စိတ်ဝိညာဉ်ဘုံ....

နတ်ဆိုးသူတော်စင်အသိုက်။

နတ်ဆိုးသူတော်စင်လူဝံကြီးကလည်း ရှေးဟောင်းသူတော်စင်များ၏ တိုက်ပွဲကို ခံစားမိလေသည်။

" အဲ့ဒီမိစ္ဆာအိုကြီးက ဒီတစ်ခါ ရှားရှားပါးပါး တိုက်ခိုက်နေတာလား။ " နတ်ဆိုးသူတော်စင် လူဝံကြီးက အံ့ဩသွားပြီး ရှေးဟောင်းသူတော်စင်များ၏ တိုက်ပွဲကို အာရုံစိုက်လို​က်သည်။

တောင်ပိုင်းနယ်မြေ မိစ္ဆာနန်းတော်။

ပိန်ပိန်နှင့်လူက ပလ္လပေါ်တွင် ထိုင်နေသည်။ သူက ရှေးဟောင်းသူတော်စင်များ၏ တိုက်ပွဲမှ စွမ်းအားလှိုင်းများကို ခံစားမိပြီး စိတ်ရှုပ်ထွေးနေသည်။

မိစ္ဆာဘုရင်က မျက်မှောင်ကြုတ်နေပြီး မုရှင်းလျိုနှင့် တိုက်ခိုက်နေသော ရှေးဟောင်းသူတော်စင်၏ အော်ရာက အမှန်တကယ်ပင် သူနှင့်တူနေသည်။

မိစ္ဆာကျင့်ကြံသူများက ထိုက်ယင်စွမ်းအားကို ကျင့်ကြံကြသော်လည်း ၎င်းထဲတွင် မြေအောက်ကမ္ဘာမှ သေခြင်းအော်ရာများ ပါဝင်နေသည်။ သို့သော် ထိုလူ၏ ထိုက်ယင်စွမ်းအားက အလွန်သန့်စင်နေပြီး ဟင်းလင်းပြင်သန့်စင်ခြင်းအဆင့် ရှိသော မိစ္ဆာဘုရင်ပင် ယှဉ်နိုင်ခြင်းမရှိပေ။

" သူက တကယ်ဘယ်သူလဲ။ "

မိစ္ဆာဘုရင်က သွေးနတ်ဆိုးသခင်နှင့် နတ်ဆိုးသူတော်စင်တို့ကို ဆက်သွယ်ပြီး မုရှင်းလျိုနှင့် တိုက်ခိုက်နေသူမှာ သူမဟုတ်ဘဲ မည်သူဖြစ်သည်ကို မေးမြန်းလိုက်သည်။

တိမ်မြူခိုးတော်ဝင်နယ်မြေ။

လင်းယွမ်က တောင်ထိပ်ပေါ်တွင် ပျင်းရိစွာ လဲလျောင်းနေသည်။ တစ်ချိန်တည်းတွင် သူက တာအိုအင်မော်တယ်ဂိုဏ်း၏ လှုပ်ရှားမှုများကို အာရုံစိုက်နေသည်။

တိမ်မြူခိုးတော်ဝင်နယ်မြေက တာအိုအင်မော်တယ်ဂိုဏ်းနှင့် မိုင်တစ်သောင်းကျော်သာဝေးပြီး လင်းယွမ်၏ စွမ်းအားနှင့် ထိုအကွာအဝေးကို ကောင်းစွာမြင်နိုင်လေသည်။

" ဟမ် " လင်းယွမ်က တာအိုအင်မော်တယ်ဂိုဏ်းမှ ချီစွမ်းအားလှိုင်းအနည်းငယ်ကို ခံစားလိုက်ရသည်။

မုရှင်းလျိုက ထိုဆန်းကျယ်သော ထိုက်ယင်ရှေးဟောင်းသူတော်စင်ကို ထိမ်းသိမ်းထားရန် အင်မော်တယ်ကြေးမုံမှတစ်ဆင့် သူ၏ အစစ်အမှန်ခန္ဓာကိုယ်ကို ကောင်းကင်ကိုးပါးသို့ ပို့ဆောင်ချင်နေသည်။

အထက် ကောင်းကင်ကိုးပါးတွင် လင်းယွမ်၏ ယင်စိတ်ဝိညာဉ်က မုရှင်းလျိုကို ရိုက်ချက်တစ်ချက်နှင့် နောက်ဆုတ်စေလိုက်ပြီး သူ၏ ခန္ဓာကိုယ်က ထိုက်ယင်စွမ်းအားမျှင်များအဖြစ် ပြောင်းလဲပြီး ကောင်းကင်နှင့် မြေကြီးကြားတွင် ပျောက်ကွယ်သွားသည်။

" ထွက်ပြေးသွားတာလား။ " မုရှင်းလျို၏ မျက်နှာက မဲမှောင်သွား၏။ သူက သူ၏ အစစ်အမှန်ခန္ဓာကိုယ်ကို ဆင့်ခေါ်ပြီး ထိုရှေးဟောင်းသူတော်စင်ကို တစ်ချက်တည်းနှင့် အနိုင်ယူရန် စဉ်းစားနေခဲ့သည်။

" အဲ့ဒါက တိုက်ဆိုင်တာလား ဒါမှမဟုတ်..." မုရှင်းလျို၏ အမူအရာက လေးနက်နေပြီး သူလည်း ပျောက်ကွယ်သွားသည်။

လင်းယွမ်နှင့် မုရှင်းလျို့တို့ကြားမှ တိုက်ပွဲက အလယ်ပိုင်းနတ်ဘုရားကုန်းမြေအပြင် သွေးနတ်ဆိုးပင်လယ်၊ မိစ္ဆာနန်းတော်နှင့် နတ်ဆိုးသူတော်စင်အသိုက်တို့ကိုလည်း ကြီးမားသော သက်ရောက်မှုဖြစ်စေခဲ့သည်။ ၎င်းက သူတော်စင်အဆင့်များကြားမှ တိုက်ပွဲဖြစ်ပြီး နှစ်ပေါင်းများစွာကြာအောင် မဖြစ်ဖူးခဲ့ပေ။

ဟင်းလင်းပြင်သန့်စင်ခြင်းအဆင့် ရှေးဟောင်းသူတော်စင်များက ကမ္ဘာပေါ်တွင် အနည်းငယ်သာ ရှိပြီး တာအိုအင်မော်တယ်ဂိုဏ်း၏ ဖိနှိပ်မှုအောက်တွင် ရှေးဟောင်းသူတော်စင်များ လှုပ်ရှားသည်မှာ ရှားပါးလေသည်။ တာအိုအင်မော်တယ်ဂိုဏ်းချုပ် မုရှင်းလျိုနှင့် တိုက်ခိုက်ရန်မှာ ပြောစရာပင်မလိုပေ။

အရှေ့ပင်လယ် ပိုင်ယုကျွန်း။

ပိုင်ယုခန်းမ၏ တပည့်များက ရှေးဟောင်းသူတော်စင်များ၏ တိုက်ပွဲအကြောင်း ဆွေးနွေးနေကြသည်။

" မင်းကြားပြီးပြီလား။ အလယ်ပိုင်းနတ်ဘုရားကုန်းမြေရဲ့ အထက် ကောင်းကင်ကိုးပါးမှာ ရှေးဟောင်းသူတော်စင်နှစ်ယောက် တိုက်ခိုက်ခဲ့တယ်။ "

" ရှေးဟောင်းသူတော်စင် ဟင်းလင်းပြင်သန့်စင်ခြင်းအဆင့်တွေပေါ့။ ဘုရားရေ အဲ့လိုတည်ရှိမှုတွေက တိုက်ခိုက်ကြတာပေါ့။ "

" သေချာမသိပေမယ့် တိုက်ပွဲမှာ ပါတဲ့ ရှေးဟောင်းသူတော်စင်တစ်ယောက်ကတော့ ဟင်းလင်းပြင်လှိုဏ်ဂူအဆင့် ရောက်နေတဲ့ တာအိုအင်မော်တယ်ဂိုဏ်းချုပ်ပဲ။ "

" ရှေးဟောင်းသူတော်စင်နှစ်ယောက်တိုက်ခိုက်တဲ့ ကောင်းကင်ကိုးပါးမှာ လေထုက စုတ်ပြဲသွားပြီး သတ်ဖြတ်လိုစိတ်တွေက အခုထိ မပျောက်ကွယ်သေးလို့ ကောင်းကင်သခင်တွေတောင် အနားမကပ်ရဲကြဘူးလို့ ငါကြားတယ်။ "

" အဲ့ဒါ ရှေးဟောင်းသူတော်စင်တွေပဲ။ ကောင်းကင်ကိုးပါးမှာ တိုက်ခိုက်ကြလို့ပေါ့။ အလယ်ပိုင်းနတ်ဘုရားကုန်းမြေမှာသာ တိုက်ခိုက်ကြရင် ကျွတ် ကျွတ်...."

" ဟင်းလင်းပြင်သန့်စင်ခြင်းအဆင့် ရှေးဟောင်းသူတော်စင် အာ ငါတို့လည်း ဘယ်အချိန်မှ အဲ့ဒီအဆင့်ကို ရောက်နိုင်မဘဲမသိဘူး။ "

ပိုင်ယုကျွန်းပေါ်မှ တပည့်များက အနားယူနေစဉ် စကားစမြည်ပြောဆိုနေကြပြီး သူတို့၏ အသံများက လိုချင်တောင့်တမှုများ ပြည့်နှက်နေသည်။

ပိုင်ယုကျွန်း၏ အလယ်ပိုင်းဧရိယာတွင် လင်းယွမ်က ထိုင်နေပြီး ကျွန်းပေါ်မှ တပည့်များ၏ စကားများက သူ၏ အာရုံမှမလွတ်မြောက်နိုင်ပေ။

" ဟင်းလင်းပြင်သန့်စင်ခြင်းအဆင့် ရှေးဟောင်းသူတော်စင်..."

လင်းယွမ်က ဖြည်းညင်းစွာ မတ်တပ်ရပ်၍ အပြင်သို့ ထွက်ကာ ကျောက်တုံးတစ်တုံးပေါ်တွင် ထိုင်ပြီး တာအိုအင်မော်တယ်ဂိုဏ်းရှိရာသို့ ကြည့်လိုက်သည်။ " အဲ့လောက်ပါပဲ။ "

" အဲ့ဒါ ဂိုဏ်းရတနာကြောင့်ပဲ။ " လင်းယွမ်၏ အမူအရာက အနည်းငယ် လေးနက်နေသည်။

ယခုအချိန်တွင် လင်းယွမ်က ထိုက်ဟောက်အင်မော်တယ်ကြေးမုံကို နှစ်ကြိမ်တွေ့ခဲ့ပြီး ဖြစ်သည်။

ပထမအကြိမ်မှာ ဂိုဏ်းချုပ် ဟင်းလင်းပြင်လှိုဏ်ဂူအဆင့်သို့ ရောက်သောကြောင့် ဂုဏ်ပြုသော ပွဲသို့ တက်ရောက်သောအချိန်ဖြစ်သည်။

ထိုအချိန်တွင် လင်းယွမ်၏ ယန်စိတ်ဝိညာဉ်က ဟေးကျင်းကျွန်းစုကို ဖျက်ဆီး၍ တာအိုအင်မော်တယ်ဂိုဏ်း၏ အစီအစဉ်များကို ပျက်ဆီးစေခဲ့သောကြောင့် မုရှင်းလျိုက ထိုက်ဟောက်အင်မော်တယ်ကြေးမုံကို အသက်သွင်းပြီး အရှေ့ပင်လယ်ကျွန်းစုသို့ ကိုယ်ပွားနှင့် ဆင်းသက်လာခြင်းဖြစ်သည်။

ဒုတိယအကြိမ်မှာ ယင်စိတ်ဝိညာဉ်ကို အသုံးပြုပြီး ထိုက်ဟောက်အင်မော်တယ်ကြေးမုံကိုယ်ပွားနှင့် တိုက်ခိုက်ခဲ့ခြင်းဖြစ်သည်။

ထိုတွေ့ဆုံမှုနှစ်ခုမှ ထိုက်ဟောက်အင်မော်တယ်ကြေးမုံ၏ အဆင့်မှာ ဟင်းလင်းပြင်သန့်စင်ခြင်းအဆင့်ထက် ကျော်လွန်သည်ဟု လင်းယွမ်က ခန့်မှန်းခဲ့သည်။

ဟင်းလင်းပြင်သန့်စင်ခြင်းအဆင့်၏ အထက်တွင် တာအိုပေါင်းစည်းခြင်းအဆင့် ရှိလေသည်။ ထိုအဆင်ကြ ဤကမ္ဘာ၏ ကန့်သတ်ချက်ထက် ကျော်လွန်နေပြီဖြစ်သည်။ ထိုကဲ့သို့ တည်ရှိမှုများက စိတ်ဝိညာဉ်ဘုံတွင်သာ ရှိနိုင်လေသည်။

" စိတ်ဝိညာဉ်ဘုံ " လင်းယွမ်က စဉ်းစားလိုက်သည်။

တာအိုအင်မော်တယ်ဂိုဏ်းတွင် ဤကမ္ဘာမှ စိတ်ဝိညာဉ်နယ်ပယ်သို့ ပို့ဆောင်ပေးနိုင်သော တက်လှမ်းခြင်းစင်မြင့်ရှိသည်ဟု ကောလဟာလများ ရှိလေသည်။

ယခင် တာအိုအင်မော်တယ်ဂိုဏ်းချုပ်များက ဂိုဏ်းကို နှစ်ပေါင်းနှစ်သောင်းကြာ အုပ်ချုပ်ပြီးနောက် သဲလွန်စမရှိဘဲ ပျောက်ကွယ်သွားခြင်းမှာ တက်လှမ်းခြင်းစင်မြင့်မှ စိတ်ဝိညာဉ်နယ်ပယ်သို့ တက်လှမ်းသွားသောကြောင့်ဖြစ်သည်။ သို့သော် ထိုသတင်းက အခြေအမြစ်မရှိသောကြောင့် တာအိုအင်မော်တယ်ဂိုဏ်းချုပ်များပင် အမှန်တရားကို သိပေလိမ့်မည်။

သွေးနတ်ဆိုးသခင်၊ မိစ္ဆာဘုရင်နှင့် နတ်ဆိုးသူတော်စင်တို့ကလည်း တစ်ခုခုကို သိကြပေလိမ့်မည်။

" နောက်ထပ် နှစ်နှစ်ရာအတွင်း ဆဋ္ဌမအလွှာ အထွတ်အထိပ် ဒါမှမဟုတ် သတ္တမအလွှာကို ရောက်ရင် ငါ့အတွက် လျို့ဝှက်ချက်ဆိုတာ ရှိတော့မှာမဟုတ်ဘူး။ " လင်းယွမ်က သူ၏ ခေါင်းကို အနည်းငယ် ခါလိုက်သည်။

ယခုအချိန်တွင် သူက စိတ်ဝိညာဉ်နယ်ပယ် သို့မဟုတ် တက်လှမ်းခြင်း၏ လျို့ဝှက်ချက်များကို စူးစမ်းရန် မလိုအပ်သေးပေ။ ကျင့်ကြံခြင်းတွင် အာရုံစိုက်ခြင်းက ပိုကောင်းလေသည်။

တာအိုအင်မော်တယ်ဂိုဏ်း။

ဂိုဏ်းချုပ်မုရှင်းလျိုက ထိုင်နေပြီး မုမန်ထင်းက ကြောက်လန့်စွာဖြင့် ဒူးထောက်နေသည်။

မုမိသားစု၏ ဟင်းလင်းပြင်သန့်စင်ခြင်းအဆင့် အဆောင်ကို အသုံးပြုခဲ့သော်လည်း ကျွင်းတုန်ကျင်းကို သတ်ရန် ကျရှုံးလိမ့်မည်ဟု သူမမျှော်လင့်ခဲ့ပေ။ သူက ကျရှုံးခဲ့ရုံသာမက ဂိုဏ်းချုပ်ကလည်း ၎င်းကို ချက်ချင်း သိသွားခဲ့သည်။

ယခု ဟင်းလင်းပြင်သန့်စင်ခြင်းအဆင့် အဆောင်ကို အသုံးပြုပြီး ကျွင်းတုန်ကျင်းက မသေဆုံးခဲ့သောကြောင့် တာအိုအင်မော်တယ်ဂိုဏ်း၏ အနာဂတ်ဆက်ခံသူမှာ သူတစ်ယောက်တည်းမဟုတ်တော့ပေ။

" မင်း ဘယ်နေရာမှားသွားလဲသိလား။ " မုရှင်းလျိုက မုမန်ထင်းကို စိတ်ပျက်စွာ ကြည့်ပြီး ပြောလိုက်သည်။

မုမန်ထင်းက မပြတ်သားရုံသာမက သည်းမခံနိုင်သော လူတစ်ယောက် ဖြစ်လိမ့်မည်ဟု မမျှော်လင့်ခဲ့ပေ။

" ဂိုဏ်းချုပ် ကျွန်တော် ဂိုဏ်းသားအချင်းချင်း မတိုက်ခိုက်သင့်ပါဘူး။ ကျွန်တော် ကျွင်းတုန်ကျင်းကို မတိုက်ခိုက်သင့်ပါဘူး။ " မုမန်ထင်းက ချက်ချင်း သူ၏ အမှားကို ဝန်ခံလိုက်သည်။

မုရှင်းလျိုက သူတစ်ယောက်တည်းကို ခေါ်ခဲ့သောကြောင့် ထိုကိစ္စကို အခြားသူများ မသိသေးသည်မှာ သေချာလေသည်။ ထို့ကြောင့် သူ၏ အမှားကို ကိုယ်တိုင်ဝန်ခံခြင်းက ပိုကောင်းလေသည်။ အခြေအနေကို ပြောင်းလဲရန် အခွင့်အရေး ရှိနေသေးသည်။ ထို့အပြင် ဂိုဏ်းချုပ်နှင့် သူ၏ ဆက်ဆံရေးက ဆရာနှင့်တပည့် ဆက်ဆံရေးမဟုတ်ပေ။

" မှားတယ်။ မင်း ချက်ချင်း လှုပ်ရှားခဲ့တာ မင်းမှားတာပဲ။ ပြီးတော့ အရမ်းမြန်တယ်။ " မုရှင်းလျိုက မုမန်ထင်းကို ကြည့်ပြီး သာမန်အတိုင်း ပြောလိုက်သည်။

သူက တာအိုအင်မော်တယ်ဂိုဏ်း၏ ဂိုဏ်းချုပ်ဖြစ်သောကြောင့် သူကိုယ်တိုင်လည်း နည်းဗျူဟာအချို့ကို အသုံးပြုခဲ့လေသည်။ ထို့ကြောင့် မုမန်ထင်း၏ လှုပ်ရှားမှုများက သာမန်သာဖြစ်သည်။

သို့သော် ထိုလုပ်ရပ်များက ချုပ်တည်းနိုင်ရန် လိုအပ်လေသည်။ ကျွင်းတုန်ကျင်းက အင်မော်တယ်တောင်တန်းနှင့် ဝေးရာသို့ ပြောင်းရွေ့ခံလိုက်ရသောကြောင့် သူ၏ လုပ်ပိုင်ခွင့်အာဏာများ ဆုံးရှုံးသွားပြီး သူ၏ သတ်ဖြတ်ခြင်းထက် အသက်ရှင်ခွင့်ပေးလိုက်ခြင်းက ပိုကောင်းလေသည်။

" ဟမ် " မုမန်ထင်းက ထိတ်လန့်သွား၏။

မူလတွင် ဂိုဏ်းချုပ်က သူ့ကို အပြစ်ပေးမည်ဟု ထင်ခဲ့သော်လည်း ယခု သူကို အလျင်လိုသောကြောင့် အပြစ်တင်နေသည်။

" ​မင်း ဟင်းလင်းပြင်သန့်စင်ခြင်းအဆင့်ကို ရောက်သွားရင် ကျွင်းတုန်ကျင်း အခြားဘယ်သူဖြစ်ဖြစ် သူတို့က မင်းလက်ထဲက နယ်ရုပ်တွေ ဖြစ်လာလိမ့်မယ်။ သူတို့ကို သတ်လိုက်ရင် မင်းရဲ့ အာဏာပဲ အားနည်းသွားလိမ့်မယ်။ " မုရှင်းလျိုက တည်ငြိမ်စွာ ပြောလိုက်သည်။ ၎င်းက သူ ဟင်းလင်းပြင်သန့်စင်ခြင်းအဆင့်သို့ ရောက်ပြီးနောက် နားလည်ခဲ့သော အရာဖြစ်လေသည်။

ရှေးဟောင်းသူတော်စင်တစ်ယောက်၏ ရှုထောင့်မှကြည့်လျှင် အတိတ်မှ လုပ်ရပ်များက ရယ်စရာကောင်းလှသည်။ အကြွင်းမဲ့စွမ်းအားရှိခြင်းက အရာရာကို လက်ထဲထည့်ထားနိုင်လေသည်။

" ကျွန်တော်..." မုမန်ထင်းက မျက်လုံးများ ပြူးသွားသည်။

မုရှင်းလျိုက မင်း ဟင်းလင်းပြင်သန့်စင်ခြင်းအဆင့်ကို ရောက်ရင် ဟူသော စကားကို ကြားချိန်တွင် မုရှင်းလျိုက တုန်ယင်သွားမိသည်။

" တုန်ကျင်းက မန်ရာတောင်တန်းကို ပြောင်းရွေ့ဖို့ အမိန့်ပေးလိုက်တာက ငါ မင်းကို နောက်ထပ် ဂိုဏ်းချုပ်အဖြစ် ရွေးချယ်ပြီးသားဆိုတာ မင်းနားမလည်နိုင်ဘူးလား။ " မုရှင်းလျိုက ပွင့်ပွင့်လင်းလင်း ပြောလိုက်သည်။

" ဂိုဏ်းချုပ်..." မုရှင်းလျိုက စိတ်ထဲမှ အလွန်တုန်လှုပ်သွားသည်။