ညီအစ်ကိုတို့၊ သတ်ဟေ့

"ဘာ ဘာ ဘာကြီးလဲ"

ဘုန်း ဘုန်း ဘုန်း

အထက် ကောင်းကင်တွင် အဖြူရောင် ဝတ်ရုံဝတ် လူငယ်က ပူဖောင်းကဲ့သို့ ဖောင်းကားလာပြီး ပေါက်ကွဲထွက်ကာနီးနေသော်လည်း အမှန်တကယ်ပေါက်ကွဲ မသွားခဲ့ပေ။ မီတာ ၃၀၀ ကျော် ကျယ်ဝန်း ကြီးမားသော မှော်စွမ်းအား စက်ကွင်းတစ်ခု သူ၏ ပတ်ပတ်လည်တွင် ပြန့်ထွက်လာကာ သတ္တု၊ သစ်၊ ရေ၊ မီး၊ နှင့် မြေ—ဒြပ်စင် ငါးမျိုးသည် ၎င်း၏အလယ်တွင် မိုးခြိမ်းသံပမာ တိုက်မိသွားကြသည်။ ရွှေရောင် မြူခိုးမှ မီးပွားများ လွင့်စင်သွားကာ သစ်သား ဒြပ်စင်များနှင့် ရောနှောသွားပြီး ရေထုက အားလုံးကို ဘောင်ခတ်ထားသကဲ့သို့ လေးလံသော မြေထုအထက်၌ မီးလျှံများ တောက်လောင်နေသည်။ ဓာတ်ကျမ်းတော်ကို ဖန်တီးခဲ့သော မဟာကျောင်းတော်၏ ရှေးဟောင်းတည်ထောင်သူများပင် ဤတာအို ဂါထာ၏ ကြောက်မက်ဖွယ် ပြောင်းလဲနိုင်စွမ်းကို ကြိုတင် မမြင်တွေ့နိုင်ခဲ့ပေ။

"မင်း ဒီ လှည့်ကွက်ကို ဘယ်တုန်းက တီထွင်ခဲ့တာလဲ။ အရင်က တစ်ခါမှ မမြင်ဖူးဘူး"

ကြယ်ပြာက မျက်လုံးအပြူးသားနှင့် မေးသည်။

"ရုတ်တရက် ပေါ်လာတဲ့ အတွေးတစ်ခု သက်သက်ပါပဲ"

ယွမ်ရှောင်က အေးစက်စွာ ပြန်ဖြေလိုက်ပြီး သူ၏ ချီအားလုံးကို ဒြပ်စင်စက်ကွင်းထံလမ်းကြောင်းပေးနေသောကြောင့် ဖောင်းကားနေသော ပုံစံက နောက်ဆုံးတွင် ပုံမှန်အဖြစ် ပြန်လည် ကျုံ့ဝင်သွားသည်။ သူက ကောင်းကင်ဘုံကဲ့သို့ နက်ရှိုင်းသော မျက်လုံးဖြင့် အောက်မှ နတ်ဆိုးများကို ကြည့်လိုက်ပြီး ပေါ့ပေါ့ပါးပါး လက်တစ်ချက် ယမ်းလိုက်သည်နှင့်တပြိုင်နက် ထိုးကျသွားစေသည်။

ဘုန်း

စက်ကွင်းက အလွန် လျင်မြန်စွာ ထိုးကျသွားသဖြင့် ဒြပ်စင် စွမ်းအားမှာ ကောင်းကင်ကို ဖုံးကွယ်သွားသည်။

"တောင်ကုန်းဆီ ပြေးကြ

" နတ်ဆိုးတိုက်ကြီး၏ ပါရမီရှင်များ စက်ကွင်း၏ ကြောက်မက်ဖွယ် တန်ခိုးစွမ်းအားကို ခံစားလိုက်ရသဖြင့် မျက်နှာများ သရဲတစ္ဆေကဲ့သို့ ဖြူဖျော့နေသည်။ သူတို့တွင် ရွေးချယ်စရာ မရှိခဲ့ဘဲ ၎င်းမှာ ယွမ်ရှောင်၏ အစွမ်းကုန် တိုက်ခိုက်မှု ဖြစ်ပုံရပြီး ရဲ ချင်းထျန်း နှင့် အခြားသူများထံမှ ရတနာများ မရခဲ့လျှင် ဤ တိုက်ပွဲ အမှန်တကယ်ပင် အကြပ်အတည်း ဖြစ်ခဲ့နိုင်မည်။ နတ်ဆိုးများ အပြင်သို့ ထွက်ပြေးချင်ကြသော်လည်း ချိတ်ပိတ်ထားသော စစ်မြေပြင်တွင် အခွင့်အလမ်း မရှိချေ။

ဘုန်း ဘုန်း ဘုန်း ဘုန်း ဘုန်း

ဒြပ်စင် ငါးမျိုးက ဟန်ချက်ညီစွာဖြင့် ကမ္ဘာပျက်ကိန်းအလား ပေါက်ကွဲထွက်၍ ရလဒ်အနေဖြင့် ဖြစ်ပေါ်လာသော အလင်းမှိုပွင့်ကြီးမှာ ပတ်ဝန်းကျင် တစ်ခုလုံးကို ချက်ချင်း လွှမ်းခြုံသွားသည်။ အပြင်ဘက်မှ ကြည့်ရှုသူများပင် တုန်ခါမှုကို ကြားနိုင်ပြီး ပြိုးပြက်တောက်ပသော လျှပ်စီးအလင်းများကို မြင်တွေ့နိုင်ခဲ့သည်။

"ဘာဖြစ်နေတာလဲ"

ပရိသတ်များက ရူးသွပ်မတတ် သိလိုကြသော်လည်း အမှောင်ချိတ်ပိတ် တိုက်ပွဲ ဖြစ်နေသောကြောင့် မမြင်နိုင် မကြားနိုင်ခဲ့ပေ။

မိုးခြိမ်းသံများ ပဲ့တင်ထပ်နေပြီး ဖျက်ဆီးနိုင်စွမ်းကြီးမားသော တိုက်ကွက်သည် မရေမတွက်နိုင်သော နတ်ဆိုးတိုက်ကြီး၏ ပါရမီရှင်များကို အလောင်းကောင်များ အဖြစ် အဆုံးသတ်စေပြီး အလွန် ပြင်းထန်သဖြင့် သွေးနှင့်ကျောက် ဓားစက်ကွင်းများအဖြစ် သန့်စင်ရန်ပင် မလွယ်ကူတော့ပေ။ ကံကောင်းသည်မှာ ခန္ဓာကိုယ်၌ အမာကျောဆုံးဖြစ်သော နတ်ဆိုးအရိုးများ ကျန်ရစ်ခဲ့ပြီး ရန်သူများမှာ စိတ်ပျက်အားငယ်စွာ နောက်ဘဝကူးကုန်ကြသည်။ ဒြပ်စင်စက်ကွင်း ဖျက်ဆီးခဲ့သည့် နေရာတိုင်း၌ အလောင်းတောင်များနှင့် သွေးပင်လယ်များ စုပုံနေကာ

နတ်ဆိုး နှစ်ထောင်ကို နားမလည်နိုင်အောင် ရှုပ်ထွေးစေပြီး ဦးနှောက်များ ချာချာလည်သွားစေခဲ့သည်။ ၎င်း၏ တန်ခိုးစွမ်းအားအောက်တွင် နတ်ဆိုး သူတော်စင် နယ်ပယ်အောက်မှ နတ်ဆိုးများစွာ သေဆုံးကြခဲ့သည်။

ပုံမှန်အားဖြင့် နတ်ဆိုးသူတော်စင်များပင် ထိုသို့သော စွမ်းဆောင်ရည်ကို မထုတ်ဖော်နိုင်ဘဲ စစ်မြေပြင်၌ လုံးဝ ပရမ်းပတာ ဖြစ်နေပြီး ငိုသံများ၊ ဝမ်းနည်းပူဆွေးမှု မြည်တမ်းသံများ နှင့် ဒေါသတကြီး ဟိန်းဟောက်သံများ ဆူညံစွာ ရောနှောနေသည်။

"လနတ်သား ဘာလုပ်နေတာလဲ"

အသက်ရှင်ကျန်ရစ်သော နတ်ဆိုးများကို ထိတ်လန့်တကြား ဖြစ်သွားစေသည်မှာ တိုက်ပွဲ အလယ်တွင် အမြီးသုံးချောင်း မြေခွေး နတ်ဆိုးက မကျေနပ်မှု နတ်ဆိုး သုံးပါးထဲမှ တစ်ဦးဖြစ်သော ဒေါသအိုးကြီးနှင့် တိုက်ခိုက်နေခြင်းဖြစ်သည်။

"ဒီမြေခွေး နတ်ဆိုးက သစ္စာဖောက်ပဲ။ သူက ငါတို့ကို ဒီအထိရောက်လာအောင် ဆွဲဆောင်ခဲ့တယ်"

ရွှယ်ချီ၏ အသံက နတ်ဆိုးများအကြား ပဲ့တင်ထပ်နေပြီး နတ်ဆိုးတိုက်ကြီးသို့ ရောက်နေသော လူသားသူလျှိုတစ်ယောက်ကြောင့် ကျောစိမ့်ကုန်သည်။

" လူတစ်ယောက် နဲ့မြေခွေးတစ်ကောင်က ငါတို့ကို လွယ်လွယ်ကူကူ နိုင်မယ်လို့ ထင်နေတာလား"

အရိုးလေး၏ မျက်လုံးများတွင် သတ်ဖြတ်လိုစိတ် မီးလျှံဖြင့် တောက်လောင်နေသည်။ ယွမ်ရှောင်သည် နတ်ဆိုးတိုက်ကြီး၏ အရည်အချင်းရှိသူ ပေါင်းများစွာကို သတ်ဖြတ်ခဲ့သော်လည်း အများစုမှာ လေမီးတောက် ကပ်ဘေး နယ်ပယ် နတ်ဆိုးများ ဖြစ်ကြသည်။ ပို၍ အားကောင်းသော နတ်ဆိုးများ၊ အထူးသဖြင့် နတ်ဆိုး သူတော်စင် နယ်ပယ်တွင် ရှိနေသူများက အနည်းငယ်မျှသာ ဒဏ်ရာရရှိခဲ့သဖြင့် သူတို့၏ တိုက်ခိုက်ရေး စွမ်းအားမှာ ကြောက်မက်ဖွယ်ကောင်းနေဆဲဖြစ်သည်။

"သူတို့ကို သတ်စမ်း"

မင်္ဂလာပွဲသရဲက အေးစက်စက် အမိန့်ပေးလိုက်ပြီး အုပ်စု နှစ်စုအဖြစ် ခွဲထွက်သွားကာ တစ်ခုချင်းစီသည် နတ်ဆိုးရာချီကို ဦးဆောင်၍ ယွမ်ရှောင်နှင့် လနတ်သားကို ဝိုင်းရံတိုက်ခိုက်ရန် ဖြစ်သည်။ မင်္ဂလာပွဲသရဲ နှင့် ရွှယ်ချီက ယွမ်ရှောင်ကို ပစ်မှတ်ထားနေပြီး အရိုးလေး နှင့် ဒေါသအိုးကြီးသည် လနတ်သားကို တိုက်ခိုက်နေကြသည်။

ကြယ်သတ် ဓားသိုင်း၊ ကြယ်မိုး။

ထိုအချိန်တွင် ဆယ်ဆင့်ဓားသိုင်းဖြင့် အားဖြည့်ထားသော ဓားမြှောင်သည် ပင်လယ်အတွင်း ကူးခတ်နေသည့် ငါးတစ်ကောင်ပမာ ပစ်မှတ်ကို အချိန်တိုင်း ပြောင်းလဲလျက် ထွက်ပေါ်လာသည်။

ဘန်း

မျက်စိတစ်မှိတ်အတွင်း လေမီးတောက် ကပ်ဘေးနယ်ပယ် နတ်ဆိုး တစ်ရာ၏ ဦးနှောက်များ ပေါက်ကွဲထွက်သွားကာ ချက်ချင်း ပြိုလဲကုန်သည်။

ထန်

ယွမ်ရှောင်က ကောင်းကင် သင်္ချိုင်း ဓားဝိညာဉ်ကို ပြန်လည် ဆုပ်ကိုင်၍ မြေပြင်သို့ ခုန်ဆင်းကာ ရှေ့တည့်တည့်မှ နတ်ဆိုးမင်းသား မင်းသမီး ငါးဦးကို စိုက်ကြည့်နေသည်။ ဓားတာအိုကျောက်တိုင်၏ ရန်ငြိုးများ၊ နှစ်ပေါင်းများစွာ ဖိနှိပ်မှု နှင့် မရေမတွက်နိုင်သော သာမန် ပြည်သူများ၏ ဒုက္ခများက သူ၏ နှလုံးသားသို့ တိုးဝင်လာကာ သတ်ဖြတ်လိုစိတ်တစ်ခု ဓားထဲတွင် စုဝေးလာသည်။

အပြာရောင် ဓားသွားပေါ်တွင် ထာဝရ ပျော်ရွှင်ခြင်း နတ်ဆိုးဧကရာဇ်၏ သရဲတစ္ဆေ တစ်ရာ ညချီတက်ပွဲ နတ်ဆိုး စွမ်းရည်က ထူးဆန်းသော သွေးနီရောင် မျက်လုံး ကိုးဆယ့်ကိုးလုံးအဖြစ် ပေါ်ထွက်လာသည်။ သူ၏ ရေခဲကဲ့သို့ အေးစက်သော သတ်ဖြတ်လိုစိတ်နှင့် ရန်သူများစွာကို တစ်ယောက်တည်း ရင်ဆိုင်ရဲသော သတ္တိက နာမည်ဆိုးဖြင့် ကျော်ကြားသော ကြမ်းတမ်းသည့် နတ်ဆိုးများကို တောင့်တင်းသွားစေသည်။

"မင်း နဲ့ လနတ်သားက ထျန်းလုကို သတ်ဖြတ်ခဲ့ပြီး ငါတို့ကို ဒီတိုက်ပွဲထဲရောက်အောင် လှည့်စားခဲ့တယ်။ အခု မင်းက နတ်ဆိုးတိုက်ကြီးရဲ့ ပါရမီရှင်အားလုံးကို သုတ်သင်ရှင်းလင်းချင်နေတာလား"

မင်္ဂလာပွဲသရဲ၏ မျက်နှာက သစ်သားရုပ်ကဲ့သို့ ခံစားချက် ကင်းမဲ့နေသည်။

"မှန်တယ်"

ယွမ်ရှောင်က ခေါင်းညိတ်သည်။

" ဘာကြောင့် မင်းက ဒီလောက် ယုံကြည်မှု ရှိနေရတာလဲ"

ရွှယ်ချီ၏ ခြေထောက်အောက်မှ မရေမတွက်နိုင်သော သွေးရောင် အမြစ်များ စစ်မြေပြင်တစ်ခွင်သို့ တိုးလျှိုး ထွက်ပေါ်လာသည်။ ယွမ်ရှောင်က သူ၏ ဓားနှင့် လနတ်သားကို တစ်ချက်ကြည့်ကာ လူတစ်ဦး နှင့် မြေခွေးတစ်ကောင်၊ အကြည့်ချင်း ဖလှယ်ပြီး တစ်ပြိုင်နက်တည်း ကြေညာလိုက်သည်။

"ကောင်းကင်ဘုံနဲ့ ဘိုးဘေးတွေရဲ့ အလိုအရ ငါ ယွမ်ရှောင်က အသက်ကို ရင်းပြီး နတ်ဆိုးအားလုံးကို ရှင်းပစ်မယ်"

ယွမ်ရှောင်၏စကားက မထူးဆန်းသော်လည်း လနတ်သား၏ စကားလုံးများက နတ်ဆိုးများ၏ စိတ်ဓာတ်များကို လေးလံသွားစေသည်။

"ဘာကို ပြောချင်တာလဲ"

ရွှယ်ချီက ယွမ်ရှောင် နှင့် လနတ်သားကို နားမလည်နိုင်စွာ တစ်လှည့်စီ ကြည့်နေမိသည်။ လူသားနှင့် နတ်ဆိုး မတူညီသော်လည်း မင်္ဂလာပွဲသရဲ ကျောပိုးထားသော ရုပ်သေးမ၏ မျက်နှာက ရုတ်တရက်​ ပြောင်းလဲသွားခဲ့သည်။

"ယွမ်ရှောင်က လနတ်သား ဖြစ်ပြီး လနတ်သားကလည်း ယွမ်ရှောင်ပဲ"

ဤစကားလုံးများကြောင့် စုဝေးနေသော နတ်ဆိုးများကို မိုးကြိုးပစ်ချခံလိုက်ရသကဲ့သို့ တုန်လှုပ်သွားကာ နတ်ဘုရားတိုက်ကြီးနှင့် နတ်ဆိုးတိုက်ကြီး၏ ပါရမီရှင် ကြယ်နှစ်ပွင့်မှာ တစ်ယောက်တည်း ဖြစ်နေခဲ့သည်။

"ကုန်းမင် သေရတာ လှည့်ဖြားခံခဲ့ရလို့ပေါ့"

ဒေါသအိုးကြီး သဘောပေါက်သွားသည်။

"လနတ်သားကို ဟွာလျန် သခင်မက ပြုစုပျိုးထောင်ခဲ့တာ မဟုတ်ဘူးလား"

ရွှယ်ချီ ၏ အသံ တုန်ရီနေသည်။

"ရှင်းလင်းချက် တစ်ခုတည်းသာ ရှိတယ်။ ဟွာလျန် သခင်မ လိမ်ညာခဲ့တာ ဖြစ်ရမယ်။ ဒီခွေးမ"

အရိုးလေးက ဟိန်းဟောက်သည်။ အကြံအစည်များလွန်း၍ ကောက်ကျစ်သော

ကူဧကရာဇ်ပင် ဤအလှည့်အပြောင်းကို ကြိုတင် မခန့်မှန်းနိုင်ခဲ့ပေ။ လူတစ်ဦးတည်းက အခန်းကဏ္ဍ နှစ်ခု ကစားခြင်း- လူသားလော သို့မဟုတ် နတ်ဆိုးလော၊ ဝိညာဉ်တစ်ခုတည်းဖြင့် လူသား နှင့် နတ်ဆိုး ခန္ဓာကိုယ် နှစ်ခုလုံးကို ထိန်းချုပ်ခြင်းအား မည်သူမှ မကြားဖူးခဲ့ပေ။

"ထားလိုက်တော့။ ဒီကောင်က သူဖော်ထုတ်ခံရမှာကို မကြောက်တဲ့အတွက် တစ်နာရီအတွင်း ငါတို့အားလုံးကို သတ်နိုင်လောက်တယ်"

နတ်ဆိုး အားလုံး တုန်လှုပ်သွားကြပြီး ဤ မိစ္ဆာကောင်ကို နောက်တစ်ကြိမ် လျှော့မတွက်နိုင်တော့ပေ။ တစ်ဖက်လူ စစ်မှန်သော မိစ္ဆာကောင်တစ်ကောင် ဖြစ်ပြီး အရုဏ်တက်နတ်ဧကရီထက် ပို၍ လှည့်ဖြားတတ်သည် မဟုတ်ပါလော။

"တိုက်ခိုက်ကြ

" နတ်ဆိုးတိုက်ကြီး၏ ကျန်ရှိသော ပါရမီရှင်များ ဟိန်းဟောက်ကြ၍ ထိတ်လန့်မှုကို စိတ်ပျက်အားငယ်ဖွယ် တိုက်ပွဲတစ်ခုအတွက် ဖိနှိပ်လိုက်ကြသည်။ လနတ်သားသည် အရိုးဖြူ ဝိညာဉ်၏ တောက်လောင်နေသော မီးလျှံများကို လျစ်လျူရှု၍ ဒေါသအိုးကြီးထံ ပြေးဝင်တိုက်ခိုက်သည်။

"မင်း ငါ့ကို အစွမ်းအစချင်း ယှဉ်နိုင်မယ်လို့ ထင်နေတာလား"

ဒေါသအိုးကြီးက နှာခေါင်းရှုံ့ပြီး သူ၏ စစ်မှန်သော ပုံစံအဖြစ်သို့ ပြောင်းလဲသွားကာ မီးလျှံ တောက်လောင်နေသော ဧရာမ အနက်ရောင် အိုးကြီးတစ်ခု ဖြစ်ပြီး အမြီးသုံးချောင်း မြေခွေး နတ်ဆိုးနှင့် ခန္ဓာကိုယ်ချင်း ဆောင့်တိုက်ပစ်လိုက်သည်။

ဘုန်း ဘုန်း ဘုန်း

အိုးကြီးအတွင်း၌ အနက်ရောင် ​ပျက်စီးမီးလျှံ အသက်ဝင်လာကာ ဒေါသအိုးကြီး၏ စွမ်းအား ဖြစ်ပြီး ၎င်း၏ကိုယ်ထည်မှာ သိုလှောင်နိုင်စွမ်းရှိသည်။

"သေစမ်း"

သံမဏိကဲ့သို့ ခန္ဓာကိုယ်ဖြင့် အိုးကြီးက လနတ်သားအပေါ်သို့ ဆောင့်ချ၍ မြေပြင်တွင် ဖိနှိပ်ထားကာ မရေမတွက်နိုင်သော ပျက်စီးအဆီအနှစ် မီးလျှံများကို ထွေးထုတ်လိုက်သည်။

"မင်းက ဘယ်လို မိစ္ဆာကောင်ပဲ ဖြစ်ဖြစ်၊ ဒီမီးလျှံအောက်မှာ မင်း ပြာကျသွားလိမ့်မယ်"

အခြား နတ်ဆိုးများကို ရပ်တန့်သွားစေပြီး သူတို့အနေဖြင့် လနတ်သားကို ဒေါသအိုးကြီး အရှင်လတ်လတ် မီးရှို့ရန် ကြိုးစားနေစဉ် စောင့်ဆိုင်းနေရုံပင်။ သို့သော် ခဏအကြာတွင် သူ၏ အနီရောင်မျက်လုံး ပြောပြမတတ်လောက်အောင် ကြောက်လန့်သွားကာ နာနာကျင်ကျင် အော်ဟစ်လိုက်မိသည်။

ဘုန်း ဘုန်း ဘုန်း

ဧရာမ အိုးကြီးက တရစပ် တုန်ခါပြီး ရုန်းကန်နေသော်လည်း မြေပြင်တွင် ကော်ဖြင့် ကပ်ထားသကဲ့သို့ ရွေ့လျားနိုင်ခြင်း မရှိတော့ပေ။

"ဘာတွေ ဖြစ်နေတာလဲ၊ ဒေါသအိုးကြီး"

"ငါ့ မီးလျှံတွေ မျိုချခံနေရတယ်"

အရိုးလေး၏ အမေးကို ဒေါသအိုးကြီးက စိတ်ပျက်အားငယ်စွာ အော်ဟစ်လိုက်သည်။

"ဘာလဲဟ"

နတ်ဆိုးများ နောက်တစ်ကြိမ် မင်သက်သွားစဥ် အိုးကြီးမှာ ပြောင်းပြန်အလှန်ခံလိုက်ရပြီး အဆုံးမဲ့ မီးလျှံဖြင့် တောက်လောင်နေသော အမြီးသုံးချောင်း မြေခွေး နတ်ဆိုးတစ်ကောင်က ၎င်းထိပ်တွင် ရပ်နေရင်း အရိုးလေး နှင့် အခြားနတ်ဆိုးများကို လွှမ်းမိုးနိုင်သော ဟန်ပန်ဖြင့် ငုံ့ကြည့်လာသည်။ ဧရာမအိုးကြီးမှာ အော်သံတစ်ချက်ဖြင့် အသက်ထွက်သွားခဲ့ပြီး သိုလှောင်ရာတစ်ခုထက် ဘာမှ မပိုတော့ပေ။ သံမဏိကဲ့သို့ မာကျောသော ခန္ဓာကိုယ်က လနတ်သား၏ လက်သည်းများအောက်တွင် တို့ဟူးတုံးကဲ့သို့ နုနယ်ခဲ့သည်။

ဘန်း

ဒေါသအိုးကြီးက ကြေမွ ပျက်စီး၍ ကြောက်ရွံ့မှုနှင့် ရှုပ်ထွေးမှုအကြား သေဆုံးခဲ့ရသည်။ ပျက်စီးမီးလျှံများကို တစ်ဖက်လူက ဝါးမျိုနိုင်ခြင်းမှာ နတ်ဆိုး အားလုံးအတွက် အိပ်မက်ဆိုးတစ်ခု အသက်ဝင်လာခြင်း ဖြစ်သည်။ တစ်ခဏအတွင်း၊ ကျန်ရှိသော နတ်ဆိုးတိုက်ကြီး ပါရမီရှင်များ၏ တိုက်ခိုက်လိုစိတ် သိသိသာသာ လျော့နည်းလာသည်။ လူသားတစ်ဦးအနေဖြင့် ရန်သူ၏ အရည်အချင်းက ပြိုင်ဘက်ကင်း ဖြစ်သကဲ့သို့ နတ်ဆိုးတစ်ကောင်အနေဖြင့်လည်း အလားတူပင် ဖြစ်ရာ ကြောက်စိတ်ကင်းမဲ့တတ်သော သဘာဝရှိသည့် နတ်ဆိုးများ၏ ဝိညာဉ်ကိုပင် တုန်လှုပ်သွားစေခဲ့သည်။

ကျန်တစ်ဖက်တွင် ယွမ်ရှောင်သည်ကောင်းကင် သင်္ချိုင်း ဓားဝိညာဉ်ကို ကိုင်စွဲထားပြီး မင်္ဂလာပွဲသရဲ နှင့် ရွှယ်ချီ ဦးဆောင်သော နတ်ဆိုးပါရမီရှင်များစွာထံ ပြေးဝင်တိုက်ခိုက်လိုက်သည်။

"ညီအစ်ကိုတို့၊ သတ်ကြစမ်း"

ဘုန်း

ယွမ်ရှောင်က အနက်ရောင် သားရဲလေး တစ်ကောင်ကို ပစ်လွှတ်လိုက်ရာ နတ်ဆိုးမြူခိုးအကြားတွင် ပို၍ ကြီးမားလာပြီး သေမင်း၏အရှိန်အဝါ ပတ်ဝန်းကျင်သို့ လွှမ်းခြုံသွားခဲ့သည်။ အနက်ရောင် သားရဲလေးက ကြောက်မက်ဖွယ် သတ္တဝါအဖြစ် ပြောင်းလဲသွားပြီး ၎င်း၏ ခန္ဓာကိုယ်ထက်တွင် အနက်ရောင် အကြေးခွံများဖြင့် ဖုံးလွှမ်းနေသည်။ ဦးချိုများက ၎င်း၏ ဦးခေါင်းမှ ထိုးထွက်နေပြီး မျက်လုံးများမှာ နက်ရှိုင်း၍ လျှို့ဝှက်ဆန်းကြယ်သော အပြာရောင် ဖြစ်သည်။ တုတ်ခိုင်သန်မာသော ခြေလက်အင်္ဂါများနှင့် ချွန်ထက်သော လက်သည်း၊ သွားစွယ်များဖြင့် ပြီးပြည့်စုံသော စစ်ယန္တရားတစ်ခုပမာ တူညီနေသည်။ ကြောက်မက်ဖွယ် အကောင်းဆုံးမှာ ၎င်း၏ ရင်ဘတ်တွင် အနီရောင် မျက်လုံး တစ်စုံ၊ ငါးမန်းသွားထက် ပို၍ ချွန်ထက်သော အစွယ်များနှင့် ဆူးများ ချွန်ထွက်နေသော လျှာတစ်ခု တွဲလောင်းကျနေသည့် ပါးစပ်ကြီးတစ်ခု ရှိနေခြင်းပင်။ ၎င်းက မည်သို့သော သက်ရှိမျိုးဖြစ်ကြောင်း နားမလည်နိုင်သော နတ်ဆိုးများတွင် ကြောက်စိတ်များ ဖြစ်ပေါ်လာခဲ့သည်။ ယွမ်ရှောင်၊ လနတ်သားနှင့် သားရဲလေးသည် စစ်မြေပြင်အတွင်း နတ်ဆိုးပါရမီရှင်များအတွက် အိပ်မက်ဆိုးဖြစ်နေစဥ် အစီအရင်အပြင်ဘက်ရှိ နတ်ဆိုးသန်းပေါင်းများစွာကမူ အချင်းချင်း တီးတိုးဆွေးနွေးနေကြလေသည်။

"ယွမ်ရှောင်က တစ်ယောက်တည်းဆိုတော့ နတ်ဆိုးတိုက်ကြီးရဲ့ ပါရမီရှင်တွေ အလောင်းကို ဘယ်လိုခွဲယူကြမှာလဲ"