အဆင့်တက်ပြီ! အမြူတေဖွဲ့စည်းခြင်း အလယ်ပိုင်းအဆင့်! ဂိမ်းမြေအောက်စခန်းအသစ်!

ချီမင် လျှို့ဝှက်ဆန်းကြယ်နတ်ဘုရားနည်းစနစ်ဖြစ်တဲ့ အကြားအမြင်အာရုံကို သုံးတာ ရပ်လိုက်တယ်။ သူ့ရှေ့က မြင်ကွင်း ပျောက်ကွယ်သွားတယ်။ ကောင်းကင်မူလမြို့က ကိစ္စတွေ ပြီးသွားပြီဆိုတော့ အဲဒါကို ဆက်ဂရုစိုက်ဖို့ မလိုတော့ဘူး။

နောက်တော့ သူ့ရဲ့ ပုံမှန် ကျင့်ကြံခြင်းအလေ့အကျင့်တွေဆီ ပြန်ရောက်လာတယ်။

နေ့တိုင်း မဟာရွှေအမြူတေ တာအိုကျမ်း နဲ့ ကောင်းကင်ဘုံကြယ်တာရာသုံးဆယ့်ခြောက်ပညာရပ်တို့ကို အဆ ၁၀၀,၀၀၀ မြှင့်တင်မှုနဲ့ကျင့်ကြံတယ်။ မဟာရွှေအမြူတေတာအိုကျမ်းက အဆင့်တက်ဖို့ ပိုပိုနီးစပ်လာတယ်။ ဒါပေမယ့် ကောင်းကင်ဘုံကြယ်တာရာသုံးဆယ့်ခြောက်ပညာရပ်ကို အစပြုသူအဆင့်ကိုကျွမ်းကျင်တဲ့အဆင့်ရောက်ဖို့အများကြီးလိုသေးတယ်။

ဒါ့အပြင် ချီမင်က ကောင်းကင်ဘုံကြယ်တာရာသုံးဆယ့်ခြောက်ဂူကို နေ့တိုင်း ရှင်းပြီး အဲဒီထဲကနေနည်းစနစ်တွေ၊ ရတနာတွေ၊ ဝိညာဉ်ကျောက်တုံး‌ တွေရနေတယ်။ ဒါပေမယ့် ကောင်းကင်ဘုံကြယ်တာရာသုံးဆယ့်ခြောက်ဂူက နည်းစနစ်တွေနဲ့ ရတနာတွေက အခြေခံအားဖြင့် အနည်းဆုံး တစ်ခါတော့ ပေါ်ပြီးသားတွေ ဖြစ်တယ်။

တစ်လကြာတော့ ယွမ်ဖုန်း ဂိုဏ်းကို ပြန်ရောက်လာတယ်။

နောက်တစ်နေ့မှာတော့ သူ အရင်ကတည်းက ကြိုတင်ပြင်ဆင်ထားတဲ့ ဝိညာဉ်အစားအသောက် တွေနဲ့ ဝိညာဉ်ဝိုင်ကို တိမ်ပြိုတောင်ထွတ်ကိုယူလာပြီး ချီမင်ဆီ အလည်လာတယ်။ သူ့အမူအရာက အရမ်းပျော်နေပြီး သူ့ရဲ့ စိတ်ဝိညာဥ်ကလည်း အရမ်းကိုသန့်စင်လာတယ်။

ဒါ့အပြင် သူ့ရဲ့ ကျင့်ကြံမှုအဆင့်က အခြေခံတည်ဆောက်ခြင်း အလယ်ပိုင်းအဆင့်ကို တက်သွားပြီ။

"ဆရာဦးလေး၊ ဆရာဦးလေး..."

ယွမ်ဖုန်းက ချီမင်ကို လက်ဝှေ့ယမ်းပြနေတယ်။ သူ့ရဲ့ ဖြူဖွေးတဲ့ လက်မောင်းတွေက နေရောင်အောက်မှာ ဖျော့တော့ပြီး နီနေတယ်။

"လာပြီ" ချီမင် ပြုံးလိုက်တယ်။

"ကျွန်မ စားကောင်းတာတွေ ယူလာတယ်" ယွမ်ဖုန်းက ပြုံးပြီး အော်လိုက်တယ်။

ချီမင်နဲ့ ယွမ်ဖုန်းတို့ တိမ်ပြိုဂူစံအိမ်အပြင်ဘက်မှာ စကားပြောနေကြတယ်။ ကောင်းမွန်တဲ့အစားအသောက်တွေ စားပြီး ကောင်းမွန်တဲ့ဝိညာဉ်ဝိုင်တွေ မြည်းစမ်းနေကြတယ်။ အခြေခံအားဖြင့် ယွမ်ဖုန်းက ပြောပြီး ချီမင်က နားထောင်နေတယ်။

ဒါ့အပြင် ယွမ်ဖုန်းက ကောင်းကင်မူလမြို့မှာ ဖြစ်ခဲ့တာတွေနဲ့ လမ်းတစ်လျှောက် မြင်ရကြားခဲ့ရတဲ့ အပြင်လောကအကြောင်းတွေကို အဓိက ပြောပြတယ်။ ယွမ်ဖုန်းရဲ့ ပြောပြချက်တွေကနေ ချီမင် အပြင်လောကအကြောင်းကို အကြမ်းဖျင်း နားလည်သွားတယ်။

"ဆရာဦးလေး"

ယွမ်ဖုန်း မတ်တတ်ရပ်လိုက်တယ်။ ဝိညာဉ်ဝိုင်တွေ အများကြီးသောက်ထားတာကြောင့် သူ့ရဲ့ လှပတဲ့မျက်နှာလေးက ပိုပြီး နီမြန်းနေပြီး တော်တော်လေး ဆွဲဆောင်မှုရှိတဲ့ ခံစားမှုမျိုး ပေးနေတယ်။ သူ နဖူးက လှပတဲ့ဆံပင်တွေကို သပ်တင်လိုက်တယ်။ သူ့မျက်လုံးတွေက သောက်ထားတာကြောင့် ဝေဝါးနေတယ်။ ဒါပေမယ့် သူ ချီမင်ကို ၉၀ဒီဂရီ ထိ ဦးညွှတ်ပြီး တည်ကြည်စွာ ပြောလိုက်တယ်။ "ကူညီပေးတဲ့အတွက် ကျေးဇူးပါဆရာဦးလေး။ ကျွန်မ ယွမ်ဖုန်း တစ်သက်မမေ့ပါဘူး။"

"ဒီနေ့ကစပြီး ဆရာဦးလေး စကားတစ်ခွန်းပြောရုံနဲ့ ကျွန်မ သေဘေးကြုံရမယ်ဆိုရင်တောင် မျက်တောင်တစ်ချက်မခတ်ဘဲ သွားပါ့မယ်"

" ကောင်းပါပြီ။"

ချီမင် ခေါင်းမော့ပြီး ယွမ်ဖုန်းကို ခေါင်းခေါက်လိုက်တယ်။ ယွမ်ဖုန်း ခေါင်းကိုဖိပြီး နောက်ကိုခုန်ဆုတ်သွားတဲ့အထိ နာသွားတယ်။ သူမလည်း တစ်ဝက်ကျော်ကျော် သတိပြန်ဝင်လာတယ်။ ချီမင် ပြောစရာစကားမဲ့သွားတယ်။ "မင်းက ငါ့ရဲ့ သွေးသောက်ညီအစ်ကိုကျနေတာပဲ"

"ဒီဘဲတောင်ပံတွေကို သွားကင်ချေ" ချီမင် ပြောလိုက်တယ်။

ယွမ်ဖုန်း နာနာခံခံ ခေါင်းညိတ်ပြီး ချီမင်အတွက် ချက်ပြုတ်ဖို့ စတင်တော့တယ်။

ကောင်းကင်မူလမြို့ခရီးစဉ်ပြီးနောက် ယွမ်ဖုန်းရဲ့ အကျိုးအမြတ်တွေက မနည်းဘူး။

ပထမဆုံးအနေနဲ့ ယွမ်ဖုန်းက ဦးချိုမဲ့နဂါးအနှစ်သာရကို အပြည့်အဝ စုပ်ယူပြီး ပေါင်းစပ်လိုက်တယ်။ ဒါ့အပြင် ဦးချိုမဲ့နဂါးအနှစ်သာရက ယွမ်ဖုန်းနဲ့ အံဝင်ခွင်ကျဖြစ်လို့ သူ့ရဲ့အရည်အချင်းကိုတိုးတက်လာစေတယ်။

ဝိညာဉ်အမြစ် နဲ့ ကံကြမ္မာ အပြင် သူ့ရဲ့ခန္ဓာကိုယ်၊ နားလည်မှု နဲ့ အခြေခံအားလုံး တတိယအဆင့်ကို ရောက်သွားပြီ။

သူ့ခန္ဓာကိုယ်ရေခဲပြာဝိညာဉ်ခန္ဓာကနေ နှင်းနဂါးတာအိုခန္ဓာအထိ တိုးတက်သွားတယ်။

ဒါ့အပြင် သူ့ရဲ့ ရေခဲကြာပန်း တာအိုအခြေခံက သူ့ခန္ဓာကိုယ် တိုးတက်မှုနဲ့ ဦးချိုမဲ့နဂါးအနှစ်သာရ စုပ်ယူမှုကြောင့် ဝိညာဉ်သွေးကြော ရဲ့ နဂါးချီနဲ့ ပေါင်းစပ်သွားတယ်။ အခြေအနေအမျိုးမျိုးအောက်မှာ သူ ကောင်းကင်ရဲ့ ကောင်းချီးပေးခြင်းခံရပြီး ရေခဲကြာပန်းတာအိုအခြေခံကနေ နှင်းနဂါးတာအိုအခြေခံအထိ အဆင့်တက်သွားတယ်။

ရေခဲကြာပန်း တာအိုအခြေခံက မြေကြီးတာအိုအခြေခံအမျိုးမျိုးထဲမှာ အသန်မာဆုံး ဖြစ်နေပြီ။ အခု နှင်းနဂါးတာအိုအခြေခံအထိ အဆင့်တက်သွားပြီဆိုတော့ ကောင်းကင်တာအိုအခြေခံ အဆင့်ကို နည်းနည်းလေး ရောက်လာပြီ။

ဒါတွေအပြင် ရှီကျောက်ယွမ်ရဲ့ စုဆောင်းထားတာတွေနဲ့ ရင်းမြစ်အမျိုးမျိုးလည်း ရှိသေးတယ်။

ရှီကျောက်ယွမ်က အခြေတည်ဝိညာဉ် အစောပိုင်းအဆင့် မဟာနတ်ဆိုးတစ်ကောင်ဖြစ်တယ်။ သူ ခန္ဓာကိုယ်အသစ်ယူပြီး ပြန်ကျင့်ကြံခဲ့တယ်ဆိုရင်တောင် နှစ် ၃၀၀ ကျင့်ကြံပြီးတော့အခြေတည်ဝိညာဉ် အစောပိုင်းအဆင့်ကို ပြန်ရောက်လာတယ်။ ဒါကြောင့် သူ့မှာ အရင်းအမြစ်အများကြီးတော့ မရှိဘူး။ ဒါပေမယ့် ယွမ်ဖုန်းကို တစ်ညတည်း ချမ်းသာစေဖို့ လုံလောက်တယ်။

ဒါကြောင့် သူ တစ်ညတည်း ချမ်းသာသွားတယ်။

ယွမ်ဖုန်းက ဝိညာဉ်ကျောက်တုံးတွေ အများကြီးသုံးပြီး တန်ဖိုးရှိပြီး စားလို့ကောင်းတဲ့ ဝိညာဉ်အစားအသောက် ကုန်ကြမ်းတွေနဲ့ အံ့ဖွယ် ဝိညာဉ်ဝိုင်တွေ အများကြီး ဝယ်လာတယ်။ ဒါက ချီမင်ကို ဒီနေ့ ဗိုက်ပြည့်တဲ့အထိစားသွားစေတယ်။

ညနေရောက်တော့ ယွမ်ဖုန်း မူးမူးနဲ့ တောင်ပေါ်က ဆင်းသွားတယ်။

"ကောင်းလိုက်တဲ့ဝိညာဉ်ဝိုင်ပဲ!"

ချီမင် ဝိုင်အိုးကိုကိုင်ပြီး ဝိညာဉ်ဝိုင် ပါးစပ်အပြည့်တစ်ငုံသောက်လိုက်တယ်။ သူ ကြယ်တွေစုံတဲ့ ကောင်းကင်ကို မော့ကြည့်ပြီး လက်နှစ်ဖက်ကို နောက်ပစ်ကာ တိမ်ပြိုဂူစံအိမ်ဘက် လျှောက်သွားတယ်။

ဂူစံအိမ်အပြင်ဘက်က ပိုလျှံနေတဲ့ အစားအသောက်တွေကို ဟော့ချန်ချင်းနဲ့ တခြားသူတွေ သဘာဝအတိုင်း ရှင်းလိုက်လိမ့်မယ်။

ချီမင်လက်ထဲက ဝိုင်အိုးက ရိုးရိုးဝိုင်အိုး မဟုတ်ဘူး။ ဒါက သူ ကောင်းကင်ဘုံကြယ်တာရာသုံးဆယ့်ခြောက်ဂူကို ရှင်းတုန်းက ရခဲ့တဲ့ အတော်လေးထူးခြားတဲ့ ဝိညာဉ်ပစ္စည်းတစ်ခုပဲဖြစ်တယ်။

ပစ္စည်း: ကောင်းကင်ဘုံကြယ်တာရာ ဝိုင်အိုး

မိတ်ဆက်: ကောင်းကင်ဘုံကြယ်တာရာသုံးဆယ့်ခြောက်ဂူ ဂိမ်းမြေအောက်စခန်း ထဲက နတ်ဆိုးဘုရင်သုံးဆယ့်ခြောက်ပါးထဲက တစ်ပါးဖြစ်တဲ့ နတ်ဆိုးမျောက်ဘုရင်ရဲ့ ကိုယ်ပိုင်ဝိုင်အိုးဖြစ်သည်။ ဒါက ကောင်းကင်နဲ့ မြေကြီးကနေ မွေးဖွားလာတဲ့ ဝိညာဉ်ပစ္စည်း ဖြစ်တယ်။ ဓမ္မရတနာမဟုတ်‌ပေ။ဝိုင်ကောင်းတွေအများကြီးကို သိုလှောင်ထားနိုင်ပြီး အဆင့် ၃၆ ဆင့် ခွဲထားတယ်။ အဆင့်တစ်ခုစီကဝိုင်အကောင်းစားတစ်မျိုးစီကို သိုလှောင်ထားနိုင်တယ်။ အများဆုံး ၃၆ မျိုးထိသိုလှောင်ထားနိုင်တယ်။ ဒါ့အပြင် ဝိညာဉ်ဝိုင်ရဲ့ အရသာနဲ့ အာနိသင်ကို မြှင့်တင်ပေးနိုင်တယ်။

ချီမင် တဖြည်းဖြည်း ဝိညာဉ်ဝိုင်အပေါ် စိတ်ဝင်စားလာတယ်။

သူ ဝိညာဉ်အစားအသောက်တွေကိုလည်း ကြိုက်လာတယ်။

သူ မသိစိတ်ကနေ 'ဝါသနာ' တစ်ခုကို မွေးမြူနေမိတယ်။

အချိန်တွေ ကုန်ဆုံးသွားတယ်။

ဆယ်လကြာတော့...

နောက်ဆုံး မဟာရွှေအမြူတေ တာအိုကျမ်းက အမြူတေဖွဲ့စည်းခြင်း အစောပိုင်းအဆင့်ကို အဆင့်တက်တာသုံးနှစ်တိတိ ရှိသွားပြီ။ အဆ ၁၀၀,၀၀၀ မြှင့်တင်ထားတဲ့ အခြေအနေနဲ့ သုံးနှစ်ဆက်တိုက် ကျင့်ကြံထားတယ်။

ဒီနေ့ ညနေမှာ...

တင်း!

"မဟာရွှေအမြူတေ တာအိုကျမ်းကို အဆ ၁၀၀,၀၀၀ မြှင့်တင်ထားတဲ့ အခြေအနေနဲ့ ဆက်တိုက် ကျင့်ကြံခဲ့ပါတယ်။ သင် ကောင်းကင်နဲ့ မြေကြီးရဲ့ သဘာဝ တာအိုစာလုံး တွေနဲ့ ကောင်းကင်နဲ့ မြေကြီးရဲ့ သဘာဝ မဟာတာအိုကို နားလည်ခဲ့ပါပြီ။ သင် မဟာတာအို စစ်မှန်အမှတ်အသားထွင်းထုခြင်း ခံလိုက်ရပါပြီ။ တာအိုစာလုံးတွေ လည်ပတ်လာတယ်။ကျင့်ကြံမှုအဆင့်က အမြူတေဖွဲ့စည်းခြင်း အလယ်ပိုင်းအဆင့်ကို အဆင့်တက်သွားပါပြီ။"

သတိပေးချက်တစ်ခု ပေါ်လာတယ်။

ချီမင်ရဲ့ မျက်နှာပေါ်မှာ အပြုံးတစ်ခု ပေါ်လာပြီးပြောလိုက်တယ်။ "ငါအရင်တုန်းကအဆင့်တက်ဖို့မဝေးတော့ဘူးလို့ထင်ထားတာ။ ငါတကယ်အဆင့်တက်ဖို့ကိုဒီလောက်ကြာအောင် အလိုအလျောက်ကျင့်ကြံခြင်းစနစ်ကိုသုံးရလိမ့်မယ်လို့ မထင်ထားဘူး"

ချီမင် နောက်ဆုံး အဆင့်တက်ပြီး မွေးရာပါ သန့်စင်တဲ့ မဟာတာအိုရွှေအမြူတေကိုသန့်စင်ခဲ့တာ သုံးနှစ် ရှိသွားပြီ။ သူ သုံးနှစ်ဆက်တိုက် ကျင့်ကြံခဲ့တယ်။

နေ့တိုင်း အဆ ၁၀၀,၀၀၀မြှင့်တင်ပြီးကျင့်ကြံလာတယ်။

ဒါကြောင့် ပုံမှန်အခြေအနေအောက်မှာ ချီမင်က မဟာရွှေအမြူတေ တာအိုကျမ်းကို အိပ်စက်ခြင်း၊ အနားယူခြင်းမရှိဘဲ နှစ် ၃၀၀,၀၀၀တိတိ ကျင့်ကြံခဲ့ပြီးပြီ။

ဒါက တကယ်ကို မယုံနိုင်စရာပဲ။

တနည်းအားဖြင့်ပြောရရင် မဟာရွှေအမြူတေ တာအိုကျမ်းက ချီမင်လိုလူမျိူး လုံးဝ ကျင့်ကြံလို့ရတဲ့ ကျမ်းမျိုး မဟုတ်ဘူး။ ဒါကမွေးရာပါကောင်းကင်ဘုံနတ်ဆိုးတွေနဲ့တူတဲ့သူတွေ ပိုင်ဆိုင်နိုင်တဲ့ မဟာတာအိုကျမ်းပဲ။ ဒါက ထူးခြားတဲ့ သက်ရှိတွေပဲ ကျင့်ကြံနိုင်တယ်။

ဒါပေမယ့် ချီမင် အောင်မြင်ခဲ့တယ်။

သူ အလိုအလျောက်ကျင့်ကြံခြင်းစနစ်ကို အမာခံသုံးပြီး ကျင့်ကြံပြီး အဆင့်တက်ခဲ့တယ်။

ဘုန်း! ဘုန်း!

နောက်တစ်ခဏမှာ စိတ်ထဲက တွေးလိုက်တာနဲ့ ချီမင်ဟာ မယှဉ်နိုင်လောက်အောင် နက်နဲတဲ့အခြေအနေတစ်ခုထဲ ဝင်ရောက်သွားပါတယ်။ ဒီအခြေအနေထဲမှာ ချီမင်ဟာ မဟာရွှေအမြူတေ တာအိုကျမ်းရဲ့ နက်နဲမှုတွေကို ခံစားရပြီး အဲဒီထဲမှာ ပါဝင်တဲ့ တာအိုနဲ့ အကြောင်းအရာတွေကို နားလည်သွားတယ်။

မဟာရွှေအမြူတေ တာအိုကျမ်းနဲ့ ပတ်သက်တဲ့ နားလည်မှု အမျိုးမျိုး သူ့စိတ်ထဲကို တိုးဝင်လာတယ်။

ဒီနားလည်မှုတွေ၊ ဒီနက်နဲမှုတွေ၊ ဒီတာအိုတွေ၊ အမှန်တရားတွေ အားလုံး မွေးရာပါ သန့်စင်တဲ့ မဟာတာအိုရွှေအမြူတေပေါ်မှာ ထွင်းထုခြင်းခံရပြီး ပြိုင်ဘက်ကင်းပြီးသဏ္ဍာန်မရှိတဲ့ မဟာတာအို စစ်မှန်အမှတ်အသားတွေ ဖြစ်ပေါ်လာတယ်။

သူ့ရဲ့ ဒန်ထျန်းကလည်းမွေးရာပါသန့်စင်တဲ့မဟာတာအိုရွှေအမြူတေရဲ့ သက်ရောက်မှုကိုခံလိုက်ရတယ်။

ဆယ့်နှစ်လွှာ သောင်းပြောင်းကြာပန်းစိမ်းပေါ်မှာ မှေးမိန်တဲ့ ပုံစံတစ်ခု ပေါ်လာတယ်။ ဒီပုံစံတွေထဲမှာ နက်နဲတဲ့ ဓားတာအိုစာလုံးတွေပါဝင်တယ်။ ဒါတွေက ဓားတာအို စစ်မှန်အမှတ်အသားတွေဖြစ်တယ်။

ချီမင် ဓားတာအိုအပေါ် နားလည်မှုက အမြန်ဆုံး တိုးတက်လာတယ်။

ဒါက အရမ်းကို ချဲ့ကားပြောနိုင်တဲ့အဆင့်ကို ရောက်သွားပြီ။

အဲ့ဒါတွေအပြင် သောင်းပြောင်းကြာပန်းစိမ်း ဓားသန္ဓေ သား ကမ္ဘာဖျက်ဆီးဓားနဲ့ ဓားတောင်ဖြစ်တဲ့သူ့ရဲ့ကိုယ်ပိုင်လက်နက်သုံးခုကမယှဉ်နိုင်လောက်အောင် နက်နဲတဲ့ မဟာတာအို စစ်မှန်အမှတ်အသားတွေနဲ့ ပေါင်းစပ်ပြီး ထွင်းထုခြင်းခံလိုက်ရတယ်။

ဒီနှစ်တွေအတွင်း ချီမင် ရင်းမြစ်အများကြီး အကုန်ခံခဲ့ရတယ်။ ဒါ့အပြင်အမြူတေဖွဲ့စည်းခြင်း လက်နက်ကပ်‌ဘေးဒုက္ခအဆင့် လက်နက်သန့်စင်သူဖြစ်တဲ့သူ့ရဲ့ စွမ်းရည်နဲ့ ပေါင်းစပ်လိုက်တော့ သူ့ရဲ့ကိုယ်ပိုင်လက်နက် သုံးခုကိုထိပ်တန်းအဆင့်အမြူတေဖွဲ့စည်းခြင်းအဆင့်ထိမြှင့်တင်ပြီးတာကြာပြီဖြစ်တယ်။

သူတို့ရဲ့ စွမ်းအားက အရမ်းထူးခြားတယ်။

ချီမင် အတိအကျ ဘယ်လောက်စွမ်းအားရှိလဲ မသိသေးဘူး။ အဲဒါကို စမ်းသပ်ဖို့ အစွမ်းထက်တဲ့ ပြိုင်ဘက်တစ်ယောက် လိုတယ်။ ဒါပေမယ့် ချီမင်က အခြေခံအားဖြင့် တိမ်ပြိုဂူစံအိမ်မှာပဲ နေပြီး ကျင့်ကြံနေတယ်။ တကယ်ကို အစွမ်းထက်တဲ့ ရန်သူ ဒါမှမဟုတ် ဘယ်ပြိုင်ဘက်ကိုမှမတွေ့နိုင်ဘူး။

ချီမင် ရုတ်တရက်အရင်တုန်းကရပြီး သိပ်ဂရုမစိုက်ခဲ့တဲ့ ဝိညာဉ်သားရဲဖြစ်တဲ့နှင်းမြူပုံဆောင်ခဲအပျိုစင်ကို သတိရလိုက်တယ်။ သူ ရေရွတ်လိုက်တယ်။ "နှင်းမြူပုံဆောင်ခဲအပျိုစင်က ဝိညာဉ်သားရဲနေရာမှာ ဒီလောက်ကြာအောင် ကြီးထွားလာပြီးပြီ။ ငါကလည်း ဝိညာဉ်ကျောက်တုံးတွေ မကြာခဏ သုံးစွဲတာကြောင့် သူ သူ့ကြီးထွားမှု အဆုံးအထိ ရောက်သင့်နေပြီ"

"သူ့ရဲ့ ကျင့်ကြံမှုအဆင့်က အခြေတည်ဝိညာဉ်အဆင့် နောက်ပိုင်းမှာပဲ"

"နှင်းမြူပုံဆောင်ခဲအပျိုစင်ကို စမ်းသပ်ခိုင်းလို့ရတယ်" ချီမင် စိတ်ထဲက တွေးလိုက်တယ်။

နှင်းမြူပုံဆောင်ခဲအပျိုစင်ကအခြေခံတည်ဆောက်ခြင်းအဆင့်၊ အမြူတေဖွဲ့စည်းခြင်းအဆင့်၊ အခြေတည်ဝိညာဉ်အဆင့်တို့ကို အဆင့်တက်တဲ့အခါ မတူညီတဲ့အဆင့်တွေနဲ့ ကိုက်ညီတဲ့ နတ်ဘုရားအဆင့်သိုင်းနည်းစနစ်သုံးခု ရခဲ့တယ်။ နတ်ဘုရားအဆင့်သိုင်းနည်းစနစ်တိုင်းက အရမ်းအစွမ်းထက်တယ်။

"ထွက်လာ"

ဘူဇ်!

ချီမင်ညာဘက်လက်ကိုဝှေ့ယမ်းပြီးနှင်းမြူပုံဆောင်ခဲအပျိုစင်ကို ဝိညာဉ်သားရဲနေရာကနေ ခေါ်ထုတ်လိုက်တယ်။ သူ့ရှေ့မှာ အဖြူရောင်အလင်းလက်သွားပြီး မြူနှင်းပုံဆောင်ခဲအပျိုစင် ပေါ်လာတယ်။ ပတ်ဝန်းကျင် အပူချိန် ချက်ချင်း သိသိသာသာ ကျဆင်းသွားတယ်။

"နှင်းမြူပုံဆောင်ခဲအပျိုစင်က သခင့်ကို နှုတ်ဆက်ပါတယ်"

နှင်းမြူပုံဆောင်ခဲအပျိုစင် အခြေတည်ဝိညာဉ်အဆင့် နောက်ပိုင်းရောက်ပြီးနောက် ချစ်စရာကောင်းပြီး ကိုယ်လုံးသေးတဲ့ ကောင်မလေးပုံစံ မရှိတော့ဘူး။ အဲ့ဒီအစား ပိန်သွယ်ပြီး ကျော့ရှင်းတဲ့ပုံစံ ဖြစ်လာတယ်။ သူ ရေခဲပြာရောင် ဂါဝန်ဝတ်ထားပြီး လှပတဲ့ပုံ လေးဖြစ်လာတယ်။ သူ့မျက်နှာသွင်ပြင်ကထူးကဲပြီး ကောင်းမွန်လှတယ်။ သူ့ရဲ့ ကျောက်စိမ်းလို ခြေထောက်တွေက ဖြောင့်တန်းပြီး သွယ်လျနေတာကပြီးပြည့်စုံတဲ့ အနုပညာလက်ရာတစ်ခုလိုပဲ။

နှင်းမြူပုံဆောင်ခဲအပျိုစင်ရဲ့ လှပတဲ့ရုပ်ရည်က ချီမင်ကို သဘာဝမကျတဲ့ ခံစားမှု ပေးတယ်။

ဒီခံစားချက်ကို ဖော်ပြရမယ်ဆိုရင်...

ပလတ်စတစ်ဆာဂျရီ လုပ်ထားတဲ့ လှပတဲ့ နာမည်ကြီးတွေနဲ့ အတူတူပဲ။

တကယ်တော့ လှတယ်။

ဒါပေမယ့် သဘာဝမကျပဲ၊ လိုက်ဖက်မှုမရှိဘူး။

ချီမင် ခေါင်းညိတ်ပြီး ပြောလိုက်တယ်။ "နောက်မှ ငါ့ရဲ့ ကိုယ်ပိုင်လက်နက် သုံးခုရဲ့ စွမ်းအားကို စမ်းသပ်ကြည့်ပြီး အခြေတည်ဝိညာဉ်အဆင့်ကို ဒဏ်ရာရစေနိုင်လား ကြည့်ရအောင်"

နှင်းမြူပုံဆောင်ခဲအပျိုစင်ကနာနာခံခံခေါင်းညိတ်လိုက်တယ်။

တင်း!

"လက်ခံသူရဲ့ ကျင့်ကြံမှုအဆင့်ဟာ အမြူတေဖွဲ့စည်းခြင်း အလယ်ပိုင်းအဆင့်ကို အဆင့်တက်သွားတာကိုတွေ့ရှိရပါတယ်။ အမြူတေဖွဲ့စည်းခြင်း အစောပိုင်းအဆင့် ဂိမ်းမြေအောက်စခန်းဖြစ်တဲ့ ကောင်းကင်ဘုံကြယ်တာရာသုံးဆယ့်ခြောက်ဂူကို ရှင်းလင်းခြင်းအတွက် ဆုလာဘ်ဟာ အလွန်အမင်းလျှော့ချခံလိုက်ရပါပြီ။ သင် အလယ်အလတ်အဆင့်ဝိညာဉ်ကျောက်တုံး ၁၀,၀၀၀ သုံးပြီး ဂိမ်းမြေအောက်စခန်းအသစ်ကို ဖွင့်နိုင်ပါတယ်"

"အလယ်အလတ်အဆင့်ဝိညာဉ်ကျောက်တုံး ၁၀,၀၀၀ သုံးပြီး ဂိမ်းမြေအောက်စခန်းအသစ်ကို အသက်သွင်းပါ" ချီမင် ပြောလိုက်တယ်။

တင်း!

"ဂိမ်းမြေအောက်စခန်းအသစ် အောင်မြင်စွာ အသက်သွင်းပြီးပါပြီ!"

"အမြူတေဖွဲ့စည်းခြင်း အလယ်ပိုင်းအဆင့် ဂိမ်းမြေအောက်စခန်း: အရုဏ်ဦးဘုရားကျောင်းကို ဝင်ရောက်နိုင်ပါပြီ"

သတိပေးချက်တစ်ခု ပေါ်လာတယ်။

"ဝင်မယ်"

ချီမင်ရဲ့ မျက်လုံးတွေ တောက်ပလာတယ်။

ဘွန်း!

ချက်ချင်းပဲ ချီမင်ရှေ့မှာ အရုဏ်ဦးဘုရားကျောင်းနဲ့ သက်ဆိုင်တဲ့ အချက်အလက်တွေ ပေါ်လာတယ်။ အဲ့ဒါတွေအပြင် ဒီကမ္ဘာကြီးရဲ့ ကြီးမားတဲ့နောက်ခံအကြောင်းအရာ ဖော်ပြချက်တစ်ခုလည်း ပေါ်လာတယ်။

ဒါက ရှုပ်ထွေးတဲ့ ယုံကြည်မှုတွေရှိတဲ့ ကမ္ဘာတစ်ခုဖြစ်တယ်။

ဒါက တကယ့်အမှန်တရားနဲ့ အဓိပ္ပါယ်မရှိမှုပေါင်းစပ်နေတဲ့ ကမ္ဘာတစ်ခုဖြစ်တယ်။

ဒါက စစ်မှန်တဲ့နတ်ဘုရားတွေရှိနေတဲ့ ကမ္ဘာတစ်ခုဖြစ်တယ်။

ဒါက အလင်းနဲ့ အမှောင် ရဲ့ ကမ္ဘာတစ်ခုဖြစ်တယ်။

...

အရုဏ်ဦးဘုရားကျောင်းမှာ လူတွေဟာ အရုဏ်ဦးနဲ့ မျှော်လင့်ချက်နတ်ဘုရားကို ကိုးကွယ်ကြတယ်။ ဒါက မှောင်မိုက်တဲ့အတိတ်ရဲ့ အရုဏ်ဦး၊ အနက်ရှိုင်း‌ဆုံးစိတ်ပျက်အားငယ်မှုကနေ ပေါ်ထွက်လာတဲ့ မျှော်လင့်ချက်အလင်း၊ မှောင်မိုက်တဲ့ညရဲ့ အရုဏ်ဦးအလင်း၊ သက်ရှိအားလုံးရဲ့ မျှော်လင့်ချက်နဲ့ အလင်းရောင်၊ သက်ရှိအားလုံး မျှော်လင့်တဲရှင်သန်ခြင်း ရောင်ခြည် ါတွေကို ကိုယ်စားပြုတယ်။

ဒါပေမယ့်...

အမှန်တရားနဲ့ အဓိပ္ပါယ်မရှိမှုတို့ ပေါင်းစပ်ခြင်းနဲ့အတူ ယုံကြည်မှုတွေ ရှုပ်ထွေးနေတဲ့ ဒီကမ္ဘာမှာ အလင်းနဲ့ အမှောင်က အတူတူ ရှိနေတယ်။

အရုဏ်ဦးနဲ့ မျှော်လင့်ချက် ဘုရားက သူပဲ၊ အရုဏ်ဦးနဲ့ ညနေဆည်းဆာ နတ်ဘုရားက သူပဲ၊ အမှောင်နဲ့ စိတ်ပျက်အားငယ်မှု နတ်ဘုရားက သူပဲ၊ ထာဝရညနဲ့ ဆည်းဆာ နတ်ဘုရားက သူပဲ...

နတ်ဘုရားကျိန်ဆဲပွဲကစတင်လာပြီ။

အိုကြီးမြတ်လှတဲ့ကယ်တင်ရှင် ဒီကပ်ဘေးအန္တရာယ်ကို ကျေးဇူးပြုပြီး ဖြေရှင်းပေးပါ...