နှစ်တစ်ရာ ဂူပိတ်ကျင့်ကြံခြင်း

[ဓာတ်ငါးပါး မူလဓမ္မရတနာ ငါးခုကို အောင်မြင်စွာသန့်စင်နိုင်ခဲ့လို့ ဂုဏ်ယူပါတယ်၊ Host။ သင်ဟာ ရတနာငါးခုပေါင်းစပ်ခြင်းနည်းစနစ်နဲ့ စကြဝဠာဓာတ်ငါးပါးကားချပ်ကိုသန့်စင်ဖို့နည်းလမ်းကို ရရှိပါတယ်။]

ထိုစကားကိုကြားလျှင် ကျန်းချန်ရွှမ်က နောက်ပြန်ဆုတ်လိုက်မိသည်။

သူသည် ဓာတ်ငါးပါးမူလဓမ္မရတနာကို သန့်စင်ခြင်းသည် ထိုကဲ့သို့ ဝမ်းသာအံ့ဩဖွယ်ရာကို ရမည့်အကြောင်း မမျှော်လင့်ထားမိပေ။

စနစ်အရ ရတနာငါးခုပေါင်းစပ်ခြင်းနည်းစနစ်သည် စကြဝဠာဓာတ်ငါးပါးကားချပ်ကို ဖန်တီးဖို့ရန်အတွက် အထူးနည်းစနစ်ဖြစ်သည်။

ထိုကားချပ်သည် ထူးခြားသည့်အသုံးအဆောင်တစ်ခုဖြစ်ကာ သတ္တု၊ သစ်သား၊ ရေ၊ မီးနှင့် မြေ စသည့် ကွဲပြားသောဓာတ်များဖြင့် စုစည်းထားပေသည်။

ထိုသာမာန်ထပ်လွန်ကဲသည့် ရတနာကို ဖန်တီးဖို့ရန်အတွက် အရှေ့ပိုင်းနဂါးစိမ်းအလံ၊ ရွှေဗလာနယ်ဓား၊ ထာဝရလောင်မြိုက်နေမီးဖို၊ မြေနက်လှံနှင့် ယင်ယန်ရေနတ်ဘုရားကျောက်စိမ်းတို့အား တစ်ခုတည်းအဖြစ် ပူးပေါင်းလိုက်ပြီး စကြဝဠာဓာတ်ငါးပါးကားချပ်ကို ဖန်တီးနိုင်လေသည်။

၎င်းပြီးစီးသွားလျှင် ဤအသုံးအဆောင်ပစ္စည်းသည် ဝိညာဉ်ရတနာအဆင့်သို့အလိုအလျှောက် ရောက်ရှိသွားမည် ဖြစ်သည်။

ထို့အပြင် ၎င်း၌ ပြောင်းလဲနိုင်စွမ်းလည်း ပိုင်ဆိုင်သေးသည်။

၎င်းသည် မြေနက်လှံ သို့ အရှေ့ပိုင်းနဂါးစိမ်းအလံ စသဖြင့် မူလပုံစံအတိုင်းပြန်လည်ပြောင်းလဲနိုင်သေးသည်။

အရေးကြီးဆုံးအချက်မှာ ထိုကဲ့သို့ ဖန်တီးလိုက်သည်နှင့် ၎င်းသည် မသေမျိုးရတနာအဖြစ် အဆင့်မီသွားမည် ဖြစ်သည်။

အခြားတစ်မျိုးပြောရလျှင် ၎င်းသည် ကျန်းချန်ရွှမ်၏ ရှေ့ခရီးလမ်းတွင် အဖော်ပြုနိုင်သည့် ရတနာတစ်ခု ဖြစ်သွားနိုင်ပေသည်။

ထို့အပြင် ၎င်း၏စွမ်းအားက အခြားဝိညာဉ်ရတနာများထပ် ကျော်လွန်ကာ ကောင်းကင်ဘုံဆက်သွယ်ခြင်း ဝိညာဉ်ရတနာများ၏ ဒုတိယဖြစ်သွားမည်ဖြစ်သည်။

ကျန်းချန်ရွှမ်အတွက်မူ ၎င်းသည် သေချာပေါက်သတင်းကောင်းဖြစ်သည်။

၎င်းသည် သူ၏ကိုယ်ပိုင်ဝိညာဉ်ရတနာကို ပိုင်ဆိုင်ရန်အခွင့်အရေးပင်ဖြစ်သည်။

အဆုံး၌ ထိုကဲ့သို့ မကြားဖူးသည့် အသုံးအဆောင်ပစ္စည်းကို ပိုင်ဆိုင်ခြင်းသည် သူတို့၏ ရှားပါးခြင်းနှင့် တန်ဖိုးရှိခြင်းကို ပေးနေသည်။

ဝိညာဉ်ရတနာများသည် ရိုးရှင်းစွာပင် အလွန်ရှားပါးပြီး တန်ဖိုးရှိပါသည်။

ဝိညာဉ်ရတနာတိုင်းသည် ၎င်းတို့၏ ကိုယ်ပိုင်လက္ခဏာများနှင့်အတူ ထူးခြားပြီး အတုခိုးရန်မဖြစ်နိုင်ပေ။

သူတို့ကဲ့သို့ ဝိညာဉ်ဖွဲ့စည်းခြင်း ကျင့်ကြံသူများကို မဆိုနှင့် အထပ်နယ်ပယ်မှ ဗလာနယ်ပြန်နတ်ဘုရားအရှင် များသည်ပင် ထိုကဲ့သို့ ဝိညာဉ်ရတနာမျိုး မရှိကြပေ။

ထိုသို့တွေးကာ ကျန်းချန်ရွှမ်သည် ချက်ချင်းပင် ရတနာငါးပါးပေါင်းစပ်ခြင်းနည်းစနစ်၏အကြောင်းအရာများကို ဖတ်လိုက်သည်။

ဖတ်ပြီးသည်နောက်တွင် ကျန်းချန်ရွှမ်၏ များစွာသောအစီအစဉ်များပါ ရှိလာခဲ့သည်။

သေချာပါသည်။

၎င်းသည် ဝိညာဉ်ရတနာဖြစ်သည့် စကြဝဠာဓာတ်ငါးပါးကားချပ်ကို သန့်စင်ရန် အမှန်တကယ်ပင် လွယ်ကူခြင်းမရှိပေ။

သူသည် ဝိညာဉ်ရတနာကို သန့်စင်ရန်အတွက် အခြေခံရှိသော်လည်း

သို့ရာတွင်၊ အနည်းငယ် လိုအပ်ချက်ရှိနေသေးသည်။

ပထမဦးစွာ သူ၏မူလဓမ္မရတနာ ငါးခုသည် အဆင့် ၆ သန့်စင်သောယန်စစ်မှန်ရတနာအဆင့် သို့ရောက်ရန်လိုအပ်သည်။

ဒုတိယအချက်နှင့်အရေးအကြီးဆုံးအချက်မှာ သူသည် ၎င်း၏ဝိညာဉ်အား နိုးထရန် လိုအပ်သည်။

၎င်း၏ဝိညာဉ်နိုးထမှသာ ထိုရတနာအား ဝိညာဉ်ရတနာဟုခေါ်နိုင်မည်ဖြစ်သည်။

ယခုမူ အခြားရတနာသုံးခုအား မည်ကဲ့သို့ အဆင့် ၆ သို့ မြင့်တင်နိုင်မည်နည်းဟူသည့်နည်းလမ်းကို စဉ်းစားပြီးမှသာ ရတနာငါးခုပေါင်းစပ်ရန် စတင်၍ ဆုံးဖြတ်နိုင်မည်ဖြစ်သည်။

သို့ရာတွင် ထိုကဲ့သို့သောကိစ္စမျိုးသည် အချိန်တိုအတွင်းပြီးစီးနိုင်သည့်ကိစ္စမဟုတ်ပါ။

အရေးအကြီးဆုံးအချက်မှာ သူ၏ခန္ဓာကိုယ်မွမ်းမံမှုကျင့်ကြံခြင်းကိုတိုးမြင့်ဖို့ရန်နည်းလမ်းအား စဉ်းစားရန်ဖြစ်သည်။

သူသည် ဤအခွင့်အရေးကိုသုံးကာ သူ၏ခန္ဓာကိုယ်မွမ်းမံခြင်းကျင့်ကြံမှုအား အဆင့် ၆ သို့ တိုးမြင့်နိုင်မည်လားဆိုသည့်ကို သိချင်နေသည်။

အကယ်၍ သူ၏တိုက်ခိုက်ရေးကျွမ်းကျင်လိမ္မာမှုက ထပ်၍ တိုးမြင့်လာနိုင်သည်။

ထိုကိစ္စကိုတွေးပြီးနောက် ကျန်းချန်ရွှမ်က ချက်ချင်းပင် ရှေးဟောင်းကောင်းကင်ရေပုလင်းကို သူ၏ခန္ဓာကိုယ်မှထုတ်လိုက်သည်။

ထိုရေသည် အလွန်ရှားပါးသည့် အဆင့် ၆ ခန္ဓာကိုယ်မွမ်းမံသည့် ပစ္စည်းဖြစ်သည်။

ကျန်းချန်ရွှမ်သည် ထိုရေကို သူ၏ခန္ဓာကိုယ်တွင် ပြန်သုံးလိုက်သည်နှင့် သာမန်ထပ်လွန်ကဲသည့်သက်ရောက်မှုကို ခံစားလိုက်ရသည်။

ထိုအချိန်တွင် သူ၏ခန္ဓာကိုယ်၌မြန်ဆန်သည့်ပြောင်းလဲမှုများကိုခံစားလိုက်ရသည်။ သူ၏ သွေး၊ အရိုး နှင့် နုပျိုမှုများက ဝိညာဉ်စွမ်းအား၏လွှမ်းမိုးမှုအောက်တွင်မြန်ဆန်စွာပြောင်းလဲနေပုံရသည်။

ထိုပြောင်းလဲမှုသည် သူက ကန့်သတ်မဲ့ဘီးကိုလှည့်လိုက်ရာတွင် ပို၍ အရှိန်မြင့်လာသည်။

လပေါင်းအနည်းငယ်အတွင်းတွင် ကျန်းချန်ရွှမ်က သူ၏ခန္ဓာကိုယ်တည်ဆောက်မှုက ယခင်ထပ်စာ၍ အရေးပါသောတိုးတက်မှုကို ခံစားရလိုက်သည်။

ထိုနှုန်းနှင့်ဆက်သွားလျှင် သူသည် ရေပုလင်းတစ်ခုလုံးအသုံးပြုပြီးသည်နောက်တွင် သူ၏ခန္ဓာကိုယ်မွမ်းမံမှုသည် အဆင့် ၆ သို့ ရောက်သွားရန် ဖြစ်နိုင်ချေရှိကြောင်း တွေးဆလိုက်သည်။

......

တောက်... တောက်... တောက်

ကျန်းချန်ရွှမ်သည် သူ၏ခန္ဓာကိုယ်မွမ်းမံခြင်းကို အဆင့်မြင့်တင်နေစဉ်တွင်၊ မြောက်ပိုင်းနယ်နိမိတ်ရှိ နတ်ဆိုးသားရဲများသစ်တော၏ နက်ရှိုင်းသောနေရာတွင် ဖြစ်သည်။

အနက်ရောင်အရည်စက်များသည် ဖြည်းညှင်းစွာဖြင့် ကျိုးပဲ့နေသော ချောက်ကမ်းပါးမှ တစ်စိမ့်စိမ့် ထွက်နေလေသည်။

လေးမီတာခန့်ရှိသည့် အတောင်ပံများနှင့် နတ်ဆိုးငှက်က ချောက်ကမ်းပါး၏အပေါ်တွင် ပျံသန်းလာသည်။

၎င်း၏ ယခင်က ထက်ရှသည့် မျက်လုံးများက တဖြည်းဖြည်းနှင့် မှင်ကဲ့သို့ နက်မှောင်သွားလေသည်။

မြင်ရသည့်ချည်မျှင်များနှင့် မမြင်ရသည့် ထိုတစ်စက်စက်ကျနေသည့် အနက်ရောင်ရည်များမှ အနက်ရောင်လိုင်းများသည် နတ်ဆိုးငှက်၏ အရိုးနှင့် အသားများထဲ မြုပ်ဝင်သွားလေသည်။

ချက်ချင်းပင် ထိုငှက်၏ခန္ဓာကိုယ်က စတင်၍ အမြန်ကြီးထွားလာခဲ့သည်။

အနာပြည်ကဲ့သို့ အသားပိုများက သူ၏တောင်ပံ၊ ဦးခေါင်းနှင့် ရင်ပိုင်းများတွင် ပေါက်လာခဲ့လေသည်။

ထိုနေရာတွင် သွေးများပန်းထွက်လာသည်။

စက်ဆုပ်ဖွယ်ကောင်းသည့်အနက်ရောင်ရေဘဝဲလက်များက ၎င်း၏ဝမ်းဗိုက်အောက်ပိုင်းမှထွက်ပေါ်လာခဲ့ကာ လေထဲတွင် မြင်မကောင်းအောင် တွန့်လိမ်လူးလွန့်နေလေသည်။

ထက်မြက်သည့် ဆူးထစ်များက ခြေသည်းများတွင်ပေါ်လာခဲ့ပြီး ရက်စက်သည့် လူမဆန်သော အရောင်အဝါကို ထုတ်လွတ်နေခဲ့သည်။

စူးရှသည့်အော်သံဖြင့် ထိုအသံသည် ကြမ်းကြုတ်ကာ ရက်စက်ပြီး ချောက်ခြားဖွယ် အန္တရာယ်ပြုမည့် လက္ခဏာရှိနေသည်။

ဝှစ်ဟူသောအသံမြည်သွားသည်။

အောက်တွင်ပေါ်လာသည့် စပါးအုံးမြွေကြီးက ချက်ချင်းသတ်ခံလိုက်ရပြီး ၎င်း၏ခေါင်းသည် ထိုငှက်၏ ထက်မြက်သည့် ခြေသည်းများမှ ချေမွခြင်းကို ခံလိုက်ရသည်။

လျှပ်တပြက်အတွင်းတွင် ချည်မျှင်အနက်ရောင်လှိုင်းများက ငှက်၏အထဲမှ ထွက်လာခဲ့ပြီး စပါးအုံးမြွေ အလောင်းကောင်းထဲ ပေါင်းလိုက်တော့သည်။

အချိန်တိုအတွင်းတွင် ရက်စက်သည့်ပြောင်းလဲမှုတစ်ခုကိုတွေ့လိုက်ရသည်။

ထိုစပါးအုံးမြွေက ဦးခေါင်းကြွေမွကာ အသက်မရှိတော့သော်လည်း ရုတ်တရက် ထလာခဲ့သည်။

ရှဲ..ရှဲ

အဆိပ်ပြင်းသောမြွေတစ်ကောင်၏အသံက လေထဲတွင်ပြည့်သွားခဲ့လေသည်။

စပါးအုံးမြွေ၏ အစ၌ အရောင်လှပသော ခန္ဓာကိုယ်သည် အမြန်ပင် မှင်နှင့်တူသော အမှောင်ထုမှ လွမ်းမိုးခံလိုက်ရသည်။

၎င်း၏အကြေးခွံအောက်မှ အရေပြားသည် မြန်ဆန်စွာတွန့်လိမ်နေကာ ပုံမှန်မဟုတ်သည့် ဖောင်းကားမှုများဖြစ်နေသည်။

မကြာမီ ထိုဖောင်းကားမှုများက ရွံ့စရာကောင်းသည့်အသားပိုများအဖြစ်ပြောင်းလဲသွားပြီး များစွာသော အနက်ရောင် ချွဲကျိကျိရေဘဝဲလက်များကလည်း ဗိုက်ထဲမှ ထွက်လာခဲ့သည်။

ထိုစပါးအုံးမြွေသည် လုံးဝ ပုံစံပြောင်းသွားခဲ့ကာ ၎င်း၏ မျက်လုံးသည် ယခုရက်စက်ကာ အေးစက်နေပြီး ရက်စက်ကြမ်းကြုတ်သည့် အရောင်မျိုးထွက်နေလေသည်။

တိတ်တဆိတ်နှင့် မြွေနှင့် နတ်ဆိုးငှက်တို့သည် သူတို့၏ နောက်တစ်နေရာသို့ သွားလိုက်လေသည်။

ချောက်ကမ်းပါး၏နောက်တွင် မြေပေါ်၌ အနက်ရောင်အရည်များစုဆောင်းထားသည့် ကြီးမားသည့်ကန်တစ်ခုရှိလေသည်။

ထိုအရည်သည် ၎င်း၏အသိစိတ်ကို ပိုင်ဆိုင်ထားသကဲ့သို့ ရေစက်များအဖြစ်သို့ စုစည်းကာ ဦးတည်ချက်များစွာသို့ ထွက်ခွာသွားကြသည်။

အချိန်က မြန်ဆန်စွာကုန်သွားကာ မျက်စိတမှိတ်အတွင်း နှစ်ပေါင်း ၃၀ ကုန်လွန်သွားသည်။

ထိုနေ့တွင်၊

ကျန်းချန်ရွှမ်က ရှေးဟောင်းကောင်းကင်ရေပုလင်းအလွတ်ကို ကြည့်ကာ သက်ပြင်းချလိုက်သည်။

သူသည် ခန္ဓာကိုယ်မွန်းမံရာတွင် အဆင့် ၆ သို့ရောင်ရန် အလွန်နီးကပ်နေပြီဖြစ်သည်။

ကံမကောင်းစွာပင်၊ သူသည် ရှေးဟောင်းကောင်းကင်ရေက ကုန်ဆုံးသွားခဲ့သည်။

သူသည် အဝင်ဝနှင့် ခြေတစ်လှမ်းသာ ကွာဝေးတော့သော်လည်း ခန္ဓာကိုယ်မွမ်းမံသည့်တန်ဖိုးကြီးပစ္စည်းမရှိဘဲ ကျော်ဖြတ်ရန်မလွယ်သည်မှာ သိသာနေသည်။

၎င်းသည် နှစ်ပေါင်း ရာချီ သို့ ထောင်ချီ အချိန်ယူရဦးမည်မှာဖြစ်နိုင်ပါသည်။

အနာဂတ်တွင် ဆင်တူသည့် ပစ္စည်းကို ရှာဖွေဖို့ရန်ဆုံးဖြတ်လိုက်ပြီး ကျန်းချန်ရွှမ်သည် သူဂူပိတ်ကျင့်ကြံခြင်းစသည်နှင့် နှစ်တစ်ရာပင် ရှိတော့မည်ဖြစ်ကြောင်း သတိပြုမိလေသည်။ သူထွက်ရတော့မည်အချိန်ရောက်လာပြီဖြစ်သည်။

ထိုသို့တွေး၍ သူသည် ထွက်လာရာ ချက်ချင်း ဂူအပြင်သို့ရောက်သွားသည်။

သူသည် ရှန်းရူယန်ဂူပိတ်ကျင့်ကြံခြင်းမှ ထွက်လာပြီလားကို သိချင်နေသည်။

သူ၏နတ်ဘုရားအာရုံနှင့်ရှာဖွေကာ သူမ၏တည်ရှိခြင်းကို အာရုံမခံမိလျှင် သူမအား မနှောက်ယှက်ရန် ဆုံးဖြတ်လိုက်သည်။

ထိုအစား သူသည် ကျန်းရန်ယီနှင့်အခြားသူများကိုခေါ်ကာ ယခင်နှစ်ရာပေါင်းများစွာမှ အရာများကိုသိရှိရန်လုပ်လိုက်သည်။

အနှစ်သာရကိုးပါးကျင့်ကြံရေးလောကတွင် ဤနှစ်ပေါင်းတစ်ရာအတွင်း အရေးကြီးကိစ္စမရှိပဲ ငြိမ်းချမ်းနေကြောင်း သိခဲ့ရသည်။

သို့ရာတွင်၊ ကျန်းမိသားစုက ကျန်းချန်ရွှမ်နှင့် ရှန်းရူယန်တို့၏ကျေးဇူးကြောင့် အလျှင်အမြန်တိုးတက်လာသည်။

ပြောရန်တန်သောအချက်မှာ ကျန်းရန်တောက်က အောင်မြင်စွာနှင့် အခြေတည်ဝိညာဉ်အဆင့်ကို လွန်ခဲ့သည့် ၁၈ နှစ်က တက်ရောက်နိုင်ခဲ့သည်။

မိသားစုထဲမှအခြားသူများကလည်း သူတို့၏ ကျင့်ကြံခြင်းအဆင့်များတွင်လည်းတိုးတက်မှုများရှိခဲ့လေသည်။ မိသားစုထဲမှ ရွှေအမြုတေကျင့်ကြံသူမှာ လေးဦးရှိလာခဲ့သည်။

သို့ရာတွင် ကျန်းချန်ရွှမ်က ထိုလေးဦးအားမသိပေ။

သူသည် နာမည်ကိုသာကြားဖူးခြင်းဖြစ်သည်။

ကျန်းချန်ရွှမ်၌ သူတို့ကို တွေ့ရန်လည်း ရည်ရွယ်ချက်မရှိပါ။

အဆုံး၌ သူ၏လက်ရှိနယ်ပယ်တွင်၊

သာမန်ရွှေအမြုတေကျင့်ကြံသူသည် သူ၏အာရုံစိုက်ရန် မလိုသေးပါ။

အခြေတည်ဝိညာဉ်ကျင့်ကြံသူသည်ပင် သူတို့၌ အထူးအထောက်အထားမရှိသရွေ့ သို့ အခြား ထူးခြားမှုမရှိသရွေ့ သူ၏အာရုံစိုက်မှုအား ရမည်မဟုတ်ပေ။

အဆုံးတွင် ဝိညာဉ်ဖွဲ့စည်းခြင်းနယ်ပယ်သို့ရောက်ခြင်းက အရာအများစုအပေါ်၌ သူ၏ထင်မြင်ချက်ရှုထောင့်ကို ပြောင်းလဲစေခဲ့သည်။

“စကားမစပ်၊ ဘိုးဘေး….”

ထိုအချိန်တွင် ကျန်းရန်ယီက တစ်ခုခုကိုတွေးမိလိုက်ပြီး သူ၏အမူအရာက အနည်းငယ်တည်ငြိမ်သွားသည်။

ကျန်းချန်ရွှမ်က ထိုပြောင်းလဲမှုကို သတိပြုမိပြီး သူ့အား ကြည့်လိုက်သည်။

“ထူးခြားမှုတစ်ခုခုရှိလို့လား?” သူက မေးလိုက်သည်။

ထိုအချိန်တွင်၊ ကျန်းရန်ယီက မရှင်းပြနိုင်သည့်ဖိအားကို ခံစားလိုက်ရပြီး သူသည် မမြင်နိုင်သည့်ဝန်ထုတ်ကို သယ်ဆောင်ထားရသကဲ့သို့ကြောက်ရွံစိတ်များတဖြည်းဖြည်းစိမ့်ဝင်လာသည်။

သူသည် ဘိုးဘေး၏တည်ရှိမှုက ထိုနေ့တွင် ပို၍ တောက်ပလာသည်ဟု သူ့ကိုသူတွေးလိုက်မိသည်။

ကျန်းချန်ရွှမ်၏အပြုအမူက အရင်အတိုင်းပင်ဖြစ်သော်လည်း၊ သူ၏ဝိညာဉ်ဖွဲ့စည်းခြင်းကောင်းကင်သခင်ဟူသော အထောက်အထားက မရှင်းပြနိုင်သည့် ဖိအားကို ရရှိစေသည်။

“ကျွန်တော် ဘိုးဘေးကို တင်ပြဖို့လိုအပ်တာတစ်ခုရှိတယ်၊ ဘိုးဘေး။”

ကျန်းရန်ယီက သူ၏အခြေအနေကို ထိန်းညှိရန် အကောင်းဆုံးကြိုးစားခဲ့ပြီး တည်ငြိမ်သည့်အသံဖြင့် ပြန်ဖြေလိုက်သည်။

“လွန်ခဲ့တဲ့နှစ်အနည်းငယ်က နတ်ဆိုးမျိုးနွယ်က ကျွန်တော်တို့ကို လာစုံစမ်းတဲ့ ဖြစ်စဉ်မျိုးတွေရှိခဲ့တယ်။”

“ဟမ်? စုံစမ်းတယ်?”

သူထိုသတင်းကိုကြားလိုက်သည်နှင့် ကျန်းချန်ရွှမ်၏ မူလကတည်ငြိမ်နေသောမျက်လုံးများသည် ချက်ချင်းကျဉ်းမြောင်းသွားခဲ့သည်။

သူသည် လူသားမျိုးနွယ်၏ ခုခံကာကွယ်ခြင်းအချိန်က ယခုထိမပြီးဆုံးသေးကြောင်းကို သိသည်။

အကယ်၍ နတ်ဆိုးမျိုးနွယ်က ယခုအချိန်တွင် လူသားမျိုးနွယ်အားလာရောက်တိုက်ခိုက်လျှင်၊ အကယ်၍ စမ်းသပ်သည့် တိုက်ခိုက်မှုမျိုးဆိုလျှင်ပင်၊ နတ်ဆိုးမျိုးနွယ်အတွက် ဆိုးရွားသည့် အကျိုးဆက်များကို ယူဆောင်လာလိမ့်မည်။

လိပ်နက်နှင့် အခြားသူများက ထိုကဲ့သို့ ဉာဏ်မရှိသောသူများမဟုတ်ပေ။

သူတို့မသိနိုင်သောအရာတစ်ခုခုရှိနေလိမ့်မည်။

ထိုအတွေးဖြင့် ကျန်းချန်ရွှမ်က ကျန်းရန်ယီအားပြောလိုက်သည်။

“အသေးစိတ်ပြောပြပါဦး၊ အတိအကျ ဘာတွေဖြစ်သွားတာလဲ?”

ကျန်းရန်ယီက ခေါင်းညိတ်လိုက်ပြီး ကျန်းချန်ရွှမ်အား သူသိသမျှကို ပြောပြလိုက်သည်။

***