အခန်း (၁၁၁-၁၂၀)

Vol 6, အခန်း ၁၁၁။ မူပိုင်ခွင့်အတွက် အရည်အချင်းထောက်ပံ့ခြင်း

သုံးရက်ကြာပြီးနောက် စခ်တိုင်းပြည်မှာ ၎င်းတို့၏ မှော်သုတေသနဌာနအနေနှင့် မှော်အမြောက်နှင့်ပတ်သက်သော ပြဿနာအားလုံးကို ဖြေရှင်းလိုက်သဖြင့် အောင်မြင်စွာ မှော်အမြောက်တစ်ခု ထုတ်လုပ်နိုင်ကြောင်း ကြေငြာလိုက်သည်။

ဤသတင်းက အနီးဝန်းကျင်နိုင်ငံများသို့ အံ့မခန်းအရှိန်အဟုန်ဖြင့် ပြန့်သွားပြီးနောက် နယ်မြေကြီးရှိ အခြားနိုင်ငံများသို့လည်း တူညီသည့် အမြန်နှုန်းဖြင့် ပျံ့နှံ့လာသည်။

ထိုသတင်းပျံ့နှံ့သွားသည်နှင့် နယ်မြေကြီးတစ်ခုလုံးမှာ ရုတ်ရုတ်သဲသဲဖြစ်သွားကြ၏။

ရူဒ်ဆန်တိုင်းပြည်တွင် ကန်ဒရာအင်ပါယာ၏ ကျူးကျော်မှု နှစ်ခု၏ ရလဒ်များကြောင့် နယ်မြေကြီးပေါ်ရှိ နိုင်ငံများအားလုံးသည် စစ်ဘက်သုံး မှော်စက်များ၏ အစွမ်းသတ္တိနှင့် အရေးပါမှုကို သိရှိခဲ့ကြသည်။အင်ပါယာနှစ်ခုသည်လည်း စစ်ရေးမှော်စက်များကို ရှာဖွေရန် တွန့်ဆုတ်မနေချေ။

သို့သော်၊ စစ်ဘက်သုံးမှော်စက်များကို Frestech ကုန်သည်ကြီးများအသင်းမှသာ ထိန်းချုပ်ထားပြီး ၎င်းတို့ကို ဖန်တီးနိုင်သော အခြားမည်သူမျှမရှိပေ။ ထို့ကြောင့် ကန်ဒရာအင်ပါယာနှင့် မားလိုအင်ပါယာတို့သည် ၎င်းတို့၏ မြင့်မြတ်သောခေါင်းများကို နှိမ့်ချကာ Frestech ကုန်သည်ကြီးများအသင်းနှင့် ပူးပေါင်းဆောင်ရွက်မှုကို ရယူခဲ့ရသည်။

အခြားနိုင်ငံငယ်များတွင်မူ စစ်ဘက်သုံးမှော်စက်များအတွက် ပို၍စိတ်အားထက်သန်ကြရာ ၎င်းတို့မှာမူ Frestech ကုန်သည်ကြီးများအသင်းကိုပင် သွားခဲ့ရသည်။

ထိုအချိန်တွင်၊ စစ်ဘက်သုံးမှော်စက်များကို ဖန်တီးနိုင်သည့် အခြားနိုင်ငံတစ်ခုရှိလာပြီး ၎င်းမှာ အမြင့်ဆုံး မှော်အမြောက်ဖြစ်သည်။ ၎င်းဟာ စစ်ဘက်သုံး မှော်စက်များအား လိုချင်သည့် နယ်မြေကြီးပေါ်က နိုင်ငံတိုင်းအတွက် ပြင်းထန်သည့် တုန်လှုပ်စရာပါပင်။

စခ်တိုင်းပြည်မှ ထိုသတင်းကို ထုတ်ပြန်ရုံနှင့် ၎င်းတို့မှာ မှော်အမြောက်ကိုသာ ထုတ်လုပ်နိုင်သော်လည်း နိုင်ငံအများစုအတွက် အရေးကြီးသည့် အဓိပ္ပါယ်တစ်ခုရှိပါ၏။

အဘယ်ကြောင့်ဆိုသော် စစ်တပ်သုံးမှော်စက်များသည် Frestech ကုန်သည်ကြီးများအသင်းနှင့်သာမကဘဲ သက်ဆိုင်လာသောကြောင့်ဖြစ်သည်။

စခ်တိုင်းပြည်က ဒီသတင်းကို ထုတ်ပြန်ပြီးနောက် စစ်တပ်သုံးမှော်စက်တွေကို သရုပ်ပြဖို့ ရက်စွဲအား ရွေးချယ်ခဲ့ပါ၏။ ၎င်းတို့ တီထွင်ခဲ့သော မှော်အမြောက်ကို ပြသခြင်းအပြင် ၎င်းတို့ တီထွင်ခဲ့သော အခြား အနိမ့်ဆုံး စစ်ဘက်သုံး မှော်စက်များကိုပါ ပြသမည်ဖြစ်သည်။

ဤသရုပ်ပြမှုကြောင့် စခ်တိုင်းပြည်သည် နယ်မြေကြီးအတွက် အာရုံစိုက်မှုဗဟိုဖြစ်လာခဲ့သည်။ နယ်မြေကြီး၏အနောက်တောင်ထောင့်ရှိ သတင်းစာများအားလုံးသည် ဤကိစ္စနှင့်ပတ်သက်ပြီး ဆောင်းပါးများရေးသားခဲ့ကြပြီး လူအများ၏ ကိုယ်ရေးကိုယ်တာပြောဆိုမှုများသည် ဤကိစ္စနှင့်ပတ်သက်နေလေသည်။

ဤလေထု၏ လွှမ်းမိုးမှုနှင့်အတူ၊ အာရုံစူးစိုက်မှုဗဟိုဖြစ်ခဲ့ဖူးသော Frestech ကုန်သည်ကြီးများအသင်းသည် လူတိုင်း၏ စိတ်ထဲနောက်သို့ရောက်ပြီး မေ့လျော့ခံခဲ့ရသည်။

ဟုတ်ပါ၏၊ Frestech ကုန်သည်ကြီးများအသင်းကို မေ့ထားလို့မရသည့်လူတချို့ရှိသည်။

ဥပမာအားဖြင့် မဟာမှော်ပညာရှင် ဖာဂူဆန်ပင်။

Frestech ကုန်သည်ကြီးများအသင်း၏ ပင်မအခြေစိုက်ဌာနရှိရာ စတက်တိန်းနယ်မြေထံ ရောက်ရှိလာခြင်းဖြစ်ပြီး ၎င်းသည် မဟာမှော်ပညာရှင် ဖာဂူဆန်၏ တတိယအကြိမ်ဖြစ်သည်။

ပြီးခဲ့သည့်အချိန်နှင့် နှိုင်းယှဉ်ပါက Frestech ကုန်သည်ကြီးများအသင်း၏ အဓိကအခြေစိုက်ဌာနသည် အလွန်ပြောင်းလဲသွားသည်။ မြေကွက်လပ်နေရာယူထားသည့် အထပ်မြင့် အဆောက်အအုံများစွာ ရှိ၏။ မရေမတွက်နိုင်သော လူများ သည် အထပ်မြင့် အဆောက်အအုံများ တစ်လျှောက် ရွေ့လျား နေကြပြီး အလွန် အလုပ်များနေပုံ ရသည်။

Frestech ကုန်သည်ကြီးများအသင်း၏ အဓိကအခြေစိုက်စခန်းတစ်ခုလုံးသည် စခ်တိုင်းပြည်၏ ကြေငြာချက်ကြောင့် အရာအားလုံးကို ပုံမှန်အတိုင်းဂရုစိုက်နေရရာ ၎င်းသည် အလုပ်များပြီး ကြွယ်ဝလာပုံရသည်။

မဟာမှော်ပညာရှင် ဖာဂူဆန်သည် မြင်းလှည်းပေါ်မှ ခုန်ဆင်းကာ နာကျင်နေသော ခါးကို ပွတ်သပ်လိုက်သည်။ ထို့နောက် သူသည် သူ့မျက်လုံးထဲတွင် လေးလေးနက်နက်ဖြင့် ဖြတ်ပြေးသွားသော မှော်ဆလွန်းကို ကြည့်လိုက်မိသည်။

သူ့တွင် မှော်ဆလွန်းတစ်စီး ရှိနိုင်ရင် ကောင်းမည်။ ထိုသို့ဆိုလျှင် မှော်ပညာရှင်များအဖွဲ့အစည်း ဌာနချုပ်ကနေ ကီလိုမီတာ သုံးထောင်လောက် ခရီးထွက်ရသည်က ခက်ခဲမည် မဟုတ်သလို ဒီကိုရောက်ဖို့ အဆပေါင်းများစွာ ပိုမြန်လာပါလိမ့်မည်။

သို့သော် ဌာနချုပ်သည် Frestech ကုန်သည်ကြီးများအသင်းအား တွန်းလှန်နေရဆဲဖြစ်ပြီး မကျေမနပ်ပင်ဖြစ်ခဲ့သည်။ ရုံးချုပ်၏ဆန္ဒကို ဆန့်ကျင်သည့် သူထံမှ မှော်ဆလွန်းတစ်စီးဝယ်ရန် ဤအချိန်တွင် သူသည် အစပြု၍မရနိုင်ပေ။

ထို့နောက် Frestech ကုန်သည်ကြီးများအသင်းအား အပြစ်ပေးရန်အတွက် ရုံးချုပ်ကိုယ်စား သူရောက်လာပြန်သည်။ Frestech ကုန်သည်ကြီးများအသင်းမှ ထုတ်လုပ်သော မှော်ဆလွန်းဖြင့်လာပါက၊ သူသည်လည်း တူညီသော ရောင်ဝါရှိနေမည်မဟုတ်ပါလား။

"ဘာလို့ တခြားကုမ္ပဏီတွေက မှော်ဆလွန်းတွေ မထုတ်လုပ်နိုင်ရတာလဲ။" ၎င်းကိုတွေးပြီးသည့်အခါ မဟာမှော်ပညာရှင် ဖာဂူဆန်က သူ့စိတ်ထဲ မနေနိုင်စွာ မကျေမနပ်ဖြစ်သွားပြီး၊ "စခ်တိုင်းပြည်က မှော်အမြောက်တွေအစား မှော်ဆလွန်းတွေ ထုတ်မယ်ဆို ပိုရိုးရှင်းအောင်လုပ်ပေးနိုင်မှာကို။ ဒီကုမ္ပဏီတွေက တကယ်ကို အသုံးမဝင်ဘူး…”

သူ့စိတ်ထဲတွင် မကျေမနပ်ဖြစ်ပြီးနောက်၊ မဟာ မှော်ပညာရှင် ဖာဂူဆန်သည် သူ့ရှေ့ရှိ Frestech ကုန်သည်ကြီးများအသင်း ရုံးချုပ် ဝင်ပေါက်ကို လှမ်းကြည့်လိုက်သည်။ ရှုယီသည် Frestech ကုန်သည်ကြီးများအသင်း မှော်သုတေသနဌာန၏ ယူနီဖောင်းဖြင့် လူများစွာနှင့်အတူ ထွက်လာခဲ့သည်။

၎င်းတို့၏ရင်ဘတ်ပေါ်ရှိ မှော်ပညာအဆင့်တံဆိပ်ကို မြင်ပြီးနောက်၊ မဟာမှော်ပညာရှင် ဖာဂူဆန်သည် သူ၏မျက်လုံးများကို မနေနိုင်စွာ ကျဉ်းမြောင်းလိုက်သည်။

Frestech ကုန်သည်ကြီးများအသင်း သုတေသီများအနက် အညံ့ဆုံးမှာ အဋ္ဌမအဆင့်မှော်ပညာရှင်ဖြစ်ပြီး နဝမအဆင့်မှော်ပညာရှင် သုံးဦးရှိသည်။

မဟာမှော်ပညာရှင် ရှုယီကပင် အများကြီးမဟုတ်ရင်တောင်မှ လျစ်လျူရှုလို့မရသည့် စွမ်းအားတစ်ခုပင်။

Frestech ကုန်သည်ကြီးများအသင်း၏ မှော်သုတေသနဌာနတွင် မှော်ပညာရှင်ပေါင်း ခုနစ်ရာကျော်ရှိပြီး အများစုမှာ အဆင့်မြင့်မှော်ပညာရှင်များဖြစ်ကြောင်း သတိရပြီးနောက်၊ Frestech ကုန်သည်ကြီးများအသင်း၏ စက်ရုံအမျိုးမျိုးရှိအဆင့်နိမ့် မှော်ပညာရှင်သုံးထောင်ကျော်အပြင် Frestech ကုန်သည်ကြီးများအသင်းတွင် ကြောက်မက်ဖွယ်ကောင်းသော မှော်ပညာရှင်များစွာရှိသည်။

ထို့အပြင် Frestech ကုန်သည်ကြီးများအသင်းတွင် အလုပ်လုပ်နေသော လမ်ပူရီတိုင်းပြည် မဟာမှော်ပညာရှင် ရှုယီအပြင် အမည်မသိမဟာမှော်ပညာရှင်နှင့် မဟာမှော်ပညာရှင် Telucci အပါအဝင် Frestech ကုန်သည်ကြီးများအသင်းမှ မဟာမှော်ပညာရှင်သုံးဦးရှိသည်။

ခေါင်းဆောင်မှော်ပညာရှင် ကမ်မီလာ၏ အဆုံးစွန်သော စွမ်းအားကိုထည့်သွင်းပါက Frestech ကုန်သည်ကြီးများအသင်း၏ မှော်စွမ်းအားသည် ရိုးရှင်းစွာကြောက်စရာကောင်းသည်။

"မဟာမှော်ပညာရှင် ဖာဂူဆန်၊ ကျွန်တော်တို့ Frestech ကုန်သည်ကြီးများအသင်းက တစ်ဖန်ကြိုဆိုပါတယ်။" ဒါကို သူတွေးနေချိန်တွင် ရှုယီ၏ အဖွဲ့ရောက်လာပြီး မဟာမှော်ပညာရှင် ဖာဂူဆန်ဆီကို ပြုံးပြ၍ လက်ကို လှမ်းဆွဲလိုက်၏။

"မင်္ဂလာပါ ဥက္ကဌ ရှု၊ ပြန်တွေ့ရတာ အရမ်းဝမ်းသာပါတယ်။" မဟာမှော်ပညာရှင် ဖာဂူဆန်သည် သူ့အတွေးများကို အမြန်ဖယ်လိုက်ပြီး ရှုယီ၏လက်ကို ဆွဲနှုတ်ဆက်ရန် သူ့လက်ကို လှမ်းလိုက်သည်။ ထို့နောက် သူသည် ရှုယီ၏နောက်ကွယ်မှ မှော်ပညာရှင်များကို သံသယအကြည့်ဖြင့် ကြည့်ကာ "သူတို့တွေက......"

“အိုး၊ သူတို့က ကျွန်တော်တို့ကုမ္ပဏီရဲ့ မှော်သုတေသနဌာနက သုတေသီတွေပါ။ မဟာမှော်ပညာရှင် ဖာဂူဆန်အနေနဲ့ မှော်ပညာရှင်များအဖွဲ့အစည်း ဌာနချုပ်ကိုယ်စား ကျွန်တော်တို့နဲ့ မှော်ပညာဆိုင်ရာ အကြောင်းအရာများတွေကို ဆွေးနွေးဖို့ ဒီနေရာကို ရောက်လာကြောင်း ကြားသိရတော့ စိတ်ဝင်စားတာ‌နဲ့ နားထောင်ချင်နေကြတာ။"

"နားထောင်ဖို့လား?" မဟာမှော်ပညာရှင် ဖာဂူဆန်က မျက်မှောင်ကုပ်၏။

သူ့အနေနှင့် ရှုယီကို ဌာနချုပ်က သူနှင့် အချိန်မီ ဆွေးနွေးချင်သည်အား ပြောထားပြီးသား၊ မဖြစ်နိုင်ဘူးဆိုသည်ကို မသိခဲ့ပေ။

ထိုကိစ္စကို လူတော်တော်များများရှေ့၌ ဆွေးနွေးဖို့ မသင့်တော်ရာ ရှုယီက ထိုသဘောထားရှိသဖြင့် မည်သည်ကိုဆိုလိုသနည်း။

ရှုယီသည် မဟာမှော်ပညာရှင် ဖာဂူဆန်၏ မျက်နှာတွင် မည်သည့်အရိပ်အယောင်ကိုမှ လုံးဝမမြင်ရသည့်နှယ် ပြုံးပြုံးရွှင်ရွှင်ဖြင့် လက်ကိုဆန့်ကာ ဖိတ်ခေါ်သည့်အမူအရာ ပြခဲ့သည်။

မဟာမှော်ပညာရှင် ဖာဂူဆန်သည် စိတ်အေးအေးထားပြီး ရှုယီကို Frestech ကုန်သည်ကြီးများအသင်း၏ ရုံးချုပ်သို့သာ လိုက်ခိုင်းခဲ့သည်။

ရှုယီသည် အစည်းအဝေးခန်းကို ပြင်ဆင်ထားပြီး မဟာမှော်ပညာရှင် ဖာဂူဆန်ကို တိုက်ရိုက်ခေါ်ဆောင်လာခဲ့သည်။

အဖွဲ့သည် ထိုင်ခုံနေရာယူလိုက်ပြီး ရှုယီက မဟာမှော်ပညာရှင် ဖာဂူဆန်အား ကြိုဆိုရန်အတွက် ယဉ်ကျေးစွာ မိန့်ခွန်းပြောပြီးနောက်တွင် သူသည် အဓိကအကြောင်းအရာသို့ ရောက်သွားခဲ့သည်။

“မဟာမှော်ပညာရှင် ဖာဂူဆန်၊ ဌာနချုပ်ရဲ့ တောင်းဆိုချက်ဖြစ်တဲ့ မှော်စက်မူပိုင်ခွင့်ကာကွယ်‌ရေးသမဂ္ဂကို ဖွဲ့စည်းတာ ရပ်တန့်ဖို့ ကုမ္ပဏီနဲ့ ဆွေးနွေးပြီးတဲ့အခါမှာ၊ ဒီတောင်းဆိုချက်ကို ငြင်းပယ်ဖို့ ဆုံးဖြတ်ခဲ့ကြတယ်။ ကျွန်တော်တို့ရဲ့ ဆုံးဖြတ်ချက်ကို ရုံးချုပ်ကို လွှဲပေးနိုင်မယ်လို့ မျှော်လင့်ပါတယ်”

"အမ်?" မဟာမှော်ပညာရှင် ဖာဂူဆန်အနည်းငယ် အံ့သြသွားသည်။

မှော်ပညာရှင်များအဖွဲ့အစည်းဌာနချုပ်ကိုယ်စား Frestech ကုန်သည်ကြီးများအသင်းကို တရားဝင်သတိပေးဖို့ ဤတစ်ကြိမ်လာခဲ့ခြင်းပင်။ မှော်စက်မူပိုင်ခွင့်ကာကွယ်ရေးသမဂ္ဂ သို့မဟုတ် Frestech ကုန်သည်ကြီးများအသင်းမှ ဖွဲ့စည်းခြင်းကို ရပ်တန့်ပြီး ၎င်းတို့အား မှော်ပညာရှင်များအစည်းအရုံးက အပြစ်ပေးမည်ဖြစ်သည်။

သို့ပေမယ့် သူဘာမှမပြောခင် ရှုယီက သူ့ကို အရင်ငြင်းမယ်ဟု ဘယ်တုန်းကမှ မထင်ခဲ့မိချေ။

ဒါကို ငြင်းပယ်ဖို့ သူ ဘယ်လို သတ္တိရှိရတာလဲ။

အံ့အားသင့်သွားပြီးနောက် ဒေါသသည် ဖာဂူဆန်၏ ရင်ဘတ်ထဲသို့ ရုတ်တရက် ပြည့်သွားသည်။

"ဥက္ကဌ ရှု၊ ဒီလိုလုပ်တာရဲ့ အကျိုးဆက်ကို မင်းသိလား" မဟာမှော်ပညာရှင် ဖာဂူဆန်က နက်မှောင်သော အကြည့်ဖြင့် မေးသည်။

ရှုယီက ခပ်ဖျော့ဖျော့ပြုံးကာ ဖြေ၏၊ "မသိပါဘူး"

“မင်း……” မဟာမှော်ပညာရှင် ဖာဂူဆန်သည် ဒေါသနှင့် ပြည့်နှက်နေသော်လည်း ရှုယီ၏ မျက်နှာပေါ်ရှိ အပြုံးကို မြင်လိုက်ရပြီးနောက် မိမိကိုယ်ကိုတည်ငြိမ်သွားစေရန် တွန်းအားပေးခဲ့သည်။ "ဥက္ကဌ ရှု၊ ကျုပ် ဒီအချိန်ရောက်လာတာက မင်းတို့ Frestech ကုန်သည်ကြီးများအသင်းကို ဌာနချုပ်ရဲ့ ဆုံးဖြတ်ချက်ကို ကိုယ်စား တရားဝင်ပေးအပ်ဖို့ပါပဲ။ ခင်ဗျား၏ Frestech ကုန်သည်ကြီးများအသင်းက ဒီမှော်စက်မူပိုင်ခွင့်ကာကွယ်ရေးသမဂ္ဂဖွဲ့စည်းခြင်းကို ရပ်ရမယ်၊ မဟုတ်ရင် ဌာနချုပ်ကနေ အပြစ်ပေးခံရမှာပဲာ ။ ဒါက ကောင်စီဥက္ကဌ ရှုက ချမှတ်ထားတဲ့ ဆုံးဖြတ်ချက်ပဲ၊ မင်းကုမ္ပဏီကို လိုက်နာရမယ်!"

ရှုယီဘာမှ မပြောဘဲ ပြုံးလိုက်သည်။ သူပြန်မဖြေဘဲ ကုလားထိုင်ပေါ်ပြန်ငုံ့၍ မဟာမှော်ပညာရှင် ဖာဂူဆန်ကို တည်ငြိမ်သောအကြည့်ဖြင့် ကြည့်နေသည်။

"မဟာမှော်ပညာရှင် ဖာဂူဆန် ကျွန်တော်မေးစရာရှိတယ်။" ရှုယီအနားရှိ လေးဆယ်ခန့်ရှိပုံရသော လူလတ်ပိုင်း သုတေသီတစ်ဦးက ရုတ်တရက် စကားပြောလာသည်။

မဟာမှော်ပညာရှင် ဖာဂူဆန်သည် မျက်ခုံးများတွန့်၍ဖြင့် သူ့ကို ကြည့်နေသည်။ ရှုယီက ဒီလူတွေကို ခေါ်လာကတည်းက ပြင်ဆင်မှုတွေ လုပ်ထားရမယ်လို့ သူထင်ခဲ့မိသည်။။

သူသည် မဟာမှော်ပညာရှင် ဖာဂူဆန် ခေါင်းညိတ်ပြခြင်း မပြုမီ လူလတ်ပိုင်းအရွယ် မှော်ပညာရှင်၏ ရင်ဘတ်ပေါ်ရှိ နဝမတန်း မှော်ပညာရှင် တံဆိပ်ကို ကြည့်ကာ "ပြောပါ မင်းမေးခွန်းက ဘာလဲ။"

လူလတ်ပိုင်းအရွယ်က မတ်တတ်ထရပ်ပြီး မဟာမှော်ပညာရှင် ဖာဂူဆန်ကို ရိုကျိုးလေးတလေး နဲ့ မမေးခင်၊ “အရှင်၊ ရုံးချုပ်ရဲ့ ဆုံးဖြတ်ချက်ကို ကျုပ်တို့ နားမလည်ဘူး။ ဌာနချုပ်က ကျုပ်တို့‌မှော်စက် ကုမ္ပဏီကို မှော်စက်ကာကွယ်ရေးအစောင့်သမဂ္ဂ ဖွဲ့စည်းခြင်းကို ရပ်တန့်ဖို့ ဘာလို့ တောင်းဆိုနေတာလဲ။ ဘာလို့လဲ?"

"အကြောင်းပြချက်?" မဟာမှော်ပညာရှင် ဖာဂူဆန် သူ့မျက်နှာပေါ်တွင် တည်တည်ငြိမ်ငြိမ် ပြုံးနေသော ရှုယီကို ကြည့်ကာ မတုံ့ပြန်မီ အေးစက်စက် နှာမှုတ်လိုက်၏၊ ၊ “မှော်မူပိုင်ခွင့်တွေနဲ့ သူတို့ရဲ့အသုံးပြုမှုများကို အကာအကွယ်ပေးခြင်းက မှော်ပညာရှင်သမဂ္ဂရုံးချုပ်မှာရှိတယ်။ မှော်ပညာရှင်များ သမဂ္ဂရုံးချုပ်မှာရှိတယ်။ ဌာနချုပ်ကလွဲပြီး ဘယ်သူမှ ဒီအာဏာကို ကျင့်သုံးပိုင်ခွင့်မရှိဘူး။ အခု မင်းတို့ Frestech ကုန်သည်ကြီးများအသင်းက မှော်စက်ကာကွယ်ရေးဥပဒေကို ဖွဲ့စည်းလိုတယ်၊ ဒါက ရုံးချုပ်ရဲ့ အခွင့်အာဏာကို ထိပါးနေတာပဲ။ ဒါက ပထမဆုံးပြစ်မှုဖြစ်ပြီး Frestech ကုန်သည်ကြီးများအသင်းက နယ်မြေကြီးမှာရှိတဲ့ မှော်ပညာရှင်အားလုံးကို ဖွံ့ဖြိုးတိုးတက်အောင် ကူညီပေးနေတာမို့၊ ကောင်စီက မင်းကို နေရာအနည်းငယ်ချန်ထားရန် ဆုံးဖြတ်ခဲ့သည်။ ဒါပေမယ့် မင်းဒီလိုလုပ်ဖို့ အတင်းအကြပ်လုပ်ရင် ဌာနချုပ်က ဘယ်လိုမှ ရည်ရွယ်ချက်မရှိတော့ဘူး!"

“ခင်ဗျားပြောတာက ကျိုးကြောင်းဆီလျော်ပေမယ့် အရှင်……” လူလတ်ပိုင်းကြီးသည် သူ့မျက်နှာတွင် လှောင်ပြောင်သည့်အရိပ်အယောင်တစ်ခု ရှိကာ၊ "ကျုပ် မှတ်မိတာမှန်ရန်၊ 'မူပိုင်ခွင့်' နဲ့ 'မှော်မူပိုင်ခွင့်' ဆိုတဲ့ စကားလုံးတွေကို ကျုပ်တို့ Frestech ကုန်သည်ကြီးများအသင်းရုံးချုပ်က အဆိုပြုခဲ့တာ မဟုတ်လား။"

***

မှော်စက်မှုအင်ပါယာ

Vol 6, အခန်း ၁၁၂။ အလုပ်မလုပ်ဘဲ ငွေပေးခြင်း

မဟာမှော်ပညာရှင်ဖာဂူဆန်မှာ အေးခဲသွားကာ အမူအရာက အတန်ငယ် နေရခက်သည့်နှယ်ဖြစ်လာသည်။

ဤသက်လတ်ပိုင်း မှော်ပညာရှင်မှာ မှန်ပါ၏။ ‘မှော်မူပိုင်ခွင့်များ’ဆိုသည့် စကားလုံးနှင့် မူပိုင်ခွင့်များ၏ နည်းလမ်းအားလုံးကို Frestech ကုန်သည်ကြီးများအသင်း၏ ဥက္ကဌရှုယီက အဆိုပြုခဲ့ခြင်းပင်။ ၎င်းကို လမ်ပူရီတိုင်းပြည်မှော်ပညာရှင်များ အဖွဲ့အစည်းမှတဆင့် ဌာနချုပ်သို့ လွှဲပေးပြီးနောက်မှ လက်ခံခဲ့ကြခြင်းပင်။

၎င်း၏နည်းလမ်းကို ရှုယီက အဆိုပြုထားရာ ထိုကိစ္စကို ပြောရေးဆိုခွင့်အရှိဆုံးက ရှုယီပါပင်။

ယခု ရှုယီနှင့် Frestech မဟာမှော်ပညာရှင်ဖာဂူဆန်တွင် ဤအခွင့်အရေးမရှိဟု ရုံးချုပ်ကပြောနေသည်မှာ အံ့သြစရာမဟုတ်ပေ။

အနည်းငယ် တိတ်ဆိတ်သွားပြီးနောက် မဟာမှော်ပညာရှင်ဖာဂူဆန်သည် လေးနက်သော ဟန်ဖြင့် ချောင်းဟန့်၍ ပြောလာသည်၊ "ဒီအကြံဉာဏ်က ဥက္ကဌရှုဆီကဆိုတာအမှန်ပဲ၊ ဒါပေမယ့် ဒီအကြံဉာဏ်က ကျုပ်တို့ မှော်ပညာရှင်များအဖွဲ့အစည်းရဲ့ စီရင်ပိုင်ခွင့်ဖြစ်တဲ့ မှော်ပညာရှင်တွေနဲ့ သက်ဆိုင်နေတယ်။ ပြီးတော့ ဥက္ကဌရှုက သူအဆိုပြုထားတဲ့ မူပိုင်ခွင့်ကို ကာကွယ်ဖို့ မှော်ပညာရှင်များအဖွဲ့အစည်းရဲ့ခွန်အားကို အသုံးပြုရအောင် မျှော်လင့်ချက်နဲ့ အစပိုင်းမှာ ဒါကို အဆိုပြုခဲ့တာမဟုတ်လား ဥက္ကဌ ရှု"

ရှုယီက ခေါင်းညိတ်ပြသည်၊ “မှန်ပါတယ်။ မှော်ပညာရှင်များအဖွဲ့အစည်းက ဒီမူပိုင်ခွင့်တွေကို ကာကွယ်ဖို့ မှော်ပညာရှင်များအဖွဲ့အစည်းရဲ့ ခွန်အားကို အသုံးပြုပြီး ဒီမူပိုင်ခွင့်အယူအဆကို လက်ခံလာကြလိမ့်မယ်လို့ မျှော်လင့်ခဲ့တာပါ။ ဒါမှ မှော်စက်သုတေသနလုပ်တဲ့အခါ ဖွံ့ဖြိုးတိုးတက်ဖို့ နေရာပိုရလာမယ်။”

"မှန်တယ်။" ရှုယီက ၎င်းကို ပွင့်ပွင့်လင်းလင်း အသိအမှတ်ပြုတာကို မြင်သော် မဟာမှော်ပညာရှင်ဖာဂူဆန်က သက်ပြင်းတစ်ချက်ချလိုက်ပါ၏။ "ဥက္ကဌ ရှုက ကျုပ်တို့ရဲ့ မှော်ပညာရှင်များအဖွဲ့အစည်းဆီ ဒီအခွင့်အရေးကို ပထမဆုံးအနေနဲ့ ပေးခွင့်ပြုလိုက်တဲ့အတွက်၊ သူက ဒီအခွင့်အရေးကို ဌာနချုပ်ကို အသုံးချပိုင်ခွင့်ကို ပေးအပ်ခဲ့တာပါပဲ။ အခု မင်းတို့ မှော်စက်မူပိုင်ခွင့်ကာကွယ်ရေးသမဂ္ဂကို ဖွဲ့လိုက်တာက ဘာအတွက်များလဲ"

"မဟာမှော်ပညာရှင်ဖာဂူဆန်၊ ခင်ဗျား အမှားလုပ်မိပုံရတယ်။" ရှုယီက ပြုံးစိစိဖြင့် ပြောလိုက်သည်။

"အိုး? ဘာမှားလို့လဲ?"

" မှော်ပညာရှင်များအဖွဲ့အစည်းရဲ့ စွမ်းအားနဲ့ ကျွန်တော်တို့ရဲ့ မှော်ပညာမူပိုင်ခွင့်တွေကို ကာကွယ်ဖို့အတွက် ဒီအကြံဉာဏ်ကို မှော်ပညာရှင်များအဖွဲ့အစည်းဌာနချုပ်ကို တင်ပြခဲ့တာမှန်တယ်၊ ဒါပေမယ့် ခင်ဗျားတို့က ပြဿနာတစ်ခုကို လျစ်လျူရှုထားတယ်။ မှော်ပညာရှင်များအဖွဲ့အစည်းရဲ့ အကာအကွယ်ကိုရယူနေစဉ်မှာ၊ ကျွန်တော်တို့အနေနဲ့လည်း တန်ကြေးတစ်ခုပေးဆောင်ရလိမ့်မယ်။ တခြားဘာမှ မသိပေမယ့် Frestech ကုန်သည်ကြီးများအသင်းအတွက်နဲ့တင်၊ ဒီမူပိုင်ခွင့်တွေကို ကာကွယ်ဖို့ မှော်ပညာရှင်များအဖွဲ့အစည်းကို ထိတ်လန့်စရာကောင်းလောက်တဲ့ ရွှေဒင်္ဂါးတစ်သိန်းလေးသောင်းကို ရစေခဲ့တယ်။ ဒါက နည်းနည်းလေးမှ မဟုတ်တာ...."

မဟာမှော်ပညာရှင်ဖာဂူဆန်က အေးစက်စက် နှာမှုတ်ပြီး “ဘာလဲ။ အဖွဲ့အစည်းက မင်းရဲ့မူပိုင်ခွင့်တွေကို ကာကွယ်ဖို့ ပိုက်ဆံနည်းနည်းသုံးတာ သဘာဝမကျဘူးလား။"

“ဟုတ်ပါတယ်၊ ဒါက ဖြစ်သင့်သလောက်ပါပဲ။ ဒါကို ကျွန်တော် ဘယ်တုန်းကမှ မငြင်းပါဘူး။” ရှုယီသည် မျက်လုံးများကို မှေးစင်းထားပြီး အကြင်နာကင်းမဲ့စွာ ပြန်မေးလိုက်သည်။ "ဒါပေမယ့် မဟာမှော်ပညာရှင်ဖာဂူဆန်၊ နားလည်ထားရမှာတစ်ခုရှိတယ်။ မှော်ပညာရှင်များအဖွဲ့အစည်းက ကျွန်တော်တို့ရဲ့ မူပိုင်ခွင့်တွေကို ကာကွယ်နိုင်စွမ်းရှိတယ်လို့ယုံကြည်တာကြောင့် မှော်ပညာရှင်များအဖွဲ့အစည်းဆီ ဒီအခကြေးငွေကို ပေးဆောင်ပြီး ဒါကိုလုပ်ဆောင်ဖို့ရွေးချယ်လိုက်တာပါ။"

"ဘာကိုဆိုလိုတာလဲ?" Great မဟာမှော်ပညာရှင်ဖာဂူဆန်၏ အသုံးအနှုန်းသည် ပြောင်းလဲသွားသည်၊ "မင်းတို့ Frestech ကုန်သည်ကြီးများအသင်းက ငါတို့ မှော်ပညာရှင်များအဖွဲ့အစည်းရဲ့ မူပိုင်ခွင့်အကာအကွယ်ကို ဖယ်ခွာချင်နေတာလား"

"ကျွန်တော့်စကားရဲ့ အဓိပ္ပါယ်ကတော့ ဒီမူပိုင်ခွင့် ကာကွယ်ရေးအခကြေးငွေကို အကာအကွယ်အတွက် မှော်ပညာရှင်များအဖွဲ့အစည်းဆီ ပေးဆောင်ဖို့ကို ရွေးချယ်နိုင်တာကြောင့် ဒီငွေကို မပေးဆောင်ဖို့လည်း ရွေးချယ်လို့ရပါတယ်......"

"ဒါဆို မင်းတို့ မူပိုင်ခွင့်တွေပေါ်မှာ မှော်ပညာရှင်များအဖွဲ့အစည်းရဲ့ အကာအကွယ်ကို ဆုံးရှုံးလိမ့်မယ်!" မဟာမှော်ပညာရှင်ဖာဂူဆန်က ရှုယီကို ကြင်နာမှုမရှိဘဲ ဖြတ်ပြောလိုက်သည်။

“မှန်ပါတယ်၊ ဒါက အမှန်ပါပဲ။ ဒါပေမယ့် ဒါက ကျွန်တော်တို့မှာ ရွေးချယ်ပိုင်ခွင့်ရှိပြီး မှော်ပညာရှင်များအဖွဲ့အစည်းကိုပဲ အားကိုးရမယ်လို့ မဆိုလိုပါဘူး။ မဟာမှော်ပညာရှင်ဖာဂူဆန်၊ ကျွန်တော်ဆိုလိုတာကို နားလည်လား" ရှုယီက မေးသည်။

"ဒါဆို မင်းက မင်းကိုယ်တိုင် ကာကွယ်ခွင့်အခကြေးငွေ ပေးသွင်းဖို့နဲ့ ကိုယ်ပိုင်မူပိုင်ခွင့်ကို ကာကွယ်ဖို့ ဒီမှော်စက်မူပိုင်ခွင့်ကာကွယ်ရေးသမဂ္ဂကို ဖန်တီးတာပေါ့?" မဟာမှော်ပညာရှင်ဖာဂူဆန်က အေးစက်စက်‌ရယ်မောလိုက်သည်၊ "ဥက္ကဌရှု မင်းတို့ Frestech ကုန်သည်ကြီးများအသင်းနဲ့တင်... ဒါကိုလုပ်နိုင်မယ်လို့ ထင်နေတာလား? ငါတို့ မှော်ပညာရှင်များအဖွဲ့အစည်းကလွဲရင် နယ်မြေကြီးမှာ ဒါကိုလုပ်နိုင်မယ့် တခြားအဖွဲ့အစည်းရှိမှာမဟုတ်ဘူးလို့ ငါပြောနိုင်တယ်။"

"ဒါတော့ ခင်ဗျားမှန်တာ ကျွန်တော်ဝန်ခံပါတယ်၊ အနည်းဆုံး အခုထိတော့ မှန်သေးတာပေါ့၊ ဒါပေမယ့်...." ရှုယီက မဟာမှော်ပညာရှင်ဖာဂူဆန်ကို အနှိုင်းမဲ့ စူးရှသည့် မျက်ဝန်းများဖြင့်ကြည့်လိုက်သည်၊ "မှော်ပညာရှင်များအဖွဲ့အစည်းရုံးချုပ်တွေက ကျွန်တော်တို့ရဲ့ မူပိုင်ခွင့်တွေကို မကာကွယ်ပေးနိုင်ကြမှတော့ ဒီပြဿနာကို ကျွန်တော်တို့ကိုယ်တိုင် ဖြေရှင်းဖို့ နည်းလမ်းရှာရတော့မှာပေါ့။ ကျွန်တော်တို့အနေနဲ့ အခက်အခဲအများကြီးကြုံရမယ်ဆိုရင်တောင် လုပ်နေရဦးမှာပါပဲ။"

ရှုယီထံမှ ထိုသို့ စိုက်အကြည့်ခံ‌ရသော် မဟာမှော်ပညာရှင်ဖာဂူဆန်မှာ မနေနိုင်စွာ ထိုအ‌ကြည့်မှ ရှောင်ဖယ်မိသည်။

"ဥက္ကဌရှု ခင်ဗျားဆိုလိုတာကို ကျုပ်နားမလည်ဘူး။ ဘာလို့များ ကျုပ်တို့ မှော်ပညာရှင်များအဖွဲ့အစည်းက မူပိုင်ခွင့်တွေကို မကာကွယ်နိုင်ကြတော့မှာလဲ?"

"ခင်ဗျား တကယ်ပဲ မသိတာလား?" ရှုယီက တစ်ချက်ရယ်သွမ်းလိုက်ပြီးနောက် သူ့နံဘေးရှိ သုတေသနပညာရှင်များကို ခေါင်းငြိမ့်ပြလိုက်သည်။

၎င်းတို့မှာ အခန်းထဲမှ အတူထွက်သွားကြ၏။

မဟာမှော်ပညာရှင်ဖာဂူဆန် ရှုပ်ထွေးနေပြီး သိပ်မကြာလိုက် ၎င်းတို့က အိမ်သုံးမှော်စက်ပေါင်းများစွာကို သယ်ဆောင်ထားသည့် နတ်သူငယ်နှစ်ဦး၊ လူပုလေးသုံးဦးတို့ကို ခေါ်ကာ ပြန်လာခဲ့ကြသည်။

"ဥက္ကဌရှု ဒါက ဘာများလဲ?" မဟာမှော်ပညာရှင်ဖာဂူဆန်မှာ မနေနိုင်စွာ မေးမိရသည်။

ရှုယီက ပြန်မဖြေဘဲ ထိုလူများကိုသာ ဆက်ပြောခိုင်းပါ၏။

မဟာမှော်ပညာရှင်ဖာဂူဆန်ကို မေးခွန်းတစ်ခုမေးလိုက်သည့် သက်လတ်ပိုင်းမှော်သုတေသနပညာရှင်က သူ့လက်ထဲရှိ မှော်ပန်ကာကို စားပွဲထက်ချလိုက်ပြီး ညွှန်ပြလာသည်၊ "မဟာမှော်ပညာရှင်ကြီး ဒီမှော်ပန်ကာကိုမှတ်မိရဲ့လား?"

မဟာမှော်ပညာရှင်ဖာဂူဆန်မှာ ရှုပ်ထွေးသွားရင် ထိုမှော်ပန်ကာကိုကြည့်လိုက်ပြီးနောက် ခေါင်းခါလေသည်။

"ဒီမှော်ပန်ကာက ကျွန်တော်တို့ ကုမ္ပဏီထုတ် Frestech တံဆိပ်မှော်ပန်ကာမဟုတ်ဘဲ ကန်ဒရာအင်ပါယာမှာ တွေ့ရှိခဲ့ရတာပါ" ထိုသက်လတ်ပိုင်းသုတေသနပညာရှင်က ဆက်ပြောသည်၊ "ရှင်းရှင်းပြောရရင် ဒါက နာမည်တောင် မသိသေးတဲ့ ကုမ္ပဏီတစ်ခုက မှော်ပန်ကာပဲ။"

"ဘာလဲ? ဒါက အရမ်းထူးဆန်းနေလို့လား? ငါသိသလောက်ဆို မင်းတို့ Frestech ကုန်သည်ကြီးများအသင်းအပြင် မှော်ပန်ကာတွေထုတ်လုပ်နိုင်တဲ့ ကုမ္ပဏီတွေ ဒါဇင်နဲ့ချီပြီး ရှိတယ် မဟုတ်ဘူးလား?" မဟာမှော်ပညာရှင်ဖာဂူဆန်က ပြော၏။

"ဟုတ်ပါတယ်။ ဒါပေမယ့် ကျွန်တော်တို့ Frestech ကုန်သည်ကြီးများအသင်းကလွဲလို့ တခြားကုမ္ပဏီက မှော်ပန်ကာတွေ ထုတ်လုပ်ချင်ရင် ကျွန်တော်တို့ Frestech ကုန်သည်ကြီးများအသင်းဆီကနေ မူပိုင်ခွင့် ရယူ‌ဖို့လိုပါတယ်၊ မဟုတ်ရင် ဒါက မှော်ပညာရှင်များအဖွဲ့အစည်းရဲ့ မူပိုင်ခွင့်ကာကွယ်ရေးဥပဒေကို ဆန့်ကျင်နေပါလိမ့်မယ်။ ခင်ဗျားလည်း ဒါကို သေချာသိလောက်မှာပါနော်?" သက်လတ်ပိုင်း သုတေသနပညာရှင်ကမေးသည်။

"အင်း ဒါက ဒီလိုကိုး...." မဟာမှော်ပညာရှင်ဖာဂူဆန်က မှော်ပန်ကာကို တစ်ဖန်ပြန်ကြည့်လိုက်ရင်း မတူညီသည့် ခံစားချက်က စိတ်နှလုံးထဲ ပြည့်လာရ၏။

သက်လတ်ပိုင်းသုတေသနပညာရှင်က မှော်ပန်ကာ၏ အောက်ခြေကို ညွှန်ပြ၍ ဆိုလေသည်၊ "ကျွန်တော်တို့ ကုမ္ပဏီက မူပိုင်ခွင့်ရထားတဲ့ ကုမ္ပဏီတွေ အားလုံးကို မှတ်ထားတာမို့ ဒီမှော်ပန်ကာက အဲဒီ့တံဆိပ်တွေထဲက တစ်ခုမှာမှ ပါမနေပါဘူး၊ ဒါကြောင့် ကျွန်တော့်အနေနဲ့ ဒီပန်ကာဟာ ကျွန်တော်တို့ ကုမ္ပဏီရဲ့ မှော်ပန်ကာမူပိုင်ခွင့်ကို ခိုးယူထားတဲ့ ကုမ္ပဏီတွေထဲက တစ်ခုဖြစ်တာ သေချာသိပါတယ်!"

မဟာမှော်ပညာရှင်ဖာဂူဆန်က မျက်မှောင်ကုပ်လိုက်သည်၊ "ဒါကို ဘယ်လိုအတည်ပြုနိုင်တာလဲ?"

သက်လက်ပိုင်းလူက သူ့အား အထင်သေးစွာကြည့်လိုက်သည်။

"မဟာမှော်ပညာရှင်ဖာဂူဆန်၊ မှော်ပညာနဲ့ ပတ်သက်ရင် အရှင်က ကျွန်တော့်ထက် ပိုပြီးသာပါတယ်၊ ဒါပေမယ့် မှော်စက်တွေကို နားလည်မှုနဲ့ ပတ်သက်လာရင်တော့ ကျွန်တော်က သံသယမလိုလောက်အောင် အရှင့်ထက် ပိုတော်တယ်။"

မဟာမှော်ပညာရှင်ဖာဂူဆန်မှာ ဒေါသဖြစ်သွားသော်လည်း သူဟာ သာမန်လူတစ်ဦးအနေနှင့် ၎င်းကို ဦးတည်၍ တစ်စုံတရာပြောဆိုရန် အခွင့်မရှိပါပေ။

"ဒါဆို အဓိပ္ပာယ်ကဘာများလဲ?" မဟာမှော်ပညာရှင်ဖာဂူဆန်က ဒေါသတကြီးဆို၏။

"ခင်ဗျား နားမလည်သေးတာလား?" သက်လတ်ပိုင်း သုတေသနပညာရှင်မှာ အံ့ဩဟန်ပြလာသည်၊ "ကျွန်တော်တို့ Frestech ကုန်သည်ကြီးများအသင်းရဲ့ မူပိုင်ခွင့်ကို ပွင့်ပွင့်လင်းလင်း ချိုးဖောက်ထားပေမယ့်လည်း ခင်ဗျားတို့ မှော်ပညာရှင်များအဖွဲ့အစည်းက ကျွန်တော်တို့ ကုမ္ပဏီရဲ့ မူပိုင်ခွင့်ကို ကာကွယ်ဖို့ ဘာစည်းကမ်းဆိုင်ရာအပြစ်ကိုမှ မယူလာဘူး။ ကျွန်တော်တို့ ကုမ္ပဏီက ကိုယ့်အင်အားနဲ့ကိုယ် မူပိုင်ခွင့်ကို ကာကွယ်ဖို့ ကြိုးစားလာတဲ့အချိန်ကြတော့ အတင်းတားကြတယ်! မဟာမှော်ပညာရှင်ဖာဂူဆန် ကျွန်တော်တို့ ကုမ္ပဏီက ဌာနချုပ်ကို ပေးခဲ့တဲ့ မူပိုင်ခွင့် ကာကွယ်ခတွေက ဘယ်ရောက်သွားသလဲ ပြောနိုင်လား?"

သူ့ထံမှ ‘ခင်ဗျား’ဟူသည်ကို ထပ်ခါထပ်ခါ ကြားနေရသော် မဟာမှော်ပညာရှင်ဖာဂူဆန်မှာ အတော်လေး မကျေမနပ်ဖြစ်လာတော့သည်။

ဤလူမှာ နဝမအဆင့်မှော်ပညာရှင်ဖြစ်မှန်းသိသာပြီး မှော်ပညာရှင်များအဖွဲ့အစည်းအပေါ် မည်သည့်ခံစားချက်မှ မရှိသော်လည်း Frestech ကုန်သည်ကြီးများအသင်းအကြောင်း ပြောစဉ်တွင်မူ ‘ကျွန်တော်တို့’ဟု ဆက်တိုက်သုံးနေလေသည်။ မဟာမှော်ပညာရှင်ဖာဂူဆန်ကဲ့သို့ ကောင်စီရှိ မဟာမှော်ပညာရှင်တစ်ဦးအနေဖြင့် ၎င်းကို အင်မတန် စိတ်တိုင်းမကျဖြစ်မိသည်။

သို့သော် တစ်ဖက်၏ မေးခွန်းက ခိုင်မာလှရာ သူဖြေကို ဖြေရတော့မည်ပင်။

ခဏတာစဉ်းစားပြီးနောက်၌ မဟာမှော်ပညာရှင်ဖာဂူဆန်မှာ အလေးအနက်ဟန်ဖြင့် ဆိုလာလေ၏၊ "ဒီကိစ္စအတွက်ကတော့ ဌာနချုပ်ကို တင်ပြလိုက်သရွေ့ ဌာနချုပ်က မင်းတို့ရဲ့ မူပိုင်ခွင့်ကို စစ်ဆေးပြီး ကာကွယ်ပေးမှာပါ။ ဒါပေမယ့် ဒီကိစ္စကို တစ်ရက် နှစ်ရက်အတွင်း ဖြေရှင်းလို့မရနိုင်တော့ အချိန်နည်းနည်းကြာမယ်။ ပြီးတော့ မင်းတို့ Frestech ကုန်သည်ကြီးများအသင်းအနေနဲ့ သီးသန့် မှော်စက်မူပိုင်ခွင့်ကာကွယ်ရေးသမဂ္ဂကို တည်ထောင်တာနဲ့မဆိုင်ဘူး၊ ဒီချိုးဖောက်မှုတစ်ခုကြောင့်နဲ့တင် အဖွဲ့အစည်းရဲ့ မူပိုင်ခွင့်အပေါ် ကာကွယ်ဖို့ ကြိုးစားထားတာကို ငြင်းပယ်လို့မရဘူး။"

"ကြိုးစားတယ်?" သက်လတ်ပိုင်းသုတေသနပညာရှင်က ရယ်မောလိုက်သည်၊ "မဟာမှော်ပညာရှင်ဖာဂူဆန် ကျွန်တော်တို့ ကုမ္ပဏီအနေနဲ့ ဒါကို ပထမအကြိမ်တွေ့တုန်းက ဌာနချုပ်ဆီ ကာကွယ်ရေးတင်ပြချက်ကို ပို့ဆောင်ခဲ့တာ နှစ်တစ်ဝက်ရှိနေပြီ။ ဒီနှစ်တစ်ဝက်အတွင်း ကျွန်တော်တို့ မူပိုင်ခွင့် ချိုးဖောက်ခံရတာလည်း တစ်ကြိမ်မကတော့ဘူး။"

အခြားသုတေသနပညာရှင်များ၊ နတ်သူငယ်နှစ်ဦးနှင့် လူပုလေးသုံးဦးတို့မှာ ၎င်းတို့လက်ထဲမှ အိမ်သုံးမှော်စက်များကို စားပွဲထက်၌ ချ၍ စတင်မိတ်ဆက်ပေးလာကြသည်။

၎င်းမှာ သက်လတ်ပိုင်းသုတေသနပညာရှင် ဖော်ပြခဲ့သလိုပင်။ ဤအိမ်သုံးမှော်စက်များလာရာ ကုမ္ပဏီများက Frestech ကုန်သည်ကြီးများအသင်းထံမှ မူပိုင်ခွင့်မရရှိထားဘဲ ချိုးဖောက်ထားသည်ပင်။

"နှစ်တိုင်း ကျွန်တော်တို့အနေနဲ့ မှော်ပညာရှင်များအဖွဲ့အစည်းဆီကို မူပိုင်ခွင့်ကာကွယ်ခ ပမာဏကြီးတစ်ခုပေးပေမယ့် ကျွန်တော်တို့ရဲ့ မူပိုင်ခွင့်ကို မကာကွယ်နိုင်မှတော့ ဘာကြောင့် အဖွဲ့အစည်းကို ယုံရတော့မှာလဲ? ဘာလို့ ကိုယ့်ဘာသာ အဖြေမရှာရတော့မှာလဲ?"

သက်လတ်ပိုင်းသုတေသနပညာရှင်၏ မေးခွန်းကို ရင်ဆိုင်ရသော် မဟာမှော်ပညာရှင်ဖာဂူဆန်မှာ ခဏမျှ တိတ်ဆိတ်နေပြီးနောက် ရှုယီဘက်လှည့်လာသည်။

"ဥက္ကဌရှု ဒါက ခင်ဗျားရဲ့ ရည်ရွယ်ချက်လား?"

ရှုယီက ပခုံးတွန့်လိုက်သည်၊ "စီးပွားရေးရှုထောင့်ကနေဆိုရင် ရိုးရှင်းပါတယ်။ ငွေရနေတဲ့အချိန်မှာတောင် အလုပ်မလုပ်မှတော့ ကျွန်တော်က ဘာလို့ ပေးနေရဦးမှာလဲ?"

မဟာမှော်ပညာရှင်ဖာဂူဆန်က ရှုယီကို မှောင်မိုက်စွာကြည့်လိုက်သည်၊ "ဒီတော့ အဓိပ္ပာယ်က မင်းအနေနဲ့ ဌာနချုပ်ရဲ့ ဆုံးဖြတ်ချက်ကို လက်ခံဖို့ မစီစဉ်ထားဘူးပေါ့? ဒီလိုလုပ်တာရဲ့ အကျိုးဆက်ကိုရော နားလည်ရဲ့လား?"

ရှုယီက သူ့အား တည့်တည့်ရှုရှုကြည့်လိုက်ပါ၏၊ "မှော်ပညာရှင်များအဖွဲ့အစည်းက နယ်မြေကြီးရဲ့ မှော်ပညာရှင်တွေကို ကူညီပြီး သူတို့ရဲ့ ဖန်တီးမှုကို ကာကွယ်ဖို့ ဖွဲ့စည်းထားတာပဲလေ။ ဒါကိုတောင်မလုပ်နိုင်ဘဲ မှော်ပညာရှင်တွေရဲ့ အခွင့်အရေးကို ပယ်ချလာမှတော့ မှော်ပညာရှင်များအဖွဲ့အစည်းအနေနဲ့ တည်ရှိဖို့ မလိုအပ်တော့ဘူး။"

မဟာမှော်ပညာရှင်ဖာဂူဆန်မှာ အံ့အားသင့်သွားပြီးနောက် ဒေါသတကြီး ပြုံးလိုက်သည်။

"ကောင်းတယ်! ကောင်းတယ်! ဥက္ကဌရှု ဒီလိုလုပ်ပြီးမှ နောင်တမရပါနဲ့!"

ထို့နောက်သူဟာ အမြန်‌ထွက်သွားတော့သည်။

***

မှော်စက်မှုအင်ပါယာ

Vol 6, အခန်း ၁၁၃။ ခေါင်းဆောင်မှော်ပညာရှင် ရောက်ရှိခြင်းအား စစ်ဆေးခြင်း

မဟာမှော်ပညာရှင်ဖာဂူဆန်မှာ သူ၏ မြင်းလှည်းထဲသို့ ဝင်ရောက်၍ မှန်ဘီလူးများဖြင့် အောက်ကိုကြည့်နေကြသူနှစ်ဦး၏ မြင်ကွင်းမှ အမြန်ပျောက်ကွယ်သွားကာ အံ့ဩရင်းသက်ပြင်းချလိုက်မိသည်။

"ဖာဂူဆန်ကိုကြည့်ဦး သူနဲ့ အဲ့ကောင်လေးရှုယီတို့ ဆွေးနွေးမှုက ပျက်သွားပုံပဲ။ ကမ်မီလာ ငါပြောဦးမယ် မင်းမြေးသားမက်က တကယ်ကို ရဲရင့်တာပဲ။ သူကတကယ်ကြီး အဖွဲ့အစည်းကို ဆန့်ကျင်ရဲတယ်ပေါ့? ဒီလိုလုပ်တဲ့ အကျိုးဆက်ကိုရော တွေးမိရဲ့လား? မင်းလည်းသူ့ကို ဘာမှတောင်မပြောဘူး။"

"ငါက ဘာပြောရဦးမှာလဲ?" ခေါင်းဆောင်မှော်ပညာရှင်ကမ်မီလာမှာ မျက်လုံးများလှန်လိုက်မိသည်၊ "ပြောပါရစေ Alastar, ရှုယီက ဘယ်လောက် ငယ်တယ်ဆိုတာကိုပဲ မကြည့်နဲ့၊ သူ့ရဲ့စိတ်က မင်းရော ငါရောထက် ပြတ်သားတယ်။ သူ့အနေနဲ့ ဒီလိုလုပ်ရဲကတည်းက အကျိုးဆက်ကို စဉ်းစားထားပြီးသားဖြစ်လောက်တယ်။ ပြီးတော့ အကျိုးဆက်ဆိုတာ ရှိမယ်လို့ တကယ်ထင်တယ်လား? အဖွဲ့အစည်းက အဲ့လူတွေနဲ့တင်လေ? ဟမ့်...."

ခေါင်းဆောင်မှော်ပညာရှင်ကမ်မီလာ၏ မျက်နှာထက်ရှိ အထင်အမြင်သေးနေဟန်ကိုမြင်သော် ခေါင်းဆောင်မှော်ပညာရှင် အလက်စ်တာမှာ သက်ပြင်းချ၍ ခေါင်းခါလိုက်သည်၊ "အဖွဲ့အစည်းက အဲ့လူတွေက အမှိုက်သာသာဆိုပေမယ့်လည်း သူတို့လုပ်ချင်ရင် ကုမ္ပဏီလေးတစ်ခုကို ရှင်းဖို့ နည်းလမ်းအများကြီးရှိတယ်။ Frestech ကုန်သည်ကြီးများအသင်းက မှော်ပညာရှင်တွေနဲ့ နက်နက်နဲနဲပတ်သက်နေတာကို မပြောနဲ့ဦး၊ ဒီတော့ ဒီအဖွဲ့အစည်းသာ တကယ်ပဲ Frestech ကုန်သည်ကြီးများအသင်းနဲ့ ထိပ်တိုက်တွေ့ဖို့ ဆုံးဖြတ်လိုက်ပြီဆိုရင် မင်းတို့ကုမ္ပဏီက မှော်ပညာရှင်တွေကို ဆုံးရှုံးရမှာပဲ၊ ဒါက မင်းတို့ကုမ္ပဏီအပေါ် တိုက်ခိုက်မှုကြီးတစ်ခုဖြစ်လာမယ်လို့ ထင်တယ်။"

ခေါင်းဆောင်မှော်ပညာရှင်ကမ်မီလာက ခေါင်းဆောင်မှော်ပညာရှင် အလက်စ်တာကို တအံ့တဩကြည့်လိုက်သည်။

"ငါတို့ ကုမ္ပဏီက မှော်ပညာရှင်တွေကို ဆုံးရှုံးရလိမ့်မယ်လို့ ဘာလို့ထင်ရတာလဲ?"

"ဘယ်လိုလုပ်မဖြစ်နိုင်မလဲ?" အလက်စ်တာက အံ့ဩသွားသည်၊ "အဖွဲ့အစည်းက များများစားစားလုပ်ဖို့တောင်မလိုဘူး၊ မှော်ပညာရှင်တွေကို မင်းတို့ Frestech ကုန်သည်ကြီးများအသင်း အတွက် အလုပ်လုပ်ခွင့်မပေးကြောင်း အမိန့်ချလိုက်ရုံနဲ့ မင်းတို့ ကုမ္ပဏီကို ချို့ယွင်းစေလိမ့်မယ်။ ဒါက ပြင်းထန်တယ်လို့ မထင်ဘူးလား?"

"ဒီတော့ ငါတို့ ကုမ္ပဏီရဲ့ မှော်ပညာရှင်တွေက အဖွဲ့အစည်းရဲ့ အမိန့်တွေကို နာခံမယ်ထင်လို့လား?" ခေါင်းဆောင်မှော်ပညာရှင်ကမ်မီလာက ရယ်မောလိုက်သည်၊ "မင်းဆိုရင်ရော မင်းကို အဖွဲ့အစည်းက အမိန့်ချရင် နာခံမှာလား?"

"ငါလား? ဒါက ဘယ်လောက်ကျိုးကြောင်းသင့်တယ်ဆိုတာအပေါ် မူတည်တယ်... သင့်ရင်တော့ အဖွဲ့အစည်းကို ထောက်ပံ့ပေးတာထက်နားထောင်လိုက်မယ်။ မသင့်ရင်တော့ မနားထောင်ဘူးပေါ့။ ဒါပေါ့ ငါက ခေါင်းဆောင်မှော်ပညာရှင်ဖြစ်လို့ အဖွဲ့အစည်းက အမိန့်မပေးနိုင်ဘူးလေ။ မားလိုအင်ပါယာရဲ့ ဧကရာဇ်တောင် မလုပ်ရဲတာ။" အလက်စ်တာက နှုတ်ခမ်းများတွန့်ကွေးလျက် ဆိုလာသည်။

"အဓိပ္ပာယ်မရှိတာ မင်းက ခေါင်းဆောင်မှော်ပညာရှင်လေ၊ ဘယ်သူက အမိန့်ပေးရဲမှာလဲ?" ကမ်မီလာက မျက်လုံးများလှိမ့်လိုက်ကာ သူ၏ အတန်းဖော်နှင့် မိတ်ဆွေဖြစ်သူက မားလိုအင်ပါယာ၌ ကောင်းကောင်းမွန်မွန်ရှိနေသည်ဟု စဉ်းစားမိလိုက်သည်၊ "မင်းလို ခေါင်းဆောင်မှော်ပညာရှင်တစ်ယောက်တည်းနဲ့ အဖွဲ့အစည်းရဲ့ အမိန့်ကို သယ်ထားနိုင်မယ်မထင်နဲ့၊ သာမန်မှော်ပညာရှင်တွေက ငါတို့ ခေါင်းဆောင်မှော်ပညာရှင်တွေထက်တောင် ဒီအမိန့်တွေကို ပိုသယ်ပိုးနိုင်သေးတယ်။"

"အိုး?" ခေါင်းဆောင်မှော်ပညာရှင်အလက်စ်တာမှာ ခေါင်းဆောင်မှော်ပညာရှင်ကမ်မီလာကို စိတ်ဝင်တစားကြည့်လိုက်သည်။

ဤသည်မှာ သူ့အား ခေါင်းဆောင်မှော်ပညာရှင်ကမ်မီလာက မားလိုအင်ပါယာထံမှ ဖိတ်ခေါ်လာသည့် သုံးရက်မြောက်နေ့ပင်။ သူဟာ အချိန်တိုအတွင်း ခေါင်းဆောင်မှော်ပညာရှင်ဖြစ်လာသည့် သူ၏ အတန်းဖော်ဟောင်းအကြောင်း သိလိုစိတ်ပြင်းပြနေခဲ့သဖြင့် ဖိတ်ကြားလွှာရပြီးနောက်တွင် အမြန်လာခဲ့သည်။

သို့သော် ခေါင်းဆောင်မှော်ပညာရှင်ကမ်မီလာနှင့် အတူရှိခဲ့သည့် သုံးရက်တာလေးအတွင်း သူ့အနေနှင့် ခေါင်းဆောင်မှော်ပညာရှင်ကမ်မီလာမှာ သူထင်ထားသကဲ့သို့ မှော်ပညာသုတေသနထဲ နစ်မြုပ်နေခြင်းမဟုတ်ဘဲ ထူးဆန်းသည့် အရာတစ်ချို့အပေါ် အကြည့်ရောက်နေခြင်းဖြစ်သည်ကို တွေ့ခဲ့ရသည်။

ဥပမာ အဖွဲ့အစည်း၏ မှော်သုတေသနှင့်ပတ်သက်၍ လုပ်စရာမရှိသည့် အဆင့်နိမ့်မှော်ပညာရှင်များအပေါ် အဖွဲ့အစည်း၏ သဘောထားကိုဖြစ်သည်။

တသီးတသန့်ခေါင်းဆောင်မှော်ပညာရှင်တစ်ဦးအနေနှင့် မှော်ပညာရှင်များအဖွဲ့အစည်းကသာ ၎င်းတို့၏ သဘောထားကိုသာ ဂရုစိုက်ပြီး မှော်ပညာရှင်များအဖွဲ့အစည်းကို ဂရုစိုက်ရန်မလိုချေ။

အဆင့်နိမ့်မှော်ပညာရှင်များအနေနှင့်မူ ၎င်းတို့မှာ အနှီခေါင်းဆောင်မှော်ပညာရှင်နှစ်ဦးထံမှ လုံးဝကွဲပြားသည့် လောက၌‌ရှိသည်။ ၎င်းတို့အနေနှင့် အဆင့်နိမ့်မှော်ပညာရှင်များ၏ အတွေးကို စဉ်းစားနေဖို့ လုံးဝမလိုပါပေ။

သို့သော် ခေါင်းဆောင်မှော်ပညာရှင်ကမ်မီလာမှာ ၎င်းကို ကောင်းစွာနားလည်ဟန်ရပြီး အတော်လေး စိတ်ဝင်စားပုံပေါ်သည်။

ဤသည်မှာ ခေါင်းဆောင်မှော်ပညာရှင်အလက်စ်တာ အင်မတန်သလိုစိတ်ပြင်းနေရသည့် အရာဖြစ်ပါ၏။

ခေါင်းဆောင်မှော်ပညာရှင်ကမ်မီလာရဲ့ ထူးထူးဆန်းဆန်း တိုးတက်လာမှုနဲ့ အချိန်တိုလေးအတွင်း အဆင့်တက်နိုင်မှုက ဒါကြောင့်များလား?

သို့သော် ခေါင်းဆောင်မှော်ပညာရှင်ကမ်မီလာမှာ ခဏမျှ စဉ်းစားရန် မျက်မှောင်ကုပ်ပြီးနောက် ခေါင်းခါလိုက်ခြင်းက ခေါင်းဆောင်မှော်ပညာရှင်အလက်စ်တာကို အံ့အားသင့်သွားစေသည်။

"ထားလိုက်တော့ ဒီကိစ္စကို အဲ့ကောင်လေး ရှုယီကိုပဲ ပူခိုင်းလိုက်တော့ ငါဂရုစိုက်ဖို့ ပျင်းလွန်းနေပြီ။ အလက်စ်တာ အဝေးက အဲဒီ့ သံတာဝါရှည်ကြီးတွေကိုမြင်လား? ဒါက ငါမင်းကို အရင်က ပြောဖူးတဲ့ မှော်အချက်ပြတာဝါတွေပဲ။ ငါတို့ မနေ့တုန်းက မှော်ဆက်သွယ်ရေးကိရိယာအကြောင်းပြောတော့ သူတို့တွေကို သုံးဖို့ဆို ငါတို့ပတ်လည်မှာ ဒီမှော်အချက်ပြတာဝါတွေကို ဆောက်ရမှာ။"

ခေါင်းဆောင်မှော်ပညာရှင်အလက်စ်တာမှာ ခေါင်းဆောင်မှော်ပညာရှင်ကမ်မီလာအနေနှင့် သူ့အား ဆက်လက်ခန့်မှန်းခိုင်းမည်ဟု မထင်ထားသဖြင့် အနည်းငယ် စိတ်တိုမသွားဘဲ မနေနိုင်လိုက်ပေ။

သို့သော် ခေါင်းဆောင်မှော်ပညာရှင်ကမ်မီလာက ထိုစကားများပြောလာပြီးနောက်တွင် သူဟာ မှော်အချက်ပြတာဝါထံ ပျံသွားပြီးဖြစ်သဖြင့် ကူရာမဲ့စွာသာခေါင်းခါလျက် သူလည်း ပျံသွားလိုက်ရသည်။

"လာ အလက်စ်တာ, ခံစားကြည့်" ခေါင်းဆောင်မှော်ပညာရှင်ကမ်မီလာက ထိုမှော်အချက်ပြတာဝါထံ ညွှန်ပြလာ၏။

အလက်စ်တာမှာ ခေါင်းငြိမ့်ပြီးနောက် မှော်စွမ်းအင်အနည်းငယ်ထုတ်လွှတ်လိုက်ပြီး ထိုမှော်အချက်ပြတာဝါကို ဆန်းစစ်ကြည့်လိုက်သည်။

"ဒါက မှော်ဆက်သွယ်ရေးကိရိယာပေါ်က မှော်အစီအရင်နဲ့ အတူတူပဲ" အလက်စ်တာက စဉ်းစားပြီးနောက် မေးလေသည်၊ "ဒီတော့ ဒီပစ္စည်းရဲ့ နိယာမက အချင်းချင်းဆက်သွယ်ပြီး အဝေးက‌နေ စကားပြောဖို့ တူညီတဲ့ မှော်အစီအရင်တွေသုံးရမယ့်အဓိပ္ပာယ်ပေါ့?"

"ဟုတ်တယ် ဒါက ငါတို့ ကုမ္ပဏီက ဖန်တီးလိုက်တဲ့ မှော်အစီအရင်ပဲ့တင်ထပ်ခြင်းပဲ၊ မင်း ဘယ်လိုထင်လဲ?"

"အရမ်းကောင်းတယ်။ ဒီထူးခြားတဲ့ မှော်အစီအရင်က လေ့လာဖို့ အရမ်းထိုက်တန်တယ်။ ဒါကို အရင်က မစဉ်းစားခဲ့ဖူးဘူး။" ခေါင်းဆောင်မှော်ပညာရှင်အလက်စ်တာက ထိုသို့ ချီးကျူးပြီးနောက်၌ ခေါင်းဆောင်မှော်ပညာရှင်ကမ်မီလာထံတွင် ဂုဏ်ယူဟန်ရှိနေသည်ကိုမြင်လိုက်ရသည်။ သူဟာ တစ်ခုစဉ်းစားမိ၍ မေးလိုက်၏၊ "ကမ်မီလာ ဒီမှော်အစီအရင်ပဲ့တင်ထပ်ခြင်းက၊ Frestech ကုန်သည်ကြီးများအသင်းကို ဒါတီထွင်နိုင်ဖို့ မင်းကူညီခဲ့တာလား?"

"မဟုတ်ဘူး မဟုတ်ပါဘူးကွာ။ ငါက ပစ္စည်းတွေကို ကူးပြောင်းဖို့ ပြင်းပြတဲ့ စွမ်းအင်ကို အဓိကလေ့လာတာလေ။ ဒီမှော်အစီအရင်ပဲ့တင်ထပ်ခြင်းက အဆင့်နိမ့်မှော်အစီအရင်တွေကို အဓိကသုံးထားတာမို့ ငါလေ့လာချင်ရင်တောင် အဲ့ကောင်လေး ရှုယီက လုပ်ခွင့်ပေးမှာမဟုတ်ဘူး။" ခေါင်းဆောင်မှော်ပညာရှင်ကမ်မီလာက လက်ယမ်းလိုက်သည်။

"မင်းအတွက်က အဆင့်နိမ့်မှော်အစီအရင်တွေကို လေ့လာဖို့ ဖြုန်းတီးရာကျတယ်လို့ ထင်တာပဲ ဟုတ်တယ်မို့လား?" အလက်စ်တာက အပြုံးဖြင့်မေးသည်၊ "မင်းက ခေါင်းဆောင်မှော်ပညာရှင်တစ်ယောက်‌ဆိုတော့ ဒီစတုတ္ထအဆင့်မှော်အစီအရင်ကို လေ့လာရင် တကယ်ပဲ ဖြုန်းတီးရာကျလိမ့်မယ်"

"ဒီလိုကြောင့် လုံးဝမဟုတ်ဘူး။" ခေါင်းဆောင်မှော်ပညာရှင်ကမ်မီလာက ခေါင်းခါသည်၊ "အဓိက,က ကုမ္ပဏီမှာ ခေါင်းဆောင်မှော်ပညာရှင်တစ်ယောက်ပဲ ရှိတာမို့ ငါတစ်ယောက်ပဲ လေ့လာနိုင်တဲ့ အရာတွေရှိပြီး ဒါတွေကို အခုလေ့လာနိုင်တဲ့သူမရှိသေးဘူးလေ... အာ ဟုတ်သားပဲ မင်းပြောသလိုပေါ့။ ဒါပေမယ့် အလက်စ်တာ, မင်း ဒီ မှော်အစီအရင် ပဲ့တင်ထပ်ခြင်းကို အထင်သေးလို့မရဘူး။ အဆင့်နိမ့်မှော်အစီအရင်တွေကို ဘယ်လိုသုံးတယ်ဆိုတဲ့အကြောင်း စိတ်မပူနဲ့၊ ကိုင်တွယ်တတ်ဖို့က အဆင့်မြင့်မန္တာန်တွေထက် မနည်းဘူး။"

"မင်းငါ့ကို မပြောရင်တောင် ငါပြောနိုင်ပါတယ်။" အလက်စ်တာက သူ၏ရင်ဘတ်ပေါ် လက်တစ်ဘက်တင်လိုက်ပြီးနောက် မှော်ဆက်သွယ်ရေးကိရိယာကို ထုတ်လိုက်သည်။ သူဟာ ၎င်းထဲသို့ မှော်စွမ်းအင်တစ်မျှင်မျှထည့်ကာ အတွင်းရှိ မှော်အစီအရင်ကို အကြိမ်များစွာကြည့်လိုက်ပြီးနောက် အံ့အားသင့်ဟန်တချို့ပြလာ၏၊ "ကမ်မီလာ ဒီမှော်အစီအရင်က... မင်း တကယ်ပဲ ဒါကို ဒီဇိုင်းဆွဲတော့ မပါခဲ့တာလား?"

"ဟုတ်တယ် ဒါတွေအားလုံးကို မှော်သုတေသနဌာနက ကလေးတွေလုပ်ကြတာပဲ ငါဘာမှမလုပ်ခဲ့ရဘူး။" ခေါင်းဆောင်မှော်ပညာရှင်ကမ်မီလာက အလက်စ်တာ တစ်ခုခုမေးလိုသည်ကို ခန့်မှန်းမိသဖြင့်ရယ်မော၍ ပြောလိုက်သည်။ "ဘာလဲ? မင်းတောင်မှ ဒီမှော်အစီအရင်က အရမ်းအားကောင်းတယ်ထင်နေတာမို့လား?"

"အင်း... ဒီလို သန့်စင်ပြီးမှော်အစီအရင်တစ်ခုကို ပထမဆုံးမြင်ဖူးတာပဲ။" ခေါင်းဆောင်မှော်ပညာရှင်အလက်စ်တာက ချီးကျူးလာသည်၊ "ပြီးတော့လည်း မှော်အစီအရင်ရဲ့ ဒီဇိုင်းက... ငါနားမလည်တဲ့အပိုင်းတွေ အများကြီးရှိနေတယ်လေ။ ကမ်မီလာ မင်း ဒီမှော်အစီအရင်ကို ဒီဇိုင်းဆွဲတဲ့ မှော်ပညာရှင်ကို ငါကြည့်ရအောင် ခေါ်လာပေးလို့ရနိုင်လား? ငါ သူတို့ကို မျက်နှာချင်းဆိုင်မေးချင်လို့"

ခေါင်းဆောင်မှော်ပညာရှင်ကမ်မီလာက မနေနိုင်စွာ ရယ်မောမိသည်၊ "ငါပြောမယ် အလက်စ်တာ, မင်းက ခေါင်းဆောင်မှော်ပညာရှင်ဖြစ်ပြီး အဆင့်နိမ့် မှော်ပညာရှင်ကို မေးခွန်းတွေမေးမှာဆိုတော့ သူတို့ကို ခြောက်လွှတ်မှာမဟုတ်ပါဘူးနော်?"

"မှော်ပညာကို ရှာဖွေတွေ့ရှိမှုမှာ အဆင့်အတန်းခြားနားချက်မရှိပါဘူးကွာ" ခေါင်းဆောင်မှော်ပညာရှင်အလက်စ်တာက အလေးအနက်ပြောသည်။

ခေါင်းဆောင်မှော်ပညာရှင်ကမ်မီလာမှာ အတန်ငယ် အံ့ဩသွား၏။ သူ့ကိုကြည့်ရင်း သူဟာ ဟာသလုပ်မည့် အတွေးများကို ဘေးချိတ်ထားလိုက်တော့သည်။

"ကောင်းပြီ သာမန်မှော်ပညာရှင်တွေက မှော်ပညာရှင်များအဖွဲ့အစည်းအတွက် ပိုအရေးပါတယ်လို့ ငါ‌မင်းကို ပြောလိုက်တာ အခု မင်းသတိထားမိသွားပြီပဲ၊ ငါမင်းနဲ့ သူတို့ကိုတွေ့ဖို့ ခေါ်သွားပေးမယ်။"

ထိုသို့ပြောပြီးနောက် ခေါင်းဆောင်မှော်ပညာရှင်ကမ်မီလာမှာ ဘေးဘီကိုကြည့်၍ အရှေ့တောက်ဘက်ရှိ မှော်အချက်ပြတာဝါထံ အကြည့်ရောက်သွားသည်။

"သူတို့က အဲ့မှာ ပြင်ဆင်မှုတချို့ လုပ်နေလောက်တာမို့ အဲ့ကိုသွားကြတာပေါ့။"

၎င်း မှော်အချက်ပြတာဝါမှာ ၎င်းတို့ရှိနေသည့်နေရာနှင့် ငါးကီလိုမီတာဝေးသော်လည်း ထိုခေါင်းဆောင်မှော်ပညာရှင်နှစ်ဦးအတွက်မူ အသက်ရှိုက်စာအနည်းငယ်အတွင်း သွားနိုင်သည့် အကွာအဝေးပင်။

သိပ်မကြာလိုက် နှစ်ဦးသားမှာ ထိုမှော်အချက်ပြတာဝါထံ ရောက်လာကြသည်။

ခေါင်းဆောင်မှော်ပညာရှင်ကမ်မီလာမှာ လက်ရှိ၌ မှော်သုတေသနဌာန၏ သုတေသီနှစ်ဦးမှာ တာဝါထိပ်စွန်းတွင် မှော်အစီအရင်ကို စစ်ဆေးနေသည်အား တွေ့လိုက်ရသည်။ ငုံ့ကြည့်လိုက်ချိန်၌ အောက်ဘက်တွင် လူတစ်စုရှိနေသည်ကို မြင်လိုက်ရသဖြင့် ၎င်းတို့ထံ ဆင်းသွားလိုက်၏။

ပုံရိပ်နှစ်ခု ရုတ်တရတ်ပေါ်လာသည်ကိုမြင်သော် မူကြမ်းကို ငုံ့ကြည့်နေသည့် အာကာလီက စိတ်မရှည်စွာ လက်ယမ်းလာသည်၊ "ငါ့ကို အခု လာမနှောင့်ယှက်နဲ့ မေးချင်တာရှိရင် သူတို့ကိုမေးလိုက်။"

ခေါင်းဆောင်မှော်ပညာရှင်ကမ်မီလာက ရယ်မောလိုက်၏၊ "အာကာလီ အခု ဘာပြဿနာရှိလို့လဲ?"

ခေါင်းဆောင်မှော်ပညာရှင်ကမ်မီလာ၏ အသံကိုကြားသော် အာကာလီမှာ ထိတ်လန့်သွားသည်။ သူမဟာ အမြန်မော့ကြည့်လာရာ ရောက်လာသည်က ခေါင်းဆောင်မှော်ပညာရှင်ကမ်မီလာတင်ကဘဲ လွန်ခဲ့သည့် သုံးရက်အကြာက မားလိုအင်ပါယာမှ ရောက်လာသည့် ခေါင်းဆောင်မှော်ပညာရှင်အလက်စ်တာလည်း ပါသဖြင့် ပို၍ပင် အံ့ဩသွားပါ၏။ သူမဟာ လက်ထဲရှိ ပစ္စည်းများကို အမြန်ဖယ်၍ ခေါင်းဆောင်မှော်ပညာရှင်အလက်စ်တာကို တရိုတသေ ဦးညွှတ်ပြီးနောက် ခေါင်းဆောင်မှော်ပညာရှင်ကမ်မီလာကို မေးလေသည်၊ "အဘိုးကမ်မီလာ ဘယ်လိုလုပ် ရုတ်တရတ် ဒီကို ရောက်လာတာများလဲ?"

ခေါင်းဆောင်မှော်ပညာရှင်ကမ်မီလာက ခေါင်းဆောင်မှော်ပညာရှင်ထံ နှုတ်ခမ်းလှုပ်ကာ အချက်ပြလိုက်သည်။

"ဒီက အလက်စ်တာက မင်းတို့ ဖန်တီးထားတဲ့ ဆက်သွယ်ရေးမှော်အစီအရင်ကို အရမ်းစိတ်ဝင်စားနေတော့ မင်းတို့ကို မေးချင်နေ.. အဟမ်း မင်းတို့နဲ့ ဆွေးနွေးချင်နေတာလေ"

"ဆွေးနွေးချင်တာ?" အာကာလီက အံ့အားတသင့်ရေရွတ်လိုက်ပြီးနောက် ခေါင်းဆောင်မှော်ပညာရှင်အလက်စ်တာထံ လှည့်ကြည့်လိုက်သည်။

"မင်းကို အာကာလီလို့ ခေါ်တာလား?" ခေါင်းဆောင်မှော်ပညာရှင်အလက်စ်တာက အတော်အတန်ဖော်ရွေစွာ ပြုံးလိုက်သည်၊ "ကျုပ်က မှော်အချက်ပြတာဝါက ဆက်သွယ်ရေးမှော်အစီအရင်ကို အခုနကတင်စစ်ဆေးခဲ့ပြီး ဒီဇိုင်းကအရမ်းကို သန့်စင်တော့ သုတေသနတန်ဖိုးမြင့်တယ်လို့ ထင်မိတယ်။ မင်းတို့ကို မေးခွန်းတချို့မေးချင်တာ မင်းအနေနဲ့ ဖြေပေးနိုင်ဖို့ မျှော်လင့်ပါတယ်။"

အာကာလီမှာ သူ့အား ခေတ္တမျှကြည့်လိုက်ကာ ငေးကြောင်လျက် မျက်လုံးဝိုင်းကြီးများကို အကြိမ်များစွာ (မျက်တောင်) ပုတ်ခတ်လိုက်ပြီးနောက် ခေါင်းခါလေ၏။

"အားနာပါတယ် ခေါင်းဆောင်မှော်ပညာရှင်အလက်စ်တာ၊ ကျွန်မအနေနဲ့ မှော်အစီအရင်နဲ့ သက်ဆိုင်တဲ့ မေးခွန်းတွေကို ဖြေပေးလို့မရပါဘူး"

ခေါင်းဆောင်မှော်ပညာရှင်အလက်စ်တာမှာ အံ့ဩသွားလေသည်။

***

မှော်စက်မှုအင်ပါယာ

Vol 6, အခန်း ၁၁၄။ ဒါကို အတူလုပ်ချင်လား?

နယ်မြေကြီးရှိ မှော်ပညာရှင်များအသိုင်းအဝိုင်းတွင် မှော်ပညာရှင်တစ်ဦး၏ ကိုယ်ပိုင်မှော်သုတေသနအကြောင်းကို မေးမြန်းခြင်းအား တားမြစ်ထားသည်မှာ ၎င်းက မှော်ပညာရှင်တိုင်းအတွက် တန်ဖိုးရှိသည့်အရာဖြစ်သောကြောင့်ပါပင်။ ထိုအကြောင်းမေးမြန်းခြင်းအား အမျက်ထွက်စေခြင်းဟုပင် ယူဆနိုင်၏။

သို့သော် ၎င်းက အခြေနေအပေါ် မူတည်နေသေးသည်။

ခေါင်းဆောင်မှော်ပညာရှင် အလက်စ်တာအတွက် သတ္တမအဆင့်မှော်ပညာရှင်တစ်ဦး၏ သုတေသနအကြောင်း မေးမြန်းရခြင်းမှာ စိုင်စ်နယ်မြေကြီး၏ မှော်ပညာရှင်များအတွက် ၎င်းက စိန်ခေါ်ခြင်းသာမက ပုတ်ခတ်ခြင်းဖြစ်ပြီး ဂုဏ်သိက္ခာလည်းဖြစ်၏။

ခေါင်းဆောင်မှော်ပညာရှင်များဟူသည် မှော်ပညာရှင်များအသိုင်းအတိုင်း၏ အနှိုင်းမဲ့အဆင့်မြင့်သူများဖြစ်လေရာ ၎င်းတို့၏ အကြည့်က အဆင့်နိမ့် မှော်ပညာရှင်များအတွက် ဂုဏ်ယူစရာဖြစ်သဖြင့် ၎င်းတို့၏ မှော်ပညာအကြောင်း မေးလာသည်ကိုဆို ပြောနေရန်ပင်မလိုချေ။

ထို့ကြောင့် ခေါင်းဆောင်မှော်ပညာရှင် အလက်စ်တာက အာကာလီထံမှ အကြံတောင်းလိုသည်ဟု ပြောစဉ်တွင် အာကာလီအနေနှင့် သူ၏ တောင်းဆိုမှုကို ဝမ်းမြောက်စွာ သဘောတူမည်ဟု ယုံကြည်ထားခဲ့ပြီးဖြစ်သည်။

သို့ရာတွင် အာကာလီက သူ့အား တည့်တိုးငြင်းဆန်လာမည်ဟု မျှော်လင့်မထားခဲ့မိပေ!

ခေါင်းဆောင်မှော်ပညာရှင် အလက်စ်တာမှာ အံ့ဩသွားရ၏။ သူ၏ အမူအရာမှာ အတန်ငယ် နေရခက်ဟန်ပေါ်လာပြီး ခြောက်ကပ်ကပ်ရယ်၍သာ လက်ယမ်းလိုက်လေသည်၊ "ကောင်းပြီ ကျုပ်အမှားပါ။ သခင်မလေး အာကာလီ၊ ကျုပ် ဘာမှ မပြောခဲ့သလိုပဲ ထားလိုက်ပါတော့။"

အာကာလီမှာလည်း အံ့ဩသွားပြီးနောက် အမြန်တုံ့ပြန်လာ၏။ သူမက လက်ယမ်း၍ အပြုံးဖြင့်ဆိုလေသည်၊ "ခေါင်းဆောင်မှော်ပညာရှင် အလက်စ်တာ, အထင်မလွဲပါနဲ့၊ ဒီခေါင်းစဉ်ကို အရှင်နဲ့အတူ ဆွေးနွေးဖို့ ဆန္ဒမရှိတာမဟုတ်ဘဲ ဒါက ကျွန်မတို့ Frestech ကုန်သည်ကြီးများအသင်းရဲ့ လျှို့ဝှက်ချက် ဖြစ်နေတာကြောင့်ပါ။ ဥက္ကဌရဲ့ ခွင့်ပြုချက်မရှိဘဲ ကျွန်မအနေနဲ့ ဘယ်သူ့ကိုမှ ချပြလို့မရတာမို့ ခွင့်‌လွှတ်ပေးပါရှင်"

"Frestech ကုန်သည်ကြီးများအသင်းရဲ့ လျှို့ဝှက်ချက်?" ခေါင်းဆောင်မှော်ပညာရှင် အလက်စ်တာမှာ အနည်းငယ် အံ့ဩသွားမိသည်၊ "ဒီမှော်အစီအရင်ကို မင်းဖန်တီးထားတာ မဟုတ်ဘူးလား? ဒါဆို မင်းပိုင်ရမှာပေါ့"

"မဟုတ်ပါဘူး၊ ဒီမှော်အစီအရင်က ကျွန်မနဲ့..." အာကာလီက ဘေးပတ်လည်ရှိ သုတေသီများကို ကြည့်ကာ၊ "ကျွန်မရဲ့ လုပ်ဖော်ကိုင်ဖက်သုတေသီတို့ရဲ့ ကြိုးစားမှုမို့ ကျွန်မတစ်ယောက်တည်းလုပ်ထားတာ မဟုတ်ပါဘူး။ ပြီးတော့ ကျွန်မတို့အနေနဲ့ မှော်အစီအရင်တွေကို သုတေသနလုပ်နေတဲ့အချိန်မှာ ကိစ္စပေါင်းစုံအတွက် ကုမ္ပဏီရဲ့ အထောက်အပံ့ကို မှီခိုနေရသေးတယ်။ ဒီထောက်ပံ့မှုမရှိဘဲနဲ့ ဒါကို ဖန်တီးနိုင်မှာ မဟုတ်ပါဘူး။"

အာကာလီနံဘေးရှိ သုတေသီများက ခေါင်းငြိမ့်လာရာ အာကာလီ့အပြောကို သဘောတူနေကြသည်မှာ သိသာ၏။

အာကာလီ၏ တုံ့ပြန်မှုကို မြင်သော် အလက်စ်တာမှာ ပို၍ပင် စိတ်ဝင်စားလာရင်း ဆက်မေးလေသည်၊ "ဒါဆို... မင်းတို့ပြောချင်တာက မင်းတို့အနေနဲ့ မင်းတို့ ကြိုးစားလုပ်ထားတဲ့ သုတေသနကို Frestech ကုန်သည်ကြီးများအသင်းဆီ ပေးဖို့ ဆန္ဒရှိတယ်ပေါ့၊ ဘယ်သူ့ကိုမှတောင် မျှဝေဖို့ ဆန္ဒမရှိဘဲနဲ့လေ?"

"အရှင် အလက်စ်တာ, ရှင် အထင်မှားနေပြန်ပါပြီ" အာကာလီက အပြုံးဖြင့်ပြောသည်၊ "ဒီဆက်သွယ်ရေးမှော်အစီအရင်ကို ကုမ္ပဏီအတွက် ကျွန်မတို့လုပ်ထားတာမို့ အစတည်းက ကျွန်မတို့မပိုင်ဘဲ Frestech ကုန်သည်ကြီးများအသင်းက ပိုင်‌နေတာပါ။ ဒီ လျှို့ဝှက်ချက်ကို တခြားသူတွေဆီ ပြောလိုက်ရင် ဒါမှမဟုတ် ဖွင့်ချလိုက်ရင် ဒါက ကုမ္ပဏီနဲ့ လက်မှတ်ထိုးထားတဲ့ စာချုပ်ကို ချိုးဖောက်ရာကျမှာမို့လို့ပါ"

"အိုး? ဒါဆို မင်းပြောချင်တာက မင်းတို့ကို ခန့်အပ်ထားရုံပဲပေါ့?" အာကာလီ ခေါင်းငြိမ့်ပြသည်ကိုမြင်သော် အလက်စ်တာက ခဏစဉ်းစားပြီးနောက် မေးလေသည်၊ "ဒါဆို... မှော်ပညာရှင်များအဖွဲ့အစည်းက ဒီအရာတွေကို လက်လွှဲပေးစေချင်ရင် ဘာလုပ်မှာလဲ?"

ခေါင်းဆောင်မှော်ပညာရှင် ကမ်မီလာက သူ့ကိုကြည့်ကာ ဒီလူကတော့ တကယ်ပဲ ထိန်းမထားနိုင်ဘူးပဲဟု စဉ်းစားလိုက်မိသည်။

အာကာလီနှင့် အခြားသုတေသနပညာရှင်အားလုံး အံ့အားသင့်သွားကြ၏။

"မပြောဘူးပေါ့" အာကာလီက အံ့ဩနေဟန်ဖြင့် ပြောလာသည်၊ "အရှင် အလက်စ်တာ, ကျွန်မ အခုလေးတင်ပဲ ပြောခဲ့တာ ဒါက ကျွန်မတို့ ကုမ္ပဏီရဲ့ လျှို့ဝှက်ချက်မို့ ဘယ်လိုလုပ် မှော်ပညာရှင်များအဖွဲ့အစည်းကို ပြောနိုင်မှာလဲ?"

"ဒီတော့ မင်းတို့သာ မှော်ပညာရှင်များအဖွဲ့အစည်းနဲ့ Frestech ကုန်သည်ကြီးများအသင်းကြား ရွေးရတော့မယ်ဆိုရင် Frestech ကုန်သည်ကြီးများအသင်းကို ရွေးကြမှာပေါ့?" ခေါင်းဆောင်မှော်ပညာရှင် အလက်စ်တာမေးသည်။

"အဲ့လောက်တော့ အဓိပ္ပာယ်မရှိတာမျိုး မဖြစ်လောက်ပါဘူး..." အာကာလီဘေးရှိ လူငယ်သုတေသီတစ်ဦးက မနေနိုင်စွာ ပြောလာသည်။ ထို့နောက် သူဟာ ခေါင်းဆောင်မှော်ပညာရှင် အလက်စ်တာရှေ့၌ အရမ်းရိုင်းမိသွားသည်ကို နားလည်ကာ အမူအရာက အေးခဲသွားပြီးနောက် နေရခက်ဟန်ပြလာ၏။

ခေါင်းဆောင်မှော်ပညာရှင် အလက်စ်တာက လုံးဝဂရုမထားဘဲ အပြုံးဖြင့် မေးလေသည်၊ "ဘာလို့ ဒါက အဓိပ္ပာယ်မရှိတာလဲ?"

"ဒါက... ဘာလို့လဲဆိုတော့... ဘာလို့လဲဆိုတော့ မှော်ပညာရှင်များအဖွဲ့အစည်းက ကျွန်တော်တို့ကို လစာပေးမနေဘူးလေ..." လူငယ်သုတေသီလေးက တုံ့ဆိုင်းစွာ ဖြေလာသည်။

"ဟုတ်ပါတယ် ကုမ္ပဏီက ကျွန်တော်တို့ကို ပိုက်ဆံပေးသလို မှော်ပစ္စည်းတွေလည်း ပေးနေတာပါ။ တစ်ချိန်တည်းမှာပဲ လေ့လာဖို့ ပတ်ဝန်းကျင်ကောင်း‌လည်းပေးတော့ ဒီလိုအရာတွေကို ကျွန်တော်တို့ ဖန်တီးနိုင်နေတာပေါ့။ မှော်ပညာရှင်များအဖွဲ့အစည်းက ဘာမှမပေးခဲ့တာမို့ ဘာလို့ သူတို့ကို ပြောနေရမှာလဲ‌ခင်ဗျာ?" နောက်ထပ် လူငယ်သုတေသီတစ်ဦးက ထပ်ပြော၏။

"ဟုတ်ပါတယ်။ မှော်ပညာရှင်များအဖွဲ့အစည်းကသာ လိုချင်ရင် ငွေထုတ်ပြီး ဝယ်လို့ရပါတယ်။ ဘာလို့ သူတို့ပြောတာကြောင့်နဲ့ ကျွန်တော်တို့က ပြောပြရမှာလဲ?"

"မှော်ပညာရှင်များအဖွဲ့အစည်းက ကျွန်မတို့ကို မကူညီတာကို မပြောနဲ့ဦး အချိန်တိုင်း နှောင့်နှေးနေစေတာလေ။ သူတို့ကို ကျွန်မတို့အနေနဲ့ ပြဿနာမရှာတာကတင် ကောင်းနေပြီ ဘာလို့ သူတို့ကို နားထောင်ရမှာလဲရှင်?"

"ကျွန်တော်တို့အတွက် ဘာအကျိုးမှမရှိရင် ဘာလို့ သဘောတူနေရမှာလဲ...."

....

၎င်းတို့ထံရှိ အားကောင်းသော စကားများကိုကြားသော် ခေါင်းဆောင်မှော်ပညာရှင် အလက်စ်တာက တိတ်ဆိတ်သွားသည်။

ခဏတာ တိတ်ဆိတ်နေပြီးနောက် သူဟာ ခေါင်းဆောင်မှော်ပညာရှင်ကမ်မီလာကို လှည့်ကြည့်လိုက်ပါ၏။

"ကမ်မီလာ သူတို့က အတော်လေးအဓိပ္ပာယ်ရှိတာကို ငါဝန်ခံရမယ်။"

ခေါင်းဆောင်မှော်ပညာရှင်ကမ်မီလာက ပခုံးတွန့်လိုက်ကာ၊ "ဒါက အရမ်းရိုးရှင်းနေတော့ အဓိပ္ပာယ်ရှိတာပေါ့။ ပိုက်ဆံပေးတဲ့သူက ဆုံးဖြတ်ချက်ကို ချရမှာပဲလေ။ အဖွဲ့အစည်းက အဲ့လူတွေက ဘာမှလည်း မလုပ်ဘဲ အကျိုးအမြတ်ရချင်‌နေမှတော့ ဘယ်သူက လက်ခံချင်မှာလဲ?"

"ဒါပေမယ့် အဖွဲ့အစည်းက...." ခေါင်းဆောင်မှော်ပညာရှင်အလက်စ်တာမှာ တစ်ဝက်၌ ရပ်၍ အာကာလီ၏ အဖွဲ့ကိုကြည့်ကာ ခေတ္တတန့်လိုက်မိသည်။ ထို့နောက် သူဟာ အပြုံးဖြင့် ခေါင်းခါ၏၊ "ထားပါတော့ ကြည့်ရတာ ငါက အိုနေတဲ့ပုံပါပဲ၊ ဆက်မပြောနိုင်တော့ဘူး။"

သူဟာ ထိုသို့ပြောပြီးနောက် မှော်အချက်ပြတာဝါရှည်ကြီးကိုကြည့်၍ မိမိကိုယ်ကို အပြစ်တင်ဟန်ပြုံးလိုက်သည် "ဒီအရာက မင်းတို့ Frestech ကုန်သည်ကြီးများအသင်းရဲ့ လျှို့ဝှက်ချက်ဖြစ်နေမှတော့ ကျုပ် မမေးတော့ပါဘူး။ ဒါပေမယ့် သခင်မလေး အာကာလီ ကျုပ်အနေနဲ့ ဒီလိုသန့်စင်တဲ့မှော်အစီအရင်ကို ဖန်တီးနိုင်တဲ့ ခင်ဗျားတို့လို လူတွေကို တကယ်ပဲ လေးစားမိတယ်။ အခွင့်အရေးရှိတဲ့အခါ နည်းနည်းလောက် စကားပြောနိုင်ကြဖို့ မျှော်လင့်ပါတယ်။"

"ကျွန်မအတွက် ဂုဏ်ယူစရာပါ။" အာကာလီက ပျော်ရွှင်စွာ ဆိုသည်။

အလက်စ်တာမှာ ခေါင်းဆောင်မှော်ပညာရှင်ဖြစ်သဖြင့် သူ့ထံမှ ချီးကျူးခံရသည်ကပင် အာကာလီနှင့် သူမ၏အဖွဲ့အတွက် အနှိုင်းမဲ့ ဂုဏ်ယူဖွယ်ဖြစ်နေပြီပင်။

အားလုံးကို ခေါင်းငြိမ့်ပြပြီးနောက် အလက်စ်တာနှင့် ကမ်မီလာတို့က မှော်အချက်ပြတာဝါထံမှ ပျံထွက်သွားကြတော့သည်။ ထို့နောက် ၎င်းတို့မှာ Frestech ကုန်သည်ကြီးများအသင်း၏ အဓိကအခြေစိုက်ဌာနအပေါ်ရှိ ကောင်းကင်၌ ဝေ့ဝိုက်ကြည့်လိုက်ပြီးသည်တွင် ဌာနအနောက်ဘက်ရှိ ခေါင်းဆောင်မှော်ပညာရှင်ကမ်မီလာ၏ ကိုယ်ပိုင်ဓာတ်ခွဲခန်းထံ ပြန်လာကြသည်။

"ဟေး ကမ်မီလာ, ငါ မှတ်မိတာသာ မှန်ရင် မင်းက Frestech ကုန်သည်ကြီးများအသင်းရဲ့ အထူးသုတေသနပညာရှင်လို့ ပြောခဲ့တယ်လေ။ ဒါ‌ဆို ဒီကအရာတွေကရော Frestech ကုန်သည်ကြီးများအသင်းရဲ့ လျှို့ဝှက်ချက်တွေ မဟုတ်ဘူးလား? ငါ့ကို ဒီလိုခေါ်လာလို့ မင်းအတွက် အဆင်ပြေပါ့မလား?" ခေါင်းဆောင်မှော်ပညာရှင်အလက်စ်တာက ဝေ့ဝဲကြည့်လိုက်ပြီးနောက် သာမန်ကာလျှံကာ မေးလိုက်သည်။

ခေါင်းဆောင်မှော်ပညာရှင်ကမ်မီလာက မျက်လုံးလှန်ပြလိုက်၏၊ "ငါပြောမယ် မင်းကို ဆယ်နှစ်အတွင်း မတွေ့ခဲ့ရတာ မင်းက ဒီလိုကပ်တွက်နေတတ်ပြီပေါ့? ပြီးတော့ မိန်းမငယ်လေးတစ်ယောက်အပေါ် ကပ်တွက်နေတာ တကယ်ကို ရှက်စရာပဲ။ ဟုတ်ပြီ လာကြည့်လှည့်၊ ဒါက ငါအသစ်ဖန်တီးထားတဲ့အရာပဲ။ ဘယ်လိုရှိတယ်ဆိုတာ လာကြည့်။"

"ဒါက လျှို့ဝှက်ချက်မဟုတ်တာသေချာလား?" ခေါင်းဆောင်မှော်ပညာရှင်အလက်စ်တာက နောက်ထပ် ဟာသလုပ်လိုက်သော်လည်း ခေါင်းဆောင်မှော်ပညာရှင်ကမ်မီလာက မျက်မှောင်ကုပ်လိုက်သည်ကို မြင်သည့်အခါ ရယ်လျက် သွားလိုက်တော့သည်။

ခေါင်းဆောင်မှော်ပညာရှင်ကမ်မီလာက သူ့အား အင်မတန်ရှုပ်ထွေးသည့် မှော်အစီအရင်ကို ဖော်ပြထားသည့် မူကြမ်းတစ်ခုပြလာသည်။

ခေါင်းဆောင်မှော်ပညာရှင်အလက်စ်တာက ခဏကြာကြည့်နေပြီးနောက် မျက်မှောင်ကုပ်လိုက်သည်။

"ဟေး ကမ်မီလာ ဒါက အကျဉ်းချုံ့တားမြစ်အစီအရင် မဟုတ်လား? ဒါပေမယ့် ဘာလို့ အရမ်းထူးဆန်းပုံပေါ်နေရတာပါလိမ့်?"

"ဘယ်လို ထူးဆန်းနေလို့လဲ?"

"ဒါက.... စွမ်းအားက ဘာလို့ အရမ်းကို....အရမ်းကို အရိုင်းဆန်နေရတာလဲ?" ခေါင်းဆောင်မှော်ပညာရှင်အလက်စ်တာက လေးနက်စွာဖြင့် လက်ထဲရှိ မူကြမ်းကိုကြည့်ရင်း မျက်လုံးထဲရှိ အံ့အားသင့်ဟန်ကို ပြလာသည်၊ "မင်းက ဒီတားမြစ်မန္တာန်ရဲ့ စွမ်းအားအပြည့်ကို စုဆောင်းပြီး ချက်ချင်း စသုံးချင်တာလား? ဒီလိုလုပ်ဖို့ ဘာလို့ လိုအပ်တာလဲ? ငါ့အထင် ပုံမှန်တားမြစ်မန္တာန်တစ်ခုကတင် အားကောင်းနေပြီမဟုတ်ဘူးလား?

ထိုသို့ပြောပြီးနောက် ခေါင်းဆောင်မှော်ပညာရှင်အလက်စ်တာမှာ ရုတ်တရတ် အံ့အားသင့်သွားရင်း မျက်လုံးများအား မှေးကျဉ်းလိုက်သည်။

"ကမ်မီလာ ဒါက မင်းတို့ Frestech ကုန်သည်ကြီးများအသင်းရဲ့ စစ်ဘက်သုံးမှော်စက်တွေထဲက တစ်ခုအတွက်လား? ဒါဆိုရင် ဒီစွမ်းအားက... အရမ်းများလွန်းမနေဘူးလား? မင်းတို့ Frestech ကုန်သည်ကြီးများအသင်းက ဘာတွေ စဉ်းစားနေတာလဲ?"

"ဘာတွေ စဉ်းစားနေတာလဲ?" ခေါင်းဆောင်မှော်ပညာရှင်ကမ်မီလာက ခေါင်းဆောင်မှော်ပညာရှင်အလက်စ်တာလက်ထဲရှိ မူကြမ်းကို ယူ၍ ညွှန်ပြလိုက်၏၊ "မမြင်ဘူးလား၊ ငါက ဒီတားမြစ်မန္တာန်ရဲ့ စွမ်းအားအပြည့်ကို တစ်ကြိမ်တည်းမှာ ထုတ်ဖော်ချင်တာမဟုတ်ဘဲ နည်းနည်းစီ ထုတ်ဖော်ချင်တာပဲ ဟုတ်ပြီလား?"

"ဒီလိုလာ?" ခေါင်းဆောင်မှော်ပညာရှင်အလက်စ်တာက ၎င်းကို ပြန်ယူကာ နှစ်ကြိမ်လောက် သေချာကြည့်လိုက်ပြီးနောက် ဂရုတစိုက် စဉ်းစားနေလိုက်သည်။ နောက်ဆုံးတွင် သူက အသာခေါင်းငြိမ့်လာ၏၊ "အမ်း၊ ခုနက သေချာမကြည့်လိုက်မိဘူး။ ဒီလိုဒီဇိုင်းဆွဲထားရင် ဒီအပိုင်းက တားမြစ်မန္တာန်ရဲ့ စွမ်းအားကို ကန့်သတ်လိုက်ပြီး တစ်ကြိမ်တည်းနဲ့ အားလုံးကို မထုတ်ဖော်ပေးတော့ဘူး။ ဒါပေမယ့် ငါပိုပြီးသိချင်တာက ကမ်မီလာ ဒါက ဘာအတွက်လဲ?"

"အဲ့ကောင်လေး ရှုယီအရ ဒါက ငါတို့ Frestech ကုန်သည်ကြီးများအသင်းရဲ့ အဆင့်မြင့်စီမံကိန်းဖြစ်တဲ့ စွမ်းအင်မြင့်ထုတ်ဖော်ရေးစနစ်ပဲ။ ဒါကိုသာ ထုတ်လုပ်နိုင်ရင် ငါတို့ ကုမ္ပဏီက လူတွေ စိတ်တောင်မကူးရဲတဲ့ အသစ်အဆန်းတွေများစွာကို လုပ်နိုင်တော့မှာ!" ခေါင်းဆောင်မှော်ပညာရှင်ကမ်မီလာက မျှော်‌လင့်နေဟန်ရှိနေ၏။

"စွမ်းအင်မြင့် ထုတ်ဖော်ရေးစနစ်?" ခေါင်းဆောင်မှော်ပညာရှင်အလက်စ်တာက ခေါင်းဆောင်မှော်ပညာရှင်ကမ်မီလာကို ရှုပ်ထွေးစွာကြည့်လိုက်၏၊ "ဒါက ဘာများလဲ?"

"မင်းကို ရှင်းပြရမှာ အရမ်းရှုပ်ထွေးတယ်။ စိတ်ဝင်စားရင် ငါ ဖြည်းဖြည်းချင်းပြောပြလို့ရတယ်၊ ဒါပေမယ့် ဒီမတိုင်ခင်တော့ အလက်စ်တာ, ဒီအရာကို ငါနဲ့အတူတီထွင်ဖို့ ငါ့ရဲ့ဖိတ်ကြားမှုကို လက်ခံချင်လား? မင်းအနေနဲ့ ဒါကို စိတ်ဝင်စားမယ်လို့ ငါ အာမခံတယ်။"

"ဒါက... ဒီအရာကို လေ့လာရင် ဘာအကျိုးအမြတ်ရှိမှာလဲ?" ခေါင်းဆောင်မှော်ပညာရှင်အလက်စ်တာက ပြန်မေးလေ၏။

"ဒါပေါ့ အကျိုးအမြတ်ရှိတယ်လေ။" ခေါင်းဆောင်မှော်ပညာရှင်ကမ်မီလာက တုံ့ဆိုင်းမှုမရှိပြောလာသည်၊ "ဒါက တားမြစ်မန္တာန်တစ်ခုပါဝင်တဲ့ သုတေသနဆိုတော့၊ ငါတို့ Frestech ကုန်သည်ကြီးများအသင်းကလွဲရင် စိတ်ပူစရာမလိုဘဲ လေ့လာနိုင်တဲ့ တန်ဖိုးရှိ မှော်ပစ္စည်းအများကြီးကို မင်းဘယ်မှာ ရှာတွေ့နိုင်ဦးမှာမို့လဲ? ငါက လေ့လာရေးတိုင်းမှာ မှော်ပစ္စည်းတွေအတွက် ရွှေဒင်္ဂါးထောင်ချီ သုံးခဲ့တာကို မင်းသိဖို့လိုတယ်။ ငါတို့လို ခေါင်းဆောင်မှော်ပညာရှင်အဆင့် မှော်ပညာရှင်တွေအတွက် အဆင့်နိမ့်မှော်ပညာကို လေ့လာတာက ငါတို့ကို အကူအညီမဖြစ်စေဘူး။ ဒီတော့ ဒီအရာကို လေ့လာခြင်းရဲ့ အကြီးမားဆုံး အကျိုးအမြတ်က ဘာဆိုတာ မင်းနားလည်ပြီလား?"

ခေါင်းဆောင်မှော်ပညာရှင်အလက်စ်တာ၏ မျက်လုံးများက တောက်ပလာပြီး စိတ်လှုပ်ရှားသွားသည်။

သူဟာ သီးသန့် ခေါင်းဆောင်မှော်ပညာရှင်တစ်ဦးဖြစ်ကာ မားလိုအင်ပါယာနှင့် မှော်ပညာရှင်များအဖွဲ့အစည်းနှစ်ခုလုံးထံမှ အထူးထောက်ပံ့မှုများရထားသော်လည်း သူဟာ တစ်နှစ်လျှင် ရွှေဒင်္ဂါးခြောက်သောင်းကျော်ထက် ပိုမရပေ။

ထိုပမာဏက အတော်များပုံရသော်လည်း တစ်စုံတရာကို လေ့လာသည့်အကြိမ်တိုင်း ရွှေဒင်္ဂါးထောင်ချီသုံးရန်လိုအပ်သော သူ့အတွက် ၎င်းကို သုံးလောက်ရုံအတွက်ပင် ဝေးနေသေးသည်။

Frestech ကုန်သည်ကြီးများအသင်းက လေ့လာမှု တစ်ခုအတွက် တကယ်ကိုများပြားလှသည့် ပစ္စည်းအားလုံးကို ထောက်ပံ့နိုင်သည်ဟူသော ခေါင်းဆောင်မှော်ပညာရှင်ကမ်မီလာ၏ အပြောကို ကြားသော်။

"ဒါ့အပြင် သုတေသနမှာ လေ့ကျင့်နေသ‌ရွေ့ Frestech ကုန်သည်ကြီးများအသင်းက မင်းကို အထူးလခလည်းပေးနိုင်တယ်။ တစ်နှစ်ကို ရွှေဒင်္ဂါးငါးသောင်းဆိုရင်ရော ဘယ်လိုလဲ?"

"တစ်နှစ်ကို ရွှေဒင်္ဂါးငါးသောင်း?" ခေါင်းဆောင်မှော်ပညာရှင်အလက်စ်တာ၏ နှလုံး‌ခုန်သံတစ်ချက်ချော်သွားပြီး မျက်လုံးများက ရုတ်တရတ် ရွှေရောင်တောက်ပလာသည်။

(*သူ့အနေနဲ့ ရွှေဒင်္ဂါးခြောက်သောင်းရခဲ့တယ် ဆိုတာက အထောက်အပံ့ပစ္စည်းတွေကို ကိုယ်တိုင် ဝယ်ရမှာဖြစ်ပြီး Frestech ကုန်သည်ကြီးများအသင်းမှာကျတော့ ပစ္စည်းတွေကိုလည်း ထောက်ပံ့ပေးသလို ရွှေဒင်္ဂါးငါးသောင်းလည်းရဦးမှာမို့ပါ)

***

မှော်စက်မှုအင်ပါယာ

Vol 6, အခန်း ၁၁၅။ Frestech ကုန်သည်ကြီးများအသင်း၏ လက်ဝါးကြီးအုပ်မှုအား ချိူးဖျက်ခြင်း

ခေါင်းဆောင်မှော်ပညာရှင် အလက်စ်တာထွက်ခွာသွားသည့် သတင်းကိုသိရှိပြီးနောက် ရှုယီမှာချက်ခြင်း ခေါင်းဆောင်မှော်ပညာရှင် ကမ်မီလာကိုရှာလိုက်သည်။

"အဘိုး ခေါင်းဆောင်မှော်ပညာရှင် အလက်စ်တာ သဘောတူလား?" ရှုယီက မျှော်လင့်နေဟန်ဖြင့် မေး၏။

"ဘယ်လိုလုပ် ဒီလောက် လွယ်မှာလဲ?" ခေါင်းဆောင်မှော်ပညာရှင် ကမ်မီလာက မျက်လုံးလှန်လိုက်သည်၊ "သူက ခေါင်းဆောင်မှော်ပညာရှင် တစ်ယောက်လေ၊ သူလုပ်သမျှကို နီးနီးကပ်ကပ်စောင့်ကြည့်ခံနေရတာမို့ ဘယ်လိုလုပ် သူလုပ်ချင်သလိုလုပ်လို့ရမလဲ?"

"ဒါဆို အဆင်မပြေဘူးလို့ထင်လား?" ရှုယီ၏အမူအရာမှာ စိတ်ပျက်ဟန်နှင့် ပြည့်နှက်နေသည်။

"ဒါဟာ ပြီးပြည့်စုံတဲ့ အရေအတွက်မဟုတ်ဘူး" ခေါင်းဆောင်မှော်ပညာရှင်ကမ်မီလာက ခေါင်းခါလိုက်ပြီး "အလက်စ်တာ က ဒါကို ရှင်းရှင်းလင်းလင်း မပြောပေမယ့် ငါမြင်တာကို အခြေခံရရင် သူ့ကို ဒီသုတေသန ပရောဂျက်မှာ လုပ်ခိုင်းဖို့က ပြဿနာမဟုတ်ပေမယ့် သူ့ကို တခြားဘာမှ လုပ်ခိုင်းဖို့ မဖြစ်နိုင်ဘူး။ ဘာပဲဖြစ်ဖြစ်၊ သူ့ကို မားလိုအင်ပါယာကနေ တစ်နှစ်ကို ရွှေဒင်္ဂါးငါးသောင်းနဲ့ ဝယ်နိုင်မယ်လို့ မထင်လိုက်နဲ့။”

ရှုယီက မထိန်းနိုင်ဘဲ ရယ်မောမိသွားသည် "အဘိုး၊ အဘိုးက ကျွန်တော့်ကို လျှော့တွက်နေတာလား။ ခေါင်းဆောင်မှော်ပညာရှင်တစ်ယောက်အတွက် တစ်နှစ်ကို ရွှေဒင်္ဂါးငါးသောင်းပဲတတ်နိုင်မယ်လို့လေ”

"ဒါပေမယ့် မင်းငါ့ကို တစ်နှစ် ရွှေဒင်္ဂါးတစ်သောင်းပဲပေးတာလေ။" ခေါင်းဆောင်မှော်ပညာရှင်ကမ်မီလာက မျက်လုံးများကို မှေးစင်းလိုက်သည်။

“ဒါက……” ရှုယီက ရယ်မောလိုက်ပြီးနောက် ခေါင်းဆောင်မှော်ပညာရှင်ကမ်မီလာကို ကြည့်ကာ ပြောလိုက်၏၊ “အဘိုး၊ အဘိုးက တခြားကိစ္စပါ။ ကုမ္ပဏီတစ်ခုလုံးက အဘိုး ဘယ်သူလဲဆိုတာ သိတော့ အဘိုး လိုချင်သလောက် ယူလို့ရပါတယ်။ ဒါပေမယ့် အဘိုးက ကျွန်တော့်ကို သတိပေးလိုက်တာပဲ၊ ကျွန်တော် အဘိုးကို တစ်နှစ်တစ်သောင်းပဲ ပေးတာက အမှားလုပ်မိတာပဲ။ အဘိုးက အခု ခေါင်းဆောင်မှော်ပညာရှင် တစ်ယောက် ဖြစ်နေပြီမို့ လစာအတွက် ပိုက်ဆံနည်းနည်းလောက်ပေးထားရင် အဆင်မပြေဘူး။ အင်း……ဒါဆို အဘိုးရဲ့လစာ တစ်နှစ်ကို ရွှေဒင်္ဂါးငါးသောင်းအထိ တိုးလိုက်ရင်ရော?"

ခေါင်းဆောင်မှော်ပညာရှင်ကမ်မီလာက သူ့လက်ကိုဝှေ့ယမ်းကာ အံ့အားသင့်သွားပြီး "ငါနောက်နေတာပါ၊ ဒီငွေတွေအားလုံးကို ဘာအတွက်ပေးမှာလဲ။ ကုမ္ပဏီမှာ ငါ လိုချင်တာတွေ အားလုံးရှိပြီး ပိုက်ဆံလည်း မလိုဘူး၊ ဒါကြောင့် မင်းလည်း အဲဒီပိုက်ဆံကို တခြားအရာအတွက် သုံးလို့ရတယ်။”

"ဒီငွေက ကြော်ငြာတစ်ခုမို့ ကျေးဇူးပြုပြီး မငြင်းပါနဲ့။" ရှုယီက ပြုံးပြီးပြောသည် ။

"ကြော်ငြာ? ငါပြောမယ် ရှုယီသိပ်အများကြီးမတွေးနဲ့။ အလက်စ်တာ က ငါတို့ကို သုတေသနမှာ ကူညီဖို့ သဘောတူပေမယ့် သူ့ကို ကုမ္ပဏီမှာ ငှားရမ်းဖို့ မဖြစ်နိုင်တာကြောင့် ဒီအကြံကို စွန့်လွှတ်လိုက်။” ခေါင်းဆောင်မှော်ပညာရှင်ကမ်မီလာက လေးနက်သော အကြည့်ဖြင့် ပြောသည်။

""ကျွန်တော့်အနေနဲ့ ခေါင်းဆောင်မှော်ပညာရှင်အလက်စ်တာကို ခန့်အပ်နိုင်မယ်လို့ မမျှော်လင့်သလို တခြား ခေါင်းဆောင်မှော်ပညာရှင်တစ်ယောက်ကို မဖုံးကွယ်ထားချင်ပေမယ့်လည်း ဒါက နယ်မြေကြီးရဲ့ တခြးမှော်ပညာရှင်တွေအတွက် အချက်ပြလို့ ယူဆလို့ရတယ်။ ကျွန်တော်တို့ Frestech ကုန်သည်ကြီးများအသင်းနဲ့ အလုပ်လုပ်ဖို့ ဆန္ဒရှိနေသရွေ့ သင့်တော်တဲ့ ဆုလာဘ်တွေပေးမှာပါ။ အဆင့်ပို‌မြင့်လေ ဆုလာဘ်ပိုကြီးလေပဲ။ ပြီးတော့လည်း ခေါင်းဆောင်မှော်ပညာရှင်အလက်စ်တာရဲ့ ဥပမာနဲ့ ပူးပေါင်းရေးနည်းလမ်းသစ်ကို ကျွန်တော် ရှာတွေ့ထားတယ်။"

"ပူးပေါင်းရေးနည်းလမ်းသစ်?"

“အဘိုး၊ သိလောက်တယ်။ ကျွန်တော်တို့ကုမ္ပဏီက မဟာမှော်ပညာရှင် အီစန်ခယ် နဲ့ တချိန်လုံး ပူးပေါင်းဆောင်ရွက်နေတာ မဟုတ်လား။"

"အီစန်ခယ်?" ခေါင်းဆောင်မှော်ပညာရှင်ကမ်မီလာက အထင်အမြင်သေးမှုများ ပြည့်နှက်စွာဖြင့် နှာမှုတ်လိုက်ကာ "ဒီလူက ငါတို့ကုမ္ပဏီဆီကနေ ရွှေဒင်္ဂါးတွေနဲ့ အရင်းအမြစ်တွေ အများကြီးယူထားပေမယ့် အသုံးမဝင်သေးဘူး။ သူနဲ့ ပူးပေါင်းတာကို ရပ်တန့်ဖို့ တိုက်တွန်းချင်တယ်။”

“သူ့မှာ ရလဒ်တွေ ရှိသေးလားဆိုတာ မပြောနဲ့ဦး၊ တီထွင်ဖန်တီးမှုတွေမှာ စွမ်းအားကြီးတဲ့ မှော်ပညာရှင်တွေကို ဖိတ်ခေါ်တဲ့အနေနဲ့ ဒီလို ရင်းနှီးမြုပ်နှံမှုမျိုးနဲ့ ပူးပေါင်းလုပ်ဆောင်တာက တော်တော်အဆင်ပြေပါတယ်။ ဥပမာ၊ခေါင်းဆောင်မှော်ပညာရှင်အလက်စ်တာ သဘဘောတူနေ သမျှကာလပတ်လုံး၊ စွမ်းအင်မြင့်ထုတ်ဖော်ရေး စနစ်ကို လေ့လာတဲ့နေရာမှာ တခြားခေါင်းဆောင်မှော်ပညာရှင်လည်း ပါ၀င်နေမှာမို့ အချိန်နည်းနည်းသက်သာစေမယ်လေ။ အဘိုးအဲ့လိုမထင်ဘူးလား?"

ခေါင်းဆောင်မှော်ပညာရှင်ကမ်မီလာသည် သက်ပြင်းချပြီး ခေါင်းညိတ်ပြခြင်းမပြုမီ အနည်းငယ် နှုတ်ဆိတ်နေမိသည်၊ "ဟုတ်ပါတယ်၊ တခြားလူက ကူညီပေးတာက၊ ငါတစ်ယောက်တည်း လုပ်တာထက် ပိုကောင်းတယ်။ ဒါပေမယ့် ရှုယီဒါက ကြီးလေးတဲ့ ပြဿနာကို ဖန်တီးတယ်။ သုတေသနရလဒ်တွေက ငါတို့ Frestech ကုန်သည်ကြီးများအသင်းနဲ့ သက်ဆိုင်သင့်တာ၊ ဒါပေမယ့် အလက်စ်တာ က ဒါကို မားလိုအင်ပါယာ ဒါမှမဟုတ် အခြားသူတစ်ဦးဦးကို ပေးမယ်ဆိုရင် မင်း သူ့ကို ဘယ်လိုတားဆီးမှာလဲ။"

ရှုယီက ခါးသီးစွာ ပြုံး၍ ခေါင်းကို ခါလိုက်သည်၊ "လောလောဆယ်တော့ …… နည်းလမ်း မရှိသေးဘူး"

“ဒါဆို မင်းသူနဲ့ အလုပ်တွဲလုပ်ချင်သေးလား။ ဒီဟာက ငါတို့ ဖန်တီးနိုင်ဖို့ အရမ်းကြိုးစားခဲ့ရတဲ့ အရာမဟုတ်ဘူးလား။” ခေါင်းဆောင်မှော်ပညာရှင်ကမ်မီလာက ထိုသို့ပြောပြီး သူ့ကို စိုက်ကြည့်နေ၏။

"မဟုတ်ဘူး အဘိုး၊ ဒီဖြစ်နိုင်ချေတွေကို ကြည့်ရုံနဲ့ မရဘူး၊ ဒီကရတဲ့ အကျိုးကျေးဇူးတွေကိုလည်း ကြည့်ရမယ်။" ရှုယီက လေးနက်သော အကြည့်ဖြင့် ပြောသည် ။ “ကျွန်တော်တို့ Frestech ကုန်သည်ကြီးများအသင်းမှာ လူမရှိလို့ ဖြည်းဖြည်းချင်း လုပ်ဆောင်နေရတဲ့ သုတေသနပရောဂျက်အများကြီးရှိတယ်။ အဘိုးက စွမ်းအင်မြင့်ထုတ်ဖော်ရေးစနစ်ကို လေ့လာနိုင်စွမ်းရှိတဲ့ တစ်ဦးတည်းသော သူပဲ။ တခြားမှော်ပညာရှင်တွေနဲ့ လက်တွဲတာက ဒီအရာကို ထုတ်ဖော်ပြောဆိုခံရမယ့် အန္တရာယ်ရှိပေမယ့်လည်း၊ ကျွန်တော်တို့အနေနဲ့ အခုရလဒ်တွေကို လိုအပ်နေတယ်။ ဒီသုတေသနရလဒ်တွေကို အသုံးချရာမှာ ကျွန်တော်တို့ Frestech ကုန်သည်ကြီးများအသင်းထက် သာလွန်တဲ့လူရှိမယ်လို့ ထင်လား?"

ခေါင်းဆောင်မှော်ပညာရှင်ကမ်မီလာသည် အနည်းငယ် ငြိမ်သက်နေကာ ခဏမျှ စဉ်းစားပြီးနောက် ခေါင်းညိတ်လိုက်သည်။

"ကောင်းပြီ၊ မင်းပြောတာ မှန်တာကို ငါဝန်ခံတယ်၊ ဒါပေမယ့် ရှုယီ၊ ရလဒ်တွေပေါက်ကြားသွားရင် မင်းစဉ်းစားရမယ်။ တခြားနိုင်ငံတွေ၊ အထူးသဖြင့် ကန်ဒရာအင်ပါယာနဲ့ မားလိုအင်ပါယာက မှော်စက်တွေထုတ်လုပ်ရာမှာ ကောင်းကောင်းဆုပ်ကိုင်နိုင်လောက်မှာ မဟုတ်လား။”

“တခြားနိုင်ငံတွေကို မှော်စက်လုပ်ငန်းမှာ ပါဝင်ခွင့်ပေးတာဟာ ကျွန်တော့်ရဲ့ ပန်းတိုင်ကို အရင်ရောက်စေတယ်။” ရှုယီက ခပ်ဖျော့ဖျော့ပြုံးကာ ပြောသည် ။ "ဟုတ်တယ်၊ သူတို့က ကျွန်တော်တို့ Frestech ကုန်သည်ကြီးများအသင်းထက် နည်းပညာတစ်ခု၊ နှစ်ခုလောက်ရှိရုံနဲ့ ကျွန်တော်တို့ထက် ကျော်လွန်သွားမှာမဟုတ်လို့ ဒါက အရေးမကြီးပါဘူး၊ ဘာလို့လဲ‌ဆိုတော့ နယ်ပယ်တစ်ခုလုံးက ပိုအရေးကြီးတယ်လေ။ပြီးပြည့်စုံတဲ့စက်မှုစနစ်ရဲ့ ပံ့ပိုးမှုမရှိဘဲနဲ့၊ နည်းပညာနည်းနည်းလောက်နဲ့ ဘာမှလုပ်လို့မရပါဘူး။”

ခေါင်းဆောင်မှော်ပညာရှင်ကမ်မီလာက ရှုယီကို ထိုးထားသည့် မျက်မှောင်ကုပ်ကြည့်လိုက်သည်၊ "မင်း တကယ်ကို ယုံကြည်မှုရှိနေတာပဲ။"

"ဟုတ်တယ်။" ရှုယီက ယုံကြည်မှုရှိရှိပြုံး၍ "အဘိုး ကျွန်တော့်ကိုမယုံရင် အဘိုးအတွက် စခ်တိုင်းပြည်က စံနမူနာကောင်းတစ်ခု အနေနဲ့ ရှိတယ်"

….

သက္ကရာဇ် ၃၇၉၂ ခုနှစ် ဇန်နဝါရီလတွင် စခ်တိုင်းပြည်သည် နိုင်ငံတောင်ပိုင်းရှိ အကြီးဆုံးမြို့ဖြစ်သော အိုရမ်မြို့တော်တွင် စစ်ဘက်မှော်စက်ပြသမှုကို တရားဝင်ပြသခဲ့သည်။

နှစ်လကြာ ကြော်ငြာပြီးနောက် လူတစ်သိန်းကျော် တက်ရောက်ခဲ့ကြသည်။ အခြားနိုင်ငံတွေမှ ကိုယ်စားလှယ်များ ထောင်နှင့်ချီ၍လည်း လွှတ်လိုက်ကြ၏။

ဤပြပွဲသည် မပြီးဆုံးမီ တစ်လခွဲကြာမည်ဖြစ်သည်။

နောက်ပိုင်းတွင်၊ စခ်တိုင်းပြည်မှ ဤသရုပ်ပြမှုတွင် ၎င်းတို့သည် ရွှေဒင်္ဂါးခြောက်သန်းကျော်ဖြင့် မှော်အမြောက်တစ်သောင်းသုံးထောင်ကျော် ရောင်းချခဲ့ကြောင်း တရားဝင်ကြေညာခဲ့သည်။

၎င်းအပြင်၊ စခ်တိုင်းပြည်သည် ၎င်းတို့တီထွင်ခဲ့သော အခြားစစ်တပ်သုံးမှော်စက်များအတွက် ရွှေဒင်္ဂါးခုနစ်သန်းကျော်အထိ ရရှိခဲ့သည်။

စခ်တိုင်းပြည်ကဲ့သို့သော နိုင်ငံငယ်လေးအတွက်၊ ဤသည်မှာ အလွန်အောင်မြင်သော ထုတ်ကုန်သရုပ်ပြမှုဖြစ်သည်။

ထို့ကြောင့် စခ်တိုင်းပြည်သည် အလွန်ချီးကျူးခံရကာ ပြပွဲမှတဆင့် စခ်တိုင်းပြည်အနေနှင့် စစ်ဘက်သုံးမှော်စက်နယ်ပယ်တွင် ကြီးမားသော အောင်မြင်မှုတစ်ခုကို ပြုလုပ်နိုင်ခဲ့ကြောင်း ကြေညာခဲ့သည်။ Frestech ကုန်သည်ကြီးများအသင်းသည် စစ်တပ်သုံးမှော်စက်များကို ထုတ်လုပ်နိုင်သည့် တစ်ခုတည်းသော ကုမ္ပဏီမဟုတ်တော့ဘဲ ၎င်းတို့၏ လက်ဝါးကြီးအုပ်မှုကိုလည်း ချိုးဖျက်ခဲ့သည်ဟု ဆိုလိုခြင်းဖြစ်သည်။

စခ်တိုင်းပြည်၏ ကြေညာချက်သည် Frestech ကုန်သည်ကြီးများအသင်းအား ရည်ရွယ်ကာ စစ်ဘက်သုံးမှော်စက်ကလည်း ၎င်းတို့ထံမှ ဆင်းသက်လာခြင်းဖြစ်သည်။ ထို့ကြောင့် ဤပြပွဲအပြီးတွင် လူတိုင်း၏ မျက်လုံးတွေက Frestech ကုန်သည်ကြီးများအသင်းထံကို ပြန်ရောက်သွားကြပါ၏။

သာမန်ဖြစ်ရိုးဖြစ်စဉ်အရ Frestech ကုန်သည်ကြီးများအသင်းထံမှ ပြန်လည်ခုခံရန် ကြေညာချက်ထုတ်သင့်သည်။

သို့ပေမယ့် အဖြစ်မှန်တွေက သက်သေပြခဲ့၏…… Frestech ကုန်သည်ကြီးများအသင်းက လုံးဝမတုံ့ပြန်ခဲ့ပါချေ။

Frestech ကုန်သည်ကြီးများအသင်းမှ ကိုယ်တိုင်ထုတ်ဝေခဲ့သော Frestech မှော်စက်အပတ်စဉ်၌ဖြစ်စေ၊ သို့မဟုတ် Frestech ကုန်သည်ကြီးများအသင်းနှင့် အရင်းနှီးဆုံးဖြစ်သော လမ်ပူရီတိုင်းပြည်၏ လမ်ပူရီအပတ်စဉ်တို့တွင် စခ်တိုင်းပြည်၏ စစ်တပ်သုံးမှော်စက်သရုပ်ပြမှုနှင့် ပတ်သက်၍ Frestech ကုန်သည်ကြီးများအသင်း၏ မှတ်ချက်တစ်ခုမျှမရှိပါချေ။

အလားတူ အခြားသတင်းစာများတွင်လည်း Frestech ကုန်သည်ကြီးများအသင်းထံမှ တုံ့ပြန်မှုတစ်ခုမျှ မရှိပါပေ။

Frestech ကုန်သည်ကြီးများအသင်းက ၎င်းကို လုံးဝ ဂရုမစိုက်သလိုပါပင်။

Frestech ကုန်သည်ကြီးများအသင်း၏ ထူးဆန်းသောသဘောထားကို မရေမတွက်နိုင်သောလူများက သံသယဖြစ်ခဲ့ကြသည်။ Frestech ကုန်သည်ကြီးများအသင်းသည် မှတ်ချက်ပေးရန် ဆန္ဒမရှိဟု လူအချို့က ထင်ကြသလို၊ Frestech ကုန်သည်ကြီးများအသင်းသည် စခ်တိုင်းပြည်၏ ခြိမ်းခြောက်မှုကို ခံစားနေရသည်ဟု လူအချို့က ထင်နေကြသလို ၎င်းတို့၏မျက်နှာကိုပင် ပြရန် ဆန္ဒမရှိခြင်း သို့မဟုတ် မပြဝံ့ကြခြင်းဖြစ်သည်ဟုလည်း ထင်ကြသည်ပေ။

အချို့သောသတင်းစာများတွင် " Frestech ကုန်သည်ကြီးများအသင်း၏ လက်ဝါးကြီးအုပ်မှုကိုခြိမ်းခြောက်နေသည်၊ ထို့ကြောင့် ၎င်းတို့ကြောက်ရွံ့နေခြင်းဖြစ်သည်" ဟုဖော်ပြထားသောသတင်းများပင်ရှိခဲ့သည်။

သို့ပေမယ့် ထိုသတင်းစာတွေက ၎င်းတို့၏ အစီရင်ခံစာတွေကို မည်သို့ရေးခဲ့ပါစေ Frestech ကုန်သည်ကြီးများအသင်းက တုံ့ပြန်ခြင်းမရှိဘဲ အရာအားလုံးက ပုံမှန်အတိုင်းပါပင်။

မြောက်ပိုင်းမှ Frestech ကုန်သည်ကြီးများအသင်း၏ မားလိုအင်ပါယာ မန်နေဂျာဟိုဂန်အတွက်၊ သူသည် အနောက်တောင်ပိုင်းနိုင်ငံများကို ဂရုစိုက်ရန် အလွန်အလုပ်များနေသည်။ သူ့ထံ၌ လုပ်စရာများ မရေမတွက်နိုင်အောင်ရှိနေပြီး အနားယူချိန်မရအောင် လပေါင်းများစွာ အလုပ်များနေခဲ့၏။

Frestech ကုန်သည်ကြီးများအသင်း၏ ပထမဆုံးသင်္ဘောစုသည် စတက်တိန်းနယ်မြေသို့ ပြန်လာပြီးဖြစ်ရာ ဟိုဂန် အတွက် ယခုတာဝန်မှာ ရေခဲပြင်မပျော်ကျမီ မှော်စက်ထုတ်လုပ်ရေး အခြေစိုက်ဌာနအဆင်သင့်ဖြစ်ကြောင်း သေချာစေရန်ဖြစ်သည်။

သူ၏ ပြင်ဆင်ချိန်အတွင်း အပြင်းထန်ဆုံးပြဿနာမှာ လူမရှိခြင်းပင်ဖြစ်သည်။

လွန်ခဲ့သော တစ်လခွဲခန့်က ဟိုဂန်သည် ရုံးချုပ်ထံမှ စာတစ်စောင် လက်ခံရရှိပြီး ဥက္ကဌက ဤကိစ္စကို ကိုယ်တိုင်ကိုယ်ကျ ပြန်ကြားခဲ့ခြင်းဖြစ်သည်။ သူ့အနေနှင့် ဘာရွန် ဖရန်ကလင်၏ အဆိုပြုချက်ကို လက်ခံနိုင်ပြီး ၎င်းတို့၏ အလုပ်သမားများအဖြစ် မားလိုအင်ပါယာ၏ မြောက်ဘက်ရှိ အခြားလူမျိုး အလုပ်သမားများကို ခေါ်ယူနိုင်ကြောင်း ဖော်ပြထားသည်။

ဟိုဂန်ကို ပေးသည့်စာနှင့်အတူ ဥက္ကဌမှ ပေးပို့လာသော သားရဲလူမျိုးငါးဦးလည်းရှိသည်။

အခြားလူမျိုးများနှင့် ညှိနှိုင်းရာတွင် တစ်ဖက်နှင့်တစ်ဖက် တူညီသောလူမျိုးရှိခြင်းမှာ ပိုမိုလွယ်ကူစေမည်ဖြစ်သည်။

ဥက္ကဌ၏ ကိုယ်ပိုင်ပေးစာနှင့် သားရဲလူမျိုးငါးဦးကို လက်ခံရရှိပြီးနောက်၊ ဟိုဂန်သည် မြောက်ပိုင်း မားလိုအင်ပါယာရှိ အကြီးဆုံးသားရဲလူမျိုးနွယ်စုဖြစ်သည့် ဝံပုလွေသားရဲလူမျိုးနွယ်သို့ မသွားရောက်မီ တစ်လခွဲကြာ ပြင်ဆင်ခဲ့ရသည်။

***

မှော်စက်မှုအင်ပါယာ

Vol 6, အခန်း ၁၁၆။ စီးပွားရေးမလုပ်ချင်ပါ

အမျိုးမျိုးသော အကြောင်းအရင်းများကြောင့် လူသားများမှာ နယ်မြေကြီးရှိ အခြားမျိုးနွယ်စုတို့၏ အရေအတွက် အတိအကျကို မသိရပါပေ။

သို့သော် အနှီအခြားမျိုးနွယ်စုများအကြား ၎င်းတို့သတိပြုမိသည်မှာ လူဦးရေအများဆုံးက သားရဲလူမျိုးများဖြစ်သည်ပင်။

သားရဲလူမျိုးများအကြား လူဦးရေအများဆုံးအစုမှာ ဝံပုလွေလူသားများဖြစ်၏။

Frestech ကုန်သည်ကြီးများအသင်းက ဆန်နက်မြေရိုင်းရှိ သားရဲလူများကို ဆက်သွယ်ခဲ့စဉ်က ၎င်းကို အတည်ပြုထားသည်။

ဆန်နက်မြေရိုင်းတွင် သားရဲမျိုးနွယ်စုကြီး နှစ်ရာကျော်ရှိသည်။ ၎င်းတို့တွင် လူသုံးသောင်းကျော်ရှိသည့် ဝံပုလွေမျိုးနွယ် နှစ်ဆယ်ရှိပြီး ဆန်နက်မြေရိုင်း စုစုပေါင်းလူဦးရေ၏ 30% နီးပါးရှိသည်။

မားလိုအင်ပါယာ၏ မြောက်ဘက်တွင် နေထိုင်သော သားရဲလူမျိုးများကြားတွင် ဝံပုလွေလူမျိုးများသည် လူဦးရေ၏ 40% နီးပါးကို သိမ်းပိုက်ထားသည်။ ၎င်းတို့ထဲတွင် လူဦးရေ ငါးသောင်းကျော်ရှိသည့် အကြီးမားဆုံး ဝံပုလွေလူမျိုးနွယ်စုလည်း ပါဝင်ပါ၏။

ဤမျှများပြားသည့် ဝံပုလွေလူမျိုးများ၏ ပြင်းထန်သော တိုက်ပွဲတွင် စွမ်းအားများ တိုးလာခြင်းကြောင့် ဝံပုလွေမျိုးနွယ်စုသည် မြောက်ပိုင်း မားလိုအင်ပါယာတွင် လျစ်လျူရှု၍ မရနိုင်သော စွမ်းအားတစ်ခုဖြစ်သည်။

ဘာရွန် ဖရန်ကလင်မှ ဟိုဂန်ကို ပေးခဲ့သည့် လျှို့ဝှက်အချက်အလက်အချို့အရ မြောက်ဘက်အား မားလိုအင်ပါယာမှ နာမည်အရ ပိုင်ဆိုင်သော်လည်း တကယ်တမ်းတွင် မားလိုအင်ပါယာက ထိုနေရာကို သိပ်ပြီး ချုပ်ကိုင်ထားမှု မရှိပါချေ။

ရိုးရိုးရှင်းရှင်းပြောရလျှင် ဤနေရာသည် ဆန်နက်မြေရိုင်းနှင့်တူသည်၊ ဤနေရာတွင် သားရဲလူမျိုးများသည် အရှင်သခင်များဖြစ်သည်။

ဟုတ်ပါ၏၊ ဤအတွက် အကြောင်းရင်းမှာ မားလိုအင်ပါယာ၏ မြောက်ပိုင်းဟာ ဆန်နက်မြေရိုင်းနှင့်ဆင်တူပြီး ညံ့ဖျင်းသည့် ပတ်ဝန်းကျင်ရှိသော မြေဖြစ်ပါ၏။ လမ်ပူရီတိုင်းပြည်သည် သားရဲလူမျိုးများကို မောင်းထုတ်ရန် ထိုမျှလောက်သော လူအင်အားနှင့် အရင်းအမြစ်များကို အသုံးမပြုလိုရာ ဆန်နက်မြေရိုင်းအတွက်ဖြစ်သည်ဆိုလျှင် ပြောရန်လိုပင်မလိုပါချေ။

အလားတူပင်၊ မားလိုအင်ပါယာသည် ဤအသုံးမကျသော နယ်မြေများကို ပြန်လည်ရယူရန် ထိုမျှလောက်သော လူအင်အားနှင့် အရင်းအမြစ်များကို ရင်းနှီးမြှုပ်နှံရန် ဆန္ဒမရှိပေ။

သို့ပေမယ့် ယခု Frestech ကုန်သည်ကြီးများအသင်းက ဤနေရာကို လိုချင်နေ၏။ ၎င်းတို့သည် နယ်မြေကြီး မြောက်ပိုင်းအတွက် ဤနေရာ၌ ကြီးမားသော မှော်စက်ထုတ်လုပ်ရေးအခြေစိုက်ဌာနနှင့် ကုန်စည်သယ်ယူပို့ဆောင်ရေးစင်တာတစ်ခု တည်ဆောက်ရန် စီစဉ်နေသောကြောင့် ဤနေရာတွင် သားရဲလူမျိုးများကို ထိန်းချုပ်ထားခဲ့ရသည်။

ဟိုဂန်သည် ဝံပုလွေမျိုးနွယ်စုထံမှ မီတာငါးရာခန့်အကွာတွင် ဝံပုလွေလူမျိုးများအား ပိတ်ဆို့တားဆီးရန် ကြီးမားသော ယာဉ်တန်းကြီးကို ဦးဆောင်လာခဲ့သည်။

"လူသား၊ မင်းတို့ဒီကိုဘာလုပ်တာလဲ။" ဝံပုလွေလူသားသည် နယ်မြေကြီး၏အသုံးအများဆုံးလူသားဘာသာစကားဖြင့် ပြောလာခဲ့သည်။

ဟိုဂန်သည် ထိုဝံပုလွေလူသားကို ကြည့်လိုက်သောအခါတွင် ပတ်ဝန်းကျင်ရှိ ဝံပုလွေလူမျိုးများနှင့် နှိုင်းယှဥ်ကြည့်သော် ဤသူသည် အလွန်သပ်ရပ်သောအဝတ်အစားများဝတ်ထားသည်ကို တွေ့ရှိခဲ့သည်။ သူ့ရင်ဘတ်နှင့် လည်ပင်းကဲ့သို့သော အဓိကနေရာများတွင် တောက်ပြောင်နေသည့် ချပ်ဝတ်တန်ဆာများစွာကိုပင် ဝတ်ဆင်ထားရသည်။

အဝတ်အစားတောင် အပြည့်အစုံမရှိသော အခြားဝံပုလွေလူမျိုးများနှင့် နှိုင်းယှဉ်ပါက ၎င်း၏ နေထိုင်မှု အခြေအနေမှာ သိသိသာသာ ကောင်းမွန်နေပါ၏။

၎င်းသည် လူကို သွက်လက်စွာပြောတတ်သည့်အချက်ကို ထပ်လောင်းပြောကြားရာတွင် ဤသူ၏ ရာထူးသည် ဝံပုလွေလူမျိုးများကြားတွင် အလွန်မြင့်မားလောက်သည်။

"မင်္ဂလာပါ ကျုပ်က တောင်ပိုင်းက ကုန်သည်ပါ။ ကျုပ်က ခင်ဗျားတို့နဲ့ စီးပွားရေးလုပ်ဖို့ ဒီတခေါက် ဒီကို လာခဲ့တာပဲ။" ဟိုဂန်က ခပ်ဖျော့ဖျော့ ပြုံးပြသည်။

"စီးပွားရေး?" ဝံပုလွေလူသားက ဟိုဂန်ကို ကြည့်လိုက်ပြီးသော် သူ့နောက်က ယာဉ်တန်းကြီးကို သံသယစိတ်အနည်းငယ်ဖြင့် ကြည့်လိုက်သည်။

ဟိုဂန်၏ နောက်မှလိုက်လာသော အရာများသည် ရိုးရာလူသားသုံး မြင်းလှည်းများမဟုတ်ဘဲ၊ ၎င်းတို့ ယခင်ကမမြင်ဖူးသော သယ်ယူပို့ဆောင်ရေး မှော်ကားကြီးများကို ထူးဆန်းစွာတွေ့ရသည်။

ဤကဲ့သို့ ထူးဆန်းသော လူသားကုန်သည်ကို သူ ပထမဆုံးအကြိမ် တွေ့ဖူးခြင်းပင်။

“ဟုတ်ပြီ။” ဟိုဂန်က ခေါင်းညိတ်ပြလိုက်သည်။ သူ့လက်ကို မြှောက်လိုက်သော် Frestech ကုန်သည်ကြီးများအသင်း၏ လက်အောက်ခံ ခြောက်ဦးသည် သေတ္တာသုံးလုံးဖြင့် ရောက်လာပြီး ဝံပုလွေလူမျိုးများအတွက် ဖွင့်ပေးလာသည်။

သေတ္တာသုံးလုံးတွင် Frestech ကုန်သည်ကြီးများအသင်း၏ မှော်စက်များ မပါရှိချေ။ တစ်ခုမှာ ထမင်းဖြူအပြည့်ပါရှိပြီး၊ တစ်မျိုးက ချည်သားအင်္ကျီ ထူထူနှင့် ပြည့်နေကာ နောက်ဆုံးတစ်မျိုးမှာ အိုး၊ ရေ၊ ဆေး၊ ပန်းကန်နှင့် အခြား အသက်မွေးဝမ်းကြောင်း ပစ္စည်းများနှင့် ပြည့်နေသည်။

“ကြည့်,ကြည့်ပါ၊ ဒီတစ်ခါမှာ ခင်ဗျားတို့ လိုအပ်မယ့် အစားအစာ၊ အဝတ်အစားနဲ့ တခြားသံထည်ပစ္စည်းတွေ အမြောက်အမြား ယူလာပေးတယ်။ အရမ်းစိတ်ဝင်စားလောက်မယ်ထင်တယ် ဟုတ်တယ်မို့လား" ဟိုဂန်က ၎င်းကိုမေးရင်း တောက်ပသည့်မျက်လုံးတွေဖြင့် ဝံပုလွေလူမျိုးတွေကို ကြည့်လိုက်၏။

ဤဝံပုလွေလူမျိုးများသည် သေတ္တာအတွင်းရှိ အရာများကို အချိန်အတော်ကြာ စိုက်ကြည့်နေပြီး ထိပ်တန်းဝံပုလွေလူသားပင်လျှင် သူ့နှုတ်ခမ်းများကို လျှာဖြင့် လျက်လိုက်ကာ လှုပ်လှုပ်ရှားရှားဖြစ်သွားသည်ကို မြင်နိုင်သည်။

ခဏအကြာတွင် ဝံပုလွေလူမျိုးသည် ရုတ်တရက် မျှော်ကြည့်ကာ ဟိုဂန်ကို ပြင်းပြင်းထန်ထန် အကြည့်တစ်ချက် ထုတ်ဖော်လိုက်ပြီး “လူသား! လူလိမ်ပဲ!”

ဟိုဂန်သည် မျက်မှောင်ကုပ်လိုက်ကာ၊ "ကျုပ် ခင်ဗျားတို့နဲ့ စီးပွားရေးလုပ်ဖို့ပဲလာခဲ့တာ......"

"လူလိမ်!" ဝံပုလွေလူသားသည် ဟိုဂန်၏ စကားကို ကျယ်လောင်စွာ ဟန့်တားလိုက်ပြီး ဟိုဂန်ကို ပြတ်ပြတ်သားသား ခြိမ်းချောက်နေသည့်ဟန်ဖြင့် သူ့လက်ထဲတွင် သံလှံတံကို ကိုင်ထားရင်း ဟိုဂန်ကို ထိုးတော့မည့်ဟန်ပြနေသည်။

ဟိုဂန်က ကူကယ်ရာမဲ့စွာ ခေါင်းခါလိုက်ပြီး "ကောင်းပြီ၊ ခင်ဗျားသဘောမကျတဲ့အတွက် တခြားမျိုးနွယ်စုတွေကိုပဲ ရှာလိုက်တော့မယ်။"

ဟိုဂန်သည် ဤစကားကိုပြောပြီးနောက် လက်ကိုဝှေ့ယမ်းလိုက်ရာ လူအုပ်ကြီးသည် လမ်းကြောင်းလွဲ၍ ဝံပုလွေမျိုးနွယ်စု သိမ်းပိုက်ထားသော နယ်မြေကိုဖြတ်ကာ အဝေးက နယ်မြေသို့ ဦးတည်သွားခဲ့သည်။

"သခင် ဘာရွန်၊ ခင်ဗျားတို့ မားလိုအင်ပါယာမှာ သားရဲလူမျိုးတွေနဲ့ အောင်မြင်စွာ ရောင်းဝယ်ဖောက်ကားနေတဲ့ လူသားကုန်သည်တွေရဲ့ မှတ်တမ်းတွေများ ရှိလား။ ဟိုဂန်သည် အဝေးမှ ဝံပုလွေ မျိုးနွယ်ကို လှည့်ကြည့်ကာ အနီးရှိ ဘာရွန် ဖရန်ကလင်ကို ဤသို့မေးလိုက်သည်။

“ရှိတယ်၊ ဒါပေမယ့် အရမ်းနည်းတယ်။ အဲဒါနဲ့ ယှဉ်ရင် သားရဲလူမျိုးတွေ လုယက်တဲ့ မှတ်တမ်းတွေက ပိုများတယ်။” ဘာရွန် ဖရန်ကလင်က ဟိုဂန်ကို ပိုလေးနက်သည့် အဓိပ္ပါယ်ရှိသော အပြုံးဖြင့် ကြည့်လာသည်။

ဟိုဂန်က ခပ်ဖျော့ဖျော့ပြုံးကာ သူ့ရင်ဘတ်မှ မှော်ဆက်သွယ်ရေးကိရိယာကို ထုတ်ယူလိုက်သည်။

"ကပ္ပတိန် အော်စတင်၊ လက်ရှိအခြေအနေက ဘယ်လိုလဲ။"

“အခုလောလောဆယ်တော့ လှုပ်ရှားမှုမရှိသေးပေမယ့် ကျနော်တို့က စောင့်ကြည့်နေပါတယ်။ တခြားလမ်းကြောင်းတွေကို သတိထားပါဦး။”

“ကောင်းပြီ။”

ဟိုဂန်က မှော်ဆက်သွယ်ရေးကိရိယာကို ဖယ်ထုတ်လိုက်သည်ကို မြင်လိုက်ရသဖြင့် ဘာရွန် ဖရန်ကလင် က မနေနိုင်တော့ပေ။

ကောင်းကင်ရှိ တိမ်မည်းတွေကို မြင်လိုက်ရသော် ဘာရွန် ဖရန်ကလင် မှာ ထူးဆန်းစွာ ပြုံးလိုက်သည်။

Frestech ကုန်သည်ကြီးများအသင်းက ချမ်းသာတယ် ဒါမှမဟုတ် အရင်းအမြစ်တွေ ကြွယ်ဝတယ်လို့ပဲ ပြောသင့်လား?

ဤခရီးသည် သေးငယ်သော်လည်း ၎င်းတို့သည် မှော်လေသင်္ဘောကို လွှတ်လိုက်ကြသည်။ ၎င်းက အခြားသူများကို အသက်ဆက်ရန် ခက်ခဲစေသည် ။

အကြီးစားသယ်ယူပို့ဆောင်ရေး မှော်ကား၏ အရှိန်အဟုန်ဖြင့်၊ ည မတိုင်မီ ကီလိုမီတာများစွာ အကွာရှိ စိမ့်မြေလွင်ပြင်သို့ ရောက်ရှိရန် လုံလောက်သည်။

သို့သော် ဟိုဂန်သည် ၎င်းတို့၏အရှိန်ကို ထိန်းချုပ်ထားသည်။ ကောင်းကင်ကြီး မှောင်လာသောအခါတွင် ၎င်းတို့သည် ဝံပုလွေမျိုးနွယ်စုမှ ကီလိုမီတာ ငါးဆယ်အောက် ဝေးကွာသော လူဆိတ်ညံရာအရပ်တွင် ရှိနေကြသည်။

ယခုအချိန်သည် နွေဦးရာသီဖြစ်သော်လည်း မြောက်ပိုင်း စိမ့်မြေလွင်ပြင်၏ ညများသည် အေးနေဆဲဖြစ်သည်။ အမိုးအကာမရှိသည့် နေရာ၌ အိပ်ရင် အတော်ဆိုးလိမ့်မည်။

သို့သော် ဟိုဂန်သည် ခရီးမထွက်မီတွင် အရာအားလုံးကို ပြင်ဆင်ခဲ့သည်။

စခန်းတည်ဆောက်ပြီးနောက် Frestech ကုန်သည်ကြီးများအသင်းမှ အလုပ်သမားများသည် ကြီးမားသော သယ်ယူပို့ဆောင်ရေး မှော်ကားများထံ မှ သတ္တုဘောင်ကြီးများကို ထုတ်ယူကာ သတ္တုဖြင့်ပြုလုပ်ထားသော တစ်ထပ်အိမ်တစ်လုံးကို အမြန်ဖန်တီးခဲ့သည်။

ထို့နောက် ၎င်းတို့သည် သားရေထူထူများကို ဖုံးအုပ်၍ မြေပြင်ကို သိုးမွှေးစောင်များဖြင့် မွမ်းမံကာ အတွင်းတွင် မှော်လေပေးစက်အများအပြား တပ်ဆင်ခဲ့ကြသည်။ မှော်လေပေးစက်ကိုဖွင့်လိုက်သောအခါတွင် လေနွေးနွေးများထွက်လာပြီး အခန်းတစ်ခုလုံး ပူနွေးလာကာ လေအေးများဖုံးလွှမ်းနေသော စိမ့်မြေလွင်ပြင်နှင့် လုံးဝခြားနားသောကမ္ဘာတစ်ခုဖြစ်လာသည်။

အခန်းထဲတွင် သတ္တုခေါက်စားပွဲ အများအပြားထည့်ထားပြီး စားပွဲတစ်ခုစီမှာ မှော်မီးဖိုတစ်ခုပါရှိသည်။ မီးဖိုတစ်ခုစီတွင် အိုးကြီးတစ်လုံးရှိပြီး လတ်ဆတ်သော အသားများကို ချက်ပြုတ်နေသည်။ အသား၏ရနံ့သည် အခန်းတွင်းသို့ ပျံ့နှံ့လာပြီး ၎င်းတို့ကို ပို၍ သက်တောင့်သက်သာဖြစ်စေသည်။

ဘာရွန် ဖရန်ကလင် သည် အသက်ပြင်းပြင်းရှူ၍ ဖြည်းညှင်းစွာ ရှူထုတ်လိုက်သည်။ ဤခရီးမှ ပင်ပန်းနွမ်းနယ်မှုမှာ ချက်ခြင်း ပျောက်ကွယ်သွားသလို ခံစားလိုက်ရပြီး ကျေနပ်စွာ သက်ပြင်းကို မချဘဲ မနေနိုင်လိုက်ပေ။

"မန်နေဂျာ ဟိုဂန်၊ ကျုပ်တို့ ဒီမှာ စခန်းချမယ်လို့ မင်းပြောတုန်းက ကျုပ် တကယ်ကို ကြောက်သွားတယ်။ ညက ဘယ်လောက်အေးတယ်ဆိုတာ တွေးကြည့်လို့ မရဘူး၊ မင်းတို့တောင်ပိုင်းက လာကတည်းက ဒီစိတ်ကူးက ဘယ်လောက်တောင် ရူးသွပ်နေလဲဆိုတာ နားမလည်ဘူးထင်ခဲ့တာ။ ဒါပေမယ့် အခုတော့ ကျုပ်အထင်မှားနေပုံရတယ်......"

"ဘာလို့လဲ?" ဟိုဂန်က ပြုံးပြုံးလေး မေးသည်။

ဘာရွန်ဖရန်ကလင်က ကျေနပ်စွာ ခေါင်းညိတ်ပြပြီး လှည့်ကြည့်လာသည်။

“ဒါက အံ့ဖွယ်ပဲလေ။ စိမ့်မြေလွင်ပြင်မှာ နွေးထွေးတဲ့ နေအိမ်နဲ့ နေထိုင်ရခြင်းက တကယ်ကို ကျုပ် တွေးနိုင်တဲ့ အရာ မဟုတ်ဘူး။ ဒီမှာ အရသာရှိတဲ့ ညစာ စားရတာကို မပြောနဲ့ဦး။ ဒါက ပျော်ပွဲစားထွက်ရတာနဲ့တူပြီး ခက်ခဲကြမ်းတမ်းတဲ့ ခရီးနဲ့ လုံးဝမတူနေဘူး”

"သခင်ဘာရွန်၊ ဒါကကျွန်တော်တို့ ကုမ္ပဏီကလက်ရှိအရောင်းမြှင့်တင်နေတဲ့ သက်တောင့်သက်သာခရီးသွားအစားအစာပါ။ အပြင်ထွက်ကစားရတာကြိုက်တဲ့ မျိုးရိုးမြင့်တွေအတွက် လုပ်ထားတာလေ။ ကြည့်ပါဦး၊ ဒီsetနဲ့ဆို အိမ်မှာရှိနေသလိုမျိုး သက်သောင့်သက်သာဖြင့် နေထိုင်နိုင်ပြီး ခရီးရောက်တဲ့ အခက်အခဲတွေအတွက် စိတ်ပူစရာမလိုပါဘူး။ အစားအသောက် စားပြီးတာနဲ့ ဘေးနားက ပြင်ဆင်ထားတဲ့ အထူးရေချိုးခန်းထဲမှာ ရေနွေးနဲ့ ရေချိုးပြီး တစ်နေ့တာ နာကျင်မှုတွေကို သက်သာစေနိုင်တယ်။” ဟိုဂန်က ပြုံးပြုံးလေးပြောသည် ။

"ဟုတ်လား? ဒါက လူတစ်ယောက်ရဲ့ စိတ်နဲ့ ခန္ဓာကိုယ်ကို တကယ်ကို သက်တောင့်သက်သာ ဖြစ်စေပါတယ်။”

ဘာရွန် ဖရန်ကလင် က ရယ်မောလိုက်သည်။ သူ့ဘေးနားရှိ မှော်ရေခဲသေတ္တာထံမှ အအေးခံထားသော ဝိုင်တစ်ပုလင်းကို ယူလိုက်ပြီး တစ်ငုံသောက်ပြီးနောက် ကျေနပ်စွာ သက်ပြင်းကို မချဘဲ မနေနိုင်တော့ပေ။

အပြင်မှာ အရမ်းအေးသော်လည်း နွေးထွေးသည့် အခန်းထဲ၌ ပုန်းအောင်း၍ အေးခဲထားသည့် ဝိုင်တွေကို ဤရာသီဥတုမှာ အရသာခံနိုင်သည်။ ၎င်းက တကယ့်ကို ကျေနပ်စရာပင်။

ဟုတ်ပါ၏၊ Frestech ကုန်သည်ကြီးများအသင်း၏ ယာဉ်‌တန်းက ဤသက်တောင့်သက်သာ ခရီးသွားစနစ်ကို ရောင်းချဖို့ ဤနေရာကိုလာခဲ့တာ မဟုတ်ပါချေ။

ညစာစားပြီးနောက် ဘာရွန် ဖရန်ကလင် သည် သူ့အခန်းသို့သွားကာ အနားယူနေပြီး ဟိုဂန်က စိတ်ရှည်စွာစောင့်ဆိုင်းနေသဖြင့် အခန်းအပြင်ဘက်သို့ လှမ်းကြည့်လိုက်သည်။

ညသည် တဖြည်းဖြည်း မှောင်လာပြီး စခန်း တိတ်ဆိတ်သွားသောအခါ စိမ့်မြေလွင်ပြင်တွင် သေမင်းတမန်ပမာ တိတ်ဆိတ်သွားသည် ။ ဤကမ္ဘာကြီးတွင် တိတ်ဆိတ်ငြိမ်သက်ခြင်းမျှသာ ရှိသကဲ့သို့ပင်။

ဟိုဂန်၏ ရည်ရွယ်ချက် အရိပ်အယောင်ကို ခံစားလိုက်ရသောအခါတွင် သူ့ရင်ထဲမှ တုန်လှုပ်သွား၏။

ဟိုဂန်သည် အထဲသို့ဝင်၍ တုန်ခါနေသော မှော်ဆက်သွယ်ရေးကိရိယာကို ထုတ်ယူလိုက်သည်။

"ကပ္ပတိန် အော်စတင်၊ တစ်ခုခုဖြစ်သွားလို့လား"

“ဟုတ်တယ်၊ အဲဒီဝံပုလွေလူမျိုးတွေက သူတို့ရဲ့ မျိုးနွယ်စုကို စွန့်ခွာပြီး မင်းတို့ရဲ့ ဦးတည်ရာကို ဦးတည်နေတယ်”

“ကောင်းပြီ၊ ကျုပ်တို့ အဆင်သင့်ဖြစ်နေပြီမို့ လာခွင့်ပေးလိုက်ပါ။ ကပ္ပတိန် အော်စတင်၊ သူတို့ကို ဆက်စောင့်ကြည့်ပြီး ထူးထူးခြားခြား တစ်ခုခုဖြစ်ရင် ကျေးဇူးပြုပြီး ကျွန်တော့်ကို ချက်ချင်းဆက်သွယ်ပါ။”

"ပြဿနာမရှိပါဘူး။"

ဖုန်းချပြီးနောက် ဟိုဂန်သည် တံခါးအပြင်သို့ ထွက်လာခဲ့သည်။

အပြင်ဘက်တွင် အေးမြသောလေနုအေးသည် ဟိုဂန်၏ စိတ်ကို ပို၍ တည်ငြိမ်စေသည်။

"မန်နေဂျာ၊ အချိန်ရှိလား" Frestech ကုန်သည်ကြီးများအသင်း အစောင့်များ၏ ယူနီဖောင်းကို ဝတ်ဆင်ထားသည့် လူသားအစောင့်တစ်ဦး ရောက်လာခြင်းဖြစ်သည်။

ဟိုဂန်က သူ့လက်ကို ဝှေ့ယမ်းပြီး "အမိန့်ချလိုက်တော့၊ တိုက်ပွဲအတွက် ပြင်ဆင်ထားကြလို့"

***

မှော်စက်မှုအင်ပါယာ

Vol 6, အခန်း ၁၁၇။ ချော့တစ်ခါ ခြောက်တလှည့်စေခိုင်းခြင်း

"ရှူး"

အနီရောင်အလင်းတစ်ဖြတ်နှင့်အတူ အပြာရောင်အလင်းဖြင့် သိမ်းထုပ်ထားသော မီးလုံးတစ်လုံးက ကောင်းကင်ကို ဖြတ်ပျံသွားပြီး စခန်းရှေ့ တစ်ကီလိုမီတာအကွာရှိ ကွင်းပြင်ထံ ကျရောက်သွားသည်။

"ဟုန်း!"

မီးလုံးကျရောက်သွားချိန်တွင် ၎င်းက ပေါက်ကွဲသံကျယ်ကြီးတစ်ခုထွက်လာကာ ကောင်းကင်ကို စူးရှသော အလင်းများဖြင့် ပြည့်သွားစေ၏။

၎င်း အလင်းရောင်နှင့် ပေါက်ကွဲသံ ထွက်လာပြီးနောက် စူးစူးဝါးဝါးအူသံများထွက်လာ၏။

သေချာကြည့်လိုက်ပါလျှင် အဝေးရှိ မီးတောက်များထဲ၌ ပျံလွှားနေကြသည့် ပုံရိပ်များ မရေတွက်နိုင်အောင်ရှိနေကာ ပေါက်ကွဲမှုကြောင့် လူခွဲခံရသည်ကို တွေ့ရပေမည်။

"ဒီ ဝံပုလွေလူသားတွေက ဒီလိုလူအုပ်ပုံစံလာတာမို့ ကျွန်တော့်ကို အားစိုက်ထုတ်မှုအတော်လေး သက်သာသွားစေတာပဲ။" ဟိုဂန်မှာ လက်ထဲရှိ အဝေးကြည့်မှန်ပြောင်းကို ချ၍ စိတ်ကျေနပ်စွာ ခေါင်းငြိမ့်လိုက်သည်။

ဘေးရှိ ဘာရွန်ဖရန်ကလင်က မှော်အကာအရံကြောင့် တောက်ပနေသည့် မြေပြင်ကို ကြည့်လိုက်ပြီးနောက် စစ်ဘက်သုံးမှော်စက်များကို လည်ပတ်နေကြသည့် Frestech ကုန်သည်ကြီးများအသင်း အစောင့်များကို မည်သည်မှမဆိုဘဲ ကြည့်လိုက်၏။

အရာအားလုံးအား ၎င်းတို့ ထွက်မလာခင် ပြင်ဆင်ထားရာ ၎င်းတို့အနေနှင့် ဝံပုလွေမျိုးနွယ်စုက လာရောက်တိုက်ခိုက်မည်ကိုသိကြလေသည်။

ဤသည်မှာ သူ ဟိုဂန်ကို ပေးခဲ့သော သတိပေးချက်ကြောင့်ပင်။

အေးခဲသည့် မြောက်ပိုင်း‌စိမ့်မြေလွင်ပြင်၌ နေထိုင်ကြသော အနှီသားရဲလူမျိုးများ၏ လူသားကုန်သည်များအပေါ် ပထမဆုံးတုံ့ပြန်မှုမှာ ၎င်းတို့နှင့် ပူးပေါင်းရန် သို့မဟုတ် ကုန်သွယ်ဖို့ရန်မဟုတ်ဘဲ လုယက်ဖို့ဖြစ်သည်။

Frestech ကုန်သည်ကြီးများအသင်း ကုန်သည်တန်းထံ၌ ၎င်းတို့ လိုအပ်သည့် ကုန်စည်ပေါင်းများစွာ ရှိနေသည်ကို မြင်သော် ဘာရွန်ဖရန်ကလင်အနေနှင့် ၎င်းတို့မှာ ၎င်းတို့ရှေ့ ရောက်လာသော ဤအသားတုံးကို အလွတ်ပေးမည်မဟုတ်‌ကြောင်း သိခဲ့သည်။

ဝံပုလွေလူသားက ၎င်းတို့အား မောင်းထုတ်ခဲ့စဉ်က ၎င်းတို့ထံမှ လုယူရန် အခွင့်ကောင်းပေးခြင်းဖြစ်သည်။

ထို့ကြောင့် ဟိုဂန်မှာ ဘာရွန်ဖရန်ကလင်အား ဤတို့မှာ သားရဲလူမျိုးများအတွက် အနံ့မွှေးသော အသားတုံးကြီးဖြစ်နေကတည်းက အဘယ့်ကြောင့် ၎င်းတို့နှင့် စီးပွားရေးမလုပ်လိုဟန်ဆောင်ကြသနည်းဟု မေးခဲ့သည်။ ၎င်းတို့အား ၎င်းတို့၏ စခန်းများထဲသို့ ဖိတ်ခေါ်ပြီးနောက်မှ လုယူသည်က ပိုမလွယ်ပေဘူးလား?

ဘာရွန်ဖရန်ကလင်၏ အဖြေမှာ အင်မတန်ရိုးရှင်းပါ၏။

ပထမဆုံး သားရဲလူမျိုးများမှာ ထိုမျှ မထက်မြတ်ကြဟုပေ။

ဒုတိယမှာ ၎င်းတို့က ထက်မြတ်နေပါလျှင်တောင် ထိုမျှသတ္တိမရှိကြချေ။

မြောက်ပိုင်းစိမ့်မြေလွင်ပြင်ရှိ တိုက်ခိုက်ခံရသော လူသားကုန်သည်များအတွက် စကားလုံးရှိပါလျှင် မားလိုအင်ပါယာက ဂရုစိုက်လိုပါလျှင်တောင် စိမ့်မြေလွင်ပြင်ကို သားရဲလူမျိုးတို့ ထိန်းချုပ်ထားသောကြောင့် မည်သည်မှ လုပ်နိုင်မည်မဟုတ်ပေ။ အလုံအလောက်ထောက်ပံ့မှုမရှိဘဲ မားလိုအင်ပါယာအနေနှင့် ၎င်းကို ဖြေရှင်းရန် လူအင်အားအလုံအလောက်မရှ်ိချေ။

မားလိုအင်ပါယာ၏ အရာရှိများက လူသားကုန်သည်အားလုံးကို သားရဲလူမျိုးနယ်မြေသို့ ဝင်ရောက်ခြင်းက အန္တရာယ်နှင့် ညီမျှသောကြောင့် အလွယ်လေးမဝင်ကြရန် သတိပေးထားသေးသည်ကို မဆိုထားနှင့်။

ယခုတွင် ကုန်သည်များရောက်လာရာ မားလိုအင်ပါယာအရာရှိများက အထောက်အပံ့မလုံလောက်သဖြင့် ဂရုမစိုက်နေကြချေ။

သို့သော် ၎င်းတို့၏ မျိုးနွယ်စုအတွင်းသို့ ဖိတ်ကြားပြီးနောက်မှ တိုက်ခိုက်ပါလျှင် မားလိုအင်ပါယာအရာရှိများက ၎င်းကို လျစ်လျူရှုနိုင်မည်မဟုတ်ပေ။

လူသားကုန်သည်များအနေနှင့် သားရဲလူမျိုးနွယ်စုတစ်ခုသို့ ဝင်သွားပြီးနောက် တစ်စုံတရာဖြစ်ပွားခဲ့လျှင် ၎င်းတို့ထံ၌ မျိုးရိုးမြင့်ရှိပါလျှင်တောင် မည်သူကမှ ဘာလုပ်လုပ် မဖုံးကွယ်ထားနိုင်ပါချေ။

သားရဲလူမျိုးများက အရူးအနှမ်းများမဟုတ်ကြ‌။ ၎င်းတို့ ထိန်းချုပ်ထားသည့်နယ်မြေကြောင့် ၎င်းတို့မှာ မားလိုအင်ပါယာဘက်ကို ဒေါသဖြစ်စေပြီး ၎င်းတို့ထံ ဒုက္ခဖြစ်‌စေမည့် မည်သည့်အရာကိုမှ လုပ်မည်မဟုတ်ချေ။

ထို့ကြောင့် ယခုလိုပင် ညအချိန်၌ တိုက်ခိုက်ခြင်းက အကောင်းဆုံးရွေးချယ်မှုဖြစ်သည်။

သို့သော် ဝံပုလွေမျိုးနွယ်စု၏ ဝံပုလွေလူသားများမှာ ဤအကြိမ်တွင် သံမဏိအခင်းကို ကန်လိုက်ရပြီး ၎င်းတို့အတွက် အထူးပြင်ဆင်ထားသည့် ထောင်ချောက်‌ရှိနေမည်ဟု ထင်မထားကြပေ။

"မန်နေဂျာ ဟိုဂန်၊ ခင်ဗျားတို့ ကုမ္ပဏီကအင်ပါယာရဲ့ စစ်တပ်ကိုရောင်းချတဲ့ စစ်ဘက်သုံးမှော်စက်တွေက ဒီလောက် အားမကောင်းဘူးနော်...." ဘာရွန်ဖရန်ကလင်က ဝံပု‌လွေလူမျိုးများ သုတ်သင်ခံလိုက်ရသည်ကို ခဏမျှ ငေးကြောင်နေပြီးနောက် ရုတ်တရတ် မေးလာသည်။

ဟိုဂန်က အပြုံးဖြင့် ကြည့်၍ ဆို၏၊ "ဒါပေါ့ နောက်ဆုံးထုတ် စစ်ဘက်သုံးမှော်စက်တွေကို ကျွန်တော်တို့ ကုမ္ပဏီအစောင့်တွေအတွက် အရင်ဆုံးတပ်ဆင်ဖို့ သုံးတာမို့ ဒါကို သံသယဖြစ်နေစရာမလိုပါဘူး။"

"ဒါဆို ဒါတွေက လက်ရှိမှာ ခင်ဗျားတို့ Frestech ကုန်သည်ကြီးများအသင်းရဲ့ အဆင့်အမြင့်ဆုံးနဲ့ အားအကောင်းဆုံး စစ်ဘက်သုံးမှော်စက်တွေပေါ့?" ဘာရွန်ဖရန်ကလင်က မေးသည်။

ဤတစ်ကြိမ်၌မှု ဟိုဂန်က မည်သည့်စကားမှ မဆိုဘဲ ပြုံး၏။

သူ၏ မျက်နှာထက်ရှိ အပြုံးကိုမြင်သော် ဘာရွန်ဖရန်ကလင်မှာ ချက်ချင်းနားလည်လိုက်သည်။

သူမြင်နေရသည်မှာ သေချာပေါက် Frestech ကုန်သည်ကြီးများအသင်းထံရှိ အားအကောင်းဆုံး စစ်ဘက်သုံးမှော်စက်များမဟုတ်သော်လည်း ၎င်းတို့ကပင် သူ့အား အံ့အားသင့်စေဖို့ လုံလောက်သည်။

မားလိုအင်ပါယာ၏ မြောက်ပိုင်းအား သားရဲလူမျိုးများက အမြဲ ထိန်းချုပ်ထားရာ ဤအချက်မှာ မားလိုအင်ပါယာမှ လူများမကျေနပ်သည့်အရာဖြစ်နေခဲ့သည်။

ပြောရ‌လျှင် ဤသို့သော ကြီးမားသည့်အင်ပါယာ၌ ၎င်းတို့ မထိန်းချုပ်ထားသည့် မြေတစ်ကွက်ရှိနေခြင်းက ၎င်းတို့အား လက်ခံရခက်ခဲစေ၏။

သို့သော်လည်း ဤမြေထံ၌ မည်သည့် တန်ဖိုးမှ မရှိသည့်အပြင် မားလိုအင်ပါယာအနေနှင့် ဤမြေကို သားရဲလူမျိုးများထံမှ ပြန်မယူခဲ့‌သည့် အရေးပါသော အကြောင်းအရင်းမှာ ပြန်ယူရန် များစွာ ကုန်ကျမည်ဖြစ်သောကြောင့်ဖြစ်၏။

သားရဲလူမျိုးများမှာ သဘာဝအရ လူသားများထက်ပိုအားကောင်းကြပြီး မြောက်ပိုင်း ကျက်တီးမြေ၌ နေထိုင်ကြသည့်အချက်ကို ပေါင်းလိုက်သော် ပတ်ဝန်းကျင်ဆိုးကြောင့် ၎င်းတို့က ပြင်းထန်ကြသည်။

အေးခဲနေသောမြောက်ဘက်တွင် သားရဲလူမျိုးငါးသိန်းခန့်သာရှိသော်လည်း ထက်ဝက်ကျော်သည် အစွမ်းထက်သော သားရဲလူမျိုးသူရဲကောင်းများဖြစ်သည်။

စစ်တပ်၏ ခန့်မှန်းချက်များအရ၊ ဤသားရဲလူမျိုးများကို လုံးလုံးချေမှုန်းရန်အတွက်အင်ပါယာသည် အနည်းဆုံး စစ်သည်သုံးသိန်းကျော် စေလွှတ်ရမည်ဖြစ်သည်။

အင်ပါယာစစ်တပ်အတွက်၊ ၎င်းကို လက်ခံဖို့ခက်၏။

ကန်ဒရာအင်ပါယာကို တိုက်ခိုက်ကြသောအခါမှလွဲ၍ မားလိုအင်ပါယာသည် ဤမျှကြီးမားသော အင်အားဖြင့် တစ်ခါမျှ မလှုပ်ရှားဖူးပေ။

ထို့ကြောင့် အချက်အားလုံးကို သုံးသပ်ပြီးနောက်၊ မားလိုအင်ပါယာသည် ဤမြေကို သားရဲလူမျိုးများအား ထိန်းချုပ်ထားခိုင်းရန် ဆုံးဖြတ်ခဲ့သည်။

သို့သော် ယခုအခါ ဘာရွန် ဖရန်ကလင် သည် Frestech ကုန်သည်ကြီးများအသင်းမှ အစောင့်များက အဆိုပါ အစွမ်းထက်သော စစ်ဘက်သုံးမှော်စက်များကို အသုံးပြုသည်အား စောင့်ကြည့်နေခဲ့သည်။ ၎င်းတို့က ဝံပုလွေ မျိုးနွယ်စု၏ သားရဲလူမျိုးများကို အငွေ့ပျံရန် အစောင့် သုံးရာသာ အသုံးပြုခဲ့သည်။ ထို့ကြောင့် သူဟာ မနေနိုင်စွာ စိတ်ခံစားချက် ပြင်းထန်လာရ၏။

အင်ပါယာ၏စစ်တပ်တွင် ဤအစွမ်းထက်သော စစ်ဘက်သုံးမှော်စက်များရှိနေပါက၊ ၎င်းတို့သည် ဤသားရဲလူမျိုးများကို အလွယ်တကူနှင်ထုတ်ပြီး မြောက်ဘက်ကို ပြန်လည်သိမ်းပိုက်နိုင်မည်မဟုတ်ပေဘူးလား။

ဟုတ်ပါ၏၊ ဘာရွန် ဖရန်ကလင် ဟာ စစ်သားတစ်ယောက်မဟုတ်ခြင်းကြောင့် ထိုအတွေးကိုစဉ်းစားပြီးသည်နှင့် သူဟာ ၎င်းကို မျိုသိပ်ထားခဲ့သည်။

အချိန်အတော်ကြာ တိုက်ပွဲဆက်လက်ဖြစ်ပွားပြီးနောက်၊ ဟိုဂန်၏ဘယ်ဘက်လက်ရှိ မှော်ဆက်သွယ်ရေးကိရိယာသည် အနီရောင်တောက်တောက်ဖြင့် လင်းလက်လာခဲ့သည်။

ဟိုဂန်က ၎င်းကို အမြန် ကောက်ကိုင်လိုက်၏။

"ကပ္ပတိန် အော်စတင်၊ အခြေအနေ ဘယ်လိုလဲ"

“မန်နေဂျာ ဟိုဂန်၊ ဝံပုလွေလူသားတွေ ပြန်ဆုတ်နေပြီ။ လိုက်သွားဖို့ လိုသေးလား"

“မလိုပါဘူး၊ ကျုပ်တို့မှာ လူအလုံအလောက်မရှိလို့ မလိုက်ဘဲ အလွတ်ပေးလိုက်ပါ။ ကပ္ပတိန် အော်၊ ပင်ပန်းသွားပါပြီ။"

“အဆင်ပြေပါတယ်။”

ဖုန်းချပြီးနောက် ဟိုဂန်သည် ဘာရွန် ဖရန်ကလင် အား ပြုံးလျက် "ကောင်းပါပြီ သခင် ဘာရွန်၊ အခု ဘာမှ မကျန်တော့လို့ နောက်ဆုံးတော့ ကောင်းကောင်း အိပ်လို့ရပြီ" ဟုဆိုကာ အကျောပင်ဆန့်တန်းလိုက်သည်။

ဘာရွန် ဖရန်ကလင် သည် အဝေးရှိ မှောင်မိုက်သော စိမ့်မြေလွင်ပြင်ကို လှမ်းကြည့်လိုက်မိသည်။ ဝံပုလွေလူမျိုးများသည် ထိုမျှ အားကောင်းသည်ဟု သူထင်သော်လည်း ၎င်းတို့ ပြန်မဆုတ်မီ ဆယ်မိနစ်ခန့်ပင် မခံနိုင်သောကြောင့် ထိုတိုက်ခိုက်မှုသည် မည်မျှပြင်းထန်သည်ကို မြင်တွေ့နိုင်သည်။

ဝံပုလွေလူမျိုးတွေတောင် ဆုတ်ခွာဖို့ကလွဲပြီး ရွေးချယ်စရာမရှိခဲ့တာဆိုတော့၊အင်ပါယာရဲ့စစ်တပ်သာဖြစ်ရင် ဘယ်လိုလုပ်မလဲ?

….

နောက်တစ်နေ့နံနက်တွင် ယာဉ်တန်း ထွက်ခွာသွားသော်လည်း ၎င်းတို့သည် မြောက်ပိုင်း စိမ့်မြေလွင်ပြင်သို့ ပိုမိုနက်ရှိုင်းစွာ ဆက်သွားခြင်းမရှိပေ။ ၎င်းတို့သည် မတိုင်ခင်က ဝံပုလွေလူမျိုးစုရှိရာသို့ ပြန်လာခဲ့ကြသည်။

ဤတစ်ကြိမ်တွင် ယာဉ်တန်းသည် အပြင်ဘက်တွင် ရပ်မနေရဘဲ ဝံပုလွေမျိုးနွယ်စု၏ အကြီးအကဲနှင့် ချောမွေ့စွာတွေ့ဆုံကာ မျိုးနွယ်ထဲသို့ ဖိတ်ခေါ်ခံခဲ့ရသည်။

ရှုယီဆန်နက်မြေရိုင်းမှ စေလွှတ်လိုက်သည့် သားရဲလူမျိုးငါးကောင်နှင့် စကားပြောဆို၍ ဟိုဂန်၏ ရှင်းလင်းချက်ဖြင့် ဝံပုလွေ မျိုးနွယ်စုအကြီးအကဲသည် လူသားများအပေါ် နိုးကြားမှုကို လျှော့ချကာ ပူးပေါင်းဆောင်ရွက်ရန် သဘောတူခဲ့သည်။

အဆုံး၌ စာချုပ်ချုပ်ကြ၏။ ဝံပုလွေမျိုးနွယ်စုသည် စတာဆမ်မှော်စက်ထုတ်လုပ်ရေး အခြေစိုက်ဌာနတွင်အလုပ်လုပ်ရန် ဝံပုလွေလူငယ်တစ်ထောင်ကို ပထမဆုံးစေလွှတ်ပေးရမည်ဖြစ်ကာ Frestech ကုန်သည်ကြီးများအသင်းမှ ၎င်းတို့အား တစ်ဦးလျှင် ရွှေဒင်္ဂါးငါးပြားစီ ပေးဆောင်မည်ဖြစ်သည်။ ထို့အပြင် ဝံပုလွေမျိုးနွယ်စုထံသို့ လစဉ် ကုန်ပစ္စည်း အများအပြား ပေးပို့မည်ဖြစ်သည်။

တစ်ချိန်တည်းမှာပင်၊ ဝံပုလွေမျိုးနွယ်စုသည် Frestech ကုန်သည်ကြီးများအသင်းမှ အခြားသော မျိုးနွယ်စုများနှင့် အဆက်အသွယ်ပြုလုပ်ရန် ကူညီပေးပြီး ပူးပေါင်းဆောင်ရွက်မှုတစ်ခုရရှိအောင် ကူညီပေးရမည်ဖြစ်သည်။

ဝံပုလွေမျိုးနွယ်စုအတွက်၊ ၎င်းက အတွေ့အကြုံသစ်တစ်ခုဆိုသည်မှာ သံသယဖြစ်စရာပင်မလိုပါချေ။

အဘယ့်ကြောင့်ဆိုသော် ယခင်က လူသားကုန်သည်များဟာ ၎င်းတို့မျက်လုံးထဲတွင် လူလိမ်တွေထက် ဘာမှ မပိုပါချေ။

သို့သော် ယခုတစ်ကြိမ်တွင်၊ လူသားကုန်သည်များသည် ၎င်းတို့ရရှိရန် ကြိုးစားအားထုတ်ခဲ့သော အဖိုးတန်အရင်းအမြစ်များကို ဝယ်ယူရန်အတွက် အရည်အသွေးမြင့် ကုန်ပစ္စည်းများစွာကို အသုံးပြုရုံသာမက ၎င်းတို့ကို ထောက်ပံ့ပေးရန်အတွက်ပင် စတင်လုပ်ဆောင်ခဲ့ကြသည်။

ထို့အပြင် သူတို့လုပ်ပေးရမည်က လူငယ်အလုပ်သမားတချို့ကို ထောက်ပံ့ပေးရုံသာဖြစ်၏။

ဝံပုလွေလူမျိုးများ အံ့အားသင့်ဆုံးအရာမှာ ထိုလူသားကုန်သည်များသည် ၎င်းတို့အား လုပ်ခလစာ အမှန်တကယ်ပေးဆောင်နေခြင်းဖြစ်သည်။ ၎င်းဟာ တစ်လကို ရွှေဒင်္ဂါးငါးပြားပင်။

ယင်းကြောင့် ဝံပုလွေမျိုးနွယ်စု၏ ဝံပုလွေလူသားများသည် ယမန်နေ့ညက လူသားကုန်သည်များ၏ စစ်အင်အားကို တွေ့ပြီးနောက် အလွန်အံ့အားသင့်ခဲ့ကာ ခုခံရန် စိတ်ကူးမရှိတော့ပေ။

သာမာန်အခြေအနေအပေါ် အခြေခံ၍ ဤလူသားကုန်သည်များသည် ၎င်းတို့၏မျိုးနွယ်စုတစ်ခုလုံးကို တိုက်ခိုက်သိမ်းပိုက်ရန် လုံလောက်စွာ အားကောင်းသောကြောင့် ၎င်းတို့အား ကျွန်များအဖြစ်သို့ ပြောင်းလဲစေပြီး အခမဲ့အလုပ်လုပ်စေ၍ရနိုင်သည်။

ဤသည်မှာ နှစ်ထောင်ပေါင်းများစွာကတည်းက လူသားနှင့် သားရဲလူမျိုးများကြားက ဆက်ဆံရေးဖြစ်ပြီး ၎င်းသည် ဘယ်သောအခါမှ မပြောင်းလဲခဲ့ပေ။

ယခုမူကား၊ ဤလူသားကုန်သည်တို့သည် ၎င်းတို့ကို လစာပေးချင်ကြသည်။

၎င်းက အဓိပ္ပါယ်မဲ့လှ၏။

သို့သော် ဤဝံပုလွေလူမျိုးများသည် မယုံလျှင်ပင် ခုခံနိုင်စွမ်းမရှိပေ။ ထို့အပြင် ဆန်နက်မြေရိုင်းမှ သားရဲလူမျိုးငါးဦးတို့သည် Frestech ကုန်သည်ကြီးများအသင်းက အနောက်တောင်နိုင်ငံများတွင် သားရဲလူမျိုးများကို မည်သို့ဆက်ဆံခဲ့သည်အား ဆက်လက်ဆွေးနွေးခဲ့ကြသည်။ ၎င်းက Frestech ကုန်သည်ကြီးများအသင်း၏ ရိုးသားမှုကိုယုံကြည်စေသောကြောင့် ၎င်းတို့သည် နာခံမှုရှိရှိ စာချုပ်ကိုလက်မှတ်ရေးထိုးခဲ့သည်။

မြောက်ပိုင်း စိမ့်မြေလွင်ပြင်များတွင် အကြီးဆုံးသားရဲလူမျိုးနွယ်ဖြစ်သည့် ဝံပုလွေမျိုးနွယ်စုအကူအညီနှင့် ဟိုဂန်၏ လုပ်ဆောင်ချက်များသည် မြောက်ပိုင်း စိမ့်မြေလွင်ပြင်များတွင် အနှိုင်းမဲ့ချောမွေ့လာမည်ဖြစ်သည်။

သုံးလအတွင်း ဟိုဂန်သည် သားရဲလူမျိုးနွယ်စုနှစ်ဆယ့်သုံးစုနှင့် အလုပ်အကိုင်စာချုပ်များ ချုပ်ဆိုခဲ့ပြီး သားရဲလူမျိုး လုပ်သားတစ်သောင်းကို စုဆောင်းခဲ့သည်။

သို့ဖြစ်ရာ အခက်ခဲဆုံးသော လူအင်အားပြဿနာကို စတင်ဖြေရှင်းဖို့နိုင်နေပြီပင်။

ဤအချိန်သည် နွေဦးရာသီဖြစ်ပြီး တောင်ဘက်မှ မောင်းနှင်လာသော မရေမတွက်နိုင်သည့် အကြီးစား သယ်ယူပို့ဆောင်ရေး မှော်ကားများရှိနေ၏။

စတာဆမ် မှော်စက်ထုတ်လုပ်ရေးအခြေစိုက်ဌာနကို နောက်ဆုံးတွင် ပြင်ဆင်ထားခဲ့ပြီးဖြစ်ရာ ၎င်းကိုတည်ဆောက်ရန်အတွက် အပြည့်အဝလုပ်ဆောင်သွားရမည်ဖြစ်သည်။

***

မှော်စက်မှုအင်ပါယာ

Vol 6, အခန်း ၁၁၈။ ပင်လယ်လမ်းကြောင်းအားလိုက်ပါပို့ဆောင်ခြင်း

မြောက်ဘက် စတာဆမ်မြို့တော်ရှိ‌ မှော်ထုတ်လုပ်ရေးအခြေစိုက်ဌာန တည်ဆောက်‌နေစဉ်တွင် တောင်ပိုင်းကန်ဒရာအင်ပါယာရှိ ဆိပ်ကမ်းသုံးခုကလည်း ဒီတိုင်း မနေပါချေ။

Frestech ကုန်သည်ကြီးများအသင်းထံမှ အစောင့်သင်္ဘောငါးစင်း ဝယ်ယူပြီးနောက် ကန်ဒရာအင်ပါယာမှာ နောက်ဆုံးတွင် အစောင့်သင်္ဘောများနှင့် သင်္ဘောစုတစ်ခု တည်ထောင်ရန် လုံလောက်သွားပြီဖြစ်သည်။

လွန်ခဲ့သည့် နှစ်ဝက်အတွင်း လေ့ကျင်ရေးများစွာ ဆင်းပြီး‌သည့်နောက် ဤသင်္ဘောစုအသစ်ထံ၌ ရိုးရိုးသင်္ဘောများဖြင့် ဖွဲ့စည်းထားသော အခြားသင်္ဘောစုများကို များစွာကျော်လွန်နေသည့် စွမ်းအားရှိနေသည်။ ကန်ဒရာအင်ပါယာရေတပ်၌ အနာဂတ်တိုးတက်ရေးများအားလုံးအတွက် သဘောတူညီမှုရှိထားပြီး ၎င်းတို့မှာ အစောင့်သင်္ဘောများ၏ အသစ်လွင်ဆုံးမော်ဒယ်လ်များကို ဝယ်ယူကြမည်ဖြစ်၏။

ရန်သူများကို အနီးကပ်မတိုက်ခိုက်ခင် သင်္ဘောကြီးများ၊ မီးမြားများဖြင့် ပစ်ခတ်ကာ ဖိနှိပ်သည့် ရှေးရိုးပုံစံအစား ရန်သူကို အမြှောက်အသေးစားသုံး၍ မီးလုံးများဖြင့် ပစ်ခြင်းကို အစားထိုးလိုက်သည်။ ၎င်းအား ဤနည်းလမ်းဟောင်းကို များစွာ သာလွန်နေသည့် တိုက်ခိုက်ရေးနည်းလမ်းဖြင့် အစားထိုးလိုက်ခြင်းပင်။

ပင်လယ်ပြင်၌ ပြိုင်ဘက်ကင်းရန်မှာ ကန်ဒရာအင်ပါယာ၏ ရေတပ်အနေနှင့် အမြန်အဆန် ပြောင်းလဲဖို့လိုသည်။

သို့ရာတွင် ကန်ဒရာအင်ပါယာအား ဤပြောင်းလဲမှု လုပ်ခြင်းမှာ တားဆီးနေသည့် အရေးကြီးပြဿနာတစ်ခုရှိပါ၏။

အကြောင်းအရင်းမှာ အင်မတန်ရိုးရှင်း၍ တိုက်ရိုက်ကျသည်၊ ၎င်းမှာ ငွေပါပင်။

တစ်နှစ်ပြီးတစ်နှစ်ဖြတ်တောက်သည့် အသုံးစရိတ်နှင့် ရေတပ်၏ အသုံးစရိတ်မှာ ရန်သူ၏ အသုံးစရိတ်နှင့်ယှဉ်လျှင် ကြောက်မက်ဖွယ်ဖြစ်သည်။

၎င်းတို့ ယခင်က ဝယ်ယူခဲ့သည့် အစောင့်သင်္ဘောသုံးစင်းမှာ ရေတပ်၏ ဘဏ္ဍာရေးဌာနမှ အတင်းအကြပ်ထုတ်ထားသော ငွေဖြင့် ဝယ်ထားခြင်းဖြစ်သလို သင်္ဘောများ၏ တစ်စိတ်တစ်ပိုင်းကိုမူ အကြွေးဝယ်ယူထားခြင်းဖြစ်သည်။ ၎င်းတို့မှာ ထိုသင်္ဘောများအတွက် Frestech ကုန်သည်ကြီးများအသင်းကို အခြေနေအချို့ပေးခဲ့ရသည်။

ရေတပ်မှာ Frestech ကုန်သည်ကြီးများအသင်းနှင့်အတူ ပင်လယ်ဓားပြများကို ဖယ်ရှားခြင်းမှ ငွေအတော်အတန်ရသော်လည်း Frestech ကုန်သည်ကြီးများအသင်းထံမှ ဤအစောင့်သင်္ဘောငါးစင်း ဝယ်ယူပြီးနောက်တွင် လွန်ခဲ့သည့် နှစ်နှစ်အတွင်း ၎င်းတို့ရခဲ့သည့် အားလုံးကို သုံးစွဲခဲ့ရသည်။

ထို့ကြောင့် ရေတပ်တစ်ခုလုံးမှာ သဘောတူညီမှုရရှိခဲ့ကြသည်။ ရေတပ်မှာ ၎င်းတို့၏ သင်္ဘောအားလုံးကို အနှီအစောင့်သင်္ဘောများအဖြစ် ပြောင်းရန်လိုအပ်သော်လည်း သင်္ဘောတစ်စင်းလျှင် ရွှေဒင်္ဂါးနှစ်သန်းဟူသည့် တန်ဖိုးမြင့်မြင့်ကိုစဉ်းစားမိပြီး ဘာမှ မတတ်နိုင်ကြတော့ပေ။

ဤပန်းတိုင်ကိုရရှိရန် ၎င်းတို့အနေနှင့် ဧကရာဇ်ထံ သီးသန့်လျှောက်တင်ဖို့လိုသည်သာမက ကန်ဒရာအင်ပါယာရေတပ်အနေနှင့် Frestech ကုန်သည်ကြီးများအသင်းနှင့် ပိုမိုရင်းနှီးရပေမည်။

အရာရှိခေါင်းဆောင်အသစ် ဖြစ်ခဲ့သော ကောင့်ထရူဆဲလ်တည်ဆောက်ခဲ့သည့် ဆက်ဆံရေးကြောင့် Frestech ကုန်သည်ကြီးများအသင်းမှာ ကန်ဒရာအင်ပါယာရေတပ်နှင့် သင်္ဘောတူညီမှုရှိခဲ့သည်။ ကန်ဒရာအင်ပါယာရေတပ်မှာ ၎င်းတို့ထိန်းချုပ်ထားမည့် ဆိပ်ကမ်းသုံးခုကို ဖွင့်လှစ်မည်ဖြစ်သည်။

ဤသည်က ကန်ဒရာအင်ပါယာသာပိုင်သည့် အနှီဆိပ်ကမ်းသုံးခုအား သင်္ဘောအားလုံးအတွက် ဖွင့်လှစ်ပေးတော့မည့်အဓိပ္ပာယ်ပင်။

ဤစစ်ဘက်ဆိပ်ကမ်းကို ဝင်ရန် ကာကွယ်ခပေးဖို့လိုသော်လည်း အခကြေးက ထိုမျှ မမြင့်လှပေ။ အကြီးဆုံးသင်္ဘောကြီးများအတွက် ရွှေဒင်္ဂါးသုံးဆယ်သာဖြစ်ရာ ၎င်းက ကုန်သည်အများစု လက်ခံနိုင်သည့် အရာပါပင်။

ထို့အပြင် အနှီရွှေဒင်္ဂါးသုံးဆယ်ကို ပေးပြီးနောက်တွင် ၎င်းတို့မှာ ဤစစ်ဘက်ဆိပ်ကမ်းသုံးခု၌ ကန်ဒရာအင်ပါယာ၏ ကာကွယ်မှုကို ရရှိသည်သာမက တောင်ပင်လယ်ပြင်၌ အန္တရာယ်တစ်ခုခုနှင့်ကြုံလာလျှင် ကန်ဒရာအင်ပါယာကို အကူအညီအတွက် ရှာနိုင်သည်။

အတိုချုံးရသော် ကာကွယ်ခမှာ ပင်လယ်ပြင်ကုန်သည်များအတွက် သေချာပေါက် တန်ပါ၏။

မှန်သည်၊ ၎င်းတို့သာ တောင်ပင်လယ်ပြင်၌ အန္တရာယ်တစ်ခုခုကြုံရလျှင် ကန်ဒရာအင်ပါယာရေတပ်ကို အကူအညီအတွက် မည်သို့ ဆက်သွယ်မည်က Frestech ကုန်သည်ကြီးများအသင်းနှင့် ဆိုင်သည်။

ရွှေဒင်္ဂါးသုံးဆယ် ကာကွယ်ခပေးထားသည့် သင်္ဘောတစ်စီးစီတိုင်း Frestech ကုန်သည်ကြီးများအသင်းမှ ထောက်ပံ့ပေးသည့် မှော်ဆက်သွယ်ရေးကိရိယာကို ရရှိမည်ဖြစ်၏။ ၎င်းမှော်ဆက်သွယ်ရေးကိရိယာကို ရရှိပြီးနောက်တွင် ၎င်းတို့က ဆက်သွယ်ရေးကွန်ရက် ဧရိယာအတွင်း၌ ရှိနေသရွေ့ တူညီသည့် ကွန်ရက်ရှိ အခြား မှော်ဆက်သွယ်ရေးကိရိယာအားလုံးကို ခေါ်ဆိုနိုင်သည်။

ကန်ဒရာအင်ပါယာ၏ ပင်လယ်ပြင်တွင် မှော်ဆက်သွယ်ရေးကိရိယာနှင့် အကူအညီအချက်ပြကိုပေးပိုပနိုင်ပြီး ၎င်းအကူအညီအချက်ပြမှာ ကန်ဒရာအင်ပါယာရေတပ်သို့ ချက်ချင်းရောက်ရှိမည်ပင်။ ထို့နောက် ၎င်းတို့က သွားရောက် ကယ်ဆယ်ရန် အနီးရှိ ရေတပ်သင်္ဘောများကို ထပ်ပို့လိုက်မည်ဖြစ်၏။

ကန်ဒရာအင်ပါယာ၏ ရေတပ်သာ ၎င်းတို့ဆီ ရောက်သွားနိုင်လျှင် အကူအညီလိုအပ်သည့် သင်္ဘောများအနေနှင့် အနီးနားရှိ Frestech ကုန်သည်ကြီးများအသင်း၏ ကျွန်းအခြေစိုက်စခန်းများထံမှ အကူညီရယူနိုင်သည်။

လက်ရှိ မှော်အချက်ပြတာဝါတစ်ခုစီအတွက် ငါးကီလိုမီတာ အကွာအဝေးကြောင့် ကန်ဒရာအင်ပါယာရေတပ်မှာ သင်္ဘောများအား မှော်အချက်ပြတာဝါများရှိသည့် ကျွန်းများထံမှ ငါးကီလိုမီတာထက် အဝေးကို မရွှေ့ကြရန် အကြံပြုထားသည်၊ မဟုတ်ပါက ခေါ်ဆိုမှုက ရောက်ရှိမည်မဟုတ်ပေ။

ထို့ကြောင့် ကန်ဒရာအင်ပါယာရေတပ်မှာ အနှီစစ်တပ်ဆိပ်ကမ်းများကို ဖွင့်လှစ်မည်ဟု ကြေညာပြီးနောက်၌ ကန်ဒရာအင်ပါယာ၏ ရေကြောင်းပို့ဆောင်ရေးလုပ်ငန်းမှာ တစ်ဖန် တိုးတက်လာပြီး ယခင်ကထက် အဆပေါင်း ဒါဇင်ချီ အထိရောက်ရှိခဲ့သည်။ ကြည့်လိုက်ပါက ကုန်သည်များမှာ အဆုံးမဲ့ပင်လယ်ပြင်၌ ရေကြောင်းပြနေကြသော်လည်း အားလုံးက တူညီသည့်လမ်းကြောင်းကို ယူသည်အား တွေ့ရမည်ဖြစ်သည်။

ကုန်သည်သင်္ဘောအားလုံးက အနီးဝန်းကျင်ရှိ Frestech ကုန်သည်ကြီးများအသင်း အခြေစိုက်စခန်းများရှိရာ ကျွန်းများအနီး၌သာ နေကြပြီး သေချာပေါက် အရမ်းဝေးသည့်ဘက်သို့ မသွားကြပေ။

အရေးအပါဆုံးအကြောင်းအရင်းမှာ Frestech ကုန်သည်ကြီးများအသင်း၏ မှော်ဆက်သွယ်ရေးကွန်ရက်က ဤဧရိယာကို ဖုံးလွှမ်းထားသောကြောင့်ပင်။ ထိုသို့ ချက်ချင်း မက်ဆေ့ပို့နိုင်သည့် စွမ်းရည်ကြောင့် ၎င်းတို့မှာ မည်သည့်အန္တရာယ်နှင့် ကြုံပါစေ တတ်နိုင်သလောက်မြန်မြန် အကူအညီတောင်းနိုင်ပြီး သတင်းများလည်း ရနိုင်သည်။

ပင်လယ်ပြင်သို့ ထွက်လာကြပြီး တစ်ခါထွက်လျှင် လတစ်ဝက်လောက် လူတစ်ယောက်ကိုမှ မတွေ့နိုင်သည့် ကုန်သည်များအတွက် ၎င်းမှာ ကမ္ဘာကိုင်လှုပ်နိုင်လောက်ဖွယ် ပြောင်းလဲမှုပင်။

၎င်းအပြင် Frestech ကုန်သည်ကြီးများအသင်း၏ အခြေစိုက်စခန်းများ ရှိသဖြင်က ဤလမ်းကြောင်းကို ၎င်းတို့က စစ်ဆေးပြီးသားဖြစ်သည်။ ဤလမ်းကြောင်း၌ မည်သည့်ပုန်းကွယ်နေသော အန္တရာယ်မှ မရှိသဖြင့် ၎င်းတို့အတွက် ပို၍ပင် ချောမွေ့သေး၏။

Frestech ကုန်သည်ကြီးများအသင်းနှင့် ကန်ဒရာအင်ပါယာရေတပ်တို့ ပူးပေါင်း ဖြန့်ချိထားသည့် «အဆုံးမဲ့ပင်လယ်ပြင် ရေကြောင်းသတိပေးချက်»ရှိ အချက်ကိုပါပေါင်းထည့်လိုက်သော် Frestech ကုန်သည်ကြီးများအသင်းမှာ ငါးကီလိုမီတာခြားသည့် ထိုကျွန်းတစ်ကျွန်းစီ၌ ဆိပ်ကမ်းတစ်ခုစီ တည်ဆောက်ထားသည်ဟု သိရသည်။

ပို့ဆောင်ရေးသင်္ဘောများမှာ အချိန်မရွေး ကမ်းကပ်၍ ရိက္ခာဖြည့်နိုင်သည်။

မထွက်ခွာခင်က ရှိခဲ့သည့် ရိက္ခာများအပေါ်သာ မှီတင်း‌နိုင်ခဲ့သည့် ကုန်သည်များအတွက် ၎င်းက အဆင်ပြေသည့် နောက်တစ်မျိုးပင်။

ထို့အပြင် Frestech ကုန်သည်ကြီးများအသင်းက သင်္ဘောပြုပြင်ရေးနှင့် အခြားဝန်ဆောင်မှုများကိုလည်း ထိုဆိပ်ကမ်းများ၌ ထောက်ပံ့ပေးမည်ဖြစ်လေရာ ၎င်းက အဆုံးမဲ့ပင်လယ်ပြင်ရှိ အနှီကုန်သည်များအတွက် များစွာပိုမို ဘေးကင်းစေသည်။

အချိန်မရွေး ရိက္ခာရနိုင်သည့် အချက်ကိုပါ ပေါင်းလိုက်သော် ၎င်းတို့မှာ ရိက္ခာလှောင်သည့်နေရာကို ကုန်စည်ပိုမို ထည့်လာနိုင်ပြီး ခရီးတစ်ခုစီ၌ ပိုသယ်ယူနိုင်ပေမည်။

Frestech ကုန်သည်ကြီးများအသင်း၏ အနှီအခြေစိုက်စခန်းများရှိ ဝန်ဆောင်မှုများက ဈေးကြီးပါလျှင်တောင် ရိက္ခာမဖြည့်တင်းနိုင်ခြင်းနှင့် အချိန်မရွေး အန္တရာယ်ကြုံနိုင်ခြင်းတို့ထက်စာလျှင် ၎င်းက ယခင်ကထက် များစွာ ပိုအဆင်ပြေလာသည်မှာ သံသယပင်ဝင်ဖို့မလိုပေ။

စတက်တိန်းနယ်မြေမှ ကန်ဒရာအင်ပါယာသို့ သွားလျှင် ၎င်းတို့မှာ Frestech ကုန်သည်ကြီးများအသင်း၏ အစောင့်သင်္ဘောစုနှင့် ကန်ဒရာအင်ပါယာ၏ ရေတပ်မှ အကာအကွယ်ကိုပါ ရနိုင်သဖြင့် ယခင်ကထက် ပိုဘေးကင်းသည်။

ထိုအကြောင်းအရင်းအလုံးစုံကြောင့် Frestech ကုန်သည်ကြီးများအသင်းက ကန်ဒရာအင်ပါယာရေတပ်နှင့်အတူ ၎င်းကို ကြေညာလိုက်ချိန်တွင် အဆုံးမဲ့ပင်လယ်ပြင်၌ ရွက်လွှင့်သော သင်္ဘောများစွာရှိပြီး Frestech ကုန်သည်ကြီးများအသင်း ဖန်တီးထားသည့် လမ်းကြောင်း၌ ကူးချည်သန်းချည် ပြုနေကြတော့သည်။

စတက်တိန်းနယ်မြေရှိ မရေတွက်နိုင်လောက်သော ဆိပ်ကမ်းများထံတွင် သင်္ဘောများထဲ၌ တင်ဆောင်လာသည့် ကုန်စည်မျိုးစုံရှိကာ ၎င်းတို့ကို ဤလမ်းကြောင်းမှနေ၍ ကန်ဒရာအင်ပါယာထံ သယ်ယူပို့ဆောင်ကြသည်။

အနှီကုန်စည်များမှာ မှော်စက်များသာမကဘဲ ဆန်စပါး၊ အဝတ်အထည်၊ ပလက်စတစ်နှင့် အိုးခွက်များကဲ့သို့ ပုံမှန်ကုန်စည်များလည်း ရှိသည်....

ထိုကုန်သင်္ဘောများ ကန်ဒရာအင်ပါယာ တောင်ပိုင်းရှိဆိပ်ကမ်းများသို့ရောက်လာချိန်တွင် ဤကုန်စည်အပိုင်းကို ထိုနေရာနှင့် ပြည်တွင်းဒေသများ၌ ရောင်းချပြီး အခြားအပိုင်းကို Frestech ကုန်သည်ကြီးများအသင်းနှင့် ကန်ဒရာအင်ပါယာရေတပ်တို့ တည်ထောင်ထားသည့် ဆိပ်ကမ်းအနီးမှ ကုန်စည်ပို့ဆောင်ရေးဘူတာရုံမှတဆင့် ပို့ဆောင်ကာအင်ပါယာ၏ အနက်ရှိုင်းဆုံးအပိုင်းထဲသို့ ရောက်စေသည်။

ကန်ဒရာအင်ပါယာသားများအတွက် စတက်တိန်းနယ်မြေထံမှ ကုန်စည်များမှာ အင်မတန်ကြိုဆိုခံရသည်။

စဉ်းစားကြည့်သော် ဆွဲဆောင်မှုရှိ၍ ကောင်းစွာ ချုပ်လုပ်ထားသော အဝတ်များရှိပြီး ၎င်းမှာ စက်ချုပ်ဆရာများထံမှ ချုပ်လုပ်သည့် အဝတ်များနှင့် အနည်းငယ်မျှသာ ကွာခြားသည်။ ၎င်းတို့မှာ ငွေဒင်္ဂါးအချို့သာကုန်ကျပြီး အများဆုံးရှိမှ ရွှေဒင်္ဂါးတစ်ပြားသာသာပင်!

ဤသည်မှာ အလကားပေးနေခြင်းနှင့်ပင်တူသည်!

အခြားအရာများအတွက်မူ ကန်ဒရာအင်ပါယာရှိ လူအများစုမှာ ပလက်စတစ်က ဘာမှန်းမသိသော်လည်း ၎င်းဖြင့် ပြုလုပ်ထားသည့် လက်ဆေးကန်ကဲ့သို့သော အရာများက ပေါ့ရွှတ်ကာ သုံးရလွယ်ပေသည်။ ၎င်းက သံဖြင့် ပြုလုပ်ထားသည့် ပစ္စည်းများထက် များစွာပိုမို သုံးရအဆင်ပြေပြီး ကုန်ကျစရိတ်ကလည်း ဆယ်ပုံတစ်ပုံသာရှိပါ၏။

အပြင်ပန်းမှာ အင်မတန်ချောမွေ့၍ ကိုင်ရကောင်းသည်ကို မဆိုထားနှင့်။ ၎င်းမှာ ပန်းပဲဆရာများပြုလုပ်ထားသည့်အရာများကဲ့သို့ ဖုထစ်များမရှိဘဲ သိသာသည့် အချက်များရှိနေသည်။

ထို့အပြင် ထိုသံထည်ပစ္စည်းများက သံချေးတက်သော်လည်း ပလက်စတစ်ပစ္စည်းများအကြောင်း စိုးရိမ်နေဖို့မလိုချေ။

ပလက်စတစ်ထုန်ကုန်များကို မသုံးချင်ဘဲ သံထည်ပစ္စည်းများကိုသာ အသုံးပြုချင်ပါလျှင်လည်း ပြဿနာမဟုတ်ပေ။

အဘယ့်ကြောင့်ဆိုသော် သတ္တုစပ်မျိုးစုံဖြင့်ပြုလုပ်ထားသည့် ပစ္စည်းများစွာ ရှိသောကြောင့်ပင်။ ၎င်းတို့မှာ သံချေးမတက်သလို ပေါ့ပါးသော်လည်း အနည်းငယ်ဈေးပိုများကာ ငွေဒင်္ဂါးများစွာပိုမိုကုန်ကျပါ၏။

စတက်တိန်းနယ်မြေမှလာသည့် ကုန်စည်အားလုံးအနက် အများစုမှာ ကန်ဒရာအင်ပါယာနိုင်ငံသားများ ရင်းနှီးသည့် အရာများဖြစ်ကြပြီး အများစုကိုတော့ မရင်းနှီးကြပါချေ။

လိုရင်းဆိုရသော် ၎င်းတို့မှာ သုံးရလွယ်ကူကာ ကန်ဒရာအင်ပါယာသားများ၏ ဘဝများအတွက် သက်ရောက်မှုကြီးတစ်ခုရှိသည်။

နှစ်လမှ သုံးလအတွင်း စတက်တိန်းနယ်မြေထံမှ ကုန်စည်များမှာ ကန်ဒရာအင်ပါယာသားများအပေါ် နက်ရှိုင်းသည့် အမြင်ကို ချန်ထားနှင့်ပြီဖြစ်၏။

တစ်ခုတည်းသော ချွင်းချက်မှာ တောင်ပိုင်းခရိုင်ဖြစ်သည်။

***

မှော်စက်မှုအင်ပါယာ

Vol 6, အခန်း ၁၁၉။ ခေါင်းမာသည့် နယ်စား

နယ်စားဝင်းဒ်ဆာမှာ သူ့ရှေ့ရှိ နှစ်ဦးကို မှောင်မိုက်ဟန်ဖြင့် ကြည့်လိုက်သည်။

"မင်းတို့ ဘာပြောခဲ့တာလဲ? ကုန်သည်တွေအားလုံး ထွက်ပြေးကုန်တာလား? ဘာလို့လဲ? ဘယ်နေရာကိုလဲ? ဘာတွေလုပ်နေကြတာလဲ?"

လက်အောက်ငယ်သားနှစ်ဦးမှာ တစ်ပြိုင်တည်း တံတွေးမြိုချလိုက်ကြပြီး နယ်စားဝင်းဒ်ဆာကို ဂရုတစိုက်ကြည့်လိုက်ပြီးနောက် တစ်ယောက်က တုံ့ဆိုင်းစွာ ဖြေလာ၏၊ "သခင်ကြီး... သခင်နယ်စားမင်း ကုန်သည်တွေ ထွက်ပြေးရတဲ့ အကြောင်းအရင်းက ဖြစ်နိုင်တာ... ဖြစ်နိုင်တာက သခင်ကြီးနဲ့ ဆက်စပ်နေလောက်ပါတယ်...."

"ငါနဲ့ ဆိုင်တယ်?" နယ်စားဝင်းဒ်ဆာမှာ မျက်မှောင်ကုပ်၍ စူးရှသည့်အသံဖြင့် မေးလိုက်၏၊ "ဘာကိုဆိုလိုတာလဲ? ငါက သူတို့ကို နှင်ထုတ်ထားလို့လား?"

တောင်ပိုင်းခရိုင်၏ ဘဏ္ဍာရေးအတွက် တာဝန်ရှိသည့် အရာရှိနှစ်ဦးမှာ တစ်ချိန်တည်းတွင် ကူရာမဲ့စွာ ခါးသက်သက်အပြုံးများ ထုတ်ပြလိုက်ကြသည်။

မကြာသေးမီက တောင်ပိုင်းခရိုင်သားများမှာ တောင်ပိုင်းခရိုင်နှင့် ၎င်းတို့၏ အဓိကကုမ္ပဏီများမှ ထွက်ခွာ၍အင်ပါယာရှိ အခြားနေရာများထံ ပြောင်းရွှေ့သွားကြသည်။ အကြောင်းအရင်းကို ရှာလိုက်ချိန်တွင် ၎င်းမှာ ၎င်းတို့ရှေ့ရှိ နယ်စားကြီးကြောင့်ဖြစ်သည်ကို တွေ့လိုက်ရသည်။

၎င်းအတွက် အကြောင်းအရင်းမှာ အင်မတန်ရိုးရှင်းပါ၏၊ ၎င်းမှာ နယ်စားကြီးက တောင်ပိုင်းခရိုင်ထဲသို့ Frestech ကုန်သည်ကြီးများအသင်းနှင့်ဆိုင်သည့် မည်သည့် ကုန်စည်ကိုမှ ဝင်ခွင့်မပြုရန် အမိန့်ပေးထားသောကြောင့်ဖြစ်သည်။

ဧကရာဇ်က ဘဏ္ဍာရေးဌာနခေါင်းဆောင် မားကွစ္စ် ဟက်စ်ထရီထံမှ ဖျောင်းဖြခံရပြီးနောက် Frestech ကုန်သည်ကြီးများအသင်းအပေါ် ၎င်း၏ သဘောထားကို ပြောင်းလိုက်ပြီးနောက်တွင် အနောက်တောင်ခရိုင်မှတဆင့် ကန်ဒရာအင်ပါယာသို့ ဝင်ရောက်လာသည့် စတက်တိန်းနယ်မြေနှင့် လမ်ပူရီတိုင်းပြည်မှ Frestech ကုန်သည်ကြီးများအသင်း မှော်စက်များစွာရှိလေသည်။

ကန်ဒရာအင်ပါယာရေတပ်က ဧကရာဇ်၏ တိတ်တဆိတ် ခွင့်ပြုချက်နှင့်အတူ သီးသန့်သဘောတူညီမှု ရရှိပြီးနောက်တွင် ၎င်းတို့မှာ အတူတကွ ရေကြောင်းကုန်သွယ်ရေးလမ်းကြောင်းကို ဖွင့်လှစ်လိုက်ရာ စတက်တိန်းနယ်မြေထံမှ ပို၍ပင်များပြားလှသော ကုန်စည်များမှာ ကန်ဒရာအင်ပါယာထဲသို့ ဝင်ရောက်လာကြတော့သည်။

ဤကုန်စည်များမှာ Frestech ကုန်သည်ကြီးများအသင်းနှင့် အခြားကုမ္ပဏီများထံမှ မှော်စက်များသာမကဘဲ Frestech ကုန်သည်ကြီးများအသင်း၏ လွှမ်းမိုးမှုရှိသည့် အခြားထုတ်ကုန်မျိုးစုံလည်း ပါဝင်ပေသည်။

အနှီထုတ်ကုန်များမှာအင်ပါယာ၌ ဒေသတွင်းရှာတွေ့သည့် ထုတ်ကုန်များထက် ပိုကောင်းသောကြောင့် အင်မတန်ကြိုဆိုခံရပေသည်။

ပါးနပ်သော ကုန်သည်များအတွက်မူ ဖုံးကွယ်ထားသည့် အခွင့်ရေးတစ်ခုရှိ၏။

ထို့ကြောင့် Frestech ကုန်သည်ကြီးများအသင်းမှ မည်သည့် အားစိုက်ထုတ်မှုကိုမှ ဖြုန်းတီးခြင်းမရှိဘဲ ကန်ဒရာအင်ပါယာ၏ ကုန်သည်များမှာ ခွေးများကဲ့သို့ နော်တွန်နယ်မြေ‌နှင့်အတူ ကန်ဒရာအင်ပါယာ၏ နယ်စပ်နှင့် တောင်ပိုင်းဆိပ်ကမ်းများကို လွှမ်းမိုးထားကြသည်။ ၎င်းအတွက် အကြောင်းအရင်းမှာ စတက်တိန်းနယ်မြေ၏ ကုန်စည်များကို တတ်နိုင်သမျှမြန်မြန် အလစ်သုတ်၍ ပြန်လည် ပို့ဆောင်ပြီးနောက်တွင် ဈေးနှုန်းကောင်းကောင်းဖြင့် ရောင်းရန်ဖြစ်သည်။

ဤသို့သော စီးပွားရေးဒီရေကြောင့် ယခင်က နယ်စားဝင်းဒ်ဆာ ဖန်တီးခဲ့သော ကန့်သတ်ချက်မှာ ပို၍ပင် သိသာလာပါ၏။

ဤကန့်သတ်ချက်မှာ Frestech ကုန်သည်ကြီးများအသင်း၏ ကုန်စည်များကို ဟန့်တားထားရုံသာမက Frestech ကုန်သည်ကြီးများအသင်းဆိုင်ရာ ထုတ်ကုန်များအားလုံးကိုလည်း တားမြစ်ထားခြင်းဖြစ်၏။

၎င်း ‘အားလုံး’တွင် စတက်တိန်းနယ်မြေနှင့် နော်တွန်နယ်မြေတို့ထံမှ လာသည့် ကုန်စည်များ အားလုံးပါဝင်သည်။

ကန်ဒရာအင်ပါယာအင်ပါယာ၌ ထိုထုတ်ကုန်များမှာ အင်မတန် ကျော်ကြားသောကြောင့် Frestech ကုန်သည်ကြီးများအသင်းနှင့် မသက်ဆိုင်သည့် အရာတစ်ခုမှ မရှိတော့ပေ။

ယခင်က စတက်တိန်းနယ်မြေမှ ကန်ဒရာအင်ပါယာသို့ တင်ပို့နိုင်သည့် တစ်ခုတည်းသောထုတ်ကုန်ဖြစ်သော စတက်တိန်းနယ်မြေရှိ သစ်သီးခြံသည်ပင် Frestech ကုန်သည်ကြီးများအသင်း၏ ကြီးမားစွာသော လွှမ်းမိုးမှုကို ခံထားရသည်။

ဥပမာ အင်မတန်ရောင်းအားမြင့်သည့် စည်သွပ်သီးများကို ဥပမာယူကြည့်လျှင် ၎င်းမှာ Frestech ကုန်သည်ကြီးများအသင်း၏ မှော်စက်နယ်ပယ်သစ်မှ ပြုလုပ်ထားသည့် ထုတ်ကုန်ဖြစ်သည်။

တကယ်တမ်းအင်ပါယာ၌ ကြီးမားသည့် သက်ရောက်မှု ရှိလာမည်ကို တွေးမိသဖြင့် ကန်ဒရာအင်ပါယာတွင် ဤများပြားလှသော တင်သွင်းခြင်းကို ဆန့်ကျင်သည်မှာ နယ်စားဝင်းဒ်ဆာတစ်ဦးတည်းမဟုတ်ပါချေ။

သို့သော် ကျန်သူများမှာ Frestech ကုန်သည်ကြီးများအသင်းကို ဆန့်ကျင်ရုံသာပင်။ Frestech ကုန်သည်ကြီးများအသင်းမှာ ကန်ဒရာအင်ပါယာ၏ ရန်သူဖြစ်သော ရူဒ်ဆန်တိုင်းပြည်ကို ထောက်ပံ့နေသဖြင့် ၎င်းတို့ကလည်း ကန်ဒရာအင်ပါယာ၏ ရန်သူဖြစ်ရာအင်ပါယာအနေနှင့် ၎င်းတို့နှင့် မပူးပေါင်းသင့်ပေ။

နယ်စားဝင်းဒ်ဆာသာလျှင် Frestech ကုန်သည်ကြီးများအသင်းနှင့် သက်ဆိုက်သည့် အရာရာတိုင်းကို ဆန့်ကျင်နေသဖြင့် သူ ပစ်မှတ်ထား,ထားသည့် အရာများစွာ ရှိပေသည်။

နယ်စားဝင်းဒ်ဆာ၏ ဖိနှိပ်ခြင်း မူဝါဒကြောင့် တောင်ပိုင်းခရိုင်ကို ဝင်ရောက်လာသည့် Frestech ကုန်သည်ကြီးများအသင်းဆိုင်ရာ ထုတ်ကုန်တစ်ခုမှမရှိခဲ့ပေ။ ၎င်းက အခွင့်အရေးကို အနံ့ခံနေသည့် တောင်ပိုင်းခရိုင်ကုန်သည်များအား အင်မတန် စိတ်ဓာတ်ကျစေသည်။

အနှီကုန်သည်များအား ဤအခွင့်အရေးကို လက်လျှော့ခိုင်းရန်မှာ ကြောင်အား ငါးမစားခိုင်းသလိုပင် မဖြစ်နိုင်ပေ။

သို့သော် အနှီသာမန်ကုန်သည်များမှာ တောင်ပိုင်းခရိုင်၌ နယ်စားဝင်းဒ်ဆာကို သိသာစွာ မဆန့်ကျင်ဝံ့သဖြင့် ၎င်းတို့မှာ တောင်ပိုင်းခရိုင်မှ တိုက်ရိုက်ပြောင်းရွှေ့၍အင်ပါယာရှိ Frestech ကုန်သည်ကြီးများအသင်းနှင့် ပူးပေါင်းခြင်းကို မဆန့်ကျင်သော နေရာများသို့ သွားကြလေသည်။

တကယ်တမ်း ရိုးသားရလျှင် အနှီကုန်သည်များအနေနှင့် Frestech ကုန်သည်ကြီးများအသင်းဆိုင်ရာ နယ်ပယ်များ၌ ဖွံ့ဖြိုးတိုးတက်ခြင်းအကြောင်းကို ဂရုစိုက်ပါလျှင်တောင် တောင်ပိုင်းခရိုင်ရှိ လုပ်ငန်းအားလုံး လက်မလျှော့ခဲ့ပါပေ။

သို့သော် ယခုတွင် ဤအခြေအနေက ထိုကုန်သည်များမှာ တောင်ပိုင်းခရိုင်မှ ထွက်ပြေးနေကြပုံဖြစ်နေသည်။

နယ်စားဝင်းဒ်ဆာအတွက် ၎င်းအပေါ် တိုက်ရိုက်အကျဆုံး ကိုယ်စားပြုမှုမှာ ဘဏ္ဍာရေးအစီရင်ခံစာဖြစ်သည်။

ဧပြီသို့ ဝင်လာပြီးနောက် တောင်ပိုင်းခရိုင်မှာ ယခုနှစ်၏ ပထမပိုင်း(first quarter)အတွက် ဘဏ္ဍာရေးအစီရင်ခံစာကို ချိန်ညှိခဲ့သည်။

၎င်းအစီရင်ခံစာတွင် တောင်ပိုင်းခရိုင်၏ ကောက်ပဲသီးနှံအထွက်နှုန်းမှာ ယခင်နှစ်ကဲ့သို့ ဘဏ္ဍာငွေရရှိမှုက မပြောင်းလဲ‌ခဲ့ပေ။

သို့သော် စီးပွားခွန်ဝင်ငွေတွင် ယခင်နှစ်ကထက် သိသိသာသာလျော့ကျကာ ၁၃%အထိ ရောက်သွားခဲ့သည်။

၎င်းက စိုင်စ်နယ်မြေကြီး၏ အစဉ်အဆက်မျိုးရိုးမြင့်တစ်ဦးဖြစ်သူ နယ်စားဝင်းဒ်ဆာအတွက် မများလှသဖြင့် ဂရုအစိုက်မိဆုံးအရာမှာ ကောက်ပဲသီးနှံအထွက်နှုန်းပင်။

သူ၏ ကောက်ပဲသီးနှံအထွက်နှုန်း၌ မည်သည့်အရာမှ မဖြစ်ပွားခဲ့လျှင် ပြဿနာရှိသည်ဟု စဉ်းစားမည်မဟုတ်ပေ။

စီးပွားခွန်အတွက်ကမူ အရမ်းမဆိုးသရွေ့ အဆင်ပြေပါ၏။

သို့သော် ၎င်းတို့၏ ပထမပိုင်းအစီရင်ခံစာကို နိုင်ငံ၏ ဘဏ္ဍာရေးဌာနထံ လွှဲပေးချိန်တွင် ဌာနက ၎င်းတို့ကို အခေါ်လွှတ်လာသည်။

ဘဏ္ဍာရေးဌာနထံမှ ရှင်းပြချက်အရ တောင်ပိုင်းခရိုင်၏ ယခုနှစ် ပထမပိုင်း စီးပွားခွန်မှာအင်ပါယာ၏ ခရိုင်ကြီးကိုးခုအနက် နောက်ဆုံးမှ ရေလျှင် ဒုတိယဖြစ်နေသည်။ ၎င်းက ကန်ဒရာအင်ပါယာရှိ ကျက်တီးမြေအဖြစ် ကျော်ကြားသော အရှေ့မြောက်ပိုင်းခရိုင်ထက်သာ ပိုကောင်းနေ၏။

ယခင်က အလယ်နေရာ၌ ရှိခဲ့စဉ်ကနှင့် ယှဉ်လျှင် ၎င်းမှာ သိသိသာသာကျဆင်းသွားခြင်းဖြစ်သည်။

ထို့အပြင် တောင်ပိုင်းခရိုင်နံဘေးရှိ ပင်လယ်အနီးမှ အရှေ့တောင်ပိုင်းခရိုင်မှာ ယခုနှစ်ပထမပိုင်း စီးပွားခွန်က များစွာ တိုးတက်လာခဲ့သည်။ အရှေ့တောင်ပိုင်းခရိုင်၏ စီးပွားခွန်မှာ ရွှေဒင်္ဂါး သုံးဆယ့်ရှစ်သန်းကို ကျော်လွန်သွားပြီး တောင်ပိုင်းခရိုင်၏ ရွှေဒင်္ဂါးဆယ့်ခုနစ်သန်းထက် များစွာ သာနေသည်။

ဤသိသာသည့် ခြားနားချက်ကြောင့် တောင်ပိုင်းခရိုင်၏ ကျဆင်းမှုမှာ ယခင်နှစ်ကထက်စာလျှင် ပို၍ပင် သတိထားစရာဖြစ်လာ၏။

ဘဏ္ဍာရေးဌာန၌ နားထောင်ခဲ့ရသည့် နယ်စားဝင်းဒ်ဆာမှာ ဒေါသအပြည့်ဖြစ်သွားရကာ ဘုရင်ခံအိမ်တော်သို့ ပြန်ရောက်လာချိန်၌ အကြောင်းအရင်းကို သိရရန် ချက်ချင်းလောဆော်တော့သည်။

စစ်ဆေးရေးအတွက် တာဝန်ရှိသည့် အရာရှိနှစ်ဦးက သူ့အား “တောင်ပိုင်းခရိုင်မှ ထွက်ပြေးသွားသည့် ကုန်သည်ပမာဏကြီးများ”ဟူသော အကြောင်းအရင်းကို ပေးလာသဖြင့် သူဟာ အင်မတန် မပျော်မရွှင်ဖြစ်သွားခဲ့ရသည်။

"နယ်စားကြီး... တကယ်တော့ ဒီလက်အောက်ငယ်သားအထင်... စီးပွားခွန်ပြဿနာနဲ့ယှဉ်ရင် ကောက်ပဲသီးနှံအထွက်နှုန်း ပြဿနာကို ပိုပြီး ဂရုစိုက်သင့်ပါတယ်...." အရာရှိထဲက တစ်ဦးမှာ သူ၏ ဇက်ကိုပု၍ တုံ့ဆိုင်းစွာ ပြောလာ၏။

"ဘာ?" နယ်စားဝင်းဒ်ဆာက သူ့အားကြည့်လိုက်သည်၊ "ငါတို့ တောင်ပိုင်းခရိုင်ရဲ့ ပုံမှန် ကောက်ပဲသီးနှံအထွက်နှုန်းနဲ့ ပတ်သက်ပြီး ပြဿနာရှိတယ်လို့ ပြောချင်နေတာလား? ငါပြောမယ်၊ အရေးကြီးတဲ့ နွေဦးကောက်ရိတ်သိမ်းချိန်က ရောက်တော့မှာမို့ ပြဿနာတစ်ခုခုရှိရင် မင်းတို့ အားလုံး ကောင်းကောင်းနေဖို့ မပြောနဲ့ ငါတောင် ဒုက္ခရောက်လိမ့်မယ်ကွ!"

အရာရှိနှစ်ဦးက ခါးသက်သက်ပြုံးလိုက်ပြန်သည်။ ယခုနက ပြောခဲ့သူက သူ၏ အဖော်ကိုကြည့်၍ သူလည်းပြောရန် အရိပ်အမြွက်ပြလိုက်ပါ၏။

အခြားအရာရှိလည်း ဘာမှမတတ်နိုင်တော့သဖြင့် မိမိကိုယ်ကိုယ် အားတင်း၍ ပြောလိုက်သည်၊ "နယ်စားကြီး ပြဿနာရှိနေတာတော့ မဟုတ်ပါဘူး ဒီတိုင်း... အရှင့်စိတ်ပြောင်းသွားသရွေ့ ကျွန်တော်တို့ရဲ့ နွေဦးကောက်ရိတ်သိမ်းပွဲက ပို ချောချောမွေ့မွေ့ဖြစ်ပြီး ဆောင်းဦးကောက်ရိတ်အထွက်နှုန်းကိုတောင် တိုးလာစေနိုင်တာကို တွေ့လိုက်ရလို့ပါပဲ"

နယ်စားဝင်းဒ်ဆာက အနည်းငယ် အံ့အားသင့်သွားကာ၊ "ငါသာ စိတ်ပြောင်းလိုက်ရင် ကောက်ပဲသီးနှံအထွက်နှုန်းကို အများကြီးတိုးလာစေနိုင်တယ်တဲ့လား? ငါ့ကို ဟာသလာလုပ်နေတာလား?"

"မဟုတ်ပါဘူး ဟာသမလုပ်ပါဘူး။" ထိုအရာရှိက နယ်စားဝင်းဒ်ဆာအတွက် သူ၏ ရင်ဘတ်ထဲမှ စာရွက်စာတမ်းတစ်ခုကို ထုတ်ယူလိုက်သည်၊ "နယ်စားကြီး၊ ဒါက ဘာရွန် ဒိုမင်းဂိုအနေနဲ့ ကျွန်တော်တို့ ခရိုင်ရဲ့ စိုက်ပျိုးရေးနဲ့ ပတ်သက်ပြီး အရှင့်ကို ပေးခိုင်းထားတဲ့ အစီရင်ခံစာပါ၊ ကြည့်ပါဦး"

"ဒိုမင်းဂို? ဘာလို့ သူကိုယ်တိုင် ငါ့ဆီ မယူလာခဲ့ရတာလဲ?" နယ်စားဝင်းဒ်ဆာက ၎င်းတို့နှစ်ဦးကို သံသယဖြင့် ကြည့်လိုက်ပါ၏။

"ဒါက..." အရာရှိနှစ်ဦးမှာ ခါးသက်သက်ပြုံးလိုက်ကြကာ၊ "ဘာရွန်ဒိုမင်းဂိုက အရှင်သာ ဒီစာကိုမြင်ပြီးရင် ဒေါသထွက်မှာ ကြောက်လို့ မလာရဲတာနဲ့ ကျွန်တော်တို့ နှစ်ယောက်ကို တောင်းဆိုထားတာပါ"

"အိုး?" နယ်စားဝင်းဒ်ဆာမှာ ထိုနှစ်ဦးကို ကြည့်လိုက်သည်၊ "ဒါဆို မင်းတို့နှစ်ယောက်က ငါ ဒေါသဖြစ်မှာကို မကြောက်ဘူးပေါ့?"

အရာရှိနှစ်ဦးက နောက်ထပ် ခါးသက်သက်ထပ်ပြုံးလိုက်၏။

"ဘာပဲဖြစ်ဖြစ် ကျွန်တော်တို့ ထွက်ပြေးလို့မှမရတာ။"

၎င်းတို့ မျက်နှာထက်ရှိ ခါးသက်နေဟန်များကိုမြင်သော် နယ်စားဝင်းဒ်ဆာမှာ အေးစက်စက်နှာမှုတ်လိုက်သည်။ သူဟာ အစီရင်ခံစာကိုယူကာ အနည်းငယ်ဖတ်ပြီးနောက် မျက်နှာက မှောင်မိုက်လာတော့၏။

"ဒါက အဓိပ္ပာယ်မရှိတာကလွဲပြီး ဘာမှမဟုတ်ဘူးပဲ၊ သူမလာရဲတာ ဟုတ်တာပေါ့!" နယ်စားဝင်းဒ်ဆာက အစီရင်ခံစာကို မြေပေါ်သို့ ဒေါသတကြီးပစ်ချ၍ ထိုနှစ်ဦးထံ စိတ်တိုစွာ ညွှန်ပြလာသည်၊ "ဒိုမင်းဂိုကို ကူပြီးပြောပေးစမ်းပါ သူသာ Frestech ကုန်သည်ကြီးများအသင်းရဲ့ စိုက်ပျိုးရေး‌သုံးမှော်စက်တွေကို မိတ်ဆက်ပေးဖို့ ဆက်လုပ်နေဦးမယ်ဆိုရင် ငါ့ရှေ့ ဘယ်တော့မှ ပေါ်မလာနဲ့လို့! ဒါက မင်းတို့နှစ်ယောက် အတွက်လည်း အတူတူပဲ! မင်း‌တို့ ဘာတွေတွေးနေလဲ ငါမသိဘူးမထင်နဲ့၊ မင်းတို့ကလည်း ရွှေဒင်္ဂါးလောက်ပဲ ဂရုစိုက်တဲ့ အဲဒီ့ ကုန်သည်တွေနဲ့ အတူတူပဲ! မင်းတို့က ငါ့ကို အဲ့သောက် Frestech ကုန်သည်ကြီးများအသင်းမဲ့ ပူးပေါင်းဖို့ တွန်းအားပေးချင်နေတယ်လား? ဟမ်? ဟုတ်တယ်မို့လား?"

အရာရှိနှစ်ဦးမှာ ၎င်းတို့၏ ခေါင်းကိုငုံ့၍ နယ်စားဝင်းဒ်ဆာကို မကြည့်ရဲကြတော့ပေ။

နယ်စားကြီးမှာ ဤတစ်ကြိမ်၌ တကယ်ကို စိတ်တိုသွားသည်အား သူတို့သိပါ၏။

နယ်စားဝင်းဒ်ဆာမှာ ၎င်းတို့နှစ်ဦးကို ဆူငေါက်လိုက်ပြီးနောက် လက်ယမ်းလိုက်သည်။

"ထွက်သွား!"

အရာရှိနှစ်ဦးမှာ ခွင့်ပြုချက်ရသွားဟန်ဖြင့် အမြန် ဦးညွှတ်ပြီး ထွက်သွားတော့သည်။

ထိုနှစ်ဦးထွက်သွားပြီးနောက် အခန်းထဲ၌ နယ်စားဝင်းဒ်ဆာသာ ကျန်ခဲ့သည်။ သူဟာ အတန်ကြာ ရှူးရှူးရှားရှားဖြစ်နေပြီးနောက် ဖြည်းဖြည်းချင်း တည်ငြိမ်လာ၏။

ကြမ်းပြင်ထက်ရှိ အစီရင်ခံစာကို အချိန်ကြာကြည့်လိုက်ပြီးနောက် နယ်စားဝင်းဒ်ဆာမှာ ခဏမျှ တုံ့ဆိုင်းနေပြီး ကောက်ယူကာ သေချာဖတ်လိုက်သည်။

ဤအကြိမ်၌ သူဟာ မတိုင်ခင်ကထက် ပို၍ လေးနက်နေ၏။

သူ့အနေနှင့် ဤအစီရင်ခံစာကိုဖတ်ရန် နာရီဝက်ကြာခဲ့ပြီး နောက်ဆုံးစာမျက်နှာကို မြင်ပြီးနောက် အတန်ကြာ တိတ်ဆိတ်သွားသည်။ ထို့နောက် ရုတ်တရတ် သက်ပြင်းချလိုက်ကာ အသက်ဆယ်နှစ်လောက် ပိုကြီးသွားသလိုပင်။

"ဒါက ခေတ်‌အပြောင်းအလဲများဖြစ်နိုင်လား?"

နယ်စားဝင်းဒ်ဆာလည်း နောက်တစ်ခေါက် သက်ပြင်းချလိုက်ပြီးနောက် စားပွဲခုံထံပြန်လာ၍ ၎င်းနံဘေးရှိ ကြိုးတစ်ချောင်းကို ဆွဲလိုက်သည်။

သက်လတ်ပိုင်း အိမ်‌တော်ထိန်းတစ်ဦးက တိတ်ဆိတ်စွာဖြင့် အခန်းထဲသို့ ရောက်လာပါ၏။

"ဆရာ ဘာများလိုအပ်လို့ပါလဲ?" အခြားလူများနှင့် မတူညီစွာ ထိုသက်လတ်ပိုင်းလူက နယ်စားဝင်းဒ်ဆာကို “ဆရာ”ဟုခေါ်လာသည်။

နယ်စားဝင်းဒ်ဆာမှာ လက်ယမ်းလိုက်ကာ၊ "ပြင်ဆင်စရာရှိတာ ပြင်ဆင်ထား ငါ အပြင်သွားချင်လို့"

ထိုသက်လတ်ပိုင်းလူမှာ နယ်စားဝင်းဒ်ဆာကို အတန်ငယ် အံ့ဩစွာကြည့်လိုက်သော်လည်း မည်သည်ကိုမှ မမေးပါချေ။ နာခံ‌သည့်အနေဖြင့် ခေါင်းငုံ့လိုက်ပြီးနောက် သူဟာအသံတစ်ချက်မှ မပြုဘဲ ထွက်သွားတော့သည်။

***

မှော်စက်မှုအင်ပါယာ

Vol 6, အခန်း ၁၂၀။ လယ်စိုက်ခြင်းဟာ အလုပ်လုပ်တာလောက်မကောင်းပါ

နယ်စားဝင်းဒ်ဆာမှာ အိမ်တော်မှထွက်ခွာပြီးနောက် အပေါင်းအပါအဖြစ် သူ၏ အိမ်ထိန်းကိုသာ သူ့နောက် လိုက်ခိုင်းခဲ့သည်။ သူဟာ သာမန်ချည်ထည်အဝတ်များကိုလဲ၍ အနောက်တံခါးမှ ထွက်ကာ စုတ်ပဲ့နေသည့် မြင်းလှည်းထဲဝင်လျက် ကန်ဘာရာမြို့တော်သို့ ဖြည်းဖြည်းခြင်း သွားလိုက်သည်။

လမ်းများကို ဖြတ်လာချိန်တွင် ထိုမျှ ကွဲပြားဟန်မပေါ်သော်လည်း သူသေချာကြည့်လိုက်ချိန်၌ အပြင်တွင် လူအနည်းငယ်သာရှိသည်ကို တွေ့ရ၏။

လမ်းများ၌ လူများ ခေါ်ပြောနေကြသည့် အသံများရှိသော်လည်း အော်နေသည့် လူက အနည်းငယ်သာရှိကာ ရပ်တန့်ရန် ဆန္ဒရှိသူများက ပိုနည်းသည်။

လမ်း နှစ်ဘက်နှစ်ချက်စလုံးကို ကြည့်လိုက်သော် ထိုနေရာရှိ ဆိုင်များစွာကို ပိတ်ထားလေသည်။ အလျင်စလို ပိတ်ထားသည့် စတိုးဆိုင်အများအပြားပင်ရှိပြီး ၎င်းတို့မှာ ရှေ့တံခါးပင် ပိတ်မထားကြသဖြင့် အတွင်းရှိ နေရာလွတ်၌ အိမ်ခြေရာမဲ့များစွာထိုင်နေကာ ယာယီနေထိုင်ရာအဖြစ် အသုံးပြုနေသည်အား မြင်နိုင်သည်။

၎င်းကိုမြင်သော် နယ်စားဝင်းဒ်ဆာမှာ မနေနိုင်စွာဖြင့် အသာမျက်မှောင်ကုပ်လိုက်သည်။

"ရစ်ခန်, မင်း ဒါကို ဘာကြောင့်လို့ထင်လဲ? အဲဒီ့ တခြားနေရာတွေမှာ အဲ့ဒီ့သောက် Frestech ကုန်သည်ကြီးများအသင်းကြောင့် စီးပွားရေးအခွင့်အလမ်းပိုရှိရင်တောင် ငါတို့ တောင်ပိုင်းခရိုင်မှာ ငွေရဖို့ အခွင့်အရေးမရှိတဲ့ အဓိပ္ပာယ်မှမဟုတ်တာ။ ဘာလို့ ဒီကုန်သည်တွေက ဒီနေရာက ဆိုင်တွေကို ပိတ်လိုက်ကြတာများလဲ?"

သက်လတ်ပိုင်း အိမ်တော်ထိန်းမှာ နယ်စားဝင်းဒ်ဆာခေါ်လိုက်သည့် ရစ်ခန်ဆိုသူဖြစ်သည်။ သူဟာ နယ်စားဝင်းဒ်ဆာကို အမြဲ ရိုသေလေးစား ကြောက်ရွံ့တတ်ကြသည့် အခြားလူများနှင့် ခြားနားပါ၏။ သူဟာ နယ်စားဝင်းဒ်ဆာကို ရင်ဆိုင်ရချိန်တွင် တည်ငြိမ်ပြီး ရိုသေလေးစားနေဆဲဖြစ်သော်လည်း ကြောက်ရွံ့ခြင်းတော့မရှိပါချေ။

နယ်စားဝင်းဒ်ဆာ၏ မေးခွန်းကိုကြားသော် ရစ်ခန်မှာ ခဏတာ တိတ်ဆိတ်သွားပြီးနောက် သားရေကြာပွတ်ကိုမြှောက်လျက် မြင်းလှည်းအား ဦးတည်ရာ ပြောင်းစေလိုက်သည်။

နယ်စားဝင်းဒ်ဆာနှင့် ရစ်ခန်တို့မှာ အတူတကွ ကြီးပြင်းလာခဲ့ကြသဖြင့် ဤသည်မှာ သူ၏ အကျင့်စရိုက်ဖြစ်ကြောင်း သိပြီး သူ၏ မေးခွန်းကို မဖြေခဲ့သည်အား ဂရုထားမနေပေ။

သို့သော် ရစ်ခန်က ဦးတည်ဘက် ပြောင်းလိုက်သည်ကို မြင်သော် နယ်စားဝင်းဒ်ဆာမှာ ၎င်း၏ စိတ်ထဲ၌ အဖြေရှိကြောင်း သိလိုက်ရ၏။ ထို့ကြောင့် တိတ်ဆိတ်နေပြီးနောက်တွင် သူဟာ မြို့ထဲမှ ဖြည်းဖြည်းချင်း ထွက်ခွာနေသော မြင်းလှည်းကို စီးလျက် ဘေးပတ်လည်ရှိ မြင်ကွင်းကိုကြည့်လိုက်သည်။

မြင်းလှည်းက နယ်စားဝင်းဒ်ဆာနှင့် ရစ်ခန်အား ကန်ဘာရာမြို့တော် အနောက်ဂိတ်မှ ခေါ်ထုန်သွားကာ နှစ်ရာမှ သုံးရာ ကီလိုမီတာလောက် ဆက်သွား၍ အိမ်ထောင်စု တစ်ရာပတ်လည်ရှိ ရွာတစ်ရွာကို ရောက်လာကြသည်။

ယခုတွင် နွေဦးနှောင်းပိုင်းဖြစ်ပြီး တောင်ပိုင်းခရိုင်က တောင်ဘက်၌ ရှိသည့် အချက်ကိုပါ ထည့်ပေါင်းလိုက်လျှင် ၎င်းတို့ဘေးပတ်လည်ရှိ ဂျုံခင်းများမှာ ရွှေအိုရောင်သမ်းနေကြပြီဖြစ်သည်။

ဤသည်မှာ လယ်သမားများအနေနှင့် ၎င်းတို့၏ ရင့်မှည့်နေသော ဂျုံပင်များကို ကာကွယ်ရန် လယ်ကွင်းသို့ သွားရောက်ရမည့် အရေးကြီးဆုံးအချိန်ဖြစ်လောက်သော်လည်း နယ်စားဝင်းဒ်ဆာ တစ်ချက်ကြည့်လိုက်ချိန်တွင် သူဟာ ပြန့်ကျဲနေသည့် လယ်သမားအနည်းငယ်သာရှိပြီး လုံးဝ အလုပ်ရှုပ်နေဟန်မပေါ်သည်ကို တွေ့လိုက်ရလေသည်။

နယ်စားဝင်းဒ်ဆာမှာ မနေနိုင်ဘဲ မျက်မှောင် ထပ်ကုပ်လိုက်မိပါ၏။

"ဒီ ငပျင်းလယ်သမားတွေကဝောာ့ ဒီလိုအရေးကြီးအချိန်မှာတောင် ပျင်းနေကြသေးတယ်! မကြာခင် နွေဦး ကောက်ရိတ်ချိန်ရောက်တော့မှာကို မသိလို့လား?"

ရစ်ခန်မှာ နယ်စားဝင်းဒ်ဆာကို လှည့်ကြည့်ပြီးနောက် ခေါင်းခါလေသည်၊ "ဆရာ ဒါက သူတို့ ပျင်းနေလို့ မဟုတ်ဘဲ ဒီမှာ ဘယ်သူမှ မရှိလို့ပါ"

နယ်စားဝင်းဒ်ဆာမှာ အံ့ဩသွားသည်၊ "ဒါက ဘာအဓိပ္ပာယ်လဲ?"

ရစ်ခန်မှာ အဝေးရှိ လယ်ကွင်းများကို ညွှန်ပြလာလေ၏၊ "ကြည့်လိုက်ပါ၊ လယ်ကွင်းထဲမှာ လူအိုကြီးတွေပဲရှိပြီး လူငယ်တွေ ရှိမနေဘူးလေ"

နယ်စားဝင်းဒ်ဆာမှာ ၎င်းတို့ဘေးပတ်လည်ရှိ လယ်ကွင်းများထံ သေချာကြည့်လိုက်ရာ တကယ်ကို ထိုသို့ ဖြစ်နေကြောင်း တွေ့လိုက်ရ၏။ သူဟာ မနေနိုင်ဘဲ ပိုလိုပင် အံ့အားသင့်သွားပါ၏။

"ဘာလို့များလဲ? လူငယ်တွေကရော? သူတို့က ပျင်းနေတာများလား? ဒါမှမဟုတ် တစ်ခုခုဖြစ်သွားလို့လား? ရစ်ခန်, မင်း ဘာသိထားလဲ?"

ရစ်ခန်က မဖြေဘဲ ခေါင်းခါသည်။ သူဟာ မြင်းလှည်းအား လယ်ကွင်းတစ်ခုနံဘေးသို့ မောင်းလာပြီး ခုန်ဆင်းလိုက်၏။

လယ်ကွင်း၌ ၎င်းကို ကြည့်နေသည့် အသက်ခြောက်ဆယ်ဝန်းကျင် လယ်သမားအိုကြီးတစ်ဦးရှိနေသည်။ ထိုအသံကို ကြားပြီးနောက် သူဟာ မြင်းလှည်းထဲမှ ခုန်ဆင်းပြီး လျှောက်လာနေသည့် ရစ်ခန်ကို မော့ကြည့်လေသည်။

"ဒီက အစ်ကိုကြီး ဘာလို့ တစ်ယောက်တည်းဖြစ်နေတာလဲဗျ? ခင်ဗျားရဲ့ မိသားစုဝင်တွေရော? ခင်ဗျားရဲ့ သားနဲ့ဇနီးရော ဘယ်မှာလဲဗျာ? ဘာလို့ သူတို့ကျ မလာကြတာများလဲ?"

လယ်သမားအိုကြီးက ရစ်ခန်ကို ကြည့်လာ၏။ တစ်ဘက်မှာ သူနှင့်ယှဉ်လျှင် မတူညီသည့် အဆင့်အတန်းရှိသော်လည်း သူ၏ အသံက အင်မတန်ဖော်ရွေနေသဖြင့် သတိကိုလျှော့ချကာ အပြုံးဖြင့် ပြောလိုက်သည်၊ "သူတို့ကို၊ သူတို့အားလုံး အလုပ်အတွက် ထွက်သွားပြီး ဒီအဘိုးကြီးနဲ့ အဘွားကို လယ်ကွင်းတွေ ဂရုစိုက်ဖို့ ချန်ခဲ့ကြတာပဲ"

"အလုပ်?" ရစ်ခန်မှာ အံ့အားသင့်ဟန်ပေါ်နေသည်၊ "သူတို့ ဘယ်နေရာမှာ အလုပ်လုပ်နေတာများလဲ? လယ်တောင် မလုပ်နိုင်ကြတော့ဘူးလား?"

"သူတို့ပြောတာတော့ အဲ့ဒါကို .... နီးလ်ဆိုလား ခေါ်တဲ့ မြို့နဲ့ ပြီးတော့ ပြောခဲ့ကြတာ Frestech...." ထိုစကားကို ပြောပြီးနောက် လယ်သမားအိုကြီး၏ မျက်နှာထက်တွင် သတိချပ်ဟန်ပေါ်လာကာ ချောင်းနှစ်ချက်ဟန့်၍ စကားလုံးများအား ပြန်လည် မြိုချလိုက်သည်။

ရစ်ခန်မှာ ၎င်းကို လုံးဝသတိမထားဟန်ပြု၍ သိလိုဟန်ဖြင့် မေးလိုက်သည်၊ "အကိုကြီးပြောတာက Frestech ကုန်သည်ကြီးများအသင်း ဟုတ်တယ်မို့လား? အဲ့ နီးလ်ဆိုတာကလည်း ဆာရန်နီးလ်မြို့တော်လောက်မယ် ထင်တယ်? အဲ့နေရာက တိုရီယာ ခရိုင်မှာဆိုတော့ ဒီနေရာနဲ့ နည်းနည်းလှမ်းတာပဲ။"

သူဟာ တောင်ပိုင်းခရိုင်၌ ကန့်သတ်ခံထားရသည့် ‘Frestech ကုန်သည်ကြီးများအသင်း’ဟူသော စကားကို တုံ့ဆိုင်းမှုမရှိ ပြောလာသည်အား ကြားသော် လယ်သမားအိုကြီးမှာ အတန်ငယ် စိတ်သက်သာရာရသွားကာ အပြုံးဖြင့် ခေါင်းခါလိုက်သည်၊ "နည်းနည်းလောက် ဝေးတော့လည်း ဘာဖြစ်မှာလဲ၊ သူတို့ ငွေရနိုင်ရင် အဆင်ပြေပါတယ်။ အဲ့နေရာကို သွားလို့ တစ်လ ရွှေဒင်္ဂါးငါးပြားရနိုင်ပြီး နည်းနည်းလောက် ပိုကြိုးစားလိုက်ရင် ရွှေဒင်္ဂါးဆယ်ပြားကျော်ရမှာဆိုတော့ အိမ်မှာနေပြီး လယ်စိုက်တာထက် ပိုကောင်းတာပေါ့။ ကျုပ်နဲ့ ကျုပ်ဇနီးမှာ ကျန်းမာတဲ့ ခန္ဓာ မရှိသလို ဒီနေရာကနေ မခွာချင်တာကြောင့်သာမဟုတ်ရင် ကျုပ်တို့လည်း သားနှစ်ယောက်နဲ့အတူ အလုပ်လုပ်ဖို့ သွားဖြစ်မှာပဲ။"

"အိုး? တစ်လကို ရွှေဒင်္ဂါးဆယ်ပြားလား? ဒါက တကယ်ကို အတော်များတာပဲ" ရစ်ခန်မှာ ဘေးဘီကိုကြည့်ရန် ခေါင်းမော့လိုက်ပြီးမှ မေးလိုက်သည်၊ "လယ်ထဲမှာ အစ်ကိုကြီးလို အသက်ကြီးတဲ့လူတွေကိုပဲ တွေ့ရလို့။ ရွာထဲက တခြားမိသားစုတွေလည်း အတူတူပဲလားဗျ? လူငယ်တွေအားလုံး အလုပ်လုပ်ဖို့ ထွက်သွားကြတာလား?"

"ဟုတ်တယ် သူတို့ အလုပ်လုပ်ရင် တစ်လကို ရွှေဒင်္ဂါးဆယ်ပြားတောင် ရနိုင်တော့ တစ်နှစ်ဆို ရွှေဒင်္ဂါးတစ်ရာကျော်သွားမယ်လေ။ ဒီမှာ လယ်လုပ်ဖို့ နေခဲ့ရင် ငှားရမ်းခအတွက် လိုအပ်တဲ့ သီးနှံတွေ ပေးပြီးတဲ့အခါ ကျုပ်တို့ စားဖို့လောက်ရုံလောက်ပဲ ကျန်တော့မှာ။ ရွှေဒင်္ဂါးမပြောနဲ့ ငွေဒင်္ဂါးနည်းနည်းလောက်တောင် မကျန်နိုင်ဘူး။ မင်းသာ ရွေးချယ်ရမယ်ဆို ဘာကို ရွေးမှာလဲ?" လယ်သမားအိုကြီးက ပြန်မေးလာသည်။

ရစ်ခန်က 'အမ်း'ဟုအသံပြုကာ ခေါင်းငြိမ့်လိုက်၏၊ "ကျွန်တော်ဆိုရင်လည်း ထွက်သွားဖို့ ရွေးမှာပဲ၊ ဒါပေမယ့် အဲ့လောက်အဝေးကြီးကို အလုပ်သွားလုပ်ရတာဆိုတော့ ယုံကြည်ရရဲ့လား? တစ်ခုခုဖြစ်လာရင်..."

"ကျစ် ဘာဖြစ်နိုင်မှာတဲ့လဲ?' လယ်သမားအိုကြီးက နှုတ်ခမ်းများကို တွန့်ကွေးလိုက်သည်၊ "ဘယ်သူမဆို ကျုပ်တို့လို လူတွေမှာ ဈေးပေါတဲ့ ဘဝပဲရှိတာမို့ ငွေရဖို့ အခွင့်ရေးရလာရင် ဖမ်းဆုပ်ထားရမှာပဲလေ။ ပြီးတော့လည်း တစ်ဘက်က Frestech ကုန်သည်...."

ထိုသို့ပြောပြီးနောက် လယ်သမားအိုကြီး၏ အမူအရာက အေးခဲသွားသည်။ သူဂာ ဘေးဘီကိုဝေ့ကြည့်၍ အသံကို တိုးလိုက်ပြီးနောက် ဆက်ပြောသည်၊ "ကြည့်ရတာက Frestech ကုန်သည်ကြီးများအသင်းနဲ့ သက်ဆိုင်နေပုံရတယ်လေ။ မင်းလည်း Frestech ကုန်သည်ကြီးများအသင်းအကြောင်း သိမှာပဲ မဟုတ်လား? သူတို့က ငွေအများကြီးရှိတဲ့ ကုမ္ပဏီကြီးဆိုတော့ ကျုပ်တို့လို လူတွေကို လှည့်ဖျားမှာ မဟုတ်ပါဘူး။"

ရစ်ခန်မှာ အတန်ငယ် အံ့အားသင့်သွားသည်၊ "ခင်ဗျားက ဘယ်လိုလုပ် Frestech ကုန်သည်ကြီးများအသင်းအကြောင်း ဒီလောက်သိရတာလဲ? အဲဒီ့ ကုမ္ပဏီအကြောင်း ဘယ်လိုသိတာများလဲ?"

လယ်သမားအိုကြီး၏ တုံ့ပြန်မှုက ပို၍ပင် ထူးဆန်းသွားသည်။ သူဟာ ရစ်ခန်ကို တအံ့တဩကြည့်လာကာ ဘေးဘီကို အကဲခတ်ပြီးနောက် အသံကိုတိုးရန် မေ့ကာ မေးလာ၏၊ "ဒီလိုမေးတာ ထူးဆန်းတယ်မထင်ဘူးလား? ဘယ်လိုလုပ် ကျုပ်က Frestech ကုန်သည်ကြီးများအသင်းအကြောင်း မသိဘဲ နေမှာတဲ့လဲ? Frestech ကုန်သည်ကြီးများအသင်းရဲ့ ပစ္စည်းတွေက အရမ်းကို သုံးရလွယ်ပြီး ဈေးချိုတော့ ကျုပ်သာ ဒီအကြောင်းကိုတောင်မသိခဲ့ရင် အရမ်းကို အတွေ့အကြုံမရှိရာ ကျနေမှာပေါ့။"

"အိုး? Frestech ကုန်သည်ကြီးများအသင်းရဲ့ ပစ္စည်းတွေက ဈေးချိုပြီး သုံးရလွယ်တယ်ဆိုတာကိုရော ဘယ်လိုသိတာများလဲ?"

"အရင်က Frestech ကုန်သည်ကြီးများအသင်းနဲ့ တခြား ကုမ္ပဏီတွေ လာခဲ့သေးတယ် မဟုတ်လား? သူတို့တွေ ပစ္စည်းအများကြီး ယူလာခဲ့ကြတာလေ။ ပြီးတော့မှ ဘုရင်ခံအရှင်မြတ်က တားမြစ်လိုက်တော့ ဒီနေရာကို ပစ္စည်းတွေယူလာတဲ့ ကုန်သည်နည်းနည်းပဲ ရှိပြီး ရွာမှာ ဒီလိုပစ္စည်းနည်းနည်းတော့ ရှိနေသေးတယ်။ ကန်ဘာရာမြို့တော်က ခေါင်းပုံဖြတ်တာတွေနဲ့ ယှဉ်ရင် Frestech ကုန်သည်ကြီးများအသင်းရဲ့ ပစ္စည်းတွေက ဘာပဲဖြစ်ဖြစ် သုံးရပိုလွယ်တယ်။"

ထိုသို့ပြောပြီးနောက် လယ်သမားအိုကြီးမှာ တစ်စုံတရာကို စဉ်းစားမိသွားဟန်ရသည်။ ခဏတာ တုံ့ဆိုင်းနေပြီးနောက်၌ သူဟာ မေးလာလေ၏၊ "တကယ်တော့ Frestech ကုန်သည်ကြီးများအသင်းက အရင်တစ်ခေါက် လာတော့ ကန်ဘာရာမြို့တော်မှာ ကုမ္ပဏီတစ်ခု ရင်းနှီးမြှုပ်နှံဖို့ စီစဉ်ထားတယ်လို့ကြားတယ်။ ကျုပ်ကို ပြောပါဦး၊ ဘုရင်ခံကသာ အဲ့လိုတားမြစ်မှုမလုပ်ခဲ့ရင် အဲဒီ့ကုမ္ပဏီတွေကို တည်ဆောက်တဲ့အခါ အလုပ်အတွက် တိုရီယာခရိုင်လို နေရာအဝေးကြီးကို အပြေးသွားဖို့ လိုမတဲ့လား...."

"ဒီတော့... ခင်ဗျားက ဘုရင်ခံရဲ့ ပိတ်ပင်မှုကို သဘောမတူဘူးဆိုတဲ့ သဘောပေါ့?"

"ဟုတ်တယ်၊ ဒီပိတ်ပင်မှုမှာ ဘာကောင်းကျိုးမှ မရှိဘူးလေ..." လယ်သမားအိုကြီး၏ မျက်လုံးများက ရုတ်တရတ် ပြူးကျယ်သွား၍ ရစ်ခန်ကိုကြည့်လာကာ အမြန် လက်ယမ်းလိုက်သည်၊ "မဟုတ်ဘူး မဟုတ်ဘူး၊ ကျုပ် ပြောတာ ဘာအဓိပ္ပာယ်မှမဟုတ်ပါဘူး ဒီတိုင်း မခန့်မှန်းလိုက်ပါနဲ့။ ဘုရင်ခံရဲ့ ပိတ်ပင်မှုက သူ့ကိစ္စဖြစ်တာမို့ ကျုပ်တို့လိုလူတွေနဲ့ မသက်ဆိုင်ပါဘူး။"

ရစ်ခန်က ခေါင်းငြိမ့်လိုက်ပြီး ဆက်မမေးတော့ချေ။ သူဟာ လာမည့် နွေဦးကောက်ရိတ်သိမ်းပွဲအကြောင်း ခေါင်းစဉ်ပြောင်း၍သာ လယ်သမားအိုကြီးနှင့် ဆွေးနွေးလိုက်သည်။

လယ်သမားအိုကြီးမှာ တကယ်တမ်းတွင် လာမည့် နွေဦး ကောက်ရိတ်သိမ်းချိန်အတွက် အနည်းငယ် စိုးရိမ်နေမိသည်။

ယခင် နွေဦးများတွင် မိသားစုတစ်ခုစလုံးမှာ ၎င်းတို့ လက်အောက်ရှိ လယ်မြေ ဆယ်မူကို ရိတ်သိမ်းရန် တစ်လလုံးအလုပ်လုပ်ရသည်။

ယခုတွင် သူ၏ သားနှစ်ဦး၊ ၎င်းတို့၏ ဇနီးသည်များနှင့် ဆယ်ကျော်သက်အရွယ် မြေးတို့အားလုံး ထွက်သွားကြကာ သူနှင့် သူ၏ ဇနီးသာကျန်ခဲ့သဖြင့် လယ်မြေနှစ်မူစာကိုသာ အများဆုံးရိတ်သိမ်းနိုင်လောက်သည်။

"ဒါပေမယ့် ဒါက ကိစ္စမရှိပါဘူး။ အခု ကျုပ်သားတွေက ကောင်းကောင်း နေနေတာမို့ ဒီလူအိုကြီးနှစ်ယောက်လည်း ကိုယ့်ဘာသာ စားသောက်ဖို့ အလုံအလောက် ရိတ်သိမ်းရရင်တော်ပါပြီ၊ အဲ့လောက် အပင်ပန်းခံနေစရာမလိုပါဘူးလေ။"

"ဒါဆို မြေငှားရမ်းခကျတော့ရော?" ရစ်ခန်က မေးသည်။

"မြေငှားရမ်းခ? အဆိုးဆုံး လဲဖို့ ဆန်နည်းနည်း ဝယ်ရရုံပေါ့။ ဘာပဲဖြစ်ဖြစ် ကျုပ် အကြီးဆုံးသားက စာထဲမှာ စတက်တိန်းနယ်မြေက ဈေးချိုတဲ့ ဆန်စပါးတွေကို သယ်လာတဲ့ သင်္ဘောကြီးတစ်စင်းရှိတယ်လို့ ပြောထားတယ်။ သူတို့လက်ရှိ လစာနဲ့ဆို လတိုင်း ဆန်စပါးပေါင်ရာနဲ့ချီပြီး ဝယ်ယူနိုင်မှာဆိုတော့ လွှဲပေးဖို့ လုံလောက်တာထက်တောင် ပိုနေသေးတယ်။"

ရစ်ခန်မှာ ပြောစရာမဲ့သွားရသည်။

လယ်သမားအိုကြီးက နောက်တစ်ခါ သက်ပြင်းချ၍ ပြော၏၊ "အိုး ကျုပ် တကယ်တော့ အရင်တစ်ခါက အမျိုးတစ်ယောက်ဆီကနေ ကြားခဲ့တာ၊ Frestech ကုန်သည်ကြီးများအသင်းမှာ စိုက်ပျိုးရေးသုံးမှော်စက်လို့ ခေါ်တာမျိုးတွေရှိတယ်တဲ့။ အဲဒါနဲ့ဆို မြေတစ်မူစာကို နာရီဝက်တောင်မကြာဘဲ ရိတ်သိမ်းနိုင်တယ်လို့ပြောကြတယ်။ ဘုရင်ခံသာ ဒါကို မပိတ်ပင်ထားဘဲ စိုက်ပျိုးရေးသုံးမှော်စက်တချို့ရနိုင်ရင် ကျုပ်တို့လည်း ဒီမြေအကြောင်း စိုးရိမ်နေဖို့ လိုမှာ မဟုတ်ဘူး။"

ရစ်ခန်နှင့် လယ်သမားအိုကြီးမှာ ကွင်းထဲရှိ ရွှေအိုရောင် ဂျုံပင်များကိုကြည့်လိုက်သည်။ ထို့နောက် သူဟာ လယ်သမားအိုကြီးကို လက်ပြနှုတ်ဆက်၍ မြင်းလှည်းထံ ပြန်သွားလိုက်၏။

နယ်စားဝင်းဒ်ဆာမှာ မြင်းလှည်းပြတင်းမှ တဆင့် လယ်သမားအိုကြီးထံ ရစ်ခန်ပြောသည်အား ကြည့်နေခဲ့လေရာ မဝေးလှသောကြောင့် ၎င်းတို့နှစ်ဦးပြောသမျှကို ကြားခဲ့ရသည်။

ရစ်ခန်ပြန်လာချိန်တွင် နယ်စားဝင်းဒ်ဆာမှာ ကျယ်ပြောသည့် လယ်ကွင်းကို ခဏတာကြည့်လိုက်ပြီးနောက် လိုက်ကာကို တိတ်တဆိတ် ပြန်ဆွဲချလိုက်၏။

တစ်ခဏကြာပြီးနောက် နယ်စားဝင်းဒ်ဆာမှာ သက်ပြင်းချလေသည်။

"ရစ်ခန် ငါ့မှာ မင်းကို ပြောစရာရှိတယ်"

"ဆရာ ပြောပါ"

"လမ်ပူရီတိုင်းပြည်မှာ ကောက်ရိတ်သိမ်းဖို့ အထူးပြုထားတဲ့ ကန်တိုနာ ကုန်သည်ကြီးများအသင်းလို့ခေါ်တဲ့ ကုမ္ပဏီရှိတယ်လို့ ကြားထားတယ်၊ သူတို့ကို ဆက်သွယ်ပေးပါဦး"

ရစ်ခန်မှာ နယ်စားဝင်းဒ်ဆာကို ကြည့်လိုက်ပြီးနောက် ခေါင်းတစ်ချက်ငြိမ့်လေသည်။

နယ်စားဝင်းဒ်ဆာမှာ ကွင်းထဲရှိ လယ်သမားအိုကြီးကို လိုက်ကာမ၍ ခဏမျှကြည့်နေပြီးနောက် နောက်တစ်ကြိမ် သက်ပြင်းချကာ ရစ်ခန်အား မြင်းလှည်းမောင်းထွက်ခိုင်းလိုက်တော့၏။