တာအိုပေါင်းစည်းခြင်း အပျက်စီးများ

"သခင်… သခင်…"

ချီမင်ရဲ့ စိတ်ထဲမှာ ကလေးဆန်တဲ့ အသံတစ်ခု ရုတ်တရက် ပေါ်လာတယ်။ ဒီအသံရဲ့ လွှမ်းမိုးမှုအောက်မှာ ကောင်လေးတစ်ယောက်ရဲ့ ပုံရိပ်က သူ့စိတ်ထဲမှာမနေနိုင်ဘဲပေါ်လာတယ်။

ဒါကကောင်လေးတစ်ယောက်မဟုတ်တာသေချာတယ်။

ဒါက အမှောင်မီးလျှံရေလွှမ်းနဂါးရဲ့ အသံလွှင့်ခြင်းပဲ ဖြစ်တယ်။

ဒီဆင့်ကဲပြောင်းလဲခြင်းပြီးတော့အမှောင်မီးလျှံရေလွှမ်းနဂါးကအများကြီး ကြီးထွားလာတယ်။ သူကလုံးဝဉာဏ်ရည်ရှိလာပြီး ပုံမှန် ဆက်သွယ်နိုင်ပြီ။ ဒါ့အပြင် သူ့ရဲ့ ဉာဏ်ရည်ကသာမန်လူတစ်ယောက်ထက် မနိမ့်ဘူး။

အမှောင်မီးလျှံရေလွှမ်းနဂါးကသူ့ရဲ့အချိန်အများစုကိုဝိညာဉ်သားရဲနေရာလပ်ထဲမှာကြီးထွားရင်းကုန်ဆုံးခဲ့ပြီး ပြင်ပကမ္ဘာနဲ့ ထိတွေ့မှု နည်းပါးခဲ့တယ်။ သူ့ရဲ့ ဉာဏ်ရည်မနိမ့်ပေမယ့်ဖြည်းဖြည်းချင်းစုဆောင်းဖို့ လိုသေးတယ်။

ချီမင်က အမှောင်မီးလျှံရေလွှမ်းနဂါးကို သူ့စိတ်နဲ့ ပြန်ပြောလိုက်တယ်။ "မင်းမှာဉာဏ်ရည်ရှိလာပြီး သာမန်လူတစ်ယောက်ရဲ့ဉာဏ်ရည်မျိုးရှိပြီဆိုတော့ မင်းကို နာမည်တစ်ခု ပေးမယ်။"

"မင်းကို အမှောင်မီးလျှံလို့ ခေါ်မယ်။"

ချီမင်က နာမည်ပေးတာ သိပ်မတော်ဘူး။

"ကျေး… ကျေးဇူးတင်ပါတယ် သခင်…" အမှောင်မီးလျှံရေလွှမ်းနဂါး ပျော်ရွှင်စွာ ပြန်ပြောလိုက်တယ်။

သဘာဝကျကျ‌ပြောရရင်အမှောင်မီးလျှံမှာအမှောင်နဂါးသွေးမျိုးဆက်ရှိတယ်။သွေးမျိုးဆက်အမွေအ နှစ်ထဲမှာသက်ဆိုင်ရာအမွေအနှစ်တွေနဲ့အမွေခံရတဲ့ နာမည်အစစ်တစ်ခုရှိတယ်။ ဒါပေမယ့်အမှောင်မီးလျှံမှာရှင်းရှင်းလင်းလင်းကိုဒါတွေမရှိဘူး။

ဘာလို့လဲဆိုတော့သူကနဂါးကျွန်းမှာပုံမှန်အတိုင်းမွေးဖွားလာတာမဟုတ်ဘူး။အမှောင်မီးလျှံကသွေးမျိုးဆက်အမွေအနှစ်ရဲ့ စွမ်းအားကိုပဲ ရရှိခဲ့တယ်။ သွေးမျိုးဆက်အမွေအနှစ်ထဲမှာ သက်ဆိုင်ရာ အသိပညာအမွေအနှစ်မျိုးမရှိဘူး။

အမှောင်မီးလျှံက နာမည်ရတဲ့အတွက် ဝမ်းသာနေတယ်။ တိမ်ပြိုဂူစံအိမ်ရဲ့ခန်းမထဲမှာသူကကလေးတစ်ယောက်လိုမျိုးချီမင်ပတ်လည်မှာပျံဝဲနေတယ်။

သူ့ကိုတကယ်တော့ကလေးတစ်ယောက်လို့ပြောလို့ရတယ်။

ဝှစ်! ဝှစ်!

ပြီးတော့…

အတွေးတစ်ချက်နဲ့ချီမင်ကစကြဝဠာအထွတ်အထိပ် နဂါးပြောင်းလဲခြင်းကျမ်းနဲ့ ယင်းလုံကိုးပါးပြောင်းလဲခြင်းကို ထုတ်လိုက်တယ်။ကျောက်စလစ်ပြားနှစ်ခုက သူ့လက်ထဲမှာကျလာပြီး မှိန်ဖျော့တဲ့ အလင်းရောင်ကို ထုတ်လွှတ်လာတယ်။

"အမှောင်မီးလျှံ။" ချီမင်ညွှန်ကြားလိုက်တယ်။ "နောက်ပိုင်းမှာမင်းရဲ့တာဝန်ကစကြဝဠာအထွတ် အထိပ်နဂါးပြောင်းလဲခြင်းကျမ်းနဲ့ ယင်းလုံကိုးပါးပြောင်းလဲခြင်းကို လေ့လာဖို့ပဲ။ မင်းဒီကျမ်းနှစ်ခုနဲ့အံ့ ဖွယ်စွမ်းအားနည်းစနစ်တွေကို ကျွမ်းကျင်ရမယ်။ နားလည်လား?"

"ဟုတ်ကဲ့ပါ သခင်။" အမှောင်မီးလျှံကပြန်ဖြေလိုက်တယ်။

"ဒါတွေကို ယူလိုက်။"

ချီမင် ညာဘက်လက်ကို ပစ်လိုက်ပြီး သူ့လက်ထဲက ကျောက်စိမ်းစလစ်ပြားနှစ်ခုကအမှောင်မီးလျှံဆီကို ပျံသွားတယ်။ သူ မြန်မြန်ဆန်ဆန် သူ့ရဲ့ နဂါးလက်သည်းတွေကို ဆန့်တန်းပြီးကျောက်စလစ်ပြားတွေကို တည်ငြိမ်စွာ ဖမ်းလိုက်တယ်။

ပြီးတော့အမှောင်မီးလျှံက သူ့ရဲ့ နတ်ဆိုးစွမ်းအင်ကို ကျောက်စလစ်ပြားထဲကို ထည့်သွင်းလိုက်တယ်။

ကျောက်စလစ်ပြားနှစ်ခုက‌တောက်ပလာပြီးစာလုံးတွေထွက်ပေါ်လာတယ်။

တာအိုကျမ်းနည်းစနစ်တွေပေါ်လာတယ်။

ဝှစ်! ဝှစ်!

အလင်းတန်းတွေအဖြစ် ပြောင်းလဲပြီး အမှောင်မီးလျှံရဲ့ နဖူးအလယ်ကိုတိုးဝင်ကာသူ့စိတ်ထဲမှာပေါင်းစပ်သွားတယ်။ စကြဝဠာအထွတ်အထိပ် နဂါးပြောင်းလဲခြင်းကျမ်းနဲ့ ယင်းလုံကိုးပါးပြောင်းလဲခြင်းကို အမှောင်မီးလျှံက မှတ်သားလိုက်တယ်။

နာရီဝက်အကြာမှာ

ခွပ်! ခွပ်!

ကျောက်စလစ်ပြားနှစ်ခုကကွဲအက်သွားပြီးကျောက်တုံးအစအနတွေအဖြစ်ပြောင်းလဲသွားတယ်။သူတို့က အမှောင်မီးလျှံရဲ့ နဂါးလက်သည်းတွေကနေ မြေပြင်ပေါ်ကို ကျလာတယ်။ သူတို့ထဲမှာ မှတ်တမ်းတင်ထားတဲ့ ကျင့်ကြံခြင်းနည်းလမ်းတွေနဲ့သိုင်းနည်းစနစ်တွေကို လေ့လာပြီးသား ဖြစ်သွားတယ်။

"သခင် ကျွန်တော် စကြဝဠာအထွတ်အထိပ် နဂါးပြောင်းလဲခြင်းကျမ်းနဲ့ ယင်းလုံကိုးပါးပြောင်းလဲခြင်းကို ရသွားပါပြီ။"

အမှောင်မီးလျှံကအသံလွှင့်လိုက်တယ်။ "ဒါပေမယ့် ဒီကျင့်ကြံခြင်းနည်းစနစ်တွေကအရမ်းနားလည်ရခက်ပြီးမထင်မရှားဖြစ်‌နေတယ်။ အောင်အောင်မြင်မြင် ကျင့်ကြံဖို့ အရမ်းခက်ခဲတယ်။ အချိန်အများကြီး ကြာလိမ့်မယ်။"

"အဲဒါ အရေးမကြီးဘူး" ချီမင် ပြုံးပြီးပြောလိုက်တယ်"မင်း ကျင့်ကြံနိုင်ရင် ရပြီ။"

"သွားပြီး အလိုအလျောက်ကျင့်ကြံခြင်းနဲ့ ကြီးထွားလိုက်တော့။"

ဝှစ်!

စိတ်ထဲမှာတွေးလိုက်တာနဲ့ချီမင်ကအဆင့်နိမ့် ဝိညာဉ်ကျောက်တုံးတစ်သန်းကိုဖြည့်သွင်းပြီးအမှောင်မီးလျှံကို စတုတ္ထမြောက်ဝိညာဉ်သားရဲ‌နေရာမှာကြီးထွားစေလိုက်တယ်။သူကစကြဝဠာအထွတ်အထိပ်နဂါးပြောင်းလဲခြင်းကျမ်းနဲ့ ယင်းလုံကိုးပါးပြောင်းလဲခြင်းကိုကျင့်ကြံလ်ိုက်တယ်။

တင်း!

"ဝိညာဉ်သားရဲ: အမှောင်မီးလျှံရေလွှမ်းနဂါးက အဆ၁၀၀,၀၀၀မြှင့်တင်မှုအောက်မှာ ကြီးထွားနေပါသည်…"

အသိပေးချက်တစ်ခု ပေါ်လာတယ်။

အဲ့ဒီနောက်ချီမင်ကအသင်္ချေဝိညာဉ်တောင်တန်းမြစ်ချောင်းစစ်မှန်နဂါးမီးဖိုကို ထုတ်ယူပြီး ခဏလောက် လေ့လာကြည့်လိုက်တယ်။ သူ့ရဲ့ဓမ္မစွမ်းအားတွေကိုလှုံ‌ဆော်ပြီးအဲဒီထဲကိုထိုးသွင်းလိုက်ပေမယ့်သူဒီစစ်မှန်နဂါးမီးဖိုရဲ့စွမ်းအားကိုမလှုံ့ဆော်နိုင်ဘူး။

ဒါကအစကယင်းလုံရဲ့ကိုယ်ပိုင်ရတနာ၊ နတ်ဆိုးရတနာတစ်ခု ဖြစ်တယ်။ သူ့ရဲ့ဝိညာဉ်စွမ်းအားအားလုံးဆုံးရှုံးသွားတဲ့အချက်ပေါင်းစပ်လိုက်တဲ့အခါ ရတနာလို့ ခေါ်နိုင်သေးပေမယ့်ချီမင်အတွက်သိပ်ပြီး အသုံးမဝင်ဘူး။

ချီမင်က အဲဒါကို သန့်စင်ဖို့ မစီစဉ်ထားဘူး။

အဲ့ဒီအစား သူကစကြဝဠာအထွတ်အထိပ်နဂါးပြောင်းလဲခြင်းကျမ်းကိုကျွမ်းကျင်ပြီးရင်အမှောင်မီးလျှံကို သန့်စင်ခိုင်းဖို့နဲ့ ဒီအသင်္ချေဝိညာဉ်တောင်တန်းမြစ်ချောင်းစစ်မှန်နဂါးမီးဖိုကိုသူ့ရဲ့ကိုယ်ပိုင်ဓမ္မရတနာ ဖြစ်လာစေဖို့ပြင်ဆင်ထားတယ်။

"နောက်တစ်ခုကသန့်စင်ခြင်းသုံးပါးတာအိုကျမ်းပဲ။" ချီမင်က ပြောတယ်။

သူ တတိယမြောက်ကျောက်စလစ်ပြားကို ထုတ်လိုက်တယ်။

ဒါကချီမင်ရဲ့အကြီးမားဆုံးအကျိုးအမြတ်ဖြစ်တယ်။ သန့်စင်ခြင်းသုံးပါး တာအိုကျမ်းထဲမှာ မှတ်တမ်းတင်ထားတဲ့အမျိုးမျိုးသောလျှို့ဝှက်ဆန်းကြယ်မှုတွေနဲ့ နည်းစနစ်တွေကအရမ်းနားလည်ရခက်ပြီးမထင်မရှားဖြစ်နေတယ်။ ချီမင်ကအဲဒါတွေကိုနားလည်ဖို့ ကြိုးစားလ်ိုက်ပေမယ့်အထဲမှာရှိတဲ့စစ်မှန်ရည်ရွယ်ချက်ကို သူနားမလည်နိုင်ဘူး။

အရမ်း ခက်ခဲတယ်။

တင်း!

"မဟာရွှေအမြူတေတာအိုကျမ်းကိုအကန့်အသတ်အထိ ကျင့်ကြံပြီးပါပြီ။ မွေးရာပါသန့်စင်တဲ့မဟာတာအိုရွှေအမြူတေကပြီးပြည့်စုံခြင်းအဆင့်ကို ရောက်ရှိသွားပါပြီ။သင်ဆက်ပြီးကျင့်ကြံလ်ို့မရနိုင်တော့ပါဘူး။"

အသိပေးချက်တစ်ခု ပေါ်လာတယ်။

ပထမအလိုအလျောက်ကျင့်ကြံခြင်းနေရာက ဗလာဖြစ်နေတယ်။

ချီမင်ရဲ့အလိုအလျောက်ကျင့်ကြံခြင်းနေရာသုံးခုထဲမှာဒုတိယမြောက်အလိုအလျောက်ကျင့်ကြံခြင်းနေ ရာတစ်ခုတည်းက ကောင်းကင်ဘုံကြယ်တာရာသုံးဆယ့်ခြောက်ပညာရပ်ကို ကျင့်ကြံနေတယ်။ တကယ်တော့ ကောင်းကင်ဘုံကြယ်တာရာသုံးဆယ့်ခြောက်ပညာရပ်ကလည်းလက်ရှိအကန့်အသတ်ကိုရောက် နေပြီ။ ဆက်ပြီး တိုးတက်ချင်ရင် အခြေခံအဖြစ် ကျင့်ကြံခြင်းအဆင့်တစ်ခုရှိထားမှရမယ်။

"ငါအ‌ဆင့်အနိမ့်ဝိညာဉ်ကျောက်တုံးတစ်သန်းထည့်ပြီး သန့်စင်ခြင်းသုံးပါး တာအိုကျမ်းကိုကျင့်ကြံမယ်။" ချီမင်ကပြောလ်ိုက်တယ်။

တင်း!

"ထည့်သွင်းခြင်းအောင်မြင်ပါတယ်။"

"အဆ၁၀၀,၀၀၀မြှင့်တင်မှုအောက်မှာ သန့်စင်ခြင်းသုံးပါး တာအိုကျမ်းကို ကျင့်ကြံနေပါသည်…"

အသိပေးချက်တစ်ခု ပေါ်လာတယ်။

ချီမင် ကျေနပ်စွာ ခေါင်းညိတ်လိုက်တယ်။

ညကကုန်ဆုံးသွားပြီး နောက်တစ်နေ့ ရောက်လာတယ်။

ချီမင် သူ့ရဲ့ ပုံမှန် လုပ်ရိုးလုပ်စဉ်ဘဝကို ပြန်ရောက်သွားတယ်။ ဒါကတစ်ညပဲရှိသေးတယ်။အရမ်းကိုတို တောင်းတဲ့အချိန်အတွင်းမှာအမွေခံတပည့်ပြိုင်ပွဲမှာ ဖြစ်ပျက်ခဲ့တဲ့အကြောင်းအရာအမျိုးမျိုးကကောင်း ကင်ဘုံဉာဏ်အလင်းဂိုဏ်းတစ်ခုလုံးကို ဖြည်းဖြည်းချင်း ပျံ့နှံ့သွားတယ်။

ဒီနည်းနဲ့ ကောင်းကင်ဘုံဉာဏ်အလင်းဂိုဏ်းရဲ့ တောင်ထွတ်ဆယ့်နှစ်ခုရဲ့ တပည့်တွေအားလုံးအပြင် နတ်ဆိုးသားရဲတွေနဲ့ နတ်ဆိုးတွေအပြင်မျိုးနွယ်စု တွေအမျိုးမျိုးအပါအဝင် ကောင်းကင်ဘုံဉာဏ်အလင်းဂိုဏ်းထဲက သက်ရှိအားလုံး ချီမင်ကို သိသွားကြတယ်။

မသိလိုက်ဘဲ သက်ဆိုင်တဲ့သတင်းတွေလည်း ကောင်းကင်ဘုံဉာဏ်အလင်းဂိုဏ်းရဲ့ အပြင်ဘက်ကို ပျံ့နှံ့သွားတယ်။

အပြင်ကမ္ဘာရဲ့ဂိုဏ်းအသီးသီး၊ကျင့်ကြံခြင်းမိသားစုတွေစတဲ့နေရာတွေမှာသူတို့အားလုံးချီမင်ကိုသိသွားကြတယ်။

သူ တော်တော်လေး နာမည်ကြီးသွားပြီ။

သူတို့ သူ့ရဲ့ အင်အားကို သိသွားကြတယ်။

ချီမင်ကအမြူတေဖွဲ့စည်းခြင်းနှောင်းပိုင်းအဆင့် ကျင့်ကြံမှုနဲ့ တောင်ပိုင်းဒေသနဲ့ အရှေ့ပိုင်းဒေသက အင်အားကြီး ဂိုဏ်းအသီးသီးရဲ့ အမွေခံတပည့်တွေကိုဖိနှိပ်ခဲ့တဲ့သတင်းကလည်းဖြည်းဖြည်းချင်းပျံ့နှံ့သွားတယ်။

အပြင်ကမ္ဘာကဂိုဏ်းအသီးသီးနဲ့ကျင့်ကြံခြင်းမိသားစုတွေ သူ့နာမည်ကို အားလုံးကမှတ်မိသွားကြတယ်။ သူတို့အားလုံး သူတို့ရဲ့ ဂျူနီယာတွေကိုအနာဂတ်မှာ ချီမင်နဲ့တွေ့ရင်သူ့ကိုမစော်ကားဘဲ လေးလေးစားစား ဆက်ဆံရမယ်လို့ သတိပေးနေကြတယ်။

ဒါ့အပြင် ကြာပန်းနက်နတ်ဆိုးဂိုဏ်းမှာကြာပန်းနက်နတ်ဆိုးအရှင်လည်း သက်ဆိုင်ရာ သတင်းကို ရရှိခဲ့တယ်။ သူအံ့အားသင့်သွားသလိုစိတ်သက်သာရာရသွားတယ်။အဲဒီတုန်းကသူ့ရဲ့သတိထားမှုကမှန်ကန်သွားတယ်။

"ဟူး…" ကြာပန်းနက်နတ်ဆိုးအရှင်သက်ပြင်းရှည်ကြီးချလိုက်ပြီးကြောက်ရွံ့မှုနည်းနည်းနဲ့ပြောလိုက်တယ် "ကံကောင်းစွာနဲ့ ဒီအမွေခံတပည့်ချီမင်ကို ဆက်ပြီး မစော်ကားသင့်ဘူးဆိုတာငါသိသွားတယ်။ အကြိမ်ကြိမ်ကျရှုံးပြီးတော့ဆုကြေးကိုတိုက်ရိုက် ရုပ်သိမ်းပြီး ငါ့ရဲ့နည်းလမ်းတွေကိုထိန်းချုပ်လိုက်တယ်။ ငါသူ့ကိုဆက်ပြီးမတိုက်ခိုက်ဘူး။"

"မဟုတ်ရင်…"

"ငါ့မှာ အလောင်းတောင် ကျန်မှာ မဟုတ်ဘူး။"

"ဘယ်လောက် ကြောက်စရာကောင်းလိုက်လဲ!"

ကြာပန်းနက်နတ်ဆိုးအရှင် သက်ပြင်းချလိုက်ပြီးပြောတယ် "သူကသိသိသာသာကိုအမြူတေဖွဲ့စည်းခြင်းနှောင်းပိုင်းအဆင့်ပဲရှိသေးပေမယ့်ဂိုဏ်းအသီးသီးရဲ့ အမွေခံတပည့်တွေကိုသတ်နိုင်တယ်။ အဲဒီအမွေခံတပည့်တွေအားလုံးက ပြိုင်ဘက်ကင်းပါရမီရှင်တွေဆိုတာ သိထားရမယ်!"

နေ့လည်မှာ

တိမ်စိမ်းတောင်ထွတ်မှာ မော့ဟန်ကျန်းက အိမ်ရှင်အဖြစ် ကြီးကျယ်ခမ်းနားတဲ့ပွဲတစ်ခုကျင်းပခဲ့တယ်။ ဒါကအဓိကအားဖြင့်ချီမင်ကဒီအမွေခံတပည့်ပြိုင်ပွဲမှာထူးချွန်ပြီးကောင်းကင်ဘုံဉာဏ်အလင်းဂိုဏ်းရဲ့ အမွေခံတပည့်ဖြစ်လာတာကိုဂုဏ်ပြုဖို့ဖြစ်တယ်။

ချီမင်ကအစကကပါဝင်ချင်တာမဟုတ်ပေမယ့်မော့ဟန်ကျန်းရဲ့ စိတ်အားထက်သန်တဲ့ ဖိတ်ကြားမှုအောက်မှာ သူ ပါဝင်ရုံပဲ တတ်နိုင်တယ်။ ဘာပဲဖြစ်ဖြစ် ဒါက သူ့အတွက် ပြင်ဆင်ထားတဲ့ ပွဲတော်တစ်ခုဖြစ်တယ်။အဓိကဇာတ်ကောင်ဖြစ်တဲ့သူမရှိရင် ဒီပွဲက အဓိပ္ပာယ်မရှိတော့ဘူး။

ပွဲကတစ်ရက်ကြာသွားတယ်။

တိမ်စိမ်းတောင်ထွတ်ရဲ့ အကြီးအကဲတွေနဲ့ တပည့်တွေ အားလုံး ပါဝင်ခဲ့တယ်။

အပြင်ကမ္ဘာကိုစောင့်ကြပ်နေတဲ့အကြီးအကဲတွေတောင် ကောလဟာလတွေအရလူငယ်မျိုးဆက်ရဲ့ နံပါတ်တစ်ပုဂ္ဂိုလ်အမွေခံတပည့် ချီမင်ကို လာတွေ့ပြီး ဂုဏ်ပြုဖို့ အလျင်အမြန် ပြန်လာကြတယ်။

ကောလဟာလတွေကပြောတဲ့အတိုင်းတကယ်ပဲသူကအရမ်းခန့်ညားပြီးချောမောကာအင်မော်တယ်တစ်ပါးနဲ့ တူတဲ့ ပုံရိပ်ရှိတယ်။

နောက်တစ်နေ့ ပွဲပြီးခါနီးမှာ…

"အမွေခံတပည့်ချီ။" ချူးလီချန်း လျှောက်လာပြီး ပြုံးကာပြောလိုက်တယ် "မင်းနဲ့ ဆွေးနွေးစရာ တစ်ခု ရှိတယ်။"

"ဒါကအမွေခံတပည့် ချူးပဲ။" ချီမင် ပြန်ဖြေတယ်။ "ဘာကိစ္စများလဲ?"

ပြောရရင်…

သူ့ရှေ့က ဒီအမွေခံတပည့် ချူးလီချန်းလည်း ယင်းလုံကောင်းကင်ဂူမှာဗလာနယ်စွန့်ခွာခြင်းအစောပိုင်းအဆင့်ကိုချိုးဖြတ်ထားတယ်။ ဒါ့အပြင်ယင်းလုံဘုရားကျောင်းတိုက်ပွဲမှာသူကချီမင်ကို ကူညီခဲ့တယ်လို့ ပြောလို့ရတယ်။

ဘာပဲဖြစ်ဖြစ် သူတို့အားလုံး ဂိုဏ်းတူတပည့်တွေဖြစ်တယ်။

အဲဒီတုန်းကဘာကြောင့်ပဲလုပ်ခဲ့တာဖြစ်ဖြစ်ဟန်မဆောင်ဘဲကူညီခဲ့တာကို ချီမင်က ကျေးဇူးတင်တယ်။

သူ အဲဒီတုန်းက ဖြစ်ခဲ့တဲ့ ကိစ္စကိုဆက်ပြီး မစုံစမ်းချင်ဘူး။ ဘာပဲဖြစ်ဖြစ် ချူးလီချန်းက သူ့ရဲ့ လက်အောက်ငယ်သားတွေကို ဟော့ချင်းချန်ကို တားဆီးဖို့ စေလွှတ်ခဲ့တယ်။

ချီမင်ရဲ့ အင်အားသာ မလုံလောက်ရင် သူ ရှုံးမှာ သေချာတယ်။

အဲဒီအချိန်မှာ ချူးလီချန်းရဲ့ လက်အောက်ငယ်သားတွေက ချီမင်ကအမွေခံတပည့်ဖြစ်တာကို ကြောက်လို့ မသတ်ရဲရင်တောင် ဟော့ချင်းချန်က သေမှာ သေချာတယ်။ ချီမင်လည်း မျက်နှာပျက်ရမယ်။

"ဒီလိုပါ။" ချူးလီချန်းကပွင့်ပွင့်လင်းလင်းပြောတယ်။ "ငါ့ရဲ့ဂျူနီယာညီ‌မလေးယုရွှယ်လန်က အမွေခံတပည့်ချီဦးဆောင်တဲ့ကောင်းကင်ဘုံဉာဏ်အလင်းဂိုဏ်းစုဝေးပွဲမှာ ပါဝင်ခဲ့တာ မှန်တယ်မဟုတ်လား? ယုရွှယ်လန်ကအန်းရှီနိုင်ငံကလာတာဖြစ်ပြီး ယုမြို့စားရဲ့သမီးဆိုတာမင်းလည်းသိထားတယ်။"

"ယုမြို့စားရဲ့အိမ်တော်ကိုနတ်ဆိုးဂိုဏ်းတစ်ခုကလုံးဝ ဖျက်ဆီးလိုက်တယ်။ အိမ်တော်တစ်ခုလုံးမှာ ဂျူနီယာညီမလေးယုတစ်ယောက်တည်းပဲ အသက်ရှင်ကျန်ရစ်ခဲ့တယ်။ ကံကောင်းစွာနဲ့ ဂျူနီယာညီမ‌ယုရဲ့ ပါရမီက မဆိုးဘူး၊ဆရာနတ်မိမယ်ဖန်ရှီးကတောင် သူ့ကိုတန်ဖိုးထားပြီးအမွေခံတပည့်အဖြစ်လက်ခံလိုက်တယ်။"

"ဘာလဲ?" ချီမင် မျက်မှောင်ကြုတ်ပြီးပြောလိုက်တယ် "အမွေခံတပည့် ချူးငါ့ကို ဘာလိုလဲဆိုတာ တိုက်ရိုက်ပြောပါ။"

ချူးလီချန်း ပြုံးတယ်။ "အမွေခံတပည့် ချီငါမင်းကို ငါတို့နဲ့အတူအပျက်စီးတစ်ခုဆီကို ဖိတ်ခေါ်ချင်တယ်။ ဒါကတာအိုပေါင်းစည်းခြင်းကျွမ်းကျင်သူတစ်ယောက်ရဲ့ အပျက်စီးပဲ။"

"ငါတို့ကအမွေခံတပည့်တွေဖြစ်ပြီး ကောင်းကင်ဘုံဉာဏ်အလင်းဂိုဏ်းမှာ အရင်းအမြစ်တွေ မရှားပေမယ့် အဲဒါတွေက သာမန်အရင်းအမြစ်တွေပဲ။ငါတို့လိုချင်တိုင်း မရနိုင်တဲ့ ရှားပါးပြီး တန်ဖိုးရှိတဲ့ အရင်းအမြစ်တွေ အများကြီးရှိတယ်။"

"ဒီအပျက်စီးထဲမှာငါတို့လိုအပ်တဲ့အရာတစ်ခုရှိတယ်။"

"တာအိုပေါင်းစည်းခြင်း အပျက်စီး။" ချီမင် စဉ်းစားလိုက်တယ်။

ချူးလီချန်း ခေါင်းညိတ်တယ်။ "အဲဒီတုန်းက ဂျူနီယာညီမလေးယုရဲ့မိသားစုကိုနတ်ဆိုးဂိုဏ်းက ဖျက်ဆီးခဲ့တဲ့ အပေါ်ယံအကြောင်းအရင်းအပြင် စစ်မှန်တဲ့အကြောင်းအရင်းကသူတို့ကတော်တဆတာအိုပေါင်းစည်းခြင်း အပျက်စီးအကြောင်း သတင်းအချက်အလက် ရခဲ့လို့ပဲ။"

"ဘယ်လိုလဲ?အမွေခံတပည့်ချီမင်းစွန့်စားဖို့စိတ်ဝင်စားလား?" ချူးလီချန်း ထပ်မေးတယ်။

"ဟုတ်လား?" ချီမင်က ချူးလီချန်းနောက်မှာ ရပ်နေတဲ့ ယုရွှယ်လန်ကို လှမ်းကြည့်လိုက်တယ်။

"အမွေခံတပည့် ချီ။"

ယုရွှယ်လန်မှာ လှပတဲ့ မျက်နှာ၊ ထင်ရှားတဲ့သွင်ပြင်နဲ့ ကျက်သရေရှိတဲ့ကိုယ်လုံးရှိတယ်။ ချီမင်ရဲ့ အကြည့်ကို ခံစားမိပြီးတော့သူမကသူ့ကိုအနည်းငယ်ဦးညွှတ်လိုက်တယ်။ "ဟုတ်ပါတယ်။"

ချီမင် ခေါင်းညိတ်လိုက်တယ်။

သူ့ရဲ့ မျက်လုံးထောင့်ကနေသိပ်မဝေးတဲ့နေရာမှာရှိတဲ့နတ်မိမယ်ဖန်ရှီးကို လှမ်းကြည့်လိုက်တယ်။ ဒီနတ်မိမယ်ဖန်ရှီးက သူ့ဆရာ ဖုန်းဇီမုနဲ့အတူအမြင့်တစ်ခုမှာ ထိုင်နေတယ်။

နတ်မိမယ်ဖန်ရှီးက ချီမင်ရဲ့ အကြည့်ကို သဘာဝကျကျ ခံစားမိတာကြောင့် သူ့ကို လှမ်းကြည့်ပြီး ပြုံးလိုက်တယ်။

"မလုပ်ဘူး။" ချီမင် တိုက်ရိုက်ပြောလိုက်တယ်။ "ကျေးဇူးတင်ပါတယ် အမွေခံတပည့် ချူး။ တိမ်စိမ်းတောင်ထွတ်ရဲ့ ကိစ္စတွေကို ရှင်းပြီးရင် နောက်တစ်ရက်မှာ ကောင်းကင်ဘုံဉာဏ်အလင်း အင်မော်တယ်တောင်ကို သွားမယ်။ အခုအချိန်မှာစွန့်စားဖို့ငါစိတ်မဝင်စားဘူး။"

"တာအိုပေါင်းစည်းခြင်းအပျက်စီးဆိုပေမယ့်ငါပါဝင်မှာ မဟုတ်ဘူး။"

ချူးလီချန်း အံ့အားသင့်သွားတယ်။ သူ တစ်ခုခု ပြောချင်ပေမယ့် ချီမင်ရဲ့ ခိုင်မာတဲ့ အကြည့်ကို မြင်ပြီးနောက် သူ့စကားလုံးတွေကို မျိုချပြီး နောင်တရတဲ့ လေသံနဲ့ပြောလိုက်တယ်။ "ဒါက တော်တော် စိတ်မကောင်းစရာပဲ။"

ယုရွှယ်လန်ရဲ့လှပတဲ့မျက်လုံးတွေတဖျတ်ဖျတ် လှုပ်ရှားသွားပြီး သူမနတ်မိမယ်ဖန်ရှီးကို ခိုးကြည့်လိုက်တော့သူမရဲ့ မျက်လုံးထဲမှာ အံ့အားသင့်တဲ့ အရိပ်အယောင်ကို မြင်လိုက်ရတယ်။

သူတို့ ချီမင်က ဘာမှ ဆွေးနွေးစရာ မလိုဘဲ ဒီလောက်ပွင့်ပွင့်လင်းလင်းငြင်းပယ်လိမ့်မယ်လို့ မထင်ထားဘူး။

ပွဲပြီးခါနီး ညနေပိုင်းလောက်မှာ

လူတိုင်း ဖြည်းဖြည်းချင်း ပြန်သွားကြတယ်။

ပြီးတော့ချီမင်လည်းတိမ်ပြိုဂူစံအိမ်ကိုပြန်သွားတယ်။

နောက်တစ်နေ့မှာတော့ အမွေခံတပည့်ပြိုင်ပွဲ ပြီးဆုံးပြီး သုံးရက်မြောက်နေ့ ရောက်လာတယ်။

မနက်ပိုင်းမှာ အကြီးအကဲတွေ အများအပြား တိမ်ပြိုဂူစံအိမ်ကို တစ်ယောက်ပြီး တစ်ယောက် လက်ဆောင်တွေ လာပေးကြတယ်။ သူတို့ကသူ့ကို တွေ့ချင်ပြီး ကောင်းကင်ဘုံဉာဏ်အလင်းဂိုဏ်းရဲ့ အမွေခံတပည့် ဖြစ်လာတာနဲ့ ကောင်းကင်ဘုံဉာဏ်အလင်း အင်မော်တယ်တောင်ကိုသွားပြီးကျင့်ကြံတော့မယ့်အကြောင်း ဂုဏ်ပြုချင်ကြတယ်။

ဒါကချီမင်နဲ့ကောင်းမွန်တဲ့ဆက်ဆံရေးတစ်ခုတည် ဆောက်ဖို့ဖြစ်တယ်။

သူ့ကို ဂုဏ်ပြုဖို့လာတဲ့သူတွေကတိမ်စိမ်းတောင် ထွတ်ရဲ့ အကြီးအကဲတွေတင် မဟုတ်ဘူး။ တခြားတောင်ထွတ် ဆယ့်တစ်ခုရဲ့ အကြီးအကဲတွေတောင် လာကြတယ်။

ပြောရရင်…

ဒီနှစ်ရက်အတွင်း ဒီဂုဏ်ပြုစကားတွေကို ကြားရတဲ့အခါ ချီမင် အန်ချင်သလို ခံစားရပေမယ့် ဘာမှ မပြောနိုင်ဘူး။ ဘာပဲဖြစ်ဖြစ်သူတို့မှာကောင်းမွန်တဲ့ရည်ရွယ်ချက်ရှိပြီးလက်ဆောင်တွေတောင်လာပေးကြတာဖြစ်တယ်။

သူကဟိန်တစ်လုံးဟန်တစ်လုံးမလုပ်တော့ဘဲ အားလုံးကို လက်ခံလိုက်တယ်။ လက်မခံရင်အလဟသဖြစ်သွားလိမ့်မယ်။