အမွေအနှစ်

ထိုအပေါက်မှ စစ်ကူများ ပို၍ပို၍ ဆင်းလာကြသည်။ စက်ရုပ်ကြီး ၅ရုပ်နှင့် သလင်းကျောက်နတ်ဆိုးသားရဲ ၄၀၀ခန့် ရှိပြီး မီးအိမ်တစ္ဆေ ၁၀၀ခန့် ရှိသည်။ အခြေအနေအရ ၎င်းမှာ “အဂ္ဂိရတ်သက်ရှိအဖွဲ့အစည်း”၏ စစ်တပ် ဖြစ်နိုင်ပေသည်။

နောက်ဆုံး၌ ထိုစမ်းသပ်ချက်ကို ချန်လွေ့ ရေးရေးလေး သဘောပေါက်သွားသည်။ ၎င်းမှာ အဂ္ဂိရတ်သက်ရှိအဖွဲ့အစည်းနှင့် ပေါင်းစည်းပြီး ထိုလိုဏ်ဂူထဲမှ မကောင်းဆိုးရွားများကို ချေမှုန်းပစ်ရန် ဖြစ်သည်။

အဂ္ဂိရတ်သက်ရှိအဖွဲ့အစည်းမှာ အရေအတွက်အရ အရေးနိမ့်နေသော်လည်း တိုက်ခိုက်ရေးစွမ်းအားမှာ နတ်ဆိုးမကောင်းဆိုးရွား စစ်တပ်ထက် ပို၍မြင့်မားသည်။

မီးအိမ်တစ္ဆေများက အလျင်အမြန်ပင် အားလျှော့မှော်ပညာများ အသုံးပြုပြီး ရန်သူများကို အရေးနိမ့်စေသော အခြေအနေအမျိုးမျိုး ဖြစ်စေခဲ့သည်။ သလင်းကျောက် နတ်ဆိုးသားရဲများမှာ သန်မာပြီး အစွမ်းထက်ကာ မီးစက်လုံးနှင့် ဒြပ်စင်တိုက်ခိုက်မှုများကို မကြောက်ရွံ့သည့်အတွက် သူတို့က အနီးကပ်တိုက်ခိုက်ရာ၌ အဓိက အင်အားစု ဖြစ်သည်။ စက်ရုပ်ကြီးများ၏ တိုက်ခိုက်ရေးစွမ်းအားမှာ ပို၍ပင် ပြိုင်စံရှားလှသည်။ ခဏအကြာတွင် ထိုမကောင်းဆိုးရွားများ အားလုံးကို ချေမှုန်းလိုက်နိုင်သည်။

လိုဏ်ဂူပတ်ဝန်းကျင်မှာ အလွန်အမင်း ခိုင်မာလှသည်။ နတ်ဆိုးဧကရာဇ်အဆင့် စွမ်းအားသည်ပင် ၎င်းကို မတုန်ခါစေနိုင်သလို သိသာသော ထိခိုက်မှုများလည်း မဖြစ်စေခဲ့ပေ။ ပြင်းထန်သော တိုက်ပွဲပြီးနောက်တွင် လိုဏ်ဂူပေါ်၌ ထိခိုက်ပျက်စီးမှု လုံးဝနီးပါး ရှိမနေပေ။

စက်ရုပ်ကြီး ခေါင်းဆောင်၏ ရင်ဘတ်ချပ်ကာ တဖြည်းဖြည်း ပွင့်လာပြီး အမျိုးသမီး တစ်ယောက်၏ပုံရိပ် ထွက်လာသည်။ ထိုအမျိုးသမီးက အရပ်မြင့်မြင့် ပိန်ပိန်ပါးပါးနှင့် နူးညံ့သော မျက်နှာအသွင်အပြင်ရှိပြီး အနက်ရောင် ဆံပင်အတို ရှိသည်။ သူ၏မျက်နှာက သာမန်လူသားတစ်ယောက်နှင့် အတူတူပင် ဖြစ်သည်။ သူက ချန်လွေ့က စကား အနည်းငယ် ပြောလိုက်သည်။

ထိုစက်ရုပ်ကြီးများကို “မောင်းနှင်းသူ”က ထိန်းချုပ်ထားသည်ကို ချန်လွေ့ သိသည်။ သို့သော်လည်း ကံဆိုးစွာပင် သူပြောသည်ကို ချန်လွေ့ နားမလည်ပေ။ တစ်ဖက်လူက ရန်မလိုကြောင်း မြင်သည့်အတွက် ချန်လွေ့က ချက်ချင်းပင် ရင်းနှီးသော အမူအရာဖြင့် ချက်ချင်း ခေါင်းညိတ်ပြသည်။

ချန်လွေ့၏အမူအရာကို ထိုအမျိုးသမီး နားလည်မလည်ကို မည်သူမှ မသိကြပေ။ သို့သော်လည်း ထိုအမျိုးသမီး ခေါင်းညိတ်ပြီး စက်ရုပ်ကြီးဆီသို့ ပြန်သွားသည်။ ထို့နောက် ရင်ဘတ်ချပ်ကာ ပြန်ပိတ်သွားပြန်သည်။ ခေါင်းဆောင်စက်ရုပ်ကြီးက လက်တစ်ဖက် ဝှေ့ရမ်းလိုက်ရာ သလင်းကျောက် နတ်ဆိုးသားရဲများက ရှေ့သို့ အမြန်ပေးသွားကြပြီး စက်ရုပ်ကြီးနှင့် မီးအိမ်တစ္ဆေများက နောက်မှ အနီးကပ် လိုက်လာကြသည်။ ချန်လွေ့လည်း သူတို့နောက်သို့ လိုက်သွားသည်။

ချန်လွေ့၏ ဒဏ်ရာ အတော်လေး ပြန်ကောင်းသွားသော်လည်း အပြည့်အဝ မကောင်းသေးပေ။ ထို့ပြင် သူ၏ ခန္ဓာကိုယ်အင်အား ကုန်ခမ်းနေပြီ ဖြစ်သည်။ အကယ်၍ သူက ထိုရန်သူများကို ထပ်မံရင်ဆိုင်ရလျှင် သေချာပေါက် သေသွားပေလိမ့်မည်။ ထိုအဖွဲ့နောက် လိုက်ခြင်းမှာ တစ်ယောက်တည်း နေရခြင်းထက် ပိုမိုအန္တရာယ်ကင်း ပေသည်။

လမ်းတစ်လျှောက်၌ အသူရာချောက်နက်ပန်းများ ပိုပိုများလာသည်။ ရန်သူ အရေအတွက်လည်း ပိုပိုတိုးလား၏။ ခုန်ပျံကျော်လွှား ထူးချွန်ကြသော မကောင်းဆိုးရွား အငယ်များနှင့် ဒေါသအိုး ချိုနှင့်နတ်ဆိုးမကောင်းဆိုးရွားများအပြင် ပိုမိုစွမ်းအားကြီးသော ရွှေနီရောင်ချပ်ကာ ဝတ်ဆင်ထားသည့် မီးတောက် အမျိုးသမီးနှစ်ယောက် ပေါ်ထွက်လာသည်။ သူတို့က မီးတောက်များနှင့် လျှပ်စီးပွင့်များ ဖုံးလွှမ်းထားသည့် ရှည်လျားသော ကြာပွတ်တစ်ချောင်းကို လက်ထဲ၌ ကိုင်ထားကြသည်။

မီးတောက်အမျိုးသမီးများက နတ်ဆိုးဧကရာဇ်အဆင့် ဖြစ်သည်။ ထူးဆန်းစွာပင် သူတို့တွင် ပိုင်နက်စွမ်းအား ရှိဟန်မတူပေ။ သို့သော်လည်း သူတို့၏စွမ်းအားနှင့် အသိဉာစ်မှာ အတော်လေး ကြောက်မက်ဖွယ်ရာ ကောင်းလှသည်။ သူတို့က အစွမ်းထက် မှော်ပညာဖြစ်သော [ မီးတံတိုင်း ] ကို အသုံးပြုနိုင်ရုံသာမက အသူရာချောက်နက်ပန်းကို အသုံးပြုပြီးနောက် အနီးကပ်တိုက်ခိုက်မှုများကို တန်ပြန်စေနိုင်သည့် [ မီးတောက်ဒိုင်း ] ကဲ့သို့ ကြောက်မက်ဖွယ်ရာ အစွမ်းတစ်ခုလည်း ရှိသည်။ သူတို့ကို တစ်ချက်တည်း မသက်နိုင်သေရွ့ [ မီးတောက်ဒိုင်း ] က တိုက်ခိုက်မှု တစ်စိတ်တစ်ပိုင်းကို သေချာပေါက် တန်ပြန်ပေလိမ့်မည်။ ထိုအစွမ်းက အတော်လေး အထင်ကြီးစရာ “အလိုအလျောက် ဂုဏ်သတ္တိ”တစ်ခု ဖြစ်ပေသည်။

ချန်လွေ့က အလစ်တိုက်ခိုက်ရန် အခွင့်အရေးတစ်ခုကို တွေ့သွားသည်။ သူက ဒဏ်ရာ အပြင်းအထန်ရထားသော မီးတောက်အမျိုးသမီးကို မြေပေါ်သို့ အလဲထိုးလိုက်သည်။ သို့သော်လည်း မီးတောက်အမျိုးသမီး ချက်ချင်း မသေသွားသည့် အတွက်ကြောင့် ချန်လွေ့က သူ၏ပေါင်းစည်းစွမ်းအားကို ပြန်ခံလိုက်ရပြီး နေရာတွင်ပင် သွေးတစ်လုပ် အန်လိုက်သည်။ ချန်လွေ့သာမက သလင်းကျောက် နတ်ဆိုးသားရဲများနှင့် စက်ရုပ်ကြီးများပင် မီးတောက်အမျိုးသမီးကြောင့် အတော်လေး ထိခိုက်သွားခဲ့သည်။

စက်ရုပ်ကြီးများမှာ အလွန်ကြီးမားပြီး အတော်လေး နှေးကွေးစာ လှုပ်ရှားသည်။ သူတို့က အဆက်မပြတ်လောင်ကျွမ်းသော [ မီးတံတိုင်း ] ကို အလွန်အမင်း ကြောက်ရွံ့ ကြသည်။ ထိုစဉ် [ မီးတံတိုင်း ] ကို လုံးဝပြီးတော့ သလင်းကျောက် နတ်ဆိုးသားရဲများက [မီးတောက်ဒိုင်း] များနှင့် လျှပ်စီးကြာပွတ်ကို မခံနိုင်ကြပေ။ ကံကောင်းစွာပင် မီးအိမ်တစ္ဆေများ၏ အလိုအလျောက် မှော်စွမ်းအင်က အတော်လေး အသုံးဝင်နေဆဲ ဖြစ်သည်။ အဆုံး၌ ဝိုင်းရံတိုက်ခိုက်မှုကြော်င့ မီးတောက်အမျိုးသမီးများ ချေမှုန်းခံလိုက်ရပြီး သူတို့ ဦးဆောင်လာသော မကောင်းဆိုးရွားများကို ရှင်းပစ်လိုက်နိုင်၏။

ထိုတိုက်ပွဲပြီးနောက် အဂ္ဂိရတ်သက်ရှိအဖွဲ့အစည်းက ကြီးကြီးမားမား ထိခိုက်ခဲ့သည်။ စက်ရုပ်ကြီး နှစ်ရုပ် ထိခိုက်သွားပြီး မောင်းနှင်သူများ သေဆုံးသွားကာ မီးအိမ်တစ္ဆေများနှင့် သလင်းကျောက် နတ်ဆိုးသားရဲများ အသေအကြေမှာ တစ်ဝက်ကျော်၏။ မီးအိမ်တစ္ဆေများ၏ ကုသပညာရပ်နှင့် တိုးမြှင့်မှော် အကူအညီဖြင့် ချန်လွေ့က အချုပ်အနှောင် မရှိဘဲ တိုက်ခိုက်ခဲ့သည်။ သူက ပိုင်နက်စွမ်းအား သုံးခုကို အမြင့်ဆုံးအထိ အသုံးပြုပြီး ပိုမိုကျွမ်းကျင်လာခဲ့သည်။ တစ်ချိန်တည်းမှာပင် သူက လေးခုမြောက် ပိုင်နက်စွမ်းအားကို ပိုမိုနက်ရှိုင်းစွာ သဘောပေါက်လာသည်။

လမ်းတစ်လျှောက်တွင် နောက်ထပ် တိုက်ပွဲနှစ်ခု တိုက်ခိုက်ပြီးနောက် မဟာမိတ် အဖွဲ့သုံးလေးဖွဲ့နှင့် သူတို့ ပူးပေါင်းနိုင်ခဲ့သည်။ ရင်းနှီးသော သတ္တဝါအသစ် တစ်မျိုးလည်း ပါလာသည်။ ၎င်းမှာ ၁၀မီတာအလျားရှိသော ၆မီတာမြင့်သော ဧရာမ သလင်းကျောက် နတ်ဆိုးသားရဲ ဖြစ်သည်။ ၎င်းက ချန်လွေ့၏ မှတ်ဉာဏ်ထဲမှ ဒိုင်နိုဆောနှင့် အနည်းငယ် ဆင်တူသည်။ သို့သော်လည်း ၎င်းက အားပိုကောင်းသော ရှေ့ခြေများရှိပြီး ဦးခေါင်၌ ချိုများရှိကာ ကျောဘက်တွင် အရိုးဆူးချွန်များ ရှိနေသည်။

၎င်း၏ ကြီးမားသော ခွန်အားအပြင် ဧရာမ သလင်းကျောက် နတ်ဆိုးသားရဲက ရန်သူကို သလင်းကျောက်အဖြစ် ခဲသွားစေနိုင်သော အရည်တစ်မျိုးကို မှုတ်ထုတ်နိုင်ပြီး ၎င်းကို နင်းခြေလေသည်။ ၎င်းက ချန်လွေ့ကို တိတ်တဆိတ် အံ့အားသင့်သွားစေပြီး သလင်းကျောက်နဂါး၏စွမ်းအားကို စဉ်းစားလိုက်မိသည်။ သလင်းကျောက်နဂါးနဲ့ ဒီ ရှေးဟောင်း အဂ္ဂိရတ်သက်ရှိအဖွဲ့အစည်းရဲ့ ဧရာမ သလင်းကျောက် နတ်ဆိုးသားရဲတို့ အကြားမှာ ထူးခြားတဲ့ ပတ်သက်မှုတစ်ခုခု ရှိနေမလား။

အဖွဲ့မှာ တဖြည်းဖြည်း ပိုမိုအားကောင်းလာပြီး ရင်ဆိုင်ရသော ရန်သူများမှာလည်း ပိုမိုအစွမ်းထ်ကလာသည်။ ကြမ်းတမ်းသော တိုက်ပွဲသုံးလေးခု ပြီးနောက်တွင် သူတို့က နောက်ဆုံးစစ်မြေပြင်ဖြစ်သည့် အလွန်ကြီးမားသော လိုဏ်ဂူတစ်ခုထဲသို့ ရောက်ရှိသွား၏။ အတိအကျပြောရလျှင် ၎င်းမှာ သားရဲတွင်း ဖြစ်သည်။

ထိုသားရဲတွင်းမှ အခြေအနေသည် ချန်လွေ့ကို ပင့်သက်ရှိုက်သွားစေသည်။ တစ်ချက်ကြည့်ရုံဖြင့် မြောက်မြားလှစွာသော မကောင်းဆိုးရွားများကို မြင်နိုင်ပေသည်။ ချန်လွေ့ကို ခေါင်းကိုက်စေခဲ့ဖူးသော မကောင်းဆိုးရွား အငယ်များမှာ အဆင့်အနိမ့်ဆုံး အမြောက်စာများသာ ဖြစ်သည်။ ချိုပါသော နတ်ဆိုးမကောင်းဆိုးရွားများ၏ အ‌ရေအတွက် များမှာလည်း အံ့အားသင့်ဖွယ် ကောင်းလှသည်။ မီးတောက်အမျိုးသမီးများလည်း ရာနှင့်ချီ ရှိနေကြသည်။

ပို၍ကြောက်စရာကောင်းသည်မှာ သားရဲတွင်းကို နီရဲနေသော နွယ်ပင်များက ဖုံးလွှမ်းထားခြင်းပင်။ ထိုနွယ်ပေါ်၌ အသူရာချောက်နက်ပန်းပွင့်များ မရေမတွက်နိုင် ရှိနေပြီး အများစုမှာ အဖူးသာ ရှိသေးသည်။

မကောင်းဆိုးရွားများ အများဆုံး စုစည်းနေသော နွယ်ပင်အမြစ်၌ စက်ရုပ်ကြီးထက် သုံး‌လေးဆ ပိုမိုကြီးမားသော သတ္တဝါတစ်ကောင် ရှိနေသည်။

ထိုသတ္တဝါက အညိုရောင်နှင့် အနီရောင်ရှိပြီး နေကြာပန်းနှင့် အတော်လေး ဆင်တူသည်။ ၎င်းကို အနီရောင်အလင်းများ လင်းနေသည့် ရှည်လျားသော လက်တံများက ဝိုင်းရံထားသည်။ အရည်ပျော်နေသော နေရာတစ်ဝိုက်တွင် နီရဲရဲ မီးစက်လုံးများစွာ ရှိနေသည်။ အများစုမှာ အက်ကွဲနေပြီး အချွဲများရစ်ပတ်ထားသော မကောင်းဆိုးဝါး ခန္ဓာကိုယ်များကို မြင်နေရသည်။ နေကြာပန်းအလယ်ရှိ အလွန်ကြီးမားသော ပါးစပ်က အနည်းငယ် လှုပ်ခါသွားပြီးနောက် စက်လုံးတစ်သုတ်ကို အန်ထုတ်လိုက်သည်။ ၎င်းမှာ ထိုမကောင်းဆိုးရွားများအား ဖန်တီးသော မိခင်ခန္ဓာကိုယ် ဖြစ်ဟန်တူသည်။

အဂ္ဂိရတ်သက်ရှိအဖွဲ့အစည်း စစ်သည်များက အနီးအနားရှိ မကောင်းဆိုးရွားများကို မကြောက်မရွံ့နှင့် တိုက်ခိုက်နေကြသည်။ တစ်ခါတစ်ရံ၌ အမျိုးမျိုးသော စွမ်းအားများ အချင်းချင်း တိုက်မိကုန်ပြီး ပေါက်ကွဲမှုများဖြစ်ကာ ထိခိုက်ကုန်သည်။ ရန်သူများ အရေအတွက် များပြားလှပြီး အသူရာချောက်နက်ပန်း၏ ကြောက်မက်ဖွယ်ရာ အာနိသင်လည်း ရှိနေသည့်အတွက် အဂ္ဂိရတ်သက်ရှိအဖွဲ့အစည်းက လုံးဝ အရေးနိမ့်နေခဲ့သည်။ နတ်ဆိုးအရှင်သခင်အဆင့် တိုက်ခိုက်ရေးစွမ်းအားရှိသော သတ္တဝါများဖြစ်သည့် ဧရာမ သလင်းကျောက် နတ်ဆိုးသားရဲများပင် ရှုံးနိမ့်သွားကြသည်။

ချန်လွေ့ဘေးမှ စက်ရုပ်ကြီးက အလွန်ကြီးမားသော မိခင်ခန္ဓာကိုယ်ကို လက်ညှိုးထိုးလိုက်ရာ စစ်တပ်တစ်တပ်က ရှေ့သို့ ပြေးဝင်သွားသည်။ သို့သော်လည်း ခဏအကြာ၌ သူတို့ နတ်ဆိုးမကောင်းဆိုးဝါးများက ဝိုင်းရံလိုက်သည်။ လေထဲ၌ ပျံသန်းနသော မီးတောက်အမျိုးသမီးများကလည်း ကြောက်မက်ဖွယ်ရာ ကြာပွတ်များကို ဝှေ့ရမ်းနေကြပြီး မြောက်မြားလှစွာသော [ မီးတံတိုင်း ] များက မြေပြင်ပေါ်၌ တစ်ခုပြီးတစ်ခု ပေါ်ထွက်လာခဲ့သည်။ ချိုပါသော ဒေါသအိုး နတ်ဆိုးမကောင်းဆိုးရွားများ အော်ဟစ်ကြပြီး သလင်းကျောက် နတ်ဆိုးသားရဲအုပ်စုသို့ ‌ပြေးဝင်သွားသည်။ ထို့နောက် မရေတွက်နိုင်သော သန္ဓေပြောင်း မကောင်းဆိုးရွား အငယ်များက ဒီရေကဲ့သို့ပင် ပြေးတက်လာကြတော့သည်။

ချန်လွေ့၏ စွမ်းအားအရဆိုလျှင် သူကဲ့သို့ စစ်ပွဲအဆင့်၌ သာမန်မျှသာ သတ်မှတ်၍ ရနိုင်ပေသည်။ သို့သော်လည်း သူ၏ ပိုင်နက်စွမ်းအားမှာ အလွန်ပင် ပြောင်မြောက်လှ၏။ ထို့အပြင် မြေဒြပ်စင်ဘုရင် ကောင်းချီးပေးခဲ့သော [ မြေဆွဲအား ] ကလည်း လေထဲ၌ ပျံသန်းနေသော မီးတောက်အမျိုးသမီးများအတွက် မထင်မှတ်ထားသော ရလာဒ်များ ဖစ်စေခဲ့သည်။

တိုက်ပွဲ သုံးလေးခု တိုက်ခိုက်ပြီးနောက် ချန်လွေ့က အသင်းသားများနှင့် ပူးပေါင်း ဆောင်ရွက်မှု ပိုကောင်းလာသည်။ သူ့နောက်တွင် “တိုးမြှင့်ပေးနေသော” မီးအိမ်တစ္ဆေ သုံးယောက် ရှိပြီး ဆံပင်အနက်ရောင်မိန်းမ ထိန်းချုပ်ထားသော စက်ရုပ်ကြီးနှင့် သလင်းကျောက် နတ်ဆိုးသားရဲ တစ်အုပ်လည်း ရှိနေသည်။ သူတို့မှာ တိုက်ခိုက်ရေး အသင်းအဖွဲ့ငယ်လေးတစ်ခု ဖြစ်နေ၏။

သို့သော် ရန်သူ များလွန်းလှပြီး အဆက်မပြတ် တိုးပွားနေ၏။ ခုနက ဖန်တီးလိုက်သော မကောင်းဆိုးဝါးများက တိုက်ပွဲ၌ ချက်ချင်း ပါဝင်နိုင်ကြသည်။ ကြောက်မက်ဖွယ်ရာ အကောင်းဆုံးကိစ္စမှာ မိခင်ခန္ဓာကိုယ် အရှေ့၌ ကြောက်စရာ ပုံရိပ်တစ်ခု ရှိနေခြင်း ဖြစ်သည်။ ဧရာမသလင်းကျောက်သားရဲ နှစ်ကောင်က ခံစစ်ကြောင်းကို ဖောက်သွားနိုင်ပြီး မိခင်ခန္ဓာကိုယ်သို့ အမြန်ပြေးသွားကြသည်။ သို့သော် ထိုပုံရိပ်က ဖျပ်ခနဲပျောက်သွားကာ နတ်ဆိုးအရှင်သခင်အဆင့် ဧရာမသားရဲနှစ်ကောင်က အပိုင်းပိုင်း ဖြတ်တောက်ခံလိုက်ရလေသည်။

၎င်းမှာ ရက်စက်ကြမ်းကြုတ်သော အသွင်အပြင်ရှိသည့် အစွမ်းထက် မကောင်းဆိုးရွား တစ်ကောင် ဖြစ်သည်။ ၎င်း၏ကြွက်သားများမှာ သဘာဝ ချပ်ကာကဲ့သို့ ဖြစ်နေပြီး နောက်ကျောဘက်၌ တောင်ပံကဲ့သို့ အရိုးများ ရှိပြီး တစ်ကိုယ်လုံး မီးတောက်များ ဖုံးလွှမ်းနေကာ လက်ထဲ၌ မဟာဓားတစ်လက် ကိုင်ထားသည်။ မျက်စိတစ်မှိတ်အတွင်း ဧရာမသလင်းကျောက် သားရဲနှစ်ကောင်ကို သတ်ပစ်လိုက် သည်မှာ ထိုမဟာဓားပင် ဖြစ်လေသည်။

ထို့နောက် စက်ရုပ်ကြီးများနှင့် ဧရာမသလင်းကျောက်သားရဲများက မိခင်ခန္ဓာသို့ အလျင်အမြန် ပြေးသွားကြသည်။ သူတို့အားလုံးက ထိုမကောင်းဆိုးရွား၏ မဟာဓား အောက်တွင် သေဆုံးသွားခဲ့သည်။ ထိုမကောင်းဆိုးရွားက ကြောက်မက်ဖွယ်ရာ ကောင်းသော်လည်း စတင်မတိုက်ခိုက်ပေ။ ၎င်းက မိခင်ခန္ဓာကိုယ်အရှေ့တွင် စောင့်ကြပ်နေပြီး စည်းကျော်သူများကိုသာ သတ်ပစ်သည်။

ယခုတွင် ချန်လွေ့က စူပါစနစ်ကို အသုံးမပြုနိုင်ပေ။ ထို့ကြောင့် သူက နတ်ဘုရား-တစ်ပိုင်း ပုဂ္ဂိုလ်ဖြစ်သော စေတန်ကို ဆင့်ခေါ်နိုင်သည့် သိုလှောင်ဂိုဒေါင်မှ မြွေပုံစံကွက် တံဆိပ်ပြားကို အသုံးမပြုနိုင်ပေ။ ထို့ပြင် လက်ရှိ စမ်းသပ်ချက် ပတ်ဝန်းကျင်က အလွန်ထူးခြားနေပြီး တကယ့်အဖြစ်အပျက် မဟုတ်နိုင်လောက်ပေ။ အကယ်၍ သူက မြွေပုံစံကွက် တံဆိပ်ပြားကို အသုံးပြုနိုင်သည့်တိုင် သက်ရောက်မှု တစ်ခုခု ရှိနိုင်လောက်မည် မဟုတ်ပေ။

အဂ္ဂိရတ်သက်ရှိအဖွဲ့အစည်းစစ်တပ်၏ အစွမ်းကုန် တိုက်ခိုက်မှုကို ကြည့်ရလျှင် ထိုစစ်ဆင်ရေး၏ နောက်ဆုံးပန်းတိုင်မှာ မကောင်းဆိုးရွားများနှင့် အသူရာချောက်နက် ပန်းပွင့်တို့၏ အရင်းအမြစ်ဖြစ်သော မိခင်ခန္ဓာကိုယ်ကို ဖျက်ဆီးပစ်ရန်ဖြစ်ကြောင်း သိနိုင်ပေသည်။ ၎င်းမှာ ချန်လွေ့၏ အမွေအနှစ် စမ်းသပ်ချက် နောက်ဆုံးတာဝန်လည်း ဖြစ်နိုင်ပေသည်။ ချန်လွေ့က ပေါက်ကွဲစေသော အရာတစ်ခုကို သယ်ဆောင်သွားပြီး မိခင်ခန္ဓာကိုယ်ဆီသို့ အမြန်သွားနေကြသည့် စက်ရုပ်ကြီးများကို သတိထားမိလိုက်သည်။ မဟာဓားမကောင်းဆိုးရွား၏ သတ်ဖြတ်ခြင်း ခံရပြီးနောက် စက်ရုပ်ကြီးတစ်ရုပ်က ကြိုတင်၍ ပေါက်ကွဲပစ္စည်းကို ဖောက်ခွဲပစ်လိုက်ရာ အနီးအနားရှိ မကောင်းဆိုးရွားများ ပြာဖြစ်ကုန်သည်။ ချန်လွေ့ ထိတ်လန့်သွားမိသည်။ ဆုံးရှုံးမှုများ ရှိသော်လည်း အသည်းအသန် တိုက်ခိုက်ပြီးနောက် ချန်လွေ့တို့အဖွဲ့က မိခင်ခန္ဓာကိုယ်နှင့် တဖြည်းဖြည်း နီးကပ်လာသည်။ သို့သော် သူတို့က ကြောက်မက်ဖွယ်ရာ မဟာဓားမကောင်းဆိုးရွား နှင့်လည်း ပိုမိုနီးကပ်လာလေသည်။

မဟာဓားကြောင့် နောက်ထပ် ဧရာမ သလင်းကျောက် သားရဲနှစ်ကောင် သေဆုံးသွားသည်။ ထိုတိုက်ပွဲအခြေအနေအရ အဂ္ဂိရတ်သက်ရှိအဖွဲ့အစည်းစစ်တပ် လုံးဝသုတ်သင်ရမည်မှာ အနှေးနှင့် အမြန်ပင် ဖြစ်သည်။ နောက်ဆုံး၌ ချန်လွေ့က ဆုံးဖြတ်ချက်တစ်ခု ချလိုက်သည်။ ထို့နောက်သူက တိုက်ခိုက်ရေးအဖွဲ့မှ စက်ရုပ်ကြီး၏ ခြေထောက်ကို ခေါက်လိုက်ပြီး လက်ဝါးဖြင့် တွန်းတင်သည့် အမူအရာ ပြုလုပ်လိုက်ကာ ရှေ့မှ မိခင်ခန္ဓာကိုယ်ကို လက်ညှိုးထိုးပြလိုက်သည်။

ယခင်တိုက်ပွဲများပြီးနောက်တွင် ချန်လွေ့နှင့် အမျိုးသမီးတို့က အပြန်အလှန် သဘောပေါက်သွားကြသည်။ ချန်လွေ့၏ ရည်ရွယ်ချက်ကို ထိုအမျိုးသမီး ချက်ချင်း သဘောပေါက်လိုက်ပြီး အဆက်အသွယ် ကိရိယာတစ်မျိုးမျိုးမှတစ်ဆင့် ချန်လွေ့ နားမလည်သော တစ်ခုခုကို ပြောလိုက်သည်။ ဘေးဖက်မှ မီးအိမ်တစ္ဆေက ချန်လွေ့အား ပြင်းအားမြင့်အားသည့် ကုဗတုံးတစ်ခုကို လက်ထဲ ချက်ချင်း ထည့်ပေးသည်။ ထို့နောက် စက်ရုပ်ကြီး၏ အလွန်ကြီးမားသောလက်က ချန်လွေ့ကို ဆုပ်ကိုင်လိုက််သည်။

ထိုအချိန်၌ အဖွဲ့ထဲရှိ ဧရာမသလင်းကျောက် သားရဲသုံးကောင်နှင့် စက်ရုပ်ကြီး သုံးရုပ်တို့က မဟာဓားမကောင်းဆိုးဝါးထံ ပြေးသွားကြပြီး အမျိုးသမီးထိန်းချုပ်သော စက်ရုပ်ကြီးက နောက်တွင် နေရစ်သည်။

ဧရာမ သလင်းကျောက် သားရဲနှစ်ကောင်ကို သတ်ပစ်ရန်အတွက် မဟာဓား မကောင်းဆိုးရွားက ဓားကို ဝှေ့ရမ်းလိုက်ပြီးနောက် ချန်လွေ့ အော်ပြောလိုက်သည်။ “အခုပဲ။”

ထိုအမျိုးသမီးက သူပြောသည်ကို နားလည်မလည် ချန်လွေ့ မသိပေ။ သူ၏ ခန္ဓာကိုယ်ကို ကိုင်ထားသော စက်ရုပ်ကြီးလက်က ရုတ်တရက် ခန္ဓာကိုယ်မှ ခွဲခွာသွားပြီး အဆုံးမှ အားကောင်းသော မီးတောက်တစ်ခု ထုတ်လွှတ်ကာ မိခင်ခန္ဓာကိုယ်သို့ ပစ်လွှတ်လိုက်သည်။

သို့သော်လည်း မဟာဓားမကောင်းဆိုးရွား၏ စွမ်းအားက ချန်လွေ့ ထင်ထားသည်ထက် များစွာသာလွန်နေသည်။ မိခင်ခန္ဓာကိုယ်သို့ စက်ရုပ်လက် ချဉ်းကပ်လာသောအခါ ချန်လွေ့၏ နှလုံးသားထဲသို့ ကြောက်မက်ဖွယ်ရာ ခံစားချက်တစ်ခု ရုတ်တရက် ရောက်ရှိလာသည်။

၎င်းမှာ နှလုံးသားထဲ၌ နက်နက်ရှိုင်းရှိုင်း နစ်ဝင်နေသော အမုန်းတရားတစ်ခုပင် ဖြစ်သည်။ ထိုစိတ်စွမ်းအားက လောကကြီးကိုပင် ဖျက်ဆီးနိုင်လောက်အောင် သန်မာပေသည်။ သလင်းကျောက်တောင်ကြား မြေအောက်လိုဏ်ဂူ၌ ချန်လွေ့ ရှိစဉ်က လောကို ဖျက်ဆီးခဲ့သော အငွေ့အသက် လိုမျိုးပင် ဖြစ်သည်။ သို့သော်လည်း ယခု ခံစားချက်မှာ ပိုမိုထင်ရှားပြီး ပိုမိုကြောက်မက်ဖွယ်ရာ ကောင်းလှသည်။

ချက်ချင်းပင် အရာအားလုံး နှေးကွေးသွားကြောင်း ချန်လွေ့ ခံစားလိုက်ရပြီး မြန်ဆန်သော ဖျက်ဆီးခြင်းတစ်ခုသာ ကျန်ရစ်နေသည်။ ထိုဖျက်ဆီးခြင်း စိတ်ဆန္ဒက သူ့ကို ထိသွားသည်နှင့် အမှုန့်အဖြစ် ပြောင်းလဲကာ သုတ်သင်ခံရမည်ဖြစ်ကြောင်း ချန်လွေ့ ခံစားမိသည်။

သေရေးရှင်ရေး အခြေအနေ၌ ချန်လွေ့၏ အစွမ်းအကုန် လှုံ့ဆော်ခံလိုက်ရသည်။ ရုတ်တရက် နွေဦး၊ နွေ နှင့် ဆောင်းဦး .... ပိုင်နက်သုံးခုအပြင် အသေအချာ မဖွဲ့စည်းသေးသော [ ဆောင်းပိုင်နက် ] တို့ ပေါက်ကွဲထွက်သွားသည်။ သူက ၎င်းကို ခုခံပြီး ထိုလွှမ်းမိုးသော အမုန်းတရားကို ဖြတ်သွားကာ မိခင်ခန္ဓာကိုယ်ဖျက်ဆီးရန်အတွက် အချိန်ဆွဲထားရန်သာ မျှော်လင့်ခဲ့သည်။

သူ့ကို ချက်ချင်း ချေမှုန်းပစ်နိုင်သော နတ်ဆိုးအရှင်သခင်အဆင့်၏ စိတ်ဆန္ဒကို ရင်ဆိုင်ရာ၌ ချန်လွေ့၏စွမ်းအားနည်းလွန်းနေသည်မှာ စိတ်မကောင်းစရာပင် ဖြစ်သည်။ ပေါက်ကွဲထွက်သွားသော ပိုင်နက်လေးခုက ရုတ်တရက် ထူးဆန်းသော စက်ဝန်းတစ်ခု ဖြစ်သွားပြီး ထိုစက်ဝန်းက ဖန်တီးလိုက်သော ထူးခြားသည့် စီးချက်တစ်ခုကို ဖျက်ဆီးခြင်း စိတ်ဆန္ဒအပြင် အားလုံးကို ရပ်တန့်သွားစေပြီး အားလုံးငြိမ်သက်သွားကြ၏။

မငြိမ်သက်နေသည်မှာ ရှေ့သို့ ပျံသန်းနေသော ချန်လွေ့၏ ပုံရိပ်သာ ဖြစ်သည်။ ထိုငြိမ်သက်မှုမှာ ၂စက္ကန့်သာ ခံပြီးနောက် သူ့နားမှ အရာအားလုံး ပတ်ချာလည်သွား၏။ ထို၂စက္ကန့်အတွင်း၌ ချန်လွေ့သည် ကြောက်မက်ဖွယ်ရာ အမုန်းတရား စွမ်းအားကို ရှောင်တိမ်းလိုက်နိုင်သည်။

သူက မဟာဓားမကောင်းဆိုးရွား၏ သတ်ဖြတ်ခြင်းတိုက်ကွက်ကို တည့်တည့် ရှောင်တိမ်းလိုက်နိုင်သော်လည်း သူ့ဒူးအောက်မှ အစိတ်အပိုင်းများနှင့် ဧရာမလက်တို့က လျို့ဝှက်ဆန်းကြယ်သော ဥပဒေသတစ်ခုကြောင့် ရုတ်တရက် ကျိုးပဲ့ကုန်သည်။ ချန်လွေ့က ပြင်းထန်လှသော နာကျင်မှုကို ခုခံပြီး ရှေ့မှ မိခင်ခန္ဓာကိုယ်သို့ အရှိန်ဖြင့် ဆက်လက်ပျံသန်းသွားသည်။ ဧရာမပါးစပ်ကြီးထဲသို့ သူ ဝင်ရောက်သွားသည်နှင့် လက်ထဲမှ ပေါက်ကွဲမှုကုဗတုံးကို အသက်သွင်းလိုက်သည်။

မိမိ၏မျက်လုံးများ၌ တလက်လက်ဖြစ်နေသော ဖျက်ဆီးခြင်း ရောင်ခြည်များ ပြည့်နှက်သွားကြောင်း ချန်လွေ့ ခံစားလိုက်ရသည်။ ချက်ချင်းပင် သူ လုံးဝ သတိလစ်သွားတော့သည်။

အချိန်ခဏကြာပြီးနောက် ချန်လွေ့က တဖြည်းဖြည်း မျက်လုံးဖွင့်လိုက်ရာ ကွန်တိန်နာ တစ်ခုခုထဲ နှစ်မြှုပ်ခံထားရသည်ကို တွေ့ရှိလိုက်ရသည်။ သူ၏ခန္ဓာကိုယ် မရှိတော့ပေ။ အသိစိတ် တစ်ပိုင်းတစ်စသာ မထင်မရှား ကျန်ရစ်ခဲ့သည်။

တစ်ရက်ပြီးတစ်ရက် ကွန်တိန်နာထဲမှ မယုံနိုင်စရာပျော်ရည်၏ သက်ရောက်မှု အောက်တွင် သူ့ဝိညာဉ်နှင့် ခန္ဓာကိုယ် နည်းနည်းချင်း အသစ်ပြန်ဖြစ်လာကြသည်။

ထို့နောက် ဆက်ဖြစ်သည်များမှာ တကယ့်အိပ်မက်တစ်ခုကဲ့သို့ပင် ဖြစ်နေသည်။ မဟုတ်ဘူး။ ဒါက အမှန်တကယ်ပဲ။

ပြန်လည်ကောင်းမွန်ပြီးနောက် ချန်လွေ့က ထူးချွန်သော မှတ်တမ်းကြောင့် အဂ္ဂိရတ် သက်ရှိအဖွဲ့အစည်း၏ သူရဲကောင်းဖြစ်သွားခဲ့သည်။ သူက အဂ္ဂိရတ် သက်ရှိအဖွဲ့အစည်း၏ မဟာအမွေအနှစ်ကို လက်ခံရရှိပြီး စွမ်းအားများ တဟုန်ထိုး တိုးတက်သွားကာ အလွန်ကြီးမားသော ရွှေ့ပြောင်း၍ရသည့် ရဲတိုက်တစ်ခု ပိုင်ဆိုင်သွားသည်။

ရဲတိုက်အိပ်ခန်း၌ စက်ရုပ်ကြီးကို မောင်းနှင်သူ ဖြစ်ခဲ့သော ဆံပင်အနက်ရောင်နှင့် မိန်းမလှက လှပသော မီးအိမ်တစ္ဆေတစ်ဖွဲ့နှင့်အတူ ရဲတိုက်ပိုင်ရှင်အား စိတ်ပါလက်ပါနှင့် ဆွဲဆောင်မှုရှိသော ခန္ဓာကိုယ်ကို အသုံးချကာ ပြုစုနေခဲ့သည်။

မြင်းစီး...မုန့်ကြိုးလိမ်..လေးဖက်ထောက်...မျက်နှာဖုံး...အမျိုးမျိုးသော ပုံစံများက ဘုရင်ဖြစ်သူ ချန်လွေ့ကို မောင်းမဆောင်ဘဝထဲ၌ တစ်နေ့လုံး နစ်မြုပ်နေစေခဲ့သည်။

“သခင်။ ဘာဖြစ်လို့လဲ။ ကျွန်မ ပြုစုတာကို မကျေနပ်လို့လား။” ချန်လွေ့၏ အောက်တွင် ဒူးထောက်ကာ ပြုစုပေးနေသော လှပသည့် မီးအိမ်တစ္ဆေက သခင်ဖြစ်သူ ငေးငိုင်နေသည်ကို မည်သည့်အခါ ပါးစပ်ကို သေသေချာချာ နောက်ဆုတ်ပြီး စိုးရိမ်ကာ မေးလိုက်သည်။

အမွေအနှစ်ကို ရရှိပြီးနောက် ချန်လွေ့က သူတို့၏ ဘာသာစကားကို နားလည်သွားခဲ့သည်။ ထိုစကားကို ကြားသည့်အခါ ချန်လွေ့ ခေါင်းခါသည်။ “မဟုတ်ပါဘူး။ မင်းက အဆင်ပြေပါတယ်။ ဒါပေမဲ့ ဒီရက်တွေမှာ ငါ တစ်ခုခုကို တွေးနေခဲ့တာ။ အရေးကြီးတာ တစ်ခုခုကို မေ့နေသလိုပဲ။”

“အခုက မကောင်းဆိုးရွားတွေကို ရှင်းပစ်ပြီးသွားပြီ။ အဲဒါကြောင့် သခင် စိုးရိမ်စရာ မလို‌တော့ပါဘူး။” မီးအိမ်တစ္ဆေက ထိုသို့ပြောပြီး ခေါင်းငုံ့ကာ တစ်ခုလုံးကို ဖြည်းဖြည်းချင်း ဝါးမျိုလိုက်သည်။ နွေးထွေးမှုထဲ၌ ရစ်ပတ်ခံရသော သာယာမှုက ချန်လွေ့ကို မျက်လုံးမှိတ်လိုက်မိစေသည်။

ထိုအချိန်၌ ငွေရောင်ဆံပင်နှင့် အပြာရောင်အသားအရေရှိသော မီးအိမ်တစ္ဆေ၏ အသွင်အပြင်က အနီရောင်ဆံပင်တိုနှင့် အသားညိုသော မိန်းမလှတစ်ယောက်အဖြစ် ပြောင်းလဲသွားသည်။ ထိုကောင်မလေးကို ချန်လွေ့ အတော်လေး ရင်းနှီးနေသည်။ သူ သေသေချာချာကြည့်ရန် ကြိုးစားကြည့်သည့်အခါ မီးအိမ်တစ္ဆေ၏မျက်နှာအဖြစ်သို့ ပြန်ပြောင်းသွားသည်။

သူ ကာမအထွတ်အထိပ်သို့ ရောက်သွားသောအခါ ပူနွေးသော အရည်များကို လွှတ်ထုတ်လိုက်သည်။ သို့သော် မီးအိမ်တစ္ဆေက ရင်းနှီးသော ဆံပင်နီ မိန်းကလေး အဖြစ်သို့ ပြန်ပြောင်းသွား၏။ သူ၏မျက်နှာ နီမြန်းနေပြီး ရေရွတ်ကာ ခေါင်းခါလိုက်သည်။

ထို့နောက် ထိုမိန်းကလေးက ခက်ခက်ခဲခဲ မျိုချပြီး မျက်မှောင်ကြုတ်လိုက်သည်။ သူ၏ တောက်ပနေသော အနီရောင်မျက်လုံးများက ရှက်ရွံ့မှုနှင့် မျှော်လင့်ချက်ဖြင့် အရောင်လက်နေသည်။ “ဒီလိုဆိုရင် ငါ...ငါ နင်ရဲ့ကလေးကို ရမှာမဟုတ်လား။”

ချန်လွေ့ တုန်လှုပ်သွားပြီး ဖြည်းဖြည်းချင်း မတ်တပ်ရလိုက်သည်။ ယခုတစ်ခေါက် သူက အနီးအနားမှ မီးအိမ်တစ္ဆေထံမှ အံ့အားသင့်နေသော မေးခွန်းကို လျစ်လျူရှု လိုက်သည်။ သူက ပြတင်းပေါက်ကိုသာ ငေးစိုက်ကြည့်နေလိုက်ပြီး မျက်လုံးများ ရုတ်တရက် စွတ်စိုသွားသည်။ “ငါ ဘာကို သတိရနေလဲဆိုတာ ငါ မှတ်မိပြီ။ လခွမ်းပဲ။ ဘယ်လိုလုပ် အရေးအကြီးဆုံးအရာကို ငါ မေ့သွားရတာလဲ။”

ချန်လွေ့ မျက်လုံးမှိတ်လိုက်သည်။ ၎င်းတို့ တစ်ခုမှ အမှန်မဟုတ်ကြပေ။

၎င်းမှာ သူ မနိုးထလုနီးပါး ဖြစ်သွားခဲ့သော အိပ်မက်တစ်ခု ဖြစ်သည်။ [စိတ်သန့်စင်ခြင်း] ကို အတွေ့အကြုံရှိခဲ့သူ တစ်ယောက်ဖြစ်သည့်အလျောက် ချန်လွေ့က နိုးထရန်အတွက် အဓိကသော့ချက်တစ်ခုကိုသာ လိုအပ်သည်။

ချန်လွေ့ မျက်လုံး ပြန်ဖွင့်လိုက်သောအခါ အနီးအနား ပတ်ဝန်းကျင်ကို သေသေချာချာ မမြင်နိုင်ခင်မှာပင် သူ၏ဦးနှောက်ထဲသို့ အစွမ်းထက်သော ဝိညာဉ် စွမ်းအားများ အဆက်မပြတ် ဝင်ရောက်လာသည်ကို ခံစားလိုက်ရပြီး စူပါစနစ်၏ အသိပေးသံ အဆက်မပြတ် ထွက်ပေါ်လာသည်။ “အမည်မသိ ဝိညာဉ်စွမ်းအားတွေ အများကြီးကို ရှာတွေ့ထား။ ခွန်အားနှင့် အသိစိတ် အစားထိုးခံရရန် အန္တရာယ်ရှိနေ။ [ကြယ်ဝါးမျိုခြင်း] ကို အသက်သွင်းချင်ပါသလား။”

ဝိညာဉ်စွမ်းအား။ အသိစိတ် အစားထိုခံရတာ ဟုတ်လား။

ရုတ်တရက် ချန်လွေ့ သဘောပေါက်သွားသည်။ ချီးပဲ။ ဘာအမွေအနှစ်လဲ။ ဒါက ငါ့ခန္ဓာကိုယ်ကို လုယူဖို့ ကြိုးစားနေတာပဲ။

“[ ကြယ်ဝါးမျိုခြင်း ] ကို အသက်သွင်းလိုက်။”