ရှေးခေတ်နတ်ဆိုးဧကရာဇ်: ယင်းလုံ

တာအိုကျန်းချန်ကို မောင်းထုတ်ပြီးတော့ ချီမင် အနည်းငယ် သက်သာသွားတယ်။ ဘာပဲဖြစ်ဖြစ် နာရီဝက်လောက်တောင်သိတာမကြာသေးတဲ့'သူစိမ်း' တစ်ယောက်ကသူ့ဘေးမှာ ရှိနေတာကသူကိုနည်းနည်းတော့ စိတ်အနှောင့်အယှက် ဖြစ်စေတယ်။

ဒါ့အပြင် ချီမင်မှာ လုပ်ဖို့အရမ်းအရေးကြီးတဲ့ ကိစ္စတွေ ရှိသေးတယ်။

"ဒါက ကမ္ဘာဖျက်ဆီးဓားပဲ!"

ယန်လီက ပုံရိပ်ကို ကြည့်ပြီး အံ့သြတဲ့ အမူအရာနဲ့ ချီမင်ရဲ့ လက်ထဲက ကမ္ဘာဖျက်ဆီးဓားကို စိုက်ကြည့်လိုက်တယ်၊ "ချီမင်ရဲ့ကိုယ်ပိုင်ဓမ္မလက်နက်က သောင်းပြောင်းကြာပန်းစိမ်းဓားသန္ဓေသားမဟုတ်ဘူးလား? ကမ္ဘာဖျက်ဆီးဓားကဘာလုပ်တာလဲ?"

"ဖြစ်နိုင်တာက..."

"ချီမင်က သောင်းပြောင်းကြာပန်းစိမ်းဓားသန္ဓေသားကိုပဲသန့်စင်ခဲ့တာမဟုတ်ဘူး၊သူကကမ္ဘာ‌ဖျက်ဆီးဓားကိုလည်းသန့်စင်ထားတယ်"

နာရီဝက်လောက်ကြာတော့ချီမင်က တိတ်ဆိတ်တဲ့ ဂူတစ်ခုကို တွေ့လိုက်တယ်။ ဂူထဲက နတ်ဆိုးဝက်ဝံကို ချီမင်က တစ်ချက်တည်းနဲ့ သတ်လိုက်တယ်။ ဒီတိတ်ဆိတ်တဲ့ ဂူက ချီမင်ရဲ့ နယ်မြေ ဖြစ်သွားတယ်။

"လှည့်စားခြင်းအစီအရင်! မြင့်တက်!"

ဘုန်း!

ချီမင်က သူ့ရဲ့ ညာဘက်လက်ကို ဝှေ့ယမ်းပြီး လက်ဟန်ချိတ်စည်းတွေ ပြုလုပ်လိုက်တယ်။ အစီအရင်ချိတ်စည်းတွေ ပေါ်လာပြီး သူက အစီအရင်အုတ်မြစ်အနည်းငယ်ကို ပေါ့ပေါ့ပါးပါး ပစ်ထုတ်လိုက်တယ်။ သူတို့က အရပ်လေးမျက်နှာမှာစိုက်သွားပြီး ချက်ချင်းလှည့်စားခြင်း အစီအရင်တစ်ခု ဖြစ်ပေါ်လာတယ်။

ချီမင်ရဲ့ အစီအရင်ဖွဲ့စည်းခြင်းအတတ်ပညာက အရမ်း မြင့်မားတယ်။

တစ်ချိန်တည်းမှာပဲ သူက လက်ကို ထပ်ပြီး ဝှေ့ယမ်းလိုက်ပြီး အမွေခံတိုကင်ရဲ့ အာရုံခံနိုင်စွမ်းကို ပိတ်ဆို့လိုက်တယ်။ ချီမင်ရှိနေတဲ့မြင်ကွင်းကမှောင်မည်းသွားပြီး ဘာမှ မမြင်နိုင်တော့ဘူး။

အမွေခံတိုကင်ရဲ့ ဒီဇိုင်းက တော်တော်လေး လူသားဆန်တယ်။

ဥပမာ ချီမင်က တခြားသူတွေကို ဘာမှ မမြင်စေချင်ရင် သူ့ရဲ့ ဓမ္မစွမ်းအားတွေကို သုံးပြီး အမွေခံတိုကင်ရဲ့ အာရုံခံနိုင်စွမ်းကို ခဏတာ ပိတ်ဆို့နိုင်တယ်။ အဲဒီလိုဆိုရင် မြင်ကွင်းက ထုတ်လွှင့်မှာ မဟုတ်ဘူး။

"ချီမင်က အမွေခံတိုကင်ကို ပိတ်ဆို့လိုက်တယ်"

"သူ ဘာလုပ်ချင်တာလဲ?"

"သူ ငါတို့ကို မမြင်စေချင်တဲ့ တစ်ခုခု လုပ်ချင်တာ ဖြစ်လိမ့်မယ်"

"ချီမင် ဘာလုပ်ချင်လဲဆိုတာ ငါ ရုတ်တရက် နည်းနည်း သိချင်လာတယ်"

"ဟုတ်တယ်၊ ဟုတ်တယ်"

"..."

ကောင်းကင်ဘုံဉာဏ်အလင်းဂိုဏ်းရဲ့ အကြီးအကဲတွေ ဆွေးနွေးနေကြတယ်။

ဒါ့အပြင် တခြား ပုံရိပ်တွေမှာ ကောင်းကင်ဘုံဉာဏ်အလင်းဂိုဏ်းရဲ့ တောင်ထွတ် ၁၂ ခုက အမွေခံတပည့်တွေမှာသူတို့ရဲ့ကိုယ်ပိုင်အခွင့်အရေးတွေရသွားကြတယ်။ တချို့က တာအိုရှာဖွေရေးဂိုဏ်းရဲ့ အမွေခံတပည့်တွေနဲ့တောင် တိုက်ခိုက်ခဲ့ကြပြီးပြီ။

နှစ်ဖက်ရဲ့ တိုက်ပွဲက အဆုံးအဖြတ်ပေးဖို့ ခက်ခဲတယ်။

ဘယ်လိုပဲဖြစ်ဖြစ် နှစ်ဖက်စလုံးက အမွေခံတပည့်တွေပဲ။

သူတို့ရဲ့ ကျင့်ကြံခြင်းနည်းလမ်းတွေနဲ့ ဓမ္မလက်နက်တွေက အဆင့်တူရဲ့ အမြင့်ဆုံးအဆင့်မှာ ရှိတယ်။ ဒါကြောင့် ဘယ်သူနိုင်မလဲဆိုတာကို ဆုံးဖြတ်ချင်ရင် နှစ်ဖက်ရဲ့ တိုက်ခိုက်မှု အတွေ့အကြုံပေါ်မှာပဲ မူတည်လိမ့်မယ်။

တချို့ တပည့်တွေလည်း တော်တော် ကံကောင်းကြတယ်။ ရှေးခေတ်ကောင်းကင်ဂူထဲကို ဝင်ပြီးမတူညီတဲ့ အခွင့်အရေးတွေကို တွေ့ခဲ့ကြတယ်။ ဒီအခွင့်အရေးက ကောင်းသလား ဆိုးသလားဆိုတာ သူတို့ မသိပေမဲ့ စုချင်းယင် အပါအဝင် အကြီးအကဲတော်တော်များများရဲ့ အာရုံကို ဆွဲဆောင်နိုင်ခဲ့တယ်။

သူမ ရှေးခေတ်ကောင်းကင်ဂူထဲကို ဝင်ပြီးတဲ့နောက် ကြီးမားတဲ့ နန်းတော်တစ်ခုရှေ့ကို‌ကျတယ်။ ဒါပေမဲ့ ဒီနန်းတော်ကပျက်စီးနေပြီ။ သူမ ဝင်သွားပြီးတဲ့နောက် ထူးဆန်းတဲ့ စမ်းသပ်မှုတချို့ကိုကြုံရတယ်။

စုချင်းယင်က အရမ်းကံကောင်းသွားတယ်။

အဲဒါက ထူးခြားတယ်။

သူမရဲ့ အတွေ့အကြုံတွေအရ သူမရဲ့ ကံကြမ္မာက ထိပ်တန်းအဆင့်ငါးရောင်ခြယ်ကို ရောက်ပုံရတယ်။

"စကြစို့"

ချီမင်ကလှည့်စားခြင်းအစီအရင်ကို တည်ဆောက်လိုက်တယ်။ တစ်ချက် တွေးလိုက်ပြီး လက်ချိတ်စည်းကို ပြုလုပ်လိုက်တယ်။ သူ့ခန္ဓာကိုယ်ထဲက ဓမ္မစွမ်းအားတွေ မြင့်တက်လာပြီး အလျင်အမြန် ကုန်ဆုံးသွားတယ်။ သူပထမဦးဆုံးလျှို့ဝှက်နက်နဲနည်းစနစ်ကောင်းကင်စူးစမ်းခြင်းကိုသုံးလိုက်တယ်။

"ကောင်းကင်စူးစမ်းခြင်း"

ပြီးတော့ သူက ဒီရှေးခေတ်ကောင်းကင်ဂူရဲ့ သမိုင်းကြောင်းနဲ့ အတိတ်မှာ ဖြစ်ခဲ့တဲ့ အရာအားလုံးကို ခြေရာခံလိုက်တယ်။ တဖြည်းဖြည်းနဲ့ ချီမင်ရဲ့ စိတ်ထဲမှာ ပေါ်လာတယ်။

ချီမင်ရဲ့ ကောင်းကင်ဘုံကြယ်တာရာသုံးဆယ့်ခြောက်ပညာရဲ့ ကျွမ်းကျင်မှုက အစပြူသူအဆင့်ပဲ ရှိသေးတယ်။ သူက ကောင်းကင်စူးစမ်းခြင်းကို အားကိုးပြီး ဒီရှေးခေတ်ကောင်းကင်ဂူရဲ့ လျှို့ဝှက်ချက်ကို မဖော်ထုတ်နိုင်ဘူး။

အဓိက အချက်အလက်တော်တော်များများက မြူတွေနဲ့ ဖုံးလွှမ်းနေပြီး ရှင်းရှင်းလင်းလင်း မမြင်နိုင်ဘူး။

"အကြားအမြင်အာရုံ"

ဘုန်း!

ချီမင်က နောက်ထပ် ချိတ်စည်းတစ်ခုကို ဖန်တီးပြီးများပြားလှတဲ့ဓမ္မစွမ်းအားတွေကို လှုံ့ဆော်လိုက်တယ်။ မွေးရာပါသန့်စင်တဲ့မဟာတာအိုရွှေအမြူတေရဲ့ မဟာတာအိုစစ်မှန်အမှတ်သားက တောက်ပလာပြီး ကောင်းကင်နဲ့မြေကြီးရဲ့တာအိုစာလုံးတွေ လည်ပတ်လာတယ်။

ခဏအတွင်းမှာ ချီမင်က အတိတ်၊ ပစ္စုပ္ပန်နဲ့ အနာဂတ်ကို ကြည့်လိုက်တယ်။

မြူခိုးအလွှာတွေ ပြိုကွဲသွားတယ်။

သူရှေးခေတ်ကောင်းကင်ဂူရဲ့အမှန်တရားကိုမြင်လိုက်တယ်။

ခဏအကြာမှာ ချီမင်ရဲ့ ပတ်ဝန်းကျင်က ကောင်းကင်နဲ့ မြေကြီး မဟာတာအိုရဲ့ တာအိုစာလုံးတွေ ပျောက်ကွယ်သွားပြီးပုံပျက်နေတဲ့‌ဟင်းလင်းပြင်နဲ့ အချိန်တွေ ကပုံမှန်ပြန်ဖြစ်သွားတယ်။ သူ့ရဲ့ ဓမ္မစွမ်းအားတွေ ငြိမ်သက်သွားပေမဲ့ သူက ကြီးမားတဲ့ စွမ်းအင်ပမာဏကို သုံးစွဲလိုက်ရတယ်။ ချီမင်က အံ့သြတဲ့ အမူအရာကို ဖော်ပြလိုက်တယ်၊ "တကယ်တော့ ဒီလိုဖြစ်ခဲ့တာပဲ!"

ချီမင်က ပြောတယ်၊ "ဒီရှေးခေတ်ကောင်းကင်ဂူကို တကယ်တော့ ရှေးခေတ်နတ်ဆိုးဧကရာဇ် ယင်းလုံက ဖန်တီးခဲ့တာ။ အဲဒါကို ယင်းလုံကောင်းကင်ဂူလို့ ခေါ်တယ်။ ဒါကလူသားတွေအတွက်ကောင်းချီးနေရာတစ်ခု မဟုတ်ဘူး။ လွန်ခဲ့တဲ့ ၃၈ နှစ်က ချန်မြစ် ပါသွားတာနဲ့ ချန်မြစ်ထဲက နတ်ဆိုးသားရဲတွေကို ကန့်သတ်မထားတာ အံ့သြစရာ မဟုတ်ဘူး။ သူတို့အားလုံး ဒီကောင်းကင်ဂူထဲကို ဝင်သွားကြတယ်"

"အဲဒီအစား လူသားကျင့်ကြံသူတွေကို ကန့်သတ်ထားတယ်"

"အမွေအနှစ်အနေနဲ့ကတော့..."

ချီမင်က ခေါင်းကို မော့ပြီး ရှေးခေတ်ကောင်းကင်ဂူရဲ့ အရှေ့ဘက်အစွန်အဖျားကို ကြည့်တယ်၊ "ငါသာမမှားဘူးဆိုရင် အဲဒါက အရှေ့ဘက်အစွန်အဖျားက ယင်းလုံနန်းတော်ထဲမှာ ရှိသင့်တယ်"

ယင်းလုံ။

အဲဒါက အသွင်ပြောင်းနဂါးတွေထဲက ဧကရာဇ်တစ်ပါးဖြစ်ပြီး သူ့ခန္ဓာကိုယ်မှာ အတောင်တွေ ရှိတယ်။

သမိုင်းကြောင်းကို ခြေရာခံခြင်းအားဖြင့် ချီမင်က မြူတွေကို ရှင်းလိုက်တယ်။ သူက ရှေးခေတ်နတ်ဆိုးဧကရာဇ် ယင်းလုံကို 'ကိုယ်တိုင်' မြင်ခဲ့တယ်လို့ ပြောနိုင်တယ်။

သူ့ရဲ့လက္ခဏာတွေကအတောင်တွေ၊ အကြေးခွံတွေနဲ့ ကျောရိုးတွေ ရှိတယ်။ သူ့ရဲ့ ခေါင်းက ကြီးမားပြီး ရှည်လျားတယ်။ သူ့ရဲ့ ပါးစပ်၊ နှာခေါင်းနဲ့ နားတွေက သေးတယ်။ သူ့ရဲ့ မျက်လုံးတွေက ကြီးတယ်။ သူ့ရဲ့ မျက်ခုံးတွေကကော့တယ်။ သူ့ရဲ့ သွားတွေကချွန်ထက်တယ်။ သူ့ရဲ့ နဖူးက မောက်နေတယ်။ သူ့ရဲ့လည်ပင်းက သေးငယ်တယ်။သူ့ရဲ့အမြီးကရှည်လျားတယ်။ သူ့ရဲ့ခြေလက်တွေက သန်မာတယ်။

သူ့ရဲ့ ခန္ဓာကိုယ်အရွယ်အစားက လိုသလို ပြောင်းလဲနိုင်တယ်။

အဲဒါက ကောင်းကင်နဲ့ မြေကြီးလောက် ကြီးနိုင်သလို မြွေ ဒါမှမဟုတ် ပုရွက်ဆိတ်လောက်လည်း သေးနိုင်တယ်။

ဒါ့အပြင် ချီမင် မြင်ခဲ့တဲ့ 'အမှန်တရား' ထဲမှာ ယင်းလုံက နဂါးအဖြစ် မွေးဖွားလာတာ မဟုတ်ဘူး။ သူက တဖြည်းဖြည်းနဲ့ နဂါးအဖြစ် ပြောင်းလဲပြီး ထိပ်ဆုံးအဆင့်ကို တက်လှမ်းခဲ့တယ်။

အစပိုင်းမှာ ဒီရှေးခေတ်နတ်ဆိုးဧကရာဇ် ယင်းလုံက အဆိပ်ရှိမြွေတစ်ကောင်ပဲ ဖြစ်တယ်။ အဲဒါက အဆိပ်တွေနဲ့မွေးဖွားလာတဲ့ မြွေတစ်ကောင်ဖြစ်တယ်။။ နှစ် ၅၀၀ ကျင့်ကြံပြီးတဲ့နောက် ရေနဂါးအဖြစ် ပြောင်းလဲသွားတယ်။ နောက်ထပ် နှစ် ၁၀၀၀ ကျင့်ကြံပြီးတဲ့နောက် ရေနဂါးကနေ ဦးချိုမဲ့နဂါးအဖြစ် ပြောင်းလဲသွားတယ်။ အဲဒီနောက် နှစ် ၁၅၀၀ ကျင့်ကြံပြီးမှ ဦးချိုမဲ့နဂါးကနေ ဦးချိုပါနဂါးအဖြစ် ပြောင်းလဲသွားတယ်။

နောက်ဆုံးမှာ နှစ် ၂၅၀၀ ကျင့်ကြံပြီးတဲ့နောက် အဲဒါက တကယ်ပဲ ယင်းလုံအဖြစ် ပြောင်းလဲသွားပြီး ရှေးခေတ်နတ်ဆိုးဧကရာဇ်လို့ ခေါ်တွင်ခဲ့တယ်။

အဲဒါက တကယ်ကို ဒဏ္ဍာရီတစ်ခုပဲ။

ကံမကောင်းစွာနဲ့ ချီမင်က ဒီရှေးခေတ်နတ်ဆိုးဧကရာဇ် ယင်းလုံရဲ့ တကယ့် အဆုံးသတ်ကို မမြင်ခဲ့ဘူး။ သူ သေဆုံးသွားလား ဒါမှမဟုတ် ပိုပြီး ဝေးဝေး ရောက်သွားပြီး ဟင်းလင်းပြင်ကို ချိုးဖျက်သွားလားဆိုတာ သူ မသိဘူး။

တခြား အမွေခံတပည့်တွေအတွက် သူတို့က ဒီရှေးခေတ်ကောင်းကင်ဂူအကြောင်း ဘာမှ မသိကြဘူး။ သူတို့က အဲဒါရဲ့ မူလအစအကြောင်း ဘာမှ မသိကြဘူး။ သူတို့ တွေ့ရတဲ့ အချက်အလက်တွေကနေ ဒီရှေးခေတ်ကောင်းကင်ဂူရဲ့ မူလအစကို ခန့်မှန်းနိုင်ဖို့ အမြဲတမ်း စူးစမ်းရှာဖွေမှ ဖြစ်မယ်။

ချီမင်က ရှေးခေတ်ကောင်းကင်ဂူရဲ့ လျှို့ဝှက်ချက်အားလုံးကို တိုက်ရိုက်သိသွားတယ်။

ဒါကသူတို့ကြားကအကွာအဝေးကိုလုံးဝခြားနားသွားစေတယ်။

သူက လူတိုင်းထက် ရှေ့ရောက်နေတယ်။

ဘုန်း! ဘုန်း! ဘုန်း!!!

ရုတ်တရက်။

ချီမင်ရဲ့ ခန္ဓာကိုယ်တစ်ခုလုံး တုန်ခါသွားပြီး သူ့ခန္ဓာကိုယ်ထဲကဓမ္မစွမ်းအားတွေလိမ့်တက်လာတယ်။

ဒါက ကောင်းကင်လျှို့ဝှက်ချက်တွေကို စူးစမ်းခြင်းရဲ့ နောက်ဆက်တွဲတန်ပြန်အကျိုးဆက်ပဲ။

"မဟာရွှေအမြူတေတာအိုကျမ်း!"

ဘုန်း!!!

ချီမင်က အော်ဟစ်လိုက်တယ်။ ကျမ်းက လည်ပတ်ပြီး မဟာတာအိုစစ်မှန်အမှတ်သားတွေ ပျံ့နှံ့သွားတယ်။ သူမဟာတာအိုရွှေအမြူတေစစ်မှန်အမှတ်အသားကိုအသုံးပြုပြီးသူ့ကိုယ်ထဲကလိမ့်တက်လာတဲ့ဓမ္မစွမ်းအားကိုဖိနှိပ်လိုက်တယ်။

ဖျန်း!!!

ချီမင်က သွေးတစ်လုတ်ကို အန်ထုတ်လိုက်ရတယ်။

သူအတွင်းဒဏ်ရာတစ်ချို့ရသွားတယ်။

ဟုတ်တယ်၊ ကောင်းကင်နဲ့ မြေကြီးရဲ့ နောက်ဆက်တွဲတန်ပြန်အကျိုးဆက်က မပြီးသေးဘူး။

ကောင်းကင်နဲ့မြေကြီးကသတ်ဖြတ်လိုတဲ့စိတ်ဆန္ဒကိုထုတ်လုပ်ပြီးမမြင်နိုင်တဲ့ဖျက်ဆီးခြင်းကပ်ဘေးဒုက္ခအဖြစ် ပြောင်းလဲသွားပြီးချီမင်ဆီထိုးတက်လာတယ်။ အဲဒါ ဖြတ်သွားတဲ့ဂူတစ်ခုလုံး ပြာဖြစ်သွားတယ်။

ချီမင်တည်ဆောက်ထားတဲ့လှည့်ဖျားခြင်းအစီအရင်က ဖျက်ဆီးခြင်းကပ်ဘေးဒုက္ခကြောင့် လုံးဝ ပျက်စီးသွားတယ်။

"သန့်စင်ရွှေခန္ဓာ"

ဘုန်း!

ချီမင်က ချက်ချင်း သန့်စင်ရွှေခန္ဓာကို သုံးလိုက်တယ်။ ကောင်းကင်နဲ့မြေကြီးမဟာတာအိုစစ်မှန်အမှတ်အသားတွေလည်ပတ်ပြီးချီမင်ရဲ့ခန္ဓာကိုယ်တစ်ခုလုံးကိုရွှေရောင်အလင်းတစ်ခုအဖြစ်ဖုံးလွှမ်းသွားကာကမ္ဘာကြီးရဲ့သတ်ဖြတ်လိုစိတ်ကို ပိတ်ဆို့ပြီးဖျက်ဆီးခြင်းကပ်ဘေးဒုက္ခကိုခုခံလိုက်တယ်။

အဲဒါကသိုင်းနည်းစနစ်ကိုခုခံနိုင်တဲ့အကျိုးသက်ရောက်မှုပဲ။

"ဟူး..."

ချီမင် သက်ပြင်းချလိုက်ပေမဲ့ သူ့ရဲ့ အဝတ်အစားတွေက ဖျက်ဆီးခြင်းကပ်ဘေးဒုက္ခအောက်မှာ ပြာဖြစ်သွားတာကိုတွေ့လိုက်တယ်။ သူကသူ့ရဲ့ပစ္စည်းစာရင်းထဲက အဝတ်အစားတွေကို ချက်ချင်း ထုတ်ပြီး ပြန်ဝတ်လိုက်တယ်။

ချက်ချင်းပဲ ချီမင်က သူ့ရဲ့ ပစ္စည်းစာရင်းထဲကအနာကျက်ဆေးတစ်လုံးကို ထုတ်ပြီး မျိုချလိုက်တယ်။ သူ့ရဲ့ဓမ္မစွမ်းအားတွေရဲ့နောက်ဆက်တွဲအကျိုးဆက်ကြောင့် ဖြစ်ပေါ်လာတဲ့ အတွင်းဒဏ်ရာတွေ ချက်ချင်း သက်သာသွားတယ်။

"ရွှေရောင်အလင်းစီးခြင်း"

ဝှစ်!

ချီမင်က ကောင်းကင်ဘုံကြယ်တာရာသုံးဆယ့်ခြောက်ပညာရဲ့ လျှို့ဝှက်နက်နဲနည်းစနစ်ရွှေရောင်အလင်းစီးခြင်းကို သုံးလိုက်တယ်။ သူက ရွှေရောင်အလင်းအဖြစ် ပြောင်းလဲပြီး တစ်ရက်တည်းနဲ့ မိုင်ထောင်ချီ သွားလာနိုင်တယ်။ အဲဒါကအရမ်းမိုက်တဲ့ လွတ်မြောက်ခြင်းနည်းစနစ်တစ်ခုပဲ။ ဒဏ္ဍာရီအရ အဲဒါကို ပညာရှိ ရှေးဟောင်းစတည်ကောင်းကင်ဘုံအရှင်က လက်ဆင့်ကမ်းပေးခဲ့တာလို့ ဆိုတယ်။

သူ့ရဲ့ ကျင့်ကြံခြင်းအဆင့် မြင့်လာတာနဲ့အမျှ ရွှေရောင်အလင်းက ပိုမြန်လာလိမ့်မယ်။

တိမ်နဲ့မြူကို စီးနင်းခြင်းက ခရီးဝေးသွားဖို့ သင့်တော်တယ်။သူ့ရဲ့အရှိန်က ရွှေရောင်အလင်းစီးခြင်းကိုမမှီ ပေမယ့်ဓမ္မစွမ်းအင်ကုန်ဆုံးမှုကအရမ်းနည်းတယ်။

ဆန့်ကျင်ဘက်အနေနဲ့ ရွှေရောင်အလင်းစီးခြင်းက မတူဘူး။

အဲဒါကခရီးတိုပျံသန်းဖို့သင့်တော်ပြီးအရမ်းအသုံးဝင်တဲ့ လွတ်မြောက်ခြင်းနည်းစနစ်တစ်ခုလည်း ဖြစ်တယ်။

အဲဒါက အရမ်းမြန်တယ်။

အဲဒီအစားစွမ်းအင်အများကြီးကုန်တယ်။

ယင်းလုံနန်းတော်ကိုအရင်ရောက်ဖို့အတွက်ချီမင်ကနည်းစနစ်ကိုသုံးပြီးရွှေရောင်အလင်းအဖြစ်ပြောင်း လဲပြီးကောင်းကင်မှာပျံသန်းလိုက်တယ်။သူက ရွှေရောင်လျှပ်စီးလိုမျိုးအရှေ့ဘက်အစွန်အဖျားကို အလျင်အမြန်သွားလိုက်တယ်။

တစ်ဖက်မှာ...

"ရတနာကြေးမုံ အို ရတနာကြေးမုံ"

တာအိုကျန်းချန်က သူ့ရဲ့ ညာဘက်လက်ကို ဝှေ့ယမ်းပြီး တာအိုရှာဖွေရေးဂိုဏ်းရဲ့ အာရုံခံနိုင်စွမ်းကို ပိတ်ဆို့လိုက်တယ်။သူကသူ့လက်ထဲကအဋ္ဌဂံ‌ကြေးမုံကို ကြည့်ပြီး သက်ပြင်းချလိုက်တယ် "မင်းကငါ့ကို ချီမင်နောက်ကို လိုက်ခိုင်းတယ်၊ ဒါပေမဲ့ သူ တစ်ခုခု တွေ့သွားလားမသိဘူး။ ငါသူ့နောက်ကိုအရှက်မရှိလိုက်သွားတယ်၊ ဒါပေမဲ့သူကငါ့ကိုသူ့‌နောက်မလိုက်အောင်အတင်းတိုက်တွန်းပြီးတိုက်တောင်တိုက်ခိုက်တယ်။"

"ငါက ချီမင်ကို ကြောက်လို့ မဟုတ်ဘူး၊ ဒါပေမဲ့ သူ့ကို တိုက်ခိုက်ဖို့ လုံးဝ မလိုဘူး"

"ဒါ့အပြင်...ငါ ဒီကို အခွင့်အရေးတွေ ရှာဖို့ လာတာ၊ တိုက်ခိုက်ဖို့ မဟုတ်ဘူး။ငါတာအိုကျန်းချန်က တိုက်ခိုက်တာကို ဘယ်တုန်းကမှ မကြိုက်ဘူး"

"ငါဆက်လိုက်နေရင် ချီမင်ကငါ့ကိုခုတ်သတ်မှာ သေချာတယ်"

"ထားလိုက်တော့"

တာအိုကျန်းချန်က အသက်ကို ဝအောင် ရှူလိုက်ပြီး "ငါတခြား အခွင့်အရေးတစ်ခုပဲရှာတော့မယ်"

ဘုန်း!

တာအိုကျန်းချန်ကအဋ္ဌဂံကြေးမုံကို သိမ်းလိုက်တယ်။

သူ ထရပ်ပြီး ထွက်သွားဖို့ ပြင်လိုက်တယ်။

ဒီကြေးမုံကို ကောင်းကင်နဲ့မြေကြီးကံကြမ္မာအဋ္ဌဂံ‌ ကြေးမုံလို့ ခေါ်တယ်။

ကံကြမ္မာလည်း ပါဝင်တယ်။

အဲဒီတုန်းက တာအိုကျန်းချန်က ခြောက်နှစ်သားပဲ ရှိသေးတယ်။ သူ မတော်တဆ မြစ်ထဲကို ပြုတ်ကျသွားပြီး သူ့ရဲ့ နောက်စေ့က မြစ်အောက်ခြေက ချွန်ထက်တဲ့ ကျောက်တုံးနဲ့ တိုက်မိသွားတယ်။ အဲဒါက သူ့ရဲ့ ခေါင်းကို ပေါက်သွားစေပြီး သူ့ရဲ့ သွေးတွေက မြစ်အောက်ခြေမှာရွှံ့တွေဖုံးလွှမ်းနေတဲ့ ကောင်းကင်နဲ့ မြေကြီးကံကြမ္မာအဋ္ဌဂံ‌ကြေးမုံက မတော်တဆ စုပ်ယူသွားတယ်။

သူတို့ သွေးနဲ့ ချည်နှောင်ခံခဲ့ရတာ အဲဒီအချိန်ကစတယ်။

တာအိုကျန်းချန်က ကောင်းကင်နဲ့ မြေကြီး ကံကြမ္မာ အဋ္ဌဂံကြေးမုံရဲ့အစပိုင်းအသုံးပြုပုံကိုဖမ်းဆုပ်နိုင်သွားပြီ။

အစပိုင်းမှာ တာအိုကျန်းချန်က ငယ်ရွယ်သေးပြီး ဘာမှ မသိဘူး။ ဒါပေမဲ့သူကတစ်ခါတလေအကြောင်းပြချက်အသံတစ်ခုကို ကြားရတယ်။ ဒီအသံရဲ့ သတိပေးချက်အရ သူက ကောင်းတဲ့ အရာတချို့ကို ရရှိနိုင်တယ်။

ဒါပေမဲ့...

တစ်ခါတလေ သူ အန္တရာယ်နဲ့ ကြုံတွေ့ရတယ်။

သူ အသက် ၁၄ နှစ် ရောက်တဲ့အထိအသံရဲ့ သတိပေးချက်အရ ရွာကနေ အရင် ထွက်သွားခဲ့တယ်။ သူ ပြန်ရောက်လာတော့ရွာတစ်ခုလုံးကိုဓားပြတွေက သတ်ဖြတ်သွားကြတယ်။ သူအဲဒီနေရာမှာ ကြောင်ရပ်နေမိတယ်။

အသံက သူ့ကို ရွာကနေ ထွက်သွားဖို့ပဲ သတိပေးခဲ့တယ်၊ ဘာကြောင့်လဲဆိုတာ မပြောခဲ့ဘူး။

ဒါက ကံမကောင်းခြင်းနဲ့ ကံကောင်းခြင်း နှစ်မျိုးလုံးပဲ။

တာအိုရှာဖွေရေးဂိုဏ်းရဲ့အမွေခံအကြီးအကဲတစ်ယောက် ဒီကို ဖြတ်သွားတယ်။ တစ်ရွာလုံးသတ်ဖြတ်ခံရပြီးတော့သွေးနံ့ကအရမ်းပြင်းထန်တဲ့အတွက် သူက မတော်တဆ လှမ်းကြည့်လိုက်မိတယ်။ ပြီးတော့ သူက တာအိုကျန်းချန်ကိုတွေ့သွားပြီး သူ့ရဲ့ ပါရမီကိုအာရုံခံလိုက်မိတယ်။

တာအိုကျန်းချန်က တာအိုရှာဖွေရေးဂိုဏ်းထဲကို ဝင်သွားတယ်။ သူ့ရဲ့ ပါရမီက အရမ်းမြင့်တဲ့အတွက် သူက တာအိုရှာဖွေရေးဂိုဏ်းရဲ့ နန်းတော် ၁၂ ခုထဲက လေးပါးသဏ္ဌာန်နန်းတော်ရဲ့ အမွေခံအကြီးအကဲကုန်းစွန်း‌ဒေါင်မင်ရဲ့ တိုက်ရိုက်ကို အမွေခံတပည့် ဖြစ်လာတယ်။

သူက ခြေတစ်လှမ်းတည်းနဲ့ ကောင်းကင်ဘုံကို ရောက်သွားတယ်လို့ ပြောနိုင်တယ်။

အဲဒီနောက် တာအိုကျန်းချန်က တဖြည်းဖြည်း ကောင်းကင်နဲ့ မြေကြီး ကံကြမ္မာအဋ္ဌဂံ‌ကြေးမုံရဲ့ စွမ်းရည်ကို နားလည်လာတယ်။ သူက အဲဒါကို သုံးပြီး သူ့ရဲ့ ကိုယ်ပိုင် ကြိုးစားအားထုတ်မှုနဲ့ လေးပါးသဏ္ဌာန်နန်းတော်ရဲ့ အကြီးဆုံးအမွေတပည့်ခံစီနီယာအစ်ကိုဖြစ်လာတယ်။

ဒါ့အပြင်...

တာအိုရှာဖွေရေးဂိုဏ်းတစ်ခုလုံးမှာ တာအိုကျန်းချန်ရဲ့ဂုဏ်သတင်းအရမ်းကြီးမားတယ်။

တာအိုကျန်းချန်က ကြေးမုံကို လှမ်းကြည့်လိုက်တော့ အခု ထွက်သွားရင် သူ့ဆီကို တံခါးလာခေါက်မယ့် ကံကောင်းခြင်းတစ်ခုနဲ့ ကြုံတွေ့ရမယ်လို့ သတိပေးတယ်။

တာအိုကျန်းချန် ခြေလှမ်းအနည်းငယ်ပဲ လှမ်းလိုက်ရသေးတဲ့အချိန်မှာ နတ်ဆိုးတွေရဲ့ အစအနတွေကို တွေ့လိုက်တယ်။

"နတ်ဆိုးတွေ! သေစမ်း!"

သူက တိုက်ရိုက် တိုက်ခိုက်လိုက်ပြီး နတ်ဆိုးနှစ်ကောင်ကို သတ်ဖို့ သူ့ရဲ့ ဓမ္မလက်နက်ကို ထုတ်လိုက်တယ်။ လုယက်ပြီးတော့မပြည့်စုံတဲ့ မြေပုံနှစ်ခုနဲ့ အထူးတိုကင်နှစ်ခုကို တွေ့လိုက်တယ်။

"ဒါက..."

တာအိုကျန်းချန်ရဲ့ မျက်လုံးတွေ တောက်ပလာပြီး ပျော်ရွှင်စွာနဲ့ ပြောတယ်၊ "မြေပုံ! ဒါက ရှေးခေတ်ကောင်းကင်ဂူရဲ့ မပြည့်စုံတဲ့ မြေပုံပဲ! ဟားဟားဟား..."

(ဒီမှစ၍တာအိုကျန်းချန်ကို ဒေါင်ကျန်းချန်းလို့ပြင်ပါပြီ။)