နွေဦးဆောင်းဦးဂိုဏ်းနဲ့လေးပင်လယ် နဂါးနန်းတော်
Vol. 8 Ch. 108
ချီမင်ရဲ့ နည်းလမ်းတွေကလည်း ရက်စက်တယ်။ သူ တိုက်ခိုက်ပြီး ရန်သူကို အလောင်းမကျန်အောင် လုပ်လိုက်တယ်။
ချီမင်ဘက်က တိုက်ပွဲအခြေအနေက ကောင်းကင်ဘုံဉာဏ်အလင်းဂိုဏ်းကအကြီးအကဲတွေရဲ့ အာရုံကို ဆွဲဆောင်လိုက်တယ်။ ဒီတစ်ခါမှာ ချီမင်ရဲ့ အင်အားက ရန်သူကို ချေမှုန်းနိုင်ရုံတင် မဟုတ်ဘူး။
အဲဒီအစားချီမင်တွေ့ခဲ့တဲ့ပြိုင်ဘက်ကနတ်ဆိုးဂိုဏ်းကနတ်ဆိုးတစ်ကောင်ဖြစ်လို့ပဲ။ ဒါကအကြီးအကဲတွေရဲ့ မျှော်လင့်ချက်ကို ကျော်လွန်သွားပြီ။
"အသင်္ချေ နတ်ဆိုးဂူရဲ့ အမွေခံတပည့်ပဲ!"
"ဘာဖြစ်နေတာလဲ? အသင်္ချေ နတ်ဆိုးဂူရဲ့ အမွေခံတပည့်တွေ ဘာလို့ ရှေးခေတ်ကောင်းကင်ဂူထဲမှာ ပေါ်လာတာလဲ? ဒီတစ်ခါ တာအိုရှာဖွေရေးဂိုဏ်းနဲ့ ကောင်းကင်ဘုံဉာဏ်အလင်းဂိုဏ်းရဲ့ အမွေခံတပည့်တွေပဲ မဟုတ်ဘူးလား?"
"ဘာဖြစ်သွားတာလဲ?"
"ငါ မမှားဘူးဆိုရင် ရှေးခေတ်ကောင်းကင်ဂူအကြောင်း သတင်းတွေ ပေါက်ကြားသွားတာ သေချာတယ်"
"..."
အကြီးအကဲတွေကလေးလေးနက်နက်ဆွေးနွေးနေကြတယ်။
ဒီကိစ္စရဲ့ တိုးတက်မှုက သူတို့ရဲ့ မျှော်လင့်ချက်ကို ကျော်လွန်သွားပြီ။
"အသင်္ချေ နတ်ဆိုးဂူတင် မဟုတ်ဘူး!"
"တခြား အမွေခံတပည့်တွေကို ကြည့်လိုက်စမ်းပါ။ သူတို့ကြုံတွေ့ခဲ့တဲ့ ရန်သူတွေကနွေဦးဆောင်းဦးဂိုဏ်းရဲ့ အမွေခံတပည့်တွေနဲ့ ဗုဒ္ဓတစ်သောင်းဂိုဏ်းရဲ့ ဗုဒ္ဓသားတော်တွေလည်း ဒီမှာ ရှိနေတယ်"
(ကျောင်းလို့ပြန်ရတာထောက်လို့ဂိုဏ်းပြောင်းလိုက်တယ်အမှန်ကtempleလို့ရေးထားတာ)
"သေစမ်း!"
"နတ်ဆိုးနန်းတော်လည်း ရှိသေးတယ်"
"..."
ကောင်းကင်မှာ လွင့်မျောနေတဲ့ နန်းတော် ၁၂ ခုက အကြီးအကဲတွေ ထပ်ပြီး အော်ဟစ်လိုက်ကြတယ်။
အရေးကြီးဆုံးက...
ကောင်းကင်ဘုံဉာဏ်အလင်းဂိုဏ်းဘက်မှာ ထိခိုက်ဒဏ်ရာရသူတွေ ရှိနေပြီ။
ကျောက်စိမ်းတောက်ပတောင်ထွတ်ရဲ့အမွေခံတပည့်တစ်ယောက်ကိုနွေဦးဆောင်းဦးဂိုဏ်းနဲ့အသင်္ချေ နတ်ဆိုးဂူရဲ့အမွေခံတပည့်တွေကပူးပေါင်းပြီးတိုက်ခိုက်ခဲ့တယ်။ သူကသူ့ရဲ့အင်အားကုန်ကို သုံးပေမဲ့ နောက်ဆုံးမှာ မယှဉ်နိုင်ဘဲ အဲဒီနေရာမှာအသတ်ခံလိုက်ရတယ်။
"မဟုတ်ဘူး!"
"ဒါ ဆက်ဖြစ်လို့ မဖြစ်ဘူး"
"..."
တောင်ထွတ် ၁၂ ခုရဲ့တောင်ထွတ်သခင်တွေအားလုံး ထရပ်လိုက်ကြတယ်။
သူတို့ရဲ့ အကြည့်တွေကတည်ကြည်နေပြီး မဟာအကြီးအကဲသုံးပါးနဲ့ ဂိုဏ်းချုပ်ကို ကြည့်နေကြတယ်။
"ဂိုဏ်းချုပ်၊ မဟာအကြီးအကဲသုံးပါးခင်ဗျား၊ ဒီအမွေခံတပည့်ပြိုင်ပွဲကို ချက်ချင်း ရပ်တန့်ပေးပါ။ ဒီကိစ္စက မူလအစီအစဉ်နဲ့ လွဲချော်သွားပါပြီ။ တောင်ပိုင်းဒေသရဲ့ အင်အားကြီးငါးဖွဲ့က ရှေးခေတ်ကောင်းကင်ဂူထဲမှာ စုဝေးနေကြပါတယ်။ ဒီအခြေအနေက အရမ်း အန္တရာယ်များပါတယ်"
"ဟုတ်တယ်"
"ဒီအမွေခံတပည့်တွေရဲ့ လုံခြုံရေးအတွက် ဒီအမွေခံတပည့်ပြိုင်ပွဲကို ချက်ချင်း ရပ်တန့်ပြီး သူတို့ကို ကောင်းကင်ဘုံဉာဏ်အလင်းဂိုဏ်းကို ပြန်ခေါ်သင့်ပါတယ်"
"..."
တောင်ထွတ် ၁၂ ခုရဲ့တောင်ထွတ်သခင်တွေကပြောတယ်။
ဒါတင်မကဘူး၊ အမွေခံအကြီးအကဲတော်တော်များများလည်း သဘောတူကြတယ်။
"တော်ပြီ"
ယန်လီရဲ့ အကြည့်က ကျရောက်လာပြီး မမြင်နိုင်တဲ့ ဖိအားတစ်ခုက မြင်ကွင်းတစ်ခုလုံးကို ဖိနှိပ်လိုက်ပြီးအဲဒီမှာရှိတဲ့လူတိုင်းကိုပါးစပ်ပိတ်ပြီး တိတ်ဆိတ်သွားစေတယ်၊ "နွေဦးဆောင်းဦးဂိုဏ်း၊ ဗုဒ္ဓတစ်သောင်းဂိုဏ်း အသင်္ချေ နတ်ဆိုးဂူနဲ့ နတ်ဆိုးနန်းတော်ကသူတို့ စေလွှတ်လိုက်တဲ့ လူတွေက လူငယ်မျိုးဆက်ရဲ့ အမွေခံတပည့်တွေပဲ။ သူတို့လည်း လူငယ်မျိုးဆက်ရဲ့ အမွေခံတပည့်တွေပဲ။ ငါတို့ရဲ့ ကောင်းကင်ဘုံဉာဏ်အလင်းဂိုဏ်းက သူတို့ကို ကြောက်နေတာလား?"
"မင်းတို့ရဲ့ တောင်ထွတ်အသီးသီးက အမွေခံတပည့်တွေ အန္တရာယ်နဲ့ ကြုံတွေ့ရမှာကို မင်းတို့ စိုးရိမ်နေတာကို ငါ နားလည်နိုင်တယ်။ မင်းတို့ရဲ့ စိတ်နဲ့ လုပ်ရပ်တွေကို ငါ နားလည်နိုင်တယ်။ ဒါပေမဲ့ ငါ့ရဲ့ အမွေခံတပည့်ကလည်း ရှေးခေတ်ကောင်းကင်ဂူထဲကို ဝင်သွားပြီ"
"ငါ မစိုးရိမ်ဘူးလို့ မင်း ထင်နေတာလား?"
"ဒါ့အပြင်..."
ယန်လီရဲ့လေသံကခဏရပ်သွားတယ်၊ "ဒီတစ်ခါ တောင်ပိုင်းဒေသရဲ့အင်အားစုတွေပဲပါဝင်နေတယ်လို့ မင်းတို့ ထင်နေတာလား? မင်းတို့ မှားနေတယ်။ အရှေ့ပိုင်းဒေသရဲ့ လေးပင်လယ် နဂါးနန်းတော်၊ နတ်ဘုရားစိတ်ဝိညာဉ်ခံတပ်နဲ့ နတ်ဆိုးအင်မော်တယ်ဂိုဏ်းရဲ့ အမွေခံတပည့်တွေလည်း ဒီမှာ ရှိနေတယ်"
"အခြေအနေတွေက မင်းတို့ ထင်ထားတာထက် ပိုရှုပ်ထွေးတယ်"
"ဒီအမွေခံတပည့်ပြိုင်ပွဲက နေရာတိုင်းမှာ ခြိမ်းခြောက်မှုတွေနဲ့ အရမ်း အန္တရာယ်များတယ်။ နည်းနည်းလောက်ဂရုမစိုက်ရင် သေသွားလိမ့်မယ်။ ဒါကြောင့် ငါက မဟာအကြီးအကဲတွေနဲ့ စည်းမျဉ်းအမျိုးမျိုးကို ဆွေးနွေးပြီး အမွေခံတပည့်အားလုံးကို လက်လျှော့ဖို့ အခွင့်အရေးပေးခဲ့တယ်။ အင်အားမလုံလောက်တဲ့ အမွေခံတပည့်တွေကို ပြန်ဆုတ်ခွာဖို့အတွက် ငါတို့က ရုပ်သေးစစ်ဆေးခြင်းကိုတောင် သုံးခဲ့တယ်"
"ဂိုဏ်းချုပ်!!!"
"ငါတို့..."
တောင်ထွတ် ၁၂ ခုရဲ့တောင်ထွတ်သခင်တွေ တိတ်ဆိတ်သွားကြတယ်။
သူတို့က အရမ်း စိုးရိမ်ပြီး စိတ်ပူနေကြတယ်။
"ဟူး..."
ဖန်ကျုံးနဲ့ အခြား ဖယ်ထုတ်ခံခဲ့ရတဲ့ အမွေခံတပည့်တွေ သက်ပြင်းချလိုက်ကြတယ်။ သူတို့ရဲ့ စိတ်က နည်းနည်း ရှုပ်ထွေးနေတယ်။ သူတို့ နည်းနည်း သက်သာသွားသလို ခံစားရပေမဲ့ အင်အားကြီး ဂိုဏ်းအသီးသီးရဲ့ အမွေခံအဆက်အနွယ်တွေနဲ့ မယှဉ်ပြိုင်နိုင်ခဲ့တဲ့အတွက် နည်းနည်းလည်း နောင်တရနေကြတယ်။
"အမွေခံတပည့်ပြိုင်ပွဲ ဆက်လက်ကျင်းပမယ်" ယန်လီက တည်တည်ငြိမ်ငြိမ် ပြောလိုက်တယ်။
"ဟုတ်ကဲ့"
"ဟုတ်ကဲ့"
"..."
တောင်ထွတ် ၁၂ ခုရဲ့ တောင်ထွတ်သခင်တွေပြန်ထိုင်လိုက်ကြတယ်။
"တာအိုဆရာအဇူရာနဂါး" ယန်လီက ပြောတယ်၊ "အမွေခံတိုကင်ကနေ အမွေခံတပည့်အားလုံးကို သတင်းပို့ပြီး ဂရုစိုက်ခိုင်းလိုက်ပါ။ အရှေ့ပိုင်းဒေသနဲ့ တောင်ပိုင်းဒေသက ဂိုဏ်းအသီးသီးရဲ့ အမွေခံတပည့်တွေ ရှေးခေတ်ကောင်းကင်ဂူထဲကို ရောက်နေပြီ။ သူတို့ကို ဘာမှ စိုးရိမ်မနေခိုင်းနဲ့။ သူတို့နိုင်ရင်အဲ့ ဒီကျူးကျော်သူတွေကို သတ်ပစ်လိုက်ပါ။ ဘာဖြစ်ဖြစ် ကောင်းကင်ဘုံဉာဏ်အလင်းဂိုဏ်းက သူတို့ရဲ့ နောက်ခံဖြစ်လိမ့်မယ်"
"ဟုတ်တယ်၊ သူတို့ အင်အားမလုံလောက်လို့ အင်အားကြီး ဂိုဏ်းအသီးသီးရဲ့ အမွေခံတပည့်တွေရဲ့ လက်ထဲမှာ သေဆုံးသွားရင် အဲဒါက သူတို့ရဲ့ ကံကြမ္မာပဲ"
"ဟုတ်ကဲ့" တာအိုဆရာအဇူရာနဂါးက ခေါင်းညိတ်တယ်။
ဘုန်း!!!
နောက်တစ်ခဏမှာ တာအိုဆရာအဇူရာနဂါးက နတ်ဘုရားနည်းစနစ်ကို သုံးပြီး ဒီသတင်းကို အမွေခံတိုကင်ဆီ ပို့လိုက်တယ်။ ကောင်းကင်ဘုံဉာဏ်အလင်းဂိုဏ်းရဲ့ တောင်ထွတ် ၁၂ ခုက အမွေခံတပည့်တွေက အဲဒါကနေ သက်ဆိုင်တဲ့ သတင်းကို ရရှိလိုက်ကြတယ်။
"ဟွတ် ဟွတ်"
ချီမင်က ရှုဇီရဲ့ သိုလှောင်အိတ်ကို သန့်ရှင်းရေးလုပ်ပြီးတာနဲ့ ပြီးသွားတယ်။ အဲဒီထဲမှာ ဝိညာဉ်ကျောက်တုံးတွေ အများကြီးရယ်ပစ္စည်းအမျိုးမျိုးနဲ့ နတ်ဆိုးရတနာတွေ ရှိတယ်။ ဘာပဲဖြစ်ဖြစ် သူက အသင်္ချေ နတ်ဆိုးဂူရဲ့ ကာမနတ်ဆိုးတာအိုရဲ့ အမွေခံတပည့်တစ်ယောက်ပဲ။ သူ့ရဲ့ တန်ဖိုးက တော်တော်လေး မြင့်တယ်။
"ငါ နောက်ထပ် ငွေတစ်ထုတ် ရလိုက်ပြီ" ချီမင်က ပြောတယ်။
သူက နောက်ထပ် ပိုက်ဆံရှာဖို့ စိတ်မဝင်စားတော့ဘူး။ အရင်တုန်းကနဲ့ မတူဘူး ဘာလို့လဲဆိုတော့ ချီမင်မှာ အခု ဝိညာဉ်ကျောက်တုံးတွေ ဒါမှမဟုတ် ပစ္စည်းတွေ မရှားတော့ဘူး။
"အရှေ့ပိုင်းဒေသနဲ့ တောင်ပိုင်းဒေသက အင်အားကြီး ဂိုဏ်းအသီးသီးရဲ့ အမွေခံတပည့်တွေအကုန်က တကယ်တော့ ဒီယင်းလုံကောင်းကင်ဂူထဲမှာ စုဝေးနေကြတာပဲ။ ဒီတိုက်ပွဲက တကယ်ကို နည်းနည်း ကြီးမားတယ်"
ချီမင်က အမွေခံတိုကင်ထဲက သတင်းကို ရလိုက်တယ်။ အဲဒါက ကောင်းကင်ဘုံဉာဏ်အလင်းဂိုဏ်းက လာတာဆိုတော့ သတင်းက မှားစရာ အကြောင်းမရှိဘူး။
"လူပေါင်းစုံ ရောက်လာကြတယ်။ နတ်ဆိုးအုပ်စု ကခုန်နေတယ်လို့ ခံစားနေရတယ်"
ဘုန်း! ဘုန်း!
ဒီအချိန်မှာ ချီမင်က မဝေးတဲ့နေရာကနေ တိုက်ပွဲအသံကို ကြားလိုက်တယ်။ အဲဒါက မဝေးဘူး။ တိုက်ပွဲရဲ့ နောက်ဆက်တွဲအရှိန်အဝါကြောင့် ဖြစ်ပေါ်လာတဲ့ ဝိညာဉ်ချီစွမ်းအင် အပြောင်းအလဲက ချီမင်ဆီတောင် ရောက်လာတယ်။
"ဘယ်သူလဲ?"
ဝှစ်!
ချီမင်က ရွှေရောင်အလင်းအဖြစ် ပြောင်းလဲပြီး တိုက်ပွဲဖြစ်ပွားတဲ့ နေရာကို ဦးတည်သွားတယ်။
မကြာခင်မှာ သူ ရောက်သွားတယ်။
သူက တိုက်ပွဲရဲ့ အစွန်းမှာ ရပ်နေတယ်။
လှမ်းကြည့်လိုက်တော့ ချီမင်က ဂိုဏ်းသုံးခုကို မှတ်မိတယ်။
သူက ရင်းနှီးတဲ့သူတစ်ယောက်ကိုလည်း တွေ့တယ်။
သူ့ရဲ့ စီနီယာအစ်မကျန်းဖေးကျွမ်းပဲ။
ဒါ့အပြင် ကောင်းကင်ဘုံဉာဏ်အလင်းဂိုဏ်းရဲ့ တောင်ထွတ်အသီးသီးက အမွေခံတပည့် လေးယောက်လည်း ရှိတယ်။
ကျန်တဲ့ ဂိုဏ်းနှစ်ခုအတွက် ချီမင်က ခဏလောက်ပဲ လေ့လာပြီး တစ်ဖက်လူက ဘယ်ဂိုဏ်းနဲ့ ဘယ်ဂိုဏ်းကလဲဆိုတာ ပေါ့ပေါ့ပါးပါး ခန့်မှန်းလိုက်တယ်။
နွေဦးဆောင်းဦးဂိုဏ်းနဲ့ လေးပင်လယ် နဂါးနန်းတော်။
"နောက်တစ်ယောက် ရောက်လာပြီ"
နွေဦးဆောင်းဦးဂိုဏ်းရဲ့ အမွေခံတပည့်တစ်ယောက်က ခေါင်းမော့ပြီးတိုက်ပွဲအပြင်ဘက်က ချီမင်ကို ကြည့်လိုက်တယ်။ သူ့ရဲ့ ပါးစပ်ထောင့်က အနည်းငယ် ကွေးသွားတယ်၊ "ဒါ့အပြင် သူက ကောင်းကင်ဘုံဉာဏ်အလင်းဂိုဏ်းရဲ့ အမွေခံတပည့်ပဲ"
"တစ်ယောက်ပိုလာလည်း အရေးမကြီးဘူး။ အားလုံးကို သတ်ပစ်လိုက်"
လေးပင်လယ် နဂါးနန်းတော်ရဲ့ နဂါးမျိုးရိုးဂျူနီယာက ရက်စက်တဲ့ အကြည့်နဲ့ သူ့ရဲ့ သတ်ဖြတ်လိုတဲ့ စိတ်ကို မဖုံးကွယ်ထားဘူး၊ "ဒါမှမဟုတ် ကောင်းကင်ဘုံဉာဏ်အလင်းဂိုဏ်းရဲ့ အမွေခံတပည့်တွေလို့ ပြောရမလား၊ မင်းတို့ အခုရထားတဲ့အရာကို ငါ့ကို လွှဲပေးနိုင်ရင် မင်းတို့ကို လွှတ်ပေးဖို့ စဉ်းစားနိုင်တယ်"
ဒီကိစ္စက အခြေခံအားဖြင့် ရှင်းနေပြီ။
နာရီဝက်အကြာက ကျန်းဖေးကျွမ်းနဲ့ တခြားသူတွေ အတူတကွသွားပြီး စွန့်ပစ်ထားတဲ့ နန်းတော်တစ်ခုထဲကို ဝင်သွားကြတယ်။ ဒီနန်းတော်ထဲမှာ သူတို့ ရှေးခေတ်က ကျန်ခဲ့တဲ့ ရတနာတွေကို ရလိုက်တယ်။
ကျန်းဖေးကျွမ်းနဲ့ တခြားသူတွေအောင်ပွဲမခံရခင်စွန့်ပစ်ထားတဲ့ နန်းတော်ကနေ ထွက်လာတာနဲ့ နွေဦးဆောင်းဦးဂိုဏ်းရဲ့ အမွေခံတပည့်တွေနဲ့ နဂါးနန်းတော်ရဲ့ နဂါးမျိုးရိုးတွေကိုတွေ့လိုက်တယ်။
ရှေးဟောင်းရတနာတွေကို ရထားတဲ့ ကျန်းဖေးကျွမ်းနဲ့ တခြားသူတွေကို ပစ်မှတ်ထားခံလိုက်ရတယ်။
တိုတိုပြောရရင် ဒါက အရမ်း သာမန်ဆန်တဲ့ 'လူသတ်ပြီး လုယက်တဲ့' မြင်ကွင်းတစ်ခုပဲ။
ယင်းလုံကောင်းကင်ဂူကို ရှေးခေတ်နတ်ဆိုးဧကရာဇ် ယင်းလုံက တည်ထောင်ခဲ့တယ်။ အကြီးဆုံး အမွေအနှစ်နဲ့ ယင်းလုံနန်းတော်အပြင် တခြား နန်းတော်တွေနဲ့ ခန်းမတွေလည်း ရှိတာ သဘာဝကျတယ်။
အဲဒါတွေက အခြေခံအားဖြင့် ရှေးခေတ်နတ်ဆိုးဧကရာဇ် ယင်းလုံရဲ့ လက်အောက်ငယ်သားတွေရဲ့ ခန်းမတွေပဲ။
ရှေးခေတ်က ကျန်ခဲ့တဲ့ ရတနာတချို့လည်း ရှိတယ်။
ကျန်းဖေးကျွမ်းနဲ့ တခြားသူတွေက ရှေးခေတ်နတ်ဆိုးဧကရာဇ် ယင်းလုံရဲ့ လက်အောက်ငယ်သားတစ်ယောက် ကျန်ခဲ့တဲ့ အမွေအနှစ်နဲ့ ရတနာတွေကို ရခဲ့တယ်။ အဲဒါတွေက သိပ်ပြီး တန်ဖိုးမကြီးပေမဲ့ ကျန်းဖေးကျွမ်းနဲ့ တခြားသူတွေအတွက် ရှားပါးတဲ့ ရတနာတွေ ဖြစ်နေပြီ။
အဲဒါက ဘာလဲဆိုတာကတော့...
ချီမင်က အခုအချိန်မှာ မသိသေးဘူး။
"ဂျူနီယာမောင်လေး"
ကျန်းဖေးကျွမ်းက ခေါင်းမော့ပြီး ဘယ်သူလဲဆိုတာ မြင်လိုက်တယ်။ သူမရဲ့ လှပတဲ့ မျက်လုံးတွေထဲမှာ အံ့သြတဲ့ အရိပ်အယောင်တစ်ခု ပေါ်လာတယ်၊ "နင်ဘာလို့ ဒီမှာ ရောက်နေတာလဲ? မြန်မြန်သွား၊ ဝင်မပါနဲ့"
"စီနီယာအစ်မ"
ချီမင်က ပခုံးတွန့်ပြီး နွေဦးဆောင်းဦးဂိုဏ်းနဲ့ လေးပင်လယ် နဂါးနန်းတော်ရဲ့ အမွေခံတပည့်တွေကို ကြည့်တယ်၊ "အခု ကျွန်တော် သွားချင်ရင်တောင် မသွားနိုင်တော့ဘူး"
"ဟားဟားဟား..."
လေးပင်လယ် နဂါးနန်းတော်ရဲ့ နဂါးမျိုးနွယ်တွေ ကရယ်မောလိုက်ကြတယ်၊ "အနည်းဆုံးတော့ မင်းရဲ့ နေရာကို မင်းသိသားပဲ။"
"နွေဦးဆောင်းဦးဂိုဏ်းနဲ့ လေးပင်လယ်နဂါးနန်းတော်"
မြင့်မြတ်ပန်းပဲတောင်ထွတ်ရဲ့ အမွေခံတပည့် ချန်ဖုန်းလင်းရဲ့ အကြည့်က အေးစက်လာတယ်။ သူ့ရဲ့ ကျင့်ကြံခြင်းအဆင့်ကအခြေတည်ဝိညာဉ်နှောင်းပိုင်းအဆင့်ကို ရောက်နေပြီ။ ဒါ့အပြင် သူကတာအိုအခြေတည်ဝိညာဉ်ကို စုစည်းနိုင်းတဲ့အခြေတည်ဝိညာဥ်ဖွဲ့စည်းခြင်းနည်းစနစ်ကို ကျင့်ကြံထားတယ်။
ချန်ဖုန်းလင်းက ဝါရင့် အမွေခံတပည့်တစ်ယောက်ပဲ။
"မင်းတို့ တကယ် တိုက်ခိုက်ချင်တာလား?" ချန်ဖုန်းလင်းက အော်ဟစ်လိုက်တယ်။
"လက်လွှဲပေးရင် မင်းတို့ကို အသက်ချမ်းသာပေးဖို့ စဉ်းစားပေးမယ်" နွေဦးဆောင်းဦးဂိုဏ်းရဲ့ အမွေခံတပည့်က ပြောတယ်။
"မင်း သေချင်နေတာပဲ"
ဘုန်း!
ချန်ဖုန်းလင်းက နောက်မဆုတ်တော့ဘူး။ သူက သူ့ရဲ့ ကျင့်ကြံခြင်းနည်းလမ်းကို လည်ပတ်ပြီး သူ့ရဲ့ တာအိုအခြေတည်ဝိညာဉ်ရဲ့ အင်အားကို ထုတ်လွှတ်လိုက်တယ်။ သူ့ရဲ့ ဓမ္မစွမ်းအားတွေ မြင့်တက်လာပြီး သူ့ရဲ့ကိုယ်ပိုင်ဓမ္မလက်နက် နတ်ဘုရားဝိညာဉ်ဗဂျရာက လေထုကို ခွဲထွက်သွားတယ်။
"တိုက်ခိုက်!"
ချန်ဖုန်းလင်းက နတ်ဘုရားဝိညာဉ်ဗဂျရာကို ကိုင်ထားတယ်။ သူ့ရဲ့ ခန္ဓာကိုယ်တစ်ခုလုံး ထူထပ်တဲ့ ရွှေရောင်အလင်းနဲ့ တောက်ပနေတယ်။ သူ့နောက်မှာ ဦးခေါင်းသုံးလုံးနဲ့ လက်ခြောက်ဖက်ပါတဲ့ခမ်းနားထည်ဝါတဲ့ အရှိန်အဝါနဲ့ ဓမ္မရုပ်တုတစ်ခုပေါ်လာတယ်။
"တိုက်ခိုက်"
"တိုက်ခိုက်!"
တုန့်ဆိုင်းမနေတော့ဘဲ ကျန်းဖေးကျွမ်းနဲ့ ကျန်တဲ့ အမွေခံတပည့်သုံးယောက်က တစ်ယောက်ကိုတစ်ယောက် ကြည့်ပြီး သူတို့ရဲ့ အင်အားတွေကို ပေါက်ကွဲထွက်လိုက်တယ်။ သူတို့ရဲ့ ဓမ္မစွမ်းအားတွေ မြင့်တက်လာပြီး သူတို့ရဲ့ ကိုယ်ပိုင်ဓမ္မလက်နက်တွေကို ထုတ်ယူပြီး နွေဦးဆောင်းဦးဂိုဏ်းနဲ့ လေးပင်လယ် နဂါးနန်းတော်ရဲ့ တပည့်တွေနဲ့ နဂါးမျိုးနွယ်တွေကို တိုက်ခိုက်လိုက်ကြတယ်။
တိုက်ပွဲ စတင်လာတယ်။
"မင်းတို့ ကိုယ့်ကိုကိုယ် အရမ်း အထင်ကြီးနေကြတာပဲ"
"မင်းတို့ သေချင်နေတာပဲ"
"သူတို့ကို သတ်ပစ်"
"..."
ဘုန်း! ဘုန်း! ဘုန်း!!!
တိုက်ပွဲ စတင်လာတယ်။
နွေဦးဆောင်းဦးဂိုဏ်းရဲ့ အမွေခံတပည့် ငါးယောက် ရှိတယ်။ သူတို့ထဲက တစ်ယောက်က ချန်ဖုန်းလင်းနဲ့ တူတူပဲ။ သူ့ရဲ့ ကျင့်ကြံခြင်းအဆင့်ကအခြေတည်ဝိညာဉ် နှောင်းပိုင်းအဆင့်ကို ရောက်နေပြီး သူလည်း တာအိုအခြေတည်ဝိညာဉ်ကို စုစည်းထားတယ်။
ကျန်တဲ့ လေးယောက်ထဲမှာ နှစ်ယောက်ကအခြေတည်ဝိညာဉ်အလယ်ပိုင်းအဆင့်မှာ ရှိပြီး နှစ်ယောက်ကအခြေတည်ဝိညာဉ်အစောပိုင်းအဆင့်မှာ ရှိတယ်။
ဒါ့အပြင် လေးပင်လယ် နဂါးနန်းတော်ရဲ့ နဂါးမျိုးနွယ်တွေကလည်း အားနည်းတဲ့သူတွေ မဟုတ်ဘူး။ သူတို့ စုစုပေါင်း ခြောက်ယောက် ရှိတယ်။ သူတို့ကအခြေတည်ဝိညာဉ် နှောင်းပိုင်းအဆင့်မှာ မရှိပေမဲ့ သူတို့အားလုံးကအခြေတည်ဝိညာဉ်အလယ်ပိုင်းအဆင့်မှာ ရှိတယ်။
သူတို့ ပူးပေါင်းတိုက်ခိုက်တဲ့အခါ အထူးပူးပေါင်းအစီအရင်တစ်ခုကိုတည်ဆောက်နိုင်ပြီးအရမ်းအင်အားကြီးတယ်။
တိုက်ပွဲ စတင်ခဲ့တယ်။
ကျန်းဖေးကျွမ်းနဲ့ တခြားသူတွေ အားနည်းနေကြတယ်။ ချန်ဖုန်းလင်းက အင်အားကြီးပေမဲ့ နွေဦးဆောင်းဦးဂိုဏ်းရဲ့အခြေတည်ဝိညာဉ်နှောင်းပိုင်းအဆင့် အမွေခံတပည့်လည်း အားနည်းတဲ့သူ မဟုတ်ဘူး။ နှစ်ဖက်သား တိုက်ခိုက်တဲ့အခါ ခဏတာမှာ ဘယ်သူနိုင်မလဲဆိုတာ ဆုံးဖြတ်ဖို့ မဖြစ်နိုင်ဘူး။
ဒီလိုနဲ့ ကျန်းဖေးကျွမ်းနဲ့ တခြားသူတွေ အန္တရာယ်နဲ့ ကြုံတွေ့နေရတယ်။
ဖျန်း!!!
မကြာခင်မှာ အမွေခံတပည့်တစ်ယောက် ဒဏ်ရာရသွားတယ်။ လေးပင်လယ် နဂါးနန်းတော်ရဲ့ နဂါးမျိူးနွယ်တစ်ယောက်က အခွင့်အရေးကို ဆုပ်ကိုင်ပြီး ကြီးမားတဲ့ နဂါးခေါင်းတစ်ခုကို ဖော်ထုတ်လိုက်တယ်။ သူက သူ့ရဲ့ သွေးရောင်ပါးစပ်ကို ဖွင့်ပြီး ဒီအမွေခံတပည့်ရဲ့ ဘယ်ဘက်လက်ကို ကိုက်ဖြတ်လိုက်တယ်။ ဒါ့အပြင် အကြိမ်အနည်းငယ် ဝါးပြီးသူ့ရဲ့ အစာအိမ်ထဲကို မျိုချလိုက်တယ်။
"အမွေခံတပည့်တစ်ယောက်ရဲ့ အသားနဲ့ သွေးနဲ့ဆိုတော့ တကယ်ကို ထူးခြားတာပဲ။ သာမန်လူသားတွေထက် အများကြီး သာတယ်။ ကလေးတွေတောင် မယှဉ်နိုင်ဘူး!" နဂါးမျိုးနွယ်က ရက်စက်စွာ ပြုံးတယ်။
"မင်း..." အမွေခံတပည့်ရဲ့ မျက်နှာက ဖြူဖျော့သွားပြီး နဖူးမှာ ချွေးအေးတွေ စီးကျလာတယ်။
"အား!!!"
ရုတ်တရက် လူတိုင်း ကြေကွဲဖွယ် အော်သံတွေကို ကြားလိုက်ရတယ်။
လှမ်းကြည့်လိုက်တော့ ချီမင်ရဲ့ ညာဘက်လက်က လေနဲ့အတူ ကြီးထွားလာပြီး မယုံနိုင်လောက်အောင် ကြီးမားသွားတယ်။ ဓမ္မစွမ်းအားတွေ စုစည်းလာပြီး သူကလေးပင်လယ်နဂါးနန်းတော်ရဲ့နဂါးမျိုးနွယ်တစ်ယောက်ကို ဆုပ်ကိုင်ပြီး ဖြည်းဖြည်းချင်း အားစိုက်ညှစ်လိုက်တယ်။