ငွေသေတ္တာ

သက်တန့်တောင်ကြား၌ မစ်-နတ်မိမယ်နဂါးက စမ်းသပ်ခန်းထဲတွင် ငေးငိုင်လျက် ဖြစ်နေသည်။

ဟုတ်ပေသည်။ ငေးငိုင်လျက်ပင်။

အတိအကျပြောရလျှင် ၎င်းမှာ အကျင့်ဖြစ်နေသော လုပ်ရပ်တစ်ခု ဖြစ်သည်။ စမ်းသပ်ချက်များ၌ နှစ်ထောင်ပေါင်းများစွာ စိတ်နှစ်မြှုပ်ထားသော မစ်-ဇိုလာအတွက် ငေးငိုင်နေခြင်းမှာ စဉ်းစားတွေးတောခြင်း၊ အနားယူခြင်း၊ နားနေခြင်း တို့နှင့် အတူတူပင် ဖြစ်သည်။ ၎င်းမှာ ဟန်ဆောင်‌‌ငေးငိုင်ခြင်း၏ မူလဇစ်မြစ် ဖြစ်နိုင်ပေသည်။

သို့သော်လည်း ယခု သူ ငေးငိုင်နေခြင်းမှာ စဉ်းစားတွေးတောခြင်းလည်းမဟုတ်၊ အနားယူနေခြင်းလည်း မဟုတ်ဘဲ အမှန်တကယ် ငေးငိုင်နေခြင်း ဖြစ်သည်။

အကောင်တစ်ကောင် ထွက်သွားပြီးနောက် မစ်-နတ်မိမယ်နဂါးသည် ၂လကြာ ထိုကဲ့သို့ ခဏခဏ ငေးငိုင်နေတတ်သည်။ တစ်ခါတစ်ရံ၌ သူသည် စမ်းသပ်ချက် အပေါ်၌ပင် အာရုံမစိုက်နိုင်ပေ။

ယနေ့တွင် သူသည် အသီနာ၊ ခီရာတို့နှင့်အတူ တိုက်ပွဲဘောလုံးပွဲ သွားမကြည့်ခဲ့ဘဲ ငေးငိုင်ရန်အတွက် ဥယျာဉ်၏ နေရာလွတ်လမ်းကြောင်းမှတစ်ဆင့် သက်တန့် တောင်ကြားသို့ ပြန်ရောက်လာခဲ့သည်။

( အဲဒီကောင် မရှိတော့ စမ်းသပ်ချက်တွေက ပိုခက်သွားသလိုပဲ.....)

( သူလုပ်ပေးတဲ့ ငါးစွပ်ပြုတ်ကို ငါ တကယ် စားချင်တယ်.... )

( အဲဒီ အဓိပ္ပာယ်မရှိတဲ့ ပျင်းစရာ ဇာတ်လမ်းတွေကို ငါ တကယ် နားထောင်ချင်တယ်......)

( အဲဒီနွေးထွေးတဲ့ ရင်ခွင်ကို ငါ လွမ်းမိတယ်....)

( ဟမ့်။ မသာကောင်။ သူက ငါ့ကို လာမတွေ့တာ ၂လကျော်ပြီ။ ဒါပေမဲ့ သူက အသီနာနဲ့အတူ ပြန်မလာခဲ့ဘဲနဲ့ သူ့မိတ်ဆွေတွေကို သွားတွေ့ဖို့ ရှီလန်တောင်ဆီ သွားခဲ့တယ်။ သူပြန်လာမှာကို ငါ ပျော်ပျော်ရွှင်ရွှင်နဲ့ နှုတ်ဆက်မလို့ကို။ ဒါပေမဲ့ ငါက ဘာမှမဟုတ်တာတွေအတွက် ပျော်ခဲ့မိတာပဲ။ )

ချစ်သူထက် မိတ်ဆွေကို ပို၍အရေးပေါ်သော အကောင်တစ်ကောင်အား ပြင်ဆင်ရန် မစ်-နတ်မိမယ်နဂါးက ငေးငိုင်ရင်း စဉ်းစားနေစဉ် ဘေးဖက်မှ သလင်းကျောက် စက်လုံးက အလင်းရောင်ဖျော့ဖျော့ ရုတ်တရက် တောက်ပလာ၏။ ကျူးကျော်သူလား။

ထိုအနီရောင်အစက်လေးက မှော်စက်ဝိုင်းနှင့် ထွင်းစာများထဲတွင် မယုံနိုင်စရာ အမြန်နှုန်းဖြင့် အလွယ်တကူ ရှေ့ဆက်သွားနေသည်ကို မြင်သည့်အခါ မစ်-ဇိုလာ၏ မျက်လုံးများ ရုတ်တရက် အရောင်တောက်သွားကာ သူ၏နှလုံးသား ပြင်းပြင်းထန်ထန် စတင်တုန်ခါလာသည်။ သူ၏ စိတ်ပိုင်းဆိုင်ရာ ပုံစံတစ်ခုလုံး လုံးဝ ပြောင်းလဲသွား၏။

( မသာကောင်။ နောက်ဆုံးတော့ နင် ပြန်လာပြီလား။ )

( နင့်မှာ အသိစိတ်တော့ နည်းနည်းလေး ရှိသေးတာပဲ။ ငါ့ဆီကို အရင်လာတယ်။ )

( နင်ငါ့ကို စိုးရိမ်အောင် လုပ်ခဲ့တယ်။ ငါနင့်ကို အပြစ်ပေးရမယ်။ )

အနီစက်လေးက ရုတ်တရက် နှေးကွေးသွားပြီး အတားအဆီးအချို့ကို ကြုံတွေ့ နေရဟန်တူပြီး ရပ်တန့်သွားခဲ့သည်။ မစ်-ဇိုလာက ဘဝင်ခိုက်သည့်အပြုံးမျိုး ပြုံးလိုက်သည်။ ဒါက ငါ့ရဲ့ မကြာခင်က အစီအရင်စမ်းသပ်ချက် ရလာဒ်ဖြစ်တဲ့ ၁၃ယွမ် ပြောင်းပြန်နေရာလွတ်ပဲ။ ဒီကောင်ရဲ့ ရှေးမှော်စာ အသိပညာနဲ့တောင် အချိန်တိုအတွင်း အဖြေရှာနိုင်မှာ မဟုတ်ဘူး။

( ဒါက ငါ့နင့်ကို ပေးမယ့် နှုတ်မြိန်စာပဲ။ ဒါကို ၁၀မိနစ်အတွင်း အဖြေရှာနိုင်ရင် ငါနင့်ကို ခွင့်လွှတ်ဖို့ နည်းနည်း စဉ်းစားပေးမယ်....)

၁၀မိနစ် ကျော်သွားပြီးလည်း အနီစက်လေး မရွေ့လျားသေးပေ။

( ငါနင့်ကို နောက်ဆုံး ၂နှစ်မိနစ် အချိန်ပေးမယ်...)

( နောက်ထပ် တစ်မိနစ်ပဲ....)

အနီစက်လေး မရွေ့လျားသေးပေ။ မစ်-ဇိုလာ မျက်မှောင်ကြုတ်သွားသည်။ တစ်ခုခု လွဲနေပြီ။ ဘာဖြစ်လို့လဲ။ သူက မှော်စာစွမ်းအားကြောင့် ဒဏ်ရာ ရသွားတာလား။ သူက ဒီတစ်ခေါက် အမှောင်ဒြပ်စင်စစ်တပ်နဲ့ နတ်ဆိုးအရှင်သခင်အဆင့် ၃ယောက်ကို ကြုံတွေ့ခဲ့ရတယ်လို့ ကြားတယ်။ ဒါပေမဲ့ သူက ကံကောင်းပြီး လွတ်မြောက်ခဲ့တယ်။ ဧကန္တ...သူက အဲဒီတုန်းက ဒဏ်ရာရသွားပြီးတော့ ဒဏ်ရာ‌ဟောင်းတွေက အခုမှ ပြန်ထလာတာများလား။

ထိုအကြောင်းကိုတွေးရင်း မစ်-နတ်မိမယ်နဂါး၏စိတ် ပိုမို ရှုပ်ထွေး သွားခဲ့သည်။ ထို့ပြင် သူသည် နောက်ဆုံးအကြိမ်ဆိုသည်ကိုလည်း ဂရုမစိုက်တော့ဘဲ စမ်းသပ်ခန်းမှ ချက်ချင်း ထွက်လာလိုက်တော့သည်။

၁၃ယွမ် ပြောင်းပြန်နေရာလွတ် နယ်မြေ၌ ရင်းနှီးသော ပုံရိပ်တစ်ခုက မြေပေါ်တွင် လဲကျနေသည်ကို ဇိုလာ မြင်လိုက်ရသည်။ သူ၏ မျက်လုံးများ ပိတ်နေပြီး သတိလစ်နေဟန် တူသည်။

မစ်-ဇိုလာက သတိဖြင့် ရှေ့ဆက်သွားလိုက်သော်လည်း ထိုသူ မတုံ့ပြန်သေးပေ။ သူက ထပြီး၍လည်း ဇိုလာကို ရုတ်တရက် မပွေ့ဖက်ပေ။ သူက သတိလစ်နေသလို ဟန်ဆောင်နေတာလည်း မဟုတ်ဘူး။ တကယ်ပဲ ဒဏ်ရာဟောင်းတွေ ပြန်ထလာတာ များလား။ ဇိုလာ၏နှလုံးသား ရုတ်တရက် တင်းကျပ်သွားပြီး ချန်လွေ့အနားသို့ အလျင်အမြန် ရောက်ရှိလာခဲ့သည်။

ဇိုလာ ဆောင့်ကြောင့်ထိုင်လိုက်သောအခါ ထိုသူက ရုတ်တရက် မျက်လုံးဖွင့်ပြီး မရိုးသားသော အပြုံးမျိုး ပြုံးလိုက်သည်။

သူက တကယ်ပဲ သတိလစ်နေသလို ဟန်ဆောင်နေတာပဲ။ တောက်။

မစ်-ဇိုလာ ဒေါသထွက်သွားသော်လည်း သူကို ချန်လွေ့၏ အင်အားကြီး လက်မောင်းများက ပွေ့ဖက်ထားပြီး သူ၏နှုတ်ခမ်းများကိုလည်း ပိတ်ဆို့ထားလိုက်သည်။

(မသာကောင်။ ငါ့ကိုလွှတ်။)

(နောက်ဆုံး ၁၀စက္ကန့်ပဲ။ ဒါပြီးရင် ငါနင့်ကို မီးသွေးတုံး လုပ်ပစ်မယ်။)

တစ်မိနစ် အချိန်ကုန်ဆုံးသွား၏။

(ငါနင့်ကို နောက်ဆုံး အချိန် ၅စက္ကန့် ပေးလိုက်ဦးမယ်။)

အချိန် ၅မိနစ် ကုန်ဆုံးသွားပြန်၏။

ချစ်စိတ်ပြင်းထန်သော အနမ်းက ဆက်လက် ဖြစ်ပွားနေဆဲ ဖြစ်ပြီး မိန်းမငယ်လေး၏ စိတ်ထဲ၌ လုံးဝကွက်လပ် ဖြစ်သွား၏။ သူက ဆန်ကော်နှင့် အကင်များကို မစဉ်းစားနိုင်တော့ပေ။ သူက ရံဖန်ရံခါ သတိဝင်လာပြီး သူ၏အတွေးများ ပြောင်းလဲသွားခဲ့သည်။ နင်ငါ့ကို လွှတ်ရဲရင် ငါနင့်ကို မီးသွေးတုံး လုပ်ပစ်မယ်။

ခဏကြာပြီးနောက် နှုတ်ခမ်းနှစ်စုံ တဖြည်းဖြည်း ခွဲခွာလိုက်ကြသည်။

ဇိုလာ၏ နှလုံးသားထဲရှိ အပြစ်ဒဏ် လေထဲသို့ ပျောက်ကွယ်သွားသည်မှာ ကြာပြီ ဖြစ်ပြီး သူ့ကို ချန်လွေ့က လက်မောင်းထဲ၌ တင်းတင်းကြပ်ကြပ် ပွေ့ဖက်ထားခဲ့သည်။ ဇိုလာသည် လောကထဲရှိ အနွေးထွေးဆုံးနေရာ၌ ရောက်နေသကဲ့သို့ပင် ခံစားနေရ၏။

ထိုနေရာတွင် နတ်ဆိုးအရှင်သခင်အဆင့် ပုဂ္ဂိုလ်များနှင့် နဂါးများ မရှိတော့ပေ။ ပျော်ရွှင်နေသော ယောက်ျားနှင့်မိန်းမ စုံတွဲတစ်တွဲသာ ရှိလေသည်။

“ဇိုလာ..”

“အင်း”

“ကိုယ် မင်းကို သတိရတယ်”

“အင်း....”

“မင်းသိလား။ ကိုယ်မင်းကို အမြဲတမ်း ကြောက်နေခဲ့တာ။ အခုလည်း ကြောက်နေတုန်းပဲ။”

“ဟမ်..”

“ဒီမတိုင်ခင်တော့ မင်းကိုယ့်ကို ဆန်ကော်တွေ၊ မီးသွေးတွေ လုပ်မှာကို ကြောက်နေ ခဲ့တာ။ ဒါပေမဲ့ အခုတော့....မင်း ကိုယ့်ကို ချန်ထားခဲ့မှာကိုပဲ ကြောက်တော့တယ်။”

ထိုစကားသည် ယောက်ျားလေးများ သုံးလေးရှိသော ပုံမှန် စကားချိုချိုများ ဖြစ်သော်လည်း သူ၏စိတ်ထဲရှိ ခံစားချက်အမှန်ကို ရောင်ပြန်ဟပ်နေ၏။ ထိုအချိန်၌ ကြောက်မက်ဖွယ်ရာကောင်းသော သက်တန့်တောင်ကြားသည် ချိုမြိန်ပြီး ညင်သာသော မြို့ငယ်လေးတစ်မြို့ ဖြစ်သွားခဲ့သည်။

ပါ့ဂ်လီအိုပင် ကြောက်ရွံ့သော နတ်ဆိုးဘုံ၏ ထိပ်တန်း အစွမ်းထက်ပုဂ္ဂိုလ်သည် သူ၏ သိမ်မွေ့သော မိန်းမငယ်လေးသာ ဖြစ်သည်။ သူ၏ သိမ်မွေ့မှုက ချန်လွေ့အတွက် သီးသန့်သာ ဖြစ်သည်။

“အိုး”

မစ်-နတ်မိမယ်နဂါးက ငေးငိုင်လျက် ပြန်ဖြေလိုက်သော်လည်း သူ၏ အနည်းငယ် မှေးနေသော မျက်လုံးထဲရှိ ‌ပျော်ရွှင်မှုများကို ဖုံးကွယ်ထား၍ မရခဲ့ပေ။

“ဒါနဲ့ ကိုယ်မင်းကို လက်ဆောင်တစ်ခု ယူလာပေးတယ်။” ချန်လွေ့က ခန္ဓာကိုယ်ကို မပြီး မတ်တပ်ရပ်ရန် ပြင်လိုက်သည်။ သို့သော်လည်း မစ်-နတ်မိမယ်နဂါးက သူ့အပေါ်၌ လှဲလျောင်းနေသည့်အတွက် သူ တွန့်ဆုတ်နေခဲ့သည်။

မစ်-နတ်မိမယ်နဂါးက သူ့ကိုထိုးနေသော တင်းမာမှုတစ်ခုကို ခံစားလိုက်မိပြီး နှလုံးခုန် မြန်သွားခဲ့သည်။ သူက အဲဒီအရာကို အသာလေး ညှစ်လိုက်ပြီး နှုတ်ခမ်းကိုကိုက်ကာ ညုတုတုနှင့် ပြောလိုက်သည်။ “အောက်ပိုင်းနဲ့ပဲ စဉ်းစားတဲ့ မသာကောင်။ ဒါက လက်ဆောင်လို့ ပြောလို့ရလို့လား။”

ထိုလုပ်ရပ်သည် တစ်စုံတစ်ခုကို ပို၍ပင် စိတ်လှုပ်ရှားသွားစေခဲ့သည်။ ချန်လွေ့သည် ချက်ချင်းပင် ဝံပုလွေဖြစ်သွားတော့မလို ဖြစ်သွားသည်။ သို့သော်လည်း သူ၏ စိတ်ကို ထိန်းချုပ်နိုင်သွားခဲ့သည်။ သူက ဇိုလာ၏နားထဲသို့ ကပ်လာပြီး စကားနှစ်လုံး ပြောလိုက်သည်။

“ငွေသေတ္တာလား။” ဇိုလာ အံ့အားသင့်သွားပြီး ရုတ်တရက် ထလိုက်သည်။ ခုနက သူ၏မျက်လုံးထဲ၌ ချန်လွေ့သာရှိပြီး အခြားအရာများကို လုံးဝ သတိမထားမိခဲ့ပေ။ ယခုတွင် သူတို့နှင့် မနီးမဝေး၌ မြူများဖုံးလွှမ်းနေသော ရေကန်တစ်ခု ရှိနေသည်ကို သတိထားမိသွားသည်။ အတိအကျပြောရလျှင် ၎င်းမှာ စမ်းချောင်းရေစင်တစ်ခု ဖြစ်သည်။

မြူနှင်းက အငွေ့အသက် ယဲ့ယဲ့လေး ထုတ်လွှတ်နေပြီး အသက်ဓာတ် ခံစားချက်မျိုး ပေးစွမ်းနေသည်။

“ဒါက အသက်ဓာတ်ရေစင်လား။” ဇိုလာ ချဉ်းကပ်လာပြီး ရေစင်ထဲ စိမ်ထားသော ငွေသေတ္တာကို ဖျပ်ခနဲ မြင်လိုက်သည်။ ရုတ်တရက် သူ၏ မျက်မှန်က ချစ်ချစ်တောက် ပူနေသော အလင်းရောင်နှင့်အတူ တောက်ပသွားခဲ့သည်။

ချန်လွေ့က ဇိုလာအနောက်သို့ ရောက်လာပြီး ပျော့အိသော တင်ပါးများကို ကိုင်လိုက်သည်။ ချန်လွေ့ ရယ်ရင်း ပြောသည်။ “မိန်းမလှလေး။ ကိုယ်မင်းကို ကူညီ ပေးချင်တယ်။ ကိုယ်မင်းကို ဒီကနေ ခေါ်ထုတ်သွားပေးမယ်။”

“မလုပ်နဲ့။” ဇိုလာက ချန်လွေ့၏ ကျီစယ်ခြင်းကို လျစ်လျူရှုပြီး သူ့ကို ဖမ်းကိုင်ကာ လေးလေးနက်နက် ပြောလိုက်သည်။ “အခုတော့ ဒီသေတ္တာကို အသက်ဓာတ်ရေစင်မှာပဲ သိမ်းထားလိုက်ဦး။ ပြင်ဆင်မှုတွေနဲ့ သက်ဆိုင်ရာ ကုန်ကြမ်းတွေကို ရှာတွေ့မှပဲ စမ်းသပ်မှုတွေ လုပ်လို့ရမယ်။။ ဒီမတိုင်ခင်တော့ နင် မဆင်မခြင် လုပ်လို့မရဘူး။။”

ချန်လွေ့က သိချင်စိတ်ဖြင့် မေးလိုက်သည်။ “အရင်တစ်ခေါက်တုန်းက မင်းနဲ့ ပါ့ဂ်လီအိုက ငွေသေတ္တာအတွက် နဂါးပြာနဲ့ သလင်းကျောက်နဂါးတို့ကို မတုံ့ဆိုင်းဘဲ တိုက်ခိုက်ခဲ့ကြတယ်။ နောက်တော့ ပါ့ဂ်လီအိုက ခြေတစ်လှမ်းသာသွားပြီး မင်းကို အလစ်တိုက်ခဲ့တယ်။ ပြီးတော့ အဲဒါကို လုယူသွားတယ်။ သူ့ကို နတ်ဘုရား-တစ်ပိုင်း အဆင့်ရှိတဲ့ ပုဂ္ဂိုလ်တစ်ယောက်က ရှာတွေ့သွားပြီးတော့ ချိပ်ပိတ်ခဲ့တယ်။ မင်းတို့လို နတ်ဆိုးအရှင်သခင်အဆင့် ထိပ်သီးပိုင်းတွေနဲ့ ဒဏ္ဍာရီလာ နတ်ဘုရား-တစ်ပိုင်းအဆင့် ပုဂ္ဂိုလ်တွေကို အချင်းချင်း တိုက်ခိုက်စေရအောင် အဲဒီပစ္စည်းရဲ့ လျို့ဝှက်ချက်က ဘာလဲ။ ငါ အဲဒါကို နှစ်ခေါက် ဖွင့်ခဲ့ပြီးပြီ။ အဲဒီကနေ အသက်ဓာတ်ကို စုပ်ယူတဲ့ ကြောက်စရာ ဖျက်ဆီးခြင်း အငွေ့အသက်ကို ထုတ်လွှတ်ပေးမယ်။ ပြီးတော့ တော်ဝင်မိသားစုတွေကို ဖိနှိပ်နိုင်တဲ့ သက်ရောက်မှုလည်း ရှိတဲ့ပုံပဲ။”

ချန်လွေ့သည် ယခင်က အသံတိတိတ်ညစိမ့်မြေ၌ ငွေသေတ္တာကို ဖွင့်ခဲ့ဖူးသည်။ ပထမတစ်ကြိမ်၌ ဂူရာဒန်၏ လှည့်ကွက်ထဲသို့ သူ ရောက်ရှိသွားခြင်းကြောင့် ဖြစ်သည်။ ကံကောင်းစွာပင် သူသည် တော်ဝင်မိသားစုဝင် မဟုတ်သည့်အတွက် လွတ်မြောက်နိုင် ခဲ့သည်။ ဒုတိယတစ်ခေါက်မှာ ဘရော့ခ်ကို ဖိနှိပ်ရန်နှင့် ဒေလီယာနှင့် ရိုမန်တို့ ထွက်ပြေးနိုင်စေရန် ဖြစ်သည်။ ‌ငွေသေတ္တာကို ပြန်လည်ရယူပြီးနောက် ချန်လွေ့သည် ပါ့ဂ်လီအို၏ သတိပေးချက်ကြောင့် ထပ်မထိတော့ပေ။ ၎င်းကို ရှီလန်တောင်ရှိ အသက်ဓာတ် ရေစင်၌ သိမ်းဆည်းထားခဲ့သည်။

“နင် အရင်က ဖွင့်ခဲ့ပြီးတော့‌ သေတ္တာအသေးလေးကိုတောင် တွေ့ခဲ့တာလား။” ဇိုလာ အံ့အားသင့် သွားခဲ့သည်။ “နင် အထဲက သေတ္တာအသေးလေးကိုတော့ မဖွင့်ခဲ့ ပါဘူးနော်။”

“မဖွင့်ခဲ့ပါဘူး။” ချန်လွေ့ ခေါင်းခါလိုက်သည်။ “ငါ အဲဒါကို ပထမဆုံး ဖွင့်တုန်းက ကြောက်စရာကောင်းတဲ့ ဖျက်ဆီးခြင်း အငွေ့အသက်တစ်ခုကို ခံစားခဲ့ရပြီးတော့ သေတော့မလို ဖြစ်သွားခဲ့တယ်။ ကံကောင်းချင်တော့ မဟာဆရာသခင်ရဲ့ အမွေအနှစ် စွမ်းအားကြောင့် အဲဒီအငွေ့အသက်ကို ငါ နည်းနည်း စုပ်ယူနိုင်ခဲ့တယ်။ အဲဒါကို နောက်ထပ် ငါ ဖွင့်လိုက်တော့ ဖျက်ဆီးခြင်းစွမ်းအားကို မခံစားရတော့ဘူး။ ဒါပေမဲ့ တော်ဝင်မိသားစုတွေအပေါ် ဖိနှိပ်မှုကတော့ ရှိနေတုန်းပဲ။”

ထိုစုပ်ယူခြင်းဆိုသည်မှာ စူပါစနစ်၏ လုပ်ဆောင်ချက်ပင် ဖြစ်ပြီး အကြောင်းရင် အချို့ကြောင့် ထိုအထူးဖျက်ဆီးခြင်း အငွေ့အသက်က ကနဦး အလီ‌ယော့သ် အခြေအနေ၏ အတွင်းနတ်ဆိုးနှင့် ပေါင်းစည်းသွားခဲ့သည်။ ၎င်းကြောင့် ပို၍စွမ်းအားကြီးပြီး ဖျက်ဆီး၍ မရသော အသူရာ မွေးဖွားလာပြီး ယနေ့ထိတိုင် သူ၏ အသိစိတ်ထဲ တည်ရှိနေခဲ့သည်။

“အဲဒါက ဖျက်ဆီးခြင်း အငွေ့အသက်ဆိုတာ သေချာလား။ ပြီးတော့ အဲဒါကို မဟာဆရာသခင်ရဲ့ အငွေ့အသက်က စုပ်ယူသွားခဲ့တာလား။” ဇိုလာ စဉ်းစားနေဟန် တူသည်။ “ဒါဆိုရင် နင် ဆက်ခံထားတဲ့ ရှေးမဟာဆရာသခင်ရဲ့ တကယ့်စွမ်းအားက နတ်ဘုရားအဆင့်ထိတောင် ရောက်‌နေလောက်တယ်......”

နတ်ဘုရားအဆင့်လား။ ဒါက ပေါက်ကရ အဆင့် မဟုတ်ဘူးလား။ ဘာလို့လဲဆို အစ်ကိုစွန်းက ဒီဘုံမှာ လုံးဝ မရှိဘူးလေ။ အမွေအနှစ်ကိုဆို ပြောမနေနဲ့တော့။ ချန်လွေ့က ခါးသက်သက် ပြုံးလိုက်ပြီးနောက် စကားလမ်းကြောင်း ပြောင်းလိုက်သည်။ “ဇိုလာ။ ငွေသေတ္တာရဲ့ တကယ့်လျို့ဝှက်ချက်ကို ပြောပြပေးနိုင်မလား။”

“နင်က သေတ္တာအသေးလေးကို မဖွင့်ခဲ့လို့ တော်သေးတာပေါ့။ မဟုတ်ရင် နင့်မှာ မဟာဆရာသခင် အမွေအနှစ်ရှိရင်တောင် အဲဒီစွမ်းအားကို မခံနိုင်ဘဲနဲ့ ပျောက်ကွယ် သွားမှာ။ အဲဒါက သာမန်စွမ်းအားအဆင့် မဟုတ်ဘူး။” ဇိုလာက လေးလေးနက်နက် ပြောသည်။ “ဒီငွေသေတ္တာထဲမှာ တားမြစ်ပစ္စည်းတစ်ခုကို ချိပ်ပိတ်ထားတယ်။ ဒီပစ္စည်းက တစ်ခုလုံးရဲ့ တစ်စိတ်တစ်ပိုင်း ဖြစ်ပေမဲ့ ဒီထဲက လျို့ဝှက်ချက်ကို အဖြေရှားပြီး နားလည်နိုင်မယ်ဆိုရင်တော့ နတ်ဘုရားလမ်းစဉ်ကို ရိပ်ခနဲ မြင်နိုင်ပြီးတော့ နတ်ဘုရား တစ်ပါးတောင် ဖြစ်လာနိုင်တယ်။”

နတ်ဘုရားတဲ့လား။ ရုတ်တရက် ချန်လွေ့ မျက်လုံးပြူးသွားခဲ့သည်။ နောက်ဆုံး၌ မည်သည့်အတွက်ကြောင့် နတ်ဆိုးအရှင်သခင်အဆင့် ထိပ်သီးပိုင်း နဂါး၄ကောင်က ထိုငွေသေတ္တာအတွက် ယှဉ်ပြိုင်နေခဲ့ကြသည့် အကြောင်းရင်းကိ သူ သဘောပေါက် သွားခဲ့သည်။ လက်စသတ်တော့ ဒီအထဲမှာရှိတဲ့ ပစ္စည်းက နတ်ဘုရားတစ်ပါး ဖြစ်လာအောင် လုပ်ပေးနိုင်တာကိုး။

နတ်ဘုရားများသည် အရာအားလုံး၏ အထက်တွင်ရှိပြီး အကန့်အသတ်မဲ့ စွမ်းအားနဲ့ သက်တမ်းတို့ ရှိကြသည်။ ရေဒြပ်စင်ဘုရင် ပြောသည့်အတိုင်းဆိုလျှင် နတ်ဘုရားများ၏ မျက်လုံးထဲ၌ သက်ရှိများအားလုံးသည် ကစားစရာများထက် မပိုပေ။

ဒီတော့ အမှောင်ဒြပ်စင်ဘုရင်နဲ့ ပါ့ဂ်လီအိုကို ချိပ်ပိတ်ခဲ့တဲ့ ပုဂ္ဂိုလ်က ဘာဖြစ်လဲ။ နတ်ဘုရားက သူတို့ကို အတွေးတစ်ချက်တည်းနဲ့ ဖျောက်ပစ်နိုင်လောက်တယ်။

နတ်ဘုရား-တစ်ပိုင်း ပုဂ္ဂိုလ်များသည် ဒဏ္ဍာရီထဲ၌ တည်ရှိကြသည်ဆိုလျှင် နတ်ဘုရားများမှာ အန္တိမ ထင်ယောင်မှား တည်ရှိမှုနှင့် ညီမျှပေသည်။ ထို မယုံနိုင်စရာ သတင်းကို ကြားရပြီးနောက် မြင့်မားပြီး ဝေးကွာသော ပုံရိပ်ယောင်သည် ရုတ်တရက်ပင် ပိုမိုယုတ္တိရှိလာကြောင်း ချန်လွေ့ ခံစားလိုက်ရသည်။ ၎င်းသည် သူ၏ လက်လှမ်းမီရာတွင် ရှိနေပုံရသည်။

__ ရှေ့က အသက်ဓာတ်ရေစင်ထဲမှာ။ ဒါက တကယ့်ကို လက်လှမ်းမီတာပဲ။

ချန်လွေ့က ငွေသေတ္တာကိုကြည့်ပြီး မေးလိုက်မိသည်။ “သေတ္တာအသေးလေးထဲမှာ ချိပ်ပိတ်ထားတဲ့ ပစ္စည်းက ဘာလဲ။”

“ဒါက ပစ္စည်း (၇)မျိုးထဲက တစ်မျိုးပါပဲ။ (၇)ခုကို ပြည့်ပြည့်စုံစုံ ပေါင်းစပ်နိုင်ရင် နတ်ဘုရားတွေတောင်.......” ဇိုလာက ရုတ်တရက် စကားရပ်လိုက်သည်။ “မင်းက ဒီအဆင့်အထိ အစွမ်းမထက်သေးဘူး။ မေးခွန်းတွေ အများကြီး မမေးနဲ့။ အာရုံလွင့်တယ်။ အရင်ဆုံး နတ်ဆိုးအရှင်သခင်အဆင့်ရောက်ဖို့ အာရုံစူးစိုက်ထား။ အဲဒီအချိန်ကျရင် ဒီပစ္စည်းကို ငါတို့တူတူ လေ့လာကြမယ်။ ဒီပစ္စည်းကို လေ့လာဖို့က ရှေးမှော်စာတွေရဲ့ အသိပညာ တော်တော်များများကို သုံးရမှာ။ ပြီးတော့ အချိန်တွေ၊ အားထုတ်မှုတွေ အများကြီး လိုအပ်တယ်။ ငါ့ရဲ့လက်ရှိ ရှေးမှော်စာ အသိပညာတွေက မလုံလောက်သေးဘူး။ ဒီကျောက်ပြားကို ငါ ဆက်ပြီးတော့ လေ့လာရမယ်။ ငါတို့ စပြီး မလေ့လာခင် ပြင်ဆင်မှုတွေအားလုံးကို လုပ်ထားရမယ်။”

နတ်ဘုရားတွေတောင်......မနာလိုမှာလား။ ဒါမှမဟုတ် ကြောက်ရွံ့ကြမှာလား။ ချန်လွေ့ သိချင်နေသော်လည်း ဇိုလာက မိမိကောင်းရန်အတွက် ပြုလုပ်နေကြောင်း သူသိသည်။ ရှီရာက လေ့ကျင့်ရေးအပေါ် မိမိ၏ အာရုံစိုက်မှုကို မထိခိုက်စေချင်ပေ။ ထို့ကြောင့် ချန်လွေ့က ချက်ချင်းပင် ခေါင်းညိတ်လိုက်သည်။

ဇိုလာက ညင်သာသော မျက်လုံးများဖြင့် ချန်လွေ့ကို ငေးကြည့်လိုက်သည်။ “အောင်မြင်ဖို့ အခွင့်အရေး ရှိမယ်ဆိုရင် နတ်ဘုရားအဆင့်အထိ ငါတို့တူတူ တက်လှမ်းချင်တယ်။ ငါတို့တွေ ထာဝရ အတူတူ နေနိုင်အောင်လို့ပေါ့။”

ချန်လွေ့က နတ်မိမယ်နဂါး၏ မျက်လုံးထဲရှိ ညင်သာမှုများကို စိုက်ကြည့်လိုက်ပြီး ပြင်းထန်သော ခံစားချက်တစ်ခု လှိမ့်တက်လာခဲ့သည်။ ပုံရိပ်တစ်ခု ရစ်ပတ်သွားပြန်ပြီး ကြမ်းပြင်ပေါ်သို့ တဖြည်းဖြည်း ကျဆင်းသွား၏။

“ဒါဆိုလည်း အဲဒီမတိုင်ခင် မင်းလိုချင်တဲ့ နောက်ထပ် “လက်ဆောင်” တစ်ခုကို ယူထားလို့ ရပါတယ်။” ယခုတွင် ချန်လွေ့သည် ဝံပုလွေ လုပ်တော့မည် ဖြစ်သည်။ သူ၏ လက်များက “မသိလိုက်ဘဲနှင့်” ဇိုလာ၏ အင်္ကျီထဲသို့ ရောက်ရှိသွားပြီး ဝိုင်းဝန်း ပြည့်ဖြိုးသော အရာနှစ်ခုကို ကစားနေလိုက်သည်။ ဇိုလာကို အရှက်မရှိထောက်ထားသော မာတောင်နေသည့် အောက်ပိုင်းအရာတစ်ခုက ပို၍ပင် စိတ်အားတက်ကြွနေလေသည်။

“နင့်ရဲ့ လက်ဆောင်စုတ်ကို ငါ မလိုချင်ပါဘူး....”

ထိုသို့ ဇိုလာ ပြောလိုက်သော်လည်း သူ၏ အစိတ်အပိုင်းတစ်ခုက စိုစွတ်သွားပြီး သူ၏ အသက်ရှူသံလည်း ပိုမိုပူလောင်လာခဲ့သည်။

“ဟွန့်။ ဒီတစ်ခေါက် အသီနာနဲ့ နင် တူတူနေရတော့ ပျော်နေမှာပဲ.....”

( ဟီးဟီး။ ဒီနေ့ ငါ နင့်ဆီက အကုန်လုံးယူပစ်မယ်။ အသီနာနဲ့ ခီရာတို့အတွက် ဘာမှ မချန်ထားပေးဘူး။)

မစ်-နတ်မိမယ်နဂါးက ထိုသို့တွေးလိုက်သည့်အခါ သူ၏ ခန္ဓာကိုယ် ပူနွေးသွားသည်။ သူက မပြောမဆိုနှင့်လှိမ့်လိုက်ပြီး ချန်လွေ့က တက်ခွထားလိုက်သည်။ သို့သော်လည်း အောက်ဘက်၌ မနေချင်သော ချန်လွေ့က သူ့ကို ဆွဲလှန်လိုက်သည်။

ချစ်ဇောဟုန်ပြင်းထန်နေကြသော ယောက်ျားနှင့် မိန်းမတို့က ဝရုန်းသုန်းကားနှင့် မြူးတူးပျော်ပါးနေကြသည်။ ချန်လွေ့ကို ဖိထားသော မစ်-နတ်မိမယ်နဂါးက ရုတ်တရက် တုံ့ပြန်လိုက်သည်။ “အိုး..သွားပြီ။ တယ်လီပို့ခုန်တဲ့ နေရာ။”

သူတို့နှစ်ယောက်က တစ်ချိန်တည်းမှာပင် နေရာလွတ် ယိုယွင်းမှုတစ်ခု ခံစားလိုက် ရသည်။ သူတို့ သတိပြန်ဝင်လာသောအခါ သက်တန့်တောင်ကြားမှ တယ်လီပို့ ခုန်ထွက်သွားပြီး ငြိမ်ဝပ်ပိပြားရေးနှင့် ဘဏ္ဍာရေး အရာရှိတို့၏ နေအိမ်ရှိ ခြံဝင်းထဲ၌ ပေါ်ထွက်လာသည်။

သူတို့ပတ်ပတ်လည်၌ အသီနာ၊ ခီရာ၊ ပါ့ဂ်လီအို နှင့် ရိုမန်တို့ ရှိနေကြသည်။ သူတို့သည် ဂိမ်းထဲမှ ပြန်လာသကဲ့သို့ပင် ဖြစ်နေသည်။ သူတို့သည် အရှေ့တွင် ရုတ်တရက် ပေါ်ထွက်လာသော ဖရိုဖရဲဖြစ်နေသည့် “ဖောက်ပြန်သူများ”ကို ကြောင်တောင်တောင် ကြည့်နေလိုက်ကြသည်။

သူတို့အခြေအနေမှာ ယောက်ျားအပေါ်တွင် မိန်းမရှိနေသည့် အနေအထား ဖြစ်သည်။ အဆိပ်နဂါးနှင့် တူလေးတို့က ထူးဆန်းသော အမူအရာများ တစ်ပြိုင်နက်တည်း ပြသလိုက်ကြပြီး အဖိခံထားရသူကို ကြည့်လိုက်သည်။ သူတို့၏ ဆိုးယုတ်သော မျက်လုံးများက လူဆိုးမ၏ မုဒိန်းကျင့်ခြင်းကို ခံနေရသော သနားစရာကောင်းလေးအား ကြည့်နေရင်း ပီတိတဖွားဖွား ဖြစ်နေကြဟန်တူသည်။

အမြဲပင် ငေးငိုင်ဟန်ဆောင်နေသည့် မစ်-နတ်မိမယ်နဂါးသည်ပင် ထိုအချိန်၌ မရှက်ဘဲ မနေနိုင်တော့ပေ။ သူက ချက်ချင်းပင် ပျောက်ကွယ်သွားပြီး အဝတ်အစား ဖရိုဖရဲ ဖြစ်နေသော ယောက်ျားတစ်ယောက်သာ ချစ်ရစ်ခဲ့သည်။

ထူးဆန်းသောအကြည့်များ၏ ဝိုင်းရံမှုကြောင့် ဒူးခေါင်းမြားထိနေသော ယောက်ျားတစ်ယောက်က ခဏတာ ရှက်သွားပြီးနောက် ပုံမှန်အတိုင်း ဟန်ဆာင်ပြီး မတ်တပ်ရပ်လိုက်သည်။ သူက တွန့်ကြေနေသော အဝတ်အသားများကို သပ်ရပ်အောင် ပြုလုပ်ပြီး မြူများဖုံးလွှမ်းနေသော ကောင်းကင်မှ လနှစ်စင်းကို ကြည့်လိုက်သည်။ မိုးရွာတော့မည်ဟု ထင်ရပေသည်။ (အက်ဆစ်မိုးများလား။)

ချန်လွေ့ ပုခုံးတွန့်ပြီး အရှက်မရှိ ပြုံးလိုက်သည်။ “အားလုံးပဲ။ ဒီနေ့ ရာသီဥတု သာယာတယ် မဟုတ်လား။”