ဝိညာဉ်သားရဲ ဆင့်ကဲပြောင်းလဲခြင်း

ဒီနောက်ပိုင်းကာလမှာ ချီမင်က တိမ်ပြိုဂူစံအိမ် ထဲမှာပဲ အခြေခံအားဖြင့် နေခဲ့တယ်။ နေ့တိုင်း နည်းစနစ်အမျိုးမျိုးကိုကျင့်ကြံပြီး အရုဏ်ဦးဘုရားကျောင်းကိုလည်းအကြိမ်ကြိမ်ရှင်းလင်းတယ်။

ဒီကာလအတွင်း ချီမင် ပစ္စည်းအများကြီး ရခဲ့တယ်။

ဘာလို့လဲဆိုတော့ လုချင်းယန် တံခါးပိတ်ကျင့်ကြံခြင်းကနေ ထွက်လာပြီး အဆင့်ချိုးဖြတ်ပြီးသွားပြီ။ ဒါကြောင့် သူ ရှောင်ဖန်းနဲ့ ယွမ်ဖုန်းကို တရားဝင် သင်ကြားလို့ ရပြီ။ ဒါပေမဲ့ သူတို့ ကျင့်ကြံခြင်းနဲ့ အခြေခံတွေက အရမ်းပြည့်စုံနေတာကို တွေ့တော့ တော်တော်အံ့အားသင့်သွားတယ်။

အကြောင်းရင်း မေးကြည့်တော့ ချီမင်ရဲ့ လမ်းညွှန်မှု ရထားတာကို သိလိုက်ရတယ်။

သူမလည်း နောက်ဆုံးတော့ နားလည်သွားတယ်။

အချိန်တွေ ကုန်လွန်သွားတယ်။

တစ်နှစ်အကြာမှာ...

ဘုန်း!

ချီမင် တင်ပျဉ်ခွေ ထိုင်နေတယ်။ သူ့ကိုယ်ထဲက အရာအမျိုးမျိုးကို သူ ခံစားမိနေတယ်။ တာအိုစာလုံးတွေ လည်ပတ်နေပြီး သူ့ခန္ဓာကိုယ် ပတ်ပတ်လည်မှာပြိုင်ဘက်ကင်း တာအိုစာလုံးပုံစံလမ်းကြောင်းတစ်ခု ရှိနေလို့ သူ့ကို ပိုပြီးတောင် ဆန်းကြယ်သွားစေတယ်။

ဒါပေမဲ့ တစ်နှစ်ကြာ ကျင့်ကြံပြီးနောက်မှာတောင် ချီမင်အဆင့်မချိုးဖြတ်ဘူး။ ကောင်းကင်ဘုံကြယ်တာရာ သုံးဆယ့်ခြောက်ပညာရပ်ရဲ့ ပြောင်းလဲမှုကလည်း သိပ်မကြီးဘူး။ ဘာလို့လဲဆိုတော့ မဟာနတ်ဘုရားစွမ်းအင်က ကျင့်ကြံဖို့ တကယ်ပဲ အရမ်းခက်တယ်။

ချီမင် တခြားနည်းစနစ်အများကြီးကို ကျွမ်းကျင်ပြီးသွားပြီ။

သူက အရာရာကို တတ်မြောက်တဲ့တန်ခိုးရှင် တစ်ပါး လိုဖြစ်လာတယ်။ အရာရာတိုင်းကို သိသလို အရမ်းလည်း ကျွမ်းကျင်တယ်။ လက်ရှိကျင့်ကြံခြင်းအဆင့်ရဲ့ အမြင့်ဆုံးကို သူ ရောက်နေပြီ။

ဒါ့အပြင် ချီမင်က နေ့တိုင်း အလိုအလျောက်ကျင့်ကြံခြင်း လုပ်ဖို့ ဝိညာဉ်ကျောက်တုံး အမြောက်အများ အသုံးပြုရပေမဲ့ သူ့ဆီမှာရှိတဲ့ ဝိညာဉ်ကျောက်တုံး အရေအတွက် မလျော့ကျတဲ့အပြင် တိုးတောင်လာတယ်။ အကုန် အသုံးပြုလို့ မကုန်နိုင်တာကိုလည်း တွေ့လိုက်ရတယ်။

ဝိညာဉ်ကျောက်တုံးအတွက် စိတ်ပူစရာ မလိုတော့ဘူး။

တင်း!

“သင် ‘အရုဏ်ဦးဘုရားကျောင်း’ ရဲ့ ဂိမ်းမြေအောက်စခန်းမှာ တစ်ရက်ကြာ အလိုအလျောက်ရှင်းလင်းခဲ့ပါတယ်။သင် တစ်ကြိမ် ရှင်းလင်းပြီးပါပြီ။သင်အနက်ရောင်အရုဏ်ဦးလင်းနို့ သွေးမျိုးဆက်သလင်းကျောက်နဲ့အလယ်အလတ်အဆင့် ဝိညာဉ်ကျောက်တုံး ၁ သန်းရရှိပါတယ်။”

ပစ္စည်း: သွေးမျိုးဆက်သလင်း‌ကျောက်အနက်ရောင်အရုဏ်ဦးလင်းနို့။

မိတ်ဆက်: ‘အနက်ရောင်အရုဏ်ဦးလင်းနို့’ ဟာ အရုဏ်ဦးနတ်ဘုရားက ကောင်းချီးပေးထားတဲ့ နတ်ဘုရား လင်းနို့ တစ်ကောင်ဖြစ်တယ်။ မွေးရာပါ အရုဏ်ဦးစွမ်းအင်ကို ပိုင်ဆိုင်ပါတယ်။ ဒါပေမဲ့ သူ့‌ သွေးမျိုးဆက်နက်နက်ရှိုင်းရှိုင်းထဲမှာကျဆုံးဆည်းဆာ သွေးမျိုးဆက်ကိုဝှက်ထားပါတယ်။ ဒီ‌ သွေးမျိုးဆက်သလင်းကျောက်နဲ့ပေါင်းစပ်ပြီးနောက် အနက်ရောင်အရုဏ်ဦးလင်းနို့အဖြစ် ပြောင်းလဲနိုင်ပါတယ်။

“ဒါ မဆိုးဘူးပဲ။”

ချီမင် မျက်လုံးတွေ အရောင်တောက်သွားပြီး ချက်ချင်းပဲ မဟာနတ်ဆိုးလင်းနိ့ကိိုခေါ်လိုက်တယ်။

အစက မဟာနတ်ဆိုးလင်းနို့က ချီမင်ကို ရန်သူနဲ့ အန္တရာယ်တွေကို ဖြေရှင်းရာမှာ ကူညီခဲ့ဖူးတယ်။ အခုတော့ မဟာနတ်ဆိုးလင်းနို့ရဲ့ ကျင့်ကြံခြင်းနဲ့ ခွန်အားက လိုက်မမီတော့ဘူး။ လုံးဝ အသုံးမဝင်တဲ့ သားရဲ ဖြစ်သွားပြီး ကြည့်လို့တောင် မကောင်းတော့ဘူး။

“မဟာနတ်ဆိုးလင်းနို့။” ချီမင် ချောင်းနည်းနည်း ဆိုးပြီး ပြောတယ်၊ “မင်းကို ပြောင်းလဲဖို့ အချိန်တန်ပြီ။”

ဖျပ်!

စိတ်ထဲကနေ တွေးလိုက်တာနဲ့ ချီမင်က အနက်ရောင်အရုဏ်ဦးလင်းနို့ရဲ့ သွေးမျိုးဆက်သလင်းကျောက်ကို ထုတ်လိုက်တယ်။ သူ့ညာဘက်လက်ဖဝါးမှာ ကြည်လင်တဲ့ သွေးရောင်သလင်းကျောက်တစ်ခု‌ ပေါ်လာတယ်။

စိန်ပုံသဏ္ဌာန် ရှိပြီး လုံးဝ သွေးနီရောင်ပဲ။

အလယ်မှာ အထူးလင်းနို့ရဲ့ မှိန်ဖျော့ဖျော့ ပုံရိပ်တစ်ခု ရှိနေတယ်။

မဟာနတ်ဆိုးလင်းနို့ စိတ်လှုပ်ရှားနေတယ်။ မကြီးလာသေးဘူး။ လက်ဖဝါး အရွယ်ပဲ ရှိသေးတယ်။ သွေးမျိုးဆက်သလင်းကျောက်အနက်ရောင်အရုဏ်ဦးလင်းနို့နားကို ပတ်ပတ်လည် ပျံဝဲနေတယ်။

“စိတ်လျှော့။” ချီမင် ပြောတယ်၊ “ဒါ မင်းဟာ ဖြစ်တော့မယ်။”

“ဒါကိုသုံးလိုက်။”ချီမင်ပြောလိုက်တယ် “ပေါင်းစပ်။”

ဘုန်း!

ချက်ချင်းပဲ သွေးမျိုးဆက်သလင်းကျောက် - အနက်ရောင်အရုဏ်ဦးလင်းနို့က သွေးရောင်စီးကြောင်းလေးအဖြစ် ပြောင်းလဲသွားပြီး မဟာနတ်ဆိုးလင်းနို့ဆီ ပြေးဝင်သွားကာ သူ့ကိုယ်ထဲ ပေါင်းစပ်သွားတယ်။

မဟာနတ်ဆိုးလင်းနို့ရဲ့ တစ်ကိုယ်လုံး အနီရောင်အလင်း ထွက်လာတယ်။

ဖျပ်!

မဟာနတ်ဆိုးလင်းနို့ ကပထမ ဝိညာဉ်သားရဲ အကွက် ထဲ ဝင်သွားတယ်။

တင်း!

“ဝိညာဉ်သားရဲ: မဟာနတ်ဆိုးလင်းနို့က မျိုးဆက်သလင်း‌ကျောက်အနက်ရောင်အရုဏ်ဦးလင်းနို့နဲ့ လုံးဝ ပေါင်းစပ်နေပါတယ်။ ပေါင်းစပ်မှု အရှိန်နဲ့ အောင်မြင်နှုန်း တိုးမြှင့်ဖို့ ဝိညာဉ်ကျောက်တုံး ထည့်သွင်းနိုင်ပါတယ်။”

အသိပေးချက် ပေါ်လာတယ်။

“အဆင့်နိမ့် ဝိညာဉ်ကျောက်တုံး ၁ သန်း ထည့်သွင်းလိုက်မယ်။” ချီမင် တိုက်ရိုက် ပြောလိုက်တယ်။

ချက်ချင်းပဲ ပေါင်းစပ်မှု ကြီးထွားနှုန်းက တိုက်ရိုက် အဆ ၁ သိန်းမြှင်တင်မှုအခြေအနေကို ရောက်ရှိသွားတယ်။

တစ်ရက်အကြာမှာ...

တင်း!

“’ဝိညာဉ်သားရဲ: မဟာနတ်ဆိုးလင်းနို့ဟာ သွေးမျိုးဆက်သလင်းကျောက် အနက်ရောင်အရုဏ်ဦးလင်းနို့နဲ့ လုံးဝ ပေါင်းစပ်ပြီးသွားပါပြီ။ သူ့‌ သွေးမျိုးဆက်ကိုအောင်မြင်စွာ ဆင့်ကဲပြောင်းလဲပြီး လက်ရွေးစင် ဝိညာဉ်သားရဲအနက်ရောင်အရုဏ်ဦးနတ်ဆိုးလင်းနို့ဖြစ်လာပါပြီ။”

အသိပေးချက် ပေါ်လာတယ်။

ဖျပ်!

ချီမင် မဟာနတ်ဆိုးလင်းနို့ကို ထုတ်လိုက်တယ်။

သူ သေချာကြည့်လိုက်တယ်။

မဟာနတ်ဆိုးလင်းနို့ရဲ့ ပုံပန်းသဏ္ဌာန် ကသိပ်မပြောင်းလဲသေးဘူး။ ဒါပေမဲ့ အတောင်ပံတွေပေါ်မှာ ညာဘက်မှာ ငွေရောင်နေ သင်္ကေတတစ်ခု ထပ်ပါလာတယ်။ ဘယ်ဘက်မှာတော့ မှိန်ဖျော့ဖျော့ လခြမ်း သင်္ကေတတစ်ခု ရှိနေတယ်။

ဝိညာဉ်သားရဲ: အနက်ရောင်အရုဏ်ဦးနတ်ဆိုးလင်းနို့။

မိတ်ဆက်: သာမန် ဝိညာဉ်သားရဲ မဟာနတ်ဆိုးလင်းနို့နဲ့ သွေးမျိုးဆက်ပုံဆောင်ခဲ - အနက်ရောင်အရုဏ်ဦးလင်းနို့တို့ ပေါင်းစပ်မှုကနေ ဆင့်ကဲပြောင်းလဲထားတဲ့ လက်ရွေးစင် ဝိညာဉ်သားရဲ။ အသံလှိုင်း၊ အရုဏ်ဦး၊ နဲ့ ဆည်းဆာ စွမ်းအင်ကို ကျွမ်းကျင်သည်။ အများဆုံး အခြေတည်ဝိညာဉ် နှောင်းပိုင်းအဆင့်အထိ ရောက်ရှိနိုင်သည်။

“မဆိုးဘူး။”

ချီမင် ကျေနပ်စွာ ခေါင်းငြိမ့်တယ်။

“အဆင့်နိမ့် ဝိညာဉ်ကျောက်တုံး ၁ သန်း ထည့်သွင်းပြီး အနက်ရောင်အရုဏ်ဦးနတ်ဆိုးလင်းနို့အတွက် အလိုအလျောက်ကျင့်ကြံခြင်း လုပ်မယ်။” ချီမင် ပြောလိုက်တယ်။

တင်း!

“ဝိညာဉ်သားရဲ: အနက်ရောင်အရုဏ်ဦးနတ်ဆိုးလင်းနို့ဟာအဆ၁သိန်းမြှင့်တင်မှုအောက်မှာ ကြီးထွားနေပါတယ်...”

အသိပေးချက် ပေါ်လာတယ်။

“ပြီးပြီ။” ချီမင် ပြောတယ်၊ “နောက်ဆိုရင်တော့ အနက်ရောင်အရုဏ်ဦးနတ်ဆိုးလင်းနို့အပြည့်အဝအရွယ်ရောက်ပြီး အခြေတည်ဝိညာဉ်နှောင်းပိုင်းအဆင့်ရောက်အောင် စောင့်ရုံပဲ။”

“အဲဒီအခါကျရင် ငါ့ဆီမှာ အခြေတည်ဝိညာဉ်အဆင့် နှောင်းပိုင်းအဆင့် ဝိညာဉ်သားရဲ နှစ်ကောင် ရှိလာပြီ။”

သွေးမိစ္ဆာနတ်ဆိုးသရဲဘုရင် နဲ့ ဟော့ချန်ချင်းကတော့...

ဟော့ချန်ချင်းက အမြင့်ဆုံးအကန့်အသတ်အထိ ကြီးထွားပြီးပြီ။ ဆင့်ကဲပြောင်းလဲဖို့ အမွေအနှစ်အသစ် လိုအပ်တယ်။

သွေးမိစ္ဆာနတ်ဆိုးသရဲဘုရင်ကတော့အလိုအလျောက်ကျင့်ကြံခြင်း လုပ်ပြီး ဂိမ်းမြေအောက်စခန်းရှင်းလင်းပြီးနောက် သရဲအဆင့်ကို ပိုမိုကောင်းမွန်စေနိုင်တဲ့ပစ္စည်း ရလာခဲ့ရင် ချီမင် အသုံးပြုလိမ့်မယ်။

သွေးမိစ္ဆာနတ်ဆိုးသရဲဘုရင်က အမြူတေဖွဲ့စည်းခြင်းအလယ်ပိုင်းအဆင့်ကို ရောက်နေပြီ။

“ဆက်ကျင့်ကြံမယ်။”

ချီမင် အသက်ပြင်းပြင်း ရှူပြီး အပြင်လောကကို ဂရုမစိုက်တော့ဘဲ မဟာရွှေအမြူတေ တာအိုကျမ်းနဲ့ ကောင်းကင်ဘုံကြယ်တာရာ သုံးဆယ့်ခြောက်ပညာရပ်ကို လေ့လာရာမှာ အာရုံစိုက်လိုက်တယ်။

နွေအကုန် ဆောင်းရောက်လာတယ်၊ အချိန်တွေ ကုန်လွန်သွားတယ်။

နှစ်နှစ်ကြာပြီးတော့.

သွေးမိစ္ဆာနတ်ဆိုးသရဲဘုရင်ကချီမင်ဆီကပစ္စည်းကောင်း တွေကို စုပ်ယူပြီး အမြူတေဖွဲ့စည်းခြင်း နှောင်းပိုင်းအဆင့်ကို ရောက်ရှိနေပြီ။ သရဲဘုရင်တွေထဲမှာ ထိပ်ဆုံး ဖြစ်တယ်။

သွေးမိစ္ဆာနတ်ဆိုးသရဲဘုရင်က အခု သာမန်လူနဲ့ အခြေခံအားဖြင့် မခြားနားတော့ဘူး။

နောက်ဆိုရင် သွေးမိစ္ဆာနတ်ဆိုးသရဲဘုရင် ဆက်ပြီး တိုးတက်ချင်ရင်ပြင်းထန်ယင်ထဲကနေ ယန်ကို မွေးမြူပြီးပြင်းထန်ယန်အရင်းအမြစ် အစအနလေးတစ်ခု ပေါ်ပေါက်စေရမယ်။ ပြီးမှ ‘အခြေတည်ဝိညာဉ်’ ကို စုစည်းပြီးသရဲခန္ဓာကိုယ်ကို ကျင့်ကြံရမယ်။

အဲဒီအခါကျမှ သူအဆင့်ချိုးဖြတ်နိုင်လိမ့်မယ်။

ဒါပေမဲ့...

ဒီအတားအဆီးက သရဲကျင့်ကြံသူအများကြီးကို ဒုက္ခပေးတယ်။

ဖြတ်ကျော်ဖို့ အရမ်းခက်တယ်။

ချီမင်က သွေးမိစ္ဆာနတ်ဆိုးသရဲဘုရင်ကို အဖိုးတန် ရတနာအများကြီးကိုစုပ်ယူဖို့ မပေးထားခဲ့ရင် ဒီအဆင့်ကို ရောက်မှာ မဟုတ်ဘူး။

ဒါ့အပြင် အနက်ရောင်အရုဏ်ဦးနတ်ဆိုးလင်းနို့ဟာ အခြေတည်ဝိညာဉ်နှောင်းပိုင်းအဆင့်ကို အဆင့်ချိုးဖြတ်ပြီးတာကြာပြီ။သူကိုယ်ခန္ဓာရဲ့ အမြင့်ဆုံးကန့်သတ်ချက်ကို ရောက်နေပြီ။ ဆက်လက် ကြီးထွားပြီး ဆင့်ကဲပြောင်းလဲဖို့ ပိုမြင့်တဲ့ အဆင့်ရှိတဲ့ သွေးမျိုးဆက်သလင်း‌ကျောက်နဲ့ ပေါင်းစပ်ဖို့ လိုအပ်တယ်။

ချီမင်က နှင်းမြူပုံဆောင်ခဲအပျိုစင်နဲ့ အနက်ရောင်အရုဏ်ဦးနတ်ဆိုးလင်းနို့ကို တိုက်ခိုက်စေတယ်။ နှစ်ဖက် ကတန်းတူဖြစ်ပြီး အနိုင်အရှုံးကအခြေခံအားဖြင့် မခြားနားဘူး။

ဟော့ချန်ချင်းက နှင်းမြူပုံဆောင်ခဲအပျိုစင်နဲ့ အနက်ရောင်အရုဏ်ဦးနတ်ဆိုးလင်းနို့တို့ တိုက်ပွဲမြင်ကွင်းကို ကြည့်ပြီး အရမ်းအားကျနေပြီး အားကောင်းချင်တဲ့ ဆန္ဒလည်း ရှိနေတယ်။

ပြန်တွေးကြည့်ရင် ဟော့ချန်ချင်းက ချီမင်လက်ထဲမှာ အားအကောင်းဆုံး ဝိညာဉ်သားရဲ ဖြစ်ခဲ့တယ်။ အခုတော့ သူ အားအနည်းဆုံး ဖြစ်နေပြီ။

ဒီကနေ သိသာတာက ဂိမ်းမြေအောက်စခန်းကနေ ရလာတဲ့ ဝိညာဉ်သားရဲတွေကပုံသေမဟုတ်ဘူး။ သူတို့ မှာကိုယ်ပိုင် စိတ်ဓာတ်နဲ့ ရည်မှန်းချက် ရှိတယ်။ ကိုယ်ပိုင် ဝိညာဉ်နဲ့ တကယ့် လွတ်လပ်တဲ့ သက်ရှိတွေ ဖြစ်တယ်။

ဒီနေ့ ညနေမှာ...

တင်း!

“သင် အရုဏ်ဦးဘုရားကျောင်းရဲ့ ဂိမ်းမြေအောက်စခန်းမှာ တစ်ရက်ကြာ အလိုအလျောက်ရှင်းလင်းခြင်းလုပ်ခဲ့ပါတယ်။သင်ဂိမ်းမြေအောက်စခန်းကို တစ်ကြိမ်ရှင်းလင်းခဲ့ပါတယ်။သင်အမွေအနှစ်သလင်းကျောက် အရုဏ်ဦးဓားသူတော်စင်ရဲ့ ဆည်းဆာကျမ်း နဲ့ အဆင့်နိမ့် ဝိညာဉ်ကျောက်တုံး ၁ သန်းရရှိပါတယ်။”

အသိပေးချက် ပေါ်လာတယ်။

“အမွေအနှစ်သလင်း‌ကျောက်။” ချီမင် မျက်လုံးတွေ အရောင်တောက်သွားတယ်၊ “ဒါ ဟော့ချန်ချင်းနဲ့ သင့်တော်တယ်။”

ပစ္စည်း: အမွေအနှစ်သလင်း‌ကျောက်- အရုဏ်ဦးဓားသူတော်စင်ရဲ့ဆည်းဆာကျမ်း။

မိတ်ဆက်: ဒါက ‘အရုဏ်ဦးနတ်ဘုရား’ ကိုယ်တိုင် ရေးသားခဲ့တဲ့ ‘နတ်ဘုရားဓားကျမ်းဖြစ်တယ်။ အရုဏ်ဦးနတ်ဘုရားရဲ့ စွမ်းအင် ပါဝင်ပါတယ်။ အရုဏ်ဦးအလင်းအောက်မှာ ဆည်းဆာစွမ်းအင်ကို လည်းပိုင်ဆိုင်ထားပါတယ်။

“ဒါပဲ။” ချီမင် ပြောလိုက်တယ်။

သူ ဟော့ချန်ချင်းကို ပြတ်ပြတ်သားသား ခေါ်လိုက်တယ်။

“သခင်။” ဟော့ချန်ချင်း ဦးညွှတ်တယ်။

ချီမင် ခေါင်းညိတ်တယ်။

ဖျပ်!

အမွေအနှစ်သလင်း‌ကျောက်- အရုဏ်ဦးဓားသူတော်စင်ရဲ့ဆည်းဆာကျမ်းကို ထုတ်လိုက်တယ်။ ထူထဲတဲ့ စာအုပ်တစ်အုပ် ပုံစံဖြစ်ပြီး သ‌လင်းကျောက်ပုံစံ မဟုတ်ဘူး။ စာအုပ်က ရှေးဟောင်းဆန်ပြီး ရိုးရှင်းတယ်။ ဒီလောကမှာ ထူးဆန်းပြီးပုံပျက်တဲ့ စွမ်းအင်လည်း မရှိဘူး။

“မင်းဟာပဲ။”

ချီမင်က စာအုပ်ကို ဟော့ချန်ချင်းဆီ ကမ်းပေးလိုက်တယ်။

“ကျေးဇူးပါ သခင်။”

ဟော့ချန်ချင်း စိတ်လှုပ်ရှားစွာ လက်ခံလိုက်တယ်။

ဘုန်း!

ချက်ချင်းပဲ အမွေအနှစ်သလင်းကျောက် - အရုဏ်ဦးဓားသူတော်စင်ရဲ့ ဆည်းဆာကျမ်းက အလင်းစီးကြောင်းအဖြစ် ပြောင်းလဲသွားပြီး ဟော့ချန်ချင်းရဲ့ ကိုယ်ထဲ ပေါင်းစပ်ဝင်သွားတယ်။ တစ်သားတည်း ပေါင်းစပ်သွားပြီး ထက်မြက်တဲ့ အစိမ်းရောင်ဓားချီမျှင်တွေ ဝိုင်းရံထားတဲ့ တောက်ပတဲ့ အလင်း ထွက်လာတယ်။

ဖျပ်!

ဟော့ချန်ချင်း ဒုတိယ ဝိညာဉ်သားရဲ နေရာထဲ ပေါင်းစပ်ပြီး ကြီးထွားဖို့ ဝင်သွားတယ်။

တင်း!

“ဝိညာဉ်သားရဲ: ရှူတောင်တပည့် ဟာ အမွေအနှစ်သလင်း‌ကျောက်- အရုဏ်ဦးဓားသူတော်စင်ရဲ့ ဆည်းဆာကျမ်းကို ပေါင်းစပ်နေစဉ် ပေါင်းစပ်မှု အရှိန်နဲ့ အောင်မြင်နှုန်း တိုးမြှင့်ဖို့ ဝိညာဉ်ကျောက်တုံး ထည့်သွင်းနိုင်ပါတယ်။”

အသိပေးချက် ပေါ်လာတယ်။

“အဆင့်နိမ့် ဝိညာဉ်ကျောက်တုံး ၁ သန်း ထည့်သွင်းလိုက်မယ်။” ချီမင် ပြောလိုက်တယ်။

ဟော့ချန်ချင်းရဲ့ ပေါင်းစပ်မှု ကြီးထွားနှုန်းက တိုက်ရိုက်အဆ၁ သိန်းမြှင့်တင်မှုအခြေအနေကို ရောက်ရှိသွားတယ်။

တစ်ရက်အကြာမှာ...

တင်း!

“ဝိညာဉ်သားရဲ: ရှူတောင်တပည့်ဟာ အမွေအနှစ်သလင်း‌ကျောက်- အရုဏ်ဦးဓားသူတော်စင်ရဲ့ ဆည်းဆာကျမ်းကို လုံးဝ ပေါင်းစပ်ပြီးပါပြီ။ ပေါင်းစပ်နေစဉ်အတွင်း မမျှော်လင့်ထားတဲ့ အပြောင်းအလဲ ရှိခဲ့ပါတယ်။ ဝိညာဉ်ကျောက်တုံး များစွာ ထည့်သွင်းထားလို့ အပြောင်းအလဲက ကောင်းတဲ့ဘက်ကို ဦးတည်သွားခဲ့ပါတယ်။”

“အမွေအနှစ် ပေါင်းစပ်မှု အောင်မြင်ပါတယ်။ ဆင့်ကဲပြောင်းလဲပြီး လက်ရွေးစင်ဝိညာဉ်သားရဲ: ရှူတောင်ရဲ့ ယင်ယန် ဓားသူတော်စင်ဖြစ်လာပါပြီ။”

အသိပေးချက် ပေါ်လာတယ်။

ချီမင် သက်ပြင်းချလိုက်တယ်။ ပေါင်းစပ်မှုမှာ မမျှော်လင့်ထားတဲ့ အခြေအနေ ဖြစ်မယ်လို့ သူ မထင်ခဲ့ဘူး။ ကံကောင်းစွာနဲ့ပဲ ဝိညာဉ်ကျောက်တုံး အလုံအလောက် ထည့်သွင်းထားခဲ့လို့ပဲ။

ဖျပ်!

ချီမင် ဟော့ချန်ချင်းကို ထုတ်လိုက်တယ်။

“သခင့်ကိုအရို အသေပြုပါတယ်။”

ဟော့ချန်ချင်းရဲ့ ပုံပန်းသဏ္ဌာန်ကများစွာ ပြောင်းလဲသွားတယ်။

သူ့တစ်ကိုယ်လုံး အမည်းနဲ့ အဖြူ အရောင်တွေအဖြစ် ပိုင်းခြားထားတယ်။ ဆံပင်၊ အသားအရေ၊ မျက်ခုံး၊ အဝတ်အစား၊ လက်ထဲကဓားအပါအဝင်ပဲ။

အလယ်ကနေစပြီး တစ်ဝက်က အမည်း တစ်ဝက်က အဖြူ ဖြစ်သွားတယ်။

ချီမင်ရဲ့ မျက်နှာအမူအရာ နည်းနည်းရှုပ်ထွေးသွားတယ်။ သူ ခေါင်းညိတ်ပြီး ဟော့ချန်ချင်းရဲ့ ပခုံးကို ပုတ်ကာ “တော်တယ်။” လို့ ပြောလိုက်တယ်။

ဝိညာဉ်သားရဲ: ရှူတောင်ရဲ့ ယင်ယန် ဓားသူတော်စင်။

မိတ်ဆက်: ရှူတောင်တပည့်တစ်ယောက်ဟာ အရုဏ်ဦးဓားသူတော်စင်ရဲ့ဆည်းဆာကျမ်း အမွေအနှစ်ကို မမျှော်လင့်ဘဲ ပေါင်းစပ်ပြီး ယင်ယန် ကောင်းကင်တာအို ရဲ့ လျှို့ဝှက်ချက်အချို့ကို နားလည်သဘောပေါက်သွားတယ်။ သူကရှုပ်ထွေးတဲ့ အမွေအနှစ်ကို ပိုင်းခြားပြီး ယင်နဲ့ ယန်အဖြစ် ပိုင်းခြားထားတယ်။ ရှူတောင်ရဲ့ ယင်ယန် ဓားကျမ်း ကိုဆက်ခံပြီး ဓားတာအိုကျမ်းရဲ့ယင်ယန် ဓားသူတော်စင် လို့ခေါ်တဲ့ လက်ရွေးစင် ဝိညာဉ်သားရဲ ဖြစ်လာတယ်။ ဓားတာအို၊ အရုဏ်ဦး၊ ဆည်းဆာ၊ နဲ့ ယင်ယန် ကောင်းကင်တာအိုရဲ့ စွမ်းအင်ကို ကျွမ်းကျင်တယ်။ အများဆုံး အခြေတည်ဝိညာဉ်နှောင်းပိုင်းအဆင့်အထိ တိုးမြှင့်နိုင်တယ်။

“မဆိုးဘူး။” ချီမင် အရမ်းကျေနပ်သွားတယ်။ “ငါ ထင်ထားတာထက် ပိုသန်မာသားပဲ။”

ဟော့ချန်ချင်းရဲ့ အမွေအနှစ် ပေါင်းစပ်နေတဲ့ဖြစ်စဉ်အတွင်း မမျှော်လင့်ထားတဲ့ အခြေအနေ ဖြစ်ခဲ့ပေမဲ့ ရလဒ်က ကောင်းတယ်။ အန္တရာယ်ရှိပေမဲ့ အန္တရာယ်မရှိဘူးလို့ ပြောလို့ရတယ်။

နောက်ဆိုရင်တော့ ချီမင်က ဝိညာဉ်ကျောက်တုံး ထည့်သွင်းပြီး ဟော့ချန်ချင်းကို ကြီးထွားစေမှာဖြစ်တယ်။

ဟော့ချန်ချင်းရဲ့ ကြီးထွားနှုန်းက နှင်းမြူပုံဆောင်ခဲအပျိုစင်နဲ့ အနက်ရောင်အရုဏ်ဦးနတ်ဆိုးလင်းနို့တို့ထက် အများကြီး ပိုနှေးတာကို သူ တွေ့သွားတယ်။ နှစ်ဖက်ရဲ့ ကြီးထွားနှုန်းက အဆများစွာ ကွာခြားတယ်။

ဒါက ဟော့ချန်ချင်းရဲ့ ကြီးထွားနိုင်စွမ်းအရမ်းမြင့်မားလို့ဖြစ်တယ်။