ဘာတွေဖြစ်နေပြီလဲဆိုတာ သူသည် သိပြီးသားပါ။ သာ့ချောင်ရဲ့ခံစားချက်ကိုလည်း သူနားလည်ပါသည်။

သာ့ချောင်က အခုထိ ငယ်သေးသည်။ သူသည် သူမ အရွယ်ရောက်လာဖို့ စောင့်မျှော်နေမည်။ သူမသည် သူမနှလုံးသားကို နားလည်ဖို့ စောင့်မည်။

သာ့ချောင်သည် သူက သူမကို ကျင့်ဟွာတက္ကသိုလ်သို့ တက်ရောက်ခွင့်ရရန် အားပေးနေသည်ဟု ထင်သောကြောင့် သူမက အလွယ်တကူပဲ တုံ့ပြန်ခဲ့သည်။

ပြီးတော့ သူမက မေးလိုက်သည်။ "အစ်ကိုဟော်ချီ ဒီနွေရာသီ ညီမအိမ်ကို လာမှာလား?"

ဟော်ချီ - "ဒီနှစ်တော့ မလာတော့ဘူး၊ အတန်းဖော်‌တွေနဲ့ ငါ တောင်ဘက်ကို သွားကြည့်ဖို့ စီစဉ်ထားတယ်။ ငါ ပြန်လာတဲ့အခါ မင်းအတွက် လက်ဆောင်တွေ ယူလာပေးမယ်။"

တောင်ဘက်ရှိ မြို့တော်တော်များသည် အလွန်လျင်မြန်စွာ ဖွံ့ဖြိုးတိုးတက်လာသည်ဟု ကြားသိရသည်။ ဒါကြောင့် သူက အဲဒီကိုသွားပြီး စစ်ဆေးကြည့်ချင်သည်။

သာ့ချောင်သည် သူမ၏ နှလုံးသားထဲတွင် အနည်းငယ် ငိုကြွေးနေသော်လည်း "ဒါဆို ညီမ မှတ်ထားလိုက်မယ်။ ဒီနှစ်သာ ကောလိပ်ဝင်ခွင့်စာမေးပွဲ မဟုတ်ရင် ညီမ အစ်ကိုနဲ့ တကယ်လိုက်ခဲ့မှာ အစ်ကိုဟော်ချီ!"

သူတို့သည် လွန်ခဲ့သည့် နှစ်အနည်းငယ်အတွင်း နွေရာသီနှင့် ဆောင်းရာသီ အားလပ်ရက်များကို အတူတကွ ကုန်ဆုံးခဲ့ကြသည်။ သူသည် ရုတ်​တရက် မလာကြောင်းကြားတော့ သူမက ကျင့်သားမရခဲ့ပေ။

ဟော်ချီ - "အနာဂတ်မှာ အခွင့်အရေးတွေ ရှိလာမှာပါ!"

အနာဂတ်မှာ သူတို့နှစ်ယောက်အတူရှိတဲ့အခါ သူမသွားချင်တဲ့နေရာကို သူသည် အတူလိုက်သွားမည်။

ချောင်မိသားစု မြို့တော်ကို မပြောင်းခင်မှာ မြို့တော်ကနေ သတင်းကောင်းတစ်ခု ရောက်လာခဲ့သည်။ ချောင်တုန်းဟယ်နှင့် လော့ကျွင်းလျန်တို့ နှစ်ဦးစလုံးကို ဘွဲ့လွန်တက်ရန် လက်ခံခဲ့သည်။

ချောင်တုန်းဟယ်သည် ဆရာကောလိပ်တွင် နိုင်ငံခြားဘာသာစကားဖြင့် ဘွဲ့လွန်ကျောင်းသား ဖြစ်လာခဲ့သည်။ လော့ကျွင်းလျန်သည် လူထုကောလိပ်၏ ဥပဒေမေဂျာကို ဝင်ခွင့်ရခဲ့သည်။

သူတို့နှစ်ယောက်ရဲ့ အနာဂတ်အစီအစဉ်တွေကို ရှင်းရှင်းလင်းလင်း သိခဲ့သည်။ ချောင်တုန်းဟယ်သည် ဘွဲ့ရပြီးနောက် သင်ကြားရန် ကျောင်းတွင် ဆက်နေဖို့ ကြိုးစားမည်ဖြစ်ပြီး လော့ကျွင်းလျန်သည် ဥပဒေရုံးသို့ သွားလိုသည်။

အိမ်ထောင်ရေးနဲ့ပတ်သက်ပြီးတော့ နောက်ထပ် နှစ်နှစ်ရွှေ့ဆိုင်းထားရဦးမှာ ဖြစ်သည်။

ဒီကိစ္စအတွက် လော့ကျွင်းလျန်ရဲ့အမေက ပြင်းပြင်းထန်ထန် ကန့်ကွက်ခဲ့သည်။

သူမသည် အစက ချောင်တုန်းဟယ်ကို လွန်ခဲ့သော နှစ်နှစ်ခန့်က လော့မိသားစုတွင် လက်ထပ်ပြီး မြန်မြန်ဆန်ဆန်ပဲ ကလေးယူလိုခဲ့သည်။ သို့သော် ချောင်တုန်းဟယ်က မလိုလားခဲ့ပေ။

အရင်နှစ်ကတည်းက အခြားနေရာများတွင် သားဆက်ခြားရန် ကောလာဟလများ ထွက်ပေါ်လာခဲ့သည်။ လူတော်တော်များများက အကောင်ထည်ဖော်ခဲ့ကြသည်။

လော့ကျွင်းလျန်၏ မိခင်သည် သူမသိလိုက်သောအခါတွင် သူမသည် ဉာဏ်အမြော်အမြင်ရှိခဲ့သည်။ သူမသည် မြို့တော်ကိုသွားဖို့ လက်မှတ်တောင်ဝယ်ကာ သူတို့နှစ်ယောက်ကို မြန်မြန်လက်ထပ်ပြီး ကလေးယူဖို့ တိုက်တွန်းခဲ့သည်။

သို့သော်လည်း ချောင်တုန်းဟယ်က ထပ်မံငြင်းဆိုခဲ့သည်။ မိန်းမနှစ်ယောက်က ဆိုးရွားတဲ့အသုံးအနှုန်းတွေနဲ့ ကွဲကွာခဲ့ကြသည်။

ကံကောင်းထောက်မစွာ လော့ကျွင်းလျန်သည် မားမားဘွိုင်း မဟုတ်ခဲ့ပေ။ ထို့အပြင် လော့ချင်းသည် အမြင်ရှိသော ပုဂ္ဂိုလ်လည်းဖြစ်သည်။ ထို့ကြောင့် ငယ်ငယ်ရွယ်ရွယ် အတွဲက အဲ့တာကြောင့် လမ်းမခွဲသင့်ပေ။

မူလက သူတို့နှစ်ယောက် ဘွဲ့လွန်သင်တန်းတက်ပြီးနောက် လက်ထပ်ဖို့ စီစဉ်ခဲ့သည်။ ဒါပေမယ့် အမေလော့ကြောင့် ချောင်တုန်းဟယ်က ထပ်ခါထပ်ခါတွေးပြီး လက်ထပ်ရန် အလျင်စလို မလုပ်ဖို့ကို ဆုံးဖြတ်ခဲ့သည်။

အိမ်ထောင်ကျပြီးသည်နှင့် သူမသည် ကလေးမွေးဖွားရန် တွန်းအားပေးခံရသည့် ပြဿနာနှင့် ရင်ဆိုင်ရလိမ့်မည်။ ဒါပေမယ့် အခုချိန်မှာတော့ သူမသည် သူမရဲ့ စွမ်းအင်အားလုံးကို သူမရဲ့ လေ့လာမှုမှာသာ အာရုံစိုက်ချင်သည်။

ပြီးတော့ သူတို့နှစ်ယောက်လုံးက လောလောဆယ်မှာ ငွေကြေးအရင်းအမြစ် မရှိဘူး။ သူမသည် သူတို့၏ စီးပွားရေးတည်ငြိမ်ပြီး ကလေးယူရန် မစဉ်းစားမီ အနည်းဆုံး အလုပ်အကိုင်များ ရှာချင်ခဲ့သည်။

ချောင်တုန်းဟယ်၏ အကြံဥာဏ်ကို ဝမ်ချွမ်ကျီမှလွဲ၍ ချောင်မိသားစုဝင်များ အားလုံးက အတည်ပြုခဲ့သည်။

အမျိုးသမီးများသည် စာအုပ်များစွာကို လေ့လာရန်မလိုအပ်ကြောင်း ဝမ်ချွမ်ကျီက ခံစားခဲ့ရသည်။ လက်ထပ်ပြီး စောစော ကလေးယူတာ မှန်ကန်တဲ့အရာ ဖြစ်သည်။ ယောက္ခမရဲ့ဖိအားကြောင့်သာ မဟုတ်ရင် သူမသည် ချောင်တုန်းဟယ်ကို ကောလိပ်တက်ခွင့်မပေးမှာ သေချာပါသည်။

သူမသည် ဒီလောက် ဆန့်ကျင်ရသည့် အကြောင်းရင်းတစ်ခုက လော့ကျွင်းလျန်၏ မိခင်သည် မြို့တော်မှ ပြန်လာပြီးနောက် သူမကို အိမ်တွင် ထောက်ခံမှု မပေးခဲ့သောကြောင့် သူမသည် လက်ထပ်ပြီး ကလေးအမြန်ယူရန် ချောင်တုန်းဟယ်ကို ဖိအားပေးနိုင်မည်ဟု မျှော်လင့်ကာ ဝမ်ချွမ်ကျီကိုရှာရန် ပြေးလာခဲ့တာကြောင့် ဖြစ်သည်။

ဒါပေမယ့် သူမသည် မအောင်မြင်ဘဲ ပြန်လာဖို့ ရည်မှန်းခဲ့ပါသည်။ အဘယ်ကြောင့်ဆိုသော် ဝမ်ချွမ်ကျီသည် အလွန်မယုံကြည်ရပြီး ချောင်မိသားစုတွင် အသံပါဝါမရှိသောကြောင့် ဖြစ်သည်။

သူမသည် တကယ်ပဲ ချောင်တုန်းဟယ်ကို အမြန်လက်ထပ်ချင်ခဲ့ပေမယ့် ချောင်တုန်းဟယ်က သူမစကားကို နားမထောင်ခဲ့ပေ။ သူမမိသားစုမှာ ဘယ်သူမှ သူမကို မထောက်ခံခဲ့ပေ။

အဆုံးတွင် သူမသည် အငွေ့မျှသာ ဖြစ်သည်။

ဝမ်းကွဲအစ်မ ဖုန်းချပြီးနောက် သာ့ချောင်က သူမအဘွားကို မေးခဲ့သည်။ "အဘွား၊ သမီးရဲ့ ဝမ်းကွဲအစ်မက သူ့ယောက္ခမနဲ့ အဆင်မပြေဘူး။ အဲ့တာက ခယ်အိုနဲ့ အစ်မရဲ့ ဆက်ဆံရေးကို လာထိခိုက်မယ်လို့ ထင်လား?"

ချောင်ရှို့ကျီက သူမဆံပင်ကို သစ်သားဖြီးနဲ့ ဖြီးပြီး "ဒါက သေချာပေါက် သက်ရောက်မှု ရှိမှာ။ အဲဒါကို ဘယ်လို ကိုင်တွယ်မလဲဆိုတာ သူတို့ပေါ်မှာပဲ မူတည်တယ်။"

ကောင်းကောင်း ကိုင်တွယ်နိုင်ရင် နှစ်ယောက်စလုံး ရှေ့ဆက်နိုင်မှာပါ။ ကောင်းစွာမကိုင်တွယ်ပါက နောင်တွင် လမ်းခွဲခြင်း သို့မဟုတ် ကွာရှင်းခြင်းပင်ဖြစ်နိုင်သည်။

သာ့ချောင်က မျက်မှောင်ကြုတ်ပြီး ပြောသည်။ "အဘွား၊ အဲ့တာဆို... ဝမ်းကွဲအစ်မက အဘွားကို သူနဲ့ လမ်းခွဲသင့်လားလို့ မေးတုန်းက အဘွားက ဘာလို့ သူ့ကို စောင့်ကြည့်ပါဦးလို့ ပြောခဲ့တာလဲ?"

"အဲဒါက လူငယ်လေးလော့ရဲ့ စိတ်နေသဘောထားက အခုထိ မဆိုးသေးလို့ပါ။ သူ့အဖေ လော့ချင်းက အမြင်ရှိတဲ့ လူတစ်ယောက်ပဲ။ မိသားစုထဲမှာ ရှုပ်ယှက်ခတ်နေတဲ့ လူတွေထက် သူတို့က နားလည်မှု ပိုရှိတယ်။ ဒါကြောင့် ငါတို့က ဒီအိမ်ထောင်ရေးကို မျှော်လင့်လို့ရ‌သေးတယ်။'

ချောင်ရှို့ကျီသည် သူ့မြေးမလေး၏ အနက်ရောင်ဖဲကြိုးလို တောက်ပြောင်ပြီး ချောမွေ့နေသော ဆံပင်ကို ကြည့်လိုက်သည်။ သူမ၏ နက်မှောင်နေသော ဆံပင်ကို လူဘယ်နှစ်ယောက်လောက်က မနာလိုကြမှန်းမသိပေ။

သူမပြောပြီးနောက် သူမက သာ့ချောင်ရဲ့ဆံပင်ကို ကျစ်စမြီး ကျစ်ပေးလိုက်သည်။ "လမ်းခွဲလိုက်ရင် မင်းရဲ့ဝမ်းကွဲ တွေ့တဲ့ နောက်တစ်ယောက်က အပြစ်လုံးဝကင်းစင်နေပါမယ်လို့ မင်း အာမခံနိုင်လား? ဒီကမ္ဘာပေါ်မှာ ပြီးပြည့်စုံတဲ့လူနဲ့ အရာတွေဆိုတာ မရှိပါဘူး။ မင်းဘယ်လို ရွေးမလဲပေါ်ပဲ မူတည်တယ်။"

သာ့ချောင်က လှည့်ပြီး သူမအဘွားကို ပွေ့ဖက်လိုက်သည်။ သူမက ချွဲပြောသည်။ "အဘွား၊ အဘွား အများကြီးသိတာပဲ။ သမီးက အဘွားနဲ့အဘိုးကို မထားခဲ့ချင်ဘူး။"

ဦးလေးအကြီးဆုံးက မြို့တော်ကို သွားရမှာဆိုတော့ အဘွားနဲ့ အဘိုးက သူတို့နဲ့ သွားမှာ ဖြစ်သည်။ သူမသည် စက်တင်ဘာလတွင် အထက်တန်း တတိယနှစ်ကို တက်ရောက်မည်ဖြစ်သည်။ နောက်နှစ်အထိ သူမသည် သူမအဘိုးအဘွားတွေနဲ့ တွေ့ဖို့ မြို့တော်ကို မသွားနိုင်ပေ။

ချောင်ရှို့ကျီ၏ နှလုံးသားသည် နူးညံ့သွားခဲ့သည်။ သူမက သူ့ရဲ့ချောမွေ့တဲ့ ဆံပင်တွေကို ပွတ်သပ်ပြီး "အချိန်တွေ ကုန်တာ မြန်တယ်။ မင်း ကြိုးကြိုးစားစား စာလုပ်ရမယ်နော်။ အဘွားနဲ့ အဘိုးက မင်းကို မြို့တော်မှာ စောင့်နေမယ်။"

"အမ်းအမ်း။"

ချောင်တုန်းယင်သည် ယခုနွေရာသီ အားလပ်ရက်တွင် ပြန်မလာခဲ့ပေ။ အားလပ်ရက်မတိုင်မှီက သူမသည် ခရိုင်မြို့၌ အချိန်ပိုင်းအလုပ်ရှာချင်သည်ဟု ဖုန်းခေါ်ခဲ့သည်။

မမျှော်လင့်ဘဲ ချောင်မိသားစု၏ အကြီးဆုံးသား မြို့တော်သို့ မသွားမီ သုံးရက်အလိုတွင် သူမ ပြန်ရောက်လာခဲ့သည်။

သူမသည် ယောင်္ကျားတစ်ယောက်ကို ပြန်ခေါ်လာခဲ့သည်။