အခန်း (၁၄၁-၁၅၀)

Vol 6, အခန်း ၁၄၁။ ကိစ္စအသေးအမွှားတစ်ခုမျှသာ

မဟာမှော်ပညာရှင်ဖာဂူဆန်မှာ သူ့အနေနှင့် Frestech ကုန်သည်ကြီးများအသင်း၏ အဓိက အခြေစိုက်ဌာနရှိရာ စတက်တိန်းနယ်မြေသို့ ဘယ်နှခေါက်ပင် ရောက်ပြီးနေမှန်း မှတ်ပင် မမှတ်မိတော့ချေ။

သူ့အနေနှင့် ဤနေရာသို့လာရောက်တိုင်း နေရာသစ်တစ်ခုနှယ် အတန်ငယ်ပြောင်းလဲသွားတတ်သည်ကိုသာ သတိရသည်။

ဥပမာ သူဟာ ယခင်က အဆောက်အဦကြီး မြောက်များစွာကို မြင်ခဲ့ဖူးသော်လည်း ၎င်းတို့အား မြက်ခင်းပြင်များဖြင့် ဝိုင်းရံထားပြီး လူသားလက္ခဏာတစ်စိုးတစိမျှပင် မရှိခဲ့ပေ။ သို့သော် ယခုတွင် ၎င်းတို့အား နေရာအနှံ့ လူသားအရိပ်ယောင်များရှိသည့် အဆောက်အဦအရေအတွက်များစွာက ဝိုင်းရံထားပြီး အတော်လေး စည်ကားနေပေသည်။

သူ ဤနေရာသို့ ပထမဆုံးအကြိမ်လာခဲ့စဉ်က ၎င်းမှာ တည်ထောင်နေဆဲ Frestech မြို့တော်သာဖြစ်ခဲ့သော်လည်း ၂နှစ် ၃နှစ်တာ အချိန်တိုလေးအတွင်း မြို့တော်ကြီးတစ်ခုအဖြစ် တိုးတက်လာခဲ့သည်။ ၎င်းမှာ ထိတ်လန့်ဖွယ်ပင်။

မဟာမှော်ပညာရှင်ဖာဂူဆန်ကို အံ့အားအသင့်စေဆုံးအရာမှာ ဤမြို့တော်က အတိုင်းအတာတွင် ကန်ဒရာအင်ပါယာ၏မြို့တော် ဝင်မ်ဘယ်လ်ဒန်မြို့တော်ထက် ပိုမိုကြီးမားနေသည့် အချက်ကြောင့်မဟုတ်ဘဲ ဤမြို့တော်မှာ အပြင်ပိုင်းနှင့် အတွင်းပိုင်းတွင် နယ်မြေကြီးရှိ ထုံးစံမြို့တော်တိုင်းနှင့် လုံးဝကွဲပြားနေသောကြောင့်ဖြစ်သည်။

လမ်းနှစ်ဘက်နှစ်ချက်စလုံးရှိ လမ်းမီးအိမ်များဖြစ်စေ၊ သူ၏ ခြေထောက်အောက်ရှိ ချောမွေ့သော လမ်းမဖြစ်စေ အားလုံးမှာ ပုံမှန်မြိုတော်များနှင့် ခြားနားသည်။

ထို့အပြင် သာမန်လူများ စိတ်ကူးပင်မယဉ်ဝံ့သည့် မျိုးရိုးမြင့်များ၏ ဇိမ်ခံမြင်းလှည်းများပြည့်နေကာ လူအများစုကမူ ညစ်စုတ်စုတ်အဝတ်များနှင့် စုတ်ပဲ့ဟန်ရှိနေသည့် မြို့တော်ကို မြင်တွေ့ရခြင်းနှင့် နှိုင်းစာရသော် Frestech မြို့တော်၏ ပြည်သူများထံ၌ လှပစွာချုပ်လုပ်ထားသည့် အဝတ်အထည်များရှိပြီး ပြည့်ပြည့်တင်းတင်းဖြင့် အတော်လေးကျန်းမာနေကြပုံရသည်။

မြို့တော်တစ်ခုလုံးမှာ ခေါင်းအစခြေအဆုံး အားကောင်းသည့် စွမ်းအင်ရှိပြီး လူများအား မိမိကိုယ်ကို လမ်းများ၌ ပို၍ မြန်ဆန်စွာ လှုပ်ရှားစေခြင်းမှာ မရပ်တန့်စေနိုင်အောင် ဖြစ်စေသည်။

မဟာမှော်ပညာရှင်ဖာဂူဆန်မှာ အသက်ခြောက်ဆယ်နားနီးပြီဖြစ်သော်လည်း အမြဲတစေ သူ၏ စိတ်မှာ ငယ်ရွယ်သည်ဟု ခံစားရသည်။ နယ်မြေကြီးရှိ စိတ်ဝိဉာဉ်ကင်းမဲ့နေသော မြို့တော်များနှင့်စာလျှင် သူဟာ သက်ဝင်ခြင်း ပိုမိုပြည့်သျှမ်းနေသည့် Frestech မြို့တော်ကို သဘောခွေ့လှပါ၏။

သူ ဤနေရာသို့ လာသည့် အကြိမ်များစွာတိုင်း ကြီးမားသော အပြောင်းအလဲကို မြင်ရရာ မဟာမှော်ပညာရှင်ဖာဂူဆန်မှာ မနေနိုင်စွာပင် ဤနေရာသို့ ပြောင်းရွှေ့လာရမည်ဟု တွေးမြဲတွေးနေမိသည်။

သူဟာ မိမိသာ ဤနေရာ၌ နေပါက တစ်ကိုယ်လုံးပိုမိုငယ်ရွယ်သွားမည်ဟုပင် ခံစားမိရသည်။

မှုန်မှိုင်းနေသော မှော်ပညာရှင်များအဖွဲ့အစည်းဌာနချုပ်၌ တစ်နေကုန်နေ,နေသည်နှင့်စာလျှင် ဤနေရာမှာ သူနှင့် များစွာပိုမို သင့်တော်၏။

သို့သော်လည်း... သဘာဝကျကျပင် သူဟာ ထိုသို့မလုပ်နိုင်ပေ။

သူ မလုပ်နိုင်ရုံသာမက သူ၏ ဤတစ်ခေါက် ရည်ရွယ်ချက်မှာ ဤနေရာရှိ သူ့အား နှစ်သက်စေခဲ့သော အရာရာတိုင်းကို ဖျက်စီးနိုင်ရန်ဖြစ်သည်။

၎င်းကိုစဉ်းစားရင်း မဟာမှော်ပညာရှင်ဖာဂူဆန်၏ ခံစားချက်ကောင်းလေးမှာ ရုတ်တရတ် ပျောက်ကွယ်ကာ အမူအရာကလည်း အတော်လေး ပျက်နေ၏။

"ကြိုဆိုပါတယ် မဟာမှော်ပညာရှင်ကြီး" တက်ကြွမှုအပြည့်ဖြင့် အသံတစ်သံမှာ မဟာမှော်ပညာရှင်ဖာဂူဆန်ရှေ့မှ ရုတ်တရတ် ထွက်ပေါ်လာပြီး သူ၏ မှောင်မိုက်နေသော ခံစားချက်ကို အနည်းငယ် ပျောက်ကွယ်သွားစေသည်။

မဟာမှော်ပညာရှင်ဖာဂူဆန် မော့ကြည့်လိုက်သော် သူ့ရှေ့၌ မျက်နှာဝိုင်းဝိုင်းနှင့် မိန်းမငယ်လေးက လက်ကမ်းပေးလာသည်ကို မြင်လိုက်ရပါ၏။

"အိုး? ဒုခေါင်းဆောင် အာကာလီ ဘယ်လိုလုပ်ရောက်နေရတာလဲ? ဥက္ကဌရှုရော?" မဟာမှော်ပညာရှင်ဖာဂူဆန်က တအံ့တဩမေးလာသည်။

"ဥက္ကဌက အရင်ရက်နည်းနည်းကြာတုန်းက ကုမ္ပဏီကနေ အပြင်သွားဖို့လိုလို့ မဟာမှော်ပညာရှင်ကို လာကြိုရအောင် ကျွန်မကို အထူးအမိန့်ပေးထားခဲ့ပါတယ်။" အာကာလီက ပြုံးလျက်ဆို၏။

အာကာလီ၏ မျက်နှာထက်ရှိ တောက်တောက်ပပအပြုံးလေးကိုမြင်သော် မဟာမှော်ပညာရှင်ဖာဂူဆန်၏ မျက်နှာထားမှာ အနည်းငယ် ပျက်သွားသည်။

သူ ယခင်က ဤနေရာသို့ လာချိန်တိုင်း မည်သည့် အကြောင်းရင်းရှိရှိ ရှုယီမှာ အမြဲတမ်း သူ့အား လာရောက် ကြိုခဲ့သည်။ ဤအကြိမ်တွက် သူဟာ စတိုင်းနယ်မြေ၏ မှော်ပညာရှင်များအဖွဲ့အစည်း ဌာနခွဲမှတဆင့် ကြိုတင် သတိပေးထားခဲ့ပြီး ရှုယီက လွန်ခဲ့သည့် ရက်အနည်းငယ်အကြာက ထွက်ခွာသွားခဲ့ရာ သူ့အနေနှင့် မိမိကို တွေ့ဖို့ မစီစဉ်ထားသည်မှာ သိသာသည်။

"ဒီရှုယီကတော့ ရဲတင်းလိုက်တာ! သူကတကယ်ပဲ ငါတို့ မှော်ပညာရှင်များအဖွဲ့အစည်းကို ဒီလိုဆန့်ကျင်ဖို့ စီစဉ်ထားတာလား?"

မဟာမှော်ပညာရှင်ဖာဂူဆန်မှာ စိတ်ထဲ၌ မပျော်မရွှင်ဖြစ်သွားရသည်။ အာကာလီ၏ အကြည့်က ထိုမျှ ကြင်နာမှုမရှိသည်ကို မြင်သော် သူဟာ မျက်လုံးများမှေးကျဉ်း၍ မေးမြန်းလိုက်၏၊ "ဒုခေါင်းဆောင်အာကာလီ၊ ဥက္ကဌရှု မရှိရင် စီအီးအို ခမ်နက်ဒ်ကရော မရှိလို့လား?"

"စီအီးအို ခမ်နက်ဒ်လား?" အာကာလီမှာ အတန်ငယ် ရှုပ်ထွေးသွားသည်၊ "မဟာမှော်ပညာရှင်ကြီး ရှင်က မှော်ပညာရှင်များအဖွဲ့အစည်းရဲ့ ကိုယ်စားလာတာဖြစ်ပြီး ခမ်နက်ဒ်က မှော်ပညာရှင်မဟုတ်တော့ ဘယ်လိုလုပ် သူ့ကို တွေ့ချင်ရတာများလဲ?"

"သူက မင်းတို့ ကုမ္ပဏီရဲ့ စီအီးအိုဖြစ်ပြီး ဥက္ကဌရှုက ဒီမှာ မရှိမှတော့ သူက မင်းတို့ကုမ္ပဏီမှာ အဆင့်အမြင့်ဆုံးပုဂ္ဂိုလ်ပဲလေ။ ငါက မှော်ပညာရှင်များအဖွဲ့အစည်းကိုယ်စား မင်းတို့ Frestech ကုန်သည်ကြီးများအသင်းကို တွေ့ဖို့ လာခဲ့တာမို့လို့ အဆင့်အမြင့်ဆုံးပုဂ္ဂိုလ်နဲ့ တွေ့ဖို့လိုတာပေါ့။" မဟာမှော်ပညာရှင်ဖာဂူဆန်က အလေးအနက်ပြော၏။

"မလိုအပ်ဘူးမဟုတ်လား?" အာကာလီက ခေါင်းခါလိုက်သည်၊ "ဥက္ကဌ မသွားခင်ပြောတာတော့ မှော်ပညာရှင်များအဖွဲ့အစည်းက ပို့လိုက်မယ့် လူက မှော်ပညာရှင်တွေနဲ့ ဆိုင်တာကို ပြောမှာတဲ့။ ကျွန်မတို့ ကုမ္ပဏီက မှော်ပညာရှင်တွေထဲမှာဆို ခေါင်းဆောင်မှော်ပညာရှင်ကမ်မီလာနဲ့ ခေါင်းဆောင်အီဗီတာကလွဲရင် ကျွန်မက အဆင့်အမြင့်ဆုံးဆိုတော့ ရှင်‌နဲ့တွေ့ဖို့ ကျွန်မက အသင့်တော်ဆုံးပဲလေ။ မဟာမှော်ပညာရှင်ကြီး ဒီတစ်ခေါက်လာတဲ့ အကြောင်းရင်းကို မေးလို့ရမလား?"

"မင်း...." အာကာလီ၏ သာမန်ကာလျှံကာစကားများကိုကြားသော် မဟာမှော်ပညာရှင်ဖာဂူဆန်မှာ ချက်ချင်းမျက်မှောင်ကုပ်ကာ စိတ်တိုသွားသည်။

၎င်းကသာ တကယ်ပဲ ရှုယီ၏ ညွှန်ကြားချက်ဆိုပါလျှင် သူဟာ သူ့၏ မျက်လုံးထဲ၌ မှော်ပညာရှင်များအဖွဲ့အစည်းကို လုံးဝ ထည့်မထားသော အဓိပ္ပာယ်ပင်!

သူ၏ မှော်ပညာရှင်များအဖွဲ့အစည်းဌာနချုပ် အကြီးအကဲများအနက် တစ်ဦးအဖြစ် အဆင့်အတန်းနှင့် သူဟာ မှော်ပညာရှင်များအဖွဲ့အစည်းကိုယ်စား ရောက်လာသည့်အချက်တို့ကြောင့် ၎င်းမှာ မားလိုအင်ပါယာ သို့မဟုတ် ကန်ဒရာအင်ပါယာဆိုပါလျှင်တောင် လာကြိုရမည့်လူမှာ အဆင့်အမြင့်ဆုံးလူဖြစ်ရမည်။ သို့သော်လည်း ဤ Frestech ကုန်သည်ကြီးများအသင်းလေးတွင် အဆင့်အတန်းမမြင့်ဘဲ သတ္တမအဆင့်မှော်ပညာရှင်ဖြစ်သူ အာကာလီက လာကြိုခဲ့သည်။ ဤသည်က သူ သို့မဟုတ် မှော်ပညာရှင်များအဖွဲ့အစည်းဌာနချုပ်ကို မျက်နှာသာမပေးခြင်းပါပင်!

သို့သော် သူဟာ အတွေ့အကြုံရှိသူဖြစ်ရာ မိမိကိုယ်ကို တည်ငြိမ်ရန် အမြန်ဖိအားပေးလိုက်သည်။ သူဟာ အာကာလီကို အေးစက်စက်ကြည့်၍ အေးစက်စက်နှာမှုတ်ပါ၏၊ "ဒါဆို မင်းက ဒီကိစ္စကို ဒီမှာ မင်းနဲ့အတူ ဆွေးနွေးရအောင် စီစဉ်ထားတယ်ပေါ့?"

အာကာလီက လက်ခုပ်တီးကာ၊ "အိုင်းယား ဒါက ကျွန်မအမှားပါ။ မဟာမှော်ပညာရှင်ကြီး တောင်းပန်ပါတယ်နော် ကျွန်မနဲ့လိုက်ခဲ့ပါ။"

မဟာမှော်ပညာရှင်ဖာဂူဆန်၏ မျက်နှာက ပျက်သွားပြီး အာကာလီနောက်လိုက်လာသည်။ သူသာ အာကာလီမောင်းသည့် မှော်ဆလွန်းထဲ ဝင်ပြီးနောက် ခဏအကြာတွင် Frestech မြို့တော်၌ Frestech ကုန်သည်ကြီးများအသင်းတည်ထောင်ထားသည့် ရုံးထဲသို့ ဝင်လာသည်။

အာကာလီက မဟာမှော်ပညာရှင်ဖာဂူဆန်ကို အစည်းဝေးခန်းတစ်ခန်းထဲ ခေါ်လာကာ ကိုယ်တိုင် လဘက်ရည်ဖျော်ပေးလိုက်ပြီးနောက် သူ့အား တလေးတစားနားထောင်ဖို့ အသင့်ပြင်ထားသည့်နှယ် အလေးအနက်ကြည့်လာသည်။

မဟာမှော်ပညာရှင်ဖာဂူဆန်မှာ အခန်းကို ဝေ့ဝိုက်ကြည့်လိုက်သော် အာကာလီအပြင် သူယခင်က မမြင်ဖူးခဲ့သည့် ဝန်ထမ်းသုံးဦးသာရှိပြီး အခြားမည်သူမှမရှိကြောင်း တွေ့လိုက်ရ၏။

ထို့အပြင် ထိုဝန်ထမ်းသုံးဦးမှာ ၎င်းတို့ဘာသာ ထူးထူးဆန်းဆန်း စက်များနှင့် အလုပ်များနေပြီး သူ့ကို လုံးဝ ဂရုမစိုက်ကြပေ။

ဤရပ်တည်မှုမှာ သေချာပေါက် လျစ်လျူရှုရာကျသည်!

မဟာမှော်ပညာရှင်ဖာဂူဆန်အတွက် စိတ်နှလုံးထဲ တစ်ဖန်ပေါ်လာပြန်သော ဒေါသကို ဖိနှိပ်ရန် ခက်ခဲလှသည်။ လဘက်ရည်တစ်ငုံကို အတင်းသောက်ချပြီးနောက် သူဟာ အာကာလီကို အလေးအနက်မေးမြန်းလိုက်၏၊ "ဒုခေါင်းဆောင်အာကာလီ၊ မင်းပြောခဲ့တာ ဥက္ကဌရှုက မင်းကို ဒီနေ့ လာကြိုဖို့ ခိုင်းခဲ့တယ်ဆိုတော့ သူက မင်းအနေနဲ့ Frestech ကုန်သည်ကြီးများအသင်းတစ်ခုလုံးကို ကိုယ်စားပြုတယ်လို့ရော ပြောခဲ့သေးလား?"

"မပြောပါဘူး" အာကာလီက အပြုံးဖြင့် လက်ယမ်းလိုက်သည်၊ "ကျွန်မက ရှင့်ကို ကြိုဆိုဖို့ပဲ တာဝန်ရှိတာပါ၊ ဘယ်လိုများ Frestech ကုန်သည်ကြီးများအသင်းကို ကိုယ်စားပြုရမှာလဲ?"

မဟာမှော်ပညာရှင်ဖာဂူဆန်၏ စိတ်တွင် ဒေါသများပိုပြည့်လာရကာ မျက်နှာက မှောင်မိုက်၍ ဆက်ပြောလေသည်၊ 'ဒီလိုဆိုမှတော့ ကျုပ်အနေနဲ့ မင်းကို ပြောတော့ရော ဘာအဓိပ္ပာယ်ရှိမှာလဲ?"

အာကာလီက ပခုံးတစ်ချက်တွန့်လိုက်သည်၊ "ဥက္ကဌပြောတာတော့ မှော်ပညာရှင်များအဖွဲ့အစည်းမှာ ရည်ရွယ်ချက်ကောင်းတွေ မရှိတာမို့ သူက ကျွန်မကို နားပဲထောင်ပြီး ဘာအကြံမှမပေးစေချင်ဘူး.... အာ...." အာကာလီက ရုတ်တရတ် သူမပါးစပ်ကိုအုပ်၍ အကြိမ်ရေအနည်းငယ်ခန့် မျက်တောင်ပုတ်ခတ် ပုတ်ခတ်လုပ်ရင်း ဂရုတစိုက် ပြောလာသည်၊ "ဒါက... မဟာမှော်ပညာရှင်ကြီး၊ ရှင်... ရှင် အထင်မလွဲပါနဲ့.. ကျွန်မပြောချင်တာ ဒီလိုမဟုတ်...."

မဟာမှော်ပညာရှင်ဖာဂူဆန်၏ မျက်နှာမှာ တွန့်ရှုံ့သွားကာ လက်ရှိသွေးကြောများက လဘက်ရည်ခွက်ကို ဖိကိုင်ထားရင်း တင်းမာလာသည်။ သူ့အနေနှင့် သူမထံသို့ လဘက်ရည်ခွက်ကို ပစ်လွှတ်လိုက်မည့်အတွေးအား ဖိနှိပ်ရန် အားအတော်စိုက်ထုတ်လိုက်ရသည်။

မှော်ပညာရှင်များအဖွဲ့အစည်းမှာ ရည်ရွယ်ချက်ကောင်းမရှိဘူးတဲ့လား?

နားထောင်ပြီး ဘာအကြံမှမပေးနဲ့တဲ့လား?

ရိုင်းလိုက်တာ!

ဒါက အတော်လေး ဘဝင်လေဟပ်နေတာပဲ!

ဒီ Frestech ကုန်သည်ကြီးများအသင်းက မှော်ပညာရှင်များအဖွဲ့အစည်းကို သူတို့ မျက်လုံးထဲမှာတောင် ထားရဲ့လား!

မဟာမှော်ပညာရှင်ဖာဂူဆန်၏ လက်မှာ ခဏကြာအောင် တုန်ယင်နေပြီးနောက် မိမိစိတ်ထဲရှိ ဒေါသကို ဖြေးဖြေးချင်း တည်ငြိမ်စေလိုက်သည်။ သူဟာ အာကာလီကို ခဏမျှကြည့်လိုက်ပြီးနောက် တစ်လုံးချင်း ပြောလာလေ၏၊ "ဒုခေါင်းဆောင် အာကာလီ ကျုပ်ရဲ့ ဒီတစ်ခေါက် ခရီးစဉ်က မှော်ပညာရှင်များအဖွဲ့အစည်းဌာနချုပ်ကိုယ်စား မင်းတို့ Frestech ကုန်သည်ကြီးများအသင်းကို နောက်ဆုံးသတိပေးချက်လာပေးတာဆိုတဲ့အကြောင်း ဥက္ကဌရှုကို ကူပြီးပြောပေးပါဦး။ ကျုပ်တို့အနေနဲ့ မင်းတို့က ချက်ချင်း မှော်စက်မူပိုင်ခွင့်ကာကွယ်ရေးသမဂ္ဂနဲ့ မှော်ပညာရှင်များအသင်းကို ပိတ်ချဖို့ မျှော်လင့်ပါတယ်။ မှော်ပညာနဲ့ သက်ဆိုင်တဲ့အရာအားလုံးက မှော်ပညာရှင်များအဖွဲ့အစည်းနဲ့ သက်ဆိုင်တာမို့ ဘယ်သူကမှ ကြားဝင်လို့မရနိုင်ဘူးလို့၊ နားလည်ရဲ့လား?"

အာကာလီက မဟာမှော်ပညာရှင်ဖာဂူဆန်ကို ခဏကြာအောင် ကြည့်လိုက်ပြီးနောက် ရုတ်တရတ် တစ်စုံတရာကို နားလည်ကာ မေးလိုက်သည်၊ "ဒါပဲလား?"

မဟာမှော်ပညာရှင်ဖာဂူဆန်မှာ မျက်မှောင်ကုပ်လိုက်မိသည်၊ "ဒါပဲ။ ဘာလဲ? မင်း နားမလည်သေးတာလား?"

"မဟုတ်ပါဘူး နားလည်ပါတယ်" အာကာလီက မြန်မြန်ခေါင်းငြိမ့်လိုက်သည်၊ "ဒါဆို ဒါ့အပြင်ရော? တခြားရှိသေးလား?"

မဟာမှော်ပညာရှင်ဖာဂူဆန်မှာ အာကာလီကို ရှုပ်ထွေးစွာ ကြည့်လိုက်မိသည်။ သူက တကယ်ကို ထက်မြတ်တဲ့ မိန်းကလေးလေ၊ ဘာလို့ အခု ရူးချင်ယောင်ဆောင်နေတာလဲ?

ခဏကြာစဉ်းစားပြီးနောက် မဟာမှော်ပညာရှင်ဖာဂူဆန်မှာ ခေါင်းတစ်ချက်ငြိမ့်လေသည်၊ "အခုတော့ ဒါပဲ။ မင်းတို့ Frestech ကုန်သည်ကြီးများအသင်းသာ ဒီတောင်းဆိုချက်နှစ်ခုကို လိုက်လျောနိုင်ရင် ဌာနချုပ်က မင်းတို့ ကုမ္ပဏီကို အငြှိုးမထားတော့ဘဲ မူပိုင်ခွင့်တွေနဲ့ အဆင့်နိမ့်မှော်ပညာရှင်တွေ ကိစ္စမှာပါ ပြန်ပူးပေါင်းလို့ရတယ်။ မင်းတို့ Frestech ကုန်သည်ကြီးများအသင်း ဒီတိုင်းဆက်ထားနေဦးမယ်ဆိုရင်တော့ ထိုက်တန်တဲ့ အကျိုးဆက်ကို ရလိမ့်မယ်။"

အာကာလီလည်း ခေါင်းငြိမ့်လိုက်ပြီးနောက် မည်သည်ကိုမှ မဆိုတော့ပေ။

မဟာမှော်ပညာရှင်ဖာဂူဆန်မှာ ရှုပ်ထွေးရင်း သူမကို ကြည့်လိုက်မိသည်၊ "ဒုခေါင်းဆောင်အာကာလီ မင်း ကျုပ်ရဲ့ ဆိုလိုရင်းကို တကယ်ပဲ နားလည်ရဲ့လား?"

"နားလည်စရာဘာမရှိလို့လဲရှင်?" အာကာလီက မဟာမှော်ပညာရှင်ဖာဂူဆန်ကို ရှုပ်ထွေးစွာကြည့်လိုက်သည်၊ "ဒါက ရှင်တို့အဖွဲ့အစည်း အကြိမ်ပေါင်းများစွာ ပြောထားတာပဲ မဟုတ်လား? ကျွန်မသိပါတယ် ပြီးတော့ရော?"

"ပြီးတော့ရော?" မဟာမှော်ပညာရှင်ဖာဂူဆန်မှာ မနေနိုင်အောင် ဒေါသဖြစ်သွားရသည်၊ "ဒုခေါင်းဆောင် အာကာလီ၊ ဘာလို့ ကျုပ်က... ဒါရဲ့ ပြင်းထန်မှုကို မင်းနားမလည်ဘူးလို့ ခံစားနေမိပါလိမ့်? တကယ်ပဲ ကျုပ် ကိုယ်စားပြုပြီး ယူလာတဲ့ သတိပေးချက်ကို နားလည်တာဟုတ်ရဲ့လား?"

"ဒါက အရမ်း ပြင်းထန်တယ်လား?" အာကာလီမှာ ရှုပ်ထွေးနေပြီး ခဏတာစဉ်းစားပြီးနောက်တွင် ခေါင်းခါလေသည်၊ "မဟုတ်ဘူး ဒါက ပြင်းထန်တယ်လို့ လုံးဝမထင်မိပါဘူး။ ဥက္ကဌက မှော်ပညာရှင်များအဖွဲ့အစည်းရဲ့ ကိစ္စတွေဟာ အသေးအမွှားလေးတွေလို့ပြောတယ်၊ တကယ်အရေးကြီးကိစ္စတွေက အခြား...."

ထိုသို့ပြောပြီးနောက် အာကာလီမှာ အမှားကို သတိပြုမိသွားပုံရပြီး ပါးစပ်ကို အုပ်လိုက်ပြန်၏။ သူမဟာ နေရခက်စွာဖြင့် မဟာမှော်ပညာရှင်ဖာဂူဆန်ကို ကြည့်ကာ အကြိမ်ရေအချို့ မျက်တောင်ခတ်ပြီး သူမကိုယ်ကို လှည့်ပတ်ကြည့်လိုက်သည်။

မဟာမှော်ပညာရှင်ဖာဂူဆန်မှာ ထိုအခိုက်၌ ဒေါသကြီးနေပြီဖြစ်၏။ သူဟာ စိတ်ကောင်းကောင်းထိန်းနိုင်ပါလျှင်တောင် ၎င်းကို သည်းမခံနိုင်တော့ဘဲ ထရပ်၍ အာကာလီကို ဒေါသတကြီးကြည့်လိုက်၏။

"ကောင်းတယ်! ကောင်းတယ်! ကောင်းတယ်! မင်းတို့ ဥက္ကဌရှုနဲ့ မင်းတို့ Frestech ကုန်သည်ကြီးများအသင်းက တကယ်ကို အတင့်ရဲကြာတာပဲ၊ မင်းတို့ ဒီလိုနဲ့ ဘယ်လောက်ကြာကြာခံနိုင်ရည်ရှိမယ်ဆိုတာ မြင်ချင်သေးတယ်!"

ထိုသို့ပြောပြီးနောက် မဟာမှော်ပညာရှင်ဖာဂူဆန်မှာ သူ၏ အင်္ကျီလက်ကိုခါလျက် ပြန်ပင်လှည့်မကြည့်ဘဲ ထွက်သွားသည်။

အာကာလီမှာ ဒီတိုင်းနေရန် အချက်ပြချက်ရလိုက်သည့်နှယ် သူမြန်မြန် ထွက်သွားသည်ကို ကြည့်နေမိသည်။

မဟာမှော်ပညာရှင်ဖာဂူဆန် ထွက်သွားပြီးနောက် အာကာလီလည်း ထူးထူးဆန်းဆန်းစက်များနှင့် အလုပ်ရှုပ်နေသည့် ဝန်ထမ်းသုံးဦးဘက် လှည့်၍ မေးလိုက်၏၊ "မှတ်တမ်းတင်ထားလား?"

တစ်ယောက်က အာကာလီထံ ပြုံးပြကာ ခေါင်းငြိမ့်ပြသည်၊ "တင်ထားတယ်"

"ကောင်းတယ်" အာကာလီမှာ မဟာမှော်ပညာရှင်ဖာဂူဆန်ထွက်သွားသည့်ဘက်ကို လှည့်ကြည့်လိုက်ပြီးနောက် လျှာထုတ်လိုက်၏၊ "ဟမ့် ဥက္ကဌရဲ့ အမိန့်ကြောင့်မဟုတ်ရင် ဘယ်သူက ရှင်နဲ့ ဒီပြဇာတ်ကို အတူကချင်မှာလဲ..."

***

မှော်စက်မှုအင်ပါယာ

Vol 6, အခန်း ၁၄၂။ ဘယ်သူက ပထမဆုံး ပြောင်းလဲသွားတာလဲ

ရှုယီမှာ မဟာမှော်ပညာရှင်ဖာဂူဆန်ထင်သလို တမင်ရှောင်နေခြင်းမဟုတ်ဘဲ တကယ် အလုပ်များနေခဲ့သည်သာ။

နှစ်တစ်ဝက်ကျော်လောက် ပြင်ဆင်မှုများပြီးသည့်နောက် Frestech ကုန်သည်ကြီးများအသင်း၏ ပင်လယ်ပြင်ရှိ ပထမဆုံးတရားဝင်အခြေစိုက်ရုံးမှာ ဆောက်လုပ်ရေးစတင်နေပြီဖြစ်သည်။

ရှုယီမှာ ဤပင်လယ်အခြေစိုက်ရုံးနှင့်ပတ်သက်၍ အင်မတန် အလေးအနက်ထားသည်ဖြစ်ရာ ၎င်းက မိမိအတွက် မည်မျှ အရေးပါကြောင်းပြသဖို့ ကိုယ်တိုင်လာရောက်ခဲ့၏။

စတက်တိန်းနယ်မြေနှင့် ရူဒ်ဆန်တိုင်းပြည်၏ ပင်လယ်ပြင်ကြားရှိ ပထမဆုံး ပင်လယ်ပြင်အခြေစိုက်ရုံးမှာ ကမ်းရိုးတန်းမှ ကီလိုမီတာ နှစ်ရာကျော်ဝေးကွာသည်။ ၎င်းမှာ Frestech ကုန်သည်ကြီးများအသင်း၏ ရေကြောင်းပို့ဆောင်ရေးလမ်းကြောင်း တောင်ဘက်သို့ သုံးဆယ်ကီလိုမီတာ ပိုသွားရသည်။

ဤအခြေစိုက်ရုံးသာ ပြီးမြောက်သွားလျှင် Frestech ကုန်သည်ကြီးများအသင်းမှာ အဆုံးမဲ့ပင်လယ်ပြင်၌ ခြေကုပ်အမှန်ရရှိလာမည်ဖြစ်၏။

မည်သည့် Frestech ကုန်သည်ကြီးများအသင်းသင်္ဘော သို့မဟုတ် ဝန်ထမ်းမဆို ဤနေရာသို့လာ၍ ရိက္ခာနှင့် ခိုလှုံခွင့်ရနိုင်သော်လည်း ဤသည်မှာ Frestech ကုန်သည်ကြီးများအသင်းဝင်များအတွက်သာ ဖွင့်လှစ်ထားပြီး အပြင်လူများအတွက် မပါပေ။

ရှင်းရှင်းပြောရလျှင် ဤသည်မှာ Frestech ကုန်သည်ကြီးများအသင်း၏ အဆုံးမဲ့ပင်လယ်ပြင်ထံသို့ ပထမဆုံးခြေလှမ်းဖြစ်သည်။ ၎င်းမှာ Frestech ကုန်သည်ကြီးများအသင်းက အခြားကျွန်းများထက်တွင် တည်ထောင်ထားသည့် အခြေစိုက်ရုံးများကဲ့သို့ ထောက်ပံ့ရေးအခြေစိုက်ရုံးလေးတစ်ခုအဖြစ် ဆောင်ရွက်မည်သာမက တစ်နှစ်ပတ်လုံး ဤနေရာ၌ Frestech ကုန်သည်ကြီးများအသင်း အစောင့်သင်္ဘောစုနှစ်ခုကလည်း ဘူတာဆိုက်မည်ဖြစ်သလို အစောင့်နှစ်ထောင်ကိုလည်း တပ်ဖြန့်ထားမည်ဖြစ်၏။

တမ်းပြည့်စစ်အင်အားတစ်ခု ထားရှိခြင်းအပြင် ဤအခြေစိုက်ရုံးကို ရူဒ်ဆန်တိုင်းပြည်ပင်လယ်ပြင်ရှိ အကြီးဆုံးကျွန်း၌ တည်ဆောက်ထားကာ ဧရာမသမင်ကျွန်းထံ၌ မှော်အမြောက်ကြီး တစ်ရာ့ငါးဆယ်၊ မှော်အမြောက်လေး ငါးရာကျော်နှင့်အတူ Frestech ကုန်သည်ကြီးများအသင်းအစောင့်များ ယူဆောင်လာသည့် အင်အားကြီး စစ်ဘက်သုံးမှော်စက်များလည်း ရှိမည်ဖြစ်၏။ ထို့နောက် ၎င်းတို့ ယူဆောင်လာသည့် စွမ်းအားကြီး သင်္ဘောနှစ်စီးကိုပါ ပေါင်းထည့်လိုက်သော် ဤကျွန်းအား မထိုးဖောက်နိုင်ဟု ယူဆနိုင်သည်။

"ဥက္ကဌရှု ဒီလို အားကောင်းတဲ့ အင်အားနဲ့ဆို ကန်ဒရာအင်ပါယာရေတပ်က လှုပ်ရှားလာရင်တောင် သူတို့အနေနဲ့ ကူရာမဲ့နေတော့မှာပဲ။"

ရှုယီနံဘေး၌ ရပ်နေသည်မှာ ရူဒ်ဆန်တိုင်းပြည်၏ ဗိုလ်မှူးကြီး လေးဦးထဲမှ တစ်ဦးဖြစ်သူ ကာဆာဒင်း မွန်ရိုးဖြစ်၏။ သူဟာ ယနေ့ ဤနေရာသို့ ရှုယီအား ဖိတ်ကြားခြင်း ဖွင့်ပွဲအခမ်းအနားအတွက် ရောက်လာခြင်းပါပင်။

မှော်သင်္ဘောကြီးထံမှ အောက်ဘက်ရှိ အားကောင်းပုံရသည့် မှော်အမြောက်ကြီးများနှင့် မှော်အမြောက်လေးများအပြင် ကျွန်းပေါ်၌ ထည့်သွင်းထားသည့် စစ်ပစ္စည်းများကို မြင်သော် သူဟာ အတွေးများကို မနေနိုင်စွာ ထုတ်ပြောမိသွား၏။

ရှုယီက သူ့အားကြည့်ကာ အသာပြုံးလိုက်၏၊ "လက်ရှိ ကန်‌ဒရာအင်ပါယာရဲ့ အင်အားနဲ့သာဆိုရင် ကျုပ်တို့ကို ဆန့်ကျင်ပြီး ဘာလှုပ်ရှားမှုမှ မလုပ်ရဲပါဘူး။ ဒါပေမယ့် ကန်‌ဒရာအင်ပါယာရေတပ် စပြီး တိုးတက်လာတဲ့အခါကျရင်တော့ ပြောဖို့ခက်သွားပြီ"

"ဒါက..." ဗိုလ်ချုပ်ကြီးမွန်ရိုးမှာ ခဏမျှ တိတ်ဆိတ်သွားပြီးနောက် ဖျစ်ညှစ်ကာ ပြုံးလာသည်၊ "ဥက္ကဌရှု တကယ်တော့ ခင်ဗျားတို့ ကုမ္ပဏီက ကန်ဒရာအင်ပါယာရေတပ်ကို အစောင့်သင်္ဘောတွေ အရောင်းရပ်လိုက်တာနဲ့... သူတို့အနေနဲ့ ဒီနေရာကို ဘယ်တော့မှ ခြိမ်းခြောက်နိုင်တော့မှာ မဟုတ်ဘူးလို့ထင်တယ်။"

ရှုယီက တစ္ဆေဆန်ဆန်ပြုံးရင်း ပြန်မေး၏၊ "ဘာလို့ ကျုပ်က ငွေရမှာကို မရောင်းဘဲနေရမလဲ?"

ဗိုလ်ချုပ်ကြီးမွန်ရိုး၏ အမူအရာက ပျက်သွားကာ မည်သည်မှ မပြောနိုင်တော့ပေ။

ခဏတာတိတ်ဆိတ်သွားပြီးနောက် သူဟာ သက်ပြင်းချ၍ ခေါင်းခါသည်။ သူဟာ စိတ်ကို တည်ငြိမ်စေလိုက်ပြီးနောက် မေးလာ၏၊ "ဒါဆို... ဥက္ကဌရှု ကျုပ်တို့ ရူဒ်ဆန်တိုင်းပြည်ကို အစောင့်သင်္ဘောတွေ ရောင်းတဲ့ ကိစ္စကရော...."

ရှုယီက ဗိုလ်ချုပ်ကြီးမွန်ရိုးကို လက်တစ်ဘက်ကမ်းပေးလိုက်သည်၊ "ကျုပ် မတိုင်ခင်က ပြောပြီးပါပြီ ဒီကိစ္စက ရှင်းရှင်းလေး။ တစ်ဘက်က ငွေအတွက် ဖြစ်ပြီး တစ်ဘက်က ကောင်းဖို့အတွက်ပါပဲ။"

ဗိုလ်ချုပ်ကြီးမွန်ရိုးမှာ ခါးသက်သက်သာ ပြုံးလိုက်နိုင်သည်၊ "ဥက္ကဌရှု ခင်ဗျားလည်း ကျုပ်တို့က အဲ့လောက် ငွေများများစားစားမထုတ်နိုင်တာကို သိမှာပါ"

"ဒါဆို တခြားနည်းလမ်း စဉ်းစားကြည့်လို့ရတယ်လေ။"

ရှုယီက အသာပြုံးလိုက်၏။ ဤဗိုလ်ချုပ်ကြီးမွန်ရိုးမှာ လုံးဝ မမှားပေ၊ ရူဒ်ဆန်တိုင်းပြည်မှာ လက်ရှိတွင် ဤမျှလောက်ငွေကို ထုတ်မပေးနိုင်တော့ချေ။

၎င်းတို့မှာ နယ်မြေကြီးတွင် ရူဒ်ဆန်တိုင်းပြည်၏ ကျော်ကြားမှုကို မြှင့်တင်ပေးခဲ့သည်အထိ ကန်ဒရာအင်ပါယာကို နှစ်ကြိမ်တိုင် ပြန်လည်တိုက်ထုတ်နိုင်ခဲ့ပါသော်လည်း။

၎င်းတို့မှာ နယ်မြေကြီး၏ အင်ပါယာနှစ်ခုအနက် တစ်ခုဖြစ်သည့် ကန်ဒရာအင်ပါယာကို အပြတ်အသတ် တိုက်ခိုက်ခဲ့ရာ ၎င်းက ရူဒ်ဆန်တိုင်းပြည်ထံ ကြီးမားသည့် ကပ်ဘေးကြီးကို ဆောင်ယူလာသည်။

ကန်ဒရာအင်ပါယာအနေနှင့် နှစ်ကြိမ်တိုင် ရှုံးနိမ့်ပြီးနောက်တွင် ရူဒ်ဆန်တိုင်းပြည်ကို မကျူးကျော်ဝံ့ပါလျှင်တောင် နှစ်နိုင်ငံကြား၌ ကွဲပြားမှုကြီးမားလှသော နိုင်ငံအင်အားရှိနေသည်။ ကန်ဒရာအင်ပါယာမှာ တိုက်ပွဲများပြီးနောက် ချက်ချင်းပင် ရူဒ်ဆန်တိုင်းပြည်ကို အပြည့်အဝပိတ်ဆို့၍ ရူဒ်ဆန်တိုင်းပြည်အား အပြင်လောကနှင့် ဆက်သွယ်ခွင့်ကို အလွယ်တကူ ပိတ်ချလိုက်သည်။

ရူဒ်ဆန်တိုင်းပြည်မှာ ရင်းမြစ်များ အတော်ကြွယ်ဝပြီး အခြားနိုင်ငံများထံ ကုန်စည်များ တင်ပို့ခြင်းဖြင့် အတော်အတန်ကောင်းမွန်သော ဘဝ၌ နေထိုင်ခဲ့ပါသော်လည်း ကန်ဒရာအင်ပါယာ၏ ပိတ်ဆို့မှုကြောင့် ရူဒ်ဆန်တိုင်းပြည်၏ မှော်စက်မှုနယ်ပယ်ထုတ်ကုန်သစ်များကို တင်ပို့၍ မရနိုင်တော့ပေ။ သတ္တုနှင့် ပရိဘောဂတို့ကဲ့သို့ ရိုးရာရင်းမြစ်များ၏ တင်ပို့မှုမှာလည်း ကြီးမားသော ရိုက်ခတ်မှုကို ခံစားရပေသည်။

Frestech ကုန်သည်ကြီးများအသင်းက နောက်ဆုံးစက္ကန့်၌ ၎င်းတို့ကို လက်ကမ်းပေးခဲ့ပြီး ကန်ဒရာအင်ပါယာကို အနိုင်ယူ၍ ရူဒ်ဆန်တိုင်းပြည်မှာ တင်ပို့ရန် တောင်ပိုင်းဆိပ်ကမ်းရှိသေးကြောင်း အာမခံနိုင်ခဲ့ပြီး ရူဒ်ဆန်တိုင်းပြည်အား ကိုယ်ပိုင်ထုတ်ကုန်များကို တင်ပို့နိုင်မည့် နေရာတစ်ခုအား ကူရှာပေးခဲ့သောကြောင့်သာမဟုတ်ပါလျှင် ၎င်းတို့မှာ ပိတ်ဆို့မှုကြောင့် ဖရိုဖရဲဖြစ်နေပြီဖြစ်သည်။

သို့သော် Frestech ကုန်သည်ကြီးများအသင်းမှာ ရူဒ်ဆန်တိုင်းပြည်အား ဤပင်လယ်လမ်းကြောင်းကို ထိန်းသိမ်းရန်သာကူညီခဲ့ပြီး ကန်ဒရာအင်ပါယာ၏ ကုန်းကြောင်းပိတ်ဆို့မှုကို မချိုးဖျက်ခဲ့သောကြောင့် ရူဒ်ဆန်တိုင်းပြည်၏ တိုးတက်မှုမှာ အင်မတန် အကန့်အသတ်များခဲ့၏။

လက်ရှိ ရူဒ်ဆန်တိုင်းပြည်မှာ အတွင်းပိုင်း၌ တည်ငြိမ်နေခဲ့ပြီး နိုင်ငံသားအများစုက မှော်စက်မှုနယ်ပယ်ကြောင့် ပိုမိုကောင်းမွန်သောဘဝများတွင် နေထိုင်နိုင်ခဲ့သဖြင့် ၎င်းတို့အနေနှင့် နောက်ခြေတစ်လှမ်း,လှမ်းကာ ပိုမိုတိုးတက်ရန် ခက်ခဲသည်။

ကြီးမားသည့် ရည်ရွယ်ချက်များရှိသော ဘုရင်ကြီးတဲရုစ်မှာ ဤအခြေအနေကို မထိန်းနိုင်ပေ။

လက်ရှိ ရူဒ်ဆန်တိုင်းပြည်အင်အားနှင့် ကန်ဒရာအင်ပါယာ၏ အားကောင်းလှသော ကုန်း‌ပိုင်းပိတ်ဆို့မှုကို ချိုးဖျက်ရန် မဖြစ်နိုင်ပေရာ ရူဒ်ဆန်တိုင်းပြည်မှာ ရေတပ်တစ်တပ်ဖွဲ့စည်း၍ ပင်လယ်ပြင်မှာ ၎င်းတို့၏ပိတ်ဆို့မှုကို ချိုးဖျက်ပြီး ပင်လယ်လမ်းကြောင်းကို လွတ်လပ်ပေးရန် ဆုံးဖြတ်လိုက်ကြသည်။

၎င်းကိုလုပ်ဆောင်ရန် သဘာဝကျကျပင် ၎င်းတို့မှာ Frestech ကုန်သည်ကြီးများအသင်း၏ ထောက်ပံ့မှုကို မေ့လျော့မထားနိုင်ပါပေ။

၎င်းတို့သာ Frestech ကုန်သည်ကြီးများအသင်းထံမှ အစောင့်သင်္ဘောများနှင့် စစ်ဘက်သုံးမှော်စက်များကို အလုံအလောက်မဝယ်ယူနိုင်ပါလျှင် ကန်ဒရာအင်ပါယာ၏ ရေတပ်ပိတ်ဆို့မှုကို ချိုးဖျက်ခြင်းမှာ အရူးအိပ်မက်သာဖြစ်ပေလိမ့်မည်။

သို့သော် Frestech ကုန်သည်ကြီးများအသင်းဖြစ်စေ ရှုယီဖြစ်စေ ၎င်းတို့မှာ အမြဲလိုလို ရူဒ်ဆန်တိုင်းပြည်၏ တောင်းဆိုမှုများကို အင်မတန်မရေမရာပြုတတ်သည်။ ၎င်းတို့မှာ မငြင်းပယ်ခဲ့သော်ငြား စည်းမျဉ်းများကို သွေဖယ်ခြင်းလည်း မပြုပါချေ။

ရှုယီမှာ ရူဒ်ဆန်တိုင်းပြည်က ငွေထုတ်ပေးနိုင်သရွေ့ Frestech ကုန်သည်ကြီးများအသင်းမှာ ၎င်းတို့လိုအပ်သည့် စစ်ဘက်သုံးမှော်စက်များနှင့်အတူ အစောင့်သင်္ဘောများကို ပေးနိုင်ကြောင်း အမြဲပြောတတ်သည်။

သို့သော် ရူဒ်ဆန်တိုင်းပြည်၌ ထိုမျှ ငွေမရှိပေ....

စစ်ဘက်သုံးမှော်စက်အားလုံးနှင့် အစောင့်သင်္ဘောတစ်စင်းမှာ ရွှေဒင်္ဂါးတစ်သန်းနှင့် လေးသိန်းအပြည့်ကျသည်!

ရူဒ်ဆန်တိုင်းပြည်၏ ယမန်နှစ်က အကောက်ခွန်မှာ ရွှေဒင်္ဂါး ကိုးသန်းနှင့် သုံးသိန်းအထိသာ ရှိခဲ့၏။ ၎င်းတို့မှာ ထိုငွေအားလုံးထုတ်ပေးရင်တောင် ခုနစ်စီးသာဝယ်နိုင်ရာ မည်သို့များ ပြီးပြည့်စုံသည့် ရေတပ်ကို ဖွဲ့စည်းနိုင်ပါမည်နည်း?

ရူဒ်ဆန်တိုင်းပြည်မှာ Frestech ကုန်သည်ကြီးများအသင်းက ၎င်းတို့ကိုပေးလာသည့် တန်ကြေးကတင် အင်မတန်သင့်လျော်နေပြီဖြစ်ကြောင်းကို နားလည်ပါ၏။

ကန်ဒရာအင်ပါယာမှာ သင်္ဘောတစ်စင်းကို ရွှေဒင်္ဂါးတစ်သန်းနှင့် ငါးသိန်းပေးကာ ဝယ်ခဲ့ရပြီး စစ်ဘက်သုံးမှော်စက်အလုံးစုံလည်း မပါကြောင်းကို သိထားရသည်။

ထို့ကြောင့် Frestech ကုန်သည်ကြီးများအသင်းက ရူဒ်ဆန်တိုင်းပြည်ကို အင်မတန်သင့်တင့်သည့် ဈေးနှုန်းကို တောင်းထားသဖြင့် ၎င်းတို့အား လုံးဝ အပြစ်တင်၍ မရနိုင်ပေ။

သို့သော်လည်း ပြဿနာမှာ ရူဒ်ဆန်တိုင်းပြည်က ထိုငွေလေးကို မထုတ်ပေးနိုင်ခြင်းပင်....

ရှုယီက “အခြားနည်းလမ်းကိုစဉ်းစားကြည့်”ဟု ပြောသည်ကို ကြားသော် ဗိုလ်ချုပ်ကြီးမွန်ရိုး၏ မျက်နှာထက်ရှိ ခါးသက်သက်အပြုံးက ပိုလို့ကြီးမားလာပါ၏။

သူ့အနေနှင့် ရှုယီ၏ အပြောကို သေချာနားလည်ပါ၏။

Frestech ကုန်သည်ကြီးများအသင်းမှာ အမြဲလိုလို ရူဒ်ဆန်တိုင်းပြည်၏ သတ္တုတွင်းထွက်ရင်းမြစ်များကို အင်မတန်စိတ်ဝင်စားခဲ့သဖြင့် ရူဒ်ဆန်တိုင်းပြည်က ၎င်းတို့အတွက် သတ္တုတွင်းထွက်ရင်းမြစ်အားလုံးကို ဖွင့်လှစ်ပေးရန် မျှော်လင့်နေပါသော်လည်း ဘုရင်ကြီးတဲရုစ်က ထိုတောင်းဆိုချက်ကို လက်မခံရသေးပါချေ။

Frestech ကုန်သည်ကြီးများအသင်းက ကန်ဒရာအင်ပါယာ ကျူးကျော်လာစဉ်က ၎င်းတို့ကို အများဆုံး ထောက်ပံ့ခဲ့ပြီး အင်မတန် ရင်းနှီးခဲ့ကြပါလျှင်တောင် ဘုရင်ကြီးတဲရုစ်မှာ Frestech ကုန်သည်ကြီးများအသင်းကို အခြားအကျိုးအမြတ်များစွာ ပေးခဲ့ပြီး သတ္တုတွင်းထွက်ရင်းမြစ် ဈေးကွက်ကို ဘယ်တုန်းကမှ မဖွင့်ပေးခဲ့ပေ။

ယခု ရှုယီ၏ “အခြားနည်းလမ်းများ”ဟူသည်မှာ ၎င်းကို ညွှန်းဆိုနေသည်က သံသယပင်ဝင်စရာမလိုပေ။

ရူဒ်ဆန်တိုင်းပြည်သာ Frestech ကုန်သည်ကြီးများအသင်းထံ ၎င်းတို့၏ သတ္တုတွင်းထွက်ရင်းမြစ်ဈေးကွက်ကို ဖွင့်ပေးဖို့ ဆန္ဒရှိပါလျှင် သို့မဟုတ် ၎င်းတို့ထံ မိုင်းတွင်းအနည်းငယ်ရောင်းချပေးပါလျှင် ဗိုလ်ချုပ်ကြီးမွန်ရိုးအနေနှင့် Frestech ကုန်သည်ကြီးများအသင်းမှာ ၎င်းတို့အား အစောင့်သင်္ဘောများအပြင် ၎င်းတို့အမြဲလိုချင်နေသည့် အဆင့်မြင့် စစ်ဘက်သုံးမှော်စက်အချို့ကိုလည်း ရောင်းပေးမည်အား သေချာသိပါ၏။

သို့သော် ဗိုလ်ချုပ်ကြီးမွန်ရိုးအနေနှင့် ဘုရင်ကြီးတဲရုစ်က ဤတောင်းဆိုချက်ကို လက်ခံဖို့‌ဆန္ဒမရှိခြင်းမှာ ရူဒ်ဆန်တိုင်းပြည်၏ ရေရှည်တိုးတက်မှုကို စဉ်းစားထားသောကြောင့် ဖြစ်သည်ကိုလည်း သိပေသည်။

အနောက်တောင်ထောင့်ရှိ နိုင်ငံများမှာ Frestech ကုန်သည်ကြီးများအသင်းယူဆောင်လာသည့် မှော်စက်မှုနယ်ပယ်က ထူးခြားသည့်အရာလေးတချို့နှင့် စစ်ဘက်သုံးမှော်စက်များသာ မဟုတ်ဘဲ၊ နိုင်ငံတစ်နိုင်ငံ၏ မျက်နှာတစ်ခုလုံးကို ပြောင်းလဲနိုင်သည့် အရေးပါသော နယ်ပယ်တစ်ခုဖြစ်ကြောင်း သိနေကြပြီဖြစ်၏။

ထိုသို့ဖြစ်လေရာ နိုင်ငံတိုင်း ၎င်းတို့၏ ကိုယ်ပိုင်မှော်စက်မှုနယ်ပယ်ကို တိုးတက်စေရန် အာရုံစိုက်ရမည်ဖြစ်သည်။

ရူဒ်ဆန်တိုင်းပြည်၌ လမ်ပူရီတိုင်းပြည်ကဲ့သို့ Frestech ကုန်သည်ကြီးများအသင်း၏ အပြည့်အ‌ဝ‌ထောက်ပံ့မှုရရှိခြင်းဟူသော တူညီသည့် အားသာချက်မရှိပါသော်လည်း ဘုရင်ကြီးတဲရုစ်က အလေးပေးထားမှုကြောင့် ၎င်းတို့၏ မှော်စက်မှုနယ်ပယ်မှာ အမြဲကောင်းစွာ ဖွံ့ဖြိုးတိုးတက်နေခဲ့သည်ပင်။

သို့ရာတွင် မှော်စက်မှုနယ်ပယ်မဏ္ဍိုင်မှာ နည်းပညာအပြင် သတ္တုများလည်း ဖြစ်သည်။

၎င်းသတ္တုအများစုမှာ ပုံမှန်အားဖြင့် သတ္တုတွင်းထွက်များဖြစ်ကြ၏။

Frestech ကုန်သည်ကြီးများအသင်းမှာ ဤသတ္တုတွင်းထွက်များကို လိုချင်ခဲ့ခြင်းမှာ ရှင်းရှင်းပြောရသော် ၎င်းတို့၏မှော်စက်အမျိုးမျိုး ပြုလုပ်ရာ၌ ၎င်းတို့၏လိုအပ်ချက်များကို ဖြည့်ဆည်းဖို့ဖြစ်သည်။

စတက်တိန်းနယ်မြေမှာ ပြောရလျှင် နိုင်ငံငယ်လေးတစ်ခုသာဖြစ်သဖြင့် Frestech ကုန်သည်ကြီးများအသင်းက စတက်တိန်းနယ်မြေတစ်ခုလုံးကို ထိန်းချုပ်ထားပါလျှင်တောင် ၎င်းတို့ ရရှိနိုင်သည့် သတ္တုတွင်းထွက်ရင်းမြစ်မှာ အင်မတန်နည်းပါးလှ၏။

ထို့ကြောင့် Frestech ကုန်သည်ကြီးများအသင်းမှာ အခြားနိုင်ငံများထံမှ သတ္တုတွင်းထွက်ရင်းမြစ်များကို ဆက်တိုက် ဝယ်ယူလိုနေခဲ့သဖြင့် ရူဒ်ဆန်တိုင်းပြည်ထံမှ တောင်းဆိုသည်က ပုံမှန်ဖြစ်၏။

Frestech ကုန်သည်ကြီးများအသင်းနှင့် ရူဒ်ဆန်တိုင်းပြည် နှစ်ဘက်စလုံးက ၎င်းကို နားလည်သည်ဖြစ်ရာ ဤဝိရောဓိကိုလည်း လူထုရှေ့၌ ထုတ်ပြထားသည်။

တစ်ခုတည်းသော ခြားနားချက်မှာ Frestech ကုန်သည်ကြီးများအသင်းက ရူဒ်ဆန်တိုင်းပြည်ထံမှ ၎င်းတို့ လိုချင်သည့် အရာကို မရနိုင်လျှင်လည်း နယ်မြေကြီး၏ အခြားနိုင်ငံများ၌ ရနိုင်သည့် ရွေးချယ်မှုများစွာ ရှိပေသည်။

ရူဒ်ဆန်တိုင်းပြည်အတွက်ကမူ ၎င်းတို့ထံ၌ Frestech ကုန်သည်ကြီးများအသင်းဟူသည့် ရွေးချယ်မှုတစ်ခုတည်းသာရှိ၏။

ထို့ကြောင့် ဗိုလ်ချုပ်ကြီးမွန်ရိုးက ခဏတာတိတ်ဆိတ်နေပြီးနောက် ခေါင်းသာငြိမ့်လိုက်နိုင်သည်။

"ကျုပ် ဥက္ကဌရှုရဲ့ အမြင်ကို အရှင်မင်းကြီးဆီ တင်ပြလိုက်ပါမယ်၊ အရှင်မင်းကြီးကလည်း အတွေးကို ပြောင်းနိုင်မယ်လို့ မျှော်လင့်ရပါတယ်။"

ရှုယီက ရူဒ်ဆန်တိုင်းပြည်ရှိရာ အရှေ့မြောက်ပိုင်းကို ကြည့်လိုက်သည်။

"ကျုပ်လည်း အကောင်းဆုံးမျှော်လင့်နေပါတယ်။"

***

မှော်စက်မှုအင်ပါယာ

Vol 6, အခန်း ၁၄၃။ ဘုရင်ခံ နယ်စားကြီးနှစ်ဦး

ကနဦးအစီစဉ်ကို အခြေခံရသော် Frestech ကုန်သည်ကြီးများအသင်းမှာ ဧရာမသမင်ကျွန်းရှိ အခြေစိုက်ရုံးတွင် အနည်းဆုံး ရွှေဒင်္ဂါးသန်းနှစ်ဆယ်ကို ရင်းနှီးမြှုပ်နှံထားလောက်ပြီး ၎င်းကို တည်ဆောက်ရန် အနည်းဆုံး သုံးနှစ်ကြာပေလိမ့်မည်။ ၎င်းအား Frestech ကုန်သည်ကြီးများအသင်းကို တည်ထောင်စဉ်ကတည်းက ပထမဆုံး အင်မတန့် အင်မတန်ကြီးမားသည့် စီမံကိန်းဟု ယူဆနိုင်သည်။

ပင်လယ်အခြေစိုက်ရုံးကို အပြီးသတ်ပြီးချိန်တွင် Frestech ကုန်သည်ကြီးများအသင်းမှာ တောင်ပိုင်းပင်လယ်ပြင်၌ ရှေ့‌တိုးနောက်ဆုတ်ပြုနိုင်မည့် ခြေကုပ်ကို ရရှိလာမည်ဖြစ်၏။

ထို့အပြင် ဤအခြေစိုက်ရုံး၏ တည်နေရာမှာ အင်မတန်ကောင်းစွာ ရွေးချယ်ထားခြင်းဖြစ်ပြီး စတက်တိန်းနယ်မြေတောင်ပိုင်းပင်လယ်လမ်းကြောင်းကို ကာကွယ်နိုင်သည်။

တစ်ယောက်ယောက်ကသာ စတက်တိန်းနယ်မြေရှိ ပင်လယ်လမ်းကြောင်းကို ဖြတ်ဝင်ချင်လိုလျှင် ဤ‌အခြေစိုက်ရုံးကို ရှောင်ရှားဖို့ မဖြစ်နိုင်ပါချေ။ ၎င်းက တောင်ပိုင်းပင်လယ်ပြင်၌ တံခါးကြီးတစ်ခု တည်ဆောက်ထားခြင်းနှင့် ညီမျှကာ Frestech ကုန်သည်ကြီးများအသင်းအား ပင်လယ်ပြင်မှ ရုတ်တရတ် တိုက်ခိုက်မှုကို စိုးရိမ်ဖို့ မလိုခွင့်ပြုထား၏။

ရှုယီအတွက် ဤအခြေစိုက်ရုံးမှာ စမ်းသပ်မှုတစ်ခုသာဖြစ်သည်။

၎င်းတို့ထံ၌ ဤအတွေ့အကြုံရှိနေသရွေ့ အခြေနေများမှန်ကန်ပါလျှင် သူဟာ သေချာပေါက် ဤအခြေစိုက်ရုံးမှ အဆုံးမဲ့ပင်လယ်ပြင်ထဲသို့ ချဲ့ထွင်နိုင်မည်သာ။ အဆုံး၌ သူဟာ အဆုံးမဲ့ပြင်လယ်ပြင်ရှိ ကျွန်းတစ်ကျွန်းစီကို အခြေစိုက်ရုံးငယ်တစ်ခုစီဖြင့် ဖုံးအုပ်၍ ၎င်းတို့အား အဆုံးမဲ့ပင်လယ်ပြင်ကို အပြည့်အဝထိန်းချုပ်စေနိုင်မည့် အခြေစိုက်ရုံးတန်းကြီးတစ်ခုကို ဖန်တီးပေးမည်ပင်။

၎င်းအတွက် အကြောင်းအရင်းမှာ တကယ်တမ်း ရှုယီ၏ သံသယကြောင့်ဖြစ်၏။

သူ၏ စိုင်စ်နယ်မြေကြီးသို့ ဝိဉာဉ်ကူးပြောင်းလာပြီးနောက် နှစ်ပေါင်းများစွာ အတွေ့အကြုံအရ ရှုယီမှာ ဤလောကကြီးသည် ကမ္ဘာမြေကြီးနှင့် ဆင်တူလောက်ပြီး ထူးဆန်းသည့် ရှင်းမပြနိုင်သော အာကာသထဲရှိ လောကတစ်ခု မဟုတ်ကြောင်း သေချာသည်။

ထိုသို့ဖြစ်ပေရာ သူ့အနေနှင့် ဤလောကကြီး၌ စိုင်စ်နယ်မြေကြီးသာ ရှိသည်မဟုတ်ကြောင်း သေချာပေ၏။

ထို့အပြင် နယ်မြေကြီးရှိ မျိုးနွယ်စုအားလုံးထံ၌ အခြားနယ်မြေကြီးအကြောင်း ဒဏ္ဍာရီများရှိရာ ၎င်းက ရှုယီ၏ ခန့်မှန်းချက်ကို သက်သေပြနေသည်။

ထို့နောက် ဤလောက,က နယ်မြေကြီးတစ်ခုတည်းရှိခြင်းမဟုတ်ကတည်းက လူတိုင်းက ဆန်းကြယ်၍ မဝင်ရောက်နိုင်ဟု ယူဆထားသော ပင်လယ်ပြင်မှာ တကယ်တမ်း ရှုယီအတွက် ရတနာပေါင်းများစွာ ပုန်းကွယ်နေသော ရတနာသိုက်ကြီးဖြစ်ပေသည်။

သူ့အနေနှင့် အဆုံးမဲ့ပင်လယ်ပြင်ကို အကြွင်းမဲ့ထိန်းချုပ်ထားမှုဖြင့် Frestech ကုန်သည်ကြီးများအသင်းမှာ အဆုံးမဲ့ဖြစ်နိုင်ခြေများရှိပြီး ပျက်စီးနေပြီးသား စိုင်စ်နယ်မြေကြီးနှင့်တင် ကန့်သတ်ထားတော့မည်မဟုတ်ပေ။

သို့သော် ဤပန်းတိုင်ကိုရရှိရန် သူပေးရမည့် တန်ကြေးမှာ အံ့အားသင့်ဖွယ်ပင်။

ကနဦးခန့်မှန်းခြေများအရ ဧရာမသမင်ကျွန်းရှိ အခြေစိုက်ရုံးကို အပြီးသတ်ရန် အနည်းဆုံး သန်းနှစ်ဆယ်လောက်ကုန်ကျမည်ဖြစ်ပြီး နှစ်တိုင်း ၎င်းကိုထိန်းသိမ်းရန် ရွှေဒင်္ဂါးသုံးသန်းအောက် ရင်းနှီးမြှုပ်နှံရပေမည်။

Frestech ကုန်သည်ကြီးများအသင်းမှာ ပင်လယ်အခြေစိုက်ရုံးတစ်ခုကို အလွယ်လေး ထောက်ပံ့နိုင်သော်လည်း ဆယ်ခု သို့မဟုတ် ဒါဇင်ချီဆိုလျှင် ဝန်ထုပ်ဝန်ပိုးကြီးတစ်ခုဖြစ်ပေမည်။

ထို့ကြောင့် ဤပင်လယ်အခြေစိုက်ရုံးကို တည်ဆောက်နေစဉ်တွင် ရှုယီမှာ ၎င်းထံမှ အကျိုးအမြတ်မည်သို့ရယူမည်ကို စဉ်းစားနေပြီးဖြစ်၏။

သို့သော် ယခုအထိ မည်သည့်အကြံမှတော့မရှိသေးပေ....

ဤအကြိမ်တွင် ရှုယီဟာ တစ်ပတ်တင်းတင်းနေခဲ့ပြီး ခင်းထားပြီးသား ပင်လယ်အခြေစိုက်ရုံး၏ အုတ်မြစ်များကို ကိုယ်တိုင် စောင့်ကြည့်လိုက်၏။ ၎င်းနောက် သူဟာ မှော်လေသင်္ဘောတစ်စင်းကို ယူ၍ အရှေ့မြောက်ပိုင်းမှ ကန်ဒရာအင်ပါယာ၏ တောင်ပိုင်းဆိပ်ကမ်းများရှိရာသို့သွားလိုက်သည်။

အစောင့်သင်္ဘောများသာ တောင်းဆိုနိုင်ပြီး ထိုနေရာ၌ ရပ်တန့်လိုက်သည့် ရူဒ်ဆန်တိုင်းပြည်နှင့် နှိုင်းစာလျှင် ကန်ဒရာအင်ပါယာက များစွာပိုမို တည့်တိုးဆန်သည်။

နှစ်ဘက်အကြား ဆက်ဆံရေးမှာ အပြင်ပန်း၌ မြင်ရသလောက် မကောင်းသဖြင့် ကန်ဒရာအင်ပါယာအစိုးရမှာ Frestech ကုန်သည်ကြီးများအသင်းနှင့် ညှိနှိုင်းခြင်းများစွာ မရှိခဲ့ပါလျှင်တောင် ကန်ဒရာအင်ပါယာထံမှ လူများစွာမှာ Frestech ကုန်သည်ကြီးများအသင်းနှင့် ပူးပေါင်းရန် လျှို့ဝှက်ဆက်သွယ်ထားကြသည်။

၎င်းတို့အကြား၌ အတက်ကြွဆုံးမှာ ကန်ဒရာအင်ပါယာရေတပ်ဖြစ်ပါ၏။

၎င်းတို့မှာ Frestech ကုန်သည်ကြီးများအသင်းနှင့်အတူ ရေတပ်ဆိပ်ကမ်းသုံးခု ဖွင့်လှစ်ထားသောကြောင့် ကန်ဒရာအင်ပါယာမှာ လွန်ခဲ့သည့် နှစ်တစ်ဝက်အတွင်း ရေကြောင်းပို့ဆောင်ရေးမှတင် ရွှေဒင်္ဂါးသုံးသန်းကျော် အခွန်ရခဲ့သည်။

တင်သွင်းထားသည့် ထုတ်ကုန်အားလုံးကို ထည့်ပေါင်းလိုက်သော် ထိုဆိပ်ကမ်းသုံးခုအနီးရှိ မြို့တော်များမှာ တိုရီယာခရိုင်တောင်ပိုင်း၌ အကြွယ်ဝဆုံးဖြစ်သည်။ တစ်ချိန်တည်းမှာပင် ၎င်းက အနှီနေရာများ၏ အကောက်ခွန်ကိုလည်း တိုးလာစေပြီး ရေတပ်အနေနှင့် ၎င်းတို့ထိန်းချုပ်ထားသည့် နေရာများမှ ရရှိသည့် အကျိုးအမြတ်များကိုလည်း တိုးမြှင့်ပေးသည်။

ကန်ဒရာအင်ပါယာရေတပ် ပထမဆုံး အကျိုးအမြတ်ရသည့် နေရာမှာ ၎င်းတို့ကိုယ်ကို လက်နက်ရုတ်သိမ်းခြင်းဖြစ်သည်...

မှန်ပါ၏၊ ၎င်းတို့ကိုယ်ကို လက်နက်ရုတ်သိမ်းခြင်းပင်။

ကန်ဒရာအင်ပါယာရေတပ်မှာ ၎င်းတို့၏ အမှုထမ်း ၆၀%ကို ဖြတ်တောက်မည်ဖြစ်သလို စစ်သင်္ဘော တစ်ဝက်ကို လျှော့ချမည်ဖြစ်ကြောင်း ကြေငြာလိုက်ချိန်တွင် လူတိုင်း ထိတ်လန့်သွားကြသည်။

လူများစွာမှာ ၎င်းက အင်ပါယာ၏ စစ်တပ်အတွက် တိုးပေးလိုက်သည့် တင်းကြပ်သော အသုံးစရိတ်ကြောင့် ထိုအသုံးစရိတ်ကို အာမခံရန် အလို့ငှာ ရေတပ်ကုန်ကျစရိတ်မှာ များစွာ ပြတ်တောက်သွားပြီး ၎င်းတို့၏ အမှုထမ်းများကို လျှော့ချဖို့ လိုလာသည်ဟု ထင်ကြသည်။

သို့သော် လက်တွေ့တွင် ၎င်းမှာ ကန်ဒရာအင်ပါယာက စစ်ဌာနချုပ်သို့ အဆိုပြုထားပြီး ၎င်းတို့မှ လက်ခံထားသလို ဧကရာဇ်နှင့် လွှတ်တော်တို့ထံမှ ခွင့်ပြုချက်လည်းရထားသည်။

ထိုသို့ပြုလုပ်ရခြင်း အကြောင်းရင်းကမူ သဘာဝကျစွာပင် နှစ်စဉ် ကန်ဒရာအင်ပါယာရေတပ်၏ ထောက်ပံ့မှုကို ရွှေဒင်္ဂါးနှစ်ဆယ့်ငါးသန်းအထိ လျှော့ချဖို့ဖြစ်၏။

၎င်းတို့ ကိုယ်ကို လက်နက်ဖျက်သိမ်းပြီးသည့်နောက် ကန်ဒရာအင်ပါယာရေတပ်မှာ တစ်နှစ်ကို ရွှေဒင်္ဂါးဆယ်သန်း သက်သာသွားမည်ဖြစ်၏။ ရေတပ်ဆိပ်ကမ်းသုံးခုနှင့် အနီးဝန်းကျင်မြို့တော်များထံမှ ဝင်ငွေကို ပေါင်းထည့်လိုက်လျှင် ကန်ဒရာအင်ပါယာရေတပ်မှာ တစ်နှစ်ကို ရွှေဒင်္ဂါး ဆယ့်ရှစ်သန်း အပိုရရှိမည်ဖြစ်သည်။

ကန်ဒရာအင်ပါယာရေတပ်က ထိုသို့ပြုလုပ်ခြင်းအကြောင်းအရင်းမှာ Frestech ကုန်သည်ကြီးများအသင်းထံမှ အစောင့်သင်္ဘောများ ပိုမို ဝယ်ယူရန် ဖြစ်ပါ၏။

ဤသည်မှာ ကန်ဒရာအင်ပါယာနှင့် Frestech ကုန်သည်ကြီးများအသင်းတို့ သဘောတူပြီးသားအရာဖြစ်သဖြင့် Frestech ကုန်သည်ကြီးများအသင်းမှာ ချက်ချင်းပင် ရွှေဒင်္ဂါးဆယ့်ငါးသန်းစာ မှာယူမှုကြီးကို လက်ခံခဲ့သည်။

မှန်ပါ၏ ၎င်းက ရှုယီအတွက် ကန်ဒရာအင်ပါယာကို ကိုယ်တိုင် သွားရန် မလုံလောက်စေပေ။ သူ ဤတစ်ခေါက်လာရသည်မှာ Frestech ကုန်သည်ကြီးများအသင်းနှင့် ကန်ဒရာအင်ပါယာရေတပ်အကြား ထိုအစောင့်သင်္ဘောများအတွက် လက်မှတ်ထိုးခြင်းအပြင် တောင်ပိုင်း တိုရီယာခရိုင်၏ ဘုရင်ခံ နယ်စားပယ်ရက်စ်ကိုကို အဓိက လာတွေ့ခြင်းဖြစ်သည်။

ရေကြောင်းပို့ဆောင်ခြင်း၏ ကြွယ်ဝမှုကြောင့် အနောက်တောင်နိုင်ငံများ၏ မှော်စက်မှုနယ်ပယ်ဖွံ့ဖြိုးခြင်းမှာ ကန်ဒရာအင်ပါယာသို့ နည်းနည်းချင်းစီ ဝင်ရောက်လာခဲ့သည်။ သက်ရောက်မှုအများဆုံးနေရာမှာ တောင်ဘက်အကျဆုံး တိုရီယာခရိုင်ပါပင်။

တိုရီယာခရိုင်တွင် မှော်စက်အမျိုးစုံကို မြင်နိုင်သလို မှော်စက်မှုနယ်ပယ်နှင့် သက်ဆိုင်သည့် ထုတ်ကုန်များကိုလည်း မြင်နိုင်သည်။

Frestech ကုန်သည်ကြီးများအသင်း တိုရီယာခရိုင်၌ ရင်းနှီးမြှုပ်နှံထားသည့် ကုမ္ပဏီများအပြင် မှော်စက်ကုမ္ပဏီများ ပို၍ များစွာပင်ရှိကာ တိုရီယာခရိုင်ကို ကန်ဒရာအင်ပါယာ၏ အသစ်လွင်ဆုံး မှော်စက်မှုအခြေစိုက်ရာအဖြစ်သို့ ပြောင်းလဲသွားစေ၏။

ကန်ဒရာအင်ပါယာအစိုးရ ထိန်းချုပ်ထားသည့် ဝင်မ်ဘယ်လ်ဒန်မြို့တော် အနီးမှော်စက်မှုအခြေစိုက်ရုံးနှင့် ယှဉ်သော် တိုရီယာခရိုင် အခြေစိုက်ရုံးမှာ ပို၍ ပြန့်ကျဲနေသော်လည်း တက်ကြွမှုက ပိုမိုများပြားကာ ဖွံ့ဖြိုးသည်က ပို၍ မြန်ဆန်ပေသည်။

သို့သော် နယ်စား ပယ်ရက်စ်ကိုမှာ ၎င်းနှင့် ပတ်သက်၍ မကျေနပ်ပေ။

တိုရီယာခရိုင်၏ မှော်စက်မှုနယ်ပယ်က မည်မျှ ကောင်းကောင်း ဖွံ့ဖြိုးနေသည်ဖြစ်စေ Frestech ကုန်သည်ကြီးများအသင်း၏ ပါဝင်မှုမရှိလျှင် တစ်စုံတရာ ပျောက်ဆုံးနေသလိုပင်။ ထို့ကြောင့် ကန်ဒရာအင်ပါယာရေတပ်မှတဆင့် သူဟာ Frestech ကုန်သည်ကြီးများအသင်းကို ဖိတ်ကြားရန် လက်ဦးမှုရယူကာ ရှုယီက ညှိနှိုင်းဖို့ တိုရီယာခရိုင်ကို ကိုယ်တိုင် လာရန် မျှော်လင့်ထားသည်။

ထို့အပြင် ၎င်းမှာ ကန်ဒရာအင်ပါယာ၏ ဘုရင်ခံတစ်ဦးက Frestech ကုန်သည်ကြီးများအသင်းကို ပူးပေါင်းရေးရည်ရွယ်ချက်ဖြင့် ပထမဆုံး တရားဝင်ဖိတ်ကြားခြင်းဖြစ်သောကြောင့် ၎င်းက ရှုယီအတွက် အင်မတန်အရေးပါ၏။

သို့သော်လည်း နယ်စား ပယ်ရက်စ်ကိုက သူ့အတွက် ကျင်းပပေးသည့် ပွဲတွင် မမျှော်လင့်ထားသော ဧည့်သည်တစ်ဦးရှိလိမ့်မည်ဟု ဘယ်တုန်းကမှ ထင်မထားပေ။

"ဥက္ကဌရှု၊ ဒါက တောင်ပိုင်းခရိုင်ရဲ့ ဘုရင်ခံ နယ်စားကြီး ခရစ်ဝင်းဒ်ဆာပါ။" နယ်စား ပယ်ရက်စ်ကိုက ပြုံးရင်း သူ့နံဘေးရှိ ဧည့်သည်ကို ရှုယီနှင့် မိတ်ဆက်ပေးလာပြီးနောက် ဘေးသို့ ရွှေ့သွားကာ ၎င်းတို့ကို စကားပြောစေသည်။

"နယ်စားဝင်းဒ်ဆာ?" ရှုယီက သူ့ရှေ့ရှိ ထိုမျှော်လင့်မထားသော ဧည့်သည်ကို ကြည့်လိုက်သည်။ ဂုဏ်သရေရှိကာ မျိုးရိုးမြင့်ပုံရသော်လည်း ထူးမခြားနားဟန်ရှိသည့် ဤသက်လတ်ပိုင်းလူမှာ တောင်ပိုင်းခရိုင်၏ နယ်စားဝင်းဒ်ဆာဖြစ်သည်တဲ့လား?

ကန်ဒရာအင်ပါယာ၏ Frestech ကုန်သည်ကြီးများအသင်းအပေါ် အတွင်းပိုင်း သဘောထားမှာ မတူညီဘဲ အချို့က ထောက်ခံကြပြီး ဆန့်ကျင်ကြသူများလည်း ရှိပါ၏။

Frestech ကုန်သည်ကြီးများအသင်းကို ဆန့်ကျင်သူများအကြားတွင် နယ်စားဝင်းဒ်ဆာမှာ အသိသာဆုံးလူဖြစ်သည်။

တစ်ချက်မှာ တောင်ပိုင်းခရိုင်ဘုရင်ခံအနေနှင့် သူ့အား ကန်ဒရာအင်ပါယာ၌ မြေရှင်ဟု ယူဆရသောကြောင့်ဖြစ်သည်။ သူ၏ စကားလုံးများမှာ ပြင်းထန်ပြီး ထုတ်ပြန်ချက်များက ပြင်းထန်သော သက်ရောက်မှုရှိ၏။

နှစ်အချက်မှာ သူ၏ လုပ်ရပ်များက အင်မတန် အံ့ဩဖွယ်ကောင်းသောကြောင့်ပင်။

Frestech ကုန်သည်ကြီးများအသင်းကို နှုတ်အားဖြင့်သာ ဆန့်ကျင်သူများနှင့် ယှဉ်လျှင် ဤတောင်ပိုင်းခရိုင်ဘုရင်ခံမှာ တောင်ပိုင်းခရိုင်သို့ ဝင်ရောက်လာသော Frestech ကုန်သည်ကြီးများအသင်းဆိုင်ရာ ထုတ်ကုန်အားလုံးကို ငြင်းပယ်၍‌ တောင်ပိုင်းခရိုင်ကို Frestech ကုန်သည်ကြီးများအသင်းမှ အတိအလင်းဖြတ်တောက်ထားခဲ့ပေသည်။

ထိုသို့ပြုလုပ်ခြင်းမှာ သူနှင့် Frestech ကုန်သည်ကြီးများအသင်းအကြား ရန်ညှိုးတစ်ခု ရှိနေနှင့် သကဲ့သို့ပင်။

မှန်ပါ၏ ရှုယီမှာ နယ်စားကတော် ဝင်းဒ်ဆာနှင့် ကောင့်ထ် ဒိုးလ်တို့၏ ကိစ္စကြောင့် Frestech ကုန်သည်ကြီးများအသင်းမှာ နယ်စားဝင်းဒ်ဆာနှင့် ရန်ညှိုးတစ်ခုရှိထားသည်ကို သေချာသိပါသည်။

နယ်စားဝင်းဒ်ဆာက Frestech ကုန်သည်ကြီးများအသင်းကို ကျူးကျော်ရန် အစောင့်တပ်များ လွှတ်ခဲ့စဉ်က ၎င်းမှာ ရှုယီ၏ အောက်ခြေမျဉ်းကို လုံးဝ ချနင်းပြီးသားဖြစ်ခဲ့ပေသည်။

ထိုအစောင့်များမှာ စတက်တိန်းနယ်မြေ၌ Frestech ကုန်သည်ကြီးများအသင်း၏ သုတ်သင်ရှင်းလင်းခြင်းကို အပြတ်အသတ်ခံခဲ့ရကာ နယ်စားဝင်းဒ်ဆာနှင့် Frestech ကုန်သည်ကြီးများအသင်းအကြား ရန်ညှိုးကို ဖန်တီးခဲ့ပါ၏။

ထို့ကြောင့် ရှုယီမှာ နယ်စားဝင်းဒ်ဆာအနေနှင့် Frestech ကုန်သည်ကြီးများအသင်းအား ဆန့်ကျင်သည်ကို လုံးဝ မအံ့ဩပေ။ နယ်စားဝင်းဒ်ဆာက Frestech ကုန်သည်ကြီးများအသင်းအား တောင်ပိုင်းခရိုင်သို့ ဝင်ရောက်ခြင်းမှ တားဆီးထားချိန်တွင် သူဟာ တောင်ပိုင်းခရိုင်ဈေးကွက်ကို လက်လျှော့ထားပြီးသားဖြစ်သည်။

မည်သို့ဖြစ်ဖြစ် ကန်ဒရာအင်ပါယာ၌ ခရိုင် ဆယ်ခုကျော်ရှိရာ သူဟာ တောင်ပိုင်းခရိုင်ကို တမ်းတနေမည်မဟုတ်ပေ။

၎င်းမှာ ရှုယီအနေနှင့် အဘယ့်ကြောင့် နယ်စားဝင်းဒ်ဆာက ဤနေရာတွင် ပေါ်လာရသည်ကို နားမလည်ရခြင်း အကြောင်းအရင်းဖြစ်ပေသည်။

သူဟာ နယ်စားဝင်းဒ်ဆာနှင့် Frestech ကုန်သည်ကြီးများအသင်းအကြား ကိစ္စကို နယ်စား ပယ်ရက်စ်ကိုက မသိခြင်း သို့မဟုတ် နယ်စားဝင်းဒ်ဆာက ယနေ့ နယ်စား ပယ်ရက်စ်ကို၏ ဧည့်သည်က မည်သူဖြစ်ကြောင်း မသိခြင်းဟု မယုံကြည်ပေ။

၎င်းက အစီစဉ်ချထားခြင်းဖြစ်သဖြင့် အခြားလှုပ်ရှားမှုများရှိလောက်သည်။

ရှုယီနှင့် နယ်စားဝင်းဒ်ဆာတို့မှာ ခဏကြာအောင် တိတ်ဆိတ်နေကြရင်း တစ်ဦးကို တစ်ဦးကြည့်နေကြ၏။

နယ်စားဝင်းဒ်ဆာကို ယဉ်ကျေးမှုလေး တစ်စွန်းတစ်စပင် မပါဘဲ ကြည့်နေပြီးနောက် ရှုယီက ရုတ်တရတ် အကြံရသွားကာ သူ၏ ပါးစပ်ကို အသာဟလျက် မျက်လုံးများက အံ့အားသင့်ဟန်ကို ပြလိုက်ပေသည်။

သူ တုံ့ပြန်လိုက်သည်နှင့် သူ၏ မျက်နှာထက်ရှိ အံ့အားသင့်ဟန်က ဖော်ရွေးသည့်အပြုံးသို့ ပြောင်းသွားကာ နယ်စားဝင်းဒ်ဆာထံ လက်ကမ်းပေးလိုက်တော့သည်။

"နယ်စားကြီး ဒါက ကျုပ်တို့ ပထမဆုံး ဆုံစည်းမှုပါ။ ကျုပ်အနေနဲ့ ဒါက ကျုပ်တို့အကြား ဝမ်းမြောက်စရာ ပူးပေါင်းခြင်းတစ်ခုအဖြစ် ပြောင်းလဲသွားနိုင်မယ့် အချက်ဖြစ်ဖို့ မျှော်လင့်ပါတယ်။ သဘောတူရဲ့လားဗျ?"

နယ်စားဝင်းဒ်ဆာမှာ ရှုယီကို ခဏမျှကြည့်နေပြီးနောက် ရှုယီ၏ လက်ကို ဆွဲကာနှုတ်ဆက်ရန် လက်ကမ်းပေးလိုက်ကာ အလေးအနက်အသံဖြင့် ဆိုလေသည်၊ "ဥက္ကဌရှု ကျုပ် အနေနဲ့ မင်း စိတ်မပျက်ဖို့ မျှော်လင့်မိပါတယ်။"

***

မှော်စက်မှုအင်ပါယာ

Vol 6, အခန်း ၁၄၄။ ဖြန့်ကျက်ခြင်း

နယ်စားဝင်းဒ်ဆာ၏ ရုတ်တရတ် သဘောထားပြောင်းလဲမှုက ရှုယီကို အံ့အားသင့်စေသော်လည်း အဓိပ္ပာယ်လည်း ရှိပါ၏။

အဆုံးတွင် မည်သူကမှ အကျိုးအမြတ်ကို မရှောင်ရှားနိုင်ပေ။

မှော်စက်မှုနယ်ပယ်မှာ ကန်ဒရာအင်ပါယာ၌ အတိုင်းအတာတစ်ခုအထိ ဖွံ့ဖြိုးနေပြီဖြစ်သဖြင့် မည်သူမဆို ဤနယ်ပယ်သစ်၏ ဖုံးကွယ်ထားသော ဧရာမ အကျိုးအမြတ်များကို မြင်နိုင်ပေသည်။

တိုရီယာခရိုင်မှာ အောက်ခြေ‌အဆင့်ရှိ ကမ်းရိုးတန်းခရိုင်ဖုစ်ပြီး ဆင်းရဲခြင်းအတွက် ကျော်ကြားသည်။ သို့သော်လည်း ရေကြောင်း ပို့ဆောင်ရေးနှင့် ဖွံ့ဖြိုးလာသည့် မှော်စက်မှုနယ်ပယ်တို့မှတဆင့် ၎င်း၏ အမြတ်ခွန်မှာ အောက်ခြေမှ အဆင့်ငါးခရိုင်များ အနက်တစ်ခုဖြစ်လာတော့၏။

ထို့အပြင် တိုရီယာခရိုင်မှာ မှော်စက်မှုနယ်ပယ်ထံမှ အမြတ်အစွန်းကိုသာ အကျိုးအမြတ်အဖြစ်ရခြင်း မဟုတ်ဘဲ တိုရီယာခရိုင်တစ်ခုလုံးကိုလည်း သက်ရောက်ခဲ့၏။

အရေးအပါဆုံးတစ်ခုမှာ တိုရီယာခရိုင်သို့ ဆောင်ယူလာသည့် အလုပ်အရေအတွက်ကြီးပင်။

အနှီကုမ္ပဏီများရှိ အလုပ်သမားများလိုအပ်မှုကြီးမားနေခြင်းကြောင့် စက်ရုံများစွာကို ဖွင့်လှစ်ချိန်တွင် ကျန်းမာသည့် လူတိုင်း အလုပ်တချို့ ရှာစေနိုင်ပြီး နေထိုင်ရေးအတွက် ပူစရာမလိုကြတော့ချေ။

တိုရီယာခရိုင်ထံ၌ စက်ရုံများ၏ လိုအပ်ချက်ကို ဖြည့်ဆည်းရန် လူအင်အားအလုံအလောက်မရှိသဖြင့် အနီးဝန်းကျင် ခရိုင်များထံမှ လာသူများစွာရှိပြီး တိုရီယာခရိုင်၌ အလုပ်များရှာဖွေကြလေသည်။

ထိုလူအများစုမှာ တောင်ပိုင်းခရိုင်မှ လာခြင်းဖြစ်၏။

တိုရီယာခရိုင်၌ မှော်စက်မှုနယ်ပယ်၏ ကြီးမားသော လွှမ်းမိုးမှုကို မြင်သော် နယ်စားဝင်းဒ်ဆာအနေနှင့် ထိုပြောင်းလဲမှုကို နားမလည်လျှင် အချိန်များစွာကြာအောင် တောင်ပိုင်းခရိုင်၏ ဘုရင်ခံဖြစ်နေခဲ့မည်မဟုတ်ပေ။

သူ စိုးရိမ်သည့် တစ်ခုတည်းသော အရာမှာ Frestech ကုန်သည်ကြီးများအသင်း၏ သဘောထားဖြစ်သည်။

၎င်းတို့နှစ်ဘက်အကြားတွင် ယခင်က ရန်ညှိုးအချို့ရှိခြင်းကြောင့် သူသာ အလောတကြီးရှေ့တိုးလိုက်လျှင် Frestech ကုန်သည်ကြီးများအသင်းက ၎င်းတို့နှင့် ထိုမျှ ချောချောမွေ့မွေ့ ပူးပေါင်းဖို့ သဘောတူမည်မဟုတ်ပေ။

သို့သော်လည်း ရှုယီ၏ သဘောထားက နယ်စားဝင်းဒ်ဆာ မျှော်မှန်းထားသည်နှင့် လုံးဝ ခြားနားနေ၏။

နယ်စားဝင်းဒ်ဆာ စကားမဆိုခင်တွင် ရှုယီက ဤနေရာသို့လာသည့် သူ၏ အကြောင်းအရင်းကို ဖော်ထုတ်ကာ အင်မတန်နွေးထွေးသည့် သဘောထားကိုပြသ၍ ၎င်းတို့အကြား ပူးပေါင်းမှုတစ်ခုကို အဆိုပြုရန် လက်ဦးမှုရယူခဲ့သည်။

နယ်စားဝင်းဒ်ဆာထံ၌ သံသယအချို့ရှိပါလျှင်တောင် ရှုယီက ဤမျှတက်ကြွ၍ အကောင်းမြင်ပေရာ သူလည်း ၎င်း(သံသယ)တို့ကို လွှင့်ပစ်လိုက်တော့၏။

သူဟာ ယခုဆိုလျှင် တိုရီယာခရိုင်နှင့် အနီးဝန်းကျင်ခရိုင်များကို နှစ်တစ်ဝက်ကြာအောင် စူးစမ်းနေခဲ့သဖြင့် မှော်စက်မှုနယ်ပယ်ရှိ လွှမ်းမိုးမှုကို နက်နက်ရှိုင်းရှိုင်းနားလည်နေပြီဖြစ်သည်။ သူ့အနေနှင့် Frestech ကုန်သည်ကြီးများအသင်း ယူဆောင်လာသည့် အရာအသစ်အဆန်း၌ ဖုံးကွယ်နေသည့်အရာမှာ နယ်မြေကြီးတစ်ခုလုံးကို ပြောင်းလဲပစ်နိုင်ကြောင်း သေချာပေသည်။

သူသာ မည်သည့် ပြောင်းလဲမှုမှ မပြုလုပ်ပါလျှင် နောက်ကျကျန်ခဲ့ပြီး အရှင်းလင်းပင် ခံရနိုင်သည်။

ဝင်းဒ်ဆာမိသားစု၏ ခေါင်းဆောင်၊ ထို့အပြင် ကန်ဒရာအင်ပါယာ၏ တောင်ပိုင်းခရိုင် ဘုရင်ခံအနေနှင့် သူသာ ဤပြောင်းလဲမှုကို နားမလည်လျှင် ဝင်းဒ်ဆာမိသားစုနှင့် တောင်ပိုင်းခရိုင်တို့၌ အကြီးမားဆုံးအပြစ်သားဖြစ်လာလိမ့်မည်။

ခေတ်သစ်နောက်လိုက်ခြင်း အတွေးမှာ ရန်ညှိုးက ယှဉ်နိုင်သည့်အရာမဟုတ်ပေ။

ထို့ကြောင့် ရှုယီမှာ တိုရီယာခရိုင်၌ သုံးရက်သာနေပြီးနောက် နယ်စား ပယ်ရက်စ်ကိုနှင့် နယ်စားဝင်းဒ်ဆာတို့နှင့်အတူ သီးသန့် စာချုပ်လက်မှတ်ရေးထိုးခဲ့သည်။

လူထုရှေ့ချမပြသည့် စာချုပ်အရ Frestech ကုန်သည်ကြီးများအသင်းမှာ တိုရီယာခရိုင်နှင့် တောင်ပိုင်းခရိုင်တို့နှင့် စတင် ပူးပေါင်းတော့မည်ဖြစ်၏။

မှန်ပါ၏၊ ကန်ဒရာအင်ပါယာနှင့် Frestech ကုန်သည်ကြီးများအသင်းအကြား နေရခက်သော ဆက်ဆံရေးနှင့် နယ်စားဝင်းဒ်ဆာ၏ ဂုဏ်သတင်းတို့ကြောင့် Frestech ကုန်သည်ကြီးများအသင်းမှာ ထိုခရိုင်နှစ်ခုတွင် တိုက်ရိုက် ရင်းနှီးမြှုပ်နှံမည်မဟုတ်ပေ။ ၎င်းတို့မှာ အရင်ဆုံး Frestech ကုန်သည်ကြီးများအသင်းနှင့် မဆက်စပ်သည့် အခြားကုမ္ပဏီနှင့် အလုပ်လုပ်မည်ဖြစ်ပြီး ၎င်းကို ကန်ဒရာအင်ပါယာမှ ထိန်းချုပ်ကာ ‘Tunan’ ကုန်သည်ကြီးများအသင်းဟု ခေါ်တွင်သည်။

ဤ‘Tunan’ ကုန်သည်ကြီးများအသင်းမှာ ကုမ္ပဏီအလွတ်တစ်ခုသာဖြစ်၏။ Frestech ကုန်သည်ကြီးများအသင်းထံမှ လာသည့် ရံပုံငွေများမှာ Frestech ကုန်သည်ကြီးများအသင်း၏ ထိုခရိုင်နှစ်ခု၌ ရင်းနှီးမြှုပ်နှံခြင်းအတွက် အဓိက တာဝန်ရှိသည်။

စာချုပ်အရ Frestech ကုန်သည်ကြီးများအသင်းမှာ ‘Tunan’ ကုန်သည်ကြီးများအသင်းမှတဆင့် တိုရီယာခရိုင်တွင် စိုက်ပျိုးရေးသုံးမှော်စက် စက်ရုံတစ်ရုံတည်ဆောက်ကာ ခရိုင်နှစ်ခုစာ စိုက်ပျိုးရေးသုံးမှော်စက်များ ထောက်ပံ့ရမည်ဖြစ်သည်။

ထို့နောက် အနှီခရိုင်နှစ်ခုတွင် မှော်စက်မှုအခြေစိုက်ရုံးလေးနှစ်ရုံးရှိမည်ဖြစ်၏။ အိမ်သုံးမှော်စက်များကို အဓိက ထုတ်လုပ်ခြင်းအပြင် ၎င်းတို့မှာ ခရိုင်နှစ်ခုရှိ စီမံကိန်းများကို ပြုလုပ်ရာ၌ အသုံးပြုမည့် ဆောက်လုပ်ရေးမှော်စက်များကိုလည်း ထုတ်လုပ်ရမည်ပင်။

၎င်းက နယ်စားနှစ်ဦးကို ရှုယီ တောင်းဆိုထားသည့် တောင်းဆိုချက်များထဲမှ တစ်ခုဖြစ်၏။

သူဟာ နယ်စားနှစ်ဦးအား မှော်စက်မှုနယ်ပယ်ကို ချောချော‌မွေ့မွေ့ ဖွံ့ဖြိုးစေပြီး မှော်စက်မှုနယ်ပယ်၏ အကျိုးအမြတ်များကို ခံစားရန် ပထမဦးစွာ ခရိုင်နှစ်ခု၏ ခေတ်နောက်ပြန်ဆွဲနေသော အခြေခံအဆောက်အဦများကို ဖြေရှင်းရန်မည်ဟု ပြောခဲ့သည်။

ဤ အခြေခံအဆောက်အဦ၏ အဓိကအပိုင်းမှာ လမ်းပြဿနာကို အဓိက ဖြေရှင်းရန် ဖြစ်၏။

ထို့ကြောင့် ရှုယီ ထွက်သွားပြီး မကြာခင် အမ်ရစ်ကုန်သည်ကြီးများအသင်း၏ ဥက္ကဌ ခရုစ်မှာ နယ်စား ပယ်ရက်စ်ကို၏ ဖိတ်ကြားချက်ကို လက်ခံရရှိခဲ့သည်။ ၎င်းတို့မှာ တိုရီယာခရိုင်သို့ ဝင်ကာ နယ်စား ပယ်ရက်စ်ကိုနှင့် နယ်စားဝင်းဒ်ဆာ၏ ကိုယ်စားလှယ်တို့နှင့် လမ်းများဖောက်လုပ်ရန် စာချုပ်လက်မှတ်ရေးထိုးခဲ့သည်။

ဤစာချုပ်မှာ ၎င်းတို့ ရှုယီနှင့် လက်မှတ်ထိုးထားသော သီးသန့်စာချုပ်နှင့် ခြားနားကာ ဤသည်မှာ တိုရီယာခရိုင်နှင့် တောင်ပိုင်းခရိုင်တို့၏ စည်းတံဆိပ်များ ရိုက်နှိပ်ထားသော တရားဝင်စာချုပ်ဖြစ်ပါ၏။

ဤစာချုပ်အရ တိုရီယာခရိုင်နှင့် တောင်ပိုင်းခရိုင်တို့မှာ ခရိုင်နှစ်ခုတွင် စုစုပေါင်း တစ်ထောင့်နှစ်ရာ(၁၂၀၀) ကီလိုမီတာရှိ လမ်းလေးလမ်း တည်ဆောက်ရန် ရွှေဒင်္ဂါးတစ်သန်းနှစ်သိန်းနှင့် တစ်သန်းခုနစ်သိန်းတို့ကို အသီးသီး ရင်းနှီးမြှုပ်နှံရမည်ဖြစ်သည်။

ထိုလမ်းလေးလမ်းအား ခင်းပြီးသည်နှင့် တိုရီယာခရိုင်ရှိ တောင်ပိုင်းဆိပ်ကမ်းများ၌ ကမ်းကပ်သော သင်္ဘောများထံမှ ကုန်စည်များကို ကမ်းရိုးတန်းမှနေ၍ ထိုလမ်းများမှတဆင့် တိုရီယာခရိုင်နှင့် တောင်ပိုင်းခရိုင်တို့ကို ယူဆောင်ရမည်ဖြစ်၏။

တစ်ချိန်တည်းမှာပင် ခရိုင်နှစ်ခုမှာ ထိုလမ်းမှတဆင့် ထုတ်ကုန်များကို ဆိပ်ကမ်းထံသို့ ချောမွေ့စွာ ပို့ဆောင်နိုင်ပြီး နောက်မှ အခြားမတူညီသော နေရာများကို ပို့ဆောင်မည်သာ။

ထို့ကြောင့် ထိုလမ်းများနှင့် အတူအလုပ်လုပ်ရန် အလို့ငှာ ခရိုင်နှစ်ခုမှာ Frestech ကုန်သည်ကြီးများအသင်းထံမှ ကို့ဆောင်ရေးမှော်ကားကြီး အစီး နှစ်ရာကို မှာယူခဲ့သည်။

မှန်ပါ၏ နယ်စားဝင်းဒ်ဆာက Frestech ကုန်သည်ကြီးများအသင်းဆိုင်ရာ ထုတ်ကုန်များအနေနှင့် တောင်ပိုင်းခရိုင်ကို ဝင်ရောက်၍မရနိုင်ဟု ကြေငြာထားကတည်းက တောင်ပိုင်းခရိုင်မှာယူထားသည့် ပို့ဆောင်ရေးမှော်ကားကြီး အစီးနှစ်ရာမှာ တိုရီယာခရိုင်အောက်ရှိ အမည်မသိကုမ္ပဏီထံမှ ဖြစ်သွားသည်။

ဤကုမ္ပဏီအနေနှင့် တောင်ပိုင်းခရိုင်သို့ မည်သည့်သံသယမှမပါဘဲ ဝင်ရောက်နိုင်ရန်ဆိုသည်မှာ နယ်စားဝင်းဒ်ဆာ ပူပန်ရမည့်အရာဖြစ်ပြီး ရှုယီနှင့် မဆိုင်ပေ....

ဥက္ကဌခရုစ်မှာ လမ်းလေးလမ်းအတွက် ခရိုင်နှစ်ခုမှကိုယ်စားလှယ်များနှင့် ညှိနှိုင်းနေဆဲအချိန်တွင် ရှုယီမှာ Frestech ကုန်သည်ကြီးများအသင်း၏ အဓိကအခြေစိုက်ရုံးရှိရာ ပင်လယ်နံဘေးအိမ်တော်ထံ ပြန်ရောက်နေပြီဖြစ်သည်။

ရှုရည်အိမ်ပြန်လာချိန်တွင် သူပထမဆုံးပြုလုပ်သည့်အရာမှာ နံရံပေါ်တွင် ချိတ်ဆွဲထားသော စိုင်စ်နယ်မြေကြီး၏ မြေပုံရှိရာ စာကြည့်ခန်းသို့သွားခြင်းဖြစ်သည်။

သူဟာ ဖောင်တိန်ကိုကောက်ယူ၍ ကန်ဒရာအင်ပါယာ၏ တောင်ပိုင်းတိုရီယာခရိုင်တွင် ပထမဆုံးအနီရောင်အစက်တစ်စက် ချလိုက်ပြီးနောက် တောင်ပိုင်းခရိုင်တွင် အစက်ပေါင်းများစွာကို ချလိုက်သည်။

အနည်းငယ်တုံ့ဆိုင်နေပြီးနောက်သူဟာထိုမြေပုံ၏ မည်သည့်အပိုင်းကိုမှ အနီရောင်မခြယ်ဘဲ အနီရောင်အစက်အနည်းငယ်ကိုသာ ချထားလိုက်သည်။

သူ့အနေနှင့် တိုရီယာခရိုင်ကို အင်မတန်စိတ်ချပြီး နယ်စား ပယ်ရက်စ်ကိုမှာ Frestech ကုန်သည်ကြီးများအသင်းနှင့် မှော်စက်မှုနယ်ပယ်ကို တည်ထောင်ရေးအတွက် အတူ လုပ်ဆောင်ရာ၌ စိတ်ရင်းအလုံအလောက်ရှိသည်ကို ယုံကြည်သည်။ သို့သော် တောင်ပိုင်း ခရိုင်အတွက်မူ ရှုယီမှာ ထိုမျှ ယုံကြည်ချက်မရှိပေ။

နယ်စားဝင်းဒ်ဆာမှာ စိတ်ရင်း အလုံအလောက်ပြထားပြီဖြစ်သော်လည်း သူ၏ ယခင်လုပ်ရပ်များအရ ရှုယီအနေနှင့် သူ့အား အချိန်အတန်ကြာ လေ့လာဖို့ လိုအပ်သေးသည်။

၎င်းဧရိယာနှစ်ခုကို အနီရောင်ဒီဂရီများဖြင့် ခွဲခြား၍ အစက်ချပြီးနောက် ရှုယီ၏ မျက်လုံးများမှာ မြေပုံပေါ်ရှိ ကန်ဒရာအင်ပါယာထံသို့ ကျရောက်သွားသည်။ သူဟာကန်ဒရာအင်ပါယာ၏ နေရာကျယ်ကြီးတွင် အနီရောင်အကွက်များစွာရှိနေပြီး ၎င်းရှိ မှော်စက်မှုနယ်ပယ်က အတော်လေးမြန်ဆန်စွာ ဖွံ့ဖြိုးတိုးတက်နေသည်ကို တွေ့လိုက်ရသည်။ ၎င်းကအစပိုင်း၌ ခက်ခဲသည့်အနေအထားနှင့် မယှဉ်နိုင်လောက်အောင်ဖြစ်နေပြီဖြစ်သည်။

ရှုယီမှာ အမြဲတမ်းမှော်စက်မှုနယ်ပယ်ကို အယုံကြည်ဆုံးလူတစ်ဦးဖြစ်သည်။ သူ့အနေနှင့် ကန်ဒရာအင်ပါယာရှိ လူတိုင်းစက်မှုနယ်ပယ်က ယူဆောင်လာမည့် အကျိုးအမြတ်များကိုနားလည်ချိန်တွင် ကန်ဒရာအင်ပါယာက နောက်ဆုံး၌ လက်ထဲသို့ကျရောက်လာမည်ကိုယုံ ကြည်သည်။

၎င်းကလည်း ခေတ်သစ်၏ဒီရေဖြစ်ပြီး မည်သူကမှ မည်သည့်နိုင်ငံကမှ မတားဆီးနိုင်ပါချေ။

သူ၏အကြည့်များကို ကန်ဒရာအင်ပါယာထံမှ ရွှေ့လိုက်ပြီးနောက် ရှုယီမှာ မြောက်ပိုင်းရှိ နေရာကျယ်ကြီးကို ယူထားသော မားလိုအင်ပါယာထံ ကျရောက်သွားကာ စိတ်တိုင်းကျဟန် ထုတ်ပြလာသည်။

မားလိုအင်ပါယာထံ၌ ကန်ဒရာအင်ပါယာကဲ့သို့ အနီရောင်နယ်မြေများစွာ မရှိသော်လည်း ၎င်းက အရောင်ပိုင်းတွင် ပို၍ မှုန်မှိုင်းနေသည်။ ၎င်းက ရှုယီ၏ စိတ်တွင် မားလိုအင်ပါယာရှိ ထိုနေရာများမှာ ကန်ဒရာအင်ပါယာနှင့်ယှဉ်လျှင် မှော်စက်မှုနယ်ပယ်၌ ပိုကြီးမားသည့် တိုးတက်မှုရှိမည်ဖြစ်ကြောင်းကို ပြသနေသည်။

၎င်းအတွက် အကြောင်းအရင်းမှာ ပထမဆုံး မားလိုအင်ပါယာ၏ ပထဝီဝင်အနေအထားက ထူးခြားသည်။ မှော်စက်မှုနယ်ပယ် ဖွံ့ဖြိုးရန် နေရာများစွာ မရှိပေ။ ဒုတိယမှာ Frestech ကုန်သည်ကြီးများအသင်း၏ မားလိုအင်ပါယာထဲသို့ ဝင်ရောက်လာပုံက ကွဲပြားသောကြောင့်ဖြစ်၏။ ၎င်းအား မားကွစ္စ် ဆော့သ်ဂိတ် ထံ၌ အဓိက ဦးတည်ထားပြီး ဤသည်ကပင် တိုးတက်ရေးကို ဦးတည်ထားသည့်နေရာဖြစ်ကာ ပိုမိုနက်ရှိုင်းသည့် အနီရောင်ခြယ်ရှိနေခြင်းပင်။

မှန်ပါ၏၊ အင်ပါယာနှစ်ခုရှိ ဖွံ့ဖြိုးတိုးတက်မှုအခြေအနေဖြင့် သွားလျှင် မားလိုအင်ပါယာမှာ မားကွစ္စ် ဆော့သ်ဂိတ် နှင့် ၎င်းတို့၏ အစိုးရက သဘောထားများကို လက်ခံသောကြောင့် ကန်ဒရာအင်ပါယာထက် များစွာပိုမို အားကောင်းသည်။

မားလိုအင်ပါယာမှာ စိုက်ပျိုးရေးသုံးမှော်စက်များ အလုံ‌အလောက် ထုတ်လုပ်ပြီးဖြစ်၏။ ကန်တိုနာ ကုန်သည်ကြီးများအသင်း၏ အကူအညီဖြင့် ၎င်းတို့မှာ ၎င်းတို့၏ လယ်မြေ ၃၀%ကျော်ကို စိုက်ပျိုးရေးသုံးမှော်စက်များဖြင့် ရိတ်သိမ်းပြီးဖြစ်သလို ၎င်းမှာ အတိတ်ကထက် ဆယ်ဆကျော်လောက် ပိုမို ထိရောက်မှုရှိ၏။

အကျိုးအမြတ်များကို ခံစားထားသည့် မားလိုအင်ပါယာမှာ သိသိသာသာပင် Frestech ကုန်သည်ကြီးများအသင်းထံ ၎င်းတို့အနေနှင့် စိုက်ပျိုးရေးမှော်စက် နည်းပညာအား လွှဲပြောင်းပေးပြီး မားလိုအင်ပါယာအား စိုက်ပျိုးရေးသုံးမှော်စက်များတွင် ပြီးပြည့်စုံစွာ ကူညီ၍ အကောင်အထည်ဖော်ပေးဖို့ မျှော်လင့်ကြောင်း ဖော်ပြခဲ့သည်။

မားလိုအင်ပါယာအနေနှင့် ၎င်းတို့၏ စိတ်ရင်းကိုပြရန် ထုတ်ကုန်အားလုံးအတွက် အခွန် ၅%လျှော့ပေးမည်ဟုပင် အဆိုပြုခဲ့သည်။

ဤ ၅%ကို အထင်မသေးပါနှင့်။

စိုက်ပျိုးရေးသုံးမှော်စက်များအပါအဝင် Frestech ကုန်သည်ကြီးများအသင်းမှာ မားလိုအင်ပါယာ၌ စုစုပေါင်း ရွှေဒင်္ဂါးဆယ့်ခုနစ်သန်းတန် ထုတ်ကုန်များကို ရောင်းချနိုင်ခဲ့သည်။

အကောက်ခွန်မှာ အနှီမှော်စက်များအတွက် ထိုမျှ မမြင့်မားဘဲ ၅၄% သာဖြစ်သော်လည်း ၎င်း၏ ၅%ကို လျှော့ချလိုက်လျှင် Frestech ကုန်သည်ကြီးများအသင်းမှာ ရွှေဒင်္ဂါးရှစ်သိန်းကျော်သက်သာနိုင်မည်ဖြစ်သည်။

၎င်းက များလှပုံ‌မပေါ်သော်လည်း Frestech ကုန်သည်ကြီးများအသင်းက မားလိုအင်ပါယာထဲသို့ ရွှေဒင်္ဂါး သန်းသုံးဆယ်ကျော်တန် ထုတ်ကုန်များကို တင်သွင်းနေသည်အား စဉ်းစားရပါသော် ၎င်းမှာ လျစ်လျူရှုမရနိုင်သည့် ပမာဏပင်။

အကောက်ခွန်လျှော့ချခြင်းကြောင့် Frestech ကုန်သည်ကြီးများအသင်းမှာ ၎င်းတို့၏ ဈေးနှုန်းကို လျှော့ချနိုင်သည်အား မဆိုထားနှင့် ၎င်းက မားလိုအင်ပါယာ၌ ပို၍ ရောင်းရလွယ်ကူစေကာ Frestech ကုန်သည်ကြီးများအသင်း၏ ထုတ်ကုန်များကို အခြားမှော်စက်ကုမ္ပဏီများ၏ ထုတ်ကုန်များနှင့် ပို၍ အပြိုင်အဆိုင်ဖြစ်သွားစေလိမ့်မည်။

၎င်းနှင့်တင် Frestech ကုန်သည်ကြီးများအသင်းရရှိမည့် အကျိုးအမြတ်များက ပို၍ ထိတ်လန့်ဖွယ်ပင်ဖြစ်သည်။

သို့သော် ၎င်းက ရှုယီအတွက် လုံလောက်ရန် ဝေးကွာလွန်းနေပါသေး၏....

***

မှော်စက်မှုအင်ပါယာ

Vol 6, အခန်း ၁၄၅။ လမ်းပျောက်နေသော ဗီဗီယန်

အနည်းငယ်တိတ်ဆိတ်နေပြီးနောက်၌ ရှုယီမှာ မြေပုံပေါ်ရှိ မားလိုအင်ပါယာပေါ်တွင် question mark တစ်ခုကို ဆွဲလိုက်ပြီးနောက် မျက်လုံးများကို အောက်သို့ အကြည့်လွှဲလိုက်၏။ သူဟာ တောင်ဘက်ပင်လယ်ပြင်အတွက် မြေပုံပေါ်ရှိ ဧရာမအဖြူရောင်အကွက်ထံ ကြည့်လိုက်ကာ အသာ မျက်မှောင်ကုပ်လေသည်။

သူ၏ မြေပုံများပေါ် ချစ်မြတ်နိုးခြင်းမှာ ကိုယ်ပိုင်ဝါသနာတစ်ခုဖြစ်သလို လက်တွေ့ကျကျလိုအပ်သည့်အရာလည်းဖြစ်ပါ၏။

သူဟာ နံရံပေါ်၌ နှစ်ပေါင်းများစွာကြာအောင် ရှိနေခဲ့သည့် စိုင်စ်နယ်မြေကြီး၏ ဤမြေပုံကြီးကို မှီခိုနေခဲ့ရသည်။ ရှုယီမှာ ၎င်းအား နယ်မြေကြီးပေါ်ရှိ Frestech ကုန်သည်ကြီးများအသင်း၏ ဖွံ့ဖြိုးတိုးတက်မှုအတွက် အမှတ်အသားပြုရန် အသုံးပြုသလို အနာဂတ်အတွက် အကောင်းဆုံး အကဲဖြတ်မှုပြုလုပ်ရန်လည်း သုံးသောကြောင့် ၎င်းမှာ သူ့အတွက် အင်မတန်အရေးပါသည်ဟု ဆိုနိုင်ပေသည်။

သို့သော်လည်း ဤမြေပုံမှာ စိုင်စ်နယ်မြေကြီးရှိ အတိကျဆုံး မြေပုံဖြစ်ပါလျှင်တောင် လုံလောက်အောင် တိကျရန် များစွာ လိုအပ်နေသေးသည်။

ဥပမာ အကြီးဆုံးအဖြစ် သတ်မှတ်ထားသော ရူဒ်ဆန် တိုင်းပြည်၏ တောင်ပိုင်းပင်လယ်ပြင်ရှိ ဧရာမသမင်ကျွန်းမှာ မြေပုံထက်တွင် အင်မတန်သေးငယ်သည့် အမှတ်တစ်မှတ်စာသာရှိကာ ဘာမှဟုတ်မနေပေ။

ထို့အပြင် ရှုယီ၏ ဧရာမသမင်ကျွန်းထံသို့ မှော်လေသင်္ဘောစီး၍ အကြိမ်များစွာ သွားလိုက်လာလိုက်လုပ်သည့် အတွေ့အကြုံအရ မြေပုံ၌ မှတ်တမ်းတင်ထားသည့် နေရာမှာ အနည်းဆုံး တကယ်တမ်း ၎င်းရှိသည့်နေရာမှ ကီလိုမီတာ တစ်ရာဝေးကွာပြီး ကြီးမားသော ကွာခြားချက်ရှိနေပါ၏။

"အခြေနေသာ ကောင်းရင် ငါတစ်ယောက်ယောက်ကို ပိုတိကျတဲ့ မြေပုံဆွဲခိုင်းဖို့လိုတယ်။"

ရှုယီမှာ မိမိဘာသာရေရွတ်လိုက်သည်။ သူဟာ ဧရာမသမင်ကျွန်းရှိရာ နေရာအမှန်ဖြစ်သည့် ညာဘက်အပေါ်ပိုင်းကို ကြည့်လိုက်ကာ နီးနီးကပ်ကပ်သွားလိုက်ပြီးနောက် မြေပုံပေါ်၌ အနီရောင်အမှတ်တစ်ခု မှတ်လိုက်သည်။ ထို့နောက် သူဟာ ၎င်းအား သူမတိုင်ခင်က မှတ်ထားသည့် Frestech ကုန်သည်ကြီးများအသင်း၏ ရေကြောင်း ပို့ဆောင်ရေးလမ်းကို ကိုယ်စားပြုသောအမှတ်နှင့် ဆက်ရန် အစက်မျဉ်းတစ်ခုဆွဲလိုက်သည်။

စဉ်းစားကြည့်လိုက်ပြီးနောက် ရှုယီမှာ ဤကျွန်း၏ ပတ်လည်တွင် နောက်ထပ်အစက်မျဉ်းတစ်ခုကို ဖန်တီးလိုက်ကာ ထိုမျဉ်း၏ ပတ်လည်‌၌ နောက်တစ်ကြောင်းထပ်ဆွဲလိုက်သည်။

ဤအစက်မျဉ်းနှစ်ခုမှာ ဧရာမသမင်ကျွန်းပေါ်၌ Frestech ကုန်သည်ကြီးများအသင်း တည်ထောင်ထားသည့် စစ်ဘက်အခြေစိုက်ရုံး၏ သြဇာလွှမ်းမိုးမှုနယ်ပယ်ဖြစ်သည်။

ဤသြဇာလွှမ်းမိုးမှုနယ်ပယ်မှာ ယခုတွင် ထိုမျှ မကြီးမားဘဲ အများဆုံး ငါးရာမီတာသာ ပျံ့နှံ့နေသေးပြီး ကန်ဒရာအင်ပါယာ၏ တောင်ပိုင်းပင်လယ်ပြင်ကို သက်ရောက်ဖို့ လုံလောက်ရန်ပင် လိုနေသေးသည်။

ဤသည်မှာ ယခုတွင် တပ်ဖြန့်ထားသည့် လက်နက်ပြည့်တပ်ဆင်ထားသော အစောင့်သင်္ဘောစု နှစ်ခုသာရှိသောကြောင့်ဖြစ်သည်။ ၎င်းအစောင့်သင်္ဘောစုများမှာ အင်အားကြီးမားပါသော်လည်း အခြေစိုက်ရုံး၏ အတိုင်းအတာမှာ အကန့်အသတ်ရှိပြီး အစောင့်သင်္ဘောစုများအား ပိုမိုသော ထိုးနှက်ချက်များ ချပြရန် မထောက်ပံ့နိုင်သေးပေ။

သြဇာလွှမ်းမိုးမှုနယ်ပယ်ကို ဆွဲထုတ်ပြီးနောက်၊ ရှုယီသည် ညာဘက်သို့ မျကြည့်ကာ ကန်ဒရာ အင်ပါယာ၏ ကမ်းစပ် တောင်ဘက် ကီလိုမီတာသုံးရာကို သွားလိုက်သည်။

အစီရင်ခံချက်များအရ၊ ဤနေရာတွင် သယံဇာတကြွယ်ဝသော အခြားကျွန်းတစ်ကျွန်းရှိပြီး ဧရာမသမင်ကျွန်းထက် သုံးပုံတစ်ပုံ ပိုကြီးသည်။

ဤကျွန်းသည် ဧရာမသမင်ကျွန်းမှ ကီလိုမီတာ ခုနစ်ရာမှနေ၍ ရှစ်ရာခန့် ကွာဝေးသည်။ အကယ်၍ အစောင့်သင်္ဘောစုများ ဧရာမသမင်ကျွန်းမှ ထွက်ခွာပါက တစ်ရက်တည်း ရောက်ရှိလာနိုင်သည်။ ဤကျွန်းသည် ရှုယီ၏ ဒုတိယအခြေစိုက်စခန်းအတွက် ရွေးချယ်ထားသောကျွန်းဖြစ်သည်။

ရှုယီသည် ဤကျွန်း၏နေရာတွင် အစက်လေးတစ်စက်ပြုလုပ်ပြီးနောက် ကီလိုမီတာနှစ်ရာအကွာအဝေးရှိ ရေကြောင်းပို့ဆောင်ရေးလမ်းကြောင်းဆီသို့ မျဉ်းတစ်ကြောင်းဆွဲလိုက်သည်။ ထိုအကြောင်းကို တွေးပြီးနောက် ခေါင်းယမ်းလိုက်သည်။

ကန်ဒရာအင်ပါယာ၏ ကမ်းရိုးတန်းနှင့်ဝေးသော ဤဒုတိယကျွန်းကို သူရွေးချယ်ရခြင်းအကြောင်းရင်းမှာ အဓိကအားဖြင့် ကန်ဒရာအင်ပါယာ၏သဘောထားကြောင့်ဖြစ်သည်။

ရှုယီမှာ ကန်ဒရာ အင်ပါယာရေတပ်က ခြိမ်းခြောက်လာမှာကို ကြောက်တာတော့မဟုတ်သော်လည်း မိမိတို့ကြားက တိုးတက်နေသည့် ကောင်းမွန်သောဆက်ဆံရေးကို မဖျက်ဆီးချင်သောကြောင့်ပင်။

ထို့အပြင်၊ ဤကျွန်း၏အနောက်တောင်ဘက် ကီလိုမီတာငါးရာခန့်တွင် လက်စ်လိုင်း ထိန်းချုပ်ထားသည့် ကောင်းကင်ဘုံကျွန်းရှိသည်။

ဤပင်လယ်စခန်းနှစ်ခုကို ပြီးစီးပြီးနောက်တွင် ၎င်းက ကောင်းကင်ဘုံကျွန်းနှင့် တြိဂံနယ်‌မြေတစ်ခု ဖန်တီးမည်ဖြစ်သည်။

တစ်နေရာတွင် ပြဿနာတစ်ခု ကြုံလာသည့်အခါ ကျန်သည့်နှစ်နေရာက အလွယ်တကူ တုံ့ပြန်နိုင်ရန်ဖြစ်သည်။

ရှုယီ၏ နှလုံးသားထဲတွင် ဝှက်ထားသည်မှာ အခြားအကြံတစ်ခုဖြစ်သည်။ လက်စ်လိုင်း က ကောင်းကင်ဘုံကို ထိန်းချုပ်မှု ဆုံးရှုံးသွားသည့်ကိစ္စ တစ်ခုခုရှိလာခဲ့လျှင် ပင်လယ်အခြေစိုက်စခန်းနှစ်ခုမှာ လျင်မြန်စွာ တုံ့ပြန်နိုင်မည်ဖြစ်၏။

ဒုတိယ ပင်လယ်အခြေစိုက်စခန်းအတွက် အစီအစဉ်အချို့ပြုလုပ်ပြီးနောက် ရှုယီသည် မိမိမျက်လုံးများကို အရှေ့သို့ထပ်မရွေ့တော့ပေ။

သူ့အနေနှင့် တစ်ကြိမ်လျှင် တစ်ခုသာစားပြီး တစ်ကြိမ်လျှင် ကိစ္စများကို တစ်ခါသာလုပ်ဖို့လိုသည်။

Frestech ကုန်သည်ကြီးများအသင်း၏ လက်ရှိအင်အားဖြင့် ပင်လယ်အခြေစိုက်စခန်းနှစ်ခု တည်ဆောက်ခြင်းနှင့် ထိန်းသိမ်းခြင်းတို့ကပင် များစွာကြိုးပမ်းလုပ်ဆောင်နေရာကျနေပြီဖြစ်သည်။

ယခုအချိန်တွင် အခြေစိုက်စခန်းများ ထပ်မံတည်ဆောက်ဖို့ စဉ်းစားရန် မလိုသေးပေ။

“ဒေါက် ဒေါက် ဒေါက် ဒေါက်”

ရှုယီသည် မြေပုံရှိ သူ၏နောက်ခြေလှမ်းများကို လှမ်းခါနီးတွင် စာဖတ်ခန်းတံခါးကို ညင်သာစွာ ခေါက်သံအားကြားလိုက်သည်။

ဤထူးဆန်းသော ခေါက်သံကိုကြားသော် ရှုယီသည် အံ့အားသင့်စွာဖြင့် လှည့်ကြည့်လိုက်ရာ စတေးလ်က ပြုံးလျက် တံခါးဝတွင် ရပ်နေသေးသည်ကို တွေ့လိုက်ရသည်။

"ဟေး၊ ကိုယ်သွားတုန်းက မားလိုအင်ပါယာဆီကနေ ဖိတ်ကြားချက်ရတယ်လို့ ကြားခဲ့ရတာမဟုတ်ဘူးလား။ ဒီနေ့ ဘာလို့ပြန်ရောက်နေတာလဲ" ရှုယီက အံ့သြသောအသံဖြင့် မေးလိုက်သည်။

စတေးလ်က ရှုယီကို ချစ်စဖွယ်အကြည့်ဖြင့် ကြည့်ကာ ခပ်ဖျော့ဖျော့ပြုံး၍ ပြောသည်။ "ဒီနေ့ ရှင်ပြန်လာတယ်လို့ ကြားတယ်၊ ဒါကြောင့် မားလိုအင်ပါယာကနေ အပြေးလာခဲ့တာ"

ရှုယီက မနေနိုင်စွာ ပြုံး၍ "မင်း ဘယ်သူ့ကို လာလိမ်နေတာလဲ။ မားလိုအင်ပါယာက ကီလိုမီတာ နှစ်ထောင်ကျော် ဝေးတယ်လေ။ မင်းက ကိုယ်ပြန်လာတဲ့ သတင်းကို ဟိုးကတည်းက ရထားခဲ့တာ‌လည်းမဟုတ်တော့ အမြန်ဆုံး မှော်လေသင်္ဘောနဲ့လာရင်တောင် ရောက်ဖို့ တစ်ရက်လောက်ကြာဦးမှာကို ဘယ်လိုလုပ် အချိန်မီရောက်နိုင်မှာလဲ?"

"ရှင်က တကယ်ကို တစ်ခုခုပဲ .. ရှင့်ကို ပျော်အောင်လုပ်ဖို့က မလွယ်ဘူး......" စတေးလ်က သူမနှုတ်ခမ်းကို တမင်တကာဆူလိုက်ကာ ရှုယီကို မျက်လုံးလှန်ပြသည်၊ “ကောင်းပြီ၊ လွန်ခဲ့တဲ့ ရက်အနည်းငယ်က ကျွန်မ အရေးကြီးတဲ့ သတင်းတစ်ခု ရခဲ့ပြီး အမြန်ပြန်လာခဲ့တာပဲ။ ပြန်ရောက်တာနဲ့ ဗီဗီယန်က ရှင်ပြန်လာတယ်လို့ ပြောလိမ့်မယ်လို့ မထင်ခဲ့ဘူး၊ ဒါက အံ့သြစရာကောင်းတယ်။”

"ဗီဗီယန်?" ရှုယီ အံ့သြသွားပြီး "မင်း သူမကို ဘယ်မှာတွေ့ခဲ့တာလဲ"

"တံခါးအပြင်ဘက်မှာ။" စတေးလ်က သက်ပြင်းချ၍ အိမ်တံခါးဘက်ကို ညွှန်ပြသည်၊ "ရှုယီ ရှင်က အရမ်းအလုပ်များနေတာကို မကြာသေးခင်ကပဲ ကျွန်မသတိထားမိတယ်၊ ဗီဗီယန်တောင်မှ လစ်လျူရှုခံနေရတာလား။ တံခါးအပြင်ဘက်မှာ အထဲ ဝင်ဖို့ မဝံ့မရဲဖြစ်နေတာကို ကျွန်မလည်း တွေ့လိုက်တာနဲ့ သူ့ကို ခေါ်လိုက်တော့ ငြင်းပြီး ထွက်ပြေးသွားတယ်။ ကြည့်ရတာ… သူမ နှလုံးသားထဲက ကြိုးထုံးကို မဖြေနိုင်သေးဘူးထင်တယ်”

ရှုယီ တိတ်ဆိတ်သွားသည်။

လွန်ခဲ့သော တစ်လခွဲခန့်က ဆယ်ဗီနီသည် စတန်တိုင်းနယ်မြေသို့ လူများစေလွှတ်ခဲ့ပြီး ရှုယီက လပေါင်းများစွာ နေအိမ်အကျယ်ချုပ်ချထားခဲ့သော ထရီဇာကို ခေါ်ဆောင်ကာ ၎င်းတို့နှင့်အတူ လမ်ပူရီတိုင်းပြည်သို့ ပြန်လည်ပို့ဆောင်ခဲ့သည်။

ရှုယီက ထိုကိစ္စကို ဗီဗီယန်ကို ရှင်းပြပြီးနောက် သူမလည်း နားလည်သော်ငြား သူမ၏ အချစ်ဆုံးသူငယ်ချင်းကို အခြားသူများ ခေါ်ဆောင်သွားသည်ကို တွေ့လိုက်ရသည့်အတွက် လမ်းပျောက်သွားသလို ခံစားနေရသည်။

ထိုအချိန်တွင် ဗီဗီယန်သည် အလွန်စိတ်ဓာတ်ကျကာ လွန်မြောက်နိုင်ခြင်းမရှိပေ။

ရှုယီက သူမကို ရှင်းပြဖို့ ကြိုးစားခဲ့သော်လည်း သူ့အတွက် အားလပ်ချိန်ရဖို့ ခဲယဉ်းနေပြီး ဗီဗီယန်ကလည်း သူ့ကို ရှောင်နေခြင်းကြောင့် သူ့ထံတွင် အခွင့်အရေးမရှိခဲ့ဘဲ ယခုအချိန်အထိ ရပ်တန့်နေခဲ့ရသည်။

ယခု ဗီဗီယန်က မည်ကဲ့သို့ ပြုမူပြီး ဗီဗီယန်၏ ပျော့ညံ့သော ကိုယ်လေးဖြင့် အိမ်ကြီး၏ အဝင်ဝတွင် ရပ်စောင့်နေသည်ကို စတေးလ်ပြောလာသည်အား ကြားကြားချင်း ၎င်းအား မြင်ယောင်မိကာ သက်ပြင်း မချဘဲ မနေနိုင်ပေ။

ဗီဗီယန်သည် ဤကမ္ဘာသို့ရောက်ကတည်းက ပထမတွင် သူ၏ ကျွန်ဖြစ်ခဲ့သော်လည်း၊ သူမအား သူ့အနေနှင့် ဘယ်တုန်းကမှ ကျွန်ကဲ့သို့ မဆက်ဆံခဲ့ဖူးဘဲ မိသားစုကဲ့သို့ အမြဲဆက်ဆံခဲ့သည်။

ဗီဗီယန်သည် ရှုယီကို အားကိုးခဲ့ပြီး ထရီဇာသည် စတေးလ်ကလွဲ သူမတွင်ရှိသည့် တစ်ဦးတည်းသော သူငယ်ချင်းအစစ်အမှန်ဖြစ်သောကြောင့် သဘာဝကျကျပင် သူမအတွက် အရေးကြီးသည်။

သို့သော် ထရီဇာကို စခ်တိုင်းပြည်က စေလွှတ်လိုက်ခြင်းကြောင့် Frestech ကုန်သည်ကြီးများအသင်းကို ကြီးကြီးမားမား ထိခိုက်လုနီးပါး ဖြစ်စေခဲ့သည်ဟု သိခဲ့ရသည်။

နိယာမများက ထရီဇာအပေါ် ရန်လိုပြီး မုန်းတီးသင့်သည်ဟု ဗီဗီယန်အား ပြောခဲ့သော်လည်း သူ၏စိတ်က လက်မခံနိုင်ပေ။

ဤဒွိဟများက ထရီဇာကိုဖမ်းမိသည့် လတွေအတွင်းတွင် ဗီဗီယန်ကို အမြဲခံစားစေခဲ့မိပြီး သူမဟာ ပိုပိုပြီးတိတ်ဆိတ်လာခဲ့သည်။

"သူမနဲ့ ကောင်းကောင်းစကားပြောဖို့ အချိန်တစ်ခုတော့ ရှာရလိမ့်မယ်" ရှုယီက သက်ပြင်းချ၍ စဉ်းစားလိုက်သည်။

"ကောင်းပြီ၊ ဗီဗီယန်က ရှင့်ကို သေချာနားလည်ပါတယ် ဒါကြောင့် ရှင် သူ့ကို သွားပြောရင် လက်ခံနိုင်ယ် ထင်ပါတယ်" စတေးလ်က ခေါင်းညိတ်လိုက်သည်။ ထို့နောက် ရင်ဘတ်ထဲသို့ လက်နှိုက်လိုက်ပြီး သေးငယ်၍ ပေါ့ပါးကာ ပါးလွှာသော သတ္တုပြားတစ်ခုကို ဆွဲထုတ်လိုက်သည် "ဒါက ဘာလဲဆိုတာ ပြောပြ"

"အမ်?" ရှုယီသည် Frestech ကုန်သည်ကြီးများအသင်းနှင့် New Moon ကုန်သည်ကြီးများအသင်းမှ ထုတ်လုပ်သော မှော်ပုံရိပ်ယောင်ရုပ်ရှင်အခွေ၏ ပေါ့ပါးသောဗားရှင်းအသစ်ကို ကြည့်ရှုလိုက်သည်။ ခဏလောက်စဉ်းစားပြီးသည့်နောက် “ဒါက မှော်ပညာရှင်များအဖွဲ့အစည်းရဲ့ အစီရင်ခံစာရုပ်ရှင်ဆိုတာ သတိရပြီ။ မင်းလက်ထဲမှာဘာလို့ရောက်နေတာလဲ"

"ကျွန်မက New Moon ကုန်သည်ကြီးများအသင်းရဲ့ ဥက္ကဌလေ၊ အဲဒါက ကျွန်မလက်ထဲမှာရှိတာ ထူးဆန်းနေလို့လား" စတေးလ်က ရှုယီကို ကြည့်ကာ "ရှုယီ ရှင်ဘာလို့ ဒီကိစ္စကြီးကို ကျွန်မကို လုံးဝမပြောတာလဲ။ ဒီဇာတ်ကားကို တကယ်ထုတ်လွှင့်ရင် ဘယ်လိုဆိုးကျိုးတွေ ဖြစ်လာနိုင်တယ်ဆိုတာ သိရဲ့လား။”

"ဒါက အဲ့လောက်ပြင်းထန်လို့လား" ရှုယီက ဆက်၍ "မှော်ပညာရှင်များအဖွဲ့အစည်းရဲ့ မျက်နှာအစစ်ကို နောက်ထပ်လူတွေကို မြင်ခွင့်ပေးရမှာပဲ"

"ရှင်ရူးနေလား?" “ဒီ ပုံရိပ်ယောင် ရုပ်ရှင်ကို တကယ်ပဲ ထုတ်လွှင့်ပြီးတာနဲ့ မှော်ပညာရှင်များအဖွဲ့အစည်းရဲ့ မျက်နှာသာအားလုံး စုတ်ပျက်သွားလိမ့်မယ်။ Frestech ကုန်သည်ကြီးများအသင်းမှာ ဘာတွေဖြစ်လာမလဲဆိုတာ ကျွန်မ ဂရုမစိုက်ပါဘူး၊ ဒါပေမယ့် ဒီအတွက်ကြောင့် ရှင် အန္တရာယ်ဖြစ်လိမ့်မယ်။ ရှင်ဒီလိုလုပ်တာ ကျွန်မသဘောမတူဘူး!"

"ကိုယ်က အန္တရာယ်ဖြစ်မှာလား" ရှုယီက ရယ်မောလိုက်ကာ "ဘာလဲ မှော်ပညာရှင်များအဖွဲ့အစည်းက ကိုယ့်ကိုသတ်ဖို့ လူတွေ စေလွှတ်မယ်လို့ ထင်နေတာလား။"

"သူတို့ မလုပ်ရဲဘူးထင်လို့လား" စတေးလ်က ရှုယီရှေ့သို့ ရုတ်တရက်ရောက်လာပြီး ယဉ်ကျေးသိမ်မွေ့မှုမရှိဘဲ နဖူးကို လက်ညှိုးဖြင့် ထိုးလိုက်သည် ။ "ရှုယီ Frestech ကုန်သည်ကြီးများအသင်းက ဒီလိုချောချောမွေ့မွေ့ ဖွံ့ဖြိုးတိုးတက်လာတာမို့ ရှင် ယုံကြည်မှုလွန်ကဲနေတာလား။ ရှင့်ကိုပြောပါရစေ၊ မှော်ပညာရှင်များအဖွဲ့အစည်းက ရှင်ထင်ထားတာထက် အများကြီး ပိုသန်မာပြီး ရှင်သူတို့ကို ဒီလိုမျိုး လုံးဝစော်ကားရင် ဒုက္ခရောက်မယ့်သူကတော့သေချာပေါက် ရှင်ဖြစ်လိမ့်မယ်!"

စတေးလ်၏ မျက်နှာပေါ်ရှိ လေးနက်သောအကြည့်ကိုမြင်လိုက်ရသော် ရှုယီသည် မနေနိုင်စွာ မျက်မှောင်ကုပ်သည်။

သူဟာ စတေးလ်နှင့် ဆယ်နှစ်ကျော်ကြာရှိနေခဲ့ရာ သူမက တစ်စုံတစ်ခုကို ဆုံးဖြတ်ချက်ချပြီးသည်နှင့် ဖျောင်းဖျဖို့ခဲ့ယဉ်းသည်ကို သူသိပါ၏။

ထို့အပြင် ထိုကိစ္စက သူ့အစီအစဉ်၏ အရေးကြီးဆုံး အစိတ်အပိုင်းဖြစ်ရာ အကောင်အထည်ဖော်ဖို့ လိုပါ၏။

စတေးလ်ကို သူ့ကိုယ်တိုင် စည်းရုံးဖို့ဆိုတာ မဖြစ်နိုင်သလောက်ပါပင်၊ ၎င်းကို တွေးကြည့်ပြီးနောက် ရှုယီက အကြံရသွားကာ ပြုံး၍ စတေးလ်၏လက်ကို ကိုင်လိုက်သည်။

"ကိုယ်ပြောတာကို မင်းသေချာပေါက် မယုံဘူးဆိုတာ သိပါတယ်၊ ဒါကြောင့် အဖိုးကိုရှာပြီး သူ့ထင်မြင်ချက်ကို မေးကြည့်ရအောင်။ ဘယ်လိုလဲ?"

"ဟမ့်၊ အဘိုးက ရှင်ကို သေချာပေါက် မျက်နှာသာပေးလိမ့်မယ်၊ ကျွန်မသိဘူးလို့ ရှင်ထင်နေတာလား။"စတေးလ်က ရှုယီကို စိုက်ကြည့်လိုက်သည်။

သို့သော်လည်း ရှုယီ ထွက်သွားသောအခါတွင် သူမသည် ရှုယီနှင့် အတူ အိမ်အပြင်သို့ တလိုတလား လိုက်ထွက်သွားခဲ့သည်။

***

မှော်စက်မှုအင်ပါယာ

Vol 6, အခန်း ၁၄၆ ။ အပတ်စ‌ဉ်သတင်းများ

ခရာမာ မြို့တော်၏ ပြည်သူများသည် ရာသီဥတုဖောက်ပြားခြင်း မရှိသရွေ့ ညစာသုံးဆောင်ပြီးနောက် အရှေ့ဘက်ဂိတ်ရှိ New Moonကုန်သည်ကြီးများအသင်း၏ ဖျော်ဖြေရေးလမ်းဆုံတွင် ညနေခင်းအစီအစဉ်များကို လာရောက်ကြည့်ရှုကြလေသည်။

ဖျော်ဖြေရေးအဆောက်အဦးသည် လူအများကိုဆွဲဆောင်လျက်ရှိကာ သဘာ၀ကျကျပင် လမ်းဆုံဗဟိုတွင်ပြသနေသော ပုံရိပ်ယောင်ရုပ်ရှင်ကြောင့်ဖြစ်ပေသည်။

ညစဉ် ခုနစ်နာရီအချိန်တွင် New Moonကုန်သည်ကြီးများအသင်းသည် ထိုရုပ်ရှင်ကိုပြသရန် တစ်စုံတစ်ယောက်ကိုစေလွှတ်ကာ ညဆယ်နာရီအချိန်ထိ လူအများကို အခမဲ့ကြည့်စေလေသည်။

အစပိုင်းတွင်လူအများသည် စူးစမ်းလို၍လာကြခြင်းဖြစ်သော်လည်း အမျိုးမျိုးသော ရုပ်ရှင်များကြောင့် ပို၍ပို၍စွဲလမ်းလာကြခြင်းဖြစ်ပေသည်။

မကြာသေးမီက New Moon ကုန်သည်ကြီးများအသင်းမှာ နယ်မြေကြီးရှိ လူများအတွက် မှတ်တမ်းရုပ်ရှင်တစ်ခုကို ထုတ်လွှင့်ခဲ့သလို မျိုးနွယ်စုစစ်ပွဲအတွင်း မတူညီသောမျိုးနွယ်များ၏ ဘဝကို ကြည့်ရှုနိုင်မည့် နှစ်မျိုးလည်း ပါရှိသည်။ ရှိုးတစ်ခုချင်းစီမှာ အင်မတန်ကျော်ကြားရာ လူများမှာ တစ်ပိုင်းကြည့်ပြီးနောက် မရပ်တန့်နိုင်ကြတော့ပေ။

အထူးသဖြင့် လွန်ခဲ့သည့်နှစ်ရက်က မျိုးနွယ်စုစစ်ပွဲများ၏ ဇာတ်လမ်းများကြောင့်ဖြစ်သည်။ ၎င်းက လူသားစစ်တပ်များနှင့် နတ်သူငယ်စစ်တပ်များ စတင်တိုက်ခိုက်စဉ်အချိန်မှ ဇာတ်လမ်းကို ပြောပြထားရာ ခရာမာမြို့တော်ရှိလူများအား တစ်စက္ကန့်လေးပင် လွဲချော်သွားဖို့ ဆန္ဒမရှိသည်အထိဖြစ်စေသည်။

မြို့အပြင် ကီလိုမီတာ ရာချီရှိ ရွာများမှ နေရာကောင်း၌ ကြည့်ရှုရရန် နှစ်နာရီလောက် ကြိုလာကြသည့် လူများပင်ရှိသေးသည်။

ဤသို့သော တက်ကြွသည့် လေထုကြောင့် ကောင်းကင်မမှောင်ခင်တွင် နှစ်သောင်းစတုရန်းမိီတာရှိ ဤလမ်းဆုံမှာ လူများဖြင့်ပြည့်နေပြီး ထပ်လာသည့်လူများလည်းရှိသည်။

ခရာမာမြို့တော်မှာ မြို့တော်ကြီးမဟုတ်ရာ မြို့တွင်းနှင့် မြို့ပြင်မှ လူပေါင်း ခုနစ်သောင်းမှ ရှစ်သောင်းပတ်လည်သာ ရှိသော်လည်း လမ်းဆုံရှိလူများမှာ သုံးသောင်းနီးနီးသို့ရောက်နေပြီဖြစ်၏။

၎င်းက ဤပုံရိပ်ယောင်ရုပ်ရှင်များမှာ လူများအပေါ် မည်သို့ ဆွဲဆောင်နေသည်အား မြင်နိုင်စေသည်။

ခုနစ်နာရီမတိုင်ခင်ကပင် လမ်းဆုံမှာ အတော်လေး ဆူညံနေသော်လည်း ခုနစ်နာရီရောက်သည်နှင့် လမ်းဆုံပတ်လည်ရှိ မီးများအားလုံး မှိန်ကျသွားကာ လူတိုင်းက တိတ်ဆိတ်လျက်ဖြင့် လမ်းဆုံဗဟိုရှိ မှော်ပုံရိပ်ယောင်ပရိုဂျက်တာထံ အကြည့်များရောက်သွားကြသည်။

ပုံမှန်လိုပင် ပြင်ဆင်ထားသည့် New Moon ကုန်သည်ကြီးများအသင်း ဝန်ထမ်းမှာ ခလုတ်ကိုနှိပ်လိုက်ရာ မှော်ပုံရိပ်ယောင်ပရိုဂျက်တာမှ ခပ်မှိန်မှိန်လင်းလာပြီး ကောင်းကင်၌ ကြီးမားသော ပုံရိပ်ယောင်အား ပေါ်လာစေသည်။

အစပိုင်းရှိ ပုံရိပ်ယောင်က “New Moon ကုန်သည်ကြီးများအသင်း”ဟူသည့် တောက်ပနေသည့် ငါးရောင်ခြယ်စာလုံးများကိုသာ ပြသနေပြီးနောက် ပုံရိပ်ယောင်က ပြောင်းလဲသွားသော်လည်း လူတိုင်းမျှော်လင့်ထားသကဲ့သို့ ရုပ်ရှင်၏ ပထမဆုံးဇာတ်ဝင်ခန်းကိုမပြသဘဲ ကောင်းကင်မှ ပစ်ကျလာသည့် ဇာတ်ဝင်ခန်းကို ပြလာသည်။

မှန်ဘီလူးဆွဲလိုက်သည့်နှင့် ဇာတ်ဝင်ခန်းက ပို၍ကြီးမားလာပြီးနောက် မြို့လေးတစ်မြို့ကို ပြသလေသည်။

ဤမြို့လေးမှာ ပို၍ ပို၍ နီးကပ်လာပြီးနောက် ထိုမြို့လေးထဲသို့ဝင်သွားသော ရပ်ကွက်များစွာရှိ လူအုပ်ကြီးကိုပြသလာသည်။

၎င်းက သုံးစက္ကန့်အောက်သာကြာလိုက်ပြီးနောက် မိုင်းတွင်းကြီးတစ်ခုပုံပြောင်းကာ မိုင်းတွင်း၌ အလုပ်လုပ်နေကြသည့် Frestech ကုန်သည်ကြီးများအသင်းထုတ် မိုင်းတူးစက်ကြီးများကို ပြနေသည်။ ကျယ်လောင်သော အသံကြီးသည် လူများကို ကြောက်လန့်သွားစေသည်။

ထို့နောက် မြင်ကွင်းက တစ်ဖန်ပြောင်းကာ အဆုံးမဲ့ပင်လယ်ပြင်ကြီးပေါ်လာသည်။

ပင်လယ်ပြင်ရှိ ဧရာမသစ်သားသင်္ဘောစုကြီးတစ်ခုက တဖြည်းဖြည်းဦးတည်လာနေခြင်းပင်။

ထိုသင်္ဘောစုကြီးပတ်လည်၌ အစောင့်အကြပ်များအဖြစ် ပြုမူနေကြသော သံဖြင့်ပြုလုပ်ထားသည့် မှော်အစောင့်သင်္ဘောများရှိနေ၏။

မြင်ကွင်းကို ချဲ့လိုက်ရာ Frestech ကုန်သည်ကြီးများအသင်း၏ သင်္ကေတ တောင်ပံတစ်ဝက်ရှိ အစောင့်သင်္ဘောများ၏ အလံပေါ် ရောက်လာသည်။

ပုံရိပ်က အလံပေါ်၌ ရှိနေသည်မှာ နှစ်စက္ကန့်သာသာ ကြာမြင့်ပြီးနောက် တစ်ဖန်ပြောင်းလဲသွားကာ မတူညီသည့် မြင်ကွင်းများကို တစ်ခုစီ ပြောင်းလဲပြသနေသည်။

အနှီပုံရိပ်များမှာ လက်ရှိတွင် တစ်စုံတရာကို ပြောနေသည့် မျိုးရိုးမြင့်တစ်ဦး၊ ပျော်ရွှင်နေသည့် သာမန်ပြည်သူပြည်သားများ၊ လူများ စေ့စေ့မကြည့်ဝံ့သည့် နာကျင်ဖွယ်စစ်ပွဲမြင်ကွင်းများနှင့် ပုံမှန်ဘဝ၌ နေထိုင်နေကြသည့် သာမန်လူများဟူ၍ ဖြစ်သည်....

ဆယ်စက္ကန့်လောက်ကြာပြီးနောက် ၎င်းက အမှောင်ထုအဖြစ်ပြောင်းလဲ၍ စာတစ်ကြောင်းက ကောင်းကင်၌ ဖြည်းဖြည်းချင်းပေါ်လာသည်။

"အပတ်စဉ် သတင်းများ"

ထိုစာလုံးကြီးများကိုမြင်သော် လမ်းဆုံရှိလူများအားလုံး အံ့အားသင့်သွားကြသည်။

"ဒါဘာလဲ?"

"အပတ်စဉ်သတင်းများ ဆိုတာက ဘာလဲ? သူတို့ ရုပ်ရှင်ပြမလို့ မဟုတ်ဘူးလား?"

"ဘာလို့ ဒါကိုပြနေတာလဲ? ဇာတ်လမ်းကြည့်ချင်ပါတယ်ဆို!"

"ဟုတ်တယ် ငါက အခုထိ စစ်ပွဲကြီးကိုစောင့်နေတုန်းလေ!"

……

လမ်းဆုံရှိ လူတို့၏သံသယများမှာ ဆန္ဒပြသည့်အဖြစ်ပြောင်းလဲသွားသော်လည်း မှော်ပုံရိပ်ယောင် ပရိုဂျက်တာ နံဘေး၌ ရပ်နေသည့် New Moonကုန်သည်ကြီးများအသင်း၏ အလုပ်သမားမှာလုံးဝမတုံ့ပြန်ပါချေ။

သူ့အပေါ်ရှိ ပုံရိပ်ယောင်မှာ လူများ၏ ဆန္ဒပြခြင်းကြောင့် မထိခိုက်ဘဲ 'အပတ်စဉ်သတင်းများ'ဟု ပြောထားသည့် စာလုံးကြီးများ ပျောက်ခဲ့သွားပြီးနောက် ပုံရိပ်နှစ်ခုပေါ်လာသည်။

ထိုပြောင်းလဲမှုကို မြင်သော် လမ်းဆုံရှိသူများမှာ မနေနိုင်အောင် ဆန္ဒပြခြင်းကို ရပ်တန့်လိုက်ကြပြီး တစ်ဖန်ပြန်ကြည့်ကြပြန်သည်။

ပုံရိပ်နှစ်ခုက မည်သူဖြစ်သည်ကို မြင်ပြီးနောက် လူတိုင်းရပ်တန့်သွားကြသည်။

၎င်းမှာသိသာစွာ အမျိုးသားတစ်ဦးနှင့် အမျိုးသမီးတစ်ဦးဖြစ်သော်လည်း အမျိုးသားမှာ သိမ်မွေ့ဟန်ရသည့် သက်လတ်ပိုင်းလူတစ်ဦးဖြစ်ပြီး အမျိုးသမီးမှာ လှပသည့် နတ်သူငယ်မိန်းကလေးဖြစ်သည်။

ဤပေါင်းစပ်မှုက အတန်ငယ်အံ့သြဖွယ်ကောင်းပါသော်လည်း ၎င်းတို့ပြောလာသည့်အရာက ပို၍ပင်အံ့ဩဖွယ်ကောင်းသေးသည်။

ပထမဦးဆုံးပြောလာသည့် သူမှာ သက်လတ်ပိုင်းရွယ်အမျိုးသားဖြစ်သည်။

"နယ်မြေကြီးရဲ့ သတင်းတွေကိုစုစည်းပြီး ဘာကအရေးကြီးတယ်ဆိုတာကိုပြသဖို့ Newsweekက ကြိုဆိုပါတယ်။ ကျွန်တော်က တင်ဆက်သူ ရီနာ့ဒ်ပါ။"

နံဘေးက နတ်သူငယ်အမျိုးသမီးက သူ့နောက်မှလိုက်ပြောသည်။

"ကျွန်မက အိုင်ရီလီယာပါ။ မှော်ပုံရိပ်ယောင်ရုပ်ရှင်ကို ကြည့်ရှုနေကြတဲ့ မိတ်ဆွေတို့ ကောင်းသောညနေခင်းပါရှင်"

"ဒါကတော့ Newsweekရဲ့ ပထမဆုံးအပိုင်းဖြစ်တာမို့ လားလုံးပဲ ဒီရှိုးကို နားမလည်လောက်သေးဘူးလို့ ထင်ပါတယ်၊ ဒါကြောင့် အိုင်ရီလီယာနဲ့ ကျွန်တော်က လူတိုင်းကို မိတ်ဆက်ပေးပါမယ် ခင်ဗျာ" တင်ဆက်သူ အမျိုးသား ရီနာ့ဒ်က ပြောလာ၏။

"Newsweekဟာဆိုရင် စိုင်စ်နယ်မြေကြီးရဲ့ တစ်ပတ်တာ သတင်းကြီး သတင်းငယ်တွေကို စုဆောင်းတဲ့နေရာမှာ အဓိက အာရုံစိုက်ထားပြီး လူတိုင်းကို ပြသမှာဖြစ်ပါတယ်။ ကျွန်မတို့အနေနဲ့ အားလုံးကို Newsweekကြည့်ခြင်းကနေတဆင့် နယ်မြေကြီးကို နားလည်မှုတစ်ခု ရှိလာစေမှာပဲ ဖြစ်ပါတယ်ရှင်" အိုင်ရီလီယာက ဆိုသည်။

"Newsweekရဲ့ ခေါင်းစဉ်တွေမှာ နိုင်ငံတွေအကြားက ကိစ္စ‌ကြီးတွေတင်မကဘဲ ပြည်သူပြည်သားတွေရဲ့ ကိစ္စလေးတွေလည်း ပါဝင်မှာဖြစ်ပါတယ်။ ကြီးကြီးသေးသေး ကိစ္စအားလုံးက ကျွန်မတို့ သတင်းတွေထဲ ပါရှိသွားမှာပါ"

"ဒါဆို ကျွန်မတို့အနေနဲ့ တင်ဆက်မှုကို စတင်ပါတော့မယ်၊ အားလုံးပဲ ကြည့်ရှုပေးကြပါဦး‌"

အိုင်ရီလီယာ၏ အသံရပ်သွားသည်နှင့် မြင်ကွင်းက ပြောင်းလဲသွားသည်။ ၎င်းက ရုတ်တရတ် စခ်တိုင်းပြည်၏ ဝတ်စုံဝတ် စစ်ဗိုလ်ကြီးနှင့် လမ်ပူရီတိုင်းပြည်၏ ဝတ်စုံဝတ် စစ်ဗိုလ်ကြီးတို့ လက်ဆွဲနှုတ်ဆက်သည့် အဖြစ်သို့ ရုတ်တရတ် ပြောင်းသွားသည်။

ထိုလူနှစ်ဦးအား လမ်ပူရီတိုင်းပြည်နှင့် စခ်တိုင်းပြည် ယူနီဖောင်းများ ဝတ်ဆင်ထားသည့် လူများစွာက ဝိုင်းရံထားကာ အခမ်းအနားအချို့ ကျင်းပနေပုံသည်။

ထို့နောက် ဤတစ်ကြိမ်တွင် အသံထွက်လာသည်။

"လွန်ခဲ့သည့် သုံးရက်အကြာက လမ်ပူရီတိုင်းပြည်ရဲ့ မြောက်ပိုင်းအစောင့်စစ်သည်တွေဟာ စခ်တိုင်းပြည်ရဲ့ အနောက်ပိုင်း မြူခိုးမြို့တော်ထဲသို့ တရားဝင် ဝင်ရောက်လာခဲ့ပြီး သွေးဆာဝံပုလွေတပ်ရင်းထံမှ မြို့တော်ကာကွယ်ရေးကို လွှဲပြောင်းရယူခဲ့ပါတယ်။"

"၎င်းဟာ အနောက်ပိုင်းမြူခိုးမြို့တော်အနေနဲ့ ယခုတွင် လမ်ပူရီတိုင်းပြည်လက်အောက်၌ ရှိကာ လမ်ပူရီတိုင်းပြည်ရဲ့ပိုင်နက်ဖြစ်လာတာကို ကိုယ်စားပြုနေပါတယ်။ လမ်ပူရီတိုင်းပြည်နဲ့ စခ်တိုင်းပြည်တို့ လက်မှတ်ရေးထိုးထားခဲ့ကြတဲ့ သဘောတူညီချက်မှာပါရှိတဲ့ မြို့တော်ခုနစ်မြို့ကို လမ်ပူရီတိုင်းပြည်ဆီ လွှဲပြောင်းပေးမည်ဖြစ်ကြောင်း သဘောတူညီမှုစာပိုဒ်က အခုဆိုရင် အကျုံးဝင်လာပြီဖြစ်ပါတယ်။"

"အခမ်းအနားမှာ မြောက်ပိုင်းစစ်တပ်အစား‌ အနောက်ပိုင်းမြူခိုးမြို့တော်ကို လက်ခံဖို့ လာခဲ့တဲ့ မြောက်ပိုင်းစစ်တပ်ရဲ့ ဗိုလ်ချုပ်မှူးကြီး ရူဒေါ့ဖ် တူတွန်ဟာ မြောက်ပိုင်းစစ်တပ်အနေနဲ့ အနောက်ပိုင်းမြူခိုးမြို့တော်နဲ့ အခြားမြို့တော် ခြောက်ခုရဲ့ အကာအကွယ်နဲ့ အခြေခံ လုံခြုံရေးကို အာမခံမည်ဖြစ်ကြောင်း ဖော်ပြခဲ့ပါတယ်။ ၎င်းတို့ဟာ နိုင်ငံအစိုးရနဲ့အတူ ဒီမြို့တော်ခုနစ်မြို့ကို ဖွံ့ဖြိုးတိုးတက်စေတဲ့နေရာမှာ စိတ်ရောကိုယ်ပါနှစ်ပြီး ဆောင်ရွက်သွားရင်း ကြွယ်ဝမှုနဲ့ တည်ငြိမ်မှုကို အာမခံမှာဖြစ်ပါတယ်။"

"တစ်ဘက်မှာ သွေးဆာဝံပုလွေတပ်ရင်းရဲ့ ဗိုလ်ချုပ်မှူးကြီး တိုဘီတဒ်ဟာ သူ့အနေနဲ့ မြောက်ပိုင်းစစ်တပ်ရဲ့ အင်အားကို ယုံကြည်ပြီး လမ်ပူရီတိုင်းပြည်ဟာလည်း ဒီမြို့တော်ခုနစ်မြို့ကို ကြွယ်ဝလာစေမယ်လို့ ယုံကြည်ကြောင်း ဖော်ပြခဲ့ပါတယ်။ သို့ပေမယ့်လည်း သူဟာ စခ်တိုင်းပြည်က ဒီမြို့တော်ခုနစ်မြို့ကို စခ်တိုင်းပြည်ဆီ ပြန်လည်ရယူဖို့ ဖြစ်နိုင်ချေကိုလည်း အရှုံးမပေးကြောင်း ပြောခဲ့ပါတယ်။"

လမ်ပူရီတိုင်းပြည်၏ ပြည်သူများအနေနှင့် ခရာမာ မြို့တော်သားများမှာ ထိုသတင်းကို ကြားချိန်တွင် မနေနိုင်စွာ ပူပန်မှုများပြလာကြသည်။

၎င်းတို့မှာ လမ်ပူရီတိုင်းပြည်က မြေများကို စခ်တိုင်းပြည်ထံမှ ပြန်ယူခဲ့ခြင်း ပထမဆုံးအကြိမ်အား စိတ်လှုပ်ရှား ဂုဏ်ယူခဲ့ကြရာ သွေးဆာဝံပုလွေတပ်ရင်း၏ ဗိုလ်ချုပ်မှူးကြီး တိုဘီတဒ်က ပြောလာသည်ကို အထင်‌အမြင်သေးကြ၏။

စခ်တိုင်းပြည်မှာ သိသာစွာပင် လမ်ပူရီတိုင်းပြည်၏ ပြိုင်ဘက်မဟုတ်ရာ၊ ထိုလူက ထိုသို့ပြောရာ၌ မရှက်ရွံ့နေဘူးလား?

ဗိုလ်ချုပ်မှုးကြီး ရူဒေါ့ဖ်နှင့် ဗိုလ်ချုပ်မှူးကြီး တိုဘီတို့အား အတူတကွပြသပြီးနောက် မြင်ကွင်းက ပြောင်းလဲကာ အ‌ခြားပုံရိပ်ပေါ်လာသည်။

ဤပုံရိပ်ယောင်၌ ပေါ်လာသည့်အရာမှာ အသက်သုံးဆယ်ပင် မပြည့်လောက်သေးဘဲ ချိုသာသည့်အပြုံးဖြင့် ဖော်ရွေဟန်ရသည်ဟု လူများအား မတွေးဘဲ မနေနိုင်လောက်စေသည့် ကျက်သရေရှိသည့် မျက်နှာကလေးပါပင်။

ထိုမိန်းမငယ်လေးမှာ ခမ်းနားသည့် ဝတ်စုံနှင့် ပုလဲများ စိန်များမြှုပ်ထားသည့် တောက်ပနေသော သရဖူကိုဝတ်ဆင်ထား၏။ ဤသည်မှာ လမ်ပူရီတိုင်းပြည်၏ ဘုရင်မကြီးဖြစ်သူ ဘုရင်မကြီး ဆယ်ဗီနီပင်ဖြစ်၏။

လမ်ပူရီတိုင်းပြည်၏ သတင်းစာမျိုးစုံမှတဆင့် လမ်ပူရီတိုင်းပြည်၏ ပြည်သူပြည်သားအားလုံးမှာ သူမ၏ ပုံစံကို မြင်ဖူးပြီးသားပင်။

ယခုတွင် သူမက ဤပုံရိပ်ယောင်၌ ပေါ်လာရာ လူတိုင်း အံ့အားသင့်သွားသော်လည်း ချက်ချင်း မှတ်မိသွားကြသည်။

သတင်းစာများ၌ ၎င်းတို့မြင်ခဲ့သော ပုံတူပန်းချီများနှင့် စာလျှင် ပုံရိပ်ယောင်ထဲရှိ ဘုရင်မကြီးဆယ်ဗီနီမှာ ပို၍ ရှင်သန်နေသည့်ပုံရသည်။

ဤဘုရင်မကြီးမှာ ပုံတူပန်းချီထဲကကဲ့သို့ ဂုဏ်အသရေမတင်လှသော်လည်း ဖော်ရွေသည့်ဟန်ပန်ကိုမြင်ရသော် ပြည်သူများမှာ သူမအား ပိုမိုယုံကြည် ရိုသေလေးစားချင်လာကြ၏။

ထို့အပြင် ဘုရင်မကြီးက ငယ်ရွယ်လှပသဖြင့် သူမ၏ ပုံရိပ်ယောင်ထဲရှိ အပြုံးမှာ တောင့်တင်းနေသော ပုံတူပန်းချီထက် များစွာပိုသာသည်။

"တစ်လတာ စီစဉ်ပြီးတဲ့နောက်မှာ ဘုရင်မကြီးဆယ်ဗီနီဟာ လွှတ်တော်ကနေတဆင့် «လမ်ပူရီတိုင်းပြည်အခြေ‌ခံထောက်ပံ့ရေးအစီစဉ်»အသစ်ကို ရရှိခဲ့ပါတယ်။ ဒီအစီစဉ်ကို နောက်နှစ်မှာ အပြည့်အဝအကောင်အထည်ဖော်သွားမှာဖြစ်ပြီး အကောင်အထည်ဖော်ပြီးတဲ့နောက်မှာ လမ်ပူရီတိုင်းပြည်ရဲ့ ပြည်သူတွေက အခြေခံ အထောက်အပံ့ကို ရရှိကြမှာဖြစ်ပါတယ်။ ဒီမှာ ပါဝင်တာကတော့....."

လူတိုင်းမှာ ထိုထောက်ပံ့ရေးအစီစဉ်၏ အကြောင်းအရာများကို ကြားသော် ကြောင်အသွားကာ နားထောင်လေ ပိုပို အံ့ဩလေဖြစ်လာရသည်။

မည်သည့်အရာကိုမှ မဆိုထားနှင့် လမ်ပူရီတိုင်းပြည်သားများ၏ အခြေခံအကျဆုံး နေထိုင်ရေးအခြေနေများကို ဖြေရှင်းခြင်းဖြစ်သော မိမိကိုယ်ကိုယ် မထောက်ပံ့နိုင်သည့် ပြည်သူများမှာ အနည်းဆုံး တစ်လကို ဆန်စပါး ပေါင်သုံးဆယ် ရမည်ဟူသည်ကပင် အံ့အားသင့်ရန် လုံလောက်သည်။

ထိုအစီစဉ်ကိုသာ ချမှတ်လိုက်လျှင် တိုင်းသူပြည်သားများမှာ မည်သည်ကိုမှ မလုပ်တော့ပါလျှင်တောင် သေလုအောင် ဆာလောင်နေကြမည် မဟုတ်တော့ပေ။

၎င်းက များလှသည်!

လွန်ခဲ့သည့် နှစ်ပေါင်း နှစ်ဆယ်လောက်က နိုင်ငံရှိလူများစံာမှာ ငတ်သေသွားသည်ဟု သိခဲ့ရသည်ပင်!

လမ်ပူရီတိုင်းပြည်က ဒီလောက်တောင် အားကောင်းနေပြီလား?

လူတိုင်းက ၎င်းကို အစစ်အမှန်မဟုတ်ဟုပင် ခံစားနေကြရသည်...

ထိုသတင်းထွက်လာပြီးနောက် Newsweek ရုပ်သံမှာ ကြားဖြတ်သတင်းအပိုင်းအစလေးများစွာကို ကြေငြာခဲ့ပြီးနောက် အမျိုးသားတင်ဆက်သူ ရီနာ့ဒ်က ရုတ်တရတ် နိုင်ငံခြားသတင်းကို ပြောင်းလိုက်သည်။

နိုင်ငံခြားသတင်း၏ ပထမဆုံးသတင်းမှာ Frestech ကုန်သည်ကြီးများအသင်းနှင့် ပတ်သက်ပါ၏။

"လေးရက်အကြာက မှော်ပညာရှင်များအဖွဲ့အစည်းအနေနဲ့ Frestech ကုန်သည်ကြီးများအသင်းထံ နောက်ဆုံးသတိပေးချက်ကို တရားဝင်ပေးခဲ့ပါတယ်။ ၎င်းတို့အနေနဲ့ Frestech ကုန်သည်ကြီးများအသင်းကို မှော်စက်မူပိုင်ခွင့်ကာကွယ်ရေးသမဂ္ဂနဲ့ မှော်ပညာရှင်များအသင်းကို ဖျက်သိမ်းခိုင်းခဲ့ပါတယ်။ အခုပြသမှာကတော့ မှော်ပညာရှင်များအဖွဲ့အစည်း ဌာနချုပ်ရဲ့ ကိုယ်စားလှယ်ကနေ Frestech ကုန်သည်ကြီးများအသင်းကို သတိပေးချက်လာပေးတဲ့ မြင်ကွင်းပါ...."

***

မှော်စက်မှုအင်ပါယာ

Vol 6, အခန်း ၁၄၇။ ရဲတင်းသော Frestech ကုန်သည်ကြီးများအသင်း

"ဘုန်း!"

မှော်ပညာရှင်များအဖွဲ့အစည်း၏ ဥက္ကဌ ရော့ဒ်ဒရစ် ဂက်စ်စီဝန်မှာ ရုတ်တရတ် သူ့ရှေ့ရှိ စားပွဲထက်သို့ လက်ဖြင့် ရိုက်ချလိုက်သည်။ နှစ်ထောင်ချီသက်တမ်းရှိ သစ်သားဖြင့်ပြုလုပ်ထားသော ထိုခုံမှာ တကယ်ကို သူ၏ လက်အောက်၌ တုန်ရီသွားရာ ၎င်းက မည်မျှ အားကောင်းကြောင်း ပြသနေ၏။

နံဘေးရှိ မဟာမှော်ပညာရှင်ဖာဂူဆန်က စားပွဲရှိ ဥက္ကဌ ဂက်စ်စီဝန် ၏ အတန်ငယ် တုန်ခါနေသောလက်ကို ကြည့်ကာ မနေနိုင်စွာ ရေရွတ်မိလိုက်သည်။

"ဥက္ကဌက ဒေါသဖြစ်နေတာကြောင့်လား? ဒါမှမဟုတ် ဒီစားပွဲကို ဒီလို ရိုက်ရင်း အရမ်းနာသွားတာကြောင့်များလား?"

"ဒီရှုယီက တကယ်ကို ပုန်ကန်နေတာပဲ!"

ဥက္ကဌ ဂက်စ်စီဝန်ဒေါသသံက မဟာမှော်ပညာရှင်ဖာဂူဆန်ကို အတွေးထဲမှ ဆွဲထုတ်လိုက်သည်။

ဥက္ကဌ၏ မျက်နှာက ဒေါသကြောင့် အနည်းငယ် တွန့်ရှုံ့နေသည်ကို မြင်လိုက်ရသော် မဟာမှော်ပညာရှင် ဂါဆွန်မှာ တိတ်တဆိတ် အံ့အားသင့်သွားရသည်။

သူဟာ ယခုတွင် အကြီးအကဲကောင်စီ၌ ရှိလာသည်မှာ ဆယ့်သုံးနှစ်ရှိပြီဖြစ်သလို ဥက္ကဌ ဂက်စ်စီဝန်ကို သိလာခဲ့သည်မှာ နှစ်များစွာကြာပြီဖြစ်သော်လည်း ဤသည်မှာ သူ ဒေါသထွက်ခြင်းကို ပထမဆုံးမြင်ဖူးခြင်းဖြစ်သည်။

၎င်းက ရှုယီနှင့် Frestech ကုန်သည်ကြီးများအသင်းကို ဥက္ကဌအနေနှင့် မည်မျှ ဒေါသဖြစ်နေပြီအား သိနိုင်၏။

မှန်ပါ၏၊ ဒေါသထွက်နေသည်မှာ ဥက္ကဌ ဂက်စ်စီဝန်တစ်ဦးတည်းမဟုတ်ပေ။ ဒေါသဖြစ်နေသူများကို ပြောကလျှင် ဤကိစ္စ၌ ပါဝင်ထားသည့် မဟာမှော်ပညာရှင်ဖာဂူဆန်ဖြစ်ရာ သူ့အနေနှင့် ဒေါသဖြစ်သင့်ပါ၏။

သောက်ကျိုးနည်း Frestech ကုန်သည်ကြီးများအသင်း!

ထိုစဉ်က သူ၏ အမှားကို မေ့ထားလိုက်လျှင် ၎င်းတို့မှာ ဌာနချုပ်၏ သတိပေးချက်ကို လျစ်လျှူရှုထားသည်က အဓိပ္ပာယ်ရှိပါသော်လည်း ၎င်းတို့မှာ မှော်ပုံရိပရိုဂျက်ဟူသည့်အရာနှင့် သူ့အား တိတ်တဆိတ်ခိုးရိုက်ထားသလို နိုင်ငံမျိုးစုံရှိ ပြည်သူပြည်သားသန်းချီကိုပင် ပြလိုက်သေးသည်။

Frestech ကုန်သည်ကြီးများအသင်းထံမှ အာကာလီအမည်ရ မိန်းမငယ်လေးကို သတိပေးရာ၌ အထက်စီးဆန် အာဏာပြဟန်ကို သုံးထားသော သူ၏ ပုံရိပ်ကို စဉ်းစားမိချိန်တိုင်း၊ ဤမြင်ကွင်းကို နယ်မြေကြီး၏ လူပေါင်းသန်းချီထံ ပြသသည်အား စဉ်းစားမိချိန်တိုင်း မဟာမှော်ပညာရှင် ဖာဂူဆန်မှာ မနေနိုင်အောင် ဒေါသတကြီး တုန်ရီလာရသည်။

ကောင်းတယ် ရှုယီ! ကောင်းတယ် Frestech ကုန်သည်ကြီးများအသင်း!

အတင့်ရဲလိုက်တာ!

သို့သော် ၎င်းကို စဉ်းစားရင်း မဟာမှော်ပညာရှင် ဖာဂူဆန်မှာ အံကိုကြိတ်၍ ခေါင်းငြိမ့်လိုက်သည်၊ "ဟုတ်ပါတယ် ဥက္ကဌ၊ အဲ့ရှုယီနဲ့ Frestech ကုန်သည်ကြီးများအသင်းက ကျုပ်တို့ကို ပုန်ကန်ချင်နေတာတွေ့ရတယ်! ကျုပ်တို့ သူတို့ကို ထပ်ပြီး အလွတ်ပေးလို့မဖြစ်တော့ဘူး၊ မဟုတ်ရင် ကျုပ်တို့ အဖွဲ့အစည်းဌာနချုပ်တွေက လုံးဝသိက္ခာကျပြီး ဘာဂုဏ်မှတောင် ကျန်တော့မှာ မဟုတ်ဘူး!"

ဥက္ကဌ ဂက်စ်စီဝန်မှာ လှည့်၍ မဟာမှော်ပညာရှင် ဖာဂူဆန်ကို အေးစက်စက် ကြည့်လိုက်သည်။

"မင်းက ဒီလိုကောင်းကောင်းမလုပ်ခဲ့တာကြောင့် မဟုတ်ရင် ဘယ်လိုလုပ်ဒီလိုဖြစ်လာမှာလဲ?"

မဟာမှော်ပညာရှင် ဖာဂူဆန်မှာ အံ့ဩနေရင်း စိတ်ထဲ ညည်းတွားလိုက်သည်။

ဤသည်မှာ အစပိုင်းတည်းက Frestech ကုန်သည်ကြီးများအသင်းနှင့် ရှုယီ၏ ဇာတ်ကွက်ဖြစ်သည်၊ မည်သို့များ သူ့အမှားဖြစ်ရမည်နည်း?

သို့သော်လည်း ဤဥက္ကဌက ဒေါသပုံချနေခြင်းသာ ဖြစ်ကြောင်းသိသဖြင့် ဤတစ်ကြိမ်၌ ပြန်မပြောလိုက်ပါချေ။

သူဟာ ခေါင်းငြိမ့်ကာသာ ဆိုလိုက်ပါ၏၊ "ဟုတ်ပါတယ် ဟုတ်ပါတယ် ဒါက ကျုပ်အမှားပါ။ ဒါပေမယ့် ဥက္ကဌ ကျုပ်တို့တွေ Frestech ကုန်သည်ကြီးများအသင်းကို စည်းကမ်းသတ်မှတ်ဖို့ နည်းလမ်းစဉ်းစားဖို့လိုသလို တတ်နိုင်သလောက် မြန်မြန် လှုပ်ရှားဖို့လည်းလိုတယ်။"

ဥက္ကဌ ဂက်စ်စီဝန်က အေးစက်စက်နှာမှုတ်လိုက်၏၊ "ဒါဆို‌ ပြောပါဦး၊ ကျုပ်တို့ ဘယ်လိုများ Frestech ကုန်သည်ကြီးများအသင်းကို အပြစ်ပေးသင့်လဲ?

"ဒါပေါ့ ဒီ‌လို..."

မဟာမှော်ပညာရှင် ဖာဂူဆန်က ပြောပြီးမှ ရပ်လိုက်သည်။

အဘယ့်ကြောင့်ဆိုသော် သူ့အနေနှင့် Frestech ကုန်သည်ကြီးများအသင်းကို မည်သို့ အပြစ်ပေးရမည်ဟူသည့် နည်းလမ်းအား မစဉ်းစားနိုင်ကြောင်း ရုတ်တရတ် သတိရလိုက်သောကြောင့်ပင်။

မှော်ပညာရှင်များအဖွဲ့အစည်းမှာ စိုင်စ်နယ်မြေကြီး၌ အကြီးမားဆုံး အဖွဲ့အစည်းဖြစ်ပြီး မှော်ပညာရှင်အားလုံးထံမှ အသိအမှတ်ပြုထားခံရသော်ငြားလည်း မှော်ပညာရှင်များအဖွဲ့အစည်းမှာ အာဏာရှင်အဖွဲ့အစည်းမဟုတ်ပါချေ။ ၎င်းတို့ထံရှိ အင်အားမှာ အဓိကအားဖြင့် နယ်မြေကြီး၏ မှော်ပညာရှင်များထံမှ မှော်ပညာရှင်များအဖွဲ့အစည်း၏ ခွင့်ပြုချက်ကို ရခြင်းဖြစ်သည်။

ဤတစ်ကြိမ်၌ Frestech ကုန်သည်ကြီးများအသင်းမှာ ဤကိစ္စကို လူတိုင်းရှေ့၌ ထင်မှတ်မထားစွာ ချပြလာပြီး မှော်ပညာရှင်များအဖွဲ့အစည်းအား ကျိုးကြောင်းမသင့်ပုံပေါ်အောင်လုပ်ခဲ့သော်လည်း ၎င်းက အခြေနေမှန်ကို အခြေပြုထားသည်ပင်။ မှော်ပညာရှင်များအဖွဲ့အစည်းအနေနှင့် မှော်ပညာရှင်အများစု၏ ထောက်ခံမှုကို ရနိုင်မည်မဟုတ်သဖြင့် မှော်ပညာရှင်များအဖွဲ့အစည်းမှာ Frestech ကုန်သည်ကြီးများအသင်းကို ၎င်းတို့၏ အခွင့်အာဏာနှင့် အပြစ်ပေးဖို့ အကြောင်းရင်းရှာရန် ခက်ခဲမည်သာ။

ထို့အပြင် Frestech ကုန်သည်ကြီးများအသင်း၏ မှော်ပညာရှင်များကို စာမေးပွဲနှင့် ပတ်သက်၍ ပစ်မှတ်ထားခြင်းက သိသိသာသာပင် အရှုံးပေါ်ခဲ့သည်။

၎င်းတို့ ရှင်သန်မှု၏ လက်တွေ့အကျဆုံးပြဿနာနှင့် ပတ်သက်လာပါလျှင် Frestech ကုန်သည်ကြီးများအသင်း၏ ကြွယ်ဝသောအလုပ်ကို ချန်ထားရန် ဆန္ဒရှိပြီး မှော်ပညာရှင်များအဖွဲ့အစည်းကို ထောက်ခံမှုပြသခဲ့သည့် မှော်ပညာရှင် အနည်းငယ်သာရှိသည်။

မဟာမှော်ပညာရှင် ဖာဂူဆန်က သူ၏ ပါးစပ်ကို ခဏကြာဟနေပြီးနောက် မည်သည်ကိုမှ မဆိုနိုင်သည်ကိုမြင်သော် ဥက္ကဌ ဂက်စ်စီဝန်မှာ မနေနိုင်အောင် နောက်တစ်ကြိမ် နှာမှုတ်လိုက်ပါ၏။

ဤဖာဂူဆန်မှာ မဟာမှော်ပညာရှင်တစ်ဦးဖြစ်လာရန် မဖြစ်နိုင်လုနီးပါးဖြစ်ခဲ့သဖြင့် သူဟာ ထိုမျှ မသန်မာလှဘဲ ကိစ္စများကို ကိုင်တွယ်ရာ၌ ဆိုးရွားသည်။ သူဟာ သစ္စာရှိခြင်းကြောင့်မဟုတ်လျှင် ဥက္ကဌ ဂက်စ်စီဝန်မှာ သူ့အား အကြီးအကဲ ကောင်စီကို ဝင်ရောက်ခွင့်ပြုမည်မဟုတ်ပေ။

"ကောင်းပြီ ဖာဂူဆန် ဒီနေ့ကစပြီး မင်းက အင်ပါယာနှစ်ခုရဲ့ ခေါင်းဆောင် မှော်ပညာရှင်နှစ်ယောက်နဲ့ ဆက်သွယ်ဖို့ကိုပဲ ဂရုစိုက်ထား။ မင်းအနေနဲ့ သူတို့နဲ့ ဆက်ဆံရေးကောင်းတစ်ခုကို ဖန်တီးဖို့လိုတယ်။ Frestech ကုန်သည်ကြီးများအသင်းအတွက်တော့ မင်းဂရုစိုက်နေဖို့ မလိုတော့ဘူး။" ဥက္ကဌ ဂက်စ်စီဝန်က လက်ယမ်း၍ စိတ်မရှည်စွာ ပြောလိုက်သည်။

မဟာမှော်ပညာရှင် ဖာဂူဆန်မှာ အံ့ဩသွားပါ၏။ "ဥက္ကဌ၊ ကျုပ်တို့ Frestech ကုန်သည်ကြီးများအသင်းကို ဘာလုပ်ကြမှာလဲ?"

"သူတို့ကို ဘယ်လိုကိုင်တွယ်ရမှာလဲတဲ့လား?" ဥက္ကဌ ဂက်စ်စီဝန်က အေးစက်စက်ရယ်မောကာ၊ "ဒီရှုယီက ကောင်းကင်ဘုံရဲ့ အတိမ်အနက်ကိုမသိဘဲ ငါတို့ အဖွဲ့အစည်းကို ဆန့်ကျင်ချင်မှတော့ သူ့ကို နာကျင်အောင်လုပ်ပေးရမှာပေါ့။"

မဟာမှော်ပညာရှင် ဖာဂူဆန်က ခေါင်းကုတ်ကာ ရှုပ်ထွေးစွာဖြင့် ပြောလာသည်၊ "ဒါပေမယ့် ဥက္ကဌ ကျုပ်တို့ သူနဲ့ Frestech ကုန်သည်ကြီးများအသင်းကို ဘယ်လိုခံစားရအောင်လုပ်မှာလဲ? ကျုပ်တော့ လုံးဝ နည်းလမ်းကို မစဉ်းစားမိဘူး...."

ဥက္ကဌ ဂက်စ်စီဝန်က သူ့အား အေးစက်စက်ကြည့်လာကာ လုံးဝ ပြန်ဖြေချင်စိတ်မရှိပေ။

ဥက္ကဌ ဂက်စ်စီဝန်၏ မျက်နှာထက်ရှိ အမူအရာကိုမြင်သော် မဟာမှော်ပညာရှင် ဖာဂူဆန်က ဆက်မမေးတော့ပေ။

အနည်းငယ်ကြာ နေပြီးနောက် ဥက္ကဌ ဂက်စ်စီဝန်က သူ့အား စကားပြောရန် စိတ်မဝင်စားနေသည်ကို မြင်သော် မဟာမှော်ပညာရှင် ဖာဂူဆန်မှာ စိတ်ထဲ သက်ပြင်းချ၍ ထွက်သွားတော့သည်။

ကောင်းကင်ရှိ မှော်နတ်ဘုရားပလ္လင်မှ ပျံဆင်းလာပြီး မဟာမှော်ပညာရှင် ဖာဂူဆန်မှာ ကောင်းကင်ရှိ မြို့တော်ထဲသို့ ဝင်သွားလိုက်သည်။

သူ၏ ခြေထောက်များ မြေသို့ ချလိုက်ချိန်တွင် သူ့နောက်မှ အော်သံတစ်ခုလာသည်ကို ကြားလိုက်ရ၍ မြန်မြန် ဘေးသို့ ရွှေ့လိုက်သည်။

သူ ဘေးသို့ ရွှေ့လိုက်ချိန်တွင် လေပွေတစ်ခုက သူ့အား ဖြတ်ကျော်သွား၏။ သူ့‌ကိုကျော်ကာ အမြန်ပျံလာနေသည့် ပုံရိပ်‌တစ်ခုရှိနေကာ သူ့ကိုပင် ထိရိုက်မိတော့မည့်နီးပါးပင်။

မဟာမှော်ပညာရှင် ဖာဂူဆန်မှာ အနည်းငယ် ဒေါသဖြစ်၍ ထိုပုံရိပ်ထံ မှော်စွမ်းအင်တချို့ပစ်လွှတ်ကာ ပညာပေးတော့မည်အပြုတွင် ထိုပုံရိပ်ကာ အဆင့်မြင့်မှော်ပညာနှင့် အမြန်ပျံသန်းနေသော မှော်ပညာရှင်အချို့မဟုတ်ဘဲ မှော်ဆလွန်းအနက်ရောင်ဖြစ်နေသည်ကို တွေ့လိုက်ရ၏။

ထိုမှော်ဆလွန်းမှာ အဝေးသို့ ရောက်သွားကာ သူ့နောက်သို့ အနီရောင်မှော်ဆလွန်းတစ်စီးက လိုက်လာပြီး မနှေးလှသည့် အမြန်နှုန်းဖြင့် ရွေ့လျားလာသည်။

မဟာမှော်ပညာရှင် ဖာဂူဆန်မှာ ထိုအနီရောင် မှော်ဆလွန်းကို ကြည့်၍ ယာဉ်မောင်းခုံကို ကြည့်လိုက်သော် မှော်ဆလွန်းကို မောင်းနေသူမှာ ရင်းနှီးသည့် လူတစ်ဦးဖြစ်နေသည်ကို မြင်ရသည်။ ၎င်းမှာ မှော်ပညာရှင်များအဖွဲ့အစည်း၏ မှတ်တမ်းတင်သူတစ်ဦးဖြစ်ရာ မှော်ပညာရှင်များအဖွဲ့အစည်း၏ အရေးကြီး အဖွဲ့ဝင်များအနက် တစ်ဦးဟုလည်း ယူဆနိုင်ပါ၏။

ထိုလူက မှော်ဆလွန်းအား သူ့ကိုဖြတ်၍ အမြန်မောင်းသွားသည်ကိုမြင်သော် မဟာမှော်ပညာရှင် ဖာဂူဆန်မှာ ငေးကြောင်နေပြီးနောက် သူ့ဘေးပတ်လည်ရှိ လမ်းကို ကြည့်လိုက်သည်။

အကြည့်တစ်ချက်တည်းနှင့် မဟာမှော်ပညာရှင် ဖာဂူဆန်မှာ ကောင်းကင်ရှိ ဤမြို့တော်မှ သာမန်လမ်းလေးတွင် သူဟာ Frestech ကုန်သည်ကြီးများအသင်း၏ ရင်းနှီးကာ မုန်းတီးနေမိသည့် တောင်ပံတဝက်သင်္ကေတကို မြင်လိုက်ရပေသည်။

မှော်ပန်ကာ၊ မှော်လေပေးစက်၊ မှော်ရေခဲသေတ္တာ၊ မှော်မီးဖို၊ မှော်.......

အင်မတန်ထူးခြားသည့် မှော်ဆလွန်းအပြင် Frestech တံဆိပ် စက်ဘီးများ စီးနင်းနေကြသည့် လူများမှာ လမ်းများတလျှောက် ဥဒဟို လှည့်လည်သွားလာနေကြသည်။

မဟာမှော်ပညာရှင် ဖာဂူဆန်မှာ သူ့အနေနှင့် Frestech ကုန်သည်ကြီးများအသင်း၏ အဓိကအခြေစိုက်ရုံးရှိရာ စတက်တိန်းနယ်မြေသို့ ပြန်ရောက်သွားသည်ဟု စဉ်းစားလုနီးပါးဖြစ်ကာ Frestech ကုန်သည်ကြီးများအသင်း၏ ထုတ်ကုန်များ ဝိုင်းရံထားခြင်းကို ခံနေရသည်။

"ဒါက ဘယ်လိုလုပ်ဖြစ်နိုင်မှာလဲ..." သူ့ရှေ့ရှိ မြင်ကွင်းကို မြင်သော် မဟာမှော်ပညာရှင်ဖာဂူဆန်မှာ မနေနိုင်အောင် မိမိဘာသာ ရေရွတ်မိသည်။

သူဟာ Frestech ကုန်သည်ကြီးများအသင်းနှင့် ပတ်သက်၍ မည်သို့ရင်ဆိုင်ရမည်ကို ဥက္ကဌ Gasioneထံ ပြောခဲ့ကာစပင်ရှိသေးသော်လည်းယခုတွင် ကောင်းကင်ရှိ မှော်ပညာရှင်များအဖွဲ့အစည်းဌာနချုပ်၏ မြို့တော်မှာ Frestech ကုန်သည်ကြီးများအသင်း၏ ကျူးကျော်ခြင်းကိုခံနေရပြီဖြစ်သည်!

Frestech ကုန်သည်ကြီးများအသင်း၏ အရာရာတိုင်းဟာ တကယ်ကိုပင် အားကောင်းသည့် မှော်ပညာအချို့ ရှိကြသည်လား?

မဟာမှော်ပညာရှင်ဖာဂူဆန်၏ စိတ်ထဲ၌ အားကောင်းသည့် ကူရာမဲ့သော ခံစားချက်က ပြည့်နှက်သွားကာ သူ့အနေနှင့် အသက်ရှူရန်ပင် အနည်းငယ်ခက်ခဲသွားရ၏။

စိတ်ထဲဗလာဖြစ်သွားသည်ကို ခံစားလိုက်ရရာ သူဟာ ဆိုင်တစ်ဆိုင်ထဲသို့ ဒီတိုင်းလျှောက်သွား၍ ထိုင်ဖို့ နေရာရှာရန် လုပ်လိုက်သည်။

ဆိုင်ထဲသို့ ဝင်သွားချိန်တွင် သူဟာ လေနွေးနွေးဖြင့် ရိုက်ခတ်ခံလိုက်ရရာ သူ၏ အေးစက်တောင့်တင်းနေသော ခန္ဓာကိုယ်အား များစွာပို၍ သက်တောင့်သက်သာဖြစ်သွားစေပြီး မနေနိုင်အောင် နေရသက်သာသွား၏။

"အိုင်း ဒီက ဖောက်သည်ကြီး အချိန်ကိုက်ရောက်လာတာပဲ။ အခုက ကျွန်မတို့ လုပ်ငန်းရဲ့ နောက်ဆုံးသုံးရက်အတွင်းမှာမို့လျှော့ဈေးနဲ့ ရောင်းချနေတာပါ။ အခု ရှင်.... အာ? ရှင်... ရှင်က မဟာမှော်ပညာရှင်ဖာဂူဆန်မဟုတ်လား?"

ထိုသူဌေးမ၏ အံ့အားသင့်နေသည့်အသံကိုကြားသော် မဟာမှော်ပညာရှင်ဖာဂူဆန်မှာ မိမိကိုယ်ကို မနည်းအာရုံစိုက်စေလိုက်ပြီး ကြည့်လိုက်ရာ ထိုသူဌေးမား ရင်းနှီးနေပုံရသည်ကို တွေ့လိုက်ရသည်။

စဉ်းစားပြီးနောက် သူဟာ သတိရသွားပါ၏။

ဤသူဌေးမမှာ နောက်ဆုံးတစ်ကြိမ်က မှော်လေပေးစက်ဝယ်ယူခဲ့သောကြောင့် အတိုင်းအတာကြီး ရေခဲ‌အစီအရင်ကို ငြင်းခဲ့သော ဝါဂွမ်းဆိုင်ပိုင်ရှင်ဖြစ်သည်။ ၎င်းကြောင့် သူမ ထိုအစီအရင်အား ခင်းပေးရန် ငှားခဲ့သော မှော်ပညာရှင်က သူမနှင့် ငြင်းခုံနေခဲ့သည်ကို မဟာမှော်ပညာရှင်ဖာဂူဆန်က မြင်ခဲ့ပြီး ထိုကိစ္စထဲ ဝင်စွက်ဖက်ခဲ့ပါ၏။

မဟာမှော်ပညာရှင်ဖာဂူဆန်မှာ မှော်စက်များ၏ ပေါ်ထွက်လာမှုက မှော်ပညာရှင်များအပေါ် ကြီးမားသည့် ရိုက်ခတ်မှုရှိသောကြောင့် ၎င်းမှာ သူ့အပေါ် ထင်မြင်ချက်ကြီးတစ်ခု ချန်ခဲ့သည်ကို နားလည်ခဲ့ရသည်။

"ဒီတော့ ခင်ဗျားကိုး..." မဟာမှော်ပညာရှင်ဖာဂူဆန်က စိတ်ကိုတည်ငြိမ်စေလိုက်သည်။ ထိုသူဌေးမ၏ အပြောကိုကြားသော် သူလည်း အနည်းငယ် စူးစမ်းလိုသွား၏။ ဝေ့ဝဲကြည့်လိုက်သော် ဤဆိုင်မှာ များစွာပိုမို လစ်လပ်နေပြီး ရောင်းချမှုကြီးတစ်ခုရှိခဲ့သည်မှာ သိသာပါ၏၊ "ဘာလို့ ရုတ်တရတ်ကြီး ပိတ်တော့မှာလဲ? စီးပွားရေးမကောင်းလို့လား?"

သူဌေးမက ရယ်လိုက်ပြီးနောက် ဖြေလာ၏၊ "စီးပွားရေးမကောင်းလို့မဟုတ်ပါဘူး၊ ဒီတိုင်း... အာ.. ကျွန်မအနေနဲ့ နေရာပြောင်းချင်လို့ပါ"

"နေရာပြောင်းမယ်? ဘာလို့လဲ?" မဟာမှော်ပညာရှင်ဖာဂူဆန်က မျက်မှောင်ကုပ်လိုက်၏၊ "ကောင်းကင်မြို့တော်က အဆင်မပြေလို့လား? ဒါမှမဟုတ် တစ်ယောက်ယောက်က ပြဿနာရှာနေလို့လား? ပြောပါဦး ကျုပ် တရားမျှတမှုရှာပေးပါ့မယ်။"

"မဟုတ်ပါဘူး မဟုတ်ပါဘူး ဒီလိုမဟုတ်ပါဘူး" သူဌေးမက လက်ကိုယမ်းလိုက်၏၊ "ဒီတိုင်း ကျွန်မရဲ့ ဝမ်းကွဲက ကန်ဒရာအင်ပါယာမှာ အသိတစ်ယောက်နဲ့ အထည်ချုပ်စက်ရုံတစ်ရုံ ဖွင့်လိုက်လို့လေ။ သူက အဲ့လုပ်ငန်း ကောင်းမယ် ခံစားနေရတာနဲ့ ကျွန်မကို လိုက်ကူစေချင်တာ။"

"အထည်ချုပ်စက်ရုံ?" မဟာမှော်ပညာရှင်ဖာဂူဆန်မှာ တွေးဆနေဟန်ပေါ်လာသည်၊ "ဒါက Frestech ကုန်သည်ကြီးများအသင်းနဲ့ ဆက်စပ်နေတာလား?"

သူဌေးမက အံ့ဩသွားကာ၊ "ရှင် ဘယ်လိုသိတာလဲ?"

မဟာမှော်ပညာရှင်ဖာဂူဆန်၏ မျက်နှာ ပျက်သွားသည်။

သူက ဘယ်လိုသိရမှာတဲ့လား?

သူသိတာပေါ့!

ကောင်းကင်မြို့တော်တွင် ရှုယီနှင့် Frestech ကုန်သည်ကြီးများအသင်းကို သူက ကောင်းကောင်း အနားလည်ဆုံးသူဖြစ်သောကြောင့် မည်သို့များ မသိဘဲ နေရမည်နည်း? ‘စက်ရုံ’တစ်ရုံနှင့် ဆက်စပ်နေသည့်အရာတစ်ခုရှိသရွေ့ ၎င်းက Frestech ကုန်သည်ကြီးများအသင်းနှင့် ဆက်စပ်နေသည်။

အကြောင်းရင်းက အင်မတန်ရိုးရှင်းပါ၏၊ Frestech ကုန်သည်ကြီးများအသင်း၏ ထုတ်ကုန်ပမာဏကြီးများစွာကို ထုတ်လုပ်ခြင်းတွင် ထုတ်လုပ်ရေးမှော်စက်များကို အသုံးမပြုပါက ၎င်းအား လည်ပတ်နေသည့်စက်ရုံဟု မခေါ်ဆိုနိုင်ပေ!

မဟာမှော်ပညာရှင်ဖာဂူဆန်မှာ ထိုဝမ်းကွဲ၏ အထည်ချုပ်စက်ရငံမှာ သေချာပေါက် ကန်ဒရာအင်ပါယာ၏ တိုရီယာခရိုင်၌ ရှိကြောင်းကိုပင် ခန့်မှန်းနိုင်သည်။ အဘယ့်ကြောင့်ဆိုသော် Frestech ကုန်သည်ကြီးများအသင်းမှာ တိုရီယာ ခရိုင်နှင့် သီးသန့်စာချုပ် ချုပ်ဆိုကာစဖြစ်သောကြောင့်ပင်။

သို့သော်... သူက ဒီအကြောင်းကိုသိတော့ရော ဘာဖြစ်လဲ?

သူ‌ဌေးမမှာ ကောင်းကင်‌မြို့တော်၌ ဤဆိုင်ကို ဖွင့်လှစ်ခြင်းမှ ရသော အကျိုးအမြတ်များမှာ ကန်ဒရာအင်ပါယာ၌ သူမ ဝမ်းကွဲကို စက်ရုံဖွင့်ရန် ကူညီခြင်းလောက် မကောင်းဟု ထင်သောကြောင့် သူ့ထံတွင် သူမအား ရပ်တန့်ရန် အကြောင်းအရင်းရော အခွင့်ရေးရော မရှိပါချေ။

သူဟာ ကောင်းကင်မြို့တော်ရှိ ဆိုင်များကို လျော့မသွားစေချင်သော်လည်း ၎င်းကို ပြောင်းလဲရန် သူ့ထံ၌ အစွမ်းအစမရှိပါချေ။

လမ်း၌ တွေ့ခဲ့သည့် အရာများဖြစ်စေ ထိုသူဌေးမပြောသည့်အရာဖြစ်စေ ၎င်းက အမှန်တရားဖြစ်သည်။

Frestech ကုန်သည်ကြီးများအသင်းမှာ ကီလိုမီတာထောင်ချီဝေးသော်လည်း Frestech ကုန်သည်ကြီးများအသင်းမှာ ကောင်းကင်ရှိ မြို့တော်တစ်ဝှမ်း၌ ရှိနေပြီဖြစ်၏။

ဤအခြေအနေတွင် မည်သို့များ ဥက္ကဌ ဂက်စ်စီဝန်က Frestech ကုန်သည်ကြီးများအသင်းကို မည်သို့ အပြစ်ပေးမည်နည်း?

သို့မဟုတ် ပြောရလျှင် အဘယ့်ကြောင့် ၎င်းတို့မှာ Frestech ကုန်သည်ကြီးများအသင်းကို အပြစ်ပေးဖို့လိုသနည်း?

ရှုယီမှာ အမြဲတမ်း ၎င်းတို့နှင့် ပူးပေါင်းလိုခဲ့သည်မဟုတ်ပါလား?

ထိုသို့စဉ်းစားပြီးနောက် မဟာမှော်ပညာရှင်ဖာဂူဆန်မှာ ရုတ်တရတ် အနည်းငယ် ရှုပ်ထွေးသွားရသည်....

***

မှော်စက်မှုအင်ပါယာ

Vol 6, အခန်း ၁၄၈။ လူထုနာကြည်းမှုနှင့် ကိုယ်ရေးကိုယ်တာအငြိုး

လက်တွေ့တွင် Frestech ကုန်သည်ကြီးများအသင်းက မှော်ပညာရှင်များအဖွဲ့အစည်း၏ တောင်းဆိုချက်နှစ်ခုကို ငြင်းပယ်ခြင်းမှာ လူပေါင်းဆယ်သန်းကျော်ကို ပြောပြခဲ့ခြင်းလောက် မကြီးမားပါချေ။

ဆန်းသစ်လ ကုန်သည်ကြီးများအသင်းမှာ မှော်ပုံရိပ်ယောင် ပရိုဂျက်တာကို အနောက်တောင်နိုင်ငံများ၏ မြို့တော်အားလုံးတွင် မထားရှိရသေးသော်လည်း ထိုလူဦးရေပေါင်းနှင့်တင် သန်းနှစ်ဆယ်အောက်ရှိသည်။

ဆန်းသစ်လ ကုန်သည်ကြီးများအသင်း၏ ပုံရိပ်ယောင်ရုပ်ရှင်များကို မြို့တော်သားများထံ ပြသမည်ဖြစ်ရာ ပရိသတ်ဦးရေကို ကန့်သတ်ထားပါ၏။ တကယ်တမ်း ကြည့်ရှုနှုန်းမှာ ရှုယီ၏ ခန့်မှန်းခြေအရ ၃၀%အောက်ပင်။

ထိုနည်းဖြင့် ဤအကြောင်းသိသူအရေအတွက်မှာ လူဦးရေတစ်သန်း နှစ်သန်းပမာဏသာရှိပြီး ဆယ်သန်းအတိအကျတော့မဟုတ်ပေ။

ထိုအကြောင်းကို ဂရုစိုက်သူများနှင့် သတင်းကို နားလည်သူများမှာ ထိုသန်းချီလူများ၏ ဆယ်ပုံတစ်ပုံသာရှိလောက်သဖြင့် လူဦးရေ သိန်းချီမျှသာ ရှိမည်ပင်။

သို့သော် ရှုယီက ၎င်းကိုတကယ်ကြီး ဂရုစိုက်မနေပေ။ သူဟာ ၎င်းကို သူ့အနေနှင့် မှော်ပညာရှင်များအဖွဲ့အစည်းကနေ ခွဲထွက်ကြောင်း ပြသရန် ကြေငြာဖို့ အားကောင်းသည့်နည်းလမ်းတစ်ခုအဖြစ် အသုံးပြုခဲ့သည်ဖြစ်ရာ သူ့အနေနှင့် မှော်ပညာရှင်များအဖွဲ့အစည်း၏ ကျိုးကြောင်းမသင့်သော လိုအပ်ချက်များကို လက်ခံရန်ဆန္ဒမရှိကြောင်း အခိုင်အမာပြသနေသည်။

၎င်းကို ဂရုစိုက်သူများအတွက် ၎င်းတို့မှာ ရှုယီနှင့် Frestech ကုန်သည်ကြီးများအသင်းက ၎င်းနှင့်အတူ မည်သည်ကို ဖော်ပြလိုကြောင်း သဘာဝကျကျနားလည်သည်။

ထိုလူများအကြားတွင် ရှုယီအတွက် အရေးအကြီးဆုံးလူများမှာ နိုင်ငံအသီးသီးမှ အဆင့်နိမ့်မှော်ပညာရှင်များဖြစ်ပါ၏။

မှော်ပညာရှင်များအဖွဲ့အစည်း၏ တောင်းဆိုချက်နှစ်ခုမှာ ပထမဆုံး အဆင့်နိမ့်မှော်ပညာရှင်အများစုနှင့် မသက်ဆိုင်သော မှော်စက်မူပိုင်ခွင့်ကာကွယ်ရေးသမဂ္ဂကို ဖျက်သိမ်းရန်ဖြစ်သည်။ ဤသည်မှာ Frestech ကုန်သည်ကြီးများအသင်းက မှော်ပညာရှင်များအဖွဲ့အစည်း၏ လောဘကို ဆန့်ကျင်ခြင်းသာဖြစ်သည်။

နောက်တောင်းဆိုချက်မှာ နိုင်ငံတစ်ခုစီတိုင်းရှိ အဆင့်နိမ့်မှော်ပညာရှင်နှင့် နီးနီးကပ်ကပ်သက်ဆိုင်နေသည်ဟု ယူဆနိုင်သော မှော်ပညာရှင်များအသင်းကို ပိတ်စေခြင်းဖြစ်သည်။

မှော်ပညာရှင်များအသင်းမှာ အဆင့်နိမ့်မှော်ပညာရှင်များအတွက် အဓိကဖြစ်ပြီး မှော်ပညာရှင်များအသင်း၏ ပန်းတိုင်မှာ ထိုအဆင့်နိမ့်မှော်ပညာရှင်များအပေါ် မှော်ပညာရှင်များအဖွဲ့အစည်း၏ ထိန်းချုပ်မှုကို ခုခံရန်ဖြစ်သည်။ ၎င်းက ထိုအဆင့်နိမ့်မှော်ပညာရှင်များကို အလုပ်ကောင်းကောင်းရစေကာ ရှင်သန်ဖို့ အခြေခံငွေနှင့် မှော်သုတေသနကို ရစေသည်။

နောက်ခံကောင်းသည့် အဆင့်နိမ့်မှော်ပညာရှင်များအတွက်မူ ၎င်းက အရေးမပါသော်လည်း ဆင်းရဲသော မိသားစုနောက်ခံမှလာသည့် လူဦးရေ ၉၅%လောက်ရှိသော ကျန်သည့် အဆင့်နိမ့်မှော်ပညာရှင်များအတွက်မူ မှော်ပညာရှင်များအသင်းက ၎င်းတို့ လိုချင်သည့်အရာကို ကာကွယ်ခြင်းဖြစ်ပေသည်။

မှော်ပညာရှင်များအသင်းကို ဖွဲ့စည်းလိုက်ကတည်းက သုံးလတာအတွင်းတွင် အဆင့်နိမ့်မှော်ပညာရှင်နှစ်သောင်းလောက်က ဝင်ရောက်ပြီးသားဖြစ်သည်။ ၎င်းက လမ်ပူရီတိုင်းပြည်၊ ရူဒ်ဆန် တိုင်းပြည်၊ စတက်တိန်းနယ်မြေ၊ ဒရိတ်ခ်နယ်မြေ၊ မီရန်ဒိုနယ်မြေနှင့် နော်တွန်နယ်မြေရှိ မှော်ပညာရှင် ၉၀%ကျော်ပါဝင်ပါ၏။

စခ်တိုင်းပြည်၊ ဖော့ခ်တိုင်းပြည်နှင့် အခြားသော ပတ်ဝန်းကျင်နိုင်ငံများအတွက်မူ အဆင့်နိမ့်မှော်ပညာရှင်များမှာ မှော်ပညာရှင်များအသင်းကို အမြန်တိုးတက်စေနိုင်မည့်အရာကို အမြန် စုဆောင်းနေကြသည်။

Frestech ကုန်သည်ကြီးများအသင်းအပြင် အခြားမှော်စက်ကုမ္ပဏီများနှင့် ပူးပေါင်းခြင်းမှတဆင့် မှော်ပညာရှင်များအဖွဲ့အစည်းမှာ အချိန်တိုအတွင်း ထိုမှော်ပညာရှင်များ ၇၀%ကျော်၏ အလုပ်အကိုင်ပြဿနာကို ဖြေရှင်းခဲ့သည်။

အများစုမှာ စတင်အလုပ်မလုပ်ခင်နှင့် လစာမရခင်တွင် မှော်စက်‌လေ့ကျင့်ရေးသင်တန်းကျောင်းသို့ ဝင်ရောက်ဖို့လိုသော်လည်း ၎င်းက ၎င်းတို့၏ ဘဝကိုများစွာ‌ပြောင်းလဲစေခဲ့သည်ပင်။

ထို့ကြောင့် အဆင့်နိမ့်မှော်ပညာရှင်များကို မကူညီခဲ့ဘဲ နှစ်တိုင်း စာမေးပွဲဖြေဖို့ ငွေပင်သွင်းခိုင်းသည့် မှော်ပညာရှင်များအဖွဲ့အစည်းနှင့် ယှဉ်လျှင် မှော်ပညာရှင်များအသင်းမှာ သံသယပင်မလိုအောင် အဆင့်နိမ့်မှော်ပညာရှင်များအတွက် အကူအညီပိုဖြစ်သည်။

ဤအခြေအနေတွင် အဆင့်နိမ့်မှော်ပညာရှင်များ သောင်းနှင့်ချီ၍ မှော်ပညာရှင်များအဖွဲ့အစည်းက Frestech ကုန်သည်ကြီးများအသင်းအပေါ် ချမှတ်ထားသည့် အခြေနေနှစ်ခုအပေါ် အထင်အမြင်သေးမှုကို ဖော်ပြခဲ့ကြသည်။

သို့သော်လည်း မှော်ပညာရှင်များအဖွဲ့အစည်း၏ တုံ့ပြန်မှုက မထင်ထားလောက်အောင် ကြမ်းတမ်းသည်။

ထိုသတင်းလွှင့်လိုက်ပြီး လဝက်အကြာတွင် မှော်ပညာရှင်များအဖွဲ့အစည်းမှာ နိုင်ငံတိုင်းရှိ မှော်ပညာရှင်များအဖွဲ့အစည်းဌာနခွဲများနှင့် ၎င်းတို့ပူးပေါင်းထားသည့် အဖွဲ့အစည်းများမှတဆင့် ကြေငြာချက်ထုတ်ပြန်ခဲ့သည်။

ကြေငြာချက်မှာ ဆန်းသစ်လ ကုန်သည်ကြီးများအသင်း၏ သတင်းထုတ်လွှင့်ခြင်းအား Frestech ကုန်သည်ကြီးများအသင်းက အတုလုပ်ထားသည်ဟု ကြေငြာထား၏။ ၎င်းက Frestech ကုန်သည်ကြီးများအသင်း၏ မှော်ပညာရှင်များအဖွဲ့အစည်းအပေါ် ရေးဆွဲထားသော ဇာတ်ကွက်ဖြစ်သည်ဟု ဆိုသည်။

Frestech ကုန်သည်ကြီးများအသင်း၏ လုပ်ရပ်များကို သတိထား၍ မှော်ပညာရှင်များအဖွဲ့အစည်းမှာ ၎င်းတို့ကို အပြင်းအထန်ရှုံချကာ Frestech ကုန်သည်ကြီးများအသင်းက ယခုတွင် မှော်ပညာရှင်များအဖွဲ့အစည်း ကြိုဆိုမည်မဟုတ်သည့် ကုမ္ပဏီများအနက်တစ်ခုဖြစ်ကြောင်း ကြေငြာလိုက်သည်။

၎င်းအဆိုပြုချက်နှင့်အတူ မှော်ပညာရှင်များအဖွဲ့အစည်းမှာ နယ်မြေကြီးရှိ မှော်ပညာရှင်အားလုံးအား Frestech ကုန်သည်ကြီးများအသင်းကို အတူဆန့်ကျင်၍ Frestech ကုန်သည်ကြီးများအသင်းအတွက် အလုပ်လုပ်ပေးနေသည့် မှော်ပညာရှင်များကို သတိပေးကာ ၎င်းတို့၏ အလုပ်များကို ထွက်ခိုင်းစေရန် တောင်းဆိုခဲ့သည်၊ မဟုတ်ပါက ၎င်းတို့အား Frestech ကုန်သည်ကြီးများအသင်းအတွက် အလုပ်လုပ်ပေးနေသည်ဟု ဆုံးဖြတ်ကာ မှော်ပညာရှင်များအဖွဲ့အစည်း၏ အကျိုးအမြတ်များကိုခံစားခွင့်ပေးတော့မည်မဟုတ်တော့ပေ။

Frestech ကုန်သည်ကြီးများအသင်းကို ချိန်ရွယ်ခြင်းအပြင် မှော်ပညာရှင်များအဖွဲ့အစည်းမှာ ထိုကြေငြာချက်နှင့် မှော်ပညာရှင်များအသင်းကိုလည်း ပစ်မှတ်ထားခဲ့သည်။

မှော်ပညာရှင်များအဖွဲ့အစည်းဌာနချုပ်မှာ မှော်ပညာရှင်များအသင်းက မှော်ပညာရှင်များအဖွဲ့အစည်းကို ဆန့်ကျင်သည့် ဖုံးကွယ်ထားသော လုပ်ရပ်များကို လုပ်သော အဖွဲ့အစည်းဖြစ်ကြောင်း‌ ကြေငြာထားသည်။ ၎င်း၏ တည်ရှိမှုမှာ စိုင်စ်နယ်မြေကြီးတစ်ခုလုံး၏ မှော်ပညာရှင်များအပေါ် အနှောင့်အယှက်ဖြစ်စေသည်ဟု ဆိုသည်။ မှော်ပညာရှင်များအဖွဲ့အစည်းမှာ နှစ်ပေါင်းထောင်ချီကြာ တည်ရှိခဲ့သော ဂုဏ်သိက္ခာအရှိဆုံး မှော်ပညာရှင်အဖွဲ့အစည်းဖြစ်ပြီး ၎င်းတို့မှာ ယုံကြည်ကိုးစားဖွယ်နေရာတွင် အခြားအဖွဲ့အစည်းအားလုံး၏ အထက်မှာရှိသည်။ ၎င်းတို့အနေနှင့် မှော်ပညာရှင်များအဖွဲ့အစည်းကို ပူးပေါင်းသူတိုင်း အလင်းကို မြင်၍ မှော်ပညာရှင်များအသင်းကို ထွက်ခွာမည်ဟု မျှော်လင့်နေပါ၏။

ဤကြေငြာချက်ထုတ်လိုက်သည့်အချိန်တွင် ၎င်းက စိုင်စ်နယ်မြေကြီး၌ အုတ်အော်သောင်းတင်းဖြစ်သွားသည်။

အဘယ့်ကြောင့်ဆိုသော် မှော်ပညာရှင်များအဖွဲ့အစည်း ကြေငြာချက်က ပြောထားသလိုပင် မှော်ပညာရှင်များအဖွဲ့အစည်းမှာ နယ်မြေကြီး၌ နှစ်ပေါင်းထောင်ချီ ကြာအောင် ရှိနေခဲ့သည်။ ၎င်းက မှော်ပညာရှင်များ၏ စိတ်တွင် ဂုဏ်သတင်းမြင့်ရုံသာမက သာမန်လူများ၏ စိတ်ထဲတွင်ပါ ဂုဏ်သိက္ခာမြင့်မားလှသည်။

ယခုတွင် မှော်ပညာရှင်များအဖွဲ့အစည်းကို ဆန့်ကျင်သည့် မှော်ပညာရှင်များအသင်းရှိလာရာ ၎င်းက ပြဿနာကြီးတစ်ခု ဖြစ်ပေသည်။

သို့ရာတွင်... မသက်ဆိုင်သူတို့၏ တုံ့ပြန်ချက် မည်မျှပြင်းထန်နေပါစေ မှော်ပညာရှင်များအသင်းနှင့် မှော်ပညာရှင်များအဖွဲ့အစည်းကြား ပြဿနာရင်းမြစ်မှာ အဆင့်နိမ့်မှော်ပညာရှင်များဖြစ်ပြီး ၎င်းတို့မှာ တစ်ချိန်လုံး အင်မတန်ပြတ်သားနေခဲ့သည်။ ၎င်းတို့မှာ မှော်ပညာရှင်များအသင်းကို အပြည့်အဝထောက်ခံ၍ အများစုက မှော်ပညာရှင်များအဖွဲ့အစည်းမှ တိုက်ရိုက်ထွက်ခွာခဲ့ကြသည်။

"ရှင်းရှင်းပြောရရင် မှော်ပညာရှင်များအဖွဲ့အစည်းက လူတွေက သူတို့ကိုယ်သူတို့ အထင်ကြီးလွန်းနေတာပဲ...." ရှုယီမှာ သူ့လက်ထဲရှိ သတင်းစာကိုကြည့်ပြီး မနေနိုင်အောင် ခေါင်းယမ်းလိုက်သည်၊ "သူတို့က သီးသန့်ဆန်သလိုပြုမူပြီး မှော်ပညာရှင်အားလုံးရဲ့ စီမံခန့်ခွဲသူတွေလို ပြုမူရင်း မှော်ပညာရှင်အားလုံးက သူတို့စကားတွေကို နားထောင်ရမယ်လို့ ထင်နေကြတယ်။ သူတို့က လူထုအတွက် လုပ်ကိုင်ပေးနေရတဲ့ အဖွဲ့အစည်းဆိုတာကို လုံးဝမေ့သွားတာပဲ။ သူတို့သာ မှော်ပညာရှင်တွေအတွက် အကျိုးအမြတ်မထောက်ပံ့ပေးနိုင်ရင် ဘယ်သူက သူတို့အမိန့်ကို နာခံနေမှာလဲ?"

နံဘေးရှိ ခေါင်းဆောင်မှော်ပညာရှင်ကမ်မီလာက မျက်လုံးလှိမ့်လိုက်သည်၊ "ဒီတော့ မင်းက အဲဒီ့ အဆင့်နိမ့်မှော်ပညာရှင်အားလုံးကို ဒီလိုအကျိုးအမြတ်တွေပေးနေခဲ့တာဟာ သူတို့ မင်းစကားနားထောင်အောင်လို့ပေါ့?"

ရှုယီက ရယ်မောလိုက်သည်၊ "အဘိုး ဒါက ကြားရဆိုးမနေဘူးလား? ဘာက ကျွန်တော့်ကို နားထောင်မှာလဲ? ကျွန်တော်က သူတို့ကို ဘဝကောင်းကောင်းကေးထားပြီး သူတို့ရဲ့ မှော်ပညာရှင်အနေနဲ့ ကျွမ်းကျင်မှုကို ကျွန်တော်တို့ကုမ္ပဏီမှာ အလုပ်လုပ်ဖို့ သုံးထားရုံပါပဲ။ လူတိုင်း လိုအပ်တာကို ရကြတော့ အရမ်းကို မျှတတယ်လေ။ ရိုးသားရရင် ကျွန်တော်တို့ကုမ္ပဏီက ပိုပေးတာရှင်းနေတာပဲ။ ကြည့်လေ သူတို့ သူတို့အတွက် မှော်ပညာရှင်များအဖွဲ့အစည်းကို ဖယ်ရှားနေတာမဟုတ်လား?"

"မင်းမတရားခံရသလိုလုပ်မနေပါနဲ့။" ခေါင်းဆောင်မှော်ပညာရှင်ကမ်မီလာက ရှုယီကို ကြည့်လိုက်သည်၊ "ကောင်လေး မင်းလုပ်နေတာကို ငါသိတယ်၊ ဒါက အစတည်းက မင်းအစီစဉ်မဟုတ်လား? ဒီလိုလုပ်ရင်း မင်း သေချာပေါက် မှော်ပညာရှင်များအဖွဲ့အစည်းက အဆင့်နိမ့်မှော်ပညာရှင်တွေရဲ့ ဘဝအခြေနေပြဿနာကို ကိုင်တွယ်နေတာပဲ၊ ငါမမြင်ဘူးလို့ ထင်နေတာလား?"

ရှုယီက ပြုံးလိုက်ပြီးနောက် အလေးအနက်မေးလာသည်၊ "အဘိုး ဒါဆို ... ကျွန်တော် မှန်တာ လုပ်နေတယ်လို့ထင်လား?"

ရှုယီ၏ အလေးအနက်အမူရာကိုမြင်သော် ခေါင်းဆောင်မှော်ပညာရှင်ကမ်မီလာမှာ ခဏတာတိတ်ဆိတ်သွားပြီးနောက် သက်ပြင်းချလာသည်။

"ဒီလိုလုပ်တာက ဒီအဆင့်နိမ့်မှော်ပညာရှင်တွေအတွက် အကူအညီအရဆုံးဆိုတာ ဝန်ခံပါတယ်။ မှော်ပညာရှင်များအဖွဲ့အစည်းက သူတို့အနေနဲ့ ဒီအဆင့်နိမ့်မှော်ပညာရှင်တွေရဲ့ လေ့လာရေးအခြေအနေကို တိုးတက်စေချင်ပြီး သူတို့ကို‌ မှော်ပညာလမ်းကြောင်းမှာ လျှောက်လှမ်းစေချင်တယ်လို့ ပြောနေပေမယ့်လည်း သူတို့ကို ကူညီဖို့ လုပ်ပေးတာက မရှိသလောက်ကို နည်းလွန်းတယ်။ အခု မင်းက ဒီအဆင့်နိမ့်မှော်ပညာရှင်တွေအတွက် ဝင်ငွေကောင်းကို ဖန်တီးပေးခဲ့တယ်‌ဆိုတော့ ဒါက အကြီးဆုံးပြဿနာကို ဖြေရှင်းပေးခဲ့တာလို့ ငါထင်တယ်။"

ခေါင်းဆောင်မှော်ပညာရှင်ကမ်မီလာက ခဏရပ်လိုက်ပြီးနောက် ရုတ်တရတ် ထရပ်၍ ရှုယီကို ဦးညွတ်လိုက်သည်။

"ရှုယီ ငါက မင်းကို အဆင့်နိမ့်မှော်ပညာရှင်တွေကိုယ်စား ကျေးဇူးတင်ပါတယ်ကွာ။ မင်းကြောင့်သာမဟုတ်ရင် ဒီအဆင့်နိမ့်မှော်ပညာရှင်အများစုက သူတို့ဘဝတစ်ခုလုံး ဘာမှရမှာကို မဟုတ်ဘူး။ အခု မင်းရှိနေတော့ အနည်းဆုံး သူတို့လည်း သူတို့ရဲ့ ဘဝအခြေနေကို ထိန်းသိမ်းနိုင်တာပေါ့။ သူတို့အနေနဲ့ မှော်ပညာလမ်းကြောင်းကို ဆက်လျှောက်နိုင်ဖို့ အခွင့်အရေးကြီးတောင် ရှိနေသေးတယ်လေ။ မင်းက နယ်မြေကြီးတစ်ခုလုံးက မှော်ပညာတိုးတက်မှုကို ကြီးကြီးမားမား ကူညီပေးခဲ့တယ်လို့ ပြောရင်တောင် ချဲ့ကားရာကျ‌မနေဘူး။"

ရှုယီမှာ ၎င်းကြောင့် ထိတ်လန့်၍ မြန်မြန်ထရပ်ကာ လက်ယမ်းလိုက်သည်၊ "အဘိုး ဒါက အရမ်းများသွားပြီ။ ကျွန်တော်က ကျွန်တော်တို့ကုမ္ပဏီရဲ့ လိုအပ်ချက်ကို လိုက်နာနေရုံပါပဲ၊ အဘိုးထင်သလို မြင့်မြတ်တဲ့လူမဟုတ်ပါဘူး။"

"ငါက ရလာဒ်ကိုပဲကြည့်တာလေ။" ခေါင်းဆောင်မှော်ပညာရှင်ကမ်မီလာက နူးညံ့စွာဆိုသည်။

ရှုယီမှာ ခဏကြာ တိတ်ဆိတ်နေပြီးနောက် ပြုံးလေ၏။

"ဟုတ်ပါပြီ အဘိုးက ဒီလိုခံစားနေရမှတော့ ဒီလိုပဲပေါ့။ ဒါပေမယ့် အဘိုး၊ မှော်ပညာရှင်များအဖွဲ့အစည်းက ဒါကို တုံ့ပြန်မှာပဲ။ ဒီအဓိပ္ပာယ်မရှိတဲ့ စွပ်စွဲချက်တွေအပြင် အာရုံစိုက်ဖို့ အလိုဆုံးက ဘာလို့ထင်လဲ?"

"မင်းက ဒီလောက် တိကျမယ်လို့ မထင်ထားဘူး...." ခေါင်းဆောင်မှော်ပညာရှင်ကမ်မီလာက ရှုယီကို မျက်လုံးလှိမ့်ပြပြီးနောက် သေချာတွေးတောလိုက်သည်။ သူ၏မျက်နှာထက်ရှိ အမူအရာက လေးနက်လာပါ၏၊ "စစ်ပွဲတွေမှာ ခေါင်းဆောင်မှော်ပညာရှင်တွေရဲ့ ရပ်တည်ချက်အကြောင်း မင်းငါ့ကို မေးတုန်းက ဘယ်လိုတုံ့ပြန်ခဲ့လဲ မှတ်မိသေးလား?"

"မှော်ပညာရှင်များအဖွဲ့အစည်းက တခြားနိုင်ငံတွေရဲ့ ကျူးကျော်စစ်ပွဲတွေမှာ ခေါင်းဆောင်မှော်ပညာရှင်တွေကို ပါဝင်ခွင့်မပြုပေမယ့် ကာကွယ်‌တဲ့စစ်ပွဲမှာတော့ ဝင်ပါနိုင်တယ်လို့ ပြောခဲ့တယ်လေ။" ရှုယီက ဖြေပြီးနောက် ရုတ်တရတ် တစ်စုံတရာကိုစဉ်းစားမိကာ အမူအရာပြောင်းသွားသည်၊ "အဘိုး အဘိုးပြောနေတာက... ခေါင်းဆောင်မှော်ပညာရှင်တစ်ယောက်က နိုင်ငံတစ်နိုင်ငံကို မကျူးကျော်နိုင်ပေမယ့် ကုမ္ပဏီကိုတော့ တိုက်ခိုက်လို့ရတယ်လို့ ပြောနေတာတော့ မဟုတ်ဘူးမို့လား?"

ခေါင်းဆောင်မှော်ပညာရှင်ကမ်မီလာက အသာခေါင်းငြိမ့်၏၊ "ဟုတ်တယ် နိုင်ငံတစ်ခုရဲ့ စစ်တပ်နဲ့ တိုက်ခိုက်တာက လူထုနာကြည်းမှုကို ဖန်တီးနိုင်ပေမယ့် ကုမ္ပဏီတစ်ခုကို တိုက်ခိုက်တာကတော့

... ကိုယ်ရေးကိုယ်တာအငြိုးပဲလေ...."

ရှုယီ၏ အမူအရာက တမုဟုတ်ချင်း အင်မတန် အရုပ်ဆိုးသွားသည်။

***

မှော်စက်မှုအင်ပါယာ

Vol 6, အခန်း ၁၄၉။ တင်းကြပ်ထားသော မှော်စက်မူအဆင့်

မှော်ပညာရှင်များအဖွဲ့အစည်းနှင့် ပတ်သက်သည့် မျက်နှာဖုံးများကို မခွာချခင် ရှုယီမှာ ခေါင်းဆောင်မှော်ပညာရှင်များ၏ ခြိမ်းခြောက်မှုကို မစဉ်းစားခဲ့ဟု ဆိုရလျှင် သေချာပေါက် မဖြစ်နိုင်ပေ။

သို့သော် ခေါင်းဆောင်မှော်ပညာရှင် ကမ်မီလာထံမှ လာသော ခြိမ်းခြောက်မှုကိုကြားပြီးနောက် ၎င်းမှာ စစ်မှန်နေသည်ထက် မပိုတော့ရာ သူ့အနေနှင့် စိတ်မလှုပ်ရှားဘဲ မနေတော့ပေ။

သို့ရာ၌ သူဟာ တစ်စက္ကန့်မျှသာ စိုးရိမ်နေပြီးနောက် တည်ငြိမ်သွား၏။

သူစဉ်းစားထားပြီးသားပင်။ Frestech ကုန်သည်ကြီးများအသင်းသည် နယ်မြေကြီးတွင် မှော်စက်လုပ်ငန်း ဖွံ့ဖြိုးတိုးတက်ရေးကို လွှမ်းမိုးလိုပါက ၎င်း၏ စံပြ မှော်စက်လုပ်ငန်းကို တည်ထောင်ရန် သူသည် ခေါင်းဆောင်မှော်ပညာရှင်များ၏ ခြိမ်းခြောက်မှုကို မကြာမီ သို့မဟုတ် နောက်ပိုင်းတွင် ရင်ဆိုင်ရမည်ဖြစ်သည်။

ခေါင်းဆောင်မှော်ပညာရှင်များသည် စိုင်စ်နယ်မြေကြီးတွင် အလွန်ထူးခြားသော တည်ရှိမှုများဖြစ်ပြီး ခေါင်းဆောင်မှော်ပညာရှင်ကမ်မီလာ အပါအဝင် ယခုအချိန်အထိ ၎င်းတို့အနက် နှစ်ဆယ့်ခုနစ်ဦးသာရှိသေးသည်။

ဤနှစ်ဆယ့်ခုနစ်ဦးသော ခေါင်းဆောင်မှော်ပညာရှင် တစ်ဦးစီသည် အလွန်အရေးကြီးသော လူများဖြစ်သည်။ ၎င်းတို့ထံမှ လှုပ်ရှားမှုတစ်ခုတည်းက မှော်ပညာရှင် အသိုင်းအဝန်းအတွင်း ကြီးမားသော တုန်လှုပ်မှုကို ဖန်တီးနိုင်သည်၊ ထို့ကြောင့် ၎င်းတို့သည် မှော်ပညာရှင်များ၏ အခွင့်အာဏာကို ကိုယ်စားပြုသည်ဟု ဆိုနိုင်သည်။

သို့သော်လည်း ရှုယီအတွက်၊ ခေါင်းဆောင်မှော်ပညာရှင်များ၏ အခွင့်အာဏာသည် ၎င်းတို့၏ စွမ်းအား သို့မဟုတ် ၎င်းတို့၏ အဖျက်စွမ်းအားကို အခြေခံထားသဖြင့် ချီးမွမ်းနိုင်သော အရာမဟုတ်ပေ။

ရှုယီအတွက် မှော်ပညာသည် ကိရိယာတစ်ခုထက် မပိုပေ။ စစ်ပွဲများတွင် ပါဝင်ရန် အဖျက်မှော်ပညာကို အသုံးပြုမည့်အစား မှော်စက်များ တီထွင်ရန် မှော်ပညာကို အသုံးပြုကာ လူတို့၏ဘဝ တိုးတက်ကောင်းမွန်လာစေရန် ၎င်းတို့ကို အသုံးပြုခြင်းသည် ပို၍အဓိပ္ပာယ်ရှိပေသည်။

ရှုယီသည် မှော်ပညာ၏ အစွမ်းကို အမြဲနှိမ့်ချနေသောကြောင့် လူများသည် မှော်ပညာကို ကြောက်ရွံ့ခြင်းမှနေ၍ မှော်ပညာ၏ အသုံးဝင်မှုကို အာရုံစိုက်ခြင်းသို့ ပြောင်းလဲသွားကြသည်။

ဤတစ်ကြိမ်တွင် သူသည် နယ်မြေကြီးရှိ မှော်ပညာရှင် အားလုံး၏ 90%ဖြစ်သော အဆင့်နိမ့်မှော်ပညာရှင်များကို မှော်ပညာရှင်များအဖွဲ့အစည်းမှ ခွဲထုတ်ခဲ့သည်။ ထို့နောက် သူသည် ဤအဆင့်နိမ့် မှော်ပညာရှင်များအတွက် သင့်လျော်သော အလုပ်အချို့ကို ရှာဖွေမည်ဖြစ်ပြီး သူတို့၏ စိတ်ထဲတွင် မှော်ပညာ၏ အဓိပ္ပါယ်ဖွင့်ဆိုချက်ကို ပြန်လည်သတ်မှတ်နိုင်စေမည်ဖြစ်သည်။

လူဦးရေအများဆုံးရှိသည့် အဆင့်နိမ့်မှော်ပညာရှင် များသည် မှော်စက်များကို လက်ခံပြီး လက်တွေ့ဘဝအသုံးချမှုနှင့်အတူ မှော်စက်များကို အာရုံစိုက်ပါက၊ သူသည် မှော်ပညာရှင် အများစုအသုံးပြုသော မှော်ပညာနှင့် မှော်စက်လုပ်ငန်းကို ဖွံ့ဖြိုးတိုးတက်စေရန် ဦးတည်ချက်ကို ပြောင်းလဲနိုင်မည်ဖြစ်သည်။

သို့သော် သူက မှော်ပညာအပေါ် လူတိုင်း၏ နားလည်မှုအား လုံးလုံးလျားလျား ပြောင်းလဲချင်သည်ဆိုလျှင် အဆင့်မြင့်မှော်ပညာရှင်၊ မဟာမှော်ပညာရှင်နှင့် ခေါင်းဆောင်မှော်ပညာရှင်တွေအထိပင် ရှုယီဟာ ပြဿနာကို ရင်ဆိုင်ရမည်ဖြစ်သည်။

ခေါင်းဆောင်မှော်ပညာရှင်တစ်ဦးမျှသာမှော်စက်လုပ်ငန်းကို အသိအမှတ်ပြုပြီး သူနှင့် လက်တွဲခဲ့ပါလျှင်၊ အဆင့်နိမ့် မှော်ပညာရှင် တစ်သောင်းကို ဆွဲဆောင်သည်ထက် အများကြီး ပိုအားကောင်းလိမ့်မည်။

ခေါင်းဆောင်မှော်ပညာရှင်ကမ်မီလာသည် ယခုအချိန်တွင် မှော်စက်လုပ်ငန်းကို အသိအမှတ်ပြုထားသည့် တစ်ခုတည်းသော ခေါင်းဆောင်မှော်ပညာရှင်ဖြစ်သည်။ သို့သော် ရှုယီနှင့် သူ၏ဆက်ဆံရေးကြောင့် မဆွဲဆောင်‌နိုင်ပေ။

ထို့ကြောင့် ရှုယီ သည် အခြားသော ခေါင်းဆောင်မှော်ပညာရှင်များကို အခြားနည်းလမ်းများဖြင့် ဆွဲဆောင်ရန် အမြဲကြိုးစားနေခဲ့သည်။

အကယ်၍ မှော်ပညာရှင်များအဖွဲ့အစည်းမှ ခေါင်းဆောင်မှော်ပညာရှင်ကို သုံး၍ Frestech Frestech ကုန်သည်ကြီးများအသင်းနှင့် ရင်ဆိုင်ရန် အမှန်တကယ် ဆွဲဆောင်နိုင်ခဲ့လျှင် Frestech ကုန်သည်ကြီးများအသင်းအတွက် အန္တရာယ်ရှိနိုင်ပြီး အခွင့်အလမ်းကောင်းတစ်ခုလည်း ဖြစ်ပါ၏။

ရလဒ်က ဘယ်လိုဖြစ်မည် ဆိုသည်ကတော့ ရှုယီ အပေါ်မှာ မူတည်ပါသည်။

ခေါင်းဆောင်မှော်ပညာရှင်ဟာ သာမန်လူမဟုတ်သဖြင့် တော်သေးသည်၊ ထို့ကြောင့် မှော်ပညာရှင်များအဖွဲ့အစည်းက ၎င်းတို့၏ နောက်ဆုံးဝှက်ဖဲကို မသုံးခိုင်းဘူးဆိုပါလျှင်၊ ၎င်းတို့က သုံးမည်မဟုတ်ပေ။ Frestech ကုန်သည်ကြီးများအသင်းတွင် မှော်ပညာရှင်များအဖွဲ့အစည်းအတွက် ရှုပ်ထွေးမှုများကို ဖန်တီးပေးသော ခေါင်းဆောင်မှော်ပညာရှင်ကမ်မီလာရှိသည်ကို မဆိုထားနှင့်။

ထို့ကြောင့် ခေါင်းဆောင်မှော်ပညာရှင်က စိုးရိမ်နေပါလျှင်တောင်၊ Frestech ကုန်သည်ကြီးများအသင်းမှ မှော်ပညာရှင်များအဖွဲ့အစည်း၏ မျက်နှာဖုံးအားလုံးကို ဆုတ်ခွာပြီးနောက် လက်တွေ့တွင် Frestech ကုန်သည်ကြီးများအသင်းသည် အဆိုးဆုံးဖြစ်ရပ်ကို မကြုံတွေ့ခဲ့ရဘဲ ခေါင်းဆောင်မှော်ပညာရှင်ထံမှ ချက်ချင်းတိုက်ခိုက်ခြင်းကိုမခံခဲ့ရပေ။

မှော်ပညာရှင်များအဖွဲ့အစည်းသည် Frestech ကုန်သည်ကြီးများအသင်းအား ကြေငြာချက်များနှင့်သာ တိုက်ခိုက်ခဲ့ပြီး မည်သည့်လှုပ်ရှားမှုမှ မလုပ်ခဲ့ပေ။

အပြင်ပန်းတွင်တော့ သိသာသည့်အဖြစ်အပျက်တွေ လုံးဝမရှိပါချေ။

ဟုတ်ပါ၏၊ ဤငြိမ်သက်မှုသည် Frestech ကုန်သည်ကြီးများအသင်းအတွက်သာဖြစ်ပြီး စိုင်စ်နယ်မြေကြီး၏ အခြားနိုင်ငံများသည် လုံးဝငြိမ်သက်ခြင်းမရှိပေ။

Frestech ကုန်သည်ကြီးများအသင်းမှ စစ်တပ်မှော်စက်နည်းပညာ အစိတ်အပိုင်းများကို လွှဲပြောင်းပေးမည်ဟု ကြေညာပြီးနောက်၊ နယ်ကြီးပေါ်ရှိ အခြားနိုင်ငံများစွာကို စတင်လှုပ်ရှားစေခဲ့သည်။

Frestech ကုန်သည်ကြီးများအသင်းနှင့် စာချုပ်ချုပ်ဆိုထားသော နိုင်ငံသုံးဆယ့်ငါးနိုင်ငံမှ ပထမအသုတ်သည် အမှတ်များရရှိရန် တစ်နှစ်သာအသုံးပြုခဲ့သည်။

၎င်းတို့အနက်မှ အကောင်းဆုံးမှာ Frestech ကုန်သည်ကြီးများအသင်းနှင့် ပူးပေါင်းဆောင်ရွက်မှု ဒုတိယအဆင့်သို့ ရောက်ရှိခဲ့သည့် ဝင်းနက်စ်နယ်မြေဖြစ်သည်။ Frestech ဝင်းနက်စ်နယ်မြေ ၎င်းတို့၏ မှော်စက်လုပ်ငန်းကို အဆင့်နှစ်အထိ အသိအမှတ်ပြုခဲ့သည်၊ ထို့ကြောင့် စာချုပ်အရ Frestech ကုန်သည်ကြီးများအသင်းသည် အခြေခံ မှော်ထပ်ဆင့်လေးနှင့် မှော်အမြောက်အသေးစားတို့အတွက် စစ်တပ်မှော်စက်နည်းပညာကို လွှဲပြောင်းပေးမည်ဖြစ်သည်။

Frestech ကုန်သည်ကြီးများအသင်းနှင့် ဝင်းနက်စ်နယ်မြေတို့သည် ဝင်းနက်စ်နယ်မြေ၌ စစ်ဘက်သုံးမှော်စက် စက်ရုံတစ်ခု ဖန်တီးရန် ရန်ပုံငွေများ စုစည်းခဲ့သည်။ ၎င်းတို့သည် တစ်နှစ်လျှင် ထုတ်ကုန်တန်ချိန် ရှစ်သိန်းကျော် ထုတ်လုပ်နိုင်သည့် သံမဏိစက်ရုံကို တည်ဆောက်ပြီး အဆိုပါ စစ်ဘက်ဆိုင်ရာ မှော်စက်များအတွက် သံမဏိပစ္စည်းများကို ပံ့ပိုးပေးမည်ဖြစ်သည်။

အခြေခံအကျဆုံး စိုက်ပျိုးရေးမှော်စက်များအတွက် ပြင်ဆင်နေသည့် ပထမအဆင့်တွင်ရှိနေသည့် အခြားနိုင်ငံများနှင့် နှိုင်းယှဉ်ပါက ဝင်းနက်စ်နယ်မြေသည် သံသယကင်းကင်းဖြင့် ဦးဆောင်နိုင်ခဲ့သည်။

အအေးလွန်ကဲသော ဆောင်းရာသီအပြီးတွင် Frestech ကုန်သည်ကြီးများအသင်းနှင့် အမ်ရစ်ကုန်သည်ကြီးများအသင်းမှ စတုတ္ထမြောက် ဆောက်လုပ်ရေးအဖွဲ့သားများကို ဝင်းနက်စ်နယ်မြေသို့ စေလွှတ်ခဲ့သည်။

ဤတစ်ကြိမ်တွင် ၎င်းတို့၏ ရည်မှန်းချက်မှာ အဆုံးမဲ့ပင်လယ်ပြင်နှင့် တာလွန်မြစ်တို့ ဖြတ်နေသည့် ဝင်းနက်စ်နယ်မြေ၏ အကြီးဆုံးမြစ်တွင် အဆုံးမရှိ ပင်လယ်ဆိပ်ကမ်းတစ်ခု တည်ဆောက်ရန်ဖြစ်သည်။

ဝင်းနက်စ်နယ်မြေသည် ဤနေရာတွင် သဘာဝဆိပ်ကမ်းတစ်ခုရှိနေပြီဖြစ်သော်လည်း၊ ဝင်းနက်စ်နယ်မြေ၏ တိုးမြှင့်တောင်းဆိုမှုများကို မဖြည့်ဆည်းပေးနိုင်သေးပေ။ အထူးသဖြင့် Frestech ကုန်သည်ကြီးများအသင်း၏ အကြီးစား သယ်ယူပို့ဆောင်ရေး မှော်သင်္ဘောများများကို ဆိုက်ကပ်၍မရပေ။ ထို့ကြောင့် Frestech ကုန်သည်ကြီးများအသင်း၏ အကြံပြုချက်အောက်တွင် Frestech ကုန်သည်ကြီးများအသင်းနှင့် ဝင်းနက်စ်နယ်မြေတို့သည် ကုန်ကျစရိတ်တစ်ဝက်ကို ပေးဆောင်ခြင်းဖြင့် ဆိပ်ကမ်းသစ်တစ်ခု တည်ဆောက်မည်ဖြစ်သည်။

ဤဆိပ်ကမ်းသည် ဝင်းနက်စ်နယ်မြေ၏မြောက်ဘက် တာလွန် မြစ်အတွင်းသို့လည်း သွယ်တန်းသွားမည်ဖြစ်ပြီး ၎င်းတို့အား တာလွန်မြစ်ဖြင့် သယ်ယူပို့ဆောင်နိုင်စေကာ ဝင်းနက်စ်နယ်မြေမှ ကုန်စည်များကို အလွယ်တကူ သယ်ယူနိုင်စေမည်ဖြစ်သည်။

ထို့ကြောင့် အခြားနေရာများမှ ကုန်စည်များသည် ဤဆိပ်ကမ်းသို့ ဝင်ရောက်နိုင်ပြီး တာလွန်မြစ်မှတစ်ဆင့် ဝင်းနက်စ်နယ်မြေသို့ ဝင်ရောက်နိုင်သည်။

၎င်းအပြင် ဝင်းနက်စ်နယ်မြေသည် တာလွန်မြစ်တစ်လျှောက်လမ်းကိုလည်း ဖောက်လုပ်မည်ဖြစ်သည်။ ၎င်းအား နယ်မြေတွင် တည်ဆောက်ထားပြီးဖြစ်သော လမ်းသုံးလမ်းဖြင့် ချိတ်ဆက်မည်ဖြစ်ပြီး ဝင်းနက်စ်နယ်မြေရှိ မည်သည့်နေရာကိုမဆို ရောက်ရှိနိုင်မည်ဖြစ်သည်။

အစီအစဉ်အရ ဤဆိပ်ကမ်းနှင့် လမ်း ပြီးသရွေ့၊ ဝင်းနက်စ်နယ်မြေသည် Frestech ကုန်သည်ကြီးများအသင်းမှ ပံ့ပိုးပေးသော ဆောက်လုပ်ရေးမှော်စက်များဖြင့် တာလွန်မြစ်ကို ရှင်းလင်းနေသရွေ့၊ ဝင်းနက်စ်နယ်မြေ၏ ယာဉ်ကြောအသွားအလာ အခြေအနေများ အလွန်တိုးလာမည်ဖြစ်၏။

ဝင်းနက်စ်နယ်မြေသည် ယခင်က ကြွယ်ဝသော အရင်းအမြစ်များ ရှိသော်လည်း၊ သယ်ယူရသည်မှာ အဆင်မပြေတဲ့အတွက် ထိုပစ္စည်းတွေကို မသယ်နိုင်တော့ပေ။ ဝင်းနက်စ်နယ်မြေလူမျိုးများသည် တိုင်းပြည်၏ ညံ့ဖျင်းသော ဘဝအခြေအနေကြောင့်သာ ခါးသီးသော ဘဝကို ရှင်သန်နိုင်ကြသည်။

သယ်ယူပို့ဆောင်ရေးပြဿနာကို ဖြေရှင်းပြီးသည်နှင့် ဝင်းနက်စ်နယ်မြေသည် ၎င်းတို့၏ ရှားပါးကုန်ပစ္စည်းများကို အခြားနိုင်ငံများသို့ အလွယ်တကူရောင်းချနိုင်ကာ ဝင်ငွေအနည်းငယ်ရရှိစေမည်ဖြစ်သည်။

ဥပမာအားဖြင့်၊ Frestech ကုန်သည်ကြီးများအသင်းနှင့် အမ်ရစ်ကုန်သည်ကြီးများအသင်း၏ ပေါင်းစည်းရေးသင်္ဘောများသည် ဝင်းနက်စ်နယ်မြေသို့ဆိုက်သောအခါ၊ ဤဆိပ်ကမ်းကို တည်ဆောက်ခြင်းအပြင် ၎င်းတို့သည် အထူးပစ္စည်းများကို ဝယ်ယူရန်လည်ူ တာဝန်ရှိသည်။

သင်္ဘောစုသည် သဘာဝကျကျပင် ဆိပ်ကမ်းသို့ ရောက်သောအခါ၊ ဝင်းနက်စ်နယ်မြေ၏ မရေမတွက်နိုင်သော အရင်းအမြစ်များအား သယ်ဆောင်ရန် စောင့်ဆိုင်းနေသည့် တောင်ကြီးတစ်ခုကဲ့သို့ မြစ်ဆိပ်တွင် ချထားပြီးဖြစ်သည်။

Frestech ကုန်သည်ကြီးများအသင်း၏ သယ်ယူပို့ဆောင်ရေးယာဉ်များသည် ဝင်းနက်စ်နယ်မြေသို့ ရှားပါးသောအရင်းအမြစ်များကို ယူဆောင်လာမည်ဖြစ်သည်။

ထိုအထဲတွင် ဂျုံနှင့် ဆန်ကဲ့သို့သော အခြေခံအုတ်မြစ်များ ပါဝင်သည်။

ဤသင်္ဘောစုတစ်ခုတည်းဖြင့် Frestech ကုန်သည်ကြီးများအသင်းသည် အကြီးစားသယ်ယူပို့ဆောင်ရေး မှော်သင်္ဘောသုံးခုတွင် လူပုလေးများချက်လုပ်သော ဝိုင်စည်ပေါင်း သုံးထောင်ကို ယူဆောင်လာခဲ့သည်။

ဝင်းနက်စ်နယ်မြေသည် လူဦးရေ ခြောက်သိန်းသာရှိသော နိုင်ငံငယ်လေးတစ်ခုမျှသာဖြစ်သည်။ အစားအသောက်ရှားပါးသော ဝင်းနက်စ်နယ်မြေမှလူများအတွက် ဤပစ္စည်းများသည် ကြီးမားသောအကူအညီဖြစ်လိမ့်မည်။

ထို့ကြောင့် သင်္ဘောစု ဆိပ်ကမ်းသို့ရောက်ရှိသောအခါ ဝင်းနက်စ်နယ်မြေမှလူများက ချက်ချင်းကြိုဆိုခဲ့ကြသည်။

နယ်စားဝင်းနက်စ်သည် ကိုယ်တိုင်ကိုယ်ကျ လာရောက်ပြီး သင်္ဘောစုကပ္ပတိန်များကို လှိုက်လှိုက်လှဲလှဲ ကြိုဆိုခဲ့သည်။ Frestech ကုန်သည်ကြီးများအသင်းနှင့် အမ်ရစ်ကုန်သည်ကြီးများအသင်းတို့သည် ဝင်းနက်စ်နယ်မြေအတွက် မည်မျှအရေးကြီးကြောင်း ပြသခဲ့ပါသည်။

သေချာတာကတော့ သူအလေးအနက်ထားဆုံးအရာမှာ ဆန်၊ ဂျုံ၊ နှင့် ပို့ဆောင်ရေးသင်္ဘောစုထက်ရှိ ဝိုင်တို့ဖြစ်သည်...

“မြို့စားကြီး ကြည့်ပါဦး ဒါကကျုပ်တို့ကုမ္ပဏီရဲပ ဂရုတစိုက်တီထွင်ထားတဲ့ မှော်အမြောက်ပါ။ ဘယ်လောက် သေးတယ်ဆိုတာကို မကြည့်လိုက်ပါနဲ့ဦး။ ပစ်ခတ်တဲ့ အကြိမ်တိုင်းက အတော်လေးတုန်လှုပ်ချောက်ချားဖွယ် စွမ်းအားရှိတဲ့ စတုတ္ထအဆင့်မီးအစီအရင် ပေါက်ကွဲခြင်းနဲ့ ညီမျှတယ်။ အဲဒါကို အသုံးပြုဖို့ ကန့်သတ်ချက်တွေ မရှိပါဘူး၊ ဒါကြောင့် စစ်သားတွေက နည်းနည်း လေ့ကျင့်ထားသရွေ့ အဲဒါကို အသုံးပြုတဲ့ နည်းလမ်းကို ကောင်းကောင်း နားလည်နိုင်မှာပါ”

Frestech ကုန်သည်ကြီးများအသင်း၏ ကပ္ပတိန် ဂါန်ဆောရွန် ၏ မိတ်ဆက်ခြင်းကို ကြားသောအခါ နယ်စားဝင်းနက်စ်၏ မျက်လုံးများ တောက်ပလာသည်။ မှော်အမြောက်၏ တောက်ပြောင်ပြီး ချောမွေ့သော စည်ကို ထိရန် သူ့လက်ကို မဆန့်ထုတ်မိဘဲ‌ မနေနိုင်ပေ။ ထိုအခါ သူ့လက်မှ အလွန်ချောမွေ့ပြီး သက်တောင့်သက်သာရှိသော ခံစားမှုတစ်ခုထွက်ပေါ်လာသည်။

"ကောင်းတယ် အရမ်းကောင်းတယ်! ဒီအရာက တကယ်ကို မဆိုးပါဘူး။” နယ်စားဝင်းနက်စ်က ဂါန်ဆောရွန် ကို ချီးကျူးလာသည်၊၊ “ကပ္ပတိန် ဆောရွန်၊ ခင်ဗျားတို့ရဲ့ Frestech ကုန်သည်ကြီးများအသင်းက ဒီမှော်အမြောက်နည်းပညာကို ကျုပ်တို့ဆီ လွှဲပြောင်းပေးဖို့ ဆန္ဒရှိတော့မှာလား။"

ဂါန်ဆောရွန် က ခပ်ဖျော့ဖျော့ပြုံးပြသည် “ဒီကိစ္စအတွက် ကျုပ်တို့ Frestech ကုန်သည်ကြီးများအသင်းက ခင်ဗျားနိုင်ငံကို မှော်စက်လုပ်ငန်းအတွက် အဆင့်သတ်မှတ်ချက်စာရင်း ပေးအပ်ထားပြီးပါပြီ။ မှော်အမြောက်တွေ တည်ဆောက်ဖို့အတွက် စတုတ္ထအဆင့် မှော်စက်လုပ်ငန်းသတ်မှတ်ချက်ကို အနည်းဆုံးရှိထားရမှာပါ မဟုတ်ရင် ဒီလိုအပ်ချက်နဲ့ မပြည့်မီတော့ပါဘူး။"

"ဟုတ်လား?" ၎င်းကို သူသိပြီးသားဖြစ်သော်လည်း အဖြေကို ကြားလိုက်သည်နှင့် နယ်စားဝင်းနက်စ် နည်းနည်းတော့ စိတ်ပျက်သွား၏။ မှော်အမြောက်ကို အချိန်အနည်းငယ်ကြာကြာထိပြီးနောက် သူက မေးသည် ။ "ခင်ဗျား ကျုပ်တို့ကို ဒီနည်းပညာကို မပေးနိုင်ရင် အနည်းဆုံး ကျုပ်တို့ကို ပိုအဆင့်မြင့်တဲ့ စစ်ဘက်ဆိုင်ရာ မှော်စက်တွေ ရောင်းပေးနိုင်မလား?"

ဂါန်ဆောရွန် က ခေါင်းခါပြီး “မြို့စားကြီး ဒီအကြံကို စွန့်လွှတ်ဖို့ တိုက်တွန်းပါတယ်။ ကျုပ်တို့း ကုမ္ပဏီမှာ စစ်တပ်မှော်စက်တွေအတွက် တင်းကြပ်ထားတဲ့ စည်းမျဉ်းတွေရှိတယ်။ ဒီအသုတ်ရဲ့ စစ်ဘက်သုဲး မှော်စက်တွေကို ဒီတစ်ကြိမ် ရောင်းချရခြင်း အကြောင်းရင်းက ခင်ဗျားတို့နိုင်ငံဟာ ဒုတိယအဆင့်ကို ပထမဆုံးရခဲ့တဲ့ နိုင်ငံဖြစ်ဝာာကြောင့်၊ ယအထူး ထောက်ပံ့မှုနည်းနည်းပေးတာပါ။… ဆဋ္ဌမအဆင့် မှော်စက်လုပ်ငန်းမှာ ရှိနိုင်တဲ့ အရာတစ်ခုကိုလိုချင်ရင် ခင်ဗျားတို့နိုင်ငံက နည်းနည်း ကြိုးစားဖို့ လိုသေးတယ်။"

နယ်စားဝင်းနက်စ်သည် သက်ပြင်းရှည်ကြီးမချမီ အနည်းငယ် ငြိမ်သက်နေခဲ့သည်။ သူသည် ဂါန်ဆောရွန် ထံသို့ လက်ကို ဆန့်ထုတ်လိုက်ပြီး "ကောင်းပြီ၊ ဒါဆို ကျုပ်တို့ရထားတဲ့ အရာကို အရင်ပေးပါ"ဟု ဆိုလိုက်၏။

***

မှော်စက်မှုအင်ပါယာ

Vol 6, အခန်း ၁၅၀။ အနားမရသော ဝင်းနက်စ်နယ်မြေ

နယ်စားဝင်းနက်စ်ပြောခဲ့သည့် ‘ကျုပ်တို့ ရရှိခဲ့သော အရာ’ဟူသည်မှာ Frestech ကုန်သည်ကြီးများအသင်းမှ ဝင်းနက်စ်နယ်မြေကို လွှဲပြောင်းပေးမည့် စစ်ဘက်သုံးမှော်စက်ကို ရည်ညွှန်းပြီး ၎င်းတို့အနေဖြင့် ဒုတိယအဆင့်မှော်စက်မှုနယ်ပယ်အဆင့်သို့ ရောက်သည်နှင့် ချက်ချင်းရနိုင်မည်ပင်။

သုတေသနအပြင် Frestech ကုန်သည်ကြီးများအသင်းမှာ ဝင်းနက်စ်နယ်မြေသို့ ဤသုတေသနပစ္စည်းများကို အသုံးပြုရာ၌ ကူညီရန် နည်းပညာဝန်ထမ်းအချို့ကိုလည်း ပို့ပေးပြီး စစ်ဘက်သုံးမှော်စက်များကို အမှီအခိုကင်းကင်း ထုတ်လုပ်ခွင့်ပေးမည်ဖြစ်၏။

မှန်ပါ၏၊ ဝင်းနက်စ်နယ်မြေ၏လက်ရှိ မှော်စက်မှုနယ်ပယ်ကြောင့် ၎င်းတို့မှာ မှော်ထပ်ဆင့်လေးနှင့် အသေးစားမှော်အမြောက်များကဲ့သို့ အဆင့်နိမ့် စစ်ဘက်သုံးမှော်စက်များကို အများဆုံးပြုလုပ်နိုင်လိမ့်မည်။

ဂါန်ဆောရွန် ယခုပြောခဲ့သည်က လုံးဝမမှားပေ။ Frestech ကုန်သည်ကြီးများအသင်းက ဝင်းနက်စ်နယ်မြေထံ မှော်အမြောက်ကြီးကဲ့သို့ အဆင့်မြင့် စစ်ဘက်သုံးမှော်စက်နည်းပညာကို ပေးခဲ့ပါလျှင် နားလည်နိုင်ကြမည်မဟုတ်ချေ။

ပြောရလျှင် ၎င်းတို့က အခြေခံအကျဆုံးအုတ်မြစ်ကိုသာ နားလည်နိုင်ရုံဖြစ်သဖြင့် မှော်အမြောက်ကြီးများကို ထုတ်လုပ်နိုင်သည့် အဆင့်ကို ရောက်ရန် ဝေးကွာလှသေးသည်။

မည်သည်ကိုမှ မဆိုထားနှင့် ဝင်းနက်စ်နယ်မြေတွင် ကျွမ်းကျင် ထုတ်လုပ်ရေးမှော်စက်အလုပ်သမားများပင် အလုံအလောက်မရှိပေ။

ထို့ကြောင့် Frestech ကုန်သည်ကြီးများအသင်း၏ သင်္ဘောစုမှာ ဤနေရာသို့ အခြားတာဝန်တစ်ခုဖြင့် ရောက်လာရသည်။ ဝင်းနက်စ်နယ်မြေနှင့် အတူ အလုပ်လုပ်ကိုင်ခြင်းဖြင့် ၎င်းတို့မှာ ဝင်းနက်စ်နယ်မြေတွင် မှော်စက်လေ့ကျင့်လေးသင်တန်း‌ကျောင်းကို ဖွင့်လှစ်၍ တတ်နိုင်သမျှ မြန်မြန် ကျွမ်းကျင်အလုပ်သမားများအဖြစ် လေ့ကျင့်ရေးပေးဖို့ ကူညီမည်ဖြစ်သည်။

မှန်ပါ၏၏၊ ဤစံနှုန်းများကို Frestech ကုန်သည်ကြီးများအသင်းက ရေးဆွဲထားခဲ့သည်။

အတိအကျ‌ပြောရသော် စစ်ဘက်သုံးမှော်စက်တစ်ခုစီထက်၌ ဝက်အူရစ်များစွာရှိပြီး ၎င်းတို့မှာ Frestech ကုန်သည်ကြီးများအသင်း၏ စံနှုန်းများကို လိုက်နာထားသည်ပင်။

ဤသည်မှာ ပူးပေါင်းရေးစာချုပ် ရေးဆွဲကတည်းက ရှုယီ သေချာဖော်ပြခဲ့သော အရာဖြစ်ပါ၏။

အရည်အသွေးမြင့်စက်မှုစနစ်တစ်ခုအတွက် အကြီးမားဆုံးပြဿနာမှာ စံနှုန်းတစ်ခုမှ မရှိခြင်းပင်၊ အဘယ့်ကြောင့်ဆိုသော် ၎င်းက လူအင်အားနှင့် ရင်းမြစ်များ ပိုမိုဖြုန်းတီးရာကျသော ပြဿနာများစွာကို ဖန်တီးမည့် သဟဇာတမဖြစ်ခြင်းများသို့ ဦးတည်‌တတ်သောကြောင့်ဖြစ်ပါ၏။

ကမ္ဘောမြေကြီးတွင် ရှုယီမှာ မတူညီသောစံနှုန်းများကြောင့် အတော်လေး ခံစားခဲ့ရသော်လည်း သူ့အနေနှင့် ကမ္ဘာပေါ်၌ တည်ရှိပြီးသား စက်မှုစနစ်ကို မပြောင်းလဲနိုင်ခဲ့ချေ။ စိုင်စ်နယ်မြေကြီးတွင်မူ သူကသာ မှော်စက်မှုနယ်ပယ်၏ တစ်ဦးတည်းသော ခေါင်းဆောင်ဖြစ်သဖြင့် ဤစံနှုန်းများကို သူသတ်မှတ်နိုင်ပါ၏။

သို့မဟုတ် Frestech ကုန်သည်ကြီးများအသင်းတွင် လုံလောက်သည့် လွှမ်းမိုးမှုမရှိခဲ့စဉ်က ၎င်းမှာ ရှုယီအတွက် အင်မတန်အရေးပါလှသော ကိစ္စဖြစ်ခဲ့ပြီး ၎င်းအတိုင်းအတာကို အတင်းအကြပ်မသတ်မှတ်နိုင်ခဲ့ပေ။ ၎င်းတို့၏ ကိုယ်ပိုင်စံနှုန်းကို ဖန်တီးနိုင်မည်ဟု ထင်ကြသည့် မှော်စက်ကုမ္ပဏီများစွာပင် ရှိလေသည်။

သို့သော် လက်ရှိ Frestech ကုန်သည်ကြီးများအသင်း၏ လွှမ်းမိုးမှုအား မယှဉ်နိုင်ကြရာ ရှုယီမှာ သဘာဝကျကျပင် ဤတူညီသည့်စံနှုန်းကို အကောင်အထည်ဖော်နိုင်ခဲ့သည်။

အထူးသဖြင့် ဝင်းနက်စ်နယ်မြေကဲ့သို့ Frestech ကုန်သည်ကြီးများအသင်းနှင့် အတူ အလုပ်လုပ်ကိုင်နေသည့် နိုင်ငံငယ်လေးတစ်ခုအတွက် ရှုယီမှာ ၎င်းတို့၏ ပြည်တွင်းမှော်စက်မှုနယ်ပယ်ကို မတူညီသည့်ပုံစံဖြင့် ဖွံ့ဖြိုးခွင့်ပြုမည်မဟုတ်ပေ။

သူ ချမှတ်ထားသည့် စံနှုန်းများမှာ အကောင်းဆုံးမဟုတ်ပါလျှင်တောင် စံနှုန်းတစ်ခုရှိနေသရွေ့ အနာဂတ်၌ စိစစ်တည်းဖြတ်ဖို့ လွယ်ကူသည်။

ဝင်းနက်စ်နယ်မြေအတွက် Frestech ကုန်သည်ကြီးများအသင်း၏ အခြေအနေများမှာ တင်းကြပ်ပြီး လိုက်လျောညီထွေမဖြစ်ပါလျှင်တောင် ၎င်းတို့လို မှော်စက်မှုနယ်ပယ်အသစ်ကို တည်ထောင်သည့် နိုင်ငံ တစ်နိုင်ငံအတွက် Frestech ကုန်သည်ကြီးများအသင်းမှာ ပိုမိုတင်းကြပ်သော တောင်းဆိုမှုများကို တောင်းဆိုရန် ပိုအဆင်ပြေသည်။ ၎င်းမှာ အားစိုက်ထုတ်မှုများစွာကို သက်သာစေသောကြောင့်ပင်။

မှန်ပါ၏၊ ဝင်းနက်စ်နယ်မြေက ဤမျှစိတ်အားထက်သန်ပြီး ၎င်းတို့၏ မှော်စက်မှုနယ်ပယ်တိုးတက်ခြင်းတွင် Frestech ကုန်သည်ကြီးများအသင်း၏ လမ်းညွှန်မှုကို တလေးတစားလိုက်နာကြခြင်းမှာ ၎င်းကနေ ရရှိလာမည့် အကျိုးအမြတ်များကြောင့်သာမကပေ။ အဓိကအကြောင်းအရင်းမှာ စစ်ဘက်သုံးမှော်စက်များကြောင့်ဖြစ်သည်။

Frestech ကုန်သည်ကြီးများအသင်းထံမှ အဆင့်မြင့် စစ်ဘက်သုံးမှော်စက်များကို ရရှိပြီးနောက် နယ်စားဝင်းနက်စ်မှာ ချက်ချင်းပင် အနှီအဆင့်မြင့် စစ်ဘက်သုံးမှော်စက်များကို Frestech ကုန်သည်ကြီးများအသင်းမှ စေလွှတ်လိုက်သော နည်းပညာဝန်ထမ်းများ၏ အကူအညီဖြင့် ဝင်းနက်စ်နယ်မြေ၏ အစောင့်များထံသို့ ပို့ခဲ့သည်။

ထို့နောက်တွင် Frestech ကုန်သည်ကြီးများအသင်းထံမှ ၎င်းတို့ ယူဆောင်လာသော မှော်ထပ်ဆင့်လေးများနှင့် အသေးစားမှော်‌အမြောက်များကြောင့် ဝင်းနက်စ်နယ်မြေ၏အစောင့်များမှာ တိုက်ပွဲအင်အားတိုးလာခဲ့သည်။

တိုက်ပွဲအင်အား တိုးတက်လာသည့် ဝင်းနက်စ်နယ်မြေမှာ မြန်ဆန်စွာပင် အနားမရဖြစ်လာ၏။

နွေဦးလေပြေညင်းက ဝင်းနက်စ်နယ်မြေ၏ တစ်လက်မစီတိုင်းကို ဖြတ်သန်း‌သွားချိန်တွင် ထိုမျှ မကျယ်ပြောလှသည့် ဤမြေမှာ လူတိုင်း စိတ်ဝင်စားလာနိုင်သည့် အစိမ်းရောင်အရိပ်အယောင်တစ်ခုရှိလာသည်။ ဝင်းနက်စ်နယ်မြေမှာ ရုတ်တရတ် ၎င်းတို့၏ အရှေ့မြောက်နယ်စပ်ရှိ ဆာမာရန့်ထ်နယ်မြေဟူသည့် အခြားနယ်မြေကို တိုက်ခိုက်ခဲ့သည်။

ဝင်းနက်စ်နယ်မြေမှာ ဓားများ၊ လေးများ အသုံးပြုနေဆဲ ဆာမာရန့်ထ်နယ်မြေ၏ စစ်တပ်ထက် များစွာ သာလွန်နေသော စစ်ဘက်သုံးမှော်စက်များ တပ်ဆင်ထားသည်ပင်။ တစ်ပတ်အတွင်းတွင် ၎င်းတို့မှာ ဆာမာရန့်ထ်နယ်မြေရှိ ကာကွယ်ရေးတပ်အားလုံးကို သုတ်သင်ကာ နယ်စားဆာမာရန့်ထ်နှင့် ၎င်း၏ အိမ်တော်ရှိ နောက်ဆုံးသစ္စာခံအချို့ကိုပါ ကိုင်တွယ်ခဲ့သည်။

ဆာမာရန့်ထ်နယ်မြေမှာ ပျက်သုန်းသွားခဲ့သည်။

တစ်ချိန်တည်းမှာပင် ဆာမာရန့်နယ်မြေ အရှေ့ပိုင်းရှိ ကီလိုမီတာ တစ်ထောင်ပတ်လည်ဝေးကွာသော နော့ဇ်ဒိုမူစီးပွားရေးသမဂ္ဂနိုင်ငံမှာ ကာကီနယ်မြေကို သိမ်းယူပြီးနောက် ပို၍ပင် မြောက်ပိုင်းကျသော တာမစ်ဇ်နိုင်ငံကို စတင် တိုက်ခိုက်ခဲ့သည်။

ကာကီနယ်မြေကို ရှင်းထုတ်ရန် သုံးရက်သာကြာခဲ့သည်နှင့် ယှဉ်ပါက ဤတစ်ကြိမ်၌ နော့ဇ်ဒိုမူစီးပွားရေးသမဂ္ဂနိုင်ငံမှာ နိုင်ငံတစ်နိုင်ငံကို တိုက်ခိုက်ရန် ရွေးချယ်ခဲ့သဖြင့် သဘာဝကျကျပင် ပို၍ပင် ကြာညောင်းစေခဲ့၏။

သို့သော်လည်း နော့ဇ်ဒိုမူစီးပွားရေးသမဂ္ဂနိုင်ငံမှာ တာမစ်ဇ်နိုင်ငံကို ဖျက်စီးချိန်တွင် ၎င်းတို့၏ စစ်သည်များကို စေလွှတ်ခဲ့ကာ နှစ်ဆယ့်သုံးရက်သာကြာခဲ့သည်။

ထိုသတင်း ပျံ့နှံ့သွားချိန်တွင် ဆာမာရန့်နယ်မြေကို ဖျက်သိမ်းဖို့ တစ်ပတ်သာကြာခဲ့သည့် ဝင်းနက်စ်နယ်မြေထက် ပိုမိုကြီးမားသော အုံကြွခြင်းကို ဖြစ်ပေါ်စေခဲ့သည်။

တာမစ်ဇ်နိုင်ငံအား အရှေ့တောင်နိုင်ငံများအကြား၌ ထိုမျှသန်မာသည်ဟု မယူဆနိုင်ပါသော်လည်း အဆုံး၌ နိုင်ငံတစ်ခုဖြစ်နေရာ နယ်မြေတစ်ခုနှင့် အတိုင်းအတာခြင်းတူမနေပါပေ။

နော့ဇ်ဒိုမူစီးပွားရေးသမဂ္ဂနိုင်ငံမှာ ကာကီနယ်မြေကို အလွယ်တကူ ဖျက်သိမ်းနိုင်ခဲ့ခြင်းက ထူးဆန်းသည့်အရာမဟုတ်သော်လည်း တာမစ်ဇ်နိုင်ငံကို အလွယ်လေးဖျက်သိမ်းနိုင်ခဲ့ခြင်းက ထိတ်လန့်ဖွယ်ပင်။

ပြောရလျှင် နော့ဇ်ဒိုမူစီးပွားရေးသမဂ္ဂနိုင်ငံမှာ ထူးဆန်းသည့် ဖွဲ့စည်းပုံနှင့် နိုင်ငံတစ်ခုဖြစ်သဖြင့် အရှေ့တောင်နိုင်ငံများ၏ ပြည်သူများမှာ ၎င်းတို့က ထိုမျှ အားကောင်းမည်ဟု ထင်မထားကြပါချေ။

ထိုကုန်သည်များထံ၌ ပိုက်ဆံများရှိလောက်သော်လည်း ထိုထူးဆန်းသည့်နိုင်ငံအတွက် ကုန်သည်များ၏ အကျင့်စရိုက်နှင့် ၎င်းတို့ကိုယ်တိုင် ဗဟိုချုပ်ကိုင်ရန်ပင် မတတ်နိုင်သောကြောင့် အားကောင်းရန်မဖြစ်နိုင်ပေ။

အချက်အလက်များက နော့ဇ်ဒိုမူစီးပွားရေးသမဂ္ဂနိုင်ငံမှာ ၎င်းတို့ကိုယ်တိုင် ဗဟိုချုပ်ကိုင်မှု မရှိကြောင်း သက်သေပြခဲ့ပြီး၊ ကာကီနယ်မြေနှင့် တာမစ်ဇ်နယ်မြေတို့ကို ကိုင်တွယ်ရန် တပ်ဖွဲ့ဝင်များကို စေလွှတ်သည့် ကုမ္ပဏီ မျှသာ ဖြစ်သည် ဟူသော အချက်ကြောင့် ၎င်းမှာ တစ်နိုင်ငံလုံး ၎င်းတို့၏ တပ်များကို စည်းရုံးခြင်းနှင့် မတူညီ‌ပေ။

သို့ရာတွင် ၎င်းကတင် နော့ဇ်ဒိုမူစီးပွားရေးသမဂ္ဂနိုင်ငံ၏ အင်အားကို လူများအား ကြောက်ရွံ့စေဖို့လုံလောက်သည်။

ကုမ္ပဏီအနည်းစု၏ စစ်သည်များနှင့်တင် နိုင်ငံတစ်နိုင်ငံကို ဖျက်စီးနိုင်သည်ဆိုလျှင် ကုမ္ပဏီဆယ့်သုံးခုလုံးအတူဆိုပါက မည်မျှအထိ ကြောက်မက်ဖွယ်ကောင်းနေမည်နည်း?

အရှေ့တောင်ပိုင်းရှိ နိုင်ငံအားလုံးမှာ စတင်၍ ပူပန်လာကြသည်။

၎င်းမှာ ဝင်းနက်စ်နယ်မြေကို မကြောက်ရွံ့ပါသော်လည်း နော့ဇ်ဒိုမူစီးပွားရေးသမဂ္ဂနိုင်ငံကို အမှန်တကယ် ကြောက်ရွံ့ကြ၏။

နော့ဇ်ဒိုမူစီးပွားရေးသမဂ္ဂနိုင်ငံပြသခဲ့သော စစ်ဘက်အင်အားအပြင် ၎င်းတို့ကို ထောက်ပံ့နေသော အားကောင်းသည့် ဘဏ္ဍာငွေများကြောင့် ၎င်းတို့မှာ အခြားနိုင်ငံများကို ဆက်လက်ကျူးကျော်ဖို့ ဆုံးဖြတ်လိုက်ပါလျှင် ၎င်းတို့ကို ရပ်တန့်နိုင်မည့် နိုင်ငံတစ်နိုင်ငံမှမရှိပေ။

စိုင်စ်နယ်မြေကြီး၏ အရှေ့တောင်ထောင့်အား ငြိမ်းချမ်းသည်ဟု ယူဆနိုင်သော်လည်း ၎င်းမှာ ဝင်းနက်စ်နယ်မြေနှင့် နော့ဇ်ဒိုမူစီးပွားရေးသမဂ္ဂနိုင်ငံတို့၏ လုပ်ရပ်များကြောင့် ရုတ်တရတ် ပြင်းထန်လာတော့သည်။

သို့သော်လည်း လူများစွာက အဘယ့်ကြောင့် ထိုနိုင်ငံများမှာ ရုတ်တရတ် ဤမျှပြင်းထန်စွာ တိုက်ခိုက်လာသည်ကို ရှုပ်ထွေးနေကြ၏။

၎င်းမှာ Frestech ကုန်သည်ကြီးများအသင်းထံမှ စစ်ဘက်သုံးမှော်စက်ပမာဏကြီးတစ်ခု ရရှိသောကြောင့်သာ ဆိုပါလျှင် အဘယ့်ကြောင့် လှုပ်ရှားဖို့ ပိုအားကောင်းမလာခင်အထိ နည်းနည်းလောက် မစောင့်ခဲ့ရသနည်း?

အထူးသဖြင့် ဝင်းနက်စ်နယ်မြေမှာ သိသိသာသာပင် Frestech ကုန်သည်ကြီးများအသင်းနှင့် စတင်အလုပ်လုပ်ကိုင်နေရုံမျှဖြစ်ပြီး တစ်နှစ်ပင်မကုန်သေးသော်လည်း ၎င်းတို့မှာ အခြားနိုင်ငံများကို ကျူးကျော်ရန် စိတ်မရှည်ဖြစ်နေကြသည်။ သူတို့က တခြားနိုင်ငံတွေအနေနဲ့ အားကောင်းလာပြီး သူတို့ အင်အားကို မတည်ဆောက်ခင်နိုင်မှာတင် သူတို့ကို ဖျက်စီးလာနိုင်လို့များလား?

မည်သို့ဖြစ်ဖြစ် Frestech ကုန်သည်ကြီးများအသင်းနှင့် ဝင်းနက်စ်နယ်မြေတို့ လက်မှတ်ရေးထိုးခဲ့သော ဗျူဟာမြောက်စာချုပ်များတွင် အခြားနိုင်ငံများနှင့် စစ်ဖြစ်ခြင်းကို ထောက်ပံ့မည်ဟု ဘယ်တုန်းကမှ မဖော်ပြခဲ့ပေ။

ထို့အပြင် Frestech ကုန်သည်ကြီးများအသင်းက ၎င်းတို့ကို ထောက်ပံ့လိုပါလျှင်တောင် ကီလိုမီတာထောင်ချီအဝေးရှိ ၎င်းတို့၏ အခြေစိုက်ရုံးများကြောင့် မည်သို့များ ထောက်ပံ့နိုင်ပါမည်နည်း?

"ကျစ် ငတုံးတွေပဲ။ သူတို့ကတကယ်ကြီး ကီလိုမီတာထောင်ချီဝေးနေလို့ မကူညီနိုင်ဘူး ထင်ကြတယ်လား?"

ဂါန်ဆောရွန်မှာ သူ့လက်ထဲရှိ စာရွက်အချို့ကိုမှ သတင်းများကိုကြည့်ပြီး မျက်လုံးထဲ အထင်အမြင်သေးမှုများပြည့်သွားသည်။

ဤသည်မှာ ဝင်းနက်စ်နယ်မြေသို့ ကုန်စည်များပို့ဆောင်သည့် တတိယမြောက်အကြိမ်ဖြစ်သည်။ သူဟာ ဝင်းနက်စ်နယ်မြေ၌ သုံးရက်ကြာသာ နေခဲ့ပြီး ထိုမျှများပြားလှသော သတင်းများကို ရခဲ့ပြီးသားပင်။

၎င်း၌ ဝင်းနက်စ်နယ်မြေက ဆာမာရန့်ထ်နယ်မြေကိုကျူးကျော်ပြီးနောက် မတူညီသော အာဏာရှင်များစွာ၏ တုံ့ပြန်မှုများပါဝင်သည်။

နံဘေးရှိ သူ၏ ဒုကပ္ပတိန် ကွင်စီ ရာဖာအဲ မှာ အပြုံးဖြင့်ခေါင်းခါလိုက်သည်။

"တခြားနည်းမရှိဘူးလေ၊ အခု ကျုပ်တို့ကုမ္ပဏီမှာ ဘယ်လျုအင်အားမျိုးရှိတယ်ဆိုတာကို တောသားတွေနားလည်ဖို့လည်း မျှော်လင့်လို့မရနိုင်ဘူး။ ဒါပေါ့ သူတို့ ဒီလိုထင်နေတာ မထူးဆန်းပါဘူး။ ကျုပ်တို့ ကုမ္ပဏီက ထောက်ပံ့ချင်ရင်တောင် ကီလိုမီတာထောင်ချီအကွာအဝေးကြောင့် ခက်မှာပဲ။ ပြီးတော့ ဝင်းနက်စ်နယ်မြေက ဒီလောက် ရုတ်တရတ်ကြီးတိုက်ခိုက်တာဆိုတော့ ဥက္ကဌက သေချာပေါက် မပျော်မရွှင်ဖြစ်ပြီး သူ ကူညီမယ် မကူညီဘူးဆိုတာက ပြဿနာ ဖြစ်လာမှာပဲ။"

"ဘာလို့ ဥက္ကဌက မပျော်မရွှင်ဖြစ်မှာလဲ? ကျုပ်သာဆိုရင် ဥက္ကဌက ဒါကို သိပြီးတဲ့အခါ အရမ်းပျော်နေမှာပဲ။"

"ဘာလို့လဲ?" ကွင်စီ ရာဖာအဲမှာ တအံ့တဩမေးမြန်းလိုက်သည်၊ "ဝင်းနက်စ်နယ်မြေမှာ သူတို့ မှော်စက်နယ်မြေကို တိုးတက်အောင်လုပ်ဖို့ ဂရုမစိုက်ဘဲ တခြားနိုင်ငံတွေကို ကျူးကျော်ဖို့ အလျင်လိုနေတာဆိုတော့ ဥက္ကဌက လုံးဝ သ‌ဘောကျမှာ မဟုတ်ဘူးလေ။"

"သေချာကြည့်,ကြည့်...." ဂါန်ဆောရွန်က စားပွဲထက်ရှိ ဖြန့်ထားသော မြေပုံကို ထိလိုက်သည်၊ "ဝင်းနက်စ်နယ်မြေက ဒီတစ်ခေါက် သူတို့ ပစ်မှတ်ကို သေချာရွေးချယ်ထားတာ သတိမထားမိဘူးလား? ဒီ ဆာမာရန့်ထ်နယ်မြေက ဝင်းနက်စ်နယ်မြေထက် ပိုသေးပြီး အပြင်ပန်းမှာ ဆင်းရဲတဲ့နယ်မြေပုံစံပေါက်နေပေမယ့် သေချာကြည့်ရင် သူတို့က တန်ဖိုးအတော်ရှိတာ တွေ့ရလိမ့်မယ်။"